ISSN 1725-5198 doi:10.3000/17255198.C_2010.143.mlt |
||
Il-Ġurnal Uffiċjali tal-Unjoni Ewropea |
C 143 |
|
Edizzjoni bil-Malti |
Informazzjoni u Avviżi |
Volum 53 |
Avviż Nru |
Werrej |
Paġna |
|
I Riżoluzzjonijiet, rakkomandazzjonijiet u opinjonijiet |
|
|
OPINJONIJIET |
|
|
Il-Kunsill |
|
2010/C 143/01 |
Opinjoni tal-Kunsill dwar il-programm ta' stabbiltà aġġornat tal-Belġju, 2009-2012 |
|
2010/C 143/02 |
Opinjoni tal-Kunsill dwar il-programm ta' konverġenza aġġornat tal-Litwanja, 2009-2012 |
|
2010/C 143/03 |
Opinjoni tal-Kunsill dwar il-programm ta' stabbiltà aġġornat tal-Lussemburgu, 2009-2014 |
|
2010/C 143/04 |
Opinjoni tal-Kunsill dwar il-programm ta’ konverġenza aġġornat tal-Polonja, 2009-2012 |
|
|
II Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2010/C 143/05 |
Awtorizzazzjoni għal għajnuna mill-Istat skont l-Artikoli 107 u 108 tat-TFUE – Każijiet fejn il-Kummissjoni ma toġġezzjonax ( 1 ) |
|
2010/C 143/06 |
Ebda oppożizzjoni għal konċentrazzjoni notifikata (Każ COMP/M.5874 – Barclays/Blackstone/Portfolio Hotels) ( 1 ) |
|
2010/C 143/07 |
||
|
IV Avviżi |
|
|
AVVIŻI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2010/C 143/08 |
||
|
AVVIŻI MILL-ISTATI MEMBRI |
|
2010/C 143/09 |
||
|
V Opinjonijiet |
|
|
PROĊEDURI GĦALL-IMPLIMENTAZZJONI TAL-POLITIKA KUMMERĊJALI KOMUNI |
|
|
Il-Kummissjoni Ewropea |
|
2010/C 143/10 |
||
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2010/C 143/11 |
Notifika minn qabel ta' konċentrazzjoni (Każ COMP/M.5818 – Ericsson/LG Electronics/JV) – Każ li jista' jiġi kkunsidrat għal proċedura simplifikata ( 1 ) |
|
2010/C 143/12 |
Notifika minn qabel ta' konċentrazzjoni (Każ COMP/M.5808 – JSA/Jacquet Metals/IMS) ( 1 ) |
|
|
|
|
(1) Test b’relevanza għaż-ŻEE |
MT |
|
I Riżoluzzjonijiet, rakkomandazzjonijiet u opinjonijiet
OPINJONIJIET
Il-Kunsill
2.6.2010 |
MT |
Il-Ġurnal Uffiċjali tal-Unjoni Ewropea |
C 143/1 |
OPINJONI TAL-KUNSILL
dwar il-programm ta' stabbiltà aġġornat tal-Belġju, 2009-2012
2010/C 143/01
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta' pożizzjonijiet ta' baġit u s-sorveljanza u l-koordinazzjoni ta' politika ekonomika (1), u b’mod partikolari l-Artikolu 5(3) tiegħu,
Wara li kkunsidra r-rakkomandazzjoni tal-Kummissjoni,
Wara li kkonsulta mal-Kumitat Ekonomiku u Finanzjarju,
TA DIN L-OPNJONI:
(1) |
Fis-26 ta' April 2010 l-Kunsill eżamina l-programm ta' stabbiltà aġġornat tal-Belġju, li jkopri l-perijodu 2009 sa 2012. |
(2) |
Il-waqgħa tal-kummerċ dinji flimkien mal-fiduċja li dejjem qiegħda tonqos, l-effetti fuq il-ġid u kundizzjonijiet ta’ kreditu aktar stretti wasslu għal tnaqqis qawwi tal-ekonomija tal-Belġju lejn l-aħħar tal-2008. Waqt li r-riċessjoni kienet ħażina ferm, kienet segwita minn qabża lura relattivament b'saħħitha fit-tieni nofs tal-2009, li kienet parzjalment ir-riżultat ta' fatturi temporanji, inkluż il-pakketti ta' stimulu (domestiċi u barranin) u kontribuzzjoni pożittiva mill-inventarji. Kurrenti kontinwi li ġejjin mir-ristrutturar tal-istituzzjonijiet finanzjarji u aktar żieda fil-qgħad flimkien ma' utilizzazzjoni baxxa tal-kapaċità huma mistennija li jerġgħu jnaqqsu r-ritmu tat-tkabbir fl-ewwel nofs tal-2010. Filwaqt li minħabba l-grad għoli ħafna ta' ftuħ tal-ekonomija Belġjana l-irkupru jkun jista' jibbenefika konsiderevolment mill-qabża lura tal-kummerċ dinji, il-miżura ta' dan l-istimulu tista' tkun limitata bħala riżultat tat-telf tal-kompetittività tal-kost tal-Belġju fis-snin riċenti. Ir-riċessjoni ser ikollu wkoll impatt negattiv sinifikanti fuq il-finanzi pubbliċi. L-iżbilanċ ġenerali tal-gvern mar għall-agħar minn 1,2 % tal-PDG fl-2008 għal 5,9 % tal-PDG fl-2009. Minbarra dan, filwaqt li l-proporzjon tad-dejn tal-gvern meta mqabbel mal-PDG naqas bejn l-2000 u l-2007 bis-saħħa ta' politiki fiskali ġeneralment prudenti, il-proporzjon beda jerġa' jiżdied fl-2008 bħala riżultat tal-interventi fis-settur finanzjarju (għal 97,9 % fl-2009). Fit-2 ta' Diċembru 2009 il-Kunsill iddeċieda li kien jeżisti żbilanċ eċċessiv fil-Belġju u ħareġ rakkomandazzjoni biex jikkoreġi l-iżbilanċ sal-2012 permezz ta' sforz fiskali annwali medju ta' 0,75 % tal-PDG. Id-deterjorazzjoni qawwija tal-finanzi pubbliċi flimkien mal-impatt baġitarju ogħla mill-medja tat-tixjiħ tal-popolazzjoni u obbligi kontinġenti sinifikanti b'segwitu tal-operazzjonijiet biex tiġi stabbilizzata s-sistema finanzjarja jissarfu bħala ħtieġa għal tisħiħ baġitarju kontinwu u riformi strutturali biex tiġi assigurata s-sostenibbiltà tal-finanzi pubbliċi fuq medda twila taż-żmien. |
(3) |
Għalkemm ħafna mit-tnaqqis osservat fil-PDG reali fil-kuntest tal-kriżi huwa ċikliku, il-livell ta' produzzjoni potenzjali ukoll ġie affettwat negattivament. B'żieda ma' dan, il-kriżi tista' taffettwa wkoll tkabbir potenzjali għall-perijodu medju permezz ta' investiment aktar baxx, limitazzjonijiet fid-disponibbiltà tal-kreditu u qgħad strutturali li jiżdied. Barra dan, l-impatt tal-kriżi ekonomika jaggrava l-effetti negattivi tat-tixjiħ demografiku fuq il-produzzjoni potenzjali u s-sostenibbiltà tal-finanzi pubbliċi. F'dan l-isfond ser ikun essenzjali li r-ritmu tar-riformi strutturali jiġi aċċellerat bl-għan li t-tkabbir potenzjali jiġi sostnut. B'mod partikolari, huwa importanti li l-Belġju jagħmel riformi li jtejbu l-kompetizzjoni, b'mod partikolari fl-industrija tan-netwerk, u li jżidu l-provvista tax-xogħol, inklużi riformi tas-suq tax-xogħol (fost l-oħrajn is-sistema tal-formazzjoni tal-pagi u l-inċentivi biex wieħed jibda jaħdem) u s-sistema tal-pensjoni. |
(4) |
Ix-xenarju makroekonomiku li fuqu huwa mibni l-programm jipprevedi li, wara tnaqqis ta' 3,1 % fl-2009, il-PDG reali ser jikber b'1,1 % fl-2010 u jaċċelera għal 1,7 % fl-2011 u sa jkompli jitla sa 2,2 % fl-2012. Skont il-previżjonijiet tas-servizzi tal-Kummissjoni tal-ħarifa 2009, it-tkabbir annwali fil-PDG huwa mistenni li jsir kemmxejn pożittiv fl-2010 (0,6 %) u li jiżdied għal 1,5 % fl-2011. Madankollu, dawn il-previżjonijiet jidhru li qegħdin kemxejn baxxi fid-dawl ta' tagħrif aktar riċenti, inkluż il-produzzjoni aħjar milli mistennija għat-tieni nofs tal-2009. Il-kompożizzjoni tat-tkabbir imbassra tidher li tagħti kemxejn aktar importanza lill-kontribuzzjoni tad-domanda domestika għat-tkabbir fl-2010, imma tidher realistika wara dan il-perijodu. Għaldaqstant, meta vvalutati fl-isfond tat-tagħrif attwalment disponibbli (2), l-assunzjonijiet dwar it-tkabbir tal-programm huma ġeneralment plawżibbli, filwaqt li l-kompożizzjoni tat-tkabbir hija favorevoli fl-2010. Il-previżjonijiet tal-programm għall-inflazzjoni jidher realistiku. Min-naħa l-oħra, is-suppożizzjonijiet dwar iż-żieda fil-pagi jidhru pjuttost għoljin peress li ż-żieda fit-tnaqqis tal-ispiża tal-pagi f’pajjiżi oħra tal-euro għandha tagħmel pressjoni biex jitnaqqsu l-pagi Belġjani fil-kuntest ta’ qgħad għoli. B'żieda ma' dan, iż-żieda mbassra fl-ispiża tal-pagi għal kull impjegat teċċedi konsiderevolment it-tkabbir imbassar fil-produttività. |
(5) |
Skont l-istima tal-programm l-iżbilanċ ġenerali tal-gvern fl-2009 kien 5,9 % tal-PDG. Id-deterjorazzjoni sinifikanti minn żbilanċ ta' 1,2 % tal-PDG fl-2008 tirrifletti fil-biċċa l-kbira l-impatt tal-kriżi fuq il-finanzi tal-gvern, iżda dan seħħ ukoll minħabba miżuri ta' stimulu li jammontaw għal 0,5 % tal-PDG li l-gvern adotta skont il-Pjan Ewropew ta' Rkupru Ekonomiku (PERE). Id-deterjorazzjoni tirrifletti l-aktar żieda fil-proporzjoni tan-nefqa meta mqabbla mal-PDG. Skont il-programm, il-politika fiskali hija ppjanata li ssir restrittiva fl-2010 u fl-2011 u b'mod aktar sinifikanti fl-2012, bl-għan li tikkoreġi l-iżbilanċ eċċessiv sal-2012 u terġa' twassal għal pożizzjoni ta' finanzi pubbliċi sostenibbli. B'mod ġenerali dan huwa f'konformità mal-istrateġija ta' ħruġ irrakkomandata mill-Kunsill, li tqis ukoll il-proporzjon ta' dejn pubbliku għoli meta mqabbel mal-PDG u l-impatt baġitarju tat-tixjiħ li huwa 'l fuq mill-medja. |
(6) |
Il-programm jimmira lejn żbilanċ ġenerali tal-gvern ta' 4,8 % tal-PDG fl-2010 li huwa f'konformità mar-rakkomandazzjoni tal-Kunsill skont l-Artikolu 126(7) tat-2 ta' Diċembru 2009. Il-baġit federali għall-2010 bassar żbilanċ ta' 5,6 % tal-PDG. Ir-reviżjoni 'l isfel tal-mira baġitarja għall-2010 tirrifletti l-prospetti makro-ekonomiċi l-aktar favorevoli fl-aġġornament (li l-iżbilanċ jitnaqqas b'madwar 0,3 % tal-PDG) kif ukoll il-fatt li l-baġit federali ma jqisx il-miżuri ta' konsolidazzoni ppjanati li jissarrfu f'0,5 % tal-PDG ta' livelli oħra ta' gvern. Skont l-aġġornament, il-proporzjon tad-dħul jiżdied minn 47,7 % tal-PDG fl-2009 għal 49,1 % fl-2010, filwaqt li l-proporzjon tan-nefqa jiżdied minn 53,7 % għal 53,9 % tal-PDG. L-iżbilanċ strutturali fil-programm (jiġifieri l-bilanċ nett aġġustat ċiklikament b'miżuri ta’ darba u miżuri temporanji oħra, ikkalkulat mill-ġdid mis-servizzi tal-Kummissjoni abbażi tal-tagħrif fil-programm skont il-metodoloġija bi qbil komuni) juri titjib minn 3,8 % tal-PDG fl-2009 għal 3,4 % tal-PDG fl-2010. Meta wieħed iqis li l-programm ikklassifika xi wħud mill-miżuri ta' stimulu temporanji fl-2009 (0,2 % tal-PDG) bħala miżuri ta' darba, l-aġġustament ġenerali jkun jammonta għal 0,5 % tal-PDG. It-titjib fil-bilanċ strutturali fl-2010 jirrifletti miżuri ta' konsolidazzjoni li jammontaw għal madwar 1 % tal-PDG. Dawn il-miżuri jinkludu żieda fit-taxxi fuq id-dħul personali fi Flanders, żieda fid-dazji tas-sisa, taxxi korporattivi ogħla, dħul mhux fiskali li ġej mis-settur bankarju u l-produtturi tal-enerġija nukleari, u t-tfaddil fuq il-konsum intermedju u l-kont tal-pagi. Dan iseħħ parzjalment minħabba xejra ta' żieda fin-nefqa bħala riżultat ta' miżuri li ttieħdu fil-passat u l-impatt baġitarju tat-tixjiħ tal-popolazzjoni (madwar 0,5 % tal-PDG). Ir-rwol ta' miżuri ta' darba huwa limitat ħafna (taħt l-0,1 % tal-PDG). |
(7) |
L-għan ewlieni tal-istrateġija baġitarja fuq medda medja ta' żmien huwa li jikkoreġi l-iżbilanċ eċċessiv sal-2012, b'konformità mar-rakkomandazzjoni tal-Kunsill skont l-Artikolu 126(7) tat-2 ta' Diċembru 2009 u biex jinkiseb baġit bilanċjat sal-2015, kemm fit-termini nominali kif ukoll dawk strutturali. Għal dan il-għan, il-programm jimmira titjib fl-iżbilanċ bażiku minn 5,9 % tal-PDG fl-2009 għal 4,8 % fl-2010, 4,1 % fl-2011 u 3 % fl-2012. Il-bilanċ primarju juri titjib kemxejn aktar b'saħħtu peress li n-nefqa bl-interessi hija ppjanata li tiżdied b'0,2 % tal-PDG matul il-perijodu tal-programm. L-iżbilanċ strutturali (ikkalkulat mill-ġdid abbażi tal-tagħrif fil-programm), jitjieb minn 3,8 % tal-PDG fl-2009 għal 3,4 % tal-PDG fl-2010, 2,9 % tal-PDG fl-2011 u 2,2 % tal-PDG fl-2012. Wara l-aġġustament li jammonta għal 0,5 % tal-PDG fl-2010, il-programm jippjana aġġustament ta' 0,5 % u 0,75 % tal-PDG fl-2011 u 2012 rispettivament, biex b'hekk jammonta għal medja ta' aktar minn 0,5 % tal-PDG fis-sena matul il-perijodu tal-programm. Dan hu pjuttost aktar baxx mill-isforz fiskali medju ta' 0,75 % tal-PDG irrakkomandat skont l-Artikolu 126(7), minħabba li l-pjan huwa bbażat fuq suppożizzjonijiet makroekonomiċi aħjar. L-aġġustament jidher li b'xi mod għadu lura u huwa bbażat aktar fuq żidiet fid-dħul milli fuq limitazzjoni tan-nefqa. L-aġġustament huwa msejjes fuq tnaqqis qawwi tal-iżbilanċ tal-gvern federali u tnaqqis iżgħar fl-iżbilanċi tas-sistema ta' sigurtà soċjali u r-Reġjuni u l-Komunitajiet. Il-gvern mhux qed jippjana miżuri ta' darba. Il-miżuri li jsostnu l-mira għall-2011 mhumiex kompletament speċifikati u l-ebda miżura ma ġiet speċifikata għall-2012. Il-programm jikkonferma l-impenn għall-objettiv għall-perijodu medju (MTO), li huwa bilanċ pożittiv baġitarju ta' 0,5 % tal-PDG f'termini strutturali. Minħabba l-previżjonijiet l-aktar reċenti u l-livell tad-dejn, l-MTO jirrifletti l-għanijiet tal-Patt; madankollu, il-programm ma jipprevedix li jikseb dan matul il-perijodu tal-programm. |
(8) |
Ir-riżultati baġitarji jistgħu jkunu agħar minn dawk imbassra fil-programm. Fl-2010, dan jista' jiġri minħabba stima żejda possibbli tat-taxxi korporattivi. Barra minn dan, il-miżuri li fuqhom huwa msejjes il-pjan baġitarju mhumiex kompletament speċifikati għall-2011 u l-ebda miżura ma ġiet speċifikata għall-2012. B'żieda ma' dan, ix-xenarju makroekonomiku kemmxejn favorevoli, bi previżjonijiet ta' żieda relattivament għolja fil-pagi, jista' jwassal għal riżultati baġitarji agħar milli mistennija. Fl-aħħar nett, il-gvern offra garanziji mdaqqsa lis-settur bankarju u dan jista’ jwassal għal żieda fl-iżbilanċi u d-dejn fil-ġejjieni b'tali manjiera li jiġu msejħa lura, għalkemm xi parti mill-ispiża tas-sostenn li l-gvern qed jagħti lis-settur finanzjarju tista’ wkoll tiġi rkuprata fil-ġejjieni. Finalment, il-kisba tal-miri u l-korrezzjoni tal-iżbilanċ eċċessiv sal-2012 jistgħu ma jinkisbux totalment peress li l-pjan għadu sa ċertu punt mhux prijoritarju u l-mira ta' 3 % tal-PDG fl-2012 ma jħalli l-ebda marġni, minħabba s-suċċess fit-tul ta' konformità mal-miri fiskali. |
(9) |
Id-dejn gross tal-Gvern huwa stmat għal 97,9 % tal-PDG fl-2009, ogħla minn 89,8 % fis-sena ta' qabel. Din iż-żieda hija spjegata miż-żieda qawwija fl-iżbilanċ u fit-tkabbir negattiv tal-PDG. Il-proporzjon tad-dejn gross tal-gvern, għaldaqstant, kien ogħla sew mill-valur ta' referenza tat-Trattat fl-2009, u skont il-programm ix-xejra hi li ser ikompli jiżdied sal-2011 (biex b'hekk jilħaq 101,4 % tal-PDG). Fl-2012 ser jonqos kemxejn għal 100,6 %. L-iżbilanċi għoljin kontinwi tal-gvern huma primarjament il-kawża taż-żieda ulterjuri. Fid-dawl tar-riskji negattivi għall-miri baġitarji, l-evoluzzjoni tal-proporzjon tad-dejn tista' tkun anqas favorevoli minn dik imbassra fil-programm, speċjalment mill-2011 'il quddiem. Ir-riskji relatati mal-ħtieġa possibbli għal aktar sostenn fis-settur finanzjarju jidhru li huma limitati fl-istadju attwali. |
(10) |
Il-previżjonijiet tad-dejn għall-perijodu medju li jassumi li r-rati tat-tkabbir tal-PDG ser jirkupraw gradwalment għall-valuri previsti qabel il-kriżi, li l-proporzjonijiet tat-taxxa ser jitreġġgħu lura għal-livelli ta' qabel il-kriżi, u jinkludi ż-żieda prevista fl-infieq relatat mat-tixjieħ juri li l-istrateġija baġitarja prevista fil-programm, meħuda b'valur nominali u mingħajr aktar tibdil fil-politika, ma tkunx biżżejjed biex tistabbilizza l-proporzjon tad-dejn mal-PDG sal-2020 u għaldaqstant il-konsolidazzjoni għandha tissokta wara l-perijodu tal-programm. |
(11) |
Jidher ċar li l-impatt baġitarju tat-tixjiħ għall-perijodu twil huwa ogħla mill-medja tal-UE, l-aktar b'riżultat ta' żieda relattivament għolja fin-nefqa tal-pensjonijiet bħala proporzjon tal-PDG tul id-deċenni li ġejjin. Il-pożizzjoni baġitarja fl-2009 kif ivvalutata fil-programm, tkompli tkabbar l-impatt baġitarju tat-tixjiħ tal-popolazzjoni fuq il-lakuna fis-sostenibbiltà. Li jiġu assigurati bilanċi pożittivi primarji għall-perijodu medju u li jsiru riformi fis-suq tax-xogħol u s-sistema ta' sigurtà soċjali, b'mod partikolari riforma oħra fil-pensjoni mmirata biex twaqqaf iż-żieda sostanzjali mbassra fin-nefqa tal-pensjoni, jikkontribwixxi biex jitnaqsu r-riskji għas-sostenibbiltà tal-finanzi pubbliċi li ġew ivvalutati fir-Rapport tas-Sostenibbiltà tal-Kummissjoni 2009 (3) bħala medji. |
(12) |
Il-qafas fiskali fil-Belġju jibbenefika mill-eżistenza ta' istituzzjonijiet fiskali indipendenti. Madankollu, ir-regoli fiskali numeriċi u l-oqsfa baġitarji għall-perijodu medju jidhru li huma dgħajfa, u dan wassal għal nuqqas ta' lħuq ta' miri frekwenti fil-passat. Il-programm iħabbar titjib, inkluż il-konklużjoni ta' ftehimiet baġitarji multiannwali fost il-gvernijiet, xi miżuri lejn baġitjar multiannwali fil-livell federali, eżerċizzji ta' kontroll baġitarju frekwenti u stretti u l-pjan biex tittejjeb is-sistema ta' rappurtaġġ tal-gvernijiet lokali. Minkejja dan, għad fadal x'jista' jsir biex jitjieb il-qafas fiskali. B'mod partikolari, ma jeżistux limitazzjonijiet fuq in-nefqa multiannwali li jistgħu jiġu infurzati. |
(13) |
Il-Belġju huwa kkonfrontat b'piż ta' taxxa għolja ħafna flimkien ma' livell għoli ta' nefqa tal-gvern. Il-gvern ħa diversi miżuri biex jirriforma s-sistema tat-taxxa, inkluż tnaqqis importanti fit-taxxi fuq il-pagi u sa livell inqas għall-intrapriżi. Minkejja dawn il-miżuri, is-suq tax-xogħol ikompli jinkludi, anki bħala riżultat tal-interazzjonijiet tiegħu mas-sistema ta' benefiċċji tal-qgħad, inattivita' sinifikanti, qgħad u vantaġġi apparenti relatati mal-paġi baxxi. F'kuntest ta' konsolidazzjoni baġitarja stretta, għandu jkun hemm kumpens sħiħ għal aktar tnaqqis fit-taxxi tal-ħaddiema. Min-naħa tan-nefqa, it-tkabbir fin-nefqa primarja kien akbar mit-tkabbir nominali tal-PDG matul il-perijodu 2000-2009. Ir-riforma ppjanata tas-sistema tal-pensjoni huwa pass milqugħ tajjeb li jista' jwassal għal impatt pożittiv sinifikanti fuq il-baġit u t-tkabbir potenzjali. |
(14) |
B'mod ġenerali, fl-2010 l-istrateġija baġitarja stipulata fil-programm hija konsistenti mar-rakkomandazzjonijiet tal-Kunsill skont l-Artikolu 126(7). Mill-2011 'il quddiem, filwaqt li jiġu meqjusa r-riskji, l-istrateġija baġitarja tista' ma tkunx konsistenti b'mod sħiħ mar-rakkomandazzjoni tal-Kunsill skont l-Artikolu 126(7). B'mod partikolari, il-miżuri li fuqhom ġiet imfassla l-mira għall-2011 mhumiex kompletament speċifikati u m'hemm l-ebda miżura speċifikata għall-2012. Ix-xenarju makroekonomiku pjuttost ottimist flimkien mal-isforz fiskali annwali kemxejn iżgħar minn dak irrakkomandat, jikkostitwixxi riskju ieħor għas-snin li ġejjin. L-istrateġija li tqis ir-riskji tista' ma tkunx biżżejjed biex iġġib il-proporzjon tad-dejn gross tal-gvern lura b'mod li jqarreb il-valur ta' referenza b'pass sodisfaċenti. Għaldaqstant, l-istrateġija għandha bżonn tkun appoġġata minn miżuri kompletament speċifikati mill-2011 'il quddiem u jeħtieġ li miżuri addizzjonali jiġu kkunsidrati biex jassiguraw il-kisba ta' miri jekk jimmaterjalizzaw ir-riskji. Dan jgħin ukoll fid-dawl tal-proporzjon tad-dejn pubbliku għoli tal-Belġju meta mqabbel mal-PDG, in-nefqa baġitarja marbuta mat-tixjiħ li hija ogħla mill-medja, u r-responsabbilitajiet konsiderevolment kontinġenti tal-gvern fid-dawl tal-garanziji pprovduti lis-settur finanzjarju. |
(15) |
Fir-rigward tar-rekwiżiti tad-data speċifikati fil-kodiċi tal-imġiba għal programmi ta' stabbiltà u konverġenza, il-programm fih xi lakuni limitati fid-data meħtieġa u xi lakuni fid-data mhux obbligatorja (4). Fir-rakkomandazzjonijiet tiegħu skont l-Artikolu 126(7) tat-2 ta' Diċembru 2009 bl-għan li jġib fit-tmiem is-sitwazzjoni ta' żbilanċ eċċessiv, il-Kunsill stieden ukoll lill-Belġju biex jirrapporta l-progress li sar fl-implimentazzjoni tar-rakkomandazzjonijiet tal-Kunsill f'kapitolu separat fl-aġġornamenti tal-programmi ta' stabbilità. Il-Belġju mexa ma' din ir-rakkomandazzjoni permezz tal-kumplament tal-aġġornament tal-programm. |
Il-konklużjoni ġenerali hi, li wara t-tkabbir tal-2009 b'konformità mal-PERE, il-pożizzjoni baġitarja ssir ristretta fl-2010 u fl-2011 u aktar minn hekk b'mod sinifikanti fl-2012. Minn dak li jidher, dan għandu jwassal għal korrezzjoni tal-iżbilanċ eċċessiv sal-2012, b'konformità mar-rakkomandazzjoni tat-2 ta' Diċembru 2009 skont l-Artikolu 126(7) tat-TFEU. Il-proporzjon tad-dejn gross tal-gvern meta mqabbel mal-PDG, li reġa’ żdied fl-2008 bħala riżultat tal-miżuri meħuda biex jistabbilizzaw is-sistema finanzjarja, ser jissokta jiżdied fl-2011 u jerġa' jibda jonqos fl-2012. Dan iwassal biex jerġa' jibda jitnaqqas id-dejn. Madankollu, il-pjan baġitarju huwa soġġett għal xi riskji negattivi. Fl-2010, stimi ta' taxxi potenzjalment ottimistiċi jistgħu jwasslu għal xi żbilanċ ogħla u jistgħu jappellaw għal miżuri addizzjonali li għandhom jittieħdu fil-kuntest tal-eżerċizzji ta' kontroll baġitarju mbassra. Mill-2011 'il quddiem, ir-riskju ewlieni jirrilata mal-fatt li l-miżuri ta' sostenn tal-mira għall-2011 huma biss parzjalment speċifikati u li m'hemm l-ebda miżura speċifikata għall-2012. B'żieda ma' dan, is-suppożizzjonijiet makroekonomiċi kemxejn favorevoli flimkien ma' sforz fiskali annwali medju li hu kemxejn taħt 0,75 % tal-PDG irrakkomandat mill-Kunsill, huma ta' aktar riskji negattivi għall-miri. Il-gvern Belġjan madankollu huwa impenjat li fil-programm jieħu l-miżuri eċċezzjonali neċessarji jekk it-tkabbir ekonomiku ma jkunx biżżejjed biex jikseb it-3 % tal-mira tal-iżbilanċ tal-PDG fl-2012, li jista' verament ikun meħtieġ. L-aġġustament jista' wkoll jibbenefika minn konċentrazzjoni akbar fuq il-limitazzjoni tan-nefqa. Finalment,filwaqt li l-programm iħabbar titjib fil-qafas fiskali, hemm bżonn ta' aktar x'isir biex l-isforz ta' konsolidazzjoni jkun sostnut, b'mod partikolari fir-rigward tal-introduzzjoni ta' limiti ta’ nfiq multiannwali li jistgħu jiġu infurzati.
Fid-dawl tal-valutazzjoni t'hawn fuq u wkoll fid-dawl tar-rakkomandazzjoni skont l-Artikolu 126 TFEU tat-2 ta' Diċembru 2009, il-Belġju huwa mistieden biex:
(i) |
jassigura li tintlaħaq il-mira tal-iżbilanċ tal-programm għall-2010; jispeċifika l-miżuri li jsostnu l-miri baġitarji mill-2011 'il quddiem sabiex jinksieb l-isforz fiskali annwali medju rakkomandat ta' 0,75 % tal-PDG f'konformità mar-Rakkomandazzjoni tal-Artikolu 126(7); u jkun lest biex isaħħaħ l-isforz fiskali f'każ li r-riskji relatati mal-fatt li x-xenarju tal-programm ikun aktar favorevoli mix-xenarju li fuqu ġiet imsejsa r-Rakkomandazzjoni tal-Artikolu 126(7) jimmaterjalizzaw; jaħtfu, kif preskritt fir-rakkomandazzjoni tal-EDP, kull opportunità lil hinn mill-isforz fiskali, inkluż minn kondizzjonijiet ekonomiċi aħjar, biex jaċċelleraw it-tnaqqis tal-proporzjon ta’ dejn gross lejn il-valur ta’ referenza ta' 60% tal-PDG. |
(ii) |
jassigura bilanċi pożittivi primarji għolja għall-perijodu medju u jwettaq riformi strutturali sabiex itejjeb is-sostenibbiltà fit-tul tal-finanzi pubbliċi; |
(iii) |
itejjeb il-kwalità tal-finanzi pubbliċi billi jadotta qafas baġitarju aktar strett, li jinkludi l-ħolqien ta' limiti ta’ nfiq multiannwali li jistgħu jiġu infurzati. |
Tqabbil ta' previżjonijiet ewlenin makroekonomiċi u dawk baġitarji
|
2008 |
2009 |
2010 |
2011 |
2012 |
|
PDG reali (% ta' bidla) |
PS Jan 2010 |
1,0 |
–3,1 |
1,1 |
1,7 |
2,2 |
COM Nov 2009 |
1,0 |
–2,9 |
0,6 |
1,5 |
m.d. |
|
PS Settembru 2009 |
1,1 |
–3,1 |
0,4 |
1,9 |
2,4 |
|
Inflazzjoni HICP (%) |
PS Jan 2010 |
4,5 |
0,0 |
1,5 |
1,7 |
1,8 |
COM Nov 2009 |
4,5 |
0,0 |
1,3 |
1,5 |
m.d. |
|
PS Settembru 2009 |
4,5 |
0,0 |
1,5 |
1,6 |
1,6 |
|
Lakuna bejn il-prodott effettiv u dak potenzjali (5) (% tal-PDG potenzjali) |
PS Jan 2010 |
1,8 |
–2,4 |
–2,5 |
–2,2 |
–1,4 |
COM Nov 2009 (6) |
1,7 |
–2,3 |
–2,8 |
–2,4 |
m.d. |
|
PS Settembru 2009 |
2,0 |
–2,3 |
–2,9 |
–2,3 |
–1,5 |
|
Self mogħti/meħud nett vis-à-vis il-bqija tad-dinja (% tal-PDG) |
PS Jan 2010 |
m.d. |
m.d. |
m.d. |
m.d. |
m.d. |
COM Nov 2009 |
–0,2 |
0,1 |
0,4 |
0,3 |
m.d. |
|
PS Settembru 2009 |
–1,6 |
–1,9 |
–2,1 |
–2,3 |
m.d. |
|
Dħul tal-Gvern ġenerali (% tal-PDG) |
PS Jan 2010 |
48,8 |
47,7 |
49,1 |
49,5 |
49,8 |
COM Nov 2009 |
48,8 |
47,7 |
48,0 |
48,2 |
m.d. |
|
PS Settembru 2009 |
48,7 |
47,9 |
48,1 |
48,5 |
49,2 |
|
Nefqa tal-Gvern ġenerali (% tal-PDG) |
PS Jan 2010 |
50,0 |
53,7 |
53,9 |
53,6 |
52,8 |
COM Nov 2009 |
50,0 |
53,6 |
53,8 |
54,0 |
m.d. |
|
PS Settembru 2009 |
49,9 |
53,8 |
54,1 |
53,9 |
53,6 |
|
Bilanċ tal-Gvern ġenerali (% tal-PDG) |
PS Jan 2010 |
–1,2 |
–5,9 |
–4,8 |
–4,1 |
–3,0 |
COM Nov 2009 |
–1,2 |
–5,9 |
–5,8 |
–5,8 |
m.d. |
|
PS Settembru 2009 |
–1,2 |
–5,9 |
–6,0 |
–5,5 |
–4,4 |
|
Bilanċ primarju (% tal-PDG) |
PS Jan 2010 |
2,6 |
–2,3 |
–1,10 |
–0,4 |
0,8 |
COM Nov 2009 |
2,6 |
–2,0 |
–1,8 |
–1,7 |
m.d. |
|
PS Settembru 2009 |
2,5 |
–2,0 |
–1,9 |
–1,2 |
–0,1 |
|
Bilanċ aġġustat b'mod ċikliku (5) (% tal-PDG) |
PS Jan 2010 |
–2,2 |
–4,6 |
–3,4 |
–2,9 |
–2,2 |
COM Nov 2009 |
–2,1 |
–4,6 |
–4,3 |
–4,5 |
m.d. |
|
PS Settembru 2009 |
–2,3 |
–4,7 |
–4,4 |
–4,2 |
–3,6 |
|
Bilanċ strutturali (7) (% tal-PDG) |
PS Jan 2010 |
–2,2 |
–3,8 |
–3,4 |
–2,9 |
–2,2 |
COM Nov 2009 |
–2,2 |
–4,2 |
–4,4 |
–4,5 |
m.d. |
|
PS Settembru 2009 |
–2,3 |
–4,7 |
–4,4 |
–4,2 |
–3,6 |
|
Dejn gross tal-gvern (% tal-PDG) |
PS Jan 2010 |
89,8 |
97,9 |
100,6 |
101,4 |
100,6 |
COM Nov 2009 |
89,8 |
97,2 |
101,2 |
104,0 |
m.d. |
|
PS Settembru 2009 |
89,7 |
97,5 |
101,9 |
103,9 |
104,3 |
|
Programm ta’ Stabbiltà (PS); Il-previżjonijiet tas-servizzi tal-Kummissjoni tal-Ħarifa 2009 (COM); Il-kalkoli tas-servizzi tal-Kummissjoni. |
(1) ĠU L 209, 2.8.1997, p. 1. Id-dokumenti msemmija f'dan it-test jinsabu fuq il-websajt li ġejja: http://ec.europa.eu/economy_finance/sgp/index_en.htm
(2) Il-valutazzjoni notevolment tqis il-previżjonijiet tas-servizzi tal-Kummissjoni tal-ħarifa 2009, imma wkoll tagħrif ieħor li sar disponibbli minn dak iż-żmien 'l hawn.
(3) Fil-konklużjonijiet tal-Kunsill mill-10 ta' Novembru 2009 dwar is-sostenibbiltà tal-finanzi pubbliċi “il-Kunsill jappella lill-Istati Membri biex jiffokaw l-attenzjoni fuq strateġiji orjentati lejn is-sostenibbiltà fil-programmi ta' stabbiltà u konverġenza li ġejjin” u jkompli billi “jistieden lill-Kummissjoni, flimkien mal-Kumitat għall-Politika Ekonomika u l-Kumitat Ekonomiku u Finanzjarju, biex jiġu żviluppati ulterjorment metodoloġiji għall-valutazzoni tas-sostenibbiltà tal-finanzi pubbliċi fuq medda twila ta' żmien fil-ħin għar-rapport ta' Sostenibbiltà li jmiss”, li huwa previst fl-2012.
(4) B’mod partikolari, id-data dwar il-bilanċi settorjali mhijiex ipprovduta.
(5) Lakuni fil-produzzjoni u bilanċi aġġustati ċiklikament skont il-programmi kif ikkalkulati mill-ġdid mis-servizzi tal-Kummissjoni abbażi tat-tagħrif fil-programmi.
(6) Ibbażat fuq it-tkabbir potenzjali stmat ta' 1,7 %, 1,1 %, 1,0 % u 1,2 % rispettivament fil-perijodu 2008-2011.
(7) Bilanċ aġġustat ċiklikament bl-esklużjoni ta' miżuri ta' darba u miżuri temporanji oħrajn. Miżuri ta’ darba u oħrajn temporanji huma 0,8 % tal-PDG li jżid l-iżbilanċ fl-2009 skont l-aktar programm riċenti; u 0,1 % tal-PDG li jnaqqas l-iżbilanċ fl-2008 u fl-2010 u 0,5 % tal-PDG li jżid l-iżbilanċ fl-2009 fil-previżjonijiet tas-servizzi tal-Kummissjoni ta' Novembru 2009.
Sors:
Programm ta’ Stabbiltà (PS); Il-previżjonijiet tas-servizzi tal-Kummissjoni tal-Ħarifa 2009 (COM); Il-kalkoli tas-servizzi tal-Kummissjoni.
2.6.2010 |
MT |
Il-Ġurnal Uffiċjali tal-Unjoni Ewropea |
C 143/6 |
OPINJONI TAL-KUNSILL
dwar il-programm ta' konverġenza aġġornat tal-Litwanja, 2009-2012
2010/C 143/02
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta' pożizzjonijiet ta' budget u s-sorveljanza u l-koordinazzjoni ta' politika ekonomika (1), u b’mod partikolari l-Artikolu 9(3) tiegħu,
Wara li kkunsidra r-rakkomandazzjoni tal-Kummissjoni,
Wara li kkonsulta mal-Kumitat Ekonomiku u Finanzjarju,
TA DIN L-OPINJONI:
(1) |
Fis-26 ta' April 2010 l-Kunsill eżamina l-programm ta' konverġenza aġġornat tal-Litwanja, li jkopri l-perijodu bejn l-2009 u l-2012. |
(2) |
Il-Litwanja ħierġa minn waħda mill-eqqel reċessjonijiet fl-UE. Id-diversi snin ta' tkabbir rapidu dejjem aktar insostenibbli, misjuq l-aktar mid-domanda domestika u minn splużjoni fil-proprjetà, waqfu ħesrem fl-2008 meta t-tifqigħ tal-bużżieqa domestika kien imsaħħaħ mill-impatt tal-kriżi finanzjarja globali hekk li naqset id-domanda esterna u ġie ristrett sew l-aċċess għall-kreditu. It-tnaqqis kbir fid-domanda domestika u l-ftuħ tal-kapaċità żejda għenet biex jiċkienu n-nuqqas ta' bilanċi eżistenti, titnaqqas l-inflazzjoni u jiġi eliminat l-iżbilanċ estern, l-aktar permezz ta' kollass fl-importazzjoni. Il-bilanċ tal-kont kurrenti, sostanzjalment negattiv fis-snin tal-prosperità u ffinanzjat minn importazzjoni ta' kapital assoċjat mas-settur bankarju, li wassal għal żieda rapida fir-responsabbiltajiet esterni netti, fl-2009 laħaq bilanċ pożittiv stmat għal 3,1 % tal-PDG. It-tnaqqis kbir fid-dħul tal-gvern li rriżulta minn kontrazzjoni ekonomika, flimkien mal-konsegwenzi ta' politika fiskali espansjonarja qabel l-elezzjonijiet parlamentari fl-2008, madankollu ħallew lil-Litwanja wiċċ imb'wiċċ ma' sfidi fiskali sinifikanti. Il-gvern introduċa tweġiba ta' politika b'saħħitha li tirsisti għall-konsolidazzjoni fiskali u trażżan id-deterjorament tal-finanzi pubbliċi u tillimita l-akkumulazzjoni tad-dejn, biex b'hekk tappoġġja fost l-oħrajn il-kredibbiltà tal-arranġament tal-bord tal-valuta. Minħabba n-nuqqas ta' bilanċi interni u esterni wiesgħa li akkumulaw matul is-snin tal-prosperità u d-diffikultà biex jiġi assikurat finanzjament internazzjonali ġdid ladarba faqqgħet il-kriżi finanzjarja globali, din kienet tweġiba prudenti f'konformità mal-Pjan Ewropew ta' Rilanċ Ekonomiku (PERE). Madankollu, il-Litwanja kienet soġġetta għall-proċedura ta' żbilanċ eċċessiv (PŻE), bil-Kunsill jiddeċiedi fis-7 ta' Lulju 2009 li kien jeżisti żbilanċ eċċessiv. Ir-rakkomandazzjonijiet riveduti tal-Kunsill (l-Artikolu 126(7), maħruġa fis-16 ta' Frar 2010), appellaw għall-korrezzjoni tal-iżbilanċ eċċessiv sal-2012. Għalhekk hemm bżonn ta' konsolidazzjoni fiskali ambizzjuża (sforz fiskali medju ta' 2,25 % tal-PDG kull sena), mirfud minn riformi strutturali. Sabiex tipprovdi ftit appoġġ lill-ekonomija magħdura, il-Litwanja żiedet u qassmet minn qabel l-assorbiment tal-fondi strutturali tal-UE. Matul il-kriżi l-ekonomija wriet grad għoli ta' flessibbiltà minħabba li saru aġġustamenti sinifikanti permezz ta' tnaqqis fil-prezzijiet u fil-pagi. Madankollu, żidiet kbar fil-qgħad, li jistgħu jsiru strutturali, ipoġġu riskji kbar fuq il-konverġenza għall-perijodu twil. Bil-ħsieb li jiġi restawrat tkabbir pożittiv u sostenibbli u jiġi evitat li wieħed jaqa' lura għal nuqqas ta' bilanċi interni u esterni insostenibbli, l-isfidi ekonomiċi ewlenin huma marbuta mal-iżgurar li l-iżviluppi fil-pagi huma konformi mal-produttività, it-tijib fil-kompetittività u l-promozzjoni ta' trasformazzjoni settorjali lejn setturi kummerċjabbli kif ukoll l-inkoraġġiment ta' riorjentazzjoni ulterjuri lejn prodotti ta' teknoloġija medja jew għolja. Diġà ngħata bidu għal aġġustament kbir tal-finanzi pubbliċi għat-tkabbir aktar baxx mistenni fis-snin li ġejjin, imma għad irid jiġi assigurat progress ulterjuri fuq perijodu medju. |
(3) |
Minkejja li ħafna mit-tnaqqis osservat fil-PDG attwali fil-kuntest tal-kriżi huwa ċikliku, il-livell ta' produzzjoni potenzjonali ġie affettwat ukoll b'mod negattiv. Barra minn hekk, il-kriżi tista' taffettwa wkoll it-tkabbir potenzjali fuq perijodu medju permezz ta' investiment aktar baxx, trażżin fid-disponibbiltà tal-kreditu u żieda fil-qgħad strutturali. Barra dan, l-impatt tal-kriżi ekonomika jingħaqad mal-effetti negattivi tat-tixjiħ demografiku fuq il-produzzjoni potenzjali u s-sostenibbiltà tal-finanzi pubbliċi. F'dan l-isfond, ser ikun essenzjali li jiġi aċċellerat il-pass tar-riformi strutturali bl-għan li jiġi appoġġjat it-tkabbir potenzjali. B'mod partikolari, fil-każ tal-Litwanja huwa importanti li titjieb il-kapaċità amministrattiva, titħaffef l-implimentazzjoni tar-riformi fl-oqsma tal-kura tas-saħħa u s-sistema tas-sigurtà soċjali kif ukoll it-titjib tal-kwalità tal-edukazzjoni għolja u t-tagħlim tul il-ħajja biex jitjiebu l-livelli tal-ħiliet u tiżdied il-produttività. |
(4) |
Ix-xenarju makroekonomiku li jirfed il-programm jipprevedi li l-PDG reali, wara li waqa' bi 15,0 % fl-2009, jiżdied b'1,6 % fl-2010, jaċċelera għal 3,2 % fl-2011, imma jerġa' jmajna għal 1,2 % biss fl-2012. Dan ix-xenarju jipprevedi li d-domanda domestika tiċkien ulterjorment fl-2010, minħabba li s-sitwazzjoni tas-suq tax-xogħol se jibqa' mrażżan, il-kondizzjonijiet tal-kreditu ser jibqgħu ebsin u li l-konsolidazzjoni fiskali hija mistennija tibqa' għaddejja. Għalhekk it-tkabbir fl-2010 jiddependi fuq irkupru qawwi tad-domanda esterna, bl-għajnuna ta' gwadanji fis-sehem mis-suq, u rkupru fl-investiment fiss, appoġġjat fil-biċċa l-kbira mill-assorbiment aċċellerat tal-fondi strutturali tal-UE. Il-konsolidazzjoni fiskali li għadha għaddejja mill-gvern hija riflessa fix-xenarju makroekonomiku. Id-domanda domestika mistennija tikkontribwixxi b'mod pożittiv għat-tkabbir mill-2011. Ivvalutat skont l-informazzjoni disponibbli bħalissa (2), dan ix-xenarju jidher li huwa bbażat fuq suppożizzjonijiet ta’ tkabbir favorevoli għall-2010. Filwaqt li r-rata medja ta' tkabbir ta' 2,2 % prevista għall-aħħar sentejn tal-programm fiha nnifisha tidher plawsibbli, il-profil u l-kompożizzjoni tat-tkabbir bejn is-sentejn huma ħafna anqas pożittivi. Il-previżjonijiet tal-programm għall-inflazzjoni jidhru realistiċi. It-tnaqqis nominali attwali fil-prezzijiet u l-pagi domestiċi huma mistennija li jibqgħu għaddejjin fl-2010 kemm skont il-programm kif ukoll skont il-previżjoni tas-servizzi tal-Kummissjoni tal-Ħarifa 2009. Minħabba l-kollass tal-importazzjoni bħala riżultat tar-reċessjoni, l-iżbilanċ estern preċedentement għoli nbidel f'bilanċ pożittiv, li mistenni jibqa' l-istess anki fl-2011, qabel ma l-bilanċ jaqleb ftit lejn in-negattiv kawża tad-domanda domestika li tkun qed tirkupra. Dan huwa ġeneralemnt plawsibbli, għalkemm id-daqs tal-bilanċ pożittiv estern previst għall-2010 hu ħafna ogħla milli kien previst mis-servizzi tal-Kummissjoni. Hu mistenni li l-qgħad ikompli jiżdied fl-2010 qabel ma jibda jonqos mill-2011 'il quddiem. Is-suppożizzjonijiet monetarji u tar-rati tal-kambju tal-programm huma konsistenti mal-bqija tax-xenarju makroekonomiku. |
(5) |
Il-programm jistima l-iżbilanċ tal-amministrazzjoni pubblika fl-2009 għal 9,1 % tal-PDG. Id-deterjorament sinifikanti minn żbilanċ ta' 3,2 % tal-PDG fl-2008 prinċipalment jirrifletti nuqqas sostanzjali ta' taxxa dovut għal riżultat ekonomiku konsiderevolment agħar (kontrazzjoni stmata tal-PDG nominali ta' 16,9 % kontra l-aspettattiva ta' tkabbir ta' 0,9 % fl-aġġornament preċedenti tal-programm) u minkejja l-miżuri mdaqqsa ta' konsolidazzjoni baġitarja ta' madwar 8 % tal-PDG adottati matul is-sena. Id-dħul waqa' sostanzjalment, rifless ta' attività ekonomika li kienet aktar baxxa milli kien mistenni, għalkemm id-dħul waqa' aktar minn dak li kien ikun issuġġerit mill-elastiċitajiet standard. Bħala riżultat ta' tnaqqis sinifikanti tal-konsum tal-gvern, inklużi l-pagi tas-settur pubbliku, b'mod ġenerali l-infiq kien aktar baxx meta mqabbel mal-livell tal-2008. Il-pożizzjoni restrittiva dwar l-infiq għalhekk ma kenitx biżżejjed biex tpatti għall-konsegwenzi tal-kriżi ekonomika min-naħa tad-dħul. Id-deterjorament stmat tal-bilanċ strutturali fl-2009 għandu jitqies b'attenzjoni minħabba li l-klima ekonomika eċċezzjonalment volatili tista' twassal għal elastiċitajiet standard li ma jaqbdux tajjeb biżżejjed l-impatt tat-tnaqqis enormi fir-ritmu ekonomiku. Skont il-programm, hu ppjanat li l-politika fiskali tibqa' restrittiva fl-2010 u aktar 'il quddiem. Fid-dawl tas-sitwazzjoni bagitarja u ekonomika relattivament mhux favorevoli tal-Litwanja, it-tkomplija tal-awsterità fiskali fl-2010 hi adegwata u konformi mal-PERE. F'konformità mal-istrateġija ta' ħruġ imressqa mill-Kunsill, u bil-ħsieb tal-korrezzjoni tal-iżbilanċ eċċessiv sal-2012, din għandha tikkontribwixxi biex tinkiseb pożizzjoni aktar stabbli tal-finanzi pubbliċi. |
(6) |
Il-programm jipprevedi li l-iżbilanċ nominali jinżel għal 8,1 % tal-PDG fl-2010; dan jikkumpara ma' żbilanċ ta' 9,5 % tal-PDG immirat fil-baġit adottat f'Diċembru tal-2009, li jirrifletti titjib minn dakinhar fil-perspettiva makroekonomika prevista. It-titjib imqabbel mar-riżultati stmati tal-2009 huwa attribwibbli l-aktar għal tnaqqis sostanzjali ulterjuri fl-infiq ta' madwar 4 % tal-PDG, partikolarment fl-infiq kurrenti tal-gvern, inklużi l-ispejjeż tal-pagi tas-settur pubbliku, u l-benefiċċji soċjali. Madankollu l-proporzjon bejn in-nefqa u l-PDG hu previst li jiżdied b'madwar 1 pp. fil-programm, l-aktar minħabba żieda ppjanata fl-investimenti u pagamenti b'interessi ogħla, filwaqt li kategoriji oħra ta' nfiq mistennija jinżlu ulterjorment. Mil-lat tad-dħul, il-bidliet huma limitati għal tnaqqis fir-rata tat-taxxa fuq id-dħul korporattiv u xi żidiet fid-dħul mhux fiskali. Barra minn hekk, il-baġit tal-2010 jirrifletti wkoll l-impatt ta' sena sħiħa ta' miżuri ta' konsolidazzjoni ta' dħul u nfiq implimentati fit-tieni nofs tal-2009. Is-sehem ta' dħul mhux taxxabbli fil-programm hu previst li jiżdied sostanzjalment, l-aktar minħabba assorbiment akbar tal-fondi strutturali tal-UE. Filwaqt li l-proporzjon tat-taxxi fuq il-produzzjoni u l-importazzjoni mal-PDG mistenni li jibqa' ta' livell simili għal dak tal-2009, il-proporzjon tat-taxxi attwali fuq id-dħul u l-ġid mistenni jonqos ulterjorment, minħabba t-tnaqqis kontinwu tal-pagi nominali u l-waqgħa fil-profitti. Miżuri ta' natura temporanja u ta' darba fl-2010 jinkludu s-sospenzjoni ta' parti mit-trasferimenti tal-fondi tal-pensjonijiet tat-tieni pilastru. Il-pożizzjoni ġenerali fiskali fl-2010, kif imkejla mill-bidla fil-bilanċ strutturali, mistennija li tibqa' restrittiva u turi titjib ta' 0,5 punt perċentwali. Madankollu, dan jidher li qed jissottovaluta b'mod sinifikanti l-isforzi ta' konsolidazzjoni tal-gvern li jammontaw għal 4,0 % tal-PDG. L-istima tal-konsolidazzjoni bbażata fuq il-bilanċ strutturali għadha tiġi ttrattata b'kawtela kbira, minħabba li din tiddependi minn stimi ta' differenzi fil-produzzjoni xejn robusti fiċ-ċirkostanzi attwali. |
(7) |
L-istrateġija baġitarja tal-programm fuq perijodu medju hi li jitnaqqas l-iżbilanċ taħt il-limitu massimu ta' 3 % sal-2012, b'konformità mar-rakkomandazzjoni tal-Kunsill fis-16 ta' Frar 2010. Il-bilanċ strutturali kkalkulat skont il-metodoloġija miftiehma b'mod komuni se jitjieb skont il-programm bi 2,25 % tal-PDG kull sena matul il-perijodu 2011-2012 għalkemm l-aġġustament jidher li għadu lura. It-tijib prinċipalment ser jinkiseb permezz ta' tnaqqis sostanzjali ulterjuri tal-proporzjon tal-infiq (b'madwar 4,75 pp.), bi tnaqqis nominali mistenni fil-biċċa l-kbira tal-kategoriji primarji tal-infiq, partikolarment il-kumpens għall-impjegati u l-ħlasijiet soċjali, filwaqt li l-proporzjoni ta' dħul mal-PDG hu mistenni li jiżdied (b'madwar 1,5 pp.). Il-programm espliċitament jirrikonoxxi li biex jintlaħqu l-miri bagitarji tiegħu u jiġi kkoreġut l-iżbilanċ eċċessiv sal-2012 jeħtieġu miżuri addizzjonali ta' madwar 4,5 % tal-PDG. Il-programm jagħti d-dettalji sa ċertu punt tal-miżuri wesgħin maħsuba biex jappoġġjaw il-kisba tal-miri bagitarji lil hinn mill-2010. Dan l-aġġustament qed iseħħ fl-istess waqt li l-kondizzjonijiet ċikliċi qed jitjiebu gradwalment, għalkemm id-differenza fil-produzzjoni negattiva (ikkalkulata mill-ġdid) mhix ser tingħalaq sa tmiem il-perijodu tal-programm. L-objettiv fuq perijodu medju (MTO) issaħħaħ b'mod sinifikanti meta mqabbel mal-aġġornament preċedenti tal-programm, għal bilanċ strutturali favorevoli tal-amministrazzjoni pubblika ta' 0,5 % tal-PDG, sabiex tissaħħaħ il-fiduċja fl-arranġament tal-bord tal-valuta, tiġi limitata ż-żieda tad-dejn tal-gvern u titjieb is-sostenibbiltà fit-tul tal-finanzi pubbliċi. Madankollu, il-programm ma jsemmix sena sa meta għandu jintlaħaq l-MTO. Minħabba l-previżjonijiet l-aktar riċenti u l-livell tad-dejn, il-MTO jirrifletti l-objettivi tal-Patt b'mod aktar minn adegwat. |
(8) |
Ir-riżultati baġitarji jistgħu jkunu agħar minn dawk previsti fil-programm tul il-perijodu kollu tal-programm. Fl-2010, dan kien l-aktar dovut għal dipendenza fuq irkupru aktar rapidu tal-attività ekonomika minn dak li kien probabbli. Il-miri bagitarji lil hinn mill-2010 huma soġġetti għar-riskji minħabba l-firxa limitata ta' informazzjoni pprovduta fil-programm fir-rigward tal-miżuri li jirfdu l-ksib ta' dawn il-miri u l-ħtieġa ta' miżuri addizzjonali biex dawn il-miri jintlaħqu. Barra min hekk, id-dipendenza fuq tnaqqis sostanzjali ulterjuri fl-infiq tal-gvern u sa ċertu punt limitat fuq miżuri li jżidu d-dħul fl-aħħar snin tal-programm tidher li hi soġġetta għal riskji ta' implimentazzjoni. Hu ppjanat li l-kumpens lill-impjegati tas-servizz pubbliku jonqos ulterjorment bi 3 pp matul l-2011-2012, wara li ġie adottat tnaqqis sostanzjali tal-pagi fl-2009 u fl-2010 u dan jista' jkun diffiċli li jintlaħaq. Mil-lat pożittiv, ir-rekord relattivament tajjeb tal-awtoritajiet Litwani li jlaħħqu mal-miri, b'eċċezzjoni notevoli fl-2008 li kien l-aktar dovut għaċ-ċiklu elettorali, u l-konsolidazzjoni deċiżiva implimentata matul l-2009 minkejja kontrazzjoni ekonomika mingħajr preċedent, tnaqqas dawn ir-riskji. Barra minn hekk, il-gvern għandu aġenda ambizzjuża ta' riforma għall-2010 u s-snin ta' wara, li għandha tgħin ukoll biex jintlaħqu l-miri fiskali ambizzjużi meħtieġa. Il-projjezzjoni makroekonomika apparentement dgħajfa għall-2012 iġġorr ukoll il-possibbiltà ta' tkabbir pjuttost aktar b'saħħtu f'dik is-sena, jekk il-programm ikun appoġġjat minn miżuri konkreti matul il-perijodu sħiħ tal-programm. |
(9) |
Id-dejn gross tal-gvern huwa stamt li hu 29,5 % tal-PDG fl-2009, sostanzjalment 'il fuq minn 15,6 % fis-sena ta' qabel. Minbarra ż-żieda fl-iżbilanċ u t-tnaqqis fit-tkabbir tal-PDG nominali, iż-żieda fil-proporzjon tirriżulta wkoll minn aġġustament sinifikanti tal-fluss tal-istokk li jirrifletti finanzjament ta' parti mill-iżbilanċ tal-2008 fl-2009. Il-proporzjon tad-dejn hu previst li jiżdied ulterjorment bi 11.5 pp. fuq il-perijodu tal-programm għal 41 % tal-PDG fl-2012, misjuq prinċipalment mit-tkomplija ta' żbilanċi għoljin tal-gvern. Fid-dawl tar-riskji negattivi għall-miri baġitarji flimkien mal-inċertezza dwar l-aġġustament tal-fluss tal-istokk, l-evoluzzjoni tal-proporzjon tad-dejn jista’ jkun ukoll anqas favorevoli milli previst fil-programm. Madankollu, il-livell tad-dejn hu previst li jibqa' 'l isfel mill-valur ta' referenza tat-Trattat matul il-perijodu tal-programm. |
(10) |
Il-previżjonijiet tad-dejn fuq perijodu medju li jassumu li r-rati ta' tkabbir tal-PDG ser jirkupraw gradwalment għall-valuri previsti qabel il-kriżi, il-proporżjonijiet tat-taxxa ser jerġgħu lura għal-livelli ta' qabel il-kriżi, u jinkludu ż-żieda prevista fl-infiq relatat mat-tixjiħ juru li l-istrateġija baġitarja prevista fil-programm, minn dak li jidher superfiċjalment u mingħajr bidla ulterjuri fil-politika, mhix biżżejjed biex tistabbilizza l-proporzjon tad-dejn sal-2020. |
(11) |
L-impatt baġitarju fit-tul tat-tixjiħ hu xi ftit ogħla mill-medja tal-UE, prinċipalment minħabba żieda għolja prevista fin-nefqa fuq il-pensjonijiet tul id-deċennji li ġejjin. Il-pożizzjoni baġitarja fl-2009, kif previst fil-programm, tkompli tgħarraq l-impatt baġitarju tat-tixjiħ tal-popolazzjoni fuq il-lakuna tas-sostenibbiltà. Il-mira biex jitjieb il-bilanċ primarju matul il-perijodu medju, kif previst fil-programm, u r-riforma fis-sistema tas-sigurtà soċjali, inkluża riforma fil-pensjonijiet, immirati biex irażżnu ż-żieda prevista fin-nefqa marbuta mal-età, għandhom jgħinu biex jitnaqqsu r-riskji għas-sostenibbiltà tal-finanzi pubbliċi, li kienu vvalutati fir-Rapport dwar is-Sostenibbiltà tal-Kummissjoni tal-2009 bħala għoljin (3). |
(12) |
Fis-snin ta' tkabbir kbir ta' qabel it-tnaqqis preżenti fir-ritmu ekonomiku, il-qafas baġitarju għal perijodu medju tal-Litwanja naqas milli jipprevjeni infiq aktar milli ppjanat. It-tkabbir b'suċċess fid-dħul iffaċilita reviżjonijiet ripetuti pożittivi tal-miri għall-infiq. Bil-ħsieb li jissaħħaħ il-qafas, ġiet adottata Liġi dwar id-Dixxiplina Fiskali għall-gvern ċentrali f'Novembru 2007. Il-liġi tiffoka fuq it-tħejjija u l-eżekuzzjoni tal-baġit annwali u bħala tali ma daħħlitx aktar elementi li jħarsu ’l quddiem fuq perijodu medju. Il-mekkaniżmu tal-infurzar hu dgħajjef ħafna u nieqes minn sanzjonijiet. B'mod ġenerali, id-dgħufijiet sinifikanti huma relatati man-nuqqas ta' trasparenza tal-proċess bagitarju, inkluż rappurtar adatt tal-esekuzzjoni tad-dħul u l-infiq u l-komparabbiltà tal-indikaturi baġitarji dwar il-bażijiet tal-likwidità u tad-dovuti. Il-programm ta' konverġenza tal-2010 jipproponi numru ta' miżuri biex iżidu t-trasparenza, inkluż l-irrappurtar ta' data u sorveljanza tat-tijib fit-twettiq tal-baġit. Jekk ikunu implimentati, dawn il-proposti jistgħu jtejbu sostanzjalment il-karatteristiċi istituzzjonali tal-finanzi pubbliċi. |
(13) |
Il-kompożizzjoni tan-nefqa pubblika fil-Litwanja tagħti appoġġ għat-tkabbir, peress li n-nefqa produttiva bħall-investiment pubbliku u n-nefqa fl-edukazzjoni u l-kura tas-saħħa hija relattivament għolja. Madankollu, riżultati medji jew foqra u indikaturi ta' prestazzjoni fl-oqsma tal-edukazzjoni u s-saħħa jissuġġerixxu li hemm ambitu sinifikanti biex ikun hemm kisbiet fl-effiċjenza. Għal dan il-għan ġew imnedija riformi strutturali importanti fis-sistemi edukattivi u tal-kura tas-saħħa. Barra minn hekk, it-tneħħija tal-eżenzjonijiet tat-taxxa u r-rati preferenzjali implimentati fl-2009, u sforzi kontinwi fil-ġlieda kontra l-evitar tat-taxxa u s-simplifikazzjoni ulterjuri tal-amministrazzjoni tat-taxxa jikkontribwixxu lejn it-titjib tal-kwalità tal-finanzi pubbliċi, kif ukoll biex irażżnu r-riskji għall-perspettiva bagitarja. |
(14) |
L-istrateġija li tiżgura parteċipazzjoni bla problemi fl-ERM II hi bbażata fuq l-iżgurar tal-istabbiltà tar-rata tal-kambju billi wieħed iżomm ilqugħ monetarji suffiċjenti, stabbiltà finanzjarja u fiskali u l-preservazzjoni tal-flessibbiltà tas-swieq tax-xogħol u tal-prodotti. Sa minn tmiem l-2008, ir-rispons ta' politika biex tinżamm l-istabbiltà makroekonomika fil-Litwanja kien b'saħħtu; madankollu, is-sitwazzjoni għadha diffiċli. Bejn tmiem l-2008 u tmiem l-2009, il-gvern wettaq konsolidazzjoni fiskali b'saħħitha billi adotta bosta pakketti ta' konsolidazzjoni mdaqqsin, li jammontaw għal madwar 12 % tal-PDG. Il-grad għoli ta' flessibbiltà fil-pagi u l-prezzijiet qed jikkontribwixxi wkoll għal irkupru ta' parti mil-kompetiittività tal-ekonomija li ddeterjorat. Minkejja t-telf li sar mit-telf imħassar tal-assi, is-settur bankarju baqa' kkapitalizzat tajjeb. Il-gvern nieda wkoll riformi strutturali kbar fl-oqsma tal-edukazzjoni, il-kura tas-saħħa u s-sigurtà soċjali. Il-Litwanja rrevediet il-leġiżlazzjoni dwar ix-xogħol biex issaħħaħ il-flessibbiltà tas-suq tax-xogħol, biex b'hekk jiġi ffaċilitat l-aġġustament tal-ekonomija. L-isfidi għall-ġejjieni huma li jiġi evitat kull pass lura lejn nuqqas ta' bilanċi sinifikanti interni jew esterni ladarba l-irkupru jistabbilixxi ruħhu. |
(15) |
B'mod ġenerali, fl-2010 l-istrateġija bagitarja stabbilita fil-programm hija ġeneralment konsistenti mar-rakkomandazzjonijiet tal-Kunsill skont l-Artikolu 126(7) tas-16 ta' Frar 2010. Mill-2011 'il quddiem, b'kont meħud tar-riskji, l-istrateġija bagitarja tista' ma tkunx konsistenti mar-Rakkomandazzjoni tal-Kunsill. B'mod partikolari, ir-riskji huma relatati ma' perspettiva makroekonomika possibilment ottimistika għall-2010 u speċifikazzjoni inkompleta ta' miżuri biex tinkiseb il-konsolidazzjoni ppjanata fl-aħħar sentejn, mgħarrqa mill-inċertezzi tal-implimentazzjoni fir-rigward tat-tnaqqis ippjanat tal-infiq. L-isforz fiskali medju ppjanat ta' 1⅔ % matul il-perijodu 2010-12 ukoll ma jissodisfax għal kollox ir-Rakkomandazzjoni tal-Kunsill skont l-Artikolu 126(7) u ser ikun hemm bżonn li jissaħħaħ permezz ta' miżuri addizzjonali f'każ li t-tkabbir relattivament b'saħħtu previst għall-2010 u l-2011 ma jimmaterjalizzax, sabiex tiġi żgurata korrezzjoni tal-iżbilanċ eċċessiv sal-2012 kif rakkomandat mill-Kunsill. |
(16) |
Fir-rigward tar-rekwiżiti dwar id-data speċifikati fil-kodiċi ta’ kondotta għal programmi ta’ stabbiltà u konverġenza, il-programm għandu xi lakuni fid-data fakultattiva. Fir-rakkomandazzjonijiet tiegħu skont l-Artikolu 126(7) tas-16 ta' Frar 2010 bil-ħsieb li tiġi fi tmiemha s-sitwazzjoni ta' żbilanċ eċċessiv, il-Kunsill stieden ukoll lil-Litwanja biex tirrapporta dwar il-progress magħmul fl-implimentazzjoni tar-rakkomandazzjonijiet tal-Kunsill f'kapitlu separat fl-aġġornamenti tal-programmi ta' konverġenza. B'xi lakuni fil-provvediment ta' data fakultattiva, il-Litwanja b'mod ġenerali ikkonformat ma' din ir-rakkomandazzjoni. |
Il-konklużjonijiet ġenerali hija li l-Litwanja implimentat konsolidazzjoni deċiżiva tal-finanzi pubbliċi fl-2009 kontra tmermir sinifikanti tas-sitwazzjoni ekonomika li kkontribwiet għall-aġġustament kontinwu fl-ekonomija u appoġġjat il-parteċipazzjoni bla skossi fl-ERM II u għall-korrezzjoni tal-iżbilanċ eċċessiv. Bħalissa l-ekonomija ħierġa minn reċessjoni gravi, filwaqt li t-tkabbir medju huwa previst li jibqa' konsiderevolment aktar baxx matul il-perijodu medju milli kien fl-aħjar snin taċ-ċiklu reċenti. Il-konsolidazzjoni implimentata fl-2009 diġa tikkostitwixxi aġġustament kbir tal-finanzi pubbliċi għat-tkabbir aktar baxx mistenni fuq perijodu medju. Kontroll aktar strett tan-nefqa flimkien ma' tisħiħ tal-qafas baġitarju fuq perijodu medju ikun ta' sostenn għall-konsolidazzjoni ulterjuri meħtieġa. Fil-mira tal-programm hemm it-tnaqqis gradwali tal-iżbilanċ nominali tal-amministrazzjoni pubblika mill-2010, bil-ħsieb li l-iżbilanċ eċċessiv jiġi kkoreġut sal-2012 kif irrakkomandat mill-Kunsill, għalkemm dawn ir-riżultati baġetarji huma soġġetti għal riskji negattivi matul il-perijodu kollu tal-programm.
Bil-ħsieb tal-valutazzjoni ta’ hawn fuq u wkoll fid-dawl tar-rakkomandazzjoni skont l-Artikolu 126 TFUE tas-16 ta' Frar 2010, u minħabba l-ħtieġa li tkun żgurata konverġenza sostenibbli u parteċipazzjoni bla problemi fl-ERM II, il-Litwanja hija mistiedna biex:
(i) |
tikkunsidra miżuri korrettivi addizzjonali fl-2010, jekk meħtieġ, sabiex tinkiseb il-konsolidazzjoni prevista, apparti l-implimentazzjoni rigoruża tal-miżuri korrettivi ppjanati fil-baġit; |
(ii) |
tispeċifika l-miżuri meħtieġa biex tirfed b'mod sħiħ l-aġġustament neċessarju tul il-perijodu tal-programm kif irrakkomandat mill-Kunsill skont l-Artikolu 126(7), u tkun lesta tadotta miżuri ta' konsolidazzjoni ulterjuri f'każ li jimmaterjalizzaw ruħhom riskji marbuta mal-fatt li x-xenarju makroekonomiku tal-programm huwa aktar favorevoli mix-xenarju li fuqu tistrieħ ir-Rakkomandazzjoni tal-Artikolu 126(7); |
(iii) |
timplimenta r-riformi ppjanati tas-sistema tas-sigurtà soċjali, inkluża r-riforma tal-pensjonijiet, sabiex jitnaqqsu r-riskji għolja għas-sostenibbiltà fit-tul tal-finanzi pubbliċi dovuti għal żidiet sinifikanti previsti fin-nefqa tal-pensjonijiet matul id-deċennji li ġejjin; |
(iv) |
issaħħaħ il-governanza fiskali u t-trasparenza, billi jissaħħaħ il-qafas baġitarju fuq perijodu medju u jittejjeb ir-rappurtar tad-data bagitarja, u b'hekk tiżgura komparabbiltà tal-indikaturi bagitarji dwar il-bażijiet tal-likwidità u tad-dovuti. |
Tqabbil tal-previżjonijiet makroekonomiċi u baġitarji ewlenin
|
2008 |
2009 |
2010 |
2011 |
2012 |
|
PDG reali (bidla f'%) |
PK Jan 2010 |
2,8 |
–15,0 |
1,6 |
3,2 |
1,2 |
COM Nov 2009 |
2,8 |
–18,1 |
–3,9 |
2,5 |
m.d. |
|
PK Jan 2009 |
3,5 |
–4,8 |
–0,2 |
4,5 |
m.d. |
|
Inflazzjoni tal-IAPK (%) |
PK Jan 2010 |
11,1 |
4,2 |
–1 |
1 |
1,5 |
COM Nov 2009 |
11,1 |
3,9 |
–0,7 |
1,0 |
m.d. |
|
PK Jan 2009 |
11,2 |
5,4 |
3,6 |
–0,1 |
m.d. |
|
Differenza fil-produzzjoni (4) (% tal-PDG potenzjali) |
PK Jan 2010 |
8,8 |
–7,7 |
–5,9 |
–2,9 |
–1,7 |
COM Nov 2009 (5) |
11,8 |
–8,2 |
–10,8 |
–8,2 |
m.d. |
|
PK Jan 2009 |
5,4 |
–2,8 |
–5,7 |
–4,0 |
m.d. |
|
Tislif/self nett fir-rigward tal-bqija tad-dinja (% tal-PDG) |
PK Jan 2010 |
–10,2 |
3,7 |
7,5 |
5,3 |
4,3 |
COM Nov 2009 |
–10,6 |
3,3 |
4,8 |
4,3 |
m.d. |
|
PK Jan 2009 |
–10,2 |
–1,8 |
–4,7 |
–5,7 |
m.d. |
|
Dħul tal-amministrazzjoni pubblika (% tal-PDG) |
PK Jan 2010 |
34,2 |
34,3 |
36,2 |
35,6 |
35,7 |
COM Nov 2009 |
34,2 |
36,1 |
36,8 |
36,3 |
m.d. |
|
PK Jan 2009 |
33,8 |
35,8 |
37,3 |
36,4 |
m.d. |
|
Infiq tal-amministrazzjoni pubblika (% tal-PDG) |
PK Jan 2010 |
37,4 |
43,4 |
44,3 |
41,4 |
38,7 |
COM Nov 2009 |
37,4 |
45,9 |
46,0 |
46,0 |
m.d. |
|
PK Jan 2009 |
36,7 |
37,8 |
38,3 |
36,4 |
m.d. |
|
Bilanċ tal-amministrazzjoni pubblika (% tal-PDG) |
PK Jan 2010 |
–3,2 |
–9,1 |
–8,1 |
–5,8 |
–3,0 |
COM Nov 2009 |
–3,2 |
–9,8 |
–9,2 |
–9,7 |
m.d. |
|
PK Jan 2009 |
–2,9 |
–2,1 |
–1,0 |
0,0 |
m.d. |
|
Bilanċ ewlieni (% tal-PDG) |
PK Jan 2010 |
–2,6 |
–7,8 |
–6,2 |
–3,6 |
–0,6 |
COM Nov 2009 |
–2,6 |
–8,4 |
–7,0 |
–7,1 |
m.d. |
|
PK Jan 2009 |
–2,3 |
–1,2 |
0,0 |
1,1 |
m.d. |
|
Bilanċ aġġustat ċiklikament (6) (% tal-PDG) |
PK Jan 2010 |
–5,6 |
–7,0 |
–6,5 |
–5,0 |
–2,6 |
COM Nov 2009 |
–6,4 |
–7,6 |
–6,3 |
–7,5 |
m.d. |
|
PK Jan 2009 |
–4,4 |
–1,3 |
0,5 |
1,1 |
m.d. |
|
Bilanċ strutturali (6) (% tal-PDG) |
PK Jan 2010 |
–6,0 |
–7,2 |
–6,8 |
–4,8 |
–2,3 |
COM Nov 2009 |
–6,3 |
–8,0 |
–7,0 |
–7,5 |
m.d. |
|
PK Jan 2009 |
–4,9 |
–1,8 |
0,1 |
1,1 |
m.d. |
|
Dejn gross tal-gvern (% tal-PDG) |
PK Jan 2010 |
15,6 |
29,5 |
36,6 |
39,8 |
41,0 |
COM Nov 2009 |
15,6 |
29,9 |
40,7 |
49,3 |
m.d. |
|
PK Jan 2009 |
15,3 |
16,9 |
18,1 |
17,1 |
m.d. |
|
Programm ta' konverġenza (PK); Il-previżjonijiet tas-servizzi tal-Kummissjoni tal-Ħarifa 2009 (COM); Il-kalkoli tas-servizzi tal-Kummissjoni |
(1) ĠU L 209, 2.8.1997, p. 1. Id-dokumenti msemmijin f'dan it-test jistgħu jinsabu fuq il-websajt li ġejja: http://ec.europa.eu/economy_finance/sgp/index_en.htm
(2) Il-valutazzjoni tqis notevolment il-previżjoni tas-serivzzi tal-Kummissjoni tal-Ħarifa tal-2009, iżda wkoll informazzjoni oħra li saret disponibbli minn dak iż-żmien.
(3) Fil-konklużjonijiet tal-Kunsill tal-10 ta' Novembru 2009 dwar is-sostenibbiltà tal-finanzi pubbliċi “il-Kunsill jappella lill-Istati Membri biex jagħtu importanza lil strateġiji orjentati lejn is-sostenibbiltà fil-programmi tagħhom ta' stabbiltà u konverġenza li ġejjin” u jkompli “jistieden lill-Kummissjoni, flimkien mal-Kumitat tal-Politika Ekonomika u l-Kumitat Ekonomiku u Finanzjarju, biex ikomplu jiżviluppaw metodoloġiji għall-valutazzjoni tas-sostenibbiltà fit-tul tal-finanzi pubbliċi fil-ħin għar-rapport li jmiss dwar is-sostenibbiltà”, li hu previst fl-2012.
(4) Differenzi fil-produzzjoni u bilanċi aġġustati ċiklikament skont il-programmi kif ikkalkulati mill-ġdid mis-servizzi tal-Kummissjoni abbażi tat-tagħrif fil-programmi.
(5) Ibbażat fuq it-tkabbir potenzjali stmat ta' 3,0 %, – 0,2 %, – 1,2 % u –0,3 % rispettivament fil-perijodu 2008-2011.
(6) Bilanċ aġġustat ċiklikament bl-esklużjoni ta' miżuri ta' darba u miżuri temporanji oħra. Miżuri ta' darba u oħrajn temporanji huma 0,5 % tal-PDG fl-2008, 0,2 % tal-PDG fl-2009 u 0,3 % fl-2010; kollha għat-tnaqqis tad-defiċit; u 0,3 % tal-PDG fl-2011 u 0,3 % tal-PDG fl-2012; kollha għat-tnaqqis tad-defiċit skont il-programm l-aktar riċenti u 0,1 % tal-PDG fl-2008, 0,6 % fl-2009 u 0,7 % fl-2010; ilkoll għat-tnaqqis tad-defiċit fit-tbassir tas-servizzi tal-Kummissjoni tal-Ħarifa 2009.
Sors:
Programm ta' konverġenza (PK); Il-previżjonijiet tas-servizzi tal-Kummissjoni tal-Ħarifa 2009 (COM); Il-kalkoli tas-servizzi tal-Kummissjoni
2.6.2010 |
MT |
Il-Ġurnal Uffiċjali tal-Unjoni Ewropea |
C 143/12 |
OPINJONI TAL-KUNSILL
dwar il-programm ta' stabbiltà aġġornat tal-Lussemburgu, 2009-2014
2010/C 143/03
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta' pożizzjonijiet ta' baġit u s-sorveljanza u l-koordinazzjoni ta' politika ekonomika (1), u b’mod partikolari l-Artikolu 5(3) tiegħu,
Wara li kkunsidra r-rakkomandazzjoni tal-Kummissjoni,
Wara li kkonsulta mal-Kumitat Ekonomiku u Finanzjarju,
TA DIN L-OPINJONI:
(1) |
Fit-26 ta’ April 2010 l-Kunsill eżamina l-programm ta’ stabbiltà aġġornat tal-Lussemburgu, li jkopri l-perijodu mill-2009 sal-2014. |
(2) |
L-ekonomija Lussemburgiża ntlaqtet ħażin ħafna mill-kriżi: skont l-iktar stimi reċenti, il-PDG reali, wara tkabbir żero fl-2008, waqa' għal 3,9 % f'termini reali fl-2009, hekk kif il-komponenti kollha tad-domanda għajr l-infiq pubbliku ċkienu. Il-kontribuzzjoni tal-esportazzjonijiet netti baqgħet waħda pożittiva hekk kif l-importazzjonijiet naqsu saħansitra aktar mill-esportazzjonijiet, aktarx minħabba l-waqgħa fl-investiment fit-tagħmir. Is-settur finanzjarju jidher li ntlaqat inqas mill-kriżi milli kien mistenni, anki jekk ma' tmiem l-2008 l-awtoritajiet Lussemburgiżi kellhom jorganizzaw operazzjoni ta' sostenn għal tnejn mill-ikbar banek tal-pajjiż li jappartjenu lil gruppi internazzjonali. Il-qgħad xorta kiber b'medja ta' 1,2 % fl-2009, iżda dan ġara esklussivament bis-saħħa tat-tkabbir ferm qawwi rreġistrat fl-2008 (+ 4,7 %). Dan naqas biss ftit fis-settur finanzjarju, iżda b'mod iktar qawwi fl-industrija. Il-qgħad żdied minn medja ta' 4,9 % fl-2008 għal 5,7 % fl-2009, minkejja r-rikors qawwi għax-xogħol għal żmien qasir imħeġġeġ mill-awtoritajiet. L-isfida ewlenija għal-Lussemburgu fil-punt attwali hija li jinżammu u jiġu żviluppati l-kondizzjonijiet favorevoli li għamluha possibbli għat-tkabbir impressjonanti esperjenzat tul l-aħħar 25 sena msejjes fuq l-ispeċjalizzazzjoni dejjem tiżdied tal-pajjiż fl-attivitajiet li joffru s-servizzi, speċjalment is-servizzi finanzjarji. Barra minn hekk, fir-rigward tal-politika baġitarja, il-perspettiva għall-perijodu fit-tul jixirqilha kull attenzjoni. L-ewwel nett, iż-żieda fl-infiq kienet pjuttost qawwija f'dawn l-aħħar snin u l-bilanċi pożittivi rikorrenti saru essenzjalment possibbli bi dħul abbundanti, li mhihiex ħaġa żgura jekk ikomplix sejjer hekk. Barra minn hekk, prinċipalment minħabba l-ġenerożità tas-sistema tal-pensjoni tal-pajjiż, iż-żieda fl-infiq relatat mat-tixjiħ hija prevista li tkun waħda mill-aktar qawwija fl-UE. |
(3) |
Għalkemm ħafna mit-tnaqqis osservat fil-PDG reali fil-kuntest tal-kriżi hija ċiklika, il-livell tal-produzzjoni potenzjali wkoll ġiet affettwata b'mod negattiv. Barra minn hekk, il-kriżi tista' tolqot ukoll it-tkabbir potenzjali fil-perijodu medju minħabba investiment iktar baxx, limiti fid-disponibbiltà tal-kreditu, żieda fil-qgħad strutturali u tnaqqis li jdum fit-tkabbir tal-attivitajiet finanzjarji madwar id-dinja kollha. Barra minn hekk, l-impatt tal-kriżi ekonomika jaggrava l-effetti negattivi tat-tixjiħ demografiku fuq il-produzzjoni potenzjali u s-sostenibbiltà tal-finanzi pubbliċi. F’dan il-kuntest ser ikun essenzjali li jitħaffef il-pass tar-riformi strutturali bil-għan li jiġi sostnut it-tkabbir potenzjali. B'mod partikulari, huwa importanti għal-Lussemburgu li jżid ir-rata tal-impjiegi tal-popolazzjoni residenti, li jtejjeb l-attrazzjoni tal-ambjent tan-negozju, li jrawwem imġiba tal-pagi li tqis iż-żieda mdaqqsa fl-ispejjeż tax-xogħol osservati fis-snin reċenti, u li jkompli bl-isforzi tiegħu ħalli jżid l-attivitajiet ta' Riċerka u Żvilupp fil-pajjiż. |
(4) |
Ix-xenarju makroekonomiku li fuqu huwa bbażat il-programm jipprevedi li l-PDG reali jikber bi 2,5 % fl-2010, wara tnaqqis ta' 3,9 % fl-2009, u ta' 2,9 % kull sena bħala medja tul il-bqija tal-perijodu tal-programm. Meta mqabbel mal-informazzjoni disponibbli attwalment (2), dan ix-xenarju jidher li huwa bbażat fuq suppożizzjonijiet ta' tkabbir kemxejn favorevoli għall-2010 anke jekk jittieħed kont ta' data li wriet riżultat aħjar milli previst għat-tielet kwart tal-2009. Għall-perijodu 2011-2014, il-previżjonijiet tat-tkabbir tal-programm huma bejn wieħed u ieħor plawsibbli fl-isfond tal-estimi tas-servizzi tal-Kummissjoni tat-tkabbir potenzjali u s-suppożizzjoni tal-għeluq gradwali tad-differenza bejn il-produzzjoni reali u dik potenzjali. Il-previżjonijiet tal-programm għall-impjiegi, il-qgħad u l-inflazzjoni wkoll jidhru realistiċi. |
(5) |
Il-programm jistima l-iżbilanċ tal-gvern ġenerali fl-2009 għal 1,1 % tal-PDG. Dan id-deterjorament sinifikanti minn bilanċ pożittiv ta' 2,5 % tal-PDG fl-2008 essenzjalment jirriżulta minn żieda ta' kważi 5 punti perċentwali tal-PDG fl-infiq pubbliku, ikkompensat biss parzjalment minn żieda fil-proporzjon tad-dħul (li rriżulta biss mill-fatt li l-PDG nominali naqas anke iktar mid-dħul). Iż-żieda fil-proporzjon tal-infiq tirrifletti fil-biċċa l-kbira l-impatt tal-kriżi fuq il-finanzi tal-gvern permezz tal-istabbilizzaturi awtomatiċi, iżda sar ukoll minħabba l-miżuri ta' stimolu li jammontaw għal 1,75 % tal-PDG li l-gvern adotta f'konformità mal-Pjan Ewropew ta' Rilanċ Ekonomiku (PERE). Dawn il-miżuri prinċipalment inkludew aċċellerazzjoni sinifikanti fil-programmi ta' investiment tal-gvern, kif ukoll tnaqqis importanti fit-taxxi, speċjalment fit-taxxa fuq id-dħul personali, li huma ta' natura permanenti. Skont il-programm, il-politika fiskali hija ppjanata li tkompli toffri appoġġ fl-2010, li, fid-dawl tal-fatt li l-qagħda ekonomika u baġitarja tal-Lussemburgu hija relattivament favorevoli li huwa konformi mal-PERE. Madankollu, mill-2011, il-previżjonijiet tal-programm taħt suppożizzjoni ta' ebda-bidla fil-politika, ma jirriflettux qagħda ristrettiva f'konformità mal-istrateġija ta' ħruġ issuġġerita mill-Kunsill, anke jekk il-programm jirrikonoxxi li l-awtoritajiet jippjanaw li jieħdu passi korrettivi. |
(6) |
L-iżbilanċ tal-gvern ġenerali huwa previst li jiżdied għal 3,9 % tal-PDG fl-2010, deterjorazzjoni li għandha tirriżulta minn żieda fl-infiq b'0,9 punti perċentwali tal-PDG u tnaqqis fid-dħul b'2 punti perċentwali tal-PDG. Iż-żieda fl-infiq ser jirriżulta prinċipalment minn infiq ikbar fl-oqsma tal-edukazzjoni (0,3 punti perċentwali tal-PDG), il-politika tal-familja (0,25 punti perċentwali tal-PDG) u l-infrastrutturi pubbliċi (0,5 punti perċentwali tal-PDG). It-tnaqqis fid-dħul ikun riżultat ta' tnaqqis fid-dħul minn taxxa diretta (b'1,4 punti perċentwali tal-PDG) essenzjalment minħabba l-effetti tal-kriżi, speċjalment fuq it-taxxa korporattiva. Barra minn hekk, ir-rata ta' din it-taxxa mnaqqsa minn 22 % għal 21 %, b'impatt ex ante ta' madwar 0,1 punt perċentwali tal-PDG. It-tnaqqis fid-dħul jirriżulta wkoll, b'inqas qawwa, minn tnaqqis fit-taxxi indiretti u l-kontribuzzjonijiet tas-sigurtà soċjali relattivi mal-PDG (b'0,4 u 0,2 punt perċentwali tal-PDG, rispettivament). Billi l-iżbilanċ għall-2009 ġie revedut 'l isfel b'1,2 punti perċentwali tal-PDG fir-rigward tal-istima provduta mill-baġit, filwaqt li l-mira tal-iżbilanċ għall-2010 ġiet reveduta 'l isfel b'0,5 punti perċentwali, id-deterjorament fil-bilanċ tal-gvern ġenerali fl-2010 issa huwa previst mill-programm li jilħaq 2,8 punti perċentwali tal-PDG (imqabbel mat-2,1 punti perċentwali fil-baġit). Il-bilanċ strutturali (jiġifieri l-bilanċ aġġustat ċiklikament ikkalkulat skont il-metodoloġija bi qbil komuni, abbażi tal-informazzjoni mogħtija fil-programm, u nett ta' miżuri ta' darba biss u miżuri oħrajn temporanji) jiddeterjora b'madwar tliet 3 punti perċentwali tal-PDG minn bilanċ pożittiv ta' madwar 1 % tal-PDG fl-2009. |
(7) |
Għall-perijodu wara l-2010, il-programm jippreżenta xenarju baġitarju komplet abbażi ta' ipotesi ta' ebda bidla fil-politika, fejn l-iżbilanċ tal-gvern ġenerali l-ewwel jiżdied għal 5,0 % tal-PDG fl-2011 u mbagħad jonqos bil-mod sa 4,6 % tal-PDG fl-2012 u 4,3 % tal-PDG fl-2013 qabel ma jilħaq it-3,1 % tal-PDG fl-2014 hekk kif l-effetti tal-kriżi jmajnaw progressivament. Dan ix-xenarju għaldaqstant jimplika li l-iżbilanċ tal-gvern ġenerali jibqa’ 'l fuq sew minn 3 % tal-PDG sa tmiem il-perijodu kopert. It-tnaqqis awtomatiku fl-iżbilanċ jirriżulta kemm mill-irkupru gradwali fid-dħul kif ukoll minn tnaqqis żgħir fil-proporzjon tal-infiq. Il-proporzjon tad-dħul huwa previst li jiżdied ftit mill-punt baxx dokumentat fl-2011 (38,1 % tal-PDG) sa 39,5 % tal-PDG, l-aktar minħabba żieda fit-taxxi diretti mill-2011, meta l-impatt ittardjat tal-kriżi fuq id-dħul suppost li jilħaq il-massimu tiegħu. Fl-istess waqt, il-proporzjon tal-infiq huwa previst li jonqos ftit minn massimu ta’ 43,6 % tal-PDG milħuq fl-2010 sa 42,7 % fl-2014, minħabba l-aċċellerazzjoni progressiva fit-tkabbir. L-iżbilanċ strutturali (kif ikkalkulat mill-ġdid mis-servizzi tal-Kummissjoni) l-ewwel jiżdied minn 2,25 % tal-PDG fl-2010 sa madwar 3,5 % fl-2011, meta l-iżbilanċ titulari ser jolqot punt massimu ta’ 5,0 % tal-PDG u mbagħad jonqos ftit sa 2,25 % tal-PDG fl-2014, wara t-tnaqqis fl-iżbilanċ titulari. Il-programm jirrikonoxxi li l-għan ewlieni tal-istrateġija baġitarja għall-perijodu medju hija li l-finanzi pubbliċi jiġu bbilanċjati mill-ġdid sal-2014 billi jitnaqqas l-iżbilanċ titulari b'madwar punt 1 punt perċentwali tal-PDG kull sena. Madankollu, kwalunkwe informazzjoni rigward il-livelli tad-dħul u l-infiq assoċjati ma’ dan il-pjan ta' aġġustament jew miżuri ta' appoġġ tiġi posposta sa wara li ssir konsultazzjoni mal-imsieħba soċjali li mistennija tiġi konkluża sa tard f'April ta' din is-sena. Il-programm jindika li minħabba l-importanza tar-responsabbiltajiet impliċiti marbuta mat-tixjiħ tal-popolazzjoni l-mira baġitarja għall-perijodu medju (MTO) ġiet modifikata minn żbilanċ strutturali ta’ 0,8 % tal-PDG għal bilanċ pożittiv strutturali ta’ 0,5 % tal-PDG. Minħabba l-previżjonijiet u l-livelli tad-dejn l-aktar reċenti, dan l-MTO ma jidhirx li jieħu kont b’mod suffiċjenti tar-responsabbiltajiet impliċiti marbuta mat-tixjiħ, minkejja li d-dejn jinsab taħt il-valur ta' referenza tat-Trattat. Il-programm ma jipprevedix li dan l-MTO jinkiseb fil-perijodu kopert mill-programm. |
(8) |
L-eżitu baġitarju għall-2010 jista' jkun kemxejn aħjar minn dak previst fil-programm. Madankollu dan bl-ebda mod ma jibdel ir-razzjonal għall-proċediment bil-konsolidazzjoni fiskali ppjanata għas-snin 2011-2014. It-titjib possibbli tal-eżitu tal-2010 huwa relatat mal-effett bażiku li jirriżulta mir-reviżjoni 'l isfel b’1,2 % punti perċentwali tal-PDG fl-iżbilanċ tal-2009 (fir-rigward tal-previżjoni oriġinali tal-iżbilanċ fil-baġit tal-2010), li ma ġiex tradott kompletament f'eżitu aħjar fl-2010. Konsegwentement, id-deterjorament fil-bilanċ tal-gvern ġenerali fl-2010 issa huwa previst li jilħaq it-2,8 % tal-PDG, filwaqt li kien previst li jammonta għal 2,1 % fil-baġit. Qabel il-kriżi, l-eżiti baġitarji fil-Lussemburgu spiss kienu aħjar minn dak li kien ġie ppjanat inizjalment. Għall-perijodu 2011-2014, ix-“xenarju ta' ebda bidla fil-politika” jippreżenta stampa plawsibbli tal-iżviluppi fil-finanzi pubbliċi, bl-effett bażiku pożittiv possibbli jkun xi ftit jew wisq ibbilanċjat mir-riskji negattivi marbuta mal-perspettiva makroekonomika. Sa fejn jirrigwarda il-pjan ta’ aġġustament alternattiv immirat lejn tnaqqis fil-bilanċ tal-gvern għal anqas minn 3 % sal-2014, fin-nuqqas ta' kwalunkwe informazzjoni dwar il-livelli ta' dħul u nfiq assoċjati mal-iżbilanċi ppjanati u l-miżuri meħtieġa biex tinkiseb il-konsolidazzjoni prevista, mhux possibbli li jkun hemm valutazzjoni. |
(9) |
Il-proporzjon tad-dejn irdoppja minn 6,6 % tal-PDG fl-2007 għal 13,5 % fl-2008, essenzjalment bħala riżultat tas-sostenn finanzjarju lis-settur finanzjarju. Il-programm jipprevedi żieda ulterjuri minn 14,9 % tal-PDG fl-2009, għal 37,4 % fl-2014. Din iż-żieda ser taqbeż is-somma tal-iżbilanċi previsti, minħabba t-trasferimenti mdaqqsa mill-gvern ċentrali għas-sigurtà soċjali. Filwaqt li l-proporzjon tad-dejn qed jiżdied, għadu sew taħt il-valur ta' referenza tat-Trattat matul il-perjodu kollu tal-programm. Is-sistema tas-sigurtà soċjali u, xi ftit inqas, il-gvern ċentrali, jippossedu assi mdaqqsa ġġenerati mill-bilanċi pożittivi rikorrenti tal-passat. Madankollu, dawk l-assi mhumiex biżżejjed biex ikopru l-obbligi futuri tas-sigurtà soċjali. |
(10) |
Il-previżjonijiet tad-dejn għall-perijodu medju sal-2010 li jassumu li r-rati tat-tkabbir tal-PDG ser jirkupraw gradwalment sal-valuri previsti qabel il-kriżi, il-proporzjonijiet tat-taxxa ser jirritornaw għal-livelli ta' qabel il-kriżi u jinkludu ż-żieda prevista fl-infiq relatat mat-tixjiħ, juru li l-iżvilupp baġitarju previst fil-programm, meħud b'valur nominali u mingħajr iktar bidla fil-politika, mhuwiex biżżejjed biex jistabbilizza d-dejn sal-2020. |
(11) |
L-impatt baġitarju fit-tul tat-tixjiħ huwa ogħla b'mod sinifikanti mill-medja tal-UE, influwenzat partikolarment b'żieda konsiderevoli prevista fl-infiq fuq il-pensjonijiet. L-assi sinifikanti akkumulati fis-sistema tas-sigurtà soċjali ser jgħinu biex jiffinanzjaw parzjalment iż-żieda prevista fl-infiq fuq il-pensjonijiet, filwaqt li l-pjanijiet baġitarji sal-2014 jimplikaw li l-bilanċ pożittiv primarju strutturali mhux ser jibqa' suffiċjenti biex jagħmel tajjeb għall-ispejjeż li dejjem qed jiżdiedu tat-tixjiħ. Il-kisba ta' bilanċi pożittivi primarji għolja fil-perijodu medju u, kif rikonoxxut mill-awtoritajiet, l-implimentazzjoni ta' miżuri mmirati li jrażżnu ż-żieda sostanzjali fl-infiq tal-pensjonijiet għandhom jikkontribwixxu biex jitnaqqsu r-riskji tas-sostenibbiltà tal-finanzi pubbliċi, li ġew ivvalutati bħala medji fir-Rapport tal-Kummissjoni dwar is-Sostenibbiltà tal-2009 (3). |
(12) |
Ir-regoli fiskali numeriċi u l-oqfsa baġitarji għall-perijodu medju (għajr il-programm ta' nfiq kapitali multiannwali tal-Istat) ma jidhrux li għandhom xi rwol sinifikanti fil-Lussemburgu. Madankollu, dan ma jidhirx li wassal għal devjazzjonijiet baġitarji sinifikanti fil-passat, anki jekk seta' kellu rwol fir-reviżjonijiet rikorrenti u sostanzjali fid-data finanzjarja pubblika osservata fis-snin reċenti (b'mod ġenerali lejn eżitu aktar pożittiv). Il-progamm ma jħabbar l-ebda pjanijiet f'dan ir-rigward. |
(13) |
L-istruttura tal-finanzi pubbliċi tidher komparattivament favorevoli fil-Lussemburgu: in-nefqa tal-gvern u l-piż tat-taxxi huma relattivament baxxi meta mqabbla ma' Stati Membri oħra. B'mod partikolari, it-tassazzjoni tad-dħul mix-xogħol u l-konsum mill-gvern huma komparattivament baxxi. Barra minn hekk, l-investimernt pubbliku huwa fost l-ogħla fl-UE kollha. Hemm, iżda, lok għal titjib fl-effettività tal-infiq pubbliku inkluż fil-qasam tal-edukazzjoni. Barra minn hekk, l-interazzjoni tal-benefiċċji soċjali ġenerużi u t-taxxi fuq id-dħul mix-xogħol, għalkemm komparattivament baxxi, ma jidhrux li jipprovdu inċentivi biżżejjed lil dawk bil-possibbiltà ta' paga medja jew baxxa sabiex jaħdmu. Fl-aħħar nett, ser ikunu meħtieġa riformi fis-sistema tal-pensjoni relattivament ġeneruża biex ipattu għall-piż tat-tixjiħ tal-popolazzjoni. |
(14) |
B'mod ġenerali, b'kont meħud tal-pożizzjoni baġitarja favorevoli li l-Lussemburgu kien fiha meta bdiet il-kriżi u l-livell baxx tad-dejn tal-gvern, il-pożizzjoni ta' appoġġ fiskali ppjanata fl-2010 hija waħda adatta u konformi mal-PERE. Mill-2011 ’il quddiem, il-previżjoni tal-programm abbażi ta’ ebda bidla fil-politika mhix konformi mar-rekwiżiti tal-Patt billi ma tinkludix l-isforzi ta' konsolidazzjoni meħtieġa li jkunu meħtieġa biex l-iżbilanċ jitnaqqas għal anqas minn 3 % tal-PDG u biex jinkiseb b'pass adegwat MTO ta' bilanċ pożittiv ta' 0,5 % tal-PDG. Lanqas ma hemm konformità mal-konklużjonijiet tal-Kunsill tal-20 ta’ Ottubru dwar l-istrateġija ta’ ħruġ fiskali. Min-naħa l-oħra, l-intenzjoni mħabbra mill-gvern li jniedi l-konsolidazzjoni mill-2011 'il quddiem u li jnaqqas l-iżbilanċ strutturali b'madwar 0,75 punti perċentwal tal-PDG kull sena mill-2011 'il quddiem ma tistax tiġi vvalutata billi ebda informazzjoni ma hi pprovduta dwar il-miżuri li fuqhom ser isserraħ din l-istrateġija ta' konsolidazzjoni. |
(15) |
Fir-rigward tar-rekwiżiti ta' data speċifikati fil-kodiċi tal-kondotta għall-programmi ta' stabbiltà u konverġenza, il-programm fih xi lakuni fid-data rekwiżita u dik mhux obbligatorja (4). |
Il-konklużjoni ġenerali hija li fid-dawl tat-tnaqqis fir-ritmu ekonomiku u l-pożizzjoni baġitarja inizjali soda tal-Lussemburgu, id-deterjorazzjoni temporanja fil-bilanċ tal-gvern ġenerali fl-2009 u l-2010, li jirrifletti parzjalment l-adozzjoni ta’ miżuri ta’ stimolu, huwa wieħed adatt. Madankollu, mill-2011 ’il quddiem il-pożizzjoni fiskali kif tidher fix-“xenarju ta' ebda bidla fil-politika” tal-programm ma tistax titqies bħala konformi mar-rekwiżiti tal-Patt, billi l-iżbilanċ tal-gvern jibqa' ’l fuq minn 3 % tal-PDG sal-2014; għaldaqstant ma jkun hemm ebda sforz ta' konsolidazzjoni li jiżgura li l-iżbilanċ jinġieb taħt it-3 % tal-PDG, filwaqt li lanqas il-progress lejn l-MTO ma jkun wieħed adegwat. Filwaqt li l-awtoritajiet jindikaw l-intenzjoni tagħhom li jsegwu pjan ta' konsolidazzjoni aktar ambizzjuż bil-ħsieb li jwasslu biex il-finanzi pubbliċi jiġu bbilanċjati mill-ġdid fl-2014 u biex jinkiseb l-objettiv għall-perijodu medju fis-snin ta’ wara, dan il-pjan ta’ aġġustament ma jistax jiġi vvalutat b'mod adatt fin-nuqqas ta’ kwalunkwe informazzjoni inkluż dwar il-miżuri li jservu ta' bażi. Għalhekk, iktar informazzjoni dwar dawn il-miżuri tintlaqa' tajjeb. Jifdal tħassib dwar is-sostenibbiltà fit-tul tal-finanzi pubbliċi, li jridu jerfgħu piż ferm tqil fid-deċennji li ġejjin hekk kif iż-żieda fl-infiq relatat mat-tixjiħ, mistennija li tkun fost l-eqqel fl-UE kollha.
Fid-dawl tal-valutazzjoni ta' hawn fuq, il-Lussemburgu huwa mistieden biex:
(i) |
jibda l-konsolidazzjoni fiskali mill-2011 bil-ħsieb li jġib l-iżbilanċ taħt il-limitu massimu ta’ 3 % tal-PDG u minn hemm 'il quddiem jagħmel progress lejn l-MTO u jispeċifika għal dan l-effett il-miżuri li ser ikunu meħtieġa sabiex tinkiseb din il-konsolidazzjoni; u |
(ii) |
fid-dawl taż-żieda sinifikanti prevista fl-infiq relatata mat-tixjiħ, itejjeb is-sostenibbiltà tal-perijodu fit-tul tal-finanzi pubbliċi billi jirriforma s-sistema tal-pensjonijiet u jistabbilixxi MTO li jieħu biżżejjed kont tar-responsabbiltajiet impliċiti relatati mat-tixjiħ. |
Tqabbil tat-tbassir makroekonomiku u baġitarju ewlieni
|
2008 |
2009 |
2010 |
2011 |
2012 |
2013 |
2014 |
|
PDG reali (bidla f’%) |
PS Jan 2010 |
0,0 |
–3,9 |
2,5 |
3,0 |
2,7 |
2,9 |
3,1 |
COM Nov 2009 |
0,0 |
–3,6 |
1,1 |
1,8 |
m.d. |
m.d. |
m.d. |
|
PS Ott 2008 |
1,0 |
–0,9 |
1,4 |
4,5 |
m.d. |
m.d. |
m.d. |
|
Inflazzjoni tal-IAPK (%) |
PS Jan 2010 |
4,1 |
4,1 |
0,0 |
2,1 |
1,8 |
m.d. |
m.d. |
COM Nov 2009 |
4,1 |
0,0 |
1,8 |
1,7 |
m.d. |
m.d. |
m.d. |
|
PS Ott 2008 |
4,1 |
0,6 |
2,5 |
2,9 |
m.d. |
m.d. |
m.d. |
|
Id-differenza bejn il-produzzjoni reali u dik potenzjali (5) (% tal-PDG potenzjali) |
PS Jan 2010 |
1,9 |
–4,0 |
–3,4 |
–2,8 |
–2,4 |
–2,0 |
–1,7 |
COM Nov 2009 (6) |
1,7 |
–3,9 |
–4,6 |
–5,0 |
m.d. |
m.d. |
m.d. |
|
PS Ott 2008 |
1,1 |
–2,3 |
–3,5 |
m.d. |
m.d. |
m.d. |
m.d. |
|
Tislif/self nett fir-rigward tal-bqija tad-dinja (% tal-PDG) |
PS Jan 2010 |
m.d. |
m.d. |
m.d. |
m.d. |
m.d. |
m.d. |
m.d. |
COM Nov 2009 |
4,9 |
m.d. |
m.d. |
m.d. |
m.d. |
m.d. |
m.d. |
|
PS Ott 2008 |
m.d. |
m.d. |
m.d. |
m.d. |
m.d. |
m.d. |
m.d. |
|
Dħul tal-gvern ġenerali (% tal-PDG) |
PS Jan 2010 |
40,2 |
41,6 |
39,6 |
38,3 |
38,5 |
39,0 |
39,5 |
COM Nov 2009 |
40,2 |
41,1 |
39,7 |
39,4 |
m.d. |
m.d. |
m.d. |
|
PS Ott 2008 |
43,2 |
42,8 |
42,8 |
40,3 |
m.d. |
m.d. |
m.d. |
|
Infiq tal-gvern ġenerali (% tal-PDG) |
PS Jan 2010 |
37,7 |
42,6 |
43,5 |
43,2 |
43,2 |
43,3 |
42,6 |
COM Nov 2009 |
37,7 |
43,3 |
43,9 |
43,6 |
m.d. |
m.d. |
m.d. |
|
PS Ott 2008 |
41,2 |
43,4 |
44,3 |
39,4 |
m.d. |
m.d. |
m.d. |
|
Bilanċ tal-gvern ġenerali (% tal-PDG) |
PS Jan 2010 |
2,5 |
–1,1 |
–3,9 |
–5,0 |
–4,6 |
–4,3 |
–3,1 |
COM Nov 2009 |
2,5 |
–2,2 |
–4,2 |
–4,2 |
m.d. |
m.d. |
m.d. |
|
PS Ott 2008 |
43,2 |
42,8 |
42,8 |
40,3 |
m.d. |
m.d. |
m.d. |
|
Bilanċ ewlieni (% tal-PDG) |
PS Jan 2010 |
2,8 |
–0,5 |
–3,3 |
–4,3 |
–3,7 |
–3,3 |
–2,1 |
COM Nov 2009 |
2,7 |
–1,6 |
–3,6 |
–3,6 |
m.d. |
m.d. |
m.d. |
|
PS Ott 2008 |
2,3 |
–0,3 |
–1,2 |
1,5 |
m.d. |
m.d. |
m.d. |
|
Bilanċ aġġustat ċiklikament (5) (% tal-PDG) |
PS Jan 2010 |
1,6 |
0,9 |
–2,2 |
–3,6 |
–3,4 |
–3,3 |
–2,3 |
COM Nov 2009 |
1,6 |
–0,3 |
–2,0 |
–1,8 |
m.d. |
m.d. |
m.d. |
|
PS Ott 2008 |
2,4 |
1,6 |
0,3 |
m.d. |
m.d. |
m.d. |
m.d. |
|
Bilanċ strutturali (7) (% tal-PDG) |
PS Jan 2010 |
1,6 |
0,9 |
–2,2 |
–3,6 |
–3,4 |
–3,3 |
–2,3 |
COM Nov 2009 |
1,6 |
–0,3 |
–2,0 |
–1,8 |
m.d. |
m.d. |
m.d. |
|
PS Ott 2008 |
2,4 |
1,6 |
0,3 |
m.d. |
m.d. |
m.d. |
m.d. |
|
Dejn gross tal-gvern (% tal-PDG) |
PS Jan 2010 |
13,5 |
14,9 |
18,3 |
23,9 |
29,3 |
34,1 |
37,4 |
COM Nov 2009 |
13,5 |
15,0 |
16,4 |
17,7 |
m.d. |
m.d. |
m.d. |
|
PS Ott 2008 |
14,4 |
14,9 |
17,0 |
14,3 |
m.d. |
m.d. |
m.d. |
|
Programm ta’ Stabbiltà (PS); It-tbassir tas-servizzi tal-Kummissjoni tal-Ħarifa 2009 (COM); Kalkoli tas-servizzi tal-Kummissjoni. |
(1) ĠU L 209, 2.8.1997, p. 1. Id-dokumenti msemmija f'dan it-test jinsabu fuq il-websajt li ġejja: http://ec.europa.eu/economy_finance/sgp/index_mt.htm
(2) Din il-valutazzjoni tieħu kont b'mod speċjali l-previżjoni tal-Ħarifa tal-2009 tas-servizzi tal-Kummissjoni, iżda wkoll informazzjoni oħra li saret disponibbli minn dak iż-żmien 'il hawn.
(3) Fil-konklużjonijiet tal-Kunsill mill-10 ta' Novembru 2009 dwar is-sostenibbiltà tal-finanzi pubbliċi “il-Kunsill jappella lill-Istati Membri biex fil-programi tagħhom ta’ konverġenza u stabbiltà li jmiss jiffokaw l-attenzjoni fuq l-istrateġiji orjentati lejn is-sostenibbiltà” u jkompli billi “jistieden lill-Kummissjoni, flimkien mal-Kumitat tal-Politika Ekonomika u l-Kumitat Ekonomiku u Finanzjarju, biex tkompli tiżviluppa metodoloġiji għall-valutazzjoni tas-sostenibbiltà fit-tul ta’ żmien tal-finanzi pubbliċi qabel ir-rapport li jmiss dwar is-Sostenibbiltà”, li huwa previst fl-2012.
(4) B'mod partikolari, ma hemm l-ebda data dwar bilanċi settorjali bl-eċċezzjoni tal-gvern ċentrali.
(5) Id-differenza bejn il-produzzjoni reali u dik potenzjali u l-bilanċi aġġustati ċiklikament mill-programm kif ikkalkulati mill-ġdid mis-servizzi tal-Kummissjoni abbażi tal-informazzjoni fil-programmi.
(6) Abbażi tat-tkabbir potenzjali stmat ta' 3,6 %, 2,0 %, 1,9 % u 2,2 % rispettivament fil-perijodu 2008-2011.
(7) Bilanċ aġġustat ċiklikament u jeskludi miżuri ta' darba u miżuri temporanji oħrajn. Ma hemmx miżuri ta' darba jew miżuri temporanji oħrajn mis-sena 2010 sas-sena 2014 skont l-aktar programm reċenti u skont it-tbassir tas-servizzi tal-Kummissjoni tal-Ħarifa tal-2009.
Sors:
Programm ta’ Stabbiltà (PS); It-tbassir tas-servizzi tal-Kummissjoni tal-Ħarifa 2009 (COM); Kalkoli tas-servizzi tal-Kummissjoni.
2.6.2010 |
MT |
Il-Ġurnal Uffiċjali tal-Unjoni Ewropea |
C 143/17 |
OPINJONI TAL-KUNSILL
dwar il-programm ta’ konverġenza aġġornat tal-Polonja, 2009-2012
2010/C 143/04
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1466/97 tas-7 ta’ Lulju 1997 dwar it-tisħiħ tas-sorveljanza ta’ pożizzjonijiet ta' budget u s-sorveljanza u l-koordinazzjoni ta’ politika ekonomika (1), u b’mod partikolari l-Artikolu 9(3) tiegħu,
Wara li kkunsidra r-rakkomandazzjoni tal-Kummissjoni,
Wara li kkonsulta mal-Kumitat Ekonomiku u Finanzjarju,
TA DIN L-OPINJONI:
(1) |
Fis-26 ta’ April 2010 l-Kunsill eżamina l-programm ta’ konverġenza aġġornat tal-Polonja, li jkopri l-perijodu mill-2009 sal-2012. |
(2) |
Bil-PDG reali stmat li żdied b'1,7 %, il-Polonja kienet l-unika pajjiż tal-UE li rreġistrat tkabbir pożittiv fl-2009. Din il-prestazzjoni tirrifletti ġabra ta' fatturi favorevoli li jinkludu pedamenti sodi fil-bidu tal-kriżi, settur finanzjarju sod u kapitalizzat tajjeb, grad relattivament baxx ta' ftuħ tal-ekonomija, waqgħa konsiderevoli tal-munita Pollakka fi stadju bikri tal-kriżi, kif ukoll politiki akkomodattivi monetarji, u fiskali f'waqthom. Waqt li xi fatturi li appoġġaw it-tkabbir huma ta' natura temporanja – il-marġini għal politika fiskali ta' appoġġ fil-biċċa l-kbira għebet u r-rata tal-kambju issa qiegħda togħla – il-viżjoni ekonomika Pollakka tjiebet b'mod sinifikanti fl-aħħar xhur. L-isfidi ewlenin għas-snin li ġejjin ser ikunu li l-finanzi tal-gvern jinġabu lura għal pożizzjoni sostenibbli u li jiġi żgurat proċess kontinwu ta' rkupru mingħajr kompromessi fuq l-istabbiltà fiskali u makroekonomika. Il-Polonja ma użatx iż-żmien ekonomikament tajjeb (2006-2008) biex tikkonsolida l-finanzi pubbliċi tagħha, u l-iżbilanċ strutturali tal-gvern (jiġifieri l-bilanċ nett aġġustat ċiklikament minn miżuri ta' darba, u oħrajn temporanji kkalulati f'konformità mal-metodu bi qbil komuni abbażi tad-data fil-programm aġġornat) huwa stmat li laħaq 7 % tal-PDG fl-2009. Abbażi tan-notifikazzjoni tal-Proċedura ta' Żbilanċ Eċċessiv (EDP) ta' April 2009 mill-awtoritajiet Pollakki ta' żbilanċ tal-gvern ta' 3,9 % tal-PDG għall-2008, fis-7 ta' Lulju 2009 il-Kunsill iddeċieda li kien jeżisti żbilanċ eċċessiv u rrakkomanda li jiġi kkoreġut sal-2012. |
(3) |
Għalkemm il-biċċa kbira mit-tnaqqis osservat fil-PDG attwali fil-kuntest tal-kriżi huwa ċikliku, il-livell tal-potenzjal ukoll ġie affettwat b'mod negattiv. Barra minn hekk, il-kriżi tista' taffettwa wkoll it-tkabbir potenzjali fil-perijodu medju permezz ta' investiment aktar baxx, restrizzjonijiet fuq id-disponibbiltà ta' kreditu u żieda fil-qgħad strutturali, għalkemm l-effetti għandhom ikunu anqas severi fil-Polonja minħabba l-iskala iżgħar tad-distruzzjoni tal-kapital u s-suq flessibbli tax-xogħol tagħha. Barra minn hekk, l-impatt tal-kriżi ekonomika jaggrava l-effetti negattivi tat-tixjiħ demografiku fuq il-produzzjoni potenzjali u s-sostenibbiltà tal-finanzi pubbliċi. F’dan il-kuntest ser ikun essenzjali li jitħaffef il-pass tar-riformi strutturali bil-għan li jiġi sostnut it-tkabbir potenzjali. B'mod partikulari, minħabba r-rata baxxa tal-impjieg tal-Polonja u l-ħtieġa għal riformi b'appoġġ għal proċess li għaddej ta' rkupru, ser ikun importanti li jittieħdu miżuri ulterjuri li jrawmu l-parteċipazzjoni fis-suq tax-xogħol, itejbu l-ambjent kummerċjali, u jistimolaw l-infiq fir-Riċerka u l-Iżvilupp. |
(4) |
Ix-xenarju makroekonomiku ta' bażi li fuqu huma bbażati l-previżjonijiet baġitarji fil-programm jipprevedi li t-tkabbir reali fil-PDG ser jiżdied minn 1,7 % fl-2009 għal 3 % fl-2010, 4,5 % fl-2011 u 4,2 % fl-2012. Meta vvalutata mal-informazzjoni attwalment disponibbli (2), l-assunzjoni għal tkabbir reali tal-PDG tidher kemxejn favorevoli u l-assunzjonijiet għall-2011 u l-2012 jidhru favorevoli. Il-programm jippreżenta alternattiva, “xenarju ta' riskju” bi tkabbir reali tal-PDG aktar baxx ta' 2,7 % fl-2010, 3,7 % fl-2011 u 3,5 % fl-2012, li aktar jidher plawsibbli. Meta jittieħed kont tal-informazzjoni reċenti, il-previżjoni fil-programm ta' rkupru gradwali fl-impjieg matul il-perijodu 2010-1012 jidher plawsibbli, speċjalment billi l-aġġustament pront tal-pagi reali jidher li qed ipatti għall-effetti ta' tnaqqis fl-impjiegi. Il-previżjonijiet tal-programm għall-inflazzjoni, li juru tnaqqis ta' madwar 2 % fl-2010 flimkien ma' valur ta' munita li qed jogħla u pressjoni kkontrollata ta' pagi b'segwitu ta' rkupru moderat li jkompli f'konformità ma' sitwazzjoni ekonomika li qed titjieb, huma realistiċi. |
(5) |
Fil-programm l-iżbilanċ tal-gvern ġenerali fl-2009 huwa ta' 7,2 % tal-PDG. Id-deterjorazzjoni sinifikanti minn żbilanċ ta' 3,6 % tal-PDG fl-2008 tirrifletti b'mod ġenerali l-impatt tal-kriżi fuq il-finanzi tal-gvern, iżda kienet riżultat ukoll ta' miżuri ta' stimolu li jammontaw għal madwar 2 % tal-PDG li l-gvern implimenta fl-2009 f'konformità mal-Pjan Ewropew ta' Rilanċ Ekonomiku (PERE). Tnaqqis fit-taxxa tad-dħul personali (deċiż fl-2007), żieda f'investiment pubbliku u indiċizzazzjoni ta' trasferimenti soċjali kienu l-elementi ewlenin tal-stimolu. Min-naħa l-oħra, l-iżbilanċ imġarrab fl-2009 kien ikun ħafna agħar kieku ma ġewx implimentati miżuri għal tnaqqis stmati għal madwar 1,5 punti perċentwali (tnaqqis fl-infiq amministrattiv u żieda fid-dividend minn intrapriżi tal-istat). Minkejja dawn il-miżuri, il-bilanċ strutturali iddeterjora b'aktar minn 2 punti perċentwali tal-PDG fl-2009, li jirrifletti wkoll infiq żejjed f'xi setturi sekondarji (3) tal-gvern ġenerali u kompożizzjoni ta' tkabbir xejn favorevoli. Minkejja l-livell għoli milħuq mill-iżbilanċ strutturali u l-irkupru qawwi previst fl-attività ekonomika, il-programm ibassar strateġija ta' ħruġ gradwali, b'konsolidazzjoni fiskali moderata ppjanata fl-2010-2011. |
(6) |
Il-programm jipprevedi tnaqqis żgħir fl-iżbilanċ tal-gvern għal 6,9 % tal-PDG fl-2010. Dan għandu jintlaħaq permezz ta' żieda kbira fil-proporzjon tad-dħul (ta' 2,2 punti perċentwali) li għandha tpatti sew għal żieda għolja fil-proporzjon tal-infiq (ta' 1,9 punti perċentwali), prinċipalment minħabba żieda fl-infiq kapitali (parzjalment iffinanzjata mill-fondi tal-UE). Il-miżuri ta' konsolidazzjoni ewlenin huma żieda f'xi dazji tas-sisa u kważisisa (madwar 0,2 % tal-PDG) u tnaqqis fiż-żieda fil-pagi u fis-salarji fil-baġit ċentrali (0,3 % tal-PDG) li flimkien jammontaw għal 0,5 % tal-PDG. It-titjib fil-bilanċ strutturali huwa stmat għal 0,8 punti perċentwali tal-PDG, u għandu jirrifletti wkoll kompożizzjoni favorevoli ta' tkabbir li twassal għal elastiċità tat-taxxa ogħla min-normal. L-isforz fiskali implikat mill-pjanijiet attwali huwa iżgħar mill-medja annwali rrakkomandata mill-Kunsill f'Lulju 2009 għall-perijodu 2010-2012 (talanqas 1,25 % tal-PDG). |
(7) |
L-għan ewlieni tal-istrateġija baġitarja tal-programm għall-perijodu medju huwa li jitnaqqas l-iżbilanċ għal anqas mill-valur ta' referenza tal-iżbilanċ ta' 3 % tal-PDG sal-2012, f'konformità mar-rakkomandazzjoni tal-Kunsill skont l-Artikolu 104(7) TKE. Madankollu, l-aġġustament ippjanat huwa kkunsidrat bħala deferit għal iktar tard: huwa previst li l-bilanċ prinċipali ser jitjieb b'0,3 punti perċentwali tal-PDG fl-2010, b'1 punt perċentwali tal-PDG fl-2011 u bi 3 punti perċentwali tal-PDG fl-2012. Il-bilanċ strutturali għandu jitjieb b'0,8-0,9 punti perċentwali tal-PDG kull sena fl-2010-2011, u bi 3 punti perċentwali tal-PDG fl-2012. Biex jikkumpensa għal pożizzjoni tal-bidu tal-iżbilanċ prinċipali fl-2009 li kien agħar minn dak previst fil-waqt tar-rakkomandazzjoni tal-Kunsill, l-isforz strutturali annwali medju għall-perijodu 2010-2012 jkun madwar 1,5 perċentwal tal-PDG, kemxejn ogħla minn dak irrakkomandat fir-rakkomandazzjoni mill-Kunsill taħt il-proċedura ta' żbilanċ eċċessiv. Il-konsolidazzjoni fis-snin 2011-2012 hija primarjament ibbażata fuq l-infiq iżda ma għandhiex appoġġ suffiċjenti minn miżuri konkreti L-impatt totali nett tal-miżuri mħabbra, jiġifieri dawk inklużi fil-“Pjan għall-Iżvilupp u l-Konsolidazzjoni tal-Finanzi” tad-29 ta' Jannar 2010, li għalih jirreferi sikwit il-programm ta' konverġenza, ma jaqbiżx in 0,5 % tal-PDG matul il-perijodu 2011-2012 (4). Il-programm jikkonferma l-impenn għall-objettiv għall-perijodu medju (MTO) ta' bilanċ tal-gvern ta' –1 % tal-PDG f'termini strutturali. Fid-dawl tal-previżjonijiet l-iktar reċenti u l-livell tad-dejn, l-MTO jirrifletti tajjeb ferm l-objettivi tal-Pattt. Madankollu, il-programm ma jipprevedix li dan jinkiseb fil-perijodu tal-programm. |
(8) |
Ir-riżultati baġitarji jistgħu jkunu agħar minn dawk previsti fil-programm tul il-perijodu kollu tal-programm. L-ewwel nett, it-tkabbir reali tal-PDG jista' jkun anqas favorevoli minn dak previst, li jiġi jfisser dħul mit-taxxa aktar baxx minn dak mistenni. Skont il-programm, jekk isseħħ l-alternattiva, xenarju aktar kawtel u plawsibbli, l-iżbilanċ fl-2012 ikun qrib il-5 % tal-PDG, u l-iżbilanċ eċċessiv ma għandux jiġi kkoreġut fid-data tal-iskadenza stipulata mill-Kunsill. It-tieni nett, il-miri fiskali għall-2011 u l-2012 ma għandhomx appoġġ minn miżuri konkreti. Il-kalendarju elettorali mimli għas-sentejn li ġejjin (elezzjonijiet presidenzjali u lokali fil-ħarifa tal-2010, l-elezzjonijiet parlamentari fil-ħarifa tal-2011), iqajmu mistoqsijiet dwar meta dawn il-miżuri ser jiġu speċifikati u implimentati. It-tielet, il-Polonja għandha storja mħallta dwar il-kisba tal-miri tal-infiqa tal-gvern ġenerali speċifikati fl-aġġornamenti sussegwenti tal-Programmi ta' Konverġenza, u l-inizjattivi ġodda biex isaħħu l-qafas fiskali jistgħu ma jkunux suffiċjenti biex ibiddlu dan ir-ritmu matul iż-żmien kopert mil-programm. Ir-regola tal-infiq “temporanja” ġdida li għandha tiġi implimentata sakemm tiġi introdotta r-regola tal-infiq “fil-mira”, tkopri parti żgħira ħafna mill-infiq tal-gvern (anqas minn 15 %) u għandha tirriżulta f'aġġustament annwali żgħir, anke jekk tiġi implimentata kompletament (anqas minn 0,2 % tal-PDG kull sena fl-2011-2012) (5). B'mod ġenerali, ir-riżultati baġitarji jistgħu jkunu agħar minn dawk previsti fil-programm. |
(9) |
Id-dejn gross tal-gvern huwa stmat li laħaq 50,7 % tal-PDG fl-2009, 'il fuq minn 47,2 % fl-2008. Dan il-proporzjon huwa previst li jiżdied b'5 punti perċentwali matul il-perijodu tal-programm, u jilħaq il-livell ta' madwar 56 % tal-PDG fl-2012 iżda jibqa' taħt il-valur ta' referenza tat-Trattat, xprunat prinċipalment minn żbilanċi għoljin tal-gvern. Huwa previst dħul importanti minn privatizzazzjoni ppjanata għall-2010 li ser trażżan iż-żieda fil-proporzjon tad-dejn. Madankollu, fid-dawl ta' kondizzjonijiet tas-suq li għadhom batuti u prestazzjoni aktar baxxa minn dik prevista fil-pjanijiet tal-privatizzazzjoni tal-passat, id-dħul jista' jkun anqas milli mistenni. Taħt xenarju makroekonomiku differenti u politiki mhux mibdula, is-servizzi tal-Kummissjoni pprevedew fil-previżjoni tagħhom tal-Ħarifa 2009, proporzjon ta' dejn li jikser il-limitu massimu ta' 60 % tal-PDG fl-2011. Waqt li fid-dawl ta' data reċenti din il-previżjoni tidher aktarx għolja, il-proporzjon ta' dejn fis-snin li ġejjin jista' jkun ogħla minn dak previst fil-programm. |
(10) |
Il-previżjonijiet tad-dejn għall-perijodu medju sal-2020, li jassumu li r-rati tat-tkabbir tal-PDG ser jirkupraw gradwalment għall-valuri previsti qabel il-kriżi, li l-proporzjonijiet tat-taxxa ser jerġgħu lura għal-livelli ta' qabel il-kriżi u li jinkludu żieda prevista fl-infiq relatat mat-tixjiħ juru li l-iżvilupp baġitarju previst fil-programm, meqjus b'valur nominali u b'ebda bidla fil-politika, huwa aktar milli biżżejjed biex jistabbilizza l-proporzjon tad-dejn sal-2020. Il-programm jirreferi għal riformi li jappoġġaw is-sostenibbiltà tal-finanzi pubbliċi fit-tul (ġew inklużi l-professjonijiet bl-uniformi fil-pensjonijiet ġenerali riformati, l-età tal-irtirar, il-fond tas-sigurtà soċjali tal-bdiewa, u t-tnaqqis fil-benefiċji tad-diżabbiltà). Dawn il-miżuri waqt li huma importanti ħafna għall-bilanċ tal-gvern u għall-iżvilupp fis-suq tax-xogħol fit-tul, huma intenzjonati biex jiġu implimentati gradwalment, u għalhekk, ma għandux ikollhom effetti sinifikanti fuq il-bilanċ tal-gvern fil-perijodu tal-programm. |
(11) |
L-impatt baġitarju tat-tixjiħ għall-perijodu fit-tul huwa sinifikament aktar baxx mill-medja tal-UE, li jirrifletti t-tnaqqis ippjanat fl-infiq pubbliku fuq il-pensjonijiet. Madankollu, il-qagħda baġitarja fl-2009 tikkawża lakuna ċara fis-sostenibbiltà għall-perijodu fit-tul. L-iżgurar ta’ bilanċi pożittivi primarji għola fil-perijodu medju, kif diġà previst fil-programm, għandu jikkontribwixxi għat-tnaqqis tar-riskji għas-sostenibbiltà tal-finanzi pubbliċi li ġew ivvalutati bħala medji fir-Rapport dwar is-Sostenibbiltà tal-Kummissjoni għall-2009 (6). |
(12) |
Hemm lok ta' titjib fil-qafas fiskali tal-Polonja. Il-Polonja għandha tip wieħed ta' regola fiskali, ibbażata fuq tliet limiti massimi ta' dejn (50 %, 55 % u 60 % tal-PDG, l-aħħar wieħed inkorporat fil-Kostituzzjoni), li meta jinkiser iwassal għal miżuri fiskali ta' konsolidazzjoni dejjem akbar. F'dak li jirrigwarda l-infiq, il-qafas istituzzjonali ma jiżgurax kontroll suffiċjenti tal-infiq u jirriżulta f'nuqqasijiet rikorrenti fl-infiq. L-awtoritajiet ħadu azzjoni biex itejbu l-qafas fiskali fl-2009. Huma għamlu r-regola eżistenti tad-dejn iktar restrittiva, bl-introduzzjoni ta' dispożizzjonijiet speċifiċi addizzjonali fuq it-tip ta' miżuri li jridu jiġu implimentati ladarba d-dejn pubbliku jaqbeż il-55 % tal-PDG (definizzjoni nazzjonali, mhux-ESA95). Il-perijodu tal-ippjanar fiskali għall-baġit ċentrali tal-istat ġie estiż minn 3 għal 4 snin. Saret xi riorganizzazzjoni tal-amministrazzjoni ġenerali bl-għan li tiżdied it-trasparenza tal-kontijiet pubbliċi. Fl-aħħar nett, l-awtoritajiet qed jippjanaw it-tisħiħ tal-qafas fiskali, li jinkludu regoli dwar l-infiq “temporanju” u “fil-mira”. Madankollu r-regola dwar it-“temporanju” tkopri biss il-parti mhix obbligatorja tal-baġit ċentrali tal-istat (li teskludi l-investiment pubbliku), li attwalment huwa anqas minn 15 % tal-infiq tal-gvern ġenerali. Waqt li dawn l-azzjonijiet ser jiffaċilitaw l-isforzi ta' konsolidazzjoni futuri, mhumiex sostituti għal miżuri meħtieġa biex tkun appoġġata t-triq ta' konsolidazzjoni inkluża fil-programm. |
(13) |
Meta wieħed jeżamina l-kompożizzjoni tal-infiq pubbliku, il-Polonja għandha sehem relattivament għoli tal-infiq pubbliku allokat għal protezzjoni soċjali li jirriżulta fi nfiq relattivament baxx f'xi kategoriji li jixprunaw it-tkabbir (innovazzjoni, Riċerka u Żvilupp) u l-kura tas-saħħa. Barra minn hekk, jidher li hemm lok għal titjib fl-effiċjenza tal-infiq pubbliku f'oqsma bħall-kura tas-saħħa u l-edukazzjoni. Fir-rigward tad-dħul, il-piż tat-taxxa huwa qrib il-medja tal-UE, iżda s-sistema komplessa tat-taxxa u l-ġbir tat-taxxi għandha tibbenefika jekk tiġi ssimplifikata aktar. Mill-2005, l-awtoritajiet Pollakki fasslu, u implimentaw gradwalment l-ibbaġitjar tal-prestazzjoni, li huwa mistenni li jtejjeb kemm l-effiċjenza u l-effettività tal-infiq tal-gvern fis-snin li ġejjin. Il-baġit għall-2010 kabbar il-kamp ta' applikazzjoni għall-ibbaġitjar tal-prestazzjoni, peress li huma koperti partijiet addizzjonali tas-settur tal-gvern ġenerali huma koperti u ġew inklużi kategoriji addizzjonali tal-infiq. L-ewwel baġit ċentrali li huwa kopert kompletament mill-ibbaġitjar tal-prestazzjoni huwa mistenni li jiġi implimentat fl-2013. |
(14) |
B'mod ġenerali, l-istrateġija baġitarja għall-2010 stipulata fil-programm hija ġeneralment konsistenti mar-rakkomandazzjonijiet tal-Kunsill skont l-Artikolu 104(7) tat-TKE tas-7 ta' Lulju 2009. Madankollu, b'kont meħud tar-riskji, l-istrateġija baġitarja, mill-2011, ma tidhirx konsistenti mar-rakkomandazzjonijiet tal-Kunsill. L-isforz strutturali annwali medju ppjanat għall-perijodu 2010-2012 huwa 1½ % tal-PDG, kemxejn ogħla minn dak irrakkomandat fir-rakkomandazzjoni tal-Kunsill taħt il-proċedura tal-iżbilanċ eċċessiv. Madankollu, il-konsolidazzjoni fiskali hija konsiderevolment deferita għal iktar tard, il-miri tal-iżbilanċ huma bbażati fuq assunzjonijiet ta' tkabbir favorevoli, u t-tfaddil ippjanat fuq l-infiq mhux appoġġat b'miżuri konkreti biżżejjed. Fid-dawl tal-prestazzjoni ekonomika tajba tal-Polonja matul il-kriżi, l-irkupru previst mill-awtoritajiet mill-2010 'l quddiem, l-iżbilanċ strutturali għoli tal-gvern, u l-objettiv tal-awtoritajiet biex jikkoreġu l-iżbilanċ eċċessiv sal-2012, strateġija fiskali ta' konsolidazzjoni bi ħlas bil-quddiem għandha tkun adatta. Fl-2010, il-baġit għandu jiġi implimentat b'mod rigoruż, kull fejn possibbli għandu jkun hemm esekuzzjoni mnaqqsa tal-pjanijiet għall-infiq kurrenti primarju, u d-dħul mhux mistenni jiġi allokat għat-tnaqqis tal-iżbilanċ. Il-miri tal-gvern għall-iżbilanċ fl-2011-2012 għandhom ikunu appoġġati b'miżuri mdaqqsa addizzjonali, li għandhom jiżguraw ukoll marġini adegwat f'każ li x-xenarju makroekonomiku ta' bażi inkluż fil-programm ma jseħħx. |
(15) |
Fir-rigward tar-rekwiżiti ta’ data speċifikati fil-kodiċi tal-imġiba għal programmi ta’ stabbiltà u konverġenza, il-programm jipprovdi d-data meħtieġa kollha u l-parti l-kbira tad-data fakultattiva (7). Il-Kunsill, fir-rakkomandazjonijiet tiegħu, skont l-Artikolu 104(7) TKE tas-7 ta' Lulju 2009, stieden ukoll lill-Polonja biex tirrapporta dwar il-progress li sar fl-implimentazzjoni tar-rakkomandazzjonijiet tal-Kunsill f'kapitolu separat fl-aġġornamenti tal-programmi ta' konverġenza. Il-Polonja kkonformat parzjalment ma' din ir-rakkomandazzjoni. B'mod partikolari, il-miżuri dettaljati li huma meħtieġa biex inaqqsu l-iżbilanċ 'l isfel mill-valur ta' referenza sal-2012 u r-riformi biex jikkontrollaw l-infiq attwali primarju fis-snin li ġejjin, mhumiex spjegati biżżejjed. |
Fl-aħħar nett, il-konklużjoni hija li waqt li l-Polonja qed tippjana biex tikkoreġi l-iżbilanċ eċċessiv tagħha sal-2012 f'konformità mar-rakkomandazzjoni tal-Kunsill taħt il-proċedura tal-iżbilanċ eċċessiv, l-aġġustament fiskali huwa konsiderevolment deferit għal iktar tard, il-parti l-kbira tat-tnaqqis tal-iżbilanċ huwa previst li jseħħ fl-2012, u l-miri għall-iżbilanċ fil-programm huma soġġetti għal riskji sinifikanti potenzjalment negattivi, kemm għad-dħul kif ukoll għall-infiq. Bil-ħsieb tal-irkupru previst mill-awtoritajiet mill-2010 u l-iżbilanċ strutturali kbir tal-gvern, tkun adatta strateġija fiskali ta' konsolidazzjoni bi ħlas bil-quddiem. Ir-riskji għall-miri fiskali jirriflettu b'mod favorevoli tkabbir reali fil-PDG, nuqqas ta' miżuri mdaqqsa konkreti b'appoġġ għal miri fiskali mill-2011 'il quddiem, storja ta' nuqqasijiet fl-infiq kurrenti meta mqabbla mal-pjanijiet u l-impatt taċ-ċiklu elettorali. Huma mixtieqa pjanijiet għat-tisħiħ tal-qafas fiskali, b'mod partikulari permezz ta' regoli dwar l-infiq. Fir-rigward tar-regola dwar l-infiq “temporanja”, ikun adatt grad ogħla ta' ambizzjoni, notevolment f'termini tas-sehem tal-finanzi tal-gvern koperti mir-regola.
Minħabba l-valutazzjoni ta’ hawn fuq u wkoll fid-dawl tar-rakkomandazzjoni skont l-Artikolu 104(7) TKE tas-7 ta’ Lulju 2009, kif ukoll minħabba l-ħtieġa li tkun żgurata konverġenza sostenibbli, il-Polonja hija mistiedna biex:
(i) |
timplimenta l-baġit għall-2010 b'mod rigoruż, kull fejn possibbli tnaqqas l-esekuzzjoni tal-pjanijiet għall-infiq kurrenti primarju u talloka dħul mhux mistenni għat-tnaqqis tal-iżbilanċ; |
(ii) |
issaħħaħ l-aġġustament baġitarju ppjanat fl-2011 sabiex tikseb l-isforz fiskali annwali medju ta' 1,25 % tal-PDG f'konformità mar-Rakkomandazzjoni tal-Artikolu 104(7) u tkun lesta biex tadotta aktar miżuri ta' konsolidazzjoni fl-2011 u l-2012 f'każ li r-riskji relatati mall-fatt li x-xenarju tal-programm ikun aktar favorevoli mix-xenarju li fuqu hija bbażata r-rakkomandazzjoni skont l-Artikolu 104(7) TKE; |
(iii) |
tipproċedi bit-tisħiħ tal-qafas fiskali, inkluż permezz tal-introduzzjoni ta' regola għall-infiq li tkopri sehem akbar mill-infiq primarju tal-gvern ġenerali mir-regola “temporanja” ppreżentata fil-Programm ta' Konverġenza, b'mekkaniżmi ta' monitoraġġ u infurzar adatti. Dan ikun jirrikjedi t-tnaqqis tal-proporzjon tal-infiq statutorju mill-infiq totali. |
Il-Polonja hija wkoll mistiedna biex iżżid, fl-aġġornament tagħha li jmiss tal-programm ta' konverġenza, tagħrif iktar preċiż fil-kapitolu separat dwar il-progress milħuq biex tintemm is-sitwazzjoni ta' żbilanċ eċċessiv, kif mitlub mill-Kunsill fir-rakkomandazzjonijiet tiegħu skont l-Artikolu 104(7) tas-7 ta' Lulju 2009.
Tqabbil tat-tbassir makroekonomiku u baġitarju ewlieni
|
2008 |
2009 |
2010 |
2011 |
2012 |
|
PDG reali (bidla f’%) |
PK Frar 2010 |
5,0 |
1,7 |
3,0 |
4,5 |
4,2 |
COM Nov 2009 |
5,0 |
1,2 |
1,8 |
3,2 |
m.d. |
|
PK Diċ 2008 |
5,1 |
3,7 |
4,0 |
4,5 |
m.d. |
|
Inflazzjoni tal-Indiċi Armonizzat tal-Prezzijiet għall-Konsumatur –(IAPK) (%) |
PK Frar 2010 |
4,2 |
4,0 |
2,1 |
2,7 |
3,2 |
COM Nov 2009 |
4,2 |
3,9 |
1,9 |
2,0 |
m.d. |
|
PK Diċ 2008 |
4,2 |
2,9 |
2,5 |
2,5 |
m.d. |
|
Differenza fil-produzzjoni (attwali/potenzjali) (8) (% tal-PDG potenzjali) |
PK Frar 2010 |
2,4 |
–0,4 |
–1,7 |
–1,5 |
–1,5 |
COM Nov 2009 (9) |
2,6 |
–0,4 |
–2,2 |
–2,3 |
m.d. |
|
PK Diċ 2008 |
1,0 |
–0,1 |
–0,6 |
–0,5 |
m.d. |
|
Tislif/self nett fir-rigward tal-bqija tad-dinja (% tal-PDG) |
PK Frar 2010 |
–4,0 |
–0,1 |
–1,1 |
–0,0 |
–0,8 |
COM Nov 2009 |
–4,0 |
–0,2 |
–0,3 |
–0,7 |
m.d. |
|
PK Diċ 2008 |
–4,0 |
–1,8 |
–1,3 |
–1,5 |
m.d. |
|
Dħul tal-amministrazzjoni pubblika (% tal-PDG) |
PK Frar 2010 |
39,6 |
37,4 |
39,6 |
40,3 |
40,3 |
COM Nov 2009 |
39,6 |
37,6 |
38,6 |
38,3 |
m.d. |
|
PK Diċ 2008 |
39,8 |
40,7 |
40,0 |
39,7 |
m.d. |
|
Nefqa tal-amministrazzjoni pubblika (% tal-PDG) |
PK Frar 2010 |
43,3 |
44,6 |
46,5 |
46,2 |
43,3 |
COM Nov 2009 |
43,3 |
44,0 |
46,1 |
45,9 |
m.d. |
|
PK Diċ 2008 |
42,6 |
43,2 |
42,4 |
41,7 |
m.d. |
|
Bilanċ tal-amministrazzjoni pubblika (% tal-PDG) |
PK Frar 2010 |
–3,6 |
–7,2 |
–6,9 |
–5,9 |
–2,9 |
COM Nov 2009 |
–3,6 |
–6,4 |
–7,5 |
–7,6 |
m.d. |
|
PK Diċ 2008 |
–2,7 |
–2,5 |
–2,3 |
–1,9 |
m.d. |
|
Bilanċ ewlieni (% tal-PDG) |
PK Frar 2010 |
–1,4 |
–4,8 |
–4,2 |
–3,1 |
–0,2 |
COM Nov 2009 |
–1,4 |
–3,8 |
–4,6 |
–4,6 |
m.d. |
|
PK Diċ 2008 |
–0,3 |
0,1 |
0,2 |
0,5 |
m.d. |
|
Bilanċ aġġustat ċiċlikament (8) (% tal-PDG) |
PK Frar 2010 |
–4,6 |
–7,0 |
–6,2 |
–5,3 |
–2,3 |
COM Nov 2009 |
–4,7 |
–6,3 |
–6,6 |
–6,7 |
m.d. |
|
PK Diċ 2008 |
–3,1 |
–2,5 |
–2,1 |
–1,7 |
m.d. |
|
Bilanċ strutturali (10) (% tal-PDG) |
PK Frar 2010 |
–4,6 |
–7,0 |
–6,2 |
–5,3 |
–2,3 |
COM Nov 2009 |
–4,7 |
–6,4 |
–6,6 |
–6,7 |
m.d. |
|
PK Diċ 2008 |
–3,1 |
–2,5 |
–2,3 |
–1,7 |
m.d. |
|
Dejn gross tal-gvern (% tal-PDG) |
PK Frar 2010 |
47,2 |
50,7 |
53,1 |
56,3 |
55,8 |
COM Nov 2009 |
47,2 |
51,7 |
57,0 |
61,3 |
m.d. |
|
PK Diċ 2008 |
45,9 |
45,8 |
45,5 |
44,8 |
m.d. |
|
Programm ta' konverġenza (PK); Il-previżjoni tas-servizzi tal-Kummissjoni tal-Ħarifa (COM); Il-kalkoli tas-servizzi tal-Kummissjoni. |
(1) ĠU L 209, 2.8.1997, p. 1. Id-dokumenti msemmija f'dan it-test jinsabu fuq il-websajt li ġejja: http://ec.europa.eu/economy_finance/sgp/index_mt.htm
(2) Il-valutazzjoni tieħu notevolment kont tat-tbassir tas-servizzi tal-Kummissjoni tal-Ħarifa 2009, kif ukoll informazzjoni oħra li saret disponibbli minn dakinhar, partikolarment il-previżjoni interim tas-servizzi tal-Kummissjoni ta’ Frar 2010.
(3) Dan jeskludi s-settur sekondarju tal-gvern ċentrali fejn kien hemm esekuzzjoni nieqsa tan-nefqa minkejja dħul ogħla.
(4) In 0,5 % tal-PDG jinkludi l-impatt tar-regola tal-infiq kif speċifikat fl-ewwel pakkett ta' riformi ppreżentat lill-President.
(5) Fil-programm hemm ippjanat l-introduzzjoni ta' żewġ regoli tal-infiq: l-ewwel regola “temporanja” li tkopri biss parti żgħira tal-infiq tal-gvern ġenerali. Din ir-regola ser tidħol fis-seħħ sakemm l-iżbilanċ strutturali tal-gvern ġenerali jilħaq l-MTO (żbilanċ ta' 1 % tal-PDG). Imbagħad, l-awtoritajiet qed jippjanaw li jintroduċu regola tal-infiq “fil-mira” (l-objettiv ikun li l-iżbilanċ strutturali jinżamm f'1 % tal-PDG), li għandu jkopri sehem akbar mill-infiq tal-gvern.
(6) Fil-konklużjonijiet tal-Kunsill tal-10 ta' Novembru 2009 dwar is-sostenibbiltà tal-finanzi pubbliċi “il-Kunsill appella lill-Istati Membri biex jiffokaw l-attenzjoni fuq strateġiji mmirati lejn is-sostenibbiltà fil-programmi futuri tagħhom tal-istabbiltà u l-konverġenza” u kompla biex “stieden lill-Kummissjoni, flimkien mal-Kumitat tal-Politika Ekonomika u l-Kumitat Ekonomiku u Finanzjarju, biex jissoktaw fl-iżvilupp ta' metodoloġiji għal valutazzjoni tas-sostenibbiltà tal-finanzi pubbliċi fuq medda twila taż-żmien fil-ħin għar-rapport ta' Stabbiltà li jmiss” (traduzzjoni mhux uffiċjali), li huwa previst għall-2012.
(7) B'mod partikulari, l-estimi tal-kontribuzzjonijiet minn fatturi ta' produzzjoni individwali għat-tkabbir potenzjali u l-previżjonijiet għall-perijodu fit-tul ma ngħatawx.
(8) Id-differenzi fil-produzzjoni reali u potenzjali u l-bilanċi aġġustati ċiklikament skont il-programmi kif ikkalkulati mill-ġdid mis-servizzi tal-Kummissjoni abbażi tal-informazzjoni fil-programmi.
(9) Ibbażat fuq it-tkabbir potenzjali stmat għal 5,0 %, 4,2 %, 3,7 % u 3,3 % rispettivament fil-perijodu 2008-2011
(10) Bilanċ aġġustat ċiklikament li jeskludi miżuri ta' darba u miżuri temporanji oħrajn. Skont il-programm l-aktar riċenti ma hemmx miżuri ta' darba, u, skont il-previżjoni tas-servizzi tal-Kummissjoni tal-Ħarifa 2009, fl-2009 kien hemm 0,1 % tal-PDG, bħala tnaqqis fl-iżbilanċ.
Sors:
Programm ta' konverġenza (PK); Il-previżjoni tas-servizzi tal-Kummissjoni tal-Ħarifa (COM); Il-kalkoli tas-servizzi tal-Kummissjoni.
II Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
2.6.2010 |
MT |
Il-Ġurnal Uffiċjali tal-Unjoni Ewropea |
C 143/22 |
Awtorizzazzjoni għal għajnuna mill-Istat skont l-Artikoli 107 u 108 tat-TFUE
Każijiet fejn il-Kummissjoni ma toġġezzjonax
(Test b’relevanza għaż-ŻEE)
2010/C 143/05
Data tal-adozzjoni tad-Deċiżjoni |
25.1.2010 |
|||||
In-numru ta' referenza tal-għajnuna |
N 194/09 |
|||||
Stat Membru |
Ir-Renju Unit |
|||||
Reġjun |
— |
|||||
Titolu (u/jew isem tal-benefiċjarju) |
Liquidation aid to Bradford & Bingley |
|||||
Il-bażi legali |
Banking (Special Provisions) Act 2008 The Bradford & Bingley plc Transfer of Securities and Property etc. Order 2008 |
|||||
It-tip tal-miżura |
Għajnuna individwali |
|||||
L-għan |
Għajnuna biex tirrimedja tfixkil serju fl-ekonomija, Għajnuna tal-għeluq |
|||||
Il-forma tal-għajnuna |
Self b'rata ta' imgħax baxxa, Garanzija, Forom oħra ta' intervent ta' ekwità |
|||||
L-estimi |
— |
|||||
L-intensità |
— |
|||||
It-tul ta' żmien |
25.1.2010 – It-tmiem tal-likwidazzjoni |
|||||
Setturi ekonomiċi |
L-intermedjazzjoni finanzjarja |
|||||
Isem u indirizz tal-awtorità responsabbli mill-għajnuna |
|
|||||
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
Data tal-adozzjoni tad-Deċiżjoni |
30.3.2010 |
In-numru ta' referenza tal-għajnuna |
NN 11/10 |
Stat Membru |
L-Irlanda |
Reġjun |
— |
Titolu (u/jew isem tal-benefiċjarju) |
Rescue measure in favour of INBS |
Il-bażi legali |
Building Societies Act 1989, CIFS Act 2008 |
It-tip tal-miżura |
Għajnuna individwali |
L-għan |
Għajnuna biex tirrimedja tfixkil serju fl-ekonomija |
Il-forma tal-għajnuna |
Għotja diretta |
L-estimi |
Baġit globali: EUR 2 700 miljun |
L-intensità |
— |
It-tul ta' żmien |
— |
Setturi ekonomiċi |
L-intermedjazzjoni finanzjarja |
Isem u indirizz tal-awtorità responsabbli mill-għajnuna |
Irish Minister for Finance |
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
Data tal-adozzjoni tad-Deċiżjoni |
27.4.2010 |
||||
In-numru ta' referenza tal-għajnuna |
N 41/10 |
||||
Stat Membru |
Il-Latvja |
||||
Reġjun |
Rīga |
||||
Titolu (u/jew isem tal-benefiċjarju) |
Investīciju atbalsts VAS “Starptautiskā lidosta “Rīga” ” |
||||
Il-bażi legali |
15.12.2009. MK noteikumi Nr. 1476 “Noteikumi par darbības programmas “Infrastruktūra un pakalpojumi” papildinājuma 3.3.1.4. aktivitāti “Lidostu infrastruktūras attīstība” ” |
||||
It-tip tal-miżura |
Għajnuna individwali |
||||
L-għan |
Żvilupp settorjali, Żvilupp reġjonali |
||||
Il-forma tal-għajnuna |
Għotja diretta |
||||
L-estimi |
Baġit globali: EUR 124 miljun |
||||
L-intensità |
75 % |
||||
It-tul ta' żmien |
1.5.2010–31.12.2020 |
||||
Setturi ekonomiċi |
Trasport tal-ajru |
||||
Isem u indirizz tal-awtorità responsabbli mill-għajnuna |
|
||||
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
Data tal-adozzjoni tad-Deċiżjoni |
10.5.2010 |
||||
In-numru ta' referenza tal-għajnuna |
N 116/10 |
||||
Stat Membru |
Il-Ġermanja |
||||
Reġjun |
— |
||||
Titolu (u/jew isem tal-benefiċjarju) |
Änderung der Regelung für Innovationsbeihilfen an den Schiffbau |
||||
Il-bażi legali |
Richtlinie des Bundesministeriums für Wirtschaft und Technologie zum Förderprogramm „Innovativer Schiffbau sichert wettbewerbsfähige Arbeitsplätze“ |
||||
It-tip tal-miżura |
Skema ta' għajnuna |
||||
L-għan |
Innovazzjoni |
||||
Il-forma tal-għajnuna |
Għotja diretta |
||||
L-estimi |
Baġit annwali: EUR 22 miljun Baġit globali: EUR 45 miljun |
||||
L-intensità |
20 % |
||||
It-tul ta' żmien |
1.5.2010–31.12.2010 |
||||
Setturi ekonomiċi |
Bini ta' vapuri |
||||
Isem u indirizz tal-awtorità responsabbli mill-għajnuna |
|
||||
Aktar informazzjoni |
— |
It-test tad-deċiżjoni fil-lingwa jew lingwi awtentika/awtentiċi, li minnu tneħħew il-partijiet kunfidenzjali kollha, jinsab fuq is-sit:
http://ec.europa.eu/community_law/state_aids/state_aids_texts_mt.htm
2.6.2010 |
MT |
Il-Ġurnal Uffiċjali tal-Unjoni Ewropea |
C 143/25 |
Ebda oppożizzjoni għal konċentrazzjoni notifikata
(Każ COMP/M.5874 – Barclays/Blackstone/Portfolio Hotels)
(Test b’relevanza għaż-ŻEE)
2010/C 143/06
Fil-21 ta’ Mejju 2010, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32010M5874. Il-EUR-Lex hu l-aċċess fuq l-internet għal-liġi Ewropea. |
2.6.2010 |
MT |
Il-Ġurnal Uffiċjali tal-Unjoni Ewropea |
C 143/26 |
Komunikazzjoni skond l-Artikolu 12 (5)(a) tar-Regolament tal-Kunsill (KEE) Nru. 2913/92, dwar l-informazzjoni mogħtija mill-awtoritajiet doganali tal-Istati Membri dwar il-klassifkazzjoni ta' merkanzija fin-nomenklatura doganali
2010/C 143/07
Informazzjoni Tariffarja Obbligatorja ma tibqax valida minn dan il-jum jekk issir inkompatibbli mal-interpretazzjoni tan-nomenklatura doganali bħala riżultat tal-miżuri tariffarji internazzjonali li ġejjin:
Emendi tan-Noti ta' Spjegazzjoni tas-Sistema Armonizzata u l-Kompendju ta' Opinjonijiet dwar il-Klassifikazzjoni, approvati mill-Kunsill tal-Kooperazzjoni Doganali (dok CCC NC1500 – rapport tal-44 Sessjoni tal-Kumitat HS):
EMENDI TAN-NOTI TA' SPJEGAZZJONI LI JRIDU JSIRU SKONT IL-PROĊEDURA TAL-ARTIKOLU 8 TAL-KONVENZJONI HS U L-OPINJONIJIET DWAR IL-KLASSIFIKAZZJONI EDITJATI MILL-KUMITAT HS TAL-ORGANIZZAZZJONI DINJIJA DOGANALI
(IS-44 SESSJONI TAL-HSC – OTTUBRU 2009)
DOK. NC1500
Emendi tan-Noti ta' Spjegazzjoni tan-Nomenklatura fl-anness tal-Konvenzjoni HS
84.15 |
K/16 |
84.19 |
K/18 |
84.33 |
K/2 |
85.36 |
K/1 |
90.28 |
K/4 |
95.04 |
K/17 |
Opinjonijiet dwar il-Klassifikazzjoni approvati mill-Kumitat HS
3002.10/4 |
K/9 |
3002.10/5 |
K/9 |
3404.90/1 |
K/10 |
3504.00/2 |
K/11 |
3824.90/18 |
K/12 |
3923.90/1 |
K/13 |
4014.90/1 |
K/14 |
4016.93/2 |
K/15 |
9503.00/9 (Emenda tal-bażi legali) |
K/5 |
Informazzjoni dwar il-kontenut ta' dawn il-miżuri tista' tinkiseb mid-Direttorat Ġenerali għat-Tassazzjoni u l-Unjoni Doganali tal-Kummissjoni Ewropea (rue de la Loi/Wetstraat 200, 1049 Bruxelles/Brussel, BELGIQUE/BELGIË) jew tista' titniżżel mis-sit tal-internet tad-Direttorat-Ġenerali:
http://ec.europa.eu/comm/taxation_customs/customs/customs_duties/tariff_aspects/harmonised_system/index_en.htm
IV Avviżi
AVVIŻI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
2.6.2010 |
MT |
Il-Ġurnal Uffiċjali tal-Unjoni Ewropea |
C 143/27 |
Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):
1,00 % fl-1 ta’ Ġunju 2010
Rata tal-kambju tal-euro (2)
L-1 ta’ Ġunju 2010
2010/C 143/08
1 euro =
|
Munita |
Rata tal-kambju |
USD |
Dollaru Amerikan |
1,2155 |
JPY |
Yen Ġappuniż |
110,65 |
DKK |
Krona Daniża |
7,4393 |
GBP |
Lira Sterlina |
0,83470 |
SEK |
Krona Żvediża |
9,6163 |
CHF |
Frank Żvizzeru |
1,4183 |
ISK |
Krona Iżlandiża |
|
NOK |
Krona Norveġiża |
7,9420 |
BGN |
Lev Bulgaru |
1,9558 |
CZK |
Krona Ċeka |
25,628 |
EEK |
Krona Estona |
15,6466 |
HUF |
Forint Ungeriż |
276,62 |
LTL |
Litas Litwan |
3,4528 |
LVL |
Lats Latvjan |
0,7093 |
PLN |
Zloty Pollakk |
4,1140 |
RON |
Leu Rumen |
4,1868 |
TRY |
Lira Turka |
1,9288 |
AUD |
Dollaru Awstraljan |
1,4595 |
CAD |
Dollaru Kanadiż |
1,2766 |
HKD |
Dollaru ta' Hong Kong |
9,4720 |
NZD |
Dollaru tan-New Zealand |
1,8056 |
SGD |
Dollaru tas-Singapor |
1,7193 |
KRW |
Won tal-Korea t'Isfel |
1 478,29 |
ZAR |
Rand ta' l-Afrika t'Isfel |
9,3929 |
CNY |
Yuan ren-min-bi Ċiniż |
8,3021 |
HRK |
Kuna Kroata |
7,2590 |
IDR |
Rupiah Indoneżjan |
11 249,90 |
MYR |
Ringgit Malażjan |
4,0203 |
PHP |
Peso Filippin |
56,709 |
RUB |
Rouble Russu |
38,0290 |
THB |
Baht Tajlandiż |
39,607 |
BRL |
Real Brażiljan |
2,2262 |
MXN |
Peso Messikan |
15,7893 |
INR |
Rupi Indjan |
57,3170 |
(1) Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.
(2) Sors: rata tal-kambju ta' referenza ppubblikata mill-Bank Ċentrali Ewropew.
AVVIŻI MILL-ISTATI MEMBRI
2.6.2010 |
MT |
Il-Ġurnal Uffiċjali tal-Unjoni Ewropea |
C 143/28 |
AVVIŻ TA' APPLIKAZZJONI GĦAL PERMESS TA' TIFTIX TA' IDROKARBONJI LIKWIDI U GASSUŻI BL-ISEM COSTA DEL SOLE
REPUBBLIKA TALJANA – REĠJUN TA' SQALLIJA
MINISTERU REĠJONALI GĦALL-ENERĠIJA U S-SERVIZZI PUBBLIĊI – DIPARTIMENT REĠJONALI TAL-ENERĠIJA
SERVIZZ – UFFIĊĊJU REĠJONALI GĦALL-IDROKARBONJI U L-ENERĠIJA ĠEOTERMIKA (U.R.I.G.)
2010/C 143/09
Il-kumpanija Apennine Energy s.r.l. bl-uffiċċju rreġistrat f'Ruma, via Alberico II 31 CAP 00193 (C.F./P.IVA 01348720358) u rreġistrata fil-Kamra tal-Kummerċ ta' Ruma bin-numru 01348720358, f'applikazzjoni bid-data tat-18 ta' Diċembru 2009 indirizzata lill-ex Ministru Reġjonali għall-Industrija, l-awtorità kompetenti għall-għoti ta' permessi minerarji fir-Reġjun ta' Sqallija, bl-uffiċċju reġistrat tagħha fl-indirizz via Ugo La Malfa Nru 87/89, kodiċi postali 90146 Palermo, talbet biex jingħatalha, skont il-Liġi tar-Reġjun ta' Sqallija Nru 14 tat-3 ta' Lulju 2000, bi traspożizzjoni u applikazzjoni tad-Direttiva 94/22/KE, il-liċenzja għat-tiftix ta' idrokarbonji likwidi u gassużi tradizzjonalment imsejħa “Costa del Sole”, f'żona ta' estensjoni ta' 4 152 ettaru (Km2 41,52) li tinsab fuq il-kosta tan-Nofsinhar ta' Sqallija, fil-provinċja ta' Caltanissetta. Il-muniċipalitajiet ikkonċernati minnha huma Butera u Gela.
Min-naħa tan-Nofsinhar, iż-żona msemmija hawn fuq tmiss mal-baħar matul il-kosta bejn il-vertiċi “D” u “E” u ma' żoni liberi fid-direzzjonijiet l-oħra.
Iż-żona tar-riċerka hija ddelimitata minn linja kontinwa identifikata minn 7 vertiċi, u parti mil-linja tal-kosta bejn il-vertiċi “D” u “E”.
Dawn il-vertiċi huma definiti hekk:
A. |
AIl-punt tax-xifer tal-Lbiċ ta' Casa Savorni f'altitudni ta' 100 metru (F. 272 III NE). |
B. |
Il-punt trigonometriku f'altitudni ta' 289 metru tar-Rocca d’Adamo (F.272 III NE). |
C. |
Il-punt trigonometriku f'altitudni ta' 75 metru tat-Torre Manfria(F.272 III NE). |
D. |
Il-punt fejn l-estensjoni tal-linja li tgħaqqad il-vertiċi B-C tiltaqa' mal-linja tal-kosta (F.272 III NE). |
E. |
Il-punt fejn l-estensjoni tal-linja li tgħaqqad il-vertiċi F-G tiltaqa' mal-linja tal-kosta(F.272 III NO). |
F. |
Il-punt trigonometriku f'altitudni ta' 18-il metru tal-Kastell ta' Falconara (F. 272 III NO). |
G. |
Il-punt tax-xifer tal-Lbiċ tad-djar La Tenutella f'altitudni ta' 59 metru (F. 272 III NE). |
Koordinati ġeografiċi
Vertiċi |
Lonġitudini E (M.Mario) |
Latitudni Tramuntana |
A |
1° 42′ 23,39″ |
37° 09′ 49,46″ |
B |
1° 43′ 35,59″ |
37° 09′ 41,35″ |
C |
1° 41′ 11,19″ |
37° 05′ 59,19″ |
D |
1° 41′ 08,14″ |
37° 05′ 53,11″ |
E |
1° 35′ 57,97 |
37° 06′ 25,14″ |
F |
1° 36′ 03,05″ |
37° 06′ 29,39″ |
G |
1° 38′ 33,56″ |
37° 08′ 41,63″ |
Dawk kollha li huma interessati jistgħu jressqu l-applikazzjoni tagħhom għal liċenzja fl-istess żona fi żmien 90 jum mid-data tal-pubblikazzjoni ta' dan l-avviż f'Il-Ġurnal Uffiċjali tal-Unjoni Ewropea; l-applikazzjonijiet li jaslu wara dak iż-żmien ma jintlaqgħux. Id-Digriet li jagħti l-liċenzja għall-esplorazzjoni se jinħareġ fi żmien sitt xhur mid-data tal-għeluq għat-tressiq tal-a 94/22/KE, qed jiġi mgħarraf ukoll li l-kriterji li fuqhom jingħataw il-liċenzji għat-tiftix, il-liċenzji ta' riċerka u l-konċessjonijiet ta' sfruttament diġà ġew ippubblikati fil-ħarġa ta' Il-Ġurnal Uffiċjali tal-Komunità Ewropea Nru C 396 tad-19 ta' Diċembru 1998, b'referenza għad-dispożizzjonijiet tad-Digriet Leġiżlattiv tal-President tar-Repubblika Nru 625 tal-25 ta' Novembru 1996 (ippubblikat fil-Gazzetta Uffiċjali tar-Repubblika Taljana, Nru 293, tal-14 ta' Diċembru 1996), li tittrasponi u timplimenta fl-ordinament ġuridiku Taljan id-Direttiva msemmija hawn fuq, u speċifikati mil-Liġi tar-Reġjun ta' Sqallija Nru 14, tat-3 ta' Lulju 2000, li diġà ssemmiet (ippubblikata fil-Gazzetta Uffiċjali tar-Reġjun ta' Sqallija Nru 32, tas-7 ta' Lulju 2000).
Il-kundizzjonijiet u r-rekwiżiti li għandhom x’jaqsmu mal-eżerċizzju jew il-waqfien tal-attività huma stabbiliti mil-Liġi tar-Reġjun ta' Sqallija Nru 14, tat-3 ta' Lulju 2000, li ssemmiet hawn fuq, kif ukoll mill-Ispeċifikazzjoni Standard (id-Disciplinare Tipo) maħruġa bid-Digriet Nru 91 tat-30 ta’ Ottubru 2003 u d-Digriet Nru 88 tat-20 ta’ Ottubru 2004, mil-Ministru Reġjonali għall-Industrija, u ppubblikati fil-Gazzetta Uffiċjali tar-Reġjun ta' Sqallija rispettivament fl-14 ta' Novembru 2003 l-Parti I Nru 49 u fil-5 ta' Novembru 2004 l-Parti I Nru 46.
Id-dokumentazzjoni tal-applikazzjoni hija disponibbli mill-Ufficio Regionale per gli Idrocarburi e la Geotermia, del Dipartimento Regionale dell’Energia, via Ugo La Malfa 101, 90146 Palermo PA, ITALIA, għall-użu ta' dawk interessati u li jixtiequ jarawha.
Palermo, il 21 ta’ April 2010
L-Inġinier prinċipali
Dr. Ing. Salvatore GIORLANDO
V Opinjonijiet
PROĊEDURI GĦALL-IMPLIMENTAZZJONI TAL-POLITIKA KUMMERĊJALI KOMUNI
Il-Kummissjoni Ewropea
2.6.2010 |
MT |
Il-Ġurnal Uffiċjali tal-Unjoni Ewropea |
C 143/30 |
Avviż li jikkonċerna l-miżuri tal-antidumping fis-seħħ fir-rigward tal-importazzjoni fl-Unjoni ta’ ċerti friġġijiet b'żewġ bibien li joriġinaw mir-Repubblika tal-Korea: bdil tal-indirizz ta' kumpanija suġġetta għad-dazju individwali tal-antidumping
2010/C 143/10
L-importazzjonijiet ta' ċerti friġġijiet b'żewġ bibien li joriġinaw mir-Repubblika tal-Korea huma suġġetti għal dazju tal-antidumping definittiv, impost mir-Regolament tal-Kunsill (KE) Nru 1289/2006 (1) (ir-“Regolament (KE) Nru 1289/2006”).
Il-Kumpanija Daewoo Electronics Corporation li tinsab fir-Repubblika tal-Korea, li l-esportazzjonijiet tagħha ta' ċerti friġġijiet b'żewġ bibien huma suġġetti għal dazju tal-antidumping ta' 3,4 % impost mill-Artikolu 1(2) tar-Regolamen (KE) Nru 1289/2006, infurmat lill-Kummissjoni li fit-8 ta' Awwissu 2008, biddlet l-indirizz tagħha.
Il-kumpanija sostniet li l-bidla fl-indirizz ma taffettwax id-dritt li l-kumpanija tibbenefika mir-rata individwali ta’ dazju applikata lill-kumpanija fl-indirizz preċedenti tagħha jiġifieri:
686 Ahyeon-dong |
Mapo-gu |
Seoul |
SOUTH KOREA |
Il-kumpanija ssottomettiet biżżejjed evidenza li turi li l-bidla fl-indirizz kienet minħabba riorganizzazzjoni interna tal-kumpanija li wasslet għal trasferiment tal-kwartieri ġenerali tal-kumpanija.
Il-Kummissjoni analizzat it-tagħrif mogħti u kkonkludiet li l-bidla fl-indirizz bl-ebda mod ma taffettwa s-sejbiet tar-Regolament (KE) Nru 1289/2006. Għaldaqstant, ir-referenza fl-Artikolu 1(2) tar-Regolament (EC) Nru 1289/2006 għal:
Daewoo Electronics Corporation |
686 Ahyeon-dong |
Mapo-gu |
Seoul |
SOUTH KOREA |
għandha tinqara:
Daewoo Electronics Corporation |
Narakeyum Jeodong Building 1 |
Jeo-dong1(il)-ga |
Jung-gu |
Seoul |
SOUTH KOREA |
Il-kodiċi addizzjonali Taric A733 għandha tapplika għal:
Daewoo Electronics Corporation |
Narakeyum Jeodong Building 1 |
Jeo-dong1(il)-ga |
Jung-gu |
Seoul |
SOUTH KOREA |
(1) ĠU L 236, 31.8.2006, p. 11.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
2.6.2010 |
MT |
Il-Ġurnal Uffiċjali tal-Unjoni Ewropea |
C 143/32 |
Notifika minn qabel ta' konċentrazzjoni
(Każ COMP/M.5818 – Ericsson/LG Electronics/JV)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2010/C 143/11
1. |
Fis-26 ta’ Mejju 2010, il-Kummissjoni rċeviet notifika ta' proposta għal konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Telefonaktiebolaget LM Ericsson (“Ericsson”, l-Isvezja) u LG Electronics Inc. (“LG Electronics”, il-Korea t'Isfel) jakkwistaw, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt tal-impriża LG-Nortel Co. Ltd. (“LG-Nortel”, il-Korea t'Isfel) permezz tax-xiri ta' ishma. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5818 – Ericsson/LG Electronics/JV, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
2.6.2010 |
MT |
Il-Ġurnal Uffiċjali tal-Unjoni Ewropea |
C 143/33 |
Notifika minn qabel ta' konċentrazzjoni
(Każ COMP/M.5808 – JSA/Jacquet Metals/IMS)
(Test b’relevanza għaż-ŻEE)
2010/C 143/12
1. |
Fis-26 ta’ Mejju 2010, il-Kummissjoni rċeviet notifika ta’ proposta ta' konċentrazzjoni skont l-Artikolu 4, u wara referenza skont l-Artikolu 4(5), tar-Regolament tal-Kunsill (KE) Nru 139/2004 (1) li permezz tagħha l-impriża JSA S.A. (“JSA”, il-Belġju) takkwista fit-tifsira tal-Artikolu 3(1)(b) tar-Regolament dwar l-Għaqdiet l-impriża International Metal Service (“IMS”, Franza). |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5808 – JSA/Jacquet Metals/IMS, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).