24.4.2010   

MT

Il-Ġurnal Uffiċjali tal-Unjoni Ewropea

C 106/1

(1)

Wieħed mill-fatturi ewlenin għat-tħaddim effiċjenti tar-regoli Komunitarji għall-koordinazzjoni tas-sistemi tas-sigurtà nazzjonali hija l-kooperazzjoni effettiva u mill-qrib bejn l-awtoritajiet u l-istituzzjonijiet tal-Istati Membri differenti.

(2)

Wieħed mill-elementi ta’ kooperazzjoni tajba skont ir-Regolamenti huwa l-iskambju ta’ informazzjoni bejn l-awtoritajiet u l-istituzzjonijet u l-persuni, li għandu jkun bbażat fuq il-prinċipji tas-servizz pubbliku, l-effiċjenza, l-assistenza attiva, it-twassil rapidu u l-aċċessibbiltà.

(3)

Huwa fl-interess kemm tal-istituzzjonijet kif ukoll tal-awtoritajiet, u l-persuni kkonċernati li l-informazzjoni kollha meħtieġa għall-istabbiliment u d-determinazzjoni tad-drittijiet u l-obbligazzjonijiet tal-persuna kkonċernata tiġi provvduta u skambjata mingħajr dewmien.

(4)

Il-prinċipju ta’ kooperazzjoni sinċiera, kif ukoll stipulat fl-Artikolu 10 tat-Trattat, jirrikjedi wkoll li l-istituzzjonijiet jagħmlu evalwazzjoni xierqa tal-fatti rilevanti għall-applikazzjoni tar-Regolamenti. Meta jkun hemm dubju dwar il-validità ta’ dokument jew dwar il-korrettezza tal-evidenza ta’ sostenn u meta jkun hemm differenza ta’ fehmiet bejn l-Istati Membri dwar id-determinazzjoni tal-leġiżlazzjoni applikabbli jew liema istituzzjoni għandha tipprovdi l-benefiċċju, huwa fl-interess tal-persuni koperti bir-Regolament KE Nru 883/2004 li l-istituzzjonijiet jew l-awtoritajiet tal-Istati Membri kkonċernati jilħqu ftehim f’perjodu ta’ żmien raġonevoli.

(5)

L-Artikoli 5 u 6 tar-Regolament (KE) Nru 987/2009 jipprevedu proċedura ta’ konċiljazzjoni li trid tiġi segwita fil-każijiet li ġejjin.

(6)

Dawn id-dispożizzjonijiet jikkonfermaw u jestendu l-ġurisprudenza tal-Qorti tal-Ġustizzja tal-Komunitajiet Ewropej skont ir-Regolament tal-Kunsill (KEE) Nru 1408/71 (3), skont liema ġiet żviluppata proċedura standard għal tilwim bejn l-Istati Membri dwar il-validità ta’ ċertifikati ta’ trasferiment li ġiet ikkonsolidata fid-Deċiżjoni 181 ta’ qabel tal-Kummissjoni Amministrattiva tal-Komunitajiet Ewropej dwar is-Sigurtà Soċjali għal Ħaddiema Migranti (4).

(7)

Kemm l-Artikolu 5 kif ukoll l-Artikolu 6 tar-Regolament (KE) Nru 987/2009 jipprevedu l-possibbiltà li jirreferu l-kwistjoni lill-Kummissjoni Amministrattiva fil-każ li ma jkunx jista’ jintlaħaq ftehim bejn l-istituzzjonijiet u l-awtoritajiet ikkonċernati.

(8)

L-Artikolu 16 tar-Regolament (KE) Nru 987/2009 jipprevedi li din il-proċedura għandha tiġi segwita wkoll meta jkun hemm differenza ta’ fehmiet bejn l-istituzzjonijiet jew l-awtoritajiet dwar l-applikazzjoni tal-Artikolu 13 tar-Regolament (KE) Nru 883/2004.

(9)

L-Artikolu 60 tar-Regolament (KE) Nru 987/2009 fih referenza simili għall-Artikolu 6 ta’ dan ir-Regolament fil-każ ta’ differenza ta’ fehmiet dwar il-leġiżlazzjoni applikabbli bid-dritt ta’ prijorità fil-qasam tal-benefiċċji tal-familja.

(10)

Dawn id-dispożizzjonijiet isibu l-bażi tagħhom fl-Artikolu 76(6) tar-Regolament (KE) Nru 883/2004, skont liema fil-każ ta’ diffikultajiet fl-interpretazzjoni jew l-applikazzjoni ta’ dak ir-Regolament, l-istituzzjoni tal-Istat Membru kompetenti jew l-Istat ta’ residenza tikkuntattja l-istituzzjonijiet tal-Istati Membri kkonċernati u skont liema l-kwistjoni tista’ tiġi referuta lill-Kummissjoni Amministrattiva jekk l-ebda soluzzjoni ma tkun tista’ tinstab f’perjodu ta’ żmien raġonevoli.

(11)

L-Istati Membri esprimew il-bżonn li jistabbilixxu proċedura standard li trid tiġi segwita qabel ma kwistjoni tkun tista’ tiġi referuta lill-Kummissjoni Amministrattiva u li jiġi definit b’mod iktar preċiż ir-rwol tal-Kummissjoni Amministrattiva fir-rikonċiljazzjoni tal-fehmiet opposti li jħaddnu l-istituzzjonijiet dwar il-leġiżlazzjoni applikabbli.

(12)

Diġà ġiet stabbilita proċedura simili f’diversi ftehim bilaterali bejn l-Istati Membri. Ftehim ta’ din ix-xorta serva bħala mudell għal din id-Deċiżjoni.

(13)

Hu rakkomandat li, sabiex titħaffef il-proċedura, il-komunikazzjoni bejn il-persuni ta’ kuntatt tal-istituzzjonijiet u l-awtoritajiet issir permezz ta’ mezzi elettroniċi.

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

(a)

Każijiet meta jkun hemm dubju dwar il-validità ta’ dokument jew dwar il-korrettezza ta’ evidenza ta’ sostenn li tiddikjara l-pożizzjoni ta’ persuna għall-għan tal-applikazzjoni tar-Regolament (KE) Nru 883/2004 jew tar-Regolament (KE) Nru 987/2009 jew

(b)

Każijiet meta jkun hemm differenza fil-fehmiet bejn l-Istati Membri dwar id-determinazzjoni tal-leġiżlazzjoni applikabbli.

6.

Fil-każ li jkun hemm waħda mis-sitwazzjonijiet imsemmija taħt l-ewwel punt, l-istituzzjoni li qed tagħmel it-talba għandha tikkuntattja l-istituzzjoni mitluba biex tistaqsi għall-kjarifiki neċessarji tad-deċiżjoni tagħha u, meta jixraq, biex tirtira jew tiddikjara invalidi d-dokument rilevanti, jew biex tirrevedi jew tannulla d-deċiżjoni tagħha.

7.

L-istituzzjoni li qed tagħmel it-talba tissostanzja t-talba tagħha, billi tindika li din id-deċiżjoni tapplika u tipprovdi evidenza rilevanti ta’ sostenn li tat lok għat-talba. Għandha tindika min se tkun il-persuna ta’ kuntatt tagħha waqt l-ewwel stadju tal-proċedura tad-djalogu.

8.

L-istituzzjoni mitluba għandha tikkonferma li tkun irċeviet it-talba permezz tal-posta elettronika jew faks mingħajr dewmien mhux aktar tard minn għaxart ijiem minn meta tirċievi t-talba. Trid tindika wkoll min se tkun il-persuna ta’ kuntatt tagħha waqt l-ewwel stadju tal-proċedura tad-djalogu.

9.

L-istituzzjoni mitluba trid tinforma lill-istituzzjoni li qed tagħmel it-talba dwar ir-riżultat tal-investigazzjoni tagħha kemm jista’ jkun malajr, iżda mhux iktar tard minn tliet xhur wara li tkun irċeviet it-talba.

10.

Jekk id-deċiżjoni oriġinali tiġi kkonfermata, annullata u/jew id-dokument huwa rtirat jew iddikjarat invalidu, l-istituzzjoni mitluba għandha tinnotifika lill-istituzzjoni li qed tagħmel it-talba. Hija għandha tinnotifika wkoll il-persuna kkonċernata u, fejn rilevanti, min qed jimpjegaha, b’din id-deċiżjoni u bil-proċeduri skont il-leġiżlazzjoni nazzjonali biex tikkuntesta din id-deċiżjoni.

11.

Jekk l-istituzzjoni mitluba ma tkunx tista’ tikkonkludi l-investigazzjoni tagħha fi żmien tliet xhur, minħabba l-kumplessità tal-każ jew minħabba li l-verifika ta’ ċerta dejta teħtieġ l-involviment ta’ istituzzjoni oħra, tista’ testendi l-limitu ta’ żmien b’perjodu massimu ta’ tliet xhur. L-istituzzjoni mitluba għandha tinforma lill-istituzzjoni li qed tagħmel it-talba bl-estensjoni kemm jista’ jkun malajr iżda mill-inqas ġimgħa qabel ma tiskadi l-ewwel skadenza, billi tissostanzja r-raġunijiet għad-dewmien u tipprovdi ż-żmien indikattiv sa meta għandha titlesta l-investigazzjoni.

12.

F’ċirkostanzi eċċezzjonali ħafna, l-Istati Membri kkonċernati jistgħu jiftiehmu biex jidderogaw mil-limiti ta’ żmien definiti skont il-punti 9 u 11, sakemm l-estensjoni tkun ġustifikata u proporzjonata fid-dawl ta’ ċirkostanzi individwali u li l-estensjoni hija limitata fiż-żmien.

13.

Jekk l-istituzzjonijiet ma jkunux jistgħu jilħqu ftehim waqt l-ewwel stadju tal-proċedura tad-djalogu, jew jekk l-istituzzjoni mitluba ma kinitx tista’ tkompli l-investigazzjoni tagħha fi żmien sitt xhur wara li tkun irċeviet it-talba, l-istituzzjonijiet għandhom jinnotifikaw l-awtoritajiet kompetenti tagħhom. Kull istituzzjoni għandha tħejji rekord tal-attivitajiet tagħha.

14.

L-awtoritajiet kompetenti tal-Istati Membri kkonċernati jistgħu jiddeċiedu li jibdew it-tieni stadju tal-proċedura tad-djalogu jew biex jirreferu l-kwistjoni direttament lill-Kummissjoni Amministrattiva.

15.

Jekk l-awtoritajiet kompetenti jibdew it-tieni stadju tal-proċedura tad-djalogu, għandhom jaħtru persuna ta’ kuntatt ċentrali kull wieħed fi żmien ġimagħtejn wara li jkunu ġew innotifikati mill-istituzzjonijiet. Il-persuni ta’ kuntatt mhux neċessarjament ikollhom bżonn kompetenza diretta dwar is-suġġett.

16.

Il-persuni ta’ kuntatt għandhom jippruvaw isibu ftehim dwar il-kwistjoni fi żmien sitt ġimgħat wara l-ħatra tagħhom. Kull persuna ta’ kuntatt għandha tħejji rekord tal-attivitajiet tagħha u tinnotifika l-istituzzjonijiet bir-riżultat tat-tieni stadju tal-proċedura tad-djalogu.

17.

Jekk ma jkunx jista’ jintlaħaq ftehim waqt il-proċedura ta’ djalogu, l-awtoritajiet kompetenti jistgħu jressqu l-każ quddiem l-Kummissjoni Amministrattiva. Kull awtorità kompetenti għandha tħejji memorandum għall-Kummissjoni Amministrattiva bil-punti ewlenin ta’ tilwim.

18.

Il-Kummissjoni Amministrattiva għandha tfittex li tirrikonċilja l-fehmiet fi żmien sitt xhur mid-data li fiha l-kwistjoni tkun tressqet quddiemha. Tista’ tiddeċiedi li tirreferi l-kwistjoni lill-Bord ta’ Konċiljazzjoni, li jista’ jitwaqqaf skont ir-regoli tal-Kummissjoni Amministrattiva.

19.

L-Istati Membri għandhom kull sena jirrapportaw lill-Kummissjoni Amministrattiva d-dejta tagħhom dwar l-għadd ta’ tilwim fejn tapplika l-proċedura ta’ din id-Deċiżjoni, l-Istati Membri involuti, il-kwistjonijiet ewlenin, it-tul tal-proċedura, u r-riżultat tal-proċedura.

20.

L-Istati Membri għandhom jipprovdu l-ewwel rapport annwali tagħhom fi żmien tliet xhur wara l-ewwel sena minn meta tibda tapplika din id-deċiżjoni.

21.

Fi żmien tliet xhur wara li jkunu wasslu l-ewwel rapporti annwali, il-Kummissjoni Amministrattiva għandha tevalwa l-esperjenzi tal-Istati Membri mal-applikazzjoni ta’ din id-deċiżjoni, filwaqt li tqis ir-rapporti tal-Istati Membri. Il-Kummissjoni Amministrattiva għandha, wara l-ewwel sena, tiddeċiedi jekk ir-rappurtaġġ għandux ikompli fuq bażi annwali jew le.

22.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/5

(1)

Id-dispożizzjonijiet tal-Artikolu 12 tar-Regolament (KE) Nru 883/2004 li jipprevedu eċċezzjoni għar-regola ġenerali mniżżla fl-Artikolu 11(3)a tar-Regolament imsemmi, jimmiraw b’mod partikolari biex jiffaċilitaw il-libertà li jipprovdu servizzi għall-benefiċċju ta’ impjegati li jistazzjonaw il-ħaddiema fi Stati Membri minbarra dawk fejn huma stabbiliti, kif ukoll il-libertà biex ħaddiema jittrasferixxu rwieħhom fi Stati Membri oħra. Dawn id-dispożizzjonijiet għandhom l-għan ukoll li jegħlbu l-ostakoli li jistgħu jxekklu l-libertà ta’ moviment ta’ ħaddiema u li jħeġġu l-interpenetrazzjoni ekonomika waqt li jevitaw kumplikazzjonijiet amministrattivi, speċjalment għall-ħaddiema u għall-impriżi.

(2)

L-għan ta’ dawn id-dispożizzjonijiet għalhekk huwa li jevitaw, għall-ħaddiema, l-impjegati u l-istituzzjonijiet soċjali, il-kumplikazzjonijiet amministrattivi li jistgħu jirriżultaw mill-applikazzjoni tar-regola ġenerali stabbilita fl-Artikolu 11(3)a tar-Regolament imsemmi meta l-perjodu ta’ impjieg ikun ta’ qasir żmien fi Stat Membru minbarra dak fejn l-impriża jkollha l-uffiċċju rreġistrat jew post tan-negozju jew l-Istat fejn il-persuna li taħdem għal rasha normalment twettaq l-attivitajiet tagħha.

(3)

Għal dan il-għan, l-ewwel kundizzjoni deċiżiva għall-applikazzjoni tal-Artikolu 12(1) tar-Regolament imsemmi hija l-eżistenza ta’ relazzjoni diretta bejn dak li jħaddem u l-ħaddiem tiegħu.

(4)

Il-protezzjoni tal-ħaddiem u s-sigurtà legali li għalihom hu u l-istituzzjoni li magħha huwa assigurat huma intitolati jeħtieġu garanziji sħaħ li r-relazzjoni diretta tinżamm matul il-perjodu ta’ stazzjonament.

(5)

It-tieni kundizzjoni deċiżiva għall-applikazzjoni tal-Artikolu 12(1) tar-Regolament imsemmi hija l-eżistenza ta’ rabtiet bejn l-impjegat u l-Istat Membru fejn huwa stabbilit. Il-possibbiltà ta’ stazzjonament għandha għalhekk tkun ristretta biss għall-impriżi li normalment iwettqu l-attivitajiet tan-negozju tagħhom fit-territorju ta’ Stat Membru li l-leġiżlazzjoni tiegħu tibqa’ applikabbli għall-ħaddiem stazzjonat; billi wieħed jassumi għalhekk li d-dispożizzjonijiet ta’ hawn fuq japplikaw biss għall-impriżi li normalment iwettqu attivitajiet sostanzjali fit-territorju tal-Istat Membru fejn ikunu stabbiliti.

(6)

Għandhom jiġu speċifikati perjodi indikattivi għal persuni impjegati u persuni li jaħdmu għal rashom bla ħsara għal evalwazzjoni każ b’każ.

(7)

Ma jista’ jkun hemm l-ebda garanzija li tinżamm ir-relazzjoni diretta jekk il-ħaddiem stazzjonat isir disponibbli għal impriża terza.

(8)

Huwa meħtieġ li wieħed ikun jista’ jwettaq, matul il-perjodu tal-istazzjonament, il-verifikar kollu, b’mod partikolari fir-rigward tal-ħlas tal-kontribuzzjonijiet u ż-żamma tar-relazzjoni diretta, meħtieġa biex jiġi evitat l-użu ħażin tad-dispożizzjonijiet imsemmija hawn fuq, u biex jiġi żgurat li l-entitajiet amministrattivi, l-impjegati u l-ħaddiema jiġu infurmati b’mod xieraq.

(9)

Il-ħaddiem u dak li jħaddem għandhom jiġu infurmati b’mod xieraq bil-kundizzjonijiet li taħthom il-ħaddiem stazzjonat jitħalla li jibqa’, soġġetti għal-leġiżlazzjoni tal-pajjiż minn fejn ikun ġie stazzjonat.

(10)

Il-qagħda tal-impriżi u l-ħaddiema għandha tiġi evalwata u ssorveljata mill-istituzzjonijiet kompetenti bil-garanziji xierqa sabiex ma tixxekkilx il-libertà li jiġu pprovduti s-servizzi u l-libertà tal-moviment tal-ħaddiema.

(11)

Il-prinċipju ta’ kooperazzjoni sinċiera, stabbilit fl-Artikolu 10 tat-Trattat, iqiegħed diversi ta’ obbligi fuq l-istituzzjonijiet kompetenti għall-għan tal-implimentazzjoni tal-Artikolu 12 tar-Regolament (KE) Nru 883/2004.

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

Id-dispożizzjonijiet tal-Artikolu 12(1) tar-Regolament (KE) Nru 883/2004 għandhom japplikaw għal ħaddiem suġġett għal-leġiżlazzjoni ta’ Stat Membru (l-Istat li jibgħat) permezz tat-twettieq ta’ attività fl-impieg ta’ min iħaddem u li jintbagħat minn dak li jħaddem lejn Stat Membru ieħor (Stat tal-impieg) sabiex iwettaq xogħol hemmhekk għal dak li jħaddem.

Ix-xogħol għandu jitqies li qed jitwettaq għal min iħaddem mill-Istat li qed jibgħat jekk ġie stabbilit li dan ix-xogħol qed jitwettaq għal dak li jħaddem u li qed tkompli teżisti relazzjoni diretta bejn il-ħaddiem u dak li jħaddem li stazzjonah.

Sabiex jiġi stabbilit jekk relazzjoni diretta bħal din għadhiex teżisti, filwaqt li wieħed jassumi għalhekk li l-ħaddiem għadu taħt l-awtorità ta’ dak li jħaddem li nkarigah/a, iridu jitqiesu diversi elementi, inkluża r-responsabbiltà għar-reklutaġġ, il-kuntratt tal-impjieg, ir-remunerazzjoni (mingħajr ħsara għall-ftehim possibbli bejn min iħaddem fl-Istat li qed jibgħat u l-impriża fl-Istat tal-istazzjonament dwar il-ħlas lill-ħaddiema) it-tkeċċija, u l-awtorità li tiddetermina n-natura tax-xogħol.

Għall-applikazzjoni tal-Artikolu 14(1) tar-Regolament (KE) Nru 987/2009, bħala indikazzjoni, li wieħed ikun suġġett għal-leġiżlazzjoni tal-Istat Membru fejn ikun stabbilit min iħaddem għal mill-inqas xahar jista’ jitqies li jilħaq ir-rekwiżit imsemmi bil-kliem “minnufih qabel il-bidu tal-impjieg tiegħu”. Perjodi iqsar jeħtieġu evalwazzjoni fuq bażi ta’ każ b’każ fil-waqt li jitqiesu l-fatturi kollha involuti.

Sabiex, meta jkun neċessarju u f’każijiet ta’ dubju, jiġi ddeterminat jekk min iħaddem normalment iwettaqx attivitajiet sostanzjali fit-territorju tal-Istat Membru fejn ikun stabbilit, l-istituzzjoni kompetenti f’dan tal-aħħar huwa meħtieġ li teżamina l-kriterji kollha li jikkaratterizzaw l-attivitajiet imwettqa min-naħa ta’ dak li jħaddem, inkluż il-post fejn l-impriża jkollha l-uffiċċju rreġistrat u l-amministrazzjoni tagħha, l-għadd ta’ persunal amministrattiv li jkun qed jaħdem fl-Istat Membru fejn huwa stabbilit u fl-Istat Membru l-ieħor, il-post fejn il-ħaddiema stazzjonati jiġu reklutati u l-post fejn il-maġġoranza tal-kuntratti bi klijenti jiġu konklużi, il-liġi applikabbli għall-kuntratti konklużi mill-impriża mal-ħaddiema tagħha min-naħa, u mal-klijenti tagħha min-naħa l-oħra, il-fatturat waqt perjodu tipiku xieraq f’kull Stat Membru kkonċernat u l-għadd ta’ kuntratti mwettqa fl-Istat li jibgħat. Din mhijiex lista eżawrjenti, minħabba li l-kriterji għandhom jiġu adattati għal kull każ speċifiku u jqisu n-natura tal-attivitajiet mwettqa min-naħa tal-impriża fl-Istat fejn hija stabbilita.

2.

Għall-applikazzjoni tal-Artikolu 14(3) tar-Regolament (KE) Nru 987/2009, is-sodisfazzjon tar-rekwiżiti fl-Istat Membru fejn tkun stabbilita l-persuna huwa evalwat fuq kriterji bħal li jkollha l-possibbiltà ta’ użu ta’ uffiċċju, li tħallas it-taxxi, li jkollha kard professjonali u numru tal-VAT jew li tkun reġistrata mal-kmamar tal-kummerċ jew ma’ entitajiet professjonali. Bħala indikazzjoni, li persuna twettaq l-attivitajiet tagħha għal mill-inqas xahrejn jista’ jitqies bħala li tilħaq ir-rekwiżit imsemmi bil-kliem “għal xi żmien qabel id-data meta tkun tixtieq tieħu vantaġġ mid-dispożizzjonijiet ta’ dak l-Artikolu”. Perjodi iqsar għandhom jeħtieġu evalwazzjoni fuq bażi ta’ każ b’każ li tqis il-fatturi kollha involuti.

3.

4.

Id-dispożizzjonijiet tal-Artikolu 12(1) tar-Regolament (KE) Nru 883/2004 m’għandhomx japplikaw jew għandhom jieqfu milli japplikaw b’mod partikolari:

5.

6.

L-istituzzjonijiet kompetenti għandhom jevalwaw u jissorveljaw is-sitwazzjonijiet koperti bl-Artikolu 12 tar-Regolament (KE) Nru 883/2004 u jipprovdu li min iħaddem u l-ħaddiema bil-garanziji xierqa kollha sabiex ma jostakolawx il-libertà li jiġu pprovduti servizzi u l-libertà tal-moviment tal-ħaddiema. B’mod partikolari, il-kriterji użati għall-evalwazzjoni dwar jekk min iħaddem normalment iwettaqx attivitajiet fit-territorju ta’ Stat, jekk teżistix relazzjoni diretta bejn l-impriża u l-ħaddiem, jew jekk il-ħaddiem li jaħdem għal rasu iżommx l-infrastruttura meħtieġa biex iwettaq l-attività tiegħu fi Stat, għandhom jiġu applikati b’mod konsistenti u b’mod ekwu fl-istess sitwazzjonijiet jew f’sitwazzjonijiet simili.

7.

Il-Kummissjoni Amministrattiva għandha tinkoraġġixxi l-kooperazzjoni bejn l-awtoritajiet kompetenti fl-Istati Membri għall-għan tal-implimentazzjoni tal-Artikolu 12 tar-Regolament (KE) Nru 883/2004 u għandha tiffaċilità x-xogħol ta’ segwitu u l-iskambju ta’ informazzjoni, l-esperjenza u l-prattika tajba meta jsir l-iffissar u l-gradazzjoni tal-kriterji għall-evalwazzjoni tal-qagħdiet tal-impriżi u l-ħaddiema, u f’konnessjoni mal-miżuri ta’ kontroll fis-seħħ. Għal dan il-għan, se tfassal fi stadji, għall-benefiċċju tal-awtoritajiet amministrattivi, l-impriżi u l-ħaddiema, gwida ta’ prattika tajba dwar l-istazzjonar ta’ ħaddiema u dwar il-ħaddiema li jaħdmu għal rashom li jwettqu attività sekondarja barra l-Istat fejn huma stabbiliti.

8.

Din id-Deċiżjoni għandha tkun ippubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/9

(1)

L-Artikolu 95 tar-Regolament (KE) Nru 987/2009 jagħti s-setgħa lill-Kummissjoni Amministrattiva biex tistabbilixxi l-arranġamenti prattiċi għal kwalunkwe perjodi tranżitorji meħtieġa, bil-għan li jiżgura skambju ta’ dejta meħtieġa għall-applikazzjoni tar-Regolament bażiku u r-Regolament ta’ implimentazzjoni.

(2)

Huwa meħtieġ li jiġu ċċarati l-prinċipji bażiċi li se jiġu applikati mill-istituzzjonijiet waqt il-perjodu tranżitorju.

(3)

Huwa antiċipat li wara d-data tad-dħul fis-seħħ tar-Regolamenti l-ġodda se jkun għad hemm numru sinifikanti ta’ lmenti fil-progress fejn l-intitolament kien irriżulta mir-Regolament tal-Kunsill (KEE) Nru 1408/71 (3) qabel din id-data u li fir-rigward ta’ dawn l-ilmenti huwa propost li l-iskambju ta’ informazzjoni jkun ibbażat b’mod ġenerali fuq il-proċeduri li jinsabu fir-Regolament (KEE) Nru 1408/71 u r-Regolament tal-Kunsill (KEE) Nru 574/72 (4), inkluż l-użu ta’ formoli elettroniċi.

(4)

L-Artikolu 94 (1) tar-Regolament (KE) Nru 987/2009 jimplika li “għotja doppja” ssir fiċ-ċirkostanzi tal-premessa preċedenti, fejn il-benefiċjarju jirċievi l-ogħla għotja.

(5)

Madankollu, fil-prattika, fil-maġġuranza l-kbira tal-każijiet, jekk mhux kollha, għotja bbażata fuq ir-Regolamenti ta’ qabel mhux se tkun imtejba permezz tal-applikazzjoni tar-Regolamenti l-ġodda. Għaldaqstant ġie meqjus li ma jkunx realistiku li wieħed jistenna li l-istituzzjonijiet f’dawn iċ-ċirkostanzi jwettqu proċeduri doppji skont ir-Regolamenti (KEE) Nru 574/72 u (KE) Nru 987/2009.

(6)

Il-Paragrafu 5 tad-Deċiżjoni Nru H1 (5) jiċċara l-istatus ta’ ċertifikati (formoli elettroniċi) u l-Karta Ewropea tal-Assigurazzjoni tas-Saħħa (inklużi ċ-Ċertifikati Provviżorji ta’ Tibdil) maħruġa qabel id-data tad-dħul fis-seħħ tar-Regolamenti (KE) Nru 883/2004 u (KE) Nru 987/2009.

(7)

Fil-perjodu tranżitorju huma l-Istati Membri li jiddeċiedu meta huma jkunu lesti biex jingħaqdu mal-Iskambju Elettroniku tat-Tagħrif tas-Sigurtà Soċjali (EESSI) b’mod sħiħ jew settur b’settur.

Taġixxi skont il-kundizzjonijiet kif stabbiliti fl-Artikolu 71(2) tar-Regolament (KE) Nru 883/2004,

1.

Waqt il-perjodu tranżitorju, il-prinċipju ewlieni għandu jkun kooperazzjoni tajba bejn l-istituzzjonijiet, il-prattiċità u l-flessibbiltà. Fuq kollox, il-ħtieġa li tiġi garantita tranżizzjoni bla problemi għaċ-ċittadini li jeżerċitaw id-drittijiet taħt ir-Regolamenti l-ġodda hija importanti ħafna.

2.

Mid-data tad-dħul fis-seħħ tar-Regolament (KE) Nru 883/04 u r-Regolament (KE) Nru 987/2009 verżjonijiet fuq il-karta tad-Dokumenti Strutturati Elettroniċi (SEDs) se jieħdu post il-formoli elettroniċi bbażati fuq ir-Regolamenti (KE) Nru 1408/71 u (KE) Nru 574/72.

3.

Minkejja l-paragrafu 2, l-Istati Membri li għandhom applikazzjonijiet nazzjonali elettroniċi li jipproduċu formoli elettroniċi jew li għandhom skambji elettroniċi stabbiliti (pereżempju l-proġetti Build), li raġonevolment ma jistgħux jinbidlu f’dan il-limitu ta’ żmien, jistgħu jkomplu jużawhom waqt il-perjodu tranżitorju, sakemm id-drittijiet taċ-ċittadini jkunu garantiti għal kollox taħt ir-Regolamenti l-ġodda.

4.

Fil-każijiet kollha, waqt il-perjodu tranżitorju, istituzzjoni għandha taċċetta informazzjoni rilevanti dwar kwalunkwe dokument maħruġ minn istituzzjoni oħra, anki jekk ikun ibbażat fuq format, kontenut jew struttura mhux aġġornata. F’każ ta’ dubji dwar id-drittijiet taċ-ċittadin ikkonċernat, l-istituzzjoni għandha tikkuntattja lill-istituzzjoni li tkun ħarġitu fi spirtu ta’ kooperazzjoni tajba.

5.

Kif ġie ddikkjarat taħt il-paragrafu 5 tad-Deċiżjoni Nru H1, formoli elettroniċi, dokumenti u l-Karti Ewropej tal-Assigurazzjoni tas-Saħħa inklużi ċ-Ċertifikati Provviżorji ta’ Tibdil) maħruġa qabel id-data tad-dħul fis-seħħ tar-Regolamenti (KE) Nru 883/2004 u (KE) Nru 987/2009 għandhom jibqgħu validi u jiġu meqjusa mill-awtoritajiet ta’ Stati Membri oħra anki wara din id-data, sakemm tiskadi d-data ta’ validità tagħhom jew sakemm jiġu rtirati jew mibdula mid-dokumenti maħruġa jew kkomunikati taħt ir-Regolamenti (KE) Nru 883/2004 u (KE) Nru 987/2009.

6.

Kull Stat Membru jista’ jsegwi approċċ flessibbli bbażat fuq fażijiet, settur b’settur, fl-implimentazzjoni ta’ Skambju Elettroniku ta’ Tagħrif tas-Sigurtà Soċjali (EESSI), sakemm jikseb l-EESSI permezz tal-Punt(i) ta’ Aċċess tiegħu. Stat Membru jista’ wkoll jagħżel li jingħaqad mal-EASSI biss meta s-setturi kollha tiegħu jkollhom aċċess.

7.

Li jkollok “aċċess għall-EESSI” ifisser li dak is-settur/il-Punt ta’ Aċċess jista’ jibgħat kif ukoll jirċievi l-messaġġi kollha f’dak is-settur lil/minn Punti ta’ Aċċess oħra tal-Istati Membri.

8.

L-informazzjoni dwar liema settur f’liema Stat Membru hu konness mal-EESSI għandha tinżamm f’lista aċċessibbli għall-istituzzjonijiet nazzjonali u riflessa wkoll fid-Direttorju tal-EESSI. L-Istati Membri għandhom jinfurmaw lill-Kummissjoni Amministrattiva bil-miktub qabel id-data tal-konnessjoni kif xieraq.

9.

Waqt il-perjodu tranżitorju l-iskambju ta’ informazzjoni bejn żewġ Stati Membri f’settur għandha tkun jew skont l-EESSI jew barra l-EESSI; m’għandux ikun hemm “taħlit u tqabbil”, bla ħsara għal kwalunkwe arranġamenti bilaterali li jistgħu, pereżempju, jikkonċernaw ittestjar jew taħriġ konġunt jew raġunijiet analogi.

10.

Format standard għal SEDs fuq il-karta, li għandu jiġi miftiehem mill-Kummissjoni Amministrattiva, għandu jkun aċċessibbli għall-istituzzjonijiet.

11.

Din id-Deċiżjoni għandha tkun ippubblikata f’Il-Ġurnal Uffiċjali tal-Unjoni Ewropea. Din għandha tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/11

(1)

Fejn il-benefiċċji tal-familja jitħallsu minn aktar minn Stat Membru wieħed, id-dritt għall-benefiċċji tal-familja ta’ Stat Membru fejn id-drittijiet huma disponibbli fuq bażi ta’ pensjoni jew ta’ residenza għandu jiġi sospiż sal-ammont ta’ benefiċċji tal-familja stipulat minn Stat Membru fejn id-drittijiet huma disponibbli fuq bażi ta’ attività bħala persuna impjegata jew persuna li taħdem għal rasha. Għalhekk huwa importanti li wieħed ikun jaf x’perjodi oħra jgħoddu bħala attività bħala persuna impjegata jew persuna li taħdem għal rasha sabiex jiġi stabbilit l-ordni ta’ prijorità f’każ ta’ overlapping.

(2)

Il-leġiżlazzjonijiet ta’ ċerti Stati Membri jipprevedu li perjodi ta’ sospensjoni jew interruzzjoni tal-attività proprja bħala persuna impjegata jew persuna li taħdem għal rasha minħabba vaganzi, qgħad, inkapaċità temporanja għax-xogħol, azzjonijiet industrijali jew lock-outs, għandhom jiġu trattati jew bħala perjodi ta’ attività bħala persuna impjegata jew li taħdem għal rasha biex jinkiseb id-dritt tal-benefiċċji tal-familja jew għandhom jitqiesu bħala perjodi ta’ inattività li jagħtu lok, fejn xieraq, jew fihom infushom jew bħala riżultat ta’ attività preċedenti, għal ħlas tal-benefiċċji tal-familja.

(3)

L-Artikoli 1(a) u (b) tar-Regolament (KE) Nru 883/2004 jipprevedu definizzjonijiet ta’ “attività bħala persuna impjegata jew persuna li taħdem għal rasha” billi jirreferu għal “kwalunkwe attività jew sitwazzjoni ekwivalenti meqjusa bħala attività għall-għanijiet tal-leġiżlazzjoni tas-sigurtà soċjali tal-Istat Membru li fih teżisti din l-attività jew sitwazzjoni ekwivalenti”.

(4)

Huwa essenzjali li jkun magħruf l-ambitu tad-“drittijiet mogħtija fuq il-bażi ta’ attività bħala persuna impjegata jew bħala persuna li taħdem għal rasha” li jinsab fl-Artikolu 68 tar-Regolament (KE) Nru 883/2004 sabiex jiġu evitati inċertezzi jew differenzi fl-interpretazzjoni.

(5)

F’każ fejn l-istatus ta’ ħaddiem ta’ impjieg attiv ġie sospiż minħabba l-leave mhux imħallas ta’ din il-persuna wara t-twelid ta’ tarbija u għall-għan li titrabba din it-tarbija, il-Qorti tal-Ġustizzja tal-Komunitajiet Ewropej (3) irreferiet għall-Artikolu 73 tar-Regolament tal-Kunsill (KEE) 1408/71 (4) flimkien mal-Artikolu 13(2)(a) tar-Regolament (KEE) 1408/71 (5). Dan il-leave mhux imħallas irid ukoll għalhekk jiġi kkwalifikat bħala attività bħala persuna impjegata jew persuna li taħdem għal rasha għall-finijiet tal-Artikolu 68 tar-Regolament (KE) Nru 883/2004. F’dan il-kuntest il-Qorti tenniet li d-dispożizzjonijiet imsemmija hawn fuq jistgħu biss japplikaw sakemm il-persuna kkonċernata għandha l-istat ta’ persuna impjegata jew li taħdem għal rasha fi ħdan it-tifsira tal-Artikolu 1(a) tar-Regolament (KEE) Nru 1408/71 (6) li jitlob li l-persuna kkonċernata hija koperta f’tal-anqas fergħa waħda ta’ sigurtà soċjali. Dan jeskludi persuni li huma fuq leave mhux imħallas li m’għadhomx koperti taħt l-ebda skema ta’ sigurtà soċjali tal-Istat Membru rilevanti.

(6)

Jista’ jkun hemm biss lista mhux eżawrjenti ta’ każijiet li waqt matul perjodu ta’ leave persuna titqies li qiegħda tagħmel xi xogħol bħala persuna impjegata jew persuna li taħdem għal rasha, minħabba l-varjetà ta’ sistemi ta’ leave mhux imħallas fl-Istati Membri u t-tibdil kontinwu fil-leġiżlazzjoni nazzjonali. Għalhekk mhux xieraq li jiġu definiti l-każijiet kollha li fihom dan il-leave mhux imħallas huwa ekwivalenti għal xogħol bħala persuna impjegata jew persuna li taħdem għal rasha u dawk fejn ir-rabta meħtieġa mill-qrib ma’ attività bi qligħ ma teżistix.

Filwaqt li taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

Għall-finijiet tal-Artikolu 68 tar-Regolament (KE) Nru 883/2004, il-benefiċċji tal-familja għandhom jitqiesu bħala “mogħtija fuq il-bażi ta’ attività bħala persuna impjegata jew bħala persuna li taħdem għal rasha” b’mod partikolari:

2.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Dan għandu jibda japplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/13

(1)

Ir-Regolamenti (KE) Nru 883/2004 u (KE) Nru 987/2009 jidħlu fis-seħħ fl-1 ta’ Mejju 2010 u r-Regolamenti (KEE) Nru 1408/71 (3) u (KEE) Nru 574/72 (4) għandhom jiġu revokati fl-istess jum, minbarra s-sitwazzjonijiet irregolati bl-Artikolu 90(1) tar-Regolament (KE) Nru 883/2004 u l-Artikolu 96(1) tar-Regolament (KE) Nru 987/2009.

(2)

Soġġett għall-Artikolu 87(8) tar-Regolament (KE) Nru 883/2004 u l-Artikolu 94 tar-Regolament (KE) Nru 987/2009, fil-prinċipju, dikjarazzjonijiet li jitressqu qabel id-data tad-dħul fis-seħħ ta’ dawn ir-Regolamenti għandhom ikomplu jiġu regolati bil-liġi li kienet applikabbli għalihom fiż-żmien li tressqu u d-dispożizzjonijiet ta’ dawn ir-Regolamenti għandhom japplikaw biss għal dikjarazzjonijiet li nfetħu wara d-dħul tagħhom fis-seħħ.

(3)

Id-Deċiżjonijiet Nru 74 sa 208 u r-Rakkomandazzjonijiet Nru 14 sa 23 tal-Kummissjoni Amministrattiva dwar is-Sigurtà Soċjali għall-Ħaddiema Migranti, li għadhom fis-seħħ, ma jibqgħux validi fid-data meta jiġu revokati r-Regolamenti (KEE) Nru 1408/74 u (KEE) Nru 574/72 u r-Regolamenti (KE) Nru 883/2004 u (KE) Nru 987/2009 jidħlu fis-seħħ.

(4)

Jeħtieġ li jiġu adattati ċerti Deċiżjonijiet u Rakkomandazzjonijiet applikabbli skont ir-Regolamenti (KEE) Nru 1408/71 u (KEE) Nru 574/72 biex jikkorrispondu mad-dispożizzjonijiet tar-Regolamenti (KE) Nru 883/2004 u (KE) Nru 987/2009.

(5)

Hemm bżonn ta’ trasparenza u gwida għall-istituzzjonijiet fl-applikazzjoni tad-Deċiżjonijiet u r-Rakkomandazzjonijiet tal-Kummissjoni Amministrattiva skont ir-Regolament (KEE) Nru 1408/71 u (KEE) Nru 574/72 wara d-data tad-dħul fis-seħħ tar-Regolamenti (KE) Nru 883/2004 u (KE) Nru 987/2009.

(6)

Minħabba l-kumplessità legali u teknika, il-perjodu ta’ żmien ristrett u l-ħtieġa li jingħataw prijorità ċerti karigi tal-Kummissjoni Amministrattiva, uħud mid-Deċiżjonijiet mhumiex se jkunu lesti għall-pubblikazzjoni fil-ħin qabel id-dħul fis-seħħ tar-Regolamenti (KE) Nru 883/2004 u (KE) Nru 987/2009, iżda biss fi stadju aktar tard.

(7)

Ċerti dispożizzjonijiet ta’ Deċiżjonijiet u Rakkomandazzjonijiet applikabbli skont ir-Regolamenti (KEE) Nru 1408/71 u (KEE) Nru 574/72 huma inkorporati direttament fid-dispożizzjonijiet tar-Regolamenti (KE) Nru 883/2004 u (KE) Nru 987/2009.

(8)

Filwaqt li taġixxi skont il-kundizzjonijiet iffissati fl-Artikolu 71(2) tar-Regolament (KE) Nru 883/2004,

1.

Id-Deċiżjonijiet u r-Rakkomandazzjonijiet li jirreferu għar-Regolamenti (KEE) Nru 1408/71 u (KEE) Nru 574/72 ma għandhomx japplikaw għal każijiet regolati bir-Regolamenti (KE) Nru 883/2004 u (KE) Nru 987/2009.

Madankollu, dawn id-Deċiżjonijiet u r-Rakkomandazzjonijiet jibqgħu applikabbli fejn ir-Regolamenti (KEE) Nru 1408/71 u (KEE) Nru 574/72 jibqgħu fis-seħħ u jibqa’ jkollhom effett legali, b’mod partikolari f’sitwazzjonijiet skont l-Artikolu 90(1), it-tieni inċiż, tar-Regolament (KE) Nru 883/2004 u l-Artikolu 96(1), it-tieni inċiż, tar-Regolament (KE) Nru 987/2009.

2.

Id-Deċiżjonijiet u r-Rakkomandazzjonijiet li huma elenkati fil-Parti A tal-Anness ma għandhom jiġu sostitwiti b’ebda Deċiżjoni jew Rakkomandazzjoni fir-rigward tar-Regolamenti (KE) Nru 883/2004 u (KE) Nru 987/2009.

3.

Id-Deċiżjonijiet u r-Rakkomandazzjonijiet elenkati fil-Parti B tal-Anness għandhom jiġu sostitwiti bid-Deċiżjonijiet u r-Rakkomandazzjonijiet ġodda indikati fir-rigward tar-Regolamenti (KE) Nru 883/2004 u (KE) Nru 987/2009.

4.

Id-Deċiżjonijiet elenkati fil-Parti C tal-Anness għandhom jiġu adattati mill-Kummissjoni Amministrattiva kemm jista’ jkun malajr biex dawn jikkorrispondu mad-dispożizzjonijiet tar-Regolamenti (KE) Nru 883/2004 u (KE) Nru 987/2009 minħabba li l-prinċipji f’dawn id-Deċiżjonijiet għandhom jiġu applikati wkoll fir-rigward ta’ dawn ir-Regolamenti.

5.

Id-dokumenti meħtieġa għall-applikazzjoni tar-Regolamenti (KEE) Nru 1408/71 u (KEE) Nru 574/72 (jiġifieri, il-Formoli Elettroniċi, il-Karta Ewropea tal-Assigurazzjoni tas-Saħħa u ċ-Ċertifikati ta’ Tibdil Provviżorju) maħruġa mill-istituzzjonijiet, l-awtoritajiet u korpi oħrajn kompetenti tal-Istati Membri qabel id-dħul fis-seħħ tar-Regolamenti (KE) Nru 883/2004 u (KE) Nru 987/2009 għandhom jibqgħu validi (minkejja l-fatt li r-referenzi ntrabtu mar-Regolamenti (KEE) Nru 1408/71 u (KEE) Nru 574/72) u għandhom jitqiesu mill-istituzzjonijiet, l-awtoritajiet u l-korpi l-oħra ta’ Stati Membri oħrajn anki wara dik id-data, sakemm tiskadi d-data tagħhom ta’ validità jew sakemm jiġu rtirati jew jinbidlu bid-dokumenti maħruġa jew ikkomunikati skont ir-Regolamenti (KE) Nru 883/2004 u (KE) Nru 987/2009.

6.

Din id-Deċiżjoni għandha tkun ippubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/17

(a)

jerġa’ jibda mill-ġdid il-proċedura bil-miktub billi jikkomunika l-emenda proposta lill-membri skont il-proċedura fil-paragrafu 3, jew

(b)

iħassar il-proċedura bil-miktub sabiex il-kwistjoni tiġi diskussa fil-laqgħa ta’ wara,

24.4.2010   

MT

Il-Ġurnal Uffiċjali tal-Unjoni Ewropea

C 106/21

1.

L-istituzzjoni li tħallas benefiċċju għandha awtomatikament tagħmel kalkolu ġdid meta tkun infurmata li l-benefiċjarju jilħaq il-kundizzjonijiet għall-għoti ta’ benefiċċju skont il-leġiżlazzjoni ta’ Stat Membru ieħor.

M’għandux isir kalkolu ġdid f’sitwazzjoni meta l-perjodi kompluti skont il-leġiżlazzjoni tal-Istati Membri l-oħra diġà tqiesu għall-għoti tal-benefiċċju u ma nkisbu l-ebda perjodi wara l-għoti tal-benefiċċju tal-bidu.

Madankollu, meta jibdew japplikaw kundizzjonijiet addizzjonali (ħlief għat-tmiem ta’ perjodi tal-assigurazzjoni), bħal meta wieħed jilħaq l-età meħtieġa għall-għoti tal-benefiċċju jew bidla fin-numru ta’ tfal li għandhom jitqiesu, għandu awtomatikament isir kalkolu ġdid.

2.

L-istituzzjoni li tagħmel kalkolu ġdid ta’ benefiċċju li kien ingħata minnha, għandha għall-kalkolu tqis il-perjodi kollha tal-assigurazzjoni u/jew ir-residenza, kif ukoll kwalunkwe kundizzjoni oħra li jissodisfa l-benefiċjarju skont il-leġiżlazzjoni tagħha stess u skont il-leġiżlazzjoni tal-Istat Membru l-ieħor dakinhar tal-għoti tal-benefiċċju kkalkulat mill-ġdid.

3.

Il-jum rilevanti għandu jkun il-jum meta mmaterjalizza ruħu r-riskju fl-Istat Membru fejn il-kundizzjonijiet għall-intitolament ġew sodisfatti l-aħħar.

4.

L-istituzzjoni li tagħti suppliment skont l-Artikolu 58 tar-Regolament (KE) Nru 883/2004 għandha tinnotifika l-istituzzjoni kompetenti ta’ kwalunkwe Stat Membru ieħor li skont il-leġiżlazzjoni tiegħu l-benefiċjarju huwa intitolat għal benefiċċju mogħti skont id-dispożizzjonijiet tal-Kapitolu 5 tar-Regolament.

5.

L-istituzzjoni kompetenti ta’ kwalunkwe Stat Membru ieħor li jipprovdi benefiċċji skont il-Kapitolu 5 tar-Regolament (KE) Nru 883/2004 lill-benefiċjarju għandu jinnotifika kull Jannar lill-istituzzjoni li tħallas is-suppliment tal-ammont tal-benefiċċji li tħallas lill-benefiċjarju sa mill-1 ta’ Jannar tal-istes sena.

6.

Meta persuna tagħmel applikazzjoni għar-reviżjoni ta’ pensjoni tal-invalidità skont id-dispożizzjonijiet tal-Artikolu 87(5) tar-Regolament (KE) Nru 883/04 ma għandux ikun neċessarju li jsir eżami mediku ieħor, sakemm it-tagħrif li jinsab fil-fajl tal-benefiċjarju jkun jista’ jitqies bħala adattat.

Fejn dan ma jkunx il-każ, l-istituzzjoni kkonċernata tista’ titlob li jsir eżami mediku ġdid.

7.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/23

(1)

Il-Kunsill Ewropew ta’ Barċellona, li nżamm fil-15 u s-16 ta’ Marzu 2002, iddeċieda: “li l-Karta tal-Assigurazzjoni tas-Saħħa Ewropea għandha tieħu post il-formoli tal-karta li huma meħtieġa fil-preżent biex wieħed jingħata trattament tas-saħħa fi Stat Membru ieħor. Il-Kummissjoni għandha tippreżenta proposta għal dak il-għan qabel il-Kunsill Ewropew tar-Rebbiegħa tal-2003. Din il-Karta għandha tissimplifika l-proċeduri, iżda mhix se ġġib bidla fid-drittijiet u l-obbligi eżistenti.” (il-punt 34).

(2)

Minħabba li l-użu tal-karti tas-saħħa u dawk tas-sigurtà soċjali jvarja ħafna bejn Stat Membru u ieħor, il-Karta tal-Assigurazzjoni tas-Saħħa Ewropea għall-bidu hija introdotta f’format fejn id-dejta meħtieġa għall-għoti tal-kura tas-saħħa u r-rimborż tal-ispejjeż tista’ tinqara faċilment. Din l-informazzjoni tista’ tkun inkorporata wkoll f’mezz elettroniku. Barra minn dan, aktar ‘il quddiem l-użu tal-mezz elettroniku għandu jinxtered aktar.

(3)

Il-Karta tal-Assigurazzjoni tas-Saħħa Ewropea għandha tikkonforma ma’ mudell uniku definit mill-Kummissjoni Amministrattiva u dan għandu jgħin biex jiffaċilita l-aċċess għall-kura tas-saħħa kif ukoll jgħin fil-prevenzjoni kontra l-użu irregolari, abbużiv u qarrieqi tal-karta.

(4)

L-istituzzjonijiet tal-Istati Membri jiddeterminaw il-perjodu tal-validità tal-Karti tal-Assigurazzjoni tas-Saħħa Ewropej li joħorġu. Il-perjodu ta’ kemm iddum valida l-Karta tal-Assigurazzjoni tas-Saħħa Ewropea għandu jqis it-tul ta’ kemm mistenni jibqa’ fis-seħħ l-intitolament tal-persuna assigurata.

(5)

F’każ ta’ ċirkostanzi eċċezzjonali għandu jinħareġ ċertifikat provviżorju ta’ sostituzzjoni għal perjodu limitat. “Ċirkostanzi eċċezzjonali” jistgħu jinvolvu serq jew telfien tal-Karta tal-Assigurazzjoni tas-Saħħa Ewropea jew każ fejn it-tluq iseħħ fi żmien qasir wisq biex tinħareġ il-Karta tal-Assigurazzjoni tas-Saħħa Ewropea. Iċ-ċertifikat provviżorju ta’ sostituzzjoni jista’ jintalab mill-persuna assigurata jew minn istituzzjoni tal-Istat fejn tkun qed issir iż-żjara.

(6)

Il-Karta tal-Assigurazzjoni tas-Saħħa Ewropea għandha tintuża fis-sitwazzjonijiet kollha ta’ żjara temporanja li tulha persuna assigurata tiġi bżonn kura tas-saħħa irrispettivament mill-iskop taż-żjara, sew jekk din tkun għal raġunijiet ta’ turiżmu, attività professjonali jew inkella studju. Madankollu, il-Karta tal-Assigurazzjoni tas-Saħħa Ewropea ma tistax tintuża meta l-iskop taż-żjara barra l-pajjiż huwa purament li wieħed jieħu kura għal saħħtu.

(7)

Skont l-Artikolu 76 tar-Regolament (KE) Nru 883/2004, l-Istati Membri għandhom jikkooperaw biex idaħħlu fis-seħħ proċeduri sabiex jevitaw, f’każ li persuna ma tibqax intitolata għall-benefiċċji tas-saħħa mhux finanzjarji minn naħa ta’ Stat Membru u tiġi intitolata għal benefiċċji mhux finanzjarji fi Stat Membru ieħor, li din tibqa’ tuża l-Karta tal-Assigurazzjoni tas-Saħħa Ewropea maħruġa mill-istituzzjoni tal-ewwel Stat Membru wara d-data minn meta din ma tibqax intitolata għall-benefiċċji mhux finanzjarji minn dan l-Istat.

(8)

Il-Karta tal-Assigurazzjoni tas-Saħħa Ewropea maħruġa qabel id-dħul fis-seħħ tar-Regolamenti (KE) Nru 883/2004 u (KE) Nru 987/2009 għandha tibqa’ fis-seħħ sad-data tal-iskadenza mniżżla fuq il-Karta.

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

Il-Karta tal-Assigurazzjoni tas-Saħħa Ewropea tiċċertifika l-intitolament ta’ persuna assigurata u ta’ pensjonant, kif ukoll tal-membri tal-familja tagħhom, li joqogħdu fi Stat Membru li mhux l-Istat Membru kompetenti, għal benefiċċji mhux finanzjari li jkunu meħtieġa minħabba raġunijiet mediċi filwaqt li jitqies it-tip ta’ benefiċċji u t-tul maħsub taż-żjara.

Il-Karta tal-Assigurazzjoni tas-Saħħa Ewropea ma tistax tintuża fis-sitwazzjoni fejn l-intenzjoni taż-żjara temporanja hija li wieħed jingħata trattamemt mediku.

2.

Il-Karta tal-Assigurazzjoni tas-Saħħa Ewropea għandha tkun Karta individwali maħruġa f’isem id-detentur tal-Karta.

3.

Il-perjodu li tulu tkun valida l-Karta tal-Assigurazzjoni tas-Saħħa Ewropea għandu jkun iddeterminat mill-istituzzjoni li toħroġha.

4.

Benefiċċji mhux finanzjarji pprovduti mill-istituzzjoni tal-Istat Membru fejn tkun qed issir iż-żjara fuq il-bażi ta’ Karta tal-Assigurazzjoni tas-Saħħa Ewropea valida għandhom ikunu rimborżati mill-istituzzjoni kompetenti skont id-dispożizzjonijiet fis-seħħ. Karta tal-Assigurazzjoni tas-Saħħa Ewropea valida hija Karta li l-perjodu ta’ validità indikat fuqha ma jkunx skada.

L-istituzzjoni kompetenti ma tistax tirrifjuta rimborż tal-ispejjeż minħabba raġunijiet marbutin mal-fatt li l-persuna ma tkunx għadha assigurata mal-istituzzjoni li tkun ħarġet il-Karta tal-Assigurazzjoni tas-Saħħa Ewropea, kemm-il darba l-benefiċċji kienu ngħataw lid-detentur tal-Karta jew taċ-Ċertifikat Provviżorju ta’ Sostituzzjoni fi żmien il-perjodu validu tal-Karta jew taċ-Ċertifikat.

5.

Meta ċirkostanzi eċċezzjonali jipprevjenu l-ħruġ ta’ Karta tal-Assigurazzjoni tas-Saħħa Ewropea, għandu jinħareġ ċertifikat provviżorju ta’ sostituzzjoni b’perjodu ta’ validità limitat mill-istituzzjoni kompetenti. Iċ-Ċertifikat Provviżorju ta’ Sostituzzjoni jista’ jintalab mill-persuna assigurata jew minn istituzzjoni tal-Istat fejn tkun qed issir iż-żjara.

6.

Il-Karta tal-Assigurazzjoni tas-Saħħa Ewropea u ċ-Ċertifikat Provviżorju ta’ Sostituzzjoni għandhom jikkonformaw ma’ mudell uniku li jissodisfa l-karatteristiċi u l-ispeċifikazzjonijiet tekniċi stipulati bid-deċiżjoni tal-Kummissjoni Amministrattiva.

7.

Il-Karta tal-Assigurazzjoni tas-Saħħa Ewropea għandha tinkludi d-dejta li ġejja:

8.

Il-Karta tal-Assigurazzjoni tas-Saħħa Ewropea tista’ tintuża fis-sitwazzjonijiet kollha ta’ żjara temporanja li tulha persuna assigurata tiġi bżonn benefiċċji mhux finanzjarji irrispettivament mill-iskop taż-żjara, sew jekk din tkun għal raġunijiet ta’ turiżmu, attività professjonali jew inkella studju.

9.

Il-Karta tal-Assigurazzjoni tas-Saħħa Ewropea tikkonferma l-intitolament tad-detentur tal-Karta fl-Istat Membru taż-żjara għal benefiċċji tal-mard mhux finanzjarji li jiġi bżonn medikament u li jingħatawlu waqt żjara temporanja fi Stat Membru ieħor bil-għan li wieħed jipprevjeni l-każ fejn id-detentur tal-Karta jiġi obbligat jirritorna, qabel tmiem il-perjodu maħsub taż-żjara, lejn l-Istat kompetenti jew l-Istat ta’ residenza biex jingħata t-trattament li l-persuna tkun teħtieġ.

L-iskop ta’ benefiċċji bħal dawn huwa li jippermettu lill-persuna assigurata biex tkompli biż-żjara tagħha taħt kundizzjonijiet mediċi siguri.

10.

Il-Karta tal-Assigurazzjoni tas-Saħħa Ewropea ma tkoprix benfiċċji ta’ mard mhux finanzjarji f’sitwazzjonijiet fejn l-intenzjoni taż-żjara tkun li wieħed jingħata trattamemt mediku.

11.

Il-Karta tal-Assigurazzjoni tas-Saħħa Ewropea tiggarantixxi li, fl-Istat Membru fejn tkun qed issir iż-żjara, id-detentur tal-Karta jingħata l-istess trattament (proċeduri u tariffi) bħal persuna koperta mill-iskema tal-assigurazzjoni tal-mard ta’ dan l-Istat.

12.

Fil-każ li persuna ma tibqax intitolata għall-benefiċċji tal-mard mhux finanzjarji mil-leġiżlazzjoni ta’ Stat Membru u tiġi intitolata għall-benefiċċji mhux finanzjarji min-naħa tal-leġiżlazzjoni ta’ Stat Membru ieħor, l-istituzzjonijiet tal-Istati Membri kkonċernati għandhom jikkooperaw sabiex jevitaw li persuna tibqa’ tuża l-Karta tal-Assigurazzjoni tas-Saħħa Ewropea maħruġa mill-istituzzjoni tal-ewwel Stat Membru wara d-data minn meta din ma tibqax intitolata għall-benefiċċji mhux finanzjarji minn dan l-Istat. Fejn ikun il-każ, l-istituzzjoni ta’ dan l-Istat Membru għandha tipprovdi Karta tal-Assigurazzjoni tas-Saħħa Ewropea ġdida.

13.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Din għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/26

(1)

Sabiex jitħaffu l-aċċettazzjoni u r-rimborż tal-ispejjeż tal-benefiċċji mhux finanzjarji pprovduti fuq il-bażi ta’ tal-Karta Ewropea tal-Assigurazzjoni tas-Saħħa, jeħtieġ li t-tliet partijiet ewlenin ikkonċernati, jiġifieri l-persuna assigurata, dawk li jipprovdu l-kura tas-saħħa u l-istituzzjonijiet, jirrikonoxxu faċilment u jaċċettaw il-Karta Ewropea tal-Assigurazzjoni tas-Saħħa b’mod konformi ma’ mudell waħdieni u speċifikazzjonijiet uniformi.

(2)

L-informazzjoni li trid tkun tidher fuq il-Karta Ewropea tal-Assigurazzjoni tas-Saħħa hija ddefinita fil-punt 7 tad-Deċiżjoni Nru S1. L-introduzzjoni tal-Karta Ewropea tal-Assigurazzjoni tas-Saħħa bid-dejta viżibbli hija l-ewwel stadju ta’ proċess li jwassal għall-użu ta’ mezz elettroniku li jipprovdi l-intitolament għall-benefiċċji mhux finanzjarji matul mawra temporanja fi Stat Membru ieħor minbarra dak kompetenti jew l-Istat tar-residenza. Konsegwentement, l-istituzzjonijiet kompetenti tal-Istati Membri li jixtiequ jagħmlu dan jistgħu jinkorporaw fuq mezz elettroniku, bħal mikroċippa jew strixxa manjetika, sa mill-istadju inizjali ‘l hinn, id-dejta msemmija f’din il-premessa.

(3)

Meta ċirkostanzi eċċezzjonali jżommu milli tinħareġ Karta Ewropea tal-Assigurazzjoni tas-Saħħa, għandu jinħareġ ċertifikat provviżorju ta’ sostituzzjoni skont mudell uniformi,

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

Id-disinn u l-ispeċifikazzjonijiet tal-Karta Ewropea tal-Assigurazzjoni tas-Saħħa għandhom jiġi stabbiliti skont l-Anness I ta’ din id-Deċiżjoni.

2.

Il-mudell taċ-ċertifikat provviżorju ta’ sostituzzjoni għandu jiġi stabbilit skont l-Anness II ta’ din id-Deċiżjoni.

3.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tibda tapplika minn dakinhar tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/40

(1)

Skont l-Artikoli 19(1) u 27(1) tar-Regolament (KE) Nru 883/2004, persuna assigurata hija intitolata li tirċievi waqt żjara temporanja fi Stat Membru li mhuwiex l-Istat ta’ residenza, benefiċċji mhux finanzjarji li jiġu neċessarji medikament, filwaqt li tiġi kkunsidrata n-natura ta’ dawn il-benefiċċji u t-tul taż-żjara.

(2)

Skont l-Artikolu 25(A)(3) tar-Regolament (KE) Nru 987/2009, il-benefiċċji mhux finanzjarji msemmija fl-Artikolu 19(1) tar-Regolament (KE) Nru 883/2004 għandhom jirriferu għall-benefiċċji mhux finanzjarji li jkunu provduti fl-Istat Membru taż-żjara, f’konformità mal-leġiżlazzjoni tiegħu, u li jsiru meħtieġa fuq bażi mediku bil-ħsieb li jiġi evitat li persuna assigurata tiġi sfurzata li tirritorna, qabel it-tmiem tat-terminu taż-żjara ppjanata, fl-Istat Membru kompetenti biex tikseb il-kura li teħtieġ.

(3)

L-Artikolu 25(A)(3) tar-Regolament (KE) Nru 987/2009 irid jiġi interpretat b’tali mod li l-benefiċċji kollha mhux finanzjarji provduti fir-rigward ta’ mard kroniku jew eżistenti huma koperti minn din id-dispożizzjoni. Skont is-sentenza tal-Qorti tal-Ġustizzja (3) il-kunċett ta’ “trattament neċessarju” ma jistax jiġi interpretat ‘li jfisser li dawk il-benefiċċji huma limitati biss għal każijiet fejn it-trattament mogħti sar neċessarju minħabba marda li feġġet f’daqqa. B’mod partikolari, iċ-ċirkustanza li trattament obbligat minn żviluppi fl-istat ta’ saħħa ta’ persuna assigurata waqt żjara temporanja fi Stat Membru ieħor tista’ tkun marbuta ma’ patoloġija li kienet diġà teżisti u li l-persuna kienet konxja minnha, bħalma hija marda kronika, ma tfissirx li l-kundizzjonijiet għall-applikazzjoni ta’ dawn id-dispożizzjonijiet ma ġewx sodisfatti.

(4)

L-Artikolu 25(A)(3) tar-Regolament (KE) Nru 987/2009 irid jiġi interpretat b’tali mod li l-benefiċċji mhux finanzjarji provduti fir-rigward tat-tqala jew it-twelid tat-trabi huma koperti minn din id-dispożizzjoni. Minkejja dan, din id-dispożizzjoni ma tkoprix is-sitwazzjoni fejn l-iskop ta’ żjara temporanja fl-esteru ikun li twelled.

(5)

Skont l-Artikolu 19(2) tar-Regolament (KE) Nru 883/2004, il-Kummissjoni Amministrattiva għandha tistabbilixxi lista ta’ benefiċċji mhux finanzjarji mogħtija i li, sabiex jiġu provduti waqt żjara fi Stat Membru ieħor u minħabba raġunijiet prattiċi, jeħtieġu ftehim minn qabel bejn il-persuna konċernata u l-istituzzjoni li tagħti l-għajnuna.

(6)

L-għan ta’ ftehim minn qabel previst fl-Artikolu 19(2) tar-Regolament (KE) Nru 883/2004 huwa li jiggarantixxi t-tkomplija tat-trattament meħtieġ minn persuna assigurata waqt żjara fi Stat Membru ieħor.

(7)

Fid-dawl ta’ dan l-għan, il-kriterji essenzjali għad-definizzjoni tal-benefiċċji mhux finanzjarj li jirrikjedu ftehim minn qabel bejn il-pazjent u l-unità li tipprovdi l-kura fi Stat Membru ieħor, huma l-element essenzjali tat-trattament mediku u l-fatt li dan it-trattament huwa aċċessibbli biss f’unitajiet mediċi speċjalizzati u/jew minn persunal u/jew tagħmir speċjalizzat. Lista mhux eżawrjenti bbażata fuq dawn il-kriterji qed tingħata fl-Anness ta’ din id-Deċiżjoni.

Filwaqt li taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

Il-benefiċċji mhux finanzjarj li għandhom jiġu provduti skont l-Artikoli 19(1) u 27(1) tar-Regolament (KE) Nru 883/2004 u l-Artikolu 25(A)(3) tar-Regolament (KE) Nru 987/2009 għandhom jinkludu benefiċċji provduti fir-rigward ta’ mard kroniku jew eżistenti kif ukoll fir-rigward ta’ maternità u twelid tat-trabi.

2.

Benefiċċji mhux finanzjarj, inkluzi dawk fir-rigward ta’ mard kroniku jew eżistenti jew fir-rigward tat-twelid tat-trabi, mhumiex koperti minn dawn id-dispożizzjonijiet meta l-għan taż-żjara fi Stat Membru ieħor ikun li jittieħdu dawn it-trattamenti.

3.

Kull trattament vitali li huwa aċċessibbli biss f’unità medika speċjalizzata u/jew minn persunal u/jew tagħmir speċjalizzat irid fil-prinċipju jkun soġġett għal ftehim minn qabel bejn il-persuna assigurata u l-unità li tkun qed tipprovdi t-trattament biex jiġi żgurat li t-trattament ikun disponibbli waqt iż-żjara tal-persuna assigurata fi Stat Membru li mhuwiex l-Istat Membru kompetenti jew dak ta’ residenza.

Lista mhux eżawrjenti tat-trattamenti li jissodisfaw dawn il-kriterji qed tingħata fl-Anness.

4.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/42

(1)

Skont l-Artikolu 54(3) tar-Regolament Nru 987/2009, jekk skont il-leġiżlazzjoni ta’ Stat Membru l-ammont tal-benefiċċju tal-qgħad ivarja skont in-numru ta’ membri fil-familja, meta tikkalkula l-benefiċċju l-istituzzjoni kompetenti għandha tqis ukoll in-numru tal-membri tal-familja li jkunu qed joqogħdu fit-territorju ta’ Stat Membru li ma jkunx dak fejn tinsab l-istituzzjoni kompetenti.

(2)

Skont l-Artikolu 2(2) ta’ dan ir-Regolament, l-istituzzjonijiet għandhom jipprovdu jew iqassmu bejniethom, mingħajr dewmien, id-dejta kollha neċessarja biex jiġu stabbiliti u ddeterminati d-drittijiet u l-obbligi ta’ persuni li japplika għalihom ir-Regolament (KE) Nru 883/2004.

(3)

Id-dokumenti u d-dokumenti elettroniċi strutturati pprovduti fl-Artikolu 4(1) tar-Regolament (KE) Nru 987/2009 huma mezz ta’ konferma tad-drittijiet tal-persuna kkonċernata, iżda l-ħruġ tagħhom ma jikkostitwixxix kundizzjoni għal tali drittijiet.

(4)

Id-dokumenti li jirrigwardaw il-membri tal-familja li tkun toqgħod fit-territorju ta’ Stat Membru li ma jkunx dak fejn tinsab l-istituzzjoni kompetenti jistgħu jiġu kkomunikati biss wara li jkun beda l-perjodu tal-qgħad li tulu jingħata l-benefiċċju.

(5)

Għall-perjodu li jiġi qabel id-data tat-tressiq tal-informazzjoni rigward il-membri tal-familja li jkunu qed joqogħdu fit-territorju ta’ Stat Membru li ma jkunx dak fejn tinsab l-istituzzjoni kompetenti għandhom jinħarġu pagamenti b’lura ta’ żidiet fil-benefiċċji tal-qgħad, u dan kemm-il darba l-persuni kkonċernati kienu diġà dipendenti fuq il-persuna qiegħda meta beda l-perjodu tal-qgħad li tulu jingħata l-benefiċċju.

Filwaqt li taġixxi skont il-kundizzjonijiet imniżżla fl-Artikolu 71 (2) tar-Regolament (KE) Nru 883/2004,

1.

Il-komunikazzjoni tad-dokument li jikkonċerna l-membri tal-familja wara li jibda l-perjodu tal-qgħad li tulu jingħata l-benefiċċju ma għandhiex ikollha l-effett li tipposponi l-bidu tal-kwalifikazzjoni għall-initolament tal-benfiċċju tal-qgħad bir-rata miżjuda għal membri dipendenti tal-familja, li għandu jiġi stabbilit skont il-leġiżlazzjoni tal-Istat kompetenti.

2.

Fejn l-istituzzjoni li toħroġ id-dokument li hemm referenza għalih fil-paragrafu 1 mhix f’pożizzjoni li tiċċertifika li l-membri tal-familja ma għandhomx jitqiesu għall-kalkolu tal-benefiċċji tal-qgħad dovuti lil persuna oħra skont il-leġiżlazzjoni tal-Istat Membru li huma joqogħdu fit-territorju tiegħu, il-persuna kkonċernata għandha tkun awtorizzata tipprovdi l-imsemmi dokument permezz ta’ dikjarazzjoni għal dak l-iskop.

3.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Din għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/43

(1)

L-Artikolu 65 tar-Regolament (KE) Nru 883/2004 jippreskrivi regoli speċjali dwar l-għoti u l-ħlas ta’ benefiċċji tal-qgħad lil persuni qiegħda li matul l-aħħar attività tagħhom bħala persuni fl-impjieg jew li jaħdmu għal rashom kienu residenti fi Stat Membru li mhux l-Istat kompetenti.

(2)

Il-fattur determinanti għall-applikazzjoni tal-Artikolu 65 tal-imsemmi Regolament fl-intier tiegħu huwa l-fatt li l-persuni kkonċernati kienu residenti, matul l-aħħar perjodu tal-impjieg jew tax-xogħol għal rashom, fi Stat Membru differenti minn dak li għal-leġiżlazzjoni tiegħu huma kien soġġetti, li mhux bilfors jikkorrispondi għal dak fejn kienu impjegati jew jaħdmu għal rashom.

(3)

Skont id-definizzjoni stipulata fl-Artikolu 1(j) tal-imsemmi Regolament, it-terminu “residenza” ifisser il-post fejn persuna għandha r-residenza abitwali tagħha u t-terminu “żjara” huwa definit bħla residenza temporanja fil-punt (k) ta’ dan l-Artikolu.

(4)

L-Artikolu 11 tar-Regolament (KE) Nru 987/2009 jistabbilixxi l-kriterji biex tiġi ddeterminata r-residenza fejn hemm differenza ta’ opinjoni dwar dan bejn l-istituzzjonijiet ta’ żewġ Stati Membri jew aktar.

(5)

Bħala konsegwenza tal-Artikolu 1 (f) tar-Regolament (KE) Nru 883/2004, il-ħaddiema transkonfinali għandhom il-post tar-residenza tagħhom f’pajjiż li mhuwiex il-pajjiż tal-attività professjonali tagħhom, li, fil-kuntest tal-Artikolu 11 (3)(a) tal-imsemmi Regolament huwa l-Istat kompetenti u li għalhekk m’hemm l-ebda dubju li dawn il-ħaddiema huma koperti mill-Artikolu 65 tal-imsemmi Regolament.

(6)

Il-kategoriji ta’ persuni msemmija fl-Artikoli 11(4) u 13 tar-Regolament imsemmi u l-persuni li għalihom japplika l-ftehim imsemmi fl-Artikolu 16 tar-Regolament imsemmi x’aktarx li jkollhom ir-residenza tagħhom, f’ċerti każijiet, fi Stat Membru li mhux l-Istat li ġie ddeterminat bħala dak kompetenti taħt dawn l-Artikoli.

(7)

Id-determinazzjoni ta’ f’liema Stat għandhom ir-residenza tagħhom il-persuni li jaqgħu f’dawn il-kategoriji trid issir fuq bażi ta’ kull każ għalih u għall-persuni msemmija fl-Artikolu 13(1)(a) u 13(2)(a) tar-Regolament (KE) Nru 883/2004 dan irid isir għall-finijiet tal-affiljazzjoni tagħhom.

(8)

Skont l-Artikolu 65(5) tar-Regolament (KE) Nru 883/2004, ir-responsabbiltà għall-ħlas ta’ benefiċċji tgħaddi mill-Istat kompetenti għall-Istat ta’ residenza fejn il-persuna kkonċernata tqiegħed lilha nnifisha għad-dispożizzjoni tas-servizzi tal-impjieg ta’ dan l-imsemmi Stat.

(9)

Minkejja li dan bħalissa huwa aċċettabbli fil-każ ta’ ħaddiema transkonfinali u ċerti kategoriji li bl-istess mod għandhom rabtiet mill-qrib mal-pajjiż ta’ oriġini tagħhom, dan ma jibqax aċċettabbli kieku, minħabba interpretazzjoni estiża żżejjed tal-kunċett ta’ “residenza”, il-qasam ta’ applikazzjoni tal-Artikolu 65 tar-Regolament (KE) Nru 883/2004 kellu jiġi estiż biex jinkludi persuni li għandhom impjieg jew xogħol għal rashom xi ftit jew wisq stabbli fi Stat Membru u li ħallew il-familji tagħhom fil-pajjiż ta’ oriġini tagħhom.

Filwaqt li taġixxi skont il-kondizzjonijiet imniżżla fl-Artikolu 71(2) tar-Regolament (KE) Nru 883/2004,

1.

L-Artikolu 65(5) tar-Regolament (KE) Nru 883/2004 għandu japplika b’mod partikolari għall-:

fil-każ fejn dawn kellhom ir-residenza tagħhom matul l-aħħar attività professjonali tagħhom fi Stat Membru li mhux l-Istat kompetenti.

2.

Il-persuni msemmija fil-paragrafu 1 li, matul l-aħħar attività professjonali tagħhom, kienu suġġetti għal-leġiżlazzjoni ta’ Stat Membru li mhux l-Istat tal-post ta’ attività bħala persuna impjegata jew li taħdem għal rasha, għandhom ikunu eliġibbli għall-benefiċċji skont id-dispożizzjonijiet tal-leġiżlazzjoni tal-Istat ta’ residenza bħallikieku kienu suġġetti qabel għal din il-leġiżlazzjoni.

3.

Għall-finijiet tal-applikazzjoni ta’ din id-Deċiżjoni, l-Istat ta’ residenza għandu jiġi determinat skont l-Artikolu 11 tar-Regolament (KE) Nru 987/2009.

4.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Għandha tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/45

(1)

L-Artikolu 65(2) tar-Regolament (KE) Nru 883/2004 fih dispożizzjoni li tikkostitwixxi eżenzjoni, fil-każ ta’ ħaddiema qiegħda għal kollox, mill-prinċipju ġenerali ta’ lex loci laboris stipulat fl-Artikolu 11(3)(a) tal-imsemmi Regolament.

(2)

Sabiex jiġi ddeterminat jekk persuna għandhiex titqies qiegħda għal kollox jew inkella parzjalment, għandhom jiġu applikati kriterji Komunitarji uniformi fi ħdan it-tifsira tal-Artikolu 65(1) u (2) tal-imsemmi Regolament. Din it-tip ta’ valutazzjoni ma tistax issir fuq il-bażi ta’ kriterji meħuda mil-liġi nazzjonali.

(3)

Minħabba li l-prassi tal-istituzzjonijiet nazzjonali tas-sigurtà soċjali fl-Istati Membri differenti tirrifletti differenzi fl-interpretazzjoni dwar in-natura tal-qgħad, huwa importanti li jiġi speċifikat l-ambitu tal-imsemmi Artikolu bil-għan li jiġu adottati kriterji uniformi u bbilanċjati għall-għanijiet tal-applikazzjoni tal-Artikolu mill-imsemmija istituzzjonijiet.

(4)

Skont l-Artikolu 65(2) tar-Regoalment (KE) Nru 883/2004, persuna qiegħda għal kollox li ma għad għandha l-ebda rabta mal-Istat Membru kompetenti tirċievi benefiċċji tal-qgħad mill-istituzzjoni tal-pajjiż li fih tkun residenti.

(5)

Valutazzjoni dwar jekk teżistix rabta ta’ impjieg jew le, jew inkella dwar jekk din tkunx qed tinżamm, tkun imsejsa għal kollox fuq il-leġiżlazzjoni nazzjonali tal-Istat fejn qed jingħata l-impjieg.

(6)

L-għan li jitħarsu l-persuni li jinsab stipulat fl-Artikolu 65 tar-Regolament ma jintlaħaqx kemm-il darba persuna li tkun baqgħet impjegata mal-istess intrapriża fi Stat Membru differenti minn dak li tkun toqgħod fih — wara li l-attività tagħha tkun ġiet sospiża — tkun baqgħet titqies, f’kull każ, qiegħda għal kollox, hekk li tintalab tapplika lill-istituzzjoni tal-post ta’ residenza tagħha sabiex tikseb il-benefiċċji tal-qgħad.

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

Fir-rigward tal-applikazzjoni tal-Artikolu 65(1) tar-Regolament (KE) Nru 883/2004, id-definizzjoni tan-natura tal-qgħad (jiġifieri jekk huwiex parzjali jew sħiħ) għandha tiddependi fuq jekk teżistix, jew tkunx qed tinżamm, xi rabta ta’ impjieg kuntrattwali bejn il-partijiet, u mhux fuq id-dewmien ta’ xi sospensjoni temporanja tal-attività tal-ħaddiem.

2.

Jekk persuna tibqa’ impjegata minn intrapriża fi Stat Membru differenti minn dak tar-residenza, iżda l-attività tagħha tiġi sospiża għalkemm tkun tista’ terġa’ lura għall-kariga tagħha meta trid, il-persuna msemmija għandha titqies bħala qiegħda b’mod parzjali, u l-benefiċċji korrispondenti għandhom jiġu pprovduti mill-istituzzjoni kompetenti tal-Istat Membru fejn qed jingħata l-impjieg skont l-Artikolu 65(1) tal-imsemmi Regolament.

3.

Jekk persuna, fin-nuqqas ta’ rabta ta’ impjieg kuntrattwali, ma jkollha l-ebda rabta mal-Istat Membru tal-impjieg (pereżempju minħabba li tkun intemmet jew skadiet ir-rabta kuntrattwali tal-impjieg) din għandha titqies bħala qiegħda għal kollox skont l-Artikolu 65(2) tal-imsemmi Regolament, u l-benefiċċji għandhom jiġu pprovduti mill-istituzzjoni tal-post tar-residenza.

4.

Jekk persuna li taħdem għal rasha ma tkun qed twettaq l-ebda attività professjonali jew kummerċjali fl-Istat Membru tal-attività, din għandha titqies bħala qiegħda għal kollox skont l-Artikolu 65(2) tal-imsemmi Regolament, u l-benefiċċji għandhom jiġu pprovduti mill-istituzzjoni tal-post tar-residenza.

5.

Din id-Deċiżjoni għandha tiġi ppublikata f’Il-Ġurnal Uffiċjali tal-Unjoni Ewropea. Din għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/47

(1)

Ir-Regolament (KE) Nru 883/2004, adottat fuq il-bażi tal-Artikoli 42 u 308 tat-Trattat, huwa strument essenzjali għall-eżerċitar tal-libertajiet fundamentali stipulati fit-Trattat.

(2)

Il-prinċipju tan-nuqqas ta’ diskriminazzjoni għal raġunijiet ta’ nazzjonalità huwa garanzija essenjzali għall-moviment ħieles tal-persuni impjegati, kif stipulat fl-Artikolu 39 tat-Trattat. Dan jimplika t-tneħħija ta’ kull diskriminazzjoni bejn il-ħaddiema stazzjonati fl-Istati Membri u l-ħaddiema migranti fir-rigward tal-impjieg, tas-salarju u ta’ kundizzjonijiet oħra ta’ xogħol.

(3)

Fis-sentenza Gottardo (3), il-Qorti tal-Ġustizzjoni aġixxiet fuq dan il-prinċipju kif stipulat fl-Artikolu 39 tat-Trattat fir-rigward ta’ persuna residenti fil-Komunità li kienet ħadmet fi Franza, fl-Italja u fl-Iżvizzera. Din il-persuna ma kellhiex biżżejjed intitolament għal pensjoni fl-Italja u talbet li l-perjodu ta’ żmien tal-assigurazzjoni tagħha fl-Iżvizzera u l-Italja jiġi aggregat, kif stipulat skont il-konvenzjoni bilaterali bejn l-Italja u l-Iżvizzera għall-benefiċċju taċ-ċittadini tagħhom.

(4)

Il-Qorti ddeċidiet f’dan il-każ li meta Stat Membru jikkonkludi konvenzjoni bilaterali internazzjonali dwar is-sigurtà soċjali ma’ pajjiż mhux membru li jistipula li għandhom jitqiesu l-perjodi ta’ assigurazzjoni mwettqa f’dak il-pajjiż mhux membru għall-kisba tal-intitolament għall-benefiċċji tal-anzjanità, il-prinċipju fundamentali ta’ trattament ugwali jitlob li dak l-Istat Membru jagħti liċ-ċittadini tal-Istati Membri l-oħra l-istess vantaggi bħal dawk li jgawdu ċ-ċittadini proprji tiegħu skont il-konvenzjoni sakemm l-Istat ma jipprovdix ġustifikazzjoni oġġettiva għar-rifjut li jwettaq dan (il-paragrafu 34).

(5)

F’dan ir-rigward, il-Qorti stqarret li l-interpretazzjoni tagħha tat-terminu “leġiżlazzjoni” fl-Artikolu 1(j) tar-Regolament tal-Kunsill (KEE) Nru 1408/71 (4) (l-Artikolu 1(l) attwali tar-Regolament (KE) Nru 883/2004) ma tistax taffettwa l-obbligu ta’ kull Stat Membru biex jikkonforma mal-prinċipju tat-trattament ugwali stipulat fl-Artikolu 39 tat-Trattat.

(6)

Il-Qorti qieset li x-xkiel fil-bilanċ u r-reċiproċità ta’ konvenzjoni bilaterali internazzjonali konkluża bejn Stat Membru u pajjiż mhux membru ma jikkostitwixxix ġustifikazzjoni oġġettiva għar-rifjut tal-Istat Membru kontraenti f’dik il-konvenzjoni biex jestendi liċ-ċittadini tal-Istati Membri l-oħra l-vantaġġi li ċ-ċittadini proprji tiegħu jiksbu minn dik il-konvenzjoni.

(7)

Il-Qorti lanqas ma aċċettat l-oġġezzjonijiet b’tali mod li żieda possibbli fil-piż finanzjarju u d-diffikultajiet amministrattivi fir-rigward tal-kollaborazzjoni mal-awtoritajiet kompetenti tal-pajjiż mhux membru in kwistjoni setgħet tiġġustifika li l-Istat Membru kontraenti f’din il-konvenzjoni bilaterali jonqos milli jkun konformi mal-obbligi tat-Trattat.

(8)

Huwa importanti li wieħed jasal għall-konklużjonijiet xierqa kollha minn din is-sentenza, li hija kruċjali għaċ-ċittadini Komunitarji kollha li jeżerċitaw id-dritt tagħhom tal-moviment ħieles lejn Stat Membru ieħor.

(9)

Għal din ir-raġuni, għandu jkun iċċarat li l-konvenzjonijiet bilaterali dwar is-sigurtà soċjali bejn Stat Membru u pajjiż mhux membru għandhom jiġu interpretati b’tali mod li l-vantaġġi li jgawdu ċ-ċittadini ta’ Pajjiż Membru kontraenti fil-konvenzjoni għandhom fil-prinċipju wkoll jingħataw lil ċittadin Komunitarju li jinsab fl-istess sitwazzjoni f’termini oġġettivi.

(10)

Irrispettivament mill-applikazzjoni uniformi tas-sentenza Gottardo f’każijiet individwali, il-konvenzjonijiet bilaterali eżistenti għandhom jiġu riveduti. Fir-rigward ta’ ftehimiet konklużi qabel, l-Artikolu 307 tat-Trattat jistqarr li: “l-Istat Membru jew Stati Membri in kwistjoni għandhom jieħdu l-miżuri opportuni biex titneħħa l-inkompatibilità li tista’ tinsab”, u fir-rigward tal-ftehimiet konklużi wara l-1 ta’ Jannar 1958, jew wara d-data tal-adeżjoni ta’ Stat Membru mal-Komunità Ewropea, l-Artikolu 10 tat-Trattat jitlob li dawn l-istess Stati Membri “m’għandhom jieħdu l-ebda miżura li tkun tista’ tipperikola r-realizzazzjoni tal-għanijiet ta’ dan it-Trattat”.

(11)

Fir-rigward ta’ konvenzjonijiet bilaterali ġodda dwar is-sigurtà soċjali konklużi bejn Stat Membru u pajjiż mhux membru, huwa importanti li wieħed iżomm f’moħħu li dawn għandhom jinkludu referenza speċifika għal prinċipju ta’ nuqqas ta’ diskriminazzjoni għal raġunijiet ta’ nazzjonalità fir-rigward ta’ ċittadini ta’ Stati Membri oħra li eżerċitaw id-dritt tagħhom għall-moviment ħieles fl-Istat Membru li huwa parti mill-konvenzjoni kkonċernata.

(12)

L-applikazzjoni tas-sentenza Gottardo għal każijiet individwali tiddependi fil-parti l-kbira tagħha fuq il-kooperazzjoni tal-pajjiżi mhux membri, billi dawn ikollhom jiċċertifikaw il-perjodi ta’ żmien ta’ assigurazzjoni li ntemmu hemnhekk mill-persuna kkonċernata.

(13)

Il-Kummissjoni Amministrattiva għandha tittratta din il-kwistjoni, billi d-deċiżjoni fis-sentenza Gottardo hija kkonċernata mill-applikazzjoni tal-prinċipju tat-trattament ugwali fil-qasam tas-sigurtà soċjali,

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

Skont il-prinċipju ta’ trattament ugwali u n-nuqqas ta’ diskriminazzjoni bejn iċ-ċittadini proprji ta’ Stat u ċ-ċittadini ta’ Stati Membri oħra li eżerċitaw id-drittijiet tagħhom għall-moviment ħieles skont l-Artikolu 39 tat-Trattat, il-vantaġġi fir-rigward tal-pensjonijiet li minnhom igawdu l-ħaddiema proprji ta’ Stat partikolari (persuni impjegati u li jaħdmu għal rashom) skont konvenzjoni dwar is-sigurtà soċjali ma’ pajjiż mhux membru għandhom jingħataw ukoll, fil-prinċipju, lil ħaddiema (persuni impjegati u li jaħdmu għal rashom) li huma ċittadini ta’ Stati Membri oħra u li huma fl-istess sitwazzjoni f’termini oġġettivi.

2.

Konvenzjonijiet bilaterali ġodda dwar is-sigurtà soċjali konklużi bejn Stat Membru u pajjiż mhux membru għandhom jirreferu b’mod speċifiku għall-prinċipju tan-nuqqas ta’ diskriminazzjoni, għal raġunijiet ta’ nazzjonalità, kontra ċittadini ta’ Stat Membru ieħor li eżerċitaw id-dritt tagħhom ta’ moviment ħieles fl-Istat Membru li huwa parti mill-konvenzjoni kkonċernata.

3.

L-Istati Membri għandhom jgħarrfu lill-istituzzjonijiet fil-pajjiżi li flimkien magħhom iffirmaw il-konvenzjonijiet ta’ sigurtà soċjali li d-dispożizzjonijiet tagħhom japplikaw biss għaċ-ċittadini rispettivi tagħhom dwar l-implikazzjonijet tad-deċiżjoni tas-sentenza Gottardo u għandhom jitolbuhom jikkooperaw fl-applikazzjoni tad-deċiżjoni tal-Qorti. L-Istati Membri li kkonkludew konvenzjonijiet bilaterali mal-istess pajjiżi mhux membri jistgħu jaġixxu b’mod konġunt fit-talba tagħhom għal kooperazzjoni bħal din. Din il-kooperazzjoni hija wkoll essenzjali b’mod ċar biex id-deċiżjoni tiġi rrispettata.

4.

Din ir-Rakkomandazzjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/49

(1)

Meta persuni li għandhom residenza fit-territorju ta’ Stat Membru huma eliġibbli, skont il-leġiżlazzjoni applikabbli tagħhom, biex jirċievu benefiċċji tal-qgħad, għandhom jiġu permessi jsegwu attività professjonali jew kummerċjali part-time fit-territorju ta’ Stat Membru ieħor, filwaqt li jippreservaw l-intitolament għall-benefiċċji tal-qgħad provduti mill-Istat fejn għandhom ir-residenza.

(2)

F’din is-sitwazzjoni jeħtieġ li tiġi ddeterminata l-leġiżlazzjoni applikabbkli għal persuni bħal dawn li taqa’ taħt l-Artikolu 11 tar-Regolament (KE) Nru 883/2004, biex jiġu evitati kunflitti possibbli tal-liġijiet.

(3)

Skont l-Artikolu 11(2) tar-Regolament imsemmi, persuni li qegħdin jirċievu benefiċċji fi flus minħabba jew bħala konsegwenza tal-attività tagħhom bħala persuni impjegati jew bħala persuni impjegati għal rashom, għandhom jitqiesu bħallikieku qegħdin iwettqu din l-attività.

(4)

Skont l-Artikolu 11(3)(a) tar-Regolament imsemmi, persuna li twettaq attività bħala persuna impjegata jew bħala persuna li taħdem għal rasha fi Stat Membru għandha tkun soġġetta għal-leġiżlazzjoni ta’ dak l-Istat Membru.

(5)

Fl-interess tal-persuni msemmija fil-premessa (1) hawn fuq, huwa preferibbli li persuni bħal dawn jibqgħu jkunu soġġetti għal-leġiżlazzjoni tal-pajjiż ta’ residenza tagħhom fir-rigward kemm ta’ ħlas ta’ kontribuzzjonijiet dovuti minħabba l-attività professjonali jew kummerċjali tagħhom kif ukoll l-għoti tal-benefiċċji.

(6)

L-Artikolu 16(1) tar-Regolament (KE) Nru 883/2004 jippermetti lill-Istati Membri biex jipprevedu eċċezzjonijiet għall-Artikoli 11 sa 15 tar-Regolament imsemmi.

Filwaqt li taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

L-awtoritajiet kompetenti tal-Istati Membri kkonċernati jikkonkludu, jew jagħtu struzzjonijiet lill-korpi maħturin minn dawn l-awtoritajiet kompetenti biex jikkonkludu, ftehimiet skont l-Artikolu 16(1) tar-Regolament (KE) Nru 883/2004 bil-kundizzjonijiet li ġejjin:

Il-ftehimiet għandhom jipprevedu li persuni li jirċievu benefiċċju tal-qgħad fl-Istat tagħhom ta’ residenza u fl-istess waqt iwettqu attività professjonali jew kummerċjali part-time fi Stat Membru ieħor għandhom ikunu soġġetti esklussivament għal-leġiżlazzjoni tal-Istat imsemmi l-ewwel, kemm fir-rigward ta’ ħlas ta’ kontribuzzjonijiet kif ukoll l-għoti tal-benefiċċji.

L-istituzzjoni li tipprovdi l-benefiċċju tal-qgħad fl-Istat ta’ residenza tal-persuna kkonċernata għandha tinforma l-istituzzjoni maħtura mill-awtorità kompetenti ta’ dak l-Istat dwar kwalunkwe attività professjonali jew kummerċjali part-time li fiha hija involuta l-persuna kkonċernata fi Stat Membru ieħor.

Din l-istituzzjoni msemmija l-aħħar għandha tinforma minnufih l-istituzzjoni maħtura mill-awtorità kompetenti tal-Istat Membru li fit-territorju tagħha l-persuna kkonċernata qed twettaq attività part-time, li l-persuna tibqa’ soġġetta għal-leġiżlazzjoni tal-Istat Membru ta’ residenza.

2.

Skont dawn il-ftehimiet, għandhom japplikaw il-proċeduri aministrattivi stipulati fl-Anness 19 sa 21 tar-Regolament (KE) Nru 987/2009.

3.

Il-ftehim konkluż mill-Istati Membri skont ir-Rakkomandazzjoni Nru 18 tat-28 ta’ Frar 1986, li huwa anness hawnhekk, għandu jibqa’ validu skont ir-Regolamenti (KE) Nru 883/2004 u (KE) Nru 987/2009, soġġett għall-punt 2 ta’ din ir-Rakkomandazzjoni.

4.

Din ir-Rakkomandazzjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/51

(1)

Skont it-termini tal-Artikolu 64(1) tar-Regolament (KE) Nru 883/2004 persuna li hija qiegħda għal kollox u li tmur fi Stat Membru għajr l-Istat kompetenti sabiex tfittex impjieg tista’, soġġetta għal ċerti kundizzjonijiet u restrizzjonijiet, iżżomm id-dritt għall-benefiċċji tal-qgħad fi flus kontanti.

(2)

Waħda mill-kundizzjonijiet stipulati fis-sottotaqsima (a) tal-paragrafu msemmi hija li l-persuna kkonċernata kienet disponibbli għas-servizzi tal-impjiegi tal-Istat kompetenti għal mill-anqas erba’ ġimgħat qabel sabet ruħha qiegħda.

(3)

Is-sentenza finali tas-sottotaqsima (a), madankollu, tippermetti lis-servizzi jew l-istituzzjonijet kompetenti jawtorizzaw it-tluq tal-persuna li qed tfittex xogħol qabel it-tmiem tal-erba’ ġimgħat.

(4)

Din l-awtorizzazzjoni ma għandhiex tkun miċħuda lil persuni li, filwaqt li jissodisfaw il-kundizzjonijiet stipulati fl-Artikolu 64(1) tar-Regolament imsemmi, jixtiequ jakkumpanjaw is-sieħeb/is-sieħba tagħhom li ħadu xogħol fi Stat Membru ieħor.

Filwaqt li taġixxi skont il-kundizzjonijiet imniżżla fl-Artikolu 71(2) tar-Regolament (KE) Nru 883/2004,

1.

L-awtorizzazzjoni tat-tluq qabel ikun għaddew erba’ ġimgħat skont id-dispożizzjoni fl-aħħar sentenza tal-Artikolu 64(1)(a) tar-Regolament (KE) Nru 883/2004 għandha tingħata lil persuna li hija qiegħda għal kollox, li tissodisfa l-kundizzjonijiet l-oħrajn kollha stipulati fl-Artikolu 64 (1) u li qed takkumpanja s-sieħeb/is-sieħba tagħha/tiegħu li qed jaħdem/taħdem fi Stat Membru ieħor għajr l-Istat kompetenti.

Is-sieħeb/is-sieħba għandu/għandha jkun/tkun determinat/a skont il-leġiżlazzjoni tal-Istat Membru kompetenti.

2.

Din ir-Rakkomandazzjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tibda tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/52

(1)

L-ispiża tal-benefiċċji mhux fi flus mogħtija mill-istituzzjoni ta’ Stat Membru wieħed f’isem l-istituzzjoni ta’ Stat Membru ieħor, għandha titħallas kollha lura.

(2)

Ir-rifużjonijiet bejn l-istituzzjonijiet, sakemm ma jkunx miftiehem mod ieħor, għandhom jitwettqu b’mod rapidu u effiċjenti biex tiġi evitata akkumulazzjoni ta’ pretensjonijiet li jibqgħu pendenti għal perjodi itwal ta’ żmien.

(3)

L-akkumulazzjoni ta’ pretensjonijiet tista’ tipperikola l-funzjonament effiċjenti tas-sistema Komunitarja u thedded id-dritt tal-individwi.

(4)

Il-Kummissjoni Amministrattiva fid-Deċiżjoni Nru S1 (3) iddeċidiet li l-istituzzjoni tal-post ta’ żjara għandha tiġi rimborżata għall-ispiża tal-kura tas-saħħa pprovduta fuq il-bażi ta’ Karta tal-Assigurazzjoni tas-Saħħa Ewropea valida.

(5)

Ftehim komuni dwar l-aħjar prassi jikkontribwixxi għal ħlas ta’ rifużjonijiet b’mod rapidu u effiċjenti bejn l-istituzzjonijiet.

Taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

L-istituzzjoni li titlob rifużjoni bbażata fuq l-infiq attwali għandha tintroduċi t-talba sa mhux aktar tard mil-limitu taż-żmien imsemmi fl-Artikolu 67(1) Regolament (KE) Nru 987/2009 (minn hawn ‘il quddiem imsejjaħ: “ir-Regolament tal-Implimentazzjoni”). L-istituzzjoni li tirċievi t-talba għandha tiżgura l-ħlas tat-talba fiż-żmien previst fl-Artikolu 67(5) tar-Regolament tal-Implimentazzjoni, iżda qabel dan il-limitu taż-żmien hekk kif tkun f’pożizzjoni li tagħmel dan.

2.

Talbiet għal rifużjoni ta’ benefiċċji, li jkunu ġew provduti fuq il-bażi tal-Karta tal-Assigurazzjoni tas-Saħħa Ewropea (EHIC), dokument li jissostitwixxi l-EHIC jew kwalunkwe dokument ieħor li jagħti d-dritt, jistgħu jiġu miċħuda u t-talba mibgħuta lura lill-istituzzjoni kreditriċi fil-każ li t-talba, pereżempju:

Talba ma tistax tiġi miċħuda fuq il-bażi li l-persuna ma tkunx għadha assikurata mal-istituzzjoni, li tkun ħarġet l-EHIC jew id-dokument li jagħti d-dritt, sakemm il-benefiċċji kienu mogħtija lill-benefiċjarju fil-perjodu ta’ validità tad-dokument użat.

Istituzzjoni li hija obbligata li tħallas lura l-ispejjeż ta’ benefiċċji pprovduti fuq il-bażi tal-EHIC tista’ titlob li l-istituzzjoni li magħha l-persuna kienet ġustament irreġistrata fil-ħin tal-għoti tal-benefiċċji għandha tirrifondi l-ispejjeż ta’ dawk il-benefiċċji lill-ewwel istituzzjoni, jew jekk il-persuna ma kinitx intitolata li tuża l-EHIC, issolvi l-kwistjoni mal-persuna kkonċernata.

3.

Talba ma tistax tiġi riveduta mill-istituzzjoni debitriċi fir-rigward tal-konformità tagħha mal-Artikoli 19 u 27(1) tar-Regolament (KE) Nru 883/2004, sakemm ma jkunx hemm raġunijiet raġonevoli biex wieħed jissuspetta xi abbuż kif iċċarat skont il-ġurisprudenza mill-Komunità Ewropea Qorti tal-Ġustizzja (4). L-istituzzjoni debitriċi hija għaldaqstant obbligata li taċċetta l-informazzjoni li fuqha hija bbażata t-talba u li tħallas lura t-talba. Fil-każ li jkun hemm suspett ta’ abbuż l-istituzzjoni debitriċi tista’ għal raġunijiet rilevanti tiċħad it-talba kif previst skont l-Artikolu 67(5) tar-Regolament tal-Implimentazzjoni.

4.

Għall-finijiet tal-applikazzjoni tal-punti 2 u 3, jekk l-istituzzjoni debitriċi tesprimi dubji dwar il-korrettezza tal-fatti, li fuqhom it-talba li hija bbażata, hija l-istituzzjoni kreditriċi li terġa’ tikkunsidra jekk it-talba kinetx maħruġa kif suppost u, jekk xieraq, tirtira jew terġa’ tikkunsidra t-talba.

5.

Talba, li tiġi introdotta wara l-limitu taż-żmien speċifikat fl-Artikolu 67(1) tar-Regolament tal-Implimentazzjoni, m’għandhiex tiġi kkunsidrata.

6.

L-inventarju provdut fl-Artikolu 64(4) tar-Regolament tal-Implimentazzjoni għandu jiġi ppreżentat lill-korp ta’ kollegament tal-Istat Membru debitur sal-aħħar tas-sena wara s-sena ta’ referenza, u l-pretensjonijiet ibbażati fuq dan l-inventarju għandhom jiġu introdotti fl-istess entità kemm jista’ jkun malajr wara l-pubblikazzjoni f’Il-Ġurnal Uffiċjali tal-Unjoni Ewropea tal-ammonti fissi annwali għal kull persuna, iżda fil-limitu ta’ żmien previst fl-Artikolu 67(2) tar-Regolament tal-Implimentazzjoni.

7.

L-istituzzjoni kreditriċi għandha, kull meta jkun possibbli, tippreżenta t-talbiet li jikkonċernaw is-sena kalendari partikolari fl-istess okkażjoni lill-istituzzjoni debitriċi.

8.

L-istituzzjoni debitriċi li tirċievi talba għal rifużjoni fuq il-bażi ta’ ammonti fissi għandha tiżgura l-ħlas tat-talba fiż-żmien previst mill-Artikolu 67(5) tar-Regolament tal-Implimentazzjoni, iżda qabel dan il-limitu taż-żmien malli din tkun f’pożizzjoni li tagħmel dan.

9.

Talba, li tiġi introdotta wara l-limitu taż-żmien speċifikat fl-Artikolu 67(2) tar-Regolament tal-Implimentazzjoni, ma għandhiex tiġi kkunsidrata.

10.

Talba għal rifużjoni fuq il-bażi ta’ ammonti fissi tista’ tiġi miċħuda u mibgħuta lura lill-istituzzjoni kreditriċi fil-każ li t-talba, pereżempju:

11.

Jekk l-istituzzjoni debitriċi tesprimi dubji dwar il-korettezza tal-fatti li fuqhom it-talba hija bbażata, hija l-istituzzjoni kreditriċi li terġa’ tikkunsidra jekk il-fattura kinetx maħruġa kif suppost u, jekk xieraq, tirtira jew terġa’ tikkunsidra t-talba.

12.

Fil-każ li jsir ħlas parzjali skont l-Artikolu 68 tar-Regolament tal-Implimentazzjoni, l-ammont li għandu jitħallas għandu jkun iddeterminat separatament għal talbiet ibbażati fuq l-infiq attwali (Artikolu 67(1) tar-Regolament tal-Implimentazzjoni) u talbiet ibbażati fuq ammonti fissi (Artikolu 67(2) tar-Regolament tal-Implimentazzjoni).

13.

L-istituzzjonijiet għandhom jiżguraw kooperazzjoni tajba bejniethom u jaġixxu biex jimplimentaw il-leġiżlazzjoni tagħhom stess.

14.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/54

(1)

Għall-finijiet tal-applikazzjoni tal-Artikoli 17, 19, 20, 22, 24(1), 25, 26, 27 (1, 3, 4 u 5), 28, 34 u 36 (1 u 2) tar-Regolament (KE) Nru 883/2004, tifsira preċiża, li għandha torbot lill-Istati Membri kollha, għandha tiġi mehmuża mal-kunċett ta’ “benefiċċji mhux finanzjarji” tal-mard u l-maternità; kif definit fl-Artikolu 1(va) tar-Regolament (KE) Nru 883/2004.

(2)

Il-kunċett tal-benefiċċji mhux finanzjarji tal-mard u l-maternità, skont il-każistika tal-qorti tal-Qorti Ewropea tal-Ġustizzja għandha tinkludi benefiċċji mhux finanzjarji provduti lill-persuni dipendenti fuq il-kura.

Taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

Il-benefiċċji mhux finanzjarji tal-mard u l-maternità li għandhom jiġu kkunsidrati meta jiġu kkalkulati r-rifużjonijiet imsemmija fl-Artikoli 62, 63 u 64 tar-Regolament (KE) Nru 987/2009 (minn hawn ‘il quddiem imsejjaħ “Regolament tal-Implimentazzjoni”) għandhom ikunu dawk meqjusa bħala benefiċċji mhux finanzjarji skont il-leġiżlazzjoni nazzjonali amministrata mill-istituzzjoni li pprovdiet il-benefiċċji safejn dawn jistgħu jiġu akkwistati skont id-dispożizzjonijiet tal-Artikoli 17, 19, 20, 22, 24(1), 25, 26, 27 (1, 3, 4 u 5), 28, 34 u 36 (1 u 2) tar-Regolament (KE) Nru 883/2004 (minn hawn ‘il quddiem imsejjaħ “ir-Regolament Bażiku”).

2.

Dawn li ġejjin għandhom ukoll jitqiesu bħala benefiċċji mhux finanzjarji skont it-tifsira tal-artikoli msemmija hawn fuq tar-Regolament Bażiku:

3.

Dawn li ġejjin m’għandhomx jitqiesu bħala spejjeż għall-benefiċċji mhux finanzjarji skont it-tifsira tal-artikoli msemmija hawn fuq tar-Regolament Bażiku:

4.

Il-kalkolu tal-ammonti fissi ta’ kull xahar u l-ammonti fissi totali skont l-Artikolu 64 tar-Regolament tal-Implimentazzjoni għandhom jinkludu dan li ġej:

5.

Il-kalkolu tal-ammonti fissi ta’ kull xahar u l-ammonti fissi totali skont l-Artikolu 64 tar-Regolament tal-Implimentazzjoni ma għandhomx jinkludu dan li ġej:

6.

Il-kalkolu tal-ammonti li se jitħallsu lura għandu kemm jista’ jkun possibbli jkun ibbażat fuq l-istatistiċi uffiċjali u l-kontijiet tal-post taż-żjara jew ta’ residenza, u preferibbilment fuq id-data uffiċjali ppubblikata. Is-sorsi tal-istatistiċi użati għandhom jiġu indikati.

7.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tapplika mid-data tad-dħul fis-seħħ tar-Regolament (KE) Nru 987/2009.

24.4.2010   

MT

Il-Ġurnal Uffiċjali tal-Unjoni Ewropea

C 106/56

(1)

Ħafna dispożizzjonijiet bħal eż. l-Artikoli 5(a), 21(1), 29, 34, 52, 62(3), 65(6) u (7), 68(2) 84 tar-Regolament (KE) Nru 883/2004 u l-Artikoli 25 (4) u (5), 26 (7), 54(2), 70, 72, 73, 78 u 80 tar-Regolament (KE) Nru 987/2009, jinkludu sitwazzjonijiet, fejn għall-għan ta’ pagament, kalkolu jew kalkolu mill-ġdid għal benefiċċju jew kontribuzzjoni, rimborż, jew għall-għanijiet ta’ tpaċija u l-proċeduri ta’ rkupru, ir-rata tal-kambju jeħtieġ tiġi determinata.

(2)

L-Artikolu 90 tar-Regolament ta’ Implimentazzjoni (KE) Nru 987/2009 jagħti s-setgħa lill-Kummissjoni Amministrattiva sabiex tiffissa data li għandha tiġi kkunsidrata għad-determinazzjoni tar-rati ta’ konverżjoni li għandhom jiġu applikati meta jiġu kkalkolati ċerti benefiċċji u kontribuzzjonijiet,

Taġixxi skont il-kundizzjonijiet stipulati fl-Artikolu 71(2) tar-Regolament (KE) Nru 883/2004,

1.

Għall-għan ta’ din id-deċiżjoni r-rata ta’ konverżjoni għandha titqies bħala rata ta’ konverżjoni ta’ kuljum ippubblikata mill-Bank Ċentrali Ewropew.

2.

Jekk ma jkunx indikat mod ieħor f’din id-deċiżjoni, r-rata ta’ konverżjoni għandha tkun ir-rata ppubblikata fid-data tat-twettiq tal-operazzjoni mill-istituzzjoni.

3.

Istituzzjoni ta’ Stat Membru, li għall-għan li tiġi stabbilita pretensjoni u għall-ewwel kalkolu tal-benefiċċju għandha taqleb ammont fil-munita ta’ Stat Membru ieħor, għandha tuża:

4.

Il-paragrafu 3 għandu japplika mutatis mutandis meta istituzzjoni ta’ Stat Membru għall-kalkolu mill-ġdid tal-benefiċċju minħabba tibdil fis-sitwazzjoni fattwali jew legali tal-persuna kkonċernata, għandha taqleb ammont fil-munita ta’ Stat Membru ieħor.

5.

Istituzzjoni li tħallas benefiċċju li l-liġi tindiċizza regolarment skont il-liġi nazzjonali, u fejn l-ammonti f’muniti oħra għandhom impatt fuq dak il-benefiċċju, għandha, meta tikkalkolah mill-ġdid tuża r-rata ta’ konverżjoni applikabbli fl-ewwel jum tax-xahar li jippreċedi x-xahar meta l-indiċjar huwa mistenni li jsir, sakemm mhux previst b’mod differenti fil-leġiżlazzjoni nazzjonali.

6.

Għall-għanijiet tal-kumpens u l-proċeduri tal-irkupru, ir-rata tal-kambju applikabbli sabiex tinqaleb is-somma li għandha tiġi mnaqqsa jew imħallsa għandha tkun ir-rata ta’ konverżjoni għal dak il-jum meta tkun inbagħtet it-talba għall-ewwel darba.

7.

Għall-għanijiet tal-Artikolu 65(6) u (7) tar-Regolament (KE) Nru 883/2004 u l-Artikolu 70 tar-Regolament (KE) Nru 987/2009 meta t-tqabbil iseħħ bejn l-ammont li effettivament tħallas mill-istituzzjoni tal-post ta’ residenza u l-ammont massimu tar-rimborż imsemmi fit-tielet sentenza tal-Artikolu 65(6) tar-Regolament (KE) Nru 883/2004 (l-ammont tal-benefiċċju li għalih il-persuna kkonċernata tkun intitolata skont il-leġiżlazzjoni tal-Istat Membru li għalih hi kienet soġġetta l-aħħar jekk irreġistrata mas-servizzi tal-impjiegi ta’ dak l-Istat Membru), id-data li għandha tiġi kkunsidrata għad-determinazzjoni tar-rata ta’ konverżjoni għandha tkun l-ewwel jum tax-xahar kalendarju li fih ikun intemm il-perjodu ta’ rimborż.

8.

Din id-Deċiżjoni għandha tiġi riveduta wara l-ewwel sena tad-dħul fis-seħħ tar-Regolament (KE) Nru 883/2004 u r-Regolament (KE) Nru 987/2009.

9.

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea. Għandha tapplika mid-data tad-dħul fis-seħħ tar-Regolament (KE) Nru 987/2009.