ISSN 1725-5198

doi:10.3000/17255198.CA2010.064.mlt

Il-Ġurnal Uffiċjali

tal-Unjoni Ewropea

C 64A
European flag  

Edizzjoni bil-Malti

Informazzjoni u Avviżi

Volum 53
16 ta' Marzu 2010

Avviż Nru

Werrej

Paġna

 

V   Opinjonijiet

 

PROĊEDURI AMMINISTRATTIVI

 

L-Uffiċċju Ewropew għall-Għażla tal-Persunal (EPSO)

2010/C 064A/01

Avviż ta' kompetizzjoni ġenerali EPSO/AD/177/10 — Amministraturi (AD 5)

1

REVIŻJONI TAL-ĠU C A KOMPETIZZJONI

Hawn taħt għandek issib il-lista ta' C A ppubblikati matul din is-sena.

Ħlief meta indikat mod ieħor, il-Ġurnali Uffiċjali huma ppubblikati fil-lingwi kollha.

5

(FR)

9

 

19

(FR)

23

(DE/ES/PT)

28

 

48

 

53

 

56

 

57

 

60

 

61

(DE/EN/FR)

62

 

64

 

MT

 

V Opinjonijiet

PROĊEDURI AMMINISTRATTIVI

L-Uffiċċju Ewropew għall-Għażla tal-Persunal (EPSO)

16.3.2010   

MT

Il-Ġurnal Uffiċjali tal-Unjoni Ewropea

CA 64/1

AVVIŻ TA' KOMPETIZZJONI ĠENERALI EPSO/AD/177/10 — AMMINISTRATURI (AD 5)

(2010/C 64 A/01)

Interessat f'karriera fl-istituzzjonijiet Ewropej?

Il-profil tiegħek jikkorrispondi mal-kriterji tagħna?

Mela applika

Għati lilek innifsek iċ-ċans li tirnexxi

L-Uffiċċju Ewropew għall-Għażla tal-Persunal (EPSO) qed jorganizza testijiet ta' dħul kif ukoll kompetizzjoni ġenerali, permezz ta' eżamijiet sabiex tinħoloq lista ta' riżerva għar-reklutaġġ ta' amministraturi (1).

EPSO/AD/177/10 — AMMINISTRATURI (AD 5)

fl-oqsma li ġejjin:

1.

AMMINISTRAZZJONI PUBBLIKA EWROPEA

2.

LIĠI

3.

EKONOMIJA

4.

VERIFIKA

5.

TEKNOLOĠIJI TAL-INFORMAZZJONI U TAL-KOMUNIKAZZJONI (ICT)

L-għan ta' din il-kompetizzjoni hu li jitfasslu listi ta' riżerva maħsuba biex jimlew postijiet vakanti fi ħdan l-istituzzjonijiet tal-Unjoni Ewropea.

Qabel tapplika, għandek taqra bir-reqqa il-gwida ppubblikata fil-Ġurnal Uffiċjali C 57 A tad-9 ta' Marzu 2010 kif ukoll fuq il-websajt tal-EPSO.

Din il-gwida, li tagħmel parti integrali mill-avviż tal-kompetizzjoni, se tgħinek tifhem ir-regoli dwar il-proċedura u l-kundizzjonijiet ta' iskrizzjoni.

WERREJ

I.

QAFAS ĠENERALI

II.

DESKRIZZJONI TAL-FUNZJONIJIET

III.

KUNDIZZJONIJIET TA' AMMISSJONI

IV.

TESTIJIET TA' DĦUL

V.

KOMPETIZZJONI ĠENERALI

VI.

LISTI TA' RIŻERVI

VII.

KIF TAPPLIKA?

I.   QAFAS ĠENERALI

1.

Numru ta' kandidati magħżula skont il-qasam

1.

=

105

2.

=

43

3.

=

39

4.

=

64

5.

=

72

2.

Kummenti

Int tista' tapplika f'qasam wieħed biss.

Din l-għażla għandha ssir fil-ħin tal-iskrizzjoni elettronika u ma tistax tinbidel ladarba tkun ivvalidajt u bgħatt l-applikazzjoni tiegħek b'mod elettroniku.

II.   DESKRIZZJONI TAL-FUNZJONIJIET

AD 5 huwa l-grad li fih il-kandidati magħżula jidħlu f'karriera ta' amministratur fl-Istituzzjonijiet Ewropej. L-amministraturi impjegati f'dan il-grad jistgħu jwettqu taħt superviżjoni, tliet tipi ewlenin ta' xogħol fl-istituzzjonijiet: tfassil tal-politika, twassil operattiv u ġestjoni tar-riżorsi. Aħna qed infittxu partikolarment kandidati b'potenzjal ta' żvilupp fil-karriera.

Deskrizzjoni dettaljata tal-oqsma differenti tinsab fl-anness.

Il-profil ġenerali tal-kandidati mfittex mill-istituzzjonijiet huwa mfisser fil-punt 1.2 tal-gwida applikabbli għall-kompetizzjonijiet ġenerali.

III.   KUNDIZZJONIJIET TA' AMMISSJONI

, int għandek tissodisfa dawn il-kundizzjonijiet kollha ġenerali u speċifiċi li ġejjin:

1.   Kundizzjonijiet ġenerali

—

Tkun ċittadin ta' wieħed mill-Istati Membri tal-Unjoni Ewropea.

—

Tgawdi mid-drittijiet ċivili tiegħek.

—

Tkun wettaqt kull obbligu impost mil-liġijiet dwar is-servizz militari.

—

Tipproduċi r-referenzi tal-karattru xierqa li juru li int tajjeb biex twettaq id-dmirijiet tiegħek.

2.

Kundizzjonijiet speċifiċi

2.1

Kwalifiki: ara l-anness

2.2

Esperjenza professjonali

L-ebda esperjenza professjonali m'hi meħtieġa.

2.3.

Għarfien lingwistiku

Il-lingwi uffiċjali tal-Unjoni Ewropea huma dawn li ġejjin:

BG (Bulgaru)

CS (Ċek)

DA (Daniż)

DE (Ġermaniż)

EL (Grieg)

EN (Ingliż)

ES (Spanjol)

ET (Estonjan)

FI (Finlandiż)

FR (Franċiż)

GA (Irlandiż)

HU (Ungeriż)

IT (Taljan),

LT (Litwan)

LV (Latvjan)

MT (Malti)

NL (Olandiż)

PL (Polakk)

PT (Portugiż)

RO (Rumen)

SK (Slovakk)

SL (Sloven)

SV (Svediż)

a)

Lingwa 1

Lingwa prinċipali:

għarfien profond ta' waħda mil-lingwi uffiċjali tal-Unjoni Ewropea

u

 

b)

Lingwa 2

Tieni lingwa (għandha tkun differenti mil-lingwa 1):

għarfien sodisfaċenti tal-Ġermaniż, l-Ingliż jew il-Franċiż

IV.   TESTIJIET TA' DĦUL

1.

Int se tkun mistieden għat-testijiet

, tkun iddikjarajt li tissodisfa l-kundizzjonijiet ġenerali u speċifiċi elenkati fit-taqsima III.

2.

Tip ta' testijiet u mmarkar

Sensiela ta' testijiet ibbażati fuq mistoqsijiet b'għażla multipla maħsuba biex jivvalutaw l-abiltajiet u l-kompetenzi ġenerali fil-qasam tal-kapaċità ta':

Test a)

raġunament verbali

Marki: 0 sa 20 punt

Minimu meħtieġ: 10 punti

Test b)

raġunament numeriku

Marki: 0 sa 10 punti

Test c)

raġunament astratt

Marki: 0 sa 10 punti

 

Il-Minimu meħtieġ:10 punti għat-testijiet (b) u (c) flimkien

3.

Lingwa tat-testijiet

Lingwa 2

4.

Test tal-valutazzjoni sitwazzjonali

Sensiela ta' mistoqsijiet b'għażla multipla maħsuba biex jivvalutaw il-kompetenzi tiegħek fil-qasam tal-valutazzjoni sitwazzjonali

L-evalwazzjoni ta' dan it-test se jkun ikkomunikat lill-ġurija biss bħala konsulenza pprovduta mill-esperti u kontribuzzjoni teknika fil-proċess ta' deċiżjoni għall-kandidati ammessi fiċ-ċentru ta' evalwazzjoni.

5.

Lingwa tat-test

Lingwa 2 (Ġermaniż, Ingliż jew Franċiż)

V.   KOMPETIZZJONI ĠENERALI

1.

Int se tkun ammess (*) għaċ-ċentru ta' valutazzjoni:

jekk int (2) tikseb waħda mill-aħjar marki (3) u l-minimu meħtieġ għat-testijiet ta' dħul u jekk, kif iddikjarajt fl-iskrizzjoni elettronika tiegħek, int tissodisfa l-kundizzjonijiet ġenerali u speċifiċi fit-taqsima III.

(*) L-ammissjoni se tkun ikkonfermata bil-kundizzjoni ta' verifikazzjoni ulterjuri tad-dokumenti ta' appoġġ mehmuża mal-fajl ta' iskrizzjoni komplut tiegħek. Id-dokumenti ta' prova tal-kandidati li jissodisfaw il-kundizzjonijiet ta' ammissjoni u li jkunu kisbu l-aħjar marki fl-elementi differenti taċ-ċentru ta' evalwazzjoni se jkunu eżaminati f'ordni dixxendenti sakemm jintlaħaq in-numru tal-kandidati magħżula indikat f'dan l-avviż ta' kompetizzjoni.

Id-dokumenti ta' appoġġ tal-kandidati li ġew ikklassifikati taħt dan il-limitu mhux se jkunu eżaminati.

2.

Ċentru ta' evalwazzjoni

Int mistieden tipparteċipa f'ċentru ta' evalwazzjoni li se jsir fi Brussell, u li jdum ġurnata. Int se tkun evalwat fuq il-kompetenzi speċifiċi fil-qasam li tkun għażilt kif ukoll dwar dawn il-kompetenzi ġenerali:

—

Analiżi u soluzzjoni tal-problemi

—

Komunikazzjoni

—

Provvediment tal-kwalità u tar-riżultati

—

Tagħlim u żvilupp

—

Prijoritizzazzjoni u organizzazzjoni

—

Perseveranza

—

Ħidma ma' persuni oħra

—

Tmexxija

Dawn il-kompetenzi huma mfissra fid-detall fil-punt 1.2 tal-gwida applikabbli għall-kompetizzjoni ġenerali.

Dawn il-kompetenzi se jkunu eżaminati permezz ta' dawn l-elementi:

a)

studju tal-każ fil-qasam magħżul

b)

eżerċizzju fi grupp

c)

preżentazzjoni orali

d)

intervista strutturata

3.

Lingwa taċ-ċentru ta' evalwazzjoni

Lingwa 2: (Ġermaniż, Ingliż jew Franċiż)

L-għarfien tiegħek tal-lingwa prinċipali tiegħek (lingwa 1) se jkun eżaminat ukoll waqt l-istudju tal-każ (element a).

4.

Marki

Minn 0 sa 20 punt għall-kompetenzi speċifiċi tiegħek fil-qasam

Minimu meħtieġ: 10 punti

Minn 0 sa 10 punti għal kull kompetenza ġenerali

Minimu meħtieġ:

—

3 punti għal kull kompetenza u

—

50 punt minn 80 għat-tmien kompetenzi ġenerali kollha

VI.   LISTI TA' RIŻERVI

1.

Kandidati li jiddaħħlu fuq il-lista ta' riżerva

Il-gurija tikteb ismek fil-lista tar-riżerva jekk int wieħed mill-kandidati (4) li kisbu l-aħjar marki fl-eżamijiet kollha taċ-ċentru ta' evalwazzjoni u l-minimu meħtieġ (ara n-numru tal-kandidati magħżula, taqsima I.1 u jekk, kif iddikjarajt fid-dokumenti ta' appoġġ tiegħek int tissodisfa l-kundizzjonijiet kollha ta' ammissjoni.

2.

Klassifika

Il-listi huma stabbiliti skont il-qasam, skont il-grupp ta' mertu (massimu ta' 4) u skont l-ordni alfabetiku f'kull grupp ta' mertu.

VII.   KIF TAPPLIKA?

1.

Iskrizzjoni elettronika

Int għandek tapplika b'mod elettroniku billi ssegwi l-proċedura indikata fuq il-websajt tal-EPSO.

Data ta' għeluq: 15 April 2010 sa 12h (nofsinhar), ħin ta' Brussell

2.

Trażmissjoni tal-fajl ta' applikazzjoni

F'fażi ulterjuri, il-kandidati ammessi għaċ-ċentru ta' evalwazzjoni se jkunu mistiedna jibagħtu fajl ta' iskrizzjoni komplut (applikazzjoni elettronika ffirmata u dokumenti ta' appoġġ).

Data ta' għeluq: Id-data ta' għeluq se tkun ikkomunikata fi żmien xieraq permezz tal-kont EPSO tiegħek.

Proċedura: ara l-punt 2.2 tal-gwida applikabbli għall-kompetizzjoni ġenerali.

(1)  F'dan l-avviż kull referenza għal persuna tas-sess maskil tirreferi wkoll għal persuna tas-sess femminil.

(2)  Jekk fil-każ li fl-aħħar post diversi kandidati jkunu kisbu l-istess marka, dawn il-kandidati jkunu ammessi għaċ-ċentru ta' evalwazzjoni.

(3)  In-numru tal-kandidati ammessi għaċ-ċentru ta' evalwazzjoni jikkorrispondi bejn wieħed u ieħor għal tliet darbiet in-numru tal-kandidati magħżula indikat f'dan l-avviż ta' kompetizzjoni u se jkun ippubblikat fuq il-websajt tal-internet tal-EPSO (www.eu-careers.eu).

(4)  Jekk fil-każ li fl-aħħar post diversi kandidati jkunu kisbu l-istess marka, dawn il-kandidati jkunu ammessi għaċ-ċentru ta' evalwazzjoni.

ANNESS

1.   AMMINISTRAZZJONI PUBBLIKA EWROPEA

1.   Dmirijiet

L-irwol ġenerali tal-amministraturi fil-qasam tal-Amministrazzjoni Pubblika Ewropea huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—

Tfassil, implimentazzjoni, segwitu u kontroll tal-programmi u pjanijiet ta' azzjoni;

—

Ġestjoni ta' riżorsi inkluż persunal, finanzi u tagħmir;

—

Assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—

Tfassil ta' aġġornamenti ta' analiżi ta' politika;

—

Komunikazzjoni esterna kif ukoll rappurtar u komunikazzjoni interna;

—

Koordinazzjoni u konsultazzjoni bejn is-servizzi u l-istituzzjonijiet, kif ukoll relazzjonijiet ma' partijiet interessati esterni.

2.   Kwalifiki

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma.

2.   LIĠI

1.   Dmirijiet

L-irwol ġenerali tal-amministraturi fil-qasam tal-liġi huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom, jipprovdu konsulenza u pariri legali lill-unitajiet ta' ġestjoni u/jew operattivi fi ħdan id-dipartiment tagħhom, filwaqt li jiżguraw konformità mal-liġi nazzjonali u tal-UE.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—

Assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—

Analiżi legali, riċerka, pariri u assistenza kif ukoll superviżjoni ta' kwistjonijiet legali;

—

Tfassil ta' dokumenti legali;

—

Rappurtar u komunikazzjoni interna dwar kwistjonijiet legali;

—

Koordinazzjoni ma' u konsultazzjoni ta' servizzi oħra dwar kwistjonijiet legali;

—

Ġestjoni ta' riżorsi inkluż persunal, finanzi u tagħmir;

—

Tfassil, implimentazzjoni, segwitu u kontroll tal-programmi u pjanijiet ta' azzjoni.

2.   Kwalifiki

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fil-liġi.

jew

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma, kif ukoll kwalifika li permezz tagħha tkun tista' taħdem bħala avukat.

3.   EKONOMIJA

1.   Dmirijiet

L-irwol ġenerali tal-amministraturi fil-qasam tal-ekonomija huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew entità tagħhom, jipprovdu analiżi ekonomika u/jew statistika meħtieġa għall-bidu, żvilupp, ġestjoni u/jew evalwazzjoni tal-politiki tal-UE.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—

Assistenza lil dawk li jieħdu d-deċiżjonijiet permezz ta' kontribuzzjonijiet miktuba jew orali;

—

Analiżi strateġika tal-politika kif ukoll definizzjoni u twettiq tal-metodi u studji tal-analiżi tal-politika, inkluż b'mod partikolari l-metodi empiriċi fil-qasam tal-ekonomija;

—

Komunikazzjoni esterna relatata mal-politika kif ukoll rappurtar u komunikazzjoni interna;

—

Relazzjonijiet ma istituzzjonijiet tal-UE u dipartimenti interni oħra kif ukoll relazzjonijiet ma' partijiet interessati esterni;

—

Koordinazzjoni ma' u konsultazzjoni ta' servizzi oħra dwar kwistjonijiet ta' politika;

—

Valutazzjoni tal-impatt u tar-riskju;

—

Tfassil, implimentazzjoni, segwitu u kontroll tal-programmi u pjanijiet ta' azzjoni;

—

Ġestjoni ta' riżorsi inkluż persunal, finanzi u tagħmir.

2.   Kwalifiki

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fl-ekonomija.

jew

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma u kwalifika postgradwatorja fl-ekonomija.

4.   VERIFIKA

1.   Dmirijiet

L-irwol ġenerali tal-amministraturi fil-qasam tal-verifika huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom.

F'dan il-grad, huma jaħdmu f'oqsma bħal verifika finanzjarja, tal-prestazzjoni u dik interna. L-awdituri jipprovdu servizzi ta' assigurazzjoni u ta' konsulenza fl-oqsma operattivi kollha tal-Komunitajiet Ewropej bl-għan li jtejbu l-governanza u l-ġestjoni. Dan jista' jinvolvi operazzjonijiet fis-27 Stat Membru kif ukoll f'pajjiżi terzi.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—

Verifika esterna, verifiki finanzjarji kif ukoll eżaminazzjonijiet ta' ġestjoni finanzjarja tajba inkluż implimentazzjoni u rappurtar;

—

Kontroll u spezzjonijiet esterni, titjib ta' sistemi ta' kontroll;

—

Verifika interna, appoġġ metodoloġiku, konsulenza u taħriġ;

—

Koordinazzjoni u konsultazzjoni bejn is-servizzi dwar kwistjonijiet tal-verifika;

—

Informazzjoni u konsulenza dwar kwistjonijiet tal-verifika.

2.   Kwalifiki

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma rilevanti mad-dmirijiet, jew taħriġ professjonali/kwalifika professjonali ta' livell ekwivalenti relevanti ma' dawk id-dmirijiet.

Jekk jogħġbok kun af li jista' jkollok bżonn tagħti prova ċara tas-suġġetti studjati sabiex ikun iktar faċli għall-ġurija biex tivvaluta jekk il-kwalifiki humiex rilevanti.

5.   TEKNOLOĠIJI TAL-INFORMAZZJONI U TAL-KOMUNIKAZZJONI (ICT)

1.   Dmirijiet

L-irwol ġenerali tal-amministraturi fil-qasam tat-teknoloġiji tal-informazzjoni u tal-komunikazzjoni huwa li jsostnu lil dawk li jieħdu d-deċiżjonijiet fl-implimentazzjoni tal-missjoni tal-istituzzjoni jew l-entità tagħhom. B'mod partikolari, huma jiddefinixxu, jimplimentaw, isegwu u jamministraw l-istrateġija, il-politika, il-proċeduri, is-sistemi/l-infrastrutturi u proġetti tal-ICT. Huma jipprovdu wkoll kompetenza għall-appoġġ tal-IT u l-ġestjoni ta' kuntratti.

Id-dmirijiet ewlenin involuti, li jistgħu jvarjaw minn istituzzjoni għal oħra, jinkludu:

—

Ġestjoni tal-proġett u l-proċess;

—

Monitoraġġ, analiżi u ġestjoni tal-prodotti u l-proċessi tal-ICT, b'kooperazzjoni mill-qrib mal-partijiet interni u esterni;

—

Analiżi u konsulenza teknika, inkluż assistenza lill-persunal tal-proġett;

—

Koordinazzjoni u konsultazzjoni bejn is-servizzi;

—

Ġestjoni ta' kuntratti u implimentazzjoni tal-baġit;

—

Ġestjoni ta' riżorsi inkluż persunal, finanzi u tagħmir.

2.   Kwalifiki

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma fit-Teknoloġiji tal-Informazzjoni u tal-Komunikazzjoni.

jew

Għandu jkollok livell ta' edukazzjoni li jikkorrispondi għal studji universitarji konklużi ta' mill-anqas tliet snin iċċertifikati b'diploma, u kwalifika postgradwatorja fit-Teknoloġija tal-Informazzjoni u tal-Komunikazzjoni.