ISSN 1725-5198 doi:10.3000/17255198.C_2010.048.mlt |
||
Il-Ġurnal Uffiċjali tal-Unjoni Ewropea |
C 48 |
|
![]() |
||
Edizzjoni bil-Malti |
Informazzjoni u Avviżi |
Volum 53 |
Avviż Nru |
Werrej |
Paġna |
|
I Riżoluzzjonijiet, rakkomandazzjonijiet u opinjonijiet |
|
|
OPINJONIJIET |
|
|
Il-Kunsill |
|
2010/C 048/01 |
||
|
II Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Kummissjoni Ewropea |
|
2010/C 048/02 |
Ebda oppożizzjoni għal konċentrazzjoni notifikata (Każ COMP/M.5726 – Deutsche Bank/SAL. Oppenheim) ( 1 ) |
|
2010/C 048/03 |
Noti ta’ Spjegazzjoni dwar in-Nomenklatura Magħquda tal-Komunitajiet Ewropej |
|
|
IV Avviżi |
|
|
AVVIŻI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Kummissjoni Ewropea |
|
2010/C 048/04 |
||
|
V Opinjonijiet |
|
|
PROĊEDURI AMMINISTRATTIVI |
|
|
Kummissjoni Ewropea |
|
2010/C 048/05 |
Sejħa għal proposti taħt il-programm ta' ħidma ENIAC Joint Undertaking |
|
2010/C 048/06 |
Sejħa għall-proposti taħt il-programm ta' ħidma Artemis Joint Undertaking |
|
2010/C 048/07 |
Sejħa għal proposti 2010 għal azzjonijiet indiretti taħt il-Programm Komunitarju multiannwali dwar il-ħarsien tat-tfal li jużaw l-Internet u teknoloġiji oħra tal-komunikazzjoni – Internet Aktar Sikur ( 1 ) |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Kummissjoni Ewropea |
|
2010/C 048/08 |
Notifika minn qabel ta' konċentrazzjoni (Każ COMP/M.5761 – E.ON/Masdar/JV) – Każ li jista' jiġi kkunsidrat għal proċedura simplifikata ( 1 ) |
|
2010/C 048/09 |
Notifika minn qabel ta' konċentrazzjoni (Każ COMP/M.5799 – Faurecia/Plastal) ( 1 ) |
|
|
|
|
(1) Test b’relevanza għaż-ŻEE |
MT |
|
I Riżoluzzjonijiet, rakkomandazzjonijiet u opinjonijiet
OPINJONIJIET
Il-Kunsill
26.2.2010 |
MT |
Il-Ġurnal Uffiċjali tal-Unjoni Ewropea |
C 48/1 |
Notifika għall-attenzjoni tas-Sur Jangara magħruf ukoll bħala Changara, Thomsen li għalih japplikaw il-miżuri restrittivi previsti fil-Pożizzjoni Komuni tal-Kunsill 2004/161/PESK dwar miżuri restrittivi kontra ż-Żimbabwe
2010/C 48/01
KUNSILL TAL-UNJONI EWROPEA
L-informazzjoni li ġejja tinġieb għall-attenzjoni tas-Sur Jangara magħruf ukoll bħala Changara, Thomsen li jidher fl-Anness għad-Deċiżjoni tal-Kunsill 2010/121/CFSP.
Il-Kunsill tal-Unjoni Ewropea ddetermina li s-Sur Jangara magħruf ukoll bħala Changara, Thomsen għandu jiżdied mal-lista ta' persuni u entitajiet soġġetti għall-miżuri restrittivi previsti fil-Pożizzjoni Komuni 2004/161/PESK dwar miżuri restrittivi kontra ż-Żimbabwe. Konsegwentement is-Sur Jangara magħruf ukoll bħala Changara, Thomsen żdied mal-lista li tinsab fl-Anness għall-Pożizzjoni Komuni 2004/161/PESK bid-Deċiżjoni tal-Kunsill 2010/121/CFSP.
Qed tinġibed l-attenzjoni tas-Sur Jangara magħruf ukoll bħala Changara, Thomsen għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti elettroniċi fl-Anness II għar-Regolament (KE) Nru 314/2004, sabiex tinkiseb awtorizzazzjoni għall-użu tal-fondi ffriżati għal ħtiġijiet bażiċi jew ħlasijiet speċifiċi (ara l-Artikolu 7 tar-Regolament).
Is-Sur Jangara magħruf ukoll bħala Changara, Thomsen jista' jippreżenta talba lill-Kunsill, flimkien ma' dokumentazzjoni ġustifikattiva, li d-deċiżjoni biex huwa jiġi inkluż fil-lista msemmija hawn fuq għandha terġa' tiġi kkunsidrata. Kwalunkwe tali talba għandha tintbagħat fl-indirizz li ġej:
Council of the European Union |
General Secretariat |
Rue de la Loi 175 |
1048 Bruxelles/Brussel |
BELGIQUE/BELGIË |
L-attenzjoni tas-Sur Jangara magħruf ukoll bħala Changara, Thomsen qed tinġibed ukoll għall-possibbiltà li jikkontesta d-Deċiżjoni tal-Kunsill quddiem il-Qorti Ġenerali tal-Unjoni Ewropea, konformement mal-kondizzjonijiet stabbiliti fl-Artikolu 275 (2), u l-Artikolu 263 (4) u (6) tat-Trattat dwar il-Funzjonament tal-Unjoni Ewropea.
II Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Kummissjoni Ewropea
26.2.2010 |
MT |
Il-Ġurnal Uffiċjali tal-Unjoni Ewropea |
C 48/2 |
Ebda oppożizzjoni għal konċentrazzjoni notifikata
(Każ COMP/M.5726 – Deutsche Bank/SAL. Oppenheim)
(Test b’relevanza għaż-ŻEE)
2010/C 48/02
Fid-29 ta’ Jannar 2010, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)b tar-Regolament tal-Kunsill (KE) Nru 139/2004. It-test sħiħ tad-deċiżjoni hu disponibbli biss fl-Ġermaniż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32010M5726. Il-EUR-Lex hu l-aċċess fuq l-internet għal-liġi Ewropea. |
26.2.2010 |
MT |
Il-Ġurnal Uffiċjali tal-Unjoni Ewropea |
C 48/3 |
Noti ta’ Spjegazzjoni dwar in-Nomenklatura Magħquda tal-Komunitajiet Ewropej
2010/C 48/03
Skont l-Artikolu 9(1)(a), it-tieni inċiż, tar-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1) in-Noti ta’ Spjegazzjoni għan-Nomenklatura Magħquda tal-Komunitajiet Ewropej (2) huma emedati kif ġej:
Fuq paġna 355
8531 90 85 Oħrajn
It-test eżistenti huwa sostitwit b’dan li ġej:
“Din is-sottointestatura tinkludi tikketti kontra s-serq (bħal dawk li jikkonsistu minn dijode u antenna, li jissejħu ‘tikketti microwave’, jew dawk li jikkonsistu minn ċirkuwit microchip-resonant, li jissejjħu tikketti ‘għat-tqassim tal-frekwenzi’) mehmużin ma’ prodotti li, meta jkun fi ħdan il-medda ta’ sinjal ta’ sistema ta’ allarm kontra s-serq li ġiet installata f’ħanut, tat-tip li jaqa’ taħt l-intestatura 8531 10, jinfluwenza l-elettronika li tirċievi tas-sistema u jibda jdoqq l-allarm.
Din is-sottointestatura tinkludi wkoll tikketti li jikkumbinaw żewġ teknoloġiji differenti, bħal magnetiku-akustiku ma’ mikrowave jew magnetiku-akustiku ma’ frekwenzi tar-radju.
Madanakollu, din l-intestatura ma tinkludix:
— |
tikketti li jikkonsistu minn wajer, strixxa jew taħlita ta’ żewġ strixxi, hekk imsejħa ‘tikketti magnetiċi’ jew ‘tikketti magnetiċi-akustiċi’, magħmulin minn materjali magnetiċi li jintużaw fi ħdan iż-żona ta’ kontroll ta’ sistema għas-Sorveljanza Elettronika tal-Prodotti (SEP) (intestatura 8505); |
— |
tikketti li għandhom fihom ċirkuwit integrat elettroniku uniku jew iżjed minn wieħed fil-forma ta’ ċippep u b’antenna, iżda mingħajr ebda element ta’ ċirkuwit passiv ieħor (‘smart cards’), hekk imsejħa tikketti ‘għall-Identifikazzjoni tal-Frekwenzi tar-Radju’ (IFR) (sottointestatura 8523 52); |
— |
tikketti li għandhom fihom ċirkuwit elettroniku uniku jew iżjed minn wieħed fil-forma ta’ ċipep u b’antenna inkluża fihom u batterija unika jew iżjed minn waħda iżda mingħajr ebda element ta’ ċirkuwit passiv ieħor (sottointestatura 8523 52); |
— |
tikketti fil-forma ta’ ċirkuwit stampat (ara n-Nota 5 tal-Kapitolu 85), hekk imsejħa tikketti ‘għall-identifikazzjoni tal-frekwenzi tar-radju’ (sottointestatura 8534 00).” |
(2) ĠU C 133, 30.5.2008, p. 1.
IV Avviżi
AVVIŻI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Kummissjoni Ewropea
26.2.2010 |
MT |
Il-Ġurnal Uffiċjali tal-Unjoni Ewropea |
C 48/4 |
Rata tal-kambju tal-euro (1)
Il-25 ta’ Frar 2010
2010/C 48/04
1 euro =
|
Munita |
Rata tal-kambju |
USD |
Dollaru Amerikan |
1,3489 |
JPY |
Yen Ġappuniż |
120,66 |
DKK |
Krona Daniża |
7,4427 |
GBP |
Lira Sterlina |
0,88090 |
SEK |
Krona Żvediża |
9,7496 |
CHF |
Frank Żvizzeru |
1,4633 |
ISK |
Krona Iżlandiża |
|
NOK |
Krona Norveġiża |
8,0405 |
BGN |
Lev Bulgaru |
1,9558 |
CZK |
Krona Ċeka |
25,935 |
EEK |
Krona Estona |
15,6466 |
HUF |
Forint Ungeriż |
270,45 |
LTL |
Litas Litwan |
3,4528 |
LVL |
Lats Latvjan |
0,7093 |
PLN |
Zloty Pollakk |
3,9926 |
RON |
Leu Rumen |
4,1260 |
TRY |
Lira Turka |
2,0894 |
AUD |
Dollaru Awstraljan |
1,5186 |
CAD |
Dollaru Kanadiż |
1,4278 |
HKD |
Dollaru ta' Hong Kong |
10,4727 |
NZD |
Dollaru tan-New Zealand |
1,9539 |
SGD |
Dollaru tas-Singapor |
1,9029 |
KRW |
Won tal-Korea t'Isfel |
1 568,99 |
ZAR |
Rand ta' l-Afrika t'Isfel |
10,5503 |
CNY |
Yuan ren-min-bi Ċiniż |
9,2087 |
HRK |
Kuna Kroata |
7,2700 |
IDR |
Rupiah Indoneżjan |
12 609,31 |
MYR |
Ringgit Malażjan |
4,5954 |
PHP |
Peso Filippin |
62,422 |
RUB |
Rouble Russu |
40,5950 |
THB |
Baht Tajlandiż |
44,669 |
BRL |
Real Brażiljan |
2,4678 |
MXN |
Peso Messikan |
17,2990 |
INR |
Rupi Indjan |
62,5000 |
(1) Sors: rata tal-kambju ta' referenza ppubblikata mill-Bank Ċentrali Ewropew.
V Opinjonijiet
PROĊEDURI AMMINISTRATTIVI
Kummissjoni Ewropea
26.2.2010 |
MT |
Il-Ġurnal Uffiċjali tal-Unjoni Ewropea |
C 48/5 |
Sejħa għal proposti taħt il-programm ta' ħidma ENIAC Joint Undertaking
2010/C 48/05
B'dan qed jingħata avviż tat-tnedija ta' sejħa għal-proposti taħt il-programm ta' ħidma ENIAC Joint Undertaking.
Jintlaqgħu proposti għas-sejħa li ġejja: ENIAC-2010-1.
Id-dokumentazzjoni tas-sejħa li tinkludi l-iskadenza u l-baġit jinsabu fit-test tas-sejħa, li huwa ppubblikat fuq is-sit li ġej:
http://www.eniac.eu/web/JU/ENIACJU_Call3_2010.php
26.2.2010 |
MT |
Il-Ġurnal Uffiċjali tal-Unjoni Ewropea |
C 48/6 |
Sejħa għall-proposti taħt il-programm ta' ħidma Artemis Joint Undertaking
2010/C 48/06
B'dan qed jingħata avviż tat-tnedija ta' sejħa għall-proposti taħt il-programm ta' ħidma Artemis Joint Undertaking.
Jintlaqgħu proposti għas-sejħa li ġejja: Artemis-2010-1.
Id-dokumentazzjoni tas-sejħa li tinkludi l-iskadenza u l-baġit jinsabu fit-test tas-sejħa, li huwa ppubblikat fuq is-sit li ġej:
http://artemis-ju.eu/call2010
26.2.2010 |
MT |
Il-Ġurnal Uffiċjali tal-Unjoni Ewropea |
C 48/7 |
Sejħa għal proposti 2010 għal azzjonijiet indiretti taħt il-Programm Komunitarju multiannwali dwar il-ħarsien tat-tfal li jużaw l-Internet u teknoloġiji oħra tal-komunikazzjoni – Internet Aktar Sikur
(Test b’relevanza għaż-ŻEE)
2010/C 48/07
1. F'konformità mad-Deċiżjoni Nru 1351/2008/KE tal-Parlament Ewropew u tal-Kunsill tas-16 ta’ Diċembru 2008 li tistabbilixxi programm Komunitarju pluriennali [multiannwali] dwar il-ħarsien tat-tfal li jużaw l-Internet u t-teknoloġiji l-oħrajn tal-komunikazzjoni (1) (Internet Aktar Sikur), il-Kummissjoni Ewropea qiegħda b'dan tagħmel sejħa għal proposti għall-azzjonijiet biex ikunu ffinanzjati taħt il-programm.
L-Internet Aktar Sikur huwa bbażat fuq erba' azzjonijiet:
(a) |
l-iżgurar tal-għarfien pubbliku; |
(b) |
il-ġlieda kontra l-kontenut illegali u l-imġiba dannuża fuq l-internet; |
(c) |
il-promozzjoni ta’ ambjent aktar sikur fuq l-Internet; |
(d) |
il-ħolqien ta’ bażi ta' għarfien. |
Il-programm huwa suċċessur tal-programm Safer Internet plus (2005-2008).
2. F'konfomità mal-Artikolu 3 tad-Deċiżjoni tal-Parlament Ewropew u tal-Kunsill, il-Kummissjoni Ewropea fasslet Programm ta' Ħidma (2) biex iservi ta' bażi għall-implimentazzjoni tal-programm fl-2010. Il-Programm ta' Ħidma fih informazzjoni ulterjuri dwar l-għanijiet, il-prijoritajiet, il-baġit indikattiv u t-tipi ta' azzjonijiet imsemmija f'dan l-avviż ta' sejħa u r-regoli tal-eliġibbiltà għall-parteċipazzjoni.
3. Il-Gwida għall-Proponenti (3) tagħti informazzjoni dwar kif għandhom jitħejjew u jitressqu l-proposti, kif ukoll dwar il-proċess ta' evalwazzjoni.
Din id-dokumentazzjoni, flimkien mal-Programm ta' Ħidma u kwalunkwe informazzjoni oħra relatata ma' din is-sejħa, hija disponibbli mill-Kummissjoni Ewropea f'dan l-indirizz:
European Commission |
Directorate-General for the Information Society and Media |
Safer Internet |
EUFO 1195 |
Rue Alcide de Gasperi |
2920 Luxembourg |
LUXEMBOURG |
Feks +352 4301-34079 |
Posta elettronika: saferinternet@ec.europa.eu |
Websajt: http://ec.europa.eu/saferinternet |
4. Jistgħu jsiru proposti għall-partijiet tas-sejħa identifikati hawn taħt. L-applikanti li jixtiequ jressqu proposti għal aktar minn parti waħda tas-sejħa għandhom iressqu proposti separati għal kull parti.
5. Il-baġit totali indikattiv disponibbli għal din is-sejħa mill-baġit għas-sena 2010 huwa kontribut Komunitarju ta' EUR 3 miljun.
L-għotjiet għall-proposti mressqa b’risposta għal din is-sejħa ser jingħataw permezz ta’ ftehimiet ta’ għotja.
L-evalwazzjoni tal-proposti twassal għal lista tal-proposti li se jiġu ffinanzjati. Din il-lista tista’ tiġi kkumplimentata minn lista ta’ riżerva ta' proposti ta’ kwalità suffiċjenti, li jiġu ffinanzjati f’każ li l-baġit jippermetti.
6. Is-sejħa għal proposti fil-kuntest ta' dan il-Programm ta' Ħidma hija miftuħa għall-entitajiet legali kollha stabbiliti fl-Istati Membri. Hija miftuħa wkoll għall-parteċipazzjoni ta' entitajiet legali stabbiliti fl-Istati tal-EFTA li huma partijiet kontraenti fil-Ftehim tal-EEA (in-Norveġja, l-Iżlanda u l-Liechtenstein).
Is-sejħa hija wkoll miftuħa għall-parteċipazzjoni ta' entitajiet legali stabbiliti f'pajjiżi oħra skont il-kundizzjonijiet stabbiliti fl-Artikolu 2 tad-Deċiżjoni tal-Programm (4), dejjem jekk jiġi ffirmat ftehim bilaterali. Jekk il-proposti mressqa mill-entitajiet legali minn dawn il-pajjiżi jintgħażlu għall-finanzjament, il-ftehim ta' għotja jkun iffirmat biss ladarba jkunu ttieħdu l-passi meħtieġa sabiex il-pajjiż ikkonċernat jissieħeb fil-Programm permezz tal-iffirmar ta' ftehim bilaterali. Informazzjoni aġġornata dwar liema pajjiżi huma msieħba fil-Programm hija disponibbli fil-websajt tal-Programm http://ec.europa.eu/saferinternet
Entitajiet legali stabbiliti f'pajjiżi li mhumiex fl-UE apparti dawk imsemmija hawn fuq kif ukoll organizzazzjonijiet internazzjonali jistgħu jieħdu sehem fil-proġetti kollha għas-spejjeż tagħhom.
PARTI 1
PARTIJIET TAS-SEJĦA
Azzjoni 1 u azzjoni 2: L-IŻGURAR TAL-GĦARFIEN PUBBLIKU u L-ĠLIEDA KONTRA L-KONTENUT ILLEGALI U L-IMĠIBA DANNUŻA FUQ L-INTERNET
7. Identifikatur: 1.1. NETWERK INTEGRAT: ĊENTRI GĦAL INTERNET AKTAR SIKUR
Il-Programm iħeġġeġ it-twaqqif ta' Ċentri għal Internet Aktar Sikur madwar l-Ewropa kollha biex jiġu kkoordinati attivitajiet u jitlaqqgħu flimkien varjetà ta' partijiet interessati biex tiġi żgurata azzjoni u jiġi ffaċilitat it-trasferiment tal-għarfien.
Iċ-Ċentri kollha għal Internet Aktar Sikur se jwettqu attivitajiet biex irawmu l-għarfien pubbliku fost il-ġenituri, dawk li jindukraw it-tfal, l-għalliema u t-tfal f'kooperazzjoni fil-qrib mal-atturi rilevanti kollha f'livelli Ewropej, reġjonali u lokali, li jindirizzaw kwistjonijiet relatati ma' kontenut li jitqies mhux xieraq għat-tfal. Eżempju, ir-razziżmu u l-ksenofobija, il-bullying u l-infastidjar, is-seduzzjoni (grooming), l-użu ta' servizzi peer-to-peer, il-vidjo broadband, il-messaġġi istantanji, iċ-chat-rooms, is-siti ta' netwerking soċjali u l-aċċess għal kontenut u informazzjoni u komunikazzjoni interattivi miksuba permezz tal-assorbiment rapidu mit-tfal tal-Internet, it-telefoni mobbli u l-consoles tal-logħob. L-azzjonijiet iqisu kwistjonijiet relatati mal-ħarsien tal-konsumatur, il-protezzjoni tad-dejta, l-informazzjoni, il-kwistjonijiet relatati mas-sigurtà tan-netwerks (viruses/spam).
Barra minn hekk, iċ-Ċentri għal Internet Aktar Sikur għandhom jinkludu wkoll a) linji speċjalizzati fejn il-pubbliku jkun jista' jirraporta kontenut illegali u/jew b) linji ta’ għajnuna minn fejn il-ġenituri u t-tfal jkunu jistgħu jieħdu parir dwar kif titratta ma' kuntatti dannużi (seduzzjoni), imġiba dannuża (cyberbullying), kontenut dannuż u esperjenzi skomdi jew li jqanqlu biża’ relatati mal-użu tagħhom tat-teknoloġiji tal-Internet.
Il-kompiti taċ-Ċentri għal Internet Aktar Sikur huma spjegati f'aktar detall fil-Programm ta' Ħidma.
Finanzjament ta' 50 % tal-ispejjeż eliġibbli (li jista' jiżdied għal 75 % għall-entitajiet pubbliċi, l-SMEs u l-organizzazzjonijiet bla skop ta' profitt).
Is-sejħa 2010 se tkun miftuħa biss għal:
— |
proposti għat-twaqqif ta' Ċentru għal Internet Aktar Sikur fil-pajjiżi fejn ma kien rakkomandat l-ebda Ċentru għal Internet Aktar Sikur għall-finanzjament taħt is-sejħa tal-2009 (5). |
— |
proposti għaż-żieda ta' linji speċjalizzati fiċ-Ċentri tal-Internet Aktar Sikur, li kienu rakkomandati għall-finanzjament taħt is-sejħa tal-2009, |
— |
proposti għaż-żieda ta' linji ta' għajnuna liċ-Ċentri tal-Internet Aktar Sikur, li kienu rakkomandati għall-finanzjament taħt is-sejħa tal-2009 |
Azzjoni 3: IL-ĠLIEDA KONTRA L-KONTENUT ILLEGALI U L-IMĠIBA DANNUŻA FUQ L-INTERNET
8. Identifikatur: 2.5. NETWERK TEMATIKU: FAĊILITAZZJONI TAL-KOOPERAZZJONI TAL-AĠENZIJI GĦALL-INFURZAR TAL-LIĠI FL-EWROPA U INTERNAZZJONALMENT
Se jiġu mistiedna proposti għal netwerk tematiku sabiex jiġi stimulat skambju organizzat u estensiv tal-aqwa prattiki bejn l-aġenziji tal-infurzar tal-liġi fil-ġlieda kontra l-produzzjoni u t-tqassim onlajn ta' materjal b'kontenut ta' abbuż sesswali fuq it-tfal, fl-Ewropa u internazzjonalment. Ir-riżultat mistenni huwa approċċ koordinat madwar l-Ewropa u globalment, immirat biex jiġi mrażżan it-tqassim ta' materjal ta' abbuż sesswali fuq it-tfal, bl-effett li jitnaqqas l-ammont ta' materjal li jiġi prodott u mqassam permezz tat-teknoloġiji tal-komunikazzjoni. Dan l-approċċ ikkoordinat se jinkludi l-istabbiliment ta' lista Ewropea ta' URLs li fihom immaġnijiet ta' abbuż sesswali fuq it-tfal, li tkun aċċessibbli għall-Aġenziji nazzjonali tal-Infurzar tal-Liġi.
Jingħata finanzjament ta' 100 % għal għadd limitat ta' spejjeż eliġibbli (spejjeż diretti ta' koordinament u implimentazzjoni tan-netwerk) għal netwerks tematiċi.
9. Identifikatur: 2.6. TITJIB TAL-ANALIŻI MILL-AĠENZIJI TAL-INFURZAR TAL-LIĠI TAL-MATERJAL ILLEGALI FIN-NETWERKS PEER-TO-PEER (P2P)
Ser tinħareġ sejħa għal proposti għal proġett immirat li jista' jtejjeb l-analiżi, mill-awtoritajiet għall-infurzar tal-liġi, ta' materjal b'abbuż sesswali fuq it-tfal, bil-għan li jiġu żviluppati jew jittejbu l-għodod teknoloġiċi għall-ħtiġijiet speċifiċi tal-pulizija, bil-għan li jiġi identifikat materjal ta' evidenza li jinsab fin-netwerks P2P u tkun iffaċilitata l-analiżi tiegħu. L-għodod jgħinu biex ikun jista' jiġi ttrattat il-volum enormi ta' materjal illegali li jinsab fin-netwerks P2P, jinstabu u jittejbu modi biex jingħaraf materjal li x'aktarx ikun illegali ħalli jiġi eżaminat aktar mill-entitajiet tal-infurzar tal-liġi, jew jiġu marbuta flimkien biċċiet ta' provi differenti.
Hija miftuħa sejħa għall-proposti minn aġenziji tal-infurzar tal-liġi, istituzzjonijiet tar-riċerka (pubbliċi u privati), fornituri tat-teknoloġija u kumpaniji tal-inġinerija fl-oqsma ta' ġbir ta' informazzjoni abbażi tal-kontenut, viżjoni mill-kompjuters, partikolarment rikonoxximent tal-uċuh, estimazzjoni tal-età abbażi ta' stampi jew vidjos, rikonoxximent ta' sekwenzi, tekniki ta' lokalizzazzjoni ġeografika, titjib tal-immaġnijiet minn immaġni/vidjos mhux ċari.
Finanzjament ta' 50 % tal-ispejjeż eliġibbli (li jista' jiżdied għal 75 % għall-entitajiet pubbliċi, l-SMEs u l-organizzazzjonijiet bla skop ta' profitt).
Azzjoni nru 4: ĦOLQIEN TA’ BAŻI TAL-GĦARFIEN
10. Identifikatur: 4.1. PROĠETT GĦAT-TISĦIĦ TAL-GĦARFIEN: ID-DIPENDENZA FUQ L-INTERNET
Hija miftuħa sejħa għal proposti għal proġett biex jissaħħaħ l-għarfien dwar id-dipendenza fuq l-internet qalb il-minuri. Ir-riżultat mistenni tal-proġett huwa li jiġi mifhum safejn id-dipendenza fuq l-internet hija waħda mir-riskji onlajn għall-minuri fl-Ewropa, kemm f'termini ta' intensità u prevalenza kif ukoll kif tiżviluppa u kif tista' tiġi evitata.
Is-sejbiet se jikkontribwixxu għax-xogħol fil-qasam tal-benesseri tat-tfal u biex jitrawwem l-għarfien pubbliku kif ukoll jipprovdu temi għal aktar azzjonijiet u studji.
Il-metodoloġija tal-proġett għandha tinvolvi approċċ kemm kwantitattiv kif ukoll kwalitattiv. Il-parti kwalitattiva għandha tinvolvi minuri li juru sinjali ta' użu dipendenti tal-internet.
Il-proġetti għat-titjib tal-għarfien ser ikunu ffinanzjati 100 % għall-ispejjeż diretti eliġibbli (kif iddefiniti fil-mudell tal-ftehim ta' għotja), iżda mingħajr spejjeż indiretti (overheads).
11. Identifikatur: 4.2. NETWERK TEMATIKU: STIMULAZZJONI U KOORDINAZZJONI TAL-INVESTIGAZZJONI TAL-UŻU TA' MIDJA ĠDIDA MIT-TFAL
Sejħa għal proposti għal netwerk tematiku hija miftuħa sabiex jinġiebu flimkien xjenzjati mill-oqsma soċjali u esperti involuti fil-qasam tas-sikurezza tat-tfal fuq l-internet fil-livell tal-UE sabiex tiġu stimulata u kkoordinata l-investigazzjoni fl-Istati Membri dwar il-mod li bih in-nies, speċjalment it-tfal, jużaw il-midja ġdida, bil-għan li jiġu identifikati oqsma ta' tħassib partikolari għas-sikurezza tat-tfal u biex jiġu rakkomandati modi effikaċi biex jitrawwem l-għarfien pubbliku u azzjonijiet prattiċi oħra f'dan il-qasam.
In-netwerk għandu jiġbor u jippromwovi r-riċerka eżistenti fl-UE (inkluż permezz ta' repożitorju komuni), janalizza r-riżultati u jidentifika lakuni kbar fil-bażi tal-evidenza.
In-netwerk għandu jaqsam l-għarfien espert u jiżviluppa jew iżomm aġġornat ma' standards ta' riċerka ta' kwalità għolja u innovattiva.
In-netwerk se jħeġġeġ riċerka ġdida li għandha sseħħ fl-Ewropa fuq bażi komparabbli filwaqt li jitqies il-qafas metodoloġiku (gwida ta' riċerka) żviluppat mill-proġett EUKidsOnline. Il-membri nazzjonali tan-netwerk għandhom jikkoordinaw ma' timijiet oħra ta' riċerka f'pajjiżhom u jikkooperaw ma' Ċentri nazzjonali għal Internet Aktar Sikur (b'mod partikolari ċentri għall-għarfien pubbliku).
Jingħata finanzjament ta' 100 % għal għadd limitat ta' spejjeż eliġibbli (spejjeż diretti ta' koordinament u implimentazzjoni tan-netwerk) għal netwerks tematiċi.
PARTI 2
KRITERJI TA’ EVALWAZZJONI
L-evalwazzjoni tal-proposti se tkun ibbażata fuq il-prinċipji tat-trasparenza u tat-trattament ugwali. Din l-evalwazzjoni se titwettaq mill-Kummissjoni bl-għajnuna ta' esperti indipendenti. Kull sottomissjoni se tkun ivvalutata abbażi ta’ kriterji ta’ evalwazzjoni, li huma maqsuma fi tliet kategoriji: kriterji tal-eliġibbiltà, kriterji għall-għoti, kriterji tal-għażla. Ser ikunu biss il-proposti li jissodisfaw il-kriterji ta’ eliġibbiltà li jiġu evalwati aktar fil-fond. L-ispjegazzjoni ta' dawn il-kriterji hija ppreżentata hawn taħt.
12. Il-kriterji ta' eliġibbiltà
Mal-wasla tagħhom, il-proposti u l-applikazzjonijiet ser jiġu soġġetti għal kontroll tal-eliġibbiltà, biex jiġi żgurat li jikkonformaw mar-rekwiżiti tas-sejħa, u mal-proċedura ta' sottomissjoni.
Jitwettqu l-kontrolli li ġejjin:
— |
Li l-proposta tkun waslet għand il-Kummissjoni fid-data u l-ħin tal-iskadenza stabbiliti fis-sejħa, jew qabel. |
— |
Kompletezza tal-proposta. Il-proposti li jkunu b'mod sostenzjali mhux kompluti – fi kliem ieħor, li l-formoli ma jkunux jinkludu biżżejjed informazzjoni biex jiġu identifikati s-sħab, l-istatus legali tagħhom u jiġi evalwat l-ambitu tal-proġett propost – ser jiġu esklużi. |
Barra minn hekk, il-proponenti jridu jiċċertifikaw li mhumiex f'xi waħda mis-sitwazzjonijiet elenkati fil-Programm ta' Ħidma li teskludihom milli jipparteċipaw.
13. Kriterji tal-għotja
Sabiex jiġi evalwat il-mertu relattiv tal-proposti li jaslu, kull mezz għall-implimentazzjoni tal-programm (netwerks integrati, proġetti immirati u netwerks tematiċi) se jkollu s-sett speċifiku tiegħu ta' kriterji għall-għotja, b'piżar speċifiku. Id-deskrizzjoni ta' dawn il-kriterji għall-għoti hija ppreżentata fil-Programm ta' Ħidma għas-sena 2010 għal Internet Aktar Sikur.
14. Kriterji tal-għażla
Il-kriterji tal-għażla se jiżguraw li l-applikanti jkollhom ir-riżorsi biex jikkoofinanzjaw il-proġett u l-kompetenzi u l-kwalifiki professjonali meħtieġa biex iwettqu x-xogħol b'suċċess.
Il-kriterji tal-għażla jiġu applikati abbażi tal-informazzjoni provduta fil-proposta. Jekk jiġu identifikati każijiet ta' nuqqas ta’ kapaċità finanzjarja jew ta’ kompetenza professjonali jista' jkun hemm il-ħtieġa għal azzjonijiet ta' kumpens bħal garanziji finanzjarji jew azzjonijiet oħra. Il-proposti magħżula msejħa għan-negozjati se jkunu s-soġġett ta' validazzjoni formali legali u finanzjarja bħala rekwiżit għall-ħruġ ta' ftehim ta' għotja.
Id-deskrizzjoni tal-kriterji tal-għażla hija ppreżentata fil-Programm ta' Ħidma għas-sena 2010 għal Internet Aktar Sikur.
PARTI 3
DETTALJI AMMINISTRATTIVI U SKADENZA
15. Il-proposti jridu jitħejjew bl-użu tal-formuli fil-Gwida għall-proponenti, u mibgħuta f’forma stampata, waħda (1) oriġinali u ħames (5) koppji, akkumpanjati minn koppja elettronika fuq CD-Rom, lill-Kummissjoni fl-indirizz li ġej:
European Commission |
Directorate-General for the Information Society and Media |
Safer Internet |
Office EUFO 1194 |
Rue Alcide de Gasperi |
2920 Luxembourg |
LUXEMBOURG |
16. Skadenza għall-wasla tal-proposti kollha: 27 ta' Mejju 2010 fil-17h00 (Ħin lokali tal-Lussemburgu).
Il-proposti li jaslu wara l-iskadenza, jew li jintbagħtu permezz ta’ feks jew posta elettronika ma jitqisux.
17. Skeda indikattiva tal-evalwazzjoni u tal-għażla: l-evalwazzjoni se ssir fi żmien xahrejn mid-data tal-iskadenza ta' din is-sejħa. L-applikanti se jiġu informati bir-riżultati tal-applikazzjoni tagħhom wara li tkun saret l-evalwazzjoni. L-iskedar ta' xi proġetti ġodda ser iqis il-kuntratti eżistenti ħalli jiġi żgurat l-aktar użu effiċjenti tal-fondi.
18. Għal korrispondenza kollha relatata ma' din is-sejħa (eżempju meta tintalab informazzjoni jew titressaq proposta), il-proponenti huma mistiedna li jikkwotaw l-identifikatur tal-parti tas-sejħa rilevanti.
Meta jressqu proposta, l-applikanti jkunu qed jaċċettaw il-proċeduri u l-kundizzjonijiet kif spjegati f'din is-sejħa u fid-dokumenti li tirreferi għalihom.
Il-proposti kollha li jaslu għand il-Kummissjoni Ewropea se jiġu ttrattati b'mod strettament kunfidenzjali.
Il-Komunità Ewropea tapplika politika ta’ opportunitajiet indaqs u, f'dan il-kuntest in-nisa huma partikolarment imħeġġa jissottomettu proposti jew jinvolvu rwieħhom fil-preżentazzjoni tagħhom.
(1) ĠU L 348, 24.12.2008, p. 118.
(2) Id-Deċiżjoni tal-Kummissjoni C(2009) 8301tad-29.10.2009, http://ec.europa.eu/saferinternet
(3) http://ec.europa.eu/saferinternet
(4) Id-Deċiżjoni Nru 1351/2008/KE ĠU L 348 tal-24.12.2008, p. 118.
(5) Informazzjoni dwar liema proposti ġew rakkomandati għall-finanzjament se tingħata fuq il-websajt tagħna http://ec.europa.eu/saferinternet, wara li l-evalwazzjoni tas-Sejħa għall-proposti għall-2009 tkun ġiet iffinalizzata kmieni fl-2010.
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Kummissjoni Ewropea
26.2.2010 |
MT |
Il-Ġurnal Uffiċjali tal-Unjoni Ewropea |
C 48/13 |
Notifika minn qabel ta' konċentrazzjoni
(Każ COMP/M.5761 – E.ON/Masdar/JV)
Każ li jista' jiġi kkunsidrat għal proċedura simplifikata
(Test b’relevanza għaż-ŻEE)
2010/C 48/08
1. |
Fit-18 ta’ Frar 2010, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 129/2004 (1) li permezz tagħha E.ON AG, tal-Ġermanja (E.ON), permezz tas-sussidjarja indiretta tagħha E.ON Carbon Sourcing GmbH, tal-Ġermanja, u Abu Dhabi Future Energy Company, Abu Dhabi, l-Emirati Għarab Magħquda (Masdar) għandhom l-intenzjoni li jistabbilixxi kumpanija bi sħab sabiex jgħaqqdu l-kapaċitajiet tagħhom fil-qasam tat-tnaqqis ta' użu tal-karbonju u sabiex jiżviluppaw proġetti ta' tnaqqis ta' użu ta' karbonju f'reġjuni magħżula u f'oqsma ta' teknoloġiji. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż. |
4. |
Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5761 – E.ON/Masdar/JV, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).
(2) ĠU C 56, 5.3.2005, p. 32 (“Avviż ta’ proċedura simplifikata”).
26.2.2010 |
MT |
Il-Ġurnal Uffiċjali tal-Unjoni Ewropea |
C 48/14 |
Notifika minn qabel ta' konċentrazzjoni
(Każ COMP/M.5799 – Faurecia/Plastal)
(Test b’relevanza għaż-ŻEE)
2010/C 48/09
1. |
Fis-17 ta’ Frar 2010, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1), li permezz tagħha Faurecia Exteriors GmbH (il-Ġermanja), sussidjarja ta' Faurecia S.A., (“Faurecia”, Franza), ikkontrollata minn PSA Peugeot Citroën SA (Franza), takkwista fi ħdan it-tifsira tal-Artikolu 3(1)(b) tar-Regolament tal-KE dwar l-Għaqdiet il-kontroll kollu ta' Plastal GmbH (“Plastal”, il-Ġermanja), permezz tax-xiri tan-negozju u tal-assi ta' Plastal. |
2. |
L-attivitajiet kummerċjali tal-impriżi kkonċernati huma:
|
3. |
Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madanakollu, id-deċiżjoni finali dwar dan il-punt hija riżervata. |
4. |
Il-Kummissjoni tistieden lill-partijiet terzi interessati biex jibagħtu kwalunkwe kumment li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5799 – Faurecia/Plastal, fl-indirizz li ġej:
|
(1) ĠU L 24, 29.1.2004, p. 1 (ir-“Regolament tal-KE dwar l-Għaqdiet”).