22.1.2010   

MT

Il-Ġurnal Uffiċjali tal-Unjoni Ewropea

C 16/1

22.1.2010   

MT

Il-Ġurnal Uffiċjali tal-Unjoni Ewropea

C 16/4

—

Fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/en/index.htm) fid-dokument li jġib in-numru 32009M5672. Il-EUR-Lex hu l-aċċess fuq l-internet għal-liġi Ewropea.

22.1.2010   

MT

Il-Ġurnal Uffiċjali tal-Unjoni Ewropea

C 16/5

(1)

L-Artikolu 79 tar-Regolament (KE) Nru 1907/2006 jipprevedi li l-Kunsill għandu jaħtar bħala Membri tal-Bord ta' Tmexxija tal-Aġenzija Ewropea għas-Sustanzi Kimiċi rappreżentant wieħed minn kull Stat Membru.

(2)

Bid-Deċiżjoni tas-7 ta' Ġunju 2007 (2) l-Kunsill ħatar 27 membru tal-Bord ta' Tmexxija tal-Aġenzija Ewropea għas-Sustanzi Kimiċi.

(3)

Bid-Deċiżjoni tal-15 ta' Novembru 2007 (3) l-Kunsill, fuq it-talba tal-Gvern Belġjan, issostitwixxa r-rappreżentant Belġjan fil-Bord ta' Tmexxija.

(4)

Il-Gvern Belġjan informa lill-Kunsill bil-ħsieb tiegħu li jissostitwixxi lir-rappreżentant Belġjan fil-Bord ta' Tmexxija u ppreżenta nomina għal rappreżentant ġdid, li għandu jinħatar għal perijodu li jintemm fil-31 ta' Mejju 2011.

(5)

Il-Gvern tar-Renju Unit informa lill-Kunsill bil-ħsieb tiegħu li jissostitwixxi lir-rappreżentant tar-Renju Unit fil-Bord ta' Tmexxija u ppreżenta nomina għal rappreżentant ġdid, li għandu jinħatar għal perijodu li jintemm fil-31 ta' Mejju 2011,

22.1.2010   

MT

Il-Ġurnal Uffiċjali tal-Unjoni Ewropea

C 16/7

22.1.2010   

MT

Il-Ġurnal Uffiċjali tal-Unjoni Ewropea

C 16/8

1.

Il-Kumitat Konsultattiv jaqbel mal-Kummissjoni li t-tranżazzjoni notifikata tikkostitwixxi konċentrazzjoni fl-ambitu tat-tifsira tal-Artikolu 3(1)(b) tar-Regolament dwar l-Amalgamazzjonijiet tal-KE.

2.

Il-Kumitat Konsultattiv jaqbel mal-Kummissjoni li t-tranżazzjoni notifikata għandha dimensjoni Komunitarja fl-ambitu tat-tifsira tal-Artikolu 1(2) tar-Regolament dwar l-Amalgamazzjonijiet tal-KE.

3.

Il-Kumitat Konsultattiv jaqbel mal-Kummissjoni li s-swieq għas-servizzi skedati għat-trasport bl-ajru tal-passiġġieri għandhom jiġu definiti fuq il-bażi tal-bliet tal-punt tal-oriġini/destinazzjoni (“O&D”)

4.

Il-Kumitat Konsultattiv jaqbel mal-Kummissjoni li, għall-finijiet li jagħmel valutazzjoni tal-kompetizzjoni ta' din it-tranżazzjoni proposta, l-akkwist ta' Austrian Airlines minn Air France-KLM hija l-aktar alternattiva prevedibbli kontrafattwali għas-sitwazzjoni (jekk l-akkwist propost tal-Austrian Airlines mil-Lufthansa kellu jfalli) qabel l-amalgamazzjoni.

5.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni notifikata, kif oriġinalment proposta mill-parti notifikanti, tqajjem dubji serji fir-rigward tal-kompatibbiltà mas-suq komuni jew parti sostanzjali minnha fir-rigward tat-trasport tal-passiġġieri bl-ajru fir-rotot segwenti:

6.

Il-Kumitat Konsultattiv jaqbel mal-valutazzjoni tal-Kummissjoni li l-implimentazzjoni tal-impenji sottomessa fil-31 ta' Lulju 2009 mill-parti notifikanti se twassal għad-dħul fis-suq fil-ħin opportun ta' linja tal-ajru waħda jew aktar, u għalhekk issolvi biżżejjed it-tħassib dwar il-kompetizzjoni identifikat fir-rigward tal-provvediment tas-servizzi tat-trasport tal-passiġġieri bl-ajru f'dawn ir-rotot:

7.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni notifikata ma tfixkilx il-kompetizzjoni effettiva b'mod sinifikanti fir-rigward tas-swieq tat-trasport tal-passiġġieri bl-ajru, fuq rotot oħra.

8.

Il-Kumitat Konsultattiv jaqbel mal-valutazzjoni tal-Kummissjoni li t-tranżazzjoni notifikata ma tfixkilx il-kompetizzjoni effettiva b'mod sinifikanti fir-rigward tas-swieq li ġejjin:

9.

Il-Kumitat Konsultattiv jaqbel mal-Kummissjoni li t-tranżazzjoni notifikata għandha tiġi ddikjarata kumpatibbli mas-suq komuni u mal-funzjonament tal-Ftehim taż-ŻEE skont l-Artikolu 8(2) tar-Regolament dwar l-Amalgamazzjonijiet u l-Artikolu 57 tal-Ftehim taż-ŻEE, soġġett għal konformità mal-impenji stabbiliti fl-Anness tad-Deċiżjoni tal-Kummissjoni.

22.1.2010   

MT

Il-Ġurnal Uffiċjali tal-Unjoni Ewropea

C 16/10

22.1.2010   

MT

Il-Ġurnal Uffiċjali tal-Unjoni Ewropea

C 16/11

1.

Fit-8 ta' Mejju 2009, il-Kummissjoni rċeviet notifika dwar konċentrazzjoni proposta li biha l-impriża Deutsche Lufthansa AG (“LH”, il-Ġermanja) takkwista l-kontroll sħiħ tal-impriża Austrian Airlines (“OS”) permezz tax-xiri ta' ishma.

2.

LH hija l-akbar kumpanija tal-ajru Ġermaniża. Hija tipprovdi trasport bl-ajru tal-passiġġieri u tal-merkanzija u servizzi oħra relatati. Il-punti ċentrali tal-attività tagħha jinsabu fl-Ajruport Internazzjonali ta' Frankfurt u fl-Ajruport ta' Munich kif ukoll f'bażi fl-Ajruport ta' Düsseldorf. L-LH tikkontrolla wkoll il-kumpanija Swiss International Air Lines Ltd. (“LX”), ibbażata fl-ajruport ta' Zurich, l-Air Dolomiti, il-Eurowings, u l-ġarrier bi prezzijiet irħas Germanwings. Fl-2009, l-akkwisti min-naħa tal-LH tal-kontroll sħiħ ta' British Midland (“BMI”) mingħajr kundizzjonijiet) u ta' Brussels Airlines (“SN”) (soġġett għal kundizzjonijiet) ġew approvati mill-Kummissjoni u implimentati minn LH. Kemm il-LH kif ukoll il-LX huma membri ta' Star Alliance.

3.

OS hija l-akbar kumpaniji tal-ajru fl-Awstrija fejn iċ-ċentru tal-attività tagħha jinsab fi Vjenna. Hija tipprovdi trasport bl-ajru tal-passiġġieri u tal-merkanzija u servizzi oħra relatati Hija membru ta' Star Alliance u s-sussidjarji tagħha jinkludu Lauda Air u Tyrolean Airways.

4.

LH bi ħsiebha takkwista l-kontroll sħiħ ta' OS. Fil-5 ta' Diċembru 2008, fil-kuntest tal-proċess ta' privatizzazzjoni ta' OS, LH qablet li ser takkwista sehem f'ishma ta' 41.56 % fl-OS mill-kumpanija pubblika Österreichische Industrieholding Aktiengesellschaft (“ÖIAG”). Barra minn hekk, fis-27 ta' Frar 2009, LH nediet offerta pubblika għall-ishma kollha disponibbli għall-bejgħ li kien għad baqa' f'OS, li għaliha rċeviet aktar mill-ammont meħtieġ tad-dikjarazzjonijiet ta' aċċettazzjoni. Flimkien mas-sehem ÖIAG, LH se tkun tista' takkwista minn tal-inqas 85 % tal-ishma ta' OS.

5.

Il-konċentrazzjoni notifikata għandha dimensjoni Komunitarja fi ħdan it-tifsira tal-Artikolu 1(2) tar-Regolament tal-KE dwar l-Għaqdiet.

6.

Fuq il-bażi tar-riżultati tal-ewwel fażi tal-investigazzjoni tas-suq, il-Kummissjoni kkonkludiet li t-tranżizzjoni proposta qajmet dubji serji dwar il-kumpatibbiltà tagħha mas-suq komuni minħabba l-elementi ta' tħassib identifikati fir-rigward tat-trasport bl-arju tal-passiġġieri fuq diversi rotot. Fl-10 ta' Ġunju 2009 u t-18 ta' Ġunju 2009, il-partijiet issottomettew impenji li, madanakollu, ma kinux biżżejjed biex iwarrbu għal kollox id-dubji serji li ġew identifikati mill-Kummissjoni. Fl-1 ta' Lulju 2009, il-Kummissjoni adottat deċiżjoni biex jinbdew proċedimenti taħt l-Artikolu 6(1)(c) tar-Regolament dwar l-Għaqdiet.

7.

Fl-10 ta' Lulju 2009, is-17 ta' Lulju 2009, is-27 ta' Lulju 2009 u l-31 ta' Lulju 2009 LH sottomettiet impenji ulterjuri sabiex il-Kummissjoni tkun tista' tiddikkjara l-konċentrazzjoni bħala kumpatibbli mas-suq komuni taħt l-Artikoli 8(2) u 10(2) tar-Regolament dwar l-Għaqdiet. Is-sett finali ta' impenji jikkonċerna b'mod partikolari r-rilaxx u t-trasferiment ta' numru ta' slottijiet f'ajruporti fi Vjenna, Stuttgart, Cologne, Munich, Frankfurt u Brussell.

8.

L-attivitajiet ta' trasport tal-passiġġieri bl-ajru tal-partijiet jirkbu fuq xulxin b'mod orizzontali fuq diversi rottot li jistgħu jiġu raggruppati kif ġej: (i) rottot fuq distanzi żgħar bejn l-Awstrija u l-Ġermanja, l-Iżvizzera, il-Belġju u r-Renju Unit fejn hemm elementi ta' rkib diretti; u (ii) rottot b'elementi ta' rkib diretti-indiretti jew indiretti-indiretti.

9.

L-istħarriġ dwar is-suq ikkonferma li l-prattika tal-Kummissjoni f'każijiet preċedenti li tikkunsidra s-suq rilevanti għat-trasport tal-passiġġieri bl-ajru skedat kienet ibbażata fuq l-approċċ ta' żewġt ibliet “b'punt ta' oriġini/punt ta' destinazzjoni” (“O&D”) li bih l-ajruporti sostitwibbli kollha huma inklużi fil-punti rispettivi ta' oriġini u fil-punti ta' destinazzjoni.

10.

Il-Kummissjoni kompliet tinvestiga l-kwestjoni ta' sostitwibbiltà tal-ajruporti bejn l-Ajruport Internazzjonali ta' Vjenna Schwechat u l-Ajruport ta' Bratislava, l-Ajruport Internazzjonali ta' Frankfurt u l-Ajruport ta' Frankfurt Hahn, l-Ajruport Cologne-Bonn u l-Ajruport Internazzjonali ta' Düsseldorf, l-Ajruport Nazzjonali ta' Brussell Zaventem u l-Ajruport lejn in-Nofsinhar ta' Brussell, Charleroi.

11.

B'rispett għad-distinzjoni bejn passeġġieri li huma konxji mill-ħin u dawk li mhumiex l-investigazzjoni tas-suq tikkonferma li teżisti domanda speċjali min-naħa tal-passeġġieri li huma konxji tal-ħin. L-effetti tat-tranżazzjoni preżenti ġew evalwati għall-passeġġieri li huma konxji tal-ħin, u għall-passeġġieri kollha għal rotta partikolari.

12.

L-investigazzjoni tas-suq tikkonferma li l-prattika tal-Kummissjoni f'każijiet preċedenti li għal rottot b'titjieriet qosra indiretti (titjiriet li ma jeħdux aktar minn tliet sigħat), b'mod ġenerali, ma jikkostitwixxux alternattiva kompetittiva għal titjiriet diretti.

13.

Kemm il-LH kif ukoll il-OS huma membri ta' Star Alliance. L-isħab ta' LH u OS ma ġewx ikkunsidrati biex jiġi determinat liema huma s-swieq affettwati, il-ftehimiet ta' kooperazzjoni ta' LH mhumiex se jiġu estiżi awtomatikament għal OS u vice versa. Fir-rigward tal-analiżi tal-kompetizzjoni fis-swieq affettwati, ir-relazzjonijiet bejn l-imsieħba tal-allejanza u l-impatt fuq l-inċentiv tagħhom biex jikkompetu ma' xulxin wara li tkun saret it-tranżazzjoni ġew evalwati fuq bażi ta' rotta b'rotta.

14.

Il-kontra-fattwali rilevanti għall-evalwazzjoni tal-effetti tat-tranżazzjoni proposta fuq il-kompetizzjoni jew hija (a) il-kooperazzjoni qabel l-għaqda bejn LH u OS; jew (b) l-iżvilupp fil-ġejjieni bl-akbar potenzjal jekk l-akkwist ta' OS min-naħa ta' LH, kellu jfalli.

15.

Fir-rigward tal-kooperazzjoni ta' qabel l-għaqda bejn il-partijiet, għandha tiġi kkunsidrata b'mod partikolari, l-impriża konġunta tal-kondiviżjoni tal-infiq u d-dħul bejn il-partijiet fuq ir-rottot kollha bejn il-Ġermanja u l-Awstrija. Din l-impriża konġunta fil-bidu ġiet meħlusa mit-taxxa mill-Kummissjoni taħt l-Aritkolu 81(3) tat-Trattat tal-KE soġġetta għal kundizzjonijiet. Wara l-iskadenza tad-deċiżjoni ta' eżenzjoni u taħt ir-regoli ta' proċedura l-ġodda, notevolment ir-Regolament (KE) Nru 1/2003 (2), il-partijiet wettqu awto-evalwazzjoni. Il-kooperazzjoni kurrenti hija bbażata fuq ftehimiet kuntrattwali li jistgħu jiġu emendati jew imwaqqfa f'kull ħin u dan huwa differenti mit-tibdil strutturali li se jirriżulta mill-għaqda. Fir-rigwrad tar-rottot bejn l-Awstrija u l-Ġermanja t-tranżazzjoni preżenti se tbiddel il-kooperazzjoni kuntrattwali bejn il-partijiet f'rabta strutturali permanenti.

16.

Fil-każ li t-tranżazzjoni preżenti tfalli, l-iżvilupp fil-ġejjieni bl-akbar potenzjal jidher li hu, fuq il-bażi tal-informazzjoni disponibbli għall-Kummissjoni, l-akkwist ta' OS min-naħa ta' kumpanija tal-ajru oħra, u b'mod aktar speċifiku Air France-KLM. Wara li dan iseħħ OS se twaqqaf il-kooperazzjoni ta' qabel l-għaqda li kellha ma' LH flimkien mas-sħubija tagħha ma' Star Alliance u minflok se tingħaqad ma' Sky Team.

17.

F'dawk ir-rottot fejn il-konċentrazzjoni proposta ma tqajjem l-edba dubju serju dwar il-kumpatibbiltà tagħha mas-suq komuni dan huwa il-każ taħt iż-żewġ sitwazzjonijiet kontrafattwali. Il-Kummissjoni sabet li l-proposta tqajjem dubji serji dwar il-kumpatibbiltà tagħha mas-suq komuni fir-rigward tar-rottot Vjenna-Stuttgart, Vjenna-Cologne, Vjenna-Frankfurt u Vjenna-Brussell taħt iż-żewġ sitwazzjonijiet kontrafattwali u, taħt il-kontrafattwali Air France, kif ukoll għar-rotta Vjenna-Munich. Il-kwestjoni jekk il-ħolqien ta' rabta strutturali permanenti bejn LH u OS fiha nnifisha ma tqajjimx dubji serji fir-rigward tar-rotta Vjenna-Munich tista' titħalla miftuħa, peress li d-dubji serji li ġew identifikati għal din ir-rotta taħt il-kontra-fattwali Air France-KLM se titneħħa mill-impenji li offrew il-partijiet. Fl-aħħar mill-aħħar, għall-fini tal-każ preżenti, il-kwestjoni dwar liema minn dawn iż-żewġ sitwazzjonijiet jikkostitwixxu kontrafattwali rilevanti għall-evalwazzjoni tat-tranżazzjoni preżenti tista' għalhekk tibqa' miftuħa.

18.

Fuq ir-rotta Vjenna-Stuttgart (madwar [300 000-350 000] passeġġieri fis-sena, li minnhom madwar [250 000-300 000] huma passeġġieri “O&D”) il-Kummissjoni sabet li OS u Germanwings fir-realtà jikkompetu ma' xulxin u li t-tranżazzjoni se twassal għal monopolju. Għalhekk, fuq ir-rotta Vjenna-Stuttgart it-tranżazzjoni kif ġie notifikat fil-bidu tqajjem dubji serji dwar il-kumpatibbiltà tagħha mas-suq komuni.

19.

Fuq ir-rotta Vjenna-Cologne (madwar [250 000-300 000] passeġġiera fis-sena, li minnhom madwar [250 000-300 000] huma passeġġieri “O&D”), il-Kummissjoni sabet li OS u Germanwings fir-realtà jikkompetu ma' xulxin u li l-għaqda se tirriżulta f'monopolju. TUIfly bi ħsiebha tibda' operazzjonijiet fuq din ir-rotta, iżda peress li TUIfly qiegħda fil-proċess li tiġi divestita, għadu mhuwiex ċar jekk u sa liema punt TUIfly se teżerċita restrizzjoni kompetittiva fuq il-partijiet. Fid-dawl ta' x'intqal hawn fuq, fuq ir-rotta Vjenna-Cologne, it-tranżazzjoni kif ġie notifikat fil-bidu tqajjem dubji serji dwar il-kumpatibbiltà tagħha mas-suq komuni għall-anqas fir-rigward ta' passeġġieri konxji tal-ħin.

20.

Ir-rotta Vjenna-Munich ([350 000-400 000] passeġġieri, li minnhom [200 000-250 000] huma passeġġieri O&D), li hija rotta minn punt sa ieħor, hija operata kemm minn LH kif ukoll minn OS, flimkiem mal-kompetitur tagħhom Niki Luftfahrt GmbH (“Niki”). L-investigazzjoni tas-suq ikkonferma bis-sħiħ id-dejta dwar is-sehem fis-suq ipprovduta mill-partijiet. Is-sehem kombinat fis-suq tal-partijiet huwa sinifikanti, u r-restrizzjoni li terżerċita Niki hija kkunsidrata biss bħala waħda limitata, b'mod partikolari għall-passeġġieri konxji tal-ħin. Kompetizzjoni inter-modali tal-ferroviji ma tistax titqies bħala restrizzjoni qawwija, lanqas. Fuq il-bażi tal-kontrafattwali Air France-KLM, it-tranżazzjoni se telimina minn tal-inqas kompetizzjoni potenzjali bejn il-partijiet. Barra minn hekk, ostakoli għad-dħul fir-rigward ta' slottijiet kemm fi Vjenna kif ukoll f'Munich huma sinifikanti. Fid-dawl ta' x'intqal hawn fuq, fuq ir-rotta Vjenna-Cologne t-tranżazzjoni kif ġie notifikat fil-bidu tqajjem dubji serji dwar il-kumpatibbiltà tagħha mas-suq komuni taħt il-kontrafattwali Air France-KLM.

21.

Ir-rotta Vjenna-Frankfurt (b'aktar minn [600 000-650 000] passeġġieri fl-2008 li minnhom madwar [400 000-450 000] huma passeġġieri O&D) hija rotta li topera minn punt sa ieħor operata kemm minn LH kif ukoll minn OS. Barra minn hekk, LS tikkondividi bil-kodiċi titjiriet operati minn Adria Airways li hija msieħba ta' Star Alliance. Kompetituri oħra huma Niki u Air Berlin (li jikkondividi bil-kodiċi fuq titjiriet ta' Niki) L-investigazzjoni tas-suq ikkonfermat bis-sħiħ id-dejta dwar is-sehem fis-suq ipprovduta mill-partijiet. Fuq il-bażi tal-kontrafattwali ta' qabel l-għaqda, it-tranżazzjoni se telimina kompetizzjoni attwali fuq ir-rotta peress li se twassal għall-ħruġ ta' Niki (is-slottijiet ta' Niki nkrew minn LH fuq il-bażi tal-awtoevalwazzjoni ta' LH taħt l-Artikolu 81 tat-Trattat tal-KE tal-impriża konġunta tal-kondiviżjoni tal-infiq u d-dħul, u Niki se jkollha troddhom lura fil-każ li l-impriża konġunta bejn LH u OS tintemm, per eżempju, permezz tal-għaqda ). Fuq il-bażi tal-kontrafattwali Air France-KLM, it-tranżazzjoni se telimina minn tal-inqas kompetizzjoni potenzjali bejn il-partijiet.

22.

L-uniku kompetitur preżenti fuq ir-rotta Vjenna-Frankfurt se jkun Adria Airways li mhijiex f'pożizzjoni li teżerċita restrizzjoni suffiċenti fuq LH/OS peress li anke s-slottijiet tagħha fi Frankfurt inkrew minn LH u tiddependi fuq LH għal kondiviżjoni tal-kodiċi ta' titjiriet. Barra minn hekk, anke jekk Niki tiġi kkunsidrata, hija ma tkkonstitwixxix restrizzjoni qawwija fuq il-partijiet. Fuq din ir-rotta la t-titjiriet ta' Bratislava-Frankfurt-Hahn u lanqas il-kompetizzjoni inter-modali tal-ferroviji ma jistgħu jitqiesu bħala restrizzjoni suffiċċjenti. L-ostakoli għad-dħul huma b'mod partikolari għoljin, peress li l-kapaċità ta' Frankfurt li tforni s-slottijiet ġiet eżawrita matul il-ġurnata kollha, u l-preżenza ta' LH hija tassew sinifikanti. Fid-dawl ta' x'intqal hawn fuq, ġie konkluż li fuq ir-rotta Vjenna-Stuttgart it-tranżazzjoni kif ġiet notifikata fil-bidu tqajjem dubji serji dwar il-kumpatibbiltà tagħha mas-suq komuni.

23.

Fuq rottot oħra li ġew investigati bejn l-Awstrija u l-Ġermanja (Vjenna-Berlin, Vjenna-Düsseldorf, Vjenna-Hamburg, Vjenna-Hanover, Vjenna-Nurnberg, Munich-Linz, Vjenna-Dresden, Vjenna-Leipzig, Salzburg-Düsseldorf, Graz-Düsseldorf, Linz-Düsseldorf, Innsbruck-Frankfurt, Salzburg-Frankfurt, Innsbruck-Hamburg, Klagenfurt-Munich, Graz-Frankfurt, Graz-Munich, Graz-Stuttgart u Linz-Frankfurt) it-tranżazzjoni ma twasslax għal tħassib ta' kompetizzjoni, mingħajr kunsiderazzjoni għas-sitwazzjoni kontrafattwali, peress li mhijiex se tostakola b'mod sinifikanti l-kompetizzjoni effettiva fuq dawn ir-rottot.

24.

It-tranżazzjoni ma tqajjimx dubji serji dwar il-kompatibbiltà tagħha mas-suq komuni peress li mhijiex se tostakola b'mod sinifikanti l-kompetizzjoni effettiva fuq ir-rottot bejn l-Awstrija u l-Iżvizzera, notevolment Vjenna-Basel, Vjenna-Geneva u Vjenna-Zurich.

25.

Fuq ir-rotta Vjenna-Brussell, madwar [250 000-300 000] O&D u [350 000-400 000] total tal-passeġġieri vvjaġġaw fl-2008. Minbarra OS u SN, SkyEurope, ġarrier li joffri titjiriet irħas, jopera kuljum fuq din ir-rotta. SkyEurope ma tirrappreżentax restrizzjoni kompetittiva b'saħħitha fuq il-partijiet it-titjiriet ta' Ryanair fuq ir-rotta Bratislava-Charleroi ma jistgħux jitqiesu bħala restrizzjoni kompettitiva suffiċċjenti fuq l-entità li ġiet amalgamata. B'hekk, fuq ir-rotta Brussell-Vjenna t-tranżazzjoni kif ġie notifikat fil-bidu tqajjem dubji serji dwar il-kumpatibbiltà tagħha mas-suq komuni.

26.

It-tranżazzjoni ma tqajjimx dubji serji dwar il-kumpatibbilità tagħha mas-suq komuni peress li mhijiex se tostakola b'mod effettiv il-kompetizzjoni fir-rigward tar-rotta Vjenna-Londra.

27.

It-tranżazzjoni ma tqajjem l-ebda dubju serju dwar il-kumpatibbilità tagħha mas-suq komuni peress li mhijiex se tostakola b'mod effettiv il-kompetizzjoni fir-rigward ta' kwalunkwe rotta b'elementi ta' rkib diretti-indiretti jew indiretti-indiretti bejn il-partijiet.

28.

Fid-dawl ta' dawn iċ-ċirkustanzi kollha, il-Kummissjoni tikkonkludi li d-dispożizzjoni, kif ġiet innotifikata oriġinarjament tqajjem dubji serji dwar il-kumpatibbilità tagħha mas-suq komuni peress li x'aktarx li se twassal għal ostakolu sinifikanti effettiv fir-rigward tar-rottot Vjenna-Stuttgart, Vjenna-Cologne, Vjenna-Munich, Vjenna-Frankfurt u Vjenna-Brussell. It-tranżazzjoni ma tqajjem l-ebda element ta' tħassib ta' kompetizzjoni fir-rigward tar-rottot l-oħra li ġew affetwati

29.

Fir-rigward tas-swieq tat-trasport tal-merkanzija bl-ajru u tal-bejgħ ta' biljetti tal-ajru lill-operaturi tal-ġiti, li ġew affettwati orizzontalment, il-Kummissjoni tikkonkludi li t-tranżazzjoni proposta ma tostakolax b'mod sinfikanti l-kompetizzjoni effettiva ta' kwalunkwe minn dawn is-swieq.

30.

Fir-rigward tas-swieq tal-manutenzjoni, it-tiswija u s-servizzi (“MRO”) ta' riforma, il-preparazzjoni tal-ikel u x-xorb waqt it-titjiriet, u tas-servizzi ta' tqandil fl-ajruporti, li lkoll ġew affettwati orizzontalment, il-Kummissjoni tikkonkludi li t-tranżazzjoni proposta ma tostakolax b'mod sinifikanti l-kompetizzjoni effettiva ta' kwalunkwe minn dawn is-swieq.

31.

OS qiegħda attwalment tħabbat wiċċha ma' diffikultajiet finanzjarji. Fid-19 ta' Jannar 2009, il-Kummissjoni approvat għajnuna ta' salvataġġ f'forma ta' garanzija ta' 100 % fuq self ta' EUR 200 miljun għal OS. Flimkien mal-evalwazzjoni tat-tranżazzjoni taħt ir-Regolament dwar l-Għaqdiet, il-Kummissjoni evalwat il-kundizzjonijiet tal-akkwist ippjanat min-naħa ta' LH tal-ishma li għandha l-Awstrija f'OS u żieda fil-kapitali ta' EUR 500 miljun, li ÖIAG bi ħsiebha tipprovdi lil OS, taħt ir-regoli tal-Istat tat-Trattat.

32.

LH sottomettiet impenji biex toffri slottijiet, mingħajr ħlas, fi ħdan 20 minuta minn meta ssir it-talba, fl-ajruporti fi Vjenna, Stuttgart, Cologne, Munich, Frankfurt u Brussell f'kull waħda mill-ħames rotot li fihom il-Kummissjoni identifikat dubji serji (“Żewġt ibliet li ġew Identifikati”): sa tliet frekwenzi kuljum fuq ir-rotta Vjenna-Stuttgart, sa tliet frekwenzi kuljun fuq ir-rotta Vjenna-Cologne (iżda mhux aktar minn 18-il frekwenza fix-xahar), sa erba' frekwenzi kuljum fuq ir-rotta Vjenna-Munich, sa ħames frekwenzi kuljum fuq ir-rotta Vjenna-Frankfurt, u sa erba' frekwenzi kuljum fuq ir-rotta Vjenna-Brussell (iżda mhux aktar minn 24 frekwenza fil-ġimgħa). Slottijiet eżistenti għall-kompetituri jistgħu jingħaddu u jkunu mqabbla man-numru ta' slottijiet li se jkunu disponibbli.

33.

Fuq ir-rottot Vjenna-Frankfurt u Vjenna-Munich, Niki se tkun tista' tagħmel skambju tas-slottijiet attwali tiegħu f'ħinijiet differenti, u fuq ir-rotta Vjenna-Frankfurt, se tkun intitolata li takkwista drittijiet akkwistati retroattivament għall-islottijiet li bħalissa qiegħda tikri LH. L-impenji proposti jipprovdu wkoll għall-allokazzjoni ta' slott li tiffaċilità l-ippjanar tal-iskeda ta' entranti ġodda. L-entrant il-ġdid (minbarra għall-membri Star Alliance bħala entranti ġodda) se jikseb drittijiet akkwistati retroattivament fuq l-islottijiet la darba jibda jopera fuq iż-Żewġt Ibliet Identifikati rilevanti matul żewġ staġuni sħaħ konsekutivi minbarra r-rotta Vjenna-Frankfurt, li fuqha l-operazzjoni matul tmien staġuni konsekuttivi IATA huma meħtieġa. L-impenji joffru wkoll lill-entrant ġdid il-possibbiltà li jidħol fi ftehim speċjali prorata ta' kondiviżjoni tal-kodiċi li permezz tiegħu jkun jista' jpoġġi l-kodiċi tiegħu fuq titjiriet b'orġini u destinazzjoni vera kemm fl-Awstrija, il-Ġermanja u/jew il-Belġju, sakemm dik il-parti tal-vjaġġ tinvolvi iż-Żewġt Ibliet Identifikati; u l-possibbiltà biex tikkonkludi ftehimiet interlinjali u intermodali, kif ukoll ftehimiet li jagħtu aċċess għal programm dwar passeġġieri li jivvjaġġjaw bl-ajru ta' spiss.

34.

L-impenji li ġew sottomessi mill-Partijiet jikkostitwixxu pakkett komprensiv li jikkunsidra l-esperjenza fil-passat b'rimedji f'każijiet tal-għaqda fis-settur tal-avjazzjoni. L-impenji jagħtu kas tal-fatt li l-konġestjoni tas-slottijiet huwa xkiel importanti għad-dħul fuq ir-rotot problematiċi f'dan il-każ. Fid-dawl ta' dan, huma mfassla biex ineħħu dan l-ostakolu u biex jinkuraġġixxu d-dħul fuq ir-rottot fejn ġew identifikati elementi ta' tħassib dwar il-kompetizzjoni.

35.

Dawn l-impenji ġew ittestjati għas-suq ma' klijenti u ma' kompetituri tal-partijiet u parteċipanti tas-suq oħra. Il-maġġoranza ta' rispondenti tat-test tas-suq ikkonfermaw li l-impenji proposti b'mod ġenerali se jiffaċilitaw b'mod suffiċċjenti d-dħul jew l-espanzjoni fuq iż-Żewġt Ibliet Identifikati u se jsolvu l-elementi ta' tħassib dwar kompetizzjoni li tqajmu mill-konċentrazzjoni proposta. Tliet rispondenti għat-test tas-suq wieġbu li se jikkunsidraw id-dħul fiż-Żewġt Ibliet Identifikati. Il-Kummissjoni tikkonkludi li l-impenji x'aktarx li se jwasslu għad-dħul jew l-espansjoni fil-waqt, ta' waħda jew diversi linji tal-ajru fuq iż-Żewġt Ibliet Identifikati, u b'hekk se jirristrinġu l-entità amalgamata u jneħħu d-dubji serji li ġew identifkati.

36.

Il-konċentrazzjoni kif notifikata oriġinarjament se tostakola b'mod sinifikanti l-kompetizzjoni effettiva fis-suq komuni jew f'parti sostanzjali tas-suq komuni. Il-parti notifikanti, madanakollu, sottomettiet sett ta' rimedji biex jitneħħew l-elementi ta' tħassib li ġew identifikati. Il-Kummissjoni għalhekk ikkonkludiet li l-konċentrazzjoni kif emendata mill-impenji mhjiex se twassal għal ostakolu sinifikanti għall-kompetizzjoni effettiva, bħala soġġett għall-implimentazzjoni tal-impenji li ġew sottomessi mill-parti notifikanti.

37.

Konsegwentement, il-konċentrazzjoni hija kompatibbli mas-suq komuni u mal-Ftehim taż-ŻEE skont l-Artikolu 8(2) tar-Regolament dwar l-Għaqdiet u l-Artikolu 57 tal-Ftehim taż-ŻEE, soġġetta għall-konformità mal-impenji mressqin fl-Anness għad-deċiżjoni tal-Kummissjoni.

22.1.2010   

MT

Il-Ġurnal Uffiċjali tal-Unjoni Ewropea

C 16/17

(1)

Skont il-Kapitolu VII tat-Trattat Euratom, il-Kummissjoni tikkontrolla l-kontabbiltà tal-materjali nukleari fil-Komunità. Id-Deċiżjoni tal-2006 kienet limitata għal kwistjonijiet dwar kemm huma xierqa l-proċeduri fis-seħħ tal-kontabbiltà u r-rappurtar fis-sit ta' Sellafield.

(2)

Is-sanzjoni, fil-forma ta' twissija, ġiet imponuta bil-fehim li Sellafield Limited turi fi żmien speċifiku, wara l-pubblikazzjoni tad-Deċiżjoni tal-2006, li implimentat rimedji xierqa u robusti kontra l-fallimenti u s-sorsi tal-ksur tar-regoli li ġew identifikati u li daħħlet fis-seħħ miżuri xierqa sabiex dejjem ittejjeb il-kwalità u l-prestazzjoni tas-sistema tagħha tal-kontabbiltà għal u l-kontroll tal-materjali nukleari.

(3)

It-twissija ġiet imponuta bil-fehim li Sellafield Limited turi fi żmien speċifiku ieħor li r-rimedji implimentati kisbu l-effetti mbassra.

(4)

Fl-aħħar ta' żmien speċifiku, li jibda fid-data tal-pubblikazzjoni tad-Deċiżjoni tal-2006, Sellafield Limited intalbet tipprovdi lill-Kummissjoni b'rapport li jinkludi d-dettalji tar-rimedji implimentati.

(5)

Fl-aħħar ta' żmien speċifiku ieħor Sellafield Limited intalbet tipprovdi lill-Kummissjoni b'rapport li jinkludi d-dettalji dwar riżultati speċifiċi li nkisbu mir-rimedji implimentati.

(6)

Fis-27 ta' April 2006, Sellafield Limited ressqet applikazzjoni quddiem il-Qorti tal-Prim'Istanza tal-Komunitajiet Ewropej (QPI) fejn talbet l-annullament tad-Deċiżjoni tal-Kummissjoni tal-15 ta' Frar 2006. Skont l-Artikolu 83(2), it-tieni subparagrafu tat-Trattat Euratom, l-effetti legali tad-Deċiżjoni tal-Kummissjoni tal-15 ta' Frar 2006 ġew sospiżi skont dan hekk kif tressqet l-applikazzjoni quddiem il-QPI.

(7)

Is-servizzi tal-Kummissjoni u Sellafield Limited qablu li jwaqqfu l-proċeduri quddiem il-QPI sabiex jfittxu li jsibu soluzzjoni maqbula għat-tħassib tal-Kummissjoni bħala alternattiva għal-litigazzjoni.

(8)

Sellafield Limited u s-servizzi tal-Kummissjoni ltaqgħu regolarment sabiex jistabbilixxu t-titjib meħtieġ fil-proċeduri tas-salvagwardji nukleari fis-sit ta' Sellafield u qablu dwar programm ta' Kisbiet fil-Mira, fejn sar aċċenn għat-titjib tanġibbli li jrid jiġi implimentat minn Sellafield Limited b'rabta mar-rekwiżiti tas-salvagwardji nukleari fis-sit ta' Sellafield.

(9)

Sellafield Limited ressqet ukoll verżjoni emendata ta' dokument magħruf bħala l-“Programm ta' Titjib fis-Salvagwardji ta' Sellafield” (SSIP). Is-SSIP huwa l-programm eżistenti stabbilit fis-sit ta' Sellafield li jservi wkoll bħala vettura, inter alia, għall-eżekuzzjoni u l-aġġornament tekniku tal-attivitajiet definiti fil-programm ta' Kisbiet fil-Mira.

(10)

Il-laqgħat seħħew fuq bażi regolari bejn is-servizzi tal-Kummissjoni u Sellafield Limited sabiex janalizzaw il-progress marbut mal-programm ta' Kisbiet fil-Mira u s-SSIP rispettivament.

(11)

L-analiżi u l-verifika fuq il-post tal-aħħar rapport ta' ġestjoni li saru mis-servizzi tal-Kummissjoni kif tlesta l-programm ta' Kisbiet fil-Mira wrew li ttieħdu l-passi neċessarji minn Sellafield Limited sabiex jindirizzaw it-tħassib li wassal lill-Kummissjoni biex tieħu d-Deċiżjoni tal-2006.

(12)

B'konsegwenza ta' dan, il-Kummissjoni kkunsidrat li jkun jixraq f'dawn iċ-ċirkostanzi li tirrevoka d-Deċiżjoni tal-2006 li fiha t-twissija lil Sellafield Limited. Innutat ukoll li Sellafield Limited se tkompli timplimenta s-SSIP. Il-Kummissjoni kellha wkoll l-intenzjoni li ssegwi l-implimentazzjoni tal-miri wkoll wara l-adozzjoni ta' din id-Deċiżjoni, permezz ta' attivitajiet ta' rutina previsti fil-Kapitolu 7 tat-Trattat Euratom.

(13)

Id-Deċiżjoni tal-Kummissjoni C(2006) 412 tal-15 ta' Frar 2006 ġiet revokata u d-deċiżjoni tar-revoka ġiet ikkomunikata lid-destinatarju, Sellafield Limited, u lir-Renju Unit.

22.1.2010   

MT

Il-Ġurnal Uffiċjali tal-Unjoni Ewropea

C 16/19

—

It-tul ta' żmien tal-perjodu tat-test huwa definit skont il-klawżola 8 tal-EN 153.

—

Il-varjazzjoni matul il-ħin tat-temperatura tal-ħżin titkejjel tliet darbiet kif ġej: l-ewwel kejl isir fl-inqas temperatura ambjentali preskritta tal-klassi(jiet) tal-klima tat-tagħmir tal-ħżin tal-inbid, it-tieni kejl isir f'temperatura ambjentali ta' + 25 C u t-tielet fl-ogħla temperatura ambjentali preskritta tal-klassi(jiet) tal-klima tat-tagħmir tal-ħżin tal-inbid.

—

Il-kejl tal-kontroll attiv jew passiv tal-umdità tal-kompartiment isir f'umdità ambjentali ta' bejn il-50 % u l-75 % f'temperatura ambjentali ta' + 25 C.

—

Il-kejl tal-kontroll attiv jew passiv tal-umdità tal-kompartiment u tal-varjazzjoni matul il-ħin tat-temperatura tal-ħżin f'temperatura ambjentali ta' + 25 C jista' jsir fl-istess ħin.

—

It-temperatura medja tal-ħżin ta' kull kompartiment (twma ) qiegħda ssettjata għal + 12 C jew l-eqreb temperatura iktar kiesħa.

—

Hwm titkejjel billi jintuża tagħmir sensorju tal-umdità fil-punt tal-kejl (Tw2 ) f'konformità mad-Dijagramma 1;

—

Għat-tagħmir tal-ħżin tal-inbid b'bieba waħda imma maqsum b'diviżorji fissi jew li jistgħu jiġu aġġustati f'kompartimenti separati kull wieħed b'kontroll tat-temperatura indipendenti, Hwm titkejjel għal kull kompartiment f'konformità mad-Dijagramma 1.

—

Il-kontroll attiv jew passiv tal-umdità tal-kompartiment huwa kkunsidrat li jilħaq il-medda ta' bejn 50 % u 80 % kif elenkat fl-Anness I(n)(iii) tar-Regolament (KE) Nru 643/2009 fejn l-umdità relattiva mkejla (Hwm ) tibqa' bejn 50 % u 80 % għal tul il-perjodu tat-test;

—

Jekk l-għoli tal-kompartiment jew subkompartiment (hw ) huwa inqas minn 400 mm (Dijagramma 1), Hwm ma titkejjilx għal dak il-kompartiment jew subkompartiment.

—

Jekk hemm kexxun, l-ixkaffa fuq il-kexxun titqiegħed fl-iżjed pożizzjoni baxxa possibbli kif jidher fil-punt 1 tad-Dijagramma 1.

—

Il-punt(i) tal-kejl tat-temperatura (Twi ) iridu jkunu indaqs mill-ġnub tal-kompartiment D1/2 jew D2/2 kif jidher fid-Dijagramma 1.

—

Il-punt tal-kejl tal-umdità jrid ikun imqiegħed viċin ta' Tw2 b'korrettezza ta' 100 mm kif jidher fil-punt 2 tad-Dijagramma 1.

—

Jekk hw > 400, jintużaw tliet punti tal-kejl tat-temperatura (Tw1 , Tw2 u Tw3 ).

—

Jekk 300 < hw ≤ 400, jintużaw żewġ punti tal-kejl tat-temperatura (Tw1 u Tw3 ).

—

Jekk hw ≤ 300 mm, jintuża punt wieħed biss tal-kejl tat-temperatura (Tw2 ).

22.1.2010   

MT

Il-Ġurnal Uffiċjali tal-Unjoni Ewropea

C 16/24

22.1.2010   

MT

Il-Ġurnal Uffiċjali tal-Unjoni Ewropea

C 16/29

22.1.2010   

MT

Il-Ġurnal Uffiċjali tal-Unjoni Ewropea

C 16/34

22.1.2010   

MT

Il-Ġurnal Uffiċjali tal-Unjoni Ewropea

C 16/37

22.1.2010   

MT

Il-Ġurnal Uffiċjali tal-Unjoni Ewropea

C 16/40

22.1.2010   

MT

Il-Ġurnal Uffiċjali tal-Unjoni Ewropea

C 16/41

1.

Fl-14 ta’ Jannar 2010, il-Kummissjoni rċeviet notifika ta' proposta ta' konċentrazzjoni skont l-Artikolu 4 tar-Regolament tal-Kunsill (KE) Nru 139/2004 (1) li biha l-impriża Companhia Siderúrgica Nacional (“CSN”, il-Brażil) beħsieba takkwista skont it-tifsira tal-Artikolu 3(1)(b) tar-Regolament tal-KE dwar l-Għaqdiet kontroll sħiħ tal-impriża Cimpor – Cimentos de Portugal, SGPS, S.A (“Cimpor”, il-Portugall) permezz ta' offerta pubblika.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301 jew 22967244) jew bil-posta, taħt in-numru ta' referenza COMP/M.5771 – CSN/Cimpor, fl-indirizz li ġej:

22.1.2010   

MT

Il-Ġurnal Uffiċjali tal-Unjoni Ewropea

C 16/42

(1)

Skont l-Artikolu 9 tar-Regolament tal-Kunsill (KE) Nru 1/2003 (1), il-Kummissjoni tista' tiddeċiedi – f'każijiet fejn tkun bil-ħsieb li tadotta deċiżjoni li tirrikjedi li tintemm infrazzjoni u li l-partijiet ikkonċernati joffru li jimpenjaw ruħhom li jindirizzaw it-tħassib espress lilhom mill-Kummissjoni fil-valutazzjoni preliminari tagħha – li torbot lill-impriżi b'dawk l-impenji. Deċiżjoni bħal din tista' tiġi adottata għal perjodu speċifiku u għandha tikkonkludi li m'għadx hemm aktar raġuni għal azzjoni mill-Kummissjoni. Skont l-Artikolu 27(4) tal-istess Regolament, il-Kummissjoni għandha tippubblika sommarju konċiż tal-każ u l-kontenut prinċipali tal-impenji. Il-partijiet interessati jistgħu jippreżentaw il-kummenti tagħhom fiż-żmien il-perjodu tal-ħin fiss stabbilit mill-Kummissjoni.

(2)

Fit-22 ta' Diċembru 2009 l-Kummissjoni adottat stima preliminari skont l-Artikolu 9(1) tar-Regolament (KE) Nru 1/2003 dwar ksur tal-liġi li allegatament sar minn E.ON AG, Düsseldorf u s-sussidjarji tagħha fis-swieq Ġermaniżi tal-gass (“E.ON”).

(3)

Skont il-valutazzjoni preliminari E.ON hija dominanti fis-suq (swieq) tad-distribuzzjoni tal-gass fi ħdan in-netwerk tagħha L-gas u n-netwerk Ġermaniż NetConnect. E.ON hija, skont valutazzjoni preliminari, dominanti wkoll fis-swieq tal-gass downstream (ta’ wara l-produzzjoni u d-distribuzzjoni) għall-forniment ta’ bejjiegħa bl-ingrossa lokali u reġjonali kif ukoll għall-forniment ta’ konsumaturi kbar industrijali.

(4)

Il-valutazzjoni preliminari wriet tħassib li E.ON setgħet abbużat mill-pożizzjoni dominanti tagħha skont l-Artikolu 102 tat-Trattat dwar it-Tħaddim tal-Unjoni Ewopea (“TTUE”) minħabba ċaħda li tforni, li tnisslet permezz ta’ ordnijiet ta’ forniment tal-gass fit-tul, fis-sistema għad-distribuzzjoni tal-gass tagħha. E.ON irriservat partijiet kbar tal-kapaċitajiet għad-dħul fin-netwerk għad-distribuzzjoni tal-gass tagħha, li jistgħu jiġu allokati liberalment jew permezz ta’ riservazzjoni, u dan jista’ jwassal, skont valutazzjoni preliminari, għal restrizzjoni fir-rigwrad tal-kompetituri li qegħdin jippruvaw jittrasportaw u jbigħu l-gass lill-konsumaturi konnessi man-netwerk E.ON u b’hekk jista’ jirristrinġi l-kompetizzjoni fis-swieq downstream għall-forniment tal-gass.

(5)

E.ON ma taqbilx mal-valutazzjoni preliminari tal-Kummissjoni. Madankollu offriet impenji skont l-Artikolu 9 tar-Regolament (KE) Nru 1/2003, li jindirizzaw it-tħassib tal-Kummissjoni dwar il-kompetizzjoni. L-elementi ewlenin tal-impenji jistgħu jitqassru kif ġej:

(6)

Bħala l-ewwel pass, E.ON tipproponi li terħi kapaċitajiet, kemm jekk allokati liberalment kif ukoll permezz ta’ riservazzjoni, għad-dħul fin-netwerk għad-distribuzzjoni tal-gass tagħha sa Ottubru 2010 (“Rilaxx tal-Kapaċità Immedjat”) li jkopru volum ta’ kapaċità ta’ 17,8 GWh/h. 10 GWh/h tat-total tal-kapaċitajiet li se jintreħew se jiġu offruti fir-rigward ta’ kapaċitajiet H-gas u 7,8 GWh/h għal kapaċitajiet L-gas. Il-punti ta’ dħul għal H-gas huma (il-volum ta’ kapaċità li se jintreħa huwa mniżżel fil-parentesi):

Fir-rigward ta’ L-gas, l-impenn ta’ E.ON huwa relatat mal-punti ta’ dħul

(7)

Bħala pass li jmiss, E.ON tipproponi li tnaqqas aktar is-sehem ġenerali tagħha fir-riservazzjoni tal-kapaċità għad-dħul allokata liberalment (“Tnaqqis fit-tul”) fiż-żona rilevanti tas-suq H-gas NetConnect Germany għal 50 % sa Ottubru 2015. Fir-rigward tan-netwerk L-gas, E.ON tipproponi tnaqqis ġenerali ulterjuri tas-sehem fir-riservazzjoni tagħha għal 64 % sa Ottubru 2015. E.ON tista’ tilħaq dawn il-limiti billi trodd kapaċiatjiet lura lil TSO, permezz ta’ miżuri biex iżżid il-kapaċità fin-netwerk jew billi ddaħħal fiż-żona tas-suq kooperazzjonijiet li jżidu l-volum totali tal-kapaċitajiet fin-netwerk E.ON. E.ON timpenja ruħha li ma taqbiżx dawn il-limiti sal-2025 (2)

(8)

E.ON mhijiex ostakolata milli tirriserva kapaċitajiet li jistgħu jiġu interrotti, li ma jagħmlux parti mill-impenji. E.ON mhijiex, madanakollu, limitata fir-rigward ta’ riservazzjonijiet fil-qosor (riservazzjonijiet b’dewmien ta mhux aktar minn sena) taħt il-kundizzjonjiet stipulati fl-impenji (3) E.ON tista’, madanakollu, minn Ottubru tal-2011 tirriserva wkoll kapaċitajiet fit-tul bil-kundizzjoni li s-sehem ta' riservazzjonjiet ġenerali tagħha jonqos biż-żmien sakemm jilħaq il-limitu ta' 50 % fir-rigward ta' H-gas u 64 % fir-rigward ta' L-gas sa Ottubru 2015.

(9)

Se jitqabbad mandatarju indipendenti sabiex jissorvelja t-twettiq ta’ dawn l-impenji minn E.ON.

(10)

L-impenji huma ppubblikati bis-sħiħ bil-Ġermaniż fuq il-websajt tad-Direttorat-Ġenerali għall-Kompetizzjoni, fuq:

http://ec.europa.eu/comm/competition/index_en.html

(11)

Il-Kummissjoni bi ħsiebha, soġġett għall-eżitu tal-ittestjar fis-suq, tadotta deċiżjoni taħt l-Artikolu 9(1) tar-Regolament (KE) Nru 1/2003 li tiddikkjara l-impenji li jinsabu f'sommarju hawn fuq u ppubblikati fuq l-Internet, fuq il-websajt tad-Direttorat Ġenerali għall-Kompetizzjoni, għandhom jorbtu.

(12)

B’konformità mal-Artikolu 27(4) tar-Regolament (KE) Nru 1/2003, il-Kummissjoni tistieden lill-partijiet terzi interessati biex jissottomettu l-kummenti tagħhom dwar l-impenji proposti. F’dan il-kuntest, il-Kummissjoni titlob lill-partijiet interessati biex jikkummentaw b’mod partikolari fuq il-mistoqsijiet li ġejjin. Il-Kummenti għandhom, kemm jista’ jkun, ikunu sostanzjati permezz ta’ loġika ddettaljata, li għandha jkollha bħala kontenut il-fatti neċessarji li fuqhom il-kumment huwa bbażat u, jekk problema hija identifikata, proposta dwar soluzzjoni tal-problema identifikata:

Partijiet terzi huma wkoll mistednin li jressqu l-kummenti tagħhom dwar l-aspetti kollha l-oħra tal-impenji.

(13)

Dawn il-kummenti għandhom jaslu għand il-Kummissjoni mhux aktar tard minn xahar wara d-data ta' din il-pubblikazzjoni. Il-partijiet terzi interessati huma wkoll mitluba jissottomettu verżjoni mhux kunfidenzjali tal-kummenti tagħhom, fejn għandhom jitħassru s-sigrieti kummerċjali u siltiet kunfidenzjali oħrajn u jiġu ssostitwiti kif meħtieġ b'sommarju mhux kunfidenzjali jew bil-kliem “sigrieti kummerċjali” jew “kunfidenzjali”. Jekk it-talba tiegħek għal protezzjoni ta' informazzjoni kunfidenzjali hija leġittima, il-Kummissjoni se tiżgura l-protezzjoni ta' din l-informazzjoni.

(14)

L-osservazzjonijiet jistgħu jintbagħtu lill-Kummissjoni taħt in-numru ta' referenza COMP/B-1/39.317 – E.ON gas jew permezz ta’ e-mail (COMP-GREFFE-ANTITRUST@ec.europa.eu), jew bil-faks (32-2) 295 01 28) jew bil-posta, f'dan l-indirizz: