14.1.2010   

MT

Il-Ġurnal Uffiċjali tal-Unjoni Ewropea

CE 8/1

A.

billi għat-tieni darba fl-istorja, in-Nazzjonijiet Uniti qed torganizza Konferenza Internazzjonali dwar l-Iffinanzjar għall-Iżvilupp, li għandha ssir f’Doha mid-29 ta’ Novembru sat-2 ta’ Diċembru 2008 li għandha l-għan li tlaqqa’ flimkien il-Kapijiet ta’ Stat u Gvernijiet u mhux biss lill-Ministri tal-Iżvilupp iżda wkoll lill-Ministri tal-Finanzi, kif ukoll lir-rappreżentanti tal-organizzazzjonijiet finanzjarji internazzjonali, tal-banek u n-negozji privati u tas-soċjetà ċivili, biex jevalwaw il-progress li sar mill-Konferenza ta’ Monterrey,

B.

billi, biex jintlaħqu l-MDGs, hemm bżonn ta’ żieda finanzjarja qawwija,

C.

billi l-iffinanzjar għall-iżvilupp għandu jkun definit bħala l-iktar mod vantaġġjuż kif wieħed jirrispondi għall-bżonnijiet tal-iżvilupp tad-dinja u għall-inċertezzi globali,

D.

billi l-bżonn ta’ riżorsi finanzjarji sostenibbli, previdibbli u adegwati huwa urġenti iktar minn qatt qabel, specjalment meta wiehed jikkunsidra l-isfida tat-tibdil fil-klima u l-implikazzjonijiet tagħha, inklużi d-diżastri naturali u b’mod partikolari l-vulnerabilità tal-pajjiżi li qed jiżviluppaw,

E.

billi l-UE hija l-ikbar donatur ta’ għajnuna fuq skala globali, azzjonista ewlenija fl-istituzzjonijiet finanzjarji internazzjonali, u l-imsieħeba kummerċjali l-aktar importanti għall-pajjiżi li qed jiżviluppaw,

F.

billi l-UE diġà impenjat ruħha li f’limitu ta’ żmien ċar u obbligatorju tilħaq ir-rata ta’ 0.56 % tal-GNI li hija l-mira sa l-2010 u r-rata ta’ 0.7 % tal-GNI sa l-2015,

G.

billi, jekk it-tendenzi attwali relatati mal-livelli tal-ODA tal-Istati Membri jkomplu, l-Istati Membri mhux se jilħqu l-miri li impenjaw ruħhom li jilħqu ta’ 0,51 % għall-UE 15 (jiġifieri l-Istati Membri li kienu parti mill-UE qabel it-tkabbir tal-2004) u 0,17 % għall-UE 12 (jiġifieri l-Istati Membri li saru Membri tal-UE fl-1 ta’ Mejju 2004 u fl-1 ta’ Jannar 2007) tal-GNI sa l-2010,

H.

billi l-għajnuna programmabbli lill-Afrika qed tiżdied minkejja t-tnaqqis ġenerali tal-ODA fl-2007,

I.

billi dan l-aħħar tfaċċaw sfidi ta’ żvilupp ġodda u sinifikanti, inklużi t-tibdil fil-klima, bidliet strutturali fis-swieq tal-prodotti u b’mod partikolari dawk tal-ikel u ż-żejt, u tendenzi ġodda importanti fil-koperazzjoni Nofsinhar-Nofsinhar, inklużi l-appoġġ għall-infrastruttura miċ-Ċina fl-Afrika u s-self mill-Bank Brażiljan għall-Investiment (BNDES) fl-Amerika Latina,

J.

billi s-servizzi finanzjarji f’ħafna pajjiżi li qed jiżviluppaw huma sottożviluppati bħala riżultat ta’ ħafna fatturi inklużi restrizzjonijiet tal-provvista tas-servizzi, u nuqqas ta’ ċertezza legali u drittijiet tal-proprjetà,

1.

Itenni l-impenn tiegħu għall-qerda tal-faqar, għall-iżvilupp sostenibbli u għall-ilħuq tal-MDGs, bħala l-uniku mod kif tinkiseb il-ġustizzja soċjali u kif titjieb il-kwalità tal-ħajja għal madwar biljun persuna madwar id-dinja li jgħixu f’faqar estrem, jiġifieri li għandhom dħul ta’ inqas minn dollaru kuljum;

2.

Jistieden lill-Istati Membri biex jagħmlu diviżjoni ċara bejn l-infiq għall-iżvilupp u l-infiq għall-interessi ta’ politika barranija u jenfasiżża f’dan ir-rigward li l-ODA għandha tkun konformi mal-kriterji għall-ODA stabbiliti mill-Kumitat għall-Assistenza tal-Iżvilupp tal-Organizzazzjoni għall-Koperazzjoni u l-Iżvilupp Ekonomiku (OECD/DAC) u r-rakkomandazzjonijiet tal-OECD/DAC dwar il-ħall mill-irbit tal-ODA;

3.

Jenfasizza l-bżonn assolut għall-UE li timmira għall-ogħla livell ta’ koordinazzjoni biex tikseb koerenza mal-politiki Komunitarji l-oħra (l-ambjent, il-migrazzjoni, ir-riżorsi umani, l-agrikoltura, eċċ) u biex tevita li jkun hemm xogħol doppju jew nuqqas ta’ konsistenza fl-attivitajiet;

4.

Ifakkar li l-azzjonijiet immedjati u neċessarji li għandhom jittieħdu mill-UE biex din tittratta l-konsegwenzi drammatiċi tal-prezzijiet tal-ikel li qed jiżdiedu b’rata allarmanti ma għandhomx jinftiehmu u jitwettqu bħala parti mill-isforzi meħtieġa mill-Konsensus ta’ Monterrey; jistenna bil-ħerqa għalhekk proposta konkreta mill-Kummissjoni dwar l-użu ta’ fondi ta’ emerġenza;

5.

Jenfasizza li l-piż amministrattiv eċċessiv u sproporzjonat f’xi wħud mill-pajjiżi msieħba, ixekkel l-effettività tal-għajnuna għall-iżvilupp; jesprimi l-biża’ li dan il-piż jista’ jipperikola l-ilħuq tal-Għanijiet tal-Millennju għall-Iżvilupp (MDGs);

6.

Jinnota li l-UE għadha trid issib il-bilanċ it-tajjeb bejn żewġ approċċi kontradittorji dwar l-għajnuna għall-iżvilupp: minn naħa waħda, biex tafda lill-pajjiżi msieħba fl-allokazzjoni adegwata tal-fondi u biex tgħin lill-amministrazzjonijiet tagħhom jiżviluppaw l-istrumenti l-ġusti għall-implimentazzjoni tal-fondi; min-naħa l-oħra, biex tkun identifikata l-għajnuna finanzjarja sabiex tkun evitata allokazzjoni ħażina jew mingħajr effett tal-għajnuna;

7.

Jiġbed l-attenzjoni li l-UE hija d-donatur dinji ewlieni tal-ODA, li tirrappreżenta kważi 60 % tal-għajnuna għall-iżvilupp uffiċjali dinjija, u jilqa’ b’sodisfazzjon il-fatt li l-parti tal-UE tal-ODA globali qed tiżdied matul is-snin; madanakollu jitlob lill-Kummissjoni biex tipprovdi data ċara u trasparenti dwar is-sehem tal-baġit tal-UE ddedikat għall-għajnuna għall-iżvilupp tal-UE sabiex tevalwa s-segwitu tal-Konsensus ta’ Monterrey mid-donaturi Ewropej kollha; jesprimi wkoll id-dispjaċir tiegħu li l-livell tal-kontribuzzjonijiet finanzjarji tal-UE għall-pajjiżi li qed jiżviluppaw ma għandux viżjoni u jistieden lill-Kummissjoni biex tiżviluppa komunikazzjoni u strumenti ta’ informazzjoni xierqa u mmirati biex tiżdied il-viżjoni tal-għajnuna għall-iżvilupp tal-UE;

8.

Jilqa’ b’sodisfazzjon il-fatt li l-UE laħqet il-mira tagħha li torbot ta’ ODA li l-Komunità jkollha medja ta’ 0.39 % tal-GNI sa l-2006, iżda jinnota t-tnaqqis allarmanti tal-għajnuna tal-UE fl-2007 minn EUR 47,7 biljun fl-2006 (0.41 % tal-GNI kollettiv tal-UE) għal EUR 46.1 biljun fl-2007 (0.38 % tal-GNI kollettiv tal-UE) u jistieden lill-Istati Membri biex iżidu l-volumi tal-ODA biex jilħqu l-mira mwiegħda ta’ 0.56 % tal-GNI sal-2010;

9.

Jinsisti li ma għandux ikun hemm tnaqqis ieħor mill-ODA rappurtat fl-Istati Membri; jinnota li l-UE se tkun tat EUR 75 biljun inqas milli kien imwiegħed għall-perjodu 2005-2010 jekk se tkompli t-tendenza attwali;

10.

Jesprimi tħassib serju li l-maġġuranza tal-Istati Membri (18 minn 27, b’mod speċjali l-Latvja, l-Italja, il-Portugall, il-Greċja u r-Repubblika Ċeka) ma setgħux iżidu l-livell tagħhom tal-ODA bejn l-2006 u l-2007 u li kien hemm ukoll tnaqqis drammatiku ta’ aktar minn 10 % f’numru ta’ pajjiżi bħall-Belġju, Franza u r-Renju Unit; jistieden lill-Istati Membri biex jissodisfaw il-volumi ODA tagħhom li huma wiegħdu; jinnota b’sodisfazzjon li xi Stati Membri (id-Danimarka, l-Irlanda, il-Lussemburgu, Spanja, l-Iżvezja u l-Olanda) huma ċerti li se jilħqu l-miri tagħhom tal-ODA sa l-2010 u jinsab kunfidenti li dawn l-Istati Membri se jżommu l-livelli għoljin tagħhom ta’ ODA;

11.

Jilqa’ b’sodisfazzjon il-pożizzjoni soda tal-Kummissjoni fl-isforzi biex tikkonċentra kemm fuq il-kwantità u kemm fuq il-kwalità tal-għajnuna għall-iżvilupp mill-Istati Membri u jappoġġja b’mod sħiħ it-twissija tagħha kontra konsegwenzi negattivi potenzjalment għoljin għall-Istati Membri li jonqsu milli jissodisfaw l-impenji finanzjarji tagħhom; jistieden lill-Kummissjoni biex tuża l-ħila esperta u l-awtorità tagħha biex tikkonvinċi donaturi pubbliċi u privati oħra biex jonoraw il-wegħdiet finanzjarji tagħhom;

12.

Jinsab imħasseb ħafna li xi Stati Membri qed jiffinanzjaw b’mod retroattiv iż-żidiet ODA, sitwazzjoni li qed twassal għal telf nett għall-pajjiżi li qed jiżvilupaw ta’ aktar minn EUR 17-il biljun;

13.

Jilqa’ b’sodisfazzjon l-approċċ ta’ xi Stati Membri li jiżviluppaw skedi plurijennali li jorbtu għaż-żieda tal-livelli tal-ODA biex jilħqu l-mira tan-NU ta’ 0.7 % sa l-2015; jitlob lill-Istati Membri li għadhom m’għamlux dan biex jiżvelaw mill-aktar fis possibbli l-iskedi plurijennali tagħhom; jenfasizza li l-Istati Membri għandhom jadottaw dawn l-iskedi qabel is-Segwitu tal-Konferenza Internazzjonali dwar l-Iffinanzjar għall-Iżvilupp msemmija hawn fuq li għandha ssir f’Doha u għandhom jissodisfaw l-impenji tagħhom;

14.

Josserva li t-tnaqqis irrappurtat fl-2007 fil-livelli ta’ għajnuna kien minħabba li f’xi każijiet kien hemm żieda artifiċjali taċ-ċifri tal-2006 minħabba li nħafer xi dejn; jistieden lill-Istati Membri biex iżidu l-livelli tal-ODA b’mod sostenibbli billi jikkonċentraw fuq iċ-ċifri mingħajr id-dejn li nħafer;

15.

Jikkunsidra li d-diskrepanza bejn il-wegħdiet li jsiru ta’ spiss ta’ iktar assistenza finanzjarja u l-ammonti konsiderevolment inqas li attwalment jingħataw hija totalment mhux aċċettabbli u huwa mħasseb li xi Stati Membri qed juru nuqqas ta’ ħeġġa lejn l-għajnuna;

16.

Jenfasizza l-fatt li l-konsultazzjoni ma’ gvernijiet sħab, parlamenti nazzjonali u l-organizazzjonijiet tas-soċjetà ċivili hija kruċjali fit-teħid tad-deċiżjonijiet dwar il-volumi u d-destinazzjonijiet tal-ODA;

17.

Jenfasizza li l-assistenza teħtieġ li titwassal fil-ħin u jesprimi n-nuqqas ta’ sodisfazzjon tiegħu li l-proċessi biex titwassal l-assistenza huma ħafna drabi suġġetti għal dewmien bla bżonn;

18.

Jenfasizza l-bżonn li l-flessibilità tkun bilanċjata fit-twassil tal-fondi ta’ koperazzjoni, sabiex wieħed jirrispondi għaċ-ċirkustanzi li qed jinbidlu, bħall-prezzijiet tal-ikel li qed jogħlew bl-imperattiv għal iffinanzjar prevedibbli li jippermetti lill-pajjiżi msieħba jippjanaw żvilupp sostenibbli u adattament u mitigazzjoni għall-bidla fil-klima;

19.

Jitlob bis-sħiħ għall-osservanza ċara tal-prinċipji ta’ self u ffinanzjar responsabbli, li jagħmlu l-operazzjonijiet ta’ self u ta’ ffinanzjar sostenibbli f’termini ta’ żvilupp ekonomiku u ambjentali fuq il-linji u skond il-prinċipji tal-ekwatur; jistieden lill-Kummissjoni biex tipparteċipa fit-twaqqif ta’ prinċipji bħal dawn u biex tagħmel pressjoni fil-fora internazzjonali għal miżuri li jorbtu biex tpoġġihom fil-prattika b’tali mod li l-kopertura testendi għal parteċipanti tal-iżvilupp ġodda mis-setturi pubbliċi u privati;

20.

japprova b’mod sħiħ l-isforzi tal-pajjiżi li qed jiżviluppaw biex iżommu s-sostenibilità tad-dejn għal tul ta’ żmien u biex jimplimentaw l-inizjattiva tal-pajjiżi foqra li għandhom djun kbar (HIPC), li huma ta’ importanza ewlenija biex jintlaħqu l-MDGs; jiddispjaċih, madankollu, li l-pjani ta’ tnaqqis eskludew numru kbir ta’ pajjiżi li għalihom id-dejn jibqa’ ostakolu biex jilħqu l-MDGs;jinsisti dwar il-bżonn ta’ dibattitu internazzjonali urġenti dwar l-estensjoni tat-tnaqqis ta’ miżuri internazzjonali għal numru ta’ pajjiżi midjuna, li bħalissa jinsabu esklużi mill-inizjattiva HIPC;

21.

Jistieden lill-Kummissjoni biex tindirizza l-kwistjoni ta’ djun “mistmerra” jew illeġittimi, li jfissru djun li ġew minn self irresponsabbli, ta’ interessi individwali, bi traskuraġni jew b’mod inġust u l-prinċipji ta’ finanzi responsabbli f’negozjati bilaterali u multilaterali biex jittaffa d-dejn; jilqa’ b’sodisfazzjon is-sejħa għall-azzjoni tal-Kummissjoni biex tillimita d-drittijiet ta’ kredituri kummerċjali u vulture funds li jridu jitħallsu lura, fil-każ ta’ proċeduri ġudizzjarji;

22.

Jistieden lill-Istati Membri biex jimxu skond il-qafas ta’ sostenibilità tad-dejn u jisħqu fuq l-iżvilupp tiegħu biex jitqies id-dejn intern ta’ pajjiż u l-bżonnijiet finanzjarji tiegħu; jistieden lill-Istati Membri kollha biex jirrikonoxxu li r-responsabilità ta’ min isellef ma tinvolvix biss konformità mal-qafas ta’ sostenibilità, imma tinvolvi wkoll:

23.

Iħeġeġġ lill-UE biex tippromwovi sforzi internazzjonali li għandhom l-għan li jistabbilixxu xi forma ta’ proċeduri internazzjonali ta’ falliment jew proċedura ta’ arbitraġġ ġust u trasparenti biex tittratta b’mod effiċjenti u ġust ma’ kwalunkwe kriżi ta’ dejn fil-futur;

24.

Jiddispjaċih li l-Kummissjoni ma tagħmilx aktar enfasi dwar il-mobilizzazzjoni tar-riżorsi interni biex tiffinanzja l-iżvilupp, għax dawn huma riżorsi ta’ aktar awtonomija għall-pajjiżi li qed jiżviluppaw; jinkoraġġixxi lill-Istati Membri li jkunu involuti b’mod sħiħ fl-Inizjattiva ta’ Trasparenza fl-Industriji ta’ Estrazzjoni (EITI)u biex jitolbu li tkun imsaħħa; jistieden lill-Kummissjoni biex titlob lill-Bord tal-Istandards Internazzjonali ta’ Kontabilità (IASB) biex jinkludi fost dawn l-istandards internazzjonali ta’ kontabilità ħtieġa ta’ rappurtar pajjiż b’pajjiż tal-attivitajiet tal-kumpaniji multinazzjonali fis-setturi kollha;

25.

Jiddispjaċih li l-pakkett ta’ komunikazzjoni tal-Kummissjoni dwar l-effettività tal-għajnuna (COM(2008)0177) ma jsemmix il-ħarba mill-kapital bħala fattur ta’ riskju għall-ekonomiji ta’ pajjiżi li qed jiżviluppaw; jiġbed l-attenzjoni li l-ħarba mill-kapital tagħmel ħsara serja lill-iżvilupp ta’ sistemi ekonomiċi sostenibbli fil-pajjiżi li qed jiżviluppaw u jiġbed l-attenzjoni li kull sena l-evażjoni tat-taxxa tiswa lill-pajjiżi li qed jiżviluppaw aktar milli jirċievu fil-forma ta’ ODA; jistieden lill-Kummissjoni biex tinkludi fil-politiki tagħha miżuri li jevitaw li ssir ħarba mill-kapital, kif mitlub mill-Konsensus ta’ Monterrey, li jinkludu analiżi ċara tal-kawżi tal-ħarba mill-kapital, bil-għan li jingħalqu r-refuġji fiskali (tax havens), li xi ftit minnhom jinsabu fl-UE jew joperaw mill-qrib mal-Istati Membri;

26.

Jinnota, b’mod partikolari, li skond il-Bank Dinji il-komponent illegali minn din il-ħarba mill-kapital jammonta għal bejn 1 000 sa 1 600 biljun Dollaru Amerikan kull sena, li nofshom jiġu mill-pajjiżi li qed jiżviluppaw; jappoġġja l-isforzi internazzjonali biex jiġu ffriżati u rkuprati l-assi misruqa u jitlob lill-Istati Membri li għadhom m’għamlux hekk biex jirratifikaw il-Konvenzjoni tan-Nazzjonijiet Uniti kontra l-korruzzjoni; jiddeplora l-fatt li mhux qed isiru sforzi simili biex tiġi miġġielda l-evażjoni tat-taxxa u jitlob lill-Kummissjoni u lill-Istati Membri biex jippromwovu l-estensjoni globali tal-prinċipju tal-iskambju awtomatiku tal-informazzjoni dwar it-taxxa, jitolbu li l-Kodiċi ta’ Kondotta dwar l-evażjoni tat-taxxa li qed titfassal fil-preżent fil-Kunsill Ekonomiku u Soċjali tan-Nazzjonijiet Uniti (UN ECOSOC) jiġi anness mad-dikjarazzjoni ta’ Doha u jappoġġjaw it-trasformazzjoni tal-Kumitat ta’ Esperti dwar il-Koperazzjoni Internazzjonali fir-rigward tat-Tassazzjoni tan-NU f’korp ġenwin intergovernattiv mgħammar b’riżorsi addizzjonali biex ikun jista’ jiġġieled il-ġlieda internazzjonali kontra l-evażjoni tat-taxxa flimkien mal-OECD;

27.

Jilqa’ b’sodisfazzjon il-proposti għal mekkaniżmi finanzjarji innovattivi mressqa mill-Istati Membri u jistieden lill-Kummissjoni biex teżaminahom skond il-livell ta’ faċilità ta’ implimentazzjoni prattika, ta’ sostenibilità, ta’ addizzjonalità, ta’ spejjeż tat-tranżazzjoni u ta’ effettività; jitlob li jkun hemm mekkaniżmi u strumenti finanzjarji li jipprovdu fondi ġodda u li ma jpoġġux flussi finanzjarji futuri f’riskju;

28.

Jitlob li jkun hemm mekkaniżmi u strumenti finanzjarji li jipprovdu miżuri li jsaħħu flus privati kif stipulat fil-Konsensus ta’ Monterrey u li japplikaw b’mod effettiv il-garanziji ta’ kreditu;

29.

Jistieden lill-Kummissjoni biex issaħħaħ b’mod qawwi l-finanzjament għall-miżuri t’adattament u mitigazzjoni tat-tibdil fil-klima fil-pajjiżi li qed jiżviluppaw, b’mod partikolari dawk tal-Alleanza dwar it-Tibdil fil-Klima Globali; jenfasizza l-bżonn akut għal finanzjament lil hinn minn flussi attwali tal-ODA għaliex l-ODA weħidha m’għandhiex tipprovdi appoġġ adegwat għall-miżuri ta’ adattament u mitigazzjoni tat-tibdil fil-klima fil-pajjiżi li qed jiżviluppaw; jenfasizza li għal dan il-għan għandhom jiġu żviluppati b’mod urġenti mekkaniżmi ta’ finanzjament innovattivi, bħal ma huma taxxi fuq l-avjazzjoni u l-kummerċ fiż-żejt, kif ukoll l-identifikar tad-dħul mill-irkant tas-Skema tal-Kummerċ tal-Emissjonijiet tal-UE (EU ETS);

30.

Jilqa’ b’sodisfazzjon il-proposta tal-Kummissjoni li tistabbilixxi Mekkaniżmu ta’ Finanzjament tal-Klima Globali, ibbażat fuq il-prinċipju ta’ għajnuna antiċipata biex tiffinanzja miżuri ta’ mitigazzjoni u adattament fil-pajjiżi li qed jiżviluppaw; jistieden lill-Istati Membri u lill-Kummissjoni biex jagħmlu impenji finanzjarji sostanzjali sabiex jimplimentaw il-proposta b’mod urġenti;

31.

Jistieden lill-Kummissjoni u lill-Istati Membri sabiex jidentifikaw mill-inqas 25 % mid-dħul futur tal-irkant mill-UE ETS biex jiffinanzjaw miżuri ta’ adattament u mitigazzjoni għat-tibdil fil-klima fil-pajjiżi li qed jiżviluppaw;

32.

Jistieden lill-Kummissjoni biex tiżviluppa aċċess għall-iffinanzjar għal impriżi żgħar u għall-bdiewa, bħal mezz kif tiżdied il-produzzjoni tal-ikel u kif tinstab soluzzjoni sostenibbli għall-kriżi tal-ikel;

33.

Jistieden lill-Bank Ewropew tal-Investiment (EIB) biex jinvestiga l-possibilitajiet għat-twaqqif immedjat ta’ fond ta’ garanzija li jappoġġja skemi ta’ mikrokreditu u skemi ta’ lqugħ għar-riskju (risk-hedging) li jirrispondu mill-viċin għall-bżonnijiet tal-produtturi tal-ikel lokali f’pajjiżi li qed jiżviluppaw li huma ifqar;

34.

Jilqa’ b’sodisfazzjon il-proposta biex jitwaqqaf fond multidonatur li għandu x’jaqsam mas-sessi li tnieda fin-NU u li se jkun immexxi mill-Fond għall-Iżvilupp tan-Nisa tan-Nazzjonijiet Uniti (UNIFEM), bil-għan li jippromwovi u jiffinanzja politiki ta’ ugwaljanza bejn is-sessi f’pajjiżi li qed jiżviluppaw; jistieden lill-Kunsill u lill-Kummissjoni biex jevalwaw u japprovaw din l-inizjattiva internazzjonali;

35.

Jitlob li jiġu rduppjati l-isforzi li jinkoraġġixxu l-iżvilupp tas-servizzi finanzjarji, minħabba li s-settur bankarju għandu l-potenzjal li jillibera l-finanzjament lokali għall-iżvilupp u li barra minn hekk settur tas-servizzi finanzjarji stabbli huwa l-aħjar mod biex tiġi miġġielda l-ħarba tal-kapital;

36.

Jistieden lill-partijiet interessati biex japprezzaw b’mod sħiħ il-potenzjal enormi tad-dħul mir-riżorsi naturali; f’dan ir-rigward jara li huwa essenzjali li l-industriji tar-riżorsi jkunu trasparenti; jikkunsidra li, filwaqt li l-EITI u l-Proċess Kimberly qed jimxu fid-direzzjoni t-tajba, għandu bżonn isir ħafna aktar biex tiġi nkorraġita t-tmexxija trasparenti tat-tmexxija tal-industriji tar-riżorsi u d-dħul tagħhom;

37.

Jistieden lill-Kunsill u lill-Kummissjoni biex jinkludu l-Fond Ewropew għall-Iżvilupp fil-baġit tal-UE fir-Reviżjoni ta’ Nofs it-Terminu tal-2008/2009, sabiex tissaħħaħ il-leġittimità demokratika ta’ parti importanti tal-politika tal-iżvilupp tal-UE u l-baġit tagħha;

38.

Jinnota l-ewwel pass li ttieħed f’April 2008 lejn rappreżentazzjoni aħjar ta’ pajjiżi li qed jiżviluppaw fl-Fond Monentarju Internazzjonali (IMF); jiddispjaċih li l-kejl ibbażat fuq il-ġid ikompli jirregola l-analiżi tad-drittijiet tal-vot fl-IMF; jitlob lill-Kummissjoni u lill-Istati Membri biex juru l-interess tagħhom fit-teħid tad-deċiżjoni b’maġġoranza doppja(azzjonisti/Stati) fl-istituzzjoni responsabbli għall-istabilità finanzjarja internazzjonali, l-IMF;

39.

Jistieden lill-Kummissjoni u lill-Istati Membri biex jużaw il-Konferenza Internazzjonali ta’ Segwitu dwar l-Iffinanzjar għall-Iżvilupp imsemmija hawn fuq, li għandha ssir f’Doha, bħala opportunità biex tkun preżentata pożizzjoni komuni tal-UE dwar l-iżvilupp immirata għall-ilħuq tal-MDGs permezz ta’ approċċ sostenibbli;

40.

Jistieden lill-Istati Membri biex jagħmlu riforma mgħaġġla u ambizzjuża tal-Bank Dinji sabiex dawk li huma l-aktar ikkonċernati direttament bil-programmi tiegħu jkunu rappreżentati aħjar;

41.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lis-Segretarju Ġenerali tan-Nazzjonijiet Uniti u lill-kapijiet tal-Organizzazzjoni Dinjija tal-Kummerċ, lill-IMF, lill-Grupp tal-Bank Dinji u lill-UN ECOSOC.

14.1.2010   

MT

Il-Ġurnal Uffiċjali tal-Unjoni Ewropea

CE 8/7

A.

billi jilqa' b'sodisfazzjon il-pubblikazzjoni ta' Tabella ta' Evalwazzjoni tas-Suq Intern, li tgħin biex jitnaqqas l-iżbilanċ ta' traspożizzjoni,

B.

billi l-Istati Membri kollha huma obbligati bil-liġi li jittrasponu d-direttivi kollha tas-Suq Intern sa l-iskadenzi preskritti,

C.

billi l-għan ewlieni tat-Tabella ta' Evalwazzjoni huwa li tistimula l-Istati Membri biex jiżguraw li t-traspożizzjoni ssir fil-ħin,

D.

billi l-iżbilanċ attwali ta' 1,2 % huwa taħt il-mira futura ta' 1,0 % miftiehma bejn il-Kapijiet tal-Istat u tal-Gvern fl-2007,

E.

billi l-fattur ta' frammentazzjoni huwa ta' 8 %, li jfisser li 124 direttiva ma kinux trasposti f'tal-anqas Stat Membru wieħed,

F.

billi jeżistu differenzi bejn il-livelli ta' traspożizzjoni li twettqet fid-diversi Stati Membri,

G.

billi direttiva tista' ma tkunx kompletament effettiva, anke jekk tkun ġiet trasposta kif jixraq u b'ħeffa, b'mod partikulari meta l-implimentazzjoni tagħha toħloq sitwazzjonijiet ta' inċertezza legali li jwasslu għal ilmenti quddiem il-Qorti Ewropea tal-Ġustizzja u jfixklu t-tħaddim effettiv tas-Suq Intern,

H.

billi n-numru ta' proċeduri ta' ksur li għadhom ma kinux ingħalqux għadu għoli ħafna u li ħafna minn dan il-ksur għandu x'jaqsam ma' nuqqas ta' traspożizzjoni jew traspożizzjoni mhux korretta,

I.

billi jista' jinkiseb vantaġġ mhux ġust bl-evażjoni ta' ċerti direttivi minħabba n-nuqqas ta' traspożizzjoni jew minħabba traspożizzjoni mhux xierqa,

J.

billi l-implimentazzjoni tad-direttivi dwar is-Suq Intern hija kruċjali għat-twettiq tal-Aġenda ta' Liżbona u tal-Aġenda ta' Göteborg dwar l-Iżvilupp Sostenibbli;

K.

K billi l-medja taż-żmien meħtieġ sabiex proċedura ta' ksur titressaq quddiem il-Qorti Ewropea tal-Ġustizzja taqbeż l-20 xahar,

L.

L billi xi Stati Membri ma jirrispettawx id-deċiżjonijiet tal-Qorti Ewropea tal-Ġustizzja dwar każijiet ta' ksur, li huwa ta' aktar ħsara għat-tħaddim tas-Suq Intern,

M.

billi l-piż amministrattiv fl-Istati Membri huwa kbir wisq u dan huwa riżultat kemm tal-leġiżlazzjoni nazzjonali kif ukoll ta' dik Komunitarja;

1.

Jenfasizza li l-implimentazzjoni f'waqtha, it-traspożizzjoni korretta u l-applikazzjoni korretta tad-direttivi dwar is-Suq Intern huma prerekwiżiti għat-tħaddim effettiv tas-suq intern, u għandhom implikazzjonijiet ukoll għall-kompetittività u għall-bilanċ ekonomiku u soċjali ġewwa l-UE;

2.

Jenfasizza l-importanza li jkun hemm sens ta' pussess tas-Suq Intern fil-livelli nazzjonali, reġjonali u lokali; jenfasizza l-irwol tal-Kummissjoni li joħloq sħubijiet għal dan l-għan fil-proċessi relatati ta' tfassil ta' politika;

3.

Ifakkar li mill-2009 l-mira għall-iżbilanċ tat-traspożizzjoni se tkun ta' 1,0 %; iħeġġeġ lill-Istati Membri biex jieħdu azzjoni biex jilħqu din il-mira;

4.

Iħeġġeġ lil dawk l-Istati Membri bi żbilanċ partikolarment għoli biex jieħdu azzjoni immedjata u biex il-Kummissjoni taħdem magħhom mill-qrib bl-għan li tittejjeb is-sitwazzjoni; jinnota li xi Stati Membri taw prova li huwa possibbli li jitnaqqas l-iżbilanċ b'mod sinifikanti u bil-ħeffa;

5.

Ifakkar li kemm l-Istati Membri kif ukoll il-Kummissjoni jridu jittrattaw il-problema tal-fattur ta' frammentazzjoni għoli b'mod urġenti;

6.

Jiddispjaċih li l-Istati Membri kultant iżidu aktar rekwiżiti meta jkunu qed jittrasponu d-direttivi fil-liġi nazzjonali; huwa tal-fehma li din ir-regolamentazzjoni żejda (l-hekk imsejjaħ “kisi bid-deheb”) tfixkel it-tħaddim effettiv tas-Suq Intern;

7.

Huwa tal-fehma li Suq Intern b'saħħtu, miftuħ u kompettitiv, li jaġixxi bħala parti essenzjali mir-risposta tal-Ewropa għall-isfidi tal-globalizzazzjoni billi jippromwovi l-kompettitività tal-industrija Ewropea, isaħħaħ l-inċentivi għall-investiment barrani fl-Ewropa u jiżgura d-drittijiet tal-konsumaturi fl-Ewropa; id-dimensjoni esterna għandha titqies mill-Kummissjoni meta taddotta inizjattivi ġodda rigward is-Suq Intern;

8.

Ifakkar li biex ikun hemm Suq Intern aktar miftuħ u kompetittiv, jinħtieġu għodda aktar immirati u stretti biex itejbu l-ġlieda kontra l-iffalsifikar u l-ikkuppjar illegali;

9.

Jistieden lill-Istati Membri biex jindirizzaw b'mod urġenti t-traspożizzjoni korretta u l-applikazzjoni tad-direttivi tas-Suq Intern permezz tal-użu ta' linji gwida u l-aħjar prattiki eżistenti; iħeġġeġ biex ikunu żviluppati mezzi iktar preċiżi biex jindirizzaw dan in-nuqqas;

10.

Jistieden lill-Kummissjoni sabiex tħaffef il-proċess tas-sejbien ta' soluzzjoni għat-tilwimiet fi stadju bikri u sabiex tenfasizza dawk il-vjolazzjonijiet li għandhom l-aktar konsegwenzi serji għaċ-ċittadini Ewropej; jinkuraġġixxi bl-istess mod lill-Kummissjoni sabiex tippreżenta lista tal-każijiet ta' ksur imressqa quddiem il-Qorti Ewropea tal-Ġustizzja sabiex tagħti informazzjoni dettaljata dwar ir-reat ikkonċernat;

11.

Jistieden lill-Istati Membri biex jissodisfaw l-obbligi tagħhom skond is-sentenzi tal-Qorti Ewropea tal-Ġustizzja;

12.

Huwa tal-fehma li waqt li t-Tabella ta' Evalwazzjoni għandha sservi primarjament biex tinkoraġġixxi t-traspożizzjoni f'waqtha u korretta, din tista' tkun ukoll żviluppata aktar bħala strument li jgħin lil dawk li jfasslu l-politika biex jidentifikaw l-ostakoli u x-xkiel differenti u biex jidentifikaw bi preċiżjoni fejn ikun hemm bżonn ta' inizjattivi ġodda; jistieden lill-Kummissjoni biex twessa' u tapprofondixxi l-firxa ta' informazzjoni u indikaturi inklużi fit-Tabella ta' Evalwazzjoni, b'mod partikulari l-kwalità, il-kundizzjonijiet soċjali tal-ħaddiema u l-impatt fuq l-ambjent u fuq il-bidla fil-klima;

13.

Jistieden lill-Kummissjoni sabiex tinkludi sommarju li jinftiehem faċilment fit-Tabelli ta' Evalwazzjoni tal-ġejjieni sabiex tiżdied l-aċċessibilità għaċ-ċittadini u l-partijiet interessati oħra; jinkuraġġixxi lill-entitajiet tal-UE u nazzjonali rilevanti sabiex jippubblikaw it-Tabbella ta' Evalwazzjoni fuq il-websajts tagħhom u sabiex isaħħu l-isforzi tagħhom biex jippromwovu t-Tabella ta' Evalwazzjoni mal-mezzi tal-midja;

14.

Jiddispjaċih li t-Tabella ta' Evalwazzjoni ma tipprovdix informazzjoni dwar direttivi li ma kinux trasposti; huwa tal-fehma li ċerti direttivi, pereżempju d-Direttiva 2006/123/KE tal-Parlament Ewropew u tal-Kunsill tat-12 ta' Diċembru 2006 dwar is-servizzi fis-suq intern (3), huma aktar importanti għat-tħaddim effettiv tas-Suq Intern minn oħrajn; jistieden lill-Kummissjoni biex tqis indikaturi li jirriflettu aħjar l-importanza relattiva tad-direttivi għall-industrija u ċ-ċittadini f'diversi setturi; huwa tal-fehma li l-evalwazzjonijiet tal-impatt imwettqa mill-Kummissjoni jistgħu jkunu rilevanti għal dan l-iskop;

15.

Ifakkar li l-kwalità tal-leġiżlazzjoni tal-Komunità u l-implimentazzjoni tagħha hija ta' importanza ewlenija għall-iffunzjonar xieraq tas-Suq Intern, u li n-numru ta' każijiet quddiem il-Qorti Ewropea tal-Ġustizzja li għandhom x'jaqsmu ma' dispożizzjonijiet mhux ċari u l-implimentazzjoni inkorretta ta' leġislazzjoni sekondarja juri l-ħtieġa li l-leġiżlazzjoni tal-Komunità tiġi abbozzata b'mod aktar preċiż; għalhekk jistieden lill-Kummissjoni biex tintroduċi indikaturi fit-Tabella ta' Evalwazzjoni dwar in-numru ta' proċeduri quddiem il-Qorti Ewropea tal-Ġustizzja dwar il-kwalità ta' leġiżlazzjoni sekondarja, kif ukoll l-implimentazzjoni inkorretta tagħha;

16.

Jilqa' b'sodisfazzjon l-intenzjoni tal-Kummissjoni li tintroduċi metodu iktar sistematiku għall-monitoraġġ tat-tħaddim ta' swieq ewlenija tal-prodotti u s-servizzi sabiex ikunu żvelati in-nuqqasijiet fis-swieq u jkunu promossi strumenti ta' politika iktar effettivi; għalhekk jitlob li tkun inkluża informazzjoni iktar speċifika għas-setturi u għall-Istati Membri fit-Tabella ta' Evalwazzjoni u għall-inklużjoni ta' informazzjoni preċiża; jitlob li jkunu inklużi wkoll indikaturi li għandhom x'jaqsmu mal-aspetti transkonfinali tal-akkwist pubbliku;

17.

Jistieden lill-Kummissjoni sabiex tiżgura, skond il-punt 34 tal-Ftehima Interistituzzjonali dwar tfassil aħjar tal-liġijiet, li l-proposti kollha tagħha għal direttivi għandu jkun fihom dispożizzjoni speċifika li tobbliga lill-Istati Membri li jfasslu tabelli li juru r-rabta bejn l-att ikkonċernat u l-miżuri ta' traspożizzjoni, kif ukoll il-komunikazzjoni ta' dawn it-tabelli lill-Kummissjoni; jiddispjaċih, f'dan ir-rigward, li l-Istati Membri qed idgħajfu l-isforzi tal-Kummissjoni u tal-Parlament fir-rigward tat-trasparenza billi jopponu l-klawsola jew li jġibuha premessa li ma torbotx;

18.

Iqis li l-kisba tal-Aġenda ta' Liżbona u l-Aġenda ta' Göteborg dwar l-Iżvilupp Sostenibbli se tkun prijorità politika, u jenfasizza b'mod partikulari l-importanza tal-implimentazzjoni ta' dawk id-direttivi meħtieġa biex tintlaħaq; jistieden lill-Kunsill biex jagħti rwol ewlieni lill-kwistjonijiet li għandhom x'jaqsmu mas-Suq Intern fl-istrateġija riveduta ta' wara l-2010;

19.

Jilqa' b'sodisfazzjon l-intenzjoni tal-Kummissjoni li tiżviluppa strumenti li jtejbu l-politika u l-mezzi li għandhom x'jaqsmu mas-Suq Intern billi jqiegħdu l-politika rigward is-Suq Intern fuq bażi ta' provi iktar milli hi bħalissa, u jagħmluha aktar immirata, deċentralizzata u aċċessibbli, kif ukoll jikkomunikawha aħjar;

20.

Jistieden lill-Kummissjoni biex, permezz ta' inkjesti fid-diversi oqsma, Stħarriġ fil-qasam tan-Negozju, Stħarriġ mal-Konsumaturi, jew mezzi oħra, tevalwa l-kwalità u l-koerenza tal-implimentazjoni fl-Istati Membri sabiex tiggarantixxi t-tħaddim effettiv tal-leġiżlazzjoni;

21.

Jenfasizza l-fatt li implimentazzjoni li ssir tard jew b'mod mhux korrett iċċaħħad lill-konsumaturi u lill-impriżi mid-drittijiet tagħhom, tagħmel ħsara lill-ekonomija Ewropea u ddgħajjef il-fiduċja fis-Suq Intern; jistieden lill-Kummissjoni biex tiżviluppa indikaturi li jqisu l-ispejjeż li jkollhom iċ-ċittadini u l-industrija bħala riżultat ta' traspożizzjoni li ssir tard jew b'mod mhux korrett, u jistieden lill-Kummissjoni sabiex tiżviluppa ukoll indikaturi li jirriflettu r-rabta bejn ir-rendiment tat-traspożizzjoni u l-proċeduri ta' ksur miġjuba kontra Stati Membri;

22.

Jilqa' b'sodisfazzjon l-intenzjoni tal-Kummissjoni li tressaq iktar inizjattivi għal regolamentazzjoni aħjar, b'mod partikulari biex jittejbu l-istudji tal-impatt u jitnaqqsu l-piżijiet amministrattivi peress li dan jikkontribwixxi wkoll għat-tħaddim aktar effettiv tas-Suq Intern; huwa tal-fehma li l-ħidma fuq dawn il-kwistjonijiet hija interkonnessa u teħtieġ li tiġi ttrattata b'mod konsistenti;

23.

Jilqa' b'sodisfazzjon l-objettiv li l-piżijiet amministrattivi fl-UE jitnaqqsu b'25 % sa l-2012; jistieden lill-Istati Membri sabiex jieħdu azzjoni sabiex jiksbu dan l-objettiv; huwa tal-fehma li t-Tabella ta' Evalwazzjoni għandha tkejjel l-isforzi u l-progress relatati fuq livell nazzjonali u fuq livell Komunitarju; għalhekk jistieden lill-Kummissjoni sabiex tikkunsidra li ddaħħal kapitolu fit-Tabella ta' Evalwazzjoni dwar din il-kwistjoni;

24.

Jiddispjaċih li, f'dak li huwa l-moviment ħieles fis-Suq Intern, iċ-ċittadini għadhom iħabbtu wiċċhom ma' ħafna ostakoli; jinnota, f'dan ir-rigward, li 15 % tal-każijiet SOLVIT indirizzati fl-2007 kienu jikkonċernaw il-moviment ħieles tal-persuni u ċ-ċittadinanza tal-UE; għaldaqstant jistieden lill-Istati Membri u lill-Kummissjoni sabiex iżidu l-isforzi tagħhom biex jiżguraw li jkun hemm moviment ħieles tal-persuni; b'mod partikulari jistieden lill-Istati Membri sabiex jistabbilixxu “one-stop shops” li jkunu jistgħu jassistu lill-persuni fil-kwistjonijiet legali u prattiċi kollha meta dawn jiċċaqalqu fi ħdan is-Suq Intern; jistieden ukoll lill-Kummissjoni sabiex tiżviluppa indikaturi, biex jiddaħħlu fit-Tabbella ta' Evalwazzjoni, li jkejlu l-ostakoli għall-moviment ħieles tal-persuni;

25.

Itenni l-għan li titħaddem aħjar il-leġiżlazzjoni tas-Suq Intern; huwa tal-fehma li implimentazzjoni mtejba tiddependi wkoll fuq l-iżvilupp ta' koperazzjoni prattika u s-sħubija bejn l-amministrazzjonijiet; jistieden lill-Istati Membri u lill-Kummissjoni sabiex ikomplu jiżviluppaw sistemi ta' skambju tal-aħjar prattiki; jenfasizza li, minħabba n-numru ta' awtoritajiet fil-livelli lokali, reġjonali u nazzjonali, hemm bżonn li l-koperazzjoni amministrattiva u s-simplifikazzjoni jkunu promossi u appoġġjati b'mod attiv; jirrimarka li s-sistema ta' informazzjoni dwar is-Suq Intern għandha l-potenzjal li jkollha rwol ewlieni fil-kisba ta' dan il-għan;

26.

Jistieden lill-Istati Membri sabiex jistabbilixxu ċentri nazzjonali tas-Suq Intern sabiex jippromwovu l-koordinazzjoni, is-simplifikazzjoni u l-viżibiltà politika tal-isforzi tagħhom sabiex is-Suq Intern ikun jaħdem; jenfasizza li dawn iċ-ċentri għandhom ikunu stabbiliti f'entitajiet li diġà jeżistu, pereżempju fil-Punti Waħdanin nazzjonali ta' Kuntatt; iħeġġeġ lill-Istati Membri sabiex jiżguraw li jkun hemm għarfien prattiku mtejjeb dwar il-liġi tal-UE fil-livelli kollha tal-amministrazzjoni nazzjonali sabiex jiġi żgurat li ċ-ċittadini u n-negozji ma jħabbtux wiċċhom ma' piżijiet u ostakoli bla bżonn li jirriżultaw min-nuqqas ta' fehim tar-regoli;

27.

Jilqa' b'sodisfazzjon il-ħidma tal-Kummissjoni biex tistabbilixxi sħubijiet mal-Istati Membri fil-proċess ta' implimentazzjoni permezz ta' gruppi ta' ħidma, netwerks f'oqsma speċifiċi, laqgħat ma' esperti nazzjonali u linji gwida għall-implimentazzjoni; jemmen li x-xogħol tal-Kummissjoni rigward l-implimentazzjoni tad-Direttiva 2006/123/KE se tkun suċċess li għandu jkun ripetut fil-futur; jenfasizza li l-Parlament għandu jinżamm kontinwament infurmat dwar il-proċessi ta' implimentazzjoni;

28.

Jenfasizza li permezz tan-netwerk SOLVIT ta' sikwit jinstabu problemi ta' implimentazzjoni; jinnota bi tħassib li fiċ-ċentri SOLVIT ta' sikwit ikun hemm nuqqas ta' persunal u li l-perjodu medju li każ idum ikun trattat huwa ta' iktar minn 10 ġimgħat; jistieden lill-Istati Membri biex jiżguraw li fiċ-ċentri SOLVIT ikun hemm numru xieraq ta' persunal u li l-Istati Membri u l-Kummissjoni jtejbu l-effiċjenza amministrattiva sabiex inaqqsu b'mod notevoli t-tul ta' żmien li fih każ ikun trattat; barra minn hekk jistieden lill-Istati Membri sabiex jagħmlu sforz akbar biex jippromwovu s-servizzi tan-netwerk SOLVIT permezz tal-mezzi xierqa ta' informazzjoni sabiex tiżdied il-familjarità taċ-ċittadini u tan-negozji mas-SOLVIT.

29.

Jilqa' b'sodisfazzjon l-intenzjoni tal-Kummissjoni li ttejjeb is-sistema ta' filtru tal-mistoqsijiet u tal-ilmenti min-negozji u miċ-ċittadini permezz tas-SOLVIT u ta' Servizzi oħra ta' Għajnuna dwar is-Suq Wieħed sabiex tiżgura li jkunu mgħoddija immedjatament lill-entità amministrattiva xierqa irrispettivament minn liema netwerk jittressqu; jenfasizza li l-esperjenzi mis-SOLVIT għandhom jiddaħħlu fil-proċess ta' tfassil ta' politika nazzjonali u tal-UE, u dan iwassal għal tibdiliet strutturali jew regolatorji fejn meħtieġ;

30.

Jitlob lill-Kummissjoni, f'koperazzjoni mal-Parlament u mal-Presidenza tal-Kunsill, biex torganizza Forum dwar is-Suq Intern kull sena bil-parteċipazzjoni tal-Istati Membri u partijiet interessati oħra sabiex ikun stabbilit impenn iktar ċar għall-implimentazzjoni xierqa fiż-żmien xieraq u biex ikun provdut forum fejn ikunu definiti l-kriterji (“benchmarking”) u għall-iskambju tal-aħjar prattiki;

31.

Jistieden lill-Kunsill sabiex jagħti prijorità ogħla lil kwistjonijiet ta' Suq Intern jew billi jistabilixxi formazzjoni ġdida tal-Kunsill li tindirizza dawn il-kwistjonijiet jew billi jagħtihom l-ogħla prijorità fuq l-aġenda fil-Kunsill ta' Kompetittività attwali;

32.

Ifakkar fir-riżoluzzjoni tiegħu msemmija hawn fuq dwar ir-Reviżjoni tas-Suq Wieħed, fejn talab lill-Kummissjoni biex tistabbilixxi Test tas-Suq Intern; jistieden lill-Kummissjoni biex tieħu azzjoni sabiex tintroduċi test bħal dan;

33.

Huwa tal-fehma li kemm it-Tabella ta' Evalwazzjoni tas-Suq Intern u kemm it-Tabella ta' Evalwazzjoni tas-Swieq tal-Konsumaturi jservu biex ikun promoss Suq Intern aħjar għall-benefiċċju taċ-ċittadini u tal-konsumaturi;

34.

Jilqa' b'sodisfazzjon l-intenzjoni tal-Kummissjoni li tiżgura li ssir komunikazzjoni aħjar dwar is-Suq Intern u huwa tal-fehma li ż-żewġ Tabelli ta' Evalwazzjoni huma passi importanti għal dak il-għan;

35.

Jenfassiza li waqt li ż-żewġ Tabelli ta' Evalwazzjoni huma marbutin bejniethom u li huwa importanti li l-iżvilupp koerenti tagħhom ikun promoss, madankollu dawn huma indirizzati lejn udjenzi differenti u għaldaqstant għandhom jinżammu separati u jużaw settijiet ta' indikaturi differenti;

36.

Huwa tal-fehma li reviżjoni tal-indikaturi użati kif ukoll tar-relazzjoni bejn iż-żewġ Tabelli ta' Evalwazzjoni għandha ssir fuq bażi regolari sabiex dawn jiġu adattati għall-iżviluppi fis-Suq Intern;

37.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni u lill-gvernijiet u lill-parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/12

A.

billi l-edukazzjoni u t-taħriġ ta' kwalità għolja għandhom benefiċċji minn ħafna aspetti li jmorru lil hinn mill-ħolqien tal-impjiegi u l-promozzjoni tal-kompetittività, u huma komponenti importanti tat-tagħlim li jibqa’ għaddej tul il-ħajja tal-bniedem,

B.

billi hemm bżonn li jiġu edukati individwi biex isiru awtosuffiċjenti, infurmati u impenjati lejn soċjetà koeżiva, u billi l-kwalità tat-tagħlim hija fattur kritiku fil-kontribuzzjoni għall-koeżjoni soċjali u ekonomika tal-Unjoni Ewropea kif ukoll għall-ħolqien tal-impiegi, il-kompetittività u l-potenzjal tat-tkabbir tagħha f'dinja li qed tiġi globalizzata,

C.

billi l-Fond Soċjali Ewropew jista' jwettaq irwol importanti fl-iżvilupp tal-edukazzjoni u t-taħriġ peress li jikkontribwixxi għal edukazzjoni aħjar tal-għalliema,

D.

billi l-kwalità tat-taħriġ tal-għalliema huwa rifless fil-prattika edukattiva u għandu effett dirett mhux biss fuq il-livell tal-għarfien tat-tfal tal-iskola iżda wkoll fuq il-formazzjoni tal-personalità tagħhom b'mod partikulari matul l-ewwel snin tal-esperjenza skolastika tagħhom,

E.

billi l-isfidi li tiffaċċja l-professjoni tal-għalliema qed jiżdiedu aktar ma l-ambjenti edukattivi kulma jmur isiru aktar kumplessi u eteroġeni; billi dawn l-isfidi jinkludu avvanzi fit-Teknoloġiji tal-Informazzjoni u tal-Komunikazzjoni (ICT), bidliet fl-istrutturi soċjali u tal-familja, u t-taħlita dejjem aktar diversa ta' studenti f'ħafna skejjel li jiriżulta miż-żieda fl-immigrazzjoni u mill-fatt li qed jinbtu soċjetajiet multikulturali, iż-żieda fl-awtonomija tal-iskejjel, li ġġib magħha żieda fid-dmirijiet tal-għalliema, u l-ħtieġa li tingħata aktar attenzjoni lill-bżonnijiet ta' tagħlim ta' alljievi individwali,

F.

billi hemm korrelazzjoni ċara u pożittiva bejn it-taħriġ tal-għalliema li jkun ta' kwalità għolja u l-fatt li l-aljievi jiksbu rati ta' suċċess għolja,

G.

billi minħabba l-fatt li qed ikun ipprovdut aktar u aktar tagħrif flimkien mad-diġitalizzazzjoni li għaddejja fil-preżent, trid tkun żviluppata l-kapaċità biex jintużaw b'mod effettiv il-media u l-kontenut tagħhom skont l-għanijiet u l-ħtiġijiet tal-individwu, u billi l-edukazzjoni dwar il-media hija tip ta' approċċ pedagoġiku lejn il-media li għandu jħalli lill-utenti jiżviluppaw approċċ kritiku u ta' riflessjoni fl-użu tal-media kollha,

H.

billi aktar minn 80 % tal-għalliema tal-iskejjel primarji u 97 % tal-għalliema fl-edukazzjoni ta' qabel l-iskola formali fl-Unjoni huma nisa, filwaqt li fl-edukazzjoni sekondarja ċ-ċifra ekwivalenti hija biss ta' 60 %,

I.

billi l-kwalità tal-edukazzjoni tal-għalliema tista' taffettwa l-livelli ta' kemm alljievi jitilqu mill-iskola qabel iż-żmien u l-ħiliet tal-qari tal-istudenti,

J.

billi l-edukazzjoni ta' qabel tibda l-iskola formali u l-edukazzjoni primarja għandhom impatt partikularment kritiku fuq dak li t-tfal eventwalment jiksbu mil-lat edukattiv,

K.

billi b'aktar minn 27 sistema differenti ta' taħriġ tal-għalliema stabbilita madwar l-Unjoni, l-isfidi li qed jiffaċċjaw lill-professjoni tal-għalliema madankollu huma, essenzjalment, komuni għall-Istati Membri kollha,

L.

billi t-tagħlim huwa professjoni vokazzjonali li fiha livelli għolja ta' sodisfazzjoni bix-xogħol huma importanti biex staff tajjeb jinżamm milli jitlaq mill-impjieg,

M.

billi tkun ħaġa inġusta li l-għalliema jkunu mġiegħla jkunu responsabbli waħidhom għall-attività edukattiva tagħhom; billi jeħtieġ li jkun enfasizzat li l-kapaċità tal-għalliema li joffru edukazzjoni xierqa lill-alljievi kollha tagħhom, li joħolqu klima li fiha lkoll ikunu jistgħu jgħixu flimkien, u li jnaqqsu l-imġiba vjolenti, hija marbuta mill-qrib mal-kundizzjonijiet li fihom jgħallmu, il-mezzi ta' appoġġ disponibbli, il-għadd ta' alljievi b'diffikultajiet ta' tagħlim f'kull klassi, l-ambjent soċjali u kulturali fl-iskejjel, il-koperazzjoni tal-familji, u l-appoġġ soċjali li jingħata; billi l-livell ta' impenn tal-għalliema jiddependi ħafna mill-impenn tas-soċjetà lejn l-edukazzjoni, u ż-żewġ fatturi għandhom interazzjoni bejniethom fl-interess ta' tagħlim aħjar,

N.

billi jeħtieġ li jsir kull sforz biex ikun żgurat li l-għalliema kollha jħossu li huma jappartienu lil professjoni rispettata u apprezzata, peress li parti kbira mill-identità ta' professjoni tiddependi mill-mod kif taraha s-soċjetà,

O.

billi l-attirazzjoni ta' rekluti tal-aqwa prestazzjoni lejn il-professjoni tat-tagħlim teħtieġ livelli korrispondenti ta' għarfien soċjali, status u rimunerazzjoni,

P.

billi l-għalliema jwettqu rwoli soċjali u ta' żvilupp importanti li jestendu lilhinn mil-limiti tas-suġġetti tradizzjonali, u jistgħu jwettqu funzjoni importanti bħala mudelli ta' eżempju tajjeb,

Q.

billi l-objettiv ta' “opportunitajiet indaqs għal kulħadd” huwa mnaqqax fit-Trattat KE, b'mod partikulari fl-Artikolu 13 tat-Trattat, li jipprovdi bażi legali għall-ġlieda kontra d-diskriminazzjoni għal raġunijiet ta' sess, oriġini razzjali jew etnika, reliġjon jew twemmin, diżabilità, età jew orjentament sesswali,

R.

billi l-kwalità tal-iskejjel hija fil-biċċa l-kbira tagħha dipendenti mil-livell ta' awtonomija marbuta mal-pjanijiet u l-immaniġġjar tagħhom,

S.

billi l-kwalifiki professjonali xierqa għall-għalliema tal-edukazzjoni fiżika (PE) għandhom irwol importanti ħafna fl-iżvilupp fiżiku u mentali tat-tfal u fl-inkoraġġiment tagħhom biex jadottaw stil ta' ħajja li jkun wieħed san,

1.

Jappoġġja bil-qawwa l-analiżi li żjieda fil-kwalità tal-edukazzjoni tal-għalliema twassal għal akkwisti sostanzjali fil-prestazzjoni tal-istudenti;

2.

Jidhirlu li l-provvediment ta' aktar edukazzjoni tal-għalliema u ta' kwalità aħjar flimkien ma' politiki mmirati lejn ir-reklutaġġ tal-aħjar kandidati fil-professjoni tal-għalliema għandhom ikunu l-prijoritajiet ewlenin għall-ministeri tal-edukazzjoni kollha;

3.

Jemmen li żjiediet fin-nefqa tal-edukazzjoni għandhom jimmiraw lejn oqsma li jipproduċu l-aqwa titjib fil-prestazzjoni tal-istudenti;

4.

Jenfasizza li l-Istati Membri għandhom jagħtu importanza akbar lit-taħriġ tal-għalliema u jallokaw aktar riżorsi għalih jekk għandu jsir progress sinifikanti fl-ilħuq tal-objettivi tal-Istrateġija ta' Liżbona dwar “Edukazzjoni u t-Taħriġ 2010”, jiġifieri li l-kwalità tal-edukazzjoni għandha tingħata spinta, u li t-tagħlim tul-il-ħajja għandu jkun msaħħaħ fl-Unjoni kollha;

5.

Jinkoraġġixxi bil-qawwa l-promozzjoni tal-iżvilupp professjonali kontinwu u koerenti għall-għalliema tul il-karriera kollha tagħhom; jirrakkomanda li l-għalliema kollha jkollhom opportunitajiet regolari akkademiċi, tax-xogħol u finanzjarji, bħal m'huma boroż ta' studju tal-gvern, biex itejbu u jaġġornaw il-ħiliet u l-kwalifiki tagħhom, kif ukoll l-għarfien pedagoġiku tagħhom; jikkunsidra li dawn l-opportunitajiet ta' taħriġ għandhom ikunu strutturati b'tali mod li l-kwalifiki jkunu rikonoxxuti fl-Istati Membri kollha;

6.

Jenfasizza l-ħtieġa li jkun hrmm aktar djalogu u skambju transnazzjonali tal-esperjenza, speċjalment fil-provvediment u l-effikaċja tal-iżvilupp professjonali kontinwu fil-qasam tal-edukazzjoni tal-għalliema ta' qabel l-iskola formali, tal-primarja u tas-sekondarja;

7.

Iħeġġeġ li tingħata attenzjoni partikulari lill-proċess inizjali tad-dħul ta' għalliema ġodda; jinkoraġġixxi l-iżvilupp ta' networks ta' appoġġ u ta' programmi ta' għoti ta' pariri minn dawk bl-esperjenza (mentoring), li permezz tagħhom għalliema li jkunu ta' esperjenza u ta' kapaċità bil-provi jkunu jistgħu jwettqu rwol ewlieni fit-taħriġ ta' kollegi ġodda, billi jgħaddu l-għarfien li jkun ġie akkwistat matul karrieri li jkunu ta' suċċess, billi jippromowovu l-akkwist ta' tagħlim bħala tim u billi jgħinu biex jiġu affrontati r-rati ta' dawk li jħallu l-impjieg minn fost ir-rekluti l-ġodda; jemmen li meta jaħdmu u jitgħallmu flimkien, l-għalliema jistgħu jgħinu biex itejbu l-prestazzjoni li jkollha skola u l-ambjent ġenerali ta' tagħlim tagħha;

8.

Jistieden lill-Istati Membri biex jiżguraw li, filwaqt li jibqgħu jiffokaw fuq ir-reklutaġġ tal-aħjar għalliema u l-kapaċità li jinżammu milli jitilqu mill-impjieg, speċjalment billi jagħmlu l-prfessjoni attraenti biżżejjed, il-kompożizzjoni forza tax-xogħol tal-għalliema fil-livelli kollha tal-edukazzjoni skolastika tkun tirrappreżenta d-diversità soċjali u kulturali fi ħdan is-soċjetà;

9.

Jenfasizza r-rabta mill-qrib li hemm bejn il-fatt li jkun żgurat li l-professjoni ta' għalliem hija waħda attraenti u ta' sodisfazzjoni bi prospetti tajba ta' progressjoni fil-karriera u l-fatt li jiġu rreklutati b'suċċess gradwati u professjonisti ta' suċċess għoli; iħeġġeġ lill-Istati Membri biex jieħdu aktar miżuri sabiex jippromwovu t-tagħlim bħala għażla ta' karriera għal individwi li jiksbu l-aqwa suċċess f'dak li jagħmlu;

10.

Jisħaq fuq l-importanza partikulari ta' politika tal-ugwaljanza tas-sessi; Jisħaq ukoll fuq kemm għandu importanza l-fatt li jkun żgurat li l-għalliema ta' qabel l-iskola formali u dawk tal-iskola primarja jkunu ta' kwalità għolja u li jirċievu l-livelli xierqa ta' appoġġ soċjali u professjonali li jitolbu r-responsabilitajiet tagħhom;

11.

Jagħraf l-importanza tal-parteċipazzjoni kontinwa tal-għalliema fil-gruppi ta' ħidma u ta' diskussjoni marbuta mal-attività tagħhom ta' għalliema; jemmen li din il-ħidma għandha tkun appoġġjata minn persuni li jagħtu l-pariri u mill-awtoritajiet edukattivi; jikkunsidra li l-parteċipazzjoni f'attivitajiet kritiċi ta' riflessjoni rigward il-proċess tat-tagħlim għandha tiġġenera interess akbar fix-xogħol tal-għalliema u b'hekk ittejjeb il-prestazzjoni tagħhom;

12.

Jinsisti fuq l-irwol importanti tal-iskola f'dik li hi l-ħajja soċjali tat-tfal u fl-edukazzjoni tagħhom kif ukoll f l-għoti tal-għarfien u l-ħiliet neċessarji għall-parteċipazzjoni f' soċjetà demokratika; jisħaq fuq l-importanza li jkun hemm għalliema kwalifikati, kompetenti u bl-esperjenza li jkunu involuti fit-tnissil ta' metodi effettivi ta' taħriġ pedagoġiku għall-għalliema;

13.

Jistieden lill-Istati Membri biex jiżguraw li jkunu biss dawk li huma kwalifikati kif jixraq bħala għalliema tal-edukazzjoni fiżika (PE) li jkunu jistgħu jagħtu lezzjonijiet tal-edukazzjoni fiżika fi ħdan is-sistema tal-edukazzjoni pubblika;

14.

Jagħmel enfasi fuq id-differenzi kbar li hemm bejn il-pagi medji tal-għalliema, mhux biss bejn l-Istati Membri differenti, iżda wkoll meta mqabbla mad-dħul nazzjonali medju u mal-prodott gross domestiku (GDP) per capita; jitlob li l-għalliema jibbenefikaw minn pakketti ta' rimunerazzjoni li jkunu jirriflettu l-importanza tagħhom għas-soċjetà, u jitlob li tittieħed azzjoni biex jiġi indirizzat il-fatt li l-aħjar għalliema qed jitilqu mill-iskejjel biex jieħdu impjiegi mħallsa aħjar fis-settur privat, b'mod partikulari fl-oqsma tax-xjenza u tat-teknoloġija;

15.

Jenfasizza li l-għalliema għandhom ikunu mħejjija aħjar biex jiffaċċjaw il-firxa ta' esiġenzi ġodda li jsirulhom; jagħraf l-isfidi li l-iżviluppi fl-ICT joffru lill-għalliema, iżda wkoll l-opportunitajiet; jinkoraġġixxi l-prijoritizzazzjoni tal-edukazzjoni fl-ICT matul it-taħriġ tal-bidu u t-taħriġ sussegwenti biex ikun żgurat għarfien aġġornat tal-iżviluppi teknoloġiċi riċenti u l-applikazzjoni edukattiva tagħhom u li l-għalliema jkollhom il-ħiliet meħtieġa biex japprofittaw ruħhom minn dawn fil-klassi;

16.

Jemmen li t-taħriġ għandu jimmira, fost objettivi oħra, biex jipprovdi lill-għalliema bil-qafas innovattiv li jinħtieġu sabiex fl-attivitajiet tagħhom u fl-oqsma tas-suġġetti l-ġodda jinkludu bħala ħaġa normali għal kulħadd il-perspettiva tal-ambjen,: huwa favur is-seminars lokali mmirati biex jissodisfaw il-ħtiġijiet li jkunu nstabu f'kuntesti partikulari, u korsijiet maħsuba għall-istaff ta' stabbiliment partikulari bil-għan li jkunu implimentati proġetti konkreti li jieħdu kont tal-ħtiġijiet tagħhom u l-kuntest partikulari tagħhom;

17.

Jenfasizza li l-mobilità tal-għalliema, koperazzjoni aħjar u ħidma aħjar flimkien bħala tim, jistgħu jtejbu l-kreattività u l-innovazzjoni tal-metodi tat-tagħlim, u jkunu jiffaċilitaw li wieħed jitgħallem ibbażat fuq l-aħjar prattiki;

18.

Jistieden lill-Kummissjoni biex issaħħaħ ir-riżorsi finanzjarji disponibbli biex tiġi appoġġjata l-edukazzjoni tal-għalliema permezz tal-Programm tat-Tagħlim Tul il-Ħajja, u b'mod partikulari l-iskambji tal-għalliema bejn l-iskejjel f'pajjiżi u reġjuni ġirien; jenfasizza li l-mobilità tiffaċilita t-tifrix tal-ideat u tal-aħjar prattika fi ħdan il-professjoni tat-tagħlim, u tippromwovi diversi titjib fil-ħiliet fil-lingwi barranin kif ukoll konoxxenza ta' kulturi oħra; jisħaq li l-għalliema għandhom jibbenefikaw minn faċilitajiet aqwa ta' tagħlim tal-lingwi matul il-karriera kollha tagħhom, ħaġa li inter alia, se timmassimizza l-opportunitajiet ipprovduti mill-programmi ta' mobilità tal-Unjoni;

19.

Jitlob biex l-istudji tal-media jiġu assenjati prijorità fit-taħriġ tal-għalliema u biex il-moduli tal-istudji tal-media li diġà qed isiru jkunu komponent importanti fit-taħriġ bażiku tal-għalliema;

20.

Jenfasizza l-irwol kruċjali tas-sħubija skolastika bejn il-Comenius u l-Comenius-Regio f'dan il-qafas tal-mobilità tal-għalliema;

21.

Jappoġġja bil-qawwa t-tagħlim ta' lingwi barranin minn età bikrija ħafna u l-inklużjoni ta' lezzjonijiet tal-lingwa fil-kurrikula primarji kollha; jenfasizza li investiment suffiċjenti fir-reklutaġġ u t-taħriġ ta' għalliema ta' lingwi barranin huwa vitali biex jintlaħaq dan l-objettiv;

22.

Jenfasizza li kull għalliem għandu jkun mudell ta' eżempju tajjeb fir-rigward tal-padrunanza tal-lingwa tiegħu stess, peress li din hija għodda vitali għat-trażmissjoni korretta, u lill-alljievi tiffaċilitalhom li jitgħallmu l-bqija tas-suġġetti filwaqt li tiżviluppalhom il-kapaċità li jikkomunikaw, fattur li kulma jmur qed isir dejjem aktar importanti f'għadd kbir ta' attivitajiet professjonali;

23.

Jenfasizza l-ħtieġa li l-għalliema fl-Istati Membri kollha jkollhom il-kompetenza ċċertifikata li jafu mill-inqas lingwa waħda barranija;

24.

Jitlob biex il-kompetenza fil-media tkun promossa fl-edukazzjoni tal-għalliema fl-iskola, wara l-iskola u fl-edukazzjoni estramurali tagħhom fil-kuntest tal-istudji tal-media u tat-tagħlim tul il-ħajja permezz ta' koperazzjoni bejn l-awtoritajiet pubbliċi u s-settur privat;

25.

Jenfasiżża l-fatt li m'hemm xejn li jista' jieħu l-post tal-ħin li l-għalliema jgħaddu fil-klassi mal-istudenti u jinsab imħasseb li ż-żjieda fix-xogħol amministrattiv u klerikali jistgħu jkunu ta' dannu għal dan u għall-ħin li jintuża għat-tħejjija tal-lezzjonijiet;

26.

Jitlob biex l-edukazzjoni ċivika ssir suġġett obbligatorju kemm fit-taħriġ tal-għalliema kif ukoll fl-iskejjel, sabiex l-għalliema u l-alljievi jkollhom l-għarfien meħtieġ dwar id-drittijiet u d-dmirijiet taċ-ċittadin u dawk tal-Unjoni u jkunu jistgħu janalizzaw u jevalwaw b'mod kritiku sitwazzjonijiet u proċessi politiċi u soċjali topiċi;

27.

Jidhirlu li kull skola għandha relazzjoni unika mal-komunità lokali tagħha, u li l-mexxejja tal-iskejjel għandu jkollhom responsabilità akbar ta' teħid ta' deċiżjonijiet li tkun tippermettilhom li jindirizzaw l-isfidi edukattivi u l-ħtiġijiet ta' tagħlim li jkunu partikulari għall-ambjent tagħhom, f'kollaborazzjoni mal-ġenituri u mal-partijiet interessati tal-komunità lokali; jenfasizza li, bil-wasla ta' popolazzjoni immigranta li hi bil-wisq diversa, il-professjoni tal-għalliema jeħtieġ li ssir konxja b'mod speċifiku tal-kwistjonijiet u l-proċessi interkulturali, mhux biss fi ħdan l-iskejjel imma wkoll fir-rigward tal-familji u tal-ambjent lokali immedjat tagħhom fejn tiffjorixxi d-diversità;

28.

Jisħaq fuq l-impatt estremament ta' ġid li għandu fuq l-għalliema l-programm Comenius u l-importanza tiegħu għal komunitajiet żgħar, speċjalment f'zoni li huma mċaħħda soċjalment u ekonomikament billi jippromwovi l-inklużjoni u kuxjenza akbar tad-dimensjoni Ewropea fl-Edukazzjoni;

29.

Jilqa' b'sodisfazzjon il-qbil tal-Istati Membri li jaħdmu flimkien biex isaħħu l-koordinazzjoni tal-politiki tal-edukazzjoni tal-għalliema, b'mod partikulari permezz tal-Metodu Miftuħ ta' Koordinazzjoni; iħeġġeġ lill-Istati Membri biex japprofittaw ruħhom bis-sħiħ minn din l-opportunità li jitgħallmu minn xulxin u jitlob li jiġi kkonsultat dwar l-iskeda taż-żmien u l-iżviluppi f'dan il-qasam;

30.

Jisħaq fuq il-ħtieġa ta' statistika aħjar fuq it-taħriġ tal-għalliema madwar l-Unjoni, sabiex jiġu inkoraġġiti l-iskambju ta' tagħrif, koperazzjoni akbar u l-iskambju tal-aħjar prattika; jipproponi li l-Istati Membri, f'koperazzjoni mal-Kummissjoni, iħejju sistemi li jiżguraw li tkun disponibbli faċilment data komparattiva dwar l-edukazzjoni tal-għalliema fuq il-medda kollha tal-edukazzjoni pre-skolari, primarja u sekondarja;

31.

Jikkunsidra li, sabiex tiġi indirizzata l-vjolenza fl-iskejjel, hija ħaġa vitali li tintlaħaq koperazzjoni aktar mill-qrib bejn il-kapijiet tal-iskola u l-ġenituri u li jinħolqu l-għodod u l-proċeduri biex il-fenomenu jkun affrontat b'mod effettiv;

32.

Jisħaq fuq l-importanza ta' tagħlim li jkun sensittiv għad-differenzi fit-trattament tas-sessi u fuq l-importanza tad-dimensjoni tal-ugwaljanza tas-sessi fit-taħriġ tal-għalliema;

33.

Jistieden lill-Kummissjoni biex ixxerred il-mudelli tal-aħjar prattiki mill-Istati Membri li jtejbu l-ħiliet ġenerali tal-ħajja permezz ta' proġetti tal-iskola, e.g. is-saħħa, id-dieta u l-isport, ix-xjenza domestika u l-ippjanar finanzjarju privat;

34.

Jistieden l-Istati Membri biex fit-taħriġ tal-għalliema jinkludu programmi dwar ir-riżoluzzjoni ta' konflitti, sabiex l-għalliema jitgħallmu strateġiji ġodda għar-riżoluzzjoni ta' kull tip ta' konflitt ġewwa l-klassijiet, u biex jirnexxilhom jindirizzaw ukoll il-vjolenza u l-aggressjoni;

35.

Jistieden l-Istati Membri biex fit-taħriġ tal-għalliema jinkludu għarfien bażiku dwar l-Unjoni Ewropea, l-istituzzjonijiet tagħha u l-mod kif jiffunzjonaw u jirranġaw biex isiru żjarat prattiċi fl-Istituzzjonijiet tal-Ewropa minn għalliema li jkunu għadhom qed jitħarrġu;

36.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni kif ukoll lill-Gvernijiet u lill-Parlamenti tal-Istati Membri, lill-OECD, lill-Unesco u lill-Kunsill tal-Ewropa.

14.1.2010   

MT

Il-Ġurnal Uffiċjali tal-Unjoni Ewropea

CE 8/18

A.

billi l-għanijiet tal-proċess ta' Bologna huma li tiġi stabbilita Zona Ewropea għal Edukazzjoni Ogħla sa l-2010, inklużi r-riformi tal-edukazzjoni ogħla, l-eliminazzjoni tal-ostakli li baqa' għall-mobilità tal-istudenti u tal-għalliema, u t-titjib tal-kwalità, tal-ġibda u tal-kompetittività ta' edukazzjoni ogħla fl-Ewropa,

B.

billi l-mobilità tal-istudenti u l-kwalita tal-edukazzjoni għandha tibqa' wieħed mill-elementi ewlenin tal-proċess ta' Bologna,

C.

billi l-mobilità tal-istudenti tifforma valuri ġodda kulturali, soċjali u akkademiċi u toħloq opportunitajiet għat-tkabbir personali u għat-titjib tal-istandards akkademiċi u l-kapaċità għall-opportunitajiet għax-xogħol fil-livell nazzjonali u fil-livell internazzjonali,

D.

billi l-mobilità tal-istudenti tmur lil hinn minn dak li jistgħu jilħqu l-istudenti, ir-riċerkaturi u persunal ieħor, b'mod paritkolari fl-Istati Membri l-aktar ġodda, prinċipalment minħabba għotjiet insuffiċenti ta' flus; billi l-ostakli huma magħrufa sew, u ġew indikati ripetutament mill-partijiet interessati involuti fid-dibattitu,

E.

billi għandha tingħata attenzjoni partikulari għall-iffinanzjar xieraq tat-tagħlim, għall-ispejjeż tal-għajxien u għall-mobilità tal-istudenti,

F.

billi l-Parlament b'mod kostanti poġġa bħala prijorità baġitarja tiegħu l-mobilità tal-istudenti u għamel ħiltu biex jiżgura livell xieraq ta' ffinanzjar għall-programmi tal-Kommunità fil-qasam tal-edukazzjoni; billi l-pożizzjoni soda dwar din il-kwistjoni wasslet, minkejja t-tnaqqis li sar mill-Kunsill fil-proposta tal-Kummissjoni, għal żieda f'approprjazzjonijiet għal programmi ta' Taħriġ għal Tul il-Ħajja u l-Erasmus Mundus li kienu negozjati skond il-Qafas Finanzjajru Plurijennali 2007-2013 u fi proċeduri baġitarji reċenti,

G.

billi hija meħtieġa data statistika affidabbli dwar il-mobilità tal-istudenti sabiex isiru osservazzjonijiet, paraguni u evalwazzjonijiet kif ukoll sabiex jiġu żviluppati politiki u miżuri adegwati,

H.

billi t-tagħlim informali u mhux formali jifforma l-bażi tal-istrateġija tat-tagħlim tul il-ħajja, u l-importanza tat-tagħlim għall-adulti f'dan il-proċess għandu jiġi rikonoxxut ukoll,

I.

billi l-għażla li wieħed jitlaq minn pajjiżu m'għandhiex tkun imfixkla minn xi ostaklu amministrattiv, finanzjarju jew lingwistiku,

J.

billi l-mobilità tinkoraġġixxi t-tagħlim ta' lingwi barranin u t-titjib ta' ħiliet tal-komunikazzjoni ġenerali;

K.

billi hemm bżonn urġenti li l-universitajiet jiġu riformati u modernizzati f'termini ta' kwalità, tal-struttura tal-istudji, tal-innovazzjoni u tal-flessibilità,

L.

billi l-kwalità tat-tagħlim hija importanti daqs il-kwalità tar-riċerka, u għandu jiġi riformat u modernizzat madwar l-Unjoni Ewropea kollha, u billi dawn iż-żewġ dimensjonijiet huma marbuta mill-qrib,

M.

billi sistemi nazzjonali differenti ta' rikonoxximent jikkostitwixxu ostaklu sinifikanti għat-trattament ugwali tal-istudenti u għall-progress tagħhom fiz-Zona Ewropea ta' Edukazzjoni Ogħla u fis-suq tax-xogħol Ewropew,

N.

billi l-mobilità tista' tkun imfixkla kemm min-nuqqas li jingħata rikonoxximent sħiħ u xieraq kemm għall-korsijiet li attendew kif ukoll in-nuqqas ta' ekwivalenza tal-marki li jkunu kisbu,

O.

billi huwa urġenti li jiġi implimentat, ikkoordinat u promoss approċċ koerenti fost il-pajjiżi kollha li ffirmaw il-Proċess ta' Bologna,

P.

billi l-Proċess ta' Bologna għandu joħloq mudell progressiv ġdid għall-edukazzjoni, li jiggarantixxi l-aċċess għat-taħriġ għal kullħadd, li l-għan prinċipali tieġu hu li jitwasslu l-għarfien u l-valuri, u li joħloq soċjetà sostenibbli għall-futur li tkun konxja tagħha nnifisha u ħielsa mill-iżbilanċi soċjali,

1.

Jikkunsidra li żieda fil-mobilità tal-istudenti u fil-kwalità tas-sistemi edukattivi differenti għandha tkun prijorità fil-kuntest tad-definizzjoni mill-ġdid tal-għanijiet ewlenin tal-Proċess ta' Bologna l il hinn mill-2010;

2.

Jenfasizza li sabiex tinkiseb il-mobilità tal-istudenti, għandhom jittieħdu azzjonijiet f'oqsma diversi ta' politika; bosta aspetti li jikkonċernaw il-mobilità jmorru lil hinn mill-iskop ta' edukazzjoni ogħla u jirrigwardaw l-iskop tal-affarijiet soċjali u finanzjarji, u tal-politiki ta' immigrazzjoni u viżi;

3.

Jilqa' b'sodisfazzjon l-isforzi mwettqa minn Stati Membri fil-qafas ta' koperazzjoni intergovernattiva biex titjieb il-kwalità u l-kompetittività tal-edukazzjoni fl-UE, b'mod partikulari, bil-promozzjoni tal-mobilità, li jkun żgurat ir-rikonoxximent ta' kwalifikazzjonijiet u assigurazzjoni ta' kwalità, b'mod partikolari fid-dawl tal-limitazzjoni għall-immanuvrar minħabba l-marġini stretti li tħallew fl-Intestatura 1a tal-Qafas Finanzjarju;

4.

Huwa konvint li l-metodu ta' konsultazzjoni użat mill-partijiet interessati kollha involuti fil-proċess għandu jibqa' jintuża: kemm l-istituzzjonijiet kif ukoll ir-rappreżentanti tal-istudenti għandhom jikkoperaw mill-qrib sabiex jingħelbu l-ostakli li baqa' għall-mobilità u l-problemi relatati mal-kwalità u mal-implimentazzjoni tal-Proċess ta' Bologna;

5.

Jiġbed l-attenzjoni li waqt li fl-implimentazzjoni tal-Proċess ta' Bologna, għandha tingħata attenzjoni partikulari lill-koperazzjoni u lill-koordinazzjoni mill-qrib u b'mod intensiv maz-Zona ta' Riċerka Ewropea;

6.

Jinsisti fuq il-ħtieġa urġenti għal statistika komparabbli u affidabbli dwar il-mobilità tal-istudenti u l-profil socjo-ekonomiku tal-istudenti, bħal indikaturi, kriterji u benchmarks komuni, sabiex jingħeleb in-nuqqas attwali ta' data u jiġi promoss l-iskambju ta' prattiki tajba;

7.

Jistieden lill-universitajiet sabiex itejbu u jissimplifikaw l-informazzjoni ipprovduta online u offline, kemm għall-istudenti ġodda u kemm għal dawk li jispiċċaw kors;jitlob lill-universitajiet u l-Aġenziji Nazzjonali tal-Erasmus jikkollaboraw mal-organizzazzjonijiet tal-istudenti sabiex l-informazzjoni kollha neċessarja tkun disponibbli fiż-żmien xieraq; l-universitajiet għandhom jappoġġjaw id-drittijiet tal-istudenti, b'konformità mal-impenji li daħlu għalihom meta ssieħbu mal-Karta Universitarja tal-Erasmus;

8.

Jenfasizza li sabiex il-Proċess ta' Bologna jilħaq l-għanijiet tiegħu, hija neċessarja r-reċiproċità f'termini tal-fluss ta' studenti tal-istudjużi; jenfasizza id-differenzi fix-xejriet kurrenti, u b'mod partikulari il-mobilità fqira lejn l-Istati Membri li saru membri tal-UE fl-2004 u fl-2007;

9.

Jiġbed l-attenzjoni għall-importanza ta' “mentoring” għall-integrazzjoni soċjali, kulturali u lingwistika tal-istudenti ġodda;

10.

Jenfasizza li kapaċità mtejba għall-lingwi hija valur kunsiderevoli u waħda mir-raġunijiet għall-mobilità tal-istudenti, u li huwa importanti li jkunu offruti korsijiet tat-taħriġ fil-lingwa lill-istudenti ġodda, qabel u/jew matul il-perjodi ta' studju tal-Erasmus;

11.

Jistieden lill-universitajiet fl-Unjoni biex iwettqu riforma innovativa, ambizzjuża u metodika tal-kurrikulumperess illi kontenut ambizzjuż u ta' kwalità għolja u l-iristrutturar tal-organizzazzjoni huma kruċjali għall-mobilità tal-istudenti u għal aktar flessibilità; jitlob li jiġi ntrodott “perjodu ta' studju għall-mobilità” fil-programmi universitarji kollha li jwasslu għal degree, sabiex l-istudenti jkunu jistgħu jsiefru;

12.

Jitlob li tiġi enfasiżżata l-ħtieġa għall-programmi dottorali Ewropej li jippromwovu l-mobilita tal-istudenti ta' dottorat u għall-ħolqien ta' qafas ta' dottorat Ewropew;

13.

Jenfasizza l-irwol essenzjali tal-kwalità u l-eċċellenza tat-tagħlim: billi l-iżvilupp u t-taħriġ kontinwu ta' għalliema kwalifikati fis-setturi kollha ta' studji, huwa kruċjali sabiex l-istudji jkunu attraenti u effettivi u jiksbu l-għanijiet tal-Proċess ta' Bologna;

14.

Itenni l-ħtieġa għal aktar djalogu trans-nazzjonali u skambju ta' informazzjoni u esperjenzi biex tkun faċilitata l-konverġenza tal-edukazzjoni tal-għalliema, inkluż l-edukazzjoni tal-għalliema tal-primarja, u l-effettività tal-iżvilupp professjonali kontinwu;

15.

Għandha tingħata assistenza speċjali lill-istudenti minn gruppi żvantaġġati fis-soċjetà, pereżempju, billi tkun proposta akkomodazzjoni rħisa u deċenti, minħabba l-fatt li ħafna drabi, wara l-wasla jkun meħtieġ aktar appoġġ;

16.

Jipproponi l-introduzzjoni ta' Karta Ewropea tal-Identità tal-Istudenti armoniżżata sabiex tkun faċilitata l-mobilità u l-istudenti jkunu megħjuna biex jieħdu skontijiet fuq l-akkommodazzjoni uspejjez għall-ħajja;

17.

Jistieden lill-Istati Membri u lill-awtoritajiet kompetenti sabiex jiggarantixxu aċċess indaqs u universali għall-mobilità permezz ta' proċeduri sempliċi, flessibbli u trasparenti ta' għoti ta' fondi u permezz ta' appoġġ finanzjarju addizzjonali għal destinazzjonijiet b'infiq għoli u għal dawk l-istudenti li jeħtieġuh; jikkunsidra li huwa essenzjali li l-istudenti jkollhom dan l-appoġġ qabel it-tluq tagħhom sabiex jevitaw li jkollhom piż finanzjarju eċċessiv;

18.

Jilqa' l-fatt li, fil-kuntest ta' reviżjoni fuq perjodu ta' żmien medju tal-Qafas Finanzjarju Plurijennali maħsub fid-Dikjarazzjoni mehmuża mal-Ftehim Interistituzzjonali tas-17 ta' Mejju 2006 dwar id-dixxiplina baġitarja u l-amministrazzjoni finanzjarja soda, iż-żieda fil-pakkett finanzjarju allokat għall-programmi fil-qasam tal-edukazzjoni, u b'mod speċjali għall-għoti ta' flus mill-Erasmus, jista' jitqies, suġġett għar-riżultati ta' mmonitorjar u evalwazzjoni tal-programm;

19.

Jiġbed l-attenzjoni għall-fatt li għandhom jiddaħħlu u jkunu promossi mezzi ġodda ta' ffinanzjar għall-mobilità tal-istudenti bħal self mingħajr interessi u self trasferibbli;

20.

Jistieden lill-universitajiet Ewropej sabiex jikkoperaw mas-settur privat (eż. organizzazzjonijiet ekonomiċi jew tan-negozju bħall-kmamar tal-kummerċ) sabiex jinstabu mekkaniżmi ġodda u effettivi ta' kofinanzjar tal-mobilità tal-istudenti matul kull ċiklu (baċellerat-masters-dottorat) biex b'hekk tittejjeb il-kwalità tas-sistemi edukattivi;

21.

Jissuġġerixxi djalogu li jħalli l-frott u skambju minn żewġ naħat bejn il-kumpaniji u l-universitajiet sabiex jaħsbu dwar sħubijiet innovattivi u biex jesploraw modi ġodda ta' koperazzjoni;

22.

Jistieden lill-Kummissjoni u lill-Istati Membri sabiex jipproċedu bl-implimentazzjoni tal-oqsfa ta' riferenza Ewropej (Qafas ta' Bologna tal-Kwalifiki, Qafas Ewropew għall-Kwalifiki għat-tagħlim tul il-ħajja, Standards u Linji Gwida Ewropej għall-Assigurazzjoni tal-Kwalità, u l-Konvenzjoni ta' Rikonoxximent ta' Liżbona) sabiex tkun stabbilita z-Zona Ewropea għal Edukazzjoni Ogħla;

23.

Jenfasizza, għalhekk, l-urġenza li tiġi implimentata s-sistema komprensiva, unifikata u effettiva ta' trasferment tal-krediti ECTS, sabiex il-kwalifiki tal-istudenti u tal-akkademiċitista' tkun faċilment trasferibbli madwar l-Ewropa permezz ta' qafas komuni wieħed;

24.

Jenfasizza li s-sistema ta' gradi universitarji ta' tliet ċikli (Baċellerat, Masters u Dottorat), jista' jsir aktar flessibbli speċjalment billi tintuża sistema ta' “4 + 1” minflok “3 + 2” għall-ewwel u għat-tieni ċikli; jinnota li għal ċerti studji dan jista' jkun aktar xieraq biex ikunu ffaċilitati aktar il-mobilità u l-opportunitajiet għax-xogħol tal-gradwati;

25.

Jappella sabiex “internships” u esperjenzi oħra informali u mhux formali approvati mill-universitajiet, jingħataw krediti tal-ECTS u sabiex jiġu rikonoxxuti bħala parti integrali tal-kurikuli tal-istudju;

26.

Jistieden lill-awtoritajiet kompetenti tal-Istati Membri u lill-universitajiet Ewropej sabiex jinkoraġġixxu u jħaddnu l-iskambju tal-aħjar prattiki u ta' inizjattivi ta' trawwim ta' kuxjenza;

27.

Iħeġġeġ lill-Istati Membri sabiex jiffaċilitaw il-proċeduri tal-viża u sabiex inaqqsu l-ispejjeżproċedurali għall-istudenti li jmorru jistudjaw f'universitajiet oħra, speċjalment għal dawk li ġejjin minn Stati Membri min-naħa tal-Ewropa u minn pajjiżi kandidati b'konformita mad-Direttivi tal-UE fuq il-viżi;

28.

Jagħti istruzzjonijiet lill-President tiegħu sabiex iressaq din ir-riżoluzzjoni lill-Kunsill, lill-Kummissjoni, u lill-gvernijiet u l-parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/22

A.

billi qed ikun hemm dejjem iżjed bżonn, għall-kwalità tal-leġiżlazzjoni, li jiġu ddelegati lill-Kummissjoni l-iżvilupp tal-aspetti mhux essenzjali u aktar tekniċi tal-leġiżlazzjoni u anke l-aġġustament immedjat tagħha biex jitqiesu l-progress teknoloġiku u l-bidla ekonomika; billi delegazzjoni ta' setgħat ta' dan it-tip trid tkun iffaċilitata billi lill-leġiżlatur jingħatawlu l-mezzi istituzzjonali biex jiskrutina l-eżerċitar ta' setgħat ta' dan it-tip,

B.

billi s'issa l-leġiżlatur tal-Unjoni ma kellu l-ebda għażla ħlief li juża l-Artikolu 202 tat-Trattat KE sabiex iwettaq delegazzjoni ta' dan it-tip; billi r-rikors li sar għal dik id-dispożizzjoni ma kienx sodisfaċenti għax tirreferi għas-setgħat ta' implimentazzjoni tal-Kummissjoni u għall-proċeduri ta' skrutinju li għalihom huma suġġetti setgħat ta' dan it-tip, peress li dawn il-proċeduri ġew deċiżi mill-Kunsill permezz ta' votazzjoni b'unanimità wara sempliċi konsultazzjoni tal-Parlament; billi dawn il-proċeduri ta' skrutinju huma essenzjalment ibbażati fuq l-azzjoni ta' kumitati magħmula minn uffiċjali tal-gvernijiet tal-Istati Membri, u l-Parlament Ewropew kien eskluż mill-proċeduri kollha bħal dawn sakemm ġiet adottata d-Deċiżjoni tal-Kunsill tat-28 ta' Ġunju 1999, kif emendata bid-Deċiżjoni 2006/512/KE,

C.

billi l-Artikolu 2(2) tad-Deċiżjoni dwar il-Komitoloġija jintroduċi miżuri fejn strument legali bażiku adottat permezz ta' kodeċiżjoni jipprevedi miżuri b'qasam ta' applikazzjoni ġenerali mfasslin biex jiġu emendati l-elementi ta' dak l-istrument li ma jkunux essenzjali, inter alia, billi jitħassru wħud minn dawk l-elementi jew billi l-istrument jiġi ssupplimentat b'elementi ġodda li ma jkunux essenzjali; billi hija r-responsabilità tal-leġiżlatur tal-Unjoni biex jiddefinixxi, għal kull każ individwali, l-elementi essenzjali ta' kull att leġiżlattiv li jistgħu jiġu emendati biss permezz ta' proċedura leġiżlattiva,

D.

billi, permezz tad-Deċiżjoni dwar il-Komitoloġija, il-miżuri magħrufa bħala “kważi leġiżlattivi” saru suġġetti għal proċedura regolatorja bi skrutinju skond liema l-Parlament Ewropew hu kompletament assoċjat mal-kontroll ta' miżuri ta' dan it-tip u jista' jopponi l-abbozzi ta' miżuri proposti mill-Kummissjoni li jmorru lil hinn mis-setgħat ta' implimentazzjoni previsti fl-istrument bażiku jew abbozz li ma jkunx kumpatibbli mal-għan jew mal-kontenut tal-istrument bażiku jew ma jirrispettax il-prinċipji ta' sussidjarjetà jew ta' proporzjonalità,

E.

billi l-proċedura l-ġdida tiggarantixxi kontroll demokratiku ta' miżuri ta' implimentazzjoni meta jkunu kważi leġiżlattivi fin-natura tagħhom peress li tqiegħed liż-żewġ koleġiżlaturi, il-Parlament u l-Kunsill, f'livell ugwali, u b'hekk iġġib fi tmiemu wieħed mill-aktar aspetti serji tad-defisit demokratiku fl-Unjoni; billi d-Deċiżjoni dwar il-Komitoloġija tippermetti li l-aspetti l-aktar tekniċi tal-leġiżlazzjoni u l-aġġustament tagħha jiġu ddelegati lill-Kummissjoni, biex b'hekk jiġi żgurat li l-leġiżlatur jikkonċentra fuq l-aspetti essenzjali u fuq it-titjib tal-kwalità tal-liġi Komunitarja,

F.

billi l-proċedura regolatorja bi skrutinju l-ġdida mhijiex fakultattiva imma obbligatorja meta l-miżuri ta' implimentazzjoni jkollhom il-karatteristiċi speċifikati fl-Artikolu 2(2) tad-Deċiżjoni dwar il-Komitoloġija,

G.

billi l-allinjament attwali tal-acquis mad-Deċiżjoni dwar il-Komitoloġija għadu mhux lest peress li għad hemm strumenti legali li jipprevedu miżuri ta' implimentazzjoni li għalihom għandha tiġi applikata l-proċedura regolatorja bi skrutinju l-ġdida,

H.

billi, apparti l-miżuri ta' implimentazzjoni li s'issa kienu suġġetti għall-proċedura regolatorja, anke wħud mill-miżuri suġġetti għall-proċeduri ta' mmaniġġjar jew konsultazzjoni jistgħu jaqgħu fil-qasam ta' applikazzjoni tar-rekwiżiti tal-Artikolu 2(2) tad-Deċiżjoni dwar il-Komitoloġija,

I.

billi t-Trattat ta' Liżbona jintroduċi ġerarkija ta' normi u joħloq “l-att iddelegat”, jiġifieri meta “att leġiżlattiv … jiddelega lill-Kummissjoni s-setgħa li tadotta atti mhux leġiżlattivi ta' applikazzjoni ġenerali sabiex jissumplimentaw jew jemendaw ċerti elementi mhux essenzjali tal-att leġiżlattiv”; billi t-Trattat ta' Liżbona jittratta wkoll l-atti ta' implimentazzjoni b'mod ġdid u jaħseb b'mod partikulari għall-kodeċiżjoni bejn il-Parlament u l-Kunsill bħala l-proċedura għall-adozzjoni tar-regolament li se jistipula l-mekkaniżmi għall-kontroll mill-Istati Membri fuq l-atti ta' implimentazzjoni,

J.

billi l-implimentazzjoni tad-dispożizzjonijiet korrispondenti tat-Trattat ta' Liżbona se teħtieġ proċess intens u kumpless ta' negozjar interistituzzjonali, u billi l-proċess ta' allinjament attwali għandu għalhekk jitlesta malajr kemm jista' jkun u fi kwalunkwe każ qabel ma jidħol fis-seħħ it-Trattat ta' Liżbona,

K.

billi, fil-każ li t-Trattat ta' Liżbona jidħol fis-seħħ, se jkun hemm bżonn li jinbeda allinjament ġdid — aktar kumpless — tal-acquis għal mad-dispożizzjonijiet tal-Artikolu 290 tat-Trattat dwar il-Funzjonament tal-Unjoni Ewropea dwar id-delegazzjoni ta' leġiżlazzjoni; billi, għalkemm id-definizzjoni ta' “att iddelegat” fit-Trattat ta' Liżbona hija simili għall-kunċett ta' miżura “kważi leġiżlattiva” fid-Deċiżjoni reċenti dwar il-Komitoloġija, iż-żewġ kunċetti mhumiex l-istess u s-sistemi proċedurali stipulati f'dawk iż-żewġ strumenti huma kompletament differenti; konsegwentement, l-eżerċizzju ta' allinjament attwali ma jistax jitqies li jikkostitwixxi preċedent preċiż għall-ġejjieni,

L.

billi, għall-istess raġuni, ir-riżultati tal-allinjament attwalment għaddej f'dak li għandu x'jaqsam ma' kull istrument legali individwali ma jistgħux jiġu kkunsidrati bħala preċedent għall-ġejjieni,

M.

billi jidher utli li l-istituzzjonijiet jaqblu bejniethom dwar test standard għall-atti ddelegati li regolarment ikun inkluż fl-abbozz ta' att leġiżlattiv mill-Kummissjoni, għalkemm il-leġiżlaturi jibqgħu liberi li jemendawh; billi hemm bżonn li l-pass li jmiss ikun l-adozzjoni f'kodeċiżjoni tar-regolament li jistipula l-mekkaniżmi għall-kontroll mill-Istati Membri tal-atti ta' implimentazzjoni bi qbil mal-Artikolu 291 tat-Trattat dwar il-Funzjonament tal-Unjoni Ewropea,

1.

Jitlob lill-Kummissjoni biex, fuq il-bażi tal-Artikoli xierqa tat-Trattat KE, tippreżenta lill-Parlament proposti leġiżlattivi biex jitlesta l-allinjament ta' komitoloġija; jitlob li dawn il-proposti jitfasslu fid-dawl tad-diskussjonijiet interistituzzjonali u li jiġu ttrattati b'mod partikulari, l-atti leġiżlattivi elenkati fl-Anness li ġej;

2.

Jistieden lill-Kummissjoni biex tressaq il-proposti leġiżlattivi korrispondenti sabiex l-atti legali li fadal isiru konformi mad-Deċiżjoni dwar il-Komitoloġija, b'mod partikulari dawk elenkati fl-Anness li ġej;

3.

Jitlob lill-Kummissjoni, f'każ li l-proċeduri attwali ta' allinjament ma jitlestewx qabel ma jidħol fis-seħħ it-Trattat ta' Liżbona, biex tressaq il-proposti leġiżlattivi relevanti li huma meħtieġa biex ikunu adattati dawk l-atti legali li għadhom ma ġewx allinjati f'dak iż-żmien mas-sistema l-ġdida stipulata fl-Artikolu 290 tat-Trattat dwar il-Funzjonament tal-Unjoni Ewropea;

4.

Jitlob lill-Kummissjoni biex, f'kull każ, wara d-dħul fis-seħħ tat-Trattat ta' Liżbona, tippreżenta l-proposti leġiżlattivi meħtieġa biex l-acquis communautaire kollu jiġi allinjat ma' dik is-sistema l-ġdida;

5.

Jitlob lill-Kummissjoni biex, kemm jista' jkun malajr, tippreżenta l-abbozz ta' proposta leġiżlattiva għar-regolament li jistabbilixxi minn qabel ir-regoli u l-prinċipji ġenerali dwar il-mekkaniżmu għal kontroll mill-Istati Membri tal-eżerċitar tas-setgħat ta' implimentazzjoni mill-Kummissjoni, skond l-Artikolu 291(3) tat-Trattat dwar il-Funzjonament tal-Unjoni Ewropea;

6.

Jitlob li jingħataw aktar riżorsi fil-Parlament Ewropew għall-proċeduri kollha ta' komitoloġija, u mhux biss waqt il-perjodu tranżizzjonali attwali imma wkoll waqt il-preparazzjoni għall-każ li t-Trattat ta' Liżbona jidħol fis-seħħ, sabiex ikun żgurat li kull proċedura ta' komitoloġija bejn it-tliet istituzzjonijiet taħdem b'mod sodisfaċenti;

7.

Jikkonferma li r-rakkomandazzjonijiet jirrispettaw il-prinċipju ta' sussidjarjetà u d-drittijiet fundamentali taċ-ċittadini;

8.

Jagħti istruzzjonijiet lill-President tiegħu biex jgħaddi din ir-riżoluzzjoni u l-lista li takkumpanjaha lill-Kummissjoni, lill-Kunsill u lill-gvernijiet u lill-parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/26

A.

billi bħalissa hemm regolamentazzjoni nazzjonali u tal-UE li tikkonċerna s-swieq finanzjarji li japplikaw direttament jew indirettament, għalkemm mhux esklussivament, għall-hedge funds u l-ekwità privata,

B.

billi l-Istati Membri u l-Kummissjoni għandhom jiżguraw l-implimentazzjoni u l-applikazzjoni konsistenti ta' dak ir-regolament; billi l-aġġustamenti l-oħra kollha għal-leġiżlazzjoni eżistenti għandhom ikunu s-suġġett ta' analiżi xierqa tal-benefiċċji meta jitqabblu mal-ispejjeż u m'għandhomx ikunu diskriminatorji;

C.

billi l-Kummissjoni għadha ma weġbitx b'mod pożittiv għall-aspetti kollha tat-talbiet ta' qabel tal-Parlament, fosthom dawk magħmula fir-riżoluzzjonijiet tiegħu tal-15 ta' Jannar 2004, tas-27 ta' April 2006, tal-11 ta' Lulju 2007 u tat-13 ta' Diċembru 2007, imsemmija hawn fuq,

D.

billi l-hedge funds u l-fondi ta' ekwità privata għandhom karatteristiċi differenti ħafna u ma teżisti l-ebda definizzjoni mhux ambigwa tagħhom, iżda t-tnejn huma vetturi ta' investimeni li jintużaw minn konsumaturi sofistikati, aktar milli minn konsumaturi komuni; billi ma jistgħux u m'għandhomx ikunu ttrattati bħala kategorija waħda fir-regolamentazzjoni li tkun speċifika għall-prodotti,

E.

billi l-hedge funds u l-ekwità privata huma vetturi alternattivi ta' investiment li dejjem qed isiru iktar importanti li mhux biss għandhom sehem sinifikanti u li qed jiżdied fl-assi globali mmaniġġjati, iżda wkoll itejbu l-effiċjenza tas-swieq finanzjarji globali, billi joħolqu opportunitajiet ġodda ta' investiment,

F.

billi bosta istituzzjonijiet globali, tal-UE u nazzjonali, ħafna qabel il-kriżi finanzjarja attwali, analizzaw il-kwistjonijiet potenzjali rigward il-hedge funds u l-ekwità privata fir-rigward tal-istabilità finanzjarja, l-istandards tal-immaniġġjar tar-riskju, id-dejn eċċessiv (leverage) u l-valutazzjoni ta' strumenti finanzjarji mhux likwidi u kumplessi,

G.

billi analiżi mwettqa mill-Forum dwar l-Istabbilità Finanzjarja fl-2007 ikkonkludiet li t-tħassib dwar l-istabbilità finanzjarja l-aħjar li jkun indirizzat permezz ta' sorveljanza msaħħa tal-atturi kollha;

H.

billi fir-Rapport tiegħu dwar l-Istabilità Finanzjarja Globali ta' April 2008, il-Fond Monetarju Internazzjonali (IMF) kkonkluda li “hemm nuqqas kollettiv ta' apprezzament tal-livell ta' leverage meħud minn firxa wiesgħa ta' istituzzjonijiet — banek, assikurazzjonijiet monolineari, entitajiet sponsorjati mill-gvern, hedge funds — u r-riskji assoċjati ta' xoljiment diżorganizzat”,

I.

billi t-twettiq tal-Aġenda ta' Liżbona jeħtieġ investiment fuq żmien twil fit-tkabbir u fl-impjieg,

J.

billi dan it-tip ta' investiment fuq żmien twil jeħtieġ swieq finanzjarji stabbli u li jaħdmu tajjeb fl-UE u globalment, u b'hekk jagħtu kontribut lill-ekonomija reali, li jista' jinkiseb biss billi tkun iggarantita l-preżenza fl-Unjoni Ewropea ta' industrija finanzjarja kompettitiva u innovattiva,

K.

billi l-hedge funds u l-ekwità privata f'ħafna każijiet jipprovdu likwidità, jippromwovu d-diversifikazzjoni u l-effiċjenza tas-suq billi tinħoloq talba għall-prodotti innovattivi, u jgħinu l-iskoperta tal-prezzijiet,

L.

billi l-istabilità finanzjarja teħtieġ ukoll koperazzjoni aħjar rigward is-sorveljanza, ukoll fuq il-livell globali li, loġikament, jeħtieġ titjib kontinwu tal-arranġamenti attwali tal-UE rigward is-sorveljanza, inklużi skambji regolari ta' informazzjoni u trasparenza msaħħa tal-investituri istituzzjonali,

M.

billi l-Kummissjoni għandha tinvestiga l-possibilitajiet li jsiru regolamenti globali għall-parteċipanti fis-swieq offshore;

N.

billi livelli ta' trasparenza xierqa fir-rigward tal-investituri u tal-awtoritajiet tas-sorveljanza huma kruċjali biex jiżguraw swieq finanzjarji ta' dan it-tip li jaħdmu tajjeb u li huma stabbli, kif ukoll għall-promozzjoni tal-kompetizzjoni bejn l-atturi tas-suq u l-prodotti,

O.

billi l-Kummissjoni għandha tosserva u tanalizza l-effetti tal-operazzjonijiet tal-hedge funds u tal-fondi ta' ekwità privata, u tikkunsidra li tipproponi direttiva dwar ir-regoli ta' trasparenza minima dwar il-mod kif għandhom jiġu ffinanzjati l-investimenti fil-ġejjieni, l-immaniġġjar tar-riskju, il-metodi tal-evalwazzjoni, il-kwalifiki tal-maniġers u l-kunflitti ta' interess li jista' jkun hemm, kif ukoll l-iżvelar tal-istrutturi ta' sjieda u r-reġistrazzjoni tal-hedge funds,

P.

billi, sabiex taqdi l-ħtieġa tal-monitoraġġ tal-attività tas-swieq għal skopijiet ta' kontroll, l-informazzjoni dwar l-investimenti fil-hedge funds u s-self għandha tkun disponibbli għall-awtoritajiet ta' kontroll kompetenti mingħajr piż żejjed;

Q.

billi l-industrija tal-fondi hi mistennija li tkompli tiżviluppa lejn miżuri li jorbtu dwar il-governanza tal-kumpaniji bil-għan li jkun hemm aktar trasparenza li għandha tkun tidher ukoll għall-pubbliku; jitlob lijkun hemm titjib fil-mekkaniżmi ta' kontroll,

R.

billi l-Istati Membri għandhom jużaw l-aħjar prattiki biex jiżguraw li l-pensjonijiet tal-kumpaniji miskuba mill-impjegati jiġu mħarsa mill-fallimenti;

S.

billi l-Kummissjoni għandha tqis jekk għandhiex twessa' d-definizzjoni tal-prinċipju tal-“persuna prudenti”, fejn il-prinċipju huwa inkorporat fil-leġiżlazzjoni Komunitarja eżistenti, b'mod li l-investituri jkollhom jivverifikaw li l-fondi għall-investiment alternattivi li jinvestu fihom ikunu konformi mal-leġiżlazzjoni rilevanti u mal-istandards tal-aħjar prattiki stabbiliti mill-industrija;

T.

billi d-diversità attwali tad-definizzjonijiet tal-allokazzjoni privata fl-Istati Membri tikkostitwixxi ostaklu għas-suq intern u toħloq inċentivi biex jinxterdu ftit ftit prodotti ta' riskju kbir fis-suq bl-imnut,

U.

billi għandha titwaqqaf one-stop-shop websajt għall-kodiċi ta' kondotta, inkluż reġistru ta' dawk li huma konformi, l-iżvelar tagħhom u l-ispjegazzjonijiet għan-nuqqas ta' konformità; josserva li r-raġunijiet għan-nuqqas ta' konformità jistgħu jkunu għodda għat-tagħlim; billi din il-websajt għandha titwaqqaf għall-UE u tiġi promossa nternazzjonalment,

V.

billi fir-Rapport dwar l-Istabilità Finanzjarja Globali ta' April 2008, il-FMI wissa li “s-suq tad-dejn korporattiv jidher vulnerabbli minħabba li r-rati fissi mistennijin jogħlew, minħabba fatturi makro-ekonomiċi u strutturali,”

W.

billi ż-żieda riċenti fit-tranżazzjonijiet tal-ekwità privata żiedet b'mod sinifikanti l-għadd ta' impjegati li fl-aħħar mill-aħħar għandhom l-impjieg tagħhom ikkontrollat mill-fondi tal-kapital, u għalhekk, għandha tingħata l-kunsiderazzjoni dovuta għal-liġijiet nazzjonali eżistenti tal-impjiegi għall-liġi tal-Komunità dwar l-impjieg (b'mod partikulari d-Direttiva 2001/23/KE), li kienet tfasslet metadan ma kienx il-każ; billi l-liġi nazzjonali u Komunitarja dwar l-impjiegi għandha tapplika fuq bażi mhux diskriminatorja, li tinkludi t-trattament ġust u xieraq tal-atturi ekonomiċi kollha b'responsabiltajiet simili lejn l-impjegati,

X.

billi f'bosta sistemi legali, il-hedge funds u l-fondi ta' ekwità privata li huma sidien u jikkontrollaw kumpaniji mhumiex meqjusa bħala istituzzjonijiet li jħaddmu u għalhekk huma eżentati mill-obbligi legali ta' min iħaddem,

Y.

billi f'każ ta' ammont estrem ta' dejn, il-kumpaniji jippreżentaw profil ogħla ta' riskju,

Z.

billi, bħall-każ ta' entitajiet oħra, jista' jkun hemm kunflitti ta' interess ikkawżati jew mill-mudell kummerċjali tal-ekwità privata jew tal-hedge funds jew mir-relazzjoni bejn dawk il-meżżi u atturi oħra involuti fis-swieq finanzjarji; billi l-leġiżlazzjoni tal-Komunità eżistenti mgħandhiex tkun ristretta għall-hedge funds u l-ekwità privata, u għandha tkun konformi ma' standards bħall-prinċipji IOSCO għall-immaniġjar ta' kunflitti ta' interess mill-iskemi ta' investiment kollettiv u intermedjarji tas-suq;

AA.

billi s-sistemi ta' remunerazzjoni għall-maniġers tal-hedge funds u tal-fondi ta' ekwità privatai jistgħu jirriżultaw f'inċentivi m'humiex f'lokhom li jwasslu biex jittieħdu riskji irresponsabbli,

AB.

billi l-hedge funds kienu fost l-investituri fil-prodotti bi struttura kumplessa li kienu soġġetti għall-kriżi ta' kreditu, u għalhekk ġarrbu telf bħal ma għamlu investituri oħrajn,

AC.

billi, sabiex jitnaqqas ir-riskju ta' kriżijiet finanzjarji fil-ġejjieni, u minħabba l-interazzjonijiet qawwija madwar is-swieq u bejn il-parteċipanti tas-suq, u minħabba l-għan ta' kundizzjonijiet omoġenji bejn il-fruntieri u bejn parteċipanti tas-suq regolati u mhux regolati, qegħdin jittieħdu diversi inizjattivi fl-UE fuq livell gloabali, li jinkludu reviżjoni tar-Rekwiżiti Kapitali u tad-Direttivi dwar l-Adegwatezza tal-Kapital u proposta għal direttiva dwar l-Aġenziji tal-Valutazzjoni tal-Kreditu (Credit Rating Agencies), sabiex tinkiseb regolamentazzjoni aktar koerenti u armonizzata bla eċċezzjoni,

AD.

billi r-regolamentazzjoni bbażata fuq il-prinċipji hija strateġija xierqa sabiex ikunu rregolati s-swieq finanzjarji, minħabba li tista' tlaħħaq aħjar mal-iżviluppi tas-swieq,

AE.

billi jeħtieġ li tittieħed azzjoni fuq il-livell tal-UE abbażi tas-seba' prinċipji għall-istituzzjonijiet u s-swieq finanzjarji:

AF.

billi azzjoni bħal din tipprovdi bażi legali, universali u komprensiva, li tinkludi l-istituzzjonijiet finanzjarji kollha li huma akbar minn ċertu daqs, u tieħu kont b'mod reċiproku l-prattiċi superviżorji u regolatorji internazzjonali,

1.

Jitlob lill-Kummissjoni sabiex sa l-aħħar tal-2008 tressaq lill-Parlament, abbażi tal-Artikolu 44, l-Artikolu 47(2), jew l-Artikolu 95 tat-Trattat KE, proposta jew proposti leġiżlattivi li jkopru lill-parteċipanti tas-swieq finanzjarji sinifikanti kollha, inklużi l-hedge funds u l-ekwità privata, li jirrispondu għas-seba' prinċipji msemmija fil-Premessa AE u li jkunu skond ir-rakkomandazzjonijiet dettaljati li ġejjin;

2.

Jikkonferma li r-rakkomandazzjonijiet jirrispettaw il-prinċipju ta' sussidjarjetà u d-drittijiet fundamentali taċ-ċittadini;

3.

Jikkunsidra li implikazzjonijiet finanzjarji possibbli tal-proposta jew tal-proposti mitluba għandhom ikunu koperti mill-allokazzjonijiet baġitarji tal-UE;

4.

Jagħti istruzzjonijiet lill-President tiegħu biex jgħaddi din ir-riżoluzzjoni tal-Parlament u r-rakkomandazzjonijiet dettaljati mehmużin magħha lill-Kummissjoni, lill-Kunsill u lill-gvernijiet u lill-parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/34

A.

billi huwa rikonoxxut li mezzi ta' investiment alternattivi bħall-fondi spekulattivi u l-kapital privat jistgħu joffru benefiċċji ġodda ta' diversifikazzjoni lill-amministraturi tal-assi, iżidu l-likwidità tas-suq u l-prospetti ta' redditu għoli għall-investituri, jikkontribwixxu għall-proċess biex jinstabu l-aħjar prezzijiet għall-integrazzjoni finanzjarja, u jtejbu l-effiċenza tas-suq,

B.

billi l-fondi spekulattivi u l-kapital privat huma mezzi ta' investiment distinti li jvarjaw fir-rigward tan-natura tal-investiment u l-istrateġija tal-investiment,

C.

billi l-fondi spekulattivi u l-kapital privat ibbażati fl-UE jeħtieġu ambjent regolatorju li jirrispetta l-istrateġiji ta' innovazzjoni tagħhom sabiex ikunu jistgħu jibqgħu kompetittivi fuq livell internazzjonali filwaqt li jtaffi l-effetti tad-dinamika potenzjali negattiva tas-suq; billi hemm riskju li leġiżlazzjoni speċifika skont il-prodott tkun inflessibbli u toħnoq l-innovazzjoni,

D.

billi l-fondi spekulattivi u l-kapital privat li l-kumpanija amministrattiva tagħhom hija domiċiljata fl-UE għandhom jikkonformaw mal-leġiżlazzjoni Komunitarja eżistenti u futura; billi l-entitajiet li mhumiex ibbażati fl-UE wkoll għandhom jikkonformaw ma' din il-leġiżlazzjoni fil-kuntest ta' ċerta attività,

E.

billi l-fondi spekulattivi fit-territorju tal-UE, il-maniġers tal-fondi spekulattivi fl-UE u d-ditti ta' kapital privat fl-UE huma suġġetti għal-leġiżlazzjoni eżistenti, b'mod partikulari f'dak li jikkonċerna l-abbuż tas-suq, u billi huma suġġetti għal regolazzjoni indirettament permezz ta' kontropartijiet u kif ukoll meta jinbiegħu investimenti relatati fi prodotti regolati,

F.

billi f'ċerti Stati Membri l-fondi spekulattivi u l-kapital privat huma suġġetti għal sistemi regolatorji nazzjonali u għal implimentazzjoni differenti tad-Direttivi eżistenti tal-UE; billi dawn ir-regoli nazzjonali diverġenti jwasslu għal riskju ta' frammentazzjoni regolatorja fis-suq intern, li jista' jkollu l-effett li jostakola l-iżvilupp transkonfinali ta' dan in-negozju fl-Ewropa,

G.

billi d-direttivi jidhru li huma l-istrumenti legali xierqa li bihom għandha tiġi indirizzata kwalunkwe kwistjoni li jeħtieġ li tiġi trattata fir-rigward tal-fondi spekulattivi u l-kapital privat; billi l-analiżi u l-evalwazzjoni tal-impatt fuq il-fondi spekulattivi u l-kapital privat tal-leġiżlazzjoni diġà fis-seħħ fl-Istati Membri u fl-UE għandhom jippreċedu kwalunkwe direttiva dwar it-trasparenza tagħhom; billi din il-leġiżlazzjoni għandha tkun il-punt tat-tluq lejn l-armonizzazzjoni; u billi jista' jkun hemm bżonn li r-regolamenti eżistenti jiġu aġġustati iżda għandhom jiġu evitati bidliet li jintroduċu diverġenzi bla ġustifikazzjoni,

H.

billi huwa rikonoxxut li waħda mill-kwistjonijiet ewlenin hija l-bżonn tat-trasparenza u l-analiżi tagħha u kif ukoll il-każijiet fejn din it-trasparenza tista' tiżdied; billi t-trasparenza għandha diversi aspetti, bħal pereżempju t-trasparenza tal-fondi spekulattivi u -skont kif ikun il-każ — il-kapital privat fil-konfront tal-kumpaniji li l-ishma tagħhom huma jakkwistaw jew jippossjedu, u kif ukoll fil-konfront ta' “prime brokers”, investituri istituzzjonali bħall-fondi tal-pensjonijiet jew il-banek, l-investituri bl-imnut, l-imsieħba fin-negozju, ir-regolaturi u l-awtoritajiet; billi waħda mill-problemi ewlenin tat-trasparenza tinsab fir-relazzjoni bejn fond protett u — skont kif ikun il-każ — kapital privat fuq naħa u l-kumpaniji li l-ishma tagħhom huma jakkwistaw jew jippossjedu fuq in-naħa l-oħra,

I.

billi l-esperjenza tal-Istati Uniti, fejn il-leġiżlazzjoni dwar il-libertà tal-informazzjoni ntużat minn kompetituri biex jiksbu dettalji dwar fondi ta' investiment f'livell intenzjonat għall-investituri, uriet li dan ikkomprometta kemm lill-investituri u kif ukoll lill-fond,

J.

billi l-implimentazzjoni inkonsistenti tad-Direttiva dwar it-Trasparenza wasslet għal livelli diverġenti ta' trasparenza madwar l-UE u għal prezzijiet għoljin għall-investituri,

K.

billi t-trasparenza hija kundizzjoni essenzjali għall-fiduċja tal-investituri u għall-fehim ta' prodotti finanzjarji kumplessi, u għalhekk tikkontribwixxi għall-aqwa tħaddim u stabbilità tas-swieq finanzjarji; billi t-trasparenza hija ta' għajnuna għad-diliġenza dovuta u mhux sostituzzjoni tagħha,

L.

billi r-raġuni prinċipali għall-kriżi tal-krediti “sub-prime” ma tistax tiġi attribwita lil settur wieħed — filwaqt li wieħed irid iżomm f'moħħu li se jkun hemm bżonn ta' ħafna żmien biex nifhmu l-kawżi u l-effetti kollha ta' din il-kriżi, u billi r-raġunijiet varji tal-kriżi jinkludu inter alia:

M.

billi l-leġiżlazzjoni Komunitarja tipprovdi mekkaniżmi bħal pereżempju l-proċedura ta' komitoloġija jew il-proċedura Lamfalussy li jippermettu, permezz ta' miżuri ta' implimentazzjoni, flessibilità fir-reazzjoni għall-ambjent tan-negozju li dejjem jinbidel; billi din is-sistema se titjieb bl-istrument ta' atti ddelegati skont it-Trattat ta' Liżbona,

N.

billi bosta fondi spekulattivi u inizjattivi ta' kapital privat u organizzazzjonijiet differenti bħall-Organizzazzjoni Internazzjonali tal-Kummissjonijiet tat-Titoli, il-Fond Monetarju Internazzjonali, l-Organizzazzjoni għal Koperazzjoni u Żvilupp Ekonomiku u korpi industrijali, inklużi dawk relatati mal-fondi spekulattivi u l-kapital privat, waqqfu prinċipji u kodiċi tal-aħjar prattika li jistgħu jikkomplementaw u jservu bħala mudell għal-leġiżlazzjoni tal-UE; billi, minbarra milli jikkonformaw mal-leġiżlazzjoni tal-UE, il-kumpaniji u l-assoċjazzjonijiet tan-negozju għandhom jitħeġġu sabiex jaderixxu ma' dawn il-kodiċi fuq il-prinċipju fejn, f'każ ta' nuqqas ta' konformità, huma jispjegaw l-azzjonijiet tagħhom (“comply-or-explain”) filwaqt li dawn id-dettalji u spjegazzjonijiet għandhom ikunu disponibbli pubblikament u evalwati kif xieraq,

O.

billi xi prodotti mhux regolamentati (over-the-counter — (OTC)) jistgħu jużaw sistemi kummerċjali aktar trasparenti jew viżibbli sabiex, fejn hu possibbli, tiżdied il-valutazzjoni skont il-valur attwali fis-suq (mark-to-market) u tingħata indikazzjoni ta' bidliet ta' sjieda potenzjali; billi sistema għall-approvazzjoni (clearing) ta' prodotti mhux regolamentati hi attraenti għall-iskopijiet ta' sorveljanza superviżorja u ta' evalwazzjoni tar-riskji, iżda, sabiex jiġi żgurat li jkun hemm l-istess kundizzjonijiet għal kulħadd fil-kuntest globali, hemm bżonn li kwalunkwe sistema ġdida tiġi introdotta fuq bażi internazzjonali;

P.

billi l-monitoraġġ u l-irraportar mifruxin mal-industrija għandhom irwol fl-indirizzar tat-tħassib pubbliku u biex jiġi mifhum l-impatt ekonomiku tal-kapital privat, u billi diġà hemm obbligu fuq il-kumpaniji privati u pubbliċi biex jikkonsultaw lill-impjegati tagħhom dwar kwistjonijiet li jaffettwaw l-interessi tagħhom; billi m'għandux jinħoloq żbilanċ bejn l-iżvelar ta' tagħrif kummerċjali rikjest minn kumpaniji b'portafoll ta' kapital privat u dak rikjest minn kumpaniji privati oħrajn,

Q.

billi leġiżlazzjoni relatata mal-prodott ma tidhirx li hija t-tip ta' regolament xieraq biex jiġi indirizzat dan is-settur innovattiv,

R.

billi websajt li sservi għal kollox (one-stop-shop) tkun ta' għajnuna u għandha titwaqqaf għall-Unjoni Ewropea u għandha tiġi promossa fuq livell internazzjonali; billi din il-websajt għandha tinkludi reġistru ta' dawk il-parteċipanti tas-suq li jikkonformaw mal-kodiċi ta' imġiba, l-iżvelar tagħhom u r-raġunijiet li jiġġustifikaw in-nuqqas ta' konformità; billi r-raġunijiet għal nuqqas ta' konformità jistgħu jkunu wkoll għodda ta' tagħlim,

S.

billi qed tinġibed l-attenzjoni għall-bżonn li jingħelbu l-ostakli għad-distribuzzjoni transkonfinali ta' investimenti alternattivi billi titwaqqaf sistema Ewropea ta' pjazzament privat għall-investituri istituzzjonali,

T.

billi, fil-kuntest ta' kapital privat, l-ispejjeż ta' kwalunkwe rekwiżit addizzjonali ta' rrapurtar, b'mod partikulari meta dawn ir-rekwiżiti jkunu frekwenti, għandhom ikunu ġustifikati u proporzjonati għall-benefiċċji li joħorġu minnhom; billi, fil-kuntesti kollha, hemm bżonn ta' rabta aħjar bejn il-pakketti ta' remunerazzjoni u r-rendiment fit-tul,

U.

billi mhix qed titħejja ebda proposta f'dan il-qasam,

1.

Jitlob lill-Kummisjoni biex tippreżenta lill-Parlament, fuq il-bażi tal-Artikoli 44,47(2) jew 95 tat-Trattat KE, skont il-materja tas-suġġett, proposta leġiżlattiva jew proposti leġiżlattivi dwar it-trasparenza tal-fondi spekulattivi u l-kapital privat; jitlob li tali proposta/i titfassal/jitfasslu fid-dawl ta' diskussjonijiet interistituzzjonali, u li ssegwi/jsegwu r-rakkomandazzjonijiet dettaljati mehmuża;

2.

Jikkonferma li r-rakkomandazzjonijiet jirrispettaw il-prinċipju ta' sussidjarjetà u d-drittijiet fundamentali taċ-ċittadini;

3.

Iqis li l-proposti mitluba m'għandhom l-ebda implikazzjonji finanzjarja;

4.

Jagħti istruzzjonijiet lill-President tiegħu biex jgħaddi din ir-riżoluzzjoni u r-rakkomandazzjonijiet dettaljati annessi magħha lill-Kummissjoni u lill-Kunsill kif ukoll lill-parlamenti u l-gvernijiet tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/41

A.

filwaqt li jirrikonoxxi l-importanza singulari tal-proċess tal-petizzjonijiet fejn l-individwi tingħatalhom l-opportunità li jiġbdu għall-attenzjoni tal-Parlament Ewropew kwistjonijiet speċifiċi li jkunu ta' preokkupazzjoni diretta għalihom li jkopru l-qasam ta' attività tal-Unjoni,

B.

billi l-Kumitat għall-Petizzjonijiet għandu dejjem jirsisti biex itejjeb l-effiċjenza tiegħu sabiex iservi aħjar liċ-ċittadini tal-UE u jissodisfa l-aspetattivi tagħhom,

C.

filwaqt li huwa konxju mill-fatt li, minkejja l-progress konsiderevoli fl-iżvilupp tal-istrutturi u l-politiki tal-Unjoni waqt dan il-perjodu, iċ-ċittadini ta' sikwiet jibqgħu konxji ta' ħafna nuqqasijiet fl-applikazzjoni tal-politiki u l-programmi tal-Unjoni peress li jaffettwawhom b'mod dirett,

D.

billi, skont it-Trattat KE iċ-ċittadini tal-UE għandhom id-dritt ta' petizzjoni quddiem il-Parlament Ewropew iżda jistgħu wkoll iressqu l-ilmenti tagħhom quddiem istituzzjonijiet jew korpi oħra tal-UE, b'mod partikulari l-Kummissjoni,

E.

billi l-isforzi biex tkun promossa u tingħata l-informazzjoni dwar id-dritt pubbliku ta' petizzjoni quddiem il-Parlament jibqgħu vitali fuq livell nazzjonali, sabiex jitqajjem l-interess pubbliku u, b'mod partikulari, tkun evitata l-konfużjoni dwar il-proċeduri varji dwar l-ilmenti,

F.

billi hija r-responsabilità tal-Istati Membri li japplikaw ir-regolamenti u d-direttivi tal-Komunità, responsabilità li jistgħu jiddelegaw lil awtoritajiet politiki reġjonali jew lokali skont l-arranġamenti kostituzzjonali tagħhom stess,

G.

billi hija ħaġa leġittima li l-Parlament jeżerċita sorveljanza u superviżjoni demokratiċi tal-politiki tal-Unjoni, filwaqt li jżomm f'moħħu l-prinċipju importanti ta' sussidjarjetà, sabiex jiżgura li l-liġijiet tal-Unjoni jiġu implimentati u mifhuma b'mod xieraq u li jissodisfaw l-iskop li għalih ikunu ġew imfassla, diskussi u adottati mill-istituzzjonijiet kompetenti tal-Unjoni,

H.

billi ċ-ċittadini tal-UE u r-residenti tal-Unjoni jistgħu jipparteċipaw b'mod attiv f'din l-attività billi jeżerċitaw id-dritt tagħhom ta' petizzjoni quddiem il-Parlament Ewropew, konsapevoli mill-fatt li t-tħassib tagħhom se jiġi indirizzat u investigat mill-kumitat responsabbli u li se tingħata risposta xierqa,

I.

billi t-Trattati eżistenti diġà fihom impenji biex jitħarsu, bħala prinċipji ewlenin tas-soċjetà Ewropea, ir-rispett għad-dinjità tal-bniedem, il-libertà, id-demokrazija, l-istat tad-dritt, id-drittijiet tal-bniedem, l-ugwaljanza u d-drittijiet tal-minoritajiet, u billi t-Trattati l-ġodda dwar l-Unjoni Ewropea u dwar il-Funzjonament tal-Unjoni Ewropea, jekk ikunu ratifikati mis-27 Stat Membru kollha, se jkomplu jsaħħu dan billi jinkorporaw il-Karta tad-Drittijiet Fundamentali, billi jipprovdu għall-adeżjoni tal-Unjoni għall-Konvenzjoni Ewropea dwar id-Drittijiet tal-Bniedem, u permezz tal-introduzzjoni kemm ta' bażi legali għal inizjattivi leġiżlattivi taċ-ċittadini, kif ukoll ta' sistema xierqa ta' liġi amministrattiva għall-istituzzjonijiet tal-UE,

J.

billi l-Artikolu 7 tat-Trattat dwar l-Unjoni Ewropea jistipula proċeduri li bihom l-Unjoni tista' tieħu azzjoni kontra ksur serju u persistenti min-naħa ta' Stat Membru fir-rigward tal-prinċipji li fuqhom hija msejsa l-Unjoni, kif stipulat fl-Artikolu 6 ta' dak it-Trattat,

K.

f’dan ir-rigward ifakkar li ċ-ċittadini tal-UE ta' sikwiet jippetizzjonaw lill-Parlament għal rimedju fejn iħossu li d-drittijiet tagħhom kif rikonoxxuti skont it-Trattati, ikunu nkisru u meta jsibu li r-rimedji ġudizzjarji jkunu inadegwati, mhux prattiki, imġebbdin wisq jew — kif ta' sikwiet ikun il-każ — jiswew ħafna flus,

L.

billi l-Kumitat għall-Petizzjonijiet, bħala l-kumitat responsabbli, għandu d-dover mhux biss li jirrispondi l-petizzjonijiet individwali iżda wkoll li jfittex li jipprovdi soluzzjonjiet vijabbli għat-tħassib muri mill-petizzjonanti f'perjodu ta' żmien adegwat, u billi dan jikkostitwixxi l-objettiv ewlieni tal-ħidma tiegħu,

M.

billi s-soluzzjonijiet għat-tħassib tal-petizzjonanti ġeneralment jinstabu b'riżultat ta' koperazzjoni lejali bejn il-Kumitat għall-Petizzjonijiet, fuq naħa, u l-Kummissjoni, l-Istati Membri u l-awtoritajiet reġjonali u lokali tagħhom fuq in-naħa l-oħra, li flimkien jipprovdu rimedji mhux ġudizzjarji,

N.

madankollu, billi mhux dejjem ikun hemm rieda ċara min-naħa tal-Istati Membri u mill-awtoritajiet reġjonali jew lokali biex jinstabu soluzzjonijiet prattiċi għall-problemi li jressqu l-petizzjonanti,

O.

billi, barra minn hekk, minkejja li l-allegazzjonijiet tal-petizzjonanti mhux dejjem ikunu fondati tajjeb, il-petizzjonanti huma intitolati għal spjegazzjoni u għal risposta raġunata mill-kumitat responsabbli,

P.

billi l-koordinazzjoni interistituzzjonali mtejba għandha twassal biex il-petizzjonijiet inammissibbli jiġu indirizzati mill-ġdid lejn l-awtoritajiet nazzjonali b'mod iktar effettiv,

Q.

billi l-petizzjonijiet jistgħu jiġu ddikjarati inammissibbli jekk ma jkunux jikkonċernaw il-qasam ta' attività tal-Unjoni Ewropea u billi l-proċess tal-petizzjonijiet mhuwiex metodu li ċ-ċittadini jistgħu jużaw bħala mezz ta' appell kontra deċiżjonijiet meħuda mill-awtoritajiet nazzjonali legali jew politiċi kompetenti li jista' jkun li ma jaqblux magħhom,

R.

billi huwa essenzjali li l-Parlament jipprovdi lilu nnifsu bil-mezzi effettivi, f'termini ta' awtorità, regoli, proċeduri u riżorsi effettivi biex jirreaġixxi b'mod effiċjenti u f'waqtu għall-petizzjonjiet li jkun irċieva,

S.

billi l-proċess tal-petizzjonijiet jista' jagħti kontribuzzjoni pożittiva għal tfassil aħjar tal-liġijiet, b'mod speċjali permezz tal-identifikar tal-oqsma nnotifikati mill-petizzjonanti fejn il-liġi eżistenti tal-UE tkun dgħajfa jew ineffettiva meta jiġu kkunsidrati l-objettivi tal-att leġiżlattiv ikkonċernat, u billi, bil-koperazzjoni u taħt l-awtorità tal-kumitat leġiżlattiv kompetenti, dawn is-sitwazzjonijiet jistgħu jiġu rimedjati permezz ta' reviżjoni tal-atti leġiżlattivi kkonċernati,

T.

billi l-proċess tal-petizzjonijiet jagħti wkoll kontribuzzjoni sinifikanti għall-identifikazzjoni tal-istanzi fejn l-Istati Membri ma jkunux qed japplikaw il-liġi Komunitarja b'mod korrett, li f'numru ta' każijiet dan iwassal biex il-Kummissjoni tiftaħ proċedura ta' ksur skond l-Artikolu 226 tat-Trattat KE,

U.

billi l-proċedura ta' ksur hija mfassla biex jiġi żgurat li l-Istat Membru kkonċernat jinġieb f'konformità mal-liġi Komunitarja eżistenti u barra minn hekk dan jiġi deċiż skont id-diskrezzjoni tal-Kummissjoni mingħajr l-ebda dispożizzjoni għall-involviment dirett tal-parlament f'dan il-proċess, filwaqt li jinnota, madankollu, li bejn wieħed u ieħor terz tal-ksur ikunu relatati ma' kwistjonijiet ippreżentati minn petizzjonanti lill-Parlament Ewropew,

V.

billi proċedura ta' ksur, anki jekk tirnexxi, ma tistax tipprovdi rimedju b'mod dirett fir-rigward ta' kwistjonijiet speċifiċi mressqa mill-petizzjonanti individwali, billi dan idgħajjef il-fiduċja taċ-ċittadini fil-kapaċità tal-istituzzjonijiet tal-UE biex jissodisfaw l-aspettattivi tagħhom,

W.

billi fl-2007, meta n-numru ta' membri fil-Kumitat għall-Petizzjonijiet żdied minn 25 għal 40, il-Parlament irreġistra 1 506 petizzjoni (li jirrappreżentaw żieda ta' 50 fil-mija meta mqabbla mal-2006), li minnhom 1 089 ġew iddikjarati ammissibbli,

X.

jinnota li fis-sena 2007, total ta' 159 petizzjonant ipparteċipaw f'laqgħat tal-Kumitat għall-Petizzjonijiet, u dan in-numru ma jinkludix lil dawk il-bosta oħrajn li kienu preżenti biex josservaw il-proċedimenti,

Y.

billi fl-2007 ġew organizzati sitt żjarat għall-ġbir tal-fatti fil-Ġermanja, fi Spanja, fl-Irlanda, fil-Polonja, fi Franza u f'Ċipru, li b'riżultat tagħhom ġew ippreparati rapporti u saru rakkomandazzjonijiet li sussegwentement intbagħtu lill-partijiet interessati kollha u b'mod partikulari lill-petizzjonanti,

Z.

billi ġew organizzati disa’ laqgħat plenarji tal-kumitat fejn ġew diskussi 'l fuq minn 500 petizzjoni individwali, bl-assistenza prezzjuża ta' rappreżentanti tal-Kummissjoni, filwaqt li l-petizzjonanti kollha ġew infurmati bir-riżultat,

AA.

billi l-oqsma ta' prijorità li jikkonċernaw liċ-ċittadini tal-UE, kif espress fil-proċess tal-petizzjonijiet, jiffukaw fuq dawn l-oqsma li ġejjin: l-ambjent u l-ħarsien tiegħu, inklużi l-punti dgħajfa tad-Direttiva dwar l-Evalwazzjoni tal-Impatt Ambjentali, id-Direttiva Qafas dwar l-Ilma, id-Direttiva dwar l-Ilma għax-Xorb, id-Direttivi dwar l-Iskart, id-Direttiva dwar l-Habitati, id-Direttiva dwar l-Għasafar, id-Direttiva dwar il-Moneylaundering u direttivi oħrajn, u li jinkludu preokkupazzjonijiet ġenerali dwar it-tniġġis u l-bidla fil-klima, id-drittijiet ta' proprjetà individwali u privata, is-servizzi finanzjarji, il-moviment ħieles u d-drittijiet tal-ħaddiema, inklużi d-drittijiet tal-pensjoni u dispożizzjonijiet oħra tas-sigurtà soċjali, il-moviment ħieles tal-merkanzija u tat-tassazzjoni, ir-rikonoxximent ta' kwalifiki professjonali, il-libertà ta' stabbiliment, u allegazzjonijiet ta' diskriminazzjoni minħabba nazzjonalità, sess jew minħabba li persuna tkun membru ta' minoranza,

AB.

billi s-suġġett tal-petizzjonijiet u l-eżaminazzjoni tagħhom involvew kwistjonijiet kontemporanji ewlenin bħall-bidla fil-klima, it-telf ta' bijodiversità, l-iskarsezza tal-ilma, ir-regolamentazzjoni tas-servizzi finanzjarji u l-provvista tal-enerġija tal-Unjoni Ewropea,

AC.

filwaqt li jżomm f'moħħu r-relazzjonijiet permanenti u kostruttivi stabbiliti bejn l-Ombudsman Ewropew, li huwa responsabbli biex jinvestiga l-ilmenti taċ-ċittadini rigward allegazzjonijiet ta' amministrazzjoni ħażina fl-istituzzjonijiet tal-UE, u l-Kumitat għall-Petizzjonijiet li regolarment jirrapporta lill-Parlament dwar ir-Rapport Annwali tal-Ombudsman jew dwar Rapporti Speċjali — li jibqa’ l-aħħar mezz ta' azzjoni li jkollu l-Ombudsman meta ma jingħatax widen għar-rakkomandazzjonijiet tiegħu — li minnhom kien hemm wieħed fl-2007,

AD.

billi talba mill-kumitat responsabbli ppreżentata f'Ġunju tal-2007 għal awtorizzazzjoni għat-tfassil ta' rapport dwar Rapport Speċjali mill-Ombudsman lill-Parlament dwar amministrazzjoni ħażina fi ħdan l-Uffiċċju Ewropew għal Kontra l-Frodi ġiet irrifjutata b'deċiżjoni tal-Konferenza tal-Presidenti fil-15 ta' Novembru 2007,

AE.

filwaqt li jżomm f'moħħu l-iżviluppi futuri li se jkomplu jkabbru l-involviment taċ-ċittadini tal-UE fl-attività u fil-ħidma tal-Unjoni Ewropea, speċjalment bl-introduzzjoni tal-“inizjattiva taċ-ċittadini” prevista fit-Trattat ta' Liżbona, jekk ikun ratifikat mis-27 Stat Membru kollha, li se tippermetti li mhux inqas minn miljun individwu minn diversi Stati Membri jitolbu proposta għal att leġiżlattiv ġdid, u li għal dan għandhom jiġu introdotti proċeduri speċifiċi li jinvolvu lill-Kummissjoni, li lejha jridu jkunu indirizzati dawn l-inizjattivi, lill-Parlament Ewropew u lill-Kunsill,

AF.

billi jekk il-ħidma tal-Kumitat għall-Petizzjonijiet tkun effettiva u effiċjenti, dan jagħti sinjal ċar liċ-ċittadini li t-tħassib leġittimu tagħhom qed jiġi indirizzat u jistabilixxi konnessjoni ġenwina bejn iċ-ċittadini u l-UE; billi, madankollu, jekk ikun hemm dewmien inaċċettabbli, u nuqqas ta' rieda min-naħa tal-Istati Membri biex jimplimentaw ir-rakkomandazzjonijiet meħtieġa skont il-liġi Komunitarja, dan iservi biss biex tikber id-distanza bejn l-UE u ċ-ċittadini tagħha u f'ħafna każijiet tikkonferma l-opinjoni tagħhom li jeżisti żbilanċ demokratiku,

AG.

billi matul l-2007 l-membri tal-Kumitat għall-Petizzjonijiet setgħu jibbenefikaw mit-titjib konsiderevoli tad-database u l-għodda ta' ġestjoni tal-’e-Petition’, żviluppati mis-segretarjat tiegħu f'kollaborazzjoni mas-servizz responsabbli għat-teknoloġija tal-informatika, li jipprovdi lill-membri kollha tal-kumitat u tal-gruppi politiċi b'aċċess dirett għall-petizzjonijiet u d-dokumenti assoċjati kollha, biex b'hekk titjieb il-kapaċità tagħhom li jservu l-petizzjonanti b'mod effettiv,

AH.

madankollu, jinnota li l-Parlament naqas milli jipprovdi r-riżorsi, mitluba fir-riżoluzzjoni tas-sena li għaddiet dwar il-ħidma tal-Kumitat għall-Petizzjonijiet, meħtieġa biex jitjiebu l-faċilitajiet għall-proċess tal-petizzjonijiet u biex jattwa l-Artikolu 192(2) tar-Regoli ta' Proċedura tal-Parlament, li jipprovdi li “għandu jitwaqqaf reġistru elettroniku li fih iċ-ċittadini jkunu jistgħu jagħtu l-appoġġ tagħhom lil min jagħmel il-petizzjoni billi jpoġġu l-firma elettronika tagħhom fuq petizzjonijiet li jkunu ġew dikjarati ammissibbli u li jkunu ddaħħlu fir-reġistru”,

AI.

billi huwa importanti għaċ-ċittadini tal-UE li jkunu infurmati b'mod xieraq dwar il-ħidma tal-Kumitat għall-Petizzjonijiet hekk kif qed iħejju ruħhom biex jivvutaw għal Parlament ġdid fl-elezzjonijiet tal-UE li jmiss ippjanati għal Ġunju tal-2009,

1.

Jilqa' b'sodisfazzjon il-kollaborazzjoni mill-qrib tal-Kumitat għall-Petizzjonijiet u s-servizzi tal-Kummissjoni u tal-Ombudsman u l-klima ta' koperazzjoni li teżisti bejn l-istituzzjonijiet li jipprovaw jirrispondu għall-preokkupazzjonijiet taċ-ċittadini tal-UE; madankollu, jemmen bis-sod li għandha tingħata prijorità li tippermetti lill-Kumitat għall-Petizzjonijiet innifsu biex ikompli jtejjeb il-faċilitajiet investigattivi indipendenti tiegħu stess, speċjalment permezz tat-tisħiħ tas-segretarjat u l-kompetenza legali tiegħu; jimpenja ruħhu biex jissimplifika aktar il-proċeduri interni tal-Kumitat għall-Petizzjonijiet sabiex jiffaċilita aktar il-proċess tal-petizzjonijiet, b'mod partikulari f'dak li għandu x'jaqsam mal-limitu taż-żmien li fiħ il-petizzjonijiet jiġu ddeterminati, l-ammissibbilità, l-investigazzjoni u s-segwitu tagħhom, l-organizzazzjoni tal-laqgħat tal-kumitat, il-kooperazzjoni mal-kumitati parlamentari l-oħra li jista' jkollhom interess jew kompetenza fir-rigward ta' ċerti petizzjonijiet, u inizjattivi tal-kumitat bħal ma huma l-missjonijiet għas-sejba tal-fatti;

2.

Jenfasizza li l-kamp ta' applikazzjoni legali tal-Karta tad-Drittijiet Fundamentali se jiġi rikonoxxut jekk it-Trattat ta' Liżbona jiġi rratifikat b'mod sħiħ, u li dan se jħaddan formalment in-natura indipendenti u vinkolanti tagħha, u jinnota li għandhom ikunu previsti miżuri speċifiċi sabiex ikun determinat x'se jkun l-effett fuq id-drittijiet taċ-ċittadini u, b'konsegwenza ta' dan, fuq ix-xogħol u l-kompetenzi tal-Kumitat għall-Petizzjonijiet;

3.

Itenni t-talba tiegħu lis-Segretarju Ġenerali tiegħu biex iwettaq reviżjoni urġenti tal-“Portal taċ-Ċittadini” fuq il-websajt tal-Parlament bil-għan li titjieb il-viżibilità tal-portal fir-rigward tad-dritt tal-petizzjoni, u biex jiġi żgurat li ċ-ċittadini jiġu pprovduti bil-mezzi biex ipoġġu l-firma tagħhom b'mod elettroniku sabiex jissostanzjaw il-petizzjonjiet tagħhom, kif stipulat fl-Artikolu 192(2) tar-Regolai ta' Proċedura; iħeġġeġ li l-Portal taċ-Ċittadini għandu jiżgura l-interoperabilità tas-softwer użat sabiex iċ-ċittadini jiġu pprovduti bi drittijiet ugwali f'dan ir-rigward;

4.

Iqis li l-proċedura attwali għar-reġistrazzjoni tal-petizzjonijiet iddawwen bla bżonn l-evalwazzjoni tagħhom u jinsab imħasseb minħabba li dan jaf jinftiehem bħala nuqqas ta' sensittività fil-konfront tal-petizzjonanti; għalhekk, iħeġġeġ lis-Segretarju Ġenerali tiegħu biex jieħu l-miżuri neċessarji biex jittrasferixxi r-reġistrazzjoni tal-petizzjonijiet mid-Direttorat Ġenerali tal-Presidenza għas-segretarjat tal-kumitat responsabbli;

5.

Jitlob il-ftuħ ta' negozjati bejn il-Parlament u l-Kummissjoni bil-għan li jikkoordinaw aħjar il-ħidma tagħhom dwar l-ilmenti b'mod li jiffaċilita, jissimplifika u jħaffef il-proċeduri tal-ilmenti u jagħmilhom aktar trasparenti u bil-ħeffa; jistieden lis-Segretarju-Ġenerali biex jirrapporta lura lill-Kumitat għall-Petizzjonijiet fi żmien sitt xhur;

6.

Jappoġġja l-formalizzazzjoni ta' proċedura li permezz tagħha l-petizzjonijiet fil-qasam tas-suq intern jiġu ttrasferiti għan-netwerk SOLVIT bl-għan li titqassar b'mod sinifikanti l-proċedura tal-petizzjonijiet fil-qasam tal-kwistjonijiet tas-suq intern bħal ma huma t-taxxi fuq il-karozzi, ir-rikonoxximent tal-kwalifiki professjonali, il-permessi tar-residenza, il-kontrolli fil-fruntieri u l-aċċess għall-edukazzjoni, filwaqt li jinżamm id-dritt tal-Parlament li jeżamina l-kwistjoni jekk ma tinstabx soluzzjoni sodisfaċenti permezz tas-SOLVIT;

7.

Itenni l-ħtieġa ta' involviment akbar min-naħa tal-Kunsill u mir-Rappreżentanti Permanenti tal-Istati Membri fl-attivitajiet tal-Kumitat għall-Petizzjonijiet u jħeġġiġhom biex iżidu l-preżenza u l-parteċipazzjoni tagħhom fl-interess taċ-ċittadini;

8.

Iqis li, fil-kuntest tat-tisħiħ tas-segretarjat tal-Kumitat għall-Petizzjonijiet u fil-kuntest tal-iżvilupp tas-sistema tal-’e-Petition’, l-introduzzjoni ta' faċilità tat-teknoloġija tal-informatika għall-intraċċar “online” immirata għall-petizzjonanti tkun ta' kontribut lejn il-ħolqien ta' proċess aktar trasparenti u effiċjenti permezz ta, inter alia, aġġornamenti regolari tal-istatus u talbiet għal aktar informazzjoni; jinnota li din il-miżura tissodisfa aħjar l-aspettattivi taċ-ċittadini tal-UE filwaqt li trawwem ukoll rendiment aħjar tar-responsabilitajiet istituzzjonali tal-Parlament Ewropew u tal-Kumitat għall-Petizzjonijiet;

9.

Jistieden lill-Kummissjoni biex tqis bis-sħiħ ir-rakkomandazzjonijiet tal-Kumitat għall-Petizzjonijiet fl-ilħuq ta' deċiżjonijiet rigward it-tnedija ta' proċedimenti ta' ksur kontra l-Istati Membri u jtenni t-talba tiegħu li l-Kumitat għall-Petizzjonijiet jiġi notifikat direttement u uffiċjalment mill-Kummissjoni meta titnieda proċedura ta' ksur relatata ma' petizzjoni li tkun qed tiġi kkunsidrata mill-Kumitat;

10.

Itenni, f'din ir-rigward, kemm in-natura rappreżentattiva tal-Kumitat għall-Petizzjonijiet kif ukoll id-dmir u l-irwol istituzzjonali li jwettaq vis-à-vis ċ-ċittadini u r-residenti tal-UE;

11.

Jesprimi tħassib dwar it-tul ta' ħin eċċessiv li jittieħed għall-konklużjoni ta' każijiet ta' ksur mis-servizzi tal-Kummissjoni u l-Qorti tal-Ġustizzja, jekk u meta l-Qorti tkun involuta, u — filwaqt li jirrikonoxxi li ta' spiss dan ikun ir-riżultat ta' dewmien u xkiel ta' sikwiet intenzjonat min-naħa tal-amministrazzjonijiet ikkonċernati tal-Istat Membru — jitlob għall-introduzzjoni ta' skedi ta' żmien iktar stretti; jesprimi d-dubji tiegħu dwar l-effiċjenza tal-hekk imsejħa ’proċeduri ta' ksur orizzontali’, li jieħdu iktar fit-tul biex jiġu konklużi; jitlob reviżjoni tal-proċedura ta' ksur bil-għan li jiġi żgurat rispett ikbar għall-applikazzjoni tal-atti leġiżlattivi tal-Komunità;

12.

Jistieden lill-istituzzjonijiet ikkonċernati biex jagħmlu użu aħjar min din il-proċedura bħala mezz biex jiġi żgurat ħarsien sħiħ tal-liġi Komunitarja u jiddispjaċih bil-kbir li wisq ta' spiss id-dawmien tal-proċeduri użati, u t-tgħammim frekwenti tal-kwistjoni ewlenija jwasslu għal ksur de facto tal-liġi Komunitarja min-naħa tal-Istati Membri, li b'hekk ikunu qed jaġixxu b'impunità kontra l-interessi tal-komunitajiet lokali affettwati direttament li jkunu ppetizzjonaw lill-Parlament;

13.

Iqis bħala problematiku l-fatt li s-sistema preżenti għall-monitoraġġ tal-liġi Komunitarja tippermetti lill-Istati Membri biex idawmu l-konformità sakemm ma tkunx imminenti sanzjoni prekunarja u xorta waħda jevitaw ir-responsabilità tal-ksur intenzjonat tal-passat, u ċ-ċittadini ta' sikwiet jidhru li huma nieqsa minn aċċess adegwat għall-ġustizzja u għal rimedji fuq livell nazzjonali anki meta l-Qorti tal-Ġustizzja tkun iddeċidiet li Stat Membru ma jkunx irrispetta d-drittijiet taċ-ċittadini skond il-liġi Komunitarja,

14.

Jirrakkomanda li tingħata prijorità biex ikun żgurat li l-Kumitat għall-Petizzjonijiet ikun effettiv u effiċjenti fl-aspetti kollha tal-operat tiegħu mill-bidu sa l-aħħar, minħabba li dan jirrappreżenta impenn reali u tanġibbli lejn iċ-ċittadini tiegħu u jindika li l-UE hija lesta u kapaċi tirrispondi għat-tħassib leġittimu tagħhom;

15.

Jesprimi t-tħassib u l-biża tiegħu fir-rigward tar-rapporti mill-petizzjonanti li, anki meta jkunu kisbu l-appoġġ tal-Kumitat għall-Petizzjonijiet dwar is-sustanza tal-petizzjoni tagħhom, ta' sikwiet jesperjenzaw diffikultà kbira biex jiksbu kwalunkwe forma ta' kumpens mill-awtoritajiet u mill-qrati involuti; jemmen li hemm bżonn li dawn id-dgħjufijiet sistematiċi jkomplu jiġu investigati speċjalment minħabba li japplikaw għas-settur tas-servizzi finanzjarji, bħal fil-każ tas-sejbiet tal-Kumitat ta' Inkjesta dwar l-’Equitable Life Crisis’, li kienu bbażata fuq petizzjonijiet li rċieva l-Parlament u li dwarhom tħejja rapport fl-2007;

16.

Jilqa' b'sodisfazzjon il-fatt li fl-2007 l-Kummissjoni u l-Qorti tal-Ġustizzja ħadu azzjoni rapida, anki permezz ta' inġunzjoni, biex tiġi evitata l-qerda imminenti ta' żona protetta taħt id-Direttiva Habitats f'Wied Rospuda mill-passaġġ tal-Via Baltica, li fir-rigward ta' dan il-Kumitat għall-Petizzjonijiet wettaq l-investigazzjoni indipendenti tiegħu, għamel żjara għall-ġbir tal-fatti u għamel ukoll rakkomandazzjonijiet speċifiċi; jilmenta dwar il fatt li ma kienx hemm iktar eżempji ta' dan it-tip;

17.

Iħeġġeġ lill-Kummissjoni, biex waqt li tkun qed tindirizza petizzjonijiet u lmenti relatati mal-politika tal-ambjent — li hija waħda mill-preokkupazzjonijiet ewlieni tal-petizzjonanti fl-UE — tkun iktar lesta taġixxi sabiex tevita ksur fil-liġi Komunitarja; jinnota li l-“prinċipju ta' prekawzjoni” m'għandux biżżejjed saħħa legali prattika u ta' sikwit jiġi injorat mill-awtoritajiet responsabbli fl-Istati Membri li madankollu għandhom l-obbligu li japplikaw it-Trattat KE;

18.

Jiddispjaċih min-nuqqas ta' apoġġ mogħti lill-Kumitat għall-Petizzjonijiet mill-Kummissjoni meta, speċjalment b'riżultat ta' żjarat għall-ġbir tal-fatti, tinġabar evidenza qawwija rigward in-nuqqas ta' ħarsien tad-drittijiet taċ-ċittadini kif imħaddna fit-Trattat, jew nuqqas ta' applikazzjoni ta' leġiżlazzjoni, u jitlob li jiġu stabbiliti proċeduri ġodda li jippermettu li l-Parlament iressaq dawn il-każijiet direttament quddiem il-Qorti tal-Ġustizzja;

19.

Jirrikonoxxi bis-sħiħ li l-proċess tal-petizzjonijiet, kif rikonoxxut fit-Trattat, madankollu huwa primarjament konċernat mil-kisba ta' rimedji mhux ġudizzjarji u soluzzjonijiet fir-rigward tal-problemi mressqa miċ-ċittadini tal-UE permezz tal-proċess politiku u, f'dan il-kuntest, jilqa' b'sodisfazzjon il-fatt li f'ħafna każijiet jinkisbu riżultati sodisfaċenti;

20.

Jirrikonoxxi wkoll li f'ħafna każijiet ma tkunx tista' tinstab soluzzjoni għall-petizzjonanti minħabba d-dgħjufijiet identifikati fil-leġiżlazzjoni Komunitarja applikabbli nnifisha;

21.

Jistieden lill-kumitati leġiżlatttivi kompetenti biex, waqt il-preparazzjoni u l-innegozjar ta' atti leġiżlattivi ġodda jew riveduti, jagħtu attenzjoni mill-qrib għall-problemi rrapportati permezz tal-proċess tal-petizzjonijiet;

22.

Jistieden lill-Kummissjoni biex tagħti iżjed każ tal-użu tal-Fondi ta' Koeżjoni f'oqsma tal-UE fejn il-proġetti infrastrutturali kbar ikollhom impatt kbir fuq l-ambjent u jħeġġeġ lill-Istati Membri biex jiżguraw li l-fondi tal-UE jkunu diretti lejn żvilupp sostenibbli fl-interessi tal-komunitajiet lokali, li numru dejjem ikbar minnhom qed jippetizzjonaw lill-Parlament biex jipprotestaw minħabba li dawn il-prijoritajiet mhux dejjem qed jiġu rrispettati mill-awtoritajiet reġjonali u lokali; jilqa' b'sodisfazzjon il-ħidma li qed titwettaq mill-Kumitat għall-Kontroll Baġitarju u mill-Qorti tal-Awdituri f'dan ir-rigward;

23.

Jinnota li numru dejjem ikbar tal-petizzjonijiet li jaslu, speċjalment minn ċittadini mill-Istati Membri l-ġodda, jikkonċernaw il-kwistjoni tal-għoti lura tal-proprjetà, minkejja li dan is-suġġett essenzjalment huwa wieħed ta' kompetenza nazzjonali; iħeġġeġ lill-Istati Membri involuti biex jiżguraw li l-liġijiet tagħhom rigward drittijiet ta' proprjetà li jirriżultaw minn bidla ta' reġim ikunu f'konformità sħiħa mar-rekwiżiti tat-Trattat u mad-dispożizzjonijiet tal-Konvenzjoni Ewropea dwar id-Drittijiet tal-Bniedem, kif jitlob ukoll l-Artikolu 6 tat-Trattat tal-UE kif emendat bit-Trattat ta' Liżbona; jenfasizza li l-petizzjonijiet li waslu dwar dan is-suġġett ma jikkonċernawx is-sistema tas-sjieda tal-proprjetà iżda jikkonċernaw id-dritt għal proprjetà akkwistata b'mod leġittimu; f'dan il-kuntest, iħeġġeġ lill-Kummissjoni biex tkun partikolarment viġilanti mhux biss fit-trattazzjonijiet tagħha mal-Istati Membri eżistenti iżda wkoll fin-negozjati tagħha ma' pajjiżi kandidati;

24.

Jiddikjara mill-ġdid l-impenn tiegħu biex iħares ir-rikonoxximent tad-drittijiet taċ-ċittadini tal-UE għall-proprjetà privata tagħhom li tkun ġiet akkwistata legalment u jikkundanna t-tentattivi kollha biex tittieħed il-proprjetà tal-familji mingħajr il-proċess dovut, mingħajr kumpens xieraq jew mingħajr ir-rispett għall-integrità personali tagħhom; jinnota żieda fl-għadd ta' petizzjonijiet li waslu dwar din il-kwistjoni, speċjalment fir-rigward ta' Spanja fl-2007, u jinnota wkoll ir-rapport u r-rakkomandazzjonijiet taż-żjara għall-ġbir tal-fatti mwettqa mill-Kumitat għall-Petizzjonijiet1 biex tiġi investigata l-problema għat-tielet darba; jinnota li fir-rigward tad-Direttivi dwar l-Akkwist Pubbliku, għadhom għaddejjin proċeduri ta' ksur;

25.

Jinnota wkoll il-kritika li saret mill-Kumitat għall-Petizzjonijiet wara ż-żjara tiegħu għall-ġbir tal-fatti f'Loiret, fi Franza, fl-2007 u b'mod partikulari jitlob lill-awtoritajiet Franċiżi biex jaġixxu b'mod deċiżiv sabiex tiġi żgurata konformità mad-direttivi tal-UE li jafu jinkisru jekk jiġu approvati ċerti proġetti li hemm ippjanati għall-bini ta' pontijiet fuq ix-Xmara Loire, filwaqt li wieħed iżomm f'moħħu li l-Wied ta' Loire mhux biss huwa protett skond it-Termini tad-Direttiva Habitats u d-Direttiva dwar l-Għasafar iżda l-wied huwa wkoll Sit ta' Patrimonju Dinji tal-UNESCO u waħda mill-aħħar sistemi ta' xmajjar mhux mittiefsa li fadal fl-Ewropa;

26.

Jesprimi l-preokkupazzjoni kontinwa tiegħu dwar in-nuqqas ta' implimentazzjoni tad-dispożizzjonijet tad-Direttiva dwar l-Ilma għax-Xorb fl-Irlanda, dwar in-nuqqas ta' kwalunkwe evalwazzjoni mwettqa għal deċiżjoni tal-2007 biex jitneħħa monument nazzjonali li jinsab f'Lismullin fit-triq tal-proġett tal-motorway M3 ħdejn Tara f'County Meath — li wassal għad-deċiżjoni tal-Kummissjoni li ttella’ lill-Irlanda quddiem il-Qorti Ewropea tal-Ġustizzja fuq il-bażi li l-approċċ usa’ tal-Irlanda fir-rigward tat-tneħħija tal-monumenti nazzjonali f'ċirkustanzi bħal dawk ta' Lismullin, mhuwiex kompletament konformi mar-rekwiżiti tad-Direttiva 85/337/KEE (2), dwar il-problemi li qed jaffaċċjaw il-komunitajiet lokali f'Limerick u dwar kwistjonijiet oħra msemmija fir-rapport taż-żjara għall-ġbir tal-fatti fl-Irlanda mwettqa mill-Kumitat għall-Petizzjonijiet fl-2007; jinnota li wħud minn dawn il-kwistjonijiet huma s-suġġett ta' proċeduri ta' ksur li għadhom għaddejjin;

27.

Jinnota r-rapport dwar iż-żjara għall-ġbir tal-fatti fil-Polonja li wasslet għal rakkomandazzjonjiet rigward il-protezzjoni tal-Wied Rospuda u tal-aħħar foresta antika mhux mittiefsa fl-Ewropa; iħeġġeġ lill-Kummissjoni biex tkompli taħdem mal-awtoritajiet Pollakki fuq rotot alternattivi għan-netwerk tat-triq u għal dak tal-ferrovija tal-Via Baltica kif irrakkomandat fir-rapport tal-Kumitat għall-Petizzjonijiet; iħeġġeġ ukoll lill-Kummissjoni sabiex tiżgura li jkun hemm finanzjament disponibbli biex tittaffa l-pressjoni minn fuq is-sistema tat-toroq f'Augustow b'mod li l-popolazzjoni lokali tiġi protetta u b'mod li jinżamm l-ambjent taż-żona;

28.

Jinnota ż-żjara għall-ġbir tal-fatti f'Ċipru f'Novembru tal-2007, miċ-Chairperson u l-membri tal-Kumitat għall-Petizzjonijiet; iħeġġeġ lill-partijiet ikkonċernati biex ikomplu bl-isforzi tagħhom għall-ilħuq ta' soluzzjoni nnegozjata għall-kwistjonijiet pendenti ta' tħassib għall-petizzjonanti, b'mod partikulari filwaqt li titqies il-parti ssiġillata ta' Famagusta li għandha tingħata lura lis-sidien legali tagħha u jilqa' b'sodisfazzjon il-fatt li ż-żewġ partijiet f'Ċipru qed ikollhomtaħdidiet f'qafas ta' sforzi mġedda biex isolvu l-problema ta' Ċipru jenfasizza l-importanza tal-implimentazzjoni immedjata tar-riżoluzzjoni 550 (1984) tal-Kunsill tas-Sigurtà tan-NU, li tistipula l-impenn li l-belt ta' Famagusta tingħata lura lill-abitanti legali tagħha;

29.

Jinnota n-numru dejjem ikbar ta' petizzjonijiet u ittri li jirċievi l-Kumitat għall-Petizjonijiet rigward il-kwistjoni tal-ikbar sensittività dwar il-kustodja tat-tfal, li fir-rigward tagħha diffiċli biex wieħed jieħu azzjoni, kif pereżempju fil-każ ta' petizzjonijiet dwar il-Jugendamt Ġermaniż, minħabba l-involviment tal-qrati f'bosta każijiet, u minħabba l-fatt li — ħlief f'każijiet fejn il-ġenituri jkunu ġejjin minn pajjiżi differenti tal-UE — huwa diffiċli li dawn il-każijiet jiġu ddikjarati bħala kompetenza tal-UE;

30.

Jinnota li, fl-2007, bosta petizzjonanti mir-Renju Unit li l-proprjetà tagħhom ġiet ikkonfiskata mill-awtoritajiet tad-Dwana u tas-Sisa tar-Renju Unit kienu għadhom ma sabu l-ebda rimedju minkejja li l-Kummissjoni waqqfet proċedimenti ta' ksur kontra r-Renju Unit minħabba li naqas milli jirrispetta l-obbligu tat-Trattat li jippermetti l-moviment ħieles tal-prodotti; iħeġġeġ lill-awtoritajiet tar-Renju Unit biex joħorġu b'soluzzjoni rispettabbli inkluż il-ħlas ta' pagamenti ex gratia lill-petizzjonanti li ġarrbu telf finanzjarju qabel mal-awtoritajiet irrivedew il-prattiki tagħhom u, skont il-Kummissjoni, bdew jaġixxu f'konformità mad-direttivi rilevanti;

31.

Jinnota wkoll il-fatt li fil-Greċja l-awtoritajiet doganali għadhom jikkonfiskaw , biss bħala miżura straordinarja, l-karozzi ta' ċittadini Griegili jkunu proviżorjament barra mill-pajjiż u li jirritornaw lura lejn il-Greċja bi pjanċi tar-reġistrazzjoni barranin fuq il-vetturi tagħhom, li bosta minnhom ġew akkużati b'kutrabandu u l-każ tagħhom ma ġiex ipproċessat kif xieraq, kif preċedentement irrapportat mill-Kumitat għall-Petizzjonijiet lill-Parlament; iħeġġeġ lill-awtoritajiet Griegi biex jipprovdu ħlasijiet ta' kumpens lil dawk il-petizzjonanti li sfaw vittmi ta' din il-prattika; jieħu nota tad-deċiżjoni tal-Qorti Ewropea tal-Ġustizzja C-156/04 (7 ta' Ġunju 2007) li jqis bħala sodisfaċenti il-biċċa l-kbira tal-ispjegazzjonijiet provduti mill-awtoritajiet Griegi f'dan il-każ; jilqa’ l-implimentazzjoni ta' leġiżlazzjoni ġdida adottata minn dawn tal-aħħar bil-għan li jindirizzaw in-nuqqasijiet imsemmija fid-deċiżjoni fuq imsemmija;

32.

Jiddeplora l-fatt li fost il-petizzjonijiet pendenti l-aktar antiki li għadu qed isir xogħol fuqhom, il-każ “Lettori”, dwar l-għalliema tal-lingwi barranin fl-Italja, għadu mhux risolt minkejja żewġ deċiżjonijiet mill-Qorti tal-Ġustizzja u l-appoġġ tal-Kummissjoni u tal-Kumitat għall-Petizzjonijiet għall-każ u l-ilmenti tagħhom; iħeġġeġ lill-awtoritajiet Taljani u lill-universitajiet individwali involuti, inklużi inter alia dawk ta' Ġenova, ta' Padova u ta' Napli, biex jaġixxu sabiex tiġi applikata soluzzjoni ġusta għal dawn it-talbiet leġittimi;

33.

Jinnota li fost il-petizzjonijiet ikkunsidrati mill-Kumitat għall-Petizzjonijiet fl-2007 — minkejja li oriġinarjament tressqet fl-2006 — kien hemm l-hekk imsejħa petizzjoni ta' “Sit Wieħed”, li kienet appoġġjata minn 1.25 miljun ċittadini tal-UE li talbu għal sit wieħed għall-Parlament Ewropew, li għandu jkun fi Brussell; jinnota li f'Ottubru tal-2007 l-President irrefera lura l-petizzjoni lill-kumitat, li sussegwentement talab lill-Parlament biex jagħti l-opinjoni tiegħu dwar din il-kwistjoni, filwaqt li jżomm f'moħħu li l-istituzzjoni hija rregolata mid-dispożizzjonijiet tat-Trattat u li l-Istati Membri għandhom ir-responsabilità biex jieħdu deċiżjoni dwar din il-kwistjoni;

34.

Jiddeċiedi li jirrevedi l-isem tal-Kumitat għall-Petizzjonijiet, kif tradott fil-lingwi uffiċjali kollha tal-UE, għal-leġiżlatura li jmiss, biex jiżgura li l-isem iwassal in-natura tal-Kumitat b'mod li jinftiehem, minħabba li apparentement, bħalissa, dan m'huwiex il-każ f'ċerti lingwi, u sabiex jenfasizza l-element ta' demokrazija parteċipatorja fid-dritt ta' petizzjoni; jissuġġerixxi li t-terminu “Kumitat għall-Petizzjonijiet taċ-Ċittadini” jista' jinftiehem iktar faċilment;

35.

Huwa mħasseb minħabba n-numru ta' petizzjonijiet li waslu li jiġbdu l-attenzjoni għall-problemi ta' reġistrazzjoni elettorali esperjenzati minn ċittadini tal-UE li jgħixu barra minn pajjiżhom jew li għandhom status ta' minoranza fi Stat Membru; iħeġġeġ lill-Istati Membri kollha biex jagħtu attenzjoni partikulari għall-faċilitajiet disponibbli għaċ-ċittadini kollha tal-UE u għar-residenti eliġibbli tal-UE sabiex tiġi żgurata l-parteċipazzjoni sħiħa tagħhom fl-elezzjonijiet li jmiss tal-UE

36.

Jagħti istruzzjonijiet lill-President tiegħu sabiex jgħaddi din ir-riżoluzzjoni u r-rapport tal-Kumitat għall-Petizzjonijiet lill-Kummissjoni, lill-Kunsill, lill-Ombudsman Ewropew u lill-gvernijiet tal-Istati Membri kif ukoll lill-parlamenti tal-Istati Membri, lill-kumitati għall-petizzjonijiet tagħhom u lill-ombudspersons nazzjonali tagħhom jew lil entitajiet simili kompetenti.

14.1.2010   

MT

Il-Ġurnal Uffiċjali tal-Unjoni Ewropea

CE 8/49

A.

billi l-inħawi muntanjużi jiffurmaw 40 % tal-art tal-Ewropa u huma d-dar għal 19 % tal-popolazzjoni Ewropea,

B.

billi z-zoni muntanjużi jkopru aktar minn 50 % tat-territorju f'xi Stati Membri, fosthom il-Greċja, Spanja, l-Italja, l-Awstrija u l-Portugal, u l-komunità tal-bdiewa għadha element sinifikanti f'dawk z-zoni,

C.

billi l-inħawi muntanjużi (speċjalment il-muntanji għoljin u dawk medji) huma art ta' kultura u jirriflettu interazzjoni armonjuża bejn il-bniedem u l-bijosistema u huma parti mill-wirt naturali,

D.

billi z-zoni muntanjużi jbatu ferm mill-effetti tal-bidla fil-klima u minn fenomeni estremi tat-temp, bħan-nixfa u n-nirien,

E.

billi l-pajsaġġ tal-inħawi muntanjużi mhuwiex omoġenju iżda huwa magħmul minn forom diversi ħafna ta' muntanji u ta' altitudnijiet differenti (muntanji għoljin, inħawi ta'għoli medju, glaċieri, inħawi mhux produttivi),

F.

billi l-inħawi muntanjużi għandhom karatteristiċi speċifiċi (il-pendil, l-altitudni varjata, l-inaċċessibilità, it-tkabbir, l-istaġuni ta' kultivazzjoni iqsar, l-ikklassifikar baxx tal-ħamrija, il-kundizzjonijiet tat-temp u tal-klima) li jagħmluhom differenti minn pajsaġġi oħra fl-Unjoni Ewropea u minn ħafna aspetti huma “żvantaġġati”, minħabba nuqqasijiet naturali permanenti, u billi f'xi nħawi muntanjużi dan iwassal għad-deżertifikazzjoni gradwali tagħhom u għal tnaqqis fl-produzzjoni agrikola,

G.

billi l-inħawi muntanjużi (b'mod speċjali l-muntanji għolja u l-inħawi ta' għoli medju) għandhom potenzjal u jservu ta' mudell għall-prodotti ta' kwalità, għas-servizzi ta' livell għoli u għall-ispazji ta' mistrieħ, li jista' jkun żviluppat b'mod sostenibbli biss bl-użu integrat ta' riżorsi u tradizzjonijiet fuq perjodu ta' żmien,

H.

billi l-prodotti ta' stockfarming ta' kwalità partikulari huma prodotti f'inħawi muntanjużi u billi l-proċess tal-produzzjoni tagħhom jagħmel użu integrat u sostenibbli mir-riżorsi naturali, il-mergħat u l-varjetajiet ta' uċuħ għar-regħi li huma adattati speċifikament kif ukoll mit-teknoloġija tradizzjonali,

I.

billi l-muntanji (b'mod partikulari l-muntanji għoljin u l-inħawi ta' għoli medju) huma ambjenti naturali “multifunzjonali”, fejn l-ekonomija (agrikola) hija marbuta mill-qrib ma' kwistjonijiet soċjali, kulturali u ekoloġiċi, u billi inħawi ta' dan it-tip għalhekk għandhom jingħataw appoġġ f'forma ta' ffinanzjar xieraq,

J.

billi l-ekonomija tal-inħawi muntanjużi hija partikolarment sensittiva għal bidliet fiċ-ċiklu ekonomiku, minħabba nuqqasijiet strutturali permanenti u, fuq żmien twil, hija dipendenti fuq id-diversifikazzjoni u l-ispeċjalizzazzjoni tal-proċessi tal-produzzjoni,

K.

billi diġà jeżistu konvenzjonijiet Ewropej għall-ħarsien ta' ċertu reġjuni muntanjużi — il-Konvenzjoni għal Protezzjoni tal-Alpi tas-7 ta' Novembru 1991 (Konvenzjoni Alpina) u l-Konvenzjoni ta' Qafas dwar il-Protezzjoni u l-Iżvilupp Sostenibbli tal-Karpazji tat-22 ta' Mejju 2003 (Konvenzjoni tal-Karpazji) — li huma strumenti importanti għal politika integrata dwar l-inħawi muntanjużi, għalkemm dawn ma ġewx ratifikati u implimentati b'mod sħiħ,

L.

billi l-ekonomiji agrarji-silvanji-pastorali tal-inħawi muntanjużi, li spiss jinkludu attivitajiet multipli, huma eżempju tal-bilanċ ambjentali li m'għandux jiġi injorat,

M.

billi l-parti l-kbira tal-irziezet f'inħawi muntanjużi huma irziezet tal-familja b'riskju finanzjarju għoli,

1.

Jinnota li l-isforzi tal-Istati Membri rigward ir-reġjuni muntanjużi (b'mod partikulari l-muntanji għoljin u l-inħawi ta' għoli medju) jvarjaw ħafna minn stat għal ieħor u ma jimmirawx lejn żvilupp globali iżda lejn żvilupp purament settorjali, u li ma jeżistix qafas integrat fil-livell tal-UE (kif jeżisti fil-każ taz-zoni marittimi; (COM(2007)0574);

2.

Jenfasizza li l-Artikolu 158 tat-Trattat KE, emendat mit-Trattat ta' Liżbona, dwar il-politika ta' koeżjoni jidentifika r-reġjuni muntanjużi bħala li jbatu minn żvantaġġi serji u dejjiema, filwaqt li jirrikonoxxi d-diversità tagħhom, u jitlob li tingħatalhom attenzjoni partikulari; jiddispjaċiħ madankollu li l-Kummissjoni għad ma rnexxilhiex tfassal strateġija komprensiva għall-appoġġ effettiv tar-reġjuni muntanjużi u ta' reġjuni oħra li jbatu minn żvantaġġi naturali u dejjiema, minkejja l-bosta talbiet min-naħa tal-Parlament Ewropew sabiex hija tagħmel dan;

3.

Jenfasizza l-bżonn li jkun hemm koordinazzjoni tajba tal-bosta linji politiċi Komunitarji bil-għan li jiġi żgurat żvilupp armonjuż, b'mod partikolari għar-reġjuni, bħall-inħawi muntanjużi, li jbatu minn żvantaġġi naturali dejjiema; huwa mħasseb f'dan ir-rigward dwar l-utilità tas-separazzjoni tal-politika ta' koeżjoni tal-Komunità mill-iżvilupp rurali, fil-perjodu ta' ipprogrammar attwali 2007-2013 li tirriżulta mill-integrazzjoni tal-Fond Ewropew għall-Iżvilupp Reġjonali fil-Politika Agrikola Komuni (PAK); iqis li dan l-approċċ ġdid għandu jiġi sorveljat mill-qrib sabiex jiġi evalwat l-impatt tiegħu fuq l-iżvilupp reġjonali;

4.

Jirrimarka li l-inħawi muntanjużi jbatu minn żvantaġġi li permezz tagħhom huwa inqas faċli li l-agrikoltura tadatta ruħha għal kundizzjonijiet kompetittivi u li jġibu magħhom spejjeż żejda, biex b'hekk ma jkunx jista' jkun hemm prodotti kompetittivi ħafna bi prezz baxx;

5.

Jipproponi li, fil-kuntest tal-Green Paper dwar il-koeżjoni territorjali li se tiġi adottata fil-ħarifa tal-2008, u b'konformità mal-għanijiet tal-aġenda territorjali u l-Perspettiva Ewropea għall-Iżvilipp tal-Ispazji, il-Kummissjoni għandha, b'koperazzjoni mal-Istati Membri, tadotta approċċ territorjali biex tindirizza l-problemi f'tipi differenti ta' nħawi muntanjużi u tipprovdi għal miżuri fi ħdan il-pakkett leġiżlattiv tal-Fondi Strutturali;

6.

Jixtieq li l-Kummissjoni tiżviluppa strateġija Ewropea integrata tassew favur l-inħawi muntanjużi u jqis il-pubblikazzjoni ta' Green Paper dwarhom bħala l-ewwel pass importanti f'din id-direzzjoni; jitlob lill-Kummissjoni sabiex tniedi konsultazzjoni pubblika wiesgħa li timplika lill-awtoritajiet reġjonali u lokali, lill-protagonisti soċjo-ekonomiċi u ambjentali, kif ukoll lill-assoċjazzjonijiet nazzjonali u Ewropej li jirrappreżentaw lill-awtoritajiet reġjonali fl-inħawi muntanjużi, sabiex tiġi identifikata aħjar is-sitwazzjoni f'dawn ir-reġjuni;

7.

Jilqa' l-Green Paper dwar il-koeżjoni territorjali bħala metodu biex jiġu indirizzati nħawi differenti tal-Unjoni Ewropea u jitlob, f'dan ir-rigward, li jkun hemm PAK li tinkludi l-ewwel u t-tieni pilastru sabiex fl-Unjoni Ewropea, fir-rigward tal-isfidi internazzjonali, l-ambjent ekonomiku jkun jista' jiġi influwenzat b'mod effettiv, bil-għan li l-biedja multifunzjonali fl-inħawi muntanjużi u fl-għoljiet issir vijabbli, għan li sabiex jinkiseb hemm bżonn ta' strumenti marbuta mal-produzzjoni, fosthom rigward it-trasport tal-ħalib;

8.

Jitlob lill-Kummissjoni biex fil-qafas tal-kompetenzi tagħha tfassal strateġija integrata tal-UE għall-iżvilupp u l-użu sostenibbli tar-riżorsi fl-inħawi muntanjużi (strateġija tal-UE għall-inħawi muntanjużi) fi żmien sitt xhur mill-adozzjoni ta' din ir-riżoluzzjoni; jitlob ukoll li jitfasslu programmi ta' azzjoni nazzjonali li jinkludu miżuri speċifiċi ta' implimentazzjoni fuq din il-bażi, b'arranġament mal-awtoritajiet reġjonali u r-rappreżentanti tas-soċjetà ċivili li huma familjari mal-interessi u l-bżonnijiet lokali fil-post, u li jiddefenduhom (pereżempju rigward it-tipi differenti ta' żoni muntanjużi), filwaqt li jitqiesu inizjattivi reġjonali eżistenti kif xieraq;

9.

Jenfasizza l-importanza tad-demarkazzjoni tal-inħawi muntanjużi bħala rekwiżit għall-miżuri mmirati, pereżempju għall-biedja fil-muntanji u fl-għoljiet b'mod partikulari, u l-ħtieġa li dawk l-inħawi jiġu kklassifikati kif xieraq skont il-grad ta' żvantaġġ naturali, li għandu jiġi monitorjat l-aktar mill-Istati Membri fuq il-bażi tal-mappa attwali taz-zoni eliġibbli;

10.

Jitlob lill-Kummissjoni biex tirrpoduċi sommarju tal-programmi u proġetti ffinanzjati dwar temi li huma relevanti għar-reġjuni muntanjużi, bl-iskop tat-trasferiment tal-għarfien u l-promozzjoni tal-innovazzjoni;

11.

Jitlob lill-Kummissjoni biex, fil-kuntest tal-programm ta' ħidma tan-Netwerk Ewropew għall-Osservazzjoni tal-Ippjanar tal-Ispazji (ESPON), tagħti attenzjoni partikolari lis-sitwazzjoni tar-reġjuni li jbatu minn żvantaġġi naturali u dejjiema, bħar-reġjuni muntanjużi; iqis li għarfien tajjeb u fil-fond tas-sitwazzjoni fir-rigward tal-inħawi muntanjużi huwa essenzjali sabiex wieħed ikun jista' jfassal miżuri differenzjati li jindirizzaw aħjar il-problemi ta' dawn ir-reġjuni;

12.

Jenfasizza l-irwol tal-biedja fil-muntanji u fl-għoljiet fil-produzzjoni, il-manutenzjoni u l-użu tal-kampanja b'mod trasversali, kif ukoll bħala bażi plurifunzjonali għal setturi ekonomiċi oħra u bħala element karatteristiku tal-pajsaġġi kulturali tradizzjonali u tal-istruttura soċjali;

13.

Jiġbed l-attenzjoni dwar il-fatt li ħafna nħawi muntanjużi jkollhom jiffaċċjaw il-pressjoni urbana minħabba li huma jattiraw it-turisti u, fl-istess waqt, iridu jħarsu l-pajsaġġ tradizzjonali li qed isir inqas agrarju u qed jitlef is-sbuħija tiegħu kif ukoll il-kwalitajiet ta' importanza kbira għall-ekosistema;

14.

Jinnota li l-biedja fl-inħawi tal-muntanji (b'mod partikulari f'inħawi fil-għoli u f'inħawi b'muntanji għoljin) tinvolvi sforz akbar (bħal intensità għolja ta' xogħol u l-ħtieġa tax-xogħol manwali) u spejjeż akbar (inkluża l-ħtieġa ta' makkinarju speċjali u l-ispejjeż għoljin għat-trasport) minħabba l-kundizzjonijiet u r-riskji naturali;

15.

Jitlob li titqies aktar u b'mod aktar speċifiku l-multifunzjonalità tal-biedja fl-inħawi tal-muntanji u l-għoljiet fir-riformi tal-CAP tal-ġejjieni, billi d-direttivi ta' qafas u l-programmi nazzjonali għall-iżvilupp rurali jsiru konformi mal-irwol tal-bdiewa fil-muntanji u fl-għoljiet mhux biss bħala produtturi iżda wkoll bħala pijunieri ekonomiċi għal setturi oħra u li jinħoloq ambitu għall-kollaborazzjoni sinerġetika (inkluż l-iffinanzjar ta' programmi ta' ekoturiżmu u t-tqegħid fis-suq ta' prodotti ta' kwalità għolja); jiġbed l-attenzjoni, b'mod partikulari, dwar il-ħtieġa li jingħata kumpens finanzjarju għall-prestazzjoni ekoloġika tal-biedja fl-inħawi muntanjużi;

16.

Jagħti ġieħ lix-xoħol li jwettqu l-bdiewa tal-muntanji; jinnota li l-kundizzjonijiet għall-biedja fl-inħawi muntanjużi (speċjalment fir-rigward tal-qligħ ta' dħul supplimentari, il-bilanċ bejn ix-xogħol u l-ħajja u l-ħila li wieħed jibda familja) m'għandhomx jiġu kkumplikati permezz tal-burokrazija iżda għandhom jittejbu permezz tal-għaqda ta' politiki settorjali; jitlob lill-Kummissjoni u lill-kumitati (tal-komitoloġija) kompetenti biex jirrevedu regoli eżistenti u prospettivi (fuq kollox dwar ir-reġistri obbligatorji) b'konformità mal-inizjattiva ta' “regolamentazzjoni aħjar” u/jew biex jagħmluhom inqas ikkumplikati sabiex il-proċeduri amministrattivi jiġu ssimplifikati b'mod komprensiv;

17.

Jenfasizza li, fil-ġejjieni, il-pagamenti obbligatorji għall-inħawi muntanjużi (b'mod partikulari f'inħawi fil-għoli u f'inħawi b'muntanji għoljin) għandhom jibqgħu ikunu mmirati esklussivament biex ipattu għall-iżvantaġġi naturali dejjiema u għall-ispejjeż addizzjonali minħabba d-diffikultajiet tal-biedja, li pagamenti ta' dan it-tip huma ġustifikati fuq żmien twil minħabba n-nuqqas ta' produzzjoni alternattiva u li d-diżakkoppjar sħiħ iwassal għal tnaqqis sistematiku fl-attività, li jaffettwa s-setturi kollha; jenfasizza li l-ħtiġijiet tal-inħawi muntanjużi ma jistgħux jiġu sodisfatti esklussivament permezz tal-iffinanzjar għall-iżvilupp rurali;

18.

Jitlob għal aktar għajnuna għall-bdiewa żgħażagħ u għal opportunitajiet indaqs għan-nisa u l-irġiel (b'mod partikulari permezz ta' miżuri li jiffavorixxu lill-familja, regolamentazzjoni tax-xogħol part-time u full-time, mudelli ta' salajri kombinati, mudelli ta' xogħlijiet supplimentari, il-bilanċ bejn ix-xogħol u l-ħajja u l-ħila li wieħed jibda familja) bħala fatturi essenzjali; jitlob lill-Kummissjoni sabiex tfassal approċċi, bil-parteċipazzjoni tal-partijiet involuti, bħala parti mid-diskussjonijiet u l-proġetti dwar il-flessigurtà;

19.

Jitlob li jinżamm bilanċ demografiku f'dawk l-oqsma li spiss jiffaċċjaw problemi minħabba l-migrazzjoni urbana;

20.

Hu konvint mill-prijorità li tinżamm densità suffiċjenti tal-popolazzjoni fl-inħawi muntanjużi, kif ukoll mill-ħtieġa ta' miżuri għall-ġlieda kontra d-deżertifikazzjoni u sabiex jinġibdu nies ġodda;

21.

Jenfasizza l-importanza li jiġi żgurat livell għoli ta' servizzi ta' interess ekonomiku ġenerali, li jittejbu l-aċċessibilità u l-interkonnessjoni tal-inħawi muntanjużi u li tiġi pprovduta l-infrastruttura meħtieġa, b'mod partikulari rigward it-trasport tal-passiġġieri u tal-merkanzija, l-edukazzjoni, l-ekonomija bbażata fuq l-għarfien u n-netwerks tal-komunikazzjoni (fosthom l-aċċess broadband) sabiex jiġu faċilitati l-konnessjonijiet mas-swieq “upland” u maz-zoni urbani; jitlob lill-awtoritajiet kompetenti biex jippromwovu sħubijiet pubbliċi-privati għal dawn l-għanijiet;

22.

Jenfasizza li l-assoċjazzjonijiet tal-produtturi, il-koperattivi tal-biedja, l-inizjattivi kollettivi tal-bdiewa għat-tqegħid fis-suq u s-sħubijiet inter-settorjali li joħolqu valur miżjud fi ħdan ir-reġjuni permezz ta' approċċ integrat għall-iżvilupp (bħall-gruppi Leader) u b'konformità mal-istrateġiji dwar il-biedja sostenibbli, jagħtu kontribut importanti għall-istabilità tal-pożizzjonar tad-dħul u s-sigurtà tal-produzzjoni agrikola fis-swieq u li għalhekk għandhom jingħataw appoġġ akbar;

23.

Jitlob għajnuna finanzjarja speċjali għas-settur tal-ħalib (il-bdiewa u dawk involuti fl-ipproċessar) li għandu rwol ewlieni fl-inħawi muntanjużi (b'mod partikulari f'inħawi fil-għoli u f'inħawi b'muntanji għoljin) minħabba n-nuqqas ta' produzzjoni alternattiva; jitlob li tiġi adottata strateġija ta' “soft landing” għall-inħawi muntanjużi waqt ir-riforma tal-kwota tal-ħalib, u miżuri ta' akkumpanjament (pagamenti speċjali) biex inaqqsu l-effetti negattivi, li jagħti ċ-ċans li jiġu introdotti proċessi ta' aġġustament u jippreserva l-bażi tal-biedja; jitlob li jkun hemm fondi addizzjonali disponibbli mill-ewwel pilastru, b'mod partikulari forma ta' primjum għall-baqar tal-ħalib;

24.

Jitlob lill-Istati Membri sabiex jistabbilixxu, b'enfasi fuq appoġġ għall-biedja sostenibbli u adattata fl-inħawi muntanjużi, pagamenti addizzjonali għal kull ettaru għall-biedja organika u għar-regħi estensiv kif ukoll appoġġ għal investimenti f'faċilitajiet tat-trobbija ta l-bhejjem xierqa għall-ispeċi;

25.

Ifakkar li fir-reġjuni muntanjużi l-intrapriżi jipproduċu prodotti ta' kwalità billi mill-ġdid jużaw għarfien u proċeduri tradizzjonali tal-manifattura, u għandhom rwol ewlieni fil-qasam tax-xogħol u li għaldaqstant għandhom jiġu kkunsidrati fis-sistemi ta' għajnuna tal-UE;

26.

Jitlob li jittieħdu miżuri ta' għajnuna speċjali bħala riżultat tal-ispejjeż u l-isforzi akbar meħtieġa, b'mod partikulari biex jitwasslu l-ħalib u l-prodotti tal-ħalib fil-widien; jitlob li jiddaħħal primjum għall-baqar tal-ħalib għall-inħawi muntanjużi;

27.

Jenfasizza l-importanza trasversali ta' prodotti tipiċi reġjonali u tradizzjonali (ta' kwalità); jitlob li l-istrateġija tal-UE għall-inħawi muntanjużi tinkludi miżuri biex iħarsu u jippromwovu dawk il-prodotti jew il-proċeduri ta' manifattura u ċ-ċertifikazzjoni tagħhom (pereżempju kif stipulat fir-Regolament tal-Kunsill (KE) Nru 509/2006 tal-20 ta' Marzu 2006 dwar prodotti agrikoli u oġġetti tal-ikel bħala speċjalitajiet tradizzjonali garantiti (5) u r-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u tal-oġġetti tal-ikel (6)) u biex jiġu mħarsa mill-imitazzjonijiet; jitlob li jsiru dispożizzjonijiet speċjali fi ħdan il-programmi ta' promozzjoni tal-UE għal ikel ta' kwalità għolja (pereżempju dak mill-mergħat tal-muntanji u mill-produtturi tal-ġobon fl-irziezet kif ukoll laħam ta' kwalità għolja);

28.

Jitlob lill-Kummissjoni u lill-Istati Membri biex jappoġġjaw il-gruppi tal-bdiewa u l-komunitajiet lokali biex jistabbilixxu tikketti ta' kwalità reġjonali kif imsemmi fil-paragrafu 27; jissuġġerixxi li jingħata appoġġ permezz ta' informazzjoni mtejba u taħriġ xieraq għall-bdiewa u għal dawk li jipproċessaw l-ikel kif ukoll permezz ta' appoġġ finanzjarju għat-twaqqif ta' faċilitajiet lokali ta' pproċessar kif ukoll kampanji ta' promozzjoni inizjali;

29.

Jitlob li jitwaqqaf fond għar-reġjuni żvantaġġjati, inklużi l-inħawi muntanjużi li jinklujdi, pereżempju, fondi tat-tieni pilastru li ma ġewx użati minħabba nuqqas ta' kofinanzjament nazzjonali;

30.

Jitlob għal għajnuna finanzjarja mmirata speċjali garantita, b'konformità mal-Artikolu 69 tar-Regolament tal-Kunsill (KE) Nru 1782/2003 tad-29 ta' Settembru 2003 li jwaqqaf regoli komuni għal skemi ta' appoġġ dirett taħt il-CAP u jistabbilixxi ċerti skemi ta' appoġġ għall-bdiewa (7), aċċess speċifiku għal din l-għajnuna b'burokrazija minima, u biex il-limitu massimu tar-riżorsi skond l-Artikolu 69 jittella' għal 20 %;

31.

Jiġbed l-attenzjoni għall-fatt li l-inħawi muntanjużi jistgħu jipprovdu prodotti tal-biedja ta' kwalità għolja u jistgħu jżidu mad-diversità tal-prodotti tal-biedja fis-suq Ewropew, jippreservaw ċerti speċijiet ta' annimali u ta' ħaxix, jippreservaw it-tradizzjonijiet u jippromwovu attivitajiet turistiċi u industrijali kif ukoll jiġġieldu kontra l-bidla fil-klima billi jħarsu l-bijodiversità u jaqbdu d-CO2 permezz ta' mergħat u foresti dejjiema u li l-industrija sostenibbli tal-foresta tagħti ċ-ċans li tiġi prodotta l-enerġija bl-użu tal-fdalijiet tal-injam;

32.

Jitlob biex fid-dispożizzjonijiet dwar is-saħħa, il-ħarsien u t-trobbija tal-annimali jitqiesu l-interessi immedjati tal-bdiewa li jrabbu l-annimali, b'mod partikulari razez indeġeni fl-inħawi muntanjużi, fid-dawl tar-riskji u l-pressjoni attwali li huma qed jiffaċċjaw, bħal pereżempju programmi ta' trobbija, iż-żamma ta' kotba tal-merħliet u kontrolli tal-konformità;

33.

Jiġbed l-attenzjoni għall-fatt li l-azzjonijiet tal-Kummissjoni, fil-qafas tal-politika tal-kompetizzjoni u tal-kummerċ internazzjonali, għandhom konsegwenzi fuq l-iżvilupp tal-inħawi muntanjużi; jitlob lill-Kummissjoni biex, f'dan il-kuntest, tindirizza l-ħtiġijiet ta' dawn is-setturi b'mod iktar immirat meta jsiru adattamenti fil-ġejjieni, b'mod partikulari fin-negozjati tal-Organizzazzjoni Dinjija tal-Kummerċ u rigward il-flessibilità tar-regoli dwar l-għajnuna statali u meta s-servizzi ta' interess ġenerali jiġu inkorporati fil-liġi dwar il-kompetizzjoni;

34.

Jitlob li tingħata attenzjoni partikulari lill-bdiewa li jrabbu l-annimali f'inħawi muntanjużi milquta min-nirien, billi l-mergħat f'dawn l-inħawi jeħtieġu użu limitat u b'attenzjoni matul il-ħames snin li ġejjin;

35.

Jitlob li fil-qafas tal-“istrateġija” jiġu kkunsidrati t-tipi differenti ta' pajsaġġi tal-inħawi muntanjużi (mergħat għoljin, foresti protetti, muntanji għoljin u nħawi ta' għoli medju, mergħat, inħawi ta' sbuħija partikulari) u li għall-mergħat għoljin, l-ispazji bil-ħaxix, il-foresti u l-ispazji żvantaġġati sensittivi oħra jkunu previsti inċentivi għall-ħarsien tagħhom kif ukoll kunċetti għall-użu sostenibbli biex jiġu reġenerati u jerġa' jikber il-ħaxix fuqhom, biex jitħarsu mill-erożjoni, biex ikun hemm promozzjoni tal-immaniġġjar razzjonali tar-riżorsi tal-ilma u biex wieħed jikkunbatti l-fenomeni mhux mixtieqa, pereżempju li l-bhejjem ma jibqgħux jirgħu fuq l-art, li mbagħad tmur lura għall-istat salvaġġ tagħha, jew ir-regħi żejjed;

36.

Jirrimarka, fir-rigward tal-preservazzjoni tad-diversità tal-ispeċijiet, dwar il-ħtieġa li jitwaqqfu ħażniet ta' materjal ġenetiku indiġenu mill-ispeċijiet tal-annimali u tal-pjanti, b'mod partikulari annimali tal-biedja u flora tal-muntanji indiġeni; jitlob lill-Kummissjoni sabiex teżamina jekk u kif tista' tniedi inizjattiva għal pjan ta' azzjoni internazzjonali;

37.

Jenfasizza li f'xi nħawi muntanjużi tal-Unjoni Ewropea, b'mod partikulari fl-Istati Membri l-aktar ġodda, hemm riskju dejjem akbar li tonqos il-popolazzjoni u li tiftaqar il-ħajja soċjali tal-komunitajiet lokali, li qed jiffaċċjaw ukoll it-theddida li titnaqqas jew saħansitra li tieqaf il-biedja, u li probabbli jwassal għal bidliet fil-pajsaġġ u fl-ekosistema;

38.

Jenfasizza li l-primjums tal-ħaxix huma meħtieġa għall-kontinwazzjoni tal-biedja fl-inħawi muntanjużi u li għalhekk għandhom jinżammu;

39.

Jenfasizza l-importanza ta' strateġija għall-foresti fuq perjodu twil li tqis il-konegwenzi tal-bidla fil-klima, iċ-ċiklu naturali u l-kompożizzjoni naturali tal-ekosistema tal-foresti, u li toħloq mekkaniżmi ta' kumpens għal sitwazzjonijiet ta' kriżi (pereżempju l-maltemp qawwi u nirien fil-foresti) kif ukoll inċentivi għal ġestjoni integrata tal-foresti; jiġbed l-attenzjoni għall-possibilitajiet ta' trasformazzjoni u esplojtazzjoni sostenibbli tal-injam u tal-prodotti tal-injam mill-inħawi muntanjużi fuq livell lokali (bħala prodotti ta' kwalità għolja bi spejjeż baxxi għat-trasport u li b'hekk inaqqsu is-CO2, bħala materjal tal-bini u bijofjuwils tat-tieni ġenerazzjoni);

40.

Jisħaq fuq l-importanza tal-kwistjoni tal-ġestjoni tal-ilma fl-inħawi muntanjużi u jħeġġeġ lill-Kummissjoni biex tħajjar lill-awtoritajiet lokali u reġjonali jiżviluppaw sens ta' solidarjetà bejn l-utenti downstream u dawk upstream, fosthom permezz ta' finanzjament adegwat għall-appoġġ ta' użu sostenibbli tar-riżorsi tal-ilma f'dawn l-inħawi;

41.

Jenfasizza li l-inħawi muntanjużi huma partikolarment vulnerabbli għall-konsegwenzi tat-tibdil fil-klima u jitlob lill-Kummissjoni, lill-Istati Membri u lill-awtoritajiet reġjonali u lokali kompetenti biex jippromwovu l-implimentazzjoni immedjata ta' miżuri għall-protezzjoni kontra diżastri naturali, b'mod partikolari nirien fil-foresti, f'dawn ir-inħawi;

42.

Ifakkar li l-inħawi muntanjużi jeħtieġu mezzi ġodda għall-ħarsien tat-territorju tagħhom kontra l-għargħar (b'enfasi fuq il-prevenzjoni tal-għargħar), filwaqt li l-bdiewa u l-ħaddiema fl-industrija tal-foresti jistgħu jappoġġjaw miżuri kontra l-għargħar permezz tal-ħlas dirett relatat maz-zoni li huma jirċievu taħt il-Politika Agrarja Komuni;

43.

Ifakkar li għandha tiġi pprovduta protezzjoni intensiva u komprensiva kontra l-erożjoni tal-ħamrija, tal-bini u l-konservazzjoni tal-ilma tal-pjan, bħala parti kostitwenti mill-prattika tal-biedja u tal-forestrija, sabiex jonqsu kemm jista' jkun ir-riskji ta' għargħar u ta' erożjoni tal-ħamrija u għall-prevenzjoni kontra n-nixfa u n-nirien fil-foresti, kif ukoll għaż-żieda fil-provvista ta' ilma ta' taħt l-art u tal-wiċċ fil-kampanja;

44.

Jenfasizza li l-foresti b'siġar li jwaqqgħu l-weraq u foresti koniferi, bħala settur ekonomiku, bħala zoni ta' mistrieħ u ambjent naturali, jeħtieġu kura partikolari u li l-użu mhux sostenibbli tal-foresti jwassal għal problemi ekoloġiċi u ta' sikurezza (blat li jaqa', mases ta' tajn) li jeħtieġu miżuri biex jiġu kkumbattuti;

45.

Ifakkar is-suġġeriment fil-paragrafu 15 tar-riżoluzzjoni tiegħu tas-16 ta' Frar 2006 li jsiru sforzi biex il-foresti u l-mergħat, fl-inħawi muntanjużi, jiġu separarti u biex jiġi introdott ir-rekwiżit li jintużaw il-mogħdijiet (mhux l-inqas għal raġunijiet ta' sikurezza ġenerali);

46.

Ifakkar li l-muntanji jiffurmaw ostakli naturali, u f'ħafna każijiet huma wkoll fruntieri nazzjonali, ħaġa li tagħmel essenzjali l-koperazzjoni transkonfinal, transnazzjonali u interreġjonali, u l-promozzjoni tagħhom, essenzjali, minħabba l-problemi komuni (pereżempju l-bidla fil-klima, l-epidemiji tal-annimali, it-telf tal-bijodiversità);

47.

Jilqa' b'sodisfazzjon l-isforzi favur it-turiżmu sostenibbli u biex isir użu effiċjenti tan-natura bħala “vantaġġ ekonomiku” permezz ta' attivitajiet ta' mistrieħ u attivitajiet sportivi sostenibbli li jqisu l-karatteristiċi lokali; jenfasizza l-irwol tal-persuni li “jużaw” in-natura għall-benefiċċju tagħhom stess filwaqt li jirrispettaw lin-natura;

48.

Iħeġġeġ sabiex ikun hemm iktar koordinazzjoni tal-iżvilupp rurali u l-appoġġ strutturali u l-iżvilupp ta' programmi komuni;

49.

Jissuġġerixxi li l-iżvilupp rurali u l-assisstenza strutturali jingħaqdu u jiġu żviluppati l-programmi integrati;

50.

Jisħaq fuq is-sinifikat li jiġi introdott approċċ integrat għall-proċeduri amminsitrattivi u ta' teħid ta' deċiżjonijiet bħall-ippjanar reġjonali, il-liċenzjar ta' proġetti ta' kostruzzjoni u t-titjib ta' postijiet għall-għixien permezz ta' prattiki ambjentali, ta' patrimonju u ta' ippjanar tal-ibliet, biex jiġi żgurat żvilupp sostenibbli fir-reġjuni tal-muntanji; jirrakkomanda li l-potenzjal tal-inħawi tal-muntanji għandu jiġi sfruttat sabiex jiġi promoss żvilupp komprensiv tat-turiżmu u l-użu tal-innovazzjoni fl-iżvilupp tal-art, u jħeġġeġ għal dan l-iskop l-inizjattivi lokali u deċentralizzati kif ukoll il-koperazzjoni bejn l-inħawi tal-muntanji;

51.

Jenfasizza li art li mhix tajba għall-kultivazzjoni u l-produzzjoni għandha tintuża l-aħjar biex tmantni l-foresti, il-kaċċa sostenibbli u s-sajd, eċċ, biex ma tmurx lura għall-istat salvaġġ tagħha u biex ikun evitat il-periklu ta' nirien, l-erożjoni u t-tnaqqis tal-bijodiversità;

52.

Jenfasizza l-importanza taz-zoni tal-muntanji (speċjalment l-inħawi għoljin u dawk medji) fil-ħarsien tan-natura, il-bijodiversità u l-preservazzjoni tal-ambjent naturali imma jenfasizza b'mod partikulari l-ħtieġa li tinżamm il-biedja u l-forestrija fiz-zoni tan-“Natura 2000” u r-riservi naturali u jappella sabiex ikun hemm aktar rabtiet bejn dawn iz-zoni billi jiġi introdott porzjon minimu ta' art ekoloġika li tikkumpensa fiz-zoni tal-biedja (possibiliment 5 %);

53.

Jistieden lill-Kummissjoni biex tagħti l-appoġġ kollu tagħha għan-nominazzjoni ta' nħawi ta' muntanji li għandhom jiġu inklużi fil-lista ta' patrimonju dinji u tagħmel użu mill-opportunitajiet internazzjonali kollha disponibbli biex tipproteġi dawk ir-reġjuni;

54.

Jiġbed l-attenzjoni lejn ir-riżorsi ta' ilma uniċi, li jistgħu jintużaw b'mod sostenibbli bħala sisitemi ta' irrigazzjoni u bħala sors ta' ilma tax-xorb u ta' enerġija għat-turiżmu tal-fawwari termiċi; jenfasizza l-ħtieġa li jkun hemm solidarjetà min-naħa t'isfel u min-naħa ta' fuq fl-immaniġġjar ta' dawk ir-riżorsi; f'dan ir-rigward jenfasizza l-ħtieġa, u sabiex ikunu evitat kunflitt, li jinstabu soluzzjonijiet, peremezz tal-kollaborazzjoni, għall-użu tar-riżorsi tal-ilma fiz-zoni kkonċernati;

55.

Jappella lill-Kummissjoni sabiex tkompli bl-implimentazzjoni tal-Protokoll dwar il-Biedja fil-Muntanji fil-Konvenzjoni Alpina b'kollaborazzjoni mill-qrib mal-istituzzjonijiet tal-Konvenzjoni Alpina, biex tagħti l-aħjar appoġġ lill-biedja fil-muntanji u fl-għoljiet permezz ta' oqsma oħra ta' politika u, f'dan ir-rigward, tieħu l-passi meħtieġa biex tiżgura li tintemm ir-ratifikazzjoni tal-protokolli tal-Konvenzjoni Alpina li għadhom mhumiex parti mill-acquis communitaire, u li l-Unjoni Ewropea tissieħeb fil-Konvenzjoni tal-Karpazji bħala parti kontraenti;

56.

Jenfasizza l-importanza ta' korpi volontarji (b'mod partikolari, l-operazzjonijiet ta' salvataġġ fil-muntanji, il-protezzjoni ċivili, l-istituzzjonijiet tal-karità) fir-rigward tas-servizzi li jagħtu kif ukoll fir-rigward tal-wirt kulturali u naturali tal-muntanji;

57.

Ifaħħar ix-xogħol magħmul mill-organizzazzjonijiet u l-istituti ta' riċerka favur l-inħawi muntanjużi u jenfasizza li għandhom jintużaw l-għarfien u l-motivazzjoni tagħhom fl-iżvilupp ta' strateġija tal-UE għall-inħawi tal-muntanji u miżuri simili;

58.

Jenfasizza l-irwol li għandha l-promozzjoni ta' taħriġ bażiku part-time u aktar taħriġ vokazzjonali u, fl-interess tad-diversifikazzjoni tal-kapaċitajiet vokazzjonali u tal-opportunitajiet, l-inizjattivi u l-proġetti ta' “tagħlim tul il-ħajja kollha”;

59.

Iqis li huwa meħtieġ li jkun hemm investiment f'ċentri lokali ta' taħriġ avvanzat fl-ekonomija agrikola għall-inħawi muntanjużi, sabiex il-professjonisti jitħarrġu fil-kapaċità li jimmaniġġjaw attivitajiet f'ambjent muntanjuż, jipproteġu l-art u jiżviluppaw il-biedja;

60.

Jappella sabiex tingħata attenzjoni partikulari lill-ippreservar tal-pajsaġġ u t-tisħiħ u l-immodernizzar tal-infrastruttura fl-inħawi tal-muntanji li l-aċċess għalihom huwa diffiċċli u sabiex in-nuqqas ta' informazzjoni jimtela u r-riżultati tal-programmi ta' qafas tar-riċerka (pereżempju għall-e-Government) isiru aċċessibbli;

61.

Jenfasizza l-ħtieġa li jkun hemm servizzi lokali effiċjenti fiż-żamma tal-livelli tal-popolazzjoni u għall-kompetittività; jitlob għal appoġġ immirat għall-entitajiet lokali fil-qasam tas-servizzi ta' interess ġenerali;

62.

Jenfasizza l-ħtieġa ta' konċentrazzjoni fuq is-soluzzjonijiet ta' mobilità u biex jiġi adottat approċċ integrat bejn ħtiġijiet tranżnazzjonali (tranżitu, kurituri ta' distanzi twal) u ħtiġijiet lokali (bħall-aċċess għar-reġjuni b'pożizzjoni differenti ta' altitudini u mobilità urbana);

63.

Jitlob li r-reġjuni muntanjużi jingħataw għajnuna fl-oqsma tal-ġestjoni tat-trasport, il-protezzjoni mill-ħsejjes u l-konservazzjoni tal-pajsaġġ bħala bażi għall-kwalità tal-ħajja u għat-turiżmu sostenibbli, permezz ta' miżuri mmirati sabiex it-traffiku jitneħħa mit-toroq (pereżempju, it-tisħiħ ta' “zoni sensittivi” fid-Direttiva dwar l-ispejjeż tat-toroq (8));

64.

Jenfasizza l-importanza ta' 'zoni ta' tranżizzjoni' bejn il-pjanuri u l-inħawi tal-muntanji sabiex ikun hemm faċilitajiet u servizzi ta' infrastruttura privati u pubbliċi ta' valur għoli (eżempju universitajiet, ajruporti, sptarijiet); jappella sabiex ikun hemm appoġġ biex faċilitajiet bħal dawn ikunu aċċessibbli b'mod aktar faċli, b'mod partikulari permezz tat-trasport pubbliku;

65.

Jenfasizza li, permezz tal-użu intelliġenti ta' bosta sorsi differenti tal-enerġija, iz-zoni muntanjużi jkunu “mudelli” għal taħlita ta' enerġija differenti, soluzzjonijiet ta' effiċjenza fl-enerġija fil-qasam tal-bini u bijofjuwils tat-tieni ġenerazzjoni, u li għandu jingħata appoġġ lill-ħidma ta' riċerka f'dawk l-oqsma; madankollu jenfasizza li l-iżvilupp ta' bijofjuwils tat-tieni ġenerazzjoni ma jistgħux iwasslu għal kompetizzjoni bejn il-produzzjoni tal-għalf (raba' mhux maħdum, uċuħ, eċċ.) u l-mergħat;

66.

Jagħti parir lill-Istati Membri biex itejbu l-istruttura u l-proċeduri għall-provvista ta' għajnuna finanzjarja maħsuba għall-appoġġ tal-iżvilupp tal-inħawi muntanjużi, filwaqt li fl-istess ħin jissimplifikaw il-proċeduri amministrattivi u l-aċċess għal riżorsi maħsuba biex jappoġġjaw il-ħarsien u l-użu sostenibbli tal-vantaġġi tat-territorju: il-patrimonju kulturali u r-riżorsi naturali u umani;

67.

Iqis li fl-inħawi tal-muntanji jeħtieġ li jkun hemm biedja sostenibbli, moderna u multifunzjonali biex jinżammu attivitajiet oħra, bħall-esplojtazzjoni tal-bijomassa u l-agrituriżmu, b'hekk jiżdied il-qliegħ tal-popolazzjoni lokali, u jistieden lill-Kummissjoni u lill-Kunsill biex, fil-CAP u fil-politika reġjonali, iqisu b'mod speċifiku l-ħtiġijiet tal-inħawi tal-muntanji: il-miġja ta' bdiewa ġodda, il-kumpens għal spejjeż żejda marbuta mal-problema tal-aċċessibilità, pereżempju fir-rigward ta' ġbir tal-ħalib, iż-żamma ta' servizzi fiz-zoni rurali, l-iżvilupp tal-infrastruttura tat-trasport, eċċ;

68.

Jenfasizza l-vulnerabilità tal-muntanji u l-glaċieri fit-bidla fil-klima minħabba l-fatturi topografiċi u l-iżvantaġġi strutturali kif ukoll il-potenzjal tagħhom li jkunu “laboratorju tat-testijiet” għat-teknoloġiji innovattivi għall-ħarsien tal-klima li jimitaw in-natura; jistieden lill-Kummissjoni sabiex tfassal politika differenti għall-klima f'dak li jirrigwarda z-zoni muntanjużi, waqt li tieħu spunt mill-għarfien eżistenti (bħall-Konvenzjonijiet Alpini u ta' Karpatzji); jappella sabiex isiru attivitajiet ta' riċerka u jiġu adottati miżuri tranżizzjonali f'din iz-zona;

69.

Jappella sabiex ikun hemm ftehimiet ta' koordinazzjoni sabiex iz-zoni muntanjużi u z-zoni li jingħataw anqas attenzjoni jkunu marbuta mal-CAP u mat-tieni pilastru (żvilupp rurali);

70.

Jenfasizza li l-biedja sostenibbli u l-iżvilupp tal-inħawi muntanjużi huma ta' importanza għall-popolazzjoni mhux biss f'dawk iz-zoni partikulari, imma wkoll fiz-zoni ta' madwarhom (pereżempju l-pjanuri), u li l-istrateġija tal-UE għall-inħawi muntanjużi għandha tinfluwenza wkoll is-sostenibilità taz-zoni ta' madwarhom f'dak li jirrigwarda l-forniment tal-ilma, l-istabbilità ambjentali, il-bijodiversità, it-tqassim bilanċjat tal-popolazzjoni u d-diversità kulturali; jistieden il-Kummissjoni sabiex, fit-tfassil ta' strateġija tal-UE għall-inħawi muntanjużi, teżamina kif l-inizjattivi eżistenti għall-integrazzjoni tal-inħawi muntanjużi u z-zoni ta' madwarhom jistgħu jkunu inkorporati fl-istrateġija;

71.

Jagħti istruzzjonijiet lill-Kumitat għall-Agrikoltura u l-Iżvilupp Rurali biex jissorvelja l-progress ta' din ir-riżoluzzjoni fil-Kunsill u fil-Kummissjoni;

72.

Jagħti istruzzjoni lill-President tiegħu biex iressaq din ir-riżoluzzjoni lill-Kunsill, lill-Kummissjoni, u lill-gvernijiet u l-parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/57

A.

billi l-Patt Molotov-Ribbentrop tat-23 ta' Awissu 1939 bejn l-Unjoni Sovjetika u l-Ġermanja fired l-Ewropa f'żewġ sferi ta' interess permezz ta' protokolli sigrieti addizzjonali,

B.

billi d-deportazzjonijiet tal-massa, il-qtil u l-iskjavitù mwettqa fil-kuntest tal-atti ta' aggressjoni mill-Istaliniżmu u min-Nażiżmu jinsabu fil-kategorija ta' reati tal-gwerra u ta' reati kontra l-umanità,

C.

billi, skond il-liġi internazzjonali, il-limitazzjonijiet statutorji ma japplikawx għar-reati tal-gwerra u għar-reati kontra l-umanità,

D.

billi l-influwenza u s-sinifikat tal-ordni Sovjetika u tal-okkupazzjoni ta' u għaċ-ċittadini tal-Istati post-Komunisti ma tantx huma magħrufa fl-Ewropa,

E.

billi l-Artikolu 3 tad-Deċiżjoni Nru 1904/2006/KE tal-Parlament Ewropew u tal-Kunsill tat-12 ta' Diċembru 2006 li tistabbilixxi l-programm Europe for Citizens għall-perjodu 2007-2013 li jippromwovi ċittadinza Ewropea attiva (1) jitlob għall-appoġġ tal-azzjoni “Tifkira Ewropea Attiva”, maħsubha biex tipprevjeni kwalunkwe repetizzjoni tar-reati tan-Nażiżmu u tal-Istaliniżmu,

1.

Jipproponi li t-23 ta' Awissu ikun proklamat bħala l-Jum Ewropew għat-Tifkira tal-Vittmi tal-Istaliniżmu u tan-Nażiżmu, sabiex tibqa' ppreservata l-memorja tal-vittmi tad-deportazzjonijiet tal-massa u tal-isterminazzjonijiet, u fl-istess ħin titrawwem id-demokrazija b'mod aktar sod u jissaħħu l-paċi u l-istabilità fil-kontinent tagħna;

2.

Jagħti istruzzjonijiet lill-President tiegħu sabiex jgħaddi din id-dikjarazzjoni, flimkien mal-ismijiet tal-firmatarji, lill-Parlamenti tal-Istati Membri.

14.1.2010   

MT

Il-Ġurnal Uffiċjali tal-Unjoni Ewropea

CE 8/60

A.

billi l-bidla minn televiżjoni terrestri li jxandar b'sinjal analogu għal dak li jxandar b'sinjal diġitali sa l-aħħar tal-2012 ser twassal, minħabba l-effiċjenza superjuri fit-trażmissjoni tat-teknoloġija diġitali, għar-rilaxx ta' ammont ta' spettru mingħajr preċedent fl-Unjoni Ewropa, u għalhekk ser toffri l-possibiltà tar-rijallokazzjoni tal-ispettru u tippreżenta opportunitajiet ġodda għal tkabbir tas-suq u għal tkabbir fil-kwalità u fl-għażla tas-servizzi għall-konsumatur,

B.

billi l-benefiċċji tal-użu ta' spektrum tar-radju se jiġi massimizzat permezz ta' azzjoni koordinata fuq il-livell tal-UE sabiex jiġi żgurat l-aħjar użu f'termini ta' effiċjenza,

C.

billi l-ispettru tar-radju huwa essenjzali għall-provvista ta' firxa sħiħa ta' servizzi u għall-iżvilupp ta' swieq immexxija mit-teknoloġija li l-valur tagħhom huwa stmat li huwa 2,2 % tal-PGD tal-UE, u għalhekk huwa fattur ewlieni għat-tkabbir, il-produttività u l-iżvilupp tal-industrija Ewropea skond l-Istrateġija ta' Liżbona,

D.

billi l-ispettru tar-radju huwa riżors naturali skars u beni pubbliku, u l-użu effiċjenti tiegħu huwa essenzjali sabiex jiġi żgurat li l-partijiet varji interessati li jridu joffru servizzi kkollegati jkollhom aċċess għall-ispettru,

E.

billi parti kbira tal-ispettru hi attwalment użata għal skopijiet militari permezz ta' teknoloġija ta' sinjal analogu u għalhekk l-akbar żieda fl-ammont totali tal-ispettru disponibbli għal-komunikazzjonijiet eletroniċi pubbliċi se tinkludi wkoll din il-parti wara l-bidla diġitali,

F.

billi l-Istati Membri m'għandhomx kalendarju komuni għall-bidla diġitali; billi f'ħafna Stati Membri l-pjanijiet għall-bidla diġitali humafi stat avvanzat, filwaqt li f'xi oħrajn il-bidla diġà seħħet,

G.

billi l-Komunikazzjoni tal-Kummissjoni dwar approċċ komuni għall-użu tal-ispettru hija parti integrali tal-pakkett dwar il-komunikazzjonijiet elettroniċi adottat mill-Kummissjoni f'Novembru 2007 li jikkonċerna r-riforma fil-qafas regolatorju għall-komunikazzjonijiet elettroniċi,

H.

billi bħalissa hemm għaddejja r-(ri-)allokazzjoni tal-frekwenzi tax-xandir lix-xandara diġitali f'ħafna Stati Membri bil-konsegwenza li dawn il-frekwenzi jiġu allokati u għalhekk jiġu bblukkati għal ħafna snin,

I.

billi n-newtralità teknoloġika hija element ta' qofol fil-promozzjoni tal-interoperabilità u essenzjali sabiex ikun hemm politika ta' bidla lejn id-diġitali aktar flessibbli u trasparenti li tieħu kont tal-interess pubbliku,

J.

billi l-Kunsill appella lill-Istati Membri sabiex, kemm jista' jkun possibbli, ilestu l-bidla diġitali qabel l-2012,

K.

billi l-Istati Membri kollha ppubblikaw il-proposti tagħhom rigward il-bidla diġitali,

1.

Jirrikonoxxi l-importanza tal-inizzjattiva i2010 bħala parti mill-Istrateġija ta' Liżbona mġedda, u jenfasizza l-importanza ta' aċċess effiċjenti għall-ispettru u tal-użu effiċjenti tiegħu fil-kisba tal-miri ta' Liżbona; f'dan il-kuntest jenfasizza l-ħtieġa għal aċċess għal servizzi broadband sabiex tingħeleb il-“qasma digitali”;

2.

Jenfasizza l-ħtieġa ta' bidla diġitali li, flimkien mal-iżvilupp ta' teknoloġiji ġodda tal-informazzjoni u tal-komunikazzjoni u mad-dividend diġitali, tgħin biex iċċekken il-qasma diġitali u tikkontribwixxi għall-kisba tal-għanijiet ta' Liżbona;

3.

Jinnota d-diverġenza fl-iskemi nazzjonali rigward l-allokazzjoni u l-isfruttament ta' spettru; jinnota l-fatt li dawn id-differenzi jistgħu jirrappreżentaw ostakoli għall-kisba ta' suq intern li jaħdem b'mod effettiv;

4.

Jisħaq li d-daqs tad-dividend diġitali ser ivarja minn pajjiż għall-ieħor, minħabba ċ-ċirkustanzi nazzjonali u minħabba li jirrifletti l-politiki nazzjonali tal-media u tal-awdjoviżjoni;

5.

Jirrikonoxxi li aktar effiċjenza tal-ispettru tat-televiżjoni diġitali terrestri għandha tippermetti li madwar 100MHz ta' dividend diġitali jiġi allokat mill-ġdid lil servizzi tal-mowbajl broadband u lil servizzi oħra (bħas-servizzi ta' sikurezza pubblika, sistemi ta' identifikazzjoni tal-frekwenzi tar-radju u applikazzjonijiet ta' sikurezza fit-toroq) filwaqt li jiżguraw li s-servizzi ta' xandir jistgħu jkomplu jiġu żviluppati;

6.

Jinnota li llum il-biċċa l-kbira tal-Istati Membri għadhom lura meta mqabbla ma' pajjiżi żviluppati oħra fejn jidħol l-investiment f'infrastrutturi tal-komunikazzjoni tal-ġenerazzjoni l-ġdida, u jenfasizza li l-kisba ta' pożizzjoni lider fl-iżvilupp tal-broadband u tal-Internet hija kruċjali għall-kompetittività u l-koeżjoni tal-Unjoni Ewropea fl-arena internazzjonali, speċjalment fir-rigward tal-iżvilupp ta' pjattaformi diġitali interattivi u l-provvista ta' servizzi ġodda bħalma huma s-servizzi elettroniċi tal-e-kummerċ, tal-e-saħħa, tal-e-tagħlim u tal-e-gvern; jenfasizza li għandu jkun hemm aktar investiment fuq livell nazzjonali u tal-UE sabiex jinkoraġġixxi l-ħolqien ta' prodotti u servizzi innovattivi; jenfasizza li l-isforzi biex ikun assigurat l-aċċess għas-servizzi broadband m'għandhomx ikunu ffukati biss fuq id-dividend diġitali;

7.

Jinsab konvint li l-pakketti “multiplay” ġodda, li jkun fihom teknoloġiji u servizzi innovattivi, jista' jkun li dalwaqt se jibdew jiġu offruti minħabba ż-żieda fil-konverġenza teknoloġika, u jinnota, fl-istess ħin, li l-ħruġ ta' dawk l-offerti jiddependi b'mod kruċjali mid-disponibilità ta' spettru li hu ta' siwi kbir kif ukoll mid-disponibilità ta' teknoloġiji interattivi li jippermettu l-interoperabilità, il-kollegabilità u l-kopertura mingħajr interruzzjoni, bħalma huma t-teknoloġiji tal-multimedia mobbli u t-teknoloġiji ta' aċċess wireless għall-broadband;

8.

Jinnota li l-konverġenza teknoloġika hija realtà, li toffri mezzi u opportunitajiet ġodda lis-servizzi tradizzjonali; jenfasizza li l-aċċess għall-partijiet tal-ispettru li qabel kienu rriservati għax-xandir jistgħu jgħinu biex jinħolqu servizzi ġodda kemm-il darba l-ispettru jkun immaniġġjat b'mod kemm jista' jkun effiċjenti u effettiv sabiex ikun evitat li t-twassil ta' programmi ta' xandir diġitali ta' kwalità għolja jiġi mfixkel;

9.

Jistieden sabiex ikun hemm koperazzjoni mill-qrib bejn l-Istati Membri sabiex jinkiseb suq intern tal-komunikazzjoni elettronika li jkun effiċjenti, miftuħ u kompetittiv u li jippermetti li jkun hemm użu ta' teknoloġiji ġodda tan-network;

10.

Jisħaq fuq l-importanza strateġika ta' ambjent fl-Unjoni Ewropea fejn ikun iggarantit spazju għall-innovazzjoni, teknoloġiji ġodda, servizzi ġodda u parteċipanti ġodda sabiex tissaħħaħ il-kompetittività u l-koeżjoni Ewropea; jenfasizza li hija ħaġa kruċjali li l-utenti finali jingħataw il-libertà tal-għażla f'dak li jirrigwarda prodotti u servizzi sabiex jintlaħaq l-iżvilupp dinamiku tas-swieq u tat-teknoloġiji fl-Unjoni Ewropea;

11.

Jenfasizza li d-dividend diġitali jipprovdi lill-Unjoni Ewropea b'opportunitajiet uniċi biex tiżviluppa servizzi ġodda bħat-televiżjoni mobbli u l-aċċess għall-Internet “wireless” u biex tibqa' l-mexxejja dinjija fir-rigward tat-teknoloġiji tal-multimedia mobbli filwaqt li tnaqqas id-differenzi fil-qasma diġitali, tipprovdi opportunitajiet ġodda għaċ-ċittadini, għas-servizzi, għall-media u għad-diversità kulturali fl-Unjoni Ewropea kollha;

12.

Jistieden lill-Istati Membri, b'rispett sħiħ għas-sovranità tagħhom f'dan ir-rigward, biex janalizzaw l-impatt tal-bidla diġitali fl-ispettru użat għal skopijiet militari, u, fejn xieraq, biex jallokaw mill-ġdid parti mid-dividend diġitali speċifiku għal applikazzjonijiet ċivili ġodda;

13.

Jagħraf li l-koordinazzjoni fuq livell tal-UE għandha tinkoraġġixxi l-iżvilupp, tagħti spinta lill-ekonomija diġitali u tippermetti li ċ-ċittadini kollha jkollhom aċċess ugwali, u li jista' jintlaħaq mill-but ta' kulħadd, għas-soċjetà tal-informazzjoni;

14.

Iħeġġeġ lill-Istati Membri sabiex jirrilaxxaw id-dividendi diġitali tagħhom kemm jista' jkun malajr, sabiex iċ-ċittadini Ewropej jibbenefikaw mit-tnedija ta' servizzi ġodda, innovattivi u kompetittivi; jenfasizza li għal dan il-għan tinħtieġ il-koperazzjoni attiva bejn l-Istati Membri sabiex jingħelbu l-ostakoli li jeżistu fuq livell nazzjonali għar-riallokazzjoni effiċjenti tad-dividend diġitali;

15.

Jisħaq li x-xandara huma parteċipanti essenzjali fid-difiża tal-prinċipji pluralistiċi u demokratiċi u jemmen bis-sħiħ li l-opportunitajiet offruti mid-dividend diġitali jippermettu lix-xandara pubbliċi u lil dawk privati li jipprovdu numru ħafna akbar ta' programmi li jaqdu objettivi ta' interess ġenerali — stipulati fil-leġiżlazzjoni nazzjonali — bħall-promozzjoni tad-diversità kulturali u lingiwstika;

16.

Jemmen li d-dividend diġitali għandu jagħti l-opportunità lix-xandara sabiex jiżviluppaw u jespandu s-servizzi tagħhom u fl-istess waqt jieħdu kont ta' applikazzjonijiet potenzjali soċjali, kulturali u ekonomiċi oħrajn, bħat-teknoloġiji broadband ġodda u miftuħa u s-servizzi ta' aċċess maħsuba sabiex jegħlbu l-qasma diġitali, filwaqt li ma jitħallewx l-ostakoli għall-interoperabilità;

17.

Jenfasizza l-benefiċċji potenzjali ta' approċċ koordinat għall-użu tal-ispettru fl-Unjoni Ewropea f'termini ta' ekonomiji tal-iskala, l-iżvilupp ta' servizzi interoperabbli “wireless”, u li tiġi evitata l-frammentazzjoni li twassal li dan ir-riżors skars ma jintużax bl-aħjar mod; jikkunsidra li, filwaqt li jeħtieġ li jkun hemm koordinazzjoni aktar mill-qrib u aktar flessibilità sabiex l-ispettru jkun sfruttat b'mod effiċjenti, il-Kummissjoni u l-Istati Membri għandhom bżonn isibu bilanċ bejn il-flessibilità u l-grad ta' armonizzazzjoni, bil-għan li jinkiseb l-akbar benefiċċju mid-dividend diġitali;

18.

Josserva li tista' tintlaħaq allokazzjoni effiċjenti tad-dividend diġitali mingħajr ma tiġi mfixkla l-ebda waħda mill-partijiet li fil-preżent għandhom liċenzji tal-ispettru fil-faxxa tal-frekwenzi ultra-għolja (UHF), u li t-tkomplija u l-espansjoni tas-servizzi attwali ta' xandir jistgħu jinkisbu b'mod effettiv, u fl-istess ħin ikun żgurat li t-teknoloġiji l-ġodda tal-multimedia mobbli u tal-aċċess “wireless” għall-broadband ikunu allokati riżorsi ta' spettru sostanzjali fil-faxxa UHF sabiex liċ-ċittadini Ewropej jitwasslulhom servizzi interattivi ġodda;

19.

Jikkunsidra li, fejn irkantijiet jiġu wżati għall-allokazzjoni ta' frekwenzi, l-Istati Membri għandhom jadottaw approċċ komuni fir-rigward tal-kundizzjonijiet u l-modalitajiet tal-irkantijiet u l-allokazzjoni tar-riżorsi ġġenerati; jistieden lill-Kummissjoni sabiex tippreżenta linji gwida skond dawk l-istess ħsibijiet;

20.

Jenfasizza li l-priniċipju gwida ewlieni fl-allokazzjoni tad-dividend diġitali għandu jkun li jiġi moqdi l-interess ġenerali billi jkun żgurat l-aħjar valur soċjali, kulturali u ekonomiku fis-sens ta' provvista msaħħa u ġeografikament mifruxa ta' servizzi u ta' kontenut diġitali liċ-ċittadini, u mhux biss li jiżdied kemm jista' jkun id-dħul pubbliku, filwaqt li jitħarsu wkoll id-drittijiet tal-utenti attwali tas-servizzi tal-media awdjoviżivi, u tkun riflessa d-diversità kulturali u lingwistika;

21.

Jenfasizza li d-dividend diġitali jagħti opportunità unika biex l-Unjoni Ewropea tiżviluppa l-irwol tagħha bħala l-mexxejja dinjija fit-teknoloġiji tal-multimedia mobbli u fl-istess ħin biex tnaqqas id-differenzi fil-qasma diġitali bi fluss akbar ta' informazzjoni, tagħrif u servizzi li jikkollegaw ma' xulxin liċ-ċittadini Ewropej kollha u li jipprovdu opportunitajiet ġodda għall-media, għall-kultura u għad-diversità fl-inħawi kollha tat-territorju tal-Unjoni Ewropea;

22.

Jenfasizza li mod potenzjali li permezz tiegħu d-dividend diġitali jista' jgħin fil-kisba tal-miri ta' Liżbona huwa billi tiżdied id-disponibilità ta' servizzi ta' aċċess broadband għaċ-ċittadini u l-partijiet ekonomiċi involuti madwar l-Unjoni Ewropea, u b'hekk tiġi indirizzata l-qasma diġitali billi inħawi anqas privileġġjati, rurali jew remoti jingħatawlhom benefiċċji u jiġi żgurat li jkun hemm kopertura totali fl-Istati Membri;

23.

Jiddeplora l-aċċess mhux uniformi taċ-ċittadini tal-Unjoni għas-servizzi diġitali, partikularment fix-xandir; jinnota li r-reġjuni rurali u periferiċi għandhom żvantaġġ speċjali (f' termini ta'disponibilità immedjata, għażla u kwalità) f'dak li jirrigwarda t-tixrid ta' servizzi diġitali; iħeġġeġ lill-Istati Membri u lill-awtoritajiet reġjonali biex jagħmlu dak kollu li jistgħu biex jiżguraw li l-bidla għad-diġitali ssir malajr u b'mod ġust għaċ-ċittadini kollha tagħhom;

24.

Jenfasizza li l-qasma diġitali mhux biss kwistjoni rurali; jenfasizza d-diffikultà li f' xi wħud mill-bini għoli antik tiġi installata l-infrastruttura għal networks ġodda; jenfasizza l-benefiċċju li l-ispettru jista' jkollu sabiex tingħeleb il-qasma diġitali kemm fiż-żoni urbani u kemm f'dawk rurali;

25.

Jenfasizza l-kontribut li d-dividend diġitali jista' jagħti fir-rigward tal-provvista ta' servizzi soċjali interoperabbli msaħħa, bħall-gvern elettroniku (e-government), is-saħħa elettronika (e-health), it-taħriġ vokazzjonali elettroniku (e-vocational training), u l-edukazzjoni elettronika (e-education) liċ-ċittadini, b'mod partikolari dawk li jgħixu f'żoni anqas privileġġjati jew iżolati, bħal inħawi rurali u anqas żviluppati u gżejjer;

26.

Iħeġġeġ lill-Istati Membri sabiex iżidu l-miżuri li jippermettu lill-utenti b'diżabilità jew anzjani u dawk bi bżonnijiet soċjali speċjali li jiksbu l-benefiċċju kollu provdut mid-dividend diġitali;

27.

Jikkonferma l-valur soċjali tas-servizzi tas-sikurezza pubblika u l-ħtieġa li jiddaħħal appoġġ għar-rekwiżiti ta' tħaddim tagħhom fl-arranġamenti għall-ispettru li jirriżultaw mill-organizzazzjoni mill-ġdid tal-faxxa ta' frekwenza UHF li tirriżulta mill-waqfa fl-użu tas-servizzi analogi;

28.

Jenfasizza li l-prijorità ewlenija tal-politika dwar il-ksib tal-benefiċċji kollha tad-dividend diġitali fl-Ewropa hija li tiżgura li d-drittijiet tal-konsumatur ikunu rispettati bis-sħiħ filwaqt li jkun possibbli għalihom li jgawdu minn medda wiesgħa ta' servizzi ta' kwalità għolja, billi jittieħed kont tal-bżonn li jsir użu effiċċjenti tal-ispettru rilaxxat mill-bidla diġitali;

29.

Jisħaq fuq il-punt li d-dividend diġitali jipprovdi opportunitajiet ġodda għall-objettivi tal-politiki tal-qasam awdjoviżiv u dak tal-media; għalhekk, jinsab konvint li d-deċiżjonijiet dwar l-immaniġġjar tad-dividend diġitali għandhom jippromwovu u jħarsu l-objettivi ta' interess ġenerali marbuta ma' politiki awdjoviżivi u tal-media bħalma huma l-libertà tal-espressjoni, il-pluraliżmu tal-media, id-diversità kulturali u lingwistika, u d-drittijiet tal-minorenni;

30.

Iħeġġeġ lill-Istati Membri sabiex jagħrfu l-valur soċjali, kulturali u ekonomiku li utenti mhux liċenzjati jingħataw aċċess għad-dividend, b'mod partikolari intrapriżi żgħar u ta' daqs medju u s-settur li ma jaħdimx għall-profitt, u b'hekk titkabbar l-effiċjenza tal-użu tal-ispettru billi dawn l-użi bla liċenzja jiġu kkonċentrati fil-frekwenzi li bħalissa mhux qed jiġu użati (“spazji bojod”);

31.

Jappella sabiex ikun hemm approċċ pass pass f'dan il-qasam; huwa tal-opinjoni li l-effetti għal networks iżgħar — speċjalment networks “wireless” lokali — li għalihom bħalissa ma japplikaw l-ebda rekwiżiti ta' liċenzja, għandhom jiġu meqjusa u li għandu jiġi promoss l-aċċess universali għall-broadband, speċjalment f'inħawi rurali;

32.

Jistieden lill-Istati Membri biex jappoġġjaw miżuri ta' koperazzjoni mtejba bejn l-awtoritajiet tal-immaniġġjar tal-ispettru biex jiġu kkunsidrati oqsma fejn l-allokazzjoni ta' spettru ta' “l-ispazju abjad” mhux liċenzjat tippermetti li jkun hemm teknoloġiji u servizzi ġodda sabiex titħeġġeġ l-innovazzjoni;

33.

Iħeġġeġ lill-Istati Membri biex, fil-kuntest tal-allokazzjoni ta' “l-ispazju abjad”, jikkunsidraw il-ħtieġa ta' aċċess miftuħ bla liċenzja għall-ispettru għall-fornituri ta' servizzi mhux kummercjali u edukattivi u komunitajiet lokali b' ethos ta' servizz pubbliku;

34.

Jenfasizza li wieħed mill-elementi prinċipali fl-għoti tal-aċċess għad-divided diġitali għal utenti mhux liċenzjati huwa l-bżonn li jittieħed kont tar-rekwiżiti ta' gruppi soċjali mhedda mill-esklużjoni, partikularment l-utenti b'diżabilità u anzjani u l-utenti bi bżonnijiet soċjali speċjali;

35.

Jagħraf il-benefiċċju ta' teknoloġiji ġodda, bħall-WiFi u l-Bluetooth, li jeżistu fil-faxxa ta' frekwenza bla liċenzja 2.4 GHz; jirrikonoxxi li ċerti frekwenzi partikulari huma l-aktar xierqa għal ċerti servizzi partikulari; jemmen li l-allokazzjoni ta' ammont żgħir ta' spettru bla liċenzja fi frekwenzi baxxi oħra tista' tinkuraġġixxi aktar innovazzjoni f'servizzi ġodda;

36.

Jenfasizza, għaldaqstant, li l-frekwenzi għandhom jiġu assenjati b'mod trasparenti, filwaqt li jittieħed kont tal-użi potenzjali kollha tal-ispettru l-ġdid u l-benefiċċji tagħhom għas-soċjetà;

37.

Jinkoraġġixxi lill-Istati Membri sabiex jevalwaw fid-dettall il-valur soċjali u ekonomiku ta' kull spettru li jinħeles fis-snin li ġejjin permezz tal-bidla minn xandir analogu għal xandir diġitali;

38.

Jagħraf l-importanza tal-Ftehim tal-ITU ta' Ġinevra-06 (Konferenza Reġjonali dwar il-Komunikazzjoni bir-Radju 2006) u tal-pjanijiet tal-allokazzjoni ta' frekwenzi nazzjonali kif ukoll tad-deċiżjonijiet tal-Konferenza Dinjija dwar il-Komunikazzjoni bir-Radju 2007 (WRC-07) għar-riorganizzazzjoni tal-faxxa tal-frekwenza UHF;

39.

Jistieden lill-Istati Membri sabiex jiżviluppaw strateġiji nazzjonali dwar id-dividend diġitali sa l-aħħar tal-2009, filwaqt li jsegwu metodoloġija komuni; iħeġġeġ lill-Kummissjoni sabiex tappoġġja lill-Istati Membri fl-iżvilupp tal-istrateġiji nazzjonali dwar id-dividend diġitali tagħhom u sabiex tippromwovi l-aħjar prattika fil-livell tal-UE;

40.

Jenfażizza li l-fatt li l-bidla f'ċerti Stati Membri hija imminenti kif ukoll id-differenzi fil-pjanijiet nazzjonali għall-bidla jirrikjedu reazzoni fil-livell Komunitarju li ma tistax tistenna sakemm id-direttivi tar-riforma jidħlu fis-seħħ;

41.

Jagħraf id-dritt tal-Istati Membri li jiddeterminaw l-użu tad-dividend diġitali, iżda jafferma wkoll li approċċ koordinat fil-livell Komunitarju itejjeb ferm il-valur tad-dividend u huwa l-aktar mod effiċjenti sabiex tiġi evitata interferenza li tagħmel il-ħsara bejn l-Istati Membri u bejn l-Istati Membri u pajjiżi terzi;

42.

Itenni li, fl-interess taċ-ċittadini tal-Unjoni, id-dividend diġitali għandu jiġi mmaniġġjat bl-aktar mod effiċjenti u effettiv possibbli sabiex tiġi evitata interferenza fil-provvista ta' programmi tat-TV diġitali ta' kwalità għolja lil numru ta' ċittadini li dejjem qed jikber u sabiex id-drittijiet u l-interessi tal-konsumaturi u l-investiment tagħhom fit-tagħmir jiġi rispettat.

43.

Jenfasizza li l-Istati Membri jistgħu jikkunsidraw irkantijiet li jkunu teknoloġikament newtrali bil-għan li jiġu allokati frekwenzi li jkunu inħelsu minħabba d-dividend digitali u bil-għan li dawk il-frekwenzi jsiru kummerċjabbli; jikkunsidra, madankollu, li din il-proċedura għandha tkun konformi għal kollox mar-regolamenti tar-radju tal-ITU, mal-ippjanar nazzjonali tal-frekwenzi u mal-objettivi tal-politiki nazzjonali sabiex tkun evitata interferenza ta' ħsara bejn is-servizzi pprovduti; iwissi dwar il-frammentazzjoni tal-ispettru li twassal biex riżorsi skarsi ma jkunux użati bl-aħjar mod; jistieden lill-Kummissjojni biex tiżgura li pjan koordinat tal-ispettru għall-ġejjieni ma joħloqx ostakoli ġodda għall-innovazzjoni tal-ġejjieni;

44.

Jappoġġja approċċ komuni u bbilanċjat lejn l-użu tad-dividend diġitali, li jippermetti kemm li x-xandara jkomplu joffru u jespandu s-servizzi tagħhom u kif ukoll li l-operaturi tal-komunikazzjonijiet elettroniċi jużaw dan ir-riżors biex iniedu servizzi ġodda li jissodisfaw użi soċjali u ekonomiċi importanti oħra, iżda jisħaq li fi kwalunkwe każ id-dividend diġitali għandu jkun allokat b'mod newtrali fil-konfront tat-teknoloġija;

45.

Jenfasizza li l-politika dwar l-ispettru trid tkun dinamika u trid tippermetti lix-xandara u lill-operaturi tal-komunikazzjonijiet li japplikaw teknoloġiji ġodda u jiżviluppaw servizzi ġodda li jippermettulhom li jkomplu jaqdu rwol prinċipali fil-kisba ta' objettivi ta' politika kulturali u tal-media, filwaqt li jipprovdu wkoll servizzi ġodda ta' komunikazzjoni ta' kwalità għolja;

46.

Jisħaq dwar il-benefiċċji potenzjali, fir-rigward ta' ekonomiji fil-kobor, innovazzjoni u interoperabilità u l-provvista ta' servizzi pan-Ewropej potenzjali ta' ppjanar ta' spettru aktar koerenti u integrat fil-livell Komunitarju; jinkuraġġixxi lill-Istati Membri sabiex jaħdmu flimkien u mal-Kummissjoni sabiex jidentifikaw faxex sekondarji komuni tal-ispettru tad-dividend diġitali għal “clusters” differenti ta' applikazzjoni li jkunu jistgħu jiġu armonizzati fuq bażi ta' newtralità fil-konfront tat-teknoloġija;

47.

Jemmen li l-iggruppar fi ħdan il-frekwenza UHF għandu jkun ibbażat fuq metodu minn isfel għal skond l-ispeċifiċitajiet tas-swieq nazzjonali filwaqt li tkun żgurat li jkun hemm armonizzazzjoni fil-livell Komunitarju kull meta din toħloq valur miżjud ċar;

48.

Sabiex jinkiseb użu aktar effiċjenti tal-ispettru u sabiex jiġi ffaċilitat il-ħolqien ta' servizzi nazzjonali, transkonfinali u pan-Ewropej li jkunu innovattivi u ta' suċċess, jappoġġja approċċ koordinat fuq livell Komunitarju, ibbażat fuq ġabriet differenti tal-ispettru tal-frekwenza UHF għal servizzi unidirezzjonali jew bidirezzjonali rispettivament, filwaqt li jitqiesu l-potenzjal għall-interferenza dannuża li tirriżulta mill-koeżistenza ta' tipi differenti ta' networks fl-istess faxxa, l-eżiti tal-RRC 06 u l-WRC 07 tal-ITU ta' Ġinevra, u l-awtorizzazzjonijiet eżistenti;

49.

Jikkunsidra li l-parti tal-ispettru armonizzat fuq il-livell Komunitarju ddedikata għas-servizzi ta' emerġenza għandha tkun tista' tipprovdi aċċess għat-teknoloġiji broadband tal-futur għall-ksib u t-trasmissjoni ta' informazzjoni meħtieġa għall-ħarsien tal-ħajja tal-bniedem permezz ta' reazzjoni aktar effiċjenti min-naħa tas-servizzi tal-emerġenza;

50.

Iħeġġeġ lill-Kummissjoni sabiex twettaq, f'kooperazzjoni mal-Istati Membri, l-istudji tekniċi, soċjo-ekonomiċi, u l-analiżi tal-ispejjeż u l-benefiċċji xierqa sabiex jiġu determinati d-daqs u l-karatteristiċi tal-faxex sekondarji li jistgħu jiġu kkoordinati jew armonizzati fil-livell Komunitarju; ifakkar li dawn l-istudji għandhom jikkunsidraw li d-dividend mhux statiku, imma li l-iżvilupp teknoloġiku dejjem għaddej u l-implimentazzjoni ta' teknoloġiji ġodda għandha tippermetti l-użu tal-faxxa ta' frekwenza UHF għal tipi ġodda ta' servizzi soċjali, kulturali u ekonomiċi innovattivi li jmorru 'l hinn mix-xandir u mill-“wireless” broadband; jistieden lill-Kummissjoni sabiex tiżgura li l-Istati Membri jikkontribwixxu għal dawn l-istudji sabiex jidentifikaw il-faxex komuni li għandom ikunu armonizzati fuq livell Ewropew għal servizzi pan-Ewropej interoperabbli u definiti b'mod ċar, kif ukoll għall-allokazzjoni ta' dawn il-faxex;

51.

Iħeġġeġ lill-Kummissjoni sabiex tfittex li tikopera mal-pajjiżi ġirien tal-Istati Membri sabiex jadottaw mapep tal-frekwenzi simili jew jikkoordinaw l-allokazzjoni tal-frekwenzi tagħhom mal-Unjoni Ewropea sabiex ikun evitat tfixkil fit-tħaddim tal-applikazzjonijiet tat-telekomunikazzjoni;

52.

Jitlob lill-Kummissjoni sabiex twettaq studju dwar il-kunflitti bejn l-utenti ta' Open Source Software u l-awtoritajiet ta' ċertifikazzjoni rigward radji definiti mis-software;