26.11.2009   

MT

Il-Ġurnal Uffiċjali tal-Unjoni Ewropea

CE 285/1

A.

billi l-unjoni doganali hija wieħed mill-istrumenti storiċi li fuqu nbniet l-integrazzjoni ekonomika u politika tal-Kontinent Ewropew;

B.

billi l-kunċetti ta' unjoni doganali u ta' politika kummerċjali komuni huma koeżistenti b'mod reċiproku,

C.

billi l-r-regoli u l-proċeduri tal-importazzjoni u l-esportazzjoni tal-Unjoni Ewropea għad għandhom irwol essenzjali għall-operat tajjeb tas-suq intern;

D.

billi l-politika kummerċjali komuni matul is-snin għaddiet minn żviluppi importanti li kienu, u għadhom, jeħtieġu l-adattazzjoni permanenti tar-regoli u tal-proċeduri għall-importazzjoni u l-esportazzjoni;

E.

billi l-politika komuni kummerċjali ma tistax taħdem mingħajr l-appoġġ ta' regoli u proċeduri effikaċi għall-importazzjoni u l-esportazzjoni tal-merkanzija;

F.

billi s-simplifikazzjoni u l-modernizzazzjoni tar-regoli u l-proċeduri għall-importazzjoni u l-esportazzjoni fl-Unjoni Ewropea u fil-livell internazzjonali jikkostitwixxu sfidi strateġiċi għall-kompetettività internazzjonali;

G.

billi qies il-problemi speċifiċi li jiltaqgħu magħhom l-intrapriżi żgħar u ta' daqs medju (SMEs) sabiex jifhmu u jużaw ir-regoli u l-proċeduri doganali, li bosta drabi jimpedixxu l-aċċess faċli ta' dawn intrapriżi għall-kummerċ internazzjonali u ma jħalluhomx jibbenefikaw bis-sħiħ mill-opportunitajiet li toffri l-globalizzazzjoni;

H.

billi evalwazzjoni korretta tal-klassifikazzjoni tariffarja, tal-oriġini u tal-valur tal-merkanzija importata hija indispensabbli għall-applikazzjoni tat-tariffa doganali komuni, tal-preferenzi tariffarji, tal-miżuri kontra d-dumping u kontra s-sussidji u ta' serje sħiħa ta' strumenti oħrajn tal-politika kummerċjali;

I.

billi r-regoli u l-proċeduri doganali li jkunu restrittivi wisq jew li jimxu bil-mod jfixklu l-iskambji internazzjonali ta' merkanzija u huma meqjusa mill-operaturi ekonomiċi, b'mod partikulari mill-SMEs, bħala fost l-ostakoli prinċipali mhux tariffarji għall-kummerċ;

J.

billi l-irwol tad-dwani llum il-ġurnata jmur lilhinn mis-sempliċi ġbir ta' ħlasijiet doganali, li hija funzjoni importanti imma li tul il-ħamsa u għoxrin sena li għaddew rat tnaqqis konsiderevoli, u jorjenta ruħu aktar lejn applikazzjoni ta' miżuri mhux tariffarji, b'mod partikulari rigward is-sikurezza u s-sigurtà, il-ġlieda kontra l-iffalsifikar, il-moneylaundering u d-drogi, kif ukoll lejn l-applikazzjoni ta' miżuri li jirrigwardaw is-saħħa, l-ambjent u l-protezzjoni tal-konsumatur, biex ma nsemmux ukoll il-ġbir tal-VAT u tas-sisa fuq l-importazzjoni kif ukoll l-eżentar minn dawn it-taxxi fl-esportazzjoni, u naturalment, ir-rispett tal-politiki kummerċjali tal-Unjoni.

K.

billi qies l-isforzi li saru wara Awissu 2004 fil-qafas tad-WTO u taċ-ċiklu ta' Doha biex tiġi neguzjata ftehima multilaterali mandatorja rigward il-faċilizzazzjoni tal-kummerċ, kif ukoll id-diffikulatajiet iffaċċjati minn bosta pajjiżi li qegħdin jiżviluppaw biex jiffinanzjaw il-miżuri għall-fruntieri li ġew proposti f'dawn in-neguzjati;

L.

billi qies id-diffikultajiet partikulari li sabu l-pajjjiżi li qegħdin jiżviluppaw fl-implimentazzjoni tas-sistemi doganali effikaċi, b'mod partikulari f'dak li jirrigwarda l-infrastrutturi, it-tagħmir, kif ukoll it-taħriġ u l-integrità tal-persunal,

M.

billi l-iskop essenzjali tal-faċilizzazzjoni tal-kummerċ għandu jkun jaqbel mal-iskop xejn anqas fundamentali tal-effikaċità tal-kontrolli,

N.

billi t-tħassib rigward is-sigurtà tal-persuni u tal-beni għandhom irwol kbir ħafna fid-definizzjoni u l-applikazzjoni ta' regoli u proċeduri doganali, b'mod partikulari f'ċerti pajjiżi li huma msieħba kummerċjali kbar tal-Unjoni,

O.

billi l-istandards Ewropej tal-protezzjoni tal-konsumaturi, b'mod partikulari fir-rigward tas-saħħa u tas-sigurtà, għandhom jiġu applikati għall-prodotti kollha li jitqiegħdu fiċ-ċirkulazzjoni ħielsa ġewwa s-suq komuni Ewropew, ikun xi jkun l-oriġini tagħhom,

P.

billi rikors akbar għall-informatika u għal teknoloġiji moderni oħrajn għat-trattament ta' tranżazzjonijiet doganali u għall-kontroll tal-merkanzija jirriżultaw f'kisbiet konsiderevoli f'termini ta' effikaċità u ta' rapidità,

Q.

billi qies il-ħtieġa li jiġu kkunsidrati r-restrizzjonijiet li jirrigwardaw l-interoperabilità assoċjata mal-użu ta' tagħmir bħal dan, kif ukoll l-ispejjeż involuti għal dan l-użu għall-amministrazzjonijiet konċernati u għall-operaturi ekonomiċi,

R.

billi t-Trattat tal-Unjoni Ewropea jipprevedi li fost l-objettivi fundamentali mistqarra fl-Artikolu 3, paragrafu 5 (li jikkorrispondi għall-Artikolu 2 (5) attwali hekk kif modifikat mill-Artikolu 1, punt 4, tat-Trattat ta' Liżbona), l-Unjoni fir-relazzjonijiet tagħha mal-bqija tad-dinja tikkontribwixxi għall-protezzjoni taċ-ċittadini tagħha; billi t-Trattat imsemmi jiddisponi wkoll, fl-Artikolu 3, paragrafu 2 (li jikkorrispondi għall-Artikolu 2 (2) attwali, kif modifikat wkoll mill-Artikolu 1, punt 4, tat-Trattat ta' Liżbona) li l-Unjoni toffri liċ-ċittadini tagħha spazju ta' libertà, ta' siġurtà u ta' ġustizzja mingħajr fruntieri interni li fih huwa żgurat il-moviment liberu tal-persuni, flimkien ma' miżuri xierqa relevanti, b'mod partikulari rigward il-kontroll tal-fruntieri esterni,

S.

billi għalkemm ir-regoli u l-proċeduri doganali tal-Unjoni huma definiti u adottati fil-livell Komunitarju, l-implimentazzjoni effettiva tagħhom tiddependi mill-azzjoni tal-amministrazzjoni nazzjonali tal-Istati Membri,

T.

billi qies l-importanza tal-irwol li għandha d-WCO fil-promozzjoni tal-kummerċ permezz tal-koperazzjoni doganali internazzjonali;

1.

Jenfasizza l-importanza tal-effikaċità tar-regoli u tal-proċeduri doganali li jirrigwardaw l-importazzjoni u l-esportazzjoni fl-implimentazzjoni tal-politika kummerċjali;

2.

Ifakkar li l-effikaċità ta' kwalunkwe miżura tal-politika kummerċjali tiddependi ħafna mill-kapaċità tal-Unjoni li tiżgura li jkunu applikati tajjeb; li l-istess jgħodd b'mod partikulari għall-miżuri ta' difiża kummerċjali u ta' preferenzi tariffarji ta' kull tip li l-Unjoni tagħti lid-diversi msieħba tagħha; li miżura li mhix applikabbli, jew li hi diffiċli biex tiġi applikata fil-livell doganali, hija miżura li ma taħdimx fil-livell kummerċjali u li tista' ġġib magħha distorsjonijiet fil-kompetizzjoni u ħsara ekonomika, soċjali u/jew ambjentali kollaterali bla qies;

3.

Jiddeplora li “l-prattikabilità doganali” ta' ċerti inizjattivi tal-politika kummerċjali m'hijiex dejjem evalwata u meqjusa tajjeb; ifakkar, bħala eżempju, fil-problemi li nstabu fl-implimentazzjoni tal-memorandum ta' ftehima maċ-Ċina tal-10 ta' Ġunju 2005 dwar l-importazzjoni ta' prodotti tat-tessuti u ħwejjeġ;

4.

Jinsisti fuq il-ħtieġa ta' koperazzjoni aħjar bejn is-servizzi tal-Kummissjoni li huma inkarigati mill-politika kummerċjali u dawk inkarigati mill-politika doganali, b'mod partikulari permezz ta' integrazzjoni aktar sistematika ta' dawn fit-timijiet li jinnegozjaw ftehimiet kummerċjali;

5.

Jistieden lill-Kummissjoni biex tagħti attenzjoni partikulari għall-problemi li jiffaċċjaw l-SMEs, b'mod partikulari billi tgħin fl-adozzjoni tas-sistemi kompjuterizzati tagħhom għal dawk użati fl-amministrazzjoni doganali bl-inqas spejjeż possibbli u billi tissimplifikalhom l-modalitajiet biex jinkiseb l-istejtus ta' operatur ekonomiku akkreditat;

6.

Jilqa' d-dħul tal-Komunità Ewropea bħala membru sħiħ tad-WCO mill-1 ta' Lulju 2007, dħul li jikkonferma l-kompetenza internazzjonali tagħha fil-qasam tal-politika doganali u dan ma jistax għajr isaħħaħ il-koeżjoni interna tagħha; jitlob li l-Kummissjoni tagħti l-appoġġ tagħha lil din l-organizzazzjoni;

7.

Ifakkar fl-importanza partikulari li għandhom ċerti regoli rigward il-klassifikazzjoni tat-tariffi, il-valur u l-oriġini — kemm dawk preferenzjali u dawk li m'humiex — tal-merkanzija;

8.

Jistiedem lill-Kummissjoni sabiex taħdem bla heda għal titjib ta' dawn ir-regoli, kemm fil-livell Komunitarju, kif ukoll f'dak multilaterali tad-WTO u tad-WCO, f'dak li jirrigwarda trasparenza, previżjoni, simplifikazzjoni u effikaċità;

9.

Jiddeplora l-imblukkar persistenti tal-eżerċizzju ta' armonizzazzjoni tar-regoli ta' oriġini mhux preferenzjali fil-livell multilaterali, eżerċizzju li nbeda fl-1995 fuq il-bażi tal-ftehima dwar ir-regoli ta' oriġini (ARO) milħuqa fi ħdan iċ-Ċiklu tal-Urugwaj; iqis li armonizzazzjoni bħal din tkun tista' tippermetti, b'mod partikulari, l-applikazzjoni aktar effikaċi u aktar ġusta ta' miżuri ta' protezzjoni kummerċjali madwar id-dinja u qafas aħjar għall-prattiki li jirrigwardaw l-immarkar tal-oriġini; jistieden lill-Kummissjoni sabiex tieħu l-inizjattivi kollha possibbli sabiex jerġgħu jitniedu u jiġu konklużi dawn in-negozjati fuq il-bażi tal-prinċipji stabbiliti fl-ARO;

10.

Jieħu nota tal-isforzi li għamlet il-Kummissjoni sabiex timmodernizza u tissimplifika r-regoli ta' oriġini preferenzjali;

11.

Jiddispjaċih li l-Parlament m'hux involut b'mod aktar mill-qrib, sabiex ikun jista' jeżerċita d-dritt tiegħu ta' skrutinju minn qabel fi ħdan il-proċedura ta' komitoloġija, għal proposta għal regolament tal-Kunsill għal applikazzjoni tas-sistema ta' preferenzi ġeneralizzati (GSP) li bħalissa qiegħda tiġi eżaminata mill-Istati Membri fi ħdan il-Kumitat għall-Kodiċi Doganali, minkejja l-importanza u l-karattru politiku sensittiv ħafna ta' din ir-riforma; jinnota madankollu li hemm maħsub li jkun hemm preżentazzjoni tal-Kummissjoni dwar dan is-suġġett quddiem il-kumitat kompetenti tal-Parlament;

12.

Jinnota l-ilmenti kbar li ġejjin minn ċerti setturi tal-industriji tal-Komunità, bħas-settur tat-tessuti u tal-ħwejjeġ u s-settur agrikolu alimentari, rigward l-applikazzjoni uniformi tal-kriterju tal-valur miżjud; jitlob lill-Kummissjoni u lill-Istati Membri sabiex jagħtu kemm jista' jkun konsiderazzjoni lil din il-kritika ġustifikata;

13.

Ifakkar li huwa importanti li b'mod ġenerali tingħata attenzjoni li l-preferenzi mogħtija lill-pajjiżi benefiċarji tal-iskemi preferenzjali f'ċerti setturi sensittivi jkunu protetti mill-użu ħażin minn pajjiżi terzi li huma kompetittivi ħafna permezz ta' regoli ta' oriġini li jistgħu jkunu flessibbli wisq;

14.

Jiddispjaċih li l-iskemi komunitarji għall-ħażna fid-dwana “customs warehousing” u l-proċeduri ta' proċessar għad-dħul u l-ħruġ għadhom sa llum ftit li xejn użati mill-impriżi Ewropej minħabba l-kumplessità tagħhom; jistieden lill-Kummissjoni sabiex taħseb għas-simplifikazzjoni tal-iskemi ekonomiċi, l-introduzzjoni ta' proċeduri aktar flessibbli u l-eliminazzjoni ta' dokumentazzjoni bil-miktub;

15.

Jagħti l-akbar importanza għan-negozjati li ilhom sejrin sa minn Awissu 2004 fi ħdan id-WTO dwar il-faċilizzazzjoni tal-kummerċ; ifakkar fil-benefiċji kbar mistennija minn ftehima ambizzjuża f'dan ir-rigward f'dak li hu tnaqqis fl-ispejjeż tat-tranżazzjonijiet, titjib fil-kompetittività u fl-attrazzjoni internazzjonali tal-pajjiżi li qegħdin jiżviluppaw u fil-promozzjoni tal-iskambji;

16.

Huwa konxju tal-fatt li r-riżultati tan-negozjati dwar il-faċilizzazzjoni tal-kummerċ jirriskjaw li jġiegħlu lill-pajjiżi li qegħdin jiżviluppaw jimplimentaw programmi li jiswew ħafna flus li eventwalment ikun diffiċli biex jiffinanzjawhom; iqis għalhekk li bħala parti indispensabbli tar-riżultat finali tan-neguzjati l-pajjiżi żviluppati jimpenjaw ruħhom b'mod ċar li jagħtu għajnuna teknika u finanzjarja lill-pajjiżi li qegħdin jiżviluppaw sabiex dawn ikunu jistgħu jiffinanzjaw l-ispiża tal-applikazzjoni futura multilaterali u sabiex jikkonformaw u jadattaw ruħhom għaliha;

17.

Jenfasizza l-karattru ta' koperazzjoni kbira ta' dawn in-negozjati li ma jrendux ruħhom tajjeb għal xi neguzjati transettorjali eventwali rigward kwistjonijiet oħrajn taċ-ċiklu ta' Doha; iqis li s-suġġett tal-faċilizzazzjoni tal-kummerċ jista' jiġi konkluż u implimentat b'mod separat mingħajr riskju li jiżbilanċja ċ-ċiklu u jitlob għalhekk li dan jinħareġ mill-impenn uniku;

18.

Jappoġġja wkoll il-pjanijiet ambizzjużi tal-Kummissjoni li tinkludi kapitlu dwar il-faċilizzazzjoni tal-kummerċ u l-koperazzjoni doganali fil-ftehimiet ġodda kollha li hija tinnegozja għal kummerċ ħieles, bi qbil mal-Komunikazzjoni tagħha tal-4 ta' Ottubru 2006 bit-titlu “Ewropa kompetittiva f'ekonomija globalizzata — Kontribuzzjoni għall-istrateġija Ewropea għat-tkabbir u l-impjiegi” (COM(2006)0567);

19.

Ifakkar fil-ħtieġa li jiġi implimentat fil-livell Ewropew pjan għall-ġlieda kontra l-iffalsifikar u l-piraterija; jisħaq fuq il-ħtieġa li f'din il-kwistjoni tissaħħaħ il-koperazzjoni fil-Kummissjoni bejn is-servizzi inkarigati mill-proprjetà intellettwali, mill-politika kummerċjali u mill-politika doganali, kif ukoll mal-amministrazzjonijiet doganali tal-Istati Membri u bejn dawn l-awtoritajiet;

20.

Jilqa' l-kompromess li ntlaħaq bejn l-Istati Membri u l-Kummissjoni dwar mandat sabiex ikun inneguzjat ftehim ġdid internazzjonali għal kontra l-iffalsifikar (Anti-Counterfeiting Trade Agreement (ACTA)), għaliex dan il-ftehim huwa ta' importanza kbira ħafna għall-istrateġija kummerċjali globali tal-Unjoni u se jippermetti d-dispożizzjoni ta' qafas internazzjonali ta' livell għoli sabiex tissaħħaħ l-implimentazzjoni tad-drittijiet tal-proprejtà intellettwali u sabiex jipproteġi kontra serq industrijali lil min jipproduċi u lill-konsumaturi mir-riskji għas-saħħa u s-sigurtà assoċjati ma' prodotti falsifikati;

21.

Jitlob lill-Kummissjoni u lill-Istati Membri sabiex jieħdu l-passi meħtieġa biex jiġi żgurat li l-merkanzija importata sabiex tiġi kummerċjalizzata fl-Unjoni Ewropea tilħaq l-istandard Ewropew għall-protezzjoni tal-konsumaturi, b'mod partikulari f'dik li hi saħħa u sigurtà, sabiex ma jitħallewx jidħlu prodotti jew sustanzi li jistgħu jkunu perikolużi għall-konsumaturi;

22.

Jagħraf li t-tħassib rigward is-sigurtà tal-persuni u tal-beni huwa leġittimu, iżda jinsisti fuq il-ħtieġa li jinsab bilanċ tajjeb bejn il-kontroll u l-faċilizzazzjoni sabiex ma jkunx hemm tfixkil bla bżonn jew eċċessiv fil-kummerċ internazzjonali; iqis madankollu li d-dwani għandhom irwol primarju fl-implimentazzjoni sħiħa u kompleta tad-dispożizzjonijiet Komunitarji, kemm fil-qasam tas-saħħa, kif ukoll fil-qasam tal-protezzjoni tal-ambjent u tal-konsumatur, u dan l-irwol m'għandux jiġi kompromess minn dispożizzjonijiet għall-faċilizzazzjoni tal-kummerċ;

23.

Jappoġġja l-Qafas tal-Istandards tas-SAFE (faċilizzazzjoni u sikurezza tal-iskambji kummerċjali) adottat mill-Kunsill tad-WCO fl-2005; jaqbel perfettament mal-opinjoni tad-WCO li “la hu aċċettabbli u lanqas utli li jiġu spezzjonati l-kunsinni kollha”;

24.

Jiddeplora bil-qawwa l-adozzjoni f'Lulju tal-2007 mill-Kungress Amerikan tal-leġiżlazzjoni msejħa “HRI” introdotta b'mod unilaterali mill-Istati Uniti li teżiġi li jkun hemm scanning tal-kontejners kollha destinati għaliha mill-2012; jiddubita kemm se tkun effikaċi miżura bħal din u kemm hija kompatibbli mar-regoli tad-WTO; jibża' li meta tiġi implimentata se twaqqaf l-iżvilupp tal-kummerċ tranżatlantiku;

25.

Jiġbed l-attenzjoni għall-fatt li skambji siguri huma ta' importanza partikulari għal ekonomija dinjija li hija dejjem aktar integrali; iħeġġeġ lid-Djalogu Transatlantiku tal-Leġiżlaturi (TLD) u lill-Kummissjoni biex jappoġġjaw l-isforzi tagħhom sabiex il-leġiżlazzjoni Amerikana li tipprevedi scanning tal-kontejners kollha destinati għall-Istati Uniti tiġi modifikata u tintegra approċċ bbażat fuq ir-riskji; jitlob lill-Kummissjoni sabiex tressaq din il-kwistjoni quddiem il-Kunsill Ekonomiku Transatlantiku (TEC); jappella sabiex jiġi promoss għarfien reċiproku ta' “operaturi ekonomiċi awtorizzati” u tal-istandards tas-sigurtà adottati mid-WCO (C-TPAT, qafas ta' standards ta' SAFE);

26.

Ifakkar li l-kompatibilità tas-sistema doganali tal-Unjoni mar-regoli tad-WTO ġiet essenzjalment konfermata fl-appell tal-każ WT/DS315 mill-Korp għar-Riżoluzzjoni ta' Tilwim tad-WTO u jilqa' dan ir-riżultat;

27.

Madankollu jinnota li kemm l-imsieħba kummerċjali tagħna, kif ukoll l-operaturi ekonomiċi Ewropej infushom, għadhom qed jitolbu armonizzazzjoni akbar bejn l-amministrazzjonijiet nazzjonali fl-implimentazzjoni tal-leġiżlazzjoni doganali Komunitarja;

28.

Jinnota li kultant jinstabu ċerti diskrepanzi li jagħmlu ħsara bejn l-Istati Membri, pereżempju dwar l-impożizzjoni tal-VAT u l-importazzjoni, il-kundizzjonijiet tal-aċċess għal ċerti proċeduri simplifikati, il-frekwenza ta' kontrolli fiżiċi ta' merkanzija u dwar sanzjonijiet;

29.

Iqis li għandu jsir kull sforz sabiex jiġi żgurat trattament ugwali għall-operaturi ekonomiċi fit-territorju doganali kollu tal-Komunità għaliex huwa prerekwiżit essenzjali għaż-żamma tal-integrità tas-suq intern, għall-protezzjoni tal-interessi finanzjarji tal-Unjoni, iż-żamma tal-kompetenzi esterni tagħha — b'mod partikulari fil-politika kummerċjali — u sabiex tiżgura r-rispett tal-impenji internazzjonali tagħha;

30.

Jesprimi l-appoġġ tiegħu għall-inizjattivi kollha li għandhom l-iskop li jkabbru l-koeżjoni bejn l-amministrazzjonijiet nazzjonali sabiex jgħinu s-sinerġiji, jimplimentaw sistemi ġodda ta' komunikazzjoni u ta' użu komuni ta' informazzjoni, jiżviluppaw prattiċi aħjar u sabiex jiskambjaw persunal u esperjenzi hekk li jippermettu li dawn l-amministrazzjonijiet diversi jiffunzjonaw fl-implimentazzjoni tal-leġiżlazzjoni Komunitarja daqs li kieku huma amministrazzjoni waħda;

31.

Jenfasizza l-importanza kruċjali f'dan ir-rigward ta' strumenti bħal ma huma t-tariffa integrata tal-Komunità (TARIC), l-informazzjoni doganali li torbot (EBTI) u l-qafas komuni għall-immaniġġjar tar-riskji; jitlob lill-Kummissjoni u lill-Istati Membri sabiex ikomplu jipperfezzjonaw dawn l-istrumenti u sabiex jiżguraw il-funzjonament tajjeb tagħhom;

32.

Jinsisti fuq il-ħtieġa tal-istandardizzazzjoni tal-liġi rigward provi jew l-iffissar tar-regoli minimi komuni, u sabiex tingħata attenzjoni għall-implimentazzjoni uniformi mis-27 Stat Membru tar-regolamenti komunitarji li jirrigwardaw id-dwana, b'mod partikulari r-Regolament tal-Kunsill (KE) Nru 1383/2003 (4);

33.

Jitlob lill-Kummissjoni sabiex tinkludi fil-proposti tagħha dispożizzjonijiet preċiżi rigward sanzjonijiet amministrattivi u kastigi penali għal ksur tad-dispożizzjonijiet doganali previsti fl-Artikoli 135 u 280 tat-Trattat li jistabbilixxi l-Komunità Ewropea, kif modifikati mill-Artikoli 2, punt 45, u l-Artikolu 2, punt 276 tat-Trattat ta' Liżbona;

34.

Jiddispjaċih dwar ir-retiċenza tal-Kummissjoni u tal-Istati Membri li f'dan l-istadju jikkunsidraw strutturi ġodda biex jiggarantixxu l-applikazzjoni unformi tal-leġiżlazzjoni doganali Komunitarja; jitlob lill-Kummissjoni u lill-Istati Membri biex jistudjaw bis-serjetà l-idea li jingħaqdu flimkien is-servizzi doganali tal-Unjoni Ewropea sabiex ikun hemm tqarrib lejn amministrazzjoni tal-Komunità inkarigata mill-unjoni doganali biex ikun hemm implimentazzjoni aktar effikaċi tar-regoli u tal-proċeduri doganali fit-territorju doganali kollu tal-Unjoni Ewropea;

35.

Jitlob lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-gvernijiet u lill-parlamenti tal-Istati Membri, lill-Organizzazzjoni Dinjija tad-Dwana, lill-Organizzazzjoni Dinjija tal-Kummerċ, kif ukoll lill-pajjiżi kandidati u lil pajjiżi kandidati għaż-żewġ organizzazzjonijiet.

26.11.2009   

MT

Il-Ġurnal Uffiċjali tal-Unjoni Ewropea

CE 285/7

A.

billi l-Unjoni Ewropea tibqa' impenjata li tkompli tiżviluppa u ssaħħaħ ir-relazzjonijiet tagħha mal-Ġeorġja u tappoġġja r-riformi politiċi u ekonomiċi meħtieġa, miżuri li jistabbilixxu istituzzjonijiet demokratiċi solidi u effiċjenti u ġudikatura effettiva u indipendenti u iktar sforzi kontra l-korruzzjoni, biex b'hekk tinħoloq Ġeorġja paċifika u prospera li tista' tikkontribwixxi għall-istabilità fir-reġjun u fil-bqija tal-Ewropa,

B.

billi wara digriet Presidenzjali, ministeri Russi u aġenziji statali oħra ngħataw istruzzjonijiet biex jistabbilixxu rabtiet uffiċjali mal-aġenziji statali fir-reġjuni seċessjonisti Ġeorġjani tal-Abkażja u tal-Ossezja tan-Nofsinhar,

C.

billi l-Federazzjoni Russa rtirat mid-Deċiżjoni tal-Kunsill tal-Kapijiet ta' Stat tal-Commonwealth ta' Stati Indipendenti (CIS) tad-19 ta' Jannar 1996 li tipprojbixxi l-Istati firmatarji milli jkollhom koperazzjoni militari mal-awtoritajiet separatisti tal-Abkażja,

D.

billi f'Mejju 2008 r-Russja unilateralment firxet aktar truppi u poġġiet artillerija qawwija fl-Abkażja taħt il-patroċinju ta' missjoni ta' paċi tas-CIS u ħabbret l-intenzjoni tagħha li tistabbilixxi 15-il punt ta' kontroll ieħor tul il-linja amministrattiva tal-fruntiera; billi r-rappreżentanti Russi ħabbru li l-għadd ta' truppi tal-battaljun Russu fl-Ossezja tan-Nofsinhar jista' jiżdied,

E.

billi fl-20 ta' April 2008 twaqqa' fuq l-Abkażja ajruplan Ġeorġjan bla pilota u ta' sorveljanza; billi r-rapport reċenti tal-UNOMIG dwar l-inċident jindika li l-ajruplan bla pilota u ta' sorveljanza twaqqa' minn ajruplan Russu; billi dan ir-rapport jistqarr ukoll li l-Ġeorġja m'għandhiex tkompli tibghat dawn l-ajruplani bla pilota u ta' sorveljanza fuq l-Abkażja,

F.

billi minn Ottubru tal-2007 ma sarux laqgħat uffiċjali ta' livell għoli bejn rappreżentanti Ġeorġjani u tal-Abkażja taħt il-patroċinju tan-Nazzjonijiet Uniti (NU); billi l-President Ġeorġjan Mikheil Saakashvili ressaq proposti ġodda dwar ir-riżoluzzjoni tal-kunflitt fl-Abkażja, li jinkludu rappreżentanza politika wiesgħa fl-ogħla livelli tal-gvern Ġeorġjan, l-għoti ta' drittijiet ta' veto fuq il-leġiżlazzjoni kollha ewlenija marbuta mal-Abkażja, u l-istabbiliment ta' garanziji internazzjonali li jiżguraw federaliżmu wiesa', awtorità bla limitu u sigurtà,

G.

billi l-Ġeorġja ħadet passi uffiċjali li jitolbu r-reviżjoni tal-format attwali għaż-żamma tal-paċi jew is-sostituzzjoni tal-kontinġent Russu għaż-żamma tal-paċi li bħalissa qiegħed fl-Abkażja,

H.

billi fil-15 ta' Mejju 2008 l-Assemblea Ġenerali tan-NU adottat ir-riżoluzzjoni A/RES/62/249 li tirrikonoxxi d-dritt‘tar-refuġjati u tal-persuni spustati internament u tad-dixxendenti tagħhom, tkun xi tkun l-etniċita’ sabiex jirritornaw fl-Abkażja u tenfasizza l-importanza li jinżammu d-drittijiet tal-proprjetà ta' refuġjati u ta' persuni spustati internament, inklużi l-vittmi‘tat-tindif etniku’ li ġie rappurtat,

I.

billi l-awtoritajiet ta' Tbilisi ssospendew taħditiet bilaterali ma' Moska dwar l-adeżjoni tar-Russja ma'l-Organiżżazzjoni Dinjija tal-Kummerċ (WTO) bħala protesta għad-deċiżjoni tar-Russja li żżid il-koperazzjoni mar-repubbliki tal-Abkażja u tal-Ossezja tan-Nofsinhar li pproklamaw lilhom infushom bħala tali; billi l-projbizzjoni Russa fuq l-importazzjoni ta' nbid u prodotti agrikoli Ġeorġjani għadha fis-seħħ,

J.

billi fil-5 ta' Jannar 2008 sar plebixxit fil-Ġeorġja kollha; billi fis-laqgħa għolja tan-NATO tat-2-4 ta' April 2008 f'Bukarest, ma kien offrut ebda pjan ta' azzjoni ta' sħubija lill-Ġeorġja, iżda sar impenn politiku rigward sħubija fil-futur,

K.

billi l-għoti ta' ċittadinanza mir-Russja lil persuni mill-Abkażja u mill-Ossezja tan-Nofsinhar, sabiex dawn ikunu jistgħu jibbenefikaw mill-ftehim bejn l-UE u r-Russja għat-tħaffif tal-ħruġ tal-viżi, qed ikompli jqiegħed liċ-ċittadini Ġeorġjani fi żvantaġġ minħabba li għad m'hemmx ftehim simili bejn il-Ġeorġja u l-UE,

L.

billi, minkejja l-isforzi biex l-elezzjonijiet Ġeorġjani jsiru skond standards internazzjonali, il-Missjoni Internazzjonali ta' Osservazzjoni għall-elezzjonijiet parlamentari Ġeorġjani tal-21 ta' Mejju 2008 identifikat xi problemi li għandhom jiġu ndirizzati fi żmien xieraq,

1.

Jesprimi l-preokkupazzjoni kbira tiegħu minħabba li s-sitwazzjoni fl-Abkażja marret għall-agħar u jistieden lil-partijiet kollha biex ma jiħdux azzjonijiet li jistgħu jkomplu jiddestabilizzaw is-sitwazzjoni; jitlob sforzi internazzjonali mġedda biex il-partijiet jerġgħu jibdew jiddjalogaw u biex jinbeda mill-ġdid il-proċess ta' paċi bil-għan li tinstab soluzzjoni dewwiema u komprensiva;

2.

Jesprimi d-diżapprovazzjoni kbira tiegħu għat-tħabbira tar-Russja li se tistabbilixxi relazzjonijiet uffiċjali ma' istituzzjonijiet fi ħdan l-awtoritajiet separatisti tal-Ossezja tan-Nofsinhar u tal-Abkażja; Jiddeplora, f'dan ir-rigward, id-deċiżjoni meħuda mill-Ministeru tad-Difiża Russu fil-31 ta' Mejju 2008 li jibgħat il-qawwiet tiegħu fl-Abkhazja sabiex, skond id-digriet presidenzjali, jerġa' jġib għalli kienet l-infrastruttura tal-ferroviji u tat-toroq fir-reġjun li nfired mir-Russja.

3.

Jirrijafferma l-appoġġ sħiħ tiegħu għas-sovranità u l-integrità territorjali tal-Ġeorġja fil-fruntieri tagħha li huma rikonoxxuti internazzjonalment u jistieden lir-Russja biex tirrevoka din id-deċiżjoni, li ddgħajjef l-isforzi internazzjonali ta' paċi li l-Federazzjoni Russa qed tieħu sehem fihom ukoll;

4.

Jappoġġja l-isforzi li saru sabiex jikkalmaw is-sitwazzjoni permezz ta' taħditiet bejn ir-Rappreżentant Għoli tas-Politika Estera u ta' Sigurta' Komuni (PESK), il-President Saakashvili u l-Ministru għall-Affarijiet Barranin Russu Sergey Viktorovich Lavrov; iħeġġeġ lir-Rappreżentant Speċjali tal-UE għall-Kawkasu t'Isfel sabiex isib mezz biex jiffaċilita d-djalogu bejn il-partijiet kollha konċernati u biex jipprova jerġa' jdaħħal ċertu ammont ta' fiduċja reċiproka;

5.

Iħeġġeġ lill-Federazzjoni Russa biex tirtira minnufih it-truppi addizzjonali tagħha fl-Abkażja; huwa tal-fehma li l-format attwali għaż-żamma tal-paċi jrid jiġi rivedut, peress li t-truppi Russi m'għadx għandhom l-irwol ta' forza newtrali u imparzjali għaż-żamma tal-paċi, u jitlob involviment akbar Ewropew fil-kunflitti kontinwi sabiex isir progress fil-proċessi ta' paċi;

6.

Jistieden lill-Kunsill sabiex jikkunsidra li jsaħħaħ il-preżenza internazzjonali fiż-żona ta' kunflitt billi jibgħat missjoni ta' Politika ta'Sigurta' u Difiza Ewropea (ESDP) fil-fruntiera, wara l-esperjenza pożittiva tal-Missjoni ta' Assistenza tal-Fruntieri tal-Unjoni Ewropea (EUBAM) fis-settur tal-fruntiera tat-Tranżnistrija bejn il-Moldova u l-Ukraina, filwaqt li jissuġġerixxi li l-Istati Membri jkollhom irwol aktar attiv fl-UNOMIG; jistieden lin-NU sabiex tagħti spinta lill-mandat u lir-riżorsi tal-UNOMIG;

7.

Jistieden lill-Kunsill tas-Sigurtà tan-NU, lill-Organiżżazzjoni għas-Sigurta' u Koperazzjoni fl-Ewropa (OSCE) u lil organizzazzjonijiet internazzjonali oħra biex jappoġġjaw il-proposti tal-Gvern Ġeorġjan għal negozjati alternattivi u formati għaż-żamma tal-paċi ġodda, li jinkludu t-twaqqif progressiv ta' forzi internazzjonali għaż-żamma tal-paċi li jkunu indipendenti verament;

8.

Jistieden, f'dan ir-rigward, lill-Kunsill u lill-Kummissjoni biex iqajmu l-kwistjonijiet tal-Abkażja u tal-Ossezja tan-Nofsinhar b'insistenza mal-awtoritajiet Russi fis-laqgħa għolja li se jsir bejn l-UE u r-Russja u waqt in-negozjati dwar ftehim ta' sħubija ġdida u msaħħa, u jħeġġeġ lill-awtoritajiet Russi biex ma jopponux missjoni eventwali tal-ESDP fir-reġjun, inkluża preżenza tal-UE f'operazzjonijiet għaż-żamma tal-paċi kemm ċivili kif ukoll militari;

9.

Jitlob li jsiru investigazzjoni u spezzjonijiet min-NU dwar jekk ir-riżoluzzjonijiet relevanti kollha tal-Kunsill tas-Sigurtà tan-NU humiex qed jiġu osservati b'reqqa mill-parteċipanti kollha fiż-żona ta' kunflitt, kif ukoll dwar jekk hemmx armamenti ta' kalibru kbir;

10.

Jinnota r-riżultat tal-elezzjonijiet parlamentari tal-21 ta' Mejju 2008 u l-konklużjonijiet tal-Missjoni ta' Osservazzjoni Elettorali, li juru li l-ġurnata tal-elezzjoni kienet il-biċċa l-kbira kalma u ġeneralment evalwata b'mod pożittiv, u li sar progress sostanzjali mill-elezzjonijiet presidenzjali ta' Jannar 'l hawn;

11.

Jenfasizza, madankollu, li jridu jsiru aktar sforzi b'aktar koperazzjoni mal-komunità internazzjonali sabiex wieħed jaffronta u jsib tarf tal-problemi kollha misjuba fil-proċess elettorali minħabba l-implimentazzjoni inkonsistenti u inkompleta tal-istandards tal-OSCE u tal-Kunsill tal-Ewropa kif ukoll biex jittejbu u jissaħħu l-kisbiet demokratiċi tal-Ġeorġja; jistieden lill-awtoritajiet Ġeorġjani sabiex jittrattaw l-ilmenti kollha dwar il-proċess elettorali b'mod trasparenti u biex jaħdmu għal aktar titjib sabiex ikunu jistgħu jiżdiedu aktar il-fiduċja u l-kunfidenza fil-proċess elettorali;

12.

Jistieden lill-forzi politiki kollha fil-Ġeorġja sabiex jirrispettaw l-istat tad-dritt, sabiex jimpenjaw ruħhom għad-djalogu kostruttiv u jsibu kompromess, u sabiex jibqgħu lura minn aktar polarizzazzjoni tas-soċjetà Ġeorġjana; jirrikonoxxi li n-nuqqas ta' fiduċja bejn l-gvern u l-partiti tal-oppożizzjoni huwa ostaklu għal aktar żvilupp demokratiku u jistenna li l-forzi politiki kollha jagħmlu ħilithom biex jiksbu kultura politika demokratika fejn id-dibattiti politiċi jsiru fil-parlament u l-avversarji politiċi jiġu rispettati, u sabiex id-djalogu kostruttiv ikun immirat sabiex jappoġġja u jikkonsolida l-istituzzjonijiet demokratiċi fraġli tal-Ġeorġja;

13.

Jappoġġja l-aspirazzjonijiet tal-Ġeorġja li tħaffef il-proċess ta' integrazzjoni mal-Unjoni Ewropea fil-qafas ta' Politka Ewropea tal-Viċinat imsaħħa;

14.

Jistieden lill-Kunsill u lill-Kummissjoni biex iħaffu l-bidu tan-negozjati dwar l-iskema għall-viżi UE-Ġeorġja sabiex jiġu konklużi fil-futur qarib il-ftehim dwar it-tħaffif tal-ħruġ tal-viżi u dwar ir-rijammissjoni sabiex ikun żgurat li ċ-ċittadini tal-Ġeorġja ma jkunux żvantaġġjati meta mqabbla mal-persuni li għandhom passaporti Russi fir-reġjuni separatisti;

15.

Jilqa' b'sodisfazzjon il-konklużjonijiet tal-Kunsill tat-18 ta' Frar 2008 dwar il-Politika Ewropea tal-Viċinat rigward il-ħtieġa li jingħata bidu għal negozjati dwar Ftehim ta' Kummerċ Ħieles wisgħin u komprensivi (DFTAs) fejn dan ikun possibbli; iħeġġeġ lill-Kummissjoni biex tipprova tilħaq ftehim malajr mal-Ġeorġja dwar l-ambizzjonijiet tagħha u biex tikseb mandat ta' negozjar mill-Istati Membri; jittama li jkun hemm iktar progress dwar din il-kwistjoni matul il-Presidenza Franċiża;

16.

Jilqa' b'sodisfazzjon it-twaqqif ta' Sottokumitat għall-Ġustizzja, il-Libertà u s-Sigurtà bejn l-UE u l-Ġeorġja bil-għan li jiżdied id-djalogu bilaterali u li jkun implimentat il-Pjan ta' Azzjoni tal-Politika Ewropea tal-Viċinat;

17.

Jittama li l-Ġeorġja tagħmel użu sħiħ mill-possibilitajiet finanzjarji addizzjonali pprovduti mill-Faċilità ta' Investiment għall-Viċinat (FIV), b'mod partikulari fi proġetti marbuta mal-infrastruttura, l-enerġija u l-ħarsien tal-ambjent, iżda jistieden lill-Kummissjoni biex tagħti aktar attenzjoni lill-edukazzjoni, lit-tisħiħ tad-demokrazija u lill-oqsma soċjali;

18.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-Istati Membri, lill-President u lill-parlament tal-Ġeorġja, lill-OSCE, lill-Kunsill tal-Ewropa u lill-President u lill-Parlament tal-Federazzjoni Russa.

26.11.2009   

MT

Il-Ġurnal Uffiċjali tal-Unjoni Ewropea

CE 285/11

A.

billi definizzjoni ċara tal-interessi tal-Unjoni hija essenzjali biex jintlaħqu l-miri tal-azzjoni esterna tal-Unjoni u b'mod partikulari l-politika għall-affarijiet barranin tagħha,

B.

billi hija meħtieġa unità akbar fl-Unjoni Ewropea biex il-PESK, li hi bbażata fuq il-valuri, tissaħħaħ u ssir aktar effettiva, peress li altrimenti l-kredibilità tal-Unjoni Ewropea bħala protagonist globali tirriskja li tiddgħajjef, kif ġara bil-mod kif l-Unjoni Ewropea mxiet fil-każ taċ-Ċina, r-Russja, l-Iraq, l-Afganistan, Kuba u fis-sigurtá fl-enerġija; billi wieħed jittama li t-Trattat ta' Liżbona u l-irwol imsaħħaħ tar-Rappreżentant Għoli jiffaċilitaw strateġija ta' politika barranija li tħares aktar 'il quddiem u fuq perjodu fit-tul kif ukoll it-twaqqif ta' approċċ komprensiv li jikseb l-appoġġ tal-Istati Membri kollha,

C.

billi t-Trattat ta' Liżbona jtejjeb b'mod ċar l-arranġamenti tal-PESK attwalment fis-seħħ, b'hekk isaħħaħ il-profil internazzjonali tal-Unjoni u l-effettività tagħha; billi madankollu jeħtieġ li jsiru iktar sforzi biex jittejjeb il-proċess tat-teħid ta' deċiżjonijiet fir-rigward tal-politika barranija, bil-għan li jingħeleb il-poter tal-veto u tiġi introdotta votazzjoni bil-maġġoranza kkwalifikata,

D.

billi l-pressjoni ta' kriżijiet u kunflitti lil hinn mill-fruntieri tal-UE, u l-bżonn li jingħelbu sfidi kbar ġodda li jinħolqu bil-bidla ta' malajr fil-klima jissuġġerixxu perspettiva usa' għall-PESK,

E.

billi, biex ikunu kredibbli, il-PESK u l-Politika ta' Sigurtà u ta' Difiża Komuni (CSDP) futura jeħtieġu riżorsi allokati għalihom bi qbil mal-ambizzjonijiet u l-miri speċifiċi tagħhom, u billi f'dan ir-rigward żieda sinifikattiva qed titqies bħala meħtieġa kemm waqt ir-reviżjoni ta' nofs iż-żmien tal-Perspettivi Finanzjarji fl-2009 kif ukoll minn sorsi finanzjarji oħrajn,

1.

Hu tal-opinjoni li, mill-bidunett tagħha, il-PESK, kif ukoll il-Politika ta' Sigurtà u ta' Difiża Ewropea (ESDP), għenu sabiex tissaħħaħ l-identità Ewropea u l-irwol tal-UE bħala parteċipant globali;

2.

Hu tal-opinjoni, madankollu, li l-irwol tal-UE fid-dinja ma jilħaqx il-livell tal-potenzjal tiegħu u tal-aspettattivi tal-opinjoni pubblika Ewropea, minħabba n-nuqqas ta' ħeġġa tal-Istati Membri li jadottaw ir-riformi meħtieġa u indispensabbli li għandhom l-għan li jsaħħu l-effikaċja, il-koerenza u r-responsabilitá tal-politika barranija tagħha;

3.

Jemmen li, minħabba li l-Unjoni Ewropea hi komunità bbażata fuq il-valuri, sabiex tkun parteċipant globali kredibbli, trid iżżomm l-istandards għolja tagħha fir-relazzjonijiet esterni, u li l-PESK għandha għalhekk timxi fuq il-valuri li l-Unjoni Ewropea u l-Istati Membri tagħha jgħożżu, l-aktar id-demokrazija, l-istat tad-dritt u r-rispett għad-drittijiet tal-bniedem u l-libertajiet fundamentali, bħala objettivi ewlenin tas-PESK;

4.

Jiġbed l-attenzjoni, f'dan ir-rigward, li l-fatt li l-Unjoni Ewropea tiddependi ħafna għall-enerġija fuq pajjiżi mhux demokratiċi jista' jnaqqas ħafna l-koerenza, il-mod li bih tasserixxi ruħha u s-sostenibilità tal-politika barranija komuni tagħha;

5.

Jemmen bis-sħiħ li l-Unjoni Ewropea tista' tħalli impatt u tmexxi PESK ġenwina, effettiva u kredibbli biss jekk tidentifika b'mod ċar l-għanijiet komuni tagħha, tara li jkollha l-istrumenti adegwati, b'tali mod li tiżgura konsistenza bejn l-għanijiet u l-mezzi, titkellem b'vuċi waħda u tgawdi minn leġittimità demokratika qawwija li jista' jagħtiha l-iskrutinju tal-Parlament; fl-istess ħin, jikkunsidra li l-għanijiet ewlenin tal-PESK jistgħu jinkisbu biss jekk il-Parlament innifsu jitkellem b'vuċi komuni u, f'dan ir-rigward, jinkuraġġixxi delimitazzjoni iktar ċara tal-kompetenzi, minn perspettiva tematika u ġeografika, bejn il-korpi speċjalizzati tiegħu relatati mal-PESK;

6.

Jistieden lill-Istati Membri sabiex jintrabtu li jikkonsultaw lis-sieħba tagħhom fl-UE u lir-Rappreżentant Għoli qabel jadottaw deċiżjonijiet strateġiċi fil-qasam tal-politika barranija, partikolarment f'organizzazzjonijiet multilaterali, sabiex il-pożizzjonijiet tagħhom fir-rigward tad-deċiżjonijiet strateġiċi jkunu talanqas koerenti, konverġenti u kompatibbli u ma jaffettwawx il-koerenza u l-koeżjoni tal-azzjoni esterna tal-UE jew idgħajfu l-kredibilità tal-UE bħala parteċipant globali vis-à-vis pajjiżi terzi;

7.

Jieħu nota tar–Rapport Annwali tal-2006 dwar il-PESK mill-Kunsill;

8.

Filwaqt li jirrikonoxxi l-progress fl-istruttura tar-rapport, speċjalment l-inklużjoni ta' ppjanar li jħares 'il quddiem flimkien ma' deskrizzjoni ta' azzjonijiet li saru s-sena ta' qabel, jistenna li l-Kunsill fir-rapport annwali li jmiss, jikkunsidra ir-riżoluzzjonijiet u/jew ir-rakkomandazzjonijiet rilevanti adottati mill-Parlament;

9.

Hu tal-opinjoni li l-Parlament għandu b'mod aktar sistematiku jadotta pożizzjonijiet dwar kull stadju suċċessiv tat-teħid tad-deċiżjonijiet tal-PESK u tal-ESDP; jirrakkomanda li, sabiex tissaħħaħ il-leġittimità demokratika tagħhom, il-pożizzjonijiet komuni u l-azzjonijiet konġunti għandhom, fejn hu xieraq, jikkunsidraw u jkollhom referenzi għal dawk il-pożizzjonijiet adottati mill-Parlament;

10.

Jirrikonoxxi li sar progress konsiderevoli fir-relazzjonijiet bejn il-Kunsill u l-Parlament, speċjalment permezz tat-twaqqif ta' mezzi ġodda u aktar flessibbli ta' komunikazzjoni; jikkunsidra, madankollu, li l-Parlament għandu jadotta pożizzjoni iktar deċiża fir-rigward tal-kwistjonijiet diskussi, u din għandha tkun trattata b'mod sistematiku fil-Kunsill; jirrimarka li sar ukoll progress permezz tal-kuntatti li żdiedu bejn l-istituzzjonijiet, inklużi skambji regolari ta' opinjonijiet mar-Rappreżentant Għoli u preżenzi aktar frekwenti mir-Rappreżentanti Speċjali tal-UE kif ukoll ta' uffiċjali għolja oħra fil-Parlament; madankollu, jikkunsidra li jista jsir aktar progress, partikolarment fir-rigward taż-żmien meta dawn il-persuni jkunu preżenti, biex il-preżenza tagħhom tikkoinċidi aktar mal-aġenda tal-Parlament u tal-entitajiet kompetenti tiegħu;

11.

Jilqa' b'sodisfazzjon il-fatt li qed jiġi rikonoxxut li l-leġittimità u l-koerenza tal-PESK/ESDP jiddependu b'mod sostanzjali mir-rieda akbar tar-Rappreżentant Għoli u tas-servizzi tiegħu li jikkoperaw mal-Parlament, kif ukoll mid-disponibilità tal-Presidenza tal-Kunsill li taħdem mal-Parlament;

12.

Jipproponi li fl-2008 tingħata prijorità lil numru limitat ta' suġġetti li l-aktar jikkonċernaw it-tħassib taċ-ċittadini Ewropej kif ukoll l-aspettattivi tagħhom dwar l-irwol li għandu jkollha l-UEi fl-affarijiet interni;

13.

Iħeġġeġ lill-Kunsill u lill-Kummissjoni sabiex jindirizzaw b'mod konġunt, u b'sens akbar ta' urġenza, kwistjonijiet ta' tħassib attwali għall-Ewropa bħat-terroriżmu, il-kriminalitá organizzata, it-titjib tas-sigurtá permezz ta' koperazzjoni u żvilupp, is-sigurtá fl-enerġija, il-bidla fil-klima, l-iżvilupp sostenibbli, it-titjib fl-istabilitá ta' reġjuni ġirien, l-immaniġġjar tal-kriżi, il-prevenzjoni tal-konflitti u s-soluzzjoni tal-konflitti, in-nuqqas tal-firxa ta' armi tal-qerda tal-massa (WMD), il-ġestjoni tal-migrazzjoni, u l-promozzjoni tad-drittijiet tal-bniedem u l-libertajiet ċivili; jilqa' b'sodisfazzjon ir-rapport dwar il-bidla fil-klima u s-sigurtà internazzjonali mill-Kummissjoni u mir-Rappreżentant Għoli lill-Kunsill Ewropew; jistieden lill-Kunsill sabiex jeżamina r-rapport u jressaq rakkomandazzjonijiet dwar segwitu xieraq; jenfasizza l-importanza tad-dimensjoni esterna bħala l-bażi tat-twaqqif ta' zona Ewropea ta' Libertá, Sigurtá u Ġustizzja;

14.

Jistieden lir-Rappreżentant Għoli biex jevalwa l-progress li sar, u kwalunkwe nuqqasijiet, fl-implimentazzjoni tal-ESS mis-sena 2003, u jinkludi proposti għal titjib u li jissostanzjaw l-ESS; jemmen li r-rispett għal-liġi internazzjonali, il-multilateraliżmu effettiv, is-sigurtà umana u d-dritt taċ-ċittadini tad-dinja kollha li jkunu protetti, il-prevenzjoni tal-kunflitt, id-diżarmament u l-irwol tal-istituzzjonijiet internazzjonali għandhom isiru l-prinċipji gwida tal-azzjoni esterna tal-UE; huwa tal-opinjoni li evalwazzjoni bħal din għandha tkun il-bażi għal dibattitu politiku pubbliku usa'; jenfasizza li kwalunkwe evalwazzjoni futura tal-ESS għandha ssir b'konsultazzjoni mill-qrib mal-istituzzjonijiet kollha tal-UE, inklużi l-Parlament Ewropew u l-parlamenti nazzjonali; hu tal-opinjoni li l-ESS għandha tkun riveduta b'tali mod li tinkludi kritika rigoruża tal-missjoni preżenti u direzzjoni futura tan-NATO u tar-relazzjonijiet tan-NATO mal-Unjoni Ewropea fil-livell ta' strateġija u fil-livell tal-operat, kif ukoll analiżi tar-ramifikazzjonijiet tas-sigurtà ta' tkabbir ulterjuri tan-NATO; jistieden lill-Kunsill Ewropew biex jifformula, għall-ewwel darba, pożizzjoni koerenti dwar il-politika tal-UE-NATO li se sservi mhux biss biex tagħti l-ħajja mill-ġdid lir-relazzjonijiet tranżatlantiċi iżda wkoll biex tipprovdi appoġġ għall-iżvilupp minn kmieni tal-politika ta' sigurtà u difiża tal-UE kif prevista fit-Trattat ta' Liżbona;

15.

Jistieden lill-Kunsill biex jikkunsidra t-twaqqif ta' strutturi u proċeduri adegwati kif wkoll titjib fl-iffunzjonar ta' dawk eżistenti sabiex l-UE tiżviluppa l-kapaċità li tirreaġixxi b'mod rapidu f'sitwazzjonijiet ta' kriżi; jitlob ukoll li jkun żviluppat qafas legali li jiddefinixxi d-dritt ta' intervent u l-obbligu ta' protezzjoni f'sitwazzjonijiet ta' kriżi, inklużi l-proċeduri għat-teħid tad-deċiżjonijiet u tar-responsabilitajiet f'sitwazzjonijiet bħal dawn;

16.

Huwa tal-opinjoni li l-importanza tad-dimensjoni tal-politika barranija tas-sigurtà fl-enerġija, kif ukoll id-dipendenza tal-Unjoni fuq provvisti tal-enerġija u provvisti strateġiċi oħrajn minn pajjiżi jew reġjuni mhux stabbli jew mhux demokratiċi, se tkompli tiżdied; jirrakkomanda d-diversifikazzjoni wiesgħa ta' sorsi ta' enerġija u ta' rotot ta' trasport għall-enerġija u żieda fl-effiċjenza fl-użu tal-enerġija kif ukoll solidarjetà fil-politika tal-enerġija fost l-Istati Membri; jiddeplora l-iffirmar mingħajr koordinament ta' ftehim bilaterali tal-enerġija mill-Istati Membri, li jdgħajfu l-interessi u joħolqu dubji dwar il-proġetti strateġiċi tal-UE kif ukoll tal-Istati Membri l-oħra; jenfasizza, f'dan ir-rigward, l-importanza strateġika tan-Nabucco pipeline għas-sigurtà tal-enerġija tal-Unjoni Ewropea u jistieden lill-Kummissjoni u lill-Kunsill sabiex jimmobilizzaw l-isforzi kollha sabiex ikun implimentat b'suċċess dan il-proġett malajr kemm jista' jkun; itenni s-sejħa tiegħu għall-ħolqien tal-kariga ta' Uffiċjal Għoli għall-Politika Barranija tal-Enerġija taħt l-awtorità ta' kariga doppja futura tar-Rappreżentant Għoli/Viċi President tal-Kummissjoni, bir-responsabilità tal-koordinament tal-attivitajiet tal-Unjoni f'dan il-qasam; jiddispjaċih dwar in-nuqqas ta' reazzjoni mill-Kunsill u l-Kummissjoni għar-Riżoluzzjoni tal-Parlament tas-26 ta' Settembru 2007 imsemmija iktar 'il fuq;

17.

Jiddispjaċih dwar in-nuqqas ta' progress favur politika barranija Ewropea komuni dwar l-enerġija u jiddeplora l-bilateraliżmu tal-azzjoni adottata minn ċerti Stati Membri tal-UE, li jdgħajfu konsiderevolment is-setgħa ta' negozjar tal-Unjoni Ewropea in ġenerali u l-isforzi tagħha favur politika barranija komuni dwar l-enerġija; itenni l-fehma tiegħu li politika bħal din għandha tkun ibbażata fuq solidarjetà u għandha tkun appoġġjata minn suq intern b'interkonnessjonijiet tajbin, bl-għodda kollha meħtieġa biex tittieħed azzjoni kontra l-imġiba mhux kummerċjali b'sens ta' monopolju u motivata politikament, għax dan jista' jikkostitwixxi theddida għas-sigurtà tal-enerġija tal-Komunità; għalhekk jilqa' u jappoġġja bis-sħiħ il-klawsola tal-pajjiż terz inkluża fit-tielet pakkett tal-enerġija;

18.

Itenni li t-terroriżmu, bħala mezz użat minn organizzazzjonijet mhux demokratiċi u terroristiċi, jikkostitwixxi waħda mit-theddidiet prinċipali għas-sigurtà tal-UE u f'dan ir-rigward jilqa' l-isforzi tal-Koordinatur tal-UE ta' Kontra t-Terroriżmu biex jikkonsolida l-implimentazzjoni tal-Istrateġija ta' Kontra t-Terroriżmu tal-UE; jinnota li l-ġlieda kontra t-terroriżmu trid titwettaq b'rispett xieraq għall-valuri universali tad-demokrazija, tal-istat tad-dritt, tad-drittijiet tal-bniedem u l-libertajiet fundamentali, kif ukoll tal-ħarsien tagħhom, b'koperazzjoni mill-qrib ma' msieħba internazzjonali u bi qbil mal-istrateġija stabbilita min-Nazzjonijiet Uniti; hu tal-opinjoni li ġlieda effettiva kontra t-terroriżmu għandha tkun prijoritá ewlenija fir-relazzjonijiet bejn l-Unjoni u pajjiżi terzi;

19.

Itenni l-importanza ta' ġestjoni tajba tal-migrazzjoni; jikkunsidra bħala essenzjali, għaldaqstant, li tkun assigurata l-koperazzjoni kemm tal-pajjiżi ta' oriġini kif ukoll ta' dawk ta' tranżitu, u li din tkun inċentivata bl-applikazzjoni ta' politika ta' kundizzjonalitá pożittiva; jirrimarka l-ħtieġa li tkun evitata l-immigrazzjoni illegali u li jkunu miġġielda l-gruppi li jittraffikawha;

20.

Itenni li t-tisħiħ tat-tmexxija globali, tal-istituzzjonijiet internazzjonali u tal-valur tal-liġi internazzjonali jibqgħu ta' interess vitali għall-azzjoni esterna tal-Unjoni; jenfasizza f'dan ir-rigward l-irwol kruċjali tan-NU fl-appoġġ ta' multilateraliżmu effettiv u jenfasizza li l-Unjoni trid tibqa' magħquda flimkien waqt li tħeġġeġ lill-imsieħba tagħha biex ifittxu l-iżvilupp u l-konsolidament tad-demokrazija, id-drittijiet tal-bniedem u l-istat tad-dritt, bħala bażi komuni għal dinja prospera u sikura; jafferma mill-ġdid l-impenji tiegħu għall-Għanijiet tal-Millenju tan-NU għall-Iżvilupp, partikularment il-ġlieda dinjija kontra l-faqar;

21.

Huwa tal-opinjoni li, sabiex tintlaħaq tmexxija globali, għandha tingħata attenzjoni partikulari lill-irwol li għandhom il-fondi ta' ġid sovrani (sovereign wealth funds) kif ukoll il-parteċipanti ekonomiċi tal-Istat li jixbħuhom, li għandhom ikunu inkoraġġiti joperaw bi trasparenza u responsabilità massimi;

22.

Jikkunsidra li huwa importanti li l-UE tagħmel sforz ikbar biex issaħħaħ u tikkonsolida l-politiki tagħha għall-appoġġ dinji tad-demokrazija; għalhekk jikkunsidra li huwa essenzjali li appoġġ bħal dan jitpoġġa fil-qalba tal-PESK u li tkun żgurata koerenza bejn l-azzjonijiet tal-istituzzjonijiet tal-UE u tal-Istati Membri;

23.

Jinsisti dwar il-ħtieġa ta' implimentazzjoni effettiva tal-klawsoli tad-drittijiet tal-bniedem u tad-dispożizzjonijiet dwar in-nuqqas ta' proliferazzjoni u ta' kontra t-terroriżmu kif ukoll l-inklużjoni ta' klawsola dwar is-sigurtà fl-enerġija fi ftehim ma' pajjiżi terzi, sabiex jiġu assigurati l-koerenza u l-effettività tal-politiki esterni tal-UE;

24.

Jinsisti fuq il-ħtieġa li tkompli ssir pressjoni biex, fuq livell internazzjonali, tkun implimentata l-istrateġija tal-UE kontra l-firxa ta' armi għall-qerda tal-massa (WMD), li ssir ħidma attiva sabiex tinżamm is-sistema ta' kontroll tal-armi u ta' diżarm eżistenti, b'mod partikulari għad-dħul fis-seħħ tat-Trattat dwar il-Projbizzjoni Komprensiva tal-Provi Nukleari (CTBT), l-implimentazzjoni konsistenti u l-monitoraġġ komprensiv tal-Konvenzjoni dwar l-Armi Kimiċi, il-projbizzjoni internazzjonali fuq munizzjoni ta' tip ‘cluster’ u l-applikazzjoni universali tal-Konvenzjoni ta' Ottawa li tipprojbixxi l-mini splużivi tal-art, li titpoġġa enfasi akbar fuq inizjattivi għall-kontroll tal-kummerċ tal-armi ż-żgħar u inizjattivi u kwistjonijiet oħrajn ta' diżarm u non-proliferazzjoni, li jissaħħu trattati multilaterali ta' non-proliferazzjoni u jkunu pprovduti l-mezzi finanzjarji sabiex tkun implimentata l-istrateġija tal-WMD tal-UE; jistieden lill-UE u lill-Istati Membri biex ikollhom rwol pożittiv u effettiv sabiex jintemm l-istaġnar tal-ftehim fil-Konferenza dwar id-Diżarm ta' Geneva u jittieħdu passi biex jiġi żgurat li n-negozjati jirriżultaw fi trattat nondiskriminatorju, multilaterali, internazzjonali u li jista'tkun ivverifikata b'mod effettiv il-projbizzjoni tal-produzzjoni ta' materjali fissili għall-armi nukleari;

25.

Huwa tal-opinjoni li l-proċess tat-tkabbir tal-Unjoni, ibbażat fuq l-Artikolu 49 tat-Trattat tal-UE, jibqa' prijoritá ewlenija tal-politika barranija u li dan għandu jkun ibbażat fuq il-kapaċità tal-Unjoni li tintegra l-Istati Membri l-ġodda (waqt li jitqiesu l-impatt tat-tkabbir fuq l-istituzzjonijiet tagħha, ir-riżorsi finanzjarji tagħha u l-kapaċità tagħha li tilħaq l-objettivi politiċi tagħha);

26.

Jikkunsidra li l-istabilità fil-Balkani tal-Punent għandha tkun il-prijorità ewlenija tal-UE għall-2008, f'konformità mal-opinjoni tal-Kunsill kif stabbilita fir-Rapport Annwali għall-2006; għalhekk iħoss li hu ferm importanti li jiġu rduppjati l-isforzi ħalli l-Balkani tal-Punent jitqarrbu lejn l-UE, flimkien mad-dħul ta' reġim mingħajr viża, it-tkabbir ta' koperazzjoni reġjunali fl-oqsma tal-kummerċ, it-trasport, l-enerġija u l-parteċipazzjoni tal-pajjiżi tal-Balkani tal-Punent fil-programmi Komunitarji; jemmen li enfasi iktar qawwija fuq il-kwistjonijiet ekonomiċi u soċjali li dan jinvolvi, tiffaċilita u ssaħħaħ il-preparazzjoni ta' dawk il-pajjiżi għas-sħubija fl-UE, f'konformità mal-Aġenda ta' Thessaloniki; jenfasizza l-importanza li tkun involuta s-soċjetà ċivili fil-proċess tal-adeżjoni;

27.

Hu tal-opinjoni li d-djalogu mas-Serbja għandu jkun intensifikat u li għandhom jittieħdu passi konkreti sabiex tkun affermata mill-ġdid il-perspettiva Ewropea ta' dak il-pajjiż; jikkunsidra l-iffirmar tal-Ftehim ta' Stabilità u Assoċjazzjoni bħala pass konkret lejn l-adeżjoni futura tas-Serbja fl-UE; jinkuraġġixxi għajnuna sostanzjali, implimentazzjoni ta' impenji u ta' miżuri ta' koperazzjoni reċiproċi, kif ukoll il-liberalizzazzjoni tal-pjan direzzjonali tal-viża; jisħaq li għandu jingħata enfasi partikulari dwar it-tisħiħ tar-rabtiet mal-forzi demokratiċi kollha u mas-soċjetá ċivili fl-oqsma ta' interess komuni; jikkunsidra li l-UE għandha tiżviluppa politiki adegwati u tibda proċessi xierqa sabiex is-Serbja ma tibqax iżolata;

28.

Jirreferi għall-konklużjonijiet tal-Kunsill għall-Affarijiet Ġenerali u r-Relazzjonijiet Esterni li sar fit-18 ta' Frar 2008, li fih il-Kunsill innota l-adozzjoni ta' riżoluzzjoni, mill-Assemblea tal-Kosovo fis-17 ta' Frar 2008, li tiddikkjara lill-Kosovo bħala indipendenti u li fiha l-Kunsill ukoll stqarr li l-Istati Membri se jieħdu deċiżjoni dwar ir-relazzjoni tagħhom mal-Kosovo skond il-prattika nazzjonali u l-liġi internazzjonali;

29.

Hu tal-fehma li l-missjoni tal-Istat tad-Dritt tal-Unjoni Ewropea (EULEX) fil-Kosovo trid tissalvagwardja l-interessi tal-minoritajiet nazzjonali kif stipulat fil-pjan Ahtisaari sabiex tippreserva l-karattru multi-etniku tat-territorju, tibni fiduċja fost il-komunitajiet etniċi, tipproteġi l-wirt kulturali, reliġjuż u storiku, tikkonsolida l-istat tad-dritt u tippromovi l-iżvilupp ekonomiku; jinnota li t-tħaddin lokali ta' dawn l-isforzi se jiżgura tranżizzjoni b'suċċess u żvilupp soċjali, politiku u ekonomiku sostenibbli tal-Kosovo; jesprimi t-tħassib tiegħu dwar l-impass fin-negozjati dwar it-trasferiment tar-responsabilitajiet mill-Missjoni ta' Amministrazzjoni Temporanja fil-Kosovo tan-Nazzjonijiet Uniti (UNMIK) għall-EULEX; jistieden lill-Istati Membri biex jieħdu azzjoni konċertata fin-NU bil-għan li jiġi żgurat rikonoxximent tal-missjoni EULEX bħala parti mill-preżenza ċivili internazzjonali fil-Kosovo skond ir-Riżoluzzjoni tal-Kunsill tas-Sigurtà tan-NU 1244 Nru (1999);

30.

Jenfasizza li l-qagħda tal-minoritajiet fil-pajjiżi kollha tal-Balkani tal-Punent għandha tkun suġġetta għal aktar monitoraġġ bir-reqqa sabiex jiġi żgurat il-ħarsien effettiv tal-gruppi tal-minoritajiet kollha u tad-drittijiet tagħhom, u li għandu jsir aktar progress konsistenti f'dan il-qasam b'konformità mal-istandards Ewropej; jemmen li għandu jittieħed vantaġġ mis-Sena ta' Djalogu Interkulturali 2008 għall-promozzjoni tal-ftehim reċiproku u tal-edukazzjoni mfassla biex iddaħħal fl-imħuħ ideat ta' tolleranza;

31.

Jenfasizza wkoll li t-tisħiħ tal-Politika Ewropea għall-Viċinanzi (l-ENP) għandha titqies bħala objettiv ewlieni għall-2008, u li dan għandu jwassal għal approċċ varjat għall-ġirien tagħna li jikkunsidra kemm l-aspettattivi tagħhom u kif ukoll l-interessi strateġiċi tal-Unjoni; jemmen li din il-politika mġedda għandha tagħmel użu akbar u aktar estensiv tal-istrumenti disponibbli tal-Komunità;

32.

Itenni li l-persistenza ta' kunflitti li ma ġewx solvuti fil-pajjiżi tal-Politika Ewropea tal-Viċinanzi (ENP) tirrappreżenta sfida serja għas-sigurtà tal-fruntieri esterni tal-UE u għall-implimentazzjoni effettiva tal-ENP; jenfasizza li, bit-tkabbir tal-2007, il-fruntieri tal-UE jinsabu saħansitra aktar qrib għal dawn iż-żoni ta' kunflitt; għalhekk, jappella għall-involviment aktar attiv u komprensiv tal-UE fl-isforzi li għaddejjin biex tinstab soluzzjoni għal dawn il-kunflitti, b'mod partikulari għal dak fiż-żona Transnistrijana tar-Repubblika tal-Moldova, f'konformità mal-liġi internazzjonali u mal-prinċipji ta' integrità territorjali, u jappella wkoll għal impenn akbar min-naħa tal-UE fil-ġestjoni tal-kunflitti;

33.

Jemmen li l-Unjoni għandha tiffoka l-attenzjoni tagħha fuq l-iżvilupp ta' koperazzjoni ekonomika, stabilità politika u demokrazija fit-tliet oqsma ta' koperazzjoni ewlenin, jiġifieri l-Mediterran, il-Baħar Baltiku u l-Baħar l-Iswed, billi jsir użu minn strutturi ta' koperazzjoni f'dawk l-oqsma, billi tiġi kkonsolidata s-sinerġija bejn il-politiki istituzzjonali u reġjonali u billi l-pajjiżi f' dawk ir-reġjuni jiġu megħjuna fil-proċessi ta' integrazzjoni tagħhom; jilqa' b'sodisfazzjon l-intenzjoni espressa mill-Kunsill Ewropew tat-13 u l-14 ta' Marzu 2007 biex jissaħħaħ il-Proċess ta' Barċellona; itenni l-importanza li jinkisbu riżultati tanġibbli fir-reġjun Ewro-Mediterran fejn ir-rispett tad-drittijiet tal-bniedem u l-iżvilupp ekonomiku u soċjali fil-pajjiżi tax-xtajta ta' nofsinhar tal-Mediterran għandhom jiġu promossi u fejn għandu jkun hemm attenzjoni ffokata aktar fuq l-tintuża attenzjoni akbar fil-kuntest tal-enerġija u tal-isfidi ambjentali u tal-enerġija;

34.

Itenni li r-reġjuni tal-Baħar l-Iswed u tal-Baħar Baltiku għandhom importanza strateġika għall-Unjoni u li għalhek jixraqilhom approċċ aktar koerenti, simili għal dak għar-reġjun tal-Baħar Mediterran; Jistieden lill-Kunsill u lill-Kummissjoni biex irawmu koperazzjoni reġjonali mal-Baħar l-Iswed u mal-Baħar Baltiku; huwa tal-fehma li attenzjoni ugwali u bbilanċjata bejn dawn it-tliet reġjuni kruċjali tkun żgurata bl-aħjar mod permezz tat-tfassil ta' strutturi organizzattivi ġodda għall-koperazzjoni reġjonali fir-reġjuni tal-Baħar l-Iswed u tal-Baħar Baltiku, u kif ukoll permezz tat-tisħiħ tar-relazzjonijiet mal-assembleji multilaterali eżistenti bħall-Assemblea Parlamentari tal-Koperazzjoni Ekonomika tal-Baħar l-Iswed;

35.

Jenfasizza l-bżonn li tissaħħaħ l-alleanza transatlantika u li jiġu intensifikati l-kuntatti mal-Istati Uniti, inter alia permezz ta' Ftehim ta' Sħubija Transatlantika iktar avvanzat u iktar komprensiv, li l-potenzjal tiegħu għandu jiġi sfruttat bis-sħiħ u li għandu jinkludi konsultazzjoni u koperazzjoni kemm fuq interessi reċiproċi, u kif ukoll fuq il-prevenzjoni ta' kunflitti ċivili, l-ordni legali internazzjonali, il-paċi u d-diżarm, l-iżvilupp sistenibbli u l-ġlieda kontra l-faqar; jilqa' b'sodisfazzjon it-twaqqif ta' Kunsill Ekonomiku Transatlantiku; jenfasizza l-importanza tad-dimensjoni parlamentari fi ħdan il-qafas tad-Djalogu tal-'Leġiżlaturi Transatlantiċi', u kif ukoll il-bżonn li jkun hemm djalogu iktar profond mal-Kungress tal-Istati Uniti dwar il-futur tar-relazzjonijiet bejn l-UE u l-Istati Uniti, il-futur tan-NATO u r-riforma tan-NU;

36.

Jikkunsidra ir-reviżjoni fl-2008 mill-Unjoni tar-relazzjonijiet tagħha mar-Russja bħala importanti ħafna; huwa tal-fehma li dawn ir-relazzjonijiet għandhom ikunu bbażati fuq sħubija bbilanċjata, li tindirizza sfidi globali bħan-nonproliferazzjoni tal-armi għall-qerda tal-massa (WMD), is-sigurtà ġenerali u s-sigurtà tal-enerġija, u li tippromwovi l-konsolidazzjoni tad-demokrazija, il-ħarsien tad-drittijiet tal-bniedem, il-kummerċ ħieles u, fuq kollox, ir-rispett tal-istat tad-dritt; ifakkar li sħubija ġenwina għandha tkun ibbażata kemm fuq trattament ugwali tal-Istati Membri kollha u kif ukoll fuq relazzjonijiet tajbin mal-istati ġirien, trasparenza u responsabilità; jitlob lill-Istati Membri biex jikkoordinaw ir-relazzjonijiet mal-Federazzjoni Russa fuq il-bażi tal-interessi komuni tal-Unjoni; jistieden lill-Kunsill u lill-Kummissjoni biex jiżguraw li l-mandat għal kwalunkwe Ftehim futur mhux biss jenfasizza dawn l-interessi komuni iżda jistabbilixxi wkoll mekkaniżmu għall-monitoraġġ tal-implimentazzjoni tiegħu;

37.

Jistieden lill-Kunsill u lill-Kummissjoni biex ikomplu jaħdmu, kemm fi ħdan il-qafas tal-Kwartett tal-Lvant Nofsani u kif ukoll fost il-poplu, biex jitrawmu n-negozjati bejn l-Iżraeljani u l-Palestinjani għal soluzzjoni ta' paċi komprensiva, dewwiema u ġusta fuq il-bażi ta' żewġ Stati sikuri u vijabbli, bi qbil mal-impenji stipulati fl-Aġenda ta' Annapolis; huwa tal-fehma li l-Unjoni għandha timmassimizza l-influwenza finanzjarja, kummerċjali u politika tagħha fuq iż-żewġ naħat sabiex tinkiseb din is-soluzzjoni paċifika u li l-Unjoni għandu jkollha rwol, fi ħdan il-fora relevanti, li jkun proporzjonat għall-kontribuzzjoni finanzjarja u politika tagħha;

38.

Jemmen li l-iskema tan-nonproliferazzjoni nukleari skond it-Trattat ta' Nuqqas ta' Proliferazzjoni (NPT) qiegħda f'periklu serju u jistieden lill-Kunsill u b'mod partikulari liż-żewġ Stati Membri li għandhom l-armi nukleari biex iressqu inizjattiva Ewropea dwar l-implimentazzjoni tal-obbligi tad-diżarmament li jinsabu fl-Artikolu VI tal-NPT fir-rigward, b'mod partikulari, tal-konferenza tal-2010 dwar ir-reviżjoni tal-NPT; jopponi b'mod qawwi l-produzzjoni u t-tifrix tal-armi għall-qerda tal-massa, li qiegħda thedded li ssir realtà f'għadd dejjem akbar ta' pajjiżi minħabba li huwa impossibbli li wieħed jifred b'mod ċar l-użu tat-teknoloġija nukleari għal skopijiet ta' enerġija u l-użu tagħha għall-produzzjoni ta' armi; f'dan il-kuntest jikkwota, b'mod partikulari, l-inċertezzi dwar l-iskopijiet tal-programm nukleari tal-Iran; jistieden lill-Iran sabiex ikun trasparenti fir-relazzjonijiet tiegħu mal-Aġenzija Internazzjonali għall-Enerġija Atomika (l-IAEA) u li jfittex li jibni mill-ġdid il-fiduċja tal-komunità internazzjonali; jistieden lill-membri tal-Kunsill tas-Sigurtà tan-NU biex jerġgħu jirreferu lura l-kwistjoni tal-Iran lill-IAEA u biex jibdew negozjati mingħajr prekondizzjonijiet; jistieden lill-Istati Membri biex jipprojbixxu esportazzjoniet kollha ta' teknoloġija nukleari lejn kwalunkwe pajjiż li ma rratifikax il-protokolli addizzjonali tal-NPT;

39.

Jemmen li l-UE tista' tikkontribwixxi għall-bini ta' fiduċja vis-à-vis l-pajjiżi li magħhom m'għandhiex rabtiet kuntrattwali, jew rabtiet kuntrattwali limitati, permezz tat-tisħiħ tal-kuntatti bejn il-popli, bħal ma jsir permezz tal-ġemellaġġi bejn il-bliet jew permezz tal-programmi Erasmus Mundus;

40.

Jistenna implimentazzjoni mgħaġġla u komprensiva tal-istrateġija tal-Ażja Ċentrali;

41.

Itenni li l-promozzjoni tas-solidarjetà internazzjonali, l-istabilità, il-paċi u l-iżvilupp demokratiku, uman u ekonomiku, l-istat ta' dritt u l-ġlieda kontra d-drogi għandha tkompli tkunu fost il-prijoritajiet tal-politika tal-UE fir-rigward tal-Afghanistan fl-2008; jenfasizza l-ħtieġa li l-Afganistan jerġa' jakkwista s-sigurtà, liema sigurtà ma tistax tintlaħaq b'mezzi militari biss; jenfasizza li, għal dan il-għan, huwa wkoll vitali li jissaħħu l-forzi tal-pulizija sabiex jiġi stabbilit l-istat tad-dritt u jiżdiedu l-isforzi għall-iżvilupp; jinnota b'ansjetà li l-produzzjoni tad-droga żdiedet bil-mod il-mod, bir-riżultat li l-Afganistan sar, għal darba oħra, l-akbar produttur tad-dinja; jilqa' l-istabbiliment tal-missjoni tal-pulizzija tal-UE fl-Afganistan (EUPOL Afganistan) u jħeġġeġ lill-Istati Membri tal-UE biex jipprovdulha persunal b'esperjenza u mħejji tajjeb u sabiex, eventwalment, ikabbruha; huwa mħasseb minħabba li koordinazzjoni insuffiċjenti, kemm fost il-komunità internazzjonali (speċjalment bejn l-UE u n-NATO) u kif ukoll fir-relazzjonijiet mal-awtoritajiet Afgani, tfixkel serjament l-effettività tal-attivitajiet fost il-poplu; jistieden lill-parteċipanti kollha sabiex jagħmlu sforzi ħalli jtejbu din is-sitwazzjoni; jilqa' b'sodisfazzjon f'dan ir-rigward il-ħatra ta' Kai Eide bħala r-Rappreżentant Speċjali tas-Segretarju Ġenerali tan-NU għall-Afganistan;

42.

Jirrakkomanda li jissaħħu r-relazzjonijiet politiċi u ekonomiċi maċ-Ċina fl-2008, dment li jsir progress sostanzjali fil-qasam tad-demokrazija u tad-drittijiet tal-bniedem, u li ċ-Ċina tagħti każ tat-tħassib serju tal-UE dwar l-imġiba tagħha fit-Tibet, filwaqt li jinżamm djalogu kostruttiv mal-awtoritajiet dwar dawn il-kwistjonijiet, a fortiori fiż-żmien ta' preparazzjoni għall-Olimpjadi ta' Beijing; jitlob liċ-Ċina biex tiżviluppa approċċ komprensiv li jħares 'il quddiem għar-rikostruzzjoni tal-pajjiż b'rispett akbar għall-popli differenti tagħha u għat-tradizzjonijiet kulturali tagħha; f'dan ir-rigward, jiddispjaċih minħabba n-nuqqas ta' riżultati sostanzjali fil-kuntest tad-djalogu bejn l-UE u ċ-Ċina dwar id-drittijiet tal-bniedem;

43.

Jirrakkomanda sabiex fl-2008, jiġu intensifikati r-relazzjonijiet politiċi u ekonomiċi mal-Assoċjazzjoni tan-Nazzjonijiet tal-Ażja tax-Xlokk)ASEAN fuq il-bażi ta' progress sostanzjali fil-qasam tad-demokrazija u d-drittijiet tal-bniedem; jirrikonoxxi l-irwol dejjem akbar tal-ASEAN bħala forza għall-istabilità u l-prosperità reġjonali; u jemmen li l-UE u l-ASEAN għandhom potenzjal kbir biex tiżdied il-koperazzjoni bbażata parzjalment fuq il-progress tal-ASEAN fir-rigward tal-integrazzjoni reġjonali u fl-oqsma tad-demokrazija u tad-drittijiet tal-bniedem; jibqa' mħasseb b'mod partikulari bis-sitwazzjoni f'Burma;

44.

Jenfasizza l-ħtieġa li jingħata segwitu sostanzjali fl-2008 għad-deċiżjonijiet milħuqa fis-Sammit bejn l-UE u l-Afrika li sar f'Diċembru 2007 f'Liżbona; f'dan il-kuntest, jilqa' b'sodisfazzjon il-ħatra b'żewġ karigi ta' Rappreżentant Speċjali tal-UE/Kap tad-Delegazzjoni tal-Kummissjoni Ewropea għall-Unjoni Afrikana, bis-sit uffiċjali f'Addis Ababa; f'dan ir-rigward jemmen li l-UE, f'koperazzjoni man-NU, għandha tagħmel kull sforz sabiex issaħħaħ il-kapaċità tal-Unjoni Afrikana li tibni u żżomm il-paċi; jilqa' b'sodisfazzjon f'dan ir-rigward il-missjonijiet ta' Riforma tat-Taqsima tas-Sigurtà tal-UE fir-Repubblika Demokratika tal-Kongo u tar-Repubblika Gwinea-Bissau, u jappella sabiex ikun hemm użu kkoordinat tal-istrumenti tas-CSFP u tal-Komunità bħalma hu l-Istrument għall-Istabilità;

45.

Jistenna li l-V Laqgħa Għoljabejn l-UE u l-Amerika Latina u l-Karribew, li saret f'Lima f'Mejju 2008, twassal għat-tisħiħ tal-kontenut tal-Assoċjazzjoni Bireġjonali ddikjarata, flimkien mat-twaqqif ta' Fond ta' Solidarjetà Bireġjonali propost mill-Parlament, u kif ukoll il-finalizzazzjoni fil-waqt sa tmiem l-2008 tan-negozjati dwar Ftehim ta' Assoċjazzjoni tal-UE mal-Mercosur, il-Komunità Andina u l-Amerika Ċentrali;

46.

Jiġbed l-attenzjoni għar-riżoluzzjonijiet u r-rapporti estensivi tiegħu rigward iż-żoni ġeografiċi differenti ta' interess, peress li dawn fihom kontribuzzjonijiet ta' valur għad-dibattitu dwar il-mod li bih għandha tevolvi l-politika tal-UE fir-rigward taż-żoni ġeografiċi;

47.

Jirrakkomanda li l-Unjoni ssaħħaħ id-djalogu politiku tagħha mar-reġjuni u l-pajjiżi terzi, b'mod partikulari mal-imsieħba ewlenin; itenni f'dan ir-rigward l-irwol importanti li d-diplomazija parlamentari għandha bħala għodda komplementari fir-relazzjonijiet tal-Unjoni mar-reġjuni u l-pajjiżi terzi, prinċipalment permezz tat-tliet assembleji interparlamentari multilaterali maġġuri (l-Assemblea Parlamentari Konġunta Afrika, Karibew u Paċifiku P-UE (ACP-UE JPA), l-Assemblea Parlamentari Ewromediterranja (EuroMed) u l-Assemblea Parlamentari Amerikana Ewrolatina (Eurolat)); jimpenja ruħu biex titwaqqaf Assemblea Parlamentari għall-Viċinanza tal-Lvant tal-UE (Euro-Nest) mill-2009, sabiex tissaħħaħ id-dimensjoni parlamentari tas-sħubija politika bejn il-Parlament u l-pajjiżi involuti fil-parti tal-lvant tal-ENP;

48.

Itenni l-istedina tiegħu lill-Istati Membri li huma wkoll membri tal-Kunsill tas-Sigurtà tan-NU biex itejbu l-koordinazzjoni tagħhom fi ħdan dan il-qafas sabiex isaħħu l-effettività tal-azzjoni tal-Unjoni fil-livell dinji, u fir-rigward ta' terminu fit-tul, sabiex jirsistu biex jassiguraw siġġu għall-UE fil-Kunsill tas-Sigurtà fil-kuntest ta' riforma ewlenija tas-sistema tan-Nazzjonijiet Uniti; jitlob lil dawk il-membri permanenti tal-Kunsill tas-Sigurtà tan-NU li huma Stati Membri, biex jikkoperaw iktar mill-qrib mal-Istati Membri li m'humiex membri permanenti;

49.

Jilqa' t-titjib stabbilit bit-Trattat ta' Liżbona rigward l-azzjoni esterna, il-PESK u l-ESDP, li se ssir is-CSDP; huwa tal-opinjoni li t-Trattat il-ġdid isaħħaħ b'mod sinifikanti l-azzjoni esterna tal-Unjoni u l-irwol tagħha fir-relazzjonijiet internazzjonali, u li jsaħħaħ il-viżibilità u l-profil tal-Unjoni waqt li jsaħħaħ il-kapaċità tagħha li twettaq azzjoni fuq livell dinji;

50.

Jittama li t-Trattat ta' Liżbona jiġi rratifikat mill-aktar fis fl-Istati Membri kollha, sabiex ikun jista' jidħol fis-seħħ fil-ħin; jifraħ lil dawk l-Istati Membri li diġà rratifikaw it-Trattat ta' Liżbona;

51.

Jilqa' t-titjib tal-qafas istituzzjonali tal-Unjoni fil-qasam tal-PESK, prinċipalment billi:

52.

Jilqa' t-twessiegħ tal-qasam tal-azzjoni esterna tal-Unjoni, inkluża d-dispożizzjoni ta' bażi legali ġdida u ta' strumenti li jaffettwaw oqsma relatati mal-PESK, bħal bażi legali espliċita għall-ENP, it-twaqqif ta' personalità legali unika għall-Unjoni, appoġġ finanzjarju urġenti għal pajjiżi terzi, għajnuna umanitarja, sanzjonijiet kontra entitajiet mhux tal-istat, politika tal-ispazju, sigurtà tal-enerġija, il-ġlieda kontra l-bidla fil-klima, il-prevenzjoni tat-terroriżmu internazzjonali u l-ħarsien tad-data personali;

53.

Jenfasizza l-importanza li tiġi żgurata l-koerenza politika fil-qasam ta' azzjoni esterna tal-Unjoni, b'mod partikolari bejn il-PESK, is-CSDP u l-politiki tal-iżvilupp u tal-kummerċ; f'dan il-kuntest, jenfasizza l-irwol importanti li għandu jkollhom ir-Rappreżentant Għoli u l-EEAS fit-twettiq tal-politika ta' koerenza;

54.

Ifakkar li t-twaqqif ta' personalità legali tal-Unjoni tqajjem id-diffikultà dwar l-istatus tagħha fi ħdan organizzazzjonjiet internazzjonali bħan-NU; hu tal-opinjoni li l-istatus futur tal-Unjoni fi ħdan in-NU għandu jkun proporzjonat mal-kontribuzzjoni finanzjarja u politika tiegħu;

55.

Jikkunsidra it-twaqqif ta' kollaborazzjoni l-aktar mill-qrib bejn il-President tal-Kunsill Ewropew, il-President tal-Kummissjoni, ir-Rappreżentant Għoli u l-Presidenza li tgħaddi minn pajjiż għall-ieħor bħala kruċjali biex ikun żgurat li l-funzjonijiet differenti jikkontribwixxu għall-koerenza u l-effiċjenza tal-PESK;

56.

Jistieden lill-Kunsill biex jirrispondi b'mod sostantiv għax-xewqat u t-tħassib li l-Parlament jesprimi f'komunikazzjonijiet formali, b'mod partikolari rigward riżoluzzjonijiet dwar każi ta' ksur tad-drittijiet tal-bniedem, tad-demokrazija u tal-istat ta' dritt;

57.

Jistieden lill-Kunsill biex jeżamina l-effettività tal-politiki tiegħu ta' sanzjonijiet kontra ċerti reġimi ta' stmerrija bħalma huma r-regim ta' Mugabe fiz-Zimbabwe u l-ġunta militari f'Burma, u li jiġu introdotti miżuri għat-titjib tagħhom inklużi l-mekkaniżmi meħtieġa għall-osservazzjoni sħiħa u l-infurzar tagħhom;

58.

Jistieden lir-Rappreżentant Għoli/Viċi President tal-Kummissjoni futur sabiex jibni fuq l-esperjenza tal-preżenza perjodika tar-Rappreżentant Għoli u tal-Kummissarju għar-Relazzjonijiet Esterni fil-Parlament waqt is-sessjoni plenarja u fil-Kumitat għall-Affarijiet Esterni u fuq il-prattika ta' laqgħat informali, sabiex jiġu żviluppati konsultazzjonijiet regolari, sistematiċi u sostantivi mal-Parlament u mal-entitajiet kompetenti tiegħu, u li l-Parlament jiġi involut fil-proċess tat-teħid tad-deċiżjoni biex titjieb it-trasparenza u r-responsabiltà tal-għażliet ewlenin tal-PESK; jinnota li l-kariga futura ta' Rappreżentant Għoli/Viċi President tal-Kummissjoni tnissel il-leġittimità tagħha direttament mill-Parlament;

59.

Jenfasizza wkoll li r-relazzjonijiet bejn il-Kunsill u l-Parlament jeħtieġ ukoll li jkunu meqjusa mill-ġdid biex jiġu kkunsidrati r-riformi maġġuri tas-CSDP futura u tas-setgħat ta' skrutinju msaħħa tal-Parlament, wara t-trasferiment tal-kompetenzi li fadal tal-Unjoni Ewropea tal-Punent lill-UE; jilqa' dispożizzjonijiet f'dan ir-rigward għal koperazzjoni aktar mill-qrib bejn il-Parlament Ewropew u l-parlamenti nazzjonali;

60.

Għalhekk, jitlob għat-twaqqif ta' ftehim interistituzzjonali bejn il-Parlament u l-Kunsill li tiddefinixxi r-relazzjonijiet ta' ħidma tagħhom fil-qasam tal-azzjoni esterna, flimkien ma' qsim ta' informazzjoni konfidenzjali, fiż-żmien meta jidħol fis-seħħ it-Trattat ta' Liżbona; jitlob li l-Ftehim ta' Qafas bejn il-Kummissjoni u l-Parlament ikun aġġornata biex jikkunsidra id-dispożizzjonijiet tat-Trattat ta' Liżbona;

61.

Jitlob li r-Rappreżentant Għoli/Viċi President tal-Kummissjoni jieħu l-kariga flimkien mal-Kummissjoni l-ġdida fl-1 ta' Novembru 2009, li tinstab soluzzjoni temporanja għall-perjodu bejn id-dħul fis-seħħ tat-Trattat ta' Liżbona u l-1 ta' Novembru 2009 u li l-Parlament ikun ikkonsultat b'mod sħiħ dwar il-ħatra mill-Kunsill Ewropew, bil-kunsens tal-President tal-Kummissjoni, tal-ewwel Rappreżentant Għoli/Viċi President tal-Kummissjoni, kif ukoll dwar kull ħatra interim oħra; f'dan il-kuntest, jikkunsidra meħtieġ li titwaqqaf proċedura ta' seduta ta' smigħ ad hoc għan-nomina ta' Rappreżentant Għoli/Viċi President tal-Kummissjoni, bil-Kumitat għall-Affarijiet Barranin fil-kariga ta' Kumitat ta' tmexxija;

62.

Jenfasizza l-effett sinifikanti li t-twaqqif tal-EEAS se jkollu fuq ir-relazzjonijiet esterni tal-Unjoni; jenfasizza l-ħtieġa tat-trasparenza u tal-kontribuzzjoni demokratika f'dan il-proċess; ifakkar fid-dritt tiegħu li jkun ikkonsultat dwar it-twaqqif tal-EEAS bi qbil mal-Artikolu 27(3) tat-Trattat tal-UE kif emendat bit-Trattat ta' Liżbona; jitlob assoċjazzjoni sħiħa mal-ħidma preparatorja li trid titwettaq f'dan ir-rigward; jirreferi għar-rapport tiegħu li għadu għaddej dwar din il-kwistjoni; jittama li t-twaqqif tal-EEAS jipprovdi ċarezza akbar rigward il-kriterji għar-Rappreżentanti Speċjali tal-UE, u l-ħatra u l-evalwazzjoni tagħhom, inklużi d-definizzjoni u l-iskop ta' xogħolhom, it-tul tal-mandat tagħhom, u l-koordinazzjoni u l-komplementarjetà mad-delegazzjonijiet tal-Kummissjoni Ewropea;

63.

Jistieden lir-Rapprezentant Għoli/Viċi President tal-Kummissjoni futur, kif ukoll lill-Kunsill u lill-Kummissjoni, biex isaħħu l-kollaborazzjoni mal-assembleji parlamentari multilaterali attwali (l-ACP-EU il-JPA, il-EuroMed, il-EuroLat u, ladarba tkun stabbilita, il-Euro-Nest) fejn il-parlamentari tal-Unjoni jiltaqgħu ma' wħud mill-kontropartijiet tagħhom l-aktar importanti, għaliex dan jipprovdi b'mod ċar valur miżjud li jsaħħaħ il-konsistenza u l-effiċjenza tal-azzjoni esterna tal-Unjoni;

64.

Huwa tal-opinjoni li l-iskrutinju parlamentari huwa ta' valur fundamentali għall-ESDP; f'dan ir-rigward, jistieden lill-Kumitat Politiku u ta' Sigurtà biex iwaqqaf, flimkien mal-Parlament, mekkaniżmu li jikkonċerna informazzjoni konfidenzjali dwar kriżijiet emerġenti jew avvenimenti ta' sigurtà internazzjonali komparabbli mal-mekkaniżmi eżistenti f'bosta parlamenti nazzjonali tal-Istati Membri tal-UE li — skond il-grad ta' kunfidenzjalità — ivarjaw minn laqgħat fil-magħluq tal-kumitati għal laqgħat bejn il-PSC u membri nominati tal-Kumitati u tas-Sottokumitati rilevanti;

65.

Jikkunsidra bħala meħtieġ li ċ-Chairperson tal-Kumitat għall-Affarijiet Barranin jattendi għal-laqgħat informali tal-Ministri għall-Affarijiet Barranin tal-Istati Membri (laqgħat Gymnich), fuq il-prattika diġà stabbilita dwar laqgħat informali tal-Kunsill f'oqsma ta' politika oħra;

66.

Jenfasizza l-ħtieġa li jkun żgurat li jkun hemm responsabilità u t-trasparenza demokratika tal-attivitajiet tal-Aġenzija Ewropea għad-Difiża;

67.

Jinnota b'sodisfazzjon it-tisħiħ, permezz tat-Trattat ta' Liżbona, tas-setgħat baġitarji tal-Parlament għall-infiq kollu tal-UE, inkluż l-EEAS, li ta lill-Parlament parità mal-Kunsill, waqt li elimina d-distinzjoni bejn nefqa obbligatorja u dik mhux obbligatorja, u stabbilixxa qafas finanzjarju plurijennali li jorbot legalment;

68.

Jiddispjaċih dwar il-kumplessità bla bżonn tal-arranġamenti għall-iffinanzjar ta' malajr tal-attivitajiet tas-CSDP barra mill-baġit tal-UE; jinsisti li l-azzjonijiet esterni kollha tal-Unjoni (inklużi dawk tas-CSDP futura iżda eskluża kull nefqa militari) għandhom fil-ġejjieni jiġu finanzjati mill-baġit komuni tal-UE;

69.

Jenfasizza f'dan ir-rigward l-attenzjoni speċjali li għandha tingħata biex tiġi sorveljata l-ġestjoni ta' kriżi ċivili fejn ir-riżorsi u r-responsabilitajiet differenti huma miġbura mill-Kunsill, mill-Kummissjoni u mill-Istati Membri, biex ikun żgurat li jkun hemm l-aqwa effiċjenza u koordinazzjoni;

70.

Jirrikonoxxi l-utilità tal-laqgħat ta' konsultazzjoni konġunta bejn il-bureaux tal-Kumitat għall-Affarijiet Barranin u l-Kumitat għall-Baġits u ċ-Chairperson tal-PSC, kif stabbilit fil-Ftehim Interistituzzjonali tas-17 ta' Mejju 2006 msemmi hawn fuq; fl-istess jappoġġja l-idea li l-presidenti u/jew ir-rapporteurs tal-kumitati tal-Parlament responsabbli mill-azzjoni esterna jkunu involuti fl-attivitajiet tal-Kumitat ta' Konċiljazzjoni l-ġdid maħsub għall-proċedura l-ġdida tal-baġit jekk dan ikun meqjus meħtieġ fil-kuntest tal-proċedura annwali;

71.

Jitlob li, fl-ispirtu tal-Ftehim Interistituzzjonali msemmi tas-17 ta' Mejju 2006, li tipprovdi għal djalogu strutturat bejn il-Kunsill u l-Parlament, il-Kunsill għandu jinforma lill-Parlament qabel l-adozzjoni ta' kull deċiżjoni li tinkludi infiq fil-PESK;

72.

Jikkunsidra l-ammont totali ta' EUR 1 740 miljun allokat għall-PESK għall-perjodu 2007-2013 bħala mhux suffiċjenti biex jintlaħqu l-miri ambizzjużi u speċifiċi tal-UE bħala protagonist globali, waqt li jirrikonoxxi li l-iffinanzjar tal-PESK, li seħħ qbil dwaru għall-2008 u li jammonta għal EUR 285 miljun, jirrappreżenta pass 'il quddiem importanti f'kuntrast mal-allokazzjonijiet ta' fondi preċedenti (u żieda ta' EUR 125 miljun fuq l-2007); jenfasizza li din iż-żieda għandha tkun akkumpanjata minn miżuri aktar b'saħħithom għall-kontroll parlamentari u għall-koperazzjoni mtejba mill-Kunsill;

73.

Sejjer jagħmel proposti speċifiċi dwar l-iffinanzjar u l-kontroll baġitarju tal-EEAS fil-kuntest tar-rapport tiegħu li ġej dwar il-kwistjoni;

74.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u l-parlamenti tal-Istati Membri, lis-Segretarju Ġenerali tan-NU, lis-Segretarju Ġenerali tan-NATO u lill-President tal-Assemblea Parlamentari tal-Kunsill tal-Ewropa.

26.11.2009   

MT

Il-Ġurnal Uffiċjali tal-Unjoni Ewropea

CE 285/23

A.

billi fl-2007 u fil-bidu tal-2008 il-Kunsill ħa deċiżjonijiet importanti rigward il-ħidma fil-qasam tal-ESDP u fl-implimentazzjoni tal-ESS, inkluż:

B.

billi fl-2007 u fil-bidu tal-2008 saru aktar żviluppi fil-qasam tal-kapaċitajiet ESDP u l-implimentazzjoni tal-ESS inkisbet, inklużi;

C.

billi l-2007 u l-bidu tal-2008 raw nuqqasijiet kontinwi fl-oqsma tal-ESDP u l-implimentazzjoni tal-ESS, inkluż:

D.

billi t-Trattat ta’ Liżbona se jintroduċi innovazzjonijiet kbar fil-qasam tal-ESDP,

E.

billi jeħtieġ li jsiru sforzi kontinwi biex tiġi evitata d-duplikazzjoni u tiżdied l-interoperabilità fl-UE, u billi l-metodu l-aktar effettiv f’termini ta’ spejjeż biex dan isir huwa li jinqasmu u jinġemgħu l-assi tad-difiża sabiex il-kapaċità ta’ difiża tal-Ewropa tiġi massimizzata;

1.

Itenni l-konklużjonijiet tar-riżoluzzjonijiet preċedenti tal-Parlament fir-rigward tal-ESS u l-ESDP;

2.

Jilqa’ l-iffirmar tat-Trattat ta’ Liżbona, li se jintroduċi innovazzjonijiet kbar fil-qasam tal-ESDP, partikularment billi jsaħħaħ il-kariga tar-Rappreżentant Għoli, jistabilixxi Servizz Ewropew għall-Azzjoni Esterna u jintroduċi artikolu dwar l-assistenza fid-difiża reċiproka, klawsola ta’ solidarjetà, koperazzjoni strutturata permanenti fil-qasam tad-difiża u estensjoni tal-“Petersberg tasks”; jittama li l-proċess ta’ ratifikazzjoni jitlesta b’suċċess u fil-ħin fl-Istati Membri kollha; jifraħ lil dawk l-Istati Membri li diġà rratifikaw it-Trattat ta’ Liżbona; jenfasizza li l-Parlament se jwettaq ir-responsabilitajiet tiegħu taħt it-Trattat attwali u se jissorvelja mill-qrib l-implimentazzjoni ta’ kwalunkwe innovazzjonijiet ġodda;

3.

Jistieden lill-Istati Membri kkonċernati sabiex jinvestigaw il-possibilitajiet u l-impatt li jista’ jkun hemm jekk il-forzi eżistenti multinazzjonali bħall-Eurocorps, Eurofor, Euromarfor, il-Forza Ġendarmerija Ewropea, l-armata amfibja Taljana-Spanjola, il-Grupp tal-Ajru Ewropew, iċ-ċellula tal-Koordinazzjoni Ewropea tal-Ajru f’Eindhoven, Iċ-Ċentru Multinazzjonali tat-Trasport bil-Baħar ta’ Ateni kif ukoll il-forzi u l-istrutturi kollha relevanti għall-operazzjonijiet ESDP, jitpoġġew taħt koperazzjoni strutturata permanenti, kif maħsub fit-Trattat ta’ Liżbona;

4.

Jistieden lir-Rappreżentant Għoli biex permezz ta’ White Paper, jevalwa l-progress li sar, u kwalunkwe nuqqasijiet, fl-implimentazzjoni tal-ESS sa mill-2003, inklużi l-lezzjonijiet meħuda mill-operazzjonijiet ESDP; ir-rabta bejn l-aspetti esterni u interni tas-sigurtà (il-ġlieda kontra t-terroriżmu); il-protezzjoni tal-fruntieri u ta’ infrastruttura kritika, inkluża l-protezzjoni kontra l-attakki informatiċi; is-sigurtà tal-provvista tal-enerġija hija sfida għall-isforzi ċivili, ekonomiċi, tekniċi u diplomatiċi; il-kwistjonijiet reġjonali mhux solvuti fil-viċinanzi tal-UE, eżempju fit-Transnistria, fl-Abkhazia, fl-Ossetia tan-Nofsinhar u fin-Nagorno-Karabakh; l-isfidi umanitarji u ta’ sigurtà fil-kontinent Afrikan; u l-konsegwenzi tal-bidla fil-klima u ta’ diżastri naturali fuq il-protezzjoni ċivili u s-sigurtà tal-bniedem kif ukoll il-proliferazzjoni tal-armi tal-qirda tal-massa; barra minn hekk jistiednu sabiex jevalwa jekk dawn it-theddidiet, riskji u sfidi humiex direttament rilevanti fit-tifsira wiesgħa tas-sigurtà Ewropea jew jekk għandhomx sempliċiment dimensjoni ta’ sigurtà;

5.

Jistieden lir-Rappreżentant Għoli biex jinkludi fil-White Paper, proposti għat-titjib u t-tisħiħ tal-ESS, bħad-definizzjoni ta’ interessi u kriterji ta’ sigurtà komuni Ewropej għat-tnedija ta’ missjonijiet ESDP; jistiednu wkoll biex jiddefinixxi għanijiet ġodda għall-kapaċitajiet ċivili u militari (inklużi strutturi għall-kmand u l-kontroll, u t-trasportazzjoni għall-atturi Ewropej kollha fl-immaniġġjar ta’ kriżi kemm għall-ESDP u għall-għajnuna f’każ ta’ diżastru) u jirrifletti fuq l-implikazzjonijiet tat-Trattat ta’ Liżbona fir-rigward tal-ESDP u proposti għal sħubija ġdida bejn l-UE u n-NATO;

6.

Iħeġġeġ ukoll lir-Rappreżentant Għoli sabiex jindirizza l-kwistjoni tal-“caveats” fil-White Paper; għalkemm din hija kwistjoni għas-sovranità nazzjonali ta’ kull Stat Membru, huwa jikkunsidra li dawn għanhom ikunu armonizzati sabiex titħares is-sikurezza tal-forzi preżenti mid-diversi Stati Membri;

7.

Huwa tal-opinjoni li din il-White Paper għandha tkun il-bażi għal dibattitu politiku uwsa’ li jitwettaq fil-pubbliku, l-aktar għaliex l-ESS tiddefinixxi l-valuri u l-objettivi fundamentali tal-Unjoni u turi liema prinċipji hija tiddefendi; jenfasizza li evalwazzjoni futura tal-ESS għandha titwettaq b’responsabilità demokratika akbar u għaldaqstant issir b’konsultazzjoni mill-qrib mal-istituzzjonijiet kollha tal-UE, inklużi il-Parlament Ewropew u l-parlamenti nazzjonali;

8.

Jenfasizza li n-NATO hija l-forum transatlantiku fejn kwistjonijiet dwar is-sigurtà għandhom ikunu indirizzati mill-biċċa l-kbira tal-Istati Membri tal-UE, mill-Istati Uniti u mill-Kanada; madankollu jinkoraġixxi lill-Kunsill u lir-Rappreżentant Għoli sabiex jieħdu inizjattivi għal djalogu dirett dwar is-sigurtà mal-amministrazzjoni l-ġdida tal-Istati Uniti u mal-gvern Kanadiż f’oqsma li huma fil-kompetenza tal-UE; jipproponi li dan it-tip ta’ djalogu għandu jikkonċentra fuq kwistjonijiet konkreti bħal pereżempju li tiżdied il-kredibilità tal-valuri tal-Punent fil-ġlieda kontra t-terroriżmu, fl-istabbilizzazzjoni u fir-rikostruzzjoni;

9.

Jilqa’ l-Għanijiet Prinċipali Ċivili ġodda tal-2010 introdotti fl-1 ta’ Jannar 2008, li jikkunsidraw it-tagħlimiet meħuda mill-missjonijiet ċivili ESDP preċedenti;

10.

Jilqa’ t-twaqqif tas-CPCC fis-segretarjat tal-Kunsill, li se jservi wkoll bħala ekwivalenti ċivili għal Kwartieri Ġenerali ta’ Operazzjonijiet tal-UE u joffri assistenza u appoġġ fl-ippjanar u fl-implimentazzjoni ta’ missjonijiet ESPD ċivili, biex b’hekk ikun żgurat li jkun hemm kmand ċivili; jistieden sabiex ikun hemm bilanċ rifless fl-irwol u fl-istruttura taċ-Ċellula Ċivili-Militari;

11.

Jistieden lill-Kunsill u lill-Kummissjoni sabiex teżamina l-possibilitajiet għal qafas organizzattiv aktar adegwat, bħal taqsima speċjalizzata fi ħdan is-Servizz Ewropew għall-Azzjoni Esterna, sabiex ikun żgurat li jkun hemm strateġija aktar koerenti u komprensiva għall-immaniġġjar tal-kriżijiet ċivili, li jneħħu d-differenzi istituzzjonali u li b’hekk jippermettu koordinazzjoni aħjar tal-istrumenti interni tal-UE kif ukoll koperazzjoni bejn l-UE u l-organizzazzjonijiet barranin u l-organizzazzjonijiet mhux governattivi;

12.

Jitlob lill-Kunsill, fl-isfond ta’ ppjanar u installazzjoni mhux sodisfaċenti tal-EUPOL Afganistan, biex iwettaq reviżjoni immedjata tat-teħid ta’ deċiżjonijiet, l-iffinanzjar u l-installazzjoni ta’ aspetti ta’ missjonijiet ESDP ċivili u jressaq proposti konkreti mfassla biex jevitaw kwalunkwe ripetizzjoni ta’ din is-sitwazzjoni fil-futur;

13.

Jirrikonoxxi l-isforzi tal-Istati Membri biex jipprovdu persunal għall-missjonijiet ċivili ESDP fl-oqsma tal-protezzjoni ċivili, l-immaniġġjar, l-appoġġ lir-rappreżentanti speċjali tal-UE u l-appoġġ lill-missjonijiet; madankollu jinnota li hemm nuqqasijiet kontinwi fil-qasam tal-pulizija, l-istat tad-dritt u l-amminstrazzjoni ċivili; jenfasizza l-importanza li għall-missjonijiet tal-ESDP jingħata staff kompetenti u speċjalizzat;

14.

Jistieden lill-Kunsill u lill-Kummissjoni sabiex iżidu l-koperazzjoni tagħhom fil-qasam tal-missjonijiet ċivili tal-ESDP u l-missjonijiet tal-fruntieri tal-UE fejn il-qasma tal-kompetenzi taż-żewġ istituzzjonijiet mhix ċara; huwa tal-opinjoni li s-Servizz Ewropew għall-Azzjoni Esterna maħsub fit-Trattat ta’ Liżbona għandu jiffaċilita din il-ħidma; madankollu jemmen li kunflitti li jikkonċernaw il-kompetenzi jistgħu jinqalgħu anki bit-Trattat ta’ Liżbona, u tkun tinħtieġ deċiżjoni mir-Rappreżentant Għoli;

15.

Iħeġġeġ lill-Istati Membri biex b’mod regolari jirrevedu d-disponibilità ta’ persuni għall-missjonijiet ċivili ESDP u sabiex ilaqqgħu l-awtoritajiet nazzjonali kompetenti tagħhom biex iwaqqfu pjanijiet ta’ azzjoni nazzjonali rigward il-possibilità ta’ kontribuzzjonijiet, bħal fil-każ tal-Finlandja, inkluż il-ħolqien ta’ proċeduri li jiżguraw prospetti ta’ karriera lill-parteċipanti f’dawn il-missjonijiet u kunsiderazzjoni adegwata tar-Riżoluzzjoni 1325 (2000) tal-Kunsill tas-Sigurtà tan-NU li tikkonċerna r-rappreżentanza tan-nisa fil-mekkaniżmi ta’ prevenzjoni, immaniġġjar u soluzzjoni ta’ kunflitti; barra min hekk iħeġġeġ sabiex jitfassal taħriġ speċifiku f’dak li jirrigwarda l-protezzjoni tat-tfal, skond il-Linji Gwida tal-UE dwar it-Tfal u l-Kunflitti bl-Armi;

16.

Jikkunsidra li huwa importanti li tissaħħaħ il-kapaċità ċivili fis-soluzzjoni tal-kontroversji; għaldaqstant jistieden lill-Kunsill u lill-Kummissjoni sabiex iwaqqfu Korp Ta’ l-UE għall-Paċi Ċivili għall-immaniġġjar tal-kriżijiet u għall-prevenzjoni tal-kunflitti, kif mitlub mill-Parlament Ewropew;

17.

Jinnota n-nuqqas ta’ użu tal-istrument ta’ valur, it-Tim ta’ Rispons Ċivili (CRT), u jiddispjaċih li l-esperti tas-CRT ingħataw il-kariga kważi kollha fuq bażi individwali minflok f’tim, kif kien maħsub, li hu l-mod eżatt kif ġew imħarrġa;

18.

Jilqa’ id-Deċiżjonijiet tal-Kunsill 2007/779/KE, Euratom tat-8 ta’ Novembru 2007 li jistabbilixxu Mekkaniżmu Komunitarju għall-Protezzjoni Ċivili (4) u 2007/162/KE, Euratom tal-5 ta’ Marzu 2007 li tistabbilixxi Strument Finanzjarju ġdid għall-Protezzjoni Ċivili (5), li huwa mfassal biex itejjeb il-mobilizzazzjoni u l-koordinazzjoni tal-assistenza tal-protezzjoni ċivili fil-każ ta’ emerġenzi kbar fi jew barra l-UE;

19.

Ifakkar lill-Kunsill fir-responsabilità tiegħu, skond il-liġi internazzjonali, li jiżgura li kull membru tal-istaff ċivili u militari jkun imħarreġ skond l-istandards umanitarji internazzjonali u li jiġu riveduti u żviluppati linji gwida xierqa li jiżguraw ir-rispett lejn il-popolazzjonijiet lokali, il-kulturi u l-ġens;

20.

Ifakkar fl-importanza tad-drittijiet tal-bniedem u l-integrazzjoni tal-ġens, u jistieden sabiex ikun hemm aktar nomini ta’ kandidati nisa għal karigi għolja fl-immaniġġjar tal-Politika Estera u ta’ Sigurta’ Komuni CFSP/ESDP, inklużi r-Rappreżentanti Speċjali tal-UE kif ukoll għall-operazzjonijiet ġenerali tal-ESDP;

21.

Jistieden lill-Istati Membri biex ikomplu jaħdmu lejn l-għan li jkun hemm projbizzjoni internazzjonali fuq il-munizzjoni tat-tip cluster, sabiex jiġu żviluppati aktar metodi biex jiġi identifikat u meqrud munizzjoni li ma jkunx sploda, biex titwassal għajnuna finanzjarja u teknika lill-pajjiżi kkonċernati u biex tissokta l-ħidma lejn il-konklużjoni tan-negozjati li għaddejjin dwar it-tisħiħ tal-projbizzjoni globali fuq il-mini tal-art, il-projbizzjoni globali fuq l-armi tal-uranju u l-kontroll globali fuq it-trasferiment ta’ armi konvenzjonali; fid-dawl ta’ dan kollu, jikkunsidra pjuttost imbarazzanti li minkejja l-fatt li l-2008 hija l-għaxar sena tal-Kodiċi ta’ Kondotta tal-UE dwar l-Esportazzjoni ta’ Armi, dan il-Kodiċi għad m’għandux saħħa legali u l-esportazzjonijiet bla kontrolli ta’ armi mill-Istati Membri tal-UE jidhru li għadhom sejrin mingħajr wisq xkiel, ukoll lejn gvernijiet f’pajjiżi fejn l-UE se tniedi, jew qed tikkunsidra li tniedi, operazzjoni tal-ESDP; barra minn hekk jinnota l-periklu li l-armi jiġu trasferiti fl-UE permezz ta’ dawk l-Istati Membri li għandhom il-kontrolli l-anqas stretti fuq l-esportazzjoni lejn pajjiżi terzi u/jew bl-użu flessibbli u irresponsabbli taċ-Ċertifikat Internazzjonali ta’ Importazzjoni; għalhekk, jenfasizza li huwa importanti li l-Istati Membri kollha japplikaw l-ogħla standards f’termini ta’ kontrolli fuq l-esportazzjoni tal-armi, sabiex l-armi mill-UE ma’ jintużawx fil-kunflitti;

22.

Jafferma mill-ġdid it-tħassib tiegħu dwar il-proliferazzjoni attwali tal-armi u armamenti żgħar (SALW), li jikkawżaw tbatija bla bżonn lill-bniedem, jaggravaw il-kunflitti armati u l-instabilità, jiffaċilitaw it-terroriżmu, jdgħajfu l-iżvilupp sostenibbli, it-tmexxija tajba u l-istat tad-dritt, u jiffavorixxu vjolazzjonijiet serji tad-drittijiet tal-bniedem u tal-liġi umanitarja internazzjonali; huwa tal-opinjoni li l-integrazzjoni xierqa tal-istrateġiji ta’ tnaqqis u ta’ kontroll tas-SALW għandha ssir parti integrali tal-programmi internazzjonali maħsuba għall-prevenzjoni tal-kunflitti u għall-bini ta’ paċi wara l-kunflitti; jistieden lill-Istati Membri, lill-Kunsill u lill-Kummissjoni sabiex jinsistu mal-gvernijiet sabiex jaqblu dwar dispożizzjonijiet li jorbtu għall-kontroll tas-SALW (inklużi dawk ta’ medjazzjoni u tat-trasferimenti) permezz ta’ leġiżlazzjoni internazzjonali, reġjonali u nazzjonali;

23.

Jenfasizza l-ħtieġa li l-Unjoni Ewropea tieħu f’idejha l-inizjattiva li jissaħħaħ ir-reġim internazzjonali tal-kontroll tal-armi, u b’hekk tikkontribwixxi għat-tisħiħ tal-multilateraliżmu effikaċi fl-ambitu internazzjonali; jinnota wkoll il-konkordanza tal-isforzi biex jintegraw l-aspetti tan-non-proliferazzjoni fil-Politika tal-Viċinanzi Ewropea mal-objettiv strateġiku ġenerali li tinbena sigurtà fil-pajjiżi ġirien tal-Unjoni;

24.

Huwa tal-opinjoni li d-diżarm, id-demobilizzazzjoni u r-ripatrijazzjoni għandhom ikunu parti integrali mill-operazzjonijiet ESDP, u jistieden lill-Kunsill biex meta jkun xieraq jinkludi fil-mandat tal-operazzjonijiet ESDP l-qerda jew il-ħażna sikura ta’ armamenti diżattivati u jevita li jkunu trasferiti b’mod illegali wara tagħlima mill-esperjenza Althea tal-Forza Multinazzjonali ta’ Stabiliżżazzjoni tan-NATO (SFOR)/EUFOR fil-Bosnja;

25.

Jilqa’ l-ewwel laqgħa konġunta tal-UE tal-Ministri tad-Difiża u l-Iżvilupp fid-19 ta’ Novembru 2007, li kienet pass importanti fir-reviżjoni tal-problemi affrontati mid-dinja li qed tiżviluppa, b’hekk tittejjeb il-koerenza u l-konsistenza fl-azzjonijiet tal-UE fil-qasam tas-sigurtà fil-ġejjieni qarib u fil-qasam taż-żvilupp fit-tul taż-żmien mal-pajjiżi kkonċernati; jilqa’ wkoll il-Konklużjonijiet tad-19 ta’ Novembru 2007 tal-Kunsill dwar is-Sigurtà u l-Iżvilupp, l-aktar l-enfasi li saret fihom dwar l-analiżi u s-sensittività tal-kunflitti, u jinkuraġġixxi bi ħġaru lill-Kunsill u lill-Kummissjoni sabiex jimplimentaw dawn il-konklużjonijiet;

26.

Huwa tal-fehma li l-40 anniversarju tat-Trattat dwar in-Non-Proliferazzjoni Nukleari (NPT) fl-1 ta’ Lulju 2008 għandu jitqies bħala opportunità għall-UE biex tippromwovi l-ħtieġa għad-diżarm nukleari fl-Istrateġija tagħha kontra l-Proliferazzjoni tal-Armi għall-Qirda tal-Massa, bil-ħsieb tal-Kumitati Preparatorji għall-konferenza NPT ta’ reviżjoni li ġejja; itenni l-fehma tiegħu li dan jinkludi l-ħtieġa li l-forzi “rikonoxxuti” ta’ armi nukleari jieħdu inizjattivi favur id-diżarm, sabiex l-Ewropa ssir żona ħielsa mill-armi nukleari u tiġi konkluża konvenzjoni globali li tipprojbixxi l-armi nukleari;

27.

Jenfasizza l-irwol diplomatiku ewlieni li għandha l-UE f’dak li jirrigwarda l-programm nukleari tal-Iran, li mhux biss jinvolvi r-Rappreżentant Għoli li jirrappreżenta l-UE u l-UE3 (Franza, il-Ġermanja u r-Renju Unit), imma wkoll l-Istati Uniti, ir-Russja u ċ-Ċina billi jgħaqqad interessi u metodi differenti għall-kisba tal-istess għan; itenni li r-riskji ta’ proliferazzjoni marbuta mal-programmi nukleari tal-Iran għadu għajn ta’ tħassib serju għall-UE u għall-komunità internazzjonali; f’dan ir-rigward jenfasizza r-riżoluzzjoni tiegħu tal-31 ta’ Jannar 2008 dwar l-Iran (6) u jappoġġja r-Riżoluzzjoni tal-Kunsill tas-Sigurtà tan-NU 1803 (2008) tat-3 ta’ Marzu 2008 kif ukoll l-offerta li saret lill-Iran mill-EU3 u mill-Istati Uniti, mir-Russja u miċ-Ċina dwar l-użu paċifiku tal-enerġija nukleari, il-koperazzjoni politika u ekonomika, is-sħubija tal-enerġija, l-agrikoltura, l-ambjent u l-infrastruttura, l-avjazzjoni ċivili, u l-koperazzjoni dwar l-iżvilupp fl-oqsma tal-għajnuna ekonomika, soċjali u umanitarja;

28.

Jiddeplora d-dewmien fit-twassil u l-ispejjeż li qed jiżdiedu tal-ajruplan A400M użat għat-trasport fit-tul u n-nuqqas ta’ ħelikopters disponibbli u operazzjonali għal trasport fuq distanzi qosra;

29.

Jappoġġja l-ħidma tal-Aġenzija Ewropea għad-Difiża (EDA) fit-trasport strateġiku, u jappella lill-Istati Membri sabiex jagħmlu aktar biex jikkumpensaw in-nuqqasijiet; jilqa’ miżuri temporanji bħas-SALIS (Soluzzjonijiet Strateġiċi Temporanji għat-Trasport bl-Ajru) u jinkoraġġixxi l-iżvilupp ta’ kunċett operattiv għall-pooling ta’kapaċitajiet;

30.

Jilqa’ l-proposta tar-Renju Unit li l-informazzjoni dwar id-disponibilità ta’ ħelikopters li jistgħu jintużaw għall-missjonjiet tal-UE, bil-għan li l-flotot ikunu koordinati aħjar;

31.

Jilqa’ l-proġett Franko-Ġermaniż ta’ ħelikopter għat-trasport tqil, imma huwa konxju wkoll tar-raġunijiet kumplessi għan-nuqqas ta’ ħelikopers disponibbli u operazzjonali, l-aktar marbuta mal-ispejjeż għolja tas-sigħat ta’ titjir u tal-manutenzjoni; jistieden lill-Kunsill sabiex jesplora l-possibilitajiet imfassal biex jingħalaq id-distakk għall-futur qrib, jew permezz ta’ azzjoni konġunta jew permezz ta’ appoġġ lill-Istati Membri fir-ristrutturazzjoni u fit-titjib ta’ ħelikopters mibnija fir-Russja kif ukoll bit-twaqqif ta’ ċentru għat-taħriġ fis-sewqan ta’ ħelikopter; itenni li, ġeneralment, wieħed mill-ostakli prinċipali għall-immodernizzar u l-bdil tal-forzi Ewropej sabiex ikunu jistgħu jiffaċċjaw b’mod effettiv l-isfidi tas-sigurtà tas-seklu 21, mhux il-livell ta’ spiża fuq id-difiza imma n-nuqqas ta’ koperazzjoni, in-nuqqas ta’ viżjoni ċara tax-xogħol u tal-ispeċjalizzazzjonijiet, u d-duplikazzjoni u l-frammentazzjoni fil-produzzjoni u l-ksib tal-armi, li jżid ir-riskju ta’ nuqqas ta’ interoperabilità bejn l-armati; madankollu, iħeġġeġ lill-Istati Membri biex jikkunsidraw żieda fl-ispiża tad-difiża bl-iskop reali li jkun possibbli li jsir użu effiċjenti tal-ħelikopters mixtrija;

32.

Jistieden lill-Kunsill u lill-Kummissjoni biex iżżommu lill-Parlament infurmat dwar inizjattivi attwali biex tindirizza nuqqasijiet li għad fadal fil-kapaċitajiet f’oqsma prinċipali bħall-ħelikopters u l-unitajiet mediċi ta’ appoġġ, u biex iressqu proposti finanzjarji konġunti biex ikun garantit l-aċċess għal tali kapaċitajiet, kemm għal raġunijiet umanitarji u ESDP;

33.

Jilqa’ l-proġett EDA ta’ radju definit mis-software, li għandu l-potenzjal li jtejjeb il-komunikazzjoni bejn l-awtoritajiet ċivili u militari fil-każ ta’ emerġenza;

34.

Jappella lill-Istati Membri sabiex iżidu l-iskambju tagħhom ta’ intelliġenza permezz taċ-Ċentru tal-UE għas-Sitwazzjoni Konġunta; jemmen li jeħtieġ li jittieħdu miżuri speċjali rigward theddidiet ġodda li mhumiex inklużi fl-ESS, bħas-sigurtà tal-provvista tal-enerġija u l-konsegwenzi tal-bidla fil-klima marbuta mas-sigurta;

35.

Huwa tal-opinjoni li l-Gruppi ta’ Battalja huma strumenti li qed jgħinu lill-Istati Membri biex jibdlu l-forzi armati tagħhom, isaħħu l-interoperabilità tagħhom u jistabbilixxu kultura strateġika komuni dwar id-difiża; jinnota li l-Gruppi ta’ Battalja għadhom ma ntużawx, minħabba inter alia d-definizzjoni dejqa tat-termini ta’ tqassim, u jiddeplora l-fatt li l-kunċett tal-Grupp ta’ Battalja preżenti għandu ma solviex il-problema ta’ ħolqien ta’ truppi għal operazzjonijiet konkreti; huwa tal-fehema li sabiex ikun evitata l-ħela taħt forma ta’ bini ta’ strutturi militari duplikati, jeħtieġ li jkun hemm kjarifika urġenti;

36.

Huwa konxju mill-fatt li l-ġenerazzjoni ta’ forza hija prinċipalment kwistjoni ta’ rieda politika u evalwazzjoni konġunta; jistieden lill-Kunsill biex jeżamina l-opzjonijiet biex itejjeb il-ħolqien ta’ truppi, eżempju peremzz ta’ aktar żvilupp tal-kunċett ta’ Gruppi ta’ Battalja, li jwassal għal forza ta’ ħidma (task force) konġunta tal-UE akbar u permanenti, jew permezz ta’ katalogu aktar estensiv tal-kapaċitajiet disponibbli fi ħdan il-qafas tal-Għanijiet Prinċipali, sabiex ikun possibbli li tinġabar truppa xierqa għaċ-ċirkostanzi tal-missjoni;

37.

Jistieden sabiex ikun hemm il-ħolqien ta’ kapaċitajiet ta’ pjanar permanenti u operattiv fi ħdan iċ-Ċentru tal-UE għall-Operazzjonijiet, biex imexxu l-operazzjonijiet militari ESDP;

38.

Jipproponi li jpoġġi l-Eurocorps bħala forza permanenti taħt il-kmand tal-UE u jistieden lill-Istati Membri kollha biex jikkontribwixxu fiha;

39.

Jistieden sabiex ikun hemm titjib kontinwu fl-interoperabilità bejn il-forzi armati nazzjonali tal-UE; jiddeplora l-eterogeneità fit-taħriġ u t-tagħmir attwali fost forzi armati differenti tal-Istati Membri u jistieden sabiex ikun hemm programm militari “Erasmus” li jinkludi taħriġ komuni għall-istaff li jista’ jiġi mibgħut f’operazzjonijiet;

40.

Ifakkar li s-suċċess tal-operazzjonijiet ESDP jiddependi fuq it-twassil ta’ tagħmir xieraq għall-istaff militari; jistieden lill-Kunsill sabiex jiżvilupp standards komuni fil-kura medika u fil-ġid operattiv; huwa tal-opinjoni li standards komuni bħal dawn u skambju regolari tal-aħjar prattiċi, koordinati, bħala eżempju, minn Staff Militari tal-UE, għandhom jappoġġjaw lill-Istati Membri individwali fil-ħidma tagħhom biex jiżviluppaw il-kapaċitajiet u b’hekk jgħinuhom sabiex, biż-żmien, jipprovdu forzi kapaċi;

41.

Jiddispjaċih li l-istabbiliment tal-EDA sar tard wisq biexjipprevjeni l-ħolqien ta’ tliet programmi nazzjonali differenti dwar vetturi tal-ajru bla ekwipaġġ minflok wieħed Ewropew, b’hekk ċertu kumpaniji setgħu jaħdmu fuq aktar minn proġett wieħed u b’hekk setgħu jutiliżżaw il-flus ta’ min iħallas it-taxxa għal ħafna drabi, b’ mod li l-EDA ma kelliex għażla oħra ħlief li taħdem fuq id-dħul ta’ vetturi tal-ajru bla ekwipaġġ fl-ispazju tal-ajru regolat; juri l-preferenza tiegħu għal proġett satellitari Ewropej uniku, kemm kemm jekk fil-qasam tal-ispjunaġġ u kemm jekk fil-qasam tal-komunikazzjoni;

42.

Jilqa’ l-pakkett ta’ difiża tal-Kummissjoni, partikularment il-propost tagħha għal Direttiva fil-qasam tal-ksib ta’ difiża u għal Direttiva fil-qasam tat-trasport intra-Komunitarju tat-tagħmir għad-difiża; huwa tal-opinjoni li dawn huma passi meħtieġa sabiex l-istaff militari nazzjonali u tal-UE ikun mgħammar bl-aħjar apparat interoperabbli;

43.

Jilqa’ d-dikjarazzjoni tal -kumitat tat-tmexxija tal-EDA tal-14 ta’ Mejju 2007, speċjalment r-rikjesta ta’ tnaqqis ta’ dipendenza fuq għejun mhux Ewropej fit-teknoloġiji prinċipali ta’ difiża u jenfasizzaw il-ħtieġa li l-UE tgawdi minn awtonomija u sovranità operazzjonali;

44.

Jenfasizza l-irwol li dejjem qed jikber tal-UE, partikularment permezz ta’ missjonijiet ESDP ċivili, qed joħloq domanda għal baġit tas-CFSP li dejjem qed jikber, u għalhekk jeħtieġ li jkun hemm tixrid ta’ informazzjoni aktar fil-ħin min-naħa tal-Kunsill sabiex il-Parlament ikun jista’ jipprepara d-deċiżjonijiet tiegħu dwar il-baġit annwali;

45.

Jistieden lill-Kunsill u lill-Kummissjoni biex jiżviluppaw proposti li jippermettu li jkun hemm proċeduri ta’ appalt aktar flessibbli u xierqa għall-missjonijiet ċivili ESDP - li ħafna drabi jeħtieġu deċiżjonijiet malajr — biex ikunu eżaminati u mifthiema bejn il-Parlament, il-Kunsill u l-Kummissjoni; jilqa’ l-fatt li reċentement il-Kummissjoni fetħet it-taħriġ tagħha fl-appalt u fil-proċeduri finanzjarji għal impjegati mill-missjonijiet ESDP;

46.

Jiddispjaċih tal-kumplessità bla bżonn tal-arrangamenti stipulati fl-Artikolu 28 tat-Trattat UE fir-rigward ta’ finanzjament rapidu tal-attivitjiet ta’ ESDP barra mill-baġit tal-UE; jinsisti sabiex l-Ftehim Interistituzzjonali tas-17 ta’ Mejju 2006 bejn il-Parlament Ewropew, il-Kunsill u l-Kummissioni dwar id-dixxipplina baġitarja u amministrazzjoni finanzjarja soda (7), u sabiex id-djalogu strutturat bejn il-Kunsill u l-Parlament maħsub fih, jiġu implimentati bi sħiħ; fuq tul ta’ żmien itwal, jappella sabiex il-mekkaniżmu Athena jiġi trasferit fil-baġit tas-CFSP filwaqt li jżomm il-flessibilità tiegħu;

47.

Jistieden sabiex ikun hemm reviżjoni f’nofs perjodu taħt il-Perspettiva Finanzjarja 2007-2013 rigward il-koerenza u l-kumplimentarjetà tal-użu ta’ strumenti esterni tal-UE (il-baġit tas-CFSP, l-Istrument għall-Istabilità, l-Istrument tal-Koperezzjoni fl-Iżvilupp u l-Istrument tal-Politika Ewropea tal-Viċinat) fost il-medda ta’ azzjonijiet tal-UE għall-immaniġġjar ta’ kriżijiet (militari u ċivili);

48.

Jenfasizza li l-Parlament Ewropew, permezz tal-kuntatti tiegħu mal-parlamenti nazzjonali (Il-Konferenza taċ-Chairpersons tal-Kumitat tal-Affarijiet Barranin, Il-Konferenza taċ-Chairpersons tal-Kumitat tad-Difiża, l-Assemblea Parlamentari tan-NATO) u permezz tal-implimentazzjoni futura tal-Protokoll tat-Trattat ta’ Liżbona dwar l-irwol tal-parlamenti nazzjonali, huwa l-entità leġittima fuq il-livell Ewropew fejn għandhom isiru l-iskrutinju parlamentari, is-sorveljanza u l-kontroll tal-ESDP;

49.

Fid-dawl tal-potenzjal il-ġdid fis-CFSP u l-ESDP, li għandu jsir il-Politika ta’ Sigurta’ u ta’ Difiża Komuni, li huwa possibbli permezz tat-Trattat ta’ Liżbona, jixtieq irawwem kollaborazzjoni aktar mill-qrib bejn il-kumitati kkonċernati tal-Parlament Ewropew u tal-parlamenti nazzjonali u l-Assemblea Parlamentari tan-NATO;

50.

Jistieden lill-Kumitat Politiku u tas-Sigurtà (PSC) sabiex flimkien mal-Parlament Ewropew jistabbilixxi mekkaniżmu għall-informazzjoni kunfidenzjali dwar il-kriżijiet li qed jinħolqu jew l-avvenimenti internazzjonali marbuta mas-sigurtà li jistgħu jitqabblu ma’ mekkaniżmi eżistenti f’bosta parlamenti nazzjonali tal-Istati Membri tal-UE li — skond il-grad ta’ kunfidenzjalità — għandu jkollu firxa minn laqgħat ta’ kumitat magħluqa sa laqgħat bejn il-PSC u l-membri maħtura mill-kumitati u sottokumitati kkonċernati;

51.

Jenfasizza li l-Parlament għandu jkompli jadotta rakkomandazzjoni jew riżoluzzjoni qabel it-tnedija ta’ kwalunkwe operazzjoni ESDP (inkluża t-tnedija ta’ Grupp ta’ Battallja), b’konsultazzjoni mill-qrib mal-parlamenti nazzjonali, sabiex ikun hemm pożizzjoni tal-Parlament Ewropew qabel operazzjoni ESDP; huwa tal-opinjoni li, sabiex tkun żgurata l-flessibilità meta l-Parlament ma jkunx waqt is-sessjoni plenarja, jew ikun jeħtieġ li jkun hemm skejrament ta’ malajr, ir-Regoli ta’ Proċedura tiegħu għandhom jiġu adattati bil-għan li l-kumitat responsabbli tiegħu jkun awtorizzat li jadotta f’ismu dik ir-rakkomandazzjoni jew riżoluzzjoni;

52.

Jistieden lill-Kunsill biex jinkludi referenza fir-rakkomandazzjoni jew riżoluzzjoni adottati mill-Parlament fl-Azzjoni Konġunta li tawtorizza l-operazzjoni ESDP, b’hekk juri li l-Kunsill qed ifittex aktar leġittimità demokratika għall-azzjonijiet esterni tiegħupermezz ta’ deċiżjonijiet parlamentari;

53.

Jiddispjaċih dwar l-objezzjoni li baqgħet għaddejja tat-Turkija għall-implimentazzjoni tal-koperazzjoni strateġika bejn l-UE u n-NATO bbażata fuq il-Ftehim “Berlin Plus” u li tmur lil hinn minnha; jinsab imħasseb dwar il-konsegwenzi negattivi għall-protezzjoni tal-istaff imħaddem tal-UE, b’mod partikolari l-EUPOL Afganistan (EUPOL) u l-Missjoni EULEX Kosovo, u jitlob biex dawk l-objezzjonijiet jiġu rtirati mit-Turkija kemm jista’ jkun malajr;

54.

Huwa tal-opinjoni li l-pjan tal-Istati Uniti li fl-Ewropa tiġi stabbilita sistema ta’ kontra l-missili, bħalissa tista’ xxekkel l-isforzi internazzjonali għad-diżarm; jesprimi t-tħassib tiegħu dwar is-sospensjoni tar-Russja tal-implimentazzjoni tal-obbligi tagħha skond it-Trattat dwar il-Forzi Armati Konvenzjonali fl-Ewropa, li qajmet ħafna inkwiet dwar il-bilanċ strateġiku fl-Ewropa; jisħaq li ż-żewġ kwistjonijiet jaffettwaw is-sigurtà tal-pajjiżi Ewropej kollha u m’għandhomx għalhekk ikunu s-suġġett ta’ diskussjonijiet purament bilaterali bejn l-Istati Uniti u pajjiżi Ewropej individwali; jistieden lill-Kunsill u lill-Istati Membri sabiex jistabilixxu, flimkien man-NATO, qafas imfassal biex fid-dibattitu jinkludi kemm jista’ jkun pajjiżi Ewropej; jistieden lill-Kunsill u lin-NATO biex jevalwaw it-tehdidiet futuri previsti minn ċerti pajjiżi u l-periklu ta’ ġirja ġdida għall-armamenti fl-Ewropa u biex jipproponu reazzjoni multilaterali xierqa għalihom;

55.

Jikkunsidra li l-Unjoni Ewropea u n-NATO jagħtu s-saħħa lil xulxin, u jħeġġeġ sabiex ikun hemm koperazzjoni mill-qrib bejniethom;

56.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-Parlamenti tal-Istati Membri, lill-Assemblea Parlamentari tan-NATO u lis-Segretarji Ġenerali tan-Nazzjonijiet Uniti, lin-NATO, lill-Unjoni Afrikana, lill-OSCE, lill-OECD u lill-Kunsill tal-Ewropa.

26.11.2009   

MT

Il-Ġurnal Uffiċjali tal-Unjoni Ewropea

CE 285/32

A.

billi l-isħubija bejn l-UE u l-Istati Uniti hija l-ġebla tax-xewka tal-azzjoni esterna tal-Unjoni u hija stabbilita fuq valuri komuni bħal-libertà, id-demokrazija, id-drittijiet tal-bniedem u l-istat tad-dritt, hija bażi għall-ekonomiji u żvilupp sostenibbli,

B.

billi l-Unjoni Ewropea u l-Istati Uniti għandhom irwoli ta’ qofol fl-ekonomiji u fil-politiki dinjin u jaqsmu r-responsabilità fil-promozzjoni tal-paċi, tad-demokrazija u tal-istabilità fid-dinja u fl-indirizzar ta’ sfidi ekonomiċi dinjin, b’mod partikulari l-kriżijiet fis-swieq finanzjarji, fl-iżbilanċi ta’ kummerċ u ta’ kambju u l-kriżijiet ta’ dejn f’uħud mill-ifqar pajjiżi,

C.

billi l-effetti tal-bidla fil-klima, bħall-kunflitti territorjali dwar ir-riżorsi, il-prezzijiet ogħla tal-ikel u l-migrazzjoni, huma kwistjonijiet ta’ tħassib kbir għall-popli u għall-mexxejja tal-UE; billi skond l-Aġenzija Internazzjonali għall-Enerġija, id-domanda dinjija għall-enerġija se tiżdied b’bejn 50 % u 60 % sa l-2030,

D.

billi kemm l-UE kif ukoll l-Istati Uniti jistgħu u għandu jkollhom irwol internazzjonali ta’ lider biex jindirizzaw il-bidla fil-klima,

E.

billi d-domanda dinjija għall-ikel qiegħda tikber aktar mill-provvista, l-aktar minħabba ż-żieda fid-domanda fl-ekonomiji emerġenti bħall-Indja u ċ-Ċina, b’ mod partikolari għall-prodotti tal-laħam u tal-ħalib, u għalhekk għall-għalf ukoll; billi, skond l-Organiżżazzjoni għall-Koperazzjoni Ekonomika u għall-Iżvilupp (OECD), is-sussidji attwali tal-Istati Uniti sabiex jikkonvertu l-qamħirrun f’ethanol ikkontribwew għal żieda globali fil-prezzijiet tal-ikel, li jolqot l-aktar lill-ifqar pajjiżi tad-dinja,

F.

billi fil-biċċa l-kbira tal-pajjiżi li qed jiżviluppaw, ħafna mill-miri tal-Għanijiet tal-Millennju għall-Iżvilupp (MDGs) mhumiex se jintlaħqu qabel l-iskadenza tal-2015,

G.

billi hemm kunsens fl-UE dwar it-tnedija mill-ġdid u t-tisħiħ tat-Trattat ta’ Non-Proliferazzjoni (NPT) fil-perjodu li jwassal għall-Konferenza ta’ Reviżjoni tal-NPT li jmiss fl-2010,

H.

billi f’Annapolis, il-mexxejja tal-Iżrael u tal-Palestina qablu li jimpenjaw ruħhom sabiex iġeddu n-negozzjati bil-għan li jiġi konkluż ftehim qabel tmiem l-2008; billi l-isforzi sabiex ikun hemm l-istabilità fil-Lvant Nofsani permezz tal-promozzjoni tal-paċi, tad-demokrazija u tar-rispett għad-drittijiet tal-bniedem għandhom bżonn koperazzjoni qawwija bejn l-UE u l-Istati Uniti, inkluż fil-qafas tal-Kwartett tal-Lvant Nofsani, u mal-Lega tal-Istati Għarab,

I.

billi koperazzjoni mil-qrib bejn l-UE u l-Istati Uniti fil-Kosovo hija kruċjali għall-istabbilità u għall-iżvilupp tal-Balkani tal-Punent; billi l-Istati Uniti fil-prinċipju impenjat ruħha li tipparteċipa f’din il-missjoni importanti tal-ESPD/Stat tad-Dritt fil-Kosovo (EULEX) b’madwar 80 pulizija, żewġ imħallfin u bejn 4 u 6 prosekuturi,

J.

billi, fil-ġlieda kontra t-terroriżmu internazzjonali, jinħtieġ li tkun enfasizzata l-importanza li jiġu rrispettati bis-sħiħ il-liġi u t-trattati internazzjonali li jikkonċernaw id-drittijiet tal-bniedem u l-libertajiet fundamentali,

K.

billi f’votazzjoni storika fit-18 ta’ Diċembru 2007, il-Plenarja tal-Assemblea Ġenerali tan-NU adottat riżoluzzjoni sponsorjata minn alleanza transregjonali, inkluża l-UE, dwar moratorju fuq il-piena tal-mewt; billi huwa mħasseb ħafna dwar l-eżistenza kontinwa tal-piena tal-mewt f’ħafna stati tal-Amerika,

L.

billi huwa fl-interess tal-UE u tal-Istati Uniti li jkun hemm relazzjoni ekonomika transatlantika koperattiva, u billi hija meħtieġa tmexxija politika konsistenti biex jissaħħaħ is-suq transatlantiku; billi jappoġġja l-ħidma kontinwa tal-Kunsill Ekonomiku Transatlantiku u jittama li jsir wieħed mill-pedamenti tar-relazzjonijiet bejn l-UE u l-Istati Uniti,

M.

billi huwa neċessarju li l-libertà u d-demokrazija jiġu promossi fid-dinja u li jiġu indirizzati l-isfidi li dawn jinvolvu, bħas-sigurtà internazzjonali, l-eliminazzjoni tal-faqar, il-promozzjoni tal-iżvilupp, il-bżonn ta’ sforzi ta’ diżarmament madwar id-dinja kollha, il-ħarsien tad-drittijiet tal-bniedem, l-azzjoni kontra r-riskji globali għas-saħħa, il-kwistjonijiet ambjentali, is-sigurtà tal-enerġija, il-ġlieda kontra t-terroriżmu internazzjonali u l-kriminalità organizzata, u n-nonproliferazzjoni tal-armi tal-qerda tal-massa; billi, bħal ma tagħmilha ċara l-Istrateġija Ewropea għas-Sigurtà, is-Sħubija Transatlantika u n-NATO huma importanti ħafna għas-sigurtà kollettiva,

N.

billi huwa fl-interess taż-żewġ imsieħba li jindirizzaw flimkien it-theddid u l-isfidi komuni, fuq il-bażi tat-trattati internazzjonali eżistenti u tal-ħidma effettiva tal-istituzzjonijiet internazzjonali, u b’mod partikolari abbażi tas-sistema tan-NU skond il-Karta tan-NU,

O.

billi f’dawn l-aħħar snin ftehim imqanqal mill-ħtiġijiet tal-Istati Uniti u adottati mingħajr l-involviment tal-Parlament, b’mod partikulari l-ftehim PNR (rekords tal-ismijiet tal-passiġġieri), il-memorandum SWIFT u l-eżistenza tas-Sistema ta’ Mira Awtomatizzata tal-Istati Uniti wasslu għal sitwazzjoni ta’ inċertezza legali rigward il-garanziji transatlantiċi meħtieġa għall-protezzjoni tad-data fl-iskambju u t-trasferiment tad-data bejn l-UE u l-Istati Uniti għall-iskopijiet tal-ġlieda kontra t-terroriżmu,

1.

Jistenna bil-ħerqa, fid-dawl tal-elezzjoni presidenzjali fl-Istati Uniti li ġejja, li jaħdem mal-President Amerikan il-ġdid u jittama li jkun hemm impenn Amerikan imsaħħaħ favur il-multilateraliżmu, u favur il-paċi u d-demokrazija madwar id-dinja; jemmen li s-sħubija bejn l-UE u l-Istati Uniti dwar kwistjonijiet sensittivi bħall-isfidi globali tal-faqar u tal-bidla fil-klima hemm bżonn li jkunu infurzati; huwa konxju li fir-rigward ta’ ċerti suġġetti, bħall-Qorti Kriminali Internazzjonali (ICC), il-metodi applikati fil-ġlieda kontra t-terroriżmu u l-Protokoll ta’ Kyoto għall-Konvenzjoni ta’ Qafas tan-Nazzjonijiet Uniti dwar il-Bidla fil-Klima, għad hemm differenzi ta’ approċċ; jittama li l-President il-ġdid tal-Istati Uniti jimpenja l-Amministrazzjoni tiegħu għas-soluzzjoni ta’ dawn il-problemi;

2.

Iħeġġeġ lill-UE u lill-Istati Uniti sabiex jaħdmu aktar mill-qrib fuq sensiela wiesgħa ta’ sfidi politiċi komuni, l-aktar fil-Lvant Nofsani, fl-Iran, fl-Iraq, fil-Kosovo u fil-Punent tal-Balkani, fl-Afganistan u fl-Afrika, u sabiex jaħdmu flimkien sabiex jistabilixxu ambjent internazzjonali li jwassal għal titjib fil-qagħda ta’ sigurtà u tad-drittijiet tal-bniedem f’pajjiżi bħall-Burma, u ż-Țimbabwe, billi tinżamm l-attenzjoni fuq dawn il-kwistjonijiet fil-fora relevanti kollha, inkluż il-Kunsill tas-Sigurtà tan-NU; u jappella għal approċċ komuni għar-relazzjonijiet ma’ atturi ġeopolitiċi ewlenin oħra;

3.

Jinkoraġġixxi ħafna liż-żewġ imsieħba biex jaqblu dwar approċċ komuni biex il-bidla fil-klima tkun limitata għal żieda fit-temperatura ta’ mhux aktar minn 2°C fuq il-livelli preindustrijali permezz ta’ kontribuzzjonijiet ġusti għall-isforzi ta’ tnaqqis tal-emissjonijiet tal-gassijiet b’effett ta’ serra mill-pajjiżi żviluppati u li qed jiżviluppaw, skond ir-responsabiltajiet differenti tagħhom u l-kapaċitajiet rispettivi tagħhom, jagħraf ir-responsabilità tal-pajjiżi żviluppati li jkunu ta’ eżempju; jilqa’ b’sodisfazzjon l-impenji mill-kandidati presidenzjali ewlenin tal-Istati Uniti li jindirizzaw l-emissjonijiet tal-gassijiet b’effett ta’ serra u biex jintlaħaq ftehim internazzjonali sa l-2009 sabiex tkun evitata bidla fil-klima perikoluża;

4.

Iħeġġeġ lill-Istati Uniti sabiex tagħmel li tista’ biex titlesta l-ħidma fuq l-leġiżlazzjoni domestika tagħha dwar il-klima sal-konferenza tan-NU ta’ Diċembru 2009 f’Kopenħagen; jistiden ukoll lill-Istati Uniti sabiex tippersisti fl-isforzi tagħha li tistabbilixxi sistema ta’ kummerċ tal-karbonju li fil-futur tkun tista’ tiġi marbuta mal-Iskema għall-Iskambju ta’ Kwoti ta’ Emissjonijiet tal-UE (UE ETS), peress li kemm l-ambjent kif ukoll l-industrija jaqblilhom b’mod ġenerali li dawn il-mekkaniżmi emerġenti tas-swieq tal-karbonju fid-dinja jkunu kompatibbli u interoperabbli; jilqa’, għaldaqstant, id-dispożizzjoni fl-abbozzi ta’ proposta l-aktar reċenti tal-UE ETS li jippermettu r-rabta ma’ sistemi oħra ta’ cap-and-trade, fosthom sistemi subnazzjonali; f’dan il-kuntest, huwa mħeġġeġ mill-emerġenza ta’ sistemi reġjonali tal-kummerċ fil-karbonju fl-Istati Uniti;

5.

Jilqa’ b’sodisfazzjon ir-rapport tar-Rappreżentant Għoli u tal-Kummissjoni Ewropea dwar l-implikazzjonijiet tas-sigurtà tal-bidla fil-klima; jappella sabiex il-Laqgħa Għolja ta’ bejn l-UE u l-Istati Uniti jindirizza din il-kwistjoni bħala kwistjoni prijoritarja, u tibni fuq il-bażi tas-suċċess tal-konferenza ta’ Bali f’Dicembru 2007; jistieden lill-UE u lill-Istati Uniti sabiex jaħdmu flimkien biex, fl-2009, jilħqu ftehim ambizzjuż għal wara l-2012, inklużi azzjonijiet ta’ mitigazzjoni u ta’ adattament fuq livell internazzjonali; jinnota wkoll b’interess il-proposti li qed jiġu diskussi fil-Kungress Amerikan dwar il-ħolqien ta’ Fond Internazzjonali għat-Teknoloġiji Nodfa u jinkuraġġixxi lill-Kummissjoni sabiex tniedi djalogu dwar din il-kwistjoni mal-Amministrazzjoni tal-Istati Uniti;

6.

Huwa mħasseb li l-eżistenza fiha nnifisha taċ-ċentru ta’ detenzjoni tal-Bajja ta’ Guantánamo u l-prattika tal-arresti u l-konsenji straordinarji jkomplu jibagħtu messaġġi negattivi dwar kif qiegħda ssir il-ġlieda kontra t-terroriżmu; iħeġġeġ lill-Kunsill biex joħroġ dikjarazzjoni ċara u b’saħħitha li tistieden lill-Istati Uniti biex twaqqaf il-prattika tal-arresti arbitrarji u l-konsenji straordinarji u biex jitlob lill-Gvern tal-Istati Uniti biex jipproċedi jew inkella jeħles lid-detenuti li għad fadal u biex jgħinhom isibu sistemazzjoni ġdida u jagħtihom kumpens b’konformità sħiħa mal-liġi u l-istandards internazzjonali u biex jagħti kjarifika dwar l-eżistenza ta’ ħabsijiet sigrieti barra t-territorju tal-Istati Uniti;

7.

Jiddispjaċih dwar id-deċiżjoni tal-amministrazzjoni tal-Istati Uniti li tibni kumpless ta’ detenzjoni ġdid fl-Afganistan, li turi biċ-ċar li l-intenzjoni tal-Istati Uniti hi li x’aktarx tibqa’ żżomm priġunieri barra mill-pajjiż għas-snin li ġejjin;

8.

Itenni l-appell tiegħu lill-Kunsill u lill-Kummissjoni sabiex fl-aħħar jimplimentaw ir-rakkomandazzjonijiet indirizzati lilhom mill-Kumitat Temporanju tiegħu dwar l-użu allegat ta’ pajjiżi Ewropej mis-CIA għat-trasport u għad-detenzjoni illegali ta’ priġunieri (TDIP);

9.

Jistieden lill-Istati Uniti biex tneħħi minnufih ir-reġim tal-viżi u biex tittratta liċ-ċittadini kollha tal-Istati Membri tal-UE bl-istess mod, fuq il-bażi ta’ reċiproċità sħiħa; f’dan il-kuntest, jilqa’ b’sodisfazzjon il-bidu tat-taħditiet bejn l-UE u l-Istati Uniti dwar sett ġdid ta’ talbiet relatati mas-sigurtà li qiegħda tagħmel l-Istati Uniti biex tistabbilixxi reġim mingħajr il-viżi; huwa tal-opinjoni li n-negozjati għandhom ikunu trasparenti, ibbażati fuq il-prinċipju tar-reċiproċità u jirrispettaw id-dispożizzjonijiet tal-UE dwar il-protezzjoni tad-data;

10.

Jilqa’ b’sodisfazzjon ir-rikonoxximent mill-Istati Uniti tal-kompetenza tal-Komunità Ewropea sabiex tinnegozja ftehim bħal dan u jinnota li kwistjonijiet li huma ta’ kompetenza tal-UE, bħal dawk relatati mas-sigurtà (inkluż l-iskambju tad-data dwar il-PNR, l-estradizzjoni u l-assistenza legali reċiproka) għandhom jiġu negozjati mal-Kunsill u mal-Istati Membri biss sakemm dawn ikunu relatati maċ-ċittadini tagħhom stess;

11.

Jenfasizza li l-iskambju tad-data u l-informazzjoni jista’ jkun għodda imprezzabbli fil-ġlieda internazzjonali kontra t-terroriżmu u r-reati marbuta miegħu, imma jenfasizza li l-iskambju tad-data personali għandu jsir f’qafas legali xieraq li jkollu regoli u kundizzjonijiet ċari, filwaqt li tkun żgurata l-protezzjoni tal-privatezza u l-libertajiet ċivili taċ-ċittadini individwali, u jkun jipprevedi mekkaniżmi għall-għoti ta’ kumpens fejn ikun il-każ, u li skambju tad-data bħal dan għandu jkun ibbażat fuq ftehim internazzjonali li jorbot, bl-involviment sħiħ tal-Parlament u tal-Kungress; jenfasizza li l-iskambju tad-data neċessarju għandu jkun konformi mal-ftehim eżistenti bejn l-UE u l-Istati Uniti dwar l-estradizzjoni u l-assistenza legali reċiproka kif ukoll mal-leġiżlazzjoni tal-KE u l-UE dwar il-protezzjoni tad-data u għandu jkun akkumpanjat bil-koordinazzjoni bejn l-aġenziji tal-informazzjoni u tal-infurzar tal-liġi, fejn ikun il-każ fil-livell operattiv ukoll, u bil-koperazzjoni ġudizzjarja permezz tal-ftehim bejn l-UE u l-Istati Uniti dwar l-estradizzjoni u l-assistenza legali reċiproka;

12.

Jenfasizza l-importanza tar-rispett għad-drittijiet fundamentali u għall-istat tad-dritt fil-ġlieda kontra t-terroriżmu u l-kriminalità organizzata, u jħeġġeġ lill-Kummissjoni biex tinforma lill-Parlament bil-progress li jkun sar fin-negozjati dwar qafas ta’ koperazzjoni Ewroatlantiku, b’mod partikulari fir-rigward tal-protezzjoni tad-data personali u tal-ħajja privata; jitlob għalhekk għall-iżvilupp urġenti tal-istandards globali tal-protezzjoni tad-data fil-kuntest tal-Kunsill Ekonomiku Transatlantiku, sabiex ikun iggarantit livell għoli ta’ protezzjoni tad-data personali kif ukoll ta’ ċertezza legali għall-kumpaniji;

13.

Jistieden lill-gvernijiet tal-UE u tal-Istati Uniti biex iniedu inizjattiva fi ħdan in-NU bil-għan li tiġi rriformata l-prattika attwali ta’ listi ta’ sanzjonijiet, inkluż it-twaqqif ta’ proċeduri xierqa għal proċess ġust, għad-dikjarazzjoni tal-motivazzjonijiet u għal protezzjoni u rimedji ġudizzjarji effettivi;jisħaq fl-istess ħin dwar il-ħtieġa li jittejjbu l-proċeduri tal-“lista s-sewda” tal-UE;

14.

Itenni l-appoġġ sħiħ tiegħu għar-riżoluzzjonijiet tal-Kunsill tas-Sigurtà tan-NU dwar l-Iran adottati skond l-Artikolu 41, Kapitolu VII tal-Karta tan-NU u jistieden lill-UE u lill-Istati Uniti sabiex jaqblu dwar strateġija komuni li tikkonvinċi lil Teheran sabiex tosserva r-riżoluzzjonijiet tal-Kunsill tas-Sigurtà tan-NU;

15.

Jilqa’ b’sodisfazzjon il-koperazzjoni mill-qrib bejn l-UE u l-Istati Uniti dwar il-kwistjoni nukleari Iranjana, li fit-3 ta’ Marzu 2008 wasslet għall-adozzjoni tar-Riżoluzzjoni 1803 (2008) mill-Kunsill tas-Sigurtà tan-NU msemmija hawn fuq, li timponi sanzjonijiet ġodda fuq l-Iran; jistieden lill-Istati Uniti, wara s-suċċess diplomatiku tagħha fin-negozjati mal-Korea ta’ Fuq, sabiex tipparteċipa b’mod dirett fin-negozjati mal-Iran flimkien mal-UE, peress li l-Istati Uniti tinsab f’pożizzjoni li toffri garanziji addizzjonali ta’ sigurtà waqt li tieħu kont tat-tħassib tal-Iran dwar is-sigurtà; jenfasizza l-importanza tal-koperazzjoni mal-Istati Uniti, mar-Russja, maċ-Ċina u ma’ pajjiżi mhux allineati sabiex jikkonsidraw idejat komplementari bil-għan li jintlaħaq ftehim komprensiv mal-Iran dwar il-faċilitajiet nukleari tiegħu u l-użu tagħhom;

16.

Jilqa’ b’sodisafazzjon l-inizjattiva reċenti tal-pajjiżi membri fil-Kunsill tas-Sigurtà tan-NU u tal-Ġermanja (il-P5+1) sabiex ikun ippreżentat pakkett ġdid ta’ inċentivi lill-Iran fi sforz li dan jiġi konvint li jwaqqaf il-programm tiegħu ta’ arrikkiment tal-uranju; jistieden lill-Istati Uniti, fl-interess li tinstab soluzzjoni, biex tapprova bis-sħiħ in-negozjati mal-Iran fil-limiti tar-regoli u tal-obbligi tat-Trattat dwar l-NPT

17.

Jitlob għat-tisħiħ tas-sistema internazzjonali tat-trattati u r-reġimi kontra l-proliferazzjoni tal-armi tal-qerda tal-massa; jisħaq fuq il-ħtieġa ta’ koperazzjoni aktar mill-qrib bejn l-UE u l-Istati Uniti fil-ġlieda kontra t-terroriżmu u l-proliferazjoni tal-armi tal-qerda tal-massa, b’konformità mal-liġi internazzjonali, u l-ħtieġa li ż-żewġ naħat jagħtu l-appoġġ tagħhom lis-sehem tan-NU f’dawn l-oqsma; iħeġġeġ lill-Kunsill biex jiddiskuti mal-awtoritajiet tal-Istati Uniti dwar kif tinħoloq strateġija pożittiva għall-Kumitati Preparatorji futuri tat-Trattat dwar in-Non-Proliferazzjoni (NPT PrepComs) bħala l-ewwel opportunità biex jissaħħaħ ir-reġim dinji tan-non-proliferazzjoni nukleari qabel tibda l-Konferenza ta’ Reviżjoni tal-NPT fl-2010; jisħaq fuq il-ħtieġa li fil-laqgħa għolja jiġu diskussi għadd ta’ inizjattivi għad-diżarm nukleari bbażati fuq it-“13-il pass prattiku” li kien hemm qbil unanimu dwarhom fil-Konferenza ta’ Reviżjoni tal-NPT tal-2000; jittama li f’dan il-laqgħa għolja l-amministrazzjoni tal-Istati Uniti tkun trid li tadotta strateġija komuni mal-UE bil-għan li jsir progress dwar id-diżarm kemm għall-armi tal-qerda tal-massa kif ukoll għall-armi konvenzjonali; jistieden lill-UE u lill-Istati Uniti sabiex jevitaw il-vojt potenzjali fil-perjodu 2009-2010, meta l-ftehim il-prinċipali dwar id-diżarm jaslu għat-tiġdid; jittama li l-ftehim importanti ħafna li ntlaħaq fl-1999, fl-2000 u fl-2001 mar-Russja jinżammu; u jistieden lill-Istati Uniti sabiex tirratifika t-Trattat Komprensiv dwar il-Projbizzjoni tat-Testijiet Nukleari (CTBT) bħala pass siewi lejn it-tnaqqis tar-rilevanza operattiva tal-armi nukleari;

18.

Jistieden lill-Istati Membri tal-UE u lill-Istati Uniti sabiex jaħdmu flimkien fuq ideat ġodda għat-tnedija ta’ sħubija bejn l-UE u n-NATO definita mill-ġdid u aktar b’saħħitha, li tmur lilhinn mill-Berlin-Plus, minħabba l-ħtieġa ta’ aktar koperazzjoni fl-Afganistan; huwa tal-opinjoni li l-isforzi sabiex tiġi aġġustata u rfinata l-Istrateġija tas-Sigurtà Ewropea għandhom ikunu marbuta mal-fażi bikrija tad-diskussjonijiet dwar Kunċett Strateġiku ġdid tan-NATO; jenfasizza l-importanza tan-NATO, li tibqa’ l-forum essenzjali għall-konsultazzjonijiet dwar is-sigurtà bejn l-Ewropa u l-Istati Uniti, kif ukoll l-importanza tal-politika barranija u tas-sigurtà komuni tal-UE fit-tisħiħ tal-abilità tal-UE li ntikkonfronta it-theddidiet eżistenti u emerġenti għas-sigurtà fis-seklu 21; jilqa’ b’sodisfazzjon l-għarfien tal-Istati Uniti tal-Laqgħa għolja ta’ Bucharest li biex tinbena alleanza tan-NATO b’saħħitha tinħtieġ l-effikaċja soda tad-difiża Ewropea; u jirrakkomanda l-iżvilupp tar-relazzjoni eżistenti bejn in-NATO u l-UE dwar kwistjonijiet ta’ sigurtà, filwaqt li tkun irrispettata n-natura indipendenti taż-żewġ organizzazzjonijiet;

19.

Huwa tal-opinjoni li l-pjan tal-Istati Uniti li tistabbilixxi sistema ta’ kontra l-missili fl-Ewropa f’dan iż-żmien jista’ jfixkel l-isforzi internazzjonali fir-rigward tad-diżarmament; juri tħassib dwar id-deċiżjoni tar-Russja li tissospendi l-osservanza tal-obbligi tagħha skond it-Trattat tal-Forzi Armati Konvenzjonali fl-Ewropa; jenfasizza li ż-żewġ kwistjonijiet jaffettwaw is-sigurtà tal-popli tal-Ewropa u għalhekk m’għandhomx ikunu suġġetti għal diskussjonijiet purament bilaterali bejn l-Istati Uniti u pajjiżi individwali Ewropej; jinnota, f’dan ir-rigward, id-Dikjarazzjoni tas-Samit ta’ Bukarest maħruġa fl-aħħar laqgħa tal-Kunsill tal-Atlantiku tat-Tramuntana fit-3 ta’ April 2008, li tappella għal qafas komprensiv tad-difiża bil-missili li tkun testendi l-kopertura tagħha għat-territorju kollu alleat; jistieden lill-Kunsill u lill-Istati Membri sabiex jistabbilixxu qafas maħsub sabiex jinkludi l-Istati Membri kollha tal-UE u lin-NATO f’dibattitu dwar il-kwistjoni;

20.

Jistenna bil-ħerqa l-evalwazzjoni mill-ġdid tad-dimensjoni tas-sigurtà tar-relazzjoni bejn l-UE u l-Istati Uniti fid-dawl tar-riżultati tar-Reviżjoni Strateġika tan-NATO, l-aġġornament tal-Istrateġija tas-Sigurtà Ewropea u d-dħul ta’ amministrazzjoni ġdida fl-Istati Uniti;

21.

Jappella għaż-żieda fl-għajnuna ta’ emerġenza sabiex tkun indirizzata t-theddida immedjata għall-ifqar nies tad-dinja minħabba l-prezzijiet aktar għoljin tal-ikel; madankollu, jirrikonoxxi li l-flus m’humiex biżżejjed u għalhekk jistieden lill-Kunsill, lill-Kummissjoni kif ukoll lill-Kungress u lill-amministrazzjoni tal-Istati Uniti sabiex jindirizzaw il-problemi strutturali bħall-investiment baxx fl-agrikoltura; jappella għal strateġija globali kkoordinata bejn l-UE, l-Istati Uniti u l-organizzazzjonijiet multilaterali, li għandha tinkludi regoli tal-kummerċ aktar ġusti u aktar investiment fl-agrikoltura fil-pajjiżi li qegħdin jiżviluppaw li jkun iffukat fuq il-produtturi ż-żgħar u n-nisa; jistieden lid-donaturi sabiex jipprovdu appoġġ u jgħinu fl-iffinanzjar ta’ miżuri ta’ sikurezza għall-aktar nies vulnerabbli; jistieden lill-mexxejja tal-UE u tal-Istati Uniti sabiex jappoġġjaw u jipparteċipaw b’mod attiv fit-Task Force ta’ Livell Għoli dwar il-Kriżi Globali tal-Ikel, imwaqqfa bit-tmexxija tas-Seġretarju Ġenerali tan-NU Ban Ki-moon;

22.

Jilqa’ b’sodisfazzjon l-inizjattiva tal-amministrazzjoni tal-Istati Uniti biex tagħti għajnuna alimentari bla rbit, u tara din l-inizjattiva bħala l-ewwel pass importanti fir-riforma tal-programm kollu tal-għajnuna alimentari sabiex titqies bis-sħiħ il-ħtieġa ta’ appoġġ proattiv għas-sigurtà msaħħa tal-ikel reġjonali u lokali, li fl-imgħoddi sikwit kienet dgħajfa billi l-għajnuna alimentari tal-Istati Uniti kienet tingħata bi rbit;

23.

Jistieden lill-Kummissjoni biex tqajjem il-kwistjoni tal-ħtieġa li parti kbira mill-baġit tal-UE u l-Istati Uniti għall-għajnuna għall-iżvilupp tiġi allokata għar-riċerka agrikola, għat-taħriġ tal-bdiewa u għall-iskambju tal-aħjar prattika, sabiex ikunu żviluppati sistemi effiċjenti u sostenibbli għall-uċuħ tar-raba’, bħar-rotazzjoni u l-kultivazzjoni mħallta tal-uċuħ tar-raba’, u tekniki parteċipattivi ta’ tgħammir ta’ annimali u ta’ tlaqqim ta’ pjanti, adattati lokalment u mhux modifikati ġenetikament, sabiex jinħolqu l-istabilità fil-provvista tal-ikel lokali kif ukoll sistemi tal-biedja tajbin b’input baxx ta’ enerġija għall-ġejjieni;

24.

Jiddispjaċih dwar id-deċiżjoni tal-gvern tal-Istati Uniti li jnaqqas l-appoġġ finanzjarju tiegħu għall-Fond tal-Popolazzjoni tan-NU (UNFPA); jiġbed l-attenzjoni għall-irwol importanti tal-UNFPA sabiex tilħaq tnaqqis volontarju fir-rati tal-fertilità fil-pajjiżi anqas żviluppati; jemmen li l-aċċess għall-kontraċettivi u għas-servizzi ta’ riproduzzjoni, l-iżvilupp tal-kapaċità tal-bniet u tan-nisa, u l-promozzjoni tas-saħħa materna u dik tat-tfal huma strateġiji kruċjali sabiex it-tkabbir tal-popolazzjonijiet iseħħ aktar bil-mod u sabiex tinżamm is-sostenibilità tar-riżorsi; iħeġġeġ, għaldaqstant, lill-gvern tal-Istati Uniti sabiex iżid l-iffinanzjar tiegħu għall-UNFPA;

25.

Jistieden lill-UE u lill-Istati Uniti sabiex ipoġġu l-Għanijiet tal-Iżvilupp tal-Millennju fiċ-ċentru tal-politika internazzjonali tal-iżvilupp; iħeġġeġ lill-Kunsill, lill-Kummissjoni, lill-Istati Membri u lill-Istati Uniti biex iżidu l-għajnuna tagħhom lill-pajjiżi li qegħdin jiżviluppaw sabiex iżommu l-kredibilità tal-impenji tagħhom biex iżidu l-għajnuna; jirrikonoxxi ż-żieda fl-impenn tal-Istati Uniti għall-għajnuna għall-iżvilupp b’mod ġenerali u għall-Afrika b’mod partikulari; iħeġġeġ lill-President tal-Istati Uniti biex juża l-aħħar sena tiegħu fil-kariga sabiex jimmira għal riżultati ambizzjużi fil-laqgħa tal-G8 fil-Ġappun fl-Lulju 2008 u fil-Laqgħa għolja tan-NU dwar l-Għanijiet għall-Iżvilupp tal-Millennju li se jsir fi New York f’Settembru 2008; jistieden lill-UE sabiex iżżomm l-Għanijiet tal-Iżvilupp għall-Millennju u l-iskedi annwali li jwasslu għal 0.7 % fl-Assistenza Uffiċjali għall-Iżvilupp (ODA) bħala punt importanti fuq l-aġenda tal-Kunsill Ewropew li se jsir bejn id-19 u l-20 ta’ Ġunju 2008;

26.

Jenfasizza li s-soluzzjoni tal-kunflitt bejn l-Iżrael u l-Palestina hija kruċjali biex ikun hemm il-paċi u l-istabilità fil-Lvant Nofsani; ifakkar lill-partijiet konċernati fl-impenji li daħlu għalihom f’Annapolis biex isiru negozjati b’rieda tajba bil-ħsieb li jkun konkluż trattat ta’ paċi sa tmiem l-2008, b’soluzzjoni għall-kwistjonijiet kollha li għadhom pendenti; jisħaq mill-ġdid fuq l-importanza tal-Inizjattiva Għarbija għall-Paċi u jħeġġeġ lill-UE u lill-Istati Uniti biex jiżguraw li jkun hemm l-involviment kostruttiv tas-sieħba Għarab; itenni l-appell lill-Iżrael biex iwaqqaf kull attività fil-villaġġi fl-artijiet okkupati, inkluż it-tkabbir naturali, u biex iżarma l-postijiet ta’ osservazzjoni li twaqqfu minn Marzu tal-2001 ’l hawn; itenni t-tħassib kbir tiegħu għall-kriżi umanitarja u politika fil-Medda ta’ Gaża u għall-konsegwenzi gravi li din jista’ jkollha; jappella biex jintemm minnufih l-isparar ta’ rokits mill-milizzji Palestinjani mill-Medda ta’ Gaża għal fuq it-territorju Iżraeljan; jagħti l-appoġġ sħiħ tiegħu lill-isforzi tal-Eġittu biex ikun hemm waqfien tal-vjolenza u biex tinstab soluzzjoni li tippermetti l-ftuħ mill-ġdid tal-postijiet kollha ta’ dħul u ħruġ;

27.

Jilqa’ b’sodisfazzjon l-aħbar li s-Sirja u l-Iżrael daħlu għal negozjati ta’ paċi b’mod indirett taħt il-patroċinju tat-Turkija;

28.

Jilqa’ b’sodisafzzjon l-elezzjoni ta’ Michel Suleiman bħala President tal-Libanu; jisħaq fuq l-importanza tal-istabilità, is-sovranità, l-indipendenza u l-integrità territorjali tal-Libanu; iħeġġeġ lill-partijiet konċernati biex jimplimentaw bis-sħiħ il-Ftehim ta’ Doha u jistieden lill-UE u lill-Istati Uniti biex jagħtu l-appoġġ tagħhom għall-isforzi kollha li jsiru f’dan ir-rigward;

29.

Jenfasizza li s-sigurtà Ewroatlantika u internazzjonali f’sens aktar wiesa’ hija marbuta mill-qrib mal-ġejjieni tal-Afganistan bħala stat paċifiku u demokratiku li jirrispetta d-drittijiet tal-bniedem u li hu ħieles mit-theddida tat-terroriżmu; jilqa’ b’sodisfazzjon, għaldaqstant, l-impenn sod u fit-tul tan-NATO fir-rigward tal-Afganistan, kif enfasizzat fil-’Viżjoni Strateġika Ġdida’ tal-ISAF (Forza tal-Assistenza għas-Sigurtà Internazzjonali) kif ukoll l-istrateġija komprensiva tal-komunità internazzjonali, li tiġbor flimkien l-isforzi ċivili u militari, fosthom il-Missjoni tal-Pulizija tal-UE (EUPOL) li hija parti mill-impenn ġenerali tal-UE fl-Afganistan, u l-istrateġija koordinata tal-UE li tinkludi gwida politika lokali pprovduta mir-Rappreżentant Speċjali tal-UE u sforz ta’ rikostruzzjoni mmexxi fost l-oħrajn mill-Kummissjoni; jistieden lill-UE u lill-Istati Uniti sabiex jieħdu passi urġenti biex iżidu, itejbu u jikkoordinaw aħjar l-assistenza tagħhom għall-iżvilupp tal-Afganistan, fost l-oħrajn billi jgħaddu fondi kemm jista’ jkun lill-istituzzjonijiet Afgani u lill-organiżżazzjonijiet mhux governattivi li għandhom l-esperjenza;

30.

Jistieden lill-Kunsill sabiex jinvolvi ruħu fi djalogu mal-Istati Uniti dwar l-Iraq, jaqsam l-opinjonijiet tal-UE dwar is-sehem strateġiku tagħha fil-pajjiż, u jkompli jappoġġja l-multilateralizzazzjoni mtejba tas-sehem li għandha l-komunità internazzjonali fl-Iraq billi jsir użu sħiħ mis-sehem mifrux tan-NU skond ir-Riżoluzzjoni 1770 tal-Kunsill tas-Sigurtà tan-NU (2007);

31.

Jenfasizza l-impenn komuni li għadu għaddej fir-rigward tas-sigurtà u l-istabilità reġjonali fil-Balkani kollha; ifaħħar l-azzjoni immedjata, imparzjali u effettiva tal-Forza Internazzjonali ta’ Sigurta’ tan-NATO għall-Kosovo (KFOR) biex tieqaf il-vjolenza li faqqgħet dan l-aħħar fil-Kosovo, u jenfasizza l-ħtieġa li l-KFOR tibqa’ fil-Kosovo fuq il-bażi tar-Riżoluzzjoni 1244 tal-Kunsill tas-Sigurtà tan-NU (1999) biex jiġi żgurat ambjent sikur li jippermetti l-libertà tal-moviment għall-persuni u għall-preżenzi internazzjonali kollha fil-Kosovo; jenfasizza f’dan il-kuntest li l-UE għandha rwol importanti fil-Kosovo, jilqa’ b’sodisfazzjon it-tnedija tal-Missjoni EULEX fil-Kosovo u jinsisti li l-EULEX tkun preżenti fit-territorju kollu tal-Kosovo;

32.

Jemmen li l-UE u l-Istati Uniti jridu jsibu tarf b’mod urġenti kemm tal-isfidi immedjati għas-sigurtà kif ukoll ta’ dawk fit-tul għall-iżvilupp tal-Kosovo, bil-għan li jintlaħaq objettiv komuni: stat li jiffunzjona, soċjetà multietnika b’istituzzjonijiet b’saħħithom u li jiffunzjonaw kif ukoll ir-rispett għall-istat tad-dritt; jilqa’ b’sodisfazzjon il-fatt li għall-ewwel darba l-Missjoni għall-Istat tad-Dritt u l-Pulizija tal-Politika għas-Sigurtà u d-Difiża Ewropea għall-Kosovo se tinkludi uffiċjali tal-pulizija mill-Istati Uniti; jinnota li l-amministrazzjoni tal-Istati Uniti se tissekonda xi staff u kuntratturi mid-Dipartiment tal-Istat għall-operazzjoni fil-Kosovo u se tkopri 25 fil-mija tal-ispejjeż operattivi tal-Uffiċċju Ċivili Internazzjonali (ICO), u l-bqija tiġi mill-kontribuzzjonijiet tal-Kummissjoni Ewropea u minn stati oħra;

33.

Jitlob li jkun hemm azzjoni miftiehma vis-à-vis ċ-Ċina fir-rigward, b’mod partikulari, tal-ħtieġa li jinstabu b’mod urġenti modi kif tiġi promossa d-demokrazija f’dak il-pajjiż, kif titnaqqas it-tensjoni fir-relazzjonijiet bejn iż-żewġ naħat tal-istrett, u kif jiġi ffaċilitat id-djalogu bejn l-awtoritajiet ta’ Beijing u d-Dalai Lama sabiex ikun hemm progress konkret dwar il-kwistjoni tat-Tibet;

34.

Jistieden lill-Kunsill biex għal darb’oħra jqajjem il-kwistjoni tal-ICC mal-Istati Uniti bħala pilastru fundamentali tal-liġi internazzjonali; jistenna li l-Gvern li jmiss tal-Istati Uniti jkollu attitudni aktar kostruttiva biex jirratifika l-Istatuti tal-ICC u biex jimpenja ruħu b’mod attiv biex tintlaħaq ftehim dwar id-definizzjoni ta’ reat ta’ aggressjoni, li għadha pendenti, kif previst fl-Artikolu 5.2 tal-Istatuti ta’ Ruma, bi tħejjija għall-konferenza ta’ reviżjoni tal-ICC fl-2009;

35.

Jikkundanna mill-ġdid il-piena tal-mewt; jistieden lill-Gvern tal-Istati Uniti u lill-istati Amerikani kollha sabiex ineħħuha; jiddispjaċih għas-sentenza reċenti tal-Qorti Suprema tal-Istati Uniti li tat l-appoġġ tagħha għall-injezzjoni letali, u b’hekk fetħet it-triq biex ikomplu l-eżekuzzjonijiet;

36.

Jirrakkomanda li għandhom jittieħdu passi biex jissaħħu r-relazzjonijiet transatlantiċi mal-Istati Uniti permezz ta’ Ftehim ta’ Sħubija Transatlantika ġdida li tieħu post l-Aġenda Transatlantika Ġdida li hemm bħalissa; jissuġġerixxi f’dan ir-rigward it-twaqqif ta’ mekkaniżmu ta’ reviżjoni regolari għal Ftehim ta’ Sħubija Transatlantika bħal din, li bih esperti mill-UE u mill-Istati Uniti jistinkaw kontinwament biex itejbu s-Sħubija Transatlantika sabiex ikun sfruttat il-potenzjal kollu tagħha; jenfasizza li xejn ħlief l-involviment aktar wiesa’ fil-livelli kollha tal-Kungress tal-Istati Uniti, tal-Parlament u tal-parlamenti nazzjonali ma jista’ tassew itejjeb il-proċess kollu u li l-iskambju interparlamentari eżistenti għandu bil-mod il-mod jinbidel f’Assemblea Transatlantika de facto;

37.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lill-gvernijiet u lill-Parlamenti tal-Istati Membri u lill-President u lill-Kungress tal-Istati Uniti tal-Amerika.

26.11.2009   

MT

Il-Ġurnal Uffiċjali tal-Unjoni Ewropea

CE 285/39

A.

billi r-reġjun tal-Mediterran u tal-Lvant Nofsani huma ta' importanza strateġika għall-UE u billi hemm il-ħtieġa ta' politika Mediterranja bbażata fuq is-solidarjetá, id-djalogu, il-koperazzjoni u l-iskambju, bil-għan li jintlaqgħu l-isfidi komuni u jintlaħqu l-għanijiet li jwasslu għal zona ta' paċi, stabilitá u prosperitá kondiviża,

B.

billi, fis-samit ta' inawgurazzjoni tal-Proċess ta' Barċellona: Unjoni għall-Mediterran li għandu jsir fit-13 ta' Lulju 2008 f'Pariġi, linji gwida ċari għandhom jiġu stabbiliti biex jissaħħu r-relazzjonijiet multilaterali tal-UE mal-imsieħba Mediterranji, kif ukoll li jkunu msaħħa l-metodi tax-xogħol u jiżdied il-qsim tar-responsabilitajiet,

C.

billi l-analiżi tal-kisbiet u tal-fallimenti tal-proċess ta' Barċellona għandhom jitqiesu kif xieraq sabiex wieħed ikun jista' jagħti ħarsa mill-ġdid b'mod effiċjenti lejn ir-relazzjonijiet Ewro-Mediterranji u impuls ġdid lill-proċess ta' Barċellona; billi f'dan ir-rigward, hu importanti li jiġu indirizzati d-diffikultajiet affaċċati fil-koperazzjoni għall-iżvilupp u fit-twessigħ tas-Sħubija Ewro-Mediterranja, bħall-persistenza tal-kunflitt fil-Lvant Nofsani, it-tensjonijiet politiċi serji fir-reġjun, pereżempju fis-Sahara tal-Punent, in-nuqqas ta' progress sostanzjali li sar fl-oqsma tad-demokrazija u tad-drittijiet tal-bniedem u n-nuqqas ta' kuxjenza pubblika dwar il-proċess;

D.

billi l-evalwazzjoni ġenerali tal-Proċess ta' Barċellona turi li, minkejja l-kisbiet insuffiċjenti meta mqabbla mal-għanijiet oriġinali, huwa għandu potenzjal li għandu jintuża bl-aħjar mod,

1.

Jilqa' l-Komunikazzjoni mill-Kummissjoni imsemmija hawn fuq bit-titlu: “Il-Proċess ta' Barċellona: Unjoni għall-Mediterran” u jikkondividi l-għan ta' din l-inizjattiva ġdida li se tagħti impetu politiku u prattiku ġdid għar-relazzjonijiet multilaterali tal-UE mal-imsieħba Mediterranji, billi ttejjeb il-livell politiku ta' dawn ir-relazzjonijiet, permezz ta' qsim tal-pussess akbar u ta' tisħiħ tal-qsim tar-responsabilitajiet, kif ukoll billi tiżviluppa proġetti reġjonali li jirrispondu għall-ħtiġijiet taċ-ċittadini fir-reġjun;

2.

Iqis li l-Proċess ta' Barċellona għandu jingħata impuls ġdid sabiex jikseb aktar importanza u jiġu enfasizzati l-benefiċċji tanġibbli tiegħu għaċ-ċittadini u, b'mod partikulari, għaċ-ċittadini fix-xatt tan-Nofsinhar tal-Mediterran;

3.

Jaqbel dwar il-ħtieġa li l-Proċess ta' Barċellona jingħata l-ħajja mill-ġdid, u jemmen li din il-ħtieġa għandha tibqa' l-element ċentrali fil-koperazzjoni tal-UE mar-reġjun tal-Mediterran, bħala l-uniku forum li fih l-imsieħba Mediterranji kollha jaqsmu l-fehmiet tagħhom u jidħlu fi djalogu kostruttiv; iqis id-Dikjarazzjoni ta' Barċellona, l-objettivi u l-oqsma ta' koperazzjoni tagħha bħala punti importanti ferm għal dawn ir-relazzjonijiet; jittama li l-inizjattiva l-ġdida tibni fuq il-kisbiet tas-Sħubija Ewro-Mediterranja, waqt li ġġib valur miżjud lill-proċess;

4.

Jitlob għalhekk lill-pajjiżi li ma jiffurmawx parti mill-proċess ta' Barċellona biex jieħdu sehem fl-acquis ta' Barċellona sabiex jimxu 'l quddiem lejn l-istess għanijiet;

5.

Jappoġġja bis-sħiħ l-iżvilupp propost tal-Proċess ta' Barċellona: Unjoni għall-Mediterran bħala konsolidament taz-zona Ewro-Mediterranja bbażata fuq prinċipji demokratiċi u r-rispett tal-istat tad-dritt, li għandu jwassal għal sħubija b'saħħitha fil-politika tas-sigurtà u tal-affarijiet barranin;

6.

Jitlob lill-Kunsill u lill-Kummissjoni biex jagħmlu evalwazzjoni tal-istituzzjoni l-ġdida u tal-implikazzjonijiet legali ta' din l-inizjattiva ġdida importanti, b'mod partikulari rigward id-dispożizzjonijiet tat-Trattat ta' Liżbona;

7.

Jassigura d-disponibilitá tiegħu biex jikkopera fit-twaqqif ta' qafas istituzzjonali għall-Proċess ta' Barċellona: Unjoni għall-Mediterran; jiġbed l-attenzjoni dwar il-fatt li, bħala driegħ tal-awtoritá baġitarja tal-UE, se jkun involut sabiex jassigura li l-qafas il-ġdid u l-proġetti tiegħu jkollhom suċċess;

8.

Jilqa' b'sodisfazzjon il-proposta tal-Kummissjoni li twaqqaf ko-presidenza tal-Proċess ta' Barċellona: Unjoni għall-Mediterran f'livell ta' kapijiet ta' Stat u gvern u ta' ministri tal-affarijiet barranin, waqt li japprezza li dan ser isaħħaħ il-pussess konġunt tal-koperazzjoni Ewro-Mediteranja; jilqa' il-proposta tal-Kummissjoni li l-ko-presidenza tal-UE għandha tkun f'idejn l-istituzzjonijiet kompetenti tal-UE, jenfasizza li fergħa tal-Mediterran tal-presidenza għandha tkun nominata b'konsensus mill-imsieħba Mediterranji u li l-pajjiż li jkollu l-presidenza għandu jistieden lill-istati li qed jipparteċipaw fil-Proċess ta' Barċellona: Unjoni għall-Mediterran għal sumits u laqgħat ministerjali;

9.

Japprova l-proposta tal-Kummissjoni li twaqqaf Kumitat Permaneti Konġunt, ibbażat fi Brussell, ta' rappreżentanti nominati mill-parteċipanti kollha fil-Proċess ta' Barċellona: Unjoni għall-Mediterran, li jista' jkollu rwol importanti biex titjieb it-tmexxija istituzzjonali;

10.

Iqis li s-segretarjat ġdid propost għandu jkun integrat fis-servizzi tal-Kummissjoni u jista' jkun jinkludi uffiċjali ssekondati mill-parteċipanti kollha tal-proċess u għandu jġib valur miżjud lill-istrutturi eżistenti biex isaħħaħ il-kapaċità amministrattiva li tappoġġja l-proċess ġenerali;

11.

Iqis li s-segretarjat ġdid propost għandu jagħmel il-Proċess ta' Barċellona: Unjoni għall-Mediterran aktar viżibbli fir-reġjun u għandu jikkonċentra sew fuq proġetti reġjonali u għandu wkoll ikun kapaċi jieħu r-responsabilità għal sensiela sħiħa ta' ħidmiet, biex jitmexxew tajjeb il-proġetti;

12.

Jitlob, madankollu, lill-Kunsill u lill-Kummissjoni biex jeżiġu li l-pajjiż li jospita s-segretarjat ikun impenjat favur il-valuri tal-Proċess ta' Barċellona rigward id-demokrazija u d-drittijiet tal-bniedem;

13.

Jilqa' b'sodisfazzjon il-proposta tal-Kummissjoni sabiex jissaħħu r-relazzjonijiet mal-imsieħba Mediterranji tal-UE fuq livell politiku bl-organizzazzjoni ta' laqgħat ta' livell għoli kull sentejn fil-kuntest tal-Proċess ta' Barċellona: Unjoni għall-Mediterran, li għandha l-għan li tadotta d-dikjarazzjonijiet u d-deċiżjonijiet politiċi dwar il-programmi u l-proġetti ewlenin li se jkunu żviluppati f'livell reġjonali;

14.

Huwa tal-fehma li l-EMPA għandu jkun involut b'mod sħiħ fit-tħejjija u l-proċediment ta' dawn is-samits;

15.

Jilqa' b'sodisfazzjon il-proposta tal-Kummissjoni dwar l-irwol tal-EMPA li għandha ssir parti integrali mill-qafas istituzzjonali tal-Proċess ta' Barċellona: Unjoni għall-Mediterran, bħala d-dimensjoni parlamentari tiegħu; jenfasizza l-fatt li t-tisħiħ tal-leġittimitá demokratika hi meħtieġa, kif ukoll it-tisħiħ tal-irwol tal-EMPA, li hi l-unika assemblea parlamentari li tgħaqqad is-27 Stat Membru tal-UE flimkien mal-partijiet involuti fil-proċess ta' paċi fil-Lvant Nofsani; iqis li l-EMPA bħala entitá konsultattiva għandu jkollha d-dritt li tagħmel proposti u evalwazzjonijiet; jappoġġja l-parteċipazzjoni fl-EMPA tar-rappreżentanti parlamentari tal-pajjiżi li ma jiffurmawx parti mill-Proċess ta' Barċellona;

16.

Itenni li l-iżvilupp tad-demokrazija għandu jintlaħaq billi jkunu appoġġjati r-riformi politiċi u jisħaq li l-kredibilità tal-politika Ewropea ta' demokratizzazzjoni u l-promozzjoni tad-drittijiet tal-bniedem jiddependu minn appoġġ b'saħħtu u viżibbli għas-soċjetajiet ċivili u għall-organizzazzjonijiet politiċi demokratiċi fix-xatt tan-Nofsinhar tal-Mediterran; jitlob li jkun hemm involviment qawwi mis-soċjetà ċivili u mir-rappreżentanti tal-imsieħba soċjali fil-qafas istituzzjonali tal-Proċess ta' Barċellona: Unjoni għall-Mediterran;

17.

Jiġbed l-attenzjoni għall-fatt li wieħed mill-għanijiet ewlenin tal-politika Ewro-Mediterranja huwa l-promozzjoni tal-istat tad-dritt, tad-demokrazija, tar-rispett tad-drittijiet tal-bniedem u l-pluraliżmu politiku u jqis, f'dan ir-rigward, li s-Sħubija Ewro-Mediterranja għadha ma pproduċietx ir-riżultati mistennija fil-qasam tad-drittijiet tal-bniedem; jitlob, għalhekk, lill-Kunsill u lill-Kummissjoni sabiex iħaddnu b'mod ċar il-promozzjoni tad-drittijiet tal-bniedem u tad-demokrazija fl-għanijiet ta' din l-inizjattiva ġdida u biex ikomplu jsaħħu l-implimentazzjoni tal-mekkaniżmi eżistenti, bħall-klawżola dwar id-drittijiet tal-bniedem inkluża fil-ftehimiet ta' assoċjazzjoni u l-ħolqien ta' mekkaniżmu li jimplimenta din il-klawżola fil-ġenerazzjoni l-ġdida ta' ftehimiet, il-Pjanijiet ta' Azzjoni bilaterali tal-ENP u t-twaqqif ta' sottokumitati ġodda dwar id-drittijiet tal-bniedem;

18.

Jirrimarka li l-firxa ta' koperazzjoni UE-Mediterran għandha tiġi estiża wkoll għall-istati l-oħra tal-kosta tal-Mediterran u jenfasizza li l-identitá sħiħa Mediterranja ta' pajjiżi oħra teħtieġ li tkun rikonoxxuta b'mod sħiħ;

19.

Ifakkar fl-eżempji ta' inizjattivi proposti mill-Kummissjoni, bħat-toroq ewlenin tal-baħar, il-konnessjoni tat-triq tal-Maghreb Għarbi (AMA), it-tneħħija tat-tniġġis mill-Mediterran, il-protezzjoni ċivli u l-Pjan Solari għall-Mediterran; jesprimi l-interess tiegħu fl-opportunitajiet għall-ġenerazzjoni ta' elettriku termali mix-xemx ta' qawwa kbira fid-deżert tal-Afrika ta' Fuq u jirrakkomanda li tingħtata prijorità sabiex dan jiġi diskuss fil-laqgħat inizjali tal-Unjoni għall-Mediterran; jappoġġja wkoll proġetti oħra bħad-desalinizzazzjoni tal-ilma biex jiġi faċilitat l-aċċess għall-ilma tax-xorb, fattur ta' tħassib ewlieni f'bosta pajjiżi tal-Mediterran;

20.

Jenfasizza l-ħtieġa li l-proġetti tal-Proċess ta' Barċellona: Unjoni għall-Mediterran ikunu miftuħa għall-Istati Membri kollha tal-UE u għall-imsieħba tal-Mediterran li jixtiequ jipparteċipaw, speċjalment jekk għandhom interess dwar proġetti jew oqsma speċifiċi;

21.

Jistieden lill-Kummissjoni sabiex tinforma fuq bażi regolari lill-Parlament u lill-EMPA dwar l-iżvilupp ta' dawn il-proġetti reġjonali u biex tqis il-proposti u l-evalwazzjonijiet li tressqu f'livell parlamentari bil-għan li jikber il-profil tal-proċess u tiżdied il-kapaċitá ta' assorbiment u l-valur miżjud għaċ-ċittadini fir-reġjun;

22.

Jenfasizza li s-sħubija UE-Mediterran ma tistax tiffoka biss fuq kwistjonijiet ekonomiċi u kummerċjali; ifakkar li t-tliet pilastri ta' Barċellona għandhom rabta mill-qrib ma' xulxin; ifakkar li l-ewwel pilastru kien maħsub biex jikkontribwixxi għall-“paċi, stabilitá u prosperitá” u li l-Karta għall-Paċi u Stabilitá ppjanata ma' għamlitx progress sinifikattiv; jenfasizza li l-objettiv għall-ħolqien ta' zona ta' kummerċ ħieles u l-liberalizzazzjoni tal-kummerċ m'humiex għanijiet fihom infushom imma għandhom ikunu akkumpanjati mit-tisħiħ ta' koperazzjoni reġjonali kif ukoll minn integrazzjoni soċjali u ambjentali;

23.

Ifakkar li l-politiki ekonomiċi għandhom ikunu evalwati mhux biss f'termini tal-kontribuzzjoni tagħhom għat-tkabbir, imma wkoll f'termini tan-numru ta' impjiegi li joħolqu, fil-kontribuzzjoni tagħhom għat-tnaqqis tal-faqar; f'dan il-kuntest jenfasizza l-ħtieġa għal appoġġ akbar mill-UE għall-programmi tal-Istati Mediterranji msieħba bil-għan li jkun faċilitat it-twaqqif ta' klima favorevoli għal aktar investiment u biex iż-żgħażagħ jitħeġġu jibdew impriżi żgħar, kif ukoll li jkun faċilitat l-aċċess għall-mikro-kreditu; iqis, f'dan ir-rigward, li l-appoġġ tal-Faċilità għall-Investiment u Sħubija Ewro-Mediterranja (FEMIP) għandu jissaħħaħ, inklużi l-kampanji ta' informazzjoni;

24.

Ifakkar fil-proposti tiegħu dwar il-ħolqien ta' Bank ta' Investiment u ta' Żvilupp Ewro-Mediterranju li jkun kapaċi jattira investiment barrani dirett, li hu nieqes fir-reġjun tal-UE-Mediterran u jfakkar li l-parteċipazzjoni mill-Istati tal-Golf, bħala l-ewwel investituri fir-reġjun, tista' tikkontribwixxi għat-twettiq ta' dan l-objettiv;

25.

Jafferma mill-ġdid il-ħtieġa li jissaħħaħ l-istejtus tan-nisa fir-reġjun tal-Mediterran permezz ta' politiki li jagħtu rwol importanti lin-nisa fis-soċjetajiet tagħhom u billi tkun promossa l-ugwaljanza bejn is-sessi; jenfasizza li r-rispett għat-tradizzjonijiet u d-drawwiet m'għandux ikun għad-detriment tad-drittijiet fundamentali tagħhom;

26.

Jenfasizza l-ħtieġa li tkun proposta firxa interessanti ta' programmi ta' koperazzjoni kulturali lill-imsieħba tal-UE fil-Mediterran permezz ta' użu aħjar tal-ERASMUS MUNDUS u tal-Euromed Audiovisual II (2006-2008) li għandhom ikunu msaħħa u estiżi u, b'mod ġenerali, ta' Strument Ewropew ta' Viċinat u Sħubija (2);

27.

Jagħti istruzzjoni lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni, lir-Rappreżentant Għoli għall-Politika Barranija u ta' Sigurtà Komuni, lill-gvernijiet u l-parlamenti tal-Istati Membri u lill-gvernijiet u l-parlamenti tal-Istati tal-Proċess ta' Barċellona.

26.11.2009   

MT

Il-Ġurnal Uffiċjali tal-Unjoni Ewropea

CE 285/43

A.

billi l-Istrateġija ta’ Gothenburg tistabbilixxi prijoritajiet rigward il-kompetittività u s-sostenibilità tal-ekonomija tal-UE, u l-bdiewa żgħażagħ jistgħu jkollhom irwol essenzjali fil-kisba ta’ dawk l-objettivi,

B.

billi l-mudell multifunzjonali tal-agrikoltura tal-UE jista’ jkun mezz li jwassal għall-iżvilupp sostenibbli f’zoni rurali, bis-saħħa tal-preżenza wiesgħa ta’ intrapriżi agrikoli,

C.

billi l-progress fir-riforma tal-Politika Agrikola Komuni (PAK) fetaħ opportunitajiet ġodda għaż-żgħażagħ fir-rigward ta’ bosta aspetti tal-proċess li jwassalhom biex jwaqqfu u jiżviluppaw l-intrapriżi, iżda dawk l-opportunitajiet m’humiex mifruxa b’mod indaqs fl-UE kollha, u billi dan qed jagħmilha diffiċli biex ikun approċċ strateġiku Komunitarju,

D.

billi n-nuqqas ta’ statistika sħiħa u riċenti dwar in-numru ta’ bdiewa żgħażagħ u dwar il-pożizzjoni tagħhom fl-agrikoltura tal-UE hija lamentabbli, id-data tal-Eurostat mill-2003 tindika li l-persentaġġ ta’ bdiewa fl-UE li huma taħt il-35 huwa biss ta’ 7 % u qiegħed ukoll jinżel, għalkemm fil-ġejjieni l-produzzjoni tal-ikel se tkompli togħla,

E.

billi r-reviżjoni li ġejja tal-PAK (“health check” tal-PAK) hija opportunità li m’għandhiex tintilef biex isir titjib fl-ikkanalizzar tal-bdiewa żgħażagħ,

F.

billi, bil-ħsieb li jintlaħqu l-isfidi tas-sigurtà tal-enerġija u s-sigurta’ tal-provvista tal-ikel fl-UE, it-tkabbir u l-impjiegi fiz-zoni rurali kollha fl-UE u l-immaniġġjar sostenibbli għal tul ta’ żmien ta’ zoni rurali, il-bdiewa żgħażagħ jeħtieġu li jkollhom intrapriżi vijabbli f’ambjent li tista’ tgħix fih,

G.

billi ġiet ikkunsidrata l-ħtieġa ta’ approċċ multifunzjonali, u tal-opportunità li tiġi garantita, b’mod partikulari, politika ta’ appoġġ favur il-bdiewa żgħażagħ,

H.

billi l-inklużjoni taż-żgħażagħ fis-sjieda tal-irziezat hija ta’ importanza vitali għaz-zoni rurali, ladarba f’bosta zoni rurali l-attività ekonomika u t-tessut soċjali għadhom ibbażati fuq l-agrikoltura,

I.

billi strateġija Ewropea li tippromwovi t-taħriġ kummerċjali għall-bdiewa żgħażagħ tidher imperattiva,

J.

billi l-imprendituri żgħażagħ għandhom dinamika qawwija fil-proċess tat-teħid ta’ deċiżjonijiet, huma lesti li jieħdu riskji, għandhom il-ħila jfittxu s-sinerġiji u l-komplimentarjetà, u li jimplimentaw għażliet ta’ ppjanar ta’ livell għoli li jmorru lil hinn mill-prattika agrikola normali,

K.

billi, minkejja l-politiki differenti favur l-imprendituri żgħażagħ qed jgħinu lill-agrikultura tal-UE, l-iskambju bejn il-ġenerazzjonijiet fis-settur tal-biedja għadu sfida għall-UE,

L.

billi l-bdiewa żgħażagħ jiffaċċjaw problemi addizzjonali fis-settur tal-agrikoltura, bħal spejjeż kbar ta’ stallazzjoni, piż kbir ta’ dejn, nuqqas ta’ intrapriżi disponibbli u nuqqas ta’ taħriġ speċifiku; billi, barra minn dan, il-politika agrikola qiegħda toħloq iżjed u iżjed responsabilitajiet għall-imprendituri fir-rigward tar-rekwiżiti tal-konformità reċiproka konnessi ma’ kwistjonijiet bħall-ambjent, is-saħħa tal-annimali, il-benessri tal-annimali, is-sikurezza tal-ikel u l-ġestjoni tal-pajsaġġi,

M.

billi industrija agrikola żgħażugħa u dinamika hija meħtieġa bħala element essenzjali għall-kisba tal-objettivi stipulati mill-Istrateġija ta’ Liżbona,

N.

billi, permezz tar-regolament il-ġdid dwar l-appoġġ għall-iżvilupp rural, se jkun possibbli li tiġi effettwata programmazzjoni li tkopri perjodu ta’ żmien sal-31 ta’ Diċembru 2013,

O.

billi z-zoni rurali jgħoddu mat-92 % tat-territorju tal-UE, filwaqt li 50 % tal-popolazzjoni llum jgħixu f’zoni urbani u 50 % f’zoni rurali,

P.

billi l-iskambju bejn il-ġenerazzjonijiet huwa meħtieġ biex fil-ġejjieni jinżammu livell għoli ta’ kwalità tal-ikel u tal-provvista tal-ikel fl-UE kif ukoll l-awto-suffiċjenza tal-UE fil-ġejjieni,

1.

Iqis li wieħed mill-objettivi tal-PAK riformata għandu jkun li jiġi żgurat skambju aħjar bejn il-ġenerazzjonijiet fil-biedja u li, bil-ħsieb li dan jinkiseb, l-ewwel strument u t-tieni strument tal-pilastri li jappoġġjaw il-biedja sostenibbli u l-komunitajiet rurali żviluppati rispettivament huma kumplimentari b’mod partikolari;

2.

Isostni li t-teħid ta’ azzjoni biex jitrawwem l-iskambju bejn il-ġenerazzjonijiet huwa essenzjali sabiex jiġu ttrattati l-isfidi alimentari, enerġetiċi u territorjali li qed tiffaċċja l-biedja tal-UE llum u fil-ġejjieni; iqis li jekk iridu jintlaħqu l-aspirazzjonijiet tas-soċjetà, tali sfidi ma jistgħux jiġu ttrattati bla ma jkun hemm settur tal-biedja sod u numru kbir ta’ bdiewa fl-Unjoni;

3.

Jirrimarka li t-tkabbir tal-UE biex iddaħħal magħha Stati Membri ġodda żied id-diversità kulturali u ppermetta li jkun hemm iżjed diversità fil-prodotti, u li dan jipprovdi opportunità ideali biex l-agrikoltura tal-UE ssir iżjed kompetittiva billi jiffoka fuq l-innovazzjoni kontinwa u l-kwalità ta’ prodotti Komunitarji u billi juri l-kisbiet tal-produtturi fil-qasam importanti tas-sikurezza fl-ikel;

4.

Iqis li, fl-ippjanar u fl-implimentazzjoni ta’ miżuri ta’ sostenn għall-bdiewa żgħażagħ, għandha titqies b’mod speċifiku s-sitwazzjoni tal-bdiewa żgħażagħ fl-Istati l-Membri l-ġodda;

5.

Għalhekk jitlob lill-Kummissjoni biex tressaq proposti għall-introduzzjoni ta’ tikketta ta’ kwalità tal-UE, li għandha tippermetti lill-konsumaturi li jidentifikaw b’mod faċli l-prodotti li jkunu nħadmu skond l-istandards stretti tal-UE fir-rigward tas-saħħa, il-benessri tal-annimali u s-sikurezza fl-ikel;

6.

Jinnota li, fil-kuntest tal-kwalità, id-diversità fil-produzzjoni u fil-prodotti għandha tkun objettiv;

7.

Jinnota li l-fattur ewlieni fit-tiġdid tal-profil tal-età tal-industrija agrikola huwa l-aċċess għall-art, minħabba l-prezz għoli tagħha;

8.

Huwa tal-fehma li, fil-ġejjieni, il-PAK għandha tipprova tneħħi l-barrieri li qed jiffaċċjaw bħalissa dawk iż-żgħażagħ li jixtiequ jaħdmu fil-biedja, billi l-iskambju ta’ bejn il-ġenerazzjonijiet isir wieħed mill-prijoritajiet tagħha;

9.

Barra minn dan, jitlob biex isiru iżjed sforzi fit-tifsir lill-pubbliku tal-mudell agrikolu Ewropew, bl-istandards għoljin tiegħu fil-qasam tal-ambjent, tal-benessri tal-annimali u s-sikurezza tal-ikel;

10.

Iqis li t-twaqqif jew it-teħid ta’ intrapriżi agrikoli minn żgħażagħ huwa rikkezza ewlenija għall-UE mkabbra;

11.

Jiġbed l-attenzjoni għad-diffikultajiet kontinwi li jirriżultaw mill-ispejjeż tat-twaqqif ta’ attività agrikola, inklużi l-prezzijiet tal-bejgħ jew il-kiri tal-proprjetà, u dwar il-ħtieġa li jsir investiment kontinwu fil-kapital tanġibbli u fil-potenzjal uman sabiex isiru progressi teknoloġiċi u loġistiċi, u jiġbed l-attenzjoni għall-fatt li t-titjib teknoloġiku u loġistiku jinvolvi iżjed mix-xiri ta’ apparat u ta’ magni u li, sabiex isir progress, ir-riċerka u l-aċċess għas-sejbiet tar-riċerka huma essenzjali;

12.

Jitlob lill-Kummissjoni biex tappoġġja lill-Istati Membri billi toħloq bank tal-artijiet abbażi ta’ art li tkun saret battala minħabba rtirar kmieni mix-xogħol; huwa tal-fehma li għandu jiġi provdut sostenn għall-kisba konġunta ta’ makkinarju u apparat għoli li ma jkunx jintuża spiss minn kull bidwi individwali;

13.

Jitlob għal riviżjoni tal-appoġġ għat-twaqqif ta’ intrapriżi, li minn mindu ddaħħal baqa’ fuq l-istess livell u li ma jidhirx li għadu jissodisfa l-ħtiġijiet tal-bdiewa;

14.

Jenfasizza l-kontribut li taw il-prezzijiet tal-art għall-problemi taż-żgħażagħ li jridu jaħdmu fil-biedja, u jitlob lill-Kummissjoni biex tistħarreġ iż-żieda kunsiderevoli fil-prezzijiet tal-art, li fost affarijiet oħra, hi kaġun ta’ pressjonijiet u spekulazzjonijiet urbani;

15.

Jirrakomanda l-introduzzjoni ta’ strumenti li fir-rigward tat-trasferimenti tal-art agrikola jippermettu l-għoti ta’ prijorità lill-bdiewa żgħażagħ li jkunu jixtiequ jinvolvu ruħhom fin-negozji iżjed milli lil dawk il-bdiewa diġà attivi li jkunu jridu jkabbru d-daqs tal-intrapriżi tagħhom, inklużi mekkaniżmu ta’ rtirar kmieni, għajnuna deferita għax-xiri, arranġamenti gradwali tat-twaqqif tal-attività u l-kiri ta’ parti mill-art;

16.

Jinnota l-ħtieġa li l-politiki ta’ sostenn għat-twaqqif ta’ intrapriżi miż-żgħażagħ isiru iżjed effettivi kif ukoll l-importanza li jiġu stipulati iżjed kriterji għall-ikklassifikar tal-benefiċjarji skond il-prijorità, billi jitqiesu fatturi objettivi;

17.

Iħeġġeġ lill-Kummissjoni, biex fil-proposta leġiżlattiva tagħha dwar il-“health check”, tipproponi li s-sostenn għall-bdiewa ż-żgħar previst fil-leġiżlazzjoni dwar l-iżvilupp rurali għandu jidher fost il-miżuri obligatorji inklużi fil-pjanijiet mfassla mill-Istati Membri, li għandhom ikunu akkumpanjati wkoll b’żieda fl-ammont ta’ sostenn għat-twaqqif ta’ attività agrikola;

18.

Iqis li l-miżuri ta’ sostenn għall-bdiewa żgħażagħ għandhom jgħinu wkoll lill-bdiewa l-ġodda, għax dawn jistgħu jġeddu u joffru xi ħaġa ġdida ta’ valur għall-biedja Ewropea; għalhekk jinnota li l-appoġġ għandu jkun ikkanaliżżat l-iżjed lejn l-imprendituri l-ġodda iżjed milli fuq dawk li jkunu qed iħallu l-biedja; jenfasizza li l-miżuri ta’ sostenn għat-teħid ta’ rziezet m’għandux ixekkel il-kompetizzjoni bejn il-bdiewa l-ġodda fuq naħa u l-ulied tal-bdiewa fuq l-oħra;

19.

Jinnota li huwa partikularment importanti li tiġi evitata d-deforestazzoni ta’ zoni ta’ biedja żvantaġġjati b’konformità mal-objettiv ta’ koeżjoni territorjali tal-Unjoni, biex għall-bdiewa żgħażagħ tkun iżjed faċli li jwaqqfu negozju f’zoni b’xi nuqqas naturali permanenti, bħall-gżejjer u z-zoni muntanjużi, fejn l-ispejjeż għall-iżvilupp, il-bini u l-aċess huma ogħla u fejn spiss ikun meħtieġ li wieħed jiddiversifika sabiex jikseb livell suffiċjenti ta’ vijabilità;

20.

Jistieden lill-Kummissjoni biex tinvestiga l-effettività u l-valur miżjud tad-diversi miżuri nazzjonali u Ewropej li jgħinu lill-bdiewa żgħażagħ, u biex tagħmel rapport dwar dan is-suġġett sal-1 ta’ Lulju 2009;

21.

Jinnota li bosta bdiewa żgħażagħ iqisu s-sostenn għall-investiment u s-sussidji għall-imgħax bħala l-iżjed mezz effettiv biex jingħata kuraġġ għall-intrapriża tagħhom u biex titjieb il-qagħda kompettittiva tagħhom; jitlob lill-Kummissjoni u lill-Istati Membri biex jagħtu attenzjoni xierqa lis-sostenn u lis-sussidji;

22.

Jitlob lill-Kummissjoni biex tagħmel studju dwar l-effett li għandhom id-drittijiet tal-produzzjoni, id-drittijiet ta’ pagament waħdieni u d-drittijiet tal-premjum fuq t-twaqqif ta’ intrapriżi minn bdiewa żgħażagħ, minħabba li dawn l-istrumenti kollha huma kawża frekwenti tal-kunflitt bejn il-ġenerazzjonijiet, u jagħmluha iżjed diffiċli għaż-żgħażagħ li jixtiequ jaħdmu fil-biedja biex jiksbu aċċess għal dawk id-drittijiet stess; huwa tal-fehma li l-Kummissjoni għandha tiġbed il-konklużjonijiet meħtieġa fir-rigward tal-ġestjoni tal-PAK, biex iż-żgħażagħ jitpoġġew f’pożizzjoni aħjar biex iwaqqfu xi attività fis-settur tal-biedja;

23.

Jinnota li biex titqies aħjar iż-żieda fl-ispejjeż tat-teħid ta’ rziezet u d-diffikultajiet involuti fl-isettiljar f’zoni agrikoli problematiċi, il-limitu ta’ għajnuna Komunitarja għandu jitla’ minn EUR 55 000, u l-iskadenza biex ikun hemm konformità mar-regoli għandha titwal minn tliet snin sa ħames snin wara l-issetiljar;

24.

Jinnota li fiz-zoni rurali l-biedja spiss hija l-aħħar attività li tibqa’ ħajja, u li għalhekk għandhom jiddaħħlu inċentivi għaż-żgħażagħ biex jaħdmu f’dan il-qasam; jirrimarka, madankollu, apparti l-ħtieġa li l-intrapriżi jkunu vijabbli, li jeħtieġ li jsiru sforzi biex l-ambjent rurali jsir post fejn in-nies jixtiequ jgħixu, billi jitrawwem aċċess ugwali għas-servizzi pubbliċi (uffiċji tal-posta, l-iskejjel, it-trasport pubbliku, is-servizzi tas-saħħa, eċċ) u billi jinżamm provediment tas-servizz normali (ħwienet u snajja’, faċilitajiet għall-kura tat-tfal u tal-anzjani, akkomodazzjoni soċjali, akkomodazzjoni bil-kera, eċċ) u kumditajiet soċjali oħrajn biex in-nies ma jħossuhomx iżolati (ħwienet tal-kafè, ċentri komunitarji, ċentri sportivi, eċċ);

25.

Jenfasizza li jeħtieġ jiddaħħlu l-arranġamenti li jippermettu lill-bdiewa żgħażagħ li jħallu l-intrapriżi tagħhom minħabba taħriġ, twelid, btajjel u l-bqija;

26.

Jilqa’ d-dispożizzjoni magħmula għall-għoti ta’ sostenn lill-bdiewa żgħażagħ għat-twaqqif sħiħ jew parzjali ta’ impriżi, li tgħid li s-sostenn għandu jkun ikkundizzjonat, fuq bażi volontarja, fuq it-tressiq ta’ pjan kummerċjali dwar l-irziezet il-ġodda tagħhom, bħala strument li maż-żmien għandu jippermetti l-iżvilupp tal-attivitajiet agrikoli u mhux agrikoli tagħhom;

27.

Jirrakomanda li, bħala parti mill-iskema ta’ inċentivi għat-twaqqif inizjali, għandha ssir dispożizzjoni dwar inċentivi għal sidien li jikru l-irziezet lill-bdiewa żgħażagħ u/jew għas-sostenn fil-kera sa l-għaxar sena minn wara t-twaqqif;

28.

Jiġbed l-attenzjoni dwar id-diffikultajiet li jgħaddu minnhom iż-żgħażagħ li jixtiequ jwaqqfu intrapriża agrikola meta jfittxu l-aċċess għall-finanzjament, u dwar l-irwol utli tal-arranġamenti għal self issusidjat biex il-bdiewa żgħażagħ iwaqqfu l-impriżi tagħhom u jibqgħu jaħdmu fil-biedja mingħajr ma jidħlu għal ammont eċċessiv ta’ dejn;

29.

Jinnota li l-livell għoli ta’ dejn u l-ispejjeż għolja ta’ stallazzjoni jagħmluha diffiċli ħafna biex il-bdiewa żgħażagħ jistabbilixxu pożizzjoni kompetittiva tajba; għalhekk jitlob lill-Kummissjoni u lill-Istati Membri biex ifasslu soluzzjonijiet speċjali għal dawn il-problemi speċifiċi;

30.

Huwa tal-fehma li l-interprenditorija tal-bdiewa żgħażagħ għandha tiġi appoġġjata permezz ta’ regoli trasparenti, eħfef u inqas ingombranti, u permezz tal-ispejjeż orħos li dan kollu jkun jinvolvi;

31.

Għalhekk, jemmen li l-Istati Membri u l-awtoritajiet reġjonali għandhom jeżaminaw l-possibilitajiet li jdaħħlu jew itejbu skemi li jipprovdu kapital b’rati preferenzjali għall-bdiewa żgħażagħ biex ikunu jistgħu jibdew l-attività tagħhom;

32.

Jikkundanna l-influwenza, fl-istess waqt, ta’ fatturi spekulattivi u strutturali li jfixklu l-qligħ ta’ profitt xieraq mill-art, mix-xogħol u mill-kapital, bħas-sigurtà meħtieġa fuq is-self, rati ta’ mgħax għoljin, l-ostakoli ta’ natura legali u fiskali, l-ispejjeż tas-sigurtà soċjali u l-ispejjeż amministrattivi, u jqis li hemm bżonn ta’ miżuri politiċi adegwati biex jitnaqqsu l-eċċessi u t-tgħawwiġ fil-kompetizzjoni;

33.

Jitlob lill-Kummissjoni u lill-Istati Membri biex jiżviluppaw miżuri (fiskali) ġodda biex jgħinu lill-bdiewa żgħażagħ ikampaw mal-ispejjeż għoljin tal-interessi li jifaċċjaw wara li jiksbu l-irziezet tagħhom; jitlob lill-Kummissjoni biex tippreżenta proposti speċifiċi dwar dan fil-qafas tal-health check tal-PAK;

34.

Jitlob biex tali miżuri favur il-bdiewa żgħażagħ jsiru obbligatorji bħala parti mill-azzjoni maħsuba mill-Assi 1 fir-Regolament (KE) Nru 1698/2005 bil-ħsieb li jsir titjib fil-kompetittività tas-settur agrikolu;

35.

Jerġa’ jafferma l-għażla tiegħu li l-miżuri għall-iżvilupp rurali għandhom ikunu maħsuba b’mod dirett għall-bdiewa;

36.

Iqis li l-Kummissjoni għandha teżamina finanzjament speċifiku għall-bdiewa żgħażagħ fl-Assi 2 u 3 tal-politika għall-iżvilupp rurali, pereżempju fir-rigward tal-infrastruttura soċjali u fit-titjib tar-rata tal-impjiegi fost il-bdiewa żgħażagħ f’zoni rurali;

37.

Jitlob biex jitwaqqaf sostenn għall-bdiewa li jagħmlu attivitajiet multifunzjonali (ta’ biedja jew oħrajn) u biex dan jiġi estiż ħalli jippermetti l-aċċess għal sostenn bikri għat-twaqqif tal-intrapriżi mill-bdiewa żgħażagħ li jkunu involuti f’attivitajiet agrikoli biss, jew li jikkumplimentawhom b’attivitajiet oħrajn li jiġġeneraw id-dħul f’zoni rurali;

38.

Jitlob lill-Istati Membri biex iħallu aċċess għas-sostenn bikri għaż-żgħażagħ għat-twaqqif ta’ impriżi, kemm irġiel u kemm nisa, li jkunu jinsabu f’sitwazzjoni prekarja fir-rigward tas-sjieda ta’ proprjetà u li jkunu jeħtieġu sostenn bħal dan biex jirranġaw l-irziezet tagħhom, jew billi jagħmlu attivitajiet agrikoli jew billi jikkumplimentawhom b’attivitajiet oħrajn li jiġġeneraw id-dħul, ħalli jipprovdulhom għixien li jitkejjel f’termini ta’ dħul u xogħol disponibbli;

39.

Jemmen li l-bdiewa żgħażagħ tal-UE għandhom ikunu kapaċi jikkompetu bl-istess kundizzjonijiet fi ħdan l-UE; jitlob, għalhekk, għal riviżjoni kawta u għall-implimentazzjoni sussegwenti, tal-Artikolu 69 kurrenti tar-Regolament tal-Kunsill (KE) Nru 1782/2003 (3), sabiex jiġi evitat kwalunkwe tgħawwiġ fil-kompetizzjoni tas-suq intern tal-UE;

40.

Jitlob biex il-politiki għall-agrikoltura u għall-iżvilupp rurali jsiru koerenti bis-sħiħ mal-objettivi li ffissat l-UE bħala parti mill-Istrateġija ta’ Liżbona, sabiex il-bdiewa żgħażagħ ikunu jistgħu jaħdmu f’ambjent ekonomiku dinamiku;

41.

Huwa tal-fehma li, bħala parti mill-“health check” tal-PAK, għandha tittieħed azzjoni biex jitrawwem iżjed dħul sikur mill-irziezet — kundizzjoni fundamentali essenzjali għall-iskambju ta’ bejn il-ġenerazzjonijiet fil-biedja — permezz tal-introduzzjoni fuq livell tal-UE ta’ għodod tal-ġestjoni tar-riskju u tal-kriżijiet biex jiġu ttrattati ossilazzjonijiet tas-suq u żidiet fil-volatilità tal-prezzijiet;

42.

Jemmen li għandha tingħata prijorità biex jiġu żgurati s-simplifikazzjoni ġenwina u iżjed trasparenza fl-implimentazzjoni ta’ strumenti u miżuri għal bdiewa żgħażagħ li jkunu involuti f’attivitajiet agrikoli, anke meta dawn ikunu kkumplimentati b’attivitajiet mhux agrikoli oħrajn konnessi maz-zoni rurali li jkunu meħtieġa għall-vijabilità tar-razzett;

43.

Jirrimarka li l-bdiewa li ma jkunux ikklassifikati iżjed bħala bdiewa żgħażagħ iżjed li se jibqgħu fil-biedja għal medda ta’ żmien medju u li jkunu qed jiffaċċjaw sfidi ġodda, m’għandhomx ikunu żvantaġġjati;

44.

Jirrimarka li, minħabba d-domandi kbar fuq “il-maniġers t’għada”, it-taħriġ kurrikulari għandu jiżdied b’mod gradwali sabiex ikun żgurat li trasferiment ġenwin t’għerf mir-riċerka agrarja sal-biedja;

45.

Huwa tal-fehma li ta’ min wieħed jikkunsidra, b’riferiment għal wirt ereditarju, leġiżlazzjoni aħjar maħsuba biex tiġi preservata l-għaqda tal-ażjenda, bil-għan li jinkisbu kemm ekonomiji ta’ skala kif ukoll ekonomiji ta’ skop; jiġbed l-attenzjoni għall-fatt li l-arranġamenti ta’ suċċessjoni li jinvolvu partijiet li ma jkunux membri tal-familja għandhom ikunu ffaċilitati sabiex jiġu ppriservati l-irziezet u biex l-imprendituri żgħażagħ b’edukazzjoni fil-biedja jkunu jistgħu jsiru bdiewa;

46.

Huwa tal-fehma li l-arranġamenti nazzjonali tal-irtirar kmieni għandhom japplikaw biss fejn l-intrapriża tal-bidwi li jkun se jirtira tittieħed minn bidwi żgħażagħ, jew, minflok dan, li meta jiġri dan il-bidwi li jkun se jirtira għandu jkun intitolat għal pensjoni aħjar;

47.

Huwa tal-fehma li l-pjanijiet ġenerali tat-twaqqif tal-impriża u tal-iżvilupp tagħha għandhom jinkludu miżuri speċjali konnessi mar-rikonoxximent statutorju tal-bdiewa żgħażagħ, biex b’hekk jiġi żgurat li jkun hemm drittijiet soċjali ugwali għan-nisa u l-irġiel; f’dan ir-rigward, iqis li huwa vitali li jinżammu ċerti servizzi essenzjali fiz-zoni rurali, bħall-iskejjel materni, kindergartens u l-għajnuniet għall-ommijiet; partikolarment jiġbed l-attenzjoni, f’dan ir-rigward, dwar l-importanza li tkun provduta informazzjoni rigward l-istejtus ta’ dawk is-sieħba li jgħinu lill-bdiewa;;

48.

Jirrimarka li l-ispeċifiċità soċjali u kulturali u d-diversità huma fatturi ewlenin fil-politika tal-promozzjoni tal-prodotti, bħalma huma l-identifikazzjoni ta’ zona ġeografika speċifika u l-eċċellenza fil-metodi ta’ produzzjoni, kif muri mir-reputazzjoni u s-suċċess ta’ prodotti agrikoli li għandhom marki protetti tal-oriġini jew huma ttikkettati;

49.

Jirrimarka li l-edukazzjoni alimentari, li tista’ titwassal mill-bdiewa, trawwem drawwiet alimentari tajbin għall-benefiċċju tas-saħħa tan-nies u tas-soċjetà inġenerali, u jilqa’ b’sodisfazzjon attivitajiet bħall-programm “Tellus” tal-Kunsill Ewropew tal-Bdiewa Żgħażagħ (CEJA) u l-proġetti tal-mudell transnazzjonali bħas-“Schüler auf dem Bauernhof” (“Pupils on farms”);

50.

Jenfasizza l-ħtieġa ta’ informazzjoni minn esperti għall-istudji tax-xjenza alimentari u tad-dieta fil-forom kollha tal-edukazzjoni;

51.

Jemmen li għandhom jittieħdu miżuri biex tiġi promossa l-professjoni tal-biedja u tas-servizzi tagħha fis-soċjetà, flimkien mal-attivitajiet produttivi tagħha, bil-ħsieb li iżjed żgħażagħ jinġibdu lejn din il-professjoni, b’mod speċjali dawk li ġejjin minn ambjent mhux agrikolu;

52.

Jemmen li l-promozzjoni tal-professjoni agrikola għandha tinvolvi wkoll komunikazzjoni mtejba mal-pubbliku inġenerali (il-konsumaturi) dwar il-kontenut tal-PAK, fir-rigward tas-saħħa, ir-rekwiżiti tal-ambjent u tal-benessri tal-annimali, il-kundizzjonijiet tal-għajnuna, il-multifunzjonalità, il-kwalità tal-prodott tal-UE, il-kontribut fil-ġlieda kontra l-bidla fil-klima, l-awto-suffiċjenza alimentari u l-isfidi alimentari għall-popolazzjoni dinjija li hija stmata li sa l-2050 għandha tilħaq id-disa’ biljun;

53.

Jitlob biex tiżdied il-preferenza Komunitarja sabiex il-konsumaturi Ewropej ikollhom garanziji fir-rigward tal-istandards sanitarji u ambjentali tal-prodotti li jixtru, u biex tipprovdi kumpens għall-bdiewa tal-UE li jiffaċċjaw kompetizzjoni minn pajjiżi terzi li ma jkollhomx l-istess standards sanitarji, ambjentali u soċjali;

54.

Huwa tal-fehma li l-bdiewa żgħażagħ għandhom jitqiegħdu fl-aħjar kundizzjonijiet biex jieħdu l-vantaġġi li ġejjin minn flessibbilità akbar fid-domanda għal prodotti u servizzi tal-attivita agrikola, kif ukoll għal ftuħ akbar ta’ swieq emerġenti fuq livell internazzjonali, minħabba l-konklużjoni ta’ negozjati multi-laterali; għalhekk iqis li huwa importanti li l-Kummissjoni tinnegozja ftehima mad-WTO li tagħti lill-bdiewa skop suffiċjenti biex ikunu jistgħu jkomplu jikkompetu ma’ pajjiżi terzi u li tiggarantixxi futur għall-bdiewa żgħażagħ; iqis li f’dan is-sens l-inklużjoni ta’ bżonnijiet li m’humiex relatati mal-kummerċ hija kruċjali;

55.

Jemmen li l-bdiewa żgħażagħ għandhom ikunu kapaċi jikkompetu ma’ kompetituri barranin bl-istess kundizzjonijiet; għalhekk jitlob lill-Kummissjoni biex tingħata prijorità lir-rikonoxximent tal-bżonnijiet li m’humiex relatati mal-kummerċ (NTC) bħall-kriterji tal-importazzjoni fin-negozjati kummerċjali, kemm multilaterali u kemm bilaterali;

56.

Jinnota li, bħala parti mill-arranġamenti tal-iġġjanar għal żmien qasir jew żmien medju, il-ġenerazzjoni l-ġdida ta’ bdiewa qiegħda ġġorr ir-responsabilità fir-rigward tal-ġlieda fil-klima, qiegħda taħdem fi sħubija mal-ambjent u, billi tipprovdi sorsi ta’ enerġija li jkunu favur l-ambjent, partikularment billi tipproduċi l-bijomassa u tħaddem l-impjanti tal-bijogass, qiegħda tagħi kontribut b’mod attiv għall-ħarsien tal-ambjent u għat-tnaqqis tas-CO2;

57.

Jinnota li l-bdiewa jiffaċċjaw l-isfida doppja li jimplimentaw miżuri biex itejbu l-prattiki tal-biedja u biex jagħmluwhom kemm sostenibbli u kemm vijabbli, filwaqt li fl-istess ħin iġibu lura l-irwol kruċjali tal-agrikoltura fil-ġestjoni tal-aspetti ambjentali u b’hekk qed isiru parteċipanti ewlenin fl-ittrattar tal-bidla fil-klima; jenfasizza li, għal dan il-għan, il-politiki u l-miżuri għandhom joffru lill-bdiewa żgħażagħ prospetti sostenibbli u għat-tul, u li għandu jingħatalhom appoġġ finanzjarju għall-isforzi tagħhom fil-ħarsien tal-ambjent;

58.

Jinnota li l-biedja u l-forestrija huma l-uniċi attivitajiet ekonomiċi li jiksbu d-dijossidu tal-karbonju permezz tal-fotosinteżi, u dan jagħmilha iżjed neċessarja li tinżamm l-attività tal-biedja;

59.

Jenfasizza l-importanza li l-attenzjoni tiddawwar fuq ir-riċerka agrikola b’mod konformi mar-riforma fil-PAK, billi ssir promozzjoni tat-trasferimenti tat-teknoloġija u billi jsir titjib fl-aċess tal-bdiewa għas-sejbiet tar-riċerka u fl-iżjed innovazzjonijiet riċenti konnessi mal-għodod u l-metodi tal-produzzjoni; iqis li jeħtieġ li l-bdiewa tal-UE jkollhom aċċess aħjar għar-riżultati tar-riċerka permezz tal-ħolqien ta’ netwerks għall-iskambju tad-data li tkun inkisbet mir-riċerka, u li r-riċerka tkun ikkoordinata fuq il-livell nazzjonali u l-livell tal-UE;

60.

Jinnota li l-iskambju bejn ix-xjenza u dawk li japplikawha huwa essenzjali sabiex is-sejbiet tar-riċerka jitpoġġew fil-prattika u biex ir-riċerka tkun tista’ tilħaq il-bżonnijiet tas-settur agrikolu;

61.

Jenfasizza li huwa fl-interess tal-UE, kemm f’sens ekonomiku u kemm f’sens ambjentali (l-aġġornament tal-prattiki “ħodor”), li jkun hemm iżjed sostenn għat-taħriġ tul il-ħajja kollha għall-bdiewa; jinkuraġġixxi, b’mod partikulari, programmi li jippromwovu l-mobilità fost il-bdiewa żgħażagħ fl-UEi (inkluż il-programm Leonardo); jenfasizza, b’mod iżjed speċjali, il-ħtieġa li jitfasslu strumenti li jippermettu lill-bdiewa żgħażagħ li jkunu assenti mill-irziezat tagħhom sakemm idum it-taħriġ;

62.

Jipproponi li jitwaqqaf programm ta’ skambju fl-aqwa prattiki agrikoli għall-bdiewa żgħażagħ;

63.

Iqis li huwa meħtieġ li jiġi stabbilit programm ta’ skambju għall-bdiewa żgħażagħ biex titħaffef il-ġabra tal-aqwa prattiki, kif ukoll netwerk ta’ taħriġ li fih l-informazzjoni dwar kwistjonijiet bħas-sostenibilitá, il-bijoenereġija, il-bidla fil-klima u l-kompetittivitá hi ċentrali; iqis li dan għandu jipprepara bdiewa żgħażagħ biex ikunu lesti li jiffaċċjaw l-isfidi ġodda fl-oqsma tal-agrikoltura u l-ikel;

64.

Jitlob biex ikun elaborat proġett pilota li jiffaċilita programm ta’ skambju bejn il-bdiewa żgħażagħ f’pajjiżi li qed jiżviluppaw u bdiewa żgħażagħ fl-UE sabiex dan jippermettilhom jieħdu tagħrif minn ras il-għajn dwar it-tħaddim tas-swieq rispettivi tagħhom, tal-użu rispettiv tat-teknoloġija tagħhom u tal-mod kif jadattaw irwieħhom għall-kundizzjonijiet klimatiċi dominanti;

65.

Jissuġġerixxi l-konservazzjoni, it-titjib u t-tixrid tal-prattiki ta’ produzzjoni marbuta mal-ispeċifiċità tat-territorju u tal-eredità kulturali tal-bdiewa tal-UE;

66.

Jemmen li s-suġġett taż-żamma tal-proprjetà agrikola hija marbuta mill-qrib ma’ dik tal-arranġamenti ta’ twaqqif ta’ intrapriżi minn bdiewa żgħażagħ, u li għandha tiddaħħal ukoll politika li tiżgura li l-prijorità fl-allokazzjoni tal-art tingħata lill-bdiewa żgħażagħ li jkunu għadhom jibdew; jitlob ukoll lill-Kummissjoni biex tagħmel rapport dwar il-kwistjoni tal-proprjetà agrikola fir-rigward taż-żgħażagħ li jieħdu f’idejhom l-irziezet;

67.

Huwa tal-fehma li għandu jingħata sostenn iżjed effettiv għat-twaqqif ta’ strutturi bbażati fuq il-kumpaniji billi jiddaħħlu miżuri speċifiċi għal dan it-tip ta’ arranġament ta’ twaqqif ta’ intrapriżi li mhux biss inaqqsu l-isp’jjeż għaż-żgħażagħ involuti iżda wkoll jippermettulhom li jorganizzaw xogħlhom b’tali mod li jkabbru l-vijabilità tal-irziezet;

68.

Jirrakomanda li tiddaħħal iżjed flessibilità fit-twaqqif tal-irziezet u fil-proċeduri ta’ trasferiment permezz ta’ li ġej: twaqqif gradwali, kunsiderazzjoni tal-ivvalidar tal-esperjenza professjonali preċedenti meta l-persuna li tkun trid twaqqaf razzett ma jkollhiex il-kwalifiki meħtieġa, tneħħija tar-rekwiżit tal-età meta l-applikant iressaq proġett vijabbli ta’ twaqqif, b’mod partikulari fiz-zoni agrikoli żvantaġġjati, eċċ;

69.

Iqis li għandhom jiġu adottati l-miżuri meħtieġa biex jappoġġjaw, jakkumpanjaw u jagħtu pariri lil bdiewa żgħażagħ taħt l-iskema inizjali ta’ twaqqif bil-għan li tiżdied ir-rata ta’ suċċess u fl-istess ħin li tnaqqas kemm jista’ jkun jew itemm għal kollox sitwazzjonijiet fejn jaqtgħu qalbhom jew saħansitra jfallu;

70.

Jipproponi l-għażla ta’ sena Ewropea għad-djalogu urban-rurali;

71.

Jistieden lill-Kummissjoni biex tipprovdi appoġġ wiesa’ għal żgħażagħ li jkunu jridu jidħlu fil-qasam tal-biedja billi ssegwi politika affidabbli, billi tagħmel arranġamenti amministrattivi li jirriflettu l-kundizzjonijiet attwali u billi żżid kemm tistal-appoġġ għall-immaniġġjar;

72.

Jitlob lill-Kummissjoni biex tressaq rapport intermedju dwar is-sitwazzjoni tal-bdiewa żgħażagħ, u biex fil-frattemp tikkonsulta mal-organizzazzjonijiet tal-bdiewa żgħażagħ;

73.

Jenfasizza li l-bdiewa żgħażagħ għandhom jingħataw appoġġ fis-snin ta’ wara t-twaqqif tal-attività tagħhom, u li għandu jiġi stabbilit fond ta’ riżerva biex jgħinhom jittrattaw ċirkustanzi imprevedibbli waqt li jkunu għadhom qed jibdew, bħall-ħsarat fl-uċuħ tar-raba’ kaġun ta’ temp ħażin jew ta’ xi żieda kbira fl-ispejjeż;

74.

Jitlob lill-Kummissjoni biex tistudja metodi ta’ skambju tal-aqwa prattiki fit-tekniki tal-biedja innovattiva u fil-ġestjoni tal-irziezet fost il-bdiewa l-ġodda mal-UE kollha;

75.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

26.11.2009   

MT

Il-Ġurnal Uffiċjali tal-Unjoni Ewropea

CE 285/51

—

dwar l-governanza tajba, it-trasparenza u r-responsabbiltà fl-esplojtazzjoni tar-riżorsi naturali fil-pajjiżi tal-ACP (6),

—

dwar it-tnaqqis tal-faqar fost bdiewa żgħar fil-pajjiżi tal-ACP, b’mod partikulari fis-setturi tal-frott, il-ħxejjex u l-fjuri (7),

—

dwar il-migrazzjoni ta’ ħaddiema kwalifikati u l-effett ta’ dan fuq l-iżvilupp nazzjonali (8),

—

dwar is-sitwazzjoni fid-Darfour (9),

—

dwar l-elezzjonijiet u l-proċessi elettorali fil-pajjiżi tal-ACP u tal-Unjoni Ewropea (10),

—

dwar l-impatt tal-Investimenti Barranin Diretti (FDI) fl-Istati tal-Afrika, il-Karibew u l-Paċifiku (11),

—

dwar l-aċċess għall-kura tas-saħħa u għall-prodotti mediċinali, b’mod partikulari f’dak li għandu x’jaqsam ma’ mard traskurat (12),

—

dwar il-katastrofi naturali fil-pajjiżi tal-ACP: finanzjament tal-Unjoni Ewropea għall-ippjanar minn qabel (Fondi tal-EDF) u għall-għajnuna (fondi tal-ECHO) (13),

—

dwar is-sitwazzjoni fir-Repubblika Demokratika tal-Kongo u b’mod partikulari fil-Lvant tal-pajjiż, u l-impatt ta’ din fuq ir-reġjun (14),

A.

billi d-dibattiti li saru f’Ġunju f’Wiesbaden u f’Novembru 2007 f’Kigali dwar l-istat avvanzat tan-negozjati dwar l-EPAs li wasslu għall-adozzjoni tad-dikjarazzjoni ta’ Kigali,

B.

billi l-adozzjoni mill-Parlament u mill-Kunsill tar-Regolament (KE) nru 1905/2006, li jistabbilixxi strument li jipprovdi programmi tematiċi applikabbli wkoll għall-pajjiűżi tal-ACP, flimkien ma’ programm ta’ miűżuri ta’ akkumpanjament għall-pajjiűżi tal-Protokoll dwar iz-Zokkor tal-ACP,

C.

billi jinnota l-impenn li ħa l-Kummissarju għall-Iűżvilupp u l-Għajnuna Umanitarja, fis-sessjoni msemmija tal-JPA li saret f’Wiesbaden, sabiex jissottometti d-Dokumenti Strateġiċi Nazzjonali u Reġjonali għall-Pajjiűżi tal-ACP (għall-perjodu 2008-2013) għall-iskrutinju demokratiku tal-Parlamenti, u billi jilqa’ l-fatt li l-implimentazzjoni ta’ dan l-impenn bdiet isseħħ,

D.

billi r-reviűżjoni tal-Ftehima ta’ Cotonou bdiet tistabbilixxi l-baűżi għal koperazzjoni msaħħa u aktar effikaċi bejn l-Unjoni Ewropea u l-pajjiűżi tal-ACP, waqt li madankollu l-proċedura ta’ ratifika ta’ din il-Ftehima għadha ma ġietx finalizzata,

E.

billi qed tikber l-importanza fil-JPA ta’ kwistjonijiet ta’ importanza ta’ interess komuni li jirrigwardaw id-drittijiet tal-bniedem, id-demokrazija, is-sitwazzjonijiet delikati, il-konsistenza politika u l-effikaċità tal-għajnuna,

F.

billi s-sitwazzjoni fiz-Zimbabwe reġgħet marret għall-agħar fl-2007 u billi b’xorti ħaűżina ma kienx possibbli li tiġi adottata riűżoluzzjonui rigward dan matul is-sessjoni tal-JPA f’Wiesbaden, fuq imsemmija, bħala għeluq għal dibatittu kostruttiv ħafna; billi n-nuqqas tad-delegazzjoni taűż-Țimbabwe milli tieħu sehem f’din is-sessjoni hija ħaġa ta’ min wieħed jisgħobbih ħafna minnha,

G.

billi l-kunflitt fid-Darfur (Sudan) għadu sejjer, bi vjolazzjonijiet serji u ripetuti tad-drittijiet tal-bniedem li jirriűżultaw minnu, b’mod partikulari r-riskji persistenti involuti għan-nisa u t-tfajliet ta’ aggressjoni sesswali u ta’ stupru, u billi jfakkar fil-ħtieġa li jkun hemm għajnuna umanitarja effettiva u appoġġ għall-vittmi ta’ vjolenza sesswali,

H.

billi kkunsidra x-xogħol tal-Parlament Pan-Afrikan u l-formalizzazzjoni tar-relazzjonijiet bejn il-Parlament Ewropew u l-Parlament Pan-Afrikan; billi kkunsidra b’mod partikulari, id-dikjarazzjoni konġunta tal-Parlament Pan-Afrikan u tal-Parlament Ewropew rigward il-Laqgħa Għolja UE-Afrika li sar f’Liűżbona f’Diċembru 2007,

I.

billi kkunsidra l-parteċipazzjoni li dejjem qed tikber ta’ parteċipanti mhux governamentali għas-sessjonijiet ta’ JPA u d-diffikultajiet finanzjarji li jilaqtgħu magħhom is-soċjetajiet ċivili tal-pajjiűżi tal-ACP biex jattendu għal dawn il-laqgħat,

J.

billi kkunsidra l-kontribuzzjoni eċċellenti tal-Presidenza Ġermaniűża tal-Unjoni u tal-Gvern ta’ Rwanda fis-sessjonijiet tal-JPA f’Wiesbaden u f’Kigali, fuq imsemmija,

K.

billi kkunsidra l-missjonijiet għall-stħarriġ tal-fatti u l-missjonijiet ta’ studju tal-Bureau tal-JPA fl-2007:

1.

Jilqa’ l-fatt li fl-2007 l-JPA pprovdiet qafas għal djalogu miftuħ, demokratiku u fil-fond rigward negozjati tal-EPAs bejn l-UE u pajjiűżi tal-ACP, kif turi l-adozzjoni tad-Dikjarazzjoni diġà msemmija ta’ Kigali rigward EPAs;

2.

Jenfasizza t-tħassib li wriet il-JPA dwar bosta punti tan-neguzjati, kemm rigward il-forma, kif ukoll is-sustanza tagħhom; ifakkar li d-dibatittu tkompla wkoll wara l-adozzjoni tal-EPAs mal-Karajbi u wara ftehimiet intermedjarji ma’ ċerti pajjiűżi jew reġjuni;

3.

Jinsab imħasseb dwar l-istabbiliment ta’ korp ġdid fil-kuntest tal-EPAs, jiġifieri l-kumitat parlamentari, mingħajr ma jkun hemm relazzjoni ċara bejn dan il-korp u l-JPA; jitlob li jiġu evitati l-konflitti ta’ kompetenzi jew tensjonijiet bla bűżonn f’dan is-settur; fl-istess waqt, jilqa’ d-dimensjoni parlamentari mogħtija lill-EPA u jinsab konvint bis-sħiħ li l-JPA se jibda immedjatament biex jimplimenta dan id-djalogu fil-livell parlamentari fil-laqgħat reġjunali tiegħu;

4.

Jilqa’ b’sodisfazzjon l-impenn li ħa l-Kummissarju risponsabbli għall-Iűżvilupp u l-Għajnuna Umanitarja fis-sessjoni ta’ Kiġali, fuq imsemmija, li jissottometti d-Dokumenti Strateġiċi Nazzjonali u Reġjunali tal-pajjiűżi tal-ACP (għall-perjodu 2008-2013) għall-iskrutinju demokratiku tal-parlamenti u jilqa’ x-xogħol ta’ eűżami ta’ dawn id-dokumenti li diġà sar minn ċerti parlamenti tal-ACP;

5.

Rigward dan, jiġbed l-attenzjoni lejn il-ħtieġa li jiġu involuti mill-qrib il-parlamenti mal-proċess demokratiku u mal-istrateġiji nazzjonali għall-iűżvilupp; jenfasizza l-irwol fundamentali li għandhom fl-implimentazzjoni, is-segwitu u l-kontroll tal-politiki għall-iűżvilupp;

6.

Jistieden lill-pajjiűżi tal-ACP sabiex jeűżiġu li l-gvern tagħhom u l-Kummissjoni jassoċjaw ruħhom mal-proċess ta’ preparazzjoni u ta’ implimentazzjoni tad-dokumenti strateġiċi nazzjonali fejn dawn jolqtu l-koperazzjoni bejn l-UE u pajjiűżhom (għall-perjodu 2008-2003);

7.

Jitlob lill-Kummissjoni sabiex tipprovdi l-informazzjoni kollha li hemm disponibbli lill-pajjiűżi tal-ACP u sabiex tagħtihom l-għajnuna tagħha f’dan il-proċess ta’ skrutinju demokratiku, b’mod partikulari permezz ta’ appoġġ għall-kapaċitajiet tagħhom;

8.

Jistieden lill-parlamenti tal-ACP sabiex jeűżerċitaw skrutinju parlamentari strett rigward dak li jolqot il-Fond Ewropew għall-Iűżvilupp (EDF); jenfasizza l-poűżizzjoni priveleġġjata tal-JPA f’dan id-dibattitu u jistiednu sabiex ikompli jinsisti mal-parlamenti li għadhom ma rratifikawx il-Ftehima ta’ Cotonou, kif riveduta, biex jagħmlu dan għall-benefiċċju tal-EDF 10;

9.

Jitlob lill-Kummissjoni sabiex tipprovdi miűżuri biex ipattu għad-defiċit finanzjarju bejn l-implimentazzjoni tal-EDF 9 u l-EDF 10;

10.

Jerġa’ jisħaq li hu jappoġġja t-talba tal-JPA, magħmula fid-9 sessjoni miűżmuma f’April 2005, li persentaġġ xieraq tal-approprjazzjonijiet tal-EDF jingħataw għall-edukazzjoni u għat-taħriġ politiku ta’ parlamentari u ta’ diriġenti politiċi, ekonomiċi u soċjali fl-interess tat-tisħiħ sostenibbli ta’ governanza tajba, tal-istat tad-dritt, tal-istrutturi demokratiċi u tal-interazzjoni bejn il-gvern u l-oppoűżizzjoni f’demokraziji pluralisti bbaűżati fuq elezzjonijiet ħielsa;

11.

Jinnota b’sodisfazzjon in-natura aktar ma tmur aktar politika u għalhekk, aktar demokratika, tal-JPA, kif ukoll l-intensifikazzjoni tal-impenn tal-Membri tagħha u tal-kwalità tad-dibattiti tagħha li jikkontribwixxi b’mod deċiűżiv għas-sħubija ACP-UE;

12.

Iqis li r-riűżoluzzjonijiet fuq imsemmija tal-JPA dwar is-sitwazzjoni fid-Darfur u dwar is-sitwazzjoni fid-DRC, huma eűżempji sinifikattivi ta’ dan id-djalogu msaħħaħ;

13.

Iqis li l-JPA, li huwa forum għal dibattiti bejn Parlamentari tal-UE u dawk tal-ACP, għandha rwol poűżittiv fid-djalogu politiku u fit-tfittxija ta’ ftehim globali u inkluűżiv għall-paċi u għall-iűżvilupp tal-poplu tad-Darfur;

14.

Jistieden lill-JPA sabiex tikkontribwixxi għall-isforzi ta’ sensibilizzazzjoni tal-komunità internazzjonali dwar il-konflitti li qed jolqtu lill-Kivu tat-Tramuntana u lil bosta reġjunijiet tal-Lvant tad-DRC sabiex tiġi promossa soluzzjoni politika negozjata għall-kriűżi u sabiex tappoġġja kull attività li tista’ tiġi ssuġġerita minn soluzzjoni negozjata bħal din;

15.

Jistieden lill-JPA sabiex tkompli u twessa’ d-djalogu mal-Parlament Pan-Afrikan u mal-parlamenti ta’ organizzazzjonijiet reġjunali minħabba l-importanza li għandha l-integrazzjoni tar-reġjun għall-paċi u għall-iűżvilupp tal-pajjiűżi tal-ACP;

16.

Jilqa’ d-dibattitu li sar dwar is-sitwazzjoni fis-Somalja waqt is-sessjoni fuq imsemmija tal-JPA f’Kigali, li juri li l-JPA tista’ sservi ta’ forum biex jindirizza dawn il-kwistjonijiet kumplessi; jiddeplora madankollu li ma kien hemm ebda titjib fis-sitwazzjoni fis-Somalja u din għadha “kriűżi minsija”;

17.

Jiddeplora li l-JPA ma ġietx ikkonsultata biűżűżejjed waqt il-preparazzjoni tal-istrateġija konġunta UE-Afrika u jittama li l-JPA tkun involuta attivament fl-implimentazzjoni ta’ dik l-istrateġija;

18.

Jilqa’ l-fatt li l-laqgħat reġjunali li jipprevedu l-Ftehima ta’ Cotonou u r-Regoli ta’ Proċedura tal-JPA jistgħu sa fl-aħħar jibdew isiru mis-sena 2008; jittama li dawn il-laqgħat jippermettu tabilħaqq li jkun hemm diskussjonijiet fuq l-isfidi reġjunali, inkluűżi l-prevenzjoni u r-riűżoluzzjoni tal-konflitti, u li l-politika tal-EU tikkontribwixxi għall-intensifikazzjoni tal-koeűżjoni reġjunali; jenfasizza li dawn il-laqgħat ġew f’mument tabilħaqq opportun għan-neguzjati, il-konkluűżjoni u l-implimentazzjoni tal-EPAs u għandhom jingħataw prijorità; jappoġġja l-organizzazzjoni tal-ewwel laqgħa reġjonali f’April 2008 f’Windhoek fin-Namibja;

19.

Iħeġġeġ lill-JPA sabiex isaħħaħ l-irwol tal-Kumitat għall-Affarijiet Politiċi biex dan isir tabilħaqq forum għall-prevenzjoni tal-kunflitti fi ħdan is-sħubija ACP-UE u biex għal dan il-għan testendi d-dibattiti ġenerali fuq sitwazzjonijiet serji f’pajjiűżi indikati; jilqa’ x-xogħol li twettaq fil-qasam tal-governanza tajba, kif ukoll rigward l-elezzjonijiet u l-proċessi elettorali fil-pajjiűżi tal-ACP u tal-Unjoni u jħeġġeġ li jkun hemm koordinazzjoni mill-qrib bejn l-attivitajiet tal-parlamentari tal-ACP u dawk tal-Unjoni bħala osservaturi elettorali fi ħdan missjonijiet ta’ osservazzjoni elettorali tal-Unjoni;

20.

Jinnota b’sodisfazzjon ix-xewqa murija mill-Kumitat għall-Iűżvilupp Ekonomiku, Finanzi u Kummerċ tal-JPA li jinkariga ruħu minn kwistjonijiet li jirrigwardaw is-sigurtà tal-ikel, l-aktar fi űżmien meta l-Programm Dinji għall-Ikel (WFP) qed iwissi dwar l-għoli tal-prezzijiet, il-konsegwenzi tal-bidla fil-klima u n-nuqqas tal-ħaűżna ta’ ikel dinjija;

21.

Jisħaq fuq l-importanza tar-rapport deċiűż matul is-sessjoni fuq imsemmija ta’ Kigali dwar l-effikaċità tal-għajnuna u jħeġġeġ lill-JPA sabiex torganizza dibattitu fil-fond dwar il-kunċett ta’ għajnuna uffiċjali għall-iűżvilupp, dwar kwistjonijiet ta’ bbaġitjar u dwar forom alternattivi ta’ finanzjament għall-kooperazzjoni u l-iűżvilupp;

22.

Jenfasizza l-irwol li għandu l-Kumitat għall-Affarijiet Soċjali u għall-Ambjent tal-JPA rigward il-migrazzjoni ta’ ħaddiema kwalifikati u mard traskurat u jappoġġja d-deċiűżjoni tiegħu li jagħmel studju tal-impatt tal-programmi ta’ aġġustament strutturali;

23.

Jinnota b’sodisfazzjon il-parteċipazzjoni li dejjem qiegħda tikber ta’ parteċipanti mhux governamentali fis-sessjonijiet tal-JPA, kif ukoll il-fatt li avvenimenti li jseħħu fil-marġni ta’ dawn is-sessjonijiet issa qegħdin jagħtu l-appoġġ poűżittiv tagħhom; jitlob lill-JPA, lill-UE kif ukoll lill-pajjiűżi tal-ACP sabiex jinkuraġġixxu finanzjarjament u teknikament il-parteċipazzjoni tas-soċjetajiet ċivili tal-pajjiűżi tal-ACP f’dawn ix-xogħlijiet; iqis bħala űżvilupp kostruttiv it-talbiet u l-proposti immirati biex dan jintlaħaq li se jsiru lill-Bureau u lill-JPA f’Settembru 2008;

24.

Jagħti istruzzjonijiet lill-President tiegħu sabiex jgħaddi din ir-riűżoluzzjoni lill-Kunsill u lill-Kummissjoni, lill-Kunsill tal-ACP, lill-JPA, lill-gvernijiet u lill-parlamenti tal-tal-pajjiűżi tal-ACP u lill-gvernijiet u lill-parlamenti tar-Repubblika Federali tal-Ġermanja u tar-Repubblika tal-Irwanda.

26.11.2009   

MT

Il-Ġurnal Uffiċjali tal-Unjoni Ewropea

CE 285/55

A.

billi suq finanzjarju integrat li jiffunzjona tajjeb huwa prekundizzjoni meħtieġa biex tiġi rrealizzata l-aġenda ta' Liżbona sabiex l-Unjoni Ewropea tkun ipprovduta bl-aktar ekonomija kompetittiva u dinamika bbażata fuq l-għarfien li hawn fid-dinja, li jkollha l-kapaċità ta' tkabbir ekonomiku sostenibbli b'impjiegi aktar u aħjar,

B.

billi l-banek ġenerali għandhom l-irwol essenzjali li jgħaddu, skond kif xieraq, il-kundizzjonijiet tal-politika monetarja lis-suq, partikolarment lill-intrapriżi ż-żgħar u ta' daqs medju (SMEs) u lill-konsumaturi,

C.

billi sabiex twettaq sa l-aħħar il-Pjan ta' Azzjoni għas-Servizzi Finanzjarji u twassal il-benefiċċji kollha tiegħu lill-konsumaturi u lill-bejjiegħa bl-imnut, jeħtieġ li s-servizzi finanzjarji ġenerali jittejbu,

D.

billi l-aċċess għas-servizzi bankarji bażiċi, bħal m'hu l-ftuħ ta' kont bankarju, huwa dritt ta' kull ċittadin,

E.

billi s-settur tal-operazzjonijiet bankarji ġenerali huwa importanti għall-ekonomija tal-UE f'dak li jirrigwarda t-tkabbir u l-impjiegi u l-importanza tiegħu għall-konsumaturi u l-intrapriżi ż-żgħar u ta' daqs medju (SMEs),

F.

billi jippersistu d-diffikultajiet marbuta mal-armonizzazzjoni tal-politika tal-konsumatur fl-Unjoni Ewropea u l-kumplessità inerenti tal-prodotti finanzjarji,

G.

billi l-politika tal-UE tal-kompetizzjoni hija -importanti biex jitlesta għal kollox is-suq intern u l-funzjonament tajjeb ta' kundizzjonijiet ġenwinament ugwali għall-atturi kollha,

H.

billi d-diversità tal-mudelli legali u tal-objettivi tan-negozji tal-entitajiet finanzjarji fil-qasam tal-operazzjonijiet bankarji ġenerali (banek, banek tat-tifdil, koperattivi, eċċ.) hija kwalità fundamentali għall-ekonomija tal-UE li tarrikkixxi l-qasam, tikkorrispondi għall-istruttura pluralista tas-suq u tgħin biex tiżdied il-kompetizzjoni fis-suq intern,

I.

billi hemm il-ħtieġa li jiġi bbilanċjat grad għoli ta' ħarsien tal-konsumatur mal-funzjonament xieraq tas-suq intern,

1.

Jappoġġja l-approċċ integrat tal-Kummissjoni li jinkludi l-appoġġ ta' politiki tas-suq intern b'indaġnijiet settorjali mmirati tajjeb; jiddispjaċih, madanakollu, minħabba ż-żmien li ntgħażel biex fih issir din l-indaġni settorjali u minħabba l-fatt li ma sar l-ebda studju dwar kif il-kundizzjonijiet tal-politika monetarja jiġu mgħoddija lis-suq bl-imnut; jinkoraġġixxi lill-Kummissjoni biex tibqa' ssegwi x-xogħol tagħha ladarba d-Direttiva dwar is-Suffiċjenza tal-Kapital, id-Direttiva dwar iz-Zona Waħdanija Euro ta' Pagament (Single European Payment Area (SEPA)), id-Direttiva dwar is-Servizzi ta' Pagament u d-Direttiva dwar il-Kreditu tal-Konsumatur ikunu wrew l-effetti tagħhom fil-prattika;

2.

Jiddispjaċih li l-indaġni settorjali dwar l-operazzjonijiet bankarji ġenerali ma tikkunsidrax biżżejjed l-ispeċifiċitajiet tas-settur bankarju li hu strettament irregolat u l-importanza tal-kultura, id-drawwiet u l-lingwi fl-għażliet tal-konsumatur u l-protezzjoni disponibbli fir-rigward tal-prodotti finanzjarji; jikkunsidra li n-nuqqas ta' mobilità tal-konsumatur fl-Unjoni Ewropea ħafna drabi hija ddettata mir-relazzjoni ta' fiduċja fuq medda twila ta' żmien li spiss tkun stabbilita bejn il-bank u l-konsumatur; jinsab imħasseb li l-evalwazzjoni tal-integrazzjoni tas-suq li għamlet il-Kummissjoni hija msejsa fuq għadd żgħir wisq ta' indikaturi ekonomiċi u konsegwentement tista' tonqos milli tirrifletti b'mod xieraq il-karatteristiċi ta s-settur ta' operazzjonijiet bankarji ġenerali;

3.

Ifakkar li l-politika tal-kompetizzjoni hija għodda qawwija biex jitlesta għal kollox is-suq intern imma li l-fatt li wieħed jimmira għal aktar kompetizzjoni la għandu jwassal biex fis-settur bankarju l-mod li bih wieħed jilqa' għar-riskju jiġi mdgħajjef u l-anqas ma għandu jqiegħed fil-periklu l-istabilità ta' settur partikularment kruċjali u strateġiku tal-ekonomija dinjija; jenfasizza li l-fiduċja tas-suq u tal-konsumatur it-tnejn huma essenzjali għall-iżvilupp ulterjuri tas-servizzi finanzjarji, u li l-promozzjoni tal-informazzjoni għall-konsumaturi rigward is-servizzi finanzjarji hija meħtieġa biex jissaħħaħ l-irwol tal-konsumaturi bħala parteċipanti tas-suq;

4.

Jirrimarka li qafas regolatorju li jkun frammentat ħafna huwa impediment għall-iżvilupp tal-forniment transkonfinali ta' servizzi bankarji; għalhekk, jappoġġja l-inizjattiva tal-Kummissjoni biex terġa' tibda tiġi evalwata d-Direttiva 2002/65/KE tal-Parlament Ewropew u tal-Kunsill tat-23 ta' Settembru 2002 li tikkonċerna l-promozzjoni minn distanza ta' servizzi finanzjarji għall-konsumaturi (7), li għandha tinvolvi wkoll l-eżami mill-ġdid tad-direttivi dwar il-kummerċ elettroniku (8) u l-firem elettroniċi (9) sabiex dawn ikunu jistgħu jilħqu l-għanijiet iddikjarati tagħhom b'mod effettiv;

5.

Huwa tal-fehma li anke l-implimentazzjoni tal-leġiżlazzjoni dwar il-ħasil tal-flus tista' tikkostitwixxi ostaklu għall-mobilità tal-konsumatur f'dak li jirrigwarda, pereżempju, il-ftuħ ta' kontijiet kurrenti transkonfinali, minħabba rekwiżiti differenti marbuta mal-identifikazzjoni u l-ivverifikar li l-banek iridu jissodisfaw; jistieden lill-Kummissjoni biex tevalwa l-impatt li għandhom fuq il-mobilità tal-konsumatur ir-regoli stipulati fil-leġiżlazzjoni dwar il-ħasil tal-flus;

6.

Jitlob lill-Kummissjoni biex taħdem ħalli tiffaċilita l-mobilità tal-konsumatur u biex timmoniterja l-progress li jagħmlu l-Istati Membri fil-prattika li biha jippermettu lill-konsumatur li jibdel il-fornitur, u b'hekk ikunu qed isaħħu kompetizzjoni ħajja u b'saħħitha bejn il-fornituri; jixtieq jara, kemm jista' jkun possibbli, li ma jsir l-ebda tħarbit tas-servizz anke meta jkun qed jingħalaq kont kurrenti jew meta jkun qed jiġi mibdul il-fornitur u li jiġi evitat kull irduppjar ta' servizzi li jkun jiswa ħafna;

7.

Iħeġġeġ li s-simplifikazzjoni tar-regoli tas-servizzi finanzjarji u t-tneħħija tal-ostakli għall-mobilità tal-konsumatur m'għandhomx iwasslu biex jitbaxxew l-istandards għall-ħarsien tal-konsumatur fl-Istati Membri;

8.

Jirrakkomanda li jkunu permessi biss tariffi li jkunu ġġustifikati għal kollox biex jingħalqu l-kontijiet, jekk ikun hemm, sabiex jiġu inkuraġġiti l-mobilità u l-kompetizzjoni; jinkuraġġixxi lill-industrija bankarja biex tiżviluppa l-aħjar prattiki dwar proċeduri ħfief u effiċjenti biex kont jinqaleb f'kont ieħor, filwaqt li jittieħed kont kemm tad-dewma tal-proċedura kif ukoll tal-ispejjeż li hemm marbuta magħha; huwa tal-fehma li meta wieħed jaqleb minn kont kurrenti għal ieħor m'għandha jkun ikkawżat l-ebda dannu lill-konsumatur; jopponi kull kundizzjoni kuntrattwali bla ħtieġa li timpedixxi l-mobilità tal-konsumatur;

9.

Jenfasizza li, fir-rigward tal-prodotti assoċjati flimkien, trid issir distinzjoni ċara bejn, minn naħa, il-kombinazzjonijiet ta' prodotti liema kombinazzjonijiet ikunu favorevoli kemm għall-klijent kif ukoll għall-bank u li jkunu komuni għall-fergħat kollha tal-ekonomija, u min-naħa l-oħra, l-prattiki li jwasslu għal kompetizzjoni inġusta;

10.

Jidhirlu li l-aċċess għas-servizzi finanzjarji bażiċi, bħal m'huwa l-ftuħ ta' kont bankarju, huwa dritt u jistieden lill-Kummissjoni biex tidentifika l-ostakoli li hemm għall-eżerċitar ta' dak id-dritt u l-aħjar prattiki ta' operaturi segwiti fis-settur finanzjarju ġenerali f'dak ir-rigward;

11.

Hu tal-fehma li t-tagħrif għall-konsumaturi huwa element fundamentali biex tkun żgurata l-kompetizzjoni fost il-banek; jitlob tagħrif li jkun ta' kwalità aħjar, li jkun jista' jinqara aħjar u għaldaqstant ikun aċċessibbli għall-konsumaturi; huwa tal-fehma li, għal issa, hija ħaġa li wisq drabi taħli ħafna ħin u li hija tqila wisq biex il-konsumaturi jakkwistaw tagħrif bħal dan;

12.

Jirrikonoxxi li hemm tensjoni bejn li ma jkunx hemm burbardamenti ta' tagħrif u li tipprovdi tagħrif suffiċjenti lill-konsumatur; jiffavorixxi l-kwalità tal-informazzjoni fuq il-kwantità; jitlob għaldaqstant lill-Kummissjoni sabiex tistieden lill-organizzazzjonijiet tal-konsumaturi jiddefinixxu liema tagħrif essenzjali jikkunsidraw li huwa meħtieġ sabiex il-konsumaturi jkunu jistgħu jagħmlu għażliet xierqa;

13.

Jitlob lill-Kummissjoni biex taħdem biex tiżgura li l-industrija, bħala suppliment għal dispożizzjonijiet nazzjonali eżistenti, tipprovdi lill-konsumaturi, qabel ma jiftħu xi kont, ġabra fil-qosor u ċara fejn jingħataw id-dettalji dwar l-ispejjeż kollha, inklużi l-ispejjeż biex jingħalaq kont, jekk ikun hemm, b'manjiera li tkun koparabbli madwar l-Unjoni Ewropea kollha; jistieden lill-Kummissjoni biex tipproponi leġiżlazzjoni xierqa fil-każ li l-industrija tonqos milli tirrispetta l-impenn tagħha;

14.

Jilqa' b'sodisfazzjon l-istudju tal-Kummissjoni tax-xenarju regulatorju għall-prodotti ta' investiment ġenerali u jittama li dan se jwassal għal żvelar aħjar tal-ispejjeż, ir-riskji u l-kundizzjonijiet, u b'hekk jipprovdi paraguni transkonfinali siewja;

15.

Jirrakkomanda li jinħoloq standard waħdieni tal-UE għall-forniment ta' tagħrif lill-klijenti mill-fornituri dwar il-prodotti bażiċi tagħhom, l-ispejjeż u l-kundizzjonijiet relatati sabiex jippermetti li jsir paragun faċli u trasparenti fejn fil-preżent il-prodotti marbuta ma jippermettux; jitlob li meta ssir talba jiġu żvelati l-ispejjeż tal-katina tal-valur ta' prodotti finanzjarji ġenerali sabiex jiġu żgurati kundizzjonijiet indaqs għall-kompetizzjoni; jissuġġerixxi lill-industrija li taħdem fuq il-fattibilità tal-ħolqien ta' mutur tat-tiftix (search engine) li jkun mifrux mal-UE kollha biex jippermetti li jsir paragun transkonfinali faċli u mingħajr ħlas;

16.

Jitlob li jiġu żviluppati programmi ta' edukazzjoni finanzjarja bil-għan li tikber il-kuxjenza tal-konsumaturi dwar l-għażliet tagħhom ta' mmaniġġar ta' flus;

17.

Jappoġġa l-isforzi li saru mill-Kummissjoni u mill-industrija tas-servizzi finanzjarji sabiex jiżdied il-livell ta' għarfien tal-konsumaturi dwar il-prodotti tas-servizzi finanzjarji u sabiex isiru programmi edukattivi f'dak il-qasam, minħabba li t-tagħrif li jipprovdu l-fornituri ta' prodotti tas-servizzi finanzjarji jrid jiġi mifhum u użat mill-konsumatur;

18.

Ifakkar fl-importanza li tiġi żviluppata edukazzjoni finanzjarja li tkun tikkumplementa l-ħarsien adegwat tal-konsumatur, b'mod speċjali fil-qasam tal-operazzjonijiet bankarji ġenerali (pereżempju f'dak li jirrigwarda s-self, l-ipoteki, it-tfaddil u l-investimenti diversifikati u sikuri); jistieden lill-Istati Membri u lis-settur bankarju sabiex jieħdu u jikkoordinaw miżuri biex iżidu l-għarfien finanzjarju fost iċ-ċittadini, inklużi t-tfal, iż-żgħażagħ, l-impjegati u l-persuni rtirati, bil-għan li jedukaw u jkabbru l-ħiliet tal-konsumaturi sabiex ikunu jistgħu jfittxu prodotti u servizzi aqwa, orħos u aktar xierqa u sabiex irawmu l-kompetizzjoni, il-kwalità u l-innovazzjoni fi ħdan l-industrija bankarja; ifakkar li investituri kunfidenti jistgħu jipprovdu likwidità addizzjonali għas-swieq tal-kapital;

19.

Jitlob lill-Istati Membri sabiex jikkunsidraw il-possibilità li jistabbilixxu istituzzjoni ta' ombudsmen nazzjonali indipendenti li jkunu responsabbli għas-servizzi finanzjarji;

20.

Jisħaq fuq l-importanza li jkun hemm data ta' min jorbot fuqha dwar il-kreditu u l-frodi għall-banek u fornituri oħra ta' kreditu, liema data tkun aċċessibbli fuq bażi ġusta u trasparenti; jinsisti, madanakollu, fuq il-ħtieġa li tiġi mħarsa d-data personali tal-konsumaturi; jitlob lill-Kummissjoni biex tidentifika l-ostakoli li jkun hemm fil-kondiviżjoni tad-data u biex tagħmel proposti għall-interoperabilità tar-reġistri tad-data filwaqt li tiġi rrispettata l-ħajja privata tal-konsumaturi u d-drittijiet tagħhom ta' aċċess u ta' rettifika; jidhirlu li l-konsumaturi għandhom ikunu mgħarrfa fil-każ li jsir xi stħarriġ transkonfinali rigward data fuq kreditu li jkun jikkonċernahom; jilqa' bi pjaċir l-intenzjoni tal-Kummissjoni li tistabbilixxi grupp ta' esperti dwar l-istorja tal-krediti sabiex jassisti lill-Kummissjoni fit-tħejjija tal-miżurif' dak ir-igward;

21.

Jistieden lill-Kummissjoni biex tintensifika x-xogħol tagħha fuq l-intermedjarji tal-kreditu (aġenti jew sensara) sabiex ikun żgurat il-ħarsien tal-konsumatur u jkunu evitati l-prattiki ta' bejgħ li ma jkunux trasparenti biżżejjed u li huma partikularment ta' ħsara għall-gruppi ta' konsumaturi li huma aktar vulnerabbli; jilqa' b'sodisfazzjon l-impenn tal-Kummissjoni, f'dan il-kuntest, li tippubblika studju li janalizza s-suq tal-intermedjazzjoni tal-kreditu tal-UE, li jeżamina mill-ġdid il-qafas regolatorju tiegħu u li jeżamina jekk hemmx xi dispożizzjonijiet li huma ta' detriment għall-konsumaturi;

22.

Jitlob lill-Kummissjoni biex tikkjarifika u tarmonizza d-dmirijiet u r-responsabilitajiet tal-intermedjarji tal-kreditu skond il-prinċipju ta' ‘l-istess negozju, l-istess riskji, l-istess regoli’, peress li sikwit jitfaċċaw il-problemi fil-bejgħ, l-amministrazzjoni u l-infurzar tal-ftehim tas-servizzi finanzjarji; jirrimarka li approċċ li ma jkunx iddivrenzjat fejn ‘daqs wieħed jiġi lil kulħadd’ ikun jaffettwa d-diversità tal-prodotti b'mod avvers; jiġbed l-attenzjoni tal-Kummissjoni lejn id-differenza li hemm bejn tagħrif li jrid ikun ċar, konċiż, li jista' jinqara u mingħajr spejjeż fuq n-naħa 'l waħda, u servizzi konsultattivi mfassla apposta għall-klijent fqu l-oħra;

23.

Jilqa' b'sodisfazzjon l-eżami ulterjuri li wettqet lil-Kummissjoni tal-kooperazzjoni bejn il-banek sabiex tevalwa jekk kooperazzjoni bħal din tistax tirriżulta f'benefiċċji ekonomiċi u f'benefiċċji għall-konsumatur u jekk tistax twassal għal restrizzjoni tal-kompetizzjoni; jissottolinja, madankollu, li l-koperazzjoni ta' bejn il-banek, pereżempju l-istituzzjonijiet tal-kreditu li joperaw f'networks deċentralizzati, tista' tirriżulta f'benefiċċji għall-ekonomija u f'benefiċċji għall-konsumatur u li, għalhekk, huma meħtieġa analiżi bir-reqqa u approċċ li ma jkun ixaqleb lejn l-ebda naħa;

24.

Huwa tal-fehma li l-banek tat-tfaddil u l-banek kooperattivi, kif ukoll istituzzjonijiet tal-kreditu oħra, jagħtu kontribut sostanzjali għall-finanzjament tal-ekonomija lokali u għall-iżvilupp tal-potenzjal indiġenu tar-reġjuni u jiffaċilitaw l-aċċess għas-servizzi finanzjarji għall-konsumaturi kollha; jisħaq li l-pluraliżmu tas-swieq bankarji u d-diversità tal-fornituri huma prekundizzjonijiet għall-kompetizzjoni fis-suq bankarju kollu tal-UE kemm-il darba ma jkunx hemm tgħawwiġ tal-kompetizzjoni u jkunu ggarantiti l-istess kundizzjonijiet għall-parteċipanti tas-suq kollha skond il-prinċipju, ‘l-istess negozju, l-istess riskji, l-istess regoli’;

25.

Isostni li l-kooperazzjoni non-diskriminatorja ta' bejn entitajiet ta' kreditu indipendenti, li, peress li għadhom jikkompetu bejniethom, hija aktar effiċjenti u tiżgura interoperabilità akbar u varjetà ta' servizzi għall-konsumatur aħħari, tista' tgħin lis-settur jiffunzjoni u jikkontribwixxi biex jintlaħqu l-objettivimsemmija hawn fuq;

26.

Jinsab fiduċjuż li s-SEPA u d-Direttiva dwar is-Servizzi ta' Pagament għandhom jipprovdu soluzzjonijiet għall-frammentazzjoni u n-nuqqas ta' kompetizzjoni identifikati mill-indaġni settorjali rigward l-infrastrutturi ta' pagament; ifakkar li l-ewwel fażi tas-SEPA daħlet fis-seħħ fit-28 ta' Jannar 2008 u tirrikjedi pjattaformi integrati ta' approvazzjoni u ta' saldu, filwaqt li topera fuq il-bażi tal-istess regoli u standards tekniċi; jenfasizza li l-kriterji tal-aċċess għas-SEPA għandhom ikunu ġusti u miftuħa, u li l-governanza għandha tikkunsidra lill-partijiet kollha li għandhom interess fis-sistema, mhux sempliċement l-istituzzjonijiet finanzjarji; ifakkar ukoll li d-Direttiva dwar is-Servizzi ta' Pagament tipprovdi li m'għandu jkun hemm l-ebda diskriminazzjoni dwar l-aċċess għas-sistemi ta' pagament ħlief dik li hi meħtieġa biex issir salvagwardja kontra r-riskju u biex tkun imħarsa l-istabilità finanzjarja u operazzjonali; jiġbed l-attenzjoni lejn il-fatt li skond il-prinċipju tan-newtralità tal-politiki Komunitarji, m'għandu jiġi ffavorit l-ebda metodu waħdieni ta' pagament fuq metodu ieħor, u l-ispejjeż marbuta mal-użu tas-sistemi ta' pagament differenti għandhom ikunu trasparenti sabiex il-klijenti jkunu jistgħu jagħżlu l-metodu ta' ħlas tagħhom bl-għarfien sħiħ tal-fatti;

27.

Jistieden lill-Kummissjoni biex tinvestiga jekk it-traspożizzjoni tad-Direttiva dwar is-Servizzi ta' Pagament hijiex qiegħda tnaqqas il-għadd ta' fornituri tas-servizzi ta' pagamenti ta' saldu u biex minnufih tieħu l-passi jekk fornituri ewlenin jiżviluppaw pożizzjoni ta' monopolju li tkun tista' tnaqqas il-kompetizzjoni;

28.

Jinnota li l-Kummissjoni u bosta awtoritajiet nazzjonali tal-kompetizzjoni f'għadd kbir ta' okkażjonijiet iddikjaraw li d-drittijiet ta' interskambju multilaterali (multilateral interchange fees — MIFs) m'humiex ipprojbiti per se skond l-Artikolu 81 tat-Trattat KE; madankollu jinnota li l-Kummissjoni dan l-aħħar kienet iffokat fuq il-kompatibilità ta' sistema ta' MIFs mal-liġi Komunitarja tal-kompetizzjoni; jirrakkomanda li l-Kummissjoni tipproponi linji gwida u indikazzjonijiet ċari biex jiġu msewwija l-imperfezzjonijiet tas-suq; ifakkar lill-Kummissjoni fl-importanza taċ-ċertezza legali biex il-parteċipanti tas-swieq kif ukoll dawk li għadhom deħlin ġodda fis-swieq jiżviluppaw is-servizzi tagħhom u jagħmluhom innovattivi;

29.

Jemmen fi ħtieġa qawwija li ssir kjarifika aħjar rigward il-metodoloġija u r-regoli għall-ġestjoni tal-MIFs għall-pagamenti li jsiru bil-karta u għall-mekkaniżmu biex jiġu kkalkulati t-tariffi interbankarji għall-magni awtomatizzati tal-ġbid tal-flus (ATMs) u għall-pagamenti li ma jsirux bil-karta; ifakkar li l-iskemi ta' trasferiment dirett ta' debitu u ta' kreditu, bħal m'huma dawk skond is-SEPA, jagħtu appoġġ lil servizzi li huma offruti b'mod konġunt minn żewġ fornituri ta' servizzi ta' pagament u li jkunu mitluba b'mod konġunt minn żewġ konsumaturi, u b'hekk ikunu qed joħolqu benefiċċji ekonomiċi grazzi għall-hekk imsejħa effetti tan-networks; jissuġġerixxi li l-Kummissjoni tistabbilixxi u tikkomunika lill-partijiet interessati kollha l-kriterji għad-definizzjoni min-naħa tal-operaturi tal-metodoloġija li għandha tintuża biex jiġu kkalkulatil-MIFs kollha, li tagħhom, għalhekk, il-Kummissjonigħandha tieħu kont, sabiex jiġu żgurati kundizzjonijiet ġenwinament indaqs għal kulħadd u biex jiġi żgurat ukoll l-infurzar tar-regoli kollha tal-kompetizzjoni;

30.

Ifakkar lill-Kummissjoni li huwa importanti li wieħed jiffoka fuq it-tariffi u il-prezzijiet, daqs kemm huwa importanti li wieħed jasal għal trasparenza akbar tal-industrija meta wieħed ikun qed jgħarraf lill-konsumaturi dwar il-karatteristiċi tal-prodotti u s-servizzi ta' pagament u dwar id-drittijiet u l-obbligi tagħhom bħala utenti, u b'hekk tiġi mqanqla aktar kompetizzjoni fis-suq;

31.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-Bank Ċentrali Ewropew kif ukoll lill-Kumitat tal-Kontrolluri Bankarji Ewropej.

26.11.2009   

MT

Il-Ġurnal Uffiċjali tal-Unjoni Ewropea

CE 285/61

A.

billi l-approvazzjoni taċ-ċittadini favur l-integrazzjoni Ewropea tiddependi mill-vantaġġi konkreti li jieħdu minnha; billi ċ-ċittadini kollha, għalhekk, għandu jkollhom sehem xieraq fit-tgawdija mill-vantaġġi tas-suq intern,

B.

billi l-operazzjonijiet bankarji għall-konsumatur għandhom irwol deċiżiv fir-trażmissjoni xierqa tal-kundizzjonijiet tal-politika monetarja għas-suq, partikularment għall-konsumaturi u impriżi żgħar u ta’ daqs medju (SMEs),

C.

billi skond it-Trattat ta’ Liżbona, il-mudell ekonomiku Ewropew huwa l-ekonomija tas-suq soċjali sostenibbli;

D.

billi reċentement l-integrazzjoni tas-suq intern għas-servizzi finanzjarji għamlet progress mgħaġġel fir-rigward ta’ negozji kbar, iżda s-suq internwieħed ta’ servizzi finanzjarji għall-konsumaturi u l-SMEs għadu jista’ jitjieb,

1.

Jilqa’ b’sodisfazzjon il-Green Paper li tkopri l-banek, l-assigurazzjoni u l-prodotti tal-pensjoni, kif ukoll dwar l-għanijiet tagħha, li huma li toffri vantaġġi konkreti għall-konsumaturi permezz ta’ għażla akbar u prezzijiet aktar baxxi, titjib fil-fiduċja tal-konsumaturi u aktar poteri lilhom;

2.

Jinnota li mhux biss klijenti privati iżda wkoll negozji żgħar u medji jaċċettaw anqas is-servizzi finanzjarji transkonfinali; jenfasizza l-ħtieġa li l-vantaġġi tas-suq finanzjarju intern jibbenefika wkoll in-negozji ż-żgħar; jiġbed l-attenzjoni madanakollu li dan ma jimplikax estensjoni tal-liġi tal-protezzjoni tal-konsumatur għall-SMEs; Jenfasizza, barra minn hekk, li strateġija komprensiva għall-konsumatur tinkludi numru kbir ta’ miżuri, li waħda minnhom hija l-liġi tal-protezzjoni tal-konsumatur;

3.

Iqis li, min-naħa tad-domanda, il-forniment ta’ servizzi finanzjarji għall-konsumaturi u SMEs se tibqa’ l-biċċa l-kbira kwistjoni lokali, minħabba fatturi lingwistiċi u kulturali u l-preferenza tan-nies għall-kuntatt personali; jirrikonoxxi, fl-istess waqt, l-opportunitajiet ippreżentati bl-iffaċilitar tal-aċċess tas-swieq għall-konsumatur fuq in-naħa tal-offerta; għalhekk lill-konsumaturi u lill-SMEs biex jieħdu vantaġġ tal-benefiċċji li l-kompetizzjoni u l-provvista ta’ servizzi finanzjarji transkonfinali jistgħu joffru;

4.

Jenfasizza li suq intern ta’ servizzi finanzjarji għall-konsumaturi jista’ jinħoloq biss permezz ta’ miżuri li b’mod bilanċjat jipprovdu ambjent mingħajr riskji kemm għad-domanda u kemm għall-provvistainkluż fir-rigward tal-kundizzjonijiet għall-kumpens; iqis li hu kruċjali li miżuri bħal dawn għandhom jiftħu l-possibilitajiet għal prodotti, servizzi u parteċipanti tas-suq ġodda;

5.

Jenfasizza l-ħtieġa li jiġu eżaminati u ddefiniti oqsma u mandati nazzjonali favur koperazzjoni fost awtoritajiet ta’ superviżjoni biex jipprovdu soluzzjonijiet prattiċi għas-superviżjoni ta’ gruppi ta’ operazzjonijiet finanzjarji transkonfinali f’perjodu ta’ żmien qasir; jiffavorixxi kulleġġi ta’ superviżuri li jittrattaw konglomerati finanzjarji multi-ġurisprudenzjali;

6.

Jappoġġja lill-Kummissjoni fil-għan tagħha biex issegwi biss inizjattivi li b’mod ċar joffru liċ-ċittadini benefiċċji tanġibbli, li huma ġustifikati sewwa permezz ta’ analiżi ddettaljati tar-relazzjoni bejn l-ispiża u l-qligħ u li kienu suġġetti għal studji mmexxija sew dwar l-impatt tagħhom; jaqbel li attività transkonfinali hija kruċjali biex tiżdied il-kompetizzjoni, fatt li ġeneralment joħloq iktar għażla, inqas spejjeż u żvilupp iktar dinamiku;

7.

Jiġbed l-attenzjoni li studju mmexxi sew dwar l-impatt dejjem għandu jinkludi rendikont korrett li jiżgura l-kundizzjonijiet oriġinali tas-suq; jenfasizza li l-evalwazzjoni tal-integrazzjoni u l-kompetitività ta’ suq u l-impatt ta’ inizjattiva għandhom jiġu evalwati mhux biss permezz ta’ indikatur wieħed waħdu iżda abbażi tal-akbar numru possibbli ta’ valuri ta’ kejl; jitlob lill-Kummissjoni biex tqis mhux biss il-prezz u l-varjetà ta’ offerta tas-suq iżda wkoll il-kwalità tas-servizzi u l-kuntest soċjali u kulturali;

8.

Jiġbed l-attenzjoni li l-approċċi leġiżlattivi li bħalissa huma disponibbli mmiraw li jkun hemm armonizzazzjoni sħiħa, li jfisser armonizzazzjoni sħiħa ta’ dawk l-elementi ewlenin li huma meqjusa meħtieġa, huma l-approċċi xierqa għall-iżvilupp ta’ negozju transkonfinali u għall-protezzjoni tal-konsumatur u għalhekk l-integrazzjoni tas-suq tal-konsumaturi; iqis li fil-każ ta’ aspetti li l-armonizzazzjoni tagħhom ma tkunx fattibbli, għandu japplika r-rikonoxximent reċiproku rigward regoli nazzjonali differenti;

9.

Jinsab konxju li l-alternattiva tat-28 reġim, bħall-Qafas Komuni ta’ Referenza, ġie identifikat bħala approċċ possibbli ġdid għar-regolamentazzjoni Ewropea, li jippermetti lill-utenti transkonfinali aċċess għall-prodotti finanzjarji pan-Ewropej bi standard għoli b’mod ugwali għall-protezzjoni tal-konsumatur; jistieden lill-Kummissjoni biex tressaq limitu ta’ żmien sabiex issir investigazzjoni ddettaljata dwar jekk it-28 reġim jistax ikun fattibbli, fil-każ ta’ talba min-naħa tal-industrija tas-servizzi finanzjarji jew mill-konsumaturi u jekk f’dak il-każ tistax tipproduċi riżultati pożittivi; jenfasizza li t-28 reġim bl-ebda mod ma għandu jostakola s-servizzi u l-prodotti l-ġodda;

10.

Mhux konvint dwar l-idea ta’ standardizzazzjoni tal-prodotti permezz tal-leġiżlazzjoni, minħabba li dan jimmina l-għan ta’ diversità akbar tal-prodotti; iqis li biex titjieb il-kompatibilità ta’ prodotti finanzjarji li jikkompetu ma’ xulxin, l-uniku pass ’il quddiem huwa l-armonizzazzjoni legali pereżempju ta’ informazzjoni jew ta’ ħtiġijiet prudenzjali;

11.

Iqis li f’ċertu każijiet, l-awtoregolazzjoni tal-industrija tas-servizzi finanzjarji tista’ tkun effettiva; jenfasizza li b’mod partikolari f’dawn il-każijiet speċifiċi, l-awtoregolazzjoni għandha tkun inkoraġġita u l-implimentazzjoni tagħha għandha tkun immoniterjata sew; jitlob lill-industrija tas-servizzi finanzjarji biex taħdem kostantement favur l-għanijiet tal-Green Paper permezz ta’ awtoregolazzjoni u b’hekk tonqos il-ħtieġa għal leġiżlazzjoni;

12.

Jirrimarka li fil-kummerċjalizzazzjoni tat-tfaddil u tal-pensjonijiet tax-xjuħija trid tiġi applikata responsabilità ta’ attenzjoni partikulari, minħabba li d-deċiżjonijiet li jieħdu l-konsumaturi f’dan il-qasam normalment ikunu deċiżjonijiet ta’ importanza kbira għalihom;

13.

Jenfasizza li, għall-ħolqien ta’ suq intern tas-servizzi finanzjarji għall-konsumaturi u l-SMEs, il-ħolqien ta’ kompetizzjoni madwar il-Komunità u l-forniment ta’ servizzi finanzjarji transkonfinali huma fost ir-rekwiżit fundamentali; jiġbed l-attenzjoni li prezzijiet aktar baxxi, iżjed għażla u kwalità aħjar prinċipalment jirriżultaw minn kompetizzjoni b’saħħitha bejn il-fornituri tas-servizzi finanzjarji; jenfasizza li d-direttivi dwar is-servizzi finanzjarji favur l-SMEs se jkollhom benefiċċji biss jekk ikun hemm kompetizzjoni effettiva bejn il-fornituri tas-servizzi finanzjarji għall-konsumaturi;

14.

Jilqa’ b’sodisfazzjon l-inizjattiva tal-industrija biex tinħoloq Zona Euro Unika ta’ Pagamenti, iżda jenfasizza li sistema bħal din għandha twassal għal iżjed trasparenza, speċjalment fir-rigward tal-miżati tal-iskambju (interchange fees);

15.

Ifakkar lill-Kummissjoni li kompetizzjoni effettiva bejn il-fornituri tas-servizzi finanzjarji hija garantita billi jkun hemm numru kbir ta’ parteċipanti fis-suq li jikkompetu b’kundizzjonijiet ugwali u informazzjoni kostanti relatata mal-konsumatur; ifakkar fir-riżoluzzjoni tiegħu dwar il-konsolidazzjoni tal-industrija tas-servizzi finanzjarji, li fiha jistqarr li l-istruttura pluralistika tas-suq bankarju tal-UE, fejn l-istituzzjonijiet finanzjarji jista’ jkollhom forom legali differenti skond l-għanijiet differenti tagħhom tan-negozju, hija vantaġġ kbir għall-ekonomija tas-suq soċjali Ewropew; għall-konsumatur u għall-istabbilità tas-swieq finanzjarji;

16.

Jinnota l-irwol importanti li għandhom l-assiguraturi reċiproċi fis-suq tal-assigurazzjoni tal-UE, b’68 % ta’ kumpaniji tal-assigurazzjoni u 25 % tas-sehem fis-suq, li jaqdu iżjed minn 230 miljun ċittadin Ewropew; jenfasizza li l-għodod attwali tal-iżvilupp tan-negozju fis-suq intern m’humiex kompatibbli mal-istruttura korporattiva reċiproka;

17.

Jirrimarka li statut għal soċjetà reċiproka Ewropea għandha tippermetti lill-assiguraturi reċiproċi li jaħdmu bl-istess kundizzjonijiet bħall-intrapriżi tal-assigurazzjoni l-oħrajn, b’mod partikulari f’sitwazzjoni transkonfinali, u b’hekk tiżdied l-offerta tal-prodotti tal-assigurazzjoni; jenfasizza li l-organizzazzjonijiet reċiproċi, minħabba t-tmexxija tagħhom li tinvolvi b’mod dirett lill-konsumaturi, jikkontribbwixxu għal żieda fil-kunfidenza ġenerali tal-konsumatur fis-swieq finanzjarji tal-UE; jemmen bil-qawwa li l-fasla parteċipattiva tat-tmexxija f’organizzazzjonijiet reċiproċi għandha l-ħila żżid l-għarfien tal-konsumaturi tas-swieq finanzjarji u l-parteċipazzjoni tagħhom fihom;

18.

Jinnota li kompetizzjoni vera u ġusta tista’ tinħoloq biss meta jkun hemm kundizzjonijiet ġusti u l-istess; jikkonkludi li kull leġiżlazzjoni għandha ssegwi l-prinċipju ta’ “i-istess negozji, l-istess riskji, l-istess regoli”; ifakkar, madankollu, li fis-settur tas-servizzi finanzjarj, id-disinn tal-prodotti huwa partikolarment influwenzat mill-ambjent regolatorju u approċċ fejn “qies wieħed jiġi lil kulħadd” jaffettwa d-diversità tal-prodott b’mod negattiv; jenfasizza għalhekk l-importanza li jsir divrenzjar skond it-tip ta’ prodott; Jinsab konvint madanakollu li hemm bżonn ta’ trasparenza komparabbli u rekwiżiti ta’ żvelar għall-prodotti ta’ investiment li qed jikkompetu ma’ xulxin, b’mod partikolari fil-punt tal-bejgħ; jiddispjaċih li s’issa l-kwistjoni ta’ prodotti finanzjari komplessi ma ġietx indirizzata kif suppost; għalhekk jistieden lill-Kummissjoni biex tindirizza inkonsistenzi mhux ġustifikati u nuqqasijiet oħra tal-qafas regolatorju kkonċernat;

19.

Iħeġġeġ lill-Kummissjoni biex tippreżenta proposti biex jiġu ssimplifikati r-rekwiżiti regolatorji fir-rigward tad-distribuzzjoni u l-organizzazzjoni ta’ prodotti għall-konsumatur komparabbli u t-tagħrif dwarhom; barra minn hekk huwa tal-fehma li proposti bħal dawn għandhom ikunu bbażati fuq il-prinċipji stabbiliti fid-Direttiva 2004/39/KE (6) tal-Parlament Ewropew u tal-Kunsill tal-21 ta’ April 2004 dwar is-swieq fi strumenti finanzjarji, bħal m’huma dawk ta’ “l-aħjar parir” u “kun af il-klijent tiegħek”;

20.

Jiddispjaċih li fornituri transkonfinali tas-servizzi finanzjarji ikollhom spejjeż kbar u jbatu minn inċertezza legali bħala riżultat tad-dispożizzjonijiet legali differenti u prattika differenti tal-awtoritajiet nazzjonali ta’ kontroll; jitlob lill-Kumitati Lamfalussy biex isaħħu l-ħidma tagħhom għall-istabbiliment ta’ standards uniformi tal-UE; jiffavorixxi, b’mod partikolari, qbil fuq formoli sempliċi u prattiċi standardizzati għall-proċeduri ta’ rappurtar u ta’ awtorizzazzjoni;

21.

Iqis, li l-iżvilupp ta’ servizzi tal-Internet jibdel il-prospetti għas-swieq finanzjarji tal-UE u jippreżenta opportunità biex inkunu minn ta’ quddiem fl-iżvilupp tas-servizzi għall-konsumatur; jitlob lill-Kummissjoni u lill-Istati Membri biex jippromwovu aktar l-e-commerce u l-firma elettronika; jitlob ukoll lill-Kummissjoni u lill-Istati Membri biex jevalwaw jekk id-direttiva dwar il-ħasil tal-flus (7) hiex qiegħda tostakola l-forniment tas-servizzi minn distanza u kif din is-sitwazzjoni tista’ tiġi rranġata;

22.

Jirrikonoxxi l-importanza kbira ta’ intermedjarji tas-servizzi finanzjarji (aġenti u brokers), fil-forniment tas-servizzi finanzjarji minn Stati Membri oħra lill-konsumaturi u lill-SMEs; jitlob lill-Kummissjoni biex tiżgura qafas li jsaħħaħ dan is-settur industrijali; Jerġa’ jtenni li kwalunkwe qafas għal dan is-settur għandu jimxi mal-prinċipju “l-istess negozju, l-istess riskji, l-istess regoli”, filwaqt li jkun evitat l-aproċċ mhux adattat sew ta’ “qies wieħed jiġi lil kulħadd”; jenfasizzali kwalunkwe dispożizzjoni għal intermedjarji għandha tiżgura ċertezza legali għall-aġenti u brokers, kif ukoll il-protezzjoni tal-konsumaturi, pereżempju minn prattiki ta’ bejgħ dubbjużi; jenfasizza barra minn hekk li għandhom jiġu stabbiliti wkoll regoli dwar it-taħriġ ta’ intermedjarji tas-servizzi finanzjarji u tar-reklamar u tal-konsulenza tal-bejgħ;

23.

Ifakkar fl-importanza tal-edukazzjoni finanzjarja li qed tiżviluppa bħala kumpliment għall-protezzjoni adegwata tal-konsumatur; jitlob lill-Istati Membri u lill-partijiet kollha interessati sabiex jieħdu u jikkoordinaw miżuri sabiex iżidu l-litteriżmu finanzjarju fost iċ-ċittadini — inkluż fost it-tfal, iż-żgħażagħ, l-impjegati u l-irtirati — bi l-għan li l-konsumatur ikollu aktar poter u jkun aktar edukat sabiex ikun jista’ jfittex prodotti u servizzi aħjar, orħos u li jkunu tajbin għalih, tittejjeb il-kompetizzjoni, il-kwalità u l-innovazzjoni fi ħdan l-industrija u jinbnew organizzazzjonijiet ta’ konsumaturi litterati fil-qasam finanzjarju li jservu ta’ kontrapiż għall-irwol tan-negozju fil-proċess ta’ preparazzjoni tar-regolament; ifakkar li ċittadini li huma konfidenti fl-investiment jistgħu jipprovdu likwidità addizzjonali għas-swieq kapitali;

24.

Ifakkar li differenzi fil-liġi dwar it-taxxi huma waħda mill-ostakli għas-suq intern għas-servizzi finanzjarji; ifakkar lill-Istati Membri fir-responsabilità kbira tagħhom f’dan is-settur;

25.

Jitgħallem minn ċertu eżempji ta’ taqlib bankarju li ġara dan l-aħħar, bħall-każijiet li involvew Northern Rock, IKB, Sachsen LB u Societe Generali, u jirrikonoxxi li s-sistemi ta’ remunerazzjoni fil-banek għandhom jingħataw forma ġdida fuq il-bażi ta’ linji gwida minn awtoritajiet superviżorji sabiex jiġu miġġielda b’aktar effiċjenza fenomini ta’ periklu morali u jiġi msaħħaħ l-irwol tas-sistemi prudenti ta’ ġestjoni ta’ riskju;

26.

Jiġbed l-attenzjoni dwar l-importanza li isitituzzjonijiet ta’ kreditu u intermedjarji ta’ dejta dwar kreditu jkollhom aċċess transkonfinali mingħajr diskriminazzjoni għar-reġistri ta’ dejta dwar kreditu u dwar frodi; iħeġġeġ lill-banek biex jużaw l-informazzjoni dwar dejta ta’ kreditu disponibbli, speċjalment sabiex tkun iffaċilitata l-mobilità tal-klijenti, li tħeġġeġ kompetizzjoni tajba; madankollu, jenfasizza li fl-istess ħin għandha tiġi garantita protezzjoni tajba ħafna tad-dejta tal-konsumatur kif ukoll ikun garantit id-dritt tal-konsumatur li jispezzjona u, jekk ikun neċessarju, jikkoreġi d-dejta personali tiegħu;

27.

Iħeġġeġ lill-Kummissjoni sabiex tiċċara l-istejtus legali u l-qafas superviżorju tal-fornituri tal-kreditu lill-konsumaturi mhux bankarji bħal dawk li huma aċċessibbli biss permezz tal-Internet u/jew permezz ta’ messaġġ testwali;

28.

Jenfasizza l-importanza ta’ dejta affidabbli għall-għoti ta’ self bankarju, li għandu jkun disponibbli fuq il-bażi ta’ kriterji ġusti u trasparenti;

29.

Iħeġġeġ lill-Kummissjoni biex tappoġġja l-koperazzjoni fl-industrija tal-assigurazzjoni fil-promozzjoni tal-aċċess għas-suq; jitlob lill-Kummissjoni biex testendi r-Regolament (KE) Nru 358/2003 għal wara l-2010;

30.

Iqis t-tneħħija tar-rekwiżit li għabdi jinħatar rappreżentant fiskali meta jibdew attivitajiet fi Stat Membru ieħor għandu jkun possibbli biss jekk ikun hemm il-qafas legali li jiddefinixxi l-kompetenzi superviżorji u r-responsabilitajiet ta’ operazzjonijiet transkonfinali;

31.

Jappoġġja lill-Kummissjoni fl-isforzi tagħha li teżamina d-dispożizzjonijiet kollha nazzjonali obbligatorji ta’ interess ġenerali għall-konformità tagħhom mal-liġi Komunitarja;

32.

Jistieden lill-Kummissjoni biex tkompli il-ħidma tagħha fuq Statut għas-soċjeta reċiproka Ewropea billi tagħti bidu għal studju ta’ fattibilità għal dak il-proġett leġiżlattiv;

33.

Jenfasizza li, filwaqt li jitlob li l-leġiżlazzjoni Komunitarja dwar is-servizzi finanzjarji għall-konsumatur timmira dejjem għal standards ta’ ħarsien għall-konsumatur għolja ħafna, l-operaturi tas-suq kollha — inklużi l-konsumaturi/investituri — jeħtieġ li jkunu kompletament konxji tal-prinċipju bażiku tas-suq finanzjarju li kwalunkwe opportunità ta’ profitti ogħla hija riflessa minn riskju ogħla, u dak ir-riskju huwa element indispensabbli ta’ kwalunkwe suq finanzjarju funzjonali; jisħaq ukoll fuq il-punt li għandu jsir sforz li jintlaħaq kompromess tajjeb bejn l-ogħla livell ta’ ħarsien għall-konsumatur u l-iffunzjonar perfett tal-mekkaniżmi tas-suq intern; hu tal-opinjoni li l-Kummissjoni għandha tinkoraġġixxi inizjattivi nazzjonali li jwasslu fehim finanzjarju ħalli tassigura komprensjoni eżatta tal-prinċipju ta’ riskju-redditu kif ukoll tal-karatteristiċi speċifiċi tal-istrumenti finanzjarji;

34.

Jirrikonoxxi l-fatt li għalkemm id-domanda għall-finanzi atl-konsumatur illum primarjament hija waħda domestika, l-operazzjonijiet bankarji permezz tal-Internet u b’mezzi elettroniċi (e-banking) saru strumenti ewlenin għall-konsumaturi li jkunu jixtiequ jidħlu f’attivitajiet finanzjarji ta’ natura transkonfinali għall-konsumatur; għalhekk, jistieden lil dawk kollha interessati biex jippromwovu l-iżvilupp ta’ servizzi bħal dawn, filwaqt li fl-istess ħin jiżguraw is-sigurtà tal-korrispondenza elettronika, b’mod partikulari fir-rigward tal-konsumaturi;

35.

Jisħaq, madankollu, li l-konsumaturi li m’għandhomx aċċess għal dawn it-teknoloġiji jew li għandhom diffikultà biex jużawhom, per eżempju minħabba l-età tagħhom, m’għandhomx jintesew;

36.

Huwa tal-fehma li s-simplifikazzjoni tar-regoli tas-servizzi finanzjarji u t-tneħħija tal-ostakoli għall-mobilità tal-konsumatur m’għandhomx iwasslu biex fl-Istati Membri jitbaxxew l-istandards għall-ħarsien tal-konsumatur;

37.

Jieħu nota tar-Riżoluzzjoni tiegħu tal-11 ta’ Lulju 2007 b’mod partikulari r-rakkomandazzjoni li fiha għall-ħolqien ta’ “linja baġitarja Ewropea li tiffinanzja kompetenza fis-suq finanzjarju fl-organizzazzjonijiet tal-konsumaturi u tal-SMEs”;

38.

Jaqbel li konsumaturi li jixtiequ jibdlu l-fornitur tas-servizzi finanzjarji għandhom ikunu fil-libertà li jagħmlu dan fi kwalunkwe ħin, suġġett biss għall-inqas xkiel legali u spejjeż, u li klawsoli kuntrattwali li jirregolaw dan it-tip ta’ bidla tal-fornitur għandhom jiġu mfassla f’lingwaġġ trasparenti u li jinftiehem malajr u għandu jitpoġġa għall-attenzjoni tal-konsumaturi b’mod espliċitu;

39.

Jappoġġja l-inizjattivi tal-Kummissjoni li tgħolli l-livell tal-fehim finanzjarju u jirrealizza li hem mil-ħtieġa ta’ tagħrif biex tagħmel dan, iżda fl-istess ħin jagħraf it-tensjoni bejn il-prevenzjoni ta’ sitwazzjoni ta’ tagħrif żejjed u sitwazzjoni fejn il-konsumaturi jingħataw tagħrif suffiċjenti; jiffavorixxi l-kwalità fuq il-kwantità; għalhekk jitlob lill-Kummissjoni sabiex tistieden lill-organizzazzjonijiet tal-konsumatur biex jiddeterminaw liema informazzjoni huma jqisu bħala essenzjali biex il-konsumatur ikun jista’ jagħmel l-għażla t-tajba; jenfasizza li għandha ssir distinzjoni ċara bejn informazzjoni u parir;

40.

Jenfasizza li l-konsumaturi jeħtieġu l-kunfidenza u għarfien xieraq biex jagħmlu l-għażla ta’ prodott finanzjarju tajjeb; ikompli jenfasizza li għalhekk hemm bżonn ta’ sforzi koordinati fil-livell nazzjonali u fil-livell Ewropew sabiex jittejbu l-livelli tal-fehim finanzjarju fl-Istati Membri kollha;

41.

Jitlob li l-konsumaturi għandu jkollhom aċċess għal mekkaniżmi ta’ riżoluzzjoni alternattiva tat-tilwim (ADR) barra mill-qorti biex jiġu solvuti tilwimiet fuq kwistjonijiet ta’ servizzi finanzjarji għall-konsumatur kemm fil-livell nazzjonali kif ukoll fil-livell transkonfinali; jistieden lill-Kummissjoni biex tippromwovi “l-aħjar prattiki” fl-ADR;

42.

Jistieden lill-Istati Membri biex jinkoraġġixxu fil-konsumaturi l-għarfien u l-konoxxenza tan-network ta’ riżoluzzjoni ta’ tilwim finanzjarju ta’ skemi nazzjonali ta’ ilmenti barra mill-qrati fil-pajjiżi taż-Țona Ekonomika Ewropea (FIN-NET); jenfasizzaa li l-FIN-NET għandu jkollu rwol ewlieni fl-Istati Membri kollha fil-koordinazzjoni tal-informazzjoni għall-pubbliku dwar l-aċċess għall-mekkaniżmi ta’ rimedju u ta’ ADR, b’mod partikulari fir-rigward tas-servizzi finanzjarji transkonfinali;

43.

Ifakkar fil-fatt li litigazzjoni konvenzjonali fil-qorti se tibqa’ mekkaniżmu importanti għas-soluzzjoni tat-tilwim; għalhekk jistieden lill-Kummissjoni sabiex teżamina l-effett li għandu r-Regolament tal-Kunsill (KE) Nru 44/2001 tat-22 ta’ Diċembru 2000 dwar il-ġurisdizzjoni u r-rikonoxximent u l-infurzar ta’ sentenzi fi kwistjonijiet ċivili u kummerċjali fuq servizzi finanzjarji transkonfinali għall-konsumatur (8);

44.

Jappoġġja l-fatt li għandha tinstab soluzzjoni koerenti fuq livell Ewropew li tkun tipprovdi lill-konsumaturi aċċess għal forom ġodda bilanċjati ta’ rimedju kollettiv għar-riżoluzzjoni ta’ lmenti transkonfinali li għandhom x’jaqsmu ma’ prodotti finanzjarji għall-konsumatur; jissuġġerixxi li jiġi evalwat l-impatt ta’ sistemi stabbiliti reċentement fil-livell nazzjonali;

45.

Jenfasizza l-ħtieġa li jiġi żgurat aċċess għas-servizzi finanzjarji għall-partijiet interessati kollha; għalhekk iħeġġeġ lill-fornituri tas-servizz finanzjarji sabiex lill-konsumaturi li jesprimu interess joffrulhom għall-inqas kont b’sistema giro ibbażat fuq il-kreditu.

46.

Jagħti istruzzjonijiet lill-President tiegħu biex iressaq din ir-riżoluzzjoni lill-Kunsill, lill-Kummissjoni, lill-Bank Ċentrali Ewropew, lill-Kumitat ta’ Superviżuri Bankarji Ewropej, lill-Kumitat ta’ Superviżuri tal-Assigurazzjoni u l-Pensjonijiet Ewropej u l-Kumitat ta’ Regolaturi tat-Titoli Ewropej.

26.11.2009   

MT

Il-Ġurnal Uffiċjali tal-Unjoni Ewropea

CE 285/67

A.

peress li l-mard rewmatiku huwa lment kroniku li joħloq uġigħ, tbatija u disabilità,

B.

billi 30 % sa 40 % tan-nies isofru minn sintomi tal-iskeletru u l-muskoli, u billi tali sintomi jaffettwaw aktar minn 100 miljun persuna fl-Ewropa,

C.

billi l-mard rewmatiku huwa l-kawűża prinċipali tad-disabilità u tal-irtirar qabel iűż-űżmien fost il-ħaddiema,

D.

billi huwa stmat li persuni 'l fuq minn 65 sena se jakkontaw għal kwart tal-popolazzjoni Ewropea sas-sena 2030, u billi l-maġġoranza tal-persuni fuq is-70 sena għandhom sintomi rewmatiċi kroniċi jew rikorrenti,

E.

billi l-adozzjoni ta' politiki soċjali u tas-saħħa bbażati fuq analiżi tal-bżonnijiet ta' dawk li jsofru minn mard rewmatiku għandhom inaqqsu l-ispejjeż ekonomiċi u soċjali assoċjati ma' dan il-mard (1 sa 5 % tal-Prodott Gross Domestiku f'pajjiżi żviluppati),

1.

Jistieden lill-Kummissjoni u lill-Kunsill biex:

2.

Jagħti istruzzjonijiet lill-President tiegħu biex jgħaddi din id-dikjarazzjoni, flimkien mal-ismijiet tal-firmatarji, lill-Kunsill, lill-Kummissjoni u lill-Parlamenti tal-Istati Membri.

List ta' firmatarji

Adamos Adamou, Vittorio Agnoletto, Gabriele Albertini, Alexander Alvaro, Jan Andersson, Georgs Andrejevs, Alfonso Andria, Laima Liucija Andrikienė, Emmanouil Angelakas, Roberta Angelilli, Kader Arif, Stavros Arnaoutakis, Francisco Assis, Robert Atkins, John Attard-Montalto, Jean-Pierre Audy, Margrete Auken, Inés Ayala Sender, Liam Aylward, Pilar Ayuso, Maria Badia i Cutchet, Enrique Barón Crespo, Katerina Batzeli, Edit Bauer, Zsolt László Becsey, Ivo Belet, Irena Belohorská, Monika Beňová, Sergio Berlato, Giovanni Berlinguer, Slavi Binev, Šarūnas Birutis, Jana Bobošíková, Herbert Bösch, Vito Bonsignore, Josep Borrell Fontelles, Victor Boștinaru, Costas Botopoulos, Bernadette Bourzai, John Bowis, Emine Bozkurt, Iles Braghetto, Frieda Brepoels, Elmar Brok, Danutė Budreikaitė, Udo Bullmann, Nicodim Bulzesc, Ieke van den Burg, Colm Burke, Philip Bushill-Matthews, Cristian Silviu Bușoi, Philippe Busquin, Jerzy Buzek, Milan Cabrnoch, Mogens Camre, Luis Manuel Capoulas Santos, Carlos Carnero González, David Casa, Paulo Casaca, Michael Cashman, Françoise Castex, Pilar del Castillo Vera, Giusto Catania, Alejandro Cercas, Giulietto Chiesa, Ole Christensen, Luigi Cocilovo, Carlos Coelho, Dorette Corbey, Giovanna Corda, Titus Corlățean, Thierry Cornillet, Jean Louis Cottigny, Jan Cremers, Corina Crețu, Gabriela Crețu, Brian Crowley, Magor Imre Csibi, Daniel Dăianu, Joseph Daul, Dragoș Florin David, Chris Davies, Antonio De Blasio, Bairbre de Brún, Arūnas Degutis, Véronique De Keyser, Panayiotis Demetriou, Gérard Deprez, Proinsias De Rossa, Marie-Hélène Descamps, Harlem Désir, Nirj Deva, Mia De Vits, Agustín Díaz de Mera García Consuegra, Jolanta Dičkutė, Koenraad Dillen, Giorgos Dimitrakopoulos, Alexandra Dobolyi, Brigitte Douay, Mojca Drčar Murko, Bárbara Dührkop Dührkop, Árpád Duka-Zólyomi, Constantin Dumitriu, Maria da Assunção Esteves, Edite Estrela, Harald Ettl, Jill Evans, Robert Evans, Göran Färm, Carlo Fatuzzo, Claudio Fava, Szabolcs Fazakas, Emanuel Jardim Fernandes, Fernando Fernández Martín, Anne Ferreira, Elisa Ferreira, Ilda Figueiredo, Věra Flasarová, Karl-Heinz Florenz, Alessandro Foglietta, Nicole Fontaine, Glyn Ford, Juan Fraile Cantón, Armando França, Monica Frassoni, Duarte Freitas, Ingo Friedrich, Sorin Frunzăverde, Milan Gaľa, Gerardo Galeote, Vicente Miguel Garcés Ramón, Iratxe García Pérez, Jean-Paul Gauzès, Evelyne Gebhardt, Bronisław Geremek, Lidia Joanna Geringer de Oedenberg, Roland Gewalt, Claire Gibault, Neena Gill, Robert Goebbels, Bogdan Golik, Bruno Gollnisch, Ana Maria Gomes, Donata Gottardi, Hélène Goudin, Genowefa Grabowska, Dariusz Maciej Grabowski, Vasco Graça Moura, Martí Grau i Segú, Louis Grech, Lissy Gröner, Elly de Groen-Kouwenhoven, Françoise Grossetête, Lilli Gruber, Pedro Guerreiro, Umberto Guidoni, Zita Gurmai, Cristina Gutiérrez-Cortines, Catherine Guy-Quint, David Hammerstein, Małgorzata Handzlik, Marian Harkin, Joel Hasse Ferreira, Gyula Hegyi, Jeanine Hennis-Plasschaert, Edit Herczog, Mary Honeyball, Richard Howitt, Alain Hutchinson, Iliana Malinova Iotova, Mikel Irujo Amezaga, Marie Anne Isler Béguin, Carlos José Iturgaiz Angulo, Lily Jacobs, Anneli Jäätteenmäki, Lívia Járóka, Rumiana Jeleva, Karin Jöns, Jelko Kacin, Filip Kaczmarek, Ioannis Kasoulides, Piia-Noora Kauppi, Tunne Kelam, Glenys Kinnock, Dieter-Lebrecht Koch, Eija-Riitta Korhola, Magda Kósáné Kovács, Miloš Koterec, Rodi Kratsa-Tsagaropoulou, Wolfgang Kreissl-Dörfler, Ģirts Valdis Kristovskis, Urszula Krupa, Wiesław Stefan Kuc, Helmut Kuhne, Sepp Kusstatscher, Stavros Lambrinidis, Vytautas Landsbergis, Romano Maria La Russa, Henrik Lax, Johannes Lebech, Roselyne Lefrançois, Lasse Lehtinen, Bogusław Liberadzki, Marie-Noëlle Lienemann, Kartika Tamara Liotard, Alain Lipietz, Pia Elda Locatelli, Antonio López-Istúriz White, Andrea Losco, Astrid Lulling, Elizabeth Lynne, Marusya Ivanova Lyubcheva, Jules Maaten, Linda McAvan, Mary Lou McDonald, Mairead McGuinness, Edward McMillan-Scott, Jamila Madeira, Toine Manders, Ramona Nicole Mănescu, Vladimír Maňka, Erika Mann, Diamanto Manolakou, Marian-Jean Marinescu, Sérgio Marques, David Martin, Jean-Claude Martinez, Miguel Ángel Martínez Martínez, Jan Tadeusz Masiel, Antonio Masip Hidalgo, Marios Matsakis, Maria Matsouka, Mario Mauro, Manolis Mavrommatis, Manuel Medina Ortega, Erik Meijer, Íñigo Méndez de Vigo, Emilio Menéndez del Valle, Willy Meyer Pleite, Rosa Miguélez Ramos, Marianne Mikko, Miroslav Mikolášik, Francisco José Millán Mon, Gay Mitchell, Nickolay Mladenov, Claude Moraes, Javier Moreno Sánchez, Eluned Morgan, Luisa Morgantini, Elisabeth Morin, Roberto Musacchio, Cristiana Muscardini, Joseph Muscat, Riitta Myller, Pasqualina Napoletano, Juan Andrés Naranjo Escobar, Robert Navarro, Cătălin-Ioan Nechifor, Catherine Neris, James Nicholson, Angelika Niebler, Raimon Obiols i Germà, Jan Olbrycht, Seán Ó Neachtain, Gérard Onesta, Dumitru Oprea, Josu Ortuondo Larrea, Siiri Oviir, Reino Paasilinna, Athanasios Pafilis, Justas Vincas Paleckis, Marie Panayotopoulos-Cassiotou, Marco Pannella, Pier Antonio Panzeri, Dimitrios Papadimoulis, Atanas Paparizov, Neil Parish, Ioan Mircea Pașcu, Aldo Patriciello, Béatrice Patrie, Vincent Peillon, Alojz Peterle, Tobias Pflüger, Willi Piecyk, Rihards Pīks, João de Deus Pinheiro, Józef Pinior, Gianni Pittella, Francisca Pleguezuelos Aguilar, Zita Pleštinská, Rovana Plumb, Anni Podimata, Zdzisław Zbigniew Podkański, Bernard Poignant, Adriana Poli Bortone, Mihaela Popa, Nicolae Vlad Popa, Miguel Portas, Bernd Posselt, Christa Prets, Pierre Pribetich, Vittorio Prodi, Luís Queiró, Bilyana Ilieva Raeva, Miloslav Ransdorf, Poul Nyrup Rasmussen, Vladimír Remek, Karin Resetarits, José Ribeiro e Castro, Teresa Riera Madurell, Frédérique Ries, Giovanni Rivera, Michel Rocard, Zuzana Roithová, Luca Romagnoli, Raül Romeva i Rueda, Dagmar Roth-Behrendt, Mechtild Rothe, Libor Rouček, Martine Roure, Leopold Józef Rutowicz, Eoin Ryan, Guido Sacconi, Tokia Saïfi, Aloyzas Sakalas, Katrin Saks, José Ignacio Salafranca Sánchez-Neyra, María Isabel Salinas García, Antolín Sánchez Presedo, Manuel António dos Santos, Jacek Saryusz-Wolski, Luciana Sbarbati, Christel Schaldemose, Pál Schmitt, Inger Segelström, Adrian Severin, José Albino Silva Peneda, Brian Simpson, Kathy Sinnott, Marek Siwiec, Peter Skinner, Nina Škottová, Csaba Sógor, Søren Bo Søndergaard, Bogusław Sonik, María Sornosa Martínez, Sérgio Sousa Pinto, Jean Spautz, Bart Staes, Grażyna Staniszewska, Dirk Sterckx, Catherine Stihler, Ulrich Stockmann, Theodor Dumitru Stolojan, Daniel Strož, Margie Sudre, László Surján, Eva-Britt Svensson, Hannes Swoboda, József Szájer, Konrad Szymański, Csaba Sándor Tabajdi, Antonio Tajani, Hannu Takkula, Charles Tannock, Andres Tarand, Salvatore Tatarella, Britta Thomsen, Silvia-Adriana Țicău, Gary Titley, Patrizia Toia, Ewa Tomaszewska, Witold Tomczak, Georgios Toussas, Antonios Trakatellis, Catherine Trautmann, Kyriacos Triantaphyllides, Evangelia Tzampazi, Vladimir Urutchev, Inese Vaidere, Johan Van Hecke, Anne Van Lancker, Daniel Varela Suanzes-Carpegna, Ioannis Varvitsiotis, Yannick Vaugrenard, Bernadette Vergnaud, Alejo Vidal-Quadras, Kristian Vigenin, Oldřich Vlasák, Dominique Vlasto, Sahra Wagenknecht, Graham Watson, Henri Weber, Renate Weber, Åsa Westlund, Anders Wijkman, Glenis Willmott, Iuliu Winkler, Bernard Wojciechowski, Janusz Wojciechowski, Corien Wortmann-Kool, Luis Yáñez-Barnuevo García, Anna Záborská, Mauro Zani, Andrzej Tomasz Zapałowski, Tatjana Ždanoka, Dushana Zdravkova, Gabriele Zimmer, Jaroslav Zvěřina, Tadeusz Zwiefka

26.11.2009   

MT

Il-Ġurnal Uffiċjali tal-Unjoni Ewropea

CE 285/69

1.

Japprova l-proposta tal-Kummissjoni;

2.

Jistieden lill-Kunsill biex jinnotifika lill-Parlament jekk ikun biħsiebu jitbiegħed mit-test approvat mill-Parlament;

3.

Jitlob lill-Kunsill biex jerġa’ jikkonsultah jekk ikollu l-ħsieb li jemenda l-proposta tal-Kummissjonib’mod sostanzjali;

4.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

26.11.2009   

MT

Il-Ġurnal Uffiċjali tal-Unjoni Ewropea

CE 285/70

A.

billi l-abbozz tal-baġit ta' emenda Nru 3 għall-baġit ġenerali 2008 jkopri l-punti li ġejjin:

B.

billi l-iskop tal-abbozz tal-baġit ta' emenda Nru 3/2008 huwa li dawn l-aġġustamenti baġitarji jiddaħħlu b'mod formali fil-baġit tal-2008,

C.

billi l-Kunsill fl-abbozz tal-baġit ta' emenda Nru 3/2008 inkluda t-tifdil li sar mis-salarji u l-pensjonijiet u l-iffinanzjar ta' dak li hu magħruf bħala l-mekkaniżmu ta' monitoraġġ tal-Microsoft,

1.

Ifakkar li l-approprijazzjonijiet għall-Intrapriżi Konġunti jitħallsu mill-baġit operattiv tal-programm ikkonċernat;

2.

Jiġbed l-attenzjoni li l-mekkaniżmu ta' monitoraġġ tal-Microsoft huwa ffinanzjat mit-tifdil li sar mis-salarji u l-pensjonijiet fl-Intestatura 5;

3.

Jiddispjaċh li l-Kunsill bla mistenni naqqas il-linja baġitarja 26 02 01, u b'hekk daħħal element ġdid, bla ebda diskussjoni mal-Parlament; jistenna li dan it-tifdil jintuża biex jiġu iffinanzjati l-prijoritajiet tal-Parlament fl-Intestatutra 1a;

4.

Jitlob lill-Kummissjoni biex fil-ġejjieni tevita li tinkludi l-finanzjament marbut ma' strumenti bħall-Fond ta' Solidarjetà tal-EU jew il-Fond Ewropew ta' Aġġustament għall-Globalizzazzjoni fl-abbozzi tal-baġits ta' emenda, flimkien ma' kwistjonijiet oħra, biex ikun evitat kull dewmien fid-deċiżjonijiet u fit-twettiq;

5.

Jadotta bla emendi l-abbozz tal-baġit ta' emenda Nru 3/2008;

6.

Jagħti istruzzjonijiet lill-President tiegħu sabiex iressaq din ir-Riżoluzzjoni lill-Kunsill u lill-Kummissjoni.

26.11.2009   

MT

Il-Ġurnal Uffiċjali tal-Unjoni Ewropea

CE 285/71

A.

billi l-abbozz tal-baġit ta’ emenda Nru 4 għall-baġit ġenerali 2008 għandu l-għan li jdaħħal fil-baġit ta’ l-2008 l-bilanċ favorevoli tas-sena finanzjarja 2007, li jammonta għal EUR 1 528 833 290,

B.

billi l-elementi prinċipali ta’ dan il-bilanċ favorevoli huma sopra-reġistrazzjoni fid-dħul ta’ EUR 72 957 868,80 u sotto-eżekuzzjoni fin-nefqa ta’ EUR 1 579 386 212,59 u bilanċ negattiv ta’ l-iskambjumonetarju ta’ -EUR 123 510 791,35,

C.

billi s-sotto-eżekuzzjoni ta’ l-approprjazzjonijiet għall-ħlasijiet, meta mqabbla mas-snin ta’ qabel, kompliet tonqos,

D.

billi għall-Intestatura 1, is-sotto-eżekuzzjoni ta’ l-approprjazzjonijiet għall-ħlasijiet fl-2007 (4) kienet tammonta għal EUR 648 miljun, għall-Intestatura 2 kienet tammonta għal EUR 361 miljun, għall-Intestatura 3 kienet ta’ EUR 241 miljun, għall-Intestatura 4 kienet ta’ EUR 362 miljun u għall-Intestatura 5 kienet ta’ EUR 903 miljun,

1.

Jieħu nota ta’ l-abbozz preliminari tal-baġit ta’ emenda Nru 4/2008 li hu ddedikat unikament għall-preżentazzjoni tal-kontijiet għas-sena finanzjarja 2007;

2.

Jadotta mingħajr emendi l-abbozz tal-baġit ta’ emenda Nru 4/2008;

3.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.

26.11.2009   

MT

Il-Ġurnal Uffiċjali tal-Unjoni Ewropea

CE 285/72

1.

Japprova l-inizjattiva tar-Repubblika Federali tal-Ġermanja kif emendata;

2.

Jistieden lill-Kunsill biex jemenda t-test kif xieraq;

3.

Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

4.

Jistieden lill-Kunsill sabiex jerġa’ jikkonsultah jekk ikollu l-ħsieb li jemenda l-inizjattiva tar-Repubblika Federali tal-Ġermanja b’mod sustanzjali;

5.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-gvern tar-Repubblika Federali tal-Ġermanja.

26.11.2009   

MT

Il-Ġurnal Uffiċjali tal-Unjoni Ewropea

CE 285/74

1.

Japprova l-proposta tal-Kummissjoni kif emendata;

2.

Jistieden lill-Kummissjoni sabiex konsegwentament tbiddel il-proposta tagħha, skond l-Artikolu 250(2) tat-Trattat KE;

3.

Jistieden lill-Kunsill sabiex jinfurmah jekk ikollu l-ħsieb li jitbiegħed mit-test approvat mill-Parlament;

4.

Jitlob lill-Kunsill biex jerġa' jikkonsultah jekk ikollu l-ħsieb li jemenda l-proposta tal-Kummissjoni b'mod sustanzjali;

5.

Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.