Rapport tal-Awditur Indipendenti

Lill-Maniġment tal-

Qorti Ewropea tal-Awdituri

Aħna vverifikajna r-rendikonti finanzjarji hawn annessi tal-Qorti Ewropea tal-Awdituri, li jinkludu l-karta tal-bilanċ fil-31 ta’ Diċembru 2008, il-kont tar-riżultat ekonomiku, ir-rendikont tal-bidliet fl-ekwità u r-rendikont tal-likwidità għas-sena finanzjarja li ntemmet dakinhar u sommarju tal-politika tal-kontabilità prinċipali u noti oħrajn ta' spjegazzjoni.

Ir-responsabbiltà tal-maniġment għar-rendikonti finanzjarji

Il-Maniġment tal-Qorti Ewropea tal-Awdituri huwa responsabbli għall-preparazzjoni u l-preżentazzjoni ġusta ta’ dawn ir-rendikonti finanzjarji, skont ir-Regolament tal-Kunsill (KE, Euratom) Nru 1605/2002 tal-25 ta' Ġunju, 2002, ir-Regolament tal-Kummissjoni (KE, Euratom) Nru 2342/2002 tat-23 ta' Diċembru, 2002 li jippreskrivi regoli ddettaljati għall-implimentazzjoni tar-Regolament tal-Kunsill imsemmi u r-Regoli tal-Kontabilità tal-Qorti Ewropea tal-Awdituri. Din ir-responsabbiltà tinkludi: it-tfassil, l-implimentazzjoni u ż-żamma ta’ kontroll intern rilevanti għall-preparazzjoni u l-preżentazzjoni ġusta ta’ rendikonti finanzjarji li huma ħielsa minn dikjarazzjoni ħażina materjali, kemm jekk minħabba frodi jew żball; l-għażla u l-applikazzjoni ta’ politika tal-kontabilità xierqa; u l-kalkolu ta’ estimi tal-kontabilità raġonevoli fiċ-ċirkostanzi.

Ir-responsabbiltà tal-awditur

Ir-responsabbiltà tagħna hi li nesprimu opinjoni dwar dawn ir-rendikonti finanzjarji abbażi tal-verifika tagħna. Aħna wettaqna l-verifika tagħna skont Standards Internazzjonali tal-Verifika kif adottati mill-“Institut des Réviseurs d'Entreprises”. Dawk l-istandards jeħtieġu illi aħna nikkonformaw ma' rekwiżiti tal-etika u nippjanaw u nwettqu l-verifika tagħna biex niksbu assigurazzjoni raġonevoli dwar jekk ir-rendikonti finanzjarji humiex ħielsa minn dikjarazzjoni ħażina materjali.

Verifika tinvolvi t-twettiq ta' proċeduri sabiex tinkiseb evidenza tal-verifika dwar l-ammonti u l-informazzjoni mogħtija fir-rendikonti finanzjarji. Il-proċeduri magħżula jiddependu fuq il-ġudizzju tal-Awditur, inkluża l-evalwazzjoni tar-riskji ta' dikjarazzjoni ħażina materjali fir-rendikonti finanzjarji, kemm jekk minħabba frodi jew żball. Meta jagħmel dawk l-evalwazzjonijiet tar-riskju, l-Awditur jikkunsidra l-kontroll intern relevanti għall-preparazzjoni u l-preżentazzjoni ġusta tar-rendikonti finanzjarji tal-entità sabiex ifassal proċeduri tal-verifika li jkunu xierqa fiċ-ċirkostanzi, iżda mhux bl-iskop li jesprimi opinjoni dwar l-effettività tal-kontrolli interni tal-entità.

Verifika tinkludi wkoll evalwazzjoni ta' kemm hija xierqa l-politika tal-kontabilità użata u r-raġonevolezza tal-estimi tal-kontabilità magħmula mill-Maniġment tal-Qorti Ewropea tal-Awdituri, u kif ukoll evalwazzjoni tal-preżentazzjoni ġenerali tar-rendikonti finanzjarji.

Aħna nemmnu illi l-evidenza tal-verifika li aħna ksibna hija biżżejjed u xierqa sabiex tipprovdi bażi għall-opinjoni tal-verifika tagħna.

Opinjoni

Fl-opinjoni tagħna, dawn ir-rendikonti finanzjarji jagħtu stampa reali u ġusta tal-pożizzjoni finanzjarja tal-Qorti Ewropea tal-Awdituri fil-31 ta' Diċembru, 2008, u kif ukoll tal-prestazzjoni finanzjarja tagħha u l-likwidità tagħha għas-sena li ntemmet dakinhar, skont ir-Regolament tal-Kunsill (KE, Euratom) Nru 1605/2002 tal-25 ta' Ġunju, 2002, ir-Regolament tal-Kummissjoni (KE, Euratom) Nru 2342/2002 tat-23 ta' Diċembru, 2002 li jippreskrivi regoli ddettaljati għall-implimentazzjoni tar-Regolament tal-Kunsill imsemmi u r-Regoli tal-Kontabilità tal-Qorti Ewropea tal-Awdituri.

 

Karta tal-bilanċ fil-31 ta' Diċembru 2008

In-noti li jakkumpanjaw huma parti integrali minn dawn ir-rendikonti finanzjarji

(EUR)
Attivi	Nota	il-31 ta’ Diċembru 2008	il-31 ta’ Diċembru 2007
Attivi fissi mhux tanġibbli	3.1.	417 792	209 449
Attivi fissi tanġibbli	3.2.	35 080 585	33 283 667
Riċevibbli ta' skadenza twila		525	550
Total attivi mhux kurrenti		35 498 902	33 493 666
Riċevibbli ta' skadenza qasira	3.3.	1 455 781	1 679 772
Likwidità u ekwivalenti likwidi	3.4.	1 488 625	2 012 791
Total attivi kurrenti		2 944 406	3 692 563
Total attivi		38 443 308	37 186 229

(EUR)
Passivi	Nota	il-31 ta’ Diċembru 2008	il-31 ta’ Diċembru 2007
Kapital		–22 012 092	–13 098 711
Bilanċ kontra akkumulat		–13 098 711	–11 418 315
Riżultat ekonomiku tas-sena — qligħ+/telf –		–8 913 381	–1 680 396
Benefiċċji tal-impjegat	3.5.	52 533 398	41 867 460
Passivi oħrajn ta' skadenza twila	3.6.	175 000	175 000
Total passivi mhux kurrenti		52 708 398	42 042 460
Proviżjonijiet għal riskji u spejjeż	3.7.	—	—
Kontijiet pagabbli	3.8.	7 747 002	8 242 480
Total passivi kurrenti		7 747 002	8 242 480
Total passivi		38 443 308	37 186 229

Kont tar-riżultat ekonomiku għas-sena li ntemmet fil-31 ta' Diċembru 2008

(EUR)
	Nota	2008	2007
Fondi trasferiti mill-Kummissjoni lil istituzzjonijiet oħrajn	4.1.	97 366 264	90 474 401
Dħul minn operazzjonijiet amministrattivi	4.2.	17 487 342	16 339 509
Dħul operazzjonali ieħor	4.3.	143 540	210 887
Total dħul operazzjonali		114 997 147	107 024 797
Spejjeż tal-persunal	4.4.	–88 868 529	–84 209 144
Spejjeż marbuta mal-attivi fissi	3.1. -3.2. u 4.5.	–3 307 315	–3 426 683
Spejjeż amministrattivi oħrajn	4.6.	–19 074 703	–21 386 771
Spejjeż operazzjonali		–74 871	–32 486
Total spejjeż operazzjonali		– 111 325 418	– 109 055 084
Bilanċ favur/(kontra) minn attivitajiet operazzjonali		3 671 729	–2 030 287
Dħul finanzjarju	4.7.	193 432	105 517
Spejjeż finanzjarji	4.8.	–15 067	–15 096
Moviment fil-pensjonijiet (– spejjeż, + dħul)	3.5. u 4.9.	–12 763 475	259 470
Bilanċ favur/(kontra) minn attivitajiet mhux operazzjonali		–12 585 110	349 891
Riżultat ekonomiku tas-sena		–8 913 381	–1 680 396
In-noti li jakkumpanjaw huma parti integrali minn dawn ir-rendikonti finanzjarji

Rendikont tal-likwidità għas-sena li ntemmet fil-31 ta' Diċembru 2008

(EUR)
	2008	2007
Riżultat ekonomiku tas-sena	–8 913 381	–1 680 396
Attivitajiet operazzjonali - Aġġustamenti
Amortizzament (attivi fissi mhux tanġibbli)	131 022	55 323
Deprezzament (attivi fissi tanġibbli)	2 073 498	3 321 950
Żieda/(tnaqqis) fil-Proviżjonijiet għar-riskji u l-ispejjeż	0	–80 789
Żieda/(tnaqqis) fit-Tnaqqis tal-Valur għad-debitu dubjuż	1 790	0
(Żieda)/tnaqqis fir-Riċevibbli ta' skadenza twila	25	– 475
(Żieda)/tnaqqis fir-Riċevibbli ta' skadenza qasira	219 123	309 862
(Żieda)/tnaqqis fir-Riċevibbli ta' entitajiet tal-KE	3 078	3 144
Żieda/(tnaqqis) f'Passivi oħrajn ta' skadenza twila	0	–26 995
Żieda/(tnaqqis) fil-Kontijiet pagabbli	– 545 311	1 192 756
Żieda/(tnaqqis) fil-Passivi relatati mal-KE konsolidata	49 834	49 208
(Qligħ)/telf mill-bejgħ ta' Proprjetà, impjanti u tagħmir	1 360	666 205
Likwidità netta minn attivitajiet operazzjonali	–6 978 962	3 809 793
Likwidità minn attivitajiet ta' investiment
Xiri ta' attivi fissi tanġibbli u mhux tanġibbli (-)	–5 439 210	–1 362 613
Dħul minn attivi fissi tanġibbli u mhux tanġibbli (+)	1 228 068	38 030
Likwidità netta minn attivitajiet ta' investiment	–4 211 142	–1 324 583
Żieda/(tnaqqis) fil-Benefiċċji tal-impjegat	10 665 938	–2 279 511
Żieda/(tnaqqis) nett fil-likwidità u fl-ekwivalenti likwidi	– 524 166	205 699
Likwidità u ekwivalenti likwidi fil-bidu tal-perijodu	2 012 791	1 807 092
Likwidità u ekwivalenti likwidi fi tmiem il-perijodu	1 488 626	2 012 791
In-noti li jakkumpanjaw huma parti integrali minn dawn ir-rendikonti finanzjarji

Ir-rendikont tal-bidliet fl-ekwità għas-sena li ntemmet fil-31 ta’ Diċembru 2008

(EUR)
Kapital	Bilanċ kontra akkumulat	Riżultat ekonomiku tas-sena	Kapital (total)
Bilanċ fil-31 ta' Diċembru 2007	–11 418 315	–1 680 396	–13 098 711
Allokazzjoni tar-riżultat ekonomiku tas-sena ta' qabel	–1 680 396	1 680 396	—
Riżultat ekonomiku tas-sena		–8 913 381	–8 913 381
Bilanċ fil-31 ta' Diċembru 2008	–13 098 711	–8 913 381	–22 012 092
In-noti li jakkumpanjaw huma parti integrali minn dawn ir-rendikonti finanzjarji

POLITIKA TAL-KONTABILITÀ U NOTI DWAR IR-RENDIKONTI FINANZJARJI

1.   Ġenerali

Il-Qorti Ewropea tal-Awdituri (minn hawn ’il quddiem “il-Qorti”) ġiet imwaqqfa bit-Trattat ta’ Brussell tat-22 ta’ Lulju 1975 u bdiet topera bħala korp tal-verifika esterna tal-Komunità f’Ottubru 1977, bil-kwartieri ġenerali tagħha fil-Lussemburgu.

Il-Missjoni tal-Qorti Ewropea tal-Awdituri

Il-Qorti hija l-Istituzzjoni tal-UE mwaqqfa bit-Trattat sabiex twettaq il-verifika tal-finanzi tal-UE. Bħala l-awditur estern tal-UE hija tikkontribwixxi għat-titjib tal-ġestjoni finanzjarja tal-UE u taġixxi bħala l-gwardjan indipendenti tal-interessi finanzjarji taċ-ċittadini tal-Unjoni Ewropea.

Il-Qorti tagħti servizzi tal-verifika li permezz tagħhom hija tevalwa l-ġbir u l-infiq tal-fondi tal-UE. Hija teżamina jekk l-operazzjonijiet finanzjarji ġewx irreġistrati tajjeb u jekk ingħatatx informazzjoni tajba dwarhom, jekk twettqux b’mod legali u regolari u kinux ġestiti sabiex jiżguraw l-ekonomija, l-effiċjenza u l-effettività. Il-Qorti tikkomunika r-riżultati tal-verifiki tagħha f’rapporti ċari, relevanti u oġġettivi. Hija tagħti wkoll l-opinjoni tagħha dwar kwistjonijiet ta’ ġestjoni finanzjarja.

Il-Qorti tippromwovi l-kontabilità u t-trasparenza u tgħin lill-Parlament Ewropew u lill-Kunsill biex jissorveljaw l-implimentazzjoni tal-baġit tal-UE, b'mod partikolari matul il-proċedura ta' kwittanza. Il-Qorti hija impenjata li tkun organizzazzjoni effiċjenti 'l quddiem nett fl-iżviluppi fil-verifika u l-ġestjoni pubblika.

Is-sena finanzjarja tal-Qorti tibda fl-1 ta’ Jannar u tibqa' għaddejja sal-31 ta’ Diċembru.

2.   Politika tal-kontabilità sinifikanti u preżentazzjoni tar-rendikonti finanzjarji

2.1.   Bażi tal-preżentazzjoni

Il-kontijiet tal-Qorti huma ppreparati skont id-dispożizzjonijiet tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej u tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli dettaljati għall-implimentazzjoni tar-Regolament finanzjarju tal-Kunsill imsemmi.

Ir-rendikonti finanzjarji huma ppreparati skont ir-Regoli tal-Kontabilità tal-Komunitajiet Ewropej, li kienu ispirati mill-Istandard Internazzjonali tal-Kontabilità tas-Settur Pubbliku (IPSAS). Dawn ir-Regoli tal-Kontabilità huma adottati mill-Uffiċjal tal-Kontabilità tal-Kummissjoni wara konsultazzjoni mal-istituzzjonijiet l-oħrajn.

2.2.   Valutazzjoni ta’ bilanċi u tranżazzjonijiet f’muniti barranija

Oġġetti monetarji b’denominazzjoni f’muniti oħrajn li mhumiex EUR jinqalbu għall-EUR bir-rata tal-kambju effettiva fid-data tar-rappurtar. Oġġetti mhux monetarji li għandhom prezz storiku b’denominazzjoni f’munita oħra li mhijiex EUR huma rrappurtati bir-rata tal-kambju fid-data tal-akkwist. Oġġetti mhux monetarji miżmuma b’valur ġust b’denominazzjoni f’munita oħra li mhijiex EUR huma rrappurtati bir-rati tal-kambju li kienu eżistenti meta l-valuri kienu ddeterminati.

2.3.   Attivi fissi mhux tanġibbli u tanġibbli

L-attivi fissi mhux tanġibbli u tanġibbli huma mniżżla bil-prezz storiku li minnu jiġi mnaqqas id-deprezzament/l-amortizzament u d-deterjorament. Oġġetti ta’ valur baxx anqas minn EUR 420 huma ppreżentati bħala spejjeż matul is-sena tal-akkwist. Attivi mwassla matul is-sena tal-kontabilità iżda mhux imħallsa fi tmiem is-sena huma rrappurtati li huma “fil-proċess li jinbnew”. Id-deprezzament/l-amortizzament huwa kkalkulat bil-metodu ta' rata fissa, li jibda mix-xahar tal-akkwist u l-prezz jiġi allokat fuq stima tal-ħajja utli tagħhom, kif ġej:

Mhux tanġibbli (Liċenzji għas-softwer tal-kompjuter)	4 snin
Bini	25 sena
Impjant, makkinarju u għodod	4, 8 snin
Għamara u flotta tal-vetturi	4, 8, 10 snin
Hardwer tal-kompjuter	4 snin
Tagħmir speċifiku għall-bini mikri	It-tul tal-kera
Armar u tagħmir ieħor	6 snin

2.4.   Benefiċċji tal-impjegat

Il-benefiċċji tal-impjegat jirrappreżentaw id-drittijiet għal pensjoni futuri tal-Membri tal-Qorti. Skont l-Artikolu 19 tar-Regolament tal-Kunsill (KEE, Euratom, KEFA) Nru 2290/77 tat-18 ta’ Ottubru 1977 li jistabbilixxi l-emolumenti tal-Membri tal-Qorti tal-Awdituri (ĠU L 268, 20.10.1977, p. 1), il-benefiċċji previsti f'din l-iskema ta' pensjoni jiddaħħlu fil-baġit tal-Komunitajiet u l-Istati Membri għandhom jiggarantixxu b'mod konġunt il-ħlas ta' dawn il-benefiċċji.

L-ammonti garantiti mill-Istati Membri huma bbażati, min-naħa, fuq ir-Regola tal-Kontabilità Nru 12 “Benefiċċji tal-impjegat” li ġiet adottata b'deċiżjoni tal-uffiċjal tal-kontabilità tal-Kummissjoni skont l-Artikolu 133 tar-Regolament Finanzjarju applikabbli għall-baġit ġenerali tal-Komuntajiet Ewropej, u, min-naħa l-oħra, abbażi ta' analiżi attwarja mwettqa mill-esperti tal-unità speċjalizzata fil-Eurostat.

2.5.   Proviżjonijiet għal passivi u spejjeż

Proviżjonijiet għal passivi u spejjeż huma intenzjonati li jkopru telf jew dejn li n-natura tagħhom hija definita b’mod ċar u li, fid-data tal-karta tal-bilanċ x’aktarx li jiġġarrbu jew żgur li se jiġġarrbu iżda m’hemmx ċertezza dwar l-ammont tagħhom jew dwar id-data meta se jseħħu.

3.   Noti dwar il-karta tal-bilanċ

3.1.   Attivi fissi mhux tanġibbli

Il-movimenti fl-attivi fissi mhux tanġibbli matul is-sena 2008 kienu:

(EUR)
	Valur gross fil-kotba fil-1 ta’ Jannar 2008	Żieda	Tnaqqis	Tibdil ieħor	Valur gross fil-kotba fil-31 ta’ Diċembru 2008	Deprezzament akkumulat fil-31 ta' Diċembru 2008	Valur nett fil-kotba fil-31 ta' Diċembru 2008
Softwer tal-kompjuter	290 514	339 366	—	—	629 880	– 212 088	417 792
Total	290 514	339 366	0	0	629 880	– 212 088	417 792

3.2.   Attivi fissi tanġibbli

Il- movimenti fl-attivi fissi tanġibbli matul is-sena 2008 kienu:

(EUR)
	Valur gross fil-kotba fl-1 ta’ Jannar 2008	Żieda	Tnaqqis	Trasferiment bejn l-intestaturi	Valur gross fil-kotba fil-31 ta’ Diċembru 2008	Deprezzament akkumulat fil-31 ta' Diċembru 2008	Valur nett fil-kotba fil-31 ta' Diċembru 2008
Art	776 630	—	—	—	776 630	—	776 630
Bini	52 074 987	—	—	—	52 074 987	–24 039 665	28 035 322
Impjant, makkinarju u għodda	1 256 222	3 815	–1 566	–1 126 868	131 603	– 101 469	30 134
Hardwer tal-kompjuter	4 362 412	706 392	– 816 204	–65 458	4 187 142	–3 034 323	1 152 819
Għamara u flotta tal-vetturi	1 715 569	274 711	– 237 754	290 074	2 042 600	–1 318 473	724 127
Armar u tagħmir ieħor	1 043 800	37 171	–83 856	902 252	1 899 367	–1 615 568	283 799
Attivi fil-proċess li jinbnew	90 048	4 077 754	–90 048	—	4 077 754	—	4 077 754
Total	61 319 668	5 099 843	–1 229 428	0	65 190 083	–30 109 498	35 080 585

It-“Trasferiment bejn l-intestaturi” huma riklassifikazzjonijiet ta’ attivi minn kategorija għal oħra fl-1 ta’ Jannar 2008.

“Attivi fil-proċess li jinbnew” is-soltu huma attivi mwassla iżda li għadhom ma ġewx fatturati fi tmiem is-sena. Meta l-fattura tiġi rċevuta, l-attivi relatati se jidhru maż-żidiet taħt il-kategorija korretta tal-attiv u mat-“tnaqqis” taħt “attivi fil-proċess li jinbnew”.

Attivi fil-proċess li jinbnew huma wkoll proġetti tal-bini kbar li għadhom fil-proċess fi tmiem is-sena li kien il-każ fil-31 ta’ Diċembru 2008 għall-bini l-ġdid K3 (studji), ix-xogħlijiet ta’ saħħa u sigurtà għall-bini K1 u kamra tal-konferenzi ġdida.

3.3.   Riċevibbli ta' skadenza qasira

Riċevibbli ta' skadenza qasira

(EUR)
	il-31 ta’ Diċembru 2008	il-31 ta’ Diċembru 2007
Riċevibbli kurrenti prinċipalment minħabba drittijiet tal-pensjoni nazzjonali mill-persunal	504 166	628 778
Spejjeż diferiti għall-kiri tal-bini u kuntratti tal-IT	614 114	560 782
Riċevibbli varji relatati prinċipalment ma’ pagamenti bil-quddiem ta' pagi u ta’ missjonijiet	335 446	485 079
Riċevibbli minn entitajiet tal-KE (Uffiċċju tal-Pubblikazzjonijiet)	2 055	5 133
Total	1 455 781	1 679 772

3.4.   Likwidità u ekwivalenti likwidi

Likwidità u ekwivalenti likwidi

(EUR)
	il-31 ta’ Diċembru 2008	il-31 ta’ Diċembru 2007
Kont imprest	1 000	1 000
Kont bankarju kurrenti	1 487 625	2 011 791
Total	1 488 625	2 012 791

3.5.   Benefiċċji tal-impjegat

Il-kalkolu tal-obbligi ta' pagamenti ta' pensjoni futuri huwa maħdum nett mit-taxxi rkuprati fuq il-pagamenti tal-pensjoni futuri. Ir-rata tat-taxxa hija aġġornata abbażi tar-rata tat-taxxa medja effettiva matul l-aħħar 3 snin.

Passiv tal-pensjoni u l-effett tar-rata tat-taxxa

(EUR)
	il-31 ta’ Diċembru 2008	il-31 ta’ Diċembru 2007
Ammont gross	63 730 921	50 871 762
Rata tat-taxxa (%)	17,57 %	17,70 %
Taxxi	11 197 523	9 004 302
Ammont nett mit-taxxi	52 533 398	41 867 460
Varjazzjoni tal-passiv tal-pensjoni nett fl-2008	10 665 938

Il-passiv tal-benefiċċji tal-impjegat huwa kkalkulat fuq intitolamenti miksuba mill-Membri skont id-drittijiet differenti akkwistati, bħall-pensjonijiet għall-ħajja u konċessjonijiet tranżizzjonali, u kif ukoll fuq il-kategoriji tal-istatus tal-benefiċjarju assenjati.

Għas-sena 2008 l-Eurostat kien għall-ewwel darba responsabbli mill-kalkolu tal-passiv. L-impenn attwarju kien ikkalkulat skont ir-regola tal-kontabilità 12 tal-KE “Benefiċċji tal-impjegat”.

Iż-żieda tal-2008 ta’ EUR 10,7 miljun netti mit-taxxi tiġi primarjament mill-:

—	inklużjoni għall-ewwel darba fl-2008 tal-benefiċċji ta’ konċessjoni tranżizzjonali miksuba ta’ Membri attivi tal-Qorti fil-kalkolu tal-passiv, li tirrifletti bidla fil-metodu tal-kontabilità sabiex ikun hemm konformità mar-regola tal-kontabilità 12, li ammontaw għal EUR 4,7 miljun,

—	evoluzzjoni normali tal-passiv tal-benefiċċji tal-impjegat, minħabba, pereżempju, bidliet fir-rata ta’ interessi u tabelli tal-ħajja, u ż-żieda ta’ benefiċjarji u benefiċċji ġodda li ammontaw għal EUR 4,5 miljun u

—	bidliet u korrezzjonijiet fid-database tal-persunal (l-istat maritali eċċ.)

Il-mod kif l-informazzjoni hija murija mhux konformi mal-preżentazzjoni stabbilita fir-regola tal-kontabilità 12 tal-KE “Benefiċċji tal-impjegat” minħabba l-fatt li l-kalkoli attwarji dettaljati meħtieġa ma ngħatawx mill-Eurostat.

3.6.   Passivi ta’ skadenza twila

L-ammont ta’ EUR 175 000 huwa dovut b’mod kuntrattwali fi tmiem il-kiri tal-bini K9.

3.7.   Proviżjoni għal riskji u spejjeż

L-ammont li jikkorrispondi għall-valur, nett mit-taxxi, ta’ btajjel mhux meħuda dovuti lill-persunal fil-passat kien meqjus bħala “Proviżjoni għal riskji u spejjeż”. Mill-2008, btajjel annwali mhux meħuda huma meqjusa bħala “Spejjeż dovuti” (u mhux proviżjonijiet). Fil-Karta tal-Bilanċ fil-31 ta’ Diċembru 2007, l-ammont ta’ EUR 1 927 531 kien muri taħt “Proviżjonijiet għal riskji u spejjeż”. Issa huwa riklassifikat bħala “Spejjeż dovuti” u muri f'“Kontijiet pagabbli”:

Proviżjonijiet għal riskji u spejjeż fil-31.12.2007

(EUR)
	il-31 ta’ Diċembru 2007
Proviżjoni għal riskji u spejjeż fil-Karta tal-bilanċ 31/12/2007	1 927 531
Proviżjonijiet ta' Riklassifikazzjoni għal riskji u spejjeż	–1 927 531
Proviżjoni għal riskji u spejjeż fil-Karta tal-bilanċ 31/12/2007 wara r-riklassifikazzjoni	0

Kontijiet pagabbli fil-31.12.2007

(EUR)
	il-31 ta’ Diċembru 2007
Kontijiet pagabbli fil-Karta tal-bilanċ 31/12/2007	6 314 949
Proviżjonijiet ta' Riklassifikazzjoni għal riskji u spejjeż	1 927 531
Kontijiet pagabbli fil-Karta tal-bilanċ 31/12/2007 wara r-riklassifikazzjoni	8 242 480

3.8.   Kontijiet pagabbli

Kontijiet pagabbli

(EUR)
	il-31 ta’ Diċembru 2008	il-31 ta’ Diċembru 2007
Spejjeż dovuti jikkonsistu fi spejjeż imġarrba imma li għadhom ma ġewx fatturati. L-ammont ta' btajjel li ma ttiħdux huwa inkluż ukoll hawn kemm għall-2007 u kif ukoll għall-2008 (ara n-Nota 3.7 hawn fuq)	6 672 098	7 177 873
Pagabbli oħrajn marbuta mal-persunal	427 175	522 592
Pagabbli kurrenti lill-fornituri	540 605	484 724
Kontijiet pagabbli kontra entitajiet konsolidatati tal-KE prinċipalment il-Kunsill Ewropew u l-Parlament	107 124	57 291
Total	7 747 002	8 242 480

4.   Noti dwar il-kont tar-riżultat ekonomiku

4.1.   “Fondi trasferiti mill-Kummissjoni lil istituzzjonijiet oħrajn”: l-ammont jikkorrispondi għas-sejħiet ta’ kull xahar għal fondi magħmula mill-Qorti lill-Kummissjoni biex timla l-kont bankarju tagħha mill-ġdid.

4.2.   “Dħul minn operazzjonijiet amministrattivi”: fil-parti l-kbira, din l-intestatura hija magħmula minn tnaqqis mis-salarji tal-Membri u tal-persunal f’dak li għandu x’jaqsam mat-taxxa u mal-kontribuzzjonijiet soċjali.

4.3.   “Dħul operazzjonali ieħor” ġej fost oħrajn mill-bejgħ ta' pubblikazzjonijiet mill-Uffiċċju tal-Pubblikazzjonijiet.

4.4.   “Spejjeż tal-persunal”: is-salarji tal-Membri u tal-persunal tal-Qorti jirrappreżentaw 96 % ta’ dan l-ammont. Il-bqija jinkludu s-salarji tal-aġenti kuntrattwali u tal-persunal temporanju.

4.5.   L-“ispejjeż marbuta mal-attivi fissi” huma magħmula mid-deprezzament/amortizzament tal-attivi tanġibbli u mhux tanġibbli.

4.6.   L-oġġetti l-aktar sinifikanti tal-“ispejjeż amministrattivi oħrajn”:

—	kiri tal-bini u spejjeż relatati

—	IT u telekomunikazzjonijiet

—	spejjeż ta’ missjonijiet

—	servizzi ta’ tindif u ta’ sigurtà

4.7.   “Dħul finanzjarju” jikkonsisti f'imgħax tal-bank miksub fuq il-kont kurrenti tal-Qorti.

4.8.   “Spejjeż finanzjarji” huma spejjeż bankarji intaxxati fuq il-kont kurrenti tal-Qorti.

4.9.   “Movimenti fil-pensjoni” jinkludi:

Movimenti fil-pensjoni

(EUR)
	2008
Pagamenti tal-pensjoni tas-sena	–2 097 537
Varjazzjoni tal-passiv tal-pensjoni netti tal-Membri	–10 665 938
Total	–12 763 475

5.   Ammonti li ma ġewx imdaħħla fil-karta tal-bilanċ

5.1.   Attivi kontinġenti

Il-garanziji bankarji li ġejjin ingħataw mill-fornituri wara obbligi kuntrattwali:

Garanzija bankarja rċevuta

(EUR)
	2008
Aġenzija tal-ivvjaġġar	50 000
Kiri tal-flotta ta’ karozzi	75 000
Kumpanija tal-assigurazzjoni	1 361
Telekomunikazzjoni	20 000
Total	146 361

5.2.   Impenji għall-finanzjament futur

Impenji għall-finanzjament futur

(EUR)
	il-31 ta’ Diċembru 2008
Bini K7	2 455 000
Bini K8	2 229 333
Bini K9	7 384 000
“Antenne” ta’ Brussell	54 000
Foyer européen - Maison de l'Europe	50 565
Subtotal	12 172 898
Kiri operazzjonali għal karozzi u magni tal-fotokopja	640 251
Oħrajn (Cetrel, …)	89 698
Subtotal	12 902 847
Impenji kontra approprijazzjonijiet li għadhom ma ġewx ikkunsmati - RAL (“Restant à liquider”) -, wara t-tnaqqis tad-dovuti għall-2008	7 548 508
Total	20 451 355

5.3.   Il-proġetti tal-bini tal-Qorti

Il-Qorti okkupat il-bini tal-kwartieri ġenerali tagħha (il-bini “K1”) fl-1988 u xtratu u l-art li qiegħed fuqha b’mod totali fl-1990. Fl-1999, il-Qorti ffirmat ftehim qafas mal-Istat tal-Lussemburgu li permezz tiegħu hija ngħatat id-dritt li tuża t-tieni pakkett ta’ art għal 49 sena (li jiġġedded darba) għall-bini ta’ estensjoni (il-bini “K2”) għal pagament ta’ euro wieħed.

Il-Qorti ddeċidiet li tkompli bil-bini tat-tieni estensjoni, il-bini “K3” u, minħabba arranġamenti differenti għat-twettiq tal-proġett, l-Istat tal-Lussemburgu u l-Qorti kkonkludew kuntratt qafas ġdid fit-22 ta’ Frar 2008.

Rigward iż-żewġ biċċiet ta’ art relattivi għaż-żewġ estensjonijiet imsemmija hawn fuq, l-Istat biegħ dawn lill-Qorti għal euro wieħed simboliku. Min-naħa tagħha, jekk il-Qorti qatt tikkunsidra li ċċedi bini jew ieħor lil parti terza li ma tkunx korp jew istituzzjoni Komunitarja, il-Qorti trodd lura l-art lill-appartenenza tal-Istat għal euro wieħed simboliku, u dan tal-aħħar ikollu l-alternattiva li jixtri l-bini bi prezz li jkun determinat minn espert indipendenti. F’każ li l-Istat jiddeċiedi li ma jużax din l-alternattiva, huwa jagħti dritt għall-użu tal-art lix-xerrejja tal-bini.

Il-bini “K2” kien okkupat f’Novembru 2003. Ix-xogħol ta’ kostruzzjoni “K3” huwa skedat li jibda lejn l-aħħar tal-2009.

5.4.   Responsabbiltà potenzjali għal litigazzjonijiet

L-ebda waħda.

Rapport ta' Assigurazzjoni Indipendenti

Lill-Maniġment tal-

Qorti Ewropea tal-Awdituri

Aħna eżaminajna li r-riżorsi finanzjarji assenjati mill-Kummissjoni Ewropea lill-Qorti Ewropea tal-Awdituri (minn hawn ’il quddiem il-“Qorti”) intużaw għall-għanijiet li għalihom kienu intenzjonati u li l-proċeduri ta’ kontroll li ġew stabbiliti mill-uffiċjali li jawtorizzaw jagħtu l-garanziji meħtieġa sabiex jiżguraw il-konformità tal-operazzjonijiet finanzjarji mar-regoli u r-regolamenti applikabbli għar-riżorsi finanzjarji magħmula disponibbli u użati fil-perijodu mill-1 ta' Jannar 2008 sal-31 ta' Diċembru 2008.

Iż-żamma ta' kotba u reġistri u t-twaqqif u ż-żamma ta’ kontrolli xierqa huma r-responsabbiltà tal-Maniġment tal-Qorti. Ir-responsabbiltà tagħna hija li nesprimu l-opinjoni tagħna abbażi tal-eżami tagħna.

Aħna wettaqna l-eżami tagħna skont l-Istandard Internazzjonali dwar Ingaġġi tal-Assigurazzjoni “Assurance Engagements other than Audits or Reviews of Historical Financial Information” (Ingaġġi tal-Assigurazzjoni li ma jinkludux Verifiki jew Reviżjonijiet ta’ Informazzjoni Finanzjarja Storika) (ISAE 3000) hekk kif adottat mill-“Institut des Réviseurs d'Entreprises”. Dan l-istandard jeħtieġ li aħna nippjanaw u nwettqu l-eżami tagħna b’tali mod li l-użu ħażin tar-riżorsi li jolqot il-kotba tal-Qorti b’mod materjali jinstab b'assigurazzjoni raġonevoli. Xogħolna kien jikkonsisti primarjament f’li neżaminaw fuq bażi ta’ test u ta' kampjun, evidenza li ssostni l-fatt illi:

—	Ir-riżorsi assenjati lill-Qorti ntużaw għall-għanijiet li kienu intenzjonati għalihom;

—	Il-proċeduri ta’ kontroll stabbiliti jagħtu l-garanziji meħtieġa biex jiżguraw il-konformità tal-operazzjonijiet finanzjarji mar-regoli u r-regolamenti applikabbli.

Il-kriterji użati għall-eżami tagħna huma r-regoli u r-regolamenti li ġejjin:

—	Ir-Regolament tal-Kunsill (KE, Euratom) Nru 1605/2002 tal-25 ta’ Ġunju, 2002 dwar ir-Regolament Finanzjarju applikabbli għall-baġit ġenerali (minn hawn ’il quddiem il-“Baġit”) tal-Komunitajiet Ewropej (minn hawn ’il quddiem ir-“Regolament Finanzjarju”);

—

Ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru, 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 tal-25 ta’ Ġunju, 2002 fuq ir-Regolament Finanzjaru li jgħodd għall-baġit ġenerali tal-Komunitajiet Ewropej (minn hawn ’il quddiem ir-“Regoli ta’ Implimentazzjoni”);

—

Id-Deċiżjoni Nru 36/2007 tal-Qorti Ewropea tal-Awdituri dwar ir-Regoli Interni għall-implimentazzjoni tal-Baġit tagħha adottati fit-12 ta’ Lulju, u fid-19 ta’ Lulju, 2007. Dawn id-dispożizzjonijiet huma parti mill-proċeduri stabbiliti mit-Trattati, jew ftehimiet magħmulin b'riżultat ta’ dan, li għandhom x’jaqsmu mal-proċess operazzjonali marbut mal-implimentazzjoni tal-Baġit.

B’mod partikolari, ir-Regoli Interni li ġejjin intużaw bħala kriterji:

—	L-Artikolu 7 – Firem – Kull parti involuta fl-abbozzar, il-kontroll u r-reġistrazzjoni tal-operazzjonijiet biex ikun stabbilit u rkuprat dħul jew biex ammonti jkunu impenjati u jitwettqu pagamenti għandhom jiffirmaw u jiddataw l-involviment tagħhom.

—	L-Artikolu 9 – Proġetti ta’ Bini – Qabel ma l-Qorti tagħti l-approvazzjoni tagħha għal kwalunkwe intrapriża kuntrattwali dwar tali proġett, is-servizz responsabbli għandu jippreżenta dokument ta’ spjegazzjoni li jiġġustifika l-kompatibilità tal-proġett mal-qafas finanzjarju.

—	L-Artikolu 16 – It-twettiq tal-pagamenti – L-uffiċjal tal-kontabilità għandu jwettaq l-ordnijiet ta’ pagament definiti fl-Artikolu 80 tar-Regolament Finanzjarju wara li huwa jkun iċċekkja d-dettalji mandatorji deskritti fl-Artikolu 103(1) u fl-Artikolu 104 tar-Regoli ta’ Implimentazzjoni.

—	L-Artikolu 23.1 – Trasferimenti ta’ approprijazzjonijiet - Skont l-Artikolu 21 tar-Regolament Finanzjarju, l-approprijazzjonijiet għandhom ikunu mmirati għal skopijiet speċifiċi skont it-titolu u l-kapitolu; il-kapitoli għandhom ikomplu jinqasmu f’artikoli u f'partiti.

—	L-Artikolu 23.2 – Trasferimenti ta’ approprijazzjonijiet – It-talbiet kollha għat-trasferimenti għandhom jispjegaw għaliex l-approprijazzjonijiet huma insuffiċjenti. It-talbiet għat-trasferimenti għandhom ikunu ffirmati mid-direttur responsabbli.

—

L-Artikolu 24 – Approprijazzjonijiet li jinġiebu ’l quddiem – L-uffiċjal li jawtorizza responsabbli għandu jipprepara lista li turi l-bilanċ ta’ impenji disponibbli; dan il-bilanċ, għandu jkun aġġustat fil-kontijiet baġitarji billi jittieħdu inkonsiderazzjoni l-approprijazzjonijiet li għandhom jiġu annullati, u għandu juri l-approprijazzjonijiet li għandhom jinġiebu ’l quddiem.

—	L-Artikolu 26 – Inventarji tal-proprjetà – L-inventarju ta’ attivi tanġibbli għandu jinżamm f'database.

—

L-Artikolu 27 – Proċeduri ta’ maniġment u ta’ kontroll intern minimi – Il-proċeduri tal-ġestjoni u tal-kontroll intern jitħejjew mill-uffiċjali li jawtorizzaw skont l-istandards ta' kontroll intern minimi adottati mill-Qorti. Kull operazzjoni tal-baġit hija ttrattata (…) mill-persuna responsabbli għall-verifikazzjoni ex-ante. (…) Jekk il-persuna responsabbli mill-verifikazzjoni ex-ante tistabbilixxi li l-operazzjoni msemmija tissodisfa r-rekwiżiti tal-Artikolu 47(3) tar-Regoli ta’ Implimentazzjoni, hija tivvalidaha u tiddokumenta din il-validazzjoni.

Aħna nemmnu li l-eżami tagħna jagħti bażi raġonevoli għall-opinjoni tagħna.

Abbażi ta’ xogħolna deskritt f’dan ir-rapport, xejn ma ġibed l-attenzjoni tagħna li jġiegħlna nemmnu li fl-aspetti materjali kollha u abbażi tal-kriterji deskritti hawn fuq:

a)	ir-riżorsi assenjati lill-Qorti ma ntużawx għall-għanijiet li kienu intenzjonati għalihom;

b)	il-proċeduri ta’ kontroll fis-seħħ ma jagħtux il-garanziji meħtieġa biex jiżguraw il-konformità tal-operazzjonijiet finanzjarji mar-regoli u r-regolamenti applikabbli.

Ir-rapport tagħna qiegħed biss għall-għan imsemmi fl-ewwel paragrafu u għall-informazzjoni tiegħek, u m’għandux jintuża għal xi għan ieħor jew biex jitqassam lil xi partijiet oħra, ħlief għall-iskop ta’ pubblikazzjoni fil-Ġurnal Uffiċjali Ewropew.