8.10.2009   

MT

Il-Ġurnal Uffiċjali tal-Unjoni Ewropea

C 241/1

8.10.2009   

MT

Il-Ġurnal Uffiċjali tal-Unjoni Ewropea

C 241/3

8.10.2009   

MT

Il-Ġurnal Uffiċjali tal-Unjoni Ewropea

C 241/8

8.10.2009   

MT

Il-Ġurnal Uffiċjali tal-Unjoni Ewropea

C 241/9

1.

Il-Kumitat Konsultattiv jaqbel mal-Kummissjoni li l-operazzjoni notifikata tikkostitwixxi konċentrazzjoni fi ħdan it-tifsira ta’ l-Artikolu 3 (1)(b) tar-Regolament tal-Kunsill (KE) Nru 139/2004 u li għandha dimensjoni Komunitarja.

2.

Il-Kumitat Konsultattiv jaqbel mal-Kummissjoni li għall-finijiet tal-evalwazzjoni tal-operazzjoni attwali, is-swieq tal-prodotti rilevanti huma:

3.

Il-Kumitat Konsultattiv jaqbel mal-Kummissjoni li għall-finijiet tal-evalwazzjoni tal-operazzjoni attwali, is-swieq ġeografiċi rilevanti huma:

4.

Il-Kumitat Konsultattiv jaqbel mal-Kummissjoni li l-konċentrazzjoni notifikata toħloq pożizzjoni dominanti fis-swieq li jkopru ż-ŻEE għal starter batteries OE għal karozzi/LCV u għal starter batteries OE għal trakkijiet/HCV (effetti mhux koordinati).

5.

Il-Kumitat Konsultattiv jaqbel mal-Kummissjoni li l-konċentrazzjoni notifikata tfixkel il-kompetizzjoni effettiva fis-swieq IAM Taljani, Awstrijaċi, Ċeki u Slovakki għal batteriji/LCV tal-karozzi u għal batteriji/HCV għat-trakkijiet rispettivament, b’mod partikolari bħala riżultat tal-ħolqien ta’ pożizzjoni dominanti.

6.

Il-Kumitat Konsultattiv jaqbel li wieħed ma jistenniex li l-kundizzjonijiet tal-kompetizzjoni jiddeterjoraw bl-istess miżura fl-assenza tal-amalgamazzjoni, anki jekk dan iwassal għall-istralċ ta' FIAMMSBB.

7.

Il-Kumitat Konsultattiv jaqbel mal-Kummissjoni li fin-nuqqas ta’ azzjoni xierqa ta’ rimedju mill-partijiet, l-effetti mistennija tal-amalgamazzjoni jkunu agħar b'mod sinifikanti fis-suq OE mill-effetti li mistennija joħorġu fil-każ li jkun hemm stralċ.

8.

Il-Kumitat Konsultattiv jaqbel mal-Kummissjoni li fin-nuqqas ta’ azzjoni xierqa ta’ rimedju, l-effetti mistennija tal-amalgamazzjoni jkunu agħar b'mod sinifikanti fis-suq IAM mill-effetti ta’ nuqqas ta’ amalgamazzjoni (jiġifieri stralċ).

9.

Il-Kumitat Konsultattiv jaqbel mal-Kummissjoni li r-rimedji mtejba mressqa fid-29 ta’ Marzu 2007 għas-suq OE huma biżżejjed biex inaqqsu d-deterjorament tal-istruttura kompetittiva f’livell li għall-inqas jista' jitqabbel ma’ dak ta’ falliment u għalhekk l-impenji huma adattati biex jirrimedjaw għall-impedimenti sinifikanti għall-kompetizzjoni effettiva fis-swieq OE tul iż-ŻEE bħala riżultat tat-transazzjoni proposta.

10.

Il-Kumitat Konsultattiv jaqbel mal-Kummissjoni li l-impenji huma xierqa biex jirrimedjaw l-impedimenti sinifikanti għall-kompetizzjoni effettiva fis-swieq IAM Taljani, Awstrijaċi, Ċeki u Slovakki rispettivament bħala riżultat tat-transazzjoni proposta.

11.

Il-Kumitat Konsultattiv jaqbel mal-Kummissjoni li l-konċentrazzjoni proposta, kif mibdula bl-impenji finali, ma toħloqx jew issaħħaħ pożizzjoni dominanti biex, b'riżultat ta' dan, il-kompetizzjoni effettiva tkun imfixkla b'mod sinifikanti fis-suq komuni jew f'parti sostanzjali minnu u bħala riżultat tista’ tiġi dikjarata kompatibbli mas-Suq Komuni skond l-Artikolu 8(2) tar-Regolament dwar l-Għaqdiet.

12.

Il-Kumitat Konsultattiv jitlob lill-Kummissjoni biex tqis il-punti kollha li tqajmu waqt id-diskussjoni.

8.10.2009   

MT

Il-Ġurnal Uffiċjali tal-Unjoni Ewropea

C 241/11

8.10.2009   

MT

Il-Ġurnal Uffiċjali tal-Unjoni Ewropea

C 241/12

(1)

Fis-26 ta' Ottubru 2006, il-Kummissjoni rċeviet notifika ta' konċentrazzjoni proposta li biha VB Autobatterie GmbH (“VB”), il-Ġermanja, impriża kkontrollata b'mod konġunt minn Johnson Controls Inc. (“JCI”), l-Istati Uniti u Robert Bosch GmbH (“Bosch”), il-Ġermanja, tikseb il-kontroll sħiħ skont it-tifsira tal-Artikolu 3(1)(b) tar-Regolament (KE) Nru 139/2004 (“ir-Regolament dwar l-Għaqdiet”) tan-negozju tal-istarter batteries tal-vetturi FIAMM S.p.A. (“FIAMM SBB”), l-Italja.

(2)

JCI hija fornitur globali tal-komponenti tal-vetturi (is-sits, il-partijiet ta' ġewwa tal-vetturi u l-batteriji) u sistemi tal-kontroll tal-bini. Bosch hija attiva madwar id-dinja fl-oqsma tat-teknoloġija tal-vetturi, il-prodotti tal-konsum u t-teknoloġija tal-bini. VB hija impriża konġunta tal-batteriji tal-vetturi ta' JCI u Bosch. VB tipproduċi starter batteries għall-karozzi, vetturi kummerċjali, muturi u dgħajjes. Hija topera seba' impjanti ta' produzzjoni fil-Ġermanja, Franza, Spanja u r-Repubblika Ċeka.

(3)

FIAMM, li hi proprjetà ta' familja, hija fornitur tal-komponenti tal-vetturi (ħornijiet, antenni u starter batteries) u batteriji industrijali (stand-by). It-transazzjoni tirrigwarda l-assi tan-negozju tal-istarter batteries tal-vetturi ta' FIAMM (FIAMM-SBB).

(4)

It-transazzjoni nnotifikata hija strutturata bħala ftehim li jinvolvi taħlita ta' ishma u assi. FIAMM-SBB bħalissa topera tliet impjanti tal-produzzjoni għall-istarter batteries tal-vetturi, tnejn fl-Italja u wieħed fir-Repubblika Ċeka. Huwa biss l-impjant tal-produzzjoni FIAMM SBB, f'Veronella (l-Italja) li huwa maħsub sabiex jiġi integrat fin-negozju tal-batteriji ta' VB. VB mhux se takkwista l-impjant tal-batteriji għall-vetturi ta' FIAMM fir-Repubblika Ċeka (la l-bini u lanqas il-makkinarju u t-tagħmir). Il-partijiet spjegaw li FIAMM se tikkonverti dan l-impjant f'impjant tal-batteriji industrijali fuq perjodu ta' żmien. Fir-rigward tal-istarter batteries li huma prodotti f'dan l-impjant bħalissa, VB (jew sussidjarja ta' VB) se tikkonkludi ftehim esklussiv ta' forniment għal perjodu sal-31 ta' Marzu 2008. Minbarra dan, VB se takkwista l-makkinarju u t-tagħmir tal-impjant tal-produzzjoni ta' FIAMM SBB f'Avezzano (l-Italja) iżda mhux l-art u l-bini ta' dan l-impjant, li se jinkrew minn VB.

(5)

It-transazzjoni proposta tikkonsisti fl-akkwist tal-kontroll sħiħ minn VB fuq FIAMM SBB. Għalhekk it-transazzjoni tikkostitwixxi konċentrazzjoni skont it-tifsira tal-Artikolu 3(1)(b) tar-Regolament dwar l-Għaqdiet.

(6)

Fid-deċiżjoni, il-Kummissjoni tqis li amalgamazzjoni ttellef il-kompetizzjoni effettiva b'mod sinifikanti f'numru ta' swieq: is-swieq ta' madwar iż-ŻEE kollha għall-forniment tal-istarter batteries tal-karozzi u t-trakkijiet lill-produtturi u l-fornituri tat-tagħmir oriġinali (“swieq OE”), u s-swieq nazzjonali Taljani, Awstrijaċi, Ċeki u Slovakki għall-forniment ta' starter batteries tal-karozzi u t-trakkijiet lis-“swieq indipendenti ta' wara l-bejgħ” (“swieq IAM”).

(7)

Id-deċiżjoni tikkonkludi li l-konċentrazzjoni nnotifikata – mingħajr ma jitqiesu f'dan l-istadju l-effetti probabbli jekk FIAMM SBB toħroġ mis-suq minħabba falliment finanzjarju – toħloq pożizzjoni dominanti fis-swieq ta' madwar iż-ŻEE kollha għall-istarter batteries OE għall-karozzi u għall-istarter batteries OE għat-trakkijiet. Din il-konklużjoni hija bbażata fuq l-osservazzjonijiet prinċipali li ġejjin: (i) it-transazzjoni nnotifikata tneħħi pressjoni kompetittiva qawwija u żżid b'mod sinifikanti l-livell ta' konċentrazzjoni tas-suq OE għall-istarter batteries għall-karozzi/LCV u minbarra dan tneħħi wkoll pressjoni kompetittiva sinifikanti mis-suq tal-istarter batteries OE għat-trakkijiet/HCV; (ii) wara l-amalgamazzjoni, l-abbiltà tal-klijienti tal-OE li jaqilbu għal fornituri alternattivi tkun limitata ħafna, partikolarment minħabba n-nuqqas ta' provvista żejda sinifikanti u l-ostakli eżistenti għall-espansjoni tal-kapaċità tal-produzzjoni; (iii) minbarra dan, ostakli sinifikanti għad-dħul jagħmluha improbabbli li jkun hemm dħul malajr fis-suq ta' fornituri ġodda; u (iv) mhux probabbli li l-effetti ta' ħsara għall-kompetizzjoni li jirriżultaw mill-amalgamazzjoni jiġu kkumpensati permezz tas-“saħħa tax-xerrej” allegata tal-klijenti tal-OE.

(8)

Waqt il-proċedura l-partijiet qajmu l-kwistjoni li jekk ma sseħħx it-transazzjoni preżenti, il-grupp FIAMM kollu kemm hu se jiġi sfurzat joħroġ mis-suq minħabba l-kundizzjoni finanzjarja ħażina tiegħu. Dan allegatament iwassal għal deterjorament tal-kundizzjonijiet tal-kompetizzjoni fis-swieq relevanti simili għall-effetti negattivi possibbli li jirriżultaw mill-amalgamazzjoni preżenti, jew mhux agħar minnhom.

(9)

Fuq il-bażi tal-prattika tagħha u s-sentenzi relevanti tal-Qorti, il-Kummissjoni tqis tliet elementi prinċipali bħala partikolarment relevanti sabiex jiġi stabbilit jekk “amalgamazzjoni ta' salvataġġ” tistax tkun permessa minkejja l-effetti negattivi tagħha fuq il-kompetizzjoni: (i) dik id-ditta li allegatament tkun qiegħda tfalli tista' fil-futur qrib tiġi sfurzata barra mis-suq minħabba d-diffikultajiet finanzjarji jekk ma tiġix meħuda minn impriża oħra; (ii) m'hemmx bejgħ alternattiv li huwa antikompetittiv inqas mill-amalgamazzjoni li ġiet innotifikata; (iii) mingħajr l-amalgamazzjoni, l-assi tad-ditta li tkun qed tfalli inevitabbilment joħorġu mis-suq. Finalment, irid jiġi vvalutat jekk id-deterjorament tal-istruttura kompetittiva li jsegwi l-amalgamazzjoni jistax jingħad li jkun ġie kkawżat mill-amalgamazzjoni. Dan iseħħ meta l-istruttura kompetittiva tas-suq tkun se tiddeterjora għall-inqas sa l-istess punt mingħajr l-amalgamazzjoni.

(10)

Fid-deċiżjoni, il-Kummissjoni tikkonkludi li (i) FIAMM SBB – jekk ma titteħidx minn kumpanija oħra – tiġi sfurzata barra mis-swieq relevanti; (ii) jidher li huwa aktar probabbli milli le li m'hemmx bejgħ alternattiv li huwa antikompetittiv inqas mill-amalgamazzjoni li ġiet innotifikata; (iii) mhux stabbilit li – mingħajr l-amalgamazzjoni – l-assi tad-ditta li tkun qed tfalli inevitabbilment joħorġu mis-suq. Fil-fatt, assi individwali (makkinarju, linji ta' produzzjoni, ditti) jistgħu jinxtraw minn produtturi iżgħar matul il-proċess tal-likwidazzjoni u jistgħu jidħlu lura fis-suq b'xi dewmien (li jista' jirriżulta mill-proċess ta' likwidazzjoni flimkien maż-żmien meħtieġ sabiex ix-xerrej jaġġusta dawk l-assi għall-impjant tiegħu u jerġa' jagħmilhom produttivi).

(11)

Fir-rigward tal-kriterju globali sabiex jiġi vvalutat jekk it-transazzjoni proposta għandhiex titqies bħala l-kawża tal-impediment sinifikanti tal-kompetizzjoni effettiva, il-Kummissjoni vvalutat jekk mingħajr l-amalgamazzjoni, “l-istruttura kompetittiva tas-suq tiddeterjorax għall-inqas sal-istess punt”, separatament għal kull wieħed mis-swieq relevanti li fihom ikun hemm impediment sinifikanti tal-kompetizzjoni effettiva.

(12)

Fir-rigward tas-suq OE, id-deċiżjoni tikkonkludi li l-likwidazzjoni ta' FIAMM SBB twassal għat-tmiem ta' SBB bħala impriża attiva u għal tnaqqis għal perjodu qasir fil-potenzjal produttiv tas-suq. L-ishma mis-suq mingħajr FIAMM ikunu probabbilment riallokati favur fornituri “approvati” ta' starter batteries OE li jimlew in-“nuqqas tal-potenzjal produttiv”. Huwa probabbli li l-akbar parti tmur għand JCI, iżda wkoll għand kompetituri oħra bħal Exide u Banner. Fi kwalunkwe każ, l-ishma kurrenti mis-suq ta' FIAMM, fuq medda qasira ta’ żmien, ma jmorrux awtomatikament għand JCI, filwaqt li dan ikun ir-riżultat l-aktar probabbli tax-“xenarju ta' amalgamazzjoni”. Minbarra dan, fornituri alternattivi jkollhom l-inċentiv u l-abbiltà sabiex jespandu jew jidħlu fis-suq. Fuq il-bażi ta' dawn il-kunsiderazzjonijiet, id-deċiżjoni tikkonkludi li l-istruttura kompetittiva tas-suq tiddeterjora anqas jekk ma ssirx l-amalgamazzjoni milli jekk din isseħħ.

(13)

Id-deċiżjoni tikkonkludi li l-konċentrazzjoni nnotifikata – mingħajr, f'dan l-istadju, ma jitqiesu l-effetti probabbli jekk FIAMM SBB toħroġ mis-suq minħabba falliment finanzjarju – toħloq pożizzjoni dominanti fis-swieq Taljani, Awstrijaċi, Ċeki u Slovakki għall-istarter batteries IAM għall-karozzi u għall-istarter batteries IAM għat-trakkijiet.

(14)

F'dawn is-swieq, FIAMM għandha marki b'saħħithom b'pożizzjoni nazzjonali importanti. Min-naħa l-oħra, FIAMM m'għandhiex marki magħrufa fuq skala nazzjonali fi swieq oħra. Il-preżenza fis-suq ta' VB hija iktar omoġenja madwar l-Ewropa, u hija sinifikanti fl-erba' swieq nazzjonali fejn FIAMM hija b'saħħitha.

(15)

Fl-Italja, l-Awstrija, ir-Repubblika Ċeka u s-Slovakkja, perċentwal għoli ħafna tal-batteriji mibjugħa huma tad-ditta, pjuttost milli b'marka privata, ħafna aktar milli fi swieq Ewropej oħra. Il-valur tal-marki, inkluża dik ta' FIAMM, hija xi ħaġa li għandha għeruq b'saħħithom fil-preferenzi u l-kuxjenza tal-konsumaturi u li tista' tkompli wara t-tmiem tal-kumpanija li huma proprjetà tagħha.

(16)

Minbarra dan, id-distribuzzjoni u l-bejgħ lill-konsumaturi f'dawn il-pajjiżi huma orjentati aktar lejn tipi tradizzjonali ta' kanali ta' bejgħ lill-konsumaturi (garaxxijiet indipendenti, garaxxijiet tat-tiswija, pompi tal-petrol, speċjalisti tal-batteriji, bejjiegħa bl-ingrossa) minflok kanali 'moderni' ta' bejgħ lill-konsumatur (supermarkits, building centres, ċentri tal-karozzi, fast fitters/bejjiegħa tat-tajers lill-konsumaturi) jew lejn gruppi ta' xerrejja. Dan il-fattur iżid ir-relevanza tal-prodotti bil-marka: il-kanali tradizzjonali tad-distribuzzjoni u tal-bejgħ bl-imnut għandhom it-tendenza li jittrattaw volumi iżgħar u jiddependu aktar fuq l-offerta tal-fornituri tagħhom f'termini ta' prodotti mibjugħa u kummerċjalizzazzjoni u komunikazzjoni.

(17)

L-amalgamazzjoni tgħaqqad flimkien il-marki b'saħħithom ta' VB (Varta u Bosch) mal-marki nazzjonali b'saħħithom ta' FIAMM (FIAMM, Uranio u AAA fl-Italja, Bären fl-Awstrija u Akuma fir-Repubblika Ċeka u r-Repubblika Slovakka). L-ebda fornitur ieħor ma jkollu sensiela ta' marki bħal dawn: l-eqreb kompetitur wara l-amalgamazzjoni (Exide fl-Italja u s-Slovakkja, Banner fl-Awstrija u r-Repubblika Ċeka) jkun imbiegħed ħafna kemm f'termini ta' sehem mis-suq u kif ukoll f'termini ta' marki. Fornituri iżgħar u prodotti ta' marki privati ma jkunux jistgħu jikkompetu fil-parti l-aktar għolja tas-suq; l-investigazzjoni tas-suq fil-fatt ikkonfermat id-distakk kbir eżistenti fil-prezz bejn prodotti tad-ditta u dawk li mhumiex u kif ukoll ir-reżistenza tal-konsumaturi sabiex jaqilbu fil-każ ta' żidiet fil-prezzijiet.

(18)

Fir-rigward tas-swieq OE, il-Kummissjoni vvalutat jekk mingħajr l-amalgamazzjoni “l-istruttura kompetittiva tas-suq tiddeterjorax għall-inqas sal-istess punt”, separatament għal kull wieħed mis-swieq relevanti li għalih ikun hemm impediment sinifikanti tal-kompetizzjoni effettiva.

(19)

Fuq dan l-aspett, id-deċiżjoni tqis li l-assi ewlenin li huma partikolarment relevanti għas-swieq tal-IAM huma l-marki ta' FIAMM. Minkejja li dawn issirilhom ħsara bil-likwidazzjoni ta' FIAMM, huwa probabbli li dawn il-marki jżommu parti kbira mill-valur tagħhom u jkunu jistgħu jinxtraw b'utilità mill-kompetituri ta' VB, li jippermettilhom li jikkompetu b'mod effettiv mal-marki b'saħħithom ta' VB. Dawn il-kompetituri normalment ma jkollhomx potenzjal produttiv kbir biżżejjed biex jipproduċu numru suffiċjenti ta' batteriji sabiex iservu s-swieq tal-IAM.

(20)

Fuq il-bażi ta' dawn il-kunsiderazzjonijiet, id-deċiżjoni tikkonkludi li l-istruttura kompetittiva tas-suq tiddeterjora anqas jekk ma ssirx l-amalgamazzjoni milli jekk din isseħħ.

(21)

Sabiex jiġi rrimedjat it-tħassib għall-kompetizzjoni identifikat mill-Kummissjoni, il-partijiet ippreżentaw impenji fid-9 ta' Marzu 2007.

(22)

Il-biċċa l-kbira tat-tweġibiet tal-eżami tas-suq urew li l-impenji, filwaqt li huma biżżejjed sabiex ineħħu t-tħassib dwar il-kompetizzjoni fis-swieq tal-IAM, mhumiex biżżejjed sabiex ineħħu t-tħassib dwar il-kompetizzjoni fis-swieq tal-OE.

(23)

Wara li kienu informati mill-Kummissjoni dwar ir-riżultati tal-eżami tas-suq, il-partijiet immodifikaw l-impenji inizjali tagħhom għas-swieq tal-OE fid-29 ta' Marzu 2007.

(24)

L-impenji mogħtija mill-partijiet jikkonsistu f'żewġ elementi ewlenin:

(25)

Fuq il-bażi tal-valutazzjoni tagħha tal-informazzjoni pprovduta mill-investigazzjoni u, b'mod partikolari, tar-riżultati tal-konsultazzjoni preċedenti tal-operaturi tas-suq, id-deċiżjoni tqis li l-impenji mmodifikati proposti mill-partijiet fid-29 ta' Marzu 2007 huma ċari u suffiċjenti sabiex ineħħu t-tħassib dwar il-kompetizzjoni, mingħajr il-ħtieġa li jsir test ieħor tas-suq, għar-raġunijiet li ġejjin:

(26)

Fis-swieq IAM, VB impenjat ruħha li ċċedi numru ta' marki u negozji, li jikkonsistu f'dawn li ġejjin: (i) il-marka u n-negozju [A] (2) fiż-ŻEE; (ii) il-marka u n-negozju [B] (2) fiż-ŻEE; (iii) il-marka u n-negozju [C] (2) fiż-ŻEE; u (iv) il-marka u n-negozju [D] (2) fiż-ŻEE; (v) il-marka u n-negozju [E] (2) fiż-ŻEE. Minbarra dan, VB u FIAMM impenjaw ruħhom, skont l-għażla tax-xerrej, li jidħlu fi ftehim temporanju tal-forniment jew tal-manifattura għal ħaddieħor għall-forniment mhux esklussiv jew għall-manifattura għal ħaddieħor ta' starter batteries għal total ta' mhux aktar minn [0-1 miljun] (2) batterija fuq perjodu ta' […] (2)

(27)

Fuq il-bażi tal-valutazzjoni tagħha tat-tagħrif ipprovdut mill-investigazzjoni u, b'mod partikolari, tar-riżultati tat-test tas-suq, id-deċiżjoni tqis li l-impenji proposti mill-partijiet fid-9 ta' Marzu 2007 huma biżżejjed sabiex jitneħħa t-tħassib dwar il-kompetizzjoni għar-raġunijiet li ġejjin:

(28)

Il-konċentrazzjoni kif innotifikata timpedixxi b'mod sinifikanti l-kompetizzjoni f'numru ta' swieq. L-impenji offruti mill-partijiet fid-9 ta' Marzu 2007 u mmodifikati għas-swieq OE fid-29 ta' Marzu 2007 huma biżżejjed biex ineħħu t-tħassib dwar il-kompetizzjoni identifikat mill-Kummissjoni. Għaldaqstant, u suġġett għat-twettiq sħiħ mill-partijiet tal-impenji li ħadu, id-deċiżjoni tikkonkludi li l-konċentrazzjoni hija kompatibbli mas-suq komuni.

8.10.2009   

MT

Il-Ġurnal Uffiċjali tal-Unjoni Ewropea

C 241/16

Data tal-adozzjoni tad-deċiżjoni

:

27 ta’ Marzu 2009

Numru tal-każ

:

65140

Stat EFTA

:

L-Islanda

Titlu

:

Kategorija ta’ self tal-Fond għall-Finanzjament tad-Djar dwar tislief lill-banek, banek ta’ tfaddil u istituzzjonijiet finanzjarji oħra minħabba finanzjament mill-ġdid temporanju għal self fuq ipoteka

Bażi legali

:

Ir-Regolament (KE) Nru 715/2008 tas-17 ta’ Lulju 2008, li jemenda r-Regolament (KE) Nru 458/1999 dwar kategoriji ta’ self tal-Fond għall-Finanzjament tad-Djar, kif sostitwit sussegwentement mir-Regolament (KE) Nru 57/2009 dwar kategoriji ta’ self tal-Fond għall-Finanzjament tad-Djar

L-għan

:

Rimedju għal taqlib serju fl-ekonomija

Forma ta' għajnuna

:

Tpartit ta’ assi

Baġit

:

ISK 30 biljun (madwar EUR 246 miljun)

Tul ta’ żmien

:

Tliet xhur, soġġett għal estensjonijiet sa massimu ta’ 12-il xahar, fuq talba tal-applikant

Setturi ekonomiċi

:

Settur bankarju u finanzjarju

Isem u indirizz tal-awtorità li qed tagħmel l-għotja

:

8.10.2009   

MT

Il-Ġurnal Uffiċjali tal-Unjoni Ewropea

C 241/17

Data tal-adozzjoni tad-deċiżjoni

:

31.3.2009

Numru tal-każ

:

65827

Stat EFTA

:

In-Norveġja

Reġjun

:

Nordland

Titlu (u/jew isem tal-benefiċjarju)

:

Route Development Fund Bodø

Bażi legali

:

L-Artikolu 61(3)(c) ŻEE

Tip ta’ miżura

:

Skema ta’ għajnuna

Għan

:

Ħolqien ta’ rotot tal-arju internazzjonali ġodda għal Bodø

Forma tal-għajnuna

:

Baġit

:

12 miljun NOK (appross. 1,2 miljun EUR)

Intensità

:

L-għajnuna ma tistax teċċedi 50 % mill-ispejjeż totali eliġibbli għal sena partikolari u l-għajnuna totali ma tistax teċċedi medja ta’ 40 % tal-ispejjeż eliġibbli

Tul ta’ żmien

:

Ħames snin

Setturi ekonomiċi

:

Trasport tal-passiġġier bl-ajru

Isem u indirizz tal-awtorità li qed tagħmel l-għotja

:

8.10.2009   

MT

Il-Ġurnal Uffiċjali tal-Unjoni Ewropea

C 241/18

(a)

Il-kompetenza teknika rilevanti tal-applikant, li tinkludi kompetenza relatata ma' ħidma għall-iżvilupp, mar-riċerka, mas-sigurtà u mal-ambjent, u kif din il-kompetenza tista' tikkontribwixxi b'mod attiv għall-esplorazzjoni ekonomika u, kif inhu xieraq, il-produzzjoni taż-żejt mhux raffinat fiż-żona ġeografika kkonċernata;

(b)

Li l-applikant għandu jkollu l-kapaċità finazjarja sodisfaċenti biex iwettaq l-esplorazzjoni għal, u kif inhu xieraq, il-produzzjoni taż-żejt mhux raffinat fiż-żona ġeografika kkonċernata;

(c)

L-għarfien ġeoloġiku tal-applikant dwar iż-żona ġeografika kkonċernata, u l-proposti tad-detenturi ta’ liċenzja dwar kif beħsiebhom iwettqu l-esplorazzjoni effiċjenti għaż-żejt mhux raffinat;

(d)

L-esperjenza miksuba mill-applikant fuq il-Blata Kontinetali Norveġiża jew esperjenza rilevanti ekwivalenti minn żoni oħra;

(e)

L-esperjenza tal-Ministeru fir-rigward tal-attivitajiet tal-applikant li huma marbutin maż-żejt mhux raffinat;

(f)

Meta applikant japplika bħala parti minn grupp, il-kompożizzjoni tal-grupp, l-operatur li ġie rakkomandat u l-kompetenza kollettiva tal-grupp se jiġu kkunsidrati lkoll;

(g)

Il-liċenzi għall-produzzjoni se jingħataw prinċiplament lil impriża konġunta li fiha, minn tal-inqas wieħed mill-parteċipanti ħaffer minn tal-inqas bir ta' esplorazzjoni wieħed fuq il-Blata Kontinentali Norveġiża bħala operatur, jew għandu esperjenza operattiva rilevanti ekwivalenti fl-lokalità oħra, minn barra l-Blata Kontinentali Norveġiża;

(h)

Il-liċenzi ta' produzzjoni se jingħataw prinċipalment lil żewġ parteċipanti jew iżjed, fejn minn tal-inqas wieħed minnhom għandu esperjenza kif imsemmi taħt (g);

(i)

L-operatur maħtur għall-liċenzi għall-produzzjoni fil-Baħar Barents irid ikun ħaffer minn tal-inqas bir ta' esplorazzjoni wieħed fuq il-Blata Kontinentali Norveġiża bħala operatur, jew ikollu esperjenza operattiva rilevanti ekwivalenti barra l-Blata Kontinentali Norveġiża;

(j)

L-operatur maħtur għall-liċenzji għall-produzzjoni fl-ibħra fondi jrid ikun ħaffer minn tal-inqas bir ta' esplorazzjoni wieħed fuq il-Blata Kontinentali Norveġiża bħala operatur, jew ikollu esperjenza operattiva rilevanti ekwivalenti f’lokalità oħra, minn barra l-Blata Kontinentali Norveġiża;

(k)

L-operatur maħtur għall-liċenzji ta’ produzzjoni li fihom it-tħaffir tal-bjar ta' esplorazzjoni jimplika tħaffir b'pressjoni għolja u/jew b'temperaturi għoljin (HPHT) irid ikun ħaffer minn tal-inqas bir ta' esplorazzjoni wieħed fuq il-Blata Kontinentali Norveġiża bħala operatur, jew ikollu esperjenza operattiva rilevanti ekwivalenti f’lokalità oħra, minn barra l-Blata Kontinentali Norveġiża.

Ministeru għaż-Żejt mhux Raffinat u l-Enerġija

P.O. Box 8148 Dep.

0033 Oslo

NORVEĠJA

8.10.2009   

MT

Il-Ġurnal Uffiċjali tal-Unjoni Ewropea

C 241/21

—

organizzazzjoni mhux bi skop ta’ qligħ li twettaq l-attivitajiet tagħha għaż-żgħażagħ fuq livell Ewropew;

—

netwerk Ewropea li jirrappreżenta korpi li jaħdmu għaż-żgħażagħ.

—

ma jkunx korp tal-gvern;

—

ikun ilu legalment stabbilit għal talanqas sena mid-data tas-sottomissjoni tal-applikazzjonijiet;

—

ikun mingħajr skopijiet ta’ qligħ;

—

ikun organizzazzjoni speċifikament għaż-żgħażagħ jew organizzazzjoni li tkun tinkludi attivitajiet aktar mifruxa iżda li parti minnhom tkun destinata lejn iż-żgħażagħ;

—

ikun jinvolvi liż-żgħażagħ fil-ġestjoni ta’ attivitajiet żviluppati u mmirati lejhom stess;

—

ikun hemm mill-anqas membru wieħed permanenti fost il-persunal tiegħu (bi ħlas jew mingħajr). Issir eċċezzjoni għal dawk il-korpi li jkunu għadhom qatt ma bbenefikaw minn għotjiet taħt din l-azzjoni u li jkollhom l-intenzjoni li jimpjegaw membru tal-persunal permanenti fil-każ li jingħataw din l-għotja.

—

l-Istati Membri ta’ l-Unjoni Ewropea;

—

l-Istati ta’ l-Assoċjazzjoni Ewropea ta’ Kummerċ Ħieles (EFTA) u ż-Żona Ekonomika Ewropea (ŻEE): l-Iżlanda, il-Liechtenstein, in-Norveġja;

—

il-pajjiżi kandidati għas-sħubija fl-Unjoni Ewropea li jibbenefikaw minn strateġija ta’ qabel l-adeżjoni: it-Turkija;

—

il-pajjiżi tal-Balkani tal-Punent: l-Albanija, il-Bożnja u Ħerżegovina, il-Kroazja, l-eks Repubblika Jugożlava tal-Maċedonja, il-Montenegro u s-Serbja;

—

il-pajjiżi tal-Lvant tal-Ewropa: il-Belarus, il-Moldova, il-Federazzjoni Russa, l-Ukraina.

—

Grupp 1: rappreżentazzjoni tal-fehmiet u l-interessi taż-żgħażagħ fid-diversità tagħhom fuq livell Ewropew;

—

Grupp 2: skambji ta’ żgħażagħ u servizzi volontarji;

—

Grupp 3: tagħlim mhux formali u informali u programmi ta' attivitajiet immirati lejn iż-żgħażagħ;

—

Grupp 4: promozzjoni ta’ tagħlim u fehim interkulturali;

—

Grupp 5: dibattitu dwar affarijiet Ewropej, politika tal-UE jew politika dwar iż-żgħażagħ;

—

Grupp 6: tixrid ta’ informazzjoni dwar azzjoni tal-Komunità;

—

Grupp 7: azzjonijiet li jippromwovu l-parteċipazzjoni u l-inizjattiva miż-żgħażagħ.

—

kemm huma adattati f’termini tal-objettivi tal-programm;

—

il-kwalità tal-attivitajiet ippjanati;

—

l-impatt u l-effett ta’ multiplikazzjoni ta’ dawn l-attivitajiet fuq iż-żgħażagħ;

—

l-impatt ġeografiku tal-attivitajiet ippjanati;

—

l-involviment taż-żgħażagħ fl-organizzazzjoni tal-korpi kkonċernati.

—

attivitajiet ippjanati;

—

gruppi ta’ attivitajiet involuti;

—

suġġetti koperti;

—

żgħażagħ li jieħdu sehem fl-attivitajiet, b’mod partikolari dawk b’inqas opportunitajiet;

—

il-pajjiżi involuti.

(1)

finanzjament b’rata fissa

(2)

finanzjament tradizzjonali tal-ispejjeż eliġibbli skont il-baġit (kalkolu abbażi tal-baġit)

Education, Audiovisual & Culture Executive Agency

Unità taż-Żgħażagħ(P6) – l-applikazzjoni ta’ Għotja – Azzjoni 4.1 – 2010

Avenue du Bourget 1 (BOUR — 4/29)

1140 Bruxelles/Brussel

BELGIQUE/BELGIË

—

bil-posta (data tat-timbru tal-posta),

—

b′servizz ta’ kurrier (data tal-wasla mis-servizz ta' kurrier twassal l-applikazzjoni lill-Aġenzija Eżekuttiva).

8.10.2009   

MT

Il-Ġurnal Uffiċjali tal-Unjoni Ewropea

C 241/24

1.

Li jiftaħ proċedura għall-għoti ta' awtorizzazzjoni għall-esplorazzjoni taż-żejt u l-gass naturali fil-Blokka “Kilifarevo”, b'superfiċe ta' 20 km2 u b'koordinati tal-punti tal-konfini 1 sa 4 skont l-Anness;

2.

Li jħabbar li l-għoti tal-awtorizzazzjoni taħt it-Taqsima 1 se jkun imsejjes fuq kompetizzjoni;

3.

Li jispeċifika li l-perjodu ta’ żmien kopert mill-awtorizzazzjoni għall-esplorazzjoni huwa ta' ħames snin mid-data tad-dħul fis-seħħ tal-kuntratt għall-esplorazzjoni, bid-dritt li dan il-perjodu jkun jista’ jiġi estiż skont l-Artikolu 31, Paragrafi 3 u 4 tal-Att dwar ir-Riżorsi Naturali ta’ Taħt l-Art.

4.

Id-data tal-għeluq għax-xiri tal-fajl tal-kompetizzjoni hija l-16:00 fil-120 jum mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. Il-fajl tal-kompetizzjoni jista' jinxtara mill-kamra Nru 427 tal-bini tal-Ministeru tal-Ambjent u l-Ilma, Maria Luisa Boulevard 22, Sofia.

5.

Id-data tal-għeluq għas-sottomissjoni tal-applikazzjonijiet għall-parteċipazzjoni fil-kompetizzjoni hija l-16:00 fil-135 jum mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. L-applikazzjonijiet għall-parteċipazzjoni fil-kompetizzjoni jridu jiġu sottomessi fir-reġistru tal-Ministeru tal-Ambjent u l-Ilma, Maria Luisa Boulevard 22, Sofia.

6.

Id-data tal-għeluq għas-sottomissjoni tal-offerti hija l-16:00 fil-155 jum mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea. L-offerti jridu jiġu sottomessi fir-reġistru tal-Ministeru tal-Ambjent u l-Ilma, Maria Luisa Boulevard 22, Sofia.

7.

L-offerti li jaslu sad-data tal-għeluq fit-Taqsima 6 għandhom jinfetħu mill-Kumitat skont it-Taqsima 10.2 fil-preżenza tar-rappreżentati tal-parteċipanti fil-156 jum mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea fil-bini tal-Ministeru tal-Ambjent u l-Ilma, Maria Luisa Boulevard 22, Sofia. Fi żmien 14-il jum mid-data tal-ftuħ tal-offerti l-Kumitat għandu jeżamina u jevalwa l-offerti u jikklassifika l-parteċipanti.

7.1.

Jekk l-ebda waħda mill-offerti skont it-Taqsima 7 ma tilħaq ir-rekwiżiti tal-kompetizzjoni, il-Kumitat għandu jestendi d-data tal-għeluq sabiex il-parteċipanti jkunu jistgħu jtejbu l-offerti tagħhom, li dwarhom se jkunu infurmati bil-miktub.

7.2.

Fi żmien 14-il jum mill-wasla tal-offerti skont it-Taqsima 7.1 il-Kumitat għandu jsejjaħ laqgħa li matulha se jeżamina u jevalwa l-offerti mtejba u jikklassifika l-parteċipanti.

8.

Id-depożitu għall-parteċipazzjoni fil-kompetizzjoni huwa ffissat għal BGN 15 000.

8.1.

Id-depożitu jrid jitħallas sad-data tal-għeluq għas-sottomissjoni tal-applikazzjonijiet għall-parteċipazzjoni fil-kompetizzjoni skont it-Taqsima 5.

8.2.

Id-depożitu jitħallas fil-kont tal-bank indikat fil-fajl tal-kompetizzjoni.

8.3.

Id-depożitu tal-applikant li jintgħażel u d-depożiti tal-parteċipanti li naqsu milli jilħqu r-rekwiżiti tal-kompetizzjoni jinżammu. Id-depożiti tal-parteċipanti l-oħra jiġu rimborsati fi żmien 14-il jum mill-pubblikazzjoni tad-Deċiżjoni tal-Kunsill tal-Ministri għall-għoti tal-awtorizzazzjoni għall-esplorazzjoni lill-applikant li ntgħażel fil-Gazzetta tal-Istat.

9.

Il-Kunsill tal-Ministri għandu jistipula r-rekwiżiti l-oħra marbuta mal-kompetizzjoni:

9.1.

Fil-każ ta' appell skont l-Artikolu 47, Paragrafu 3 tal-Att dwar ir-Riżorsi Naturali ta' Taħt l-Art, id-dati tal-għeluq fit-Taqsimiet 6 u 7 għandhom jiġu estiżi bl-għadd ta' jiem meħtieġa biex tittieħed deċiżjoni dwar l-appell, dwar liema l-parteċipanti li l-applikazzjonijiet tagħhom ġew aċċettati jiġu notifikati bil-miktub.

9.2.

Il-prezz għall-fajl tal-kompetizzjoni huwa BGL 13 500.

9.3.

Il-fajl tal-kompetizzjoni jista' jinxtara minn persuni bil-poter ta' rappreżentanza jew minn rappreżentanti awtorizzati.

9.4.

Il-kompetizzjoni sejra ssir anke jekk jitħalla jipparteċipa applikant wieħed biss.

9.5.

L-applikanti għall-parteċipazzjoni fil-kompetizzjoni għandhom ikunu konformi mar-rekwiżiti speċifikati fl-Artikolu 23, Paragrafu 1 tal-Att dwar ir-Riżorsi Naturali ta’ Taħt l-Art.

9.6.

L-applikazzjonijiet għall-parteċipazzjoni fil-kompetizzjoni għandhom ikunu ppreparati u sottomessi skont l-Artikolu 46, Paragrafi 1 u 2 tal-Att dwar ir-Riżorsi Naturali ta’ Taħt l-Art u l-kundizzjonijiet tal-fajl tal-kompetizzjoni.

9.7.

L-applikazzjonijiet għall-kompetizzjoni għandhom ikunu konformi mar-rekwiżiti u l-kundizzjonijiet indikati fil-fajl tal-kompetizzjoni.

9.8.

L-offerti għandhom jiġu evalwati kif stipulat fil-fajl tal-kompetizzjoni, imsejsa fuq il-kapaċitajiet finanzjarji u amministrattivi tal-applikanti, il-programmi ta' ħidma proposti, u r-riżorsi ddedikati għall-protezzjoni ambjentali u t-taħriġ jew l-innovazzjoni teknika.

9.9.

Jekk sad-data tal-għeluq skont it-Taqsima 5 ma tkun waslet l-ebda applikazzjoni għall-parteċipazzjoni fil-kompetizzjoni jew ma ġiex aċċettat l-ebda applikant għall-parteċipazzjoni fil-kompetizzjoni, il-kompetizzjoni tiġi kkanċellata.

10.

Il-Ministru tal-Ambjent u l-Ilma huwa awtorizzat:

10.1.

li jibgħat it-test ta' din id-Deċiżjoni biex jiġi ppubblikat f'Il-Ġurnal Uffiċjali tal-Unjoni Ewropea u fil-Gazzetta tal-Istat, kif ukoll fuq is-sit tal-internet tal-Kunsill tal-Ministri;

10.2.

li jorganizza t-tmexxija tal-kompetizzjoni. Il-Ministru qiegħed hawnhekk jiġi appuntat bħala l-president tal-kumitat. Il-membri tal-kumitat għandhom ikunu appuntati mill-president skont l-Artikolu 44, Paragrafu 7 tal-Att dwar ir-Riżorsi Naturali ta’ Taħt l-Art.

11.

L-appelli kontra din id-Deċiżjoni jistgħu jiġu indirizzati lill-Qorti Amministrattiva Suprema fi żmien 14-il jum mill-pubblikazzjoni tagħha f’Il-Ġurnal Uffiċjali tal-Unjoni Ewropea.