20.6.2009

Il-Ġurnal Uffiċjali tal-Unjoni Ewropea

C 140/1

Rata tal-kambju tal-euro (1)

Id-19 ta’ Ġunju 2009

2009/C 140/01

1 euro =

	Munita	Rata tal-kambju
USD	Dollaru Amerikan	1,3932
JPY	Yen Ġappuniż	134,84
DKK	Krona Daniża	7,4434
GBP	Lira Sterlina	0,84715
SEK	Krona Żvediża	10,9725
CHF	Frank Żvizzeru	1,5102
ISK	Krona Iżlandiża
NOK	Krona Norveġiża	8,8995
BGN	Lev Bulgaru	1,9558
CZK	Krona Ċeka	26,357
EEK	Krona Estona	15,6466
HUF	Forint Ungeriż	279,50
LTL	Litas Litwan	3,4528
LVL	Lats Latvjan	0,6975
PLN	Zloty Pollakk	4,5138
RON	Leu Rumen	4,2143
TRY	Lira Turka	2,1642
AUD	Dollaru Awstraljan	1,7283
CAD	Dollaru Kanadiż	1,5708
HKD	Dollaru ta' Hong Kong	10,7976
NZD	Dollaru tan-New Zealand	2,1685
SGD	Dollaru tas-Singapor	2,0274
KRW	Won tal-Korea t'Isfel	1 761,36
ZAR	Rand ta' l-Afrika t'Isfel	11,2910
CNY	Yuan ren-min-bi Ċiniż	9,5242
HRK	Kuna Kroata	7,2780
IDR	Rupiah Indoneżjan	14 491,00
MYR	Ringgit Malażjan	4,9264
PHP	Peso Filippin	67,360
RUB	Rouble Russu	43,4098
THB	Baht Tajlandiż	47,585
BRL	Real Brażiljan	2,7325
MXN	Peso Messikan	18,5714
INR	Rupi Indjan	66,8880

(1) Sors: rata tal-kambju ta' referenza ppubblikata mill-Bank Ċentrali Ewropew.

20.6.2009

Il-Ġurnal Uffiċjali tal-Unjoni Ewropea

C 140/4

Pubblikazzjoni ta' applikazzjoni għal reġistrazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u tal-ikel

2009/C 140/04

Din il-pubblikazzjoni tikkonferixxi d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006. Id-dikjarazzjonijiet ta' oġġezzjoni għandhom jaslu l-Kummissjoni fi żmien sitt xhur mid-data ta' din il-pubblikazzjoni.

SINTEŻI

IR-REGOLAMENT TAL-KUNSILL (KE) Nru 510/2006

“PROVOLONE DEL MONACO”

Nru tal-KE: IT-PDO-0005-0466-20.05.2005

DPO ( X ) IĠP ( )

Din is-sinteżi tagħti l-elementi ewlenin tal-ispeċifikazzjoni tal-prodott b'għan informattiv biss.

1. Dipartiment responsabbli Fl-Istat Membru:

Isem:

Ministero delle politiche agricole e forestali

Indirizz:

Via XX Settembre n. 20

00187 Roma

ITALIA

Tel.

+39 0646655104

Fax

+39 0646655306

e-mail:

saco7@politicheagricole.gov.it

2. Grupp:

Isem:

Comitato per la registrazione della denominazione d’origine del provolone del Monaco

Indirizz:

Via D. Caccioppoli, 25

80069 Vico Equense (NA)

ITALIA

Tel.

+39 081 8799290

Fax

+39 081 8015557

e-mail:

vincenzo.peretti@unina.it

Kompożizzjoni:

Produtturi/proċessuri ( X ) oħrajn ( )

3. Tip ta' prodott:

Klassi 1.3 –

Ġobnijiet tal-Anness II – Provolone

4. Speċifikazzjoni:

(sinteżi tar-rekwiżiti skont l-Artikolu 4(2) tar-Regolament (KE) Nru 510/2006)

4.1. Isem:

“Provolone del Monaco”

4.2. Deskrizzjoni:

Il-“Provolone del Monaco” huwa l-isem tal-ġobon li għandu l-karatteristiċi li ġejjin: ġobon nofsu iebes, moxx (a pasta filata), maturat, prodott esklussivament mill-ħalib nej li jkun ġej mill-baqar imrobbija fiż-żona indikata fil-punt 4.3. Meta jinħareġ għall-konsum, il-prodott għandu jkollu dawn il-karatteristiċi: a) maturazzjoni ta' mill-anqas mija u tmenin jum (sitt xhur), b'rendiment massimu ta' 9 kg kull ettolitru ta' ħalib proċessat; b) għamla ta' bettieħa ftit tawwalija jew għamla ta' lanġasa mingħajr ras b'piż ta' mhux anqas minn 2,5 kg u ta' mhux aktar minn 8 kg; qoxra rqiqa ta' kulur li jagħti fl-isfar bi sfumaturi ftit skuri, kważi lixxa b'daqqiet ħfief fit-tul tul l-irbit tar-raffja użati biex iżommu l-ġobon flimkien f'pari, li jifred il-Provolone f'mill-inqas 6 uċuh; c) il-qalba lewn il-krema bi sfumaturi fuq l-isfar, elastika, kumpatta, uniformi u mingħajr tqaxxir, ratba b'toqob tipiċi (toqba 'l hemm u 'l hawn) b'dijametru li jvarja sa 5 mm, bil-possibbiltà ta' toqob imferrxin b'dijametru akbar, sa 12 mm, li jinsabu aktar lejn iċ-ċentru tal-massa; d) kontenut ta' xaħam fis-sustanza xotta ta' mhux anqas minn 40,5 %; e) b'togħma ħelwa u ta' butir u ftit taħraq u tajba.

Barra minn hekk, l-ambjent fejn issir il-maturazzjoni jagħti lil dan il-ġobon togħma qawwija minħabba t-tul tal-maturazzjoni. Wara 7-8 xhur il-provolone għandu t-tendenza li jisfar aktar, il-qoxra teħxien filwaqt li jieħu togħma aktar taħraq u l-qalba tidher aktar konsistenti, anke jekk tibqa′ ratba mhux ħażin u mingħajr qxur.

4.3. Żona ġeografika:

Iż-żona ta' trobbija tal-baqar, tal-produzzjoni u tal-maturazzjoni tal-“Provolone del Monaco” DPO, hija definita mit-territorji sħaħ tal-muniċipalitajiet li ġejjin, li jinsabu kollha fil-provinċja ta' Napli: Agerola, Casola di Napoli, Castellammare di Stabia, Gragnano, Lettere, Massa Lubrense, Meta, Piano di Sorrento, Pimonte, Sant′Agnello, Sorrento, Santa Maria La Carità, Vico Equense.

4.4. Prova tal-oriġini:

Kull fażi tal-proċess ta' produzzjoni għandha tkun immonitorjata billi jiġi ddokumentat għall kull fażi id-dħul u l-ħruġ tal-prodotti. B'dan il-mod, u permezz ta' tniżżil f'listi speċifiċi, ġestiti mill-korp ta' spezzjoni, ta' min irabbi l-bhejjem, tal-produtturi, kif ukoll permezz tan-notifika f'ħinha lill-korp ta' spezzjoni tal-kwantitajiet prodotti, hija ggarantita t-traċċabbiltà kif ukoll ir-rintraċċabbiltà tal-prodott. Il-persuni kollha, fiżiċi jew legali, imniżżla fil-listi relatati, se jkunu suġġetti għall-kontroll mill-korp ta' spezzjoni, skont kif indikat fil-punt 4.7 kif inhu stipulat fil-pjan ta' kontroll.

4.5. Metodu ta' produzzjoni:

L-ipproċessar iseħħ bl-użu ta' ħalib tal-baqar li ma jkunux għamlu aktar minn 230 jum ta' ħlib. L-ikel tal-baqar irid ikollu mill-inqas 40 % tas-sustanza xotta ġejja mill-għalf u/jew għalf aħdar. Il-kwantità ta' għalf aħdar li jingħata kuljum lill-baqar ma għandux ikun aktar minn 15 kg sabiex jiġu evitati fermentazzjonijiet mhux normali li jistgħu jikkompromettu l-kwalitajiet organolettiċi tal-ġobon. L-għalf aħdar huwa l-prodott miksub miż-żabra ta' siġar kultivati (siġar taċ-ċitru, taż-żebbuġ, eċċ..) u mill-boski ta' siġar li jwaqqa′ l-weraq (qastan, eċċ) u mit-tindif tat-terrazzi fiż-żona ta' produzzjoni indikata fil-punt 4.3. Dan jiġi integrat mal-għalf l-ieħor li jrid ikun ġej mill-kultivazzjoni ta' ċereali miż-żerriegħa (ħafur, xgħir u qamħ) u/jew mit-tiben li ġej minn mergħat stabbli u naturali u minn kultivazzjonjiet ta' ħaxix u legumi għall-għalf. L-għalf huwa biss is-suppliment għall-ikel li ġej miż-żona indikata fil-punt 4.3 li jagħti l-karatteristiċi partikolari lill-ħalib tal-baqar. Il-ħalib maħsub għall-produzzjoni jrid ikun dak miksub permezz ta' tnixxija mill-glandoli mammarji u ma jridx ikun imqiegħed f'temperatura ta' aktar minn 40 °C. Il-koagulazzjoni għandha tinkiseb bl-użu tat-tames għal madwar 40-60 minuta filwaqt li jiżdied tames ftit magħqud tal-gidi jew tames f'likwidu naturali tal-għoġol waħidhom jew flimkien, b'mill-anqas 50 % tat-tames ftit magħqud tal-gidi, imsaħħan għal 34-42 °C. Meta l-baqta jkollha l-konsistenza mixtieqa, din tinqasam f'biċċiet żgħar ħafna daqs rossa tal-qamħirrum. Dawn jitħallew joqogħdu għal 20 minuta. Imbagħad il-baqta tiġi msaħħna sabiex tinkiseb temperatura ta' 48-52 °C u titħalla toqgħod għal mhux aktar minn 30 minuta. Wara x-xorrox jitneħħa minnha u tiġi ttrasferita f'biċċiet tad-drapp tal-qanneb jew bramel tal-ħadid imtaqqba għall-maturazzjoni. Wara li t-testijiet tal-għaġna jkunu taw riżultati pożittivi ta' elastiċità u reżistenza, il-baqta tinqata' f'faxex ta' daqsijiet varji. Imbagħad il-massa tiġi magħġuna u mogħtija l-forma bl-ilma f'temperatura ta' 85-95 °C f'forom skont il-porzjonijiet stabbiliti mill-ispeċifikazzjoni tal-prodott. Isegwi l-proċess tat-twebbis bit-tagħdis f'ilma kieseħ u t-tmelliħ bit-tagħdis fis-salmura għal 8-12-il siegħa kull kilogramma tal-prodott. Il-ġobnijiet miksuba, marbutin f'pari u mdendlin fuq xkafef apposta, jitħallew jimmaturaw l-ewwel f'temperatura ambjentali biex jixxuttaw għal minn 10 sa 20 jum u wara, f'ambjent ta' temperatura bejn it-8 u l-15 °C għal perijodu ta' mhux inqas minn sitt xhur. Fl-aħħar tal-maturazzjoni, il-forom għandhom ikollhom piż ta' mhux anqas minn 2,5 kg u mhux aktar minn 8 kg. Il-produzzjoni tal-“Provolone del Monaco” tista' ssir matul is-sena kollha esklussivament minn ħalib miġbur wara kull ħlib mingħajr tkessiħ fl-istalla jew darba kuljum bit-tkessiħ fl-istalla. Il-korp ta' spezzjoni, indikat fil-punt 4.7, fl-aħħar tal-maturazzjoni, jiżgura li l-prodott għandu l-karatteristiċi stipulati, u wara l-prodott jgħaddi għall-immarkar fuq il-ġnub tal-provolone u għat-tikkettar tal-prodott.

4.6. Rabta:

L-ispeċifità tal-Provolone del Monaco hija r-riżultat ta' tagħqida ta' fatturi tipiċi taż-żona tal-Monti Lattari - Penisola Sorrentina, partikolarment tal-karatterstiċi organolettiċi tal-ħalib prodott esklussivament mill-baqar imrobbija fit-territorju, tal-metodu tal-ipproċessar li għadu sal-lum jirrifletti t-tradizzjonijiet artiġjanali li għaddew minn ġenerazzjoni għall-oħra u tal-mikroklima li jikkaratterizza l-ambjenti tal-produzzjoni u tal-maturazzjoni. Il-ħalib prodott fiż-żona ta' oriġini tal-“Provolone del Monaco” għandu livelli ta' xaħam u proteini ogħla mill-medja nazzjonali, assoċjati mal-valuri tal-kalċju tar-residwu xott bla xaħam (sustanza xotta bla xaħam), imniżżla fit-tabelli li ġejjin, li jikkonfermaw l-abbundanza nutrittiva tal-prodott u l-kapaċità ogħla ta' rendiment fl-ipproċessar tal-ġobon.

Il-karatteristiċi organolettiċi medji tal-ħalib tal-baqra tal-Monti Lattari – Penisola Sorrentina.

Xaħam	Proteina %	Ca	Irmied	Rsm (1)	Piż speċifiku:
3,3	3,1	157	0,730	8,72	1,0308

Karatteristiċi organolettiċi medji tal-ħalib tal-baqra tar-razza Agerolese.

Xaħam %	Proteina %	Ca	Irmied	RSM (2)	Piż speċifiku:
3,9	3,5	159,7	0,752	8,87	1,0308

Dawn il-partikolaritajiet flimkien mal-parametri uniċi huma responsabbli mill-prediżpożizzjoni partikolari ta' dan il-ħalib għall-koagulazzjoni u għall-“għaġna” li tiġi wara, kif ukoll tal-karatteristiċi ta' preġju partikolari għall-konsistenza finali tal-ġobon miksub, l-aktar f'termini ta' elastiċità u tenaċità tal-ġobon.

Dawn il-fatti kollha huma konferma impliċita tat-tipiċità fil-kompożizzjoni ta' dan il-ħalib, li tinfluwenza b'mod pożittiv il-karatteristiċi tar-riħa u tat-togħma tal-Provolone del Monaco.

Minn żminijiet antiki, it-tipiċità tad-DPO hija strettament marbuta mat-trobbija tar-razza awtoktona tal-baqar Agerolese, li tipprovdi l-ħalib użat fil-produzzjoni tal-Provolone del Monaco. Din ir-razza, magħżula matul is-snin minn ambjent ostili, nieqes b'mod partikolari minn mergħat u minn postijiet ta' kenn improvviżati, kienet akkwistat karattru rustiku u reżistenti u, minkejja l-ikel fqir, kienet kapaċi tipproduċi kwantità diskreta ta' ħalib b'karatteristiċi organolettiċi eċċellenti li fil-biċċa l-kbira jintuża għall-produzzjoni tal-Provolone del Monaco.

It-trobbija tal-baqar fil-Monti Lattari – Penisola Sorrentina, tmur lura saħansitra għal 264 Q.K., epoka li fiha l-Piċentini, l-ewwel abitanti ta' dawn il-muntanji biddlu l-ispazju meħud mill-boski f'terren kultivabbli u bdew irabbu annimali domestiċi, speċjalment baqar li jipproduċu l-ħalib. Minn dan l-ewwel nukleu ta' baqar, b'konsegwenza ta' għadd kbir ta' tgħammir ma' razez li ġew fis-sekli ta' wara, intgħażlet razza li mill-1952 ġiet definita bħala Agerolese, li għandha karatteristiċi morfoġenetiċi u somatiċi tal-pil, tat-torso, tar-riġlejn u tal-għadam u li tipproduċi ħalib karatterizzat minn perċentwal għoli ta' xaħam. Fl-ewwel snin tas-seklu għaxra it-tabib veterinarju Enrico Mollo iddeskriva l-baqra mrobbija f'dan it-territorju speċifiku bħala “baqra tal-ħalib... minn metru u ħamsa u tletin ċentimetru sa metru u erbgħin, b'xi wħud saħansitra aktar minn hekk, il-piż ħaj ivarja minn tliet mija u ħamsin kilogramma għal erba′ mitt kilogramma; il-pil huwa skur bi strixxa aktar ċara fuq id-dahar... tipprovdi bejn sbatax u tmintax-il litru ħalib kuljum... fl-istaġun it-tajjeb, meta hemm ħafna għalf aħdar u l-klima tibda ssir moderata u l-ħalib jibda jkollu riħa aktar tfuħ... l-aktar produzzjoni interessanti tal-ġobon hija rrappreżentata mill-produzzjoni tal-provoloni”. Huwa biżżejjed anke li 20 % biss tal-ħalib ikun ġie mir-razza Agerolese sabiex il-Provolone del Monaco DPO ikollu karatteristiċi uniċi. Dan għaliex il-ħalib prodott mill-baqar ta' Agerolese għandu livelli ta' xaħam u proteina ogħla mill-medja tal-ħalib prodott mir-razez l-oħra. Dan, flimkien mal-valuri tal-kalċju u tar-residwu xott bla xaħam (sustanza xotta bla xaħam), jikkonfermaw l-abbundanza nutrittiva tal-prodott u l-kapaċità għolja ta' rendiment fil-proċess tal-ġobon, u jagħtu r-riħa u t-togħma karatteristiċi li jiddistingwu lill-Provolone.

Il-karatteristiċi kimiċi tal-ġobon huma mniżżlin hawnhekk.

Il-kompożizzjoni kimika tal-ġobon tas-sustanza naturali.

		Fuq is-Sustanza Naturali
Provolone del Monaco	Kwalità	Ilma %	Xaħam %	Sustanza ta' Proteina %	Total ta' Melħ %	NaCl %
		40,20	28,50	27,20	4,10	2,20

Il-kompożizzjoni kimika tal-ġobon tas-sustanza xotta.

		Għall kull 100 tal-materjal xott
Provolone del Monaco	Kwalità	Xaħam %	Sustanza ta' Proteina %	Total ta' Melħ %	NaCl %
	Ħalib sħiħ:	47,65	45,48	6,85	3,67

Iż-żona ġeografika hija kkaratterizzata mill-preżenza ta' għadd kbir ta' widien li huma profondament maqtugħa ġewwa l-kosta u jidħlu l-ġewwa għal diversi kilometri. Dawn huma kkaratterizzati minn varjazzjonijiet ta' altitudni, b'fenomeni ta' tibdil kbir fil-veġetazzjoni u żvilupp partikolari ta' blat kumpless. Il-varjabbiltà kbira tas-sistema orografika u idrografika li tinsab fit-territorju u d-diversifikazzjoni morfoloġika intrinsika bejn iż-żoni differenti li jagħmlu dan it-territorju, jiddeterminaw il-preżenza ta' mikroklimi ristretti li mhumiex l-istess. In-natura tal-postijiet, ġeneralment ħarxa ħafna, tiddetermina kwantita' ta' xemx li tvarja ħafna anki fiż-żoni ġirien, li flimkien mal-altimetrija varjabbli, u minkejja l-influss ta' mitigazzjoni tal-baħar, jiddeterminaw varjazzjonijiet partikolari tal-istess speċijiet ta' veġetazzjoni li jinsabu fiż-żona. It-temperaturi annwali medji jibqgħu fil-fatt bejn is-16 °C u l-20 °C matul il-kosta u bejn it-12 °C u s-16 °C fuq in-naħa tat-Tramuntana, b'temperaturi minimi fiż-żoni aktar elevati li xorta jilħqu bejn it-8 °C u t-12 °C. Sitwazzjoni bħal din toħloq distribuzzjoni ta' isotermi li jaqblu mal-andament altimetriku tal-postijiet. L-inżul tax-xita huwa lokalment kondizzjonat b'mod rilevanti mill-preżenza ta' riżalti tal-ġir; l-inżul tax-xita iseħħ f'medja ta' madwar 100 jum, bix-xita tkun aktar intensa fiż-żoni l-aktar elevati. Ir-riħ, għalkemm ħafna drabi jkun assenti, x'aktarx jiġi mill-Ilbiċ.

L-isem tipiku “Provolone del Monaco” jmur lura għaż-żminijiet antiki, u huwa strettament marbut mal-mod kif fil-passat dan il-ġobon kien ittrasportat biex jinbiegħ fis-suq ta' Napli, aktar preċiżament fl-epoka li fiha l-produtturi tal-ġobon taż-żona msemmija ddeċidew li jipproduċu l-aktar il-prodotti maturi xprunati mill-ħtieġa li jressqu l-kummerċ lejn il-belt ta' Napli. Minħabba n-nuqqas ta' aċċessibbiltà ta' rotot, l-aħjar mod kif wieħed jasal Napli kien minn fuq il-baħar: vjaġġ twil u diffiċli li kien jibda fis-satra tal-lejl. Il-provoloni kienu jitgħabbew fuq dgħajjes bl-imqadef u l-bdiewa li għal dak il-waqt kienu jinbidlu f'kummerċjanti, biex jilqgħu għall-umdità tal-baħar u tal-lejl kienu jitgħattew b'mantell kbir li jixbah iċ-ċoqqa tal-patrijiet. Hekk kif jaslu Napli, dawk li jaħdmu fis-suq fejn il-port bdew isejħu lil min jittrasporta l-ġobon, il-Monaco, u l-ġobon tiegħu, il-Provolone del Monaco. Minn dak iż-żmien, l-isem baqa′ dejjem “Provolone del Monaco”, u jirrappreżenta elementi tradizzjonali u ta' rabta mat-territorju li jintitolah għar-rikonoxximent skont l-artikolu 2, il-paragrafu 2 tar-Reg. KE 510/2006.

4.7. Korp ta’ spezzjoni:

Isem:

ISMECERT

Indirizz:

Centro Direzionale Isola G1

80143 Napoli

ITALIA

Tel.

+39 081 7879789

Fax

+39 081 6040176

e-mail:

info@ismecert.it

il-korp ta' spezzjoni jissodisfa l-kundizzjonijiet stabbiliti fl-istandard EN 45011.

4.8. Tikkettar:

Mat-tqegħid fis-suq għall-konsum, il-forom tal-“Provolone del Monaco” għandu jkollhom stampat bis-sħana fuq kull naħa b'figuri linejari u bit-tikek, it-timbru bil-kliem “Provolone del Monaco”, bil-kulur iswed u l-indikazzjoni tan-numru ta' identifikazzjoni tal-produttur imdaħħal fis-sistema tal-kontroll. It-tikketta li titwaħħal fuq il-forom tal-“Provolone del Monaco” D.P.O. għandu jkollha b'karattri stampati ċari, li ma jitħassrux u li jingħarfu b'mod ċar minn kull kitba oħra li tidher fuq it-tikketta, l-informazzjoni li ġejja: a) is-simbolu grafiku, li jidher hawn taħt, marbut max-xbieha artistika tal-logo speċifiku u univoku, li għandu jintuża flimkien b'mod indiviżibbli mad-DPO; b) is-simbolu komunitarju; c) l-isem, il-kunjom, isem l-azjenda u l-indirizz tal-azjenda tal-ippakkjar u/jew tal-produzzjoni; d) in-numru ta' identifikazzjoni mogħti lil kull produttur imniżżel fis-sistema tal-kontroll; e) il-piż tal-prodott f'konformità mar-regoli fis-seħħ; f) l-inqas perċentwal ta' ħalib tal-baqra tat-tip ġenetiku awtoktonu (TGA) Agerolese li ġie użat; f) it-tipoloġija tat-tames użat; h) il-maturazzjoni meta din tkun ta' aktar minn sitt xhur. Din l-informazzjoni għandha tkun stampata b'karattri iżgħar minn dawk użati għall-kliem “Provolone del Monaco” D.O.P. Il-lowgo tal-“Provolone del Monaco” DPO hija rrappreżentata minn xbieha stilizzata tal-Provolone del Monaco bir-rabta tar-raffja tipika taż-żona tal-Monti Lattari u tal-Penisola Sorrentina.

(1) Residwu Xott Bla Xaħam (Residuo Secco Magro).

(2) Residwu Xott Bla Xaħam.

20.6.2009

Il-Ġurnal Uffiċjali tal-Unjoni Ewropea

C 140/9

Pubblikazzjoni ta' applikazzjoni skont l-Artikolu 6(2) tar-Regolament (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel

2009/C 140/05

Din il-pubblikazzjoni tikkonferixxi d-dritt għal oġġezzjoni għall-applikazzjoni skont l-Artikolu 7 tar-Regolament tal-Kunsill (KE) Nru 510/2006 Id-dikjarazzjonijiet ta' oġġezzjoni għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.

SOMMARJU

REGOLAMENT TAL-KUNSILL (KE) Nru 510/2006

“PEMENTO DO COUTO”

Nru tal-KE: ES-PDO-0005-0464-03.05.2005

DOP ( ) IĠP ( X )

Dan is-sommarju jistabbilixxi l-elementi ewlenin tal-ispeċifikazzjoni tal-prodott, għal finijiet ta' tagħrif.

1. Dipartiment responsabbli fl-Istat Membru:

Isem:

Subdirección General de Calidad Agroalimentaria y Agricultura Ecológica — Dirección General de Industrias y Mercados Agroalimentarios — Secretaría General de Medio Rural del Ministerio de Medio Ambiente, y Medio Rural y Marino de España

Indirizz:

Paseo Infanta Isabel 1

28071 Madrid

ESPAÑA

Telefon

+34 913475394

Feks

+34 913475410

Posta elettronika:

sgcaae@mapya.es

2. Grupp:

Isem:	COOPERATIVA DO CAMPO O VAL
Indirizz:	Vilacornelle, s/n. O Val-Narón (A Coruña)
Telefown	+34 981453901
Feks	+34 981453901
Posta elettronika:	horta@cooperativaoval.com
Kompożizzjoni:	Produtturi/proċessaturi ( X ) Oħra ( )

3. Tip ta' prodott:

Klassi

1.6 – Frott, ħaxix, ċereali, friski jew ipproċessati

4. Speċifikazzjoni: (sommarju ta' rekwiżiti li jaqgħu taħt l-Artikolu 4(2) tar-Regolament (KE) Nru 510/2006)

4.1. Isem:

“Pemento do Couto”

4.2. Spjegazzjoni:

Il-bżar kopert mill-Indikazzjoni Ġeografika Protetta (IĠP) “Pemento do Couto” huwa l-frotta li ġejja mill-ispeċi Capsicum annuum L tal-ekotip lokali magħruf bl-istess isem. Il-frott jinġabar fis-sajf mhux misjur u tal-ewwel żmien (daqs kummerċjali) u bl-intenzjoni li jitqiegħed fis-suq frisk. Il-karatteristiċi tal-frott huma kif ġej:

— Għamla: sezzjoni lonġitudinali konika maqtugħa b'mod trapezojdali u sezzjoni trasversali fit-tond. Xi kultant is-sezzjoni trasversali tidher kemmxejn -skanalaturi bi tliet jew erba' trufijiet fit-tarf nett.

— Piż: bejn 4 u 6 grammi għal kull unità.

— Tul tal-frott: bejn 4 u 8 ċm.

— Wisa' approssimativa: 2 ċm.

— Zokk: Bejn 2 u 3 ċm, dejjem iqsar mill-frotta. Huwa iebes, normalment dritt jew kemmxejn mgħawweġ.

— Qoxra: Aħdar skur, bi ftit li xejn tleqqija.

— Ħxuna tal-ħajt jew il-laħam:: Irqiqa, madwar 1 u 1,5 mm.

— Togħma: laħam immerraq b'konsistenza fina, togħma ħelwa, kemmxejn erbaċi mingħajr ħruq minħabba n-nuqqas tal-kapsajkin, b'riħa moderatament qawwija u ftit żerriegħa.

4.3. Żona ġeografika:

Iż-żona ġeografika tikkonsisti mid-distrett kollu ta' Ferrol f'A Coruña, li jikkonsisti minn dawn il-muniċipalitajiet li ġejjin: Ferrol, Narón, Valdoviño, Cedeira, Moeche, As Somozas, San Sadurniño, Neda, Fene, Mugardos u Ares. Huwa distrett naturali peress li l-livell baxx ftit 'il fuq mil-livell tal-baħar, il-protezzjoni mogħtija mill-ktajjen ta' muntanji li jdawru l-widien fejn isseħħ il-produzzjoni, u l-qrubija tal-kosta jagħtu lok għal mikroklima partikolari, ikkaratterizzata fuq kollox mill-varjazzjonijiet fit-temperatura, flimkien mal-preżenza ta' ħamrija li hija xierqa ħafna għal dan il-wiċċ tar-raba'.

L-isem tal-indikazzjoni “O Couto” huwa isem ġeografiku li jikkorrispondi għall-post fejn jinstab il-monasteru li hu magħruf bl-istess isem, u hu stess marbut mal-orġini tal-għażla u l-kultivazzjoni ta' dan il-bżar.

4.4. Prova tal-oriġini:

It-traċċabbiltà tal-prodott hija żgurata mill-identifikazzjoni tiegħu f'kull stadju ta' produzzjoni u ta' kummerċjalizzazzjoni.

Sabiex jiġi vverifikat li r-rekwiżiti tal-ispeċifikazzjoni jkunu ġew issodisfati, il-korp ta' kontroll se jieħu ħsieb reġistru ta' produtturi u ta' ġonot tar-raba' li se jiġu aġġornati kostantament: il-bżar li jista' jiġi kopert mill-IĠP “Pemento do Couto” irid ikun ġie kkultivat skont il-kundizzjonijiet stipulati fir-regoli ta' speċifikazzjoni u f'regoli addizzjonali oħra, f'ġonot tar-raba' u minn produtturi mniżżla fir-reġistru korrispondenti.

Barra minn hekk, il-produtturi rreġistrati huma rikjesti li jiddikjaraw il-kwantità ta' bżar kopert mill-IĠP attwalment ikkultivat u mqiegħed fis-suq permezz ta' dħul fir-reġistri maħluqa għal dan l-iskop. Il-korp ta' kontroll se jivverifika li l-kwantitajiet mqiegħda fis-suq minn min jippakkja jikkorrispondu mal-produzzjoni tal-bdiewa li jfornuhom u mal-produzzjoni meta mqabbla mar-rendiment agronomiku tal-pakketti rreġistrati.

Il-persuni ġuridiċi u fiżiċi kollha mniżżla fir-reġistri, ġonot tar-raba', imħażen, impriżi tal-ipproċessar u prodotti ser ikunu soġġetti għal spezzjonijiet u verifiki mwettqa mill-korp ta' kontroll bil-għan li jivverifika li l-prodotti protetti jissodisfaw ir-rekwiżiti stipulati fir-regoli ta' speċifikazzjoni u f'regoli addizzjonali oħra. Il-kontrolli ser jitwettqu abbażi ta' spezzjoni tal-ġonot tar-raba', tal-imħażen u tal-impriżi tal-ipproċessar, abbażi ta' reviżjoni tad-dokumentazzjoni u ta' kontroll li l-kriterji fiżiċi spjegati huma ssodisfati, u ta' kontroll li meta jinġabar, il-bżar ikun sħiħ, tajjeb, nadif u mingħajr ħsara u difetti. Barra min hekk huwa possibbli li jitwettqu analiżi ta' residwu multiplu biex jiġi vverifikat li ċ-ċifri miksuba għall-Pestiċidi huma inqas mill-Limiti Massimi ta' Residwi (LMR) stabbiliti mil-leġiżlazzjoni attwali għall-wiċċ tar-raba'.

4.5. Metodu ta' produzzjoni:

Il-pjanti tal-mixtliet jiġu mingħand produtturi awtorizzati mniżżla fir-reġistru rilevanti.

Il-proċess biex jiġi akkwistat il-prodott huwa spjegat hawn taħt:

Propagazzjoni u tħawwil mill-ġdid:

Ladarba l-frotta tkun inqatgħat din titnixxef u titneħħa ż-zerriegħa, li wara li tiġi diżinfettata tkun lesta biex tinżera'. Il-preparazzjoni tal-ħammiela u taż-żerriegħa tibda f'Ottubru u tkompli f'Novembru, Diċembru u Jannar. Iż-żrigħ jitwettaq f'kontenituri fuq sottostrat magħmul minn taħlita ta' pit u żrar fi proporzjon ugwali. Wara t-tinbit, u meta l-pjanta tkun kibret għal madwar 5 ċm, din tiġi ttrapjantata u titħawwel f'tilari apposta.

Restrizzjonijiet fuq il-produzzjoni:

Il-bżar ikkultivat kemm fil-beraħ kif ukoll mgħotti se jkun eliġibbli għall-protezzjoni li taqa' taħt l-IĠP “Pemento do Couto”. Ir-rendiment massimu permess se jkun, b'mod ġenerali, 4 kg/m2 u 6 kg/m2 rispettivament.

L-istrutturi taħt l-għata huma mini sempliċi tal-plastik mingħajr sħana jew dawl artifiċjali, li jintużaw biss biex jipproteġu l-wiċċ tar-raba' (li jitkabbar direttament fuq il-ħamrija) milli okkażjonalment jiffriża u, fuq kollox, biex iżidu l-produzzjoni u biex itawlu ż-żmien tal-produzzjoni għal ftit ġimgħat fil-ħarifa. L-użu tagħhom ġie estiż għall-protezzjoni ta' tipi magħżulin ta' dan l-ekotip ta' bżar milli jsir ibridu.

Tħawwil:

Meta l-kultivazzjoni issir fil-beraħ, it-tħawwil jitwettaq f'April u Mejju, b'densità ta' minn 3 sa 5 pjanti għal kull metru kwadru, u l-qtugħ jibda f'Ġunju-Lulju. F'każ li hemm il-ħsieb li ż-żerriegħa tintuża biex tipproduċi n-nebbieta, il-ħbula tar-raba għandhom ikunu 'l bogħod minn ħbula oħrajn fuq barra ta' dak l-ekotip sabiex jiġu ppreżervati t-tipi magħżulin.

It-tħawwil taħt l-għata jitwettaq fi Frar u F' Marzu sabiex il-frott jibda jinqata' f'nofs April. Id-desità hija bejn 2 u 4 pjanti għal kull metru kwadru. Huwa rakkomandabbli li l-art titgħatta b'folji tal-politene biex tiġi evitata l-kompetizzjoni mill-ħaxix ħażin. Mhemmx bżonn ta' rfid minħabba l-fatt li bl-istandard ta' tħawwil użat xi pjanti jappoġġaw lil oħrajn.

Prattiki ta' tkabbir:

Il-fertilizzazzjoni se tkun kif jixraq bl-iskop li jinżamm bilanċ bejn in-nutrijenti fil-ħamrija u fil-pjanta, u jinżammu l-livelli tagħhom, u b'dan il-mod jitqies r-rendiment tal-wiċċ tar-raba' , l-istat ta' nutrizzjoni tal-pjanta, il-livell ta' fertilità fil-ħamrija u l-kontribut mogħti b'mezzi oħra (ilma, materjal organiku eċċ).

Il-kontroll ta' pesti u/jew mard possibbli se jiġu indirizzati fl-applikazzjoni ta' metodi ta' tkabbir bħal: disinfettar ta' żerriegħa, trattament tal-ħmiemel, inqas irrigazzjoni sabiex jiġi evitat b'mod aħjar li tinfaqa' l-ħamrija u jsiru barrieri eċċessivi bil-ħamrija.

Jekk ikun meħtieġ li jintużaw kimiċi, il-materjali attivi użati jkunu dawk li għandhom inqas impatt ambjentali, aktar effikaċja, inqas tossiċità u inqas problemi ta' residwi, inqas effett fuq fawna sekondarja u l-inqas saħħa.

Ħsad:

Il-ħsad isir manwalment, qabel ma jimmatura l-frott u f'dak iż-żmien meta, fid-dawl tal-esperjenza tal-bdiewa, ikunu preżenti l-kundizzjonijiet xierqa biex titqiegħed fis-suq, skont il-karatteristiċi fiżiċi mniżżla f'punt 4.2. Hu jikkonsisti fi proċess li jkollu jiġi repetut skont il-ħtieġa, b'mezzi ta' materjal (għodda, kaxxi jew kontenituri etċ.) u mezzi umani sabiex jiġi evitat id-deterjorament tal-prodott.

Trasport u ħażna:

Il-bżar jiġi trasportat f'kontenituri riġidi, biex ma jitgħaffiġx. Il-ħatt isir b'tali mod li jitnaqqsu l-effetti preżenti meta jitwaqqa' l-prodott. Iż-żoni ta' ħażna għandhom ikunu vventilati b'mod tajjeb.

Tqegħid fis-suq:

L-ippakkjar jitwettaq permezz ta' lottijiet omoġenji skont l-oriġini u t-tul tal-frott u fi xkejjer b'piż ta' 200g jew 400 g. Il-materjali użati jkunu dawk awtorizzati skont il-liġi attwali tal-ikel. Ikun possibbli li jiġu stabbiliti forom oħra ta' preżentazzjoni jekk jintwera li ma jaffettwax il-kwalità tal-prodott b'mod ħażin. Il-perjodu tat-tqegħid fis-suq se jkun bejn il-15 ta' April u l-31 ta' Ottubru; il-korp ta' kontroll jista' jestendi jew inaqqas dak il-perjodu meta l-karatteristiċi tal-dan ikun meħtieġ mill-prodott fid-dawl tal-kundizzjonijiet staġjonali tat-temp.

4.6. Rabta:

Il-“Pemento do Couto” huwa ekotip lokali kkultivat tradizzjonalment mill-bdiewa fid-distrett ta' Ferrol. B'riżultat tal-produzzjoni u d-distribuzzjoni limitati tiegħu mal-miġja tas-snin, il-kultivazzjoni tiegħu ma nfirxitx lil hinn minn dik iż-żona ġeografika, li anki llum tibqa' l-unika post li fih jiġi prodott dan il-bżar.

Bħala riflessjoni tar-reputazzjoni tiegħu, fl-1999 il-“Festa do Pemento do Couto” ġiet stabbilita bħala festival gastronomiku li jiċċelebra il-“Pemento do Couto” li jsir kull sena fl-aħħar ta' Lulju fil-post tal-oriġini, ħdejn il-monasteru ta' Santa Maria do Couto. Bħala prova tar-reputazzjoni tiegħu, ta' min jinnota li ristoranti varji fid-distrett ta' Ferrol jinkludu “Pemento do Couto” fuq il-menu tagħhom.

Bosta fatturi, fosthom il-materjal tal-pjanta, it-tekniki ta' produzzjoni u l-mikroklima tal-widien fejn isseħħ il-produzzjoni, jingħaqdu flimkien u jagħtu bidu għal prodott b'ħafna karatteristiċi speċifiċi u kwalità li waslitu biex jakkwista reputazzjoni notevoli.

Materjal veġetali:

Il-prassi tradizzjonali tal-bdiewa lokali fil-manutenzjoni u l-għażla tal-aħjar pjanti, filwaqt li jadattaw it-tekniki ta' produzzjoni għall-kundizzjonijiet lokali, irriżultaw fi prodott differenzjat u popolari ħafna. L-għażla mwettqa, flimkien mal-kura biex jiġu evitati ibridi mhux mixtieqa, kienu fatturi deċisivi meta jkun se jiġi kkultivat bżar li assolutament ma jaħraqx (tal-inqas skont il-kundizzjonijiet ambjentali tad-distrett), aspett li mhux komuni fi bżar b'karatteristiċi simili.

Tekniki tal-produzzjoni:

L-użu għal ħafna għexieren ta' snin tal-istrutturi taħt l-għata mill-bdiewa tar-reġjun juri kif dawn adattaw tekniki ta' produzzjoni, mingħajr ma jinvolvu nuqqas ta' interazzjoni bejn l-ambjent u l-karatteristiċi speċifiċi tal-prodott: Jintużaw mini sempliċi tal-plastik fejn ma hemm l-ebda kontroll reali tal-kundizzjonijiet ta' tkabbir agroklimatiċi tal-prodott, li jibqa' espost, essenzjalment, għall-elementi ambjentali naturali.

Karatteristiċi klimatiċi:

Iż-żona ta' produzzjoni tinkludi għadd ta' widien f'livell baxx ftit 'il fuq mil-livell tal-baħar, protezzjoni mill-ktajjen ta' muntanji u qrubija tal-kosta, li jagħtu lok għal mikroklima kkaratterizzata minn ħafna kwantità annwali ta' xita, b'ammont pjuttost sinifikanti ta' preċipitazzjoni anki fil-perjodu tas-sajf, temperaturi mhux ħorox u ftit ċaqliq fit-temperatura, umdità relattivament għolja u ftit xemx meta mqabbla ma' żoni oħra li jipproduċu l-bżar, li jinfluwenzaw b'mod dirett il-ħxuna tal-ħajt u l-konsistenza fina, l-irtubija u t-tmerriq ta' laħmu fuq il-palat.

4.7. Korp ta' spezzjoni:

Isem:

Instituto Galego da Calidade Alimentaria (INGACAL)

Indirizz:

Rúa Fonte dos Concheiros, 11 bajo

15703 Santiago de Compostela

ESPAÑA

Telefown

+34 881997276

Feks

+34 981546676

Posta elettronika:

ingacal@xunta.es

INGACAL huwa korp pubbliku li jaqa' taħt ir-responsabbiltà tal-Consellería do Medio Rural de la Xunta de Galicia.

4.8. Tikkettar:

Il-bżar li tqiegħed fis-suq skont l-Indikazzjoni Ġeografika Protetta “Pemento do Couto” irid ikollu t-tikketta kummerċjali li tikkorrispondi għall-isem tad-ditta ta' kull manifattur/min jippakkja u tikketta b'kodiċi alfanumeriku b' numerazzjoni korrelattiv, bl-awtorizzazzjoni mill-korp ta' kontroll, bil-logo tal-Indikazzjoni Ġeografika Protetta. Kemm it-tikketta kummerċjali u t-tikketta speċifika tad-denominazzjoni għandu jkollhom il-kliem Indikazzjoni Ġeografika Protetta “Pemento do Couto”.

		ISSN 1725-5198 doi:10.3000/17255198.C_2009.140.mlt
Il-Ġurnal Uffiċjali tal-Unjoni Ewropea		C 140

Edizzjoni bil-Malti	Informazzjoni u Avviżi	Volum 52 20 ta' Ġunju 2009

Avviż Nru	Werrej	Paġna
	IV Informazzjoni
	INFORMAZZJONI MINN ISTITUZZJONIJIET U KORPI TAL-UNJONI EWROPEA
	Il-Kummissjoni
2009/C 140/01	Rata tal-kambju tal-euro	1

	V Avviżi
	PROĊEDURI GĦALL-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni
2009/C 140/02	Notifika minn qabel ta' konċentrazzjoni – (Każ COMP/M.5513 – KMG/CNPC/MMG) – Każ li jista' jiġi kkunsidrat għal proċedura simplifikata ( 1 )	2

2009/C 140/03	Notifika minn qabel ta' konċentrazzjoni – (Każ COMP/M.5547 – Koninklijke Philips Electronics/Saeco International Group) ( 1 )	3

	ATTI OĦRAJN
	Il-Kummissjoni
2009/C 140/04	Pubblikazzjoni ta' applikazzjoni għal reġistrazzjoni skont l-Artikolu 6(2) tar-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini tal-prodotti agrikoli u tal-ikel	4

2009/C 140/05	Pubblikazzjoni ta' applikazzjoni skont l-Artikolu 6(2) tar-Regolament (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel	9


	(1) Test b’relevanza għaż-ŻEE