7.5.2009

MT

Il-Ġurnal Uffiċjali tal-Unjoni Ewropea

C 105/1

---

Skont l-Artikolu 9(1)(a), it-tieni inċiż, tar-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), in-Noti ta’ Spjegazzjoni għan-Nomenklatura Magħquda tal-Komunitajiet Ewropej (2) huma emendati kif ġej:

Paġna 129

F′Kapitolu 28, taħt it-titolu, it-test ġdid li ġej għandu jiddaħħal:

Paġna 135

F′Kapitolu 29, taħt it-titolu “Ġenerali”, it-test ġdid li ġej għandu jiddaħħal wara r-raba′ paragrafu:

---

(1)  ĠU L 256, 7.9.1987, p. 1.

(2)  ĠU C 133, 30.5.2008, p. 1.

---

7.5.2009

MT

Il-Ġurnal Uffiċjali tal-Unjoni Ewropea

C 105/2

---

Rapport dwar il-ġestjoni baġitarja u finanzjarja fl-2008

Taqsima II - Kunsill

2009/C 105/02

1.   INTRODUZZJONI

F'konformità mal-Artikolu 122 tar-Regolament Finanzjarju u l-Artikolu 185 tar-Regoli ta' Implimentazzjoni, dan ir-rapport jippreżenta ħarsa ġenerali lejn il-ġestjoni baġitarja u finanzjarja tal-baġit tal-Kunsill fl-2008.

It-tieni kapitolu ta' dan ir-rapport jippreżenta sommarju tal-qafas li ġie stabbilit għas-sena finanzjarja 2008. Fit-tielet kapitolu tingħata ħarsa ġenerali lejn l-implimentazzjoni tal-approprjazzjonijiet baġitarji disponibbli fl-2008.

L-implimentazzjoni tal-baġit tal-2008 skont it-titolu ta' baġit hi ppreżentata f'tabella fl-Anness 1.

2.   OBJETTIVI U BAĠIT GĦAS-SENA FINANZJARJA 2008

2.1.   L-objettivi amministrattivi ewlenin

L-objettivi amministrattivi ewlenin tas-Segretarjat Ġenerali tal-Kunsill (SĠK) għall-2008 kienu:

—	Aktar konsolidazzjoni tal-organizzazzjoni tas-SĠK wara t-tkabbir tal-UE fl-2004 u l-2007.

—

Tkomplija tal-proċess ta' modernizzazzjoni amministrattiva. Is-Segretarjat Ġenerali stabbilixxa programm ambizzjuż biex isaħħaħ il-kwalità tal-organizzazzjoni tiegħu. Diversi inizjattivi għandhom jew ser ikollhom impatt baġitarju (l-ispiża tal-investiment kif ukoll l-ekonomiji li jirriżultaw miż-żieda fl-effiċjenza).

—	Konklużjoni ta' konvenzjoni mal-Istat Belġjan dwar il-kostruzzjoni ta' Palazz Residenzjali.

2.2.   Stabbiliment tal-baġit għas-SĠK fl-2008

Il-baġit tal-Kunsill fl-2008 kien ibbażat fuq l-ambizzjoni li ma jżidx il-baġit (l-approprjazzjonijiet) f'termini reali jew il-pjan ta' stabbiliment. Dan l-approċċ implika li inizjattivi ġodda, bħal pereżempju l-ħolqien ta' kapaċità għall-ġestjoni ta' kriżijiet (Wara Hampton Court), għandhom ikunu koperti fil-qafas eżistenti.

Il-baġit għall-Kunsill ġie stabbilit f'ammont globali ta' EUR 594,7 miljun, li jikkorrispondi għal żieda ta' EUR 1,2 miljun (0,2 %) meta mqabbel mal-baġit għall-2007. Din iż-żieda tinqasam kif ġej:

—	żieda nominali ta' EUR 19,8 miljun (2,5 % (1)),

—	tnaqqis fil-baġit f'termini reali ta' EUR 18,6 miljun (– 2,3 %)

Tabella 1 tippreżenta sommarju tal-baġit skont il-katergoriji għall-2008.

Tabella 1

Baġit 2008 tal-Kunsill imqabbel mal-2007 (skont il-kategorija, ammonti f'EUR)

(EUR)
Kategorija	Baġit 2007	Baġit 2008	Differenza %
	1	2	3 = 2/1
Pjan ta' stabbiliment	307 086 000	303 098 000	–1,3 %
Spejjeż oħrajn tal-persunal	22 294 000	21 442 000	–3,8 %
Bini (titolu II)	51 302 212	38 856 000	–24,3 %
Sistemi tal-kompjuters (titolu II)	29 369 000	33 021 268	12,4 %
Spejjeż tal-interpretazzjoni	85 510 000	89 500 000	4,7 %
Spejjeż tal-ivvjaġġar tad-delegazzjonijiet	34 637 000	35 295 000	1,9 %
Ġurnal Uffiċjali	8 786 000	8 314 000	–5,4 %
Titolu III	40 392 000	36 707 000	–9,1 %
Spejjeż diversi (titolu II)	11 302 000	10 982 000	–2,8 %
Riserva	2 850 000	17 500 000	514,0 %
Totali	593 528 212	594 715 268	0,2 %

It-tabella 2 turi l-evoluzzjoni tal-baġit tal-Kunsill matul l-aħħar ħames snin. Wieħed għandu jinnota li l-iżvilupp tal-baġit mill-2004 għall-2006 kien konformi mal-medja tal-iżvilupp tal-intestatura 5 tal-perspettivi finanzjarji, fejn is-sehem tal-Kunsill baqa' fil-livell ta' 8,8 %.

B'konsegwenza ta' ġestjoni baġitarja prudenti, fl-2007 u l-2008, inkiseb tnaqqis sinifikanti fis-sehem tal-Kunsill: is-sehem tal-Kunsill taħt in-nefqa tal-intestatura 5 naqas minn 8,8 % fl-2004 għal 8 % fl-2008.

Tabella 2

Baġit tal-Kunsill u l-Intestatura 5 tal-Perspettivi Finanzjarji fl-2004-2008

	2004		2005		2006		2007		2008
	mEUR	bidla	mEUR	bidla	mEUR	bidla	mEUR	bidla	mEUR	bidla
Intestatura 5	6 157		6 360	3,3 %	6 708	5,5 %	7 115	6,1 %	7 457	4,8 %
Baġit tal-Kunsill	542		563	3,9 %	592	5,2 %	594	0,3 %	595	0,2 %
Sehem tal-Kunsill fl-Intestatura 5	8,8 %		8,9 %	1,1 %	8,8 %	–1,1 %	8,3 %	–5,7 %	8,0 %	–3,6 %

3.   ĦARSA ĠENERALI LEJN L-IMPLIMENTAZZJONI TAL-BAĠIT TAL-2008

3.1.   Kisba tal-objettivi amministrattivi fl-2008

Jista' jingħad dan li ġej dwar il-kisba tal-objettivi stabbiliti għas-sena finanzjarja 2008:

—   Konsolidazzjoni tal-organizzazzjoni wara t-tkabbir tal-2004 u l-2007

Indikatur importanti għall-konsolidazzjoni tal-organizzazzjoni tas-SĠK jista' jinstab fir-reklutaġġ: Fl-2008 ġew impjegati 82 uffiċjal permanenti mill-Istati Membri l-ġodda (UE-12). Fl-istess ħin in-numru ta' aġenti temporanji li jokkupaw pożizzjoni permanenti naqqas b'25.

L-organizzazzjoni tas-SĠK ittejbet ukoll permezz taċ-ċentralizzazzjoni tal-unitajiet lingwistiċi kollha fil-bini LEX fl-2008. Minbarra l-integrazzjoni fiżika tal-unitajiet lingwistiċi, il-metodi ta' ħidma fil-qasam tat-traduzzjoni ġew razzjonalizzati u ssimplifikati.

—   Modernizzazzjoni amministrattiva

Fir-rigward tal-modernizzazzjoni amministrattiva, is-SĠK introduċa sistema ġdida għall-ġestjoni finanzjarja fl-1 ta' Jannar 2008. Din il-modernizzazzjoni pprovdiet mezzi aġġornati u effiċjenti għall-ġestjoni finanzjarja tas-SĠK, kif ukoll għall-imsieħba fil-proġett (il-Qorti tal-Ġustizzja u l-Qorti tal-Awdituri).

Pass importanti ieħor fil-modernizzazzjoni amministrattiva kien l-implimentazzjoni tas-sistema elettronika tas-sejħiet għall-offerti, li ttejjeb l-effiċjenza, it-trasparenza u t-trattament indaqs ta' min jagħmel l-offerti.

Fl-1 ta' Jannar 2008 s-SĠK introduċa wkoll sistema ta' ħin ta' xogħol flessibbli biex jirrikonċilja aħjar il-ħtiġiet tax-xogħol u l-ħinijiet tax-xogħol ma' dawk tal-ħajja privata.

—   Politika tal-bini

Fid-19 ta' Marzu 2008 l-Kunsill iffirma kuntratt mal-Gvern Belġjan għall-akkwist u r-restawr tal-Palazz Residenzjali. Il-proġett hu riżultat dirett tad-deċiżjoni tal-Kunsill Ewropew tal-25 u s-26 ta' Marzu 2004 biex tiġi aċċettata l-offertà tal-Gvern Belġjan biex il-Palazz Residenzjali jiġi restawrat bil-ħsieb li jinbidel fis-sede tal-Kunsill Ewropew u l-Kunsill tal-Ministri.

Il-kuntratt bejn il-Kunsill u l-Gvern Belġjan jippermetti lill-Kunsill li jagħmel ħlasijiet bil-quddiem għal dan il-proġett, li sussegwentement għandu jnaqqas l-ispiża ġenerali tal-akkwist.

3.2.   Dħul

It-tabella 3 tippreżenta l-eżitu ġenerali tal-operazzjonijiet ta' dħul tal-Kunsill fl-2008. Fl-2008, id-drittjiet stabbiliti, jiġifieri l-ordnijiet għall-irkupru li nħarġu (jew dawk trasferiti mill-2007 u/jew li nħolqu fl-2008), ammontaw għal EUR 108 203 109. 89 % ta' dan l-ammont (EUR 96 166 694) ġie rkuprat matul is-sena baġitarja 2008 filwaqt li 11 % (EUR 12 036 415) ser ikollu jiġi rkuprat fl-2009 jew wara.

Tabella 3

Ħarsa ġenerali lejn l-2008 (skont it-titolu, ammonti f'EUR)

(EUR)
Titolu	Drittijiet stabbiliti	Dħul irkuprat	Ammont li jrid jiġi rkuprat
4 Diversi taxxi, imposti u ammonti dovuti Komunitarji	55 945 078	54 545 529	1 399 549
5 Dħul li ġej mill-operazzjoni amministrattiva eċċ.	51 778 472	41 143 289	10 635 183
6 Kontribuzzjonijiet u ħlasijiet mill-ġdid taħt ftehimiet komunitarji eċċ.	473 364	473 364
9 Dħul varju	6 195	4 512	1 683
Totali	108 203 109	96 166 694	12 036 415

3.2.1.   Dħul fl-2008

L-estimi inizjali tad-dħul għall-baġit tal-2008 ammontaw għal EUR 50 447 000 (tabella 4). Matul is-sena baġitarja ġie rreġistrat ammont ta' EUR 102 921 762 bħala drittijiet stabbiliti li minnu ġew irkuprati EUR 91 722 497 li jħalli EUR 11 199 266 li jridu jinġabru fl-2009.

Tabella 4

Dħul akkumulat matul l-2008 (skont l-artikolu, ammonti f'EUR)

(EUR)
Artikolu	Estimi inizjali tad-dħul	Drittijiet stabbiliti	Dħul irkuprat	Ammont li jrid jiġi rkuprat
400 Dħul minn taxxa fuq is-salarji, eċċ.	24 546 000	22 036 440	22 036 180	260
404 Dħul mill-imposta speċjali fuq is-salarji	1 731 000	2 805 093	2 805 086	7
410 Kontribuzzjoni tal-persunal għall-iskema tal-pensjonijiet	24 170 000	23 387 507	23 374 468	13 039
411 Trasferiment ta' xiri ta' drittijiet għal pensjoni mill-persunal		6 338 857	5 198 500	1 140 357
511 Dħul mill-kiri u s-sullokazzjoni ta' proprjetà immobbli		344 593	323 237	21 356
520 Dħul minn investimenti, interessi mill-bank u oħrajn		766 100	766 100
550 Dħul mill-provvista ta' servizzi u xogħol eċċ.		173 216	82 500	90 716
551 Dħul minn partijiet terzi rigward servizzi jew xogħol eċċ.		12 616		12 616
570 Dħul li jirriżulta mill-ħlas mill-ġdid tal-ammonti eċċ.		31 591 844	24 825 753	6 766 091
571 Dħul allokat għal skop speċifiku, eċċ.		31 994		31 994
573 Kontribuzzjonijiet u rifużjonijiet oħrajn b'rabta mal-amministrazzjoni		14 955 626	11 832 796	3 122 830
631 Kontribuzzjonijiet fil-qafas tal-Acquis ta' Schengen		473 364	473 364
900 Dħul varju		4 512	4 512
Totali	50 447 000	102 921 762	91 722 497	11 199 266

Id-differenza pożittiva bejn l-estimi inizjali u d-drittijiet stabbiliti (EUR 52 474 762) prinċipalment toriġina minn:

—	l-irkupru ta' partijiet mill-envelops imħallsin lill-Istati Membri fi snin preċedenti għall-finanzjament tal-ispejjeż tal-ivvjaġġar tad-delegazzjonijiet b'segwitu għad-dikjarazzjoni tagħhom għall-2007 (madwar EUR 20 500 000).

—	l-irkupru ta' ħlasijiet mill-Istati Membri għal interpretazzjoni supplimentarja fuq talba f'ċerti lingwi (EUR 4 100 000) (l-Artikolu 570).

—	il-kontribuzzjonijiet tal-presidenzi għall-finanzjament tas-summits normali u straordinarji fl-2008 (EUR 6 900 000) (l-Artikolu 573).

—	il-parteċipazzjoni ta' istituzzjonijiet oħrajn u l-ħlasijiet mill-uffiċjali tal-Kunsill għall-crèche tal-Kunsill (EUR 2 000 000) fl-2008 (l-Artikolu 573).

—	it-trasferiment ta' drittijiet għal pensjoni ta' (150) uffiċjal (EUR 6 300 000). Dan l-ammont ma kienx inkluż fl-estimi inizjali tad-dħul (l-Artikolu 411).

3.2.2.   Dħul qabel l-2008

Fl-2008, ġew trasferiti għall-irkupru EUR 5 281 347 fir-rigward ta' ordnijiet għall-irkupru pendenti (li nħarġu qabel l-2008). Kif turi t-tabella 5, EUR 4 444 197 (84 %) ta' dan l-ammont ġie rkuprat fl-2008 u EUR 837 150 ġew trasferiti għall-2009.

Tabella 5

Dħul akkumulat qabel l-2008 (skont l-artikolu, ammonti f' EUR)

(EUR)
Artikolu	Drittijiet Stabbilit qabel l-2008	Dħul irkuprat	Ammont li jrid jiġi rkuprat
411 Trasferiment ta' xiri ta' drittijiet għal pensjoni mill-persunal	1 377 182	1 131 294	245 887
511 Dħul mill-kiri u s-sullokazzjoni ta' proprjetà immobbli	153 216	153 216
520 Dħul minn investimenti, interessi mill-bank u oħrajn	52 748	52 748
550 Dħul mill-provvista ta' servizzi u xogħol eċċ.	15 997	15 997
551 Dħul minn partijiet terzi rigward servizzi jew xogħol eċċ.	2 729	2 729
570 Dħul li jirriżulta mill-ħlas mill-ġdid tal-ammonti eċċ.	3 070 405	2 852 728	217 676
573 Kontribuzzjonijiet u rifużjonijiet oħrajn b'rabta mal-amministrazzjoni.	598 555	228 335	370 220
580 Kumpens varju	8 834	7 150	1 684
900 Dħul varju	1 683		1 683
Totali	5 281 347	4 444 197	837 150

3.3.   Nefqa fl-2008

L-analiżi tan-nefqa fl-2008 hi ppreżentata f'livell ta' aggregazzjoni tal-10 kategoriji tal-aktar nefqa sinifikanti.

3.3.1.   Ħarsa ġenerali lejn l-implimentazzjoni tal-baġit fl-2004-2008

Fl-aħħar ħames snin ma kienx hemm bidliet sinifikanti fl-implimentazzjoni tal-baġit tas-SĠK (ara l-Grafika 1). Ir-rata tal-implimentazzjoni globali tal-baġit kienet ta' madwar 98 %, minbarra fl-2006. Matul dawn is-snin, madwar 79 % tal-approprjazzjonijiet ġew imħallsin fis-sena baġitarja filwaqt li medja ta' 19 % ġew trasferiti għas-sena baġitarja ta' wara.

Kif turi l-Grafika 1, l-approprjazzjonjiet trasferiti jinqasmu f'żewġ kategoriji prinċipali: il-funzjonament u l-bini. L-ewwel waħda hi relatata mal-obbligi kkuntrattati kif suppost qabel it-tmiem tas-sena baġitarja li madankollu l-forniment u/jew l-irċevuti tagħhom ma waslux qabel tmiem is-sena.

It-tieni tirreferi għall-akkwist ta' bini tas-SĠK bħal-LEX, il-crèche u l-Palazz Residenzjali. F'dawn l-aħħar ftit snin, is-SĠK irnexxielu juża t-tfaddil li sar fl-implimentazzjoni tal-baġit tiegħu biex jiffinanzja dawn l-akkwisti. Dan min-naħa tiegħu naqqas b'mod sinifikanti l-ispiża ġenerali tal-proġetti ta' bini, speċjalment f'termini ta' ħlasijiet ta' interessi.

Grafika 1:   Implimentazzjoni globali tal-baġit tal-Kunsill fl-2004-2008 (ammonti f'EUR)

(EUR)

3.3.2.   Implimentazzjoni tal-approprjazzjonijiet skont il-katergoriji fl-2008

It-tabella 6 tqabbel, skont il-kategorija tal-ispiża, il-baġit inizjali (l-ewwel kolonna) mad-distribuzzjoni tal-approprjazzjonijiet wara t-trasferimenti (it-tieni kolonna) kif ukoll il-konsum tal-baġit (it-tielet kolonna). Id-differenza bejn il-baġit inizjali u l-approprjazzjonijiet impenjati tikkorrispondi għall-bilanċi favorevoli jew l-iżbilanċi tal-baġit koperti mit-trasferimenti li saru matul is-sena fiskali tal-2008.

Ir-rata tal-implimentazzjoni tal-baġit tal-2008 għan-nefqa kurrenti tal-istituzzjoni hi ta' 85,7 %. L-implimentazzjoni globali, li tinkludi l-ħlasijiet bil-quddiem ippjanati għall-bini tal-Palazz Residenzjali, hi ta' 97,5 %. Tħassar ammont ta' EUR 15-il miljun (3).

Tabella 6

Ħarsa ġenerali lejn l-implimentazzjoni tal-baġit fl-2008  (4)

Kategorija	Baġit 2008	Approprjazzjonijiet disponibbli wara t-trasferimenti	Impenji	Riżultat Globali 2008	Rata ta' outturn	Approprjazzjonijiet imħassrin
	1	2	3	4 = 1 – 3	5 = 3/1	6 = 2 – 3
Pjan ta' stabbiliment	303 098 000	288 621 000	283 897 820	19 200 180	93,7 %	4 723 180
Spejjeż oħrajn tal-persunal	21 442 000	21 159 000	20 441 341	1 000 659	95,3 %	717 659
Bini (titolu II)	38 856 000	38 911 000	35 816 323	3 039 677	92,2 %	3 094 677
Sistemi tal-kompjuters (titolu II)	33 021 268	32 367 268	30 625 212	2 396 056	92,7 %	1 742 056
Spejjeż tal-interpretazzjoni	89 500 000	66 857 208	65 881 887	23 618 113	73,6 %	975 321
Spejjeż tal-ivvjaġġar tad-delegazzjonijiet	35 295 000	28 322 792	28 312 493	6 982 507	80,2 %	10 299
Ġurnal Uffiċjali	8 314 000	7 614 000	7 614 000	700 000	91,6 %	—
Titolu III	36 707 000	31 217 000	28 511 165	8 195 835	77,7 %	2 705 835
Spejjeż varji (titolu II)	10 982 000	9 582 000	8 591 647	2 390 353	78,2 %	990 353
Riserva	17 500 000			17 500 000	0,0 %	—
Totali (eskluż l-akkwist)	594 715 268	524 651 268	509 691 888	85 023 380	85,7 %	14 959 380
Akkwist ta' proprjetà immobbli		70 064 000	70 064 000	–70 064 000
Total globali	594 715 268	594 715 268	579 755 888	14 959 380	97,5 %	14 959 380

Id-differenza bejn l-estimi baġitarji u l-implimentazzjon tista' tiġi spjegata kif ġej:

—	Id-differenza bejn il-baġit inizjali għall-pjan ta' stabbiliment u l-implimentazzjoni hi dovuta għar-rata baxxa ta' impjieg tal-postijiet fil-pjan ta' stabbiliment (medja ta' 90 % (5)). B'mod globali, l-użu ta' approprjazzjonijiet kien ta' EUR 19,2 miljuni anqas minn dak previst fil-baġit tal-2008.

—	It-tfaddil ta' EUR 1 miljun fil-kategorija ta' spejjeż oħrajn tal-persunal jirriżulta prinċipalment mis-sotto-infiq ta' approprjazzjonijiet relatati ma' persunal ieħor u t-tmiem tas-servizz.

—

Fir-rigward tan-nefqa relatata mal-bini (mingħajr il-Palazz Residenzjali) wieħed għandu jinnota li ma kienx possibbli li l-kuntratti jsiru jew jiġu mġedda fil-ħin. B'mod globali tħassru EUR 3 miljuni (inkluż EUR 1,8 miljuni għal spejjeż relatati mal-bini inkluż il-posponiment tar-restawr tal-kuritur fil-bini tal-Justus Lipsius u EUR 0,6 miljuni għal tagħmir u xogħol ta' installazzjoni ieħor).

—

Il-baġit għal sistemi ta' kompjuters (titolu 2) tnaqqas b' EUR 0,7 miljuni prinċipalment bħala riżultat tat-tnaqqis fl-użu ta' apparat ta' komunikazzjoni u trasmissjoni ta' data. Barra minn hekk, fl-aħħar tas-sena baġitarja tħassru EUR 1,7 miljuni prinċipalment minħabba sotto-infiq fuq l-akkwist ta' hardware u software (EUR 0,9 miljuni) u fuq il-manutenzjoni tal-installazzjonijiet tal-IT (EUR 0,6 miljuni).

—

Is-sotto-infiq fl-ispejjeż tal-interpretazzjoni jirriżulta minn żewġ sorsi: — tfaddil ta' EUR 4,8 miljuni għal interpretazzjoni ġenerali, (il-baġit inizjali kien ta' EUR 36,5 miljuni inklużi EUR 3,9 miljuni għal tħassir u kontinġenzi) — sotto-infiq fir-rigward ta' envelops “fuq talba” skont il-lingwa li ammonta għal EUR 18,8 miljuni (il-baġit inizjali kien ta' EUR 53 miljun (6)).

—

L-ammont disponibbli għall-ispejjeż tal-ivvjaġġar tad-delegazzjonijiet wara t-trasferimenti ammonta għal EUR 47,7 miljun (baġit inizjali ta' EUR 35,3 miljun + trasferimenti ta' EUR 12,4 miljuni minn tfaddil fuq l-interpretazzjoni fuq talba). Minħabba li l-Istati Membri kellhom jirrifondu l-ammonti mhux użati mis-sena/snin preċedenti, ġew impenjati biss EUR 28,3 miljun għall-ħlasijiet sussegwenti fil-baġit tal-2008.

—	L-implimentazzjoni tal-approprjazzjonijiet għall-Ġurnal Uffiċjali kien ta' EUR 0,7 miljuni anqas minn dak previst.

—

Fit-titolu III, ir-rata tal-implimentazzjoni relattivament baxxa hi spjegata mill-fatturi li ġejjin: — id-dewmien fl-implimentazzjoni tal-proġett SESAME (EUR 4,2 miljuni) — tnaqqis fil-ħtieġa ta' servizzi esterni fl-IT (EUR 0,7 miljuni) — tnaqqis fil-ħtieġa tal-ispejjeż tal-missjonijiet u l-ivvjaġġar fil-qafas tal-PESK/PESD

—	Is-sotto-infiq globali tal-baġit (rata ta' outturn ta' 85,7 %) ippermetta li jsiru disponibbli EUR 55 miljun għall-ħlasijiet bil-quddiem fir-rigward tal-Palazz Residenzjali, flimkien mal-EUR 15-il miljun previst fil-kapitolu 100. (7).

It-Tabella 7 turi d-deċiżjonijiet li mmodifikaw l-approprjazzjonijiet tal-baġit fl-2008.

Tabella 7

Modifiki tal-baġit fl-2008

Modifika	Bażi legali	Numru
Baġits emendatorji	Artikolu 29 R.F.	0
Trasferiment B	Minn punt għal punt	72
Trasferiment C	Artikolu 22 R.F.	3
Trasferiment D	Artikolu 24 R.F.	1
Totali		76

It-tabella 8 tagħti ħarsa ġenerali lejn it-titoli ta' baġit li ġew modifikati b'mod sinifikanti (8) fl-2008.

Tabella 8

Baġit li kienu soġġetti għal trasferimenti sinifikanti fl-2008

Punt/Artikolu	Intestatura	Baġit Inizjali	Trasferimenti	Approprjazzjonijiet finali	% Diff
1100	Salarji bażiċi	221 133 000,00	7 990 000,00 –	213 143 000,00	–3,6 %
1101	Drittijiet skont ir-Regolamenti tal-Persunal relatati mal-kariga	4 115 000,00	654 000,00	4 769 000,00	15,9 %
1102	Drittijiet skont ir-Regolamenti tal-Persunal relatati maċ-ċirkostanzi personali tal-membru tal-persunal	55 764 000,00	950 000,00 –	54 814 000,00	–1,7 %
1105	Sahra	2 500 000,00	600 000,00 –	1 900 000,00	–24,0 %
1106	Drittijiet skont ir-Regolamenti tal-Persunal relatati mad-dħul fis-servizz,, it-trasferiment u t-tluq mis-servizz	5 009 000,00	900 000,00 –	4 109 000,00	–18,0 %
1111	Allowances għall-persunal li s-servizz tagħhom ġie tterminat	3 600 000,00	838 000,00 –	2 762 000,00	–23,3 %
1120	Approprjazzjoni proviżorja (uffiċjali u persunal temporanju)	4 451 000,00	4 451 000,00 –		– 100,0 %
1200	Persunal ieħor	3 483 000,00	321 000,00 –	3 162 000,00	–9,2 %
1203	Servizzi esterni	1 005 000,00	325 000,00	1 330 000,00	32,3 %
133	Missjonijiet	5 100 000,00	550 000,00	5 650 000,00	10,8 %
2002	Akkwist ta' proprjetà immobbli		70 064 000,00	70 064 000,00
2003	Tagħmir ta' fondi	7 700 000,00	2 955 000,00 –	4 745 000,00	–38,4 %
2004	Xogħol li jagħmel il-fond aktar sigur	1 000 000,00	1 365 000,00	2 365 000,00	136,5 %
2005	Infiq ta' qabel l-akkwist, il-kostruzzjoni u t-tagħmir ta' bini	690 000,00	310 000,00 –	380 000,00	–44,9 %
2010	Tindif u manutenzjoni	14 122 000,00	1 125 000,00	15 247 000,00	8,0 %
2011	Ilma, gass, elettriku u tisħin	3 956 000,00	760 000,00	4 716 000,00	19,2 %
2100	Akkwist ta' tagħmir u software	9 300 000,00	1 384 650,00 –	7 915 350,00	–14,9 %
2101	Assistenza esterna għat-tħaddim u l-iżvilupp ta' sistemi tal-kompjuters	14 240 000,00	987 015,00	15 227 015,00	6,9 %
2102	Tiswija u manutenzjoni ta' tagħmir u software	4 277 268,00	1 038 095,00	5 315 363,00	24,3 %
2103	Telekomunikazzjoni	5 204 000,00	1 294 460,00 –	3 909 540,00	–24,9 %
2120	Xiri u sostituzzjoni ta' tagħmir u installazzjonijiet tekniċi	1 950 000,00	1 615 000,00 –	335 000,00	–82,8 %
2200	Spejjeż tal-ivvjaġġar tad-delegazzjonijiet	35 295 000,00	6 972 208,00 –	28 322 792,00	–19,8 %
2202	Spejjeż tal-Interpretazzjoni	89 500 000,00	22 642 792,00 –	66 857 208,00	–25,3 %
2211	Ġurnal Uffiċjali	8 314 000,00	700 000,00 –	7 614 000,00	–8,4 %
2213	Informazzjoni u avvenimenti pubbliċi	1 198 000,00	280 000,00 –	918 000,00	–23,4 %
2236	Infiq u spejjeż legali, danni u kumpens	600 000,00	345 000,00	945 000,00	57,5 %
3010	Missjonijiet	1 400 000,00	300 000,00 –	1 100 000,00	–21,4 %
3200	Akkwist ta' tagħmir u software	7 996 000,00	4 698 000,00 –	3 298 000,00	–58,8 %
3300	Spejjeż tal-ivjaġġar tad-delegazzjonijiet	847 000,00	342 500,00 –	504 500,00	–40,4 %
100	Approprjazzjonijiet proviżorji	15 000 000,00	15 000 000,00 –		– 100,0 %
101	Riserva ta' kontinġenza	2 500 000,00	2 500 000,00 –		– 100,0 %

3.3.3.   Implimentazzjoni tal-approprjazzjonijiet trasferiti mill-2007

Kif turi t-tabella 9, l-użu globali tal-approprjazzjonijiet trasferiti mill-2007 għall-2008 jikkorrispondi għal 91,8 %.

Tabella 9

Ħarsa ġenerali lejn l-implimentazzjoni tal-approprjazzjonijiet trasferiti mill-2007

Kategorija	Approprjazzjonijiet trasferiti mill 2007	Ħlasijiet 2008	Rata ta' Outturn	Approprjazzjonijiet imħassrin
	1	2	3 = 2/1	4 = 1 – 2
Pjan ta' stabbiliment	621 141	543 607	87,5 %	77 534
Spejjeż oħrajn tal-persunal	2 917 003	2 509 367	86,0 %	407 637
Bini (titolu II)	13 923 671	11 886 054	85,4 %	2 037 617
Sistemi tal-kompjuters (titolu II)	13 900 848	11 564 649	83,2 %	2 336 199
Spejjeż tal-interpretazzjoni	8 944 284	8 944 284	100,0 %	—
Spejjeż tal-ivvjaġġar tad-delegazzjonijiet	42 395		0,0 %	42 395
Ġurnal Uffiċjali	5 771 410	2 523 390	43,7 %	3 248 020
Titlolu III	5 681 483	3 888 073	68,4 %	1 793 410
Spejjeż diversi (titolu II)	3 412 912	2 614 277	76,6 %	798 635
Riserva	—	—		—
Totali (eskluż l-akkwist)	55 215 148	44 473 701	80,5 %	10 741 446
Akkwist ta' proprjetà immobbli	75 123 830	75 123 830	100,0 %	—
Totali globali	130 338 978	119 597 531	91,8 %	10 741 446

Ir-rata tal-implimentazzjoni tal-approprjazzjonijiet tal-infiq kurrenti trasferiti mill-2007 kienet ta' 80,5 %, 5,5 punti perċentwali anqas minn tas-sena ta' qabel. Ir-raġunijiet prinċipali għar-rata baxxa tal-implimentazzjoni huma:

—	In-nuqqas parzjali jew komplet tal-kunsinna ta' merkanzija/servizzi ordnati matul is-sena. Il-Ġurnal Uffiċjali jista' jissemma bħala eżempju.

—	Li l-irċevuti għax-xogħlijiet/is-servizzi/il-merkanzija ma jaslux. Wieħed għandu jinnota li inevitabilment, dan jikkostitwixxi xkiel baġitarju għas-snin futuri.

3.3.4.   Approprjazzjonijiet trasferiti mill-2008 għall-2009

L-approprjazzjonijiet trasferiti mill-2008 għall-2009 huma ppreżentati fit-tabella 10. L-ammonti trasferiti (eskluż il-Palazz Residenzjali) ammontaw għal EUR 46,6 miljuni, li jikkorrispondu għal 9 % tal-ammonti impenjati fl-aħħar tas-sena 2008 (fl-2007: EUR 55,2 miljuni ~ 10,9 %).

Tabella 10

Approprjazzjonijiet trasferiti mill-2008 għall-2009

Kategorija	Baġit 2008	Approprjazzjonijiet disponibbli wara t-trasferimenti	Impenji	Approprjazzjonijiet ittrasferiti għall-2009	Rata ta' trasferiment
	1	2	3	4	5 = 4/3
Pjan ta' stabbiliment	303 098 000	288 621 000	283 897 820	281 391	0,1 %
Spejjeż oħrajn tal-persunal	21 442 000	21 159 000	20 441 341	1 340 383	6,6 %
Bini (titolu II)	38 856 000	38 911 000	35 816 323	11 532 944	32,2 %
Sistemi tal-kompjuters (titolu II)	33 021 268	32 367 268	30 625 212	12 145 935	39,7 %
Spejjeż tal-interpretazzjoni	89 500 000	66 857 208	65 881 887	7 344 120	11,1 %
Spejjeż tal-ivjaġġar tad-delegazzjonijiet	35 295 000	28 322 792	28 312 493	44 274	0,2 %
Ġurnal Uffiċjali	8 314 000	7 614 000	7 614 000	2 952 576	38,8 %
Titolu III	36 707 000	31 217 000	28 511 165	8 290 807	29,1 %
Spejjeż diversi (titolu II)	10 982 000	9 582 000	8 591 647	2 626 433	30,6 %
Riserva	17 500 000			—
Total (mingħajr l-akkwist)	594 715 268	524 651 268	509 691 888	46 558 864	9,1 %
Akkwist ta' proprjetà immobbli		70 064 000	70 064 000	70 064 000
Total tal-aħħar	594 715 268	594 715 268	579 755 888	116 622 864	20,1 %

3.3.5.   Implimentazzjoni ta' dħul assenjat akkumulat

It-tabelli 11a u 11b juru l-implimentazzjoni ta' dħul assenjat matul is-sena tal-baġit 2008.

It-tabella 11a tagħti ħarsa ġenerali lejn l-implimentazzjoni ta' dħul assenjat akkumulat qabel l-2008. Fit-tmiem is-sena tal-baġit 2008, EUR 3,4 miljuni kienu għadhom disponibbli.

Tabella 11a

Ħarsa ġenerali lejn l-implimentazzjoni tad-dħul assenjat trasferit akkumulat qabel l-2008

Kategorija	Dħul assenjat qabel l-2008	Impenji	Dħul assenjat disponibbli
	1	2	3 = 1 – 2
Pjan ta' stabbiliment	1 485 022	1 485 022	—
Spejjeż oħrajn tal-persunal	342 087	258 305	83 782
Bini (titolu II)	3 515 033	2 794 545	720 488
Sistemi tal-kompjuters (titolu II)	2 541 813	2 344 269	197 544
Spejjeż tal-interpretazzjoni	5 940 555	5 940 555	—
Spejjeż tal-ivjaġġar tad-delegazzjonijiet	14 664 027	14 664 027	—
Ġurnal Uffiċjali	547 062		547 062
Titolu III	647 136	581 583	65 552
Spejjeż diversi (titolu II)	2 956 618	1 169 422	1 787 197
Riserva	—	—	—
Total	32 639 353	29 237 727	3 401 625

Għandu jiġi nnotat li EUR 1,8 miljuni taħt Spejjeż diversi titolu II jirrelataw mal-fondi mhux użati li saru disponibbli mid-diversi Presidenzi fl-2005-2007. Dan l-ammont ser jintuża jew biex ikopri numru limitat ta' obbligi finanzjarji pendenti jew jiġi rimbursat lill-Presidenzi kkonċernati wara l-għeluq finali tal-avvenimenti.

It-tabella 11b turi l-implimentazzjoni ta' approprjazzjonijiet tad-dħul assenjat akkumulat fl-2008.

Tabella 11b

Ħarsa ġenerali lejn l-implimentazzjoni tad-dħul assenjat akkumulat fl-2008

Kategorija	Dħul assenjat 2008	Impenji	Dħul assenjat disponibbli
	1	2	3 = 1 – 2
Pjan ta' stabbiliment	924 394		924 394
Spejjeż oħrajn tal-persunal	2 773 706	958 327	1 815 379
Bini (titolu II)	1 710 458	1 273 329	437 129
Sistemi tal-kompjuters (titolu II)	1 362 985	580 933	782 051
Spejjeż tal-interpretazzjoni	4 892 897		4 892 897
Spejjeż tal-ivjaġġar tad-delegazzjonijiet	21 781 230	3 538 711	18 242 519
Ġurnal Uffiċjali	506 956		506 956
Titolu III	824 217	231 319	592 897
Spejjeż diversi (titolu II)	6 020 962	3 062 482	2 958 480
Riserva	—	—	—
Total	40 797 805	9 645 101	31 152 703

Dħul assenjat li wasal fl-2008 ammonta għal EUR 40,8 miljuni. EUR 9,6 mmiljuni ta' dan l-ammont intużaw fl-2008, li wassal għal trasferiment ta' EUR 31,2 miljuni.

3.3.6.   Attivitajiet tal-Kunsill

It-tabelli 12 u 13 jagħtu dehra ġenerali tal-attivitajiet ewlenin tal-Kunsill mill-2003 sal-2008.

Tabella 12

Żvilupp tal-attivitajiet 2003-2008: laqgħat

	2003	2004	2005	2006	2007	2008
Summits	6	5	3	3	3	5
Kunsilli	77	76	80	76	68	81
Coreper	134	128	123	120	106	144
Gruppi ta' ħidma	4 333	3 971	3 918	4 037	4 183	4 480
Total	4 550	4 180	4 124	4 236	4 360	4 710

Tabella 13

Żvilupp tal-attivitajiet 2003-2008: Atti legali ppubblikata fil-ĠU

	2003	2004	2005	2006	2007	2008
Atti legali ppubblikati fil-ĠU	1 045	1 118	1 056	1 317	1 000	1 274

---

(1)  Inflazzjoni 2007-2008: 1,9 %, żieda fil-pagi 2007-2008: 3,0 %, żieda fl-envelops għall-interpretazzjoni 4,7 %.

(2)  Fl-2008, kien previst ammont ta' EUR 15 miljun għall-ħlasijiet bil-quddiem rigward il-Palazz Residenzjali taħt il-kategorija “Riserva”.

(3)  Ir-rata tal-implimentazzjoni tal-baġit tal-2007 kienet ta' 98,3 % (mingħajr ħlasijiet bil-quddiem ippjanati għall-Palazz Residenzjali: 86,1 %); l-approprjazzjonijiet imħassrin jammontaw għal EUR 10 miljuni.

(4)  Kien previst ammont ta' € 15-il miljun għall-ħlasijiet bil-quddiem fir-rigward tal-Palazz Residenzjali taħt il-kategorija “Riserva”.

(5)  Fl-2007, il-medja tar-rata tal-impjieg kienet ta' 86 %. Ġie applikat tnaqqis b'rata fissa ta' 7 % għall-approprjazzjonijiet relatati f'dawn is-sentejn.

(6)  F'konformità mad-Deċiżjoni 111/07, is-SĠK jitrasferixxi 66 % tal-ammonti mhux użati lill-envelops tal-ivvjaġġar tad-delegati għall-użu matul l-istess sena baġitarja. Fl-2008, dan ammonta għal EUR 12,4 miljuni.

(7)  Minħabba li fiż-żmien tal-adozzjoni tal-baġit għall-2008 il-kuntratt għall-Palazz Residenzjali ma kienx għadu ġie ffirmat, ġie previst il-forniment ta' EUR 15-il miljun għal ħlasijiet bil-quddiem fir-rigward tal-bini tal-Palazz Residenzjali fil-kapitolu 100 (approprjazzjonijiet proviżorji).

(8)  Ammont > EUR 250 000.

---

---

7.5.2009

MT

Il-Ġurnal Uffiċjali tal-Unjoni Ewropea

C 105/24

---

Rata tal-kambju tal-euro (1)

Is-6 ta’ Mejju 2009

2009/C 105/03

1 euro =

	Munita	Rata tal-kambju
USD	Dollaru Amerikan	1,3322
JPY	Yen Ġappuniż	131,17
DKK	Krona Daniża	7,4485
GBP	Lira Sterlina	0,88610
SEK	Krona Żvediża	10,6160
CHF	Frank Żvizzeru	1,5089
ISK	Krona Iżlandiża
NOK	Krona Norveġiża	8,7350
BGN	Lev Bulgaru	1,9558
CZK	Krona Ċeka	26,805
EEK	Krona Estona	15,6466
HUF	Forint Ungeriż	285,83
LTL	Litas Litwan	3,4528
LVL	Lats Latvjan	0,7093
PLN	Zloty Pollakk	4,4135
RON	Leu Rumen	4,1592
TRY	Lira Turka	2,0930
AUD	Dollaru Awstraljan	1,7917
CAD	Dollaru Kanadiż	1,5689
HKD	Dollaru ta' Hong Kong	10,3245
NZD	Dollaru tan-New Zealand	2,2857
SGD	Dollaru tas-Singapor	1,9651
KRW	Won tal-Korea t'Isfel	1 702,95
ZAR	Rand ta' l-Afrika t'Isfel	11,3237
CNY	Yuan ren-min-bi Ċiniż	9,0877
HRK	Kuna Kroata	7,3744
IDR	Rupiah Indoneżjan	13 885,52
MYR	Ringgit Malażjan	4,7073
PHP	Peso Filippin	63,515
RUB	Rouble Russu	43,7360
THB	Baht Tajlandiż	46,857
BRL	Real Brażiljan	2,8549
MXN	Peso Messikan	17,6967
INR	Rupi Indjan	66,0640

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

7.5.2009

MT

Il-Ġurnal Uffiċjali tal-Unjoni Ewropea

C 105/25

---

Informazzjoni fil-qosor ikkomunikata mill-Istati Membri dwar għajnuniet mill-Istat mogħtija skont ir-Regolament tal-Kummissjoni (KE) Nru 1857/2006 dwar l-applikazzjoni tal-Artikoli 87 u 88 tat-Trattat tal-KE għall-għajnuniet mill-Istat lill-impriżi żgħar u ta’ daqs medju attivi fil-produzzjoni ta' prodotti agrikoli u li jemenda r-Regolament (KE) Nru 70/2001

2009/C 105/04

Għajnuna Nru: XA 405/08

Stat Membru: L-Italja

Reġjun: Sardegna

Titlu tal-iskema tal-għajnuna jew isem il-kumpanija li qed tirċievi l-għajnuna individwali: Regime di aiuto a favore delle PMI attive nella produzione di prodotti agricoli che partecipano ad attività di promozione istituzionale.

Bażi legali: Legge regionale 5 marzo 2008, n. 3 (articolo 7, comma 14)

Deliberazione della Giunta Regionale n. 58/10 del 28.10.2008

Nefqa annwali ppjanata taħt l-iskema jew l-ammont annwali totali tal-għajnuna individwali mogħtija lill-kumpanija: L-ammont annwali huwa stmat li jkun ta' € 200 000,00

Intensità massima tal-għajnuna: 100 % tal-ispejjeż eliġibbli

Data tal-implimentazzjoni: L-iskema tibda mid-data tal-pubblikazzjoni tan-numru tar-reġistrazzjoni tat-talba għall-eżenzjoni fuq is-sit elettroniku tad-Direttorat Ġenerali għall-Agrikoltura u għall-Iżvilupp Rurali tal-Kummissjoni Ewropea.

Tul ta' żmien tal-iskema jew tal-għotja tal-għajnuna individwali: 31 Diċembru 2013.

L-Għan tal-għajnuna: L-għoti ta' għajnuna teknika fis-settur agrikolu – art. 15 Reg (KE) Nru 1857/2006.

L-iskema bħala spejjeż taċċetta: ħlas ta' reġistrazzjoni, ħlas ta' trasport, ħlas għall-pubblikazzjonijiet, il-kera u l-preparazzjoni tal-postijiet ta' esibizzjoni, inkluż il-provvediment ta' servizzi anċillari, u l-premijiet li jingħataw fil-kompetizzjonijiet sa valur massimu ta' € 250,00 għal kull premju u għal kull rebbieħ.

Settur(i) konċernat(i): Is-settur tan-nagħaġ u l-mogħoż u s-settur tal-frott u l-ħxejjex

L-isem u l-indirizz tal-awtorità li tagħti l-għajnuna:

Regione Autonoma della Sardegna – Assessorato dell’Agricoltura e Riforma Agro – Pastorale

Via Pessagno, n. 4

09129 Cagliari

ITALIA

Regione Autonoma della Sardegna – Agenzia Regionale Sardegna Promozione

Viale Trieste n. 115

09123 Cagliari

ITALIA

Sit tal-Internet: http://www.regione.sardegna.it/j/v/80?s=75087&v=2&c=4426&t=1

http://www.regione.sardegna.it/documenti/1_73_20081024111334.pdf

Tagħrif ieħor: —

Għajnuna Nru: XA 419/08

Stat Membru: Spanja

Reġjun: Galicia

Titlu tal-iskema: Ayudas a asociaciones de ganaderos y asociaciones de criadores de ganado vacuno de raza frisona.

Bażi legali: Ayudas para la realización de pruebas para determinar la calidad genética, el rendimiento del ganado vacuno lechero y a la realización de técnicas o prácticas innovadoras en el ámbito de cría de animales de ganado vacuno de raza frisona y se convocan para el año 2009.

Nefqa annwali ppjanata fl-ambitu tal-iskema: EUR 1 895 927,00.

Intensità massima tal-għajnuna:

—	70 % tal-ispejjeż għat-twettiq ta’ testijiet biex tiġi determinata l-kwalità ġenetika tal-merħliet li jipproduċu l-ħalib.

—	70 % tal-ispiża tat-twettiq ta’ testijiet biex jiġi determinat ir-rendiment tal-merħliet li jipproduċu l-ħalib.

—	40 % tal-ispiża tal-introduzzjoni ta’ tekniċi jew prattiċi innovattivi għat-trobbija tal-bhejjem fl-azjendi agrikoli.

Data tal-implimentazzjoni: mid-data tal-pubblikazzjoni tan-numru tar-reġistrazzjoni tat-talba għal eżenzjoni fuq is-sit tal-internet tad-Direttorat Ġenerali għall-Agrikoltura u l-Iżvilupp Rurali tal-Kummissjoni.

Tul ta' żmien tal-iskema: sal-31 ta' Diċembru 2009

Għan tal-għajnuna: L-għanijiet ta’ din l-għajnuna huma:

It-titjib tal-aspetti ta’ produzzjoni, tat-trobbija u tas-saħħa tal-bhejjem permezz ta':

id-determinazzjoni tal-kwalità ġenetika tal-bhejjem, meħtieġa għall-programmi ta’ titjib ġenetiku. L-għajnuna tingħata għat-twettiq tat-testijiet.

Id-determinazzjoni tar-rendiment tal-bhejjem, meħtieġa għall-programmi ta’ titjib. L-għajnuna tingħata għall-ġbir tad-dejta.

L-applikazzjoni ta’ tekniki jew prattiki ġodda innovattivi fil-qasam tat-trobbija tal-bhejjem biex jinkiseb titjib ġenetiku fir-razza. L-għajnuna tingħata għall-programmi ta' trobbija.

Din l-iskema hija konformi mal-Artikolu 16 tar-Regolament (KE) Nru 1857/2006 li jindika li din l-għajnuna hija kompatibbli mas-suq komuni.

Settur benefiċjarju: produzzjoni tal-bhejjem

Isem u indirizz tal-awtorità li tagħti l-għajnuna: Xunta de Galicia. Consellería de Medio Rural.

Dirección Xeral de Produción, Industrias e Calidade Agroalimentaria.

Indirizz tas-sit tal-internet: http://mediorural.xunta.es/

http://mediorural.xunta.es/externos/orde_cria_frison.pdf

Tagħrif ieħor: indirizzi tal-posta elettronika:

dxpica.mrural@xunta.es

gerardo.rivero.cuesta@xunta.es

Santiago de Compostela, il-5 ta Jannar 2009

IS-SEGRETARJU ĠENERALI

Iffirmata: Alberte Souto Souto

Għajnuna Nru: XA 437/08

Stat Membru: Spanja.

Reġjun: Castilla y León (provincia de Salamanca).

Titolu tal-iskema ta' għajnuna jew isem il-kumpanija li tirċievi l-għajnuna individwali: Subvenciones dirigidas a cooperativas de ganaderos que tengan como fin la utilización de cebaderos y/o la comercialización de carne, anualidad 2009.

Bażi legali: Proyecto de bases reguladoras de la convocatoria de subvenciones dirigidas a cooperativas de ganaderos que tengan como fin la utilización de cebaderos y/o la comercialización de carne, anualidad 2009.

Nefqa annwali ppjanata taħt l-iskema jew ammont globali tal-għajnuna individwali mogħtija lill-kumpanija: In-nefqa ppjanata għall-iskema ta’ għajnuna għas-sena 2009 hija ta’ EUR 45 000 (ħamsa u erbgħin elf euro).

Intensità massima tal-għajnuna: L-ammont massimu tas-sussidju ma għandux jaqbeż il-70 % tal-ispejjeż eliġibbli, b'limitu ta’ EUR 8 000 għal kull applikant.

Madankollu, l-għajnuna maħsuba għall-kumpens ta’ spejjeż tal-operat u l-ġestjoni tkun temporanja – skont id-data ta’ meta tkun twaqqfet il-kooperattiva– u digressiva, b’mod li l-ammont tal-għajnuna ma jistax jaqbeż il-perċentwali li ġejjin:

55 % tal-ispejjeż involuti għall-kooperattivi stabbiliti fl-2005.

60 % tal-ispejjeż involuti għall-kooperattivi stabbiliti fl-2006.

65 % tal-ispejjeż involuti għall-kooperattivi stabbiliti fl-2007.

70 % tal-ispejjeż involuti għall-kooperattivi stabbiliti fl-2008.

Data tal-implimentazzjoni: Mid-data tal-pubblikazzjoni tan-numru ta' reġistrazzjoni tat-talba għal eżenzjoni fuq il-websajt tad-Direttorat Ġenerali tal-Agrikoltura u l-Iżvilupp Rurali tal-Kummissjoni.

Tul ta' żmien tal-iskema jew tal-għajnuna individwali: Sal-31 ta' Diċembru 2009.

Għan tal-għajnuna: L-għan ta' din l-għajnuna huwa l-promozzjoni tal-iżvilupp ta' kooperattivi tat-trobbija tal-bhejjem fil-provinċja ta' Salamanca, sabiex jitħeġġew il-ħolqien u l-manteniment tal-entitajiet kooperattivi tat-trobbija tal-bhejjem.

Barra minn hekk, l-għajnuna għandha wkoll l-għan li żżid il-preżenza tal-kooperattivi msemmija fil-fieri u l-wirjiet organizzati mill-Gvern Lokali fiċ-Ċentru ta’ Wirjiet, b'mod li l-importanza ta' dawn l-istallazzjonijiet u tal-attivitajiet li jsiru fihom tiġi estiża għal-livell tal-Komunitajiet Awtonomi u dak nazzjonali.

Din l-iskema ta’ għajnuna taqa’ fl-ambitu ta’ applikazzjoni tal-Artikoli 9 u 15 tar-Regolament tal-Kummissjoni (KE) Nru 1857/2006 tal-15 ta' Diċembru 2006 dwar l-applikazzjoni tal-Artikoli 87 u 88 tat-Trattat tal-KE għall-għajnuna mill-Istat lill-impriżi żgħar u ta' daqs medju għall-produzzjoni agrikola.

Huma eliġibbli l-attivitajiet marbutin mal-parteċipazzjoni f'fieri organizzati mill-Gvern Lokali ta' Salamanca, l-attivitajiet operattivi u ta' ġestjoni, kif ukoll l-għoti ta' assistenza teknika lis-settur tat-trobbija tal-bhejjem ta' Salamanca.

L-ispejje¿ li ġejjin huma eliġibbli għall-għajnuna:

(1)	Ir-reġistrazzjoni, il-kiri tal-ispazju u tal-istand, is-sigurtà, l-istewards u l-ħlasijiet tal-parteċipazzjoni.

(2)	Pubblikazzjonijiet marbutin mal-attività.

(3)	L-ispejjeż tal-ivvjaġġar.

(4)	Konferenzi tekniċi li jseħħu fiċ-Ċentru ta’ Wirjiet waqt il-fieri.

(5)	Premji mogħtija fil-kompetizzjonijiet organizzati mill-entità matul il-fieri, b'limitu massimu ta’ EUR 250 għal kull premju u rebbieħ.

(1)	L-ispejjeż tal-kiri ta’ postijiet bħala kwartieri prinċipali.

(2)	L-ispejjeż legali u amministrattivi.

(3)	Materjal għall-uffiċċju.

(4)	L-ispejjeż amministrattivi tal-persunal.

(5)	Spejjeż ġenerali (il-manutenzjoni, it-tiswija, il-konservazzjoni, provvisti, eċċ).

(1)	L-ispejjeż tal-attivitajiet ta’ taħriġ: l-ispejjeż reali tal-organizzazzjoni tal-programm ta' taħriġ.

(2)	L-ispejjeż tal-attendenza għall-fieri nazzjonali: il-kiri tal-ispazju u tal-istand, is-sigurtà, l-istewards, il-ħlasijiet tal-parteċipazzjoni, l-ispejjeż tal-ivvjaġġar u tal-pubblikazzjonijiet marbutin mal-attività.

(3)	Il-preżentazzjoni ta’ prodotti ta’ kwalità fil-livell nazzjonali u provinċjali: jistgħu jiġu sussidjati biss il-kiri tal-istallazzjonijiet fejn issir il-preżentazzjoni, l-ispejjeż tal-ivvjaġġar u l-pubblikazzjonijiet marbutin mal-attività.

(4)	Pubblikazzjonijiet bħal katalgi jew siti tal-internet li jagħtu tagħrif dwar il-produtturi minn reġjun speċifiku jew produtturi ta’ prodott speċifiku, sakemm dan it-tagħrif u l-preżentazzjoni jkunu newtrali u l-produtturi kkonċernati kollha jingħataw l-istess opportunità biex ikunu inklużi fihom.

(5)	Premji mogħtija fil-kompetizzjonijiet organizzati mill-entità matul il-fieri, b'limitu massimu ta’ EUR 250 għal kull premju u rebbieħ.

Is-settur(i) benefiċjarju/I: Is-settur tat-trobbija tal-bhejjem.

Isem u indirizz tal-awtorità li tagħti l-għajnuna:

Excma. Diputación Provincial de Salamanca.

C/Felipe Espino no 1

37002 Salamanca

ESPAÑA

Indirizz tal-internet: http://www.lasalina.es/areas/eh//ProyConvocatorias/2009/Cooperativas.pdf

Tagħrif ieħor: Dan is-sussidju huwa kompatibbli ma’ kwalunkwe sussidju, għajnuna, riżors jew dħul ieħor għall-attività sussidjata mogħti minn kwalunkwe awtorità jew organizzazzjoni pubblika, privata, nazzjonali, Komunitarja jew internazzjonali, dejjem jekk ma jinqabżux il-limiti kwantitattivi tal-għajnuna stabbiliti fir-Regolament tal-Kummissjoni (KE) Nru 1857/2006 (b’mod partikolari, fil-każ tal-attivitajiet msemmija fit-taqsima B taħt “L-għan tal-għajnuna” hawn fuq, fejn jidħlu l-ispejjeż tal-operat u tal-ġestjoni, l-ammont totali tal-għajnuna pubblika li tingħata fl-ambitu tal-Artikolu 9 tar-Regolament m'għandux jaqbeż l-EUR 400 000 għal kull benefiċjarju).

Jekk l-applikant ikun ingħata għajnuna oħra, għall-istess għan, li ma tkunx kompatibbli ma' dik li tingħata mingħand il-Gvern Lokali, għandu japplika l-Artikolu 33 tar-Real Decreto 887/2006, de 21 de julio, por el que se aprueba el Reglamento de la Ley General de Subvenciones [Digriet Irjali Spanjol 887/2006, tal-21 ta’ Lulju, li japprova r-Regolament tal-Liġi Ġenerali dwar is-Sussidji].

Madankollu, l-ammont tas-sussidji li jingħataw mill-Gvern Lokali fl-ebda każ ma jista' jkun ta' ammont li, waħdu jew flimkien ma' sussidji, għajnuna, dħul u riżorsi oħra, jaqbeż l-ispejjeż tal-attività sussidjata.

Bl-istess mod, is-sussidju mhuwiex kompatibbli mal-ebda sussidju, għajnuna, riżors jew dħul ieħor għall-istess attività sussidjata, mogħtija mill-Gvern Lokali ta’ Salamanca sew permezz ta’ konċessjoni diretta, sew permezz ta’ proċedura ta’ konkors kompetittiv, fejn l-ispejjeż eliġibbli jistgħu jikkoinċidu.

L-għajnuna għandha tingħata f'forma ta’ servizzi sussidjati u ma għandhiex tinvolvi ħlasijiet diretti ta' flus lill-produtturi, skont il-kundizzjonijiet stabbiliti fl-Artikolu 15(3) tar-Regolament.

Il-benefiċjarji tas-sussidju għandhom jissodisfaw il-kundizzjonijiet kollha stipulati mill-Artikolu 15 tar-Regolament, inkluża dik stipulata fit-taqsima 4 fir-rigward tar-rekwiżiti għad-dħul fis-servizz.

---

7.5.2009

MT

Il-Ġurnal Uffiċjali tal-Unjoni Ewropea

C 105/29

---

Silta mis-sentenza rigward Straumur-Burdaras Investment Bank hf. b’applikazzjoni tad-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta' istituzzjonijiet ta' kreditu

2009/C 105/05

STRAUMUR-BURDARAS INVESTMENT BANK HF. TAT MORATORJU

Fid-19 ta’ Marzu 2009 il-Qorti Distrettwali ta’ Reykjavik, l-Iżlanda, tat moratorju lil Straumur-Burdaras Investment Bank hf., li jinsab f’Borgartun 25, Reykjavik, l-Iżlanda, fuq il-ħlasijiet lill-kredituri, liema moratorju għandu japplika sal-11 ta’ Ġunju 2009. L-applikazzjoni għall-moratorju kien pass utli sabiex ikun żgurat li l-kredituri kollha tal-Bank ikunu ttrattati b’mod ġust u kif xieraq, skont il-liġi tal-Iżlanda u d-direttivi tal-UE. Il-proċess tal-moratorju jagħti lill-Bank protezzjoni xierqa minn azzjoni legali, filwaqt li tibqa’ tinżamm liċenzja bankarja biżżejjed biex isostni l-assi tiegħu. Il-moratorju jagħti wkoll lill-Bank l-opportunità li jkompli jiddiskuti mal-kredituri tiegħu bil-għan li jimmassimizza l-irkupru għall-partijiet interessati kollha.

Is-Sur Hordur Felix Hardarson, Avukat tal-Qorti Suprema tal-Iżlanda, inħatar sabiex jaġixxi bħala l-assistent f’dak li għandu x’jaqsam mal-moratorju. Għandu jaħdem mal-Kumitat tal-Bank għar-Riżoluzzjoni, li inħatar mill-Awtorità Superviżorja Iżlandiża tal-Finanzi, u mill-Kumitat ta’ Ġestjoni tal-Bank. Waqt li jkun hemm moratorju, l-aċċess tal-Bank għall-assi normalment ikun ipprojbit sakemm ma jkunx meħtieġ għall-operazzjonijiet tiegħu ta’ kuljum jew sabiex ikun hemm organizzazzjoni mill-ġdid tal-finanzi tal-Bank.

Tagħrif dwar Straumur-Burdaras Investment Bank hf, jinsab fis-sit www.straumur.com

Għal iktar tagħrif, jekk jogħġbok ikkuntattja lill-Bank permezz tal-posta elettronika: straumur@straumur.com

---

7.5.2009

MT

Il-Ġurnal Uffiċjali tal-Unjoni Ewropea

C 105/30

---

GĦAJNUNA MILL-ISTAT – IL-POLONJA

(L-Artikoli 87 sa 89 tat-Trattat li jistabilixxi l-Komunità Ewropea)

Avviż tal-Kummissjoni skont l-Artikolu 88(2) tat-Trattat KE – irtirar ta’ notifikazzjoni

Għajnuna mill-Istat C 47/2008 (ex N 270/08) – għajnuna għal ristrutturazzjoni lil Przędzalnia Zawiercie, il-Polonja

(Test b’relevanza għaż-ŻEE)

2009/C 105/06

Il-Kummissjoni ddeċidiet li tagħlaq il-proċedura formali ta’ investigazzjoni skont l-Artikolu 88(2) tat-Trattat KE mibdija fl-10 ta’ Diċembru 2008 rigward il-miżura msemmija hawn fuq u rreġistrat l-irtirar tan-notifika tal-Polonja fid-19 ta’ Jannar 2009 u mhux se tkompli taħdem aktar fuq dan il-proġett għall-għajnuna.

---

7.5.2009

MT

Il-Ġurnal Uffiċjali tal-Unjoni Ewropea

C 105/31

---

Avviż għall-attenzjoni tas-Sur Faraj Faraj Hussein Al-Sa’idi dwar l-inklużjoni tiegħu fil-lista msemmija fl-Artikoli 2, 3 u 7 tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma’ Usama bin Laden, in-network ta’ Al-Qaida u t-Taliban

2009/C 105/07

1.

Il-Pożizzjoni Komuni 2002/402/CFSP (1) ssejjaħ lill-Komunità sabiex tiffriża l-fondi u r-riżorsi ekonomiċi ta' Usama bin Laden, membri tal-organizzazzjoni Al-Qaida u t-Taliban u individwi, gruppi, impriżi u entitajiet assoċjati magħhom oħrajn, imsemmija fil-lista magħmula skont UNSCR 1267(1999) u 1333(2000) li għandha tiġi aġġornata b'mod regolari mill-Kumitat stabbilit skont UNSCR 1267(1999). Il-lista mfassla minn dan il-Kumitat tan-NU tinkludi: — Al Qaida, it-Taliban u s-Sur Usama bin Laden; — persuni naturali jew legali, entitajiet, korpi u gruppi assoċjati ma' Al Qaida, it-Taliban u s-Sur Usama bin Laden; kif ukoll — persuni legali, entitajiet u korpi li huma propjetà ta', li huma kkontrollati minn, jew li b'xi mod ieħor jappoġġjaw lil, xi wieħed jew waħda minn dawn il-persuni, entitajiet, korpi u gruppi. Atti jew attivitajiet li jindikaw li individwu, grupp, impriża, jew entità hija “assoċjata ma'” Al Qaida, Usama bin Laden jew it-Taliban jinkludu: (a) parteċipazzjoni fil-finanzjament, l-ippjanar, l-iffaċilitar, it-tħejjija, jew it-twettiq ta' atti jew attivitajiet minn, flimkien ma', fl-isem ta', jew f'appoġġ għal, Al Qaida, it-Taliban jew is-Sur Usama bin Laden, jew xi ċellola, affiljata jew grupp li joħroġ minnhom jew li jidderiva minnhom; (b) forniment, bejgħ jew trasferiment ta' armi u materjal relatat lil xi wieħed minnhom; (c) reklutaġġ għal xi wieħed minnhom; jew (d) xi forma oħra ta' appoġġ għall-atti jew l-attivitajiet ta' xi wieħed minnhom.

2.

Il-Kumitat tan-NU ddeċieda fis-12 ta’ Novembru 2003 li jżid lis-Sur Faraj Faraj Hussein Al-Sa’idi mal-lista relevanti. Il-persuna naturali kkonċernata tista' tissottometti fi kwalunkwe żmien talba lill-Kumitat tan-NU, flimkien ma' kull dokumentazzjoni ta' appoġġ, sabiex terġa' tiġi kkunsidrata mill-ġdid id-deċiżjoni li tinkludihom fil-lista tan-NU msemmija aktar 'il fuq. It-talba trid tintbagħat fl-indirizz li ġej: United Nations — Focal point for delisting Security Council Subsidiary Organs Branch Room S-3055 E New York , NY 10017 United States of America Għal aktar informazzjoni kkonsulta: http://www.un.org/sc/committees/1267/delisting.shtml

3.

Fuq il-bażi tad-deċiżjoni, il-Kummissjoni adottat ir-Regolament (KE) Nru 2049/2003 (2), li jemenda l-Anness I tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma' Usama bin Laden, in-netwerk ta' Al-Qaida u t-Taliban (3), skont l-Artikolu 7(1) tar-Regolament (KE) Nru 881/2002. Din l-entrata ġiet emendata l-aħħar mir-Regolament tal-Kummissjoni (KE) Nru 46/2008 (4). Għaldaqstant, il-miżuri li ġejjin tar-Regolament (KE) Nru 881/2002 japplikaw għall-persuni naturali u legali, il-gruppi u l-entitajiet ikkonċernati: (1) L-iffriżar tal-fondi, l-assi finanzjarji l-oħra u r-riżorsi ekonomiċi kollha tagħhom, jew miżmuma minnhom, u l-projbizzjoni li jitpoġġew fondi, assi finanzjarji u riżorsi ekonomiċi oħra għad-dispożizzjoni tagħhom, jew għall-benefiċċju tagħhom, kemm direttament u kif ukoll indirettament (Artikoli 2 u 2a (5); kif ukoll (2) Il-projbizzjoni tal-għoti, il-bejgħ jew it-trasferiment ta' pariri tekniċi, assistenza jew taħriġ relatati ma' attivitajiet militari lilhom, kemm direttament u kif ukoll indirettament (Artikolu 3).

4.

Wara s-sentenza tal-Qorti tal-Ġustizzja tat-3 ta' Settembru 2008 fil-Kawzi Konġunti C-402/05 P u C-415/05 P, Yassin Abdullah Kadi u l-Fondazzjoni Internazzjonali Al Barakaat v. Il-Kunsill, il-Kumitat tan-NU pprovda raġunijiet għall-inklużjoni tas-Sur Faraj Faraj Hussein Al-Sa’idi. Huwa jista' jagħmel talba għar-raġunijiet għall-inklużjoni tiegħu lill-Kummissjoni. It-talba trid tintbagħat fl-indirizz li ġej: Il-Kummissjoni Ewropea DĠ Relazzjonijiet Esterni Attn. Unit A2 (CHAR12/45) Rue de la Loi/Wetstraat 200 B-1049 Bruxelles/Brussel BELGIQUE/BELGIË Wara li ngħatatlu l-opportunità li jesprimi l-fehmiet tiegħu dwar ir-raġunijiet għall-inklużjoni, il-Kummissjoni se terġa' tistudja l-inklużjoni tiegħu fl-Anness I tar-Regolament tal-Kunsill (KE) Nru 881/2002 u se ssir deċiżjoni ġdida dwaru.

5.

Kull dejta personali pprovduta mis-Sur Faraj Faraj Hussein Al-Sa’idi se tkun ittrattata skont ir-Regolament (KE) Nru 45/2001 dwar il-protezzjoni ta' individwu fir-rigward tal-ipproċessar ta' data personali mill-istituzzjonijiet u l-korpi tal-Komunità u dwar il-moviment liberu ta' dak id-dejta (6). Kull talba, pereżempju għal aktar informazzjoni jew sabiex jiġu eżerċitati d-drittijiet skont ir-Regolament (KE) Nru 45/2001 (pereżempju l-aċċess jew ir-rettifika ta' dejta personali), għandhom jintbagħtu lill-Kummissjoni, fl-istess indirizz imsemmi fil-punt 4 aktar 'il fuq.

6.

Għall-kompletezza, qiegħda tinġibed l-attenzjoni tal-persuni naturali elenkati fl-Anness I dwar il-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti, elenkati fl-Anness II tar-Regolament (KE) Nru 881/2002, sabiex tinkiseb l-awtorizzazzjoni għall-użu tal-fondi, assi finanzjarji u riżorsi ekonomiċi oħra ffriżati għal ħtiġijiet essenzjali jew ħlasijiet speċifiċi skont l-Artikolu 2a ta' dak ir-Regolament.

---

(1)  ĠU L 139, 29.5.2002, p. 4. Il-Pożizzjoni Komuni kif emendata mill-Pożizzjoni Komuni 2003/140/CFSP (ĠU L 53, 28.2.2003, p. 62).

(2)  ĠU L 303, 21.11.2003, p. 20.

(3)  ĠU L 139, 29.5.2002, p. 9.

(4)  ĠU L 16, 19.1.2008, p. 11.

(5)  L-Artikolu 2 iddaħħal mir-Regolament tal-Kunsill (KE) Nru 561/2003 (ĠU L 82, 29.3.2003, p. 1).

(6)  ĠU L 8, 12.1.2001, p. 1.

---