22.1.2009

MT

Il-Ġurnal Uffiċjali tal-Unjoni Ewropea

C 16/1

---

Komunikazzjoni mill-Kummissjoni — Qafas temportanju għal miżuri ta' għajnuna mill-Istat biex isostnu l-appoġġ għall-finanzjament fil-kriżi finanzjarja u ekonomika attwali

(2009/C 16/01)

1.   IL-KRIŻI FINANZJARJA, L-IMPATT TAGĦHA FUQ L-EKONOMIJA REALI U L-ĦTIEĠA GĦAL MIŻURI TEMPORANJI

1.1.   Il-kriżi finanzjarja u l-impatt tagħha fuq l-ekonomija reali

Fis-26 ta' Novembru 2008, il-Kummissjoni adottat il-Komunikazzjoni “Pjan Ewropew għall-Irkupru Ekonomiku” (1) biex tmexxi l-irkupru tal-Ewropa mill-kriżi finanzjarja attwali. Il-Pjan ta' Rkupru huwa bbażat fuq żewġ elementi ewlenin li jirrinfurzaw reċiprokament lil xulxin. L-ewwelnett, miżuri fuq medda qasira ta' żmien biex iżidu d-domanda, jsalvaw l-impjiegi u jgħinu sabiex jerġa' jkun hemm fiduċja. It-tieninett, “investiment għaqli” biex jipproduċi tkabbir akbar u prosperità sostenibbli fuq perjodu ta' żmien aktar fit-tul. Il-Pjan ta' Rkupru se jintensifika u jħaffef riformi li diġà nbdew taħt l-Istrateġija ta' Liżbona għat-Tkabbir u l-Impjiegi.

F'dan il-kuntest, l-isfida għall-Komunità hija li tevita intervent pubblika li jimmina l-għan ta' anqas għajnuna mill-Istat u għajnuna mill-Istat li hija mmirata aħjar. Madankollu, taħt ċerti kundizzjonijiet, hemm ħtieġa għal għajnuna mill-Istat temporanja ġdida.

Il-Pjan jinkludi wkoll inizjattivi ulterjuri biex ir-regoli dwar għajnuna mill-Istat jiġu applikati b'tali mod li tinkiseb flessibilità massima biex tissolva l-kriżi filwaqt li kulħadd ikollu l-istess opportunitajiet. Din il-Komunikazzjoni tagħti d-dettalji dwar numru ta' opportunitajiet temporanji addizzjonali għall-Istati Membri biex jagħtu għajnuna mill-Istat.

L-ewwelnett, il-kriżi finanzjarja kellha impatt iebes fuq is-settur bankarju tal-UE. Il-Kunsill saħaq li, għalkemm l-intervent pubbliku għandu jkun deċiż fuq livell nazzjonali, jeħtieġ li dan isir fi ħdan qafas koordinat u fuq il-bażi ta' għadd ta' prinċipji komuni tal-Komunita' (2). Il-Kummissjoni rreaġiet mill-ewwel b'diversi miżuri inkluż l-adozzjoni ta' Komunikazzjoni dwar l-applikazzjoni tar-regoli ta' għajnuna mill-Istat għal miżuri meħuda fejn jidħlu l-istituzzjonijiet finanzjarji fil-kuntest tal-kriżi finanzjarja globali preżenti (3) u numru ta' deċiżjonijiet li jawtorizzaw l-għajnuna għas-salvataġġ lil istituzzjonijiet finanzjarji.

Aċċess suffiċjenti u abbordabbli għall-finanzjament huwa kundizzjoni minn qabel għall-investiment, it-tkabbir u l-ħolqien tal-impjiegi mis-settur privat. Jeħtieġ li l-Istati Membri jużaw l-influwenza li kisbu b'riżultat tal-forniment ta' sostenn finanzjarju sostanzjali lis-settur bankarju biex jiżguraw li dan is-sostenn ma jwassalx sempliċement għal titjib fis-sitwazzjoni finanzjarja tal-banek mingħajr ebda benefiċċju għall-ekonomija inġenerali. Is-sostenn għas-settur finanzjarju għandu għalhekk ikun immirat tajjeb biex jiggarantixxi li l-banek jissoktaw bl-attivitajiet ta' tislif normali tagħhom. Il-Kummissjoni se tqis dan meta teżamina l-għajnuna mill-Istat lill-banek.

Filwaqt li s-sitwazzjoni fis-swieq finanzjarji tidher li qed titjieb, l-impatt sħiħ tal-kriżi finanzjarja fuq l-ekonomija reali issa qed jinħass. Tnaqqis serju ħafna qed jaffettwa l-ekonomija aktar wiesgħa u li jkollu impatt fuq l-unitajiet domestiċi, in-negozji u l-impjiegi. B'mod partikolari, b'konsegwenza tal-kriżi fis-swieq finanzjarji, il-banek għaddejjin minn proċess ta' tnaqqis fil-livell tad-dejn u qed isiru inqas lesti li jieħdu riskji milli kienu fi snin preċedenti li b'hekk qed iwassal għal restrizzjoni fil-kreditu. Il-kriżi finanzjarja tista' twassal għar-razzjonar tal-kreditu, tnaqqis fid-domanda u reċessjoni.

Diffikultajiet bħal dawn jistgħu mhux biss jolqtu kumpaniji dgħajfa mingħajr protezzjoni mill-aspett ta' solvenza iżda wkoll kumpaniji b'saħħithom li se jaffaċċjaw nuqqas f'daqqa jew saħansitra indisponibbiltà ta' kreditu. Dan se jkun il-każ partikolarment għall-(“SMEs”) li, f'kull każ, jaffaċċjaw diffikultajiet akbar ta' aċċess għall-finanzjament minn kumpaniji li huma akbar. Sitwazzjoni bħal din tista' mhux biss serjament tolqot is-sitwazzjoni ekonomika ta' bosta kumpaniji b'saħħithom u l-impjegati tagħhom fuq medda qasira u medja ta' żmien imma jista' jkollha effetti negattivi li jdumu aktar minħabba li l-investimenti kollha tal-UE fil-futur — b'mod partikolari lejn tkabbir sostenibbli u għanijiet oħrajn tal-Istrateġija ta' Liżbona — jistgħu jiddewmu jew anki jiġu abbandunati.

1.2.   Il-ħtieġa għall-koordinazzjoni Ewropea mill-qrib ta' miżuri ta' għajnuna nazzjonali

Fis-sitwazzjoni finanzjarja attwali, l-Istati Membri jistgħu jkollhom it-tentazzjoni li jimxu għal rashom u li jidħlu f'tellieqa tas-sussidji biex jappoġjaw il-kumpaniji tagħhom. L-esperjenza tal-passat turi li azzjoni individwali ta' dan it-tip ma tistax tkun effettiva u tista' tkun ta' dannu serju għas-suq intern. Meta jingħata appoġġ, filwaqt li titqies bis-sħiħ is-sitwazzjoni ekonomika speċifika attwali, hu kruċjali li jiġu żgurati kundizzjonijiet u opportunitajiet ugwali għall-kumpaniji Ewropej u li jiġi evitat li l-Istati Membri jidħlu fi tlielaq ta' għoti ta' sussidji li ma jkunux sostenibbli u li jkunu ta' ħsara għall-UE globalment. Il-politika tal-kompetizzjoni teżisti biex tiżgura li dan isir.

1.3.   Il-ħtieġa għal miżuri temporanji ta' għajnuna mill-Istat

Filwaqt li l-għajnuna mill-Istat mhijiex kura mirakuluża għad-diffikultajiet attwali, sostenn pubbliku mmirat tajjeb għall-kumpaniji jista' jkun komponent utli fl-isforz globali kemm biex jiġi żblukkat it-tislif lill-kumpaniji u biex jiġi inkoraġġut investiment kontinwat f'ġejjieni b'emissjonijiet baxxi tal-karbonju.

Il-miżuri temporanji addizzjonali li hemm dispożizzjoni dwarhom f'din il-Komunikazzjoni għandhom żewġ għanijiet: L-ewwelnett, fid-dawl tal-problemi eċċezzjonali u tranżitorji ta' finanzjament marbuta mal-kriżi bankarja, biex jiġi żblukkat it-tislif mill-banek lill-kumpaniji u b'hekk tiġi garantita l-kontinwità tal-aċċess tagħhom għall-finanzjament. Kif jirriżulta mill-Komunikazzjoni mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni: “Aħseb l-Ewwel fiż-Żgħir” — “Att dwar in-Negozji ż-Żgħar” għall-Ewropa, tal-25 ta' Ġunju 2008 (4), li ġie adottat dan l-aħħar, l-SMEs huma partikolarment importanti għall-ekonomija kollha fl-Ewropa u t-titjib tal-qagħda finanzjarja tagħhom ikollu wkoll effetti pożittivi għall-kumpaniji l-kbar u b'hekk ikun ta' appoġġ għat-tkabbir u l-immodernizzar ekonomiku globali fit-tul.

It-tieni għan huwa li l-kumpaniji jiġu inkoraġġuti jkomplu jinvestu fil-ġejjieni, b'mod partikolari f'ekonomija bi tkabbir sostenibbli. Tabilħaqq, jekk, b'riżultat tal-kriżi attwali, il-progress sinjifikanti li nkiseb fil-qasam ambjentali jitwaqqaf jew jingħeleb, jista' jkun hemm konsegwenzi possibbilment drammatiċi. Għal din ir-raġuni, jeħtieġ li jingħata appoġġ temporanju lill-kumpaniji talli jinvestu fi proġetti ambjentali (li, fost affarijiet oħrajn, jista' jagħti vantaġġ teknoloġiku lill-industrija tal-UE) u b'hekk jiġu magħquda l-appoġġ finanzjarju urġenti u meħtieġ ma' benefiċċji fit-tul għall-Ewropa.

Din il-Komunikazzjoni l-ewwel tfakkar id-diversi opportunitajiet għal appoġġ pubbliku li diġà huma għad-diżpożizzjoni tal-Istati Membri taħt ir-regoli eżistenti dwar l-għajnuna mill-Istat, qabel ma tistipula miżuri addizzjonali ta' għajnuna mill-Istat li l-Istati Membri jistgħu jagħtu temporanjament sabiex jissanaw id-diffikultajiet li bħalissa qed jiltaqgħu magħhom xi kumpaniji rigward aċċess għall-finanzjament u sabiex jippromwovu investimenti b'għanijiet ambjentali.

Il-Kummissjoni tqis li l-istrumenti ta' għajnuna proposti huma l-aktar strumenti xierqa biex jinkisbu dawk l-għanijiet.

2.   MIŻURI ĠENERALI TA' POLITIKA EKONOMIKA

Il-Pjan għall-Irkupru Ekonomiku ġie adottat b'reazzjoni għas-sitwazzjoni ekonomika attwali. Fid-dawl tal-iskala tal-kriżi, il-Komunita' teħtieġ approċċ koordinat, li huwa kbir u kuraġġjuż biżżejjed biex terġa' tinkiseb il-fiduċja tal-konsumaturi u tan-negozji.

L-għanijiet strateġiċi tal-Pjan tal-Irkupru huma li:

—	jistimula malajr id-domanda u jżid il-fiduċja tal-konsumaturi,

—

jnaqqas l-impatt negattiv uman tat-tnaqqis ekonomiku u l-impatt tiegħu fuq dawk li huma l-aktar vulnerabbli. Ħafna ħaddiema u l-familji tagħhom huma milquta jew se jintlaqtu mill-kriżi. Tista' tittieħed azzjoni biex jitwaqqad it-telf tal-impjiegi u biex imbagħad in-nies jiġu megħjuna jirritornaw malajr fis-suq tax-xogħol, pjuttost milli jaffaċċjaw qgħad fit-tul,

—

jgħin lill-Ewropa tipprepara sabiex tieħu vantaġġ meta jerġa' jibda t-tkabbir, sabiex l-ekonomija Ewropea tkun armonizzata mad-domandi għall-kompetittività u s-sostenibbiltà u l-ħtiġijiet tal-futur, kif deskritti fl-Istrateġija ta' Liżbona. Dan ifisser li jkun hemm appoġġ għall-innovazzjoni, li tinbena ekonomija bbażata fuq l-għarfien u li titħaffef il-bidla lejn ekonomija b'emissjonijiet baxxi tal-karbonju u effiċjenti fl-użu tar-riżorsi.

Sabiex jilħqu dawn l-għanijiet, l-Istati Membri diġà għandhom għad-dispożizzjoni tagħhom numru ta' strumenti li ma jitqiesux bħala għajnuna mill-Istat. Pereżempju, jista' jkun li xi kumpaniji qed jiltaqgħu ma' diffikultajiet aktar serji ta' aċċess għall-finanzjament minn kumpaniji oħrajn u għalhekk ikollhom idewmu u saħansitra jabbandunaw il-finanzjament neċessarju għat-tkabbir tagħhom u biex iwettqu l-investimenti ppjanati. Għal dan l-għan, l-Istati Membri jisgħu jadottaw sensiela ta' miżuri ta' politika ġenerali, li jkunu applikabbli għall-kumpaniji kollha fit-territorji rispettivi tagħhom u li konsegwentement ma jaqgħux taħt ir-regoli dwar l-għajnuna mill-Istat, li jkollhom l-għan li jtaffu temporanjament problemi ta' finanzjament fuq medda qasira u medja ta' żmien. Pereżempju, jistgħu jiġu estiżi l-iskadenzi għall-pagament ta' ħlasijiet tas-sigurtà soċjali u ħlasijiet simili u saħansitra t-taxxi jew jistgħu jiġu introdotti miżuri għall-impjegati. Jekk miżuri bħal dawn ikunu disponibbli għall-impriżi kollha, fil-prinċipju, dawn ma jammontawx għal għajnuna mill-Istat.

L-Istati Membri jistgħu wkoll jagħtu appoġġ finanzjarju direttament lill-konsumaturi, pereżempji biex jiddisponu minn prodotti qodma u/jew jixtru prodotti ekoloġiċi. Jekk din l-għajnuna tingħata mingħajr diskriminazzjoni bbażata fuq l-oriġini tal-prodott, ma tqajjimx diffikultajiet rigward għajnuna mill-Istat.

Barra minn dan, jistgħu jintużaw programmi ġenerali tal-Komunita', bħall-programm ta' Qafas ta' Kompetittività u Innovazzjoni (2007 sa 2013) stabbilit mid-Deċiżjoni Nru 1639/2006/KE tal-Parlament Ewropew u tal-Kunisll tal-24 ta' Ottubru 2006 (5) u s-Seba' Programm ta' Qafas tal-Komunita' Ewropea għar-Riċerka, żvilupp teknoloġiku u attivitajiet ta' dimostrazzjoni (2007-2013) stabbilit mid-Deċiżjoni Nru 1982/2006/KE tal-Parlament Ewropew u tal-Kunsill tat-18 ta' Diċembru 2006 (6), għall-aħjar riżultati possibbli, biex iwasslu sostenn kemm lill-SMEs kif ukoll lill-impriżi l-kbar. Dan jikkonforma totalment ma' inizjattivi Ewropej oħrajn, bħad-deċiżjoni tal-Bank Ewropew tal-Investiment li juża EUR 30 biljun biex isostni l-SMEs Ewropej u l-impenn tiegħu li jtejjeb il-ħila tiegħu biex jintervjeni fi proġetti infrastrutturali.

3.   GĦAJNUNA MILL-ISTAT POSSIBBLI TAĦT STRUMENTI EŻISTENTI

Matul l-aħħar snin, il-Kummissjoni mmodernizzat sinjifikatament ir-regoli dwar l-għajnuna mill-Istat sabiex tinkoraġġixxi l-Istati Membri biex jiddirezzjonaw aħjar l-appoġġ pubbliku lejn investimenti sostenibbli u b'hekk jikkontribwixxu għall-istrateġija ta' Liżbona għat-tkabbir, l-impjiegi u l-kompetittività. F'dan il-kuntest, sar enfażi partikolari fuq l-SMEs flimkien ma' aktar possibiltajiet sabiex tingħata għajnuna mill-Istat. Barra minn dan, ir-regoli dwar l-għajnuna mill-Istat ġew issimplifikati u aġġornati mir-Regolament tal-Kummissjoni (KE) Nru 800/2008 tas-6 ta' Awwissu 2008 li jiddikjara ċerti kategoriji ta' għajnuna kompatibbli mas-suq komuni fl-applikazzjoni tal-Artikoli 87 u 88 tat-Trattat għal Eżenzjoni Ġenerali Sħiħa (7) (“GBER”) li ġie adottat dan l-aħħar u li issa joffri lill-Istati Membri varjetà wiesgħa ta' miżuri ta' għajnuna b'piż amministrattiv minimu. Fis-sitwazzjoni ekonomika attwali, l-istrumenti eżistenti ta' għajnuna mill-Istat li ġejjin huma ta' importanza partikolari:

Ir-Regolament tal-Kummissjoni (KE) Nru 1998/2006 tal-15 ta' Diċembru 2006 dwar l-applikazzjoni tal-Artikoli 87 u 88 tat-Trattat għal għajnuna de minimis  (8) (ir-Regolament de minimis), jispeċifika li miżuri ta' appoġġ ta' mhux aktar minn EUR 200 000 għal kull kumpanija matul kull perjodu ta' tliet snin ma jammontawx għal għajnuna mill-Istat skont it-tifsira tat-Trattat. L-istess Regolament jipprovdi wkoll li garanziji ta' sa EUR 1,5 miljun ma jissuperawx il-limitu de minimis u għaldaqstant huma ma jammontawx għal għajnuna. Konsegwentement, l-Istati Membri jistgħu jagħtu garanziji bħal dawn mingħajr ma jikkalkulaw l-ekwivalenti li jikkorrispondi f'għajnuna u mingħajr piżijiet amministrattivi.

Il-GBER, huwa aspett ċentrali tar-regoli dwar l-għajnuna mill-Istat billi jissimplifika l-proċedura tal-għajnuna mill-Istat għal xi miżuri importanti ta' għajnuna u billi jinkoraġġixxi d-direzzjoni mill-ġdid tal-għajnuna mill-Istat lejn għanijiet prijoritarji tal-Komunità. Ir-regolamenti ta' eżenzjoni ta' kategorija li kienu diġà jeżistu flimkien ma' oqsma ġodda (innovazzjoni, ambjent, riċerka u żvilupp għal kumpaniji kbar u miżuri ta' kapital ta' riskju għall-SMEs) inġabru kollha fi strument wieħed. Fil-każijiet kollha koperti mill-GBER l-Istati Membri jistgħu jagħtu għajnuna mingħajr notifika bil-quddiem lill-Kummissjoni. Għaldaqstant, il-ħeffa tal-proċess hija totalment f'idejn l-Istati Membri. Il-GBER huwa ta' importanza partikolari għall-SMEs peress li jipprovdi għal regoli speċjali għal għajnuna għall-investiment u għall-impjiegi esklussivament għall-SMEs. Barra minn dan, is-26 miżura kollha koperti huma disponibbli għall-SMEs u dan jippermetti lill-Istati Membri biex jakkumpanjaw lill-SMEs fl-istadji differenti tal-iżvilupp tagħhom, filwaqt li jgħinuhom f'oqsma li jkopru mill-aċċess għall-finanzjament għar-riċerka u l-iżvilupp, l-innovazzjoni, it-taħriġ, l-impjiegi, il-miżuri ambjentali, eċċ.

Fl-2008, ġew adottati Linji Gwida ġodda tal-għajnuna mill-Istat għall-ħarsien ambjentali (9) bħala parti mill-pakkett dwar l-Enerġija u t-Tibdil fil-Klima. Taħt dawk il-Linji Gwida, l-Istati Membri jistgħu jagħtu għajnuna mill-Istat, inter alia, kif ġej:

—

Għajnuna lil kumpaniji li jtejbu l-prestazzjoni ambjentali tagħhom lil hinn mill-istandards tal-Komunità jew, fin-nuqqas ta' tali standards, ta' sa 70 % tal-ispejjeż żejda għall-investment (sa 80 % fil-qasam tal-innovazzjoni ambjentali) għall-impriżi ż-żgħar u sa 100 % għall-ispejjeż żejda għall-investiment jekk l-għajnuna tingħata fi proċess ta' appalt ġenwinament kompetittiv u dan anki għal kumpaniji kbar. Hija wkoll permessa għajnuna għal adattament bikri għal standards futuri tal-Komunità u għajnuna għal studji ambjentali.

—	Fil-qasam tal-enerġija li tiġġedded u l-koġenerazzjoni, l-Istati Membri jistgħu jagħtu għajnuna operattiva biex jitkopru l-ispejjeż żejda għall-produzzjoni kollha.

—

Sabiex jinkisbu l-miri ambjentali għall-iffrankar tal-enerġija u għat-tnaqqis tal-emissjonijiet b'effett serra, l-Istati Membri jistgħu jagħtu għajnuna li tippermetti lill-impriżi jiksbu ffrankar tal-enerġija u għajnuna għal sorsi ta' enerġija li tiġġedded u koġenerazzjoni sa 80 % tal-ispejjeż żejda għall-investiment għall-impriżi ż-żgħar u sa 100 % għall-ispejjeż żejda għall-investiment jekk l-għajnuna tingħata fi proċess ta' appalt ġenwinament kompetittiv.

F'Diċembru 2006, il-Kummissjoni adottat qafas Komunitarju għall-għajnuna mill-Istat għar-riċerka u l-iżvilupp u l-innovazzjoni (10) ġdid. Dak it-test fih dispożizzjonijiet ġodda dwar l-innovazzjoni, immirati speċifikament lejn l-SMEs u li jikkorrispondu wkoll għal direzzjonar aħjar tal-għajnuna lejn il-ħolqien tal-impjiegi u tat-tkabbir skont il-linji stabbilita mill-aġenda ta' Liżbona. B'mod partikolari, Stati Membri jistgħu jagħtu għajnuna tal-istat, inter alia, kif ġej:

—	għajnuna għal proġetti ta' riċerka u żvilupp, b'mod partikolari għajnuna għal riċerka fundamentali ta' sa 100 % tal-ispejjeż eliġibbli u għajnuna għal riċerka industrijali ta' sa 80 % għal impriżi żgħar,

—	għajnuna għal impriżi ġodda u innovattivi ta' sa EUR 1 miljun u saħansitra aktar minn dan f'reġjuni assistiti, għajnuna għal raggruppamenti ta' innovazzjoni, għajnuna għal servizzi ta' konsulenza għall-innovazzjoni u għajnuna għal servizzi ta' sostenn għall-innovazzjoni,

—	għajnuna għat-tislif ta' persuna bi kwalifiki għoljin, għajnuna għal studji ta' fattibbiltà teknika, għajnuna għal innovazzjoni fil-proċessi u innovazzjoni organizzattiva fis-servizzi u għajnuna għal spejjeż ta' drittijiet ta' proprjetà industrijali għal SMEs.

It-taħriġ huwa element ewlieni ieħor għall-kompetittività. Huwa ta' importanza kritika li jinżamm l-investiment fit-taħriġ sabiex jiġu żviluppati ħiliet ġodda, anki fi żmien meta l-qgħad qed jiżdied. Skont il-GBER, l-Istati Membri jistgħu lill-kumpaniji jagħtu għajnuna għat-taħriġ kemm ġenerali kif ukoll speċifika ta' sa 80 % tal-ispejjeż eliġibbli.

Fl-2008, il-Kummissjoni adottat Avviż dwar l-applikazzjoni tal-Artikoli 87 u 88 tat-Trattat tal-KE għal għajnuna mill-Istat fil-forma ta' garanziji (11) ġdid, li jispeċifika taħt liema kundizzjonijiet il-garanziji pubbliċi għal self ma jammontawx għal għajnuna mill-Istat. Skond dak l-Avviż, garanziji mhumiex meqjusa bħala għajnuna mill-Istat, b'mod partikolari meta jitħallas prezz tas-suq għalihom. Minbarra li jiċċara l-kundizzjonijiet jekk hemmx għajnuna fil-forma ta' garanziji jew le, l-Avviż il-ġdid jintroduċi wkoll, għall-ewwel darba, primjums fil-limitu ta' eżenzjoni speċifiċi għall-SMEs, li jippermettu użu aktar faċli iżda sikur ta' garanziji sabiex jiġi inkoraġġut il-finanzjament ta' SMEs.

F'Lulju 2006, ġew adottati linji gwida Komunitarji ġodda biex jiġi inkoraġġit kapital ta' riskju (12) mill-Kummissjoni. Dawn huma ddirezzjonati lejn SMEs innovattivi u li qed jikbru malajr — punt fokali ewlieni tal-Istrateġija ta' Liżbona. Il-Kummissjoni stabbilixxiet limitu ta' eżenzjoni ġdid ta' EUR 1,5 miljun għal kull SME fil-mira, żieda ta' 50 %. Taħt dan il-limitu, il-Kummissjoni taċċetta, fil-prinċipju, li hemm nuqqas ta' mezzi alternattivi ta' finanzjament mis-swieq finanzjarji (jiġifieri li jeżisti falliment tas-suq). Barra minn dan, l-għajnuna għall-kapital ta' riskju ġiet inkluża fil-GBER.

F'reġjuni żvantaġġati, l-Istati Membri jistgħu jagħtu għajnuna għall-investiment għat-twaqqif ta' stabbiliment ġdid, għall-estensjoni ta' stabbiliment eżistenti jew għad-diversifikazzjoni għal prodotti ġodda taħt il-Linji Gwida għall-għajnuna reġjonali nazzjonali għal 2007-2013 (13), li ilhom applikabbli minn Jannar 2007.

Dawn Linji Gwida għall-għajnuna reġjonali nazzjonali għal 2007-2013 jintroduċu wkoll forma ġdida ta' għajnuna biex jiġu pprovduti inċentivi biex isostnu negozji li qed jiġu stabbiliti u l-istadju bikri tal-iżvilupp tal-impriżi ż-żgħar f'żoni assistiti.

Skond il-linji gwida eżistenti dwar l-għajnuna mill-Istat għas-salvataġġ u r-ristrutturar ta' kumpaniji f'diffikultà (14), l-Istati Membri jistgħu wkoll jagħtu għajnuna lil kumpaniji li jirrikjedu sostenn pubbliku. Għal dan l-iskop, l-Istati Membri jistgħu jinnotifikaw skemi ta' għajnuna għas-salvataġġ u/jew ristrutturar għall-SMEs.

Fuq il-bażi tal-għajnuna mill-Istat eżistenti possibbli, il-Kummissjoni diġà awtorizzat numru kbir ta' skemi li l-Istati Membri jistgħu jużaw sabiex jirreaġixxu għas-sitwazzjoni finanzjarja attwali.

4.   APPLIKABILITÀ TAL-ARTIKOLU 87(3)(B)

4.1.   Prinċipji ġenerali

Skont l-Artikolu 87(3)(b) tat-Trattat il-Kummissjoni tista' tiddikjara għajnuna “biex tirrimedja taqlib serju fl-ekonomija ta' Stat Membru” kompatibbli mas-suq komuni. F'dan il-kuntest, il-Qorti tal-Prim'Istanza ddeċidiet li t-taqlib irid jolqot lill-ekonomija kollha tal-Istat Membru kkonċernat u mhux biss l-ekonomija ta' wieħed mir-reġjunijiet tiegħu jew partijiet mit-territorju tiegħu. Dan, barra minnhekk, jikkonforma mal-ħtieġa li kull dispożizzjoni ta' deroga bħall-Artikolu 87(3)(b) tat-Trattat tiġi strettament interpretata (15).

Din l-interpretazzjoni stretta ġiet applikata konsistentement mill-Kummissjoni (16) fil-prattika deċiżjonali tagħha.

F'dan il-kuntest, il-Kummissjoni tikkunsidra li l-kriżi finanzjarja globali attwali tirrikjedi, lil hinn minn sostenn ta' emerġenza għas-sistema finanzjarja, reazzjonijiet eċċezzjonali ta' politika.

L-Istati Membri kollha se jkunu affettwati minn din il-kriżi, għalkemm b'modi differenti u fi gradi differenti, u huwa probabbli li jiżdied il-qgħad, tonqos id-domanda u l-pożizzjonijiet fiskali jmorru għall-agħar.

Fid-dawl tas-serjetà tal-kriżi finanzjarja attwali u l-impatt tagħha fuq l-ekonomija globali tal-Istati Membri, il-Kummissjoni tqis li xi kategoriji ta' għajnuna mill-Istat huma ġġustifikati, għal perjodu limitat, biex dawn id-diffikultajiet jiġu ssanati u li dawn jistgħu jiġu ddikjarati kompatibbli mas-suq komuni fuq il-bażi tal-Artikolu 87(3)(b) tat-Trattat.

4.2.   Ammont limitat ta' għajnuna kompatibbli

4.2.1.   Il-qafas eżistenti

L-Artikolu 2 tar-Regolament de minimisjipprovdi li:

4.2.2.   Miżura ġdida

Il-kriżi finanzjarja qiegħda tolqot mhux biss kumpaniji dgħajfa strutturalment iżda wkoll kumpaniji li se jaffaċċjaw nuqqas f'daqqa jew anki indisponibbiltà ta' kreditu. Titjib fis-sitwazzjoni finanzjarja ta' dawn il-kumpaniji jkollu effetti pożittivi fuq l-ekonomija Ewropea kollha.

Għaldaqstant, minħabba s-sitwazzjoni ekonomika attwali, huwa meqjus neċessarju li jiġi permess temporanjament l-għoti ta' ammont limitat ta' għajnuna li madankollu jaqa' barra mill-ambitu tal-Artikolu 87(1) tat-Trattat minħabba li jeċċedi l-limitu indikat fir-Regolament de minimis.

Il-Kummissjoni se tqis għajnuna mill-Istat bħal din kompatibbli mas-suq komuni fuq il-bażi tal-Artikolu 87(3)(b) tat-Trattat sakemm l-kundizzjonijiet kollha li ġejjin jiġu sodisfatti:

(a)

l-għajnuna m'għandhiex teċċedi għotja ta' flus ta' EUR 500 000 għal kull impriża. Il-figuri kollha użati għandhom ikunu figuri gross, jiġifieri, qabel kwalunkwe tnaqqis ta' taxxi jew spejjeż oħra. Fejn l-għajnuna tingħata f'forma oħra għajr għotja, l-ammont tal-għajnuna għandu jkun l-ekwivalenti tal-għajnuna bħala għotja grossa;

(b)	l-għajnuna tingħata fil-forma ta' skema;

(c)	l-għajnuna tapplika biss għal impriżi li ma kinux f'diffikultà (17) fl-1 ta' Lulju 2008. Tista' tingħata għal impriżi li ma kinux f'diffikultà f'dik id-data iżda li ltaqgħu mad-diffikultà wara b'riżultat tal-kriżi globali finanzjarja u ekonomika;

(d)	l-iskema ta' għajnuna ma tapplikax għal impriżi attivi fis-settur tas-sajd;

(e)	l-għajnuna mhix għajnuna għall-esportazzjoni jew għajnuna li tiffavorixxi prodotti nazzjonali fuq dawk importati;

(f)	l-għajnuna tista' tingħata mhux iktar tard mill-31 ta' Diċembru 2010;

(g)

qabel ma jagħti l-għajnuna, l-Istat Membru jrid jikseb dikjarazzjoni mill-impriża kkonċernata, f'forma miktuba jew elettronika, dwar kull għajnuna de minimis oħra u għajnuna relatata ma' dan il-paragrafu, li rċeviet matul is-sena fiskali kurrenti u jivverifika li din mhijiex se tgħolli l-ammont totali ta' għajnuna rċevuta mill-impriża matul il-perjodu 1 ta' Jannar 2008 sa 31 ta' Diċembru 2010, għal livell li jissupera l-limitu ta' EUR 500 000;

(h)

din il-miżura ta' għajnuna m'għandhiex tapplika għal impriżi attivi fil-produzzjoni primarja ta' prodotti agrikoli (18). Għandha tapplika għal impriżi attivi fl-ipproċessar u l-kummerċjalizzazzjoni ta' prodotti agrikoli (19) sakemm l-ammont tal-għajnuna jkun stabbilit fuq il-bażi tal-prezz jew il-kwantità ta' tali prodotti mixtrija minn produtturi primarji jew impoġġija fis-suq mill-impriżi kkonċernati, jew l-għajnuna tkun bil-kundizzjoni li tingħadda parzjalment jew totalment lil prodotturi primarji.

4.3.   Għajnuna fil-forma ta' garanziji

4.3.1.   Il-qafas eżistenti

L-Avviż tal-Kummissjoni dwar l-applikazzjoni tal-Artikoli 87 u 88 tat-Trattat tal-KE għall-għajnuna mill-Istat fil-forma ta' garanziji għandu l-għan li jipprovdi lill-Istati Membri bi gwida aktar dettaljata dwar il-prinċipji li fuqhom il-Kummissjoni għandha l-ħsieb li tibbaża l-interpretazzjoni tagħha tal-Artikoli 87 u 88 u l-applikazzjoni tagħhom għall-garanziji mill-Istat. B'mod partikolari, l-Avviż jispeċifika taħt liema kundizzjonijiet jista' jitqies li m'hemmx għajnuna mill-Istat. It-test imsemmi hawn fuq ma jipprovdi l-ebda kriterji ta' kompatibbiltà għall-valutazzjoni tal-garanziji.

4.3.2.   Miżura ġdida

Sabiex jiġi inkoraġġut ulterjorment l-aċċess għall-finanzjament u biex titnaqqas l-istmerrija għolja attwali għar-riskju tal-banek, garanziji tas-self sussidjati għal perjodu limitat jistgħu jkunu soluzzjoni xierqa biex jiġi ffaċilitat l-aċċess tagħhom għall-finanzjament.

Il-Kummissjoni se tqis għajnuna mill-Istat bħal din kompatibbli mas-suq komuni fuq il-bażi tal-Artikolu 87(3)(b) tat-Trattat sakemm l-kundizzjonijiet kollha li ġejjin jiġu sodisfatti:

(a)

għall-SMEs, l-Istati Membri jistgħu jagħtu biss tnaqqis ta' sa 25 % tal-primjum annwali li għandu jitħallas għal garanziji ġodda mogħtiji skont il-limitu ta' eżenzjoni fl-Avviż tal-Kummissjoni dwar l-applikazzjoni tal-Artikoli 87 u 88 tat-Trattat tal-KE għall-għajnuna mill-Istat fil-forma ta' garanziji (20);

(b)	fil-każ tal-kumpaniji l-kbar, l-Istati Membri għandhom ukoll jagħtu tnaqqis ta' sa 15 % tal-primjum annwali għall-garanziji l-ġodda kkalkulat fuq il-bażi tal-istess dispożizzjonijiet dwar il-limitu ta' eżenzjoni;

(c)

meta l-element ta' għajnuna fi skemi ta' garanzija huwa kkalkulat permezz ta' metodoloġiji diġà aċċettati mill-Kummissjoni wara n-notifika tagħhom taħt regolament adottat mill-Kummissjoni fil-qasam tal-għajnuna mill-Istat (21), l-Istati Membri jistgħu wkoll jagħtu tnaqqis simili ta' sa 25 % tal-primjum annwali li għandu jitħallas għal garanziji ġodda għall-SMEs u sa 15 % għal kumpaniji kbar;

(d)

is-self massimu ma jistax jissupera l-ammont totali annwali dovut f'pagi mill-benefiċjarju (inklużi l-piżijiet soċjali kif ukoll l-ispiża tal-persunal li jaħdem fuq is-sit tal-kumpanija iżda li l-paga tiegħu formalment titħallas minn subkuntratturi) għall-2008. Fil-każ ta' kumpaniji li nħolqu wara l-1 ta' Jannar 2008, is-self massimu ma jistax jissupera l-ammont annwali stmat li se jkun dovut f'pagi għall-ewwel sentejn tal-operat tagħha;

(e)	il-garanziji għandhom jingħataw mhux iktar tard mill-31 ta' Diċembru 2010;

(f)	il-garanzija ma tistax teċċedi d-90 % tas-self;

(g)	il-garanzija tista' tirrigwarda kemm self għall-investiment u self għall-kapital ċirkolanti;

(h)	it-tnaqqis tal-primjum tal-garanzija għandu jiġi applikat matul perjodu massimu ta' sentejn wara l-għoti tal-garanzija;

(i)	din il-miżura tapplika għal impriżi li ma kinux f'diffikultà (22) fl-1 ta' Lulju 2008. Tista' tapplika għal impriżi li ma kinux f'diffikultà f'dik id-data iżda li ltaqgħu mad-diffikultà wara b'riżultat tal-kriżi globali finanzjarja u ekonomika;

4.4.   Għajnuna fil-forma ta' rata tal-imgħax sussidjata

4.4.1.   Il-qafas eżistenti

Il-Komunikazzjoni tal-Kummissjoni dwar ir-reviżjoni tal-metodu li jistabbilixxi r-rati ta' referenza u ta' skond (23) tistabbilixxi metodu għall-kalkolu tar-rata ta' referenza bbażat fuq ir-rata ta' sena waħda offruta bejn il-banek (inter-bank offered rate — IBOR) miżjuda b'marġni li jmorru minn 60 sa 1 000 punti bażi, skont l-affidabbiltà finanzjarja tal-kumpanija u l-livell tal-garanzija li toffri. Jekk l-Istati Membri japplikaw din dan il-metodu, ir-rata tal-imgħax ma tkunx tinkludi għajnuna mill-Istat.

4.4.2.   Miżura ġdida

Fiċ-ċirkostanzi attwali tas-suq, il-kumpaniji jistgħu jiltaqgħu ma' diffikultajiet biex isibu finanzjament. Għaldaqstant il-Kummissjoni taċċetta li self pubbliku jew privat mogħti b'rata tal-imgħax li tkun minn tal-anqas ekwivalenti għar-rata overnight tal-bank ċentrali miżjuda bi primjum ekwivalenti għad-differenza bejn ir-rata medja ta' fost il-banek għal sena waħda u r-rata overnight medja tal-bank ċentrali matul il-perjodu 1 ta' Jannar 2007 sat-30 ta' Ġunju 2008, flimkien mal-primjum għar-riskju tal-kreditu li jikkorrispondi għall-profil ta' riskju tal-benefiċjarju, kif stipulat mill-komunikazzjoni tal-Kummissjoni dwar il-metodu kif jiġu stabbiliti r-rata ta' referenza u rata tal-iskont.

L-element ta' għajnuna li jinstab fid-differenza bejn din ir-rata tal-imgħax u r-rata ta' referenza definita mill-Komunikazzjoni tal-Kummissjoni dwar ir-reviżjoni tal-metodu għall-istabbiliment tar-rata tar-referenza u r-rata tal-iskont tkun ikkunsidrata, fuq bażi temporanja, kompatibbli mat-Trattat fuq il-bażi tal-Artikolu 87(3)(b), sakemm il-kundizzjonijiet li ġejjin jiġu sodisfatti:

(a)

Dan il-metodu għandu japplika għall-kuntratti kollha konklużi sal-31 ta' Diċembru 2010. Jista' jkopri self għal kwalunkwe tul ta' żmien. Ir-rati mnaqqsa tal-imgħax jistgħu jiġu applikati għal pagamenti tal-imgħax qabel il-31 ta' Diċembru 2012 (24). Wara dik id-data għandha tapplika għas-self rata tal-imgħax minn tal-anqas ugwali għar-rata definita fil-Komunikazzjoni dwar ir-rata ta' referenza u r-rata ta' skont;

(b)	din il-miżura tapplika biss għal impriżi li ma kinux f'diffikultà fl-1 ta' Lulju 2008 (22). Tista' tapplika għal impriżi li ma kinux f'diffikultà f'dik id-data iżda li ltaqgħu mad-diffikultà wara b'riżultat tal-kriżi globali finanzjarja u ekonomika.

4.5.   Għajnuna għall-produzzjoni ta' prodotti ekoloġiċi

4.5.1.   Il-qafas eżistenti

Il-Komunikazzjoni tal-Kummissjoni dwar ir-reviżjoni tal-metodu li jistabbilixxi r-rati ta' referenza u ta' skont tistabbilixxi metodu għall-kalkolu tar-rata ta' referenza bbażat fuq ir-rata ta' sena waħda offruta bejn il-banek (inter-bank offered rate — IBOR) miżjuda b'marġni li jmorru minn 60 sa 1 000 punti bażi, skont l-affidabbiltà finanzjarja tal-kumpanija u l-livell tal-garanzija li toffri. Jekk l-Istati Membri japplikaw dak il-metodu, ir-rata tal-imgħax ma tkunx tinkludi għajnuna mill-Istat.

4.5.2.   Miżura ġdida

Minħabba l-kriżi finanzjarja attwali, il-kumpaniji qed jiltaqgħu wkoll ma' aktar diffikultajiet fl-aċċess għall-finanzjament għall-produzzjoni ta' prodotti aktar ekoloġiċi. L-għajnuna fil-forma ta' garanziji tista' ma tkunx biżżejjed biex tiffinanzja proġetti li jiswew ħafna u li għandhom l-għan li jżidu l-ħarsien ambjentali billi jadattaw aktar kmieni għal normi futurii li għadhom ma daħlux fis-seħħ jew billi jmorru lil hinn minn tali standards.

Il-Kummissjoni tqis l-għanijiet ambjentali għandha tibqa' prijorità minkejja l-kriżi finanzjarja. Il-produzzjoni ta' prodotti aktar ekoloġiċi, inklużi prodotti effiċjenti fl-użu tal-enerġija, hija fl-interess komuni tal-Ewropa u huwa importanti li l-kriżi finanzjarja ma tkunx ta' ostakolu għal dan il-għan.

Għaldaqstant, miżuri addizzjonali fil-forma ta' self sussidjat jistgħu jinkoraġġixxu l-produzzjoni ta' “prodotti ekoloġiċi”. Madankollu, is-self sussidjat jkun il-kawża ta' distorsjonijiet serji fil-kompetizzjoni u għalhekk għandu jkun stettament limitat għal sitwazzjonijiet speċifiċi u investiment immirat.

Il-Kummissjoni tqis li, għal perjodu limitat ta' żmien, l-Istati Membri għandhom jingħataw il-possibbiltà li jagħtu għajnuna fil-forma ta' tnaqqis fir-rata tal-imgħax.

Il-Kummissjoni se tqis sussidju fuq ir-rata tal-imgħax għal self għall-investiment li jissodisfa l-kundizzjonijiet kollha li ġejjin kompatibbli mas-suq komuni fuq il-bażi tal-Artikolu 87(3)(b) tat-Trattat:

(a)	l-għajnuna trid tirrigwarda self għall-investiment għall-finanzjament ta' proġetti li jikkonsistu fil-produzzjoni ta' prodotti ġodda li jtejbu b'mod sinjifikanti l-ħarsien ambjentali;

(b)	l-għajnuna trid tkun neċessarja għat-tnedija ta' proġett ġdid. Fil-każ ta' proġetti eżistenti, l-għajnuna tista' tingħata jekk issir neċessarja, minħabba s-sitwazzjoni ekonomika l-ġdida, biex jitkompla l-proġett;

(c)	l-għajnuna tingħata biss għal proġetti li jikkonsistu fil-produzzjoni ta' prodotti li jinvolvu adattament bikri għal, jew li jmorru lil hinn minn, standards Komunitarji futuri għall-prodotti (25) li jgħollu l-livell tal-ħarsien ambjentali u li għadhom mhumiex fis-seħħ;

(d)	għal prodotti li jinvolvu adattament bikri għal, jew li jmorru lil hinn minn, standards ambjentali futuri tal-Komunità, l-investiment għandu jibda mhux iktar tard mill-31 ta' Diċembru 2010 bl-għan li l-prodott jitpoġġa fis-suq minn tal-anqas sentejn qabel id-dħul fis-seħħ tal-istandard;

(e)

is-self jista' jkopri l-ispejjeż tal-investiment f'assi tanġibbli u intanġibbli (26) bl-eċċezzjoni ta' self għal investimenti li jirrappreżentaw kapaċitajiet ta' produzzjoni ta' aktar minn 3 % fis-swieq tal-prodotti (27) fejn ir-rata tat-tkabbir annwali medja, matul l-aħħar ħames snin qabel il-bidu tal-investiment, tal-konsum apparenti fis-suq ŻEE, mkejla f'dejta dwar il-valur, baqgħet anqas mir-rata tat-tkabbir annwali medja tal-PGD taż-Zona Ekonomika Ewropea matul l-istess perjodu ta' referenza ta' ħames snin;

(f)	is-self għandu jingħata sal-31 ta' Diċembru 2010;

(g)

għall-kalkolu tal-għajnuna, il-punt tat-tluq għandha tkun ir-rata individwali tal-benefiċjarju kkalkulata fuq il-bażi tal-metodoloġija li tinsab fil-punt 4.4.2 ta' din il-Komunikazzjoni. Fuq il-bażi ta' din il-metodoloġija, il-kumpanija tista' tgawdi minn tnaqqis tar-rata tal-imgħax ta': — 25 % għall-kumpaniji l-kbar; — 50 % għall-SMEs;

(h)	ir-rata sussidjata tal-imgħax tapplika matul perjodu massimu ta' sentejn wara l-għoti tas-self;

(i)	it-tnaqqis fir-rata tal-imgħax jista' jiġi applikat għas-self mogħti mill-Istat jew minn istituzzjonijiet tal-finanzi pubbliċi u għal self mogħti minn istituzzjonijiet finanzjarji privati. Għandu jiġi żgurat li ma jkunx hemm diskriminazzjoni bejn entitajiet pubbliċi u privati;

(j)	l-għajnuna tapplika għal impriżi li ma kinux f'diffikultà (22) fl-1 ta' Lulju 2008. Tista' tapplika għal impriżi li ma kinux f'diffikultà f'dik id-data iżda li ltaqgħu mad-diffikultà wara b'riżultat tal-kriżi globali finanzjarja u ekonomika;

(k)	l-Istati Membri jiżguraw li l-għajnuna ma tiġix trasferita direttament jew indirettament lil entitajiet finanzjarji.

4.6.   Miżuri ta' kapital ta' riskju

4.6.1.   Il-qafas eżistenti

Il-Linji Gwida Komunitarji dwar l-għajnuna mill-Istat għall-promozzjoni ta' investimenti ta' kapital ta' riskju f'impriżi ta' daqs żgħir u medju jistabbilixxu l-kundizzjonijiet sabiex għajnuna mill-Istat li ssostni investiment ta' kapital ta' riskju tkun tista' titqies kompatibbli mas-suq komuni skont l-Artikolu 87(3) tat-Trattat.

Fuq il-bażi tal-esperjenza miksuba fl-applikazzjoni tal-Komunikazzjoni dwar l-għajnuna mill-Istat biex jiġi inkoraġġut il-kapital ta' riskju, il-Kummissjoni tqis li m'hemm l-ebda falliment tas-suq tal-kapital ta' riskju ġenerali fil-Komunità. Madankollu hija taċċetta li hemm nuqqasijiet fis-suq għal xi tipi ta' investiment f'ċerti stadji tal-iżvilupp tal-impriżi li jirriżultaw minn nuqqas ta' tqabbil tal-provvista u d-domanda għal kapital ta' riskju u li jistgħu jiġu deskritti b'mod ġenerali bħala nuqqas ta' ekwità.

Il-punt 4.3 tal-linji gwida jipprovdi li għal porzjonijiet ta' finanzjament li ma jissuperawx il-EUR 1,5 miljun għal kull SME fil-mira matul kull perjodu ta' tnax-il xahar, taħt ċerti kundizzjonijiet, il-falliment tas-suq huwa preżunt u ma jeħtieġx li jintwera mill-Istati Membri.

Il-punt 5.1(a) tal-istess linji gwida jipprovdi li “Il-Kummissjoni hija konxja dwar it-tibdil kontinwu fis-suq tal-kapital ta' riskju u n-nuqqas ta' ekwità tul iż-żmien, kif ukoll dwar il-grad differenti tal-effett fuq l-impriżi mill-falliment tas-suq, li jiddependi fuq id-daqs tagħhom, l-istadju tal-iżvilupp tan-negozju tagħhom u s-settur ekonomiku tagħhom. Għaldaqstant, il-Kummissjoni hija lesta li tikkunsidra li tiddikjara miżuri ta' kapital ta' riskju li jipprovdu għal porzjonijiet ta' investiment li jissuperaw il-limitu ta' EUR 1,5 miljun għal kull impriża kull sena kompatibbli mas-suq komuni sakemm tiġi ppreżentata l-evidenza meħtieġa tal-falliment tas-suq.”

4.6.2.   Adattament temporanju tar-regoli eżistenti

It-taqlib fis-suq finanzjarju kellu effett negattiv fuq is-suq tal-kapital ta' riskju għal SMEs li għandhom fil-bidu tat-tkabbir tagħhom billi llimita d-disponibbiltà tal-kapital ta' riskju. Minħabba l-perċezzjoni attwali assoċjata mal-kapital ta' riskju li r-riskju kiber ħafna u li hi marbuta ma' inċertezzi li jirriżultaw mill-possibbiltà ta' aspettattivi ta' inqas dħul, l-investituri attwalment għandhom it-tendenza li jinvestu f'tipi ta' assi aktar sikuri b'riskji li jistgħu jiġu vvalutati aktar faċilment meta pparagunati ma' dawk assoċjati ma' investimenti f'kapital ta' riskju. Barra minn dan, in-natura mhux likwida ta' investimenti f'kapital ta' riskju bħalissa żvelat ruħha bħala diżinċentiv ieħor għall-investituri. Hemm evidenza li l-likwidità ristretta li tirriżulta taħt iċ-ċirkostanzi attwali tas-suq żiedet in-nuqqas ta' ekwità għall-SMEs. Huwa għalhekk meqjus xieraq li l-limitu ta' eżenzjoni għal investimenti f'kapital ta' riskju jiżdied temporanjament biex dan in-nuqqas miżjud ta' ekwità attwali jimtela' u li titnaqqas temporanjament il-perċentwali ta' parteċipazzjoni minima ta' investituri privati għal 30 % ukoll fil-każ ta' miżuri intiżi għal SMEs f'żoni mhux assistiti.

Għaldaqstant, fuq il-bażi tal-Artikolu 87(3)(b) tat-Trattat, ċerti limiti stabbiliti mil-Linji Gwida Komunitarji dwar l-għajnuna mill-Istat għall-promozzjoni ta' investimenti ta' kapital ta' riskju f'impriżi ta' daqs żgħir u medju huma temporanjament adattati sal-31 ta' Diċembru 2010 kif ġej:

(a)	għal Punt 4.3.1 il-porpozjonijet massimi tal-finanjament huma miżjuda sa EUR 2,5 miljun minn EUR 1,5 milun għal kull SME fil-mira matul kull perjodu ta' tnax-il xahar;

(b)	punt 4.3.4 Il-finanzjament tal-investimenti minimu li jkun ipprovdut minn investituri privati hu 30 % ġewwa u barra ż-żoni assistiti;

(c)	kundizzjonjiet oħra li jinsabu fil-linji gwida jibqgħu applikabbli;

(d)	dan l-adattament temporanju tar-regoli eżistenti ma japplikawx għal miżuri dwar kapital ta' riskju kopert mill-GBER;

(e)	l-Istati Membri jistgħu jadattaw skemi approvati biex jirriflettu l-adattament temporanju tal-linji gwida.

4.7.   Kumulu

Il-limiti tal-għajnuna stabbiliti skond din il-Komunikazzjoni għandhom japplikaw irrispettivament minn jekk l-appoġġ għall-proġett megħjun huwiex iffinanzjat għal kollox minn riżorsi tal-Istat jew parzjalment iffinanzjat mill-Komunità.

Il-miżuri ta' għajnuna temporanji previsti f'din il-Komunikazzjoni ma jistgħux jiġu kumulati ma' għajnuna li taqa' fil-kamp tar-Regolament de minimis għall-istess spejjeż eliġibbli. Jekk l-impriża tkun irċeviet diġà għajnuna de minimis qabel id-dħul fis-seħħ ta' dan il-qafas temporanju, l-ammont totali ta' għajnuna rċevuta taħt il-miżuri koperti mill-punti 4.2 u l-għajnuna de minimis irċevuta ma jistax jissupera l-EUR 500 000 bejn l-1 ta' Jannar 2008 u l-31 ta' Diċembru 2010. L-ammont ta' għajnuna de minimis irċevuta mill-1 ta' Jannar 2008 għandu jitnaqqas mill-ammont ta' għajnuna kompatibbli mogħti għall-istess skop taħt il-punti 4.3, 4.4, 4.5 jew 4.6.

Il-miżuri ta' għajnuna temporanja jistgħu jiġu kumulati ma' għajnuna kompatibbli oħra jew ma' tipi oħra ta' finanzjament Komunitarju sakemm l-intensitajiet massimi ta' għajnuna indikati fil-Linji Gwida jew fir-Regolamenti ta' Eżenzjoni ta' Kategorija relevanti jkunu rispettati.

5.   MIŻURI TA' SIMPLIFIKAZZJONI

5.1.   Assigurazzjoni ta' kreditu għall-esportazzjoni fuq perjodu ta' żmien qasir

Il-Komunikazzjoni mill-Kummissjoni lill-Istati Membri skont l-Artikolu 93(1) tat-Trattat tal-KE li tapplika l-Artikoli 92 u 93 tat-Trattat għall-assigurazzjoni tal-kreditu għall-esportazzjoni għal żmien qasir (28) tipprovdi li r-riskji kummerċjabbli ma jistgħux ikunu koperti mill-assigurazzjoni tal-kreditu għall-esportazzjoni bl-appoġġ tal-Istati Membri. Ir-riskji kummerċjabbli huma riskji kummerċjali u politiċi ta' debituri pubbliċi u mhux pubbliċi stabbiliti fil-pajjiżi elenkati fl-Anness tal-Komunikazzjoni, b'perjodu massimu ta' riskju ta' anqas minn sentejn. Ir-riskji li jirrigwardaw debituri stabbiliti fl-Istati Membri u fi tmien membri oħra tal-Organizzazzjoni għall-Iżvilupp u l-Kooperazzjoni Ekonomika u huma kkunsidrati kummerċjabbli.

Il-Kummissjoni tqis li, b'konsegwenza tal-kriżi finanzjarja attwali, m'hemmx nuqqas ta' kapaċità ta' assigurazzjoni jew ta' riassigurazzjoni f'kull Stat Membru, iżda ma jistax jiġi eskluż li f'xi pajjiżi jista' jkun li l-kopertura għal riskji kummerċjabbli tkun temporanjament indisponibbli.

Il-punt 4.4 tal-Komunikazzjoni jipprovdi li: “F'ċirkustanzi bħal dawn, dawk ir-riskji temporanjament mhux kummerċjabbli jistgħu jittieħdu fuq il-kont ta' assigurant ta' esportazzjonijiet bi kreditu pubbliku jew appoġġat pubblikament għal riskji mhux kummerċjabbli assigurati għall-kont ta' jew bil-garanzija tal-Istat. L-assigurant għandu, sa fejn hu possibbli, jallinea r-rati tal-premjum tiegħu għal dawn ir-riskji mar-rati imposti imkien ieħor minn assiguranti ta' esportazzjonijiet bi kreditu privati għat-tip ta' riskju in kwistjoni.

Kull Stat Membru li għandu l-ħsieb li juża dik il-klawsola ta' ħruġ għandu jinnotifika immedjatament il-Kummissjoni bid-deċizjoni abbozzata tiegħu. Dik in-notifika għandu jkun jinsab fiha rapport dwar is-suq li juri n-nuqqas ta' disponibilità ta' kopertura għar-riskji fis-suq privat tal-assigurazzjoni billi jipproduċi evidenza tiegħu minn żewġ assiguranti ta' esportazzjonijiet bi kreditu privati internazzjonali, kbar u magħrufin sew kif ukoll assigurant ta' kreditu nazzzjonali, b'hekk jiġġustifika l-użu tal-klawsola ta' ħruġ. Barra dan, għandha tkun tinsab fiha deskrizzjoni tal-kundizzjonijiet li l-assigurant ta' esportazzjonijiet bi kreditu pubbliku jew appoġġat pubblikament għandu l-ħsieb li japplika fir-rigward ta' dawn ir-riskji.

Fi żmien xahrejn mill-irċevuta ta' din in-notifika, il-Kummissjoni għandha teżamina jekk l-użu tal-klawsola ta' ħruġ huwiex skont il-kundizzjonijiet ta' hawn fuq u kompatibbli mat-Trattat.

Jekk il-Kummissjoni ssib li l-kundizzjonijiet għall-użu tal-klawsola ta' ħruġ huma milħuqin, id-deċiżjoni tagħha dwar il-kompatibiltà hi limitata għal sentejn mid-data tad-deċiżjoni, previst li l-kundizzjonijiet tas-suq li jiġġustifikaw l-użu tal-klawsola ta' ħruġ ma jinbidlux matul dak il-perjodu.

Il fuq minn dan, il-Kummissjoni tista', b'konsultazzjoni mal-Istati Membri l-oħra, tirrevedi l-kundizzjonijiet għall-użu tal-klawsola ta' ħruġ; tista' tiddeċiedi wkoll li ma tkomplihiex jew tbiddila b'sistema xierqa oħra.”

Dawn id-dispożizzjonijiet, li huma applikabbli għal kumpaniji kbar u għal SMEs, huma strument xieraq fis-sitwazzjoni ekonomika attwali jekk l-Istati Membri jikkunsidraw li mhijiex disponibbli kopertura fis-suq tal-assigurazzjoni privata għal xi riskji kummerċjabbli ta' kreditu u/jew għal xi xerrejja ta' protezzjoni tar-riskju.

F'dan il-kuntest, sabiex tħaffef il-proċedura għall-Istati Membri, il-Kummissjoni tqis li, sal-31 ta' Diċembru 2010, l-Istati Membri jistgħu juru n-nuqqas tas-suq billi jipprovdu evidenza suffiċjenti dwar in-nuqqas ta' disponibbiltà ta' kopertura għar-riskju fis-suq tal-assigurazzjoni privata. L-użu tal-klawsola ta' ħruġ għandu f'kull każ jiġi kkunsidrat bħala ġustifikat jekk:

—	assiguratur wieħed ta' esportazzjonijiet bi kreditu privat internazzjonali, li jkun kbir u magħruf sewwa, iressaq provi dwar in-nuqqas ta' disponibbiltà ta' tali kopertura, jew

—	minn tal-anqas erba' esportaturi stabbiliti sewwa fl-Istat Membru jressqu provi ta' rifjut ta' kopertura minn assiguraturi għal operazzjonijiet speċifiċi.

Il-Kummissjoni, f'kooperazzjoni mill-qrib mal-Istati Membri kkonċernati, se tiżgura li d-deċiżjonijiet rigward il-“klawsola ta' ħruġ” jiġu adottati malajr.

5.2.   Simplifikazzjoni tal-proċeduri

Il-miżuri ta' għajnuna mill-Istat imsemmija f'din il-Komunikazzjoni għandhom jiġu notifikati lill-Kummissjoni. Apparti mill-miżuri sostantivi stabbiliti f'din il-Komunikazzjoni, il-Kummissjoni qed tintrabat li tiżgura l-awtorizzazzjoni mħeffa ta' miżuri ta' għajnuna li jindirizzaw il-kriżi attwali skont din il-Komunikazzjoni sakemm l-Istati Membri kkonċernati jipprovdu kooperazzjoni mill-qrib u informazzjoni sħiħa.

Dan l-impenn se jikkomplementa l-proċess li għaddej li bih il-Kummissjoni qiegħda attwalment telabora numru ta' miżuri li jtejbu l-proċeduri ġenerali tagħha dwar l-għajnuna mill-Istat, b'mod partikolari sabiex tippermetti t-teħid ta' deċiżjonijiet aktar malajr u aktar effettiv f'kooperazzjoni mill-qrib mal-Istati Membri. Dan il-pakkett ta' simplifikazzjoni ġenerali għandu, b'mod partikolari, jinkludi impenji konġunti tal-Kummissjoni u l-Istati Membri għal proċeduri aktar simplifikati u prevedibbli f'kull pass ta' investigazzjoni dwar għajnuna mill-Istat u jippermetti l-approvazzjoni aktar mgħaġġla ta' każijiet sempliċi.

6.   MONITORAĠĠ U RAPPURTAR

Ir-Regolament (KE) Nru 659/1999 tat-22 ta' Marzu 1999 li jistabbilixxi regoli ddetaljati għall-applikazzjoni tal-Artikolu 93 tat-Trattat KE (29) u r-Regolament tal-Kummissjoni (KE) Nru 794/2004 tal-21 ta' April 2004 li jimplementa r-Regolament tal-Kunsill (KE) Nru 659/1999 li jistabilixxi regoli dettaljati għall-applikazzjoni tal-Artikolu 93 tat-Trattat tal-KE (30), jeħtieġu li l-Istati Membri jippreżentaw rapporti annwali lill-Kummissjoni.

Sal-31 ta' Lulju 2009, l-Istati Membri għandhom jipprovdu lill-Kummissjoni b'lista ta' skemi stabbilit fuq il-bażi ta' din il-Komunikazzjoni.

L-Istati Membri għandhom jiżguraw li jinżammu rekords dettaljati dwar l-għoti ta' għajnuna prevista minn din il-Komunikazzjoni. Dawn ir-rekords, li għandhom jinkludu l-informazzjoni kollha meħtieġa biex jiġi stabbilit jekk ġewx mħarsa l-kundizzjonijiet meħtieġa, għandhom jinżammu għal 10 snin u għandhom jiġu pprovduti lill-Kummissjoni meta din titlobhom. B'mod partikolari, l-Istati Membri jridu jkunu kisbu informazzjoni li turi li l-benefiċjarji tal-għajnuna għal miżuri taħt l-4.2, 4.3, 4.4. u 4.5 ma kinux kumpaniji f'diffikultà fl-1 ta' Lulju 2008.

Flimkien ma' dawn il-ħtiġijiet, l-Istati Membri għandhom jipprovdu rapport dwar il-miżuri stabbiliti fuq il-bażi ta' din il-Komunikazzjoni sal-31 ta' Ottubru 2009. B'mod partikolari, qabel il-31 ta' Ottubru 2009, l-Istati Membri għandhom jipprovdu elementi li jindikaw il-ħtieġa għall-Kummissjoni li żżomm il-miżuri koperti minn din il-Komunikazzjoni sa wara l-31 ta' Diċembru 2009, kif ukoll informazzjoni dettaljata dwar il-benefiċċji ambjentali tas-self sussidjat. L-Istati Membri għandhom jipprovdu din l-informazzjoni għal kull sena sussegwenti li matulha jkun validu l-qafas attwali, qabel il-31 Ottubru ta' kull sena.

Il-Kummissjoni tista' titlob tagħrif addizzjonali rigward l-għajnuna mogħtija, biex tivverifika jekk il-kundizzjonijiet stabbiliti fid-deċiżjoni tal-Kummissjoni li tapprova l-miżura ta' għajnuna ġewx irrispettati.

7.   DISPOŻIZZJONIJIET FINALI

Il-Kummissjoni se tapplika din il-Komunikazzjoni mid-data tal-adozzjoni tagħha. Din il-Komunikazzjoni hija ġustifikata mill-problemi eċċezzjonali u tranżitorji attwali ta' finanzjament konnessi mal-kriżi bankarja u ma tiġix applikata wara l-31 ta' Diċembru 2010. Wara li tikkonsulta mal-Istati Membri, il-Kummissjoni tista' tirrevediha qabel dik id-data fuq il-bażi ta' konsiderazzjonijiet ekonomiċi importanti jew konsiderazzjonijiet ta' politika tal-kompetizzjoni. Fejn din tkun ta' għajnuna il-Kummissjoni tista' tipprovdi wkoll kjarifiki tal-metodu tagħha rigward kwistjonijiet partikolari.

Il-Kummissjoni se tapplika d-dispożizzjonijiet ta' din il-Komunikazzjoni fil-konfront tal-miżuri kollha rigward kapital ta' riskju li ġew notifikati u li trid tieħu deċiżjoni fuqhom wara is-17 ta' Diċembru 2008, anki jekk il-miżuri ġew notifikati qabel dik id-data.

Skond l-avviż tal-Kummissjoni dwar l-identifikazzjoni tar-regoli applikabbli għall-evalwazzjoni ta' għajnuna mill-Istat li mhix skond il-liġi (31), il-Kummissjoni se tapplika dan li ġej fil-każ ta' għajnuna mhix notifikata:

(a)	din il-Komunikazzjoni, jekk l-għajnuna ngħatat wara is-17 ta' Diċembru 2008;

(b)	il-linji gwida applikabbli meta l-għajnuna tkun ingħatat fil-każijiet l-oħra kollha.

Il-Kummissjoni, f'kooperazzjoni mill-qrib mal-Istati Membri kkonċernati, se tiżgura li d-deċiżjonijiet jiġu adottati malajr malli jkun hemm in-notifika kompleta tal-miżuri koperti minn din il-Komunikazzjoni. L-Istati Membri għandhom jinformaw lill-Kummissjoni bl-intenzjonijiet tagħhom u għandhom jinnotifikaw il-pjanijiet tagħhom li jintroduċu miżuri bħal dawn l-aktar kmieni u bil-mod l-aktar komprensiv possibli.

Il-Kummissjoni tixtieq tfakkar li kwalunkwe titjib proċedurali jiddependi għal kollox fuq il-preżentazzjoni ta' notifiki ċari u kompleti.

---

(1)  Komunikazzjoni mill-Kummissjoni lill-Kunsill Ewropew, COM(2008) 800.

(2)  Konklużjonijiet tal-Kunsill ECOFIN tas-7 ta' Ottubru 2008.

(3)  ĠU C 270, 25.10.2008, p. 8.

(4)  COM(2008) 394 final.

(5)  ĠU L 310, 9.11.2006, p. 15.

(6)  ĠU L 412, 30.12.2006, p. 1.

(7)  ĠU L 214, 9.8.2008, p. 3.

(8)  ĠU L 379, 28.12.2006, p. 5.

(9)  ĠU C 82,1.4.2008, p. 1.

(10)  ĠU C 323, 30.12.2008, p. 1.

(11)  ĠU C 155, 20.6.2008, p. 10.

(12)  ĠU C 194, 18.8.2006, p. 2.

(13)  ĠU C 54, 4.3.2006, p. 13.

(14)  ĠUC 244, 1.10.2004, p. 2.

(15)  Kawżi magħquda T-132/96 u T-143/96 Freistaat Sachsen u Volkswagen AG vs il-Kummissjoni, [1999], ECR II-3663, paragrafu 167.

(16)  Deċiżjoni tal-Kummissjoni 98/490/KE fil-Każ C 47/96 Crédit Lyonnais (ĠU L 221, 8.8.1998, p. 28), punt 10.1; Deċiżjoni tal-Kummissjoni 2005/345/KE fil-Każ C 28/02 Bankgesellschaft Berlin (ĠU L 116, 4.5.2005, p. 1), punti 153 et seq.; u Deċiżjoni tal-Kummissjoni 2008/263/KE fil-Każ C 50/06 BAWAG (ĠU L 83, 26.3.2008, p. 7), punt 166; Ara d-Deċizjoni tal-Kummissjoni fil-Każ NN 70/07 Northern Rock (ĠU C 43, 16.2.2008, p. 1), Deċizjoni tal-Kummissjoni fil-Każ NN 25/08 Għajnuna ta' salvataġġ lil WestLB (ĠU C 189, 26.7.2008, p. 3) u Deċizjoni tal-Kummissjoni tal-4 ta' Ġunju 2008 fil-Każ C 9/08 SachsenLB, li għadha ma ġietx ippubblikata.

(17)  Għall-għanijiet ta' din il-Komunikazzjoni, “impriża f'diffikultà” tfisser:

—	għal kumpaniji kbar, impriża f'diffikultà kif imfissra fil-punt 2.1 tal-Linji Gwida tal-Komunità dwar l-għajnuna mill-Istat għas-salvataġġ u r-ristrutturar ta' kumpaniji f'diffikultà.

—	fil-każ ta' SMEs, impriża f'diffikultà hi mfissra fl-Artikolu 1(7) tal-GBER.

(18)  Kif imfissra fl-Artikolu 2(2) tar-Regolament (KE) Nru 1857/2006 tal-15 Diċembru 2006 dwar l-applikazzjonijiet ta' Artikoli 87 u 88 tat-Trattat għal għajnuna tal-Istat lil impriżi żgħar u ta' daqs medju fil-produzzjoni ta' prodotti agrikoli u li jemenda r-Regolament (KE) Nru 70/2001 (ĠU L 358, 16.12.2006, p. 3).

(19)  Kif imfissra fl-Artikoli 2(3) u 2(4) tar-Regolament (KE) Nru 1857/2006.

(20)  Dan jinkludi l-possibbiltà li, għall-SMEs li m'għandhomx storja ta' kreditu jew klassifikazzjoni bbażata fuq metodu tal-karta tal-bilanċ, bħal xi kumpaniji b'għan speċjali jew kumpaniji fil-bidu, l-Istati Membri jagħtu tnaqqis ta' sa 25 % fuq il-primjum fil-limitu ta' eżenzjoni speċifiku li hu stabbilit bħala 3,8 % f'dan l-Avviż.

(21)  Bħal GBER jew Regolament (KE) Nru 1628/2006 jew Regolament (KE) Nru 1857/2006, sakemm il-metodoloġija approvata tindirizza espliċitament it-tip ta' garanziji u t-tip ta' tranżazzjonijiet involuti kkonċernati.

(22)  Ara nota 17.

(23)  ĠU C 14, 19.1.2008, p. 6.

(24)  L-Istati Membri li jridu jużaw din il-faċilità jridu jippubblikaw ir-rati overnight ta' kuljum onlajn u jridu jpoġġuhom għad-dispożizzjoni tal-Kummissjoni.

(25)  Standard Komunitarju futur għall-prodotti huwa standard Komunitarju mandatorju li jistabbilixxi l-livelli ambjentali li għandhom jintlaħqu għal prodotti mibjugħin fil-Komunita' Ewropea, li ġie adottat iżda li għadu mhuwiex fis-seħħ.

(26)  Kif definit fil-punt 70 tal-linji gwida tal-Komunità dwar l-għajnuna mill-Istat għall-ħarsien tal-ambjent.

(27)  Kif Definiti fil-punt 69 tal-Linji gwida dwar l-għajnuna reġjonali nazzjonali għal 2007-2013.

(28)  ĠU C 281, 17.9.1997, p. 4.

(29)  ĠU L 83, 27.3.1999, p. 1.

(30)  ĠU L 140, 30.4.2004, p. 1.

(31)  ĠU C 119, 22.5.2002, p. 22.

---

22.1.2009

MT

Il-Ġurnal Uffiċjali tal-Unjoni Ewropea

C 16/10

---

FTEHIM

tat-8 ta' Diċembru 2008

bejn il-Bank Ċentrali Ewropew u l-banek ċentrali nazzjonali ta' l-Istati Membri barra ż-żona ta' l-euro li jemenda l-Ftehim tas-16 ta' Marzu 2006, bejn il-Bank Ċentrali Ewropew u l-banek ċentrali nazzjonali ta' l-Istati Membri barra ż-żona ta' l-euro li jistabbilixxi l-proċeduri operattivi għal mekkaniżmu tar-rata tal-kambju fit-tielet stadju ta' l-unjoni ekonomika u monetarja

(2009/C 16/02)

(1)

Българска народна банка (Bank Bulgaru Nazzjonali) 1, Kynaz Alexander 1 Sq. BG-Sofia-1000 Česká národní banka Na Příkopě 28 CZ-115 03 Praha 1 Danmarks Nationalbank Havnegade 5 DK-1093 Copenhagen K Eesti Pank Estonia pst. 13 EE-15095 Tallinn Latvijas Banka K. Valdemara iela 2a LV-1050 Riga Lietuvos bankas Totoriu g. 4 LT-01121 Vilnius Magyar Nemzeti Bank Szabadság tér 8/9 H-1054 Budapest Narodowy Bank Polski ulica Świętokrzyska 11/21 PL-00-919 Warsaw Banca Națională a României Strada Lipscani nr. 25, sector 3 RO-030031 Bucharest, Národná banka Slovenska Imricha Karvaša 1 SK-813 25 Bratislava Sveriges Riksbank Brunkebergstorg 11 S-103 37 Stockholm Bank of England Threadneedle Street London EC2R 8AH United Kingdom u

(2)	il-Bank Ċentrali Ewropew (BĊE)

(minn issa 'l quddiem il-“Partijiet”)

Billi:

(1)	Il-Kunsill Ewropew qabel fir-Riżoluzzjoni tiegħu tas-16 ta' Ġunju 1997 (minn issa 'l quddiem 'ir-Riżoluzzjoni') biex iwaqqaf mekkaniżmu tar-rata tal-kambju (minn issa 'l quddiem 'l-ERM II') meta t-tielet stadju ta' l-unjoni ekonomika u monetarja beda fl-1 ta' Jannar 1999.

(2)

Skond it-termini tar-Riżoluzzjoni, l-ERM II huwa mfassal biex jgħin jiżgura li l-Istati Membri barra ż-żona ta' l-euro imma li qed jipparteċipaw fl-ERM II, jidderieġu l-politika tagħhom għall-istabbilta`, jinkoraġġixi l-konverġenza u b'hekk igħin lill-Istati Membri barra ż-żona ta' l-euro fl-isforzi tagħhom biex jadottaw l-euro.

(3)

Is-Slovakja, bħala Stat Membru b'deroga, ipparteċipa fl-ERM II sa mit-2 ta' Novembru 2005. In-Národná banka Slovenska huwa parti mill-Ftehim tas-16 ta' Marzu 2006 bejn il-Bank Ċentrali Ewropew u l-banek ċentrali nazzjonali ta' l-Istati Membri barra ż-żona ta' l-euro li jistabbilixxi l-proċeduri operattivi għal mekkaniżmu tar-rata tal-kambju fit-tielet stadju ta' l-unjoni ekonomika u monetarja (1), kif emendat bil-Ftehim tal-21 ta' Diċembru 2006 (2) u bil-Ftehim ta' l-14 ta' Diċembru 2007 (3) (minn issa 'l quddiem imsejħin flimkien bħala 'l-“Ftehim tal-Bank Ċentrali dwar l-ERM II”).

(4)

Skond l-Artikolu 1 tad-Deċiżjoni tal-Kunsill 2008/608/KE tat-8 ta' Lulju 2008, skond l-Artikolu 122(2) tat-Trattat dwar l-adozzjoni tal-munita waħda mis-Slovakja fl-1 ta' Jannar 2009 (4), id-deroga favur is-Slovakja msemmija fl-Artikolu 4 ta' l-Att ta' l-Adeżjoni 2003 hija rrevokata b'effett mill-1 ta' Jannar 2009. L-euro ser ikun il-munita tas-Slovakja mill-1 ta' Jannar 2009 u n- Národná banka Slovenska m'għandux jagħmel aktar parti mill-Ftehim tal-Bank Ċentrali dwar l-ERM II b'effett minn dik id-data.

(5)	L-arranġamenti ta' bħalissa għall-għall-intervenzjoni tal-ERM II fil-marġins huma stabbiliti fil-Ftehim tal-Bank Ċentrali dwar l-ERM II.

(6)	L-arranġamenti ta' bħalissa għall-intervenzjoni tal-ERM II jeħtieġu aktar aġġornament u reviżjoni sabiex iqisu l-impożizzjoni ta' kriterju ġdid fuq kontropartijiet eliġibbli biex iwettqu intervenzjonijiet fil-marġins u biex jirfinaw kriterju eżistenti dwar l-eliġibbilta`.

(7)	Hemm bżonn li jiġi emendat il-Ftehim tal-Bank Ċentrali dwar l-ERM II biex tiġi kkunsidrata r-revoka tad-derogi favur is-Slovakja u t-tibdiliet tal-kriterji ta' l-eliġibbilta' għall-intervenzjoni ta' l-ERM II fil-marġins,

IDDEĊIDEW KIF ĠEJ:

Artikolu 1

Emenda tal-Ftehim tal-Bank Ċentrali dwar l-ERM II minħabba r-revoka tad-deroga tas-Slovakja

In-Národná banka Slovenska m'għandux jagħmel aktar parti mill-Ftehim tal-Bank Ċentrali dwar l-ERM II b'effett mill-1 ta' Jannar 2009.

Artikolu 2

Sostituzzjoni ta' Annessi I u II tal-Ftehim tal-Bank Ċentrali dwar l-ERM II

2.1   L-Anness I mal-Ftehim tal-Bank Ċentrali dwar l-ERM II huwa sostitwit bit-test stabbilit fl-Anness I ma' dan il-Ftehim.

2.2   L-Anness II mal-Ftehim tal-Bank Ċentrali dwar l-ERM II huwa sostitwit bit-test stabbilit fl-Anness II ma' dan il-Ftehim.

Artikolu 3

Dispożizzjonijiet finali

3.1   Dan il-Ftehim jemenda l-Ftehim tal-Bank Ċentrali dwar l-ERM II b'effett mill-1 ta' Jannar 2009.

3.2   Dan il-Ftehim għandu jitħejja bl-Ingliż u debitament iffirmat mir-rappreżentanti awtorizzati tal-partijiet. Il-BĊE, li għandu jżomm il-Ftehim oriġinali, għandu jibgħat kopja ċċertifikata tal-Ftehim oriġinali lil kull bank ċentrali nazzjonali taż-żona ta' l-euro kif ukoll lil dawk ta' barra ż-żona ta' l-euro. Dan il-Ftehim għandu jiġi ppubblikat fil-Ġurnal Uffiċjali ta' l-Unjoni Ewropea.

---

(1)  ĠU Ċ 73, 25.3.2006, p. 21.

(2)  ĠU Ċ 14, 20.1.2007, p. 6.

(3)  ĠU Ċ 319, 29.12.2007, p. 7.

(4)  ĠU L 195, 24.7.2008, p. 24.

---

---

---

22.1.2009

MT

Il-Ġurnal Uffiċjali tal-Unjoni Ewropea

C 16/16

---

Rata tal-kambju ta' l-euro (1)

Il-21 ta' Jannar 2009

(2009/C 16/03)

1 euro=

	Munita	Rata tal-kambju
USD	Dollaru Amerikan	1,2910
JPY	Yen Ġappuniż	116,11
DKK	Krona Daniża	7,4507
GBP	Lira Sterlina	0,93860
SEK	Krona Żvediża	10,7680
CHF	Frank Żvizzeru	1,4764
ISK	Krona Iżlandiża
NOK	Krona Norveġiża	9,0555
BGN	Lev Bulgaru	1,9558
CZK	Krona Ċeka	27,584
EEK	Krona Estona	15,6466
HUF	Forint Ungeriż	284,58
LTL	Litas Litwan	3,4528
LVL	Lats Latvjan	0,7028
PLN	Zloty Pollakk	4,3465
RON	Leu Rumen	4,3148
TRY	Lira Turka	2,1455
AUD	Dollaru Awstraljan	1,9937
CAD	Dollaru Kanadiż	1,6345
HKD	Dollaru ta' Hong Kong	10,0167
NZD	Dollaru tan-New Zealand	2,4882
SGD	Dollaru tas-Singapor	1,9418
KRW	Won tal-Korea t'Isfel	1 775,03
ZAR	Rand ta' l-Afrika t'Isfel	13,2043
CNY	Yuan ren-min-bi Ċiniż	8,8276
HRK	Kuna Kroata	7,4200
IDR	Rupiah Indoneżjan	14 459,20
MYR	Ringgit Malażjan	4,6689
PHP	Peso Filippin	61,320
RUB	Rouble Russu	42,4185
THB	Baht Tajlandiż	45,114
BRL	Real Brażiljan	3,0597
MXN	Peso Messikan	18,0095
INR	Rupi Indjan	63,5300

---

(1)  

Sors: rata tal-kambju ta' referenza ppubblikata mill-Bank Ċentrali Ewropew.

---

22.1.2009

MT

Il-Ġurnal Uffiċjali tal-Unjoni Ewropea

C 16/17

---

Komunikazzjoni tal-Kummissjoni skond l-Artikolu 16(4) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità

Obbligi ta' servizz pubbliku fir-rigward ta' servizzi tal-ajru bi skeda

(Test b'rilevanza għaż-ŻEE)

(2009/C 16/04)

L-Istat Membru	L-Italja
Rotta kkonċernata	Cuneo Levaldigi — Rome Fiumicino
Id-data tad-dħul fis-seħħ tal-obbligi ta' servizz pubbliku	180 jum mill-pubblikazzjoni ta' dan id-dokument
Indirizz minn fejn jista' jinkiseb, bla ħlas, it-test tal-obbligi ta' servizz pubbliku u kwalunkwe dokumentazzjoni relatata	E.N.A.C. (Ente Nazionale per l'Aviazione Civile) Direzione centrale regolazione economica Direzione trasporto aereo Viale del Castro Pretorio n. 118 I-00185 Roma www.enac-italia.it e-mail: trasporto.aereonac.rupa.it

---

22.1.2009

MT

Il-Ġurnal Uffiċjali tal-Unjoni Ewropea

C 16/18

---

Komunikazzjoni tal-Kummissjoni skond l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta' servizzi tal-ajru fil-Komunità

Stedina għat-tressiq ta' offerti rigward l-operat ta' servizzi tal-ajru bi skeda skond obbligi ta' servizz publiku

(Test b'rilevanza għaż-ŻEE)

(2009/C 16/05)

Stat Membru	Franza
Rotta kkonċernata	Lorient (Lann Bihoué) — Lyon (Saint-Exupéry)
Perjodu tal-validità tal-kuntratt	Mill-1 ta' Awwissu 2009 sal-31 ta' Lulju 2013
Skadenza għat-tressiq tal-offerti	Skadenza għat-tressiq tal-applikazzjonijiet: is-26 ta' Marzu 2009 (f'12:00 am) Skadenza għat-tressiq tal-offerti (proċedura sussegwenti): l-4 ta' Mejju 2009 (f'12:00 am)
Indirizz minn fejn jistgħu jinkisbu, bla ħlas, it-test tal-istedina għall-offerti u/jew dokumentazzjoni relatata mas-sejħa għall-offerti u l-obbligi ta' servizz pubbliku	Aéroport de Lorient M. le Directeur M. Franck Martin F-56270 Ploemeur Tel. (33) 02 97 87 21 61 Fax: (33) 02 97 87 21 88 f.martin@morbihan.cci.fr

---

22.1.2009

MT

Il-Ġurnal Uffiċjali tal-Unjoni Ewropea

C 16/19

---

Komunikazzjoni mill-Iżlanda skont id-Direttiva 94/22/KE tal-Parlament Ewropew u tal-Kunsill dwar il-kundizzjonijiet għall-għoti u l-użu ta' awtorizzazzjonijiet għall-ipprospettar, esplorazzjoni u produzzjoni tal-idrokarburi

Sejħa għall-ewwel Ħruġ ta' Liċenzji 2009 — Il-Blata Kontinentali bejn l-Iżlanda u Jan Mayen “Iż-Żona ta' Dreki”

(2009/C 16/06)

L-Awtorità Nazzjonali għall-Enerġija tal-Iżlanda (NEA), bl-Awtorità tal-Ministeru għall-Industrija, l-Enerġija u t-Turiżmu, qiegħda tħabbar stedina għall-partiijiet interessati biex jissottomettu applikazzjonijiet għall-liċenzji għall-esplorazzjoni u għall-produzzjoni tal-idrokarburi fiż-żona ta' “Dreki” skont l-Artikolu 3 (2) (a) tad-Direttiva 94/22/KE tal-Parlament Ewropew u tal-Kunsill tat-30 ta' Mejju 1994, dwar il-kundizzjonijiet għall-għoti u l-użu ta' awtorizzazzjonijiet għall-ipprospettar, esplorazzjoni u produzzjoni tal-idrokarburi.

Is-serje ta' Ħruġ ta' Liċenzji hi organizzata min-NEA hija konformi u soġġetta għad-dispożizzjonijiet tal-Att tat-13 ta' Marzu 2001 Nru 13, (Gazzetta tal-Gvern (Stjórnartíðindi) 16 ta' Mejju 2001) dwar l-Ipprospettar, Esplorazzjoni u Produzzjoni tal-Idrokarburi (l-Att dwar l-Idrokarburi) b'emendi sussegwenti, kif ukoll tali regoli u regolamenti (ir-Regolamenti dwar l-Idrokarburi) meħruġa mill-Ministeru għall-Industrija, l-Enerġija u t-Turiżmu skont l-Att dwar l-Idrokarburi.

L-Awtorità Nazzjonali għall-Enerġija hi l-awtorità kompetenti għall-għoti ta' awtorizzazzjonijiet. Il-kriterji, il-kundizzjonijiet, u r-rekwiżiti msemmija fl-Artikoli 5(1), 5(2) u 6(2) tad-Direttiva 94/22/KE huma stipulati fl-istrumenti legali msemmija hawn fuq.

Barra mill-Att dwar l-Idrokarburi u r-Regolamenti dwar l-Idrokarburi, il-Ftehim tat-22 ta' Ottubru 1981 bejn in-Norveġja u l-Iżlanda dwar il-Blata Kontinentali Bejn l-Iżlanda u Jan Mayen, il-Ftehim bejn in-Norveġja u l-Iżlanda dwar id-depożiti transkonfinali tal-idrokarburi tat-3 ta' Novembru 2008 u l-Minuti Miftehma tal-istess data dwar id-Dritt għall-Parteċipazzjoni skont l-Artikoli 5 u 6 tal-Ftehim mill-1981, japplikaw għall-partijiet rilevanti taż-żona offruti għall-liċenzji.

L-applikazzjonijiet għall-liċenzji għall-esplorazzjoni u għall-produzzjoni jistgħu jkunu sottomessi għal dawn il-blokki jew partijiet ta' blokki fiż-żona ta' “Dreki”.

IS6706/1 (parti), 4 (parti), 5 (parti), 7, 8 (parti), 10, 11 (parti), 12 (parti)

IS6707/1, 2, 3 (parti), 4, 5, 6, 7, 8, 9, 10, 11, 12

IS6708/1, 2, 3, 4, 5, 6, 7, 8, 9, 10, 11, 12

IS6709/1, 2, 3, 4, 5, 6, 7, 8, 9, 10, 11, 12

IS6710/1, 2, 3, 4, 5, 6, 7, 8, 9, 10, 11, 12

IS6711/2 (parti), 3, 5 (parti), 6, 8 (parti), 9, 11 (parti), 12

IS6807/4 (parti), 7 (parti), 8 (parti), 10, 11 (parti), 12 (parti)

IS6808/1 (parti), 2 (parti), 4, 5 (parti), 6 (parti), 7, 8, 9, 10, 11, 12

IS6809/1, 2, 3 (parti), 4, 5, 6, 7, 8, 9, 10, 11, 12

IS6810/1, 2, 3, 4, 5, 6, 7, 8, 9, 10, 11, 12

IS6811/2 (parti), 3, 5 (parti), 6, 8 (parti), 9, 11 (parti), 12

IS6909/10 (parti), 11 (parti), 12 (parti)

IS6910/7 (parti), 8 (parti), 9 (parti), 10, 11, 12 (parti)

IS6911/8 (parti), 9 (parti), 11 (parti), 12

L-applikazzjonijiet individwali għall-liċenzji jistgħu jkopru wieħed jew iktar mill-blokki jew parti ta' blokki, sa mhux iktar minn 800 km2. In-numru ta' liċenzji offruti hu ta' mhux iktar minn ħamsa (5). L-applikanti huma mħeġġa biex jinnominaw żona sekondarja fil-każ li żona tkun l-ewwel għażla li tikkoinċidi ma' applikazzjonijiet oħrajn.

L-applikanti għall-liċenzji għall-esplorazzjoni u għall-produzzjoni tal-idrokarburi għandhom ikunu sottomessi lin-NEA:

L-Awtorità Nazzjonali għall-Enerġija (NEA)

Grensasvegi 9

108 — Reykjavik

L-Iżlanda.

Websajt: www.nea.is

Tel. (354) 569 60 00

Faks (354) 568 88 96

Id-dettalji kollha u l-informazzjoni kollha neċċesarja, inkluż il-listi u l-mapep taż-żoni offruti u l-gwidi dwar il-liċenzji, it-termini li l-liċenzji ser jinkludu, u kif wieħed għandu japplika, huma disponibbli fuq din il-websajt:

http://www.nea.is/licensinground2009

jew billi tkun ikkuntattjata n-NEA fl-indirizz ta' hawn fuq.

L-għoti tal-liċenzji għall-esplorazzjoni u għall-produzzjoni fl-ewwel Ħruġ ta' Liċenzji 2009 f'“Iż-żona ta' Dreki” hi ppjanata li seħħ qabel l-aħħar ta' Ottubru 2009.

Id-data ta' għeluq għall-Ħruġ għall-Liċenzji — Blata Kontinentali bejn l-Iżlanda u Jan Mayen f'“Iż-żona ta' Dreki” hi: 15 ta' Mejju 2009.

Iż-Żona tat-Tramuntana ta' Dreki fuq il-Blata Kontinentali tal-Iżlanda bejn l-Iżlanda u Jan Mayen. Il-konfini taż-Żona Miftiehma mill-1981, (kif imsemmi fil-paragrafu 4) bejn l-Iżlanda u n-Norveġja muri bil-linja maqsuma ħadra.

---

22.1.2009

MT

Il-Ġurnal Uffiċjali tal-Unjoni Ewropea

C 16/22

---

Sejħa għal proposti skond il-programm ta' ħidma “In-nies” tas-Seba' Programm ta' Qafas tal-KE għall-Attivitajiet ta' Riċerka, Żvilupp Teknoloġiku u Dimostrazzjoni

(2009/C 16/07)

B'dan qed tingħata notifika dwar it-tnedija ta' sejħa għal proposti skond il-programm ta' ħidma “In-nies” tas-Seba' Programm ta' Qafas tal-KE għall-Attivitajiet ta' Riċerka, Żvilupp Teknoloġiku u Dimostrazzjoni (mill-2007 sal-2013).

Din hija stedina għal proposti għas-sejħa li ġejja dwar it-tħaddim transnazzjonali tan-netwerk tas-Servizzi tal-EURAXESS. Id-data tal-għeluq u l-baġit tas-sejħa huma mogħtija fit-test tas-sejħa, li huwa ppubblikat fuq is-sit tal-internet tal-CORDIS.

Il-Programm Speċifiku “In-nies”:

L-identifikatur tas-sejħa

:

FP7-PEOPLE-2009-EURAXESS

Din is-sejħa għal proposti għandha x'taqsam mal-programm ta' ħidma adottat mid-Deċiżjoni tal-Kummissjoni C(2008) 4483 tat-22 ta' Awwissu 2008.

It-tagħrif dwar il-modalitajiet tas-sejħa, il-programm ta' ħidma u l-gwida għall-applikanti dwar kif għandhom iressqu l-proposti huwa disponibbli fuq is-sit tal-internet tal-CORDIS li ġej: http://cordis.europa.eu/fp7/calls/

---

22.1.2009

MT

Il-Ġurnal Uffiċjali tal-Unjoni Ewropea

C 16/23

---

Notifika minn qabel ta' konċentrazzjoni

(Każ COMP/M.5436 — Citi Infrastructure Partners, L.P./Itínere Infraestructuras S.A.)

Każ li jista' jkun ikkunsidrat għal proċedura simplifikata

(Test b'rilevanza għaż-ŻEE)

(2009/C 16/08)

1.

Fl-14 ta' Jannar 2009 il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Citi Infrastructure Partners, L.P., li tappartjeni lil Citigroup (l-Istati Uniti tal-Amerika) takkwista skond it-tifsira tal-Artikolu 3(1)(b) tar-Regolament tal-Kunsill il-kontroll ta' parti mill-impriża Itínere Infraestructuras S.A. (Spanja) permezz ta' xira b'offerta pubblika.

2.	L-attivitajiet kummerċjali tal-impriżi kkonċernati huma: — għal Citi Infrastructure Partners, L.P.: fond ta' kapital ta' riskju li jiffoka fuq l-infrastruttura, — għal Itínere Infraestructuras S.A.: konċessjonijiet dwar l-infrastruttura.

3.

Wara eżami preliminari, il-Kummissjoni ssib li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madanakollu, id-deċiżjoni aħħarija fuq dan il-punt hi riżervata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), għandu jiġi nnutat li dan il-każ jista' jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni kwalunkwe kummenti fuq l-operazzjoni proposta. Il-Kummenti għandhom jaslu għand il-Kummissjoni mhux aktar tard minn 10 ijiem wara d-data tal-pubblikazzjoni. Il-kummenti jistgħu jintbagħtu lill-Kummissjoni permezz tal-faks (32-2) 296 43 01 jew 296 72 44) jew bil-posta, taħt in-numru ta' referenza COMP/M.5436 — Citi Infrastructure Partners, L.P./Itínere Infraestructuras S.A., fl-indirizz li ġej: Kummissjoni Ewropea Direttorat-Ġenerali għall-Kompetizzjoni Reġistru ta' l-Amalgamazzjonijiet J-70 B-1049 Bruxelles/Brussell

---

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

---

22.1.2009

MT

Il-Ġurnal Uffiċjali tal-Unjoni Ewropea

C 16/24

---

L-Impriża Konġunta SESAR

(2009/C 16/09)

L-Impriża Konġunta SESAR (Regolamenti tal-Kunsill (KE) Nru 219/2007 u 1361/2008) nidiet l-aħħar fażi tal-ewwel eżerċizzju dwar adeżjoni għal sħubija. Il-15 il-membru magħżulin bħala kandidati għandom jissottomettu l-offerti finali tagħhom mhux aktar tard mis-16 ta' Frar 2009. Għal informazzjoni iktar dettaljata fuq l-Impriża Konġunta SESAR, l-attivitajiet tagħha u forom possibli ta' parteċipazzjoni wieħed għandu jżur il-paġna elettronika: www.sesarju.eu.

---