15.1.2009

Il-Ġurnal Uffiċjali tal-Unjoni Ewropea

C 10/2

Komunikazzjoni mill-Kummissjoni — Ir-rikapitalizzazzjoni tal-istituzzjonijiet finanzjarji (1) fil-kriżi finanzjarja preżenti: limitazzjoni tal-għajnuna għall-minimu meħtieġ u protezzjoni kontra distorsjonijiet ta' kompetizzjoni mhux mistħoqqa

(Test b'rilevanza għaż-ŻEE)

(2009/C 10/03)

1. INTRODUZZJONI

(1)

Il-Komunikazzjoni mill-Kummissjoni tat-13 ta' Ottubru 2008 dwar L-applikazzjoni ta' regoli dwar l-għajnuna mill-Istat għall-miżuri meħuda fejn jidħlu istituzzjonijiet finanzjarji fil-kuntest tal-kriżi finanzjarja globali preżenti (2)(“il-Komunikazzjoni Bankarja”) tirrikonoxxi li l-iskemi tar-rikapitalizzazzjoni huma waħda mill-miżuri prinċipali li l-Istati Membri jistgħu jieħdu sabiex jippreservaw l-istabbilità u l-funzjonament kif suppost tas-swieq finanzjarji.

(2)

Il-Kunsill tal-ECOFIN tas-7 ta' Ottubru 2008 u l-laqgħa tal-Eurogroup tat-12 ta' Ottubru 2008 indirizzaw ir-rikapitalizzazzjoni bi spiritu simili billi kkonkludew li “Gvernijiet jimpenjaw ruħhom sabiex jipprovdu kapital meta meħtieġ f'volum xieraq waqt li jiffavorixxu b'kull mezz disponibbli ż-żieda tal-kapital privat. Istituzzjonijiet finanzjarji għandhom ikunu obbligati li jaċċettaw restrizzjonijiet addizzjonali, notevolment sabiex jipprekludu abbuż possibbli ta' arranġamenti bħal dawn bl-ispejjeż fuq non-benefiċjarji”, u “l-interessi leġittimi tal-kompetituri jridu jiġu protetti, b'mod partikolari permezz ta' regoli dwar l-għajnuna mill-Istat”.

(3)

S'issa, il-Kummissjoni approvat skemi ta' rikapitalizzazzjoni fi tlett Stati Membri, kif ukoll miżuri ta' rikapitalizzazzjoni individwali, skond il-prinċipji msemmija fil-Komunikazzjoni Bankarja (3). Rikapitalizzazzjoni, notevolement fil-forma ta' ishma ordinarji u preferuti, ġiet awtorizzata, soġġett b'mod partikolari għall-introduzzjoni ta' rati ta' rimunerazzjoni orjentati lejn is-suq, protezzjoni ta' imġieba xierqa u reviżjoni regolari. Madankollu, peress li n-natura, skop u kundizzjonijiet tal-iskemi ta' rikapitalizzazzjoni li bħalissa qed jiġu kkunsidrati jvarjaw b'mod konsiderevoli, kemm l-Istati Membri u l-istituzzjonijiet benefiċjarji potenzjali saqsew għal gwida aktar dettaljata dwar jekk forom speċifiċi ta' rikapitalizzazzjoni jkunux aċċettabbli taħt regoli tal-għajnuna mill-Istat. B'mod partikolari, xi Stati Membri jikkunsidraw ir-rikapitalizzazzjoni tal-banek, primarjament mhux biex isalvawhom imma aktar sabiex jassiguraw self lill-ekonomija reali. Il-Kunsill tal-ECOFIN tat-2 ta' Diċembru 2008 irrikonoxxa l-bżonn għal aktar gwida għal rikapitalizzazzjoni prekawzjonali sabiex issostni l-kreditu, u talbet għall-adozzjoni urġenti tagħha mill-Kummissjoni. Il-Komunikazzjoni preżenti tipprovdi gwida għal skemi ġodda ta' rikapitalizzazzjoni u tiftaħ il-possibilità ta' aġġustament ta' skemi ta' rikapitalizzazzjoni eżistenti.

Oġġettivi komuni: Tirrestawra l-istabbilità finanzjarja, tassigura self lill-ekonomija reali u tittratta mar-riskju sistematiku ta' insolvenza possibbli

(4)

Fil-kuntest tas-sitwazzjoni preżenti fis-swieq finanzjarji, ir-rikapitalizzazzjoni tal-banek tista' sservi numru ta' oġġettivi. L-ewwel, rikapitalizzazzjonijiet jikkontribwixxu għar-restawr tal-istabbilità finanzjarja u jgħinu sabiex jirrestawraw il-kunfidenza meħtieġa għall-irkupru tas-self bejn il-banek. Barraminhekk, kapital addizzjonali jipprovdi protezzjoni fi żmien ta' reċessjoni sabiex jassorbi telf u jillimita r-riskju li l-banek ifallu. Taħt il-kundizzjonijiet preżenti, li bdew b'mod partikolari bil-kollass tal-Lehman Brothers, banek li fundamentalment huma b'saħħithom jistgħu jkollhom bżonn injezzjonijiet ta' kapital sabiex jilqgħu għal perċezzjoni mifruxa li proporzjonijiet għola ta' kapital huma meħtieġa minħabba r-riskju li ma kienx ġie stimat b'mod korrett fil-passat u ż-żieda tal-ispejjeż tal-fondi.

(5)

It-tieni, ir-rikapitalizzazzjonijiet jistgħu jgħinu sabiex jassiguraw is-self lill-ekonomija reali. Fundamentalment banek b'saħħithom jistgħu jippreferu li jirrestrinġu s-self sabiex jevitaw ir-riskju u jżommu proporzjonijiet għolja ta' kapital. Injezzjoni ta' kapitali mill-Istat tista' tostakola restrizzjonijiet ta' forniment ta' kreditu u tillimita d-diffikultajiet tas-swieq finanzjarji milli jgħaddu għal kummerċ ieħor.

(6)

It-tielet, rikapitalizzazzjoni mill-Istat tista' wkoll tkun reazzjoni xierqa għall-problemi ta' istituzzjonijiet finanzjarji li qed iħabbtuha mal-falliment minħabba l-mudell ta' kummerċ partikolari jew tal-istrateġija ta' investiment tagħhom. Injezzjoni ta' kapital mis-sorsi pubbliċi li jipprovdu appoġġ ta' emerġenza lil bank individwali tista' wkoll tgħin sabiex jiġu evitati effetti sistematiċi ta' dewmien qasir dwar il-possibilità ta' falliment tagħha. Fuq medda ta' żmien, ir-rikapitalizzazzjoni tista' tappoġġja l-isforz sabiex tipprepara għar-ritorn tal-bank in kwestjoni għal vijabilità fuq tul ta' żmien jew għal-likwidazzjoni tagħha.

Problemi possibbli dwar kompetizzjoni

(7)	Jekk jitqiesu dawn l-oġġettivi komuni, il-valutazzjoni ta' kull skema jew miżura ta' rikapitalizzazzjoni trid tieħu f'kunsiderazzjoni distorsjonijiet possibbli fil-kompetizzjoni fuq tlett livelli differenti.

(8)

L-ewwel, rikapitalizzazzjoni minn Stat Membru wieħed tal-banek tiegħu proprja ma għandhiex tagħti lil dawk il-banek vantaġġ kompetittiv mhux mistħoqq fuq banek fi Stati Membri oħra. Fl-assenza ta' ġustifikazzjoni xierqa bbażata fuq ir-riskju, l-aċċess għall-kapital f'rati konsiderevolment aktar baxxi minn tal-kompetituri mill-Istati Membri l-oħra, jista' jkollu impatt sostanzjali fuq il-pożizzjoni kompetittiva ta' bank fis-suq uniku Ewropew aktar wiesa'. Għajnuna eċċessiva fi Stat Membru wieħed tista' wkoll tqanqal ġirja għas-sussidju fost l-Istati Membri u toħloq diffikultajiet lill-ekonomiji tal-Istati Membri li ma introduċux skemi ta' rikapitalizzazzjoni. Approċċ koerenti u kkoordinat lir-remunerazzjoni tal-injezzjonijiet ta' kapital pubbliku, u lill-kundizzjonijiet l-oħra flimkien mar-rikapitalizzazzjoni, hija indispensabbli għall-preservazzjoni ta' livell uniformi. Azzjoni unilaterali u mhux koordinata f'dan il-qasam tista' wkoll tfixkel l-isforzi sabiex terġa tiġi ġġernerata stabbilità finanzjarja. (“L-Assigurazzjoni ta' kompetizzjoni ġusta bejn l-Istati Membri”)

(9)

It-tieni, skemi ta' rikapitalizzazzjoni li huma miftuħa għal banek kollha ġewwa Stat Membru mingħajr livell xieraq ta' divrenzjar bejn banek benefiċjarji skond il-profili ta' riskju tagħhom jistgħu jagħtu vantaġġ mhux mistħoqq lill-banek f'diffikultà jew li ma tawx eżekuzzjoni sodisfaċenti meta mqabbla ma' banek li huma fundamentalment b'saħħithom u li jeżegwixxu aħjar. Dan se joħloq distorsjoni tal-kompetizzjoni fuq is-suq u tal-inċentivi, iżid il-periklu morali u jdgħajjef il-kompetitività ġenerali tal-banek Ewropej (“L-Assigurazzjoni ta' kompetizzjoni ġusta bejn il-banek”)

(10)

It-tielet, rikapitalizzazzjoni pubblika, b'mod partikolari r-rimunerazzjoni tagħha, ma għandhiex ikollha l-effett li tpoġġi lill-banek li ma għandhomx rikors għal fondi pubbliċi, pero¢ li jfittxu kapital addizzjonali fuq is-suq, f'pożizzjoni li tkun anqas kompetittivà b'mod sinifikanti. Skema pubblika li tegħleb operazzjonijiet bbażati fuq is-suq tfixxkel ir-ritorn lejn funzjonament normali tas-suq. (“L-Assigurazzjoni ta' ritorn lejn il-funzjonament normali tas-suq”)

(11)

Kull rikapitalizzazzjoni proposta għandha effetti kompetittivi kumulattivi f'kull wieħed minn dawn it-tlett livelli. Iżda jrid jintlaħaq bilanċ bejn dawn il-problemi ta' kompetizzjoni u l-oġġettivi li jiġi restawrat l-istabbilità finanzjarja, jiġi assigurat self lill-ekonomija reali u affaċċjar tar-riskju tal-falliment. Min-naħa l-oħra, il-banek irid ikollhom termini favorevoli b'mod suffiċjenti tal-aċċess għall-kapital sabiex jkollhom rikapitalizzazzjoni effettiva daqskemm hu meħtieġ. Min-naħa l-oħra, il-kundizzjonijiet marbuta ma' kull miżura ta' rikapitalizzazzjoni għandha tassigura livell uniformi u, għat-tul, ritorn lejn kondizzjonijiet normali tas-suq. Interventi mill-Istat għandhom għalhekk ikunu proporzjonati u temporanji u għandhom ikunu ddisinjati b'manjiera li jipprovdu inċentivi għall-banek sabiex jeħilsu lill-Istat hekk kif iċ-ċirkostanzi tas-suq jippermettu, sabiex joħroġ minn din il-kriżi settur bankarju Ewropew effiċjenti. Prezzijiet orjentati lejn is-suq ta' injezzjonijiet ta' kapital huma l-aħjar protezzjoni kontra differenzi mhux ġustifikati fil-livell ta' kapitalizzazzjoni u użu mhux kif suppost ta' dan il-kapital. Fil-każijiet kollha, l-Istati Membri jridu jassiguraw li kull rikapitalizzazzjoni ta' bank tkun ibbażata fuq bżonn ġenwin.

(12)	Il-bilanċ li għandu jintlaħaq bejn stabbilità finanzjarja u oġġettivi ta' kompetizzjoni tenfasizza l-importanza tad-distinzjoni bejn fuq naħa waħda banek fundamentalment b'saħħithom u li joperaw tajjeb u fuq in-naħa l-oħra banek li huma f'diffikultà u li ma joperawx daqstant tajjeb.

(13)

Fil-valutazzjoni tagħha ta' miżuri ta' rikapitalizzazzjoni, sew jekk fil-forom ta' skemi sew jekk permezz ta' appoġġ lil banek individwali, il-Kummissjoni għalhekk se tagħti attenzjoni partikolari lil profil ta' riskju tal-benefiċjarji (4). Bħala linja ta' prinċipju, banek bi profil ta' riskju għola għandhom iħallsu aktar. L-Istati Membri għandhom iqisu sewwa l-kriterji ta' dħul u t-trattament tal-banek bil-profili ta' riskju differenti u jiddistingwu fit-trattament tagħhom skond il-każ (ara Anness I) meta qegħdin ifasslu skemi ta' rikapitalizzazzjoni miftuħa għal sett ta' banek differenti. Għandha titqies is-sitwazzjoni ta' banek li qed jaffrontaw diffikultajiet minħabba ċirkostanzi eċċezzjonali preżenti, għalkemm dawn ikunu ġew ikkunsidrati bħala fundamentalment b'saħħithom qabel il-kriżi.

(14)

Flimkien ma' indikaturi bħal per eżempju konformità ma' rekwiżiti ta' solvibilità regolatorja u adegwatezza ta' kapital prospettiv kif iċċertifikat mill-awtoritajiet nazzjonali ta' superviżjoni, il-firxa u r-rata ta' CDS ta' qabel il-kriżi għandhom, per eżempju, ikunu bażi tajba għal differenzjazzjoni tar-rati tar-rimunerazzjoni għall-banek differenti. It-tixrid preżenti jista' wkoll jirrifletti riskji inerenti li se jdgħajfu s-sitwazzjoni kompetittiva ta' xi banek hekk kif joħorġu mill-kondizzjonijiet ġenerali ta' kriżi. Il-firxa ta' qabel il-kriżi u dik preżenti għandhom f'kull każ jirriflettu l-piż, jekk hemm, ta' assi tossiċi u/jew id-dgħjufija tal-mudell ta' negozju tal-bank minħabba fatturi bħal dipendenza żejda fuq finanzjar għal perjodu qasir ta' żmien jew vantaġġi mhux fin-norma.

(15)

F'każijiet debitament ġustifikati, jista' jkun meħtieġ, li jaċċettaw rimunerazzjoni aktar baxxa għal perjodu qasir ta' żmien għall-banek li jinsabu f'diffikultà, fuq l-assunzjoni u l-kondizzjoni li fuq perjodu itwal ta' żmien l-ispejjeż tal-intervent pubbliku favur tagħhom jkun rifless fir-ristrutturazzjoni meħtieġa sabiex tiġi restawrata l-vijabilità u sabiex jiġi kkunsidrat l-impatt kompetittiv tal-appoġġ mogħti lilhom f'miżuri kompensatorji. Banek li huma finanzjarjament b'saħħithom jistgħu jkunu ntitolati għal rati ta' dħul relativament baxxi għal kull rikapitalizzazzjoni, u korrispettivament kondizzjonijiet imnaqqsa b'mod sinifikanti dwar appoġġ pubbliku għat-tul, basta li jaċċettaw termini dwar il-fidi jew il-konverżjoni tal-istrumenti sabiex iżommu n-natura temporanja tal-involviment tal-Istat, u l-oġġettiv tiegħu li jirrestawra l-istabbilità/self finanzjarju lill-ekonomija, u l-bżonn li jiġi evitat l-abbuż tal-fondi għal raġunijiet strateġiċi aktar wiesa'.

Rakkomandazzjonijiet tal-Kunsill Governattiv tal-Bank Ċentrali Ewropew (BĊE)

(16)

Fir-Rakkomandazzjonijiet tal-Kunsill Governattiv ta' l-20 ta' Novembru 2008, il-Bank Ċentrali Ewropew (“ECB”) ippropona metodoloġija biex jimmarka l-prezz tal-miżuri ta' rikapitalizzazzjoni tal-Istat għall-istituzzjonijiet fundamentalment b'saħħithom fil-qasam tal-Ewro. Il-konsiderazzjonijiet li jiggwidaw u li huma qed jenfasizzaw ir-Rakkomandazzjonijiet jirriflettu totalment il-prinċipji stipulati f'din l-introduzzjoni. skond ir-rwoli u r-responsabilitajiet speċifiċi, il-BĊE jagħmel enfażi partikolari fuq l-effettività tal-miżuri ta' rikapitalizzazzjoni sabiex issaħħaħ l-istabbilità finanzjarja u jinkoraġġixxi ċ-ċirkulazzjoni mhux imfixkla ta' kreditu lill-ekonomija reali. Fl-istess waqt, din tenfasizza l-bżonn għal prezzijiet li huma orjentati lejn is-suq, inkluż ir-riskju speċifiku tal-banek individwali benefiċjarji u l-bżonn li jippreżervaw livell uniformi bejn banek li qegħdin f'kompetizzjoni.

(17)

Il-Kummissjoni tilqa' r-Rakkomandazzjonijiet tal-BĊE li jipproponu skema ta' prezzar għall-injezzjonijiet ta' kapital bbażata fuq kuritur għar-rati ta' ritorn għal banek benefiċjarji li huma fundamentalment istituzzjonijiet finanzjarji b'saħħithom, għalkemm jeżistu varjazzjonijiet fil-profil ta' riskju tagħhom. Dan id-dokument għandu l-għan li jestendi l-gwida għal kondizzjonijiet li mhumiex r-rati tar-rimunerazzjoni u għat-termini li permezz tagħhom banek li ma humiex fundamentalment b'saħħithom jista' jkollhom aċċess għall-kapital pubbliku.

(18)

Barraminhekk, waqt li tirrikonoxxi li r-rati preżenti eċċezzjonali tas-suq ma jikkostitwuwx punt ta' referenza raġonevoli sabiex jiddetermina l-livell korrett ta' rimunerazzjoni ta' kapital, il-Kummissjoni hi tal-parir li miżuri ta' rikapitalizzazzjoni mill-Istati Membri għandhom jieħdu f'konsiderazzjoni stima mhux korretta tar-riskju fil-perjodu ta' qabel il-kriżi. Mingħajr dan, rati ta' rimunerazzjoni mill-pubbliku jistgħu jagħtu vantaġġ kompetittiv mhux mistħoqq lill-benefiċjarji u aktar tard iwassal li r-rikapitalizzazzjoni mill-privat tinqata 'l barra.

2. PRINĊIPJI LI JIGGVERNAW TIPI DIFFERENTI TA' RIKAPITALIZZAZZJONI

(19)

L-aħjar garanzija sabiex jiġu limitati d-distorsjonijiet tal-kompetizzjoni hi li l-prezzijiet għandhom ikunu qrib kemm jista' jkun għall-prezzijiet tas-suq (5). Għalhekk it-tfassil ta' rikapitalizzazzjoni għandu jkun determinat b'mod li jieħu s-sitwazzjoni tas-suq ta' kull istituzzjoni f'konsiderazzjoni, inkluż il-profil ta' riskju preżenti u l-livell ta' solvenza, u jżomm livell uniformi billi ma jkunx jipprovdi sussidju kbir iżżejjed meta mqabbel ma' alternattivi ta' suq preżenti. Barraminhekk, il-kundizzjonijiet tal-ipprezzar għandhom jipprovdu inċentiv lill-bank sabiex jifdi lill-Istat hekk kif il-kriżi tgħaddi.

(20)

Dawn il-prinċipji jiġu tradotti fil-valutazzjoni tal-elementi li ġejjin tad-disinn ġenerali tal-miżuri tar-rikapitalizzazzjoni: oġġettiv tar-rikapitalizzazzjoni, is-saħħa tal-bank benefiċjarju, rimunerazzjoni, inċentivi tal-ħruġ, b'mod partikolari sabiex jiġi sostitwit il-kapital tal-Istat għall-investituri privati (6), sabiex jassiguraw in-natura temporanja tal-preżenza tal-Istat fil-kapital tal-bank, protezzjoni kontra abbuż tal-għajnuna u distorsjonijiet fil-kompetizzjoni, u r-reviżjoni tal-effetti tal-iskema tar-rikapitalizzazzjoni u s-sitwazzjoni tal-benefiċjarji permezz ta' rapporti regulari jew pjanijiet ta' ristrutturazzjoni fejn hu xieraq.

2.1. RIKAPITALIZZAZZJONI BIR-RATI TAS-SUQ PREŻENTI

(21)

Fejn injezzjonijiet ta' kapital tal-Istat ikunu fuq termini ugwali mal-parteċipazzjoni sinifikanti (30 % jew aktar) ta' investituri privati, il-Kummissjoni se taċċetta r-rimunerazzjoni kif imsemmija fil-ftehim (7). Minħabba li l-problemi ta' kompetizzjoni li jinħolqu minħabba din l-operazzjoni huma limitati, sakemm it-termini tal-ftehim ikunu tali li jbiddlu b'mod sinifikattiv l-inċentivi tal-investituri privati, fil-prinċipju ma jidhirx li hemm bżonn ta' protezzjoni għall-kompetizzjoni ex ante jew ta' inċentivi ta' ħruġ.

2.2. Rikapitalizzazzjonijiet temporanji ta' banek fundamentalment b'saħħithom sabiex jinkoraġġixxu stabbilità finanzjarja u self lill-ekonomija reali

(22)	Meta jiġi vvalutat it-trattament tal-banek f'din il-kategorija, il-Kummissjoni se tpoġġi piż konsiderevoli fuq id-distinzjoni bejn banek fundamentalment b'saħħithom u banek oħra li ġew diskussi f'paragrafi 12 sa 15.

(23)

Rimunerazzjoni ġenerali għandha tidher fl-elementi li ġejjin:

(a)	profil ta' riskju preżenti ta' kull benefiċjarju (4);

(b)	karatteristiċi tal-istrument magħżul, inkluż il-livell tiegħu ta' subordinazzjoni; riskju u l-modalitajiet kollha tal-pagament (8);

(c)	inċentivi inerenti għall-ħruġ (bħal eżempju step-up u klawsoli ta' fidi);

(d)	kejl xieraq ta' rata ta' interess mingħajr riskju.

(24)

Ir-rimunerazzjoni għal rikapitalizzazzjonijiet tal-Istat ma tistax tkun għolja daqs livelli ta' suq preżenti (xi 15 %) (9) peress li dawn mhux neċessarjament jiriflettu dak li jista' jitqies bħala kondizzjonijiet ta' suq normali (10). Konsegwentement, il-Kummissjoni hija ppreparata li taċċetta l-prezz tar-rikapitalizzazzjonijiet ta' banek li huma fundamentalment b'saħħithom b'rati li huma aktar baxxi mir-rati tas-suq preżenti, biex jiffaċilitaw lill-banek sabiex jużaw dawn l-istrumenti u għalhekk jiffavorixxu r-ristorazzjoni tal-istabbilità finanzjarja u jassiguraw is-self lill-ekonomika reali.

(25)

Fl-istess ħin, ir-ritorn totali mistenni fuq rikapitalizzazzjoni lill-Istat ma għandhux ikun ħafna 'l bogħod mill-prezzijiet tas-suq kurrenti minħabba li (i) għandu jevita li r-riskju ta' qabel il-kriżi jiġi mogħti prezz baxx, (ii) għandu jirrifletti l-inċertezza dwar il-ħin u livell ta' ekwilibriju ta' prezz ġdid, (iii) għandu jipprovdi inċentivi sabiex toħroġ mill-iskema u (iv) għandu jimminimizza r-riskju ta' distorsjonijet fil-kompetizzjoni bejn l-Istati Membri, kif ukoll bejn dawk il-banek li jżidu fil-kapital fis-suq illum mingħajr għajnuna mill-Istati. Rata ta' rimunerazzjoni li mhix daqstant 'il bogħod mill-prezzijiet kurrenti tas-suq hija essenzjali sabiex tevita li jinqata' 'l barra r-rikapitalizzjoni permezz tas-settur privat u tiffaċilità r-ritorn għal kondizzjonijiet normali tas-suq.

Prezz livell ta' dħul għal rikapitalizzazzjonijiet

(26)

Il-Kummissjoni tikkonsidra li metodu adegwat sabiex tiddetermina l-prezz ta' rikapitalizzazzjonijiet hi jinsab fir-rakkomandazzjoniijiet tal-Eurosystem tal-20 ta' Novembru 2008. Ir-rimunerazzjonijiet kkalkolati bl-użu ta' din il-metodoloġija jirrapreżentaw skond il-Eurosystem bażi xierqa (livell ta' dħul) għar-rata nominali rikjesta ta' ritorn għar-rikapitalizzazzjoni ta' banek fundamentalment b'saħħithom. Dan il-prezz jista' jiġi aġġustat 'l fuq sabiex jagħti spjegazzjoni għall-bżonn li jiġi mifdi l-kapital tal-Istat (11). Il-Kummissjoni tikkonsidra li tali aġġustamenti se jservu wkoll l-oġġettiv tal-protezzjoni ta' kompetizzjoni mhux distorta.

(27)

Ir-rakkomandazzjonijiet tal-Eurosystem jikkonsidraw li r-rata tar-ritorn rikjesta mill-gvern dwar l-istrumenti ta' rikapitalizzazzjoni għal banek fundamentalment b'saħħithom — ishma preferuti u strumenti ibridi oħra — jistgħu jiġu determinati fuq il-bażi ta' “kuritur tal-prezz” definit mir-: (i) rata ta' ritorn rikjesta dwar debitu subordinat li jirrapreżenta rbit baxx, u (ii) rata tar-ritorn rikjesta dwar ishma ordinarji li jirrapreżentaw rbit għoli. Din il-metodoloġija tinvolvi l-kalkolazzjoni ta' prezz tal-kuritur fuq il-bażi ta' komponenti differenti, li għandha wkoll tirrifletti l-fatturi speċifiċi ta' istituzzjonijiet individwali (jew settijiet ta' istituzzjonijeit simili) u tal-Istati Membri. L-applikazzjoni tal-metodoloġija billi tuża l-valuri medji (medja jew medjan) tal-parametri relevanti (rendiment ta' titoli statatli, firex ta' CDS, primja ta' riskju ta' ekwità) tiddetermina kurritur b'medja ta' rata tar-ritorn rikjest ta' 7 % fuq ishma preferuti b'fatturi simili għal dawk ta' dejn suboridinat u rata ta' ritorn medja rikjest ta' 9,3 % fuq ishma ordinarji relatati mal-banek fil-qasam tal-Euro. Għaldaqstant, il-prezz ta' kuritur medju jirrapreżenta firxa indikattiva.

(28)

Il-Kummissjoni se taċċetta rimunerazzjoni minima bbażata fuq il-metodoloġija msemmija hawn fuq għal banek fundamentalment b'saħħithom (12). Din ir-rimunerazzjoni hija differenzjata fuq livell ta' bank individwali fuq il-bażi ta' parametri differenti:

(a)	it-tip ta' kapital magħżul (13): iktar ma tkun baxxa s-subordinazzjoni, iktar tkun baxxa r-rimunerazzjoni rikjesta fil-kuritur tal-prezz.

(b)	kejl xieraq ta' rata ta' interess mingħajr riskju;

(c)	il-profil ta' riskju individwali fuq livell nazzjonali tal-istituzzjonijiet finanzjarji eleġibbli kollha, (inkluż banek kemm finanzjarjament b'saħħithom u dawk f'diffikultà).

(29)

L-Istati Membri jistgħu jagħżlu formula ta' prezzijiet li tinkludi wkoll klawsoli step- up jew ta' ħlas lura. Dawn il-fatturi għandhom jiġu magħżula b'mod xieraq ħalli, waqt li jinkoraġġixxu tmien kmieni tal-appoġġ lill-banek ta' kapital mill-Istat, ma jirriżultawx f'żieda eċċessiva fl-ispejjeż tal-kapital.

(30)	Il-Kummissjoni se taċċetta wkoll metodoloġiji alternattivi ta' pprezzijiet, sakemm dawn ikunu jwasslu għar-rimunerazzjonijiet għola mill-metodoloġija ta' hawn fuq.

Inċentivi għal fidi ta' kapital mill-Istat

(31)

Miżuri ta' rikapitalizzazzjoni għandhom bżonn li jkollhom inċentivi xierqa għal kapital mill-Istat sabiex jiġu mifdija meta s-suq jippermetti (14). Il-metodu l-aktar faċli sabiex tipprovdi inċentiv għal banek sabiex jfittxu għal kapital alternattiv huwa li l-Istati Membri jitolbu għal rimunerazzjoni għolja adegwata għall-rikapitalizzazzjoni mill-Istat. Għal din ir-raġuni, il-Kummissjoni tikkonsidra li jkun utli li tiżdied b'mod ġenerali add-on fuq il-prezz tad-dħul determinat (15) sabiex tinċentivizza l-ħruġ. Stuttura ta' pprezzar inkluż żidiet tul iż-żmien u klawsoli step-up se jirrinforzaw dan il-mekkaniżmu sabiex jinċentivizzaw il-ħruġ.

(32)

Jekk Stat Membru jippreferi ma jżidx ir-rata ta' rimunerazzjoni nominali, dan jista' jikkonsidra jżid ir-rimunerazzjoni globali permezz ta' call options jew klawsoli oħra ta' fidi, jew mekkaniżmi li jinkoraġixxu żidiet privati ta' kapital, per eżempju billi jgħaqqdu l-ħlas tad-dividends ma' rimunerazzjoni obbligatorja tal-Istat li tiżdied biż-żmien.

(33)

L-Istati Membri jistgħu wkoll jikkonsidraw l-użu ta' politika ta' dividend restrittiva sabiex jassiguraw il-karattru temporanju tal-intervent tal-Istat. Politika ta' dividend restrittiva tkun koerenti mal-oġġettiv tal-protezzjoni tas-self lill-ekonomija reali u mat-tisħiħ tal-bażi tal-kapital tal-banek benefiċjarji. Fl-istess ħin, ikun importanti li jitħalla jsir il-ħlas tad-dividend fejn din tirrapreżenta inċentiv sabiex tipprovdi ekwità privata ġdida lil banek fundamentalment b'saħħithom (16).

(34)

Il-Kummissjoni se tivvaluta mekkaniżmi proposti ta' ħruġ fuq bażi ta' każ b'każ. Ġeneralment, aktar mhu għoli d-daqs tar-rikapitalizzazzjoni u aktar mhu għoli l-profil ta' riskju tal-bank benefiċjarju, aktar ikun meħtieġ li jkun stipulat mekkaniżmu ċar ta' ħruġ It-taħlita tal-livell u tip tar-rimunerazzjoni u, fejn u sakemm xieraq, ta' politika ta' dividend restrittiva, jeħtieġu li jirrapreżentaw, fit-totalità tagħhom, inċentiv ta' ħurġ suffiċjenti għall-banek benefiċjarji. Il-Kummissjoni tikkonsidra, partikolarment, li restrizzjonijiet fuq ħlas ta' dividendi mhumiex meħtieġa fejn il-livell ta' prezzijiet jirrifletti korrettement il-profil ta' riskju tal-bank, u klawsoli step-up jew elementi komparabbli jipprovdu inċentivi suffiċjenti għall-ħruġ u rikapitalizzazzjoni hija limitata fil-qies.

Prevenzjoni ta' distorsjonijiet żejda tal-kompetizzjoni

(35)

Il-Komunikazzjoni Bankarja tisħaq, fil-punt 35, il-bżonn ta' protezzjoni kontra abbużi possibbli u distorsjonijiet ta' kompetizzjoni fl-iskemi ta' rikapitalizzazzjoni. Punt 38 tal-Komunikazzjoni Bankarja teħtieġ li injezzjonijiet ta' kapital jiġu limitati għal minimu meħtieġ u ma jħallux lill-benefiċjarju li jieħu sehem fi strateġiji kummerċjali aggressivi li jkunu inkompatibbli mal-oġġettivi bażiċi tar-rikapitalizzazzjoni (17).

(36)	Bħala prinċipju ġenerali, aktar ma' tkun għolja r-rimunerazzjoni inqas hemm bżonn għal protezzjoni, peress li l-livell tal-prezz se jillimita distorsjonijiet ta' kompetizzjoni. Banek li jirċievu rikapitalizzazzjoni mill-Istat għandhom ukoll jevitaw li jirriklamizzawha għal raġunijiet kummerċjali.

(37)

Protezzjoni tista' tkun meħtieġa sabiex ma tħallix li jkun hemm espansjoni kummerċjali aggressiva finanzjata mill-għajnuna mill-Istat. Fil-prinċipju, amalgamazzjonijiet u akkwisti jistgħu jikkostitwixxu kontribuzzjoni ta' valur għall-konsolidazzjoni tal-industrija tal-bank sabiex jilħqu l-oġġettivi li jistabbilizzaw is-swieq finanzjarji u jassiguraw moviment stabbli ta' kreditu lill-ekonomija reali. Sabiex ma jiġux preferuti dawk l-istituzzjonijiet b'appoġġ pubbliku għad-detriment tal-kompetituri mingħajr dak l-appoġġ, amalgamazzjonijiet u akkwisti għandhom ġeneralment jiġu organizzati fuq bażi ta' proċess kompetittiv ta' sejħiet.

(38)

L-estensjoni tal-protezzjoni tal-imġieba se tkun ibbażata fuq valutazzjoni ta' proporzjonalità, waqt li tieħu in konsiderazzjoni l-fatturi kollha relevanti u, b'mod partikolari, il-profil ta' riskju tal-bank benefiċjarju. Waqt li banek bi profil ta' riskju baxx ħafna jistgħu jeħtieġu biss protezzjoniji limitata ħafna ta' mġieba, il-bżonn għal din il-protezzjoniji tiżdied meta l-profil ta' riskju ikun għola. Il-valutazzjoni ta' propozjonalità hija influwenzata aktar mill-qies relattiv tal-injezzjoni ta' kapital mill-Istat u l-livell li ntlaħaq ta' kapital inizjali.

(39)

Meta Stati Membri jużaw rikapitalizzazzjoni bil-għan tal-iffinanzjar tal-ekonomija reali, huma jridu jassiguraw li l-għajnuna effettivament tikkontribwixxi għal dan. Għal dan il-għan, f'konformità mar-regolamenti nazzjonali, għandhom jehmżu mar-rikapitalizzazzjoni, protezzjonijiet nazzjonali effettivi u li jistgħu jkunu infurzati li jassiguraw li l-kapital injettat huwa wżat sabiex isostni self lill-ekonomika reali.

Reviżjoni

(40)

Barraminhekk, kif indikat fil-Komunikazzjoni Bankarja (18), rikapitalizzazzjonijiet għandhom ikunu soġġetti għal reviżjoni regolari. Sitt xhur wara li jiġu introdotti, l-Istati Membri għandhom jissottomettu rapport lill-Kummissjoni dwar l-implimentazzjoni tal-miżuri meħuda. Ir-rapport irid jipprovdi informazzjoni kompleta fuq:

(a)	il-banek li ġew rikapitalizzati, inkluż rigward l-elementi identifikati kemm fil-paragrafu 12 sa 15 kif ukoll fl-Anness 1, u valutazzjoni tal-mudell ta' negozju tal-bank, sabiex jiġi apprezzat l-profil ta' riskju u l-vijabilità tal-bank;

(b)	l-ammonti rċevuti minn dawk il-banek u t-termini li fuqhom seħħet ir-rikapitalizzazzjoni;

(c)	l-użu tal-kapital rċevut, inkluż in relazzjoni ma' (i) is-self sostnut lill-ekonomija reali u (ii) tkabbir estern u (iii) il-politika tad-dividend tal-banek benefiċjarji;

(d)	l-osservanza tal-impenji magħmula mill-Istati Membri in relazzjoni mal-inċentivi ta' ħruġ u kundizzjonijiet u protezzjoniji oħra; u

(e)	it-triq lejn ħruġ mid-dipendenza fuq kapital tal-Istat (19).

(41)

Fil-kuntest tar-reviżjoni, il-Kummissjoni se tivvaluta, fost affarijiet oħra, il-bżonn għal kontinwazzjoni ta' protezzjoniji dwar l-imġieba. skond l-evoluzzjoni tal-kondizzjonijiet tas-suq, tista' wkoll titlob għar-reviżjoni tal-protezzjoniji li takkompanja l-miżuri sabiex jassiguraw li l-għajnuna hi limitata għal ammont minimu u għad-dewmien minimu meħtieġ sabiex ittaffi minn din il-kriżi preżenti.

(42)	Il-Kummissjoni tfakkar li meta bank li kien inizjalment kkonsidrat fundamentalment b'saħħtu jaqa' f'diffikultajiet wara li seħħet ir-rikapitalizzazzjoni, għandu jiġi notifikat għal dak il-bank pjan ta' ristrutturazzjoni.

2.3. Rikapitalizzazzjonijiet ta' salvataġġ ta' banek oħra

(43)	Ir-rikapitalizzazzjoni tal-banek li mhumiex fundamentalment b'saħħithom għandha tkun soġġetta għal rekwiżiti aktar stretti.

(44)

Għal dak li għandu x'jaqsam mar-rimunerazzjoni, kif stipulat aktar 'l fuq, din għandha tirrifletti l-profil ta' riskju tal-benefiċjarju u tkun għola minn tal-banek fundamentalment b'saħħithom (20). Din hija mingħajr preġudizzju għall-possibilità li l-awtoritajiet superviżuri jieħdu azzjoni urġenti fejn meħtieġ f'każijiet ta' ristrutturazzjoni. Fejn il-prezz ma jistax jistax jiġi ffissat għal livelli li jikkorispondu mal-profil ta' riskju tal-bank, mandanakollu dan għandu jkun qrib għal dak mitlub għal bank simili taħt kondizzjonijiet tas-suq normali. Għalkemm hemm bżonn li jiġi assigurat stabbilità finanzjarja, l-użu ta' kapital tal-Istat għal dawn il-banek jista' biss jiġi aċċettat fuq il-kundizzjoni li bank għaddej mill-proċess ta' likwidazzjoni jew minn ristrutturazzjoni akkurata u vasta, inkluż biddla fl-amministrazzjoni u tmexxija tal-kumpaniji fejn xieraq. Għalhekk, għandu jiġi pprezentat għal dawn il-banek jew pjan ta' ristrutturazzjoni komprensiv jew pjan ta' likwidazzjoni fi żmien sitt xhur mir-rikapitalizzazzjoni. Kif indikat fil-Komunikazzjoni Bankarja, dan il-pjan se jiġi vvalutat skond il-prinċipji tal-linji gwida ta' salvataġġ u ta' ristrutturazzjoni għal kumpaniji f'diffikultà, u għandu jinkludi miżuri kompensatorji.

(45)

Sakemm isir il-fidi tal-Istat, protezzjoniji tal-imġieba għal banek f'diffikultajiet fil-fażijiet ta' salvataġġ u ta' ristrutturazzjoni għandhom, fi prinċipju, jinkludu: politika restrittiva dwar dividendi (inkluż projbizzjoni fuq dividendi almenu waqt l-perjodu ta' ristrutturazzjoni); limitazzjoni ta' rimunerazzjoni eżekuttiva jew id-distribuzzjoni ta' bonuses; obbligazzjoni li jiġi restawrat u miżmum livell għola tal-proporzjon ta' solvenza kompatibbli mal-oġġettiv ta' stabbilità finanzjarja; u skeda tal-ħinijiet għall-fidi tal-partiċipazzjoni tal-Istat.

2.4. Rimarki finali

(46)

Finalment, il-Kummissjoni tieħu in konsiderazzjoni l-possibilità li l-parteċipazzjoni tal-banek fl-operazzjonijiet ta' rikapitalizzazzjoni hija miftuħa għal kulħadd jew għal porzjon tajba ta' banek f'Membru Stat, anke fuq bażi anqas differenzjata, u immmirata li tikseb ritorn ġenerali xieraq fuq medda taż-żmien. Xi Stati Membri jistgħu jippreferu, għal raġunijiet ta' konvenjenza amministrattiva per eżempju, li jużaw metodi anqas elaborati. Mingħajr preġudizzju għall-possibilità li Stati Membri jibbażaw il-prezz tagħhom fuq il-metodoloġija msemmija aktar 'l fuq, il-Kummissjoni se taċċetta mekkaniżmi ta' prezzijiet li jwasslu għal livell ta' ritorn annwali mistenni totali għall-banek kollha li qed jipparteċipaw fi skema suffiċjentement għolja sabiex tieħu ħsieb varjetà ta' banek u l-inċentiv ta' ħruġ. Dan il-livell għandu normalment jiġi stipulat 'l fuq mill-rbit superjuri riferut fil-paragrafu 27 għal strumenti kapitali Livell 1. (21). Dan jista' jinkludi prezz ta' dħul aktar baxx u step-up xierqa, kif ukoll elementi oħra differenzjali u protezzjoniji kif deskritta 'l fuq (22).

(1) Għall-konvenjenza tal-qarrej, istituzzjonijiet finanzjarji jirreferu sempliċement għall-“banek” f'dan id-dokument.

(2) ĠU C 270, 25.10.2008, p. 8.

(3) Ara deciżjoni tal-Kummissjoni tat-13 ta' Ottubru 2008 fil-Każ N 507/08 Miżuri għal Appoġġ Finanzjarju lill-industrija tal-banek fil-UK (ĠU C 290, 13.11.2008, p. 4), Deċizjoni tal-Kummissjoni tas-27 ta' Ottubru 2008 fil-Każ N 512/08 Miżuri ta' Appoġġ għall-istituzzjonijiet finanjarji fil-Ġermanja (ĠU C 293, 15.11.2008, p. 2) u deċiżjoni tal-Kummissjoni tad-19 ta' Novembru 2008 fil-Każ N 560/08 Miżuri ta' Appoġġ lill-istituzzjonijiet ta' kreditu fil-Greċja, Deċiżjoni tal-Kummissjoni tat-12 ta' Novembru 2008 fil-Każ N 528/08 l-Olanda, Għajnuna lil ING Groep N.V, Deċiżjoni tal-Kummissjoni tal-25 ta' Novembru 2008 fil-Każ NN 68/08 dwar Għajnuna mill-Istat tal-Latvja lil JSC Parex Banka.

(4) Ara Anness I għal aktar dettalji.

(5) Ara l-punt 39 tal-Komunikazzjoni Bankarja.

(6) Kull referenza għall-inċentivi tal-ħruġ jew inċentivi sabiex jiġi mifdi l-Istat f'dan id-dokument, wieħed għandu jħares lejnhom bħala li għandhom l-għan li jissostitwixxu l-kapital tal-Istat għall-kapital tal-privat sakemm hu meħtieġ u xieraq fil-kuntest ta' ritorn għal kondizzjonijiet normali tas-suq.

(7) Ara per eżempju d-deċiżjoni tal-Kummissjoni tas-27 ta' Ottubru 2008 fil-Każ N 512/08 Miżuri ta' appoġġ għall-istituzzjonijiet finanzjarji fil-Ġermanja, punt 54.

(8) Per eżempju, numru ta' parametri jżidu jew inaqqsu l-valur tal-ishma preferuti, skond it-tifsura eżatta tagħhom, bħal eżempju: konvertibbli f'ishma ordinarji jew strumenti oħra, dividendi kumulattivi jew non-kumulattivi, rati tad-dividend fissi jew aġġustabbli, preferenza għal likwidazzjoni qabel ishma ordinarji, partiċipazzjoni jew le fil-qligħ l' fuq mir-rata tad-dividend mħallsa lill-ishma ordinarji, l-għażla li tbigħ, klawsoli ta' fidi, drittijiet ta' votazzjoni. Il-Kummissjoni se tuża l-klassifikazzjoni tal-istrumenti ta' kapital fost il-kategoriji regolatorji differenti bħala kejl (e.ż. parti ċentrali/mhux ċentrali, Livell 1/Livell 2).

(9) Per eżempju JP Morgan, Riċerka ta' Kreditu Ewropew, 27 ta' Ottubru 2008; Dejta ta' Merrill Lynch dwar l-ewro denominata debitu livell 1 mill-anqas istituzzjonijiet finanzjarji valutati bħala grad ta' investiment, ppubblikati fis-suq tal-Ewrobond jew fis-suq domestiku tal-Istati Membri li adottaw l-ewro. Dejta hi provduta mill-ECOWIN (ml: et10yld).

(10) Livelli kurrenti ta' rimunerazzjoni jistgħu wkoll jirriflettu domanda preżenti relativament għolja għall-kapital Livell 1 hekk kif il-banek jimxu minn dak li llum hu pperċepiet bħala l-mudell ta' negozju undercapitalised tal-passat, mħallat ma' forniment relativament żgħir u volatilità għolja tas-suq.

(11) Ara punti 5 sa 7 tar-rakkomandazzjonijijet tall-Kunsill Governattiv tal-BĊE dwar l-ipprezzar tar-rikapitalizzazzjonijiet tal-20 ta' Novembru 2008.

(12) Sitwazzjoni speċifika tal-Istati Membri 'l barra mill-Ewrosistema tista' tiġi meħuda n konsiderazzjoni.

(13) Bħal ishma ordinarji, Livell 1 ta' kapital b'parteċipazzjoni silenzjuża b'validità limitata, jew Livell 2 ta' kapital.

(14) Jiġi meqjus it-tip ta' strument ta' rikapitalizzazzjoni u l-klassifikazzjoni tiegħu mill-awtoritajiet superviżuri.

(15) Dan huwa ħafna importanti minħabba li l-metodu ppreżentat hawn fuq jista' jiġi affettwat mir-riskju li jiġi mogħti prezz aktar baxx qabel il-kriżi.

(16) Waqt li jiġu kkonsidrati dawn il-konsiderazzjonijiet, restrizzjonijiet fuq il-ħlas ta' dividendi jistgħu per eżempju jkunu limitati fiż-żmien jew għal persentaġġ tal-profitti ġenerati, jew magħqudin mal-kontribuzzjonijiet ta' kapital ġdid, (per eżempju permezz ta' ħlas ta' dividendi fil-forma ta' ishma ġodda). Fejn il-fidi ta' Stat probabbli li jseħħ f'ħafna stadji, jista' jiġi wkoll previst ir-rilassament gradwali fuq kull restrizzjoni fuq dividendi f'konformità mal-progress tal-fidi.

(17) Peress li l-oġġettivi li tassigura self lill-ekonomija reali, restrizzjonijiet tal-kobor tal-karta tal-bilanċ mhumiex meħtieġa fis-skemi ta' rikapitalizzazzjoni ta' banek fundamentalment b'saħħithom. Dan għandu fil-prinċipju japplika wkoll għal skemi ta' garanzija, sakemm ma hemmx riskju serju ta' spostament tal-moviment tal-kapital bejn l-Istati Membri.

(18) Ara l-punti 34 sa 42 tal-Komunikazzjoni Bankarja. F'konformità mal-Komunikazzjoni Bankarja, miżuri ta' rikapitalizzazzjoni individwali meħudin f'konformità ma' skema ta' rikapitalizzazzjoni approvata mill-Kummissjoni ma għandhomx bżonn ta' notifikazzjoni u se jiġu vvalutati mill-Kummissjoni fil-kuntest tar-reviżjoni u tal-preżentazzjoni ta' pjan ta' vijabilità.

(19) Tieħu in kunsiderazzjoni l-karatteristiċi tal-istrument ta' rikapitalizzazzjoni.

(20) Ara paragrfau 28 dwar il-prezz tal-kurritur estiż li jimplika żieda fir-rati ta' riemunerazzjoni għal banek f'diffikultà.

(21) Il-Kummissjoni s'issa aċċettat mizuri ta' rikapitalizzazzjoni b'ritorn annwali totali mistenni ta' almenu 10 % għal strumenti Livell 1 għall-banek kollha li qed jipparteċipaw fi skema. Għal Stati Membri b'rati ta' ritorn li huma bla riskju li huma differenti b'mod sinifikanti mill-medja taż-ŻonaEwro dan il-livell jista' jkollu bżonn li jiġi adattat skond għal din ir-raġuni. Aġġustmenti huma wkoll meħtieġa minħabba żvilluppi ta' rati bla riskju.

(22) Ara, bħala eżempju ta' taħlit ta' prezz ta' dħul baxx b'elementi differenzjali, deċiżjoni tal-Kummissjoni tat-12 ta' Novembru 2008 fil-Każ N 528/08 l-Olanda Għajnuna lil ING Groep N.V fejn għal rimunerazzjoni ta' strument ta' kapital sui generis kategorizzata bħala kapital Livell 1 b'parteċipazzjoni silenzjuża b'validità limitata kupun fiss (8,5 %) huwa akkopjat ma' ħlasijiet ta' kupuni proporzjonalment żejda u dejjem aktar u aspett pożittiv possibbli, li jirriżulta f'ritorn annwali mistenni aktar minn 10 %.

ANNESS

Prezzar ta' ekwità

(Ekwità (ishma ordinarji, ishma komuni) hija l-aħjar forma magħrufa ta' kapital Livell 1 b'parteċipazzjoni silenzjuża b'validità limitata. Ishma ordinarji huma rimunerati permezz ta' ħlasijiet ta' dividendi futuri u inċerti u żieda fil-prezz tal-ishma (żieda/telf fil-kapital), li t-tnejn li huma fl-aħħarnett jiddependu mill-istennija ta' moviment/profitti ta' kexx futuri. Fis-sitwazzjoni preżenti, tbassir ta' movimenti futuri ta' flus kontanti hija aktar diffiċli milli taħt kondizzjonijiet normali. Għalhekk, il-fattur li l-aktar wieħed jinduna bih huwa l-prezz tas-suq kwotat tax-xiri tal-ishma. Għal banek mhux ikkwotati, minħabba li ma hemmx prezz maqsum ikkwotat, l-Istati Membri għandhom jaslu għal approċċ xieraq bbażat fuq is-suq, bħal eżempju valutazzjoni kompleta.

Jekk għajnuna tingħata fil-ħruġ ta' ishma ordinarji (sottoskrizzjoni), kull ishma li mhix meħuda mill-investituri eżistenti jew ġodda se tittieħed minn Stati Membri bħala sottoskritt bil-prezz l-aktar baxx possibbli meta mqabbel mal-prezz maqsum immedjatament qabel it-tħabbira tat-tpoġġija ta' offerta miftuħa. Ħlas ta' sottoskrizzjoni adegwata għandha wkoll tkun pagabbli mill-istituzzjoni li qed toħroġha (1). Il-Kummissjoni se tieħu in kunsiderazzjoni l-influwenza li għajnuna mill-Istat rċevuta minn qabel jista' jkollha fuq il-prezz maqsum tal-benefiċjarju.

Indikaturi għall-valutazzjoni tal-profil ta' riskju ta' bank

Fil-valutazzjoni tal-profil ta' riskju ta' bank għal l-għan tal-apprezzament ta' miżura ta' rikapitalizzazzjoni taħt regoli tal-għajnuna mill-Istat, il-Kummissjoni se tieħu in konsiderazzjoni l-pożizzjoni tal-bank b'mod partikolari rigward l-indikaturi li ġejjin:

(a)

Adegwatezza ta' kapital: Il-Kummissjoni se tivvaluta b'mod pożittiv il-valutazzjoni tas-solvenza tal-bank u l-adegwatezza kapitali prospettiva tagħha bħala riżultat ta' reviżjoni mill-awtorità superviżorja nazzjonali; reviżjoni bħal din se tivvaluta l-espożizzjoni tal-bank għal riskji varji (bħal eżempju riskju ta' kreditu, riskju ta' likwidità, riskju tas-suq, riskji ta' rati ta' interess u ta' rati ta' skambju), il-kwalità tal-portafoll tal-assi (fi ħdan is-suq nazzjonali u meta mqabbel ma' standards internazzjonali disponibbli), is-sostenibbiltà tal-mudell ta' negozju tiegħu fuq medda ta' żmien u elementi pertinenti oħra;

(b)	Daqs tar-rikapitalizzazzjoni: Il-Kummissjoni se tivvaluta b'mod pożittiv rikapitalizzazzjoni limitata fid-daqs, bħal per eżempju mhux aktar minn 2 % tal-assi tal-piż tar-riskju tal-bank;

(c)	Firxiet CDS preżenti: Il-Kummissjoni se tikkonsidra firxa daqs jew anqas mill-medja bħala indikatur ta' profil b'riskju aktar baxx;

(d)	Rata kurrenti tal-bank u l-prospettiva tiegħu: Il-Kummissjoni se tikkonsidra rata ta' A jew aktar u propettiva stabbli jew pożittiva bħala indikatur ta' profil ta' riskju aktar baxx.

Fl-evalwazzjoni ta' dawn l-indikaturi, għandha tiġi meqjusa s-sitwazzjoni ta' banek li qed jaffaċċjaw diffikultajiet minħabba ċ-ċirkostanzi eċċezzjonali preżenti, għalkemm dawn kienu se jkunu meqjusin bħala fundamentalment b'saħħithom qabel il-kriżi, kif muri, per eżempju, bl-evoluzzjoni tal-indikaturi tas-suq bħal firxiet CDS u prezzijiet tal-ishma.

Tabella 1

Tipi ta' kapital

(1) Ara per eżempju, id-Deċiżjoni tal-Kummissjoni tat-13 ta' Ottubru 2008 fil-Każ N 507/08 Miżuri ta' Appoġġ Finanzjarju lill-Industrija tal-Bank fir-Renju Unit, punt 11, Deċiżjoni tal-Kummissjoni tas-27 ta' Ottubru 2008 fil-Każ N 512/08 Miżuri ta' Appoġġ għall-istituzzjonijiet finanzjarji fil Ġermanja, punt 12

15.1.2009

Il-Ġurnal Uffiċjali tal-Unjoni Ewropea

C 10/11

Proposti leġiżlattivi adottati mill-Kummissjoni

(2009/C 10/04)

Dokument	Parti	Data	Titolu
COM(2008) 302		13.5.2008	Proposta għal Regolament tal-Kunsill li jirrevoka r-Regolament tal-Kunsill (KE) Nru 752/2007 tat-30 ta' Mejju 2007 dwar l-amministrazzjoni ta' ċerti restrizzjonijiet fuq importazzjonijiet ta' ċerti prodotti ta' l-azzar mill-Ukraina
COM(2008) 305		23.5.2008	Proposta għal Regolament tal-Kunsill li jemenda r-Regolament (Euratom, KEFA, KEE) Nru 549/69 li jistabbilixxi l-kategoriji ta' uffiċjali u impjegati oħra tal-Komunitajiet Ewropej lil liema d-disposizzjonijiet ta' l-Artikolu 12, it-tieni paragrafu ta' l-Artikolu 13 u l-Artikolu 14 tal-Protokoll dwar il-Privileġġi u l-Immunitajiet tal-Komunitajiet japplikaw
COM(2008) 306	1	20.5.2008	Proposta għal Regolament tal-Kunsill li jistabbilixxi regoli komuni għal skemi ta' appoġġ dirett taħt il-politika agrikola komuni għall-bdiewa u li jistabbilixxi ċerti skemi ta' appoġġ għall-bdiewa
COM(2008) 306	2	20.5.2008	Proposta għal Regolament tal-Kunsill dwar modifiki fil-politika agrikoli komuni bl-emenda tar-Regolamenti (KE) Nru 320/2006, (KE) Nru 1234/2007, (KE) Nru 3/2008 u (KE) Nru […]/2008
COM(2008) 306	3	20.5.2008	Proposta għal Regolament tal-Kunsill li jemenda r-Regolament (KE) Nru 1698/2005 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR)
COM(2008) 306	4	20.5.2008	Proposta għal Deċiżjoni tal-Kunsill li temenda d-Deċiżjoni 2006/144/KE dwar il-linji gwida strateġiċi Komunitarji għall-iżvilupp rurali (perjodu ta' programmazzjoni 2007 sa 2013)
COM(2008) 308		21.5.2008	Proposta għal Regolament tal-Parlament Ewropew u tal-Kunsill li jemenda r-Regolament (KE) Nru 1638/2006 li jistabbilixxi dispożizzjonijiet ġenerali għat-twaqqif ta' Strument Ewropew ta' Viċinat u Sħubija
COM(2008) 309		21.5.2008	Proposta għal Deċiżjoni tal-Kunsill dwar il-pożizzjoni li għandha tiġi adottata mill-Komunità fi ħdan il-Kunsill ta' Assoċjazzjoni stabbilit mill-Ftehim Ewro-Mediterranju li jwaqqaf assoċjazzjoni bejn il-Komunitajiet Ewropej u l-Istati Membri tagħhom minn naħa, u r-Renju Ħaxemita tal-Ġordan, min-naħa l-oħra, fir-rigward ta' l-istabbiliment ta'skeda ta' tneħħija ta' tariffi għall-prodotti li jidhru fl-Anness IV tal-Ftehim ta' Assoċjazzjoni
COM(2008) 311		23.5.2008	Proposta għal Regolament tal-Parlament Ewropew u tal-Kunsill li jistabbilixxi kundizzjonijiet armonizzati għall-kummerċjalizzazzjoni tal-prodotti għall-kostruzzjoni
COM(2008) 314		23.5.2008	Proposta għal Regolament tal-Kunsill li jemenda r-Regolament tal-Kunsill (KE) Nru 834/2007 dwar il-produzzjoni organika u l-ittikkettjar ta' prodotti organiċi
COM(2008) 316		23.5.2008	Proposta għal Regolament tal-Parlament Ewropew u tal-Kunsill dwar rekwiżiti għall-approvazzjoni tat-tipi għas-sikurezza ġenerali tal-vetturi bil-mutur
COM(2008) 318		26.5.2008	Proposta għal Direttiva tal-Parlament Ewropew u tal-Kunsill dwar markar statutorju għal vetturi bil-mutur b'żewġ jew tliet roti
COM(2008) 320		27.5.2008	Proposta għal Deċiżjoni tal-Kunsill li tawtorizza lill-Istati Membri biex jirratifikaw, fl-interessi tal-Komunità Ewropea, il-Konvenzjoni dwar ix-Xogħol fis-Sajd, 2007, ta' l-Organizzazzjoni Internazzjonali tax-Xogħol (Konvenzjoni 188)
COM(2008) 324		4.6.2008	Proposta għal Regolament tal-Kunsill dwar il-konservazzjoni tar-riżorsi tas-sajd permezz ta' miżuri tekniċi
COM(2008) 332		27.5.2008	Proposta għal Deċiżjoni tal-Kunsill dwar it-twaqqif ta' Sistema Ewropea ta' Informazzjoni ta' Rekords Kriminali — European Criminal Records Information System (ECRIS) fl-applikazzjoni ta' l-Artikolu 11 tad-Deċiżjoni Qafas 2008/…/JHA
COM(2008) 336		28.5.2008	Proposta għal Regolament tal-Kunsill li jemenda r-Regolament (KE) Nru 1234/2007 li jistabbilixxi organizzazzjoni komuni ta' swieq agrikoli, f'dak li għandu x'jaqsam ma' l-istandards tal-kummerċjalizzazzjoni għal-laħam tat-tjur
COM(2008) 341		6.6.2008	Proposta għal Regolament tal-Kunsill li jimponi dazju kontra l-iddampjar fuq importazzjonijiet ta' trab tal-karbon attivat li joriġinaw mir-Repubblika tal-Poplu taċ-Ċina
COM(2008) 342		4.6.2008	Proposta għal Regolament tal-Kunsill li jħassar ir-Regolament (KE) Nru 243/2008 li jimponi ċerti miżuri restrittivi fir-rigward ta' l-awtoritajiet illegali tal-Gżira t'Anjouan fl-Unjoni tal-Komorri
COM(2008) 343		10.6.2008	Proposta għal Deċiżjoni tal-Kunsill dwar l-ekwivalenza ta' Materjal Riproduttiv għall-Foresti prodott f'pajjiżi terzi
COM(2008) 344		9.6.2008	Proposta għal Direttiva tal-Parlament Ewropew u tal-Kunsill rigward il-liġijiet tal-kumpanniji dwar il-kumpanniji privati ta' membru wieħed b'responsabbilità limitata (Verżjoni kkodifikata)
COM(2008) 345		10.6.2008	Proposta għal Regolament tal-Parlament Ewropew u tal-Kunsill li jistabbilixxi regoli tas-saħħa li jirrigwardaw prodotti sekondarji ta' l-annimali mhux maħsuba għall-konsum mill-bniedem (Regolament dwar prodotti sekondarji ta' l-annimali)
COM(2008) 346		10.6.2008	Proposta ta' Deċiżjoni tal-Kunsill li temenda d-Deċiżjoni 2006/493/KE li tiddeteremina l-ammont ta' l-appoġġ Komunitarju favur l-iżvilupp rurali għall-perjodu mill-1 ta' Jannar 2007 sal-31 ta' Diċembru 2013, it-tqassim annwali tiegħu, kif ukoll l-ammont minimu li għandu jiġi allokat għar-reġjuni eliġibbli skond l-għan ta' “Konverġenza”
COM(2008) 347	1	20.6.2008	Proposta għal Deċiżjoni tal-Kunsill dwar l-iffirmar u l-applikazzjoni provviżorja tal-Ftehim bejn il-Komunità Ewropea u r-Repubblika ta' l-Indja dwar ċerti aspetti tas-servizzi ta' l-ajru
COM(2008) 347	2	20.6.2008	Proposta għal Deċiżjoni tal-Kunsill dwar il-konklużjoni tal-Ftehim bejn il-Komunità Ewropea u r-Repubblika ta' l-Indja dwar ċerti aspetti tas-servizzi ta' l-ajru
COM(2008) 350		11.6.2008	Proposta għal Regolament tal-Kunsill li jemenda r-Regolament (KE) Nru 889/2005 li jimponi ċerti miżuri restrittivi fir-rigward tar-Repubblika Demokratika tal-Kongo
COM(2008) 351		13.6.2008	Proposta għal Direttiva tal-Parlament Ewropew u tal-Kunsill ta' […] dwar is-sedil tas-sewwieq ta' tratturi għall-agrikoltura jew għall-forestrija (Verżjoni kkodifikata)
COM(2008) 352		12.6.2008	Proposta għal Deċiżjoni tal-Kunsill li f'isem il-Komunità tapprova l-Anness 8 għall-Konvenzjoni Internazzjonali dwar l-Armonizzazzjoni tal-Kontrolli tal-Merkanzija fuq il-Fruntieri
COM(2008) 353		11.6.2008	Proposta għal Regolament tal-Kunsill li jimponi dazju definittiv antidumping fuq importazzjonijiet ta' nitrat ta' l-ammonju li joriġinaw mir-Russja wara verifikaà ta' skadenza skond l-Artikolu 11(2) u reviżjoni interim parzjali skond l-Artikolu 11(3) tar-Regolament tal-Kunsill (KE) Nru 384/96
COM(2008) 357		13.6.2008	Proposta għal Direttiva tal-Parlament Ewropew u tal-Kunsill dwar dispożizzjonijiet komuni kemm għall-istrumenti tal-miżurazzjoni kif ukoll għall-metodi ta' kontroll metroloġiku
COM(2008) 358		16.6.2008	Proposta għal Deċiżjoni tal-Kunsill dwar in-nefqa fil-kamp veterinarju (Verżjoni kkodifikata)
COM(2008) 362		17.6.2008	Proposta għal Deċiżjoni tal-Kunsill dwar pożizzjoni Komunitarja fi ħdan il-Kumitat Konġunt imwaqqaf permezz tal-Ftehim tat-22 ta' Lulju 1972 bejn il-Komunità Ekonomika Ewropea u l-Konfederazzjoni Żvizzera dwar l-adattament tal-Protokoll Nru 3, dwar id-definizzjoni tal-kunċett ta' 'prodotti ta' oriġini' u metodi ta' kooperazzjoni amministrattiva, b'segwitu għat-tkabbir ta' l-Unjoni Ewropea ta' l-2007
COM(2008) 363		16.6.2008	Proposta għal Regolament tal-Kunsill li jemenda r-Regolament tal-Kunsill (KE) Nru 442/2007 tad-19 ta' April 2007 li jimponi dazju anti-dumping definittiv fuq l-importazzjonijiet tan-nitrat ta' l-ammonju li joriġina fl-Ukrajna wara reviżjoni ta' skadenza skond l-Artikolu 11(2) tar-Regolament (KE) Nru 384/96
COM(2008) 365		17.6.2008	Proposta għal Regolament tal-Kunsill (KE, Euratom) Nru …/… li jistabbilixxi Fond ta' garanzija għall-azzjonijiet esterni (Verżjoni kkodifikata)
COM(2008) 367		17.6.2008	Proposta għal Regolament tal-Kunsill dwar l-applikazzjoni ta' l-Artikolu 81(3) tat-Trattat għal ċerti kategoriji ta' akkordji u prattiċi miftiehma fis-settur tat-trasport bl-ajru (Verżjoni kkodifikata)
COM(2008) 369		17.6.2008	Proposta għal Regolament tal-Parlament Ewropew u tal-Kunsill dwar iċ- ċertifikat ta' protezzjoni supplementari għal prodotti mediċinali (Verżjoni kkodifikata)
COM(2008) 376		8.7.2008	Proposta għal Direttiva tal-Kunsill dwar eżenzjonijiet mit-taxxa applikabbli għad-dħul permanenti minn xi Stat Membru tal-propjetà personali ta' individwi (Verżjoni kkodifikata)
COM(2008) 377		20.6.2008	Proposta għal Regolament tal-Kunsill li jemenda r-Regolament (KE) Nru 2015/2006 u (KE) Nru 40/2008 fir-rigward ta' l-opportunitajiet u l-kundizzjonijiet assoċjati għal ċerti stokkijiet ta' ħut
COM(2008) 380		23.6.2008	Proposta għal Deċiżjoni tal-Parlament u tal-Kunsill li temenda d-Deċiżjoni 2001/470/KE tal-Kunsill li tistabbilixxi Netwerk Ġudizzjarju Ewropew fil-materji ċivili u kummerċjali
COM(2008) 382		20.6.2008	Proposta għal Regolament tal-Kunsill li jiċċara l-ambitu tal-miżuri antidumping imposti mir-Regolament (KE) Nru 1174/2005 fuq importazzjonijiet ta' pallet trucks ta' l-idejn u l-partijiet essenzjali tagħhom li joriġinaw mir-Repubblika tal-Poplu taċ-Ċina
COM(2008) 385		19.6.2008	Proposta għal Regolament tal-Kunsill li jħassar il-miżuri anti-dumping imposti mir-Regolament (KE) Nru 85/2006 dwar importazzjonijiet ta' salamun ta' trobbija li joriġina fin-Norveġja
COM(2008) 386		24.6.2008	Proposta għal Regolament tal-Kunsill dwar il-protezzjoni kontra importazzjonijiet sussidjati minn pajjiżi li mhumiex membri tal-Komunità Ewropea (Verżjoni kkodifikata)
COM(2008) 390		25.6.2008	Proposta ghal Regolament tal-Parlament Ewropew u tal-Kunsill li jemenda r-Regolament (KE) Nru 216/2008 fil-qasam ta' l-ajrudromi, il-ġestjoni tat-traffiku ta' l-ajru u s-servizzi tan-navigazzjoni ta' l-ajru u li jħassar id-Direttiva 2006/23/KE
COM(2008) 404		30.6.2008	Proposta għal Deċiżjoni tal-Kunsill li tawtorizza lir-Repubblika Taljana biex tapplika miżuri ta' deroga mill-Artikolu 285 tad-Direttiva tal-Kunsill 2006/112/KE dwar is-sistema komuni ta' taxxa fuq il-valur miżjud
COM(2008) 405		27.6.2008	Proposta għal Deċiżjoni tal-Kunsill dwar l-iffirmar u l-konklużjoni ta' Protokoll li jemenda l-Ftehim dwar it-Trasport Marittimu bejn il-Komunità Ewropea u l-Istati Membri tagħha, min-naħa l-waħda, u r-Repubblika tal-Poplu taċ-Ċina, min-naħa l-oħra, sabiex titqies l-adeżjoni tar-Repubblika tal-Bulgarija u tar-Rumanija fl-Unjoni Ewropea
COM(2008) 410		30.6.2008	Proposta għal Regolament tal-Kunsill li jtemm ir-reviżjoni ta' esportatur ġdid tar-Regolament (KE) Nru 130/2006 li jimponi dazju definittiv ta' anti-dumping fuq l-importazzjonijiet ta' l-aċidu tartariku li joriġinaw mir-Repubblika tal-Poplu taċ-Ċina

Dawn it-testi huma disponibbli fuq il-EUR-Lex: http://eur-lex.europa.eu

15.1.2009

Il-Ġurnal Uffiċjali tal-Unjoni Ewropea

C 10/17

Dokumenti COM minbarra l-proposti leġiżlattivi adottati mill-Kummissjoni

(2009/C 10/07)

Dokument	Parti	Data	Titolu
COM(2008) 301		14.5.2008	Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar ir-riżultati tan-negozjati dwar l-istrateġiji u l-programmi tal-politika ta' koeżjoni għall-perjodu ta' programmazzjoni 2007-2013
COM(2008) 307		20.5.2008	Rapport mill-Kummissjoni lill-Parlament Ewropew u lill-Kunsill dwar is-settur tal-kittien u tal-qanneb
COM(2008) 312		22.5.2008	Komunikazzjoni mill-Kummissjoni lill-Kunsill u lill-Parlament Ewropew — Li tindirizza l-isfida internazzjonali tas-sikurezza u s-sigurtà nukleari
COM(2008) 313		27.5.2008	Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — L-iżvilupp ta' l-internet — Pjan ta' Azzjoni għall-użu tas-sitt verżjoni tal-Protokoll ta' l-Internet (IPv6) fl-Ewropa
COM(2008) 317		23.5.2008	Komunikazzjoni mill-Kummissjoni lill-Kunsill u lill-Parlament Ewropew — Karrieri aħjar u aktar mobbiltà: Sħubija Ewropea għal riċerkaturi
COM(2008) 319		20.5.2008	Komunikazzjoni mill-Kummissjoni lill-Parlament Ewropew u lill-Kunsill — Il-Proċess ta' Barċellona: Unjoni għall-Mediterran
COM(2008) 321		20.5.2008	Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Nindirizzaw l-isfidi taż-żieda kontinwa fil-prezzijiet ta' l-ikel — Direzzjonijiet għall-azzjoni ta' l-UE
COM(2008) 322		26.5.2008	Komunikazzjoni mill-Kummissjoni lill-Kunsill dwar l-aġenda annotata għall-Kunsill — Ministerjali tal-Komunità ta' l-Enerġija (Brussell, is-27 ta' Ġunju 2008)
COM(2008) 323		27.5.2008	Komunikazzjoni mill-Kummissjoni — Inizjattiva Ewropea għat- Trasparenza — Qafas għar-relazzjonijiet ma' rappreżentanti ta' interessi (Reġistru u Kodiċi ta' Kondotta)
COM(2008) 327		29.5.2008	Rapport mill-Kummissjoni — Rapport annwali mill-Kummissjoni dwar il-Fond ta' Garanzija u l-ġestjoni tiegħu fl-2007
COM(2008) 328		30.5.2008	Komunikazzjoni mill-Kummissjoni u Soċjali Ewropew u lill-Kumitat, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni dwar ir-Rapport Finali dwar miżuri ta' inċentiva tal-Komunità fil-qasam ta' l-impjieg (Programm EIM 2002-2006)
COM(2008) 329		30.5.2008	Komunikazzjoni mill-Kummissjoni u Soċjali Ewropew u lill-Kumitat, lill-Parlament Ewropew u lill-Kumitat Ekonomiku u Soċjali Ewropew — Lejn Strateġija Ewropea tal-Ġustizzja Elettronika
COM(2008) 330		8.5.2008	Rapport mill-Kummissjoni u Soċjali Ewropew u lill-Kumitat, lill-Parlament Ewropew u lill-Kumitat Ekonomiku u Soċjali Ewropew Rapport dwar l-implimentazzjoni tad-Direttiva dwar ir-Reklamar tat-Tabakk (2003/33/KE)
COM(2008) 331		30.5.2008	Komunikazzjoni mill-Kummissjoni Opportunitajiet tas-Sajd għall-2009 Dikjarazzjoni ta' Politika mill-Kummissjoni Ewropea
COM(2008) 333		28.5.2008	Rakkomandazzjoni mill-Kummissjoni u Soċjali Ewropew u lill- Kumitat biex jawtorizza lill-Kummissjoni tmexxi negozjati għat-tfassil ta' strument internazzjonali legalment vinkolanti għal miżuri ta' prevenzjoni ta' l-Istat tal-Port li jimpedixxu, jiskoraġġixxu u jeliminaw is-sajd illegali, mhux dikjarat u mhux regolat
COM(2008) 334		3.6.2008	Komunikazzjoni mill-Kummissjoni lill-Parlament Ewropew, u Soċjali Ewropew u lill-Kumitat, lill-Kumitat Ekonomiku u Soċjali Ewropew u lill-Kumitat tar-Reġjuni Evalwazzjoni finali tal-Programm eTEN
COM(2008) 337		5.6.2008	Rapport mill-Kummissjoni lill-Parlament Ewropew u u Soċjali Ewropew u lill-Kumitat dwar il-Valutazzjoni Finali tal-programm ta' azzjoni Komunitarju biex jiġu promossi entitajiet attivi fil-livell Ewropew u jiġu sostnuti attivitajiet speċifiċi fil-qasam ta' l-Edukazzjoni u Taħriġ
COM(2008) 338		4.6.2008	Komunikazzjoni mill-Kummissjoni lill-Parlament Ewropew, il-Kunsill u l-Qorti ta' l-Awdituri — Sinteżi tal-kisbiet ta' tmexxija tal-Kummissjoni fl-2007
COM(2008) 340		9.6.2008	Rapport mill-Kummissjoni u Soċjali Ewropew u lill-Kumitat u lill-Parlament Ewropew li jikkonċerna l-Istatistika fit-Terminu l-Qasir kif meħtieġ mir-Regolament (KE) Nru 1165/98 tal-Kunsill tad-19 ta' Mejju 1998
COM(2008) 354		13.6.2008	Komunikazzjoni mill-Kummissjoni u Soċjali Ewropew u lill-Kumitat u lill-Parlament Ewropew Informazzjoni finanzjarja dwar il-Fondi Ewropej għall-Iżvilupp
COM(2008) 355		13.6.2008	Rapport mill-Kummissjoni lill-Parlament Ewropew u u Soċjali Ewropew u lill-Kumitat dwar statistika miġbura skond ir-Regolament (KE) Nru 2150/2002 dwar l-istatistika ta' l-iskart u l-kwalità tagħha
COM(2008) 356		13.6.2008	Rapport mill-Kummissjoni u Soċjali Ewropew u lill-Kumitat, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-evalwazzjoni esterna taċ-Ċentru Ewropew għall-Iżvilupp tat-Taħriġ Vokazzjonali
COM(2008) 359		17.6.2008	Komunikazzjoni mill-Kummissjoni lill-Parlament Ewropew, u Soċjali Ewropew u lill-Kumitat, lill-Kumitat Ekonomiku u Soċjali Ewropew u lill-Kumitat tar-Reġjuni Politika Komuni dwar l-Immigrazzjoni għall-Ewropa: Prinċipji, azzjonijiet u strumenti
COM(2008) 360		17.6.2008	Komunikazzjoni mill-Kummissjoni lill-Parlament Ewropew, liil-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Programm ta' politika dwar l-ażil approċċ integrat għall-protezzjoni fl-UE
COM(2008) 364		17.6.2008	Komunikazzjoni mill-Kummissjoni u Soċjali Ewropew u lill-Kumitat u lill-Parlament Ewropew Analiżi ta' l-operat tal-Kunsilli Konsultattivi Reġjonali
COM(2008) 366		17.6.2008	Komunikazzjoni mill-Kummissjoni lill-Parlament Ewropew, u Soċjali Ewropew u lill-Kumitat u lill-Kumitat Ekonomiku u Soċjali Ewropew — Aspetti regolatorji tan-nanomaterjali
COM(2008) 371		18.6.2008	Komunikazzjoni mill-Kummissjoni lill-Parlament Ewropew u u Soċjali Ewropew u lill-Kumitat Il-ħames rapport ta' progress dwar il-koeżjoni ekonomika u soċjali Reġjuni li jikbru, Ewropa li tikber
COM(2008) 378		24.6.2008	Komunikazzjoni tal-Kummissjoni — Rapport Annwali mill-Kummissjoni Ewropea lill-Parlament Ewropew dwar il-ħidma tas-Sistema ta' l-Iskejjel Ewropej fl-2007
COM(2008) 379		23.6.2008	Rapport mill-Kummissjoni u Soċjali Ewropew u lill-Kumitat u lill-Parlament Ewropew Rapport Annwali 2008 dwar il-Politiki tal-Komunità Ewropea dwar l-Assistenza għall-Iżvilupp u l-Affarijiet Esterni u l-Implimentazzjoni tagħhom fl-2007
COM(2008) 381		18.6.2008	Abbozz preliminari tal-baġit ta' emenda Nru 5 tal-baġit ġenerali ta' l-2008 — Dikjarazzjoni ġenerali tad-dħul
COM(2008) 383		25.6.2008	Green paper — Ir-relazzjonijiet futuri bejn l-UE u l-Pajjiżi u Territorji Ekstra-Ewropej
COM(2008) 384		13.6.2008	Komunikazzjoni mill-Kummissjoni lill-Parlament Ewropew u Soċjali Ewropew u lill-Kumitat, lill-Kumitat Ekonomiku u Soċjali Ewropew u lill-Kumitat tar-Reġjuni Niffaċċjaw l-isfida ta' prezzijiet taż-żejt aktar għoljin
COM(2008) 387		24.6.2008	Komunikazzjoni tal-Kummissjoni u Soċjali Ewropew u lill-Kumitat u l-Parlament Ewropew — Public Finances in EMU — 2008 — Ir-rwol tal-kwalità tal-finanzi pubbliċi fil-qafas ta' governanza ta' l-UE
COM(2008) 389		25.6.2008	Komunikazzjoni mill-Kummissjoni u Soċjali Ewropew u lill-Kumitat, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni — L-Ajru Uniku Ewropew II: lejn avjazzjoni aktar sostenibbli u prestazzjoni aħjar
COM(2008) 392		26.6.2008	Rapport tal-Kummissjoni lill-Parlament Ewropew u u Soċjali Ewropew u lill-Kumitat dwar ikel għal persuni li jbatu minn taqlib fil-metaboliżmu tal-karboidrati (dijabete)
COM(2008) 393		27.6.2008	Rapport mill-Kummissjoni lill-Parlament Ewropew u u Soċjali Ewropew u lill-Kumitat dwar l-implimentazzjoni ta' l-Artikolu 9 tad-Direttiva tal-Kunsill 89/398/KEE dwar l-approssimazzjoni tal-liġijiet ta' l-istati membri dwar oġġetti ta' l-ikel maħsuba għal użu ta' nutriment partikolari
COM(2008) 395		26.6.2008	Komunikazzjoni mill-Kummissjoni u Soċjali Ewropew u lill-Kumitat, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni Linjigwida għal Strateġija Integrata għall-Politika Marittima: Lejn l-aqwa prassi fil-governanza marittima integrata u l-konsultazzjoni mal-partijiet interessati
COM(2008) 398		26.6.2008	Rapport mill-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni — Valutazzjoni finali tal-programm ta' azzjoni Komunitarju “Youth” (2000-2006) u tal-programm ta' azzjoni Komunitarju għall-promozzjoni ta' entitajiet attivi fuq livell Ewropew fil-qasam taż-żgħażagħ (2004-2006)
COM(2008) 403		24.6.2008	Komunikazzjoni tal-Kummissjoni dwar notifiki ta' posponimenti ta' skadenzi ta' kisba u eżenzjonijiet mill-obbligu li jiġu applikati ċerti valuri ta' limitu skond l-Artikolu 22 tad-Direttiva 2008/50/KE dwar il-kwalità ta' l-arja ta' l-ambjent u arja aktar nadifa għall-Ewropa

Dawn it-testi huma disponibbli fuq il-EUR-Lex: http://eur-lex.europa.eu

		ISSN 1725-5198
Il-Ġurnal Uffiċjali tal-Unjoni Ewropea		C 10

Edizzjoni bil-Malti	Informazzjoni u Avviżi	Volum 52 15ta' Jannar 2009

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET U KORPI TAL-UNJONI EWROPEA
	Kummissjoni
2009/C 010/01	Ebda oppożizzjoni għal konċentrazzjoni notifikata (Każ COMP/M.4920 — Haniel/Schmidt-Ruthenbeck/Metro) ( 1 )	1

2009/C 010/02	Ebda oppożizzjoni għal konċentrazzjoni notifikata (Każ COMP/M.5295 — Teva/Barr) ( 1 )	1

2009/C 010/03	Komunikazzjoni mill-Kummissjoni — Ir-rikapitalizzazzjoni tal-istituzzjonijiet finanzjarji fil-kriżi finanzjarja preżenti: limitazzjoni tal-għajnuna għall-minimu meħtieġ u protezzjoni kontra distorsjonijiet ta' kompetizzjoni mhux mistħoqqa ( 1 )	2

	III Atti preparatorji
	KUMMISSJONI
2009/C 010/04	Proposti leġiżlattivi adottati mill-Kummissjoni	11

	IV Informazzjoni
	INFORMAZZJONI MINN ISTITUZZJONIJIET U KORPI TAL-UNJONI EWROPEA
	Kummissjoni
2009/C 010/05	Rata tal-kambju ta' l-euro	15

2009/C 010/06	L-aħħar pubblikazzjoni ta' dokumenti COM minbarra l-proposti leġiżlattivi u proposti leġiżlattivi adottati mill-Kummissjoni ĠU C 208, 15.8.2008	16

2009/C 010/07	Dokumenti COM minbarra l-proposti leġiżlattivi adottati mill-Kummissjoni	17

	INFORMAZZJONI MILL-ISTATI MEMBRI
2009/C 010/08	Informazzjoni fil-qosor ikkomunikata mill-Istati Membri dwar għajnuniet mill-Istat mogħtija skond ir-Regolament tal-Kummissjoni (KE) Nru 1857/2006 dwar l-applikazzjoni tal-Artikoli 87 u 88 tat-Trattat tal-KE għall-għajnuniet mill-Istat lill-impriżi żgħar u ta' daqs medju attivi fil-produzzjoni ta' prodotti agrikoli u li jemenda r-Regolament (KE) Nru 70/2001	20

	V Avviżi
	PROĊEDURI GĦALL-IMPLIMENTAZZJONI TAL-POLITIKA TAL-KOMPETIZZJONI
	Kummissjoni
2009/C 010/09	Notifika minn qabel ta' konċentrazzjoni (Każ COMP/M.5418 — Blackfriars/Vink Holding) — Każ li jista' jiġi kkunsidrat għal proċedura ssimplifikata ( 1 )	21

2009/C 010/10	Notifika minn qabel ta' konċentrazzjoni (Każ COMP/M.5423 — Costa/MSC/MPCT) — Każ li jista' jiġi kkunsidrat għal proċedura ssimplifikata ( 1 )	22

	Munita	Rata tal-kambju
USD	Dollaru Amerikan	1,3173
JPY	Yen Ġappuniż	117,66
DKK	Krona Daniża	7,4508
GBP	Lira Sterlina	0,90830
SEK	Krona Żvediża	10,9475
CHF	Frank Żvizzeru	1,4761
ISK	Krona Iżlandiża
NOK	Krona Norveġiża	9,4310
BGN	Lev Bulgaru	1,9558
CZK	Krona Ċeka	26,917
EEK	Krona Estona	15,6466
HUF	Forint Ungeriż	277,45
LTL	Litas Litwan	3,4528
LVL	Lats Latvjan	0,7050
PLN	Zloty Pollakk	4,1440
RON	Leu Rumen	4,2880
TRY	Lira Turka	2,1085
AUD	Dollaru Awstraljan	1,9769
CAD	Dollaru Kanadiż	1,6144
HKD	Dollaru ta' Hong Kong	10,2177
NZD	Dollaru tan-New Zealand	2,4262
SGD	Dollaru tas-Singapor	1,9664
KRW	Won tal-Korea t'Isfel	1 777,43
ZAR	Rand ta' l-Afrika t'Isfel	13,2389
CNY	Yuan ren-min-bi Ċiniż	9,0040
HRK	Kuna Kroata	7,3347
IDR	Rupiah Indoneżjan	14 657,60
MYR	Ringgit Malażjan	4,7061
PHP	Peso Filippin	62,080
RUB	Rouble Russu	41,8400
THB	Baht Tajlandiż	45,987
BRL	Real Brażiljan	3,0598
MXN	Peso Messikan	18,2710
INR	Rupi Indjan	64,0270


	(1) Test b'rilevanza għaż-ŻEE