1.8.2008   

MT

Il-Ġurnal Uffiċjali ta’ l-Unjoni Ewropea

C 195/1

1.8.2008   

MT

Il-Ġurnal Uffiċjali ta’ l-Unjoni Ewropea

C 195/3

1.8.2008   

MT

Il-Ġurnal Uffiċjali ta’ l-Unjoni Ewropea

C 195/4

1.

Il-Kumitat Konsultattiv jaqbel mal-Kummissjoni li l-operazzjoni notifikata tikkostitwixxi konċentrazzjoni fl-ambitu tat-tifsira ta' l-Artikolu 3(1)(b) tar-Regolament dwar l-Għaqdiet tal-KE.

2.

Il-Kumitat Konsultattiv jaqbel mal-Kummissjoni li l-operazzjoni notifikata għandha dimesjoni Komunitarja fl-ambitu tat-tifsira ta' l-Artikolu 1 u 4(5) tar-Regolament dwar l-Għaqdiet tal-KE.

3.

Il-Kumitat Konsultattiv jaqbel mad-definizzjonijiet tal-Kummissjoni dwar is-swieq ta' prodotti rilevanti.

4.

Il-Kumitat Konsultattiv jaqbel mad-definizzjonijiet tal-Kummissjoni dwar is-suq ġeografiku rilevanti.

5.

Il-Kumitat Konsultattiv jaqbel ma l-istima tal-Kummissjoni li l-operazzjoni notifikata ma tfixkilx il-kompetizzjoni effettiva sinifikattiva fis-suq tal-għodda tal-Immudellar tas-software.

6.

Il-Kumitat Konsultattiv jaqbel ma l-istima tal-Kummissjoni li l-operazzjoni notifikata ma tfixkilx b'mod sinjifikanti l-kompetizzjoni effettiva fis-suq tal-għodda tal-Ġestjoni tal-Ħtiġijiet tas-software.

7.

Il-Kumitat Konsultattiv jaqbel mal-Kummissjoni li l-konċentrazzjoni notifikata għandha tiġi ddikjarata kompatibbli mas-Suq Komuni u mal-ħidma tal-Ftehim taż-ŻEE skond l-Artikoli 2(2), 8(1) u 10(2) tar-Regolament dwar il-Konċentrazzjonijiet u l-Artikolu 57 tal-Ftehim taż-ŻEE.

1.8.2008   

MT

Il-Ġurnal Uffiċjali ta’ l-Unjoni Ewropea

C 195/5

1.8.2008   

MT

Il-Ġurnal Uffiċjali ta’ l-Unjoni Ewropea

C 195/6

1.

Fid-29 ta' Awwissu 2007, il-Kummissjoni rċeviet notifika ta' konċentrazzjoni proposta skond l-Artikolu 4 u wara referenza skond l-Artikolu 4(5) tar-Regolament (KE) Nru 139/2004 (“ir-Regolament dwar l-Amalgamazzjonijiet”) li permezz tagħha l-impriża International Business Machines Corporation (“IBM”) takkwista fit-tifsira ta' l-Artikolu 3(1)(b) tar-Regolament dwar l-Amalgamazzjonijiet, il-kontroll sħiħ ta' Telelogic AB (“Telelogic”) permezz ta' xiri ta' ishma.

2.

Wara eżami preliminari tan-notifika, fit-3 ta' Ottubru 2007 l-Kummissjoni kkonkludiet li l-operazzjoni tqajjem dubji serji rigward il-kompatibbiltà mas-suq komuni u l-funzjonament tal-Ftehim taż-ŻEE. Għaldqstant, il-Kummissjoni tat bidu għal proċedimenti skond l-Artikolu 6(1)(c) tar-Regolament dwar l-Amalgamazzjonijiet.

3.

IBM (“il-parti li tinnotifika”), kumpanija Amerikana, hija attiva fid-dinja kollha fl-iżvilupp, il-produzzjoni u l-kummerċjalizzazzjoni ta' diversi prodotti, softwer u servizzi tat-teknoloġija ta' l-informatika (“IT”).

4.

Telelogic hija kumpanija Svediża attiva fl-iżvilupp u l-bejgħ ta' għodod ta' żvilupp ta' softwer (1).

5.

Fit-28 ta' Ġunju 2007, il-Kummissjoni rċeviet talba ta' referenza mill-parti li nnotifikat skond l-Artikolu 4(5) tar-Regolament dwar l-Amalgamazzjonijiet. Minħabba li l-konċentrazzjoni nnotifikata qed tiġi riveduta skond il-liġijiet nazzjonali tal-kompetizzjoni ta' 10 Stati Membri differenti u li l-ebda Stat Membru ma esprima nuqqas ta' qbil fir-rigward tat-talba għar-riferiment tal-każ lill-Kummissjoni, id-deċiżjoni tikkonkludi li hija meqjusa li għandha dimensjoni Komunitarja.

6.

It-tranżazzjoni proposta għandha impatt fuq l-industrija ta' l-għodda għall-iżvilupp tas-softwer. L-għodod għall-iżvilupp tas-softwer jintużaw biex jinħolqu applikazzjonijiet ġodda u jiġu żviluppati applikazzjonijiet ta' softwer eżistenti. Kemm IBM kif ukoll Telelogic huma fornituri ta' għodod ta' żvilupp ta' softwer.

7.

F'deċiżjoni ta' qabel, il-Kummissjoni ħalliet miftuħa d-domanda jekk jeżistix suq ġenerali għall-għodod ta' żvilupp ta' softwer, jew jekk swieq ta' prodotti distinti fil-qasam ta' l-għodod ta' żvilupp tas-softwer iridx jiġi definit.

8.

Id-deċiżjoni tikkonkludi li s-swieq relevanti ta' prodotti li fihom il-konċentrazzjoni proposta jista' jkollha impatt konsiderevoli fuq il-kompetizzjoni huma dawn:

9.

Madankollu, minħabba n-natura eteroġenja ta' għodod ta' Mudellar u ta' Ġestjoni ta' Ħtiġijiet iż-żewġ definizzjonijiet ta' suq tal-prodott jistgħu jipprovdu biss qafas wiesa' għall-analiżi kompetittiva tat-tranżazzjoni proposta.

10.

L-investigazzjoni dettaljata wriet li, apparti mill-adattament tal-lingwa, il-fornituri joffru l-istess għodod ta' Mudellar u ta' Ġestjoni ta' Ħtiġijiet fid-dinja kollha, u l-klijenti għandhom it-tendenza li jixtru l-istess prodotti għad-dipartimenti differenti u unitajiet ta' impriżi independentement fejn jinsabu ġeografikament.

11.

Id-deċiżjoni tħalli miftuħa d-definizzjoni eżatta tas-swieq ġeografiċi relevanti f'dan il-każ, minħabba li l-konklużjoni ta' l-evalwazzjoni kompetittiva tibqa' ma tinbidilx taħt definizzjoni dinjija jew ta' l-UE.

12.

Id-deċiżjoni li tibda l-proċeduri identifikat tliet teoriji ta' danni:(i) żidiet unilaterali fil-prezzijiet, (ii) inċentivi mnaqqsa għall-innovazzjoni u (iii) tnaqqis fl-interoperabbiltà ta' l-għodod ta' softwer.

13.

Għal għodod ta' Mudellar, l-analist ta' l-industrija Gartner iqis li “s-sehem tas-suq” kombinat tal-partijiet huwa 68 % fid-dinja kollha (IBM: 48 % u Telelogic: 20 %), u 69 % fl-Ewropa (IBM: 45 % u Telelogic: 25 %). Skond dejta riveduta tas-sehem fis-suq ippreżentat minn IBM l-entità amalgamata tasal għal sehem konġunt fis-suq dinji għall-għodod ta' Mudellar ta' (30-40) %.

14.

Għall-għodod ta' Ġestjoni tal-Ħtiġijiet, Gartner iqis li “s-sehem kombinat tas-suq” tal-partijiet ikun 62 % fid-dinja kollha (IBM: 25 % u Telelogic: 37 %), u 65 % fl-Ewropa (IBM: 22 % u Telelogic: 43 %). Skond dejta riveduta tas-sehem fis-suq ippreżentat minn IBM l-entità amalgamata tasal għal sehem konġunt fis-suq dinji għall-għodod ta' Ġestjoni ta' Ħtiġijiet ta' (20-30) %.

15.

Filwaqt li l-istimi ta' Gartner jidhru kbar wisq, l-istimi ta' IBM ma jidhrux korretti għal kollox, minħabba li jissottovalutaw id-dħul tal-parijiet stess minn liċenzji u jivvalutaw iżżejjed l-importanza ta' bejjiegħa żgħar. Fid-deċiżjoni, il-Kummissjoni tqis li s-seħem kombinat tas-suq dinji tal-partijiet huwa (30-40) % għall-għodod ta' Mudellar (jew (50-60) %, jekk wieħed iqis biss l-għodod UML), u (20-30) % għall-għodod ta' Ġestjoni tal-Ħtiġijiet.

16.

Madankollu, minħabba n-natura eteroġenja ta' l-għodod ta' Mudellar u ta' Ġestjoni tal-Ħtiġijiet hija meħtieġa kawtela meta jintużaw l-ishma fis-suq bħala prokura diretta għas-saħħa fis-suq għal dan il-każ. Fid-dawl ta' dan, l-effetti anti-kompetittivi potenzjali ta' l-amalgamazzjoni ġew l-aktar evalwati fuq il-bażi ta' analiżi tal-grad ta' sostituzzjoni.

17.

Analiżi tal-funzjonalitajiet ta' l-għodod rispettivi ta' Mudellar u ta' Ġestjoni ta' Ħtiġijiet ta' Telelogic u IBM tikkonferma li jeżistu differenzi sinifikanti bejn l-għodod taż-żewġ kumpaniji. Il-kwalitajiet u l-funzjonalitajiet speċifiċi ta' l-għodod ta' Mudellar u ta' Ġestjoni ta' Ħtiġijiet ta' Telelogic irenduhom iktar adatti għall-użu minn klijenti ta' sistemi milli minn klijenti ta' l-IT. Min-naħa l-oħra, paragun tal-kwalitajiet u l-funzjonalitajiet li huma ta' interess partikolari għal dawk li jiżviluppaw l-IT jindikaw il-kuntrarju. L-għodod ta' Mudellar u ta' Ġestjoni ta' Ħtiġijiet ta' IBM huma iktar adatti mill-għodod ta' Telelogic għall-użu mill-klijenti ta' l-IT.

18.

Id-differenzi fil-funzjonalitajiet u l-attenzjoni kummerċjali bejn l-għodod ta' Mudellar u ta' Ġestjoni ta' Ħtiġijiet ta' Telelogic u IBM huma wkoll riflessi fit-tip ta' klijenti ta' dawn iż-żewġ kumpaniji. Il-klijenti ta' Telelogic huma l-aktar attivi f'setturi tipiċi ta' sistemi, bħas-setturi ta' l-aerospazjali u d-difiża, il-komunikazzjoni u l-awtomottiv. Il-klijenti ta' l-IBM huma iktar iffukati fuq is-setturi ta' l-IT, u setturi finanzjarji u ta' amministrazzjoni.

19.

L-investigazzjoni dettaljata, li inkludiet tliet sensiliet ta' talbiet dettaljati għall-informazzjoni, intervisti mal-klijenti u l-kompetituri u analiżi ta' dejta dwar ir-rebħ/telf, ikkonfermat li l-għodod ta' Mudellar u ta' Ġestjoni ta' Ħtiġijiet ta' Telelogic ma jistgħux jiġu kkunsidrati bħala sostituti simili għall-għodod ta' Mudellar ta' IBM.

20.

Anke li kieku wħud mill-klijenti jikkunsidraw l-offerti ta' Telelogic u IBM bħala (relattivament) sostituti ta' grad għal ċerti użi, in-numru limitat ta' okkażjonijiet li fihom jingħata l-każ, ma jippermettux l-entità amalgamata li żżid il-prezzijiet wara li ssir l-amalgamazzjoni. Hemm grupp ta' fornituri kbir biżżejjed ta' għodod ta' Mudellar u ta' Ġestjoni ta' Ħtiġijiet b'funzjonalitajiet simili għal dawk ipprovduti mill-għodod ta' IBM u Telelogic, li jfisser li żieda fil-prezz ma tkunx profitabbli. Iċ-ċirkostanzi li deċiżjoni ta' appalt (speċjalment għal ordnijiet kbar) tittieħed spiss fuq bażi ta' proċess ta' appalt simili għal offerti tfisser li f'każijiet bħal dawn l-ishma fis-suq ta' IBM u Telelogic għandhom rwol inqas importanti.

21.

Fid-deċiżjoni li tibda l-proċeduri, ġie nnutat li xi klijenti esprimew tħassib li jista' jkun hemm inqas innovazzjoni bħala konsegwenza diretta tan-nuqqas ta' kompetizzjoni effettiva fl-għodod ta' Ġestjoni ta' Ħtiġijiet u Mudellar wara l-konċentrazzjoni proposta. Għalhekk matul l-investigazzjoni dettaljata, il-Kummissjoni eżaminat jekk l-amalgamazzjoni IBM/Telelogic setgħetx tnaqqas l-inċentivi għall-innovazzjoni meta mqabbla ma' l-inċentivi IBM u Telelogic separatament (jiġifieri fin-nuqqas tat-tranżazzjoni nnotifikata).

22.

Madankollu l-investigazzjoni dettaljata wriet li kompetizzjoni bejn IBM u Telelogic ma kinetx fattur ewlieni għall-innovazzjoni fil-passat reċenti. L-innovazzjoni fl-industrija ta' l-iżvilupp tas-softwer kienet l-aktar immexxijja mill-ħtiġijiet tal-konsumatur kif ukoll minn standards imtejba għall-UML.

23.

Barra minn hekk, kif spjegat qabel fir-rigward ta' kemm għodod ta' Mudellar kif ukoll ta' Ġestjoni tal-Ħtiġijiet, il-prodotti ta' IBM u Telelogic m'humiex sostituti simili, minħabba li jindirizzaw tipi differenti ta' klijenti u tipi ta' ħtiġijiet differenti. Għalhekk, it-tneħħija tal-kompetizzjoni bejn IBM u Telelogic bħala riżultat tat-tranżazzjoni proposta m'għandiex tirriżulta fl-eliminazzjoni ta' fattur ewlieni ta' innovazzjoni fis-swieq għall-għodod ta' Mudellar u ta' Ġestjoni tal-Ħtiġijiet.

24.

Għalhekk, id-deċiżjoni tikkonkludi li t-tranżazzjoni proposta m'għandiex tnaqqas il-pass ta' l-innovazzjoni fis-swieq għall-għodod ta' Ġestjoni tal-Ħtiġijiet u Mudellar fil-futur qrib.

25.

Id-deċiżjoni li tibda l-proċeduri qajmet tħassib li l-entità amalgamata jkollha inqas inċentiv li tipprovdi punti ta' interazzjoni miftuħa li jippermettu l-integrazzjoni ma' għdod ta' żvilupp ta' softwer ta' partijiet terzi. B'mod partikolari, kompetitur wieħed tal-partijiet (Microsoft) ressaq l-argument li l-entità amalgamata jkollha l-ħila u l-inċentiv li tipprekludi l-kompetituri tagħha fis-suq (jew taqsima tas-suq) għas-softwer ta' Ambjenti ta' Żvilupp Integrati (IDE), għodod ta' Kambju ta' Softwer u Ġestjoni ta' Konfigurazzjoni (SCCM), u pjattaformi ta' softwer għall-applikazzjonijiet ta' servers (ASSP).

26.

Madankollu d-deċiżjoni tikkonkludi li l-karatteristiċi tas-swieq għall-għodod ta' Mudellar u ta' Ġestjoni ta' Ħtiġijiet, speċjalment għall-għodod sofistikati f'dawn iż-żewġ swieq, jeskludu strateġija ta' preklużjoni b'suċċess. Għalkemm ikun teknikament possibbli għal IBM li tgħatti l-protokolli ta' komunikazzjoni u formati tal-fajls biex tfixkel l-interoperabbiltà ma' l-għodod ta' partijiet terzi, l-entità amalgamata ma jkollha l-ebda inċentiv li tuża strateġija bħal din, minħabba li l-ispejjeż potenzjali jkunu ħafna iktar mill-benefiċċji potenzjali.

27.

Il-Kummissjoni tikkonkludi fid-deċiżjoni li l-konċentrazzjoni proposta mhux se tagħti lok għall-ebda tħassib dwar il-kompetizzjoni li minħabba fih il-kompetizzjoni effettiva fis-Suq Komuni jew f'parti sostanzjali minnu tkun imfixkla b'mod sinfikanti. Konsegwentement, il-Kummissjoni bi ħsiebha tiddikjara li l-konċentrazzjoni hija kompatibbli mal-Ftehim tas-Suq Komuni u taż-ŻEE, skond l-Artikolu 8(1) tar-Regolament dwar l-Għaqdiet (amalgamazzjonijiet) u l-Artikolu 57 tal-Ftehim taż-ŻEE.

1.8.2008   

MT

Il-Ġurnal Uffiċjali ta’ l-Unjoni Ewropea

C 195/9

—

tippromwovi l-karattru transnazzjonali tal-allokazzjoni taż-żgħażagħ f'attivitajiet ta' servizz ċiviku u ta' volontarjat,

—

tiffavorixxi l-ħolqien ta' qafas Ewropew li jiffaċilita l-interoperabilità tal-offerti tas-servizz ċiviku u ta' volontarjat għaż-żgħażagħ, li jeżistu fl-Istati Membri (kemm jekk joriġinaw minn strutturi ta' servizz ċiviku kif ukoll minn organizzazzjonijiet tas-soċjetà ċivili),

—

tippermetti fażi ta' ttestjar u ta' valutazzjoni permezz ta' proġetti konkreti ta' kooperazzjoni Ewropea (id-dimensjoni transnazzjonali) fl-ambitu tas-servizz ċiviku u tal-volontarjat taż-żgħażagħ.

(1)

minn naħa, u bi prijorità, il-korpi pubbliċi li l-attività ewlenija tagħhom tinsab fil-qasam ċiviku;

(2)

min-naħa l-oħra, l-organizzazzjonijiet mhux governattivi jew assoċjazzjonijiet bla skop ta' qligħ li l-attività ewlenija tagħhom tinsab fil-qasam tal-volontarjat taż-żgħażagħ.

—

ikollhom il-kwartieri ġenerali f'wieħed mill-pajjiżi tal-Unjoni Ewropea: l-Awstrija, il-Belġju, il-Bulgarija, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, l-Iżvezja, il-Latvja, il-Litwanja, il-Lussemburgu, Malta, l-Olanda, il-Polonja, il-Portugall, ir-Renju Unit, ir-Rumanija, is-Slovakkja, is-Slovenja, Spanja,

—

ikollhom status legali,

—

ikunu kapaċi juru mill-inqas sentejn esperjenza fil-qasam tal-allokazzjoni taż-żgħażagħ fis-servizz ċiviku jew volontarju fil-livell nazzjonali (jekk kien hemm żgħażagħ li ntbagħtu wkoll barra pajjiżhom, in-numru massimu ta' żgħażagħ mibgħuta barra pajjiżhom ma jistax jiskorri l-5 % taż-żgħażagħ kollha allokati f'dawn l-aħħar sentejn).

—

li ma tagħtix garanzija ta' kopertura sħiħa tal-Unjoni Ewropea,

—

li ma tallokax il-fondi disponibbli kollha,

—

li tiffinanzja aktar minn proġett wieħed (massimu ta' tlieta) għall-istess pajjiż, jekk, il-fondi disponibbli kollha ma setgħux jiġu allokati skond ir-regoli ddikjarati fis-sejħa għall-proposti.

—

għal proġetti proposti minn korpi applikanti li għandhom il-kwartieri ġenerali fi Franza, fil-Ġermanja, fl-Italja, fil-Polonja, fir-Renju Unit, fir-Rumanija u fi Spanja, it-total tal-kontribuzzjoni allokata ma għandux jaqbeż: EUR 181 000,

—

għal proġetti proposti minn korpi applikanti li għandhom il-kwartieri ġenerali fl-Awstrija, fil-Belġju, fil-Bulgarija, f'Ċipru, fid-Danimarka, fl-Estonja, fil-Finlandja, fil-Greċja fl-Irlanda, fl-Iżvezja, fil-Latvja, fil-Litwanja, fl-Olanda, fil-Portugall, fir-Repubblika Ċeka, fis-Slovakkja, fis-Slovenja u fl-Ungerija, it-total tal-kontribuzzjoni allokata ma għandux jaqbeż: EUR 91 150,

—

għal proġetti proposti minn korpi applikanti li għandhom il-kwartieri ġenerali fil-Lussemburgu u f'Malta,, it-total tal-kontribuzzjoni allokata ma għandux jaqbeż: EUR 46 150.

1.8.2008   

MT

Il-Ġurnal Uffiċjali ta’ l-Unjoni Ewropea

C 195/12

1.

Fl-24 ta' Lulju 2008, il-Kummissjoni rċeviet notifika ta' proposta għal konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Flowserve Corporation (“Flowserve”, l-Istati Unit) u Linde AG (“Linde”, il-Ġermanja) jakkwistaw, skond it-tifsira ta' l-Artikolu 3(1)(b) tar-Regolament tal-Kunsill, il-kontroll konġunt ta' l-impriża Flowserve Compression Systems GmbH (“Flowserve Compression”, l-Awstrija) permezz tax-xiri ta' ishma, f'kumpanija ġdida li tikkostitwixxi impriża konġunta.

2.

L-attivitajiet ta' negozju ta' l-impriżi kkonċernati huma:

3.

Wara eżami preliminari, il-Kummissjoni ssib li t-tranżazzjoni notifikata tista' taqa' taħt ir-Regolament (KE) Nru 139/2004. Madankollu, id-deċiżjoni aħħarija dwar dan il-punt hija riżervata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviz.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar din l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (nru tal-faks (32-2) 296 43 01 jew 296 72 44) jew bil-posta, bin-numru ta' referenza COMP/M.5279 — Linde/Flowserve/JV, fl-indirizz li ġej: