19.7.2008   

MT

Il-Ġurnal Uffiċjali ta’ l-Unjoni Ewropea

C 182/1

(1)

Fit-8 ta' Lulju 2008 il-Kunsill eżamina l-programm ta' stabbiltà aġġornat tal-Belġju, li jkopri l-perijodu mill-2007 sa l-2011 (2).

(2)

Tul l-aħħar għaxar snin, il-PGD reali kiber b'medja ta' madwar 2,25 %, kemmxejn ogħla mir-rata medja tat-tkabbir fiż-żona ta' l-euro. Dan it-tkabbir tal-PGD relattivament għoli wassal għal tnaqqis fir-rata tal-qagħad, filwaqt li r-rata ta' l-impjieg (b'mod speċjali għall-ħaddiema iżgħar u akbar) u l-għadd ta' siegħat maħduma baqa' baxx, li jirrifletti tassazzjoni tax-xogħol għolja u riġiditajiet fis-suq tax-xogħol, rekwiżiti baxxi għat-tiftix tax-xogħol u età għall-irtirar effettiv baxxa.

Il-baġit ilu jvarja madwar pożizzjoni bilanċjata sa mill-2000 (għajr fl-2005), u l-proporzjon tad-dejn, li kien waqa' minn 134 % tal-PGD fl-1993 għal 108 % tal-PGD fl-2000, kompla bit-tnaqqis impressjonanti tiegħu u issa jinsab taħt il-85 % tal-PGD. Rata ta' l-impjieg akbar, flimkien ma' pożizzjonijiet baġitarji ambizzjużi, jikkontribwixxu għas-sostenibbiltà tal-finanzi pubbliċi għall-perijodu fit-tul.

(3)

Ix-xenarju makroekonomiku sottostanti għall-programm jbassar li t-tkabbir tal-PGD reali ser jaqa' minn 2,8 % fl-2007 għal 1,9 % fl-2008 u jsir stabbli għal madwar 2 % fis-snin suċċessivi. Meta evalwat bi tqabbil ma' l-informazzjoni disponibbli attwalment (3), ix-xenarju għall-2008 u l-2009 jidher li huwa bbażat fuq suppożizzjonijiet ta' tkabbir favorevoli meta wieħed iqis l-ambjent estern deterjorat u l-inflazzjoni ogħla minħabba li l-projezzjonijiet inklużi fil-programm ġew finalizzati. Is-suppożizzjonijiet ta' tkabbir għall-2010-2011 huwa ġeneralment plawżibbli. L-aġġornament tal-programm qed jistenna li l-inflazzjoni togħla għal 3,0 % fl-2008 u tinżel għal 1,75 % matul il-perijodu 2009-2011. Il-projezzjonijiet dwar l-inflazzjoni tal-programm għall-2008-2009 jidher li huma pjuttost baxxi meta titqies iż-żieda sostanzjali fil-prezzijiet tal-prodotti bażiċi u ta' ikel ipproċessat f' dawn l-aħħar xhur. Barra minn hekk, il-projezzjonijiet għat-tkabbir fl-impjiegi ta' madwar 1 % fis-sena fl-aġġornament tal-programm jidhru li huma relattivament għolja meta jitqies it-tkabbir taħt il-potenzjal tal-PGD matul il-perijodu tal-programm. Filwaqt li l-projezzjonijiet għat-tkabbir fil-pagi tal-programm huma pjuttost baxxi għall-2008, dawn jidhru li huma għoljin għas-snin suċċessivi (3,25 — 3,5 %), b'mod speċjali meta jitqabblu mar-rata ta' inflazzjoni baxxa mbassra.

(4)

Għall-2007, id-defiċit ġenerali tal-gvern kien ta' 0,2 % tal-PGD, imqabbel ma' mira ta' bilanċ favorevoli ta' 0,3 % tal-PGD stipulata fl-aġġornament preċedenti tal-programm ta' stabbiltà. L-agħar eżitu fl-2007 kien prinċipalment minħabba tkabbir fin-nefqa ogħla milli ppjanat u dan seħħ minkejja t-tkabbir pożittiv mhux previst. Nefqa ogħla milli ppjanata rriflettiet, b'mod partikolari, żieda kbira fis-sussidji mogħtija lil kumpanniji taħt l-iskema ta' kupuni għal servizzi u impatt iżgħar minn dak mistenni tal-miżuri ta' darba prinċipalment minħabba li ma ġewx implimentati miżuri ta' darba maħsuba biex titnaqqas in-nefqa. Il-kontributi soċjali kienu ogħla milli ppjanat iżda dan kien fil-parti l-kbira tiegħu kkumpensat bin-nuqqas ta' implimentazzjoni ta' għadd ta' miżuri ta' darba li kienu ppjanati biex jiżdied id-dħul.

L-implimentazzjoni baġitarja fl-2007 għalhekk ma kinitx kompletament konformi ma' l-istedina fl-opinjoni tal-Kunsill tas-27 ta' Marzu 2007 dwar l-aġġornament preċedenti tal-programm (4) ta' stabbiltà u ma' l-orjentazzjonijiet għal linji ta' politika baġitarji ta' l-Eurogrupp ta' April 2007, minħabba li d-dħul żejjed mhux mistenni ntuża għal nefqa ogħla minn dik ibbaġitjata.

(5)

L-għan ewlieni ta' l-istrateġija baġitarja għal perijodu medju fil-programm huwa li jiġi żgurat tnaqqis kontinwu tal-proporzjon tad-dejn li, viċin il-85 % tal-PGD fl-2007, għadu għoli, għal madwar 71 % tal-PGD fl-2011, permezz ta' żieda gradwali tal-bilanċi favorevoli baġitarji mhux aġġustati għal 1 % tal-PGD fl-2011, b'bidu minn baġit bilanċjat fl-2008. Il-bilanċ favorevoli primarju, li ilu jonqos sa mill-2001 (minn 7,0 % għal 3,7 % tal-PGD fl-2007) b'mod parallel għall-progress fit-tnaqqis tad-dejn, huwa mbassar li jiżdied għal 4,4 % tal-PGD sa l-2011. Bħala riżultat ta' l-eżitu agħar milli kien mistenni fl-2007, il-miri baġitarji (f'termini kemm nominali kif ukoll strutturali) huma taħt dawk fl-aġġornament preċedenti tul il-perijodu tal-programm. Il-bilanċ strutturali, ikkalkolat skond il-metodoloġija miftiehma b'mod komuni, huwa mistenni li jitjieb minn defiċit ta' 0,25 % tal-PGD fl-2007 għal bilanċ favorevoli ta' kważi 1,5 % tal-PGD fl-2011. Meta mqabbel ma' dak li ġie previst fl-aġġornament preċedenti tal-programm ta' stabbiltà, il-kisba ta' l-objettiv għall-perijodu medju (MTO) — bilanċ favorevoli ta' 0,5 % tal-PGD f'termini strutturali (jiġifieri f'termini aġġustati ċiklikament netti ta' miżuri ta' darba u miżuri temporanji oħra) — ġiet posposta b'sena sa l-2009. L-aġġustament iseħħ fuq in-naħa tan-nefqa kif ukoll tad-dħul. It-tnaqqis fin-nefqa ppjanata ta' 0,7 punt perċentwali tal-PGD f'termini nominali jista' jiġi attribwit l-aktar għal waqgħa tan-nefqa għall-imgħax li tirriżulta mit-tnaqqis imbassar fil-proporzjon tad-dejn. Iż-żieda fid-dħul tammonta għal 0,5 % tal-PGD u hija b'segwitu għat-tkabbir mistenni fil-bażi tat-taxxa. B'kuntrast għall-aġġornament preċedenti, il-programm b'mod espliċitu ma jipprevedi l-ebda rikors għal miżuri ta' darba wara l-2008.

(6)

L-eżiti baġitarji jistgħu jkunu agħar minn dawk imbassra fil-programm. L-ewwelnett, l-ambjent makroekonomiku seta' kien agħar milli kien imbassar fl-aġġornament tal-programm, speċjalment tul l-2008 u l-2009. B'mod partikolari, is-suppożizzjonijiet favorevoli rigward l-impjiegi, il-pagi u ż-żieda fil-konsum setgħu wasslu għal stima għolja wisq tad-dħul mit-taxxi. B'żieda ma' dan, l-elastiċità ġenerali tat-taxxa mistennija tidher li hija pjuttost għolja fl-2008. Rigward in-nefqa primarja, il-programm ma jinkludix miżuri li jidhru meħtieġa biex jinkiseb l-aġġustament ippjanat fil-kuntest ta' spejjeż ogħla relatati max-xjuħija u żidiet relattivament qawwija previsti fil-paġi. Barra minn hekk, jekk wieħed jeskludi t-tnaqqis fin-nefqa għall-imgħax, il-kompożizzjoni ta' l-aġġustament hija mmirata l-aktar fuq in-naħa tad-dħul, u possibbilment tnaqqas is-sostenibbiltà ta' l-aġġustament. Fl-aħħarnett, filwaqt li l-baġit baqa' b'mod ġenerali bilanċjat tul l-aħħar snin, il-kisba tal-bilanċ favorevoli baġitarju mmirat ġie pospost. Minkejja l-kundizzjonijiet makroekonomiċi tajba fl-2007, il-mira baġitarja ma ntlaħqitx fin-nuqqas ta' gvern b'poter sħiħ wara l-elezzjonijiet federali f'Ġunju. Fl-2008, jidher li huma meħtieġa aktar miżuri sabiex tintlaħaq il-mira. Fid-dawl tar-riskji għall-prospettivi makroekonomiċi u l-miri baġitarji msemmija hawn fuq, l-iżvilupp tal-proporzjon tad-dejn x'aktarx ikun kemmxejn anqas favorevoli milli mbassar fil-programm, għalkemm id-dejn jibqa' jonqos b'mod konsistenti.

(7)

Fid-dawl ta' din il-valutazzjoni tar-riskju, l-impostazzjoni baġitarja fil-programm tista' ma tkunx biżżejjed biex jiġi żgurat li l-MTO jintlaħaq sa l-2009, kif previst fil-programm. Madankollu, marġni ta' sikurezza suffiċjenti kontra l-ksur tal-limitu ta' defiċit ta' 3 % tal-PGD b'varjazzjonijiet ċikliki normali se jkun ipprovdut matul il-perijodu tal-programm. Għandhom jittieħdu miżuri baġitarji strutturali addizzjonali fl-2008 fil-kuntest ta' l-eżerċizzju ta' kontroll tal-baġit ippjanat biex jissaħħaħ il-pass ta' aġġustament lejn l-MTO.

Dan ser jiżgura li jinkiseb l-objettiv ta' baġit bilanċjat fl-2008 fin-nuqqas ta' tkabbir negattiv mhux previst. Fl-2009, dan għandu jiġi appoġġat minn miżuri, b'mod partikolari fuq in-naħa tan-nefqa, biex ikun konformi mat-titjib tal-punt ta' riferiment ta' 0,5 % tal-PGD speċifikat fil-Patt ta' Stabbiltà u Tkabbir u sabiex l-MTO jintlaħaq kif ippjanat. Il-Kunsill jinnota wkoll li l-pjanijiet baġitarji għall-2008 mhumiex għal kollox konsistenti ma' l-orjentazzjonijiet għal linji ta' politika baġitarji ta' l-Eurogrupp ta' April 2007. Anki jekk il-proporzjon tad-dejn jista' jonqos anqas milli mbassar fil-programm, jidher li qed jonqos b'mod suffiċjenti lejn il-valur ta' referenza tul il-perijodu tal-programm.

(8)

Il-Belġju jidher li jinsab f'qagħda ta' riskju medju fir-rigward tas-sostenibbiltà tal-finanzi pubbliċi. L-impatt baġitarju għall-perijodu fit-tul tat-tixjieħ huwa ogħla mill-medja ta' l-UE-27, partikolarment taħt l-influwenza ta' żieda relattivament għolja fl-infiq għall-pensjonijiet bħala proporzjon tal-PGD tul id-deċennji li ġejjin. L-età ta' l-irtirar effettiv fil-Belġju hija waħda fost l-aktar baxxi fl-UE, u l-Patt bejn il-Ġenerazzjonijiet li wassal għal għadd ta' bidliet fis-sistema tal-pensjonijiet għandu l-għan li jżidha. Anki jekk dan jirrappreżenta pass fid-direzzjoni t-tajba, il-projezzjonijiet nazzjonali juru li din ir-riforma ma tnaqqasx il-lakuni ta' sostenibbiltà. Il-pożizzjoni baġitarja fl-2007 kif stmata fil-programm, għalkemm kemmxejn agħar mill-pożizzjoni tal-bidu tal-programm preċedenti, tikkontribwixxi għat-tpattija ta' l-impatt baġitarju għall-perijodu fit-tul imbassar tat-tixjieħ tal-popolazzjoni iżda mhix biżżejjed biex tpatti għal kollox għal pressjonijiet futuri ta' nfiq. Iż-żamma ta' bilanċi pożittivi primarji għolja tul it-terminu medju, it-tnaqqis tal-proporzjon tad-dejn taħt il-valur ta' referenza tat-Trattat u l-implimentazzjoni ta' aktar miżuri mmirati li jrażżnu ż-żieda sostanzjali fl-infiq marbut ma' l-età għandhom jgħinu biex jitnaqqsu r-riskji għas-sostenibbiltà tal-finanzi pubbliċi.

(9)

Il-programm ta' stabbiltà jidher li huwa konsistenti sa ċertu punt mar-rapport ta' implimentazzjoni tal-programm nazzjonali ta' riforma ta' Ottubru 2007. B'mod partikolari, iż-żewġ rapporti jqisu s-sostenibbiltà tal-finanzi pubbliċi fid-dawl tat-tixjieħ tal-popolazzjoni bħala sfida ewlenija għall-ekonomija Belġjana. Il-programm ta' stabbiltà madankollu ma fihx evalwazzjoni kwalitattiva ta' l-impatt ġenerali tar-rapport ta' implimentazzjoni tal-programm ta' riforma nazzjonali ta' Ottubru 2007 fi ħdan l-istrateġija fiskali għall-perijodu medju u lanqas informazzjoni sistematika dwar l-ispejjeż baġitarji diretti jew it-tfaddil bir-riformi ewlenin previsti fil-programm ta' riforma nazzjonali. Min-naħa l-oħra, il-projezzjonijiet baġitarji tal-programm iqisu l-implikazzjonijiet tal-finanzi pubbliċi ta' l-azzjonijiet diġà implimentati abbażi tal-programm ta' riforma nazzjonali.

(10)

L-istrateġija baġitarja fil-programm hija ġeneralment konsistenti mal-linji ta' gwida ġenerali tal-politika ekonomika speċifika għall-pajjiż inklużi fil-linji ta' gwida integrati u l-linji ta' gwida għall-Istati Membri taż-żona ta' l-euro fil-qasam tal-linji ta' politika baġitarji maħruġa fil-kuntest ta' l-istrateġija ta' Lisbona.

(11)

Fir-rigward tal-ħtiġiet ta' data speċifikati fil-kodiċi ta' kondotta għall-programmi ta' stabbiltà u konverġenza, il-programm fih xi lakuni fid-data meħtieġa u f'dik fakultattiva (5).

(i)

jimplimenta miżuri strutturali addizzjonali sabiex jiżgura li jinkiseb l-objettiv ta' baġit bilanċjat fl-2008 fin-nuqqas ta' tkabbir negattiv mhux previst. U jiżgura li l-MTO jinkiseb fl-2009 billi jitwettaq l-aġġustament tal-punt ta' riferiment f'termini strutturali ta' 0,5 % tal-PGD, inkluż permezz ta' l-implimentazzjoni ta' miżuri strutturali addizzjonali, b'mod partikolari min-naħa tan-nefqa;

(ii)

fid-dawl tal-livell tad-dejn li għadu għoli u ż-żieda mbassra fin-nefqa relatata ma' l-età, jibqa' jindirizza s-sostenibbiltà għall-perijodu fit-tul tal-finanzi pubbliċi billi jikseb bilanċi favorevoli primarji strutturali għolja kif ukoll billi jimplimenta riformi biex iżid ir-rata ta' l-impjiegi u t-tkabbir potenzjali u biex irażżan l-ispiża baġitarja tat-tixjieħ.

19.7.2008   

MT

Il-Ġurnal Uffiċjali ta’ l-Unjoni Ewropea

C 182/6

(1)

Fit-8 ta' Lulju 2008, il-Kunsill eżamina l-programm aġġornat ta' konverġenza tal-Polonja, għall-perijodu bejn l-2007 u l-2010 (2).

(2)

Il-Polonja wettqet reċentement progress biex tneħħi din id-differenza mal-livelli medji tad-dħul ta' l-UE wara li t-tkabbir reali tal-PGD li kien f'medja ta' madwar 4,5 % fl-2003-2005 żdied għal aktar minn 6 % fl-2006-2007. It-tkabbir tal-kontribuzzjoni intensiva tax-xogħol tejjeb b'mod konsiderevoli s-sitwazzjoni fis-suq tax-xogħol wara li l-qgħad naqas minn kważi 20 % fl-2003 għal 9,5 % fl-2007. It-tnaqqis fil-qgħad jirrifletti, flimkien ma' tkabbir straordinarju fl-impjiegi, forza tax-xogħol li qed tiċkin minħabba l-migrazzjoni. Aktar minn hekk, it-tfixkil għal inċentivi ta' xogħol imsaħħaħ b'emigrazzjoni sinifikanti kabbar in-nuqqas ta' xogħol f'xi setturi. Is-suq strett tax-xogħol jitfa' pressjoni fuq il-pagi; dan, flimkien ma' prezzijiet aktar għoljin ta' l-ikel u taż-żejt, kellu impatt negattiv fuq l-inflazzjoni ta' l-HICP li, wara perijodu ta' moderazzjoni b'suċċess mill-2005 sa l-ewwel nofs ta' l-2007, żdied b'mod sinifikanti fl-aħħar ta' l-2007. Mindu laħaq il-quċċata tiegħu ta' 6,25 % tal-PGD fl-2003, id-defiċit ġenerali tal-gvern naqas b'medja ta' aktar minn punt perċentwali fis-sena biex laħaq 2 % tal-PGD fl-2007. Fis-snin reċenti, ir-riżultati kienu ġeneralment aħjar mill-miri minħabba sorpriżi ta' tkabbir pożittiv li rriżultaw f'dħul bla ħsieb kif ukoll eżekuzzjoni mhux kompluta tal-pjanijiet ta' nfiq. Aktar konsolidazzjoni baġitarja ser tiddependi b'mod kruċjali fuq ir-riforma tas-sistema soċjali ta' trasferiment (prinċipalment pensjonijiet bikrija u benefiċċji għad-diżabbiltà) u ż-żieda fil-parteċipazzjoni tax-xogħol.

(3)

Ix-xenarju makroekonomiku fl-isfond tal-programm jipprevedi li t-tkabbir reali tal-PGD ser jonqos gradwalment minn 6,5 % fl-2007 għal 5,2 % bħala medja matul il-bqija tal-perijodu tal-programm. Ivvalutat skond l-informazzjoni disponibbli bħalissa (3), dan ix-xenarju jidher li huwa bbażat fuq suppożizzjonijiet ta' tkabbir plawżibbli. Il-proġettazzjonijiet tal-programm għall-inflazzjoni jidhru li għandhom xeħta baxxa billi jirriflettu suppożizzjonijiet kemxejn favorevoli fuq il-prezzijiet ta' importazzjoni u żieda relattivament baxxa fuq kumpens nominali għal kull impjegat.

(4)

Ir-riżultat tad-defiċit ġenerali tal-gvern ta' l-2007 kien ta' 2,0 % tal-PGD, ipparagunat mat-3,4 % previst fil-programm ta' konverġenza ta' Novembru 2006. Tkabbir reali u nominali tal-PGD ħafna ogħla milli mistenni f'Novembru 2006 kien ir-raġuni prinċipali, iżda l-infiq kien ukoll ristrett. B'mod partikolari, il-profitt għoli tal-kumpaniji ppermetta biex ikun ristrett it-tkabbir fis-sussidji, filwaqt li l-waqgħa mgħaġġla fil-qgħad u n-nuqqas ta' indiċjar impost mill-pjan Hausner (4) naqqas ukoll it-tkabbir tat-trasferimenti soċjali. Barra minn hekk, il-kumpens ta' l-impjegati tas-settur pubbliku kien anqas minn dak ippjanat. Finalment, l-investiment tal-gvern kien aktar baxx milli proġettat minħabba assorbiment aktar bil-mod ta' fondi mill-UE milli ppjanat. B'mod ġenerali, ir-relazzjoni bejn l-infiq u l-PGD kienet ta' 1,5 punt perċentwali aktar baxxa milli previst fl-Novembru 2006. Mil-lat tad-dħul, id-dħul minn taxxi indiretti u minn kontribuzzjonijiet soċjali spiċċaw aħjar milli previsti f'Novembru 2006, prinċipalment minħabba tkabbir ħafna ogħla fl-impjiegi u fis-salarji. Dawn is-sorpriżi pożittivi kienu żbilanċjati bi prestazzjoni aktar baxxa f'sors ta' dħul (taxxi diretti minħabba żieda fil-brackets tat-taxxa). B'mod globali, dan wassal għal relazzjoni tad-dħul kemxejn taħt dik ippjanata. B'titjib fir-relazzjoni strutturali tal-bilanċ ta' madwar 1,5 punt perċentwali, l-implimentazzjoni baġitarja fis-sena 2007 wettqet aktar mill-istedina fl-opinjoni tal-Kunsill tas-27 ta' Frar 2007 dwar l-aġġornament preċedenti tal-programm ta' konverġenza (5).

(5)

L-għan prinċipali ta' l-istrateġija baġitarja hu t-tnaqqis fit-tul tad-defiċit strutturali ġenerali tal-gvern (in-nett ta' aġġustament b'mod ċikliku tad-defiċit ta' miżuri ta' darba u temporanji) immirat biex jitwettaq l-objettiv għall-perijodu medju (MTO) għall-pożizzjoni baġitarja, li hi defiċit strutturali ta' 1 % tal-PGD, fl-2011, jiġifieri, sena wara l-perijodu tal-programm. Dan hu konsistenti mal-programm preċedenti ta' konverġenza, li ppreveda li jwettaq l-MTO “wara l-2010”. Wara li ddeterjora b'0,5 punt perċentwali għal 2,5 % tal-PGD fl-2008, id-defiċit prinċipali ppjanat li jittejjeb għal 1,5 % sa l-2010. Il-bilanċ primarju jsegwi triq simili hu pproġettat li jiżdied minn -0,2 % tal-PGD fl-2008 għal 0,8 % fl-2010. F'dan l-isfond ta' tkabbir moderat ta' riżultati, il-bidliet fil-bilanċ strutturali kkalkulat skond il-metodoloġija bi qbil komuni huma previsti li jkunu akbar, bid-defiċit strutturali jidjieq minn madwar 2,75 % tal-PGD fl-2008 għal kemm xejn aktar minn 1 % fl-2010. L-aġġustament baġitarju hu bbażat fuq l-infiq u ddifferit għall-2009 u l-2010. Fl-2008, id-deterjorazzjoni tad-defiċit ġejja prinċipalment minn żieda kbira fir-relazzjoni ta' l-investiment kif ukoll minn riduzzjoni kbira fil-kontribuzzjonijiet soċjali (parzjalment ikkumpensat b'żieda fid-dħul ieħor). Fl-2009-2010, il-konsolidazzjoni għandha titwettaq prinċipalment permezz ta' restrizzjonijiet fil-kumpens ta' impjegati, trasferimenti soċjali u konsum intermedjat. Ir-rata ppjanata tat-tnaqqis ta' defiċit bejn l-2007 u l-2009 hi aktar baxxa mill-aġġornament preċedenti, madankollu l-punt ta' bidu (2007) u kull waħda mill-miri ġodda ta' defiċit ta' l-aġġornament ta' Marzu 2008 tal-programm ta' konverġenza huma aħjar mill-miri ta' l-aġġornament ta' Novembru 2006.

(6)

Ir-riskji għall-proġettazzjonijiet baġitarji fil-programm jidhru ġeneralment ibbilanċjati fl-2008, iżda r-riżultati jistgħu jkunu agħar milli pproġettati fil-programm wara dan. Il-mira tad-defiċit ta' l-2008 fil-programm hi l-istess bħat-tbassir tar-rebbiegħa 2008 (2,5 % tal-PGD). Id-data dwar il-flus kontanti 2008 Q1 għal baġit ċentrali tindika prestazzjoni ta' dħul 'il fuq mill-proġettazzjonijiet baġitarji, iżda l-programm jassumi tkabbir kemm kemm ogħla fl-2008 mill-previżjoni tal-Kummissjoni fir-rebbiegħa 2008 u l-pressjoni li dejjem qed tiżdied tas-salarji fis-settur pubbliku qed toħloq riskju għall-finanzi pubbliċi.

Min-naħa l-oħra, inflazzjoni ogħla milli mistennija fil-programm se tnaqqas ir-relazzjoni ta' l-infiq fl-2008, billi l-infiq hu b'mod predominanti ffissat f'termini nominali. Madankollu, fl-2009, l-inflazzjoni ogħla ta' l-2008 tista' tistimula t-tkabbir fis-salarji fis-settur pubbliku u twassal għal pensjonijiet u benefiċċji soċjali ogħla milli mistennija fil-programm, ipprovokata aktar b'riforma tal-mekkaniżmu ta' indiċjar li jorbot, mill-2008, il-benefiċċji soċjali mhux biss mal-prezzijiet tal-konsumatur iżda parzjalment ukoll mas-salarji. Filwaqt li l-parlament diġà adotta qtugħ fit-taxxi, il-miżuri li jibbilanċjaw għad iridu jiġu speċifikati u implimentati. Jekk aktar tkabbir fl-impjiegi mistenni mill-gvern ma jitkompliex, il-kontinwazzjoni tal-konsolidazzjoni baġitarja bbażata fuq tkabbir kbir fl-impjiegi ta' l-2006-2007 tista' tkun diffiċli wara l-2008. Mill-banda l-oħra, ir-rekord tal-passat għall-iżvilupp tal-bilanċ ġenerali tal-gvern hu tajjeb: id-dħul spiċċa li frekwentement kien ogħla milli previst filwaqt li l-pjanijiet ta' nfiq ma twettqux kollha.

(7)

Fid-dawl ta' din il-valutazzjoni tar-riskju, il-qagħda baġitarja fil-programm tidher konsistenti ma' korrezzjoni dewwiema ta' defiċit eċċessiv sa l-2007, kif ġie rrakkomandat mill-Kunsill. Madankollu, il-marġni ta' sigurtà kontra l-ksur tal-limitu ta' defiċit ta' 3 % tal-PGD ma' setax ikun żgurat fil-perijodu tal-programm. B'żieda ma' dan, il-qagħda baġitarja fil-programm tista' ma tkunx biżżejjed biex jiġi żgurat li l-MTO jintlaħaq sa l-2011, kif previst fil-programm. Billi l-ekonomija qed tgawdi kundizzjonijiet ta' tkabbir favorevoli, il-pass ta' l-aġġustament lejn l-MTO mistenni mill-programm hu insuffiċjenti u jeħtiġlu li jissaħħaħ fl-2008 biex jikkonforma mal-Patt ta' Stabbiltà u ta' Tkabbir. Wara dan, hu għandu jiġi appoġġat b'miżuri. Barra minn hekk, jekk jimmaterjalizzaw pressjonijiet ta' inflazzjoni u ta' salajri, tkun meħtieġa pożizzjoni fiskali aktar stretta milli prevista fil-programm biex jiġu evitati problemi.

(8)

Il-Polonja tidher li tinsab f'riskju baxx f'dak li għandu x'jaqsam mas-sostenibbiltà tal-finanzi pubbliċi. Għalkemm il-pożizzjoni baġitarja fl-2007 tinkludi defiċit strutturali primarju żgħir abbażi tal-programm ta' konverġenza, skond il-proġettazzjonijiet li saru fl-2005 u abbażi tal-metodoloġija komuni, l-impatt baġitarju għall-perijodu fit-tul ta' persuni li qed jixjieħu hu fost l-aktar baxxi fl-UE. Madankollu, mill-2008, il-benefiċċji soċjali ser ikunu indiċjati mhux biss mal-prezzijiet għal konsumatur iżda wkoll parzjalment mas-salarji, li ser iżidu l-infiq għall-perijodu fit-tul. Aktar konsolidazzjoni tal-finanzi pubbliċi, inklużi r-riforma ta' rtirar bikri (introduzzjoni ta' “pensjonijiet temporanji” li jillimitaw l-irtirar bikri għal ċerti professjonijiet) kif maħsub fil-programm ta' konverġenza, għalhekk ser tikkontribwixxi biex tistimula kemm l-attività ta' xogħol u l-impjiegi kif ukoll biex jiġu limitati r-riskji tas-sostenibbiltà tal-finanzi pubbliċi.

(9)

Il-programm ta' konverġenza jidher li huwa konsistenti mar-rapport ta' implimentazzjoni ta' Ottubru 2007 tal-programm ta' riforma nazzjonali. B'mod partikolari, iż-żewġ programmi jipprevedu r-riforma ta' rtirar bikri u tal-benefiċċji ta' diżabbiltà, ir-riforma tal-fond soċjali tal-bdiewa, ir-riforma fil-kura tas-saħħa, ir-riorganizzazzjoni u d-deċentralizzazzjoni tal-finanzi pubbliċi, l-ibbaġitjar multiannwali tal-kompiti. Madankollu, il-programm ta' konverġenza ma fihx valutazzjoni kwalitattiva ta' l-impatt ġenerali tar-rapport ta' Ottubru 2007 dwar l-implimentazzjoni tal-programm nazzjonali ta' riforma fl-istrateġija fiskali għall-perijodu medju (id-diskussjoni dwar pereżempju l-impatt fuq it-tkabbir potenzjali u l-impjiegi). Għalkemm, il-programm jipprovdi informazzjoni sistematika dwar l-ispejjeż baġitarji diretti tar-riformi prinċipali previsti fil-programm ta' riforma nazzjonali.

(10)

L-istrateġija baġitarja fil-programm ta' konverġenza hija parzjalment konsistenti mal-linji gwida ġenerali għall-politika ekonomika speċifikati għall-pajjiż, inklużi fil-linji gwida integrati, fil-qasam tal-politiki baġitarji maħruġa fil-kuntest ta' l-istrateġija ta' Lisbona. Filwaqt li l-programm jipprevedi l-kontinwazzjoni tal-konsolidazzjoni fiskali, ma jissemmewx aktar mekkaniżmi biex jissaħħaħ il-kontroll ta' l-infiq żejjed.

(11)

Fir-rigward tar-rekwiżiti tad-data speċifikati fil-kodiċi ta' kondotta għall-programmi ta' stabbiltà u konverġenza, il-programm fih xi lakuni fid-data mhux obbligatorja.

19.7.2008   

MT

Il-Ġurnal Uffiċjali ta’ l-Unjoni Ewropea

C 182/10

19.7.2008   

MT

Il-Ġurnal Uffiċjali ta’ l-Unjoni Ewropea

C 182/13

19.7.2008   

MT

Il-Ġurnal Uffiċjali ta’ l-Unjoni Ewropea

C 182/15

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali,

—

f'forma elettronika fil-websajt EUR-Lex fid-dokument numru 32008M5182. EUR-Lex hu l-aċċess fuq l-internet għal-liġi Ewropea (http://eur-lex.europa.eu).

19.7.2008   

MT

Il-Ġurnal Uffiċjali ta’ l-Unjoni Ewropea

C 182/15

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali,

—

f'forma elettronika fil-websajt EUR-Lex fid-dokument numru 32008M5134. EUR-Lex hu l-aċċess fuq l-internet għal-liġi Ewropea (http://eur-lex.europa.eu).

19.7.2008   

MT

Il-Ġurnal Uffiċjali ta’ l-Unjoni Ewropea

C 182/16

19.7.2008   

MT

Il-Ġurnal Uffiċjali ta’ l-Unjoni Ewropea

C 182/17

1.

Din il-Komunikazzjoni tipprovdi sfond ta' informazzjoni għar-Regolament (KE) Nru 715/2007 (Euro 5 u 6) u l-leġiżlazzjoni implimentattiva tiegħu. Dan ir-Regolament jiddefinixxi r-rekwiżiti għall-approvazzjoni tat-tip ta' vetturi ħfief fir-rigward ta' l-emissjonijiet u dwar l-aċċess għal informazzjoni dwar tiswija u manutenzjoni. Ir-rekwiżiti tekniċi jidħlu fis-seħħ f'żewġ stadji, b'limiti għal emissjoni Euro 5 li jidħlu fis-seħħ fl-1 ta' Settembru 2009 u limiti għal emissjonijiet Euro 6 mill-1 ta' Settembru 2014.

2.

L-għan tal-Komunikazzjoni hu li jiġu ddefiniti l-intenzjonijiet tal-Kummissjoni fir-rigward ta' din il-leġiżlazzjoni. Ir-Regolament u l-miżuri ta' implimentazzjoni tiegħu għandhom dispożizzjonijiet tekniċi ddettaljati meħtieġa biex jiġu implimentati r-rekwiżiti prinċipali. Madankollu, jeżistu għadd ta' oqsma fejn il-Kummissjoni tikkunsidra li aktar reviżjoni ta' leġiżlazzjoni se tkun meħtieġa fil-ġejjieni.

3.

Dan ir-Regolament attwali fih sett sħiħ ta' rekwiżiti meħtieġa għall-approvazzjoni ta' vetturi sottomessi għall-ispeċifikazzjoni inizjali Euro 5. Fil-ġejjien, il-Kummissjoni biħsiebha li tkompli tirfina r-rekwiżiti rilevanti li jridu jiġu applikati jew f'nofs il-proċess tal-Euro 5 jew inkella fl-istadju sħiħ tal-Euro 6. L-oqsma li għandhom ikunu soġġetti għal reviżjoni aktar approfondita huma diskussi f'din il-Komunikazzjoni.

4.

Il-proċeduri riveduti tat-test biex titkejjel il-massa tal-partikuli u l-għadd tal-partikuli attwalment qed jiġu ffinalizzati biex jiġu inkorporati fir-Regolament UN/ECE Nru 83. Meta dawn il-proċeduri tat-test jiġu ffinalizzati se jinħtieġ li tiġi aġġornata kemm jista' jkun malajr il-leġiżlazzjoni ta' implimentazzjoni tal-Euro 5 u 6.

5.

Ir-Regolament (KE) Nru 715/2007 jawtorizza lill-Kummissjoni li tintroduċi limiti għall-emissjoni ta' l-għadd ta' partikuli għal vetturi bil-petrol. Waqt l-iżvilupp tal-leġiżlazzjoni ta' implimentazzjoni ġie deċiż li tinħtieġ informazzjoni addizzjonali dwar l-emissjonijiet ta' dawn il-vetturi qabel ma jiġi stabbilit l-istandard. Għalhekk, ebda valur limitu ma ġie ffissat għal vetturi Euro 5. Ir-Regolament (KE) Nru 715/2007 jitlob li valur limitu jiġi ffissat mhux aktar tard mill-istadju tal-Euro 6. Għalhekk, il-Kummissjoni biħsiebha tirrivedi l-emissjonijiet tal-partikuli ta' vetturi bi spark ignition u tipproponi limitu għall-għadd tal-partikuli għall-ispeċifikazzjoni ta' vetturi Euro 6 qabel id-dħul fis-seħħ tar-rekwiżiti tal-Euro 6.

6.

Il-verżjoni inizjali tal-leġiżlazzjoni ta' implimentazzjoni ma għandhiex speċifikazzjoni għall-fjuwil ta' referenza l-ethanol (E75) li għandu jintuża minn vetturi bi fjuwil flessibbli għat-test ta' l-emissjonijiet f'temperatura baxxa (it-test tat-tip 6). Il-Kummissjoni biħsiebha tiffinalizza dalwaqt l-ispeċifikazzjoni għall-fjuwil ta' referenza ta' l-ethanol (E75) għat-test ta' l-emissjonijiet f'temperatura baxxa. Dan il-proċess għandu jitlesta qabel id-dati ffissati fl-Artikolu 10(6) tar-Regolament (KE) Nru 715/2007, billi vetturi Euro 5 bi fjuwil flessibbli approvati wara dawn id-dati huma soġġetti għat-test f'temperatura baxxa għall-approvazzjoni tat-tip.

7.

Ir-Regolament (KE) Nru 715/2007 għandu rekwiżit għall-Kummissjoni biex din tirrivedi l-limiti ta' l-emissjonijiet iffissati għall-karozzi bil-petrol bit-test f'temperatura baxxa ta' – 7 °C. Il-preokkupazzjoni hi li l-limiti ta' l-emissjonijiet attwali, meħudin mill-Euro 3 u 4, ma għadhomx adatti għal vetturi li jissodisfaw l-istandards ta' l-emissjonijiet tal-Euro 5 u 6.

8.

Barra minn hekk, hu maħsub li jiġu riveduti r-rekwiżiti għall-manifatturi biex dawn jipprovdu informazzjoni lill-awtoritajiet li japprovaw it-tip dwar il-vetturi diżil f'temperaturi baxxi. Dan hu minħabba r-riskju għoli ta' emissjonijiet NOx f'temperaturi kesħin minn vetturi diżil b'sistemi EGR u bi trattament li jsir wara tan-NOx. Din ir-reviżjoni għandha tikkunsidra jekk għandu jiġi estiż it-test għall- emissjonijiet f'temperaturi baxxi għal vetturi Euro 6 u jekk għandux jiġi introdott valur limitu fil-ġejjieni.

9.

Minħabba l-introduzzjoni aktar mifruxa tal-bijofjuwils, il-Kummissjoni biħsiebha tirrivedi l-proċeduri tat-test għall-emissjonijiet b'evaporazzjoni. Din ir-reviżjoni għandha tikkunsidra jekk hemmx bżonn ta' armonizzazzjoni globali aktar kbira permezz ta' allinjament tal-proċedura tat-test Ewropew ma' dak użat fl-Istati Uniti. Jekk dan isir, trid tingħata konsiderazzjoni lill-introduzzjoni ta' esiġenzi ta' konformità fis-servizz jew lit-tul ta' żmien biex jiġu kkontrollati l-effetti ta' l-użu ta' fjuwils li għandhom l-ethanol fuq l-emissjonijiet b'evaporazzjoni.

10.

L-emissjonijiet u l-konsum ta' fjuwil ta' vetturi ħfief jitkejlu bl-użu ta' proċedura ta' test ta' standardizzazzjoni, ibbażata fuq l-hekk imsejjaħ iċ-Ċiklu Ewropew Ġdid ta' Sewqan (NEDC). Ir-Regolament (KE) Nru 715/2007 jitlob lill-Kummissjoni biex tirrivediha, u li jiġu proposti tibdiliet jekk il-proċeduri ma jkunux għadhom adegwati jew jirriflettu emissjonijiet mid-dinja reali. Il-Kummissjoni tikkunsidra li l-proċedura tinħtieġ aġġornament, u għalhekk biħsiebha tirrivedi ċ-ċiklu tat-test sabiex dan jirrifletti b'mod adegwat l-emissjonijiet iġġenerati b'sewqan reali fit-triq. Din ir-reviżjoni tista' tikkontribwixxi għad-diskussjonijiet fl-UN/ECE sabiex jiġi żviluppat ċiklu ta' test globali u armonizzat għall-vetturi ħfief; madankollu, dan ma jiddipendix fuq il-progress magħmul fil-livell tal-UN/ECE. Tista' tiġi wkoll ikkunsidrata l-introduzzjoni ta' esiġenza għall-emissjonijiet barra ċ-ċiklu bl-għan li tkompli l-proċedura ta' test standardizzat.

11.

Il-leġiżlazzjoni Euro 5 u 6 introduċiet ambitu aktar ċar u sempliċi b'mod sinifikattiv bejn il-leġiżlazzjoni dwar l-emissjonijiet applikabbli għal vetturi ħfief u għal vetturi tqal. Il-leġiżlazzjoni hi attwalment ibbażata fuq il-massa ta' referenza, fejn il-vetturi kollha taħt l-2 690 kg jitqiesu bħala vetturi ħfief. Din il-massa ta' referenza hi bbażata fuq il-limiti attwali għat-test ta' l-emissjonijiet li jsir fil-laboratorju. Il-Kummissjoni tikkunsidra li dan il-limitu ta' massa jista' jkun baxx wisq u għandu jiġi rivedut. Minħabba l-massa attwali tal-vetturi, jista' jkun meħtieġ limitu għal massa ogħla ta' referenza fil-leġiżlazzjoni ġejjiena.

12.

Ir-Regolament (KE) Nru 715/2007 jistipula li fil-limiti ta' emissjonijiet tal-futur, tingħata konsiderazzjoni sabiex jiġu introdotti standards ta' emissjonijiet indipendenti mill-massa. Dan hu l-avviċinament attwalment adottat mil-leġiżlazzjoni ta' l-Istati Uniti u għandu jwassal għat-tħassir tal-kategorija attwali ta' vetturi N1, id-distinzjoni bejn Klassi I, II u III li żviluppat purament għall-finijiet tal-leġiżlazzjoni dwar l-emissjonijiet u li reċentement kienet adottata għal-leġiżlazzjoni dwar l-arja kondizzjonata mhux imwaħħla b'mod fiss. F'dan l-istadju, avviċinament ta' din ix-xorta ta' massa indipendenti jidher li jista' jsir għal vetturi bil-petrol, minħabba n-natura tas-sistema ta' kontroll ta' l-emissjonijiet. Għal vetturi diżil, l-introduzzjoni ta' trattament li jsir wara għall-NOx għandha tipprovdi kontroll akbar għall-emissjonijiet mis-silencer u tneħħi r-raġuni inizjali għala vetturi tqal għandhom ikollhom emissjonijiet aktar ikkontrollati. Qabel l-introduzzjoni ta' proposta ta' din ix-xorta, il-Kummissjoni għandha bżonn tirrivedi l-possibbiltà u l-effettività ta' l-ispiża għal dan it-tip ta' avviċinament.

13.

Ir-Regolament (KE) Nru 715/2007 jistipula li l-Kummissjoni tikkunsidra li tirrivedi l-avviċinament biex jiġu kkalkulati l-emissjonijiet CO2 minn vetturi biex jiġu inklużi gassijiet b'effett serra bħalma huma l-emissjonijiet mill-metanu. Bidla ta' din ix-xorta probabbilment se tħalli impatt żgħir ħafna fuq iċ-ċifri ta' l-emissjonijiet għal biċċa l-kbira tal-vetturi bil-petrol u bid-diżil, iżda din tista' tkun aktar sinifikanti għal vetturi bil-gass. Minħabba n-numru żgħir ta' vetturi koperti, bidla ta' din ix-xorta tista' ma tingħatax l-ogħla prijorità f'dan l-istadju. Il-Kummissjoni tista' għalhekk tirrivedi jekk hux xieraq avviċinament ibbażat fuq firxa aktar wiesgħa ta' gassijiet b'effett serra.

14.

Il-leġiżlazzjoni ta' implimentazzjoni tipprovdi biss fatturi assenjati ta' deterjorazzjoni għall-karozzi Euro 5 diżil. Ebda fatturi ma kienu ddefiniti għall-karozzi Euro 6 diżil minħabba l-inċertezza fir-rigward tal-karatteristiċi ta' durabilità tal-magni diżil tal-futur u s-sistemi tat-trattament ta' wara ta' l-egżost. Sabiex jiġu introdotti fatturi assenjati ta' deterjorazzjoni għall-karozzi Euro 6, il-Kummissjoni se jkollha bżonn tirrivedi d-durabilità tal-karozzi diżil li ssodisfaw il-limiti ta' emissjonijiet tal-Euro 6.

15.

Il-Kummissjoni biħsiebha tirrivedi r-rekwiżiti għall-approvazzjoni għall-bdil ta' l-istrumenti tal-kontroll tat-tniġġis biex tikkunsidra kemm ir-rekwiżiti riveduti ta' l-OBD kif ukoll l-introduzzjoni ta' strumenti ta' teknoloġiji ġodda għall-kontroll tat-tniġġis. Barra minn hekk, ir-rekwiżiti tad-durabilità għall-bdil ta' strumenti ta' riġenerazzjoni b'mod perjodiku jista' jinħtiġilhom li jiġu riveduti.

16.

Il-leġiżlazzjoni ta' implimentazzjoni ma għandha ebda limiti OBD għall-vetturi Euro 6, apparti limiti interim maħsuba għall-introduzzjoni bikrija tal-vetturi diżil Euro 6. Il-limiti sħaħ tal-Euro 6 jeħtiġilhom li jiġu kkonfermati mill-Kummissjoni qabel ma vetturi ta' din ix-xorta tingħatalhom approvazzjoni.

17.

Proposta inizjali mill-Kummissjoni għal-limiti OBD tal-Euro 6 tinsab f'Tabella 1. Din it-tabella għandha limiti li l-Kummissjoni tikkunsidra li għandhom jiġu introdotti għall-vetturi Euro 6.

18.

Dawn il-limiti OBD jirriflettu b'mod wiesa' l-limiti applikati għall-parti l-kbira tal-vetturi ħfief fl-Istati Uniti u l-Kanada, fejn il-maġġoranza tas-sistemi OBD tal-vetturi jikkonformaw mal-leġiżlazzjoni elaborata mill-Californian Air Resources Board (CARB). Is-CARB jistabbilixxi limiti bħala fattur ta' multiplikazzjoni tal-valur limitu ta' l-emissjonijiet, billi japplika fatturi jew ta' 1,5 jew inkella ta' 1,75. Iċ-ċifri f'Tabella 1 ttieħdu abbażi ta' dan, madankollu fattur 2 ogħla ġie applikat għal limiti tal-partikuli, biex jirrifletti l-konċentrazzjonijiet baxxi fl-emissjonijiet ta' l-egżost. Iċ-CARB attwalment qed jippermetti limiti OBD eħfef għall-karozzi diżil sa l-aħħar ta' l-2012. Il-limiti ta' l-Euro 6 għandhom jidħlu fis-seħħ madwar sentejn wara dan.

19.

L-industrija ppreżentat proposti għal-limiti OBD fl-istadju ta' l-Euro 6 li jeċċedu l-valuri limitu b'fatturi bejn 1,9 sa 5,5 għall-vetturi bil-petrol u bejn 2,6 sa 5,5 għall-vetturi diżil.

20.

Il-Kummissjoni tikkunsidra li sa l-istadju tal-Euro 6 tal-limiti ta' emissjonijiet, hemm ftit raġuni għal rekwiżiti OBD Ewropej biex dawn ikunu b'mod sinifikattiv differenti mir-rekwiżiti fl-Amerika ta' Fuq. B'mod partikolari, mifhumin tajjeb il-prinċipji ta' dijanjożi għall-karozzi bil-petrol, billi dawn kienu żviluppat fl-Istati Uniti, għalhekk huma jistgħu faċilment jiġu introdotti fl-UE. Barra minn hekk, xogħol magħmul minn konsulent li rriveda l-limiti OBD jissuġġerixxi li l-benefiċċji ambjentali u l-effettività ta' l-ispiża għal-limiti OBD aktar baxxi għall-petrol kienu tajbin.

21.

Il-Kummissjoni hi konxja li l-limiti għall-vetturi diżil jinforzaw it-teknoloġija, partikolarment fir-rigward tal-partikuli. Limiti ta' din ix-xorta meqjusin neċessarji minħabba x-xewqa li jinstabu difetti parzjali fi strumenti li jintużaw wara t-trattament bħalma huma l-filters tal-partikuli, li jistgħu jitbagħbsu jekk ibblokkjati. Barra minn hekk, dijanjosijiet tajba għad-diżil huma essenzjali għall-kompetittività fit-tuq tat-teknoloġija diżil f'partijiet oħra tad-dinja. L-adozzjoni tal-limiti OBD tal-Euro 6 għandhom għalhekk jappoġġaw il-kompetittività futura tat-teknoloġija diżil.

22.

Ir-reviżjoni tal-Kummissjoni dwar jekk jistax jiġu attwati l-limiti OBD tal-Euro 6 għandha tiffoka fuq jekk it-teknoloġija tistax tattwa l-limiti proposti għal vetturi b'compression ignition u l-limiti OBD tal-partikuli għal vetturi b'positive ignition. Din ir-reviżjoni għandha tikkunsidra l-istat ta' żvilupp ta' teknoloġija ġdida dwar is-sensors ta' l-egżost, tali sensors għall-materjal ta' partikuli u frak żgħir u anke għall-iżvilupp ta' tekniki għal preżenza ta' pressjoni u mudelli li jipprevedu x'livelli ta' nugrufun jifilħu l-filters tal-partikuli.

23.

Barra minn hekk, il-Kummissjoni biħsiebha tirrevedi jekk hemmx bżonn li l-livelli OBD kemm għall-massa tal-partikuli kif ukoll għall-għadd ta' partikuli għandhomx japplikaw fl-istadju tal-Euro 6. F'dan l-istadju hu diffiċli li jingħad jekk il-livelli għall-għadd ta' partikuli jistax teknoloġikament jiġu attwati.

24.

Il-Kummissjoni biħsiebha li r-reviżjoni tal-limiti OBD għandha ssir qabel l-1 ta' Settembru 2010.

25.

Flimkien mal-livelli OBD, il-Kummissjoni biħsiebha tikkunsidra t-tħaddim tar-rekwiżiti ta' l-OBD fil-proporzjon tal-prestazzjoni użata. Dan jinkludi l-pubblikazzjoni ta' linji gwida, fejn jidher li jkun hemm bżonn, u b'mod partikolari:

26.

Il-Kummissjoni se tikkunsidra wkoll li tintroduċi r-rekwiżiti għall-ikklassifikar tat-tħaddim ħażin b'OBD Armonizzati għad-Dinja mill-applikazzjoni mandatorja tal-valuri limitu tal-Euro 6.

19.7.2008   

MT

Il-Ġurnal Uffiċjali ta’ l-Unjoni Ewropea

C 182/21

1.

jirtira l-liċenzja mogħtija lill-JSC OGRES KOMERCBANKA (indirizz legali: 12 E. Birznieka-Upisa St., LV-1050 Riga; Numru tar-reġistrazzjoni 40003150023);

2.

iressaq petizzjoni għall-istralċ tal-JSC OGRES KOMERCBANKA lill-Qorti Distrettwali ta' Riga.

19.7.2008   

MT

Il-Ġurnal Uffiċjali ta’ l-Unjoni Ewropea

C 182/22

1.

Kif stipulat fl-Artikolu 11(2) tar-Regolament tal-Kunsill (KE) Nru 384/96 tat-22 ta' Diċembru 1995 (1) dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea, il-Kummissjoni tavża li sakemm ma tiġix imnedija reviżjoni skond il-proċedura li ġejja, il-miżuri ta' anti-dumping imsemmija hawn taħt jiskadu fid-data msemmija fit-tabella hawn taħt.

4.

Dan l-avviż huwa ppubblikat skond l-Artikolu 11(2) tar-Regolament (KE) Nru 384/96.

19.7.2008   

MT

Il-Ġurnal Uffiċjali ta’ l-Unjoni Ewropea

C 182/23

19.7.2008   

MT

Il-Ġurnal Uffiċjali ta’ l-Unjoni Ewropea

C 182/25

1.

Fl-14 ta' Lulju 2008, il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li biha l-impriża Kenwood Corporation (“Kenwood”, il-Ġappun) tingħaqad kollha kemm ma' l-impriża Victor Company of Japan Ltd (“JVC”, il-Ġappun), skond it-tifsira ta' l-Artikolu 3(1)(a) tar-Regolament tal-Kunsill, permezz ta' trasferimenti ta' ishma.

2.

L-attivitajiet ta' negozju ta' l-impriżi kkonċernati huma:

3.

Wara eżami preliminari, il-Kummissjoni ssib li t-tranżazzjoni notifikata tista' taqa' taħt ir-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar din l-operazzjoni proposta.

Il-kummenti għandhom jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks (fks nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.5221 — Kenwood/JVC/Holdco, fl-indirizz li ġej: