ISSN 1725-5198 |
||
Il-Ġurnal Uffiċjali ta’ l-Unjoni Ewropea |
C 103 |
|
Edizzjoni bil-Malti |
Informazzjoni u Avviżi |
Volum 51 |
Avviż Nru |
Werrej |
Paġna |
|
IV Informazzjoni |
|
|
INFORMAZZJONI MINN ISTITUZZJONIJIET U KORPI TA' L-UNJONI EWROPEA |
|
|
Il-Qorti ta’ l-Awdituri |
|
2008/C 103/01 |
||
MT |
|
IV Informazzjoni
INFORMAZZJONI MINN ISTITUZZJONIJIET U KORPI TA' L-UNJONI EWROPEA
Il-Qorti ta’ l-Awdituri
24.4.2008 |
MT |
Il-Ġurnal Uffiċjali ta’ l-Unjoni Ewropea |
C 103/1 |
RAPPORT SPEĊJALI Nru 2/2008
rigward Informazzjoni li Torbot Dwar it-Tariffa (BTI) flimkien mar-risposti tal-Kummissjoni
(skond l-Artikolu 248(4), it-tieni sottoparagrafu, KE)
(2008/C 103/01)
WERREJ
LISTA TA' AKRONIMI U ABBREVJAZZJONIJIET
I-IV |
SOMMARJU |
1-7 |
INTRODUZZJONI |
1-3 |
Sfond |
4-6 |
Qafas legali |
7 |
Organizzazzjoni u deskrizzjoni tas-sistema tal-BTI |
8-12 |
AMBITU U APPROĊĊ TAL-VERIFIKA |
13-38 |
OSSERVAZZJONIJIET |
15-27 |
Ġestjoni tal-BTI fil-livell tal-Komunità |
17-19 |
It-trattament tal-klassifikazzjoni ta' BTI mill-Kumitat tal-Kodiċi Doganali |
20-21 |
Ir-responsabbiltà finanzjarja ta' Stat Membru li jkun ħareġ BTI żbaljat |
22-25 |
Użu tad-database EBTI-3 |
26-27 |
Adegwatezza tal-leġiżlazzjoni |
28-38 |
Il-ġestjoni tal-BTI fl-Istati Membri |
31-33 |
Ħruġ ta' BTI |
34-37 |
Annullament jew invalidazzjoni ta' BTI |
38 |
Rikonċiljament tal-BTI mad-dikjarazzjoni ta' importazzjoni |
39-48 |
KONKLUŻJONIJIET U RAKKOMANDAZZJONIJIET |
39-42 |
Konklużjonijiet ġenerali |
43-48 |
Konklużjonijiet u rakkomandazzjonijiet speċifiċi |
43-44 |
It-trattament tal-klassifikazzjoni tal-BTI fil-Kumitat tal-Kodiċi Doganali |
45 |
Responsabbiltà finanzjarja ta' Stat Membru li jkun ħareġ BTI żbaljata |
46 |
Użu tad-database EBTI3 |
47 |
Adegwatezza tal-leġiżlazzjoni |
48 |
Implimentazzjoni tas-sistema tal-BTI mill-Istati Membri |
Anness I — BTI maħruġa minn kull Stat Membru
Anness II — Ħarsa ġenerali lejn l-osservazzjonijiet għall-Kummissjoni u s-sitt Stati Membri miżjura
Ir-risposti tal-Kummissjoni
LISTA TA' AKRONIMI U ABBREVJAZZJONIJIETBTI Informazzjoni li Torbot Dwar it-TariffaCCC Kodiċi Doganali tal-Komunità: Ir-Regolament tal-Kunsill (KEE) Nru 2913/92CCCIP Dispożizzjonijiet għall-Implimentazzjoni tal-Kodiċi Dogali tal-Komunità: Ir-Regolament tal-Kummissjoni (KEE) Nru 2454/93Database EBTI-3 Database Ewropea ta' l-Informazzjoni li Torbot Dwar it-TariffaDG BUDG Direttorat-Ġenerali għall-Baġit (Kummissjoni)DG TAXUD Direttorat Ġenerali għat-Tassazzjoni u l-Unjoni Doganali (Kummissjoni)ĠU Ġurnal UffiċjaliGATT Ftehim Ġenerali dwar it-Tariffi u l-KummerċIT Teknoloġija ta' l-InformatikaOLAF Uffiċċju Ewropew Kontra l-FrodiUE Unjoni EwropeaWTO Organizzazzjoni Dinjija tal-Kummerċ
SOMMARJU
I. |
Informazzjoni li Torbot Dwar it-Tariffa (BTI) hija deċiżjoni ta' klassifikazzjoni ta' tariffa mogħtija bil-miktub mill-awtoritajiet doganali ta' Stat Membru fuq talba ta' operaturi ekonomiċi. Hija torbot legalment lill-awtoritajiet doganali kollha fl-Unjoni Ewropea fir-rigward tad-detentur sa sitt snin mid-data tal-ħruġ. |
II. |
Il-BTI tippromwovi l-applikazzjoni uniformi tal-politika doganali, li hija rekwiżit kemm ta' l-Unjoni Doganali kif ukoll ta' l-Organizzazzjoni Dinjija tal-Kummerċ (WTO), u tgħin ukoll sabiex jiġi assigurat illi jiġi impost id-dazju korrett. Hija tagħmel dan billi tattribwixxi lil oġġett partikolari klassifikazzjoni mifruxa ma' l-UE kollha. L-operaturi ekonomiċi u l-uffiċċji doganali b'hekk ikollhom ċertezza dwar il-klassifikazzjoni tat-tariffa ta' dawn l-oġġetti li dawk ta' l-ewwel ikollhom l-intenzjoni li jimportaw (jew jesportaw). |
III. |
Il-Qorti analizzat ir-rwol ta' ġestjoni tal-Kummissjoni u eżaminat l-implimentazzjoni tal-BTI f'sitt Stati Membri. B'mod ġenerali, is-sistema tal-BTI instabet li kienet imfassla sew. Ġeneralment, il-ġestjoni tal-Kummissjoni kienet adegwata u s-sitt Stati Membri vverifikati applikaw il-parti l-kbira tad-dispożizzjonijiet legali dwar il-BTI. Madanakollu, is-sejbiet prinċipali preżentati hawn taħt juru illi hemm bżonn ta' titjib sabiex it-tħaddim tas-sistema jittejjeb b'mod ġenerali:
|
IV. |
Ir-rakkomandazzjonijiet prinċipali li joħorġu mill-verifika tal-Qorti huma:
|
INTRODUZZJONI
Sfond
1. |
Ma' l-importazzjoni jew l-esportazzjoni ta' oġġett, operatur ekonomiku (1) għandu jimla dikjarazzjoni għall-awtoritajiet doganali. Din id-dikjarazzjoni għandha tinkludi kodiċi tat-tariffa li tikklassifika l-oġġett skond in-natura preċiża tiegħu. Il-kodiċi fil-fatt użata (2) tikkorrispondi għal rata ta' dazji fuq l-importazzjoni (jew rifużjonijiet fuq l-esportazzjoni) pagabbli u għar-rekwiżiti u r-restrizzjonijet (3) sabiex jiġi importat (jew esportat) dan l-oġġett. L-operatur ekonomiku huwa legalment responsabbli għad-determinazzjoni korretta tal-kodiċi mdaħħla fid-dikjarazzjoni. |
2. |
Li tiġi determinata l-kodiċi tat-tariffa korretta tista' tippreżenta diffikultajiet, per eżempju rigward prodotti innovativi b'teknoloġija ġdida jew prodotti magħmula minn diversi elementi. Sabiex jikseb ċertezza legali qabel ma jimporta (jew jesporta) oġġett, l-operatur ekonomiku jista' japplika għal klassifikazzjoni uffiċjali mill-awtoritajiet doganali. Din il-klassifikazzjoni hija magħrufa bħala Informazzjoni li Torbot dwar it-Tariffa (BTI), li hija deċiżjoni bil-miktub mibgħuta lill-operatur ekonomiku. |
3. |
Fl-1993, il-proċedura tal-BTI saret sistema mifruxa mal-Komunità kollha li tipprovdi lill-operaturi ekonomiċi b'deċiżjonijiet ta' klassifikazzjoni tat-tariffi li jorbtu legalment sa sitt snin lill-awtoritajiet doganali madwar l-UE fir-rigward tad-detentur tal-BTI. Dan jgħin sabiex tissolva l-problema ta' klassifikazzjonijiet potenzjalment diverġenti għall-istess oġġett u, fl-istess ħin, tikkontribwixxi għal tħaddim armonizzat ta' l-unjoni doganali. |
Qafas legali
4. |
Id-dispożizzjonijiet speċifiċi għall-BTI huma stabbiliti fl-Artikolu 12 tal-Kodiċi Doganali tal-Komunità (CCC) (4), flimkien ma' l-Artikoli 5 sa 14 tad-Dispożizzjonijiet Implimentattivi tal-Kodiċi Doganali tal-Komunità (CCCIP) (5). Dispożizzjonijiet ġenerali li jirrigwardaw deċiżjonijiet u informazzjoni dwar il-BTI huma wkoll stabbiliti fl-Artikoli 6 sa 11 tal-CCC. Fl-2004, il-Kummissjoni provdiet linji gwida amministrattivi dwar is-Sistema Ewropea ta' l-Informazzjoni li Torbot dwar it-Tariffa u dwar l-operat tagħha (6). |
5. |
Is-sistema tal-BTI għall-klassifikazzjoni tiffaċilita l-kummerċ u l-approvazzjoni doganali. Hija tassisiti lill-Unjoni Ewropea sabiex tilħaq l-obbligi tagħha skond l-Artikolu X tal-ftehim GATT billi tgħin sabiex tassigura trattament uniformi għall-istess oġġett fl-Istati Membri kollha. |
6. |
Aktar minn 46 000 BTI nħarġu fl-2006 u 'l fuq minn 167 000 BTI kienu għadhom validi sa nofs Lulju 2007 (is-sitwazzjoni għal kull Stat Membru hija mogħtija fl-Anness I). |
Organizzazzjoni u deskrizzjoni tas-sistema tal-BTI
7. |
Stampa 1 tippreżenta s-sistema tal-BTI bħala flowchart. Meta operatur ekonomiku jagħmel applikazzjoni għal BTI, l-awtoritajiet doganali nazzjonali għandhom jassiguraw illi jintlaħqu l-kondizzjonijiet sabiex jagħtu l-BTI jiġu milħuqa u jekk ikun hekk, joħorġuha. Huma għandhom ukoll idaħħlu kemm l-applikazzjoni għall-BTI kif ukoll il-BTI maħruġa ġewwa d-database EBTI-3 (7) immexxija mill-Kummissjoni, li hija l-element prinċipali tas-sistema. L-applikazzjonijiet huma aċċessibbli f'din id-database għall-awtoritajiet doganali nazzjonali u għall-Kummissjoni biss, filwaqt illi l-BTI maħruġa huma aċċessibbli permezz ta' l-internet għall-pubbliku (8). Jekk BTI ma tibqax valida u b'hekk tiġi invalidata, taħt ċerti ċirkustanzi l-operatur ekonomiku jista' japplika għal “perijodu ta' grazzja” (9) għal massimu ta' 6 xhur oħra waqt liema huwa jkun xorta waħda jista' juża l-BTI għall-importazzjonijiet (jew l-esportazzjonijiet). Madanakollu, sabiex jingħata “perijodu ta' grazzja”, l-operatur ekonomiku jrid ikun ikkonkluda kuntratti li jorbtu għax-xiri jew għall-bejgħ tal-merkanzija involuta, fuq bażi tal-BTI tiegħu, qabel l-adozzjoni tal-miżura (10) li tkun għamlet il-BTI invalida. |
AMBITU U APPROĊĊ TAL-VERIFIKA
8. |
Is-sistema tal-BTI saret bil-ħsieb li tassigura applikazzjoni uniformi tal-politika doganali, li hija rekwiżit ta' l-unjoni doganali, u b'konsegwenza tgħin ukoll tassigura illi jiġi applikat id-dazju korrett (11). |
9. |
L-objettivi tal-verifika kienu:
|
Stampa 1
Is-sistema tal-BTI
10. |
Il-verifika inkudiet analiżi u evalwazzjoni tal-miżuri ta' sorveljanza u kontroll imwettqa mill-Kummisjsoni u mill-Istati Membri u kkombinat reviżjoni tas-sistema tal-BTI ma l-ittestajr ta' 185 operazzjoni ta' importazzjoni sostnuti mill-BTI sabiex tivverifika jekk ir-regoli applikabbli kinux qed jiġu applikati. |
11. |
Il-Qorti wettqet il-verifika tagħha fis-servizzi tal-Kummissjoni li ġejjin: DĠ TAXUD, DĠ BAĠIT u OLAF. |
12. |
Il-verifika fl-Istati Membri kopriet il-proċeduri sabiex jinħarġu u jiġu ġestiti l-BTI fid-Danimarka, il-Ġermanja, il-Greċja, l-Ungerija, is-Slovenja u r-Renju Unit li rrappreżentaw 63,8 % tal-BTI maħruġa fl-2005 (12). Hija inkludiet ukoll analiżi tal-kontrolli mwettqa mid-dwani ma' l-importazzjoni u l-użu tal-BTI mill-operaturi ekonomiċi. Ġew ivverifikati fajls tal-BTI u dikjarazzjonijiet ta' importazzjoni sostnuti minn BTI. Ġie eżaminat total ta' 340 fajl waqt il-verifika (13). |
OSSERVAZZJONIJIET
13. |
B'mod ġenerali, s-sistema tal-BTI instabet li kienet imfassla tajjeb mad-dispożizzjonijiet legali applikati fil-parti l-kbira mill-Istati Membri miżjura. |
14. |
Madanakollu nstabu nuqqasijiet waqt il-verifika tal-Qorti (ara l-Anness II) illi, filwaqt li ma kinux fundamentali għat-tħaddim ta' l-iskema, għandhom jiġu indirizzatil. Huma ppreżentati skond iż-żewġ oqsma prinċipali tas-sistema tal-BTI:
|
Ġestjoni tal-BTI fil-livell tal-Komunità
15. |
L-Unità tal-Kummissjoni fid-DĠ TAXUD li hija responsabbli mill-klassifikazzjoni tat-tariffi, tiġġestixxi l-BTI fil-livell tal-Komunità. Hija tabbozza l-leġiżlazzjoni, tippresjedi s-“Sezzjoni tan-Nomenklatura tat-Tariffi u ta' l-Istatistika” tal-Kumitat tal-Kodiċi tal-Kummerċ, tiġġestixxi d-database EBTI-3 u torganizza t-taħriġ xieraq għal dawk li jħarrġu fl-Istati Membri. |
16. |
Globalment, il-verifika tal-Qorti sabet illi l-Kumitat tal-Kodiċi Doganali jippermetti illi klassifikazzjonijiet inkonsistenti tat-tariffi jiġu solvuti, għalkemm ġie identifikat dewmien (il-paragrafi 17 sa 19). Id-database EBTI-3 fiha l-informazzjoni dwar il-BTI u d-disponibilita tagħha hija sodisfaċenti. It-taħriġ mogħti mill-Kummissjoni jipprovdi l-elementi prinċipali tas-sistema, li mbagħad jistgħu jiġu mgħoddija lill-utenti finali. Madanakollu, il-monitoraġġ tal-Kummissjoni għandu jittejjeb (il-paragrafi 20 sa 25). Il-leġiżlazzjoni, ikkumplimentata mil-linji gwida amministrattivi tal-Kummissjoni, hija adegwata imma għandha tissaħħaħ f'żewġ oqsma (il-paragrafi 26 u 27). |
It-trattament tal-klassifikazzjoni ta' BTI mill-Kumitat tal-Kodiċi Doganali
17. |
Meta jinħarġu BTI diverġenti minn Stati Membri differenti (14) l-ewwel isir tentattiv sabiex il-kwistjoni tiġi solvuta b'mod bilaterali. Jekk dan ma jirnexxix, il-Kummisjoni għandha, fuq inizjattiva tagħha stess jew fuq talba ta' Stat Membru, tpoġġi l-kwistjoni fuq l-aġenda tal-laqgħa tal-Kumitat tal-Kodiċi Doganali li jkun imiss (15). Skond il-proċedura tal-Kumitat, il-Kummissjoni għandha tadotta miżura sabiex tassigura l-applikazzjoni uniformi tan-nomenklatura mill-aktar fis possibbli u fi żmien sitt xhur mil-laqgħa. Huwa importanti illi BTI diverġenti jiġu solvuti mill-aktar fis possibbli sabiex tingħata l-klassifikazzjoni tat-tariffa korretta lill-oġġett partikolari u sabiex jitnaqqas ir-riskju korrispondenti għall-ġbir tad-dazji doganali korretti. |
18. |
Bejn l-2004 u l-2006, ġew imressqa quddiem il-Kumitat tal-Kodiċi Doganali 156 każ li kienu jikkonċernaw il-klassifikazzjoni fil-BTI. Filwaqt illi l-applikazzjoni uniformi tan-nomenklatura hija l-impetu prinċipali għall-Kumitat tal-Kodiċi Doganali sabiex isolvi kwistjonijiet ta' klassifikazzjoni, ġew identifikati s-sitwazzjonijiet li ġejjin:
|
19. |
Il-Kummissjoni tikkunsidra illi l-limitu ta' żmien preżenti ta' sitt xhur mhux realistiku u pproponiet li temenda l-Artikolu 9 tal-CCCIP sabiex il-limitu ta' żmien għall-implimentazzjoni ta' miżura jibda jingħadd mil-laqgħa meta miżura tkun ġiet approvata. Madanakollu, dan jista' jestendi l-perijodu ta' żmien waqt liema jistgħu jkunu jeżistu interpretazzjonijiet differenti minn xulxin dwar il-klassifikazzjonijiet tat-tariffi fuq merkanzija importata u esportata fi Stati Membri differenti. |
Ir-responsabbiltà finanzjarja ta' Stat Membru li jkun ħareġ BTI żbaljat
20. |
L-Istati Membri huma finanzjarjament responsabbli għat-telf tar-riżorsi proprji tradizzjonali kkawżat mill-iżbalji amminstrattivi tagħhom, irrispettivament mill-grad ta' negliġenza (16). Madanakollu, l-Kummissjoni ma ndirizzatx sistematikament il-kwistjoni tar-responsabbiltà finanzjarja possibbli ta' Stat Membru wara li jkun ħareġ klassifikazzjoni ta' tariffa żbaljata f'BTI. |
21. |
Skond id-database EBTI-3 kien hemm 1 080 każ ta' BTI li kienu invalidati mill-Istati Membri minħabba klassifikazzjoni żbaljata tat-tariffa fl-2005 u 1 134 fl-2006. Madanakollu, mhux il-BTI invalidati kollha għandhom konsegwenza finanzjarja. M'hemm l-ebda stima affidabbli la tan-numru ta' dikjarazzjonijiet doganali u lanqas ta' l-ammont ta' dazji ta' l-importazzjoni affettwati minn BTI invalidata. Dan huwa minħabba l-fatt illi l-operaturi ekonomiċi fil-pussess ta' BTI mhumiex obbligati li jiddikjaraw dan meta jimportaw il-merkanzija (ara l-paragrafu 26). |
Użu tad-database EBTI-3
22. |
Id-database EBTI-3 tagħmilha possibbli għall-Kummissjoni sabiex tistaqsi jekk l-applikazzjonijiet għal BTI, deċiżjonijiet dwar il-BTI u BTI annullati (17) jew invalidati jiddaħħlux fil-waqt fid-database. Madanakollu, il-Kummissjoni ma utilizzatx bis-sħiħ il-possibbiltajiet offruti mid-database EBTI-3 sabiex timmonitorja d-dħul tad-dejta mill-Istati Membri (per eżempju huwa possibbli li jsiru mistoqsijiet sabiex jiġi ċċekkjat iż-żmien bejn id-data meta tibda l-validità ta' BTI u meta ddaħlet ġewwa d-database) (18). Kieku sar użu aktar sistematiku tad-database, parti mid-dewmien innutat — partikolarment l-aġġornament bil-mod tad-database mill-Istati Membri — kienu jinstabu u jiġu rrimedjati aktar kmieni. |
23. |
Dħul preċiż fid-database EBTI-3 mill-Istati Membri u użu imtejjeb tal-possibbiltajiet tagħha kieku jippermetti kemm lilhom kif ukoll lill-Kummissjoni sabiex jimmonitorjaw b'mod aħjar l-applikazzjonijiet għal BTI u d-deċiżjonijiet dwar il-BTI fi Stati Membri oħra. Il-Kummissjoni organizzat taħriġ ibbażat fuq il-prinċipju illi l-Kummissjoni tħarreġ lil dawk li jħarrġu li mbagħad min-naħa tagħhom iħarrġu lill-utenti fl-Istati Membri tagħhom. Madanakollu, dan it-tagħrif ma nxteridtx għal-livell operattiv ta' l-Istati membri fil-każijiet kollha. |
24. |
It-teżawru li fih termini użati fid-database EBTI-3 ma ġiex aġġornat. Dan inaqqas l-utilità tad-database EBTI-3 minħabba li xi kliem prinċipali importanti mhumiex inklużi. |
25. |
Il-user interface pubblika tad-database EBTI-3 ma ġietx kompletament tradotta fil-lingwi ġodda ta' l-Istati Membri li ssieħbu sa mill-2004. Dan jillimita l-użu tagħha f'dawk il-pajjiżi. |
Adegwatezza tal-leġiżlazzjoni
26. |
Minħabba li d-detentur ta' BTI m'għandu l-ebda obligazzjoni legali li jippreżenta l-BTI tiegħu meta jkun qed jiddikjara l-merkanzija ma' l-importazzjoni (jew l-esportazzjoni), dawn rarament jiġu ppreżentati. Fil-prattika, jekk l-ebda BTI ma tiġi ddikjarata, ikun diffiċli għad-dwana sabiex taċċerta jekk id-dikjarant ikollux tabilħaqq BTI għall-merkanzija. Għalhekk, il-Kummissjoni preżentement m'għandha l-ebda stima affidabbli tal-valur jew tal-volum ta' l-importazzjonijiet koperti minn BTI. |
27. |
Detendturi ta' BTI rarament jitolbu “perijodu ta' grazzja” (19). Madanakollu, meta jingħata perijodu ta' grazzja, l-awtoritajiet doganali jkollhom diffikultajiet sabiex jimmonitorjaw illi l-kwantitajiet massimi ta' merkanzija permessa fil-kuntratti li jorbtu u soġġetti għall-perijodu ta' grazzja ma jinqabżux. Dan huwa għaliex merkanzija bħal din tkun tista' tkompli tiġi importata fi kwalunkwe Stat Membru mingħajr l-obligazzjoni illi tiġi ddikjarata l-eżistenza tal-“perijodu ta' grazzja”. |
Il-ġestjoni tal-BTI fl-Istati Membri
28. |
Is-sitt Stati Membri vverifikati kollha kemm huma ħolqu unità speċifika li tieħu ħsieb il-BTI. L-istruzzjonijiet li jużaw jew jagħtu lill-operaturi ekonomiċi instabu li kienu konformi mar-regolamenti relevanti u mal-linji gwida amministrattivi. |
29. |
Fuq bażi tal-155 fajl tal-BTI ċċekkjati, l-awdituri tal-Qorti jikkonkludu illi l-iproċessar ta' l-applikazzjonijiet ta' l-operaturi ekonomiċi u l-ħruġ tal-BTI huma sodisfaċenti. Madanakollu, xi kontrolli doganali ma ġewx irreġistrati (il-paragrafu 31) u l-azzjoni ma ttiħditx dejjem f'waqtha jew mhux dejjem kienet xierqa (il-paragrafi 32 sa 37). Il-BTI rarament tittieħed f'konsiderazzjoni minn xi Stati Membri fil-kontrolli tagħhom (il-paragrafu 38). |
30. |
185 dikjarazzjoni ta' l-importazzjoni ntgħażlu mill-Qorti sabiex tiċċekkja jekk l-operaturi ekonomiċi jużawx il-BTI korrettement jew jekk dawn jippruvawx jikklassifikaw il-merkanzija li għaliha huma jkollhom BTI taħt kodiċi ta' tariffi oħra. Ma nstabet l-ebda evidenza ta' żbalji bħal dawn. |
Ħruġ ta' BTI
31. |
Il-linji gwida tal-Kummissjoni jitolbu lid-dwani sabiex jiċċekkjaw jekk l-applikant issottomettiex applikazzjonijiet għal BTI għall-istess merkanzija fi Stati Membri oħra u jekk hemmx BTI diverġenti. Fi tliet Stati Membri vverifikati, il-kontrolli jew ma sarux fil-parti l-kbira tal-każijiet (20) jew ma kinux dokumentati bl-ebda mod (21). Dawn il-kontrolli huma essenzjali sabiex jipprevjenu “x-xiri” tal-BTI, fejn operatur ekonomiku japplika fi Stati Membri differenti għal BTI għall-istess oġġett sabiex juża l-BTI bl-aktar klassifikazzjoni ta' tariffa favorevoli madwar l-UE. |
32. |
L-awtoritajiet doganali ta' l-Istati Membri għandhom idaħħlu, mingħajr dewmien, l-applikazzjonijiet għal BTI u l-BTI maħruġa fid-database EBTI-3 (22). Fi tlett Stati Membri miżjura (23) kien hemm dewmien sistematiku meta ddaħħlu applikazzjonijiet għal BTI u l-BTI maħruġa fid-database EBTI-3. Fi Stat Membru minnhom (24) l-applikazzjonijiet għal BTI li ġew irrifjutati jiddaħħlux fid-database anke jekk ir-raġuni għar-rifjut kien it-tiftix ta' xiri ta' BTI. Meta applikazzjonijiet għal BTI u l-BTI maħruġa ma jiġux imdaħħla fid-database, ma jkunx hemm mezzi prattiċi sabiex jipprevjenu l-ħruġ ta' BTI diverġenti minn Stati Membri oħra għal merkanzija simili. |
33. |
Ma hemm l-ebda limiti ta' żmien leġiżlattivi speċifiċi sabiex tinħareġ BTI. Il-linji gwida amministrattivi tal-Kummissjoni jirrakkomandaw illi l-BTI tinħareġ xi żmien 3-4 ġimgħat mill-applikazzjoni. Erbgħa mill-Istati Membri vverifikati (25) ma laħqux din ir-rakkomandazzjoni. Tliet Stati Membri (26) ma nnotifikawx lill-applikanti meta kienu rċevew l-informazzjoni kollha meħtieġa sabiex jilħqu deċiżjoni (27). |
Annullament jew invalidazzjoni ta' BTI
34. |
BTI għandha tiġi annullata jekk din sussegwentement tinstab li nħarġet fuq bażi ta' informazzjoni mhux korretta jew inkompleta provduta mill-applikant (28). BTI għandha tiġi invalidata jekk miżura legali ġdida li tkun inkonsistenti mal-BTI tkun adottata mill-Unjoni Ewropea, jekk il-BTI ma tkunx aktar kompatibbli ma' l-interpretazzjoni tan-nomenklaturi doganali, jew jekk il-BTI tkun revokata jew emendata (29). |
35. |
L-awtorità doganali li tkun ħarġet il-BTI hija meħtieġa li tinnotifika lill-Kumissjoni bl-annullament jew l-invalidazzjoni tagħha mill-aktar fis possibbli (30). F'żewġ Stati Membri (31) vverifikati nstab dewmien fid-dħul ta' dawn l-annullamenti jew l-invalidazzjonijiet fid-database EBTI-3. Fi Stat Membru ieħor (32) madwar 3 000 BTI invalidati jew annullati ġew irreġistrati xorta waħa bħala validi fid-database EBTI-3 minħabba problemi kkawżati minn interface bejn is-sistema nazzjonali ta' l-IT u d-database EBTI-3. Jekk BTI li jkunu ġew invalidati jew annullati ma jiġux trażmessi fil-waqt lejn id-database EBTI-3, l-awtoritajiet doganali u l-operaturi ekonomiċi jistgħu jaħsbu illi dawk il-BTI għadhom validi u jistgħu jintużaw mid-detentur tagħhom. |
36. |
F'żewġ każijiet ta' BTI diverġenti identifikati minn Stat Membru (24), il-konsultazzjoni maż-żewġ Stati Membri l-oħra kkonċernati (33) bdiet f'Ġunju 2005 u damet sejra sa tmiem Mejju 2006 ma' wieħed minnhom (34). La l-leġiżlazzjoni u lanqas il-Linji gwida tal-Kummissjoni ma jistabbilixxu skadenza għall-Istati Membri sabiex jirrispondu f'każijiet bħal dawn. |
37. |
Fi Stat Membru wieħed (32) BTI ġiet revokata minflok ma ġiet annullata. L-istess Stat Membru kien ta 13-il perijodu ta' grazzja fl-2006. L-ebda wieħed minn dawn ma kien irrappurtat fid-database EBTI-3. |
Rikonċiljament tal-BTI mad-dikjarazzjoni ta' importazzjoni
38. |
Meta importatur jiddikjara BTI fid-dikjarazzjoni ta' importazzjoni tiegħu, din ta' l-aħħar tkun tista' tiġi ċċekkjata u mqabbla mal-BTI bħala parti mill-kontrolli ta' l-awtoritajiet doganali fuq il-klassifikazzjoni tat-tariffi. Dan huwa benefiċċju ieħor tas-sistema tal-BTI u jsaħħaħ il-kontrolli fl-Istati Membri. F'żewġ Stati Membri miżjura (35) ma kien hemm l-ebda evidenza illi l-BTI kienu qed jiġu ċċekkjati b'dan il-mod. |
KONKLUŻJONIJIET U RAKKOMANDAZZJONIJIET
Konklużjonijiet ġenerali
39. |
Il-verifika tal-Qorti kkonfermat illi s-sistema ta' l-Informazzjoni li Torbot dwar it-Tariffa kienet, b'mod ġenerali, imfassla tajjeb. Il-BTI hija mezz utli li permezz tagħha l-operaturi ekonomiċi jistgħu jiksbu ċ-ċertezza dwar il-klassifikazzjoni tal-merkanzija qabel ma jittieħdu d-deċiżjonijiet dwar l-importazzjonijiet (jew l-esportazzjonijiet). Hija tippromwovi l-klassifikazzjoni tat-tariffi uniformi fl-UE li hija rekwiżit tal-WTO u parti essenzjali mill-Unjoni Doganali tal-Komunità Ewropea. |
40. |
Meta BTI tinħareġ b'konformità mat-Tariffa Doganali Komuni u tiġi applikata korrettement u effettivament hija tgħin tabilħaqq sabiex tassigura illi r-riżorsi proprji tradizzjonali xierqa jiġu stabbiliti fir-rigward ta' dawk l-oġġetti soġġetti għall-BTI. |
41. |
Għalkemm b'mod ġenerali l-Kummissjoni ġġestiet is-sistema b'mod adegwat, instabu nuqqasijiet, partikolarment fil-qasam tas-sorveljanza. Hemm bżonn ta' titjibiet speċifiċi sabiex jittejjeb it-tħaddim ġenerali tas-sistema u sabiex jiġi assigurat illi din taħdem kompletament kif suppost. Id-dispożizzjonijiet leġiżlattivi jissaħħu kieku l-operaturi ekonomiċi kienu obbligati jindikaw il-BTI tagħhom fid-dikjarazzjonijiet ta' importazzjoni. |
42. |
Id-dispożizzjonijiet legali tal-BTI huma fil-parti l-kbira applikati fl-Istati Membri vverifikati, għalkemm il-verifika fil-fatt identifikat diversi nuqqasijiet illi jista' jkollhom effett fuq ir-riżorsi proprji tradizzjonali. |
Konklużjonijiet u rakkomandazzjonijiet speċifiċi
It-trattament tal-klassifikazzjoni tal-BTI fil-Kumitat tal-Kodiċi Doganali
43. |
Il-Kumitat tal-Kodiċi Doganali għandu jsolvi kwistjonijiet ta' klassifikazzjoni ta' BTI meta l-Istati Membri ma jkunux jistgħu jilħqu ftehim wara diskussjonijiet bilaterali. Il-proċedura tal-Kumitat preżenti tista' twassal sabiex l-iskadenza ffissata fl-Artikolu 9 tal-CCCIP tinqabeż, u b'hekk testendi l-perijodu ta' żmien li fih klassifikazzjoni ta' tariffa inkonsistenti tista' teżisti (ara l-paragrafi 17 sa 19). |
44. |
Il-Kummissjoni għandha twettaq it-titjib li ġej:
a) Il-proċeduri tax-xogħol tal-Kumitat tal-Kodiċi Doganali għandhom jiġu organizzati aħjar u l-fatturi li jistgħu iwasslu għal dewmien twil għandhom jiġu eliminati. b) Iż-żmien massimu sabiex jiġu solvuti klassifikazzjonijiet diverġenti ta' BTI għandhom jiġu evalwati mill-ġdid. c) In-numru tal-persunal li jieħu ħsieb il-BTI fil-Kummissjoni għandu jiġi evalwat mill-ġdid b'relazzjoni mal-limiti taż-żmien sabiex jiġu solvuti kwistjonijijet ta' klassifikazzjoni. |
Responsabbiltà finanzjarja ta' Stat Membru li jkun ħareġ BTI żbaljata
45. |
L-Istati Membri ma jinżammux sistematikament responsabbli għat-telf li jirriżulta mill-ħruġ ta' BTI żbaljata. Din il-kwistjoni hemm bżonn tiġi indirizzata (ara l-paragrafi 20 sa 21) Il-Kummissjoni għandha tevalwa l-impatt finanzjarju sħiħ tal-ħruġ ta' BTI żbaljata u tagħmel lill-Istati Membri finanzjarjament responsabbli għat-telf tar-riżorsi proprji tradizzjonali li jirriżulta. |
Użu tad-database EBTI3
46. |
Id-database ċentralizzata EBTI3 ġestita mill-Kummissjoni għandha tkun aġġornata u għandu jkun fiha l-applikazzjonijiet għal BTI u d-deċiżjonijiet tal-BTI kollha sabiex tagħmel lis-sistema tal-BTI effettiva madwar l-UE kollha. Għalhekk hija hi l-għodda prinċipali tas-sistema, imma xi wħud mill-benefiċċji potenzjali tagħha qed jintilfu (ara l-paragrafi 22 sa 25).
Il-Kummissjoni għandha: a) tuża b'mod aktar attiv il-possibbiltajiet offerti mid-database EBTI-3 sabiex tidentifika fejn l-Istati Membri mhumiex qed jiġġestixxu l-BTI skond id-dispożizzjonijiet legali; b) timmira aħjar it-taħriġ li hija torganizza fuq id-database EBTI-3 lejn il-livell operattiv fl-Istati Membri; c) taġġorna t-teżawru, sabiex timmasimizza l-utilità tad-database EBTI-3; d) tittraduċi l-user interface tal-parti pubblika tad-database EBTI-3 fil-lingwi kollha ta' l-Istati Membru li ssieħbu sa mill-2004. |
Adegwatezza tal-leġiżlazzjoni
47. |
Diversi nuqqasijiet fil-leġiżlazzjoni ġew identifikati waqt il-kors tal-verifika (ara l-paragrafi 26, 27 u 36):
a) Sabiex jiġu ffaċilitati l-kontrolli doganali huwa importanti illi l-BTI jiġu ddikjarati meta tiġi importata l-merkanzija, u għalhekk detentur ta' BTI għandu jkun obbligat li jiddikjara l-BTI tiegħu. Dan ikun jista' jippermetti wkoll illi l-valur u l-volum ta' l-importazzjonijiet koperti mill-BTI jkunu jistgħu jiġu determinati. b) Il-Kummissjoni għandha teżamina mezzi sabiex tirrimedja għan-nuqqas fil-kontroll għal dak li jirrigwarda s-sistema tal-perijodu ta' grazzja. Per eżempju, is-sistema ta' l-IT maħluqa sabiex jiġu ġestiti l-kwoti tista' tiġi estiża għall-perijodi ta' grazzja tal-BTI. c) Il-Kummissjoni għandha tistabbilixxi skadenzi raġonevoli għall-konsultazzjoni bejn l-Istati Membri sabiex jissolvew kwistjonijiet ta' klassifikazzjoni ta' BTI. Jekk l-ebda ftehim ma jkun jista' jintlaħaq sa din l-iskadenza, il-każ għandu jiġu mgħoddi lill-Kummissjoni. |
Implimentazzjoni tas-sistema tal-BTI mill-Istati Membri
48. |
Filwaqt illi l-Istati Membri vverifikati b'mod ġenerali applikaw b'mod korrett id-dispożizzjonijiet legali, xi nuqqasijiet fl-implimentazzjoni tagħhom ġew innutati (ara l-paragrafi 31 sa 38).
Il-Kummissjoni għandha tinkoraġġixxi lill-Istati Membri: a) sabiex jirrimedjaw fil-waqt kwalunkwe problemi sistematiċi misjuba rigward il-proċeduri tagħhom u l-għodda ta' l-IT; b) sabiex jaġġornaw id-database EBTI-3 fil-waqt; c) sabiex jiċċekkjaw, qabel ma jagħtu BTI, jekk l-applikant issottomettiex l-applikazzjonijiet tal-BTI għall-istess merkanzija fi Stati Membri oħra u jekk jeżistux BTI diverġenti; d) sabiex joħorġu l-BTI kemm jista' jkun malajr skond l-Artikolu 7(1) tar-Regolament (KEE) Nru 2454/93; e) sabiex jagħtu istruzzjonijiet lill-awtoritajiet doganali, sabiex jinkludu kontrolli reċiproċi bejn id-dikjarazzjonijiet ta' l-importazzjoni u l-BTI meta jkunu qed iwettqu l-kontrolli doganali. |
Dan ir-rapport ġie adottat mill-Qorti ta' l-Awdituri fil-Lussemburgu fil-laqgħa tagħha tas-6 ta' Marzu 2008.
Għall-Qorti ta' l-Awdituri
Vítor Manuel DA SILVA CALDEIRA
President
(1) Il-leġiżlazzjoni doganali Komunitarja tuża t-terminu “operatur ekonomiku” li huwa sinonimu mat-terminu “negozjant”.
(2) Ara l-websajt: http://ec.europa.eu/taxation_customs/dds/cgi-bin/tarchap?Lang=MT.
(3) Jekk liċenzja għall-importazzjoni (jew l-esportazzjoni) hijiex neċessarja, jekk japplikawx tariffi jew kwoti preferenzjali jew kwalunkwe restrizzjonijiet kwantitattivi oħra u kif il-merkanzija għandha tiġi trattata għall-iskopijiet ta' l-istatistika.
(4) Ir-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (ĠU L 302, 19.10.1992, p. 1).
(5) Ir-Regolament tal-Kunsill (KEE) Nru 2454/93 tat-2 ta' Lulju 1993 li jwaqqaf id-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi Doganali tal-Komunità (ĠU L 253, 11.10.1993, p. 1).
(6) Doc. TAXUD/907/2004-rev.2. Il-linji gwida amministrattivi kienu preżentati u aċċettati fl-10 ta' Ottubru 2004 fit-353 laqgħa tal-Kumitat tal-Kodiċi Doganali — Is-Sezzjoni tat-Tariffi u Nomenklatura ta' l-Statistika — (settur BTI).
(7) Id-database EBTI-3 fiha d-deċiżjonijiet u r-ritratti tal-prodott mibgħut mill-Istati Membri lill-Kummissjoni, Is-sistema kompjuterizzata preżenti bdiet titħaddem fl-Istati Membri fi tmiem l-1999. Xi Stati Membri vverifikati (il-Ġermanja, l-Ungerija u r-Renju Unit) jużaw interface bejn id-database nazzjonali tagħhom tal-BTI u d-database EBTI-3.
(8) http://ec.europa.eu/taxation_customs/dds/cgi-bin/ebtiquer?Lang=MT.
(9) L-Artikolu 12(6) tar-Regolament tal-Kunsill (KEE) Nru 2913/92.
(10) Per eżempju, meta jiġi adottat regolament ġdid li jagħmel il-klassifikazzjoni BTI nulla (ara l-Artikolu 12(5)(a) tar-Regolament (KEE) Nru 2913/92 għall-każijiet l-oħra).
(11) Il-verifika kkonċentrat fuq l-importazzjonijiet.
(12) Għall-għażla l-Istati Membri ġew ikklassifikati skond it-tul ta' żmien tagħhom fl-Unjoni Ewropea u n-numru ta' BTI li huma ħarġu. Ġiet imwettqa analiżi tar-riskju sabiex intgħażlu sitt Stati Membri rappreżentattivi. Waqt il-preparazzjoni tal-verifika, ġie miżjur ukoll il-Portugall.
(13) 155 fajl tal-BTI u 185 dikjarazzjoni ta' importazzjoni. L-ammont ta' dazji doganali involuti ma jistax jiġi determinat minħabba li d-detenturi ta' BTI jistgħu jimportaw il-merkanzija madwar l-UE kollha mingħajr ma jkollhom bżonn jiddikjaraw li għandhom BTI għal din il-merkanzija.
(14) Il-ħolqien ta' korp ċentralizzat li jkopri l-UE kollha sabiex joħorġu l-BTI kollha issemma fi Stat Membru li ġie vverifikat. Madanakollu, jkollha titwettaq evalwazzjoni profonda ta' l-ispejjeż u l-benefiċċji marbuta (finanzjarji u mhux finanzjarji).
(15) Skond l-Artikolu 9 tar-Regolament (KEE) Nru 2454/93. Bejn l-2004 u l-2006 ġew miżmuma 34 laqgħa minn dawn.
(16) Skond is-Sentenza C-392/02 tal-Qorti Ewropea tal-Ġustizzja (ĠU C 330, 24.12.2005, p. 1).
(17) L-Artikolu 8 tar-Regolament tal-Kunsill (KEE) Nru 2913/1992.
(18) Id-DĠ TAXUD, li huwa responsabbli mid-database, jalloka biss 1,5 persuni għal dan il-kompitu.
(19) Ara l-paragrafu 7.
(20) Id-Danimarka.
(21) Il-Ġermanja u l-Greċja.
(22) Skond l-Artikolu 8(1) tar-Regolament tal-Kummissjoni (KEE) Nru 2454/93.
(23) Il-Ġermanja, l-Ungerija u s-Slovenja.
(24) L-Ungerija.
(25) Id-Danimarka, il-Ġermanja, il-Greċja, is-Slovenja.
(26) Id-Danimarka, il-Greċja, is-Slovenja.
(27) Skond l-Artikolu 6(4) tar-Regolament (KEE) Nru 2454/1993.
(28) L-Artikolu 8 tar-Regolament (KEE) Nru 2913/92.
(29) L-Artikoli 9 u 12(5) tar-Regolament (KEE) Nru 2913/92.
(30) L-Artikolu 13 tar-Regolament (KEE) Nru 2454/93.
(31) Il-Ġermanja u l-Ungerija.
(32) Ir-Renju Unit.
(33) Il-Belġju u l-Olanda.
(34) Il-Belġju.
(35) Id-Danimarka, u l-Greċja.
ANNESS I
BTI MAĦRUĠA MINN KULL STAT MEMBRU
Stati Membri |
fl-2005 |
fl-2006 |
għadhom validi fis-16 ta' Lulju 2007 |
|
|
minn liema, eqdem minn 6 snin |
|||
BE |
415 |
483 |
1 861 |
0 |
BG |
mhux fl-UE |
mhux fl-UE |
45 |
0 |
CZ |
622 |
750 |
1 928 |
0 |
DK |
170 |
141 |
717 |
0 |
DE |
17 509 |
19 891 |
68 163 |
0 |
EE |
12 |
9 |
21 |
0 |
IE |
1 240 |
1 626 |
5 707 |
10 (1) |
EL |
3 |
6 |
40 |
0 |
ES |
461 |
513 |
2 995 |
0 |
FR |
6 188 |
5 762 |
23 207 |
2 (2) |
IT |
130 |
236 |
847 |
0 |
CY |
4 |
9 |
25 |
0 |
LV |
258 |
92 |
436 |
0 |
LT |
204 |
32 |
389 |
0 |
LU |
0 |
9 |
36 |
0 |
HU |
185 |
137 |
609 |
0 |
MT |
11 |
1 |
11 |
0 |
NL |
2 780 |
4 356 |
12 943 |
3 (1) |
RO |
mhux fl-UE |
mhux fl-UE |
14 |
0 |
AT |
742 |
708 |
2 851 |
0 |
PL |
1 130 |
841 |
2 541 |
0 |
PT |
197 |
128 |
898 |
0 |
SI |
239 |
265 |
847 |
0 |
SK |
298 |
263 |
803 |
0 |
FI |
249 |
306 |
1 379 |
0 |
SE |
274 |
362 |
1 781 |
0 |
UK |
8 255 |
9 140 |
36 454 |
0 |
Total |
41 576 |
46 066 |
167 548 |
15 |
Sors (data u spjegazzjonijiet): Kummissjoni Ewropea/Direttorat Ġenerali Tassazzjoni u Unjoni Doganali/Unità B3. |
(1) L-Irlanda u l-Olanda: il-BTI eqdem minn 6 snin inħarġu mill-ġdid imma d-dati tal-ħruġ ma nbidlux.
(2) Franza: kien hemm żball fl-ittajpjar fid-data tal-ħruġ ta' 2 BTI.
ANNESS II
ĦARSA ĠENERALI LEJN L-OSSERVAZZJONIJIET GĦALL-KUMMISSJONI U S-SITT STATI MEMBRI MIŻJURA
|
COM |
DK |
DE |
EL |
HU |
SI |
UK |
Ġestjoni tal-BTI mill-Kummissjoni |
|||||||
Il-proċedura tal-Kumitat tal-Kodiċi Doganali tista' twassal sabiex limiti ta' żmien statutorji ma jintlaħqux |
× |
|
|
|
|
|
|
Ir-responsabbiltà finanzjarja wara l-ħruġ ta' klassifikazzjoni ta' tariffa mhux korretta f'BTI mhix segwita sistematikament. |
× |
|
|
|
|
|
|
Il-user interface tad-database pubblika EBTI m'hijiex totalment tradotta fil-lingwi ta' dawk l-Istati Membri li ssieħbu sa mill-2004. |
× |
|
|
|
|
|
|
L-ebda użu sistematiku tad-database EBTI-3 |
× |
|
|
|
|
|
|
It-teżawru fid-database EBTI-3 għadu ma ġiex aġġornat |
× |
|
|
|
|
|
|
Nuqqasijiet fil-leġiżlazzjoni (l-ebda obbligazzjoni sabiex jiġi ddikjarat BTI: perijodi ta' grazzja; limiti ta' żmien) |
× |
|
|
|
|
|
|
Ġestjoni ġenerali tal-BTI mill-Istati Membri |
|||||||
Diffikultajiet tekniċi fl-interface bejn id-database nazzjonali u d-database EBTI-3 |
|
|
|
|
|
|
× |
Ħruġ tal-BTI |
|||||||
Konsultazzjoni tad-database EBTI-3 mhux magħmula jew mhux dokumentati |
|
× |
× |
× |
|
|
|
Operaturi ekonomiċi mhux notifikati dwar l-irċevuta ta' applikazzjoni kompleta |
|
× |
|
× |
|
× |
|
Trażmissjoni bil-mod ta' l-applikazzjonijiet għal BTI jew tal-BTI maħruġa lejn id-database EBTI-3 |
|
|
× |
|
× |
× |
|
Rifjut sabiex tinħareġ BTI |
|||||||
Applikazzjonijiet ma ddaħħlux fid-database EBTI-3 |
|
|
|
|
× |
|
|
Annullament/Invalidazzjoni ta' BTI |
|||||||
Dewmien fl-aġġornament tad-database EBTI-3 |
|
|
× |
|
× |
|
|
Id-database ta' EBTI-3 ma kinitx aġġornata |
|
|
|
|
|
|
× |
Il-BTI ġiet rrevokata minflok annullata |
|
|
|
|
|
|
× |
Notifikazzjoni bil-mod ta' BTI inkonsistenti lill-Kummissjoni |
|
|
|
|
× |
|
|
Estensjoni tal-validità ta' BTI (perijodu ta' grazzja) |
|||||||
Perijodu ta' grazzja mhux aġġornat fid-database EBTI-3 |
|
|
|
|
|
|
× |
Użu ta' BTI |
|||||||
Użu ta' BTI mhux ikkontrollat b'mod reċiproku ma' dikjarazzjonijiet ta' importazzjoni jew l-ebda evidenza ta' dan ma hi disponibbli |
|
× |
|
× |
|
|
|
TWEĠIBA TAL-KUMMISSJONI
TAQSIRA
II. |
Għalkemm l-eżistenza tas-sistema tal-BTI turi l-applikazzjoni uniformi tal-politika madwar l-Unjoni, l-għan primarju tal-BTI hu li tipprovdi lin-negozjanti biċ-ċertezza legali fir-rigward tal-klassifikazzjoni tat-tariffa tal-prodotti. |
III. |
Il-BTI għamlet suċċess kif tista’ turi ż-żieda annwali kontinwa fin-numri ta’ BTI maħruġa, u l-Kummissjoni u l-Istati Membri qed jagħmlu ħilithom kostantament biex itejbu l-BTI.
|
IV. |
|
OSSERVAZZJONIJIET
16. |
Il-Kummissjoni qed tagħmel ħilitha kollha kostantament biex ittejjeb l-applikazzjoni tal-leġiżlazzjoni dwar il-ħruġ tal-BTI. L-introduzzjoni tal-Kodiċi Doganali Modernizzat tippreżenta lill-Kummissjoni b’opportunità biex issaħħaħ id-dispożizzjonijiet ta’ implimentazzjoni u l-Linji Gwida amministrattivi. |
18. |
Is-sistema tal-BTI twassal għal differenzi fl-opinjonijiet dwar il-klassifikazzjoni li qed joħorġu fid-dieher u qed jiġu riżolti, prova li l-BTI hija strument utli biex jiġi żgurat li l-Komunità hija konformi ma' l-obbligi tagħha taħt il-GATT.
|
19. |
Fil-kuntest tal-Kodiċi Doganali Modernizzat, il-Kummissjoni biħsiebha temenda d-dispożizzjoni ta’ implimentazzjoni rilevanti biex l-iskadenza ssir iktar realistika. |
20. |
L-użu ta' BTI mhux korretti b'effett negattiv fuq ir-Riżorsi Proprji Tradizzjonali (TOR) jiġi segwit mill-Kummissjoni li ssir taf dwaru permezz ta' l-ispezzjonijiet, l-investigazzjonijiet u l-kontrolli dokumentati tagħha. |
21. |
In-numri ta’ BTI invalidati minħabba klassifikazzjoni żbaljata jammontaw għal inqas minn 1 % tal-BTI validi totali f’sena speċifika (kien hemm madwar 170 000 BTI validi fl-2007). |
22. |
Id-database EBTI-3 tfasslet biex tiżgura t-trasparenza ta’ l-informazzjoni doganali, biex tiggarantixxi trattament ugwali għall-operaturi ekonomiċi kollha u biex tippermetti li l-awtoritajiet doganali jivverifikaw, meta jkollhom jikklassifikaw prodotti speċifiċi, jekk tkunx diġà ttieħdet deċiżjoni ta’ klassifikazzjoni għal prodotti simili minn awtorità doganali Ewropea oħra. Tfasslet biex tippermetti li jiġu ssodisfati dawn l-għanijiet ewlenin — mhux bħala mezz biex tiġi verifikata l-attività ta' l-Istati Membri. Madankollu, fil-limiti tar-riżorsi umani disponibbli, il-Kummissjoni tikkonsulta lid-database EBTI-3 fuq il-bażi ta’ analiżi tar-riskju. |
23. |
Dħul ta’ data preċiża u affidabbli huwa l-punt fokali tal-linji gwida u t-taħriġ tal-Kummissjoni u huwa element importanti taż-żjajjar ta’ monitoraġġ. Il-Kummissjoni se tkompli tipprovdi għajnuna lill-Istati Membri biex jagħmlu titjib. Il-Kummissjoni tipprovdi taħriġ lil dawk l-uffiċjali li huma maħtura mill-amministrazzjonijiet tagħhom. Kif dan l-għarfien jiġi disseminat fl-amministrazzjoni hija r-responsabbiltà ta’ l-Istati Membri. |
24. |
Il-Kummssjoni taqbel li t-teżawru għandu bżonn jiġi aġġornat u qed tikkunsidra kif tista’ tikseb dan bl-aħjar mod. |
25. |
Il-Kummissjoni taqbel li l-parti pubblika tad-database EBTI għandha tkun disponibbli fi 22 lingwa. Dan għandu jinkiseb fl-ewwel kwart ta’ l-2008. |
26. |
Bil-Kodiċi Doganali Modernizzat (MCC), li huwa mistenni li jiġi adottat fl-2008, il-BTI se tkun torbot lid-detentur. Id-Dispożizzjonijiet ta’ l-Implimentazzjoni tal-MCC ser jistabbilixxu l-kundizzjonijiet għad-dikjarazzjoni tal-BTI. |
27. |
Minkejja n-numru żgħir ħafna ta’ “perjodi ta’ grazzja” mogħtija (348 fl-2005 u 145 fl-2006, li jirrappreżentaw madwar 0,2 % u 0,1 % rispettivament ta’ madwar 170 000 BTI validi fi kwalunkwe żmien) il-kwistjoni dwar ir-restrizzjoni tal-kontroll ta’ l-użu tal-“perjodu ta’ grazzja” ġie diskuss ma’ l-Istati Membri fil-Kumitat tal-Kodiċi Doganali. B’mod partikolari, qed jitqies l-użu ta’ formola biex jiġu kkontrollati l-ammonti li jibbenefikaw minn perjodu ta’ grazzja. |
29. |
Il-Kummissjoni se tindirizza ma’ l-Istati Membri n-nuqqasijiet identifikati mill-Qorti b’rabta ma’ l-ipproċessar ta’ l-applikazzjonijiet tal-BTI u l-ħruġ ta’ BTI. Fl-okkażjoni taż-żjajjar ta’ monitoraġġ li għaddejjin fl-Istati Membri, il-Kummissjoni rċeviet assigurazzjoni li verifiki xierqa, għalkemm mhux irreġistrati, qed isiru. |
31. |
Iż-żjajjar ta’ monitoraġġ li diġà saru wrew numru ta’ metodi differenti għal din il-kwistjoni fl-Istati Membri li jvarjaw minn listi ta’ verifiki formali sa noti informali ta’ verifiki mwettqa. Madankollu, il-Kummissjoni għandha tkompli tinkuraġġixxi lill-Istati Membri biex jadottaw approċċ iktar formali biex jirreġistrawhom. |
32. |
Il-Kummissjoni, filwaqt li tirrikonoxxi l-importanza li jiddaħħlu applikazzjonijiet tal-BTI u li jinħarġu BTI mingħajr dewmien fid-database EBTI-3, għandha tkompli tagħfas fuq l-Istati Membri l-obbligi tagħhom taħt il-leġiżlazzjoni u tinkoraġġixxi l-aħjar prassi. Il-Kummissjoni diġà tinsab fil-proċess li ssegwi ma’ l-Istati Membri kkonċernati d-drabi li ma kkonformawx mar-rekwiżiti legali rrapportati mill-Qorti. |
35. |
Fir-rigward tal-problema ta’ l-interface tat-3 000 BTI li kienu għadhom irreġistrati bħala validi fid-database EBTI-3 minkejja li kienu ġew invalidati minn amministrazzjoni ta’ Stat Membru, l-Istat Membru kkonċernat irrapporta li l-problema teknika minn dakinhar ġiet riżolta u l-BTI kkonċernata ġiet invalidata fl-EBTI-3. |
36. |
Il-Kummissjoni biħsiebha tintroduċi skadenza stretta biex tirrispondi għall-konsultazzjoni bejn l-Istati Membri matul ir-reviżjoni tad-dispożizzjonijiet ta’ implimentazzjoni fil-kuntest tal-Kodiċi Doganali Modernizzat. |
37. |
L-Istat Membru kkonċernat ikkonferma lill-Kummissjoni li huwa rreveda l-proċeduri tiegħu u issa huwa konformi ma’ l-obbligi tiegħu. Qed tkompli l-azzjoni ta’ segwitu. |
38. |
Il-kontrolli doganali ħafna drabi jsiru f’verifika wara r-rilaxx u huwa matul tali kontrolli li hija kkonfermata l-eżistenza ta’ BTI. Il-leġiżlazzjoni kurrenti ma timponix obbligu fuq in-negozjant li jkollu BTI biex jiddikjara jew juża dik il-BTI waqt l-approvazzjoni doganali. Madankollu, bil-Kodiċi Doganali Modernizzat (MCC) il-BTI ser torbot lid-detentur, ara r-risposta għall-paragrafu 26. |
KONKLUŻJONIJIET U RAKKOMANDAZZJONIJIET
39-41. |
Il-BTI wriet li hi suċċess kif uriet iż-żieda annwali kontinwa fin-numri ta’ BTI maħruġa. Il-Kummissjoni u l-Istati Membri qed jagħmlu ħilithom kollha kostantament biex itejbu s-sistema tal-BTI u fejn jinsabu l-problemi hemm proċeduri fis-seħħ li jgħinu biex tinstab soluzzjoni għalihom. L-adozzjoni mistennija tal-Kodiċi Doganali Modernizzat fl-2008 ser twassal it-titjib leġiżlattiv li l-Qorti tagħmel referenza għalih f’paragrafu 41. |
42. |
Il-Kummissjoni spjegat l-azzjoni li ħadet fir-rigward ta’ l-effetti possibbli fuq ir-riżorsi proprji, ara pereżempju r-risoposta għall-paragrafu 20. |
43. |
Il-Kummissjoni reċentement ħadet passi biex ittejjeb u tissimplifika l-effiċjenza tal-proċess tat-teħid tad-deċiżjonijiet tal-Kumitat tal-Kodiċi Doganali, ara r-risposta għall-paragrafu 44 (a). |
44. |
|
45. |
L-użu ta' BTI żbaljati b'effett negattiv fuq ir-Riżorsi Proprji Tradizzjonali (TOR) jiġi segwit mill-Kummissjoni li ssir taf dwaru permezz ta' l-ispezzjonijiet, l-investigazzjonijiet u l-kontrolli dokumentati tagħha. |
46. |
Fil-maġġoranza tal-każijiet l-Istati Membri jtellgħu l-applikazzjoni tal-BTI u l-BTI jinħarġu kuljum.
|
47. |
|
48. |
Il-Kummissjoni se tkompli tinkuraġġixxi lill-Istati Membri biex ittejjeb l-implimentazzjoni tagħhom tal-BTI kif rakkomandat mill-Qorti.
|