14.2.2008

MT

Il-Ġurnal Uffiċjali ta’ l-Unjoni Ewropea

C 40/1

---

Rata tal-kambju ta' l-euro (1)

It-13 ta' Frar 2008

(2008/C 40/01)

1 euro=

	Munita	Rata tal-kambju
USD	Dollaru Amerikan	1,4586
JPY	Yen Ġappuniż	156,83
DKK	Krona Daniża	7,4557
GBP	Lira Sterlina	0,74315
SEK	Krona Żvediża	9,3493
CHF	Frank Żvizzeru	1,6083
ISK	Krona Iżlandiża	98,30
NOK	Krona Norveġiża	7,9830
BGN	Lev Bulgaru	1,9558
CZK	Krona Ċeka	25,480
EEK	Krona Estona	15,6466
HUF	Forint Ungeriż	263,05
LTL	Litas Litwan	3,4528
LVL	Lats Latvjan	0,6964
PLN	Zloty Pollakk	3,5998
RON	Leu Rumen	3,6410
SKK	Krona Slovakka	33,032
TRY	Lira Turka	1,7545
AUD	Dollaru Awstraljan	1,6251
CAD	Dollaru Kanadiż	1,4562
HKD	Dollaru ta' Hong Kong	11,3782
NZD	Dollaru tan-New Zealand	1,8576
SGD	Dollaru tas-Singapor	2,0659
KRW	Won tal-Korea t'Isfel	1 379,84
ZAR	Rand ta' l-Afrika t'Isfel	11,2064
CNY	Yuan ren-min-bi Ċiniż	10,5019
HRK	Kuna Kroata	7,2661
IDR	Rupiah Indoneżjan	13 506,64
MYR	Ringgit Malażjan	4,7237
PHP	Peso Filippin	59,657
RUB	Rouble Russu	35,9630
THB	Baht Tajlandiż	46,748
BRL	Real Brażiljan	2,5483
MXN	Peso Messikan	15,6953

---

(1)  

Sors: rata tal-kambju ta' referenza ppubblikata mill-Bank Ċentrali Ewropew.

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/2

---

Kummunikazzjoni mill-Awtorità ta' Sorveljanza ta' l-EFTA dwar derogi min-Norveġja mid-dispożizzjonijiet ta' l-Att imsemmi fil-punt 2 ta' l-Anness XXI tal-Ftehim taż-ŻEE, ir-Regolament tal-Kunsill (KE) Nru 1165/98 li jikkonċerna l-istatistika għal żmien qasir fir-rigward tad-definizzjonijiet tal-varjabbli, il-lista tal-varjabbli u l-frekwenza tal-ġbir tad-data, kif implimentat u emedat mir-Regolament tal-Kummissjoni (KE) Nru 1503/2006

(2008/C 40/02)

Ir-Regolament tal-Kunsill (KE) Nru 1165/98 tad-19 ta' Mejju 1998 jikkonċerna l-istatistika għal żmien qasir fir-rigward tad-definizzjoni tal-varjabbli, il-lista tal-varjabbli u l-frekwenza tal-ġbir tad-data, kif adattatata bil-Protokoll 1 tal-Ftehim taż-ŻEE u msemmi fil-punt 2 ta' l-Anness XXI tiegħu (minn issa 'l quddiem “l-Att”), stabilixxa qafas komuni għall-produzzjoni ta' statistika Komunitarja għal żmien qasir dwar iċ-ċiklu tal-kummerċ fiż-Żona Ekonomika Ewropea. L-Artikolu 13 ta' l-Att jipprovdi li derogi mid-dispożizzjonijiet ta' l-Annessi tiegħu jistgħu jiġu aċċettati matul il-perjodu tranżitorju.

Ir-Regolament tal-Kummissjoni (KE) Nru 1503/2006 tat-28 ta' Settembru 2006 li jimplimenta u jemenda r-Regolament tal-Kunsill (KE) Nru 1165/98 li jikkonċerna l-istatistika għal żmien qasir fir-rigward tad-definizzjoni tal-varjabbli, lista tal-varjabbli u l-frekwenza tal-ġbir tad-data (minn issa 'l quddiem “Regolament (KE) Nru 1503/2006”) ġie inkorporat fil-punt 2c ta' l-Anness XXI tal-Ftehim taż-ŻEE mill-Kumitat Konġunt taż-ŻEE Nru 37/2007 (ĠU L 281, 12.10.2006, p. 15). Ir-Regolament (KE) Nru 1503/2006 jimplimenta u jemenda l-Att fir-rigward tad-definizzjonijiet tal-varjabbli stipulati fl-Annessi A sa D ta' l-Att, kif ukoll l-għanijiet, il-karatteristiċi u l-metodi tal-kalkoli ta' indiċi relevanti tagħhom, li huma deskritti fl-Anness I tar-Regolament (KE) Nru 1503/2006.

l-Awtorità ta' Sorveljanza ta' l-EFTA hija fdata bil-kompitu li taċċetta derogi skond l-Artikolu 13 ta' l-Att dwar l-applikazzjonijiet mill-Iżlanda, il-Liechtenstein u n-Norveġja.

In-Norveġja talbet għal derogi għall-ewwel konsenja ta' data li tirrigwarda l-varjabbli D — 310 kif introdott mir-Regolament (KE) Nru 1503/2006.

l-Awtorità ta' Superveljanza ta' l-EFTA approvat id-derogi li ġejjin, b'konformità ma' l-opinjoni tal-kapijiet tal-Istituti Statistiċi Nazzjonali EFTA li jassistu lill-Awtorità tas-Sorveljanza ta' EFTA:

IN-NORVEĠJA

Fatturi varjabbli	Suġġett tad-Deroga	L-ambitu tad-data	Tmiem tat-test tranżizzjoni perjodu	L-ewwel referenza għal perjodu ta' r-regolament il-ġdid	L-ewwel konsejta ta' data skond ir-regolament il-ġdid
D — 310	L-ewwel konsenja ta' data	NACE 60.24	31.12.2006	Q4/2004	31.12.2006
		NACE 74.11, 74.7	31.3.2007	Q1/2005	31.3.2007
		NACE 64.2	30.6.2007	Q4/2005	30.6.2007
		NACE 61.1, 62.1	30.9.2007	Q1/2006	30.9.2007
		NACE 72	31.12.2007	Q2/2006	31.12.2007
		NACE 63.12	31.3.2008	Q3/2006	31.3.2008
		NACE 74.2	30.9.2008	Q1/2007	30.9.2008
		NACE 74.12, 74.14	31.12.2008	Q1/2007	31.12.2008
		NACE 63.11	30.6.2009	Q4/2007	30.6.2009
		NACE 64.11, 64.12	30.9.2009	Q1/2008	30.9.2009
		NACE 74.5	31.12.2009	Q1/2008	31.12.2009
		NACE 74.3, 74.4, 74.6	30.9.2010	Q1/2009	30.9.2010

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/3

---

Awtorizzazzjoni ta' għajnuna mill-Istat skond l-Artikolu 61 tal-Ftehim ŻEE u l-Artikolu 1 (3) f'Parti I tal-Protokoll 3 tal-Ftehim tas-Sorveljanza u tal-Qorti

Deċiżjoni ta' l-Awtorità tas-Sorveljanza ta' l-EFTA biex ma tqajjimx oġġezzjonijiet

(2008/C 40/03)

Data ta' l-adozzjoni:	It-12 ta' Settembru 2007
Stat EFTA:	In-Norveġja
Nru ta' l-għajnuna:	Il-Każ 62756
Titlu:	Il-modifika għall-iskema għaċ-Ċentri ta' l-Innovazzjoni bbażata fuq ir-Riċerka
Għanijiet:	L-għan ewlieni ta' l-iskema huwa li tippromwovi r-riċerka, l-iżvilupp u l-innovazzjoni billi: — toħloq bażi ta' għarfien li tagħti lill-impriżi inċentiva sabiex iwettqu l-innovazzjoni, — tiffaċilita l-alleanzi attivi bejn l-impriżi attivi fir-riċerka u l-gruppi ta' riċerka fl-istituzzjonijiet tar-riċerka, — tappoġġa gruppi ta' riċerka orjentati lejn l-industrija li qed jagħmlu riċerka esploratorja; kif ukoll, — billi tistimula t-taħriġ tar-riċerkaturi u t-trasferiment ta' l-għarfien ibbażat fuq ir-riċerka.
Bażi ġuridika:	White Paper tal-Gvern dwar ir-Riċerka 2005 “Commitment to Research” (St. Meld. nru 20, 2004-2005) u d-dokument tal-Baġit annwali mill-Ministeru ta' l-Edukazzjoni u r-Riċerka għall-Kunsill tar-Riċerka tan-Norveġja.
Baġit/Tul:	NOK 140 miljun (bejn wieħed u ieħor EUR 17–il miljun) fis-sena/8 snin

It-test awtentiku tad-deċiżjoni, li tneħħitilha l-informazzjoni kunfidenzjali kollha, jinstab fuq:

http://www.eftasurv.int/fieldsofwork/fieldstateaid/stateaidregistry

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/4

---

Notifika mingħand l-awtoritajiet Norveġiżi li tikkonċerna l-estensjoni fuq it-tnaqqis tat-taxxa ta' l-elettriku għar-reġjun ta' Finnmark u North Troms

Awtorizzazzjoni għall-għajnuna mill-Istat skond l-Artikolu 61 tal-Ftehim taż-ŻEE u l-Artikolu 1(3) fil-Parti I tal-Protokoll 3 tal-Ftehim dwar is-Sorveljanza u l-Qorti

Awtorità tas-Sorveljanza ta' l-EFTA ddeċidiet li ma tqajjem l-ebda oġġezzjoni kontra l-miżura nnotifikata

(2008/C 40/04)

Data ta' l-adozzjoni:	10 ta' Ottubru 2007
Stat EFTA:	Norveġja
Każ Nru:	62964
Titlu:	Tnaqqis tat-taxxa ta' l-elettriku għar-reġjuni ta' Finnmark u North Troms
Għan:	Tassazzjoni ta' l-elettriku użat l-aktar bħala sostitut għal karburanti. It-taxxa ta' l-elettriku għandha tikkontrolla l-użu ta' l-elettriku u tistimula l-użu ta' enerġiji alternattivi f'ċerti reġjuni. Ladarba impriżi fir-reġjun notifikat isibuha diffiċli biex jadattaw għal tassazzjoni iktar għolja, huma xorta jħallsu iktar mir-rata minima kif provvdut fid-Direttiva 2003/96/KE, permezz ta' hekk għandhom xorta inċentiv biex inaqqsu d-domanda ta' l-elettriku.
Bażi legali:	Id-deċiżjoni anwali tal-Parlament Norveġiż fuq it-taxxa ta' l-elettriku Stortingets vedtak om forbruksavgift på elektrisk kraft) kif ukoll ir-regolamenti fuq it-taxxi tas-sisa (Forskrift om særavgifter)
Baġit:	NOK 70 miljun fis-sena, madwar NOK 350 miljun għall-perjodu 2007-2011
Tul:	Mill-1 ta' Jannar 2007 sal-31 ta' Diċembru 2011

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinstab fuq:

http://www.eftasurv.int/fieldsofwork/fieldstateaid/stateaidregistry/

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/5

---

Prodotti mediċinali — Lista ta' awtorizzazzjonijiet ta' kummerċjalizzazzjoni mogħtija mill-Istati EFTA taż-ŻEE għall-ewwel parti tas-sena 2007

(2008/C 40/05)

Sottokumitat I — Dwar il-moviment liberu tal-merkanzija

B'referenza għad-Deċiżjoni tal-Kumitat Konġunt taż-ŻEE Nru 74/1999 tat-28 ta' Mejju 1999, il-Kumitat Konġunt taż-ŻEE huwa mistieden li jinnota, fil-laqgħa tiegħu fit-28 ta' Settembru 2007, il-listi li ġejjin rigward awtorizzazzjonijiet għat-tqegħid fis-suq għal prodotti mediċinali għall-perjodu 1 ta' Jannar — 30 ta' Ġunju 2007:

ANNESS I	Lista ta' awtorizzazzjonijiet għat-tqegħid fis-suq ġodda
ANNESS II	Lista ta' awtorizzazzjonijiet għat-tqegħid fis-suq imġedda
ANNESS III	Lista ta' awtorizzazzjonijiet għat-tqegħid fis-suq estiżi
ANNESS IV	Lista ta' awtorizzazzjonijiet għat-tqegħid fis-suq irtirati

---

---

---

---

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/15

---

Talba għal Opinjoni Konsultattiva mill-Qorti ta' l-EFTA minn Follo tingrett, ta' l-24 ta' Ottubru 2007 fil-Każ ta' L'Oréal Norge AS v Per Aarskog AS u Oħrajn

(Kawża E-9/07)

(2008/C 40/06)

Permezz ta' ittra ta' l-24 ta' Ottubru 2007 saret talba għal Opinjoni Konsultattiva fil-Każ ta' L'Oréal Norge AS v Per Aarskog AS u Oħrajn, lill-Qorti ta' l-EFTA minn Follo tingrett (Qorti Distrettwali ta' Follo), li waslet fir-Reġistru tal-Qorti fil-31 ta' Ottubru 2007, dwar il-mistoqsijiet li ġejjin:

(1)	Għandu l-Artikolu 7(1) tad-Direttiva tal-Kunsill 89/104/KEE jinftiehem b'tali mod li proprjetarju ta' trade mark għandu d-dritt ma jħallix li ssir importazzjoni minn pajjiżi terzi barra ż-ŻEE meta tali importazzjoni sseħħ mingħajr il-kunsens tal-proprjetarju tat-trade mark?

(2)	L-Artikolu 7(1) tad-Direttiva 89/104/KEE għandu jinftiehem b'tali mod li hu permess l-eżawriment internazzjonali?

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/16

---

Notifika minn qabel ta' konċentrazzjoni

(Każ COMP/M.5041 — Berkshire Hathaway/Marmon Holdings)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2008/C 40/07)

1.

Fis-7 ta' Frar 2008, il-Kummissjoni rċeviet notifika ta' proposta ta' konċentrazzjoni skond l-Artikolu 4 tar-Regolament tal-Kunsill (KE) Nru 139/2004 (1) li biha l-impriża Berkshire Hathaway Inc. (“Berkshire”, l-Istati Uniti ta' l-Amerika) takkwista fit-tifsira ta' l-Artikolu 3(1)(b) tar-Regolament tal-Kunsill kontroll sħiħ ta' l-impiża Marmon Holdings Inc. (“Marmon”, l-Istati Uniti ta' l-Amerika) permezz ta' xiri ta' ishma.

2.	L-attivitajiet kummerċjali ta' l-impriżi kkonċernati huma: — għal Berkshire: holding company ta' konglomerat, — għal Marmon: holding company ta' konglomerat.

3.

Wara l-ewwel evalwazzjoni, il-Kummissjonin sabet li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex jissottomettu lill-Kummissjoni l-kummenti li jista' jkollhom dwar din l-operazzjoni proposta. Il-kummenti għandhom jaslu għand il-Kummissjoni mhux aktar tard minn 10 ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-fax (fax nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.5041 — Berkshire Hathaway/Marmon Holdings, fl-indirizz li ġej: Il-Kummissjoni Ewropea Direttorat-Ġenerali għall-Kompetizzjoni Reġistru għall-Amalgamazzjonijiet J-70 B-1049 Bruxelles/Brussel

---

(1)  ĠU L 24, 29.1.2004, p. 1.

(2)  ĠU C 56, 5.3.2005, p. 32.

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/17

---

Il-Pubblikazzjoni ta' applikazzjoni ta' reġistrazzjoni skond l-Artikolu 8(2) tar-Regolament tal-Kunsill (KE) Nru 509/2006 marbut ma' speċjalitajiet tradizzjonali garantiti fis-settur tal-prodotti agrikoli u ta' l-ikel

(2008/C 40/08)

Din il-pubblikazzjoni tikkonferixxi d-dritt li ssir oppożizzjoni għar-reġistrazzjoni skond ir-regoli ta' l-Artikolu 9 tar-Regolament tal-Kunsill (KE) Nru 509/2006 (1). Id-dikjarazzjoni għandha tasal għand il-Kummissjoni sa żmien sitt xhur mid-data ta' din il-pubblikazzjoni.

APPLIKAZZJONI GĦAR-REĠISTRAZZJONI TA' STG

REGOLAMENT TAL-KUNSILL (KE) Nru 509/2006

“PIZZA NAPOLETANA”

KE Nru: IT/TSG/007/0031/09.02.2005

1.   Isem u indirizz tal-kumpanija li qed titfa' l-applikazzjoni

Isem:	Associazione Verace Pizza Napoletana
Indirizz:	Via S. Maria La Nova, 49 — Napoli
Tel.	—
Faks	—
Imejl:	—
Isem:	Associazione Pizzaiuoli Napoletani
Indirizz:	Corso S. Giovanni a Teduccio, 55 — Napoli
Tel.	—
Faks	—
Imejl:	—

2.   Stat membru jew pajjiż terz

Italja

3.   Regolamenti tal-produzzjoni

3.1.   L-isem li għandu jiġi rreġistrat

Pizza Napoletana

Ir-reġistrazzjoni qed tintalab bil-lingwa Taljana biss.

Il-frażi “Prodotta secondo la Tradizione napoletana” u l-akronimu STG li jinsabu fil-lowgo/tikketta tal-“Pizza Napoletana” STG, huma tradotti bil-lingwa tal-Pajjiż fejn qed issir il-produzzjoni.

3.2.   Jiġi indikat jekk l-isem

X	huwiex speċifiku minnu nnifsu
	jindikax l-ispeċifiċità l-prodott agrikolu jew il-prodott ta' l-ikel

3.3.   Jiġi indikat jekk hix mitluba r-riserva ta' l-isem skond id-dispożizzjonijiet ta' l-Artikolu 13(2), tar-Regolament (KE) Nru 509/2006

	Reġistrazzjoni fejn bir-riserva ta' l-isem
X	Reġistrazzjoni mingħajr ir-riserva ta' l-isem

3.4.   It-tip ta' prodott

Klassi 2.3. Prodotti tal-ħelu, tal-ħobż, ikel ta' l-għaġina jew gallettini

3.5.   Deskrizzjoni tal-prodott agrikolu jew ta' l-ikel li ismu huwa indikat fil-punt 3.1

Il-“Pizza Napoletana” STG hija ppreżentata bħala prodott b'forma tonda li jsir fil-forn, b'dijametru li jista' jkollu daqsijiet differenti imma d-daqs ma jaqbiżx il-35 ċm fil-wisa', b'burdura li titla' ftit 'il fuq (imsejħa “cornicione”) u bil-parti tan-nofs miksija b'xi ingredjenti. Il-parti tan-nofs ikollha ħxuna ta' 0,4 ċm b'limitu li jista' jvarja b'± 10 %, filwaqt li l-burdura tista' tvarja b'1-2 ċm. Il-pizza għandha tkun prodott artab, flessibbli, li faċilment tista' tintewa forma ta' “ktejjeb”.

Il-“Pizza Napoletana” STG hija kkaratterizzata minn burdura li titla' ftit 'il fuq, kulur id-deheb, bħal kull prodott li jsir fil-forn, li tinħass ratba meta tmissha u wkoll meta dduqha; mill-parti tan-nofs li jkollha xi ingredjenti, fejn jispikka l-aħmar tat-tadam, li miegħu jkun amalgamat iż-żejt u skond l-ingredjenti li jintużaw, l-aħdar tar-riegnu u l-abjad tat-tewm; l-abjad tal-mozzarella mqatta' biċċiet xi ftit jew wisq qrib xulxin, l-aħdar tal-weraq tal-ħabaq, li mbagħad jiskura xi ftit meta jsir.

Il-konsistenza tal-Pizza Napoletana għandha tkun ratba, flessibbli, li tista' tintlewa; il-prodott jidher artab meta jinqata'; b'togħma karatteristika, bnina, liema togħma ġejja mill-burdura, li għandha t-togħma tipika tal-ħobż li għola sew bil-ħmira u ġie msajjar sew, togħma li titħallat ma' dik kemmxejn aċiduża tat-tadam, ma' l-aroma, rispettivament, tar-riegnu, tat-tewm jew tal-ħabaq u mat-togħma tal-mozzarella msajra fil-forn.

Mill-pizza, fl-aħħar tal-proċess tat-tisjir, toħroġ riħa karatteristika, tfuħ, tfewwaħ; it-tadam, meta jitlef biss l-ilma żejjed tiegħu, jibqa' magħqud u solidu; il-mozzarella di bufala campana DOP jew il-mozzarella STG tidher maħlula fuq il-pizza; kemm il-ħabaq kif ukoll it-tewm u r-riegnu joħolqu aroma intensiva, u dawn il-ħxejjex ma għandhomx jidhru maħruqin.

3.6.   Deskrizzjoni tal-metodu biex permezz tiegħu tasal għall-prodott bl-isem indikat fil-punt 3.1

Il-materja prima bażika li tikkaratterizza il-“Pizza Napoletana” tikkonsisti minn: dqiq artab mill-qamħ tat-tip “00” li miegħu jista' jitħallat dqiq tat-tip “0”, ħmira, ilma naturali tajjeb għax-xorb, tadam imqaxxar u/jew tadam frisk, melħ tal-baħar jew melħ tat-tisjir, żejt extra-verġni taż-żebbuġa. Ingredjenti oħra li jistgħu jintużaw fit-tħejjija tal-Pizza Napoletana huma: tewm u riegnu; mozzarella di bufala campana DOP, ħabaq frisk u mozzarella STG.

Il-karatteristiċi tad-dqiq huma dawn li ġejjin:

—	:	W	:	220-380
—	:	P/L	:	0,50-0,70
—	:	Assorbiment	:	55-62
—	:	Stabbiltà	:	4-12
—	:	Value index E10	:	max 60
—	:	Falling number	:	300-400
—	:	Glutina mnixxfa	:	9,5-11 g %
—	:	Proteini	:	11-12,5 g %

It-tħejjija tal-“Pizza Napoletana” issir biss skond il-fażijiet li ġejjin, li jitwettqu f'ċiklu kontinwu fl-istess stabbiliment:

Preparazzjoni tat-taħlita

Għandek tħawwad flimkien dqiq, ilma, melħ u ħmira. Għandek titfa' litru ilma fil-magna li tagħġen, tħoll kwantità ta' bejn 50 u 55 g melħ tal-baħar, iżżid 10 % tad-dqiq skond il-kwantità ta' għaġina ppjanata, u wara li tħoll 3 g tal-ħmira, tibda tħaddem il-magna li ħa tagħġen it-taħlita filwaqt li żżid bil-mod il-mod 1 800 g ta' dqiq W 220-380 sakemm it-taħlita tilħaq is-solidità mixtieqa u tista' titqies bħala għaġina. Din il-biċċa xogħol għandha tieħu 10 minuti.

It-taħlita għandha tinħadem fil-magna li tagħġen, li preferibbilment għandu jkollha l-parti li tagħġen forma ta' furketta, u dan il-proċess jieħu 20 minuta bil-mod sakemm din issir biċċa għaġina sħiħa. Biex it-taħlita tilħaq l-aħjar solidità, importanti ħafna l-kwantità ta' ilma li d-dqiq jista' jassorbi. It-taħlita għandha tinħass twaħħal, ratba u li tista' tiġġebbed.

Il-karatteristiċi tat-taħlita huma dawn li ġejjin, liema karatteristiċi jista' jkollhom bdil ta' ± 10 %:

—	:	Temperatura ta' fermentazzjoni	:	25 °C
—	:	pH finali	:	5,87
—	:	Aċidità totali ta' l-ewwel tip	:	0,14
—	:	Densità	:	0,79 g/cc (+ 34 %)

Teħmir (biex l-għaġina togħla permezz tal-ħmira)

L-ewwel fażi: it-taħlita, meta tinħareġ mill-magna, titpoġġa fuq mejda li bħalha jkun hemm f'pizzerija u titħalla toqgħod għal sagħtejn, mgħottija b'biċċa umda, sabiex il-wiċċ tagħha ma jibbiesx, għax inkella tifforma speċi ta' qoxra kkawżata mill-evaporazzjoni ta' l-umdità li tħalli t-taħlita stess. Wara sagħtejn li titħalla togħla permezz tal-ħmira, tiġi ffurmata speċi ta' ħobża, li biex jagħmilha, il-pizzar għandu juża biss idejh. Bl-għajnuna ta' sikkina wiesgħa, mit-taħlita li qiegħda fuq il-bank, il-pizzar jaqta' porzjon ta' għaġina li għoliet bil-ħmira u mbagħad jagħtiha forma ta' ħobża. Għall-“Pizza Napoletana”, dawn il-biċċiet ta' għaġina forma ta' ħobża għandhom jiżnu bejn 180 u 250 gramma.

It-tieni fażi tat-teħmir: meta jiġu ffurmati dawn il-biċċiet ta'għaġina forma ta' ħobża (staglio), it-teħmir isir għat-tieni darba ġo kontenituri ta' l-ikel, għal minn 4 sa 6 sigħat. Din it-taħlita, li tinżamm f'temperatura normali, tista' tintuża sa 6 sigħat wara.

Il-forma

Wara li jgħaddu s-sigħat tat-teħmir, din il-biċċa għaġina forma ta' ħobża tinqala' minn ġol-kontenitur permezz ta' sikkina wiesgħa u titpoġġa fuq il-bank tal-pizzerija fuq saff irqiq ta' dqiq biex jiġi evitat li l-għaġina teħel mal-bank li fuqu qed tinħadem. B'moviment min-nofs 'il barra u bil-pressjoni li ssir mis-swaba' taż-żewġ idejn fuq l-għaġina, li tiġi mdawra kemm-il darba, il-pizzar li qed jaħdimha jagħmel forma tonda ta' għaġina b'tali mod li fin-nofs il-ħxuna ma taqbiżx iz-0,4 ċm għalkemm din tista' tvarja b'± 10 % u fil-burdura l-ħxuna m'għandhiex taqbeż il-1-2 ċm, biex b'hekk tiġi ffurmata l-burdura ta' barra msejħa “cornicione”.

Għat-tħejjija tal-“Pizza Napoletana” STG mhuwiex aċċettabbli li l-għaġina tiġi maħduma b'metodi oħra, speċjalment billi tintuża xi lembuba u/jew xi magna li taqta' l-għaġina forma tonda bħal apparat mekkaniku li jaħdem l-għaġina.

Il-mili

Għall-Pizza Napoletana jintuża kondiment hekk kif spjegat hawn taħt:

—	b'mgħarfa jitpoġġew fin-nofs ta' l-għaġina tonda minn 70 g sa 100 g ta' tadam imqaxxar u mqatta' biċċiet żgħar,

—	b'moviment spirali t-tadam jiġi mxerred mal-parti kollha tan-nofs,

—	b'moviment spirali jiġi mxerred ftit melħ fuq il-wiċċ tat-tadam,

—	bl-istess mod jiġi mxerred kemmxejn riegnu,

—	tiġi mqatta' sinna tewm, li qabel tkun ġiet imqaxxra mill-qoxra ta' barra, f'biċċiet żgħar li jitpoġġew fuq it-tadam,

—	b'kontenitur taż-żejt li jkollu żennuna u b'moviment spirali, jiġu mxerrda fil-wiċċ, dejjem min-nofs 'il barra, 4-5 gramma ta' żejt extra verġni taż-żebbuġa, liema ammont jista' jiżdied b'20 %.

Jew:

—	b'mgħarfa jitpoġġew fin-nofs ta' l-għaġina tonda minn 60 sa 80 gramma tadam imqaxxar u mqatta' biċċiet żgħar u/jew tadam żgħir frisk imqatta',

—	b'moviment spirali t-tadam jiġi mxerred mal-parti kollha tan-nofs,

—	b'moviment spirali jiġi mxerred ftit melħ fuq il-wiċċ tat-tadam,

—	bejn 80-100 g mozzarella di bufala campana DOP mqatta' fetta fetta tiġi mxerrda fuq il-wiċċ tat-tadam,

—	fuq il-pizza jitpoġġew xi weraq tal-ħabaq frisk,

—	b'kontenitur taż-żejt li jkollu żennuna u b'moviment spirali, jiġu mxerrda fil-wiċċ, dejjem min-nofs 'il barra, bejn 4-5 gramma ta' żejt extra verġni taż-żebbuġa, liema ammont jista' jiżdied b'20 %.

Jew:

—	b'mgħarfa jitpoġġew fin-nofs ta' l-għaġina tonda minn 60 sa 80 gramma tadam imqaxxar u mqatta' biċċiet żħar,

—	b'moviment spirali t-tadam jiġi mxerred mal-parti kollha tan-nofs,

—	b'moviment spirali jiġi mxerred ftit melħ fuq il-wiċċ tat-tadam,

—	bejn 80-100 g mozzarella STG mqatta' fetta fetta tiġi mxerrda fuq il-wiċċ tat-tadam,

—	fuq il-pizza jitpoġġew xi weraq tal-ħabaq frisk,

—	b'kontenitur taż-żejt li jkollu żennuna u b'moviment spirali, jiġu mxerrda fil-wiċċ, dejjem min-nofs 'il barra, 4-5 gramma ta' żejt extra verġni taż-żebbuġa, liema ammont jista' jiżdied b'20 %.

Is-sajran

Il-pizzar jitfa' l-pizza bil-mili fuq pala ta' l-injam (jew ta' l-aluminju) bl-għajnuna ta' ftit dqiq u b'moviment rotatorju; din il-pizza mimlija tiġi mżerżqa bil-mod fil-forn b'moviment ħafif tal-polz biex il-mili ma joħroġx. Is-sajran tal-“Pizza Napoletana” STG isir biss fi fran ta' l-injam, fejn tintlaħaq temperatura tat-tisjir ta' 485 °C, essenzjali għall-“Pizza Napoletana” STG.

Il-pizzar għandu jiċċekkja s-sajran tal-pizza billi jgħolli tarf, permezz ta' pala tal-metall, u jċaqlaq il-pizza lejn in-nar, billi juża l-istess zona fil-forn ta' qabel, biex jevita li l-pizza tinħaraq għax ikun hemm żewġ temperaturi differenti. Importanti li l-pizza tissajjar b'mod uniformi mad-dawra kollha.

Dejjem permezz ta' pala tal-metall, fl-aħħar tas-sajran, il-pizzar joħroġ il-pizza mill-forn u jpoġġiha fuq platt ta' l-ikel. Il-ħin tas-sajran m'għandux jaqbeż is-60-90 sekonda.

Wara s-sajran, il-pizza għandu jkollha dawn il-karatteristiċi li ġejjin: it-tadam, meta jitlef biss l-ilma żejjed tiegħu, jibqa' magħqud u solidu; il-mozzarella di bufala campana DOP jew il-mozzarella STG tidher maħlula fuq il-pizza; kemm il-ħabaq kif ukoll it-tewm u r-riegnu joħolqu aroma intensiva, u dawn il-ħxejjex ma għandhomx jidhru maħruqin.

—	:	It-temperatura ta' sajran fil-forn	:	bejn wieħed u ieħor 485 °C
—	:	It-temperatura meta tiġi mdawra	:	bejn wieħed u ieħor 430 °C
—	:	Il-ħin tas-sajran	:	60-90 sekonda
—	:	It-temperatura li tilħaq l-għaġina	:	60-65 °C
—	:	It-temperatura li jilħaq it-tadam	:	75-80 °C
—	:	It-temperatura li jilħaq iż-żejt	:	75-85 °C
—	:	It-temperatura li tilħaq il-mozzarella	:	65-70 °C

Preservazzjoni

L-aħjar huwa li l-Pizza Napoletana tittiekel immedjatament, malli tinħareġ mill-forn, fl-istess post fejn tkun issajret; iżda, jekk mhux possibbli li tiġi kkunsmata fil-post fejn saret, m'għandhiex titpoġġa fil-friża jew tiġi ffriżata jew tiġi ssiġillata f'kontenitur mingħajr arja biex tiġi mibjugħa aktar tard.

3.7.   In-natura speċifika tal-prodott agrikolu jew ta' l-ikel

L-elementi l-aktar fundamentali li jiddefinixxu n-natura speċifika tal-prodott imsemmi huma ħafna u direttament marbutin mal-ħin u l-mod kif jinħadem, kif ukoll tas-sengħa u l-esperjenza ta' min qed jaħdmu.

B'mod speċjali, il-proċess ta' kif tiġi maħduma l-“Pizza Napoletana” huwa kkaratterizzat minn: it-taħlita, ir-reoloġija u t-tip partikolari ta' teħmir (li huwa differenti fuq żewġ fażijiet temporali u speċifiċi skond il-ħin/it-temperatura); it-tħejjija ta' l-għaġina li titqatta' forma ta' ħobża u kif din tiġi ffurmata; kif tinħadem u kif tiġi mħejjija l-forma tonda ta' l-għaġina li tkun għoliet bil-ħmira; it-tħejjija tal-forn u l-karatteristiċi tas-sajran (il-ħin/it-temperatura); dak li jikkaratterizza l-forn li bilfors għandu jkun ta' l-injam.

Bħala eżempju għandha tiġi enfasizzata l-importanza tat-tieni proċess ta' teħmir, u tal-ħidma u l-għodda wżata biex issir, jiġifieri li l-forn bilfors għandu jkun ta' l-injam u bil-paliet.

Wara t-tieni proċess ta' teħmir, l-għaġina forma ta' ħobż għandha tikber fil-volum, u tkun aktar imxarrba meta mqabbla ma' qabel. Meta min qed jaħdimha jagħmel pressjoni bis-swaba' taż-żewġ idejn, il-forza ta' dan il-moviment toħliq ċaqliq ta' l-arja li tinsab fil-bżieżaq ta' l-arja ta' l-għaġina min-nofs 'il barra ta' l-għaġina li tkun forma tonda u b'hekk tiġi ffurmata l-burdura msejħa “cornicione”. Din it-teknika tirrappreżenta karatteristika fundamentali tal-“Pizza Napoletana” STG għax il-burdura tassigura li l-ingredjenti tal-mili jibqgħu kollha ġewwa u ma joħorġux. Sabiex id-dijametru ta' l-għaġina tonda jikber jemm jiflah, l-għaġina tinħadem minn idejn il-pizzar li jdawwarha billi idu l-leminija tintlewa f'pożizzjoni ta' 45-60° meta mqabbla mal-bank fejn qed jaħdem u fuq il-bank tiġi mpoġġija l-għaġina forma tonda li tiġi mdawra permezz ta' moviment sinkronizzat ta' l-id ix-xellugija.

Mill-banda l-oħra, jekk l-għaġina tinħadem mod ieħor, billi tintuża xi lembuba jew xi magna li taqta' l-għaġina forma tonda (bħal apparat mekkaniku li jaħdem l-għaġina), dan ma jirnexxilux joħloq b'mod omoġenju ċaqliq fl-arja li tinsab ġol-bżieżaq ta' l-arja ta' l-għaġina 'il barra bl-iskop li tinħoloq forma tonda ta' l-għaġina li tkun kullimkien uniformi. Allura, b'dan il-mod, fin-nofs tal-parti tonda ta' l-għaġina, jiġu ffurmati livelli ta' ħxuna differenti, minħabba l-arja li jkun hemm bejn l-għaġina nnifisha. Għalhekk, jekk tintuża din l-għodda, il-pizza, wara s-sajran, ma jkollhiex dik il-burdura tipika tagħha msejħa “cornicione”, li hija meqjusa bħala waħda mill-karatteristiċi prinċipali tal-“Pizza Napoletana” STG.

Barra minn hekk, it-teknika Naplitana titlob li l-pizzar, wara li jkun lesta bejn tlieta sa sitt biċċiet ta' għaġina forma tonda lesti bil-mili, b'moviment ta' l-idejn preċiż u ħafif, ipoġġi b'kompetenza l-pizza minn fuq il-bank fejn qed jaħdimha għal fuq il-pala, b'tali mod li din ma titlifx il-forma tonda oriġinali tagħha (din tiġi mkaxkra bil-mod mill-pizzar b'idejh it-tnejn, li, wara li jdawwarha fuqha nnifisha bejn wieħed u ieħor b'90°, ipoġġiha fuq pala li hija tajba għal dan ix-xogħol). Il-pizzar ixerred ftit dqiq fuq il-pala li ħa jdaħħal fil-forn, biex b'hekk il-pizza tkun tista' tiżżerżaq faċilment minn fuq il-pala għal ġol-forn. Dan isir b'moviment ħafif tal-polz, filwaqt li jżomm il-pala f'angolatura ta' 20-25° meta mqabbla mal-livell ta' l-istess forn biex il-mili ma jaqax minn fuq il-pizza.

Mhijiex tajba biżżejjed xi teknika differenti mid-deskrizzjoni ta' qabel għax jekk il-pizza tittieħed direttament bil-pala minn fuq il-bank fejn qed tiġi maħduma, ma jkunx hemm garanzija li l-pizza li ħa tinħema fil-forn ħa tasal sħiħa.

Il-forn ta' l-injam huwa ta' importanza fundamentali għas-sajran u l-kwalità tal-“Pizza Napoletana”. Il-karatteristiċi tekniċi li jagħżluha minn oħrajn huma marbutin b'mod assolut fuq kemm tirnexxi l-“Pizza Napoletana” klassika. Il-forn Naplitan tal-pizza huwa magħmul minn bażi ta' ġebel tat-tufu, li jibqa' tiegħla fuq livell għat-tond imsejjaħ qiegħ, li fuqhu tiġi mibnija speċi ta' koppla. Il-ħnejja tal-forn hija magħmula minn materjal rifrattiv u għalhekk dan jiġi miksi minn materjal li ma jħallix is-sħana tixtered. Fil-fatt, il-proporzjon ta' bejn il-partijiet differenti tal-forn huma essenzjali biex il-pizza ssir bl-aħjar mod. Ir-riferiment għat-tip ta' forn huwa rrappreżentat mill-wisa' tal-qiegħ, iffurmat minn erba' sezzjonijiet ċirkolari rifrattivi li jiffurmawh. Il-pizza tiġi mgħollija minn pala ta' l-azzar u/jew ta' l-aluminju u mwassla sal-bokka tal-forn, fejn din titpoġġa u tiġi mdawra b'180°; il-pizza terġa' titpoġġa fuq l-istess post ta' qabel, b'tali mod li tikseb it-temperatura tal-qiegħ li tonqos mis-sħana li tkun ħadet il-pizza waqt is-sajran.

Jekk il-pizza titpoġġa f'post differenti, din terġa' tikseb it-temperatura tal-bidu, u b'hekk tispiċċa tinħaraq il-parti ta' taħt tal-pizza.

Dawn il-karatteristiċi kollha jiddeterminaw il-fenomenu ta' l-arja li jkun hemm fil-pizza u l-aspett viżiv tal-prodott finali; fil-fatt, il-“Pizza Napoletana” hija ratba u kumpatta b'burdura għolja, bil-ħmira fuq ġewwa li għolliet l-għaġina, verament ratba u faċli tintewa forma ta' “ktejjeb”. Importanti li jiġi enfasizzat li l-prodotti simili l-oħra li jsiru skond proċess differenti minn dak skond ir-regoli ma jistax ikollhom l-istess karatteristiċi viżivi u organolettiċi tal-“Pizza Napoletana”.

3.8.   It-tradizzjoni tal-prodott agrikolu jew ta' l-ikel

Tista' tgħid li l-pizza Naplitana tmur lura għall-perjodu storiku ta' bejn l-1715 u l-1725. Vincenzo Corrado, minn Oria, Kok Ġenerali tal-Prinċep Emanuele ta' Francavilla, fi trattat fuq l-ikel l-aktar użat f'Napli, jiddikjara li t-tadam jintuża bħala kondiment għall-pizza u għall-imqarrun, bħala karatteristika komuni ta' żewġ prodotti li maż-żmien għamlu l-fortuna ta' Napli u poġġewha fl-istorja tat-tisjir. Ma' dan hija marbuta d-dehra uffiċjali tal-“pizza napoletana”, biċċa għaġina forma tonda li bħala kondiment tuża t-tadam.

Hemm bosta dokumenti storiċi li jiddikjaraw li l-pizza hija speċjalità kulinari ta' Napli, u l-kittieb Franco Salerno jsostni li dan il-prodott huwa waħda mill-aqwa invenzjonijiet ta' l-ikel Naplitan.

Anke d-Dizionari della Lingua italiana u l-Enciclopedia Treccani jitkellmu speċifikament fuq il-pizza Naplitana. U l-kelmiet pizza Napoletana huma kkwotati saħansitra f'bosti testi tal-letteratura.

Bla dubju, l-ewwel pizzeriji bdew f'Napli u, sa l-ewwel nofs ta' l-1900 l-prodott kien jeżisti biss f'Napli u fil-pizzeriji. Sa mill-1700 kien hemm diversi ħwienet, imsejħa “pizzeriji”, li l-fama tagħhom waslet f'widnejn ir-Re ta' Napli, Ferdinando di Borbone li, biex iduq dan il-platt tipiku tat-tradizzjoni Naplitana, ma rrispettax l-etikett monarkiku meta daħal f'waħda mill-pizzeriji l-aktar famużi. Minn dak il-ħin il-“pizzerija” nbidlet f'ħanut ta' l-aħħar moda, post li fih issir esklussivament il-“pizza”. Il-pizez l-aktar popolari u famużi f'Napli kienu l-“marinara” li bdiet fl-1734 u l-“margherita” fl-1796-1810, li ġiet offruta lir-Reġina ta' l-Italja meta din żaret Napli fl-1889 minħabba l-kulur tal-kondiment tagħha (tadam, mozzarella u ħabaq) li jfakkru fil-bandiera Taljana.

Maż-żmien, il-Pizzeriji xterdu ma' l-ibliet Taljani kollha u anke barra l-pajjiż, imma kull waħda, anke jekk bdiet f'belt differenti minn dik ta' Napli, dejjem rabtet l-eżistenza tagħha ma' l-espressjoni “Pizzeria Napoletana” jew, inkella, ġie wżat kliem li seta' jfakkar b'xi mod ir-rabta tagħha ma' Napli fejn, għal kważi 300 sena sħaħ, dan il-prodott baqa' bejn wieħed u ieħor bla mittiefes.

Fix-xahar ta' Mejju ta' l-1984, kważi l-pizzara Naplitani antiki kollha ħejjew sensiela mhux twila ta' regolamenti ffirmati minnhom kollha u rreġistrata bħala att uffiċjali għand in-nutar Antonio Carannante ta' Napli.

Il-kelmiet “Pizza Napoletana” matul is-sekli tanti infirxu li kullimkien, anke barra mill-Ewropa, mill-Amerka tan-Nofs u ta' Fuq (bħal per eżempju fil-Messiku u fil-Gwatemala) sa l-Asja (bħal per eżempju fit-Tajlandja u fil-Malasja), anke meta dawn lanqas biss kellhom idea ta' fejn tinsab ġeografikament il-belt ta' Napli, jafu dan il-prodott in kwistjoni bl-isem ta' “Pizza Napoletana”.

3.9.   Il-kondizzjonijiet minimi meħtieġa u l-proċedura ta' kontroll tan-natura speċifika tal-prodott

Il-kontrolli maħsubin għall-STG “Pizza Napoletana” se jagħtu każ dawn l-aspetti li ġejjin:

il-kumpaniji, waqt li qed issir l-għaġna tal-pizza, il-proċess ta' teħmir x'ħin l-għaġina togħla bil-ħmira u t-tħejjija tal-pizza, għandhom isegwu l-proċedura korretta u s-sekwenza korretta tal-fażijiet deskritti; għandhom ikunu kkontrollati bir-reqqa l-punti kruċjali tal-kumpaniji; għandu jiġi ċċekkjat kemm il-materja prima taqbel ma' kif inhu deskritt fir-regolamenti ta' kif suppost għandhom ikunu; għandu jiġi ċċekkjat li l-materja prima li ħa tiġi wżata tkun ippreservata u maħżuna bl-aħjar mod u jiġi ċċekkjat li l-karatteristiċi tal-prodott finali jkunu konformi ma' kif inhu previst fir-regolamenti attwali tal-produzzjoni.

3.10.   Lowgo

L-akronimu STG, u l-frażijiet “Specialità Tradizionale Garantita” u “prodotta secondo la tradizione napoletana” huma tradotti bil-lingwi uffiċjali oħra tal-pajjiż fejn qed issir il-produzzjoni.

Il-lowgo li jikkaratterizza l-pizza napoletana huwa kif ġej: immaġni ovali mpoġġija b'mod orizzontali ta' kulur abjad b'burdura ta' kulur griż ċar, qed tirrappreżenta l-platt li fuqu tidher il-pizza, li tidher b'mod realistiku u fl-istess ħin id-disinn huwa stilizzat u jirrispetta bis-sħiħ it-tradizzjoni filwaqt li jidhru l-ingredjenti klassiċi li huma t-tadam, il-mozzarella, il-weraq tal-ħabaq u xi qtar taż-żejt taż-żebbuġa.

Taħt il-platt, kemmxejn 'il barra, hemm l-effett ta' dell bil-kulur aħdar, li joħloq b'mod aktar qawwi, flimkien mal-kuluri l-oħra, l-effett tal-kuluri nazzjonali minn fejn oriġina l-prodott.

Impoġġi ftit fuq il-platt li fih il-pizza, tidher tieqa rettangolari ta' kulur aħmar bil-kantunieri ġejjin għat-tond, li fiha hemm miktub b'ittri bojod u bl-iswed mad-dawra, b'dell aħdar ftit 'il barra u b'burdura bajda l-kliem “PIZZA NAPOLETANA” STG. Fuq din il-kitba, 'il fuq u kemmxejn lejn il-lemin, miktubin b'tipa iżgħar u b'tipa differenti u bil-kulur abjad, hemm miktub “Specialità Tradizionale Garantita”. Imbagħad isfel, fin-nofs, bl-istess tipa tal-lowgo, PIZZA NAPOLETANA STG, b'ittri kbar ta' daqs żgħir (small caps), miktubin bl-abjad u b'burdura sewda hemm il-frażi: “Prodotta Secondo la Tradizione napoletana”.

Kitba	Tipa
PIZZA NAPOLETANA STG	Varga
Specialità Tradizionale Garantita	Alternate Gothic
Prodotta secondo la Tradizione napoletana	Varga

Il-kuluri tal-Pizza	Pantone ProSim	C	M	Y	K
Il-bex skur tal-burdura	466	11	24	43	0 %
L-aħmar qawwi taz-zalza tat-tadam	703	0 %	83	65	18
Il-weraq tal-ħabaq	362	76	0 %	100	11
Il-vini fil-weraq tal-ħabaq	562	76	0 %	100	11
L-aħmar tat-tadam	032	0 %	91	87	0 %
Il-qtar taż-żejt taż-żebbuġa	123	0 %	31	94	0 %
Il-Mozzarella	600	0 %	0 %	11	0 %
Ir-riflessi fuq il-Mozzarella	5807	0 %	0 %	11	9

Il-kuluri tad-disinn u tat-tipa	Pantone ProSim	C	M	Y	K
Il-griż tal-burdura tal-platt ovali	P. Grey — 3CV	0 %	0 %	0 %	18
L-aħdar tad-dell tal-platt ovali	362	76	0 %	100	11
L-aħmar tar-rettangolu li għandu kantunieri tondi 032	032	0 %	91	87	0 %
L-abjad bil-burdura sewda tal-frażi “PIZZA NAPOLETANA” STG		0 %	0 %	0 %	0 %
L-abjad bil-burdura sewda tal-frażi “Prodotta Secondo la Tradizione napoletana”		0 %	0 %	0 %	0 %
L-abjad tal-frażi “Specialità Tradizionale Garantita”		0 %	0 %	0 %	0 %

4.   L-awtoritajiet u l-organiżmi li jiċċekkjaw li r-regolamenti qed jiġu segwiti

4.1.   Isem u indirizz

Isem:	Certiquality SRL
Indirizz:	Via Gaetano Giardino, 4 I-20123 Milano
Tel.	—
Faks	—
Imejl:	—
Pubbliku	X Privat
Isem:	DNV Det Norske Veritas Italia
Indirizz:	Centro Direzionale Colleoni Viale Colleoni, 9 Palazzo Sirio 2 I-20041 Agrate Brianza (MI)
Tel.	—
Faks	—
Imejl:	—
Pubbliku	X Privat
Isem:	IS.ME.CERT.
Indirizz:	Via G. Porzio Centro Direzionale Isola G1 I-80143 Napoli
Tel.	—
Faks	—
Imejl:	—
Pubbliku	X Privat

4.2.   Il-kompitu speċifiku ta' l-awtorità jew ta' l-entità

It-tliet entitajiet tal-Kontroll imsemmijin qabel, jagħmlu l-kontrolli meħtieġa fuq persuni u entitajiet differenti li joperaw fiż-żoni differenti tat-territorju nazzjonali.

---

(1)  ĠU L 93, 31.3.2006, p. 1.

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/26

---

Avviż dwar talba skond l-Artikolu 30 tad-Direttiva 2004/17/KE — Estensjoni tad-data ta' l-għeluq

Talba minn Stat Membru

(2008/C 40/09)

Fis-17 ta' Jannar 2008, il-Kummissjoni rċeviet talba skond l-Artikolu 30(4) tad-Direttiva 2004/17/KE tal-Parlament Ewropew u tal-Kunsill tal-31 ta' Marzu 2004 li tikkoordina l-proċeduri ta' akkwisti ta' entitajiet li joperaw fis-setturi tas-servizzi ta' l-ilma, l-enerġija, t-trasport u dawk postali (1).

Din it-talba, mir-Repubblika ta' l-Italja, tikkonċerna s-servizz tal-posta 'express' f'dan il-pajjiż. It-talba kienet is-suġġett ta' pubblikazzjoni fil-ĠU C 29, 1.2.2008, p. 18. Il-perjodu inizjali jiskadi fit-18 ta' April 2008.

Minħabba li d-dipartimenti tal-Kummissjoni jeħtiġilhom jirċievu u jeżaminaw tagħrif supplimentari u skond id-dispożizzjonijiet previsti fl-Artikolu 30(6), it-tielet sentenza, id-data ta' l-għeluq li l-Kummissjoni għandha sabiex tieħu deċiżjoni rigward din it-talba hi estiża b'xahar.

Il-perjodu għalhekk jiskadi fit-18 ta' Mejju 2008.

---

(1)  ĠU L 134, 30.4.2004, p. 1.

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/27

---

Rettifika għad-Dikjarazzjoni Konġunta mill-Kunsill u r-Rappreżentanti tal-Gvernijiet ta' l-Istati Membri mlaqqgħin fil-Kunsill, il-Parlament Ewropew u l-Kummissjoni Ewropea

( Ġurnal Uffiċjali ta' l-Unjoni Ewropea, C 25 tat-30 ta' Jannar 2008 )

(2008/C 40/10)

Fuq il-qoxra:

minflok:

aqra:

F'paġna 1, qabel it-titolu:

minflok:

aqra:

---

14.2.2008

MT

Il-Ġurnal Uffiċjali ta’ l-Unjoni Ewropea

C 40/27

---

Rettifika għas-sejħa ġdida għal proposti dwar taħriġ għal imħallfin nazzjonali fil-liġi tal-kompetizzjoni tal-KE u kooperazzjoni ġudizzjarja bejn imħallfin nazzjonali

( Ġurnal Uffiċjali ta' l-Unjoni Ewropea, C 310 ta' l-20 ta' Diċembru 2007 )

(2008/C 40/11)

F'paġna 31, l-aħħar linja:

minflok:

aqra:

---