Notifika mir-Rumanija dwar ir-reċiproċità tal-viża (1)

(2008/C 19/01)

Brussell, 7 ta' Novembru 2007

Ref. Nru 9752

Ir-Rappreżentanza Permanenti tar-Rumanija għall-Unjoni Ewropea tifraħ lis-Segretarjat Ġenerali tal-Kunsill ta' l-Unjoni Ewropea u, b'segwitu għan-Nota Verbali Nru 1629 tar-Rappreżentanza Permanenti tal-21 ta' Frar 2007 u abbażi ta' l-Artikolu 2 tar-Regolament tal-Kunsill (KE) Nru 851 tat-2 ta' Ġunju 2005 li jemenda r-Regolament (KE) Nru 539/2001 tal-15 ta' Marzu 2001 fir-rigward tal-mekkaniżmu ta' reċiproċità, għandha l-unur tikkomunika li, wara d-dħul fis-seħħ tal-Ftehim bejn il-Gvern tar-Rumanija u l-Gvern tar-Repubblika Federattiva tal-Brażil dwar it-tneħħija tas-sistema tal-viża, mill-11 ta' Novembru 2007, iċ-ċittadini Rumeni huma eżenti mill-obbligu tal-viża għal transitu u żjajjar qosra.

Notifika simili ntbagħtet lill-Kummissjoni Ewropea.

Ir-Rappreżentanza Permanenti tar-Rumanija tieħu din l-opportunità sabiex iġġedded l-assigurazzjonijiet ta' l-ogħla stima tagħha lill-Kunsill ta' l-Unjoni Ewropea.

(1)  Din in-notifika hija ppubblikata b'konformità ma' l-Artikolu 2 tar-Regolament tal-Kunsill (KE) Nru 851/2005 tat-2 ta' Ġunju 2005 (ĠU L 141, 4.6.2005, p. 3) li jemenda r-Regolament (KE) Nru 539/2001 tal-15 ta' Marzu 2001 (ĠU L 81, 21.3.2001, p. 1).

DEĊIŻJONI TAL-KUNSILL

tal-21 ta’ Jannar 2008

taħtar lill-membru Irlandiż tal-Bord ta' Tmexxija taċ-Ċentru Ewropew għall-Iżvilupp ta' Taħriġ Professjonali

(2008/C 19/02)

IL-KUNSILL TA' L-UNJONI EWROPEA,

Wara li kkunsidra r-Regolament tal-Kunsill (KEE) Nru 337/75 ta' l-10 ta' Frar 1975 li jistabbilixxi ċ-Ċentru Ewropew għall-Iżvilupp ta' Taħriġ Professjonali, u b'mod partikolari l-Artikolu 4 tiegħu (1),

Wara li kkunsidra n-nomina ppreżentata mill-Gvern Irlandiż,

Billi:

IDDEĊIEDA KIF ĠEJ:

Artikolu Uniku

Il-persuna li ġejja hija b'dan maħtura membru tal-Bord ta' Tmexxija taċ-Ċentru Ewropew għall-Iżvilupp ta' Taħriġ Professjonali għall-bqija tal-mandat, li jiskadi fis-17 ta' Settembru 2009:

I.   RAPPREŻENTANT TA' MIN IĦADDEM

Irlanda: Is-Sur Tony DONOHOE

(1)  ĠU L 39, 13.2.1975, p. 1. Ir-Regolament kif emendat l-aħħar bir-Regolament (KE) Nru 2051/2004 (ĠU L 355, 1.12.2004, p. 1).

(2)  ĠU C 240, 5.10.2006, p. 1.

Rata tal-kambju ta' l-euro (1)

L-24 ta' Jannar 2008

(2008/C 19/03)

1 euro=

(1)  

Sors: rata tal-kambju ta' referenza ppubblikata mill-Bank Ċentrali Ewropew.

Taqsira tad-deċiżjonijiet tal-Komunità dwar l-awtorizzazzjonijiet għat-tqegħid fis-suq fir-rigward ta' prodotti mediċinali mill-1 ta' Diċembru 2007 sal-31 ta' Diċembru 2007

[Ppubblikat skond l-Artikolu 13 jew l-Artikolu 38 tar-Regolament (KE) Nru 726/2004 tal-Parlament Ewropew u tal-Kunsill  (1)]

(2008/C 19/04)

—   Ħruġ ta' awtorizzazzjoni għat-tqegħid fis-suq [Artikolu 13 tar-Regolament (KE) Nru 726/2004]: Aċċettat

—   Modifika ta' awtorizzazzjoni għat-tqegħid fis-suq [Artikolu 13 tar-Regolament (KE) Nru 726/2004]: Aċċettata

—   Irtirar ta' awtorizzazzjoni għat-tqegħid fis-suq [Artikolu 13 tar-Regolament (KE) Nru 726/2004]

—   Modifika ta' awtorizzazzjoni għat-tqegħid fis-suq [Artikolu 38 tar-Regolament (KE) Nru 726/2004]: Aċċettata

Kull min jixtieq jikkonsulta r-rapport ta' evalwazzjoni pubblika fuq il-prodotti mediċinali inkwistjoni u d-deċiżjonijiet marbuta magħhom għandu jikkuntattja lil:

(1)  ĠU L 136, 30.4.2004, p. 1.

Taqsira tad-deċiżjonijiet tal-Komunità dwar l-awtorizazzjoni għat-tqegħid fis-suq fir-rigward ta' prodotti mediċinali mill-1 ta' Diċembru 2007 sal-31 ta' Diċembru 2007

[Deċiżjonijiet meħuda skond l-Artikolu 34 tad-Direttiva tal-Parlament Ewropew u tal-Kunsill 2001/83/KE (1) jew Artikolu 38 tad-Direttiva tal-Parlament Ewropew u tal-Kunsill 2001/82/KE  (2)]

(2008/C 19/05)

—   Ħruġ, manteniment jew modifikazzjoni ta' l-awtorizazzjonijiet nazzjonali tat-tqegħid fis-suq

(1)  ĠU L 311, 28.11.2001, p. 67.

(2)  ĠU L 311, 28.11.2001, p. 1.

Proċeduri ta' stralċ

Deċizjoni biex jinfteħu proċeduri ta' stralċ fir-rigward ta' Hullberry Insurance Company Onderlinge Waarborgmaatschappij U.A.

Pubblikazzjoni skond l-Artikolu 14 tad-Direttiva 2001/17/KE tal-Parlament Ewropew u tal-Kunsill fuq ir-rijorganizzazzjoni u l-istralċ ta' impriżi ta' l-assigurazzjoni

(2008/C 19/06)

Il-proċedura nazzjonali ta' l-Italja għall-allokazzjoni tad-drittijiet limitati tat-traffiku ta' l-ajru

(2008/C 19/07)

F'konformità ma' l-Artikolu 6 tar-Regolament tal-Parlament Ewropew u tal-Kunsill (KE) Nru 847/2004 dwar in-negozjati u l-implimentazzjoni tal-ftehimijiet dwar is-servizzi ta' l-ajru bejn l-Istati Membri u pajjiżi terzi, il-Kummissjoni Ewropea tippubblika l-proċedura nazzjonali li ġejja bil-għan li tixxerred fost id-detenturi kollha Komunitarji tad-drittijiet tat-traffiku kkonċernati, skond kif ikunu ristretti bil-ftehimiet dwar servizzi ta' l-ajru stipulati ma' pajjiżi terzi.

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 2204/2002 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat għax-xogħol

(Test b'rilevanza għaż-ŻEE)

(2008/C 19/08)

(1)  Bl-eċċezzjoni tas-settur tal-bini tal-vapuri u setturi oħrajn suġġetti għal regoli speċjali f'regolamenti u direttivi li jirregolaw l-għajnuna Statali fi ħdan is-settur.

(2)  Bl-eċċezzjoni tas-settur tal-bini tal-vapuri u setturi oħrajn suġġetti għal regoli speċjali f'regolamenti u direttivi li jirregolaw l-għajnuna Statali fi ħdan is-settur.

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 70/2001 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat lil impriżi żgħar u ta' daqs medju

(Test b'rilevanza għaż-ŻEE)

(2008/C 19/09)

Notifika minn qabel ta' konċentrazzjoni

(Każ COMP/M.5015 — Sagard/BPEF/Fläkt Woods JV)

Każ li jista' jiġi kkunsidrat għall-proċedura simplifikata

(Test b'rilevanza għaż-ŻEE)

(2008/C 19/10)

(1)  ĠU L 24, 29.1.2004, p. 1.

(2)  ĠUC 56, 5.3.2005, p. 32.

Pubblikazjoni ta' applikazzjoni skond l-Artikolu 6(2) tar-Regolament tal-Kunsill (KE) Nru 510/2006 dwar il-ħarsien ta' indikazzjonijiet ġeografiċi u d-denominazzjonijiet ta' l-oriġini tal-prodotti agrikoli u oġġetti ta' l-ikel

(2008/C 19/11)

Din il-pubblikazzjoni tippermetti li jsiru oġġezzjonijiet għal proposta skond l- Artikolu 7 tar-Regolament tal-Kunsill (KE) Nru 510/2006 (1). L-oġġezzjonijiet għandhom jaslu għand il-Kummissjoni fi żmien sitt xhur mid-data ta' din il-pubblikazzjoni.

SOMMARJU

IR-REGOLAMENT TAL-KUNSILL (KE) Nru 510/2006

“LAPIN PORON LIHA”

Nru tal-KE: FI/PDO/005/0352/15.07.2004

DPO ( X ) IĠP ( )

Dan is-sommarju jippreżenta l-karatteristiċi ewlenin tas-sommarju tal-prodott għal skopijiet informattivi.

1.   Awtorità kompetenti fl-istat membru:

2.   Grupp:

3.   Tip ta' prodott:

Klassi 1.1: Laħam frisk (u l-intern)

4.   Speċifikazzjoni:

(sommarju tar-rekwiżiti skond l-Artikolu 2 tar-Regolament (KE) Nru 510/2006)

4.1.   Isem: “Lapin Poron liha”

4.2.   Deskrizzjoni: L-isem Lapin Poron liha jiġi użat biex jindika prodotti tal-laħam tar-renni fil-kummerċ ta' l-ikel u l-kummerċjalizzazzjoni ta' l-ikel. Id-denominazzjoni tirreferi għall-karkassi ta' l-għoġiela tar-renni li għandhom inqas minn sena u l-karkassi tar-renni adulti (renni nisa, renni rġiel u l-gniedes tar-renni) li għandhom aktar minn sena, kif ukoll il-partijiet tagħhom (qatgħat). Il-laħam tar-renni ta' Lapland jinbiegħ sabiex jintuża direttament jew għal ħażna bħala karkassi sħaħ, nofs karkassi jew kwart ta' karkassi jew jitqatta' f'biċċiet ta' karkassi jew partijiet ta' muskoli.

Ir-renni (Rangifer tarandus tarandus L.) huma annimali nofshom selvaġġi ta' utilità u ta' proprjetà privata u li jitrabbew b'mod tradizzjonali fiż-żona Finlandiża tat-trobbija tar-renni. Ir-renni għandhom riġlejn twal u erbat iswaba u jappartienu lill-familja taċ-ċriev (Cervidae) u huma annimali erbivori u li jixtarru.

Il-laħam tar-renna huwa teneru, skur u b'togħma ta' laħam tal-kaċċa. Il-fibri tal-laħam tar-renna huma aktar irqaq mill-fibri tal-laħam ta' l-elk u ċ-ċanga. Il-valur enerġetiku tal-laħam delikat tar-renna huwa għoli, u huwa simili għaċ-ċanga li hija aktar xaħmija. L-ammont ta' xaħam fil-laħam tar-renna huwa baxx. L-ammont ta' xaħam fil-qatgħat mill-kustilji tal-flett (mingħajr il-membrana) jew fil-qatgħat ta' l-għolja tal-koxxa huwa estremament baxx. Ix-xaħam huwa saff li jidher fuq id-dahar u fuq l-għolja tal-koxxa. Ix-xaħam tar-renna huwa għoli fl-aċidi grassi mhux saturati. Ix-xaħmijiet tal-laħam tar-renna jistgħu jitqabblu max-xaħmijiet tal-ħut f'termini ta' l-effetti pożittivi tagħhom. Ix-xaħam tar-renna, u d-demm ukoll, fih ħafna aċidi grassi mhux saturati. Il-laħam tar-renna fih sa bejn 50 u 60 % ta' aċidi oleiċi mhux saturati, li huma magħrufin li jnaqqsu l-kolesterol “ħażin” tat-tip LDL.

Il-kontenut ta' proteina tal-laħam tar-renna huwa għoli (madwar 23 %) u fih hemm ħafna aċidi amminiċi liberi. Il-laħam tar-renna fih ħafna vitamini; l-aktar importanti huma l-ħafna vitamini tal-grupp B. Il-laħam fih ħafna vitamini A u E wkoll. L-ammont ta' vitamina E huwa ta' madwar 0,5 μg/100 g. Il-laħam tar-renna fih minn 4-5 darbiet aktar vitamina Ċ miċ-ċanga.

L-ammonti ta' elementi minerali u dawk li jinsabu fi kwantitajiet ta' traċċa huma ogħla fil-laħam tar-renna milli f'laħmijiet ta' annimali oħra. Il-laħam tar-renna fih ħafna potassju, kalċju, manjesju, fosfru, kubrit, silikon, manganiż, żingu u ram. Meta mqabbel maċ-ċanga u mal-majjal, l-ammont ta' ħadid fil-laħam tar-renna huwa partikolarment għoli i.e. 3-5 mg/100 g. Il-laħam tar-renna fih ħafna ram u silenju, u fih minn 5-10 darbiet aktar silenju miċ-ċanga.

L-ammont ta' vitamini fil-laħam ta' renni żgħar huwa ogħla mill-ammont ta' vitamini fil-laħam ta' renni adulti bl-ammonti jilħqu l-ogħla livelli tagħhom fil-ħarifa fi żmien il-qtil. Matul il-ħarifa, il-laħam tar-renni żgħar ikun fih minn 2-3 % aktar proteina mil-laħam tar-renna mara. L-ammonti ta' rmied, manjesju u potassju fil-laħam ta' renni żgħar huma kemmxejn ogħla minn dawk li jinsabu fir-renni nisa. Il-laħam tar-renni żgħar fih kontenut ta' xaħam inqas minn dak ta' l-annimali adulti u l-kontenut ta' enerġija tiegħu huwa inqas. L-ammont ta' ilma fil-laħam jiddependi mill-età, l-istat nutrittiv ta' l-annimal u ż-żmien tal-qtil. L-ammont medju ta' ilma fil-laħam tar-renni adulti huwa 69 %, filwaqt li fil-każ ta' renni żgħar huwa ta' 71-75 %.

Il-karatteristiċi differenti ta' tipi ta' laħam kummerċjali huma stipulati fil-klassifika tal-laħam tar-renna (2005) ta' l-Assoċjazzjoni tar-Rgħajja tar-Renni, għall-industrija tar-renni (PE-P5) u fiha l-laħam ta' renni adulti u ta' renni żgħar huwa kklassifikat skond l-użijiet tiegħu l-aktar adattati.

4.3.   Żona ġeografika: Iż-żona ta' produzzjoni tradizzjonali tal-Lapin Poron lilha hija ż-żona Finlandiża tat-trobbija tar-renni, li tinsab fit-Tramuntana mbiegħda mhux ħażin, f'latitudni bejn 65 u 70 grad Tramuntana. Skond l-Att Finlandiż dwar it-Trobbija tar-Renni (Nru 848/1990), iż-żona tkopri l-Provinċja ta' Lapland, (minbarra l-bliet ta' Kemi u Tornio u l-muniċipalità ta' Keminmaa); il-muniċipalitajiet ta' Hyrynsalmi, Kuivaniemi, Kuusamo, Pudasjärvi, Suomussalmi, Taivalkoski u Yli-Ii fil-Provinċja ta' Oulu u ż-żoni fit-Tramuntana tax-xmara Kiiminkijoki u t-triq Puolanka-Hyrynsalmi fil-muniċipalitajiet ta' Puolanka, Utajärvi u Ylikiiminki.

4.4.   Prova ta' l-oriġini: Sabiex ikollu t-tikketta “Lapin Poron liha”:

Il-laħam tar-renna li jaqa' taħt id-denominazzjoni jrid joriġina minn renni li twieldu u trabbew fiż-żona definita fit-taqsima 4.3 u li jirgħu liberament fil-mergħat naturali matul ir-rebbiegħa, is-sajf, il-ħarifa u, għal xi wħud minnhom, il-bidu tax-xitwa qabel il-qtil.

Skond ir-regoli, l-istruzzjonijiet u r-rakkomandazzjonijiet ta' l-industrija, il-produzzjoni u l-immaniġġar ta' laħam tar-renna jinkludu t-trobbija tar-renni, il-qtil, it-trasport, l-ipproċessar (qtugħ), l-imballaġġ u l-ħżin.

L-ipproċessar (qtugħ) u l-imballaġġ tal-laħam tar-renni miż-żona Finlandiża ta' trobbija tar-renni jeħtieġlu jsir f'żona ġeografka ristretta, i.e. iż-żona ta' trobbija tar-renni.

Il-laħam tar-renni jiġi prodott minn rgħajja tar-renni professjonali li joqogħdu fiż-żona Finlandiża ta' trobbija tar-renni li huma familjari mal-leġiżlazzjoni dwar it-trobbija tar-renni u li jaħdmu b'mod organizzat kif titlob il-leġiżlazzjoni tar-renni Finlandiża.

Kontroll ta' l-oriġini

Skond il-leġiżlazzjoni Finlandiża dwar it-trobbija tar-renni, sid ir-renni għandu jimmarka widnet ir-renna jew eżatt wara t-twelid jew talanqas mhux aktar tard mill-wasla tar-renna għall-qtil.

Meta r-renni jintgħażlu għall-qatla u jiġu separati minn dawk l-annimali li jkunu se jinżammu ħajjin, huma jiġu mmarkati fil-mergħa tagħhom waqt il-proċess ta' l-għażla b'marka tal-qtil fuq widinthom, sabiex jingħata numru individwali lill-annimal għall-qtil. Dan in-numru jibqa' fuq il-karkassa sakemm jibda l-proċess tal-qtugħ. Il-laħam maqtugħ huwa nnumerat fil-proċess tal-qtugħ u l-ipproċessar, u n-numru jibqa' mal-prodott sal-konsumatur aħħari. L-impjanti ta' tqattigħ tal-laħam u tal-preparazzjoni tal-laħam għandhom jirreġistraw il-karakassi u kull laħam ieħor li jidħlu fl-istabbiliment, kif ukoll il-laħam li joħroġ mill-istabbiliment. Il-korpi muniċipali regolatorji jissorveljaw il-kmamar tal-qtugħ tal-laħam u l-impjanti tal-prodotti tal-laħam.

Id-direttur tal-biċċerija u l-ispettur veterinarju jimmonitorjaw il-qtil tar-renni fil-biċċeriji. Il-qtil isir skond ir-Regolament (KE) Nru 854/2004 u d-Digriet tal-Ministeru ta' l-Agrikoltura u l-Foresterija Nru 38/EEO/2006 dwar l-ispezzjonijiet tal-laħam. Il-laħam tar-renni jista' jinbiegħ direttament lill-konsumatur mill-biċċerija jew mis-sit ta' produzzjoni (eż. is-sit ta' separazzjoni jew fi stabbiliment agrikolu tar-renni).

L-annimali huma mrobbija, maqtula u pproċessati (mqattgħin) skond il-leġiżlazzjoni Komunitarja, il-leġiżlazzjoni sekondarja nazzjonali u parzjalment fuq il-bażi ta' rakkomandazzjonijiet ippubblikati mill-Assoċjazzjoni tar-Rgħajja tar-Renni. Is-sorveljanza ssir minn Evira, l-Awtorità Finlandiża dwar is-Sikurezza ta' l-Ikel, li taħdem taħt l-awtorità tal-Ministeri kompetenti. Il-kontrolli jaqgħu taħt ir-responsabilità ta' l-awtoritajiet ta' l-ikel lokali u kull Uffiċċju Provinċjali ta' l-Istat.

4.5.   Metodu ta' produzzjoni: Matul is-sena ta' trobbija tar-renni 2005-2006, 200 196 renna tħallew jgħixu wara x-xitwa (renni tat-trobbija) fil-Finlandja. Dawn ipproduċew total ta' 116 488 għoġiela, li 94 115 minnhom inqatlu fil-ħarifa u fil-bidu tax-xitwa. Mir-renni adulti (renni nisa, gniedes tar-renni u renni rġiel) 30 038 inqatlu fil-ħarifa u fil-bidu tax-xitwa.

Madwar 70-75 % ta' l-annimali maqtula huma għoġiela ta' bejn 5 u 8 xhur, b'piż ta' qtil ta' madwar 22 kg. Il-piż medju ta' renna mara adulta maqtula huwa ta' madwar 35 kg; il-piż tal-qtil ta' l-akbar renna maskili adulta jista' jkun 70-80 kg.

Ir-rata ta' qtil fil-livelli massimi attwali awtorizzati hija ta' madwar 90 000 — 110 000 renna fis-sena. It-trobbija tar-renni tipproduċi 2-2,5 miljun kilo ta' laħam fis-sena, il-valur tal-produzzjoni għas-sidien tar-renni huwa ta' EUR 11-15-il miljun fis-sena.

It-trobbija tar-renni hija ppratikata permezz ta' sistema ta' kooperattivi ta' għassa tal-merħliet tar-renni. Kull ragħaj tal-merħla tar-renni huwa membru ta' kooperattiva li minnhom b'kollox hemm 56, 41 fil-provinċja ta' Lapland u 15 fil-provinċja ta' Oulu. L-unitajiet indipendenti tat-trobbija tar-renni għandhom limiti definiti b'mod strett u jvarjaw fid-daqs u n-numru ta' renni. Ir-rgħajja tal-merħliet tar-renni dejjem isegwu ir-ritmu naturali tat-Tramuntana meta jieħdu ħsieb ir-renni. Fit-trobbija tar-renni l-aktar biċċa xogħol li tieħu ħin hija l-ġabra flimkien tar-renni. Xogħlijiet oħra jinkludu l-immarkar tal-widna, l-għadd, is-separazzjoni, it-trasport u l-għassa tal-merħla, il-qtil għall-użu personali u l-għalf addizzjonali meta meħtieġ. Ir-renni jirgħu liberament fil-mergħat naturali waqt ir-rebbiegħa, is-sajf, il-ħarifa u l-bidu tax-xitwa qabel il-qtil. Matul dan iż-żmien jieħdu l-ikel kollu tagħhom minn sorsi naturali. L-għalf tas-sajf tar-renni jista' jinkludi 350 speċi ta' pjanta differenti jew aktar, l-aktar pjanti vaskulari. Il-pjanti ta' l-ikel l-aktar popolari fis-sajf jinkludu pjanti tal-bassasa kif ukoll ħaxix li jikber mal-mergħat u x-xmajjar. In-nutriment tas-sajf jiġi diġerit faċilment u fih ħafna proteini, vitamini kif ukoll minerali u elementi fi kwantitajiet ta' traċċa.

Għall-aħħar tas-sajf u speċjalment fil-ħarifa, ir-renni jħobbu jieklu l-faqqiegħ u jinfirxu fl-aħjar żoni tal-faqqiegħ. Ir-renni jieklu l-faqqiegħ sakemm tibda nieżla l-borra u anke fil-bidu tax-xitwa jibqgħu jħaffru għall-faqqiegħ li jkun baqa' taħt il-borra.

Il-likeni huma nutriment importanti għar-renni fix-xitwa. F'ħafna postijiet, il-likeni jammontaw għal 30-60 % ta' l-ikel tax-xitwa tagħhom. Fix-xitwa r-renni jieklu wkoll il-ħażiż kif ukoll ħafna rimi u jgerrmu z-zkuk tas-siġar u l-arbuxelli. Il-likeni 'horsehair' u beard', li jikbru fuq is-siġar, jagħmlu parti mill-ikel tagħhom tax-xitwa, speċjalment lejn l-aħħar tax-xitwa, meta minħabba gzuz tas-silġ iebsin li jinġemgħu bir-riħ it-tħaffir għall-likeni ma jkunx possibbli.

70-75 % ta' annimali għall-qtil huma għoġiela ta' bejn 5-8 xhur li ma jingħataw ebda ikel addizzjonali. Parti żgħira tar-renni adulti għall-qtil jingħataw ħuxlief li jiġi prodott fiż-żona tat-trobbija tar-renni bħala ikel addizzjonali, jew sabiex jinżammu fejn huma qabel ma jiġu trasferiti l-biċċerija jew waqt is-separazzjoni li tieħu aktar ħin mis-soltu. Fil-prattika, l-ikel addizzjonali jingħata lill-annimali tat-trobbija li jinżammu ħajjin wara li jinqatlu l-oħrajn u huwa importanti sabiex jiġi żgurat li jkollhom l-ikel meta jkun hemm il-borra u s-silġ. L-ikel addizzjonali jingħata lil 30-50 % ta' l-annimali tat-trobbija fuq perjodu ta' xahar sa 4 xhur, skond il-kundizzjonijiet fix-xitwa. F'termini numeriċi, l-ikel addizzjonali jingħata lil madwar 50 000 annimal tat-trobbija fil-kampanja miftuħa u lil madwar 75 000 annimal tat-trobbija f'kundizzjonijiet ta' għeluq filwaqt li 75 000 tar-renni tat-trobbija ma jirċievu l-ebda ikel addizzjonali. L-ikel addizzjonali jitwaqqaf fir-rebbiegħa, 6-9 xhur qabel ir-renni ma jinqatlu. Madwar 30 % ta' l-għalf fl-ikel addizzjonali jiġi minn barra ż-żona ta' trobbija tar-renni.

Ir-renni jinqatlu fiż-żona tat-trobbija tar-renni f'biċċeriji tar-renni approvati li jissodisfaw ir-Regolamenti ta' l-UE, li erbatax-il biċċerija minn dawn huma tal-Kooperattiva, erbgħa huma privati u waħda tinsab f'faċilità ta' riċerka. Minn erbgħa sa ħamsa fil-mija tar-renni jinqatlu direttament fiż-żona tat-trobbija u jinbiegħu direttament lill-konsumatur.

It-trobbija tar-renni, it-trasport tar-renni ħajjin, il-qtil, is-sorveljanza tal-qtil, l-ispezzjoni tal-laħam u t-tkessiħ, it-trasport, il-ħażna ta' karkassi u l-ġestjoni ta' l-iskart kollha jsiru skond il-leġiżlazzjoni Komunitarja, il-leġiżlazzjoni nazzjonali u r-rakkomandazzjonijiet ippubblikati mill-industrija stess.

Il-laħam tar-Renni ta' Lapland jinbiegħ bħala karkassi sħaħ, nofs karkassi jew kwart ta' karkassi u f'partijiet ta' muskoli għal użu dirett jew għal ħażna. L-ipproċessar (il-qtugħ) u l-imballaġġ kollu tal-laħam tar-renni li jaqa' taħt id-denominazzjoni jitwettaq f'żona ġeografika ristretta i.e. fiż-żona Finlandiża ta' trobbija tar-renni. Ir-raġuni għaliex dawn l-attivitajiet jitwettqu fiż-żona ta' trobbija tar-renni hija sabiex ikun hemm garanzija ta' kwalità tal-prodott, speċjalment meta jitqies it-trasport fuq distanzi twal involut. Fl-istess waqt isiru sforzi sabiex tkun ikkontrollota l-oriġini tal-prodott u sabiex ikun żgurat li l-prodotti kollha li jitqiegħdu fis-suq bit-tabella Lapin Poron liha jissodisfaw ir-rekwiżiti stipulati.

4.6.   Kollegament: It-trobbija tar-renni hija sengħa antika. L-aktar tinqix qadim fil-ġebel juri li għandhom 'il fuq minn 3 000sena. L-ewwel informazzjoni ta' min joqgħod fuqha dwar it-trobbija tar-renni fl-Ewropa hija taż-żmien 892 AD. Ir-renni slavaġ kienu uħud mill-aktar annimali tal-kaċċa bikrija u importanti. Ir-renni fil-bidu kienu annimali li jgħixu fiż-żoni għoljin u kienu nofshom immansati mir-renni slavaġ li jgħix fiż-żoni għoljin Skandinavi. Il-kaċċa għar-renni eventwalment wasslet għat-trobbija tar-renni, li permezz tagħha n-nies li kienu jgħixu fiż-żoni li qegħdin fl-aktar parti tat-Tramuntana tal-Finlandja setgħu imantnu ruħhom mis-seklu 17 'il quddiem.

L-ewwel darba li saret referenza letterarja għar-renna bħala ikel u għall-eċċellenza tal-laħam tar-renna bħala ikel kienet mill-1555, f'deskrizzjonijiet dwar il-Finlandja fl-Istorja tal-Popli tat-Tramuntana ta' Olaus Magnus. Fiż-żona li tikkorispondi maż-żona attwali ta' trobbija tar-renni, ir-renni ilhom jitrabbew mis-seklu 18.

Il-laħam tar-renna jiġi prodott minn nies professjonali li jrabbu r-renni li joqgħodu fiż-żona Finlandiża ta' trobbija tar-renni, u li xogħolhom huwa msejjes fuq tagħrif dwar ir-renni miġbur matul is-sekli; attwalment hemm 5 037 sid ta' renni fil-Finlandja, li minnhom 800-1 000 huma Sámi.

Fis-sajf, qabel ma jaslu għall-qtil, ir-renni jirgħu fil-bassasa, fil-mergħat tul ix-xmajjar, fl-għoljiet u fl-ispazji vojta fil-foresti li minnhom ikunu tneħħew is-siġar. Dawn iż-żoni jipprovdu għar-renni forniment adegwat ta' ħxejjex, sogħda, ħuxlief u ħaxix. L-ikel tas-sajf jiġi diġerit faċilment u fih ħafna proteini, vitamini, minerali u elementi li jinsabu fi kwantitajiet ta' traċċa. Fil-ħarifa r-renni jħobbu jieklu l-faqqiegħ. Ir-renna hija l-uniku erbivoru kbir li jista' jipproċessa l-enerġija mil-likeni f'kundizzjonijiet fejn il-borra twaqqaf it-tkabbir għall-biċċa l-kbira tas-sena.

Il-laħam tar-renna huwa prodott ta' speċjalità unika miż-żona ta' trobbija tar-renni. Il-laħam tar-renni li jaqa' taħt id-denominazzjoni għandu jiġi magħmul minn renni mwielda u mrobbija fiż-żona Finlandiża ta' trobbija tar-renni u li jirgħu liberament f'mergħat naturali waqt ir-rebbiegħa, is-sajf, il-ħarifa u l-bidu tax-xitwa qabel il-qtil.

Il-kundizzjonijiet kiefra tat-Tramuntana, l-istaġuni li jintgħarfu sew (eż. ix-xemx ta' nofs il-lejl kontra x-xitwa kiesħa, twila u bil-borra) u l-ikel tas-sajf nutrittiv ħafna jagħmlu l-laħam tar-renna prodott uniku. Il-karatteristiċi taż-żona jagħmlu l-laħam tar-renna dak li hu: laħam b'togħma ta' laħam tal-kaċċa, iżda bit-togħma speċjali tiegħu, flimkien mal-karatteristiċi speċjali l-oħra tiegħu.

4.7.   Korp ta' spezzjoni:

4.8.   Tikkettar: Lapin Poron liha, li jinbiegħ bħala karkassi sħaħ, nofs karkassi jew kwart ta' karkassi, huwa mmarkat b'tikketta “Lapin Poron liha” imwaħħla mal-karkassa, u wara bil-kliem “soujattu alkuperänimitys” (denominazzjoni ta' oriġini protetta) jew is-simbolu Komunitarju uffiċjali li jikkorispondi. Hemm indikat ukoll jekk il-laħam joriġinax minn renna adulta jew renna żgħira. Il-karkassi u l-qatgħat tal-laħam jiġu ppakkjati għall-ħażna u għall-bejgħ f'pakketti li minnhom titneħħa l-arja per eżempju u l-imballaġġ jiġi mmarkat bid-denominazzjoni “Lapin Poron liha” (eż. timbru jew tikketta li titwaħħal) u wara bil-kliem “soujattu alkuperänimitys” (denominazzjoni ta' oriġini protetta) jew is-simbolu Komunitarju uffiċjali li jikkorispondi. Hemm indikat ukoll jekk il-laħam joriġinax minn renna adulta jew renna żgħira. Il-marki li jikkorrispondu huma meħtieġa fil-każ ta' laħam li jinbiegħ direttament.

(1)  ĠU L 93, 31.3.2006, p. 12.