8.1.2008   

MT

Il-Ġurnal Uffiċjali ta’ l-Unjoni Ewropea

C 3/1

(1)

L-istandards applikabbli tat-testjar għal mezzi biex ma jitħallewx jgħaddu fjammi għat-tankijiet tal-merkanzija f'tankers taż-żejt (valvi b'veloċità għolja biss) huma stabbiliti fiċ-ċirkolari MSC 677 u MSC 1009 ta' l-Organizzazzjoni Internazzjonali Marittima, b'din ta' l-aħħar tagħmel referenza għall-istandard internazzjonali ISO 15364:2000.

(2)

Permezz ta' ittra datata s-27 ta' Frar 2004, l-Awtorità Marittima Daniża għarrfet lill-Kummissjoni bil-miżuri interim li ħadet l-Awtorità dwar valvi ta' skariku ta' pressjoni/vakum b'veloċità għolja bi skrin kontra n-nar tal-mudell HPV (aktar 'l isfel imsejħin “il-valvi”) maħdumin minn Se-won Ind Co. fir-Repubblika tal-Korea (iżjed 'l isfel imsejħa “il-manifattur”), li permezz tagħhom dawn il-valvi stallati fuq bastimenti li jtajru l-bandiera Daniża kellhom jitneħħew f'perjodu li kellu jkun speċifikat, minħabba nuqqas ta' konformità ma' l-Artikolu 5(1) u (2) tad-Direttiva 96/98/KE.

(3)

L-ittra mill-Awtorità Marittima Daniża kellha mehmuża magħha kopji ta' żewġ ċertifikati ta' eżami KE tat-tip maħruġa mill-korp notifikat Bureau Veritas, bin-numri ta' referenza 06842/A1 KE u 09149/A2 KE, maħruġa fis-6 ta' Mejju 2002. Iċ-ċertifikat numru 06842/A1 KE kien dwar Valv ta' skarikuskariku ta' pressjoni/vakum b'veloċità għolja bi Skrin Kontra n-Nar tat-tipi HPV 3, 4, 5, 6 u 8 kombinati, waqt li ċ-ċertifikat 09149/A2 KE kien dwar it-tip HPV 10.

(4)

Iċ-ċertifikat ta' approvazzjoni tat-tip nru 06842/B0 KE inħareġ mill-Bureau Veritas fit-8 ta' Mejju 2004, u ħa post iż-żewġ ċertifikati ta' approvazzjoni tat-tip imsemmija hawn fuq. Dan iċ-ċertifikat ġdid kien dwar “valv ta' skarikuskariku ta' pressjoni b'veloċità għolja tat-tip HPV (P)-3, 4, 5, 6, 8, 10” ta' dijametru nominali 80, 100, 125, 150, 200, 250 (unitajiet mhux speċifikati).

(5)

L-Awtorità Marittima Daniża kienet ħadet il-miżuri interim imsemmija hawn fuq wara spezzjoni ta' valvi installati fuq bastimenti li jtajru l-bandiera Daniża u abbażi ta' l-eżami tad-dokumentazzjoni mibgħuta lilha mill-manifattur, li kienet irrapportata l-aktar tmur biex lura sa l-1996.

(6)

Abbażi ta' dan l-eżami tad-dokumenti, l-Awtorità Marittima Daniża sabet li: a) ir-rekords tat-testijiet ma kinux jinkludu rekords għall-kalibrazzjoni ta' miters ta' konċentrazzjoni ta' gass, termometri, miters tal-fluss u apparati ta' reġistrazzjoni tal-ħin; b) ma ngħatawx rekords għall-konċentrazzjoni u t-temperatura tal-gass tat-test matul it-test u l-anqas għar-rati ta' fluss ta' gass użati; ċ) ma ngħatawx rekords li jikkonfermaw li t-testijiet saru skossi mill-ilmafis-sekwenza speċifikata; d) il-konformità mal-ħtieġa ta' veloċità minima ta' effluss ta' 30 metru fis-sekonda ma kienet fl-ebda waqt dokumentata; e) ma ngħatawx rekords ta' testijiet biex ikunu stabbiliti r-relazzjonijiet bejn rata ta' fluss u nżul ta' pressjoni; f) ma ngħatawx rekordsli jikkonfermaw li l-ittestjar tan-nar sar meta ma kienx hemm skossi mill-ilma; g) ma ngħatawx rekords dwar il-valur ta' l-Ispazju Sperimentali Massimu ta' Sikurezza (MESG) tal-gass tat-test użat, li fl-opinjoni ta' l-Awtorità Marittima Daniża, għamilha impossibbli li jkun hemm konformità mar-rekwiżiti fir-rigward ta' l- informazzjoni ta' l-ISO15364; u h) id-dokumentazzjoni mogħtija ma wrietx konformità mar-rekwiżiti tat-taqsimiet 5 u 6 ta' l-istandard imsemmi. Barra minn hekk, il-valvi spezzjonati mill-awtoritajiet Daniżi kienu rrappurtati li ma kinux konformi mar-rekwiżiti ta' l-istandard imsemmi fir-rigward ta' indikaturi ta' valvi f'għamla ta' diska u d-disinn tal-katusi għad-drenaġġ, kif ukoll ma' mezzi ta' spezzjoni biex ikunu stabbiliti ħtiġijiet għat-tindif ta' l-inkrostazzjoni.

(7)

L-Awtorità Marittima Daniża enfażizzat li kienet rat l-ittestjar ta' dan it-tip ta' valvi b'taħlitiet ta' gass u b'rati ta' fluss xierqa minn żewġ korpi notifikati fid-Danimarka, u li dan it-test kien falla minħabba li kien hemm flash-back. Iżda r-rapporti dwar dawn it-testijiet ma ngħatawx u, għalhekk, id-dejta tagħhom mhix magħrufa; jidher, madankollu, li din ir-rimarka ta' l-awtoritajiet Daniżi kienet tirreferi għal testijiet li wassluhom biex joħorġu projbizzjoni nazzjonali kontra valvi ta' dan it-tip qabel id-dħul fis-seħħ tad-Direttiva. Fl-ittra tagħhom, l-awtoritajiet Daniżi kkonfermaw li l-ispezzjoni ta' valvi bil-marka ta' rota fuqhom u installati fuq bastimenti Daniżi kienet uriet li dawn kienu identiċi, jew kważi identiċi, għall-valvi li huma kienu pprojbixxew fl-imgħoddi.

(8)

Fl-ittra tagħha, l-Awtorità Marittima Daniża ma għamlet ebda valutazzjoni ta' nuqqasijiet potenzjali fl-istandards ta' l-ittestjar infushom, meta jitqies li l-problemi osservati ma kinux jimplikaw li l-istandards kienu insuffiċjenti.

(9)

Wara li rċeviet l-ittra mill-Awtorità Marittima Daniża il-Kummissjoni bdiet konsultazzjoni ma' l-Awtorità Marittima Daniża, mal-manifattur, mal-Gvern Franċiż bħala Stat Membru notifikanti u mal-korp notifikat li kien ħareġ iċ-ċertifikati ta' eżami KE tat-tip in kwistjoni f'isem dan ta' l-aħħar (iżjed 'il quddiem imsejħa kollettivament “il-partijiet”).

(10)

It-tweġiba tal-manifattur għall-konsultazzjoni tal-Kummissjoni kienet tinkludi ċaħda punt b'punt tal-kwistjonijiet imqajma mill-Awtorità Marittima Daniża fl-ittra tagħha tas-27 ta' Frar 2004. It-tweġiba kienet tinkludi dokumentazzjoni magħmula minn disinji dettaljati u mill-manwal ta' l-istruzzjonijiet dwar il-valvi, kif ukoll rekords ta' kalibrazzjoni u rekords ta' diversi testijiet inklużi, inter alia, testijiet ta' effluss ta' veloċità, testijiet għal skossi mill-ilma, testijiet ta' ħruġ ta' l-arja, testijiet ta' pressjoni idrostatika u testijiet ta' flash-back.

(11)

Fit-tweġiba tagħha lill-Kummissjoni, Bureau Veritas ma indirizzatx ir-rimarki ta' l-awtoritajiet Daniżi fid-dettall iżda rreferiet għall-informazzjoni u għad-dokumentazzjoni mogħtija mill-manifattur u wissiet li ċ-ċertifikat ta' l-eżami KE tat-tip mogħti lill-valvi kien jirreferi għal testijiet li kienu saru mill-Istitut ta' Riċerka ta' Inġinerija tal-Baħar (RIME) fil-Ġappun.

(12)

Fid-19 ta' Ottubru 2004, l-Awtorità Marittima Daniża pprovdiet rapport dwar testijiet li kienu saru fuq valvi li jingħad kienu tneħħew minn fuq bastiment Daniż. Dak ir-rapport kien inħareġ fit-8 ta' Ottubru 2004, mill-korp notifikat Force Technology lil Messrs Pres-Vac Engineering A/S, li huma manifatturi ta' tagħmir simili u li jidher li kienu pprovdew il-kampjuni ttestjati, jiġifieri żewġ unitajiet ta' valvi HPV ta' daqs 4. It-test twettaq f'faċilitajiet mhux speċifikati skond iċ-ċirkolari MSC 677, Force Technology kienet xhud ta' dan it-test, u rrapportat flash-back f'50 ċiklu ta' ftuħ għaż-żewġ valvi meta kienu ttestjati għal merkanziji fil-grupp ta' splużjoni IIB (jiġifieri b'valur ta' MESG ta' 0,65 mm).

(13)

Dan ir-rapport kellu miegħu żewġ rapporti oħra, maħruġa għal Messrs Pres-Vac Engineering A/S mill-Istitut Daniż ta' Teknoloġija tan-Nar (DBI) fl-1997 u minn Force Technology nfisha fl-2000 rispettivament. Kull wieħed minn dawn l-istituti kien xhud ta' l-ittestjar ta' kampjun ta' valv tat-tip Se-won HPV4; iż-żewġ testijiet twettqu minn Pres-Vac Engineering b'taħlita ta' gass propan (grupp ta' splużjoni IIA, jiġifieri b'valur MESG ta' 0,9 mm) kif ingħad skond iċ-ċirkolari MSC 677, u rriżulta li kien hemm splużjoni; DBI iddikjarat li ma kinitx ivverifikat konformità bejn il-kampjun tat-test u d-disinji u l-ispeċifikazzjonijiet tal-manifatturi.

(14)

Waqt li hemm ammont konsiderevoli ta' dejta li tissuġġerixxi li l-valvi jistgħu, taħt ċerti kondizzjonijiet, jonqsu milli jissodisfaw ir-rekwiżi applikabbli għal flash-back, din id-dejta ma tistax titqies konklużiva minħabba l-inċertezza dwar iċ-ċirkostanzi tat-testijiet, dwar, inter alia, il-kondizzjoni tal-valvi ttestjati, speċjalment dawk li kienu tneħħew minn bastimenti, il-faċilitajiet ta' ttestjar fejn saru l-provi u l-kalibrazzjoni ta' l-istrumenti użati.

(15)

Madankollu jidher ċar mid-dokumentazzjoni mogħtija mill-manifattur li t-testijiet differenti li, kif jingħad, iffurmaw il-bażi ta' l-eżami tat-tip, kienu ġew iċċertifikati minn sa seba' korpi differenti (l-Università ta' Aachen, l-Istitut Korean ta' Makkinarju u Materjali, RIME, Nippon Kaiji Kyokai, il-Bureau Amerikan tat-Trasbord, Lloyd's Register u Det Norske Veritas) f'waqtiet differenti ta' żmien bejn l-1987 u l-2002.

(16)

Id-dokumentazzjoni mogħtija mill-manifattur turi li mill-anqas parti mit-testijiet meħtieġa twettqu minnu u kienu xhieda tagħhom il-korpi ta' ċertifikazzjoni msemmija hawn fuq. F'xi każijiet, mhux possibbli jkun stabbilit min wettaq u min kien xhud tat-testijiet minħabba li r-riżultati huma mogħtija fuq karta mingħajr intestatura u mingħajr l-identifikazzjoni tal-firmatarji. Fl-ebda wieħed mid-dokumenti mogħtija ma hemm xhieda li Bureau Veritas wettqet, kienet xhud hija stess jew b'xi mod ħadet sehem fit-testijiet meħtieġa mill-istandards applikabbli.

(17)

Għall-kuntrarju ta' dak li kien iddikjarat mill-korp notifikanti, skond id-dokumenti mogħtija mill-manifattur aktarx jidher li twettqu biss provi ta' sigurtà kontra n-nar jew li kellhom bħala xhieda tagħhom lil RIME fl-1998.

(18)

Iċ-ċertifikati mogħtija minn Lloyd's Register u Det Norske Veritas jidhru li nħarġu kompletament jew kienu parzjalment ibbażati fuq reviżjoni dokumentarja. Iċ-ċertifikat mogħti minn Lloyd's Register jirreferi għal konformità mas-sistema ta' approvazzjoni tat-tip ta' dan l-istess korp; iċ-ċertifikat mogħti minn Det Norske Veritas ma jidhirx li huwa komplet u mhux possibbli li jkun aċċertat l-iskop preċiż tiegħu, għalkemm jirreferi għal għadd kbir ta' testijiet meħtieġa mill-istandards ta' ttestjar applikabbli.

(19)

Parti biss mir-rapporti tat-testijiet mogħtija lill-Kummissjoni tindika l-istandard ta' ttestjar użat; f'xi każijiet dan jingħata f'dokument ta' spjegazzjoni separat maħruġ mill-manifattur innifsu.

(20)

Dwar it-testijiet ta' flash-back u reżistenza għan-nar, il-manifattur jiddikjara li l-valvi kienu fil-fatt ittestjati fl-1987 skond iċ-ċirkolari IMO MSC 373 u li, barra minn hekk, il-valvi kienu wara modifikati u mtejba, għalkemm il-komponenti ewlenin ma kinux inbidlu. L-istandards applikabbli li jinsabu fiċ-ċirkolari MSC 677 bidlu dawk taċ-ċirkolari MSC 373 fl-1994, ħafna qabel id-dħul fis-seħħ tad-Direttiva, sabiex, inter alia, jinħallu għadd ta' inċertezzi dwar ittestjar għal skossi mill-ilma u, għalhekk, il-flash-back. Il-manifattur ipprovda għadd ta' tabelli ppreċeduti bil-frażi “test ta' approvazzjoni tat-tip: Sewon/KIMM” u li kienu jirriflettu r-riżultati ta' testijiet ta' flash-back u għal skossi mill-ilma li kienu saru fl-1996; dawn id-dokumenti ma jispeċifikawx l-istandard użat u lanqas m'għandhom l-elementi formali li huma indipsensabbli biex tkun stabbilita r-rilevanza tagħhom għall-każ kif deskritt fil-premessa 16.

(21)

Iċ-ċertifikati ta' kalibrazzjoni mogħtija mill-manifattur jidhru li jissodisfaw it-talbiet ta' l-awtoritajiet Daniżi peress li huma dwar l-apparat kollu li dawn ta' l-aħħar jirreferu għalihom għal perjodu bejn l-1995 u l-1997; madankollu mhux ċar kif dawn iċ-ċertifikati għandhom x'jaqsmu mat-testijiet differenti msemmija fil-premessa 15.

(22)

L-informazzjoni u dokumenti mogħtija lill-Kummissjoni, għaldaqstant, iqajmu dubju raġonevoli jekk, qabel ma bagħat ċertifikat ta' eżami tat-tip lill-manifattur dwar il-valvi, il-korp notifikat Bureau Veritas kienx effettivament żgura li kampjun, rappreżentattiv tal-produzzjoni maħsuba kien konformi mad-dispożizzjonijiet ta' l-istrumenti internazzjonali li japplikaw; b'mod partikolari, il-konformità mad-dispożizzjonijiet tal-punt 4 tat-taqsima “EŻAMI ‘KE TAT-TIP’ (MODULU B)” ta' l-anness B tad-Direttiva 96/98/KE u mat-taqsima 7.1 ta' ISO 15364:2000 ma ntwerietx b'mod suffiċjenti.

(23)

MESG hija karatteristika ta' gass li tista' titkejjel, u tirrifletti r-reattività tiegħu. Id-dokumentazzjoni mogħtija mill-manifattur tindika li l-valvi kienu ttestjati b'taħlita ta' gass propan, li għandu valur MESG ta' 0,9 mm. Waqt li ċ-ċertifikat ta' approvazzjoni tat-tip mogħti minn Bureau Veritas fl-2004 jispeċifika li l-valvi setgħu jintużaw fuq tankijiet ta' merkanzija ta' tankers ta' kimika li jġorru kimika li tista' tieħdu n-nar b'valur MESG ta' 0,9 mm jew aktar, iċ-ċertifikati preċedenti mogħtija fl-2002 ma kienx fihom dispożizzjoni bħal dik. Madankollu, l-eżami tal-fajl mill-Kummissjoni wera li d-dejta teknika li tinsab fil-manwal ta' l-istruzzjonijiet ipprovdut mill-manifattur tirreferi għal valur MESG ta' “0,53 (grupp B)”. Din l-informazzjoni ħażina tista' tiżgwida lid-disinjatur ta' installazzjoni u lill-awtorità li toħroġ iċ-ċertifikati ta' sikurezza tal-bastiment; huwa, għaldaqstant, probabbli li bastimenti mgħammra b'dan il-mudell ta' valvi jistgħu jkunu ġew awtorizzati jġorru merkanzija tal-grupp IIB, li għalihom il-valvi qatt ma kienu ġew ittestjati. Dan jista' jġib miegħu periklu sinifikanti ta' sikurezza, minħabba li jsir dejjem iktar diffiċli biex apparat li jżomm il-fjammi ma jħallix it-tixrid ta' fjammi hekk kif il-valur MESG tal-midjum jonqos.

(24)

Dwar il-konformità mat-taqsimiet 5 u 6 ta' ISO15364, l-awtoritajiet Daniżi qatt ma speċifikaw it-talbiet tagħhom fir-rigward ta' indikaturi ta' valvi f'għamla ta' diska u mezzi ta' ispezzjoni biex ikunu stabbiliti ħtiġiet ta' tindif ta' inkrostazzjonijiet, li, għalhekk, qatt ma rċevew tweġiba speċifika mingħand il-manifattur jew mill-korp notifikat. Madankollu, fit-28 ta' Lulju 2004, l-awtoritajiet Daniżi sostnew, abbażi tad-disinji mibgħuta mill-manifattur, li bi ksur tad-dispożizzjonijiet ta' ISO 15364: a) il-fus b'vakum kien osservat permezz ta' tubu tal-vista u b) il-kostruzzjoni ta' katusa għad-drenaġġ kienet tħalli joħroġ fwar tal- merkanzija b'mod orizzontali.

(25)

It-Taqsima 5.2 ta' l-istandard imsemmi jipprojbixxi l-użu ta'materjali mhux metalliċi, li ma jkunux gaskets u siġilli, fil-kostruzzjoni ta' komponenti li jżommu l-pressjoni ta' l-apparat. L-eżami tad-disinji mogħtija mill-manifattur iqajmu dubju dwar jekk it-tubu tal-ħġieġ li l-awtoritajiet Daniżi jirreferu għalih hux fil-fatt komponent li jżomm il-pressjoni, jew jekk għandux jitqies li mhux siġill. Għaldaqstant, abbażi tad- dokumentazzjoni li għandha l-Kummissjoni, mhux possibbli jkun stabbilit b'ċertezza raġonevoli ksur ta' dan ir-rekwiżit partikolari.

(26)

It-Taqsima 6.5 ta' l-istandard imsemmi hawn fuq tipprovdi li l-katusa m'għandhiex tħalli fwar joħroġ sakemm tkun mgħammra b'mezz adattat li ma jħallix jgħaddu fjammi u jkun jissodisfa r-rekwiżiti kollha għal veloċità u direzzjoni ta' effluss; waqt li t-taqsima 6.9 tipprovdi li mezzi terminali għandhom ikunu kostruwiti biex imexxu l-effluss vertikalment 'il fuq taħt ir-rati kollha ta' fluss maħsuba mill-manifattur. Id-disinji mogħtija mill-manifattur juru skoll bi żbokk orizzontali; madankollu, mhux ċar jekk, fil-post tiegħu, l-iskoll iħallix fwar jiskappa. Għalhekk mhux possibbli għall-Kummissjoni li tikkonferma l-valutazzjoni ta' l-awtoritajiet Daniżi.

(27)

Ma ġie rrapportat ebda episodju lill-Kummissjoni li dan it-tip ta' valv ħadem ħażin; madankollu, għandu jsir kull sforz raġonevoli biex titneħħa kull theddida li jista' jkun hemm għas-sikurezza marittima,

8.1.2008   

MT

Il-Ġurnal Uffiċjali ta’ l-Unjoni Ewropea

C 3/5

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali,

—

F'forma elettronika fil-websajt EUR-Lex fid-dokument numru 32007M4853. EUR-Lex hu l-aċċess fuq l-internet għal-liġi Ewropea (http://eur-lex.europa.eu).

8.1.2008   

MT

Il-Ġurnal Uffiċjali ta’ l-Unjoni Ewropea

C 3/5

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali,

—

F'forma elettronika fil-websajt EUR-Lex fid-dokument numru 32007M4964. EUR-Lex hu l-aċċess fuq l-internet għal-liġi Ewropea (http://eur-lex.europa.eu).

8.1.2008   

MT

Il-Ġurnal Uffiċjali ta’ l-Unjoni Ewropea

C 3/6

8.1.2008   

MT

Il-Ġurnal Uffiċjali ta’ l-Unjoni Ewropea

C 3/7

1.

Fl-20 Diċembru 2007, il-Kummissjoni rċeviet notifika għal konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Triton Managers II Limited (“Triton”, Jersey) takkwista fis-sens ta' l-Artikolu 3(1)(b) tar-Regolament tal-Kunsill, il-kontroll totali ta' l-impriża Ruetgers Chemicals (“Ruetgers”, il-Ġermanja) li bħalissa hija kkontrollata minn Evonik Industries AG permezz ta' akkwist ta' ishma.

2.

L-attivitajiet kummerċjali ta' l-impriżi kkonċernati huma:

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond in-Notifika tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fin-Notifika.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-faks ( (32-2) 296 43 01 jew 296 72 44) jew bil-posta, taħt in-numru ta' referenza COMP/M.5016 — Triton/Ruetgers, fl-indirizz li ġej: