(1)

Il-permess għall-użu ta' drittijiet limitati ta' traffiku ta' l-ajru li joperaw fuq xi rotot għandu jkun effettiv għal tnax-il perjodu ta' skeda konsekuttivi ta' l-Assoċjazzjoni Internazzjonali tat-Trasport bl-Ajru (IATA) mid-data li fiha jibda s-servizz ta' l-ajru kif speċifikat mill-awtorità ta' l-avjazzjoni.

(2)

Il-permess u d-drittijiet hekk mogħtija ma humiex trasferibbli.

(1)

Informazzjoni dwar id-disponibbiltà ta' drittijiet limitati ta' traffiku ta' l-ajru bejn l-Ungerija u pajjiżi mhux Stati Membri ta' l-UE u n-negozjati dwar dawk id-drittijiet għandhom jiġu ppubblikati mill-awtorità ta' l-avjazzjoni fuq is-sit tal-web tagħha 45 jum qabel il-bidu ta' dawn in-negozjati.

(2)

L-informazzjoni hekk ippubblikata għandha tinkludi kif inhu ppjanat li jitmexxew in-negozjati u ż-żmien tagħhom.

(3)

Trasportaturi bl-ajru Komunitarji stabbiliti fit-territorju Ungeriż (minn hawn 'il quddiem: trasportaturi bl-ajru Komunitarji) jistgħu jibgħatu applikazzjoni għal permess fi 30 jum mill-pubblikazzjoni ta' l-informazzjoni.

(4)

Qabel in-negozjati ppjanati mal-pajjiż terz, it-trasportaturi bl-ajru Komunitarji għandhom jinnotifikaw lill-awtorità ta' l-avjazzjoni bil-miktub, sad-data ta' l-għeluq speċifikata fuq is-sit tal-web, dwar il-pjanijiet ta' operazzjoni tagħhom fir-rigward tal-pajjiż terz ikkonċernat, jekk jippjanaw li joperaw rotta bi drittijiet limitati ta' traffiku ta' l-ajru.

(1)

L-awtorità ta' l-avjazzjoni għandha tippubblika, fuq is-sit tal-web tagħha, informazzjoni dwar kwalunkwe dritt limitat ta' traffiku ta' l-ajru bejn l-Ungerija u pajjiżi mhux Stati Membri ta' l-UE.

(2)

L-awtorità ta' l-avjazzjoni għandha tippubblika, fuq is-sit tal-web tagħha, avviż illi rċiviet l-ewwel applikazzjoni għall-isfruttar ta' drittijiet mhux użati f'sebat ijiem minn meta tintbagħat. Fi 30 jum minn meta din l-informazzjoni tkun ippubblikata, trasportaturi oħra jistgħu japplikaw għall-użu ta' dawn l-istess drittijiet. L-awtorità ta' l-avjazzjoni għandha tippubblika notifika ta' l-applikazzjonijet kollha li tirċievi sad-data ta' l-għeluq, fuq is-sit tal-web tagħha.

(1)

Applikazzjonijiet għal użu ta' drittijiet limitati ta' traffiku ta' l-ajru għandhom jinkludu dan li ġej:

(2)

It-trasportatur bl-ajru Komunitarju għandu jehmeż ma' l-applikazzjoni ċertifikat tal-ħlas tan-noll amministrattiv stipulat taħt dispożizzjoni statutorja separata.

(1)

Meta tkun qed teżamina l-applikazzjonijiet, l-awtorità ta' l-avjazzjoni għandha tqis l-informazzjoni mibgħuta skond it-Taqsima 5(1) fl-evalwazzjoni ekonomika li tagħmel. Din għandha tinkludi evalwazzjoni tal-benefiċċji offruti lil klijenti, l-impatt fuq il-kompetizzjoni intraKomunitarja u aspetti dwar il-ġarr ta' merkanzija u passiġġieri fuq ir-rotta kkonċernata. L-awtorità ta' l-avjazzjoni għandha tfassal il-kriterji għal din l-evalwazzjoni u tippubblikahom fuq is-sit tal-web tagħha.

(2)

L-awtorità ta' l-avjazzjoni għandha, jekk tħoss li hu xieraq, tagħmel seduta pubblika waqt din il-proċedura. Għandha tippubblika l-proċedimenti ta' kwalunkwe seduta bħal din fuq is-sit tal-web tagħha. Il-linji ta' l-ajru li japplikaw għandu jkollom tliet ijiem mill-pubblikazzjoni tal-proċedimenti li fihom jistgħu jibagħtu xi kummenti li jixtiequ jagħmlu.

(3)

L-awtorità ta' l-avjazzjoni għandha tieħu deċiżjoni dwar l-awtorizzazzjoni tar-rotta li ser tkun operata li tuża d-drittijiet mhuż użati rriklamata, f' 60 jum mis-seduta msemmija fis-subtaqsima (2) jew, fl-assenza ta' dan, f'60 jum mill-iskadenza tat-30 jum ta' l-għeluq ta' l-applikazzjoni stipulata fit-Taqsima 4(2). L-istqarrija ppubblikata tad-deċiżjoni għandha tinkludi l-parti operattiva tagħha.

(4)

Wara evalwazzjoni komprensiva, l-awtorità ta' l-avjazzjoni għandha tagħti l-permess għall-operat lill-applikant ikkunsidrat li huwa l-aħjar, speċjalment rigward servizz tal-passiġġieri u/jew merkanzija, il-promozzjoni ta' kompetizzjoni u l-iżvilupp bilanċjat tas-suq Komunitarju tat-trasport bl-ajru.

(1)

Id-deċiżjoni ta' l-awtorità ta' l-avjazzjoni ma hiex suġġetta għal appell amministrattiv.

(2)

L-awtorità ta' l-avjazzjoni għandha tippubblika l-parti operattiva ta' kwalunkwe deċiżjoni meħuda waqt ir-reviżjoni gudizzjarja fuq is-sit tal-web tagħha fi tliet ijiem minn meta d-deċiżjoni tkun innotifikata.

(1)

L-awtorità ta' l-avjazzjoni għandha timmonitorja bir-reqqa s-servizzi ta' l-ajru operati taħt il-permess li jinħareġ.

(2)

Għat-talba ta' klwaunkwe trasportatur bl-ajru Komunitarju, l-awtorità ta' l-avjazzjoni għandha, sa mhux aktar tard mill-iskandenza ta' għaxar perjodi konsekuttivi ta' skedar wara li jingħata l-permess, tirrevedi l-permess abbażi ta' l-elementi innumerati fit-Taqsima 6(4).

(3)

Fi żmien seba' tijiem minn meta tirċievi t-talba għar-reviżjoni, l-awtorità ta' l-avjazzjoni għandha tinnotifika d-detentur tal-permess u tippubblika r-reviżjoni fuq is-sit tagħha. Trasportaturi bl-ajru Komunitarji oħra jistgħu japplikaw biex jużaw l-istess drittijiet ta' traffiku ta' l-ajru fi 30 jum mill-pubblikazzjoni tar-reviżjoni. Fir-reviżjoni sussegwenti, id-dispożizzjonijiet tat-Taqsimiet 4-6 għandhom jiġu applikati kif xieraq.

(4)

L-awtorità ta' l-avjazzjoni għandha tissospendi l-permess b'effett immedjat, f'dawn iċ-ċirkustanzi:

(5)

L-awtorità ta' l-avjazzjoni għandha tirtira l-permess jekk:

(6)

It-trasportatur bl-ajru Komunitarju għandu jinnotifika l-awtorità ta' l-avjazzjoni bil-miktub fi tmient ijiem minn kwankwe ċaħda jew irtirar ta' permess kif imsemmi fil-Punt 5e).

(7)

L-awtorità ta' l-avjazzjoni għandha tħabbar l-irtirar tal-permess fuq is-sit tal-web tagħha, u tispeċifika d-data li fiha d-drittijiet ta' traffiku ta' l-ajru konċernati huma kkunsidrati li ma ntużawx.

(1)

Dan id-Digriet għandu jidħol fis-seħħ fl-1 ta' Settembru 2007.

(2)

Dan id-Digriet jistipula id-dispożizzjonijiet meħtieġa għall-implimentazzjoni ta' l-Artikolu 5 tar-Regolament (KE) Nru 847/2004 tal-Parlament Ewropew u tal-Kunsill tad-29 ta' April 2004 dwar in-negozjati u l-implimentazzjoni tal-ftehimiet dwar is-servizzi ta' l-ajru bejn l-Istati Membri u pajjiżi terzi.

—

Kemm tiġi sodisfatta d-domanda għat-trasport bl-ajru (passiġġieri, merkanzija jew servizzi mħallta, jekk it-titjiriet humiex diretti, frekwenza tat-titjiriet, ġranet tat-titjira, sehem mill-kodiċi)

—

Il-kwalità tas-servizz (inkluż tip u disinn ta' l-ajruplan, kategoriji ta' passiġġieri, trasferibbiltà ta' biljetti, aċċessibbiltà pubblika ta' positijiet tal-bejgħ, faċilitajiet ta' bejgħ ta' biljetti onlajn, faċilitajiet ta' check-in li jistgħu jagħmlu l-passiġġieri stess)

—

Politika ta' l-ipprezzar (prezz tal-biljett, tnaqqis, possibbiltajiet oħra);

—

Netwerk ta' rotot eżistenti;

—

Garanziji ta' l-affidibbiltà ta' l-operat (abbażi tal-pjan tal-kontinwità tan-negozju;

—

Kwalunkwe dejn pubbliku li għandu jagħti t-trasportatur;

—

Kontribut ta' l-operazzjonijiet ippjanati biex itejbu s-servizz fuq ir-rotta kkonċernata;

—

L-eżistenza ta' servizz tal-bejgħ bil-lingwa Ungeriża;

—

Kontribut għall-iżvilupp tat-turiżmu fl-Ungerija;

—

Titjib fis-sehem mis-suq Komunitarju fuq ir-rotta konċernata;

—

Kontribut għall-iżvilupp ta' kompetizzjoni xierqa rigward il-provvista.”