27.10.2007   

MT

Il-Ġurnal Uffiċjali ta’ l-Unjoni Ewropea

C 255/1

1.

Fis-7 ta' Marzu 2007, il-Komunikazzjoni mill-Kummissjoni lill-Parlament Ewropew u lill-Kunsill dwar it-tkomplija ta' xogħol fuq il-Programm ta' Ħidma għall-aħjar implimentazzjoni tad-Direttiva dwar il-Protezzjoni tad-Data (3) intbagħtet mill-Kummissjoni lill-Kontrollur Ewropew għall-Protezzjoni tad-Data (KEPD). Skond l-Artikolu 41 tar-Regolament (KE) Nru 45/2001, il-KEPD jippreżenta din l-opinjoni.

2.

Il-Komunikazzjoni ttenni l-importanza tad-Direttiva 95/46/KE (4) bħala punt importanti fil-protezzjoni tad-data personali u tiddiskuti d-Direttiva u l-implimentazzjoni tagħha fi tliet kapitoli: il-passat, il-preżent u l-futur. Il-konklużjoni ċentrali tal-Komunikazzjoni hija li d-Direttiva m'għandhiex tiġi emendata. L-implimentazzjoni tad-Direttiva għandha tittejjeb ulterjorment permezz ta' strumenti ta' politika oħrajn, il-biċċa l-kbira tagħhom ta' natura mhux vinkolanti.

3.

Din l-opinjoni tal-KEPD issegwi l-istruttura tal-komunikazzjoni. Aktar importanti minn hekk, il-KEPD jikkondividi l-konklużjoni ċentrali tal-Kummissjoni li d-Direttiva m'għandhiex tiġi emendata.

4.

Madankollu, il-KEPD jieħu din il-pożizzjoni anki minħabba raġunijiet pragmatiċi. Il-punti ta' tluq għall-KEPD huma kif ġej:

5.

Dawn il-punti ta' tluq huma essenzjali peress li wieħed irid jiftakar li d-Direttiva topera f'kuntest dinamiku. L-ewwel nett, l-Unjoni Ewropea qed tinbidel: il-fluss ħieles ta' informazzjoni bejn l-Istati Membri — u bejn l-Istati Membri u pajjiżi terzi — sar aktar importanti u ser isir realtà saħansitra aktar importanti. It-tieni, is-soċjetà qed tinbidel. Is-soċjetà ta' l-informazzjoni qed tevolvi u għandha dejjem aktar u aktar il-karatteristiċi ta' soċjetà ta' sorveljanza (5). Dan jimplika ħtieġa li qed tikber għall-protezzjoni effettiva tad-data personali biex dawn ir-realtajiet ġodda jiġu ttrattati b'mod kompletament sodisfaċenti.

6.

Fil-valutazzjoni tiegħu tal-komunikazzjoni, il-KEPD ser jindirizza b'mod partikolari l-perspettivi li ġejjin li huma rilevanti fir-rigward ta' dan it-tibdil:

7.

L-Ewwel rapport dwar l-implimentazzjoni tad-Direttiva dwar il-Protezzjoni tad-Data tal-15 ta' Mejju 2003 kien fih Programm ta' Ħidma għall-implimentazzjoni aħjar tad-Direttiva dwar il-Protezzjoni tad-Data, b'lista ta' 10 inizjattivi li kellhom jitwettqu fl-2003 u l-2004. Il-Komunikazzjoni tiddeskrivi kif ġiet implimentata kull waħda minn dawn l-azzjonijiet.

8.

Abbażi ta' l-analiżi tal-ħidma mwettqa skond il-Programm ta' Ħidma, il-Komunikazzjoni toħroġ valutazzjoni pożittiva tat-titjib miksub fl-implimentazzjoni tad-Direttiva. Il-valutazzjoni tal-Kummissjoni, kif imqassra fl-intestaturi tal-kapitolu 2 (“il-preżent”) tal-Komunikazzjoni, bażikament tgħid li: l-implimentazzjoni tjiebet, minkejja li xi Stati Membri għadhom ma implimentawx sew; għadhom jeżistu xi diverġenzi, iżda fil-biċċa l-kbira dawn jaqgħu fil-marġini ta' manuvra previst mid-Direttiva u fi kwalunkwe każ ma jimponux problema reali għas-suq intern. Is-soluzzjonijiet legali mniżżla fid-Direttiva rriżultaw sostanzjalment adatti biex jiggarantixxu d-dritt fundamentali għall-protezzjoni tad-data, filwaqt li jlaħħqu ma' l-evoluzzjoni fit-teknoloġija u r-rekwiżiti imposti mill-interessi pubbliċi.

9.

Il-KEPD jikkondividi l-linji prinċipali ta' din il-valutazzjoni pożittiva. B'mod partikolari, il-KEPD jirrikonoxxi l-ħidma konsiderevoli mwettqa fil-qasam tal-flussi transkonfini tad-data: is-sejbiet ta' protezzjoni adegwata fir-rigward ta' pajjiżi terzi, klawżoli kuntrattwali standard ġodda, l-adozzjoni ta' regoli korporattivi vinkolanti, ir-riflessjoni dwar interpretazzjoni aktar uniformi ta' l-Artikolu 26(1) tad-Direttiva u t-titjib fin-notifiki skond l-Artikolu 26(2) kollha jmorru fid-direzzjoni tal-faċilitazzjoni tat- trasferimenti internazzjonali ta' data personali. Madankollu, il-ġurisprudenza tal-Qorti tal-Ġustizzja (6) uriet li biex wieħed ilaħħaq ma' l-iżviluppi kemm fil-qasam teknoloġiku kif ukoll f'dak ta' l-infurzar tal-liġi għad baqa' xi xogħol xi jsir f'dan il-qasam kruċjali.

10.

Il-Komunikazzjoni turi wkoll li l-infurzar u s-sensibilizzazzjoni huma kwistjonijiet ċentrali għall-promozzjoni ta' implimentazzjoni aħjar, u li dawn jistgħu jkunu sfruttati ulterjorment. Barra minn hekk, l-iskambju ta' l-aħjar prattika u l-armonizzazzjoni fil-qasam tan-notifiki u d-dispożizzjonijiet ta' informazzjoni jirrappreżentaw preċedenti li kellhom suċċess fit-tnaqqis tal-formalitajiet amministrattivi u ta' l-ispejjeż għall-intrapriżi.

11.

Flimkien ma' dan, l-analiżi tal-passat tikkonferma li ma jistax isir titjib mingħajr l-involviment ta' firxa wiesgħa ta' partijiet interessati. Il-Kummissjoni, l-awtoritajiet tal-protezzjoni tad-data u l-Istati Membri huma atturi ċentrali fil-biċċa l-kbira ta' l-azzjonijiet imwettqa. Madankollu, ir-rwol tas-settur privat huwa dejjem aktar u aktar importanti, speċjalment fir-rigward tal-promozzjoni ta' l-awtoregolamentazzjoni u l-Kodiċi ta' Kondotti Ewropej, jew fir-rigward ta' l-iżvilupp ta' Teknoloġiji tat-Titjib tal-Privatezza.

12.

Jeżistu diversi raġunijiet biex tkun appoġġata l-konklużjoni tal-Kummissjoni li, taħt iċ-ċirkostanzi preżenti u fil-perijodu qasir, m'għandha tkun prevista l-ebda proposta għal modifika tad-Direttiva.

13.

Il-Kummissjoni bażikament tagħti żewġ raġunijiet b'appoġġ tal-konklużjoni. L-ewwel nett, il-potenzjal tad-Direttiva għadu ma kienx sfruttat kompletament. Fil-ġurisdizzjonijiet ta' l-Istati Membri għadu possibbli titjib konsiderevoli fl-implimentazzjoni tad-Direttiva. It-tieni, il-Kummissjoni tgħid li għalkemm id-Direttiva tħalli marġini ta' manuvra għall-Istati Membri, ma hemm l-ebda evidenza li diverġenzi fi ħdan dan il-marġini jikkawżaw problemi reali lis-suq intern.

14.

Abbażi ta' dawn iż-żewġ raġunijiet, il-Kummissjoni tifformula l-konklużjoni tagħha bil-mod li ġej. Hija tispjega x'għandha tagħmel id-Direttiva, b'enfasi fuq l-iżgurar tal-fiduċja, u mbagħad tgħid li d-Direttiva tistabbilixxi punt ta' referenza, hija teknoloġikament newtrali u tkompli tipprovdi risponsi solidi u adatti (7).

15.

Il-KEPD jilqa' l-mod kif inhi fformulata din il-konklużjoni, iżda huwa ta' l-opinjoni li din il-konklużjoni tista' tkun imsaħħa ulterjorment billi tinbena fuq żewġ raġunijiet addizzjonali:

16.

Id-dritt fundamentali tal-persuni fiżiċi għall-protezzjoni tad-data personali tagħhom huwa rikonoxxut fl-Artikolu 8 tal-Karta tad-Drittijiet Fundamentali ta' l-Unjoni u huwa inter alia mniżżel fil-Konvenzjoni Nru 108 tal-Kunsill ta' l-Ewropa tat-28 ta' Jannar 1981 għall-Protezzjoni ta' l-Individwi fir-rigward ta' l-Ipproċessar Awtomatiku ta' Data Personali. Fl-essenza, id-Direttiva hija qafas li fih l-elementi prinċipali tal-protezzjoni ta' dan id-dritt fundamentali, billi tagħti sustanza u tamplifika d-drittijiet u l-libertajiet inklużi fil-Konvenzjoni (8).

17.

Dritt fundamentali jimmira li jipproteġi liċ-ċittadin fiċ-ċirkostanzi kollha f'soċjetà demokratika. L-elementi prinċipali ta' tali dritt fundamentali m'għandhomx ikunu faċilment mibdula minħabba żviluppi fis-soċjeta jew minħabba preferenzi politiċi ta' gvernijiet li jkunu qed imexxu. Theddid għas-soċjetà minn organizzazzjoni terroristiċi jista', per eżempju, iwassal għal eżitu differenti f'każijiet speċifiċi minħabba li jistgħu jkunu meħtieġa interferenzi akbar fid-dritt fundamentali ta' persuna, iżda dan ma jista' qatt jaffettwa l-elementi essenzjali tad-dritt innifsu u lanqas ma jista' jċaħħad jew jirrestrinġi bla bżonn lil persuna privata fl-eżerċizzju tad-dritt.

18.

It-tieni karatteristika tad-Direttiva hija li din tipprevedi l-promozzjoni tal-fluss ħieles ta' informazzjoni fis-suq intern. Anki dan it-tieni objettiv jista' jiġi kkunsidrat bħala fundamentali, f'suq intern li qed dejjem aktar jiżviluppa mingħajr fruntieri interni. L-armonizzazzjoni tad-dispożizzjonijiet essenzjali tal-liġi nazzjonali hija waħda mill-istrumenti prinċipali sabiex ikunu żgurati l-istabbiliment u l-funzjonament ta' dan is-suq intern. Hija tagħti sustanza lill-fiduċja reċiproka bejn l-Istati Membri fis-sistemi legali nazzjonali ta' xulxin. Huwa għal dawn ir-raġunijiet ukoll li t-tibdil għandu jiġi kkunsidrat sew. Jekk isir tibdil dan jista' jaffettwa l-fiduċja reċiproka.

19.

It-tielet karatteristika tad-Direttiva hija li din għandha tiġi kkunsidrata bħala qafas ġenerali li fuqu jibnu strumenti legali speċifiċi. Dawn l-istrumenti speċifiċi jinkludu miżuri implimentattivi tal-qafas ġenerali kif ukoll oqfsa speċifiċi għal setturi speċifiċi. Id-Direttiva dwar il-privatezza u l-komunikazzjoni elettronika, 2002/58/KE (9), hija qafas speċifiku tali. Fejn ikun possibbli, żviluppi li qed jinbidlu fis-soċjeta għandhom iwasslu għat-tibdil tal-miżuri implimentattivi jew ta' l-oqfsa legali speċifiċi, mhux tal-qafas ġenerali li jibnu fuqhom.

20.

Skond il-KEPD, il-konklużjoni li d-Direttiva ma tinbidilx issa hija wkoll konsegwenza loġika tal-prinċipji ġenerali ta' amministrazzjoni tajba u politika leġislattiva. Proposti leġislattivi — irrispettivament minn jekk jimplikawx oqsma ġodda ta' azzjoni Komunitarja jew jemendawx arranġamenti leġislattivi eżistenti — għandhom jiġu ppreżentati biss jekk in-neċessità u l-proporzjonalità jkunu murija b'mod suffiċjenti. M'għandha tiġi ppreżentata l-ebda proposta leġislattiva jekk l-istess riżultat jista' jinkiseb bl-użu ta' għodod oħrajn inqas ambizzjużi.

21.

Taħt iċ-ċirkostanzi attwali, in-neċessità u l-proporzjonalità ta' modifika tad-Direttiva ma ġewx murija. Il-KEPD ifakkar li d-Direttiva tipprevedi qafas ġenerali għall-protezzjoni tad-data taħt id-dritt Komunitarju. Hija għandha minn naħa waħda tiżgura l-protezzjoni tad-drittijiet u l-libertajiet ta' l-individwi, notevolment id-dritt tal-privatezza, fir-rigward ta' l-ipproċessar tad-data personali u minn naħa oħra l-fluss ħieles ta' data personali fis-suq intern.

22.

Dan il-qafas ġenerali m'għandux jiġi emendat sakemm ma jkunx ġie kompletament implimentat fl-Istati Membri, ħlief jekk ikun hemm indikazzjonijiet ċari li l-objettivi tad-Direttiva ma setgħux jintlaħqu taħt il-qafas attwali. Fil-fehma tal-KEPD, il-Kummissjoni — taħt iċ-ċirkostanzi attwali — ssostanzjat adegwatament li l-potenzjal tad-Direttiva ma intużax kompletament (ara il-Kapitolu III ta' din l-opinjoni). Bl-istess mod, m'hemm l-ebda evidenza li l-objettivi ma jistgħux jintlaħqu taħt il-qafas attwali.

23.

Għandu jiġi żgurat ukoll fil-futur li l-prinċipji ta' protezzjoni tad-data joffru protezzjoni effettiva lill-persuni fiżiċi, filwaqt li ma jintesiex il-kuntest dinamiku li fih topera d-Direttiva (ara l-punt 5 ta' din l-opinjoni) u l-perspettivi tal-punt 6 ta' din l-opinjoni: titjib ta' l-implimentazzjoni, interazzjoni mat-teknoloġija, privatezza fuq il-livell globali u ġurisdizzjoni, protezzjoni tad-data u infurzar tal-liġi, u Trattat ta' Riforma. Dan il-bżonn għal applikazzjoni sħiħa tal-prinċipji ta' protezzjoni tad-data jistabbilixxi l-istandards għal tibdil futur tad-Direttiva. Il-KEPD ifakkar għal darb'oħra li fil-perijodu itwal tibdil tad-Direttiva jidher li ma jistax jiġi evitat.

24.

Sa fejn għandha x'taqsam is-sustanza ta' kwalunkwe miżura futura, il-KEPD diġà jipprovdi f'dan l-istadju xi elementi li huwa jikkunsidra essenzjali fi kwalunkwe sistema futura għall-protezzjoni tad-data fl-Unjoni Ewropea. Dawn l-elementi jinkludu:

25.

Il-Komunikazzjoni ssemmi — fir-rigward ta' l-isfidi ta' teknoloġiji ġodda — ir-reviżjoni li għaddejja tad-Direttiva 2002/58/KE u l-ħtieġa possibbli għal regoli aktar speċifiċi sabiex jiġu indirizzati kwistjonijiet ta' protezzjoni tad-data li jirriżultaw minħabba teknoloġiji ġodda bħall-Internet u l-RFID (10). Il-KEPD jilqa' din ir-reviżjoni u azzjonijiet ulterjuri, għalkemm skond il-KEPD dawn m'għandhomx ikunu relatati biss ma' żviluppi teknoloġiċi, iżda għandhom jieħdu kont tal-kuntest dinamiku fl-intier tiegħu u f'perspettiva għal perijodu fit-tul jinvolvu wkoll id-Direttiva 95/46/KE. Barra minn hekk, hija meħtieġa attenzjoni akbar f'dan il-kuntest. Sfortunatament, il-Komunikazzjoni hi nieqsa minn preċiżjoni:

Il-KEPD jissuġġerixxi li l-Kummissjoni tispeċifika dawn l-elementi.

26.

Kwalunkwe bidla futura għandha tkun preċeduta mill-implimentazzjoni sħiħa tad-dispożizzjonijiet preżenti tad-Direttiva. L-implimentazzjoni sħiħa tibda b'konformità mar-rekwiżiti legali tad-Direttiva. Il-Komunikazzjoni ssemmi (11) li xi Stati Membri naqsu milli jinkorporaw numru ta' dispożizzjonijiet importanti tad-Direttiva u f'dan ir-rigward tiġbed l-attenzjoni b'mod partikolari għad-dispożizzjonijiet għall-indipendenza ta' l-awtoritajiet ta' sorveljanza. Huwa l-kompitu tal-Kummissjoni li timmonitorja l-konformità u fejn tqis li jkun il-każ tuża s-setgħat tagħha skond l-Artikolu 226 KE.

27.

Il-Komunikazzjoni tipprevedi komunikazzjoni interpretattiva dwar xi dispożizzjonijiet, b'mod partikolari dawk id-dispożizzjonijiet li jistgħu jwasslu għal proċeduri ta' ksur formali skond l-Artikolu 226 KE.

28.

Barra minn hekk, id-Direttiva tintroduċi mekkaniżmi oħrajn għat-titjib ta' l-implimentazzjoni. B'mod partikolari, il-kompiti tal-Grupp ta' Ħidma ta' l-Artikolu 29, elenkati fl-Artikolu 30 tad-Direttiva, huma mfassla għal dan il-għan. L-għan tagħhom huwa li jistimulaw l-implimentazzjoni fl-Istati Membri, fuq livell għoli u armonizzat, tal-protezzjoni tad-data lil hinn minn dak li huwa strettament meħtieġ biex ikunu sodisfatti l-obbligi tad-Direttiva. Matul is-snin, fl-eżerċizzju ta' dan ir-rwol, il-Grupp ta' Ħidma pproduċa numru kbir ta' opinjonijiet u ta' dokumenti oħrajn.

29.

Fil-fehma tal-KEPD, l-implimentazzjoni sħiħa tad-Direttiva tinkludi dawn iż-żewġ elementi:

Il-KEPD jenfasizza li minħabba l-konsegwenzi legali differenti għandha ssir distinzjoni ċara bejn iż-żewġ elementi kif ukoll bejn ir-responsabbiltajiet relatati. Bħala regola: il-Kummissjoni għandha terfa' responsabbiltà sħiħa għall-ewwel element, filwaqt li l-Grupp ta' Ħidma għandu jkun l-attur primarju fejn għandu x'jaqsam it-tieni element.

30.

Distinzjoni aktar preċiża oħra li għandha ssir hija relatata ma' l-għodod disponibbli sabiex tinkiseb implimentazzjoni aħjar tad-Direttiva. Dawn jinkludu:

31.

Il-KEPD jissuġġerixxi lill-Kummissjoni tindika biċ-ċar kif ser tuża dawn l-għodod differenti meta telabora l-linji politiċi tagħha abbażi tal-Komunikazzjoni preżenti. F'dak il-kuntest il-Kummissjoni għandha wkoll tiddistingwi b'mod ċar ir-responsabbiltajiet proprji tagħha u r-responsabbiltajiet tal-Grupp ta' Ħidma. Barra minn hekk, huwa ovvju li f'kull ċirkostanza kooperazzjoni tajba bejn il-Kummissjoni u l-Grupp ta' Ħidma hija kondizzjoni għal suċċess.

32.

Punt ta' tluq huwa li d-dispożizzjonijiet tad-Direttiva huma fformulati b'mod teknoloġikament newtrali. Il-Komunikazzjoni torbot l-enfasi fuq in-newtralità teknoloġika ma' numru ta' żviluppi teknoloġiċi, bħall-Internet, l-aċċess għal servizzi provduti f'pajjiżi terzi, l-RFID u t-taħlita ta' data tal-ħoss u ta' l-immaġni b'rikonoxximent awtomatiku. Hi tiddistingwi żewġ tipi ta' azzjonijiet. L-ewwel nett, gwida speċifika fir-rigward ta' l-applikazzjoni tal-prinċipji ta' protezzjoni tad-data f'ambjent li qed teknoloġikament jinbidel bi rwol importanti tal-Grupp ta' Ħidma u t-Task Force ta' l-Internet tiegħu (13). It-tieni, tista' tkun proposta mill-Kummissjoni nnifisha leġislazzjoni speċifika għas-settur.

33.

Il-KEDP jilqa' dan l-approċċ bħala pass importanti tal-bidu. Fil-perijodu itwal, madankollu, passi oħrajn, aktar fundamentali, jistgħu jkunu meħtieġa. L-okkażjoni ta' din il-Komunikazzjoni tista' tintuża bħala l-bidu ta' tali approċċ għall-perijodu fit-tul. Il-KEDP jissuġġerixxi li, bħala segwitu ta' din il-Komunikazzjoni, tinbeda d-diskussjoni dwar dan l-approċċ. Bħala elementi possibbli ta' approċċ tali, jistgħu jissemmew il-punti li ġejjin.

34.

L-ewwel, l-interazzjoni mat-teknoloġiji taħdem b'żewġ modi. Minn naħa waħda, teknoloġiji li qed jiżviluppaw ġodda jistgħu jitolbu modifiki tal-qafas legali għall-protezzjoni tad-data. Minn naħa oħra, il-ħtieġa għal protezzjoni effettiva tad-data personali ta' l-individwi tista' tirrikjedi limitazzjonijiet ġodda jew salvagwardji adatti fuq l-użu ta' ċerti teknoloġiji, konsegwenza li tmur saħanistra aktar il-bogħod. Madankollu, teknoloġiji ġodda jistgħu wkoll jintużaw b'mod effettiv u jsir affidament fuqhom b'mod li tittejjeb il-privatezza.

35.

It-tieni, xi limiti speċifiċi jistgħu jkunu meħtieġa jekk jintużaw teknoloġiji ġodda minn istituzzjonijiet governattivi fl-eżerċizzju tal-kompiti pubbliċi tagħhom. Id-diskussjonijiet dwar l-interoperabbiltà u l-aċċess li qed isiru fil-qasam tal-libertà, is-sigurtà u l-ġustizzja fir-rigward ta' l-implimentazzjoni tal-Programm ta' l-Aja, huma eżempju tajjeb (14).

36.

It-tielet, hemm tendenza lejn użu ferm aktar wiesa' tal-materjal bijometriku, bħal — iżda mhux biss — materjal tad-DNA. L-isfidi speċifiċi ta' l-użu ta' data personali estratta minn dan il-materjal jista' jkollhom konsegwenzi għal-liġijiet tal-protezzjoni tad-data.

37.

Ir-raba', irid jiġi rikonoxxut li s-soċjetà nnifisha qed tinbidel u qed tieħu aktar u aktar elementi ta' soċjetà ta' sorveljanza (15). Dibattitu fundamentali huwa meħtieġ dwar dan l-iżvilupp. F'dan id-dibattitu l-kwistjonijiet ċentrali jkunu jekk dan l-iżvilupp jistax jiġi evitat, jekk hux il-kompitu tal-leġislatur Ewropew li jindaħal f'dan l-iżvilupp u li jimponi limiti fuq dan l-iżvilupp, jekk u kif il-leġislatur Ewropew jista' jieħu miżuri effettivi, eċċ.

38.

Il-perspettiva ta' privatezza fuq il-livell globali u ġurisdizzjoni għandha rwol limitat fil-Komunikazzjoni. L-unika intenzjoni f'dan il-kuntest hija li l-Kummissjoni ser tkompli timmonitorja u tikkontribwixxi f'forums internazzjonali, sabiex tiżgura l-koerenza ta' l-impenji ta' l-Istati Membri ma' l-obbligi tagħhom taħt id-Direttiva. Barra minn hekk, il-Komunikazzjoni tenumera numru ta' attivitajiet imwettqa għas-simplifikazzjoni tar-rekwiżiti għal trasferimenti internazzjonali (ara l-Kapitolu III ta' din l-opinjoni).

39.

Il-KEPD jiddispjaċih li din il-perspettiva ma ngħatatx rwol aktar prominenti fil-Komunikazzjoni.

40.

Preżentament, il-Kapitolu IV tad-Direttiva (l-Artikoli 25 u 26) jintroduċi reġim speċjali għat-trasferiment ta' data lejn pajjiżi terzi, minbarra r-regoli ġenerali dwar il-protezzjoni tad-data. Dan ir-reġim speċjali ġie elaborat matul is-snin, bl-intenzjoni li jinstab bilanċ ġust bejn il-protezzjoni ta' l-individwi li d-data tagħhom tkun trid tiġi trasferita lejn pajjiżi terzi ma', inter alia, l-imperattivi tal-kummerċ internazzjonali u r-realtà tan-netwerks tat-telekomunikazzjoni globali. Il-Kummissjoni u l-Grupp ta' Ħidma (16), iżda anki per eżempju l-Kamra tal-Kummerċ Internazzjonali, investew ħafna enerġija biex jaraw is-sistema taħdem, permezz ta' sejbiet ta' adegwatezza, klawżoli kuntrattwali standard, regoli korporattiv vinkolanti, eċċ.

41.

Għall-applikabbiltà tas-sistema għall-Internet, is-sentenza tal-Qorti tal-Ġustizzja f'Lindqvist  (17) kienet ta' importanza speċifika. Il-Qorti tiġbed l-attenzjoni lejn in-natura ubikwitarja li għandha l-informazzjoni fuq l-Internet u tiddeċiedi li t-tqegħid tad-data fuq paġna ta' l-internet bħala tali, anki jekk dik id-data b'dak il-mod issir aċċessibbli għal persuni f'pajjiżi terzi li għandhom il-mezzi tekniċi biex jaċċedu għaliha, ma jikkwalifikax bħala trasferiment lejn pajjiż terz.

42.

Din is-sistema, konsegwenza loġika u neċessarja tal-limitazzjonijiet territorjali ta' l-Unjoni Ewropea, ma tipprovdix protezzjoni sħiħa lis-suġġett Ewropew tad-data f'soċjetà li tinsab f'netwerk flimkien u fejn il-fruntieri fiżiċi jitilfu l-importanza tagħhom (ara l-eżempji msemmija fil-punt 6 ta' din l-opinjoni): l-informazzjoni fuq l-Internet għandha natura ubikwitarja, iżda l-ġurisdizzjoni tal-leġislatur Ewropew mhix waħda ubikwitarja.

43.

L-isfida ser tkun li jinstabu soluzzjonijiet prattiċi li jirrikonċiljaw il-ħtieġa għall-protezzjoni tas-suġġetti tad-data Ewropej mal-limitazzjonijiet territorjali ta' l-Unjoni Ewropea u l-Istati Membri tagħha. Il-KEPD — fil-kummenti tiegħu dwar il-komunikazzjoni tal-Kummissjoni dwar Strateġija dwar id-Dimensjoni Esterna taż-Żona ta' Libertà, Sigurtà u Ġustizzja — diġà ħeġġeġ lill-Kummissjoni tieħu rwol proattiv fil-promozzjoni tal-protezzjoni tad-data personali fil-livell internazzjonali, billi tappoġġa approċċi bilaterali u multilaterali ma' pajjiżi terzi u kooperazzjoni ma' organizzazzjonijiet internazzjonali oħrajn (18).

44.

Tali soluzzjonijiet prattiċi jinkludu:

45.

L-ebda waħda minn dawn is-soluzzjonijiet mhi ġdida. Madankollu, hija meħtieġa viżjoni dwar kif għandhom effettivament jintużaw dawn il-metodi bl-aktar mod effettiv u kif jiġi żgurat li l-istandards ta' protezzjoni tad-data — li fl-Unjoni Ewropea huma kwalifikati bħala drittijiet fundamentali — ikunu effettivi wkoll f'soċjetà globali f'netwerk flimkien. Il-KEPD jistieden lill-Kummissjoni tibda tiżviluppa tali viżjoni, flimkien ma' l-aktar partijiet interessati rilevanti.

46.

Il-Komunikazzjoni tagħti attenzjoni estensiva lir-rekwiżiti imposti mill-interessi pubbliċi, speċjalment għas-sigurtà. Tispjega l-Artikolu 3(2) tad-Direttiva u l-interpretazzjoni mogħtija mill-Qorti tal-Ġustizzja lil din id-dispożizzjoni fis-Sentenza PNR (19), kif ukoll l-Artikolu 13 tad-Direttiva, inter alia relatat mal-ġurisprudenza tal-Qorti Ewropea tad-Drittijiet tal-Bniedem. Il-Komunikazzjoni barra minn hekk tenfasizza li meta l-Kummissjoni ssib bilanċ bejn miżuri biex tkun żgurata s-sigurtà u d-drittijiet fundamentali non negozjabbli, hija tiżgura li d-data personali tkun protetta kif garantit mill-Artikolu 8 QEDB. Dan il-punt ta' tluq japplika wkoll għad-djalogu transatlantiku ma' l-Istati Uniti ta' l-Amerika.

47.

Skond il-KEPD, huwa importanti li l-Kummissjoni ttenni b'tali mod ċar l-obbligi ta' l-Unjoni taħt l-Artikolu 6 TUE li jiġu rispettati d-drittijiet fundamentali, kif garantit mill-QEDB. Din id-dikjarazzjoni hija saħansitra aktar importanti issa li l-Kunsill Ewropew iddeċieda li, taħt it-Trattat ta' Riforma, il-Karta tad-drittijiet fundamentali ta' l-Unjoni Ewropea għandu jkollha valur legalment vinkolanti. L-Artikolu 8 tal-Karta jispeċifika d-dritt ta' kulħadd għall-protezzjoni tad-data personali li tikkonċerna lilu jew lilha.

48.

Huwa fatt magħruf li l-pressjonijiet ta' l-infurzar tal-liġi biex data personali tintuża dejjem aktar fil-ġlieda kontra l-kriminalità — biex ma nsemmux il-ġlieda kontra t-terroriżmu — iġibu magħhom ir-riskju li jitbaxxa l-livell tal-protezzjoni taċ-ċittadin, saħansitra taħt livell garantit mill-Artikolu 8 QEDB u/jew il-Konvenzjoni tal-Kunsill ta' l-Ewropa Nru 108 (20). Dawn il-preokkupazzjonijiet kienu element prinċipali tat-tielet opinjoni tal-KEPD dwar il-Proposta għal Deċiżjoni Kwadru tal-Kunsill dwar il-protezzjoni ta' data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali, maħruġa fis-27 ta' April 2007.

49.

F'dan il-kuntest huwa essenzjali li l-istandard ta' protezzjoni previst mid-Direttiva jittieħed bħala bażi għall-protezzjoni taċ-ċittadin, anki fir-rigward tal-pressjonijiet ta' l-infurzar tal-liġi. Il-QEDB u l-Konvenzjoni 108 jipprevedu livell minimali ta' protezzjoni, iżda ma jipprevedux il-preċiżjoni neċessarja. Barra minn hekk, kienu meħtieġa miżuri addizzjonali biex tkun prevista protezzjoni adatta għaċ-ċittadin. Dan il-bżonn kien wieħed mill-fatturi li wasslu għall-adozzjoni fl-1995 tad-Direttiva (21).

50.

Huwa ugwalment essenzjali li dan l-istandard ta' protezzjoni jkun effettivament garantit f'kull sitwazzjoni fejn id-data personali tkun ipproċessata għal finijiet ta' infurzar tal-liġi. Għalkemm din il-komunikazzjoni ma tittrattax ma' l-ipproċessar tad-data fit-tielet pilastru, hija ġustament tindirizza s-sitwazzjoni fejn data miġbura (u pproċessata) għal finijiet kummerċjali tintuża għal finijiet ta' infurzar tal-liġi. Sitwazzjoni li qed issir aktar normali peress li l-ħidma tal-pulizija qed isserraħ dejjem aktar fuq id-disponibbiltà ta' l-informazzjoni li tkun fil-pussess ta' partijiet terzi. Id-Direttiva 2006/24/KE (22) tista' tkun ikkunsidrata bħala l-aħjar illustrazzjoni ta' din it-tendenza: din id-Direttiva tobbliga lill-fornituri ta' komunikazzjoni elettronika jaħżnu (għal aktar fit-tul) data li jkunu ġabru (u ħażnu) għal finijiet kummerċjali, għal finijiet ta' infurzar tal-liġi. Skond il-KEPD, għandu jkun żgurat bis-sħiħ li data personali miġbura u pproċessata fl-ambitu ta' applikazzjoni tad-Direttiva tkun protetta sew meta tintuża għal finijiet ta' interess pubbliku, u b'mod partikolari għas-sigurtà jew għall-ġlieda kontra t-terroriżmu. F'xi każijiet madankollu, il-finijiet imsemmija l-aħħar jistgħu jaqgħu lil hinn mill-kamp ta' applikazzjoni tad-Direttiva.

51.

Dawn l-osservazzjonijiet iwasslu għas-suġġerimenti li ġejjin lill-Kummissjoni:

52.

Fil-Komunikazzjoni, il-Kummissjoni ssemmi l-impatt — enormi — tat-Trattat Kostituzzjonali fuq il-qasam tal-protezzjoni tad-data. Fil-fatt, it-Trattat — li issa huwa t-Trattat ta' Riforma — ser ikun ta' importanza kruċjali f'dan il-qasam. It-Trattat ser ikun it-tmiem ta' l-istruttura tal-pilastri, id-dispożizzjoni dwar il-protezzjoni tad-data (attwalment l-Artikolu 286 KE) ser tkun iċċarata u l-Karta dwar id-Drittijiet Fundamentali ta' l-Unjoni, li fl-Artikolu 8 tagħha tinkludi dispożizzjoni dwar il-protezzjoni tad-data, ser issir strument vinkolanti.

53.

Il-mandat għall-Konferenza Intergovernattiva (IGC) jagħti attenzjoni speċifika lill-protezzjoni tad-data. Il-punt 19 (f) bażikament jgħid tliet affarijiet. L-ewwel nett, ir-regoli ġenerali dwar il-protezzjoni tad-data ser ikunu mingħajr ħsara għar-regoli speċifiċi adottati fit-Titolu PESK (dak li attwalment hu t-tieni pilastru); it-tieni, ser tkun adottata dikjarazzjoni dwar il-protezzjoni tad-data fl-oqsma tal-kooperazzjoni tal-pulizija u dik ġudizzjarja f'materji kriminali (dak li attwalment hu t-tielet pilastru) u t-tielet, ser ikunu adottati iskrizzjonijiet speċifiċi fil-Protokolli rilevanti dwar il-pożizzjoni ta' Stati Membri individwali (dan l-element huwa prinċipalment relatat mal-pożizzjoni speċifika tar-Renju Unit fir-rigward tal-kooperazzjoni tal-pulizija u dik ġudizzjarja f'materji kriminali).

54.

Huwa t-tieni element (id-dikjarazzjoni) li ser ikun jeħtieġ kjarifika fl-IGC. Il-konsegwenzi tat-tmiem ta' l-istruttura tal-pilastri u l-applikabbiltà possibbli tad-Direttiva għall-kooperazzjoni tal-pulizija u dik ġudizzjarja f'materji kriminali għandhom jiġu kkunsidrati kif dovut, sabiex tkun żgurata l-aktar applikazzjoni wiesgħa possibbli tal-prinċipji ta' protezzjoni tad-data li jinsabu fid-Direttiva. Dan mhux il-post biex jingħataw aktar dettalji dwar din il-kwistjoni. Il-KEPD ippreżenta suġġerimenti għad-dikjarazzjoni f'ittra lill-Presidenza ta' l-IGC (25).

55.

Il-Komunikazzjoni tirreferi għal serje ta' għodod u azzjonijiet li jistgħu jintużaw għal implimentazzjoni aħjar tad-Direttiva fil-futur. Il-KEPD jixtieq jikkummenta dwarhom, filwaqt li jesplora wkoll strumenti addizzjonali oħrajn mhux imsemmija fil-Komunikazzjoni.

56.

F'ċerti każijiet tista' tkun meħtieġa azzjoni leġislattiva speċifika fil-livell ta' l-UE. B'mod partikolari, jista' jirriżulta li l-leġislazzjoni settorjali hija neċessarja sabiex il-prinċipji tad-Direttiva jiġu adattati għal kwistjonijiet imqajma minn xi teknoloġiji, kif kien il-każ tad-direttivi dwar il-privatezza fis-settur tat-telekomunikazzjoni. L-użu ta' leġislazzjoni speċifika għandu jkun ikkunsidrat b'kura f'oqsma bħall-użu tat-teknoloġiji RFID.

57.

L-aktar strument b'saħħtu msemmi fil-Komunikazzjoni huwa l-proċedura ta' ksur. Il-Komunikazzjoni tidentifika qasam speċifiku wieħed ta' tħassib, notevolment l-indipendenza ta' l-awtoritajiet tal-protezzjoni tad-data u s-setgħat tagħhom, u ssemmi oqsma oħrajn f'termini ġenerali biss. Il-KEPD jikkondividi l-fehma li l-proċeduri ta' ksur huma strument essenzjali u li ma jistax jiġi evitat, jekk l-Istati Membri ma jipprevedux l-implimentazzjoni sħiħa tad-Direttiva, speċjalment b'kont meħud tal-fatt li għaddew kważi disa' snin mill-iskadenza għall-implimentazzjoni tad-Direttiva u li d-djalogu strutturat imniżżel fil-Programm ta' Ħidma diġà seħħ. Madankollu, sal-lum, għadu ma tressaq l-ebda każ ta' ksur tad-Direttiva 95/46 quddiem il-Qorti tal-Ġustizzja.

58.

Analiżi komparattiva tal-każijiet kollha fejn hija suspettata traspożizzjoni ħażina jew mhux kompluta (26), kif ukoll komunikazzjoni interpretattiva jistgħu ċertament itejbu l-koerenza tar-rwol tal-Kummissjoni bħala l-gwardjan tat-Trattati. Madankollu, it-tħejjija ta' dawn l-istrumenti, li tista' tirrikjedi ċertu ammont ta' ħin u sforz, m'għandhiex tittardja l-proċeduri ta' ksur f'dawk l-oqsma fejn il-Kummissjoni tkun diġà identifikat b'mod ċar traspożizzjoni jew prattika inkorretta.

59.

Għalhekk, il-KEPD iħeġġeġ lill-Kummissjoni biex tfittex implimentazzjoni aħjar tad-Direttiva permezz ta' proċeduri ta' ksur, fejn meħtieġ. F'dan il-kuntest, il-KEPD ser juża s-setgħat tiegħu ta' intervent quddiem il-Qorti tal-Ġustizzja sabiex jintervjeni, fejn ikun il-każ, fi proċeduri ta' ksur relatati ma' l-implimentazzjoni tad-Direttiva 95/46 jew ma' strumenti legali oħrajn fil-qasam tal-protezzjoni tad-data personali.

60.

Il-Komunikazzjoni tirreferi wkoll għal komunikazzjoni interpretattiva dwar xi dispożizzjonijiet li fiha l-Kummissjoni ser tiċċara l-intendiment tagħha tad-dispożizzjonijiet tad-Direttiva, li l-implimentazzjoni tagħha tinstab li hija problematika u tista' għalhekk twassal għal proċeduri ta' ksur. Il-KEPD jilqa' li f'dan il-kuntest il-Komunikazzjoni ser tieħu kont tal-ħidma dwar l-interpretazzjoni mwettqa mill-Grupp ta' Ħidma. Fil-fatt, huwa essenzjali li jittieħed kont kif dovut tal-pożizzjoni tal-Grupp ta' Ħidma fl-abbozzar tal-komunikazzjoni interpretattiva li ġejja u li l-Grupp ta' Ħidma jkun ikkonsultat sew, bil-ħsieb li fl-applikazzjoni tad-Direttiva fil-livell nazzjonali tintuża l-esperjenza tiegħu.

61.

Barra minn hekk, il-KEDP jikkonferma d-disponibbiltà tiegħu li joffri konsulenza lill-Kummissjoni fil-kwistjonijiet kollha relatati mal-protezzjoni tad-data personali. Dan japplika wkoll għal dawk l-istrumenti, bħall-komunikazzjonijiet tal-Kummissjoni, li mhumiex vinkolanti iżda li xorta waħda huma mmirati lejn id-definizzjoni tal-politika tal-Kummissjoni fil-qasam tal-protezzjoni tad-data personali. Fil-każ ta' komunikazzjonijiet, biex dan ir-rwol konsultattiv ikun effettiv, il-konsultazzjoni tal-KEPD għandha ssir qabel ma tiġi adottata l-komunikazzjoni interpretattiva (27). Ir-rwol konsultattiv kemm tal-GĦ29 kif ukoll tal-KEPD ser jipprovdi valur miżjud lil din il-komunikazzjoni, filwaqt li tinżamm l-indipendenza tal-Kummissjoni li tiddeċiedi b'mod awtonomu dwar il-ftuħ formali ta' proċeduri ta' ksur relatati ma' l-implimentazzjoni tad-Direttiva.

62.

Il-KEPD jilqa' li l-komunikazzjoni ser ikollha x'taqsam biss ma' numru limitat ta' Artikoli, u b'dan il-mod jitħalla lok biex tingħata attenzjoni lil kwistjonijiet aktar sensittivi. F'din il-perspettiva, il-KEPD jiġbed l-attenzjoni tal-Kummissjoni għall-kwistjonijiet li ġejjin, li jixraqilhom attenzjoni speċjali fil-komunikazzjoni interpretattiva:

63.

Strumenti non vinkolanti oħrajn għandhom jiżviluppaw b'mod proattiv il-konformità mal-prinċipji ta' protezzjoni tad-data, b'mod partikolari f'ambjenti teknoloġiċi ġodda. Dawn il-miżuri għandhom jibnu fuq il-kunċett ta'“privacy by design”, li jiżgura li l-arkitettura ta' teknoloġiji ġodda tkun żviluppata u mibnija billi jittieħed kont sew tal-prinċipji ta' protezzjoni tad-data. Il-promozzjoni ta' prodotti teknoloġiċi li jirrispettaw il-privatezza għandha tkun element kruċjali f'kuntest fejn l-użu ubikwitarju tal-kompjuter qed jiżviluppa malajr.

64.

Marbuta mill-qrib hija n-neċessità li tiġi estiża l-iskala tal-partijiet interessati fl-infurzar tal-liġi tal-protezzjoni tad-data. Minn naħa waħda, il-KEPD jappoġġa bis-saħħa r-rwol fundamentali ta' l-awtoritajiet tal-protezzjoni tad-data fl-infurzar tal-prinċipji tad-Direttiva, u jagħmel użu sħiħ mis-setgħat tagħhom kif ukoll mill-possibbiltà ta' koordinazzjoni fil-Grupp ta' Ħidma ta' l-Artikolu 29. Infurzar aktar effettiv tad-Direttiva huwa wkoll wieħed mill-objettivi ta' “l-inizjattiva ta' Londra”.

65.

Minn naħa oħra, il-KEPD jenfasizza kemm huwa attraenti l-fatt li jiġi promoss l-infurzar privat tal-prinċipji ta' protezzjoni tad-data permezz ta' l-awtoregolamentazzjoni u l-kompetizzjoni. L-industrija għandha tiġi mħeġġa timplimenta l-prinċipji ta' protezzjoni tad-data u tikkompeti fl-iżvilupp ta' prodotti u servizzi li jirrispettaw il-privatezza bħala mod ta' kif tespandi l-pożizzjoni tagħha fis-suq billi tindirizza aħjar l-aspettattivi tal-konsumaturi konxji tal-privatezza. F'dan il-kuntest eżempju tajjeb jista' jinstab fis-siġilli ta' privatezza, li jistgħu jitwaħħlu mal-prodotti u s-servizzi li jkunu għaddew minn proċedura ta' ċertifikazzjoni (29).

66.

Il-KEPD jixtieq ukoll jiġbed l-attenzjoni tal-Kummissjoni għal għodod oħrajn li, għalkemm ma jissemmewx mill-Komunikazzjoni, jistgħu jirriżultaw utli għal implimentazzjoni aħjar tad-Direttiva. Eżempji ta' għodod bħal dawn li jgħinu lill-awtoritajiet tal-protezzjoni tad-data jinfurzaw aħjar il-liġi tal-protezzjoni tad-data huma:

67.

Bħala punt ta' l-aħħar, il-KEDP jirreferi għal strumenti oħrajn li mhumiex imsemmija fil-Komunikazzjoni, iżda li jistgħu jew jiġu kkunsidrati għal bidla futura tad-Direttiva jew jiġu inklużi f'leġislazzjoni orizzontali oħra, b'mod partikolari:

68.

Atturi istituzzjonali differenti għandhom responsabbiltajiet relatati ma' l-implimentazzjoni tad-Direttiva. Skond l-Artikolu 28 tad-Direttiva l-awtoritajiet ta' sorveljanza fl-Istati Membri huma responsabbli għall-monitoraġġ ta' l-applikazzjoni tad-dispożizzjonijiet nazzjonali li jitrasponu d-Direttiva fl-Istati Membri. L-Artikolu 29 jintroduċi l-Grupp ta' Ħidma ta' l-awtoritajiet ta' sorveljanza filwaqt li l-Artikolu 30 jenumera l-kompiti tiegħu. Skond l-Artikolu 31 kumitat ta' rappreżentanti mill-Gvernijiet ta' l-Istati Membri jassisti lill-Kummissjoni fir-rigward tal-miżuri implimentattivi fil-livell Komunitarju (kumitat ta' komitoloġija).

69.

Il-ħtieġa għal definizzjoni aħjar tar-responsabbiltajiet ta' l-atturi differenti teżisti b'mod partikolari fir-rigward ta' (l-attivitajiet) tal-Grupp ta' Ħidma. L-Artikolu 30 (1) jelenka erba' kompiti tal-Grupp ta' Ħidma li jistgħu jiġu mqassra bħala l-eżami ta' l-applikazzjoni tad-Direttiva fil-livell nazzjonali bil-ħsieb ta' uniformità u l-għoti ta' opinjonijiet dwar l-iżvilupp fil-livell Komunitarju: il-livell ta' protezzjoni, proposti leġislattivi u kodiċi ta' kondotta. Din il-lista turi r-responsabbiltà wiesgħa tal-Grupp ta' Ħidma fil-qasam tal-protezzjoni tad-data, li hija illustrata aktar mid-dokumenti prodotti mill-Grupp ta' Ħidma matul is-snin.

70.

Skond il-Komunikazzjoni, il-Grupp ta' Ħidma “huwa element prinċipali fl-iżgurar ta' implimentazzjoni aħjar u aktar koerenti.” Il-KEDP jaqbel bis-sħiħ ma' din id-dikjarazzjoni, iżda jqis ukoll li jeħtieġ li jiġu ċċarati xi elementi speċifiċi tar-responsabbiltajiet.

71.

L-ewwel nett, il-Komunikazzjoni tħeġġeġ biex jittejjeb il-kontribut tal-Grupp ta' Ħidma, peress li l-awtoritajiet nazzjonali għandhom jagħmlu ħilithom biex jadattaw il-prattika nazzjonali għal-linja komuni (30). Il-KEPD jilqa' l-intenzjoni ta' din id-dikjarazzjoni, iżda jallerta li jista' jkun hemm konfużjoni ta' responsabbiltajiet. Huwa l-kompitu tal-Kummissjoni taħt l-Artikolu 211 KE li timmonitorja l-konformità fl-Istati Membri, inkluża l-konformità mill-awtoritajiet ta' sorveljanza. Il-Grupp ta' Ħidma, bħala konsulent indipendenti, ma jistax jinżamm responsabbli għall-applikazzjoni mill-awtoritajiet nazzjonali ta' l-opinjonijiet tiegħu.

72.

It-tieni, il-Kummissjoni għandha tkun konxja tar-rwoli differenti tagħha fil-Grupp ta' Ħidma, peress li mhux biss hi Membru tal-Grupp ta' Ħidma iżda tipprovdi wkoll is-segretarjat tiegħu. Fl-eżerċizzju tat-tieni rwol bħala segretarjat, għandha tappoġġa l-Grupp ta' Ħidma b'mod li jkun jista' jwettaq il-ħidma tiegħu b'mod indipendenti. Dan bażikament ifisser żewġ affarijiet: il-Kummissjoni għandha tipprovdi r-riżorsi neċessarji u s-segretarjat għandu jaħdem taħt l-istruzzjonijiet tal-Grupp ta' Ħidma u l-President tiegħu fir-rigward tal-kontenut u l-ambitu ta' l-attivitajiet tal-Grupp ta' Ħidma, kif ukoll fir-rigward tan-natura tal-produzzjoni tiegħu. B'mod aktar ġenerali, l-attivitajiet tal-Kummissjoni fit-twettiq tad-doveri l-oħrajn tagħha skond il-liġi KE m'għandhomx ikunu ta' piż fuq id-disponibbiltà tagħha bħala segretarjat.

73.

It-tielet, għalkemm l-għażla tal-prijoritajiet tal-Grupp ta' Ħidma hija d-diskrezzjoni tal-Grupp ta' Ħidma nnifsu, il-Kummissjoni tista' tindika x'tistenna mill-Grupp ta' Ħidma u kif tikkunsidra li r-riżorsi disponibbli jistgħu jintużaw l-aħjar.

74.

Ir-raba', il-KEDP jiddispjaċih li l-Komunikazzjoni ma tagħtix indikazzjonijiet ċari dwar id-diviżjoni tar-rwoli bejn il-Kummissjoni u l-Grupp ta' Ħidma. Huwa jistieden lill-Kummissjoni tippreżenta dokument lill-Grupp ta' Ħidma li fih jingħataw it-tali indikazzjonijiet. Il-KEDP għandu s-suġġerimenti li ġejjin għal kwistjonijiet li għandhom jiġu inklużi f'dan id-dokument:

75.

Il-KEDP jikkondividi l-konklużjoni ċentrali tal-Kummissjoni li d-Direttiva m'għandhiex tiġi emendata fil-perijodu qasir. Din il-konklużjoni tista' tiġi msaħħa billi tinbena wkoll fuq in-natura tad-Direttiva u fuq il-politika leġislattiva ta' l-Unjoni.

76.

Il-punti ta' tluq għall-KEPD huma kif ġej:

77.

L-elementi prinċipali ta' tibdil futur jinkludu:

78.

Il-KEPD jissuġġerixxi li l-Kummissjoni tispeċifika: pjan bid-dati għall-attivitajiet tal-Kapitolu 3 tal-Komunikazzjoni; skadenza għal rapport sussegwenti dwar l-applikazzjoni tad-Direttiva; termini ta' referenza biex jitkejjel it-twettiq ta' l-attivitajiet previsti; indikazzjonijiet dwar kif wieħed ser ikompli fil-perijodu itwal.

79.

Il-KEDP jilqa' l-approċċ dwar it-teknoloġija bħala pass importanti ta' l-ewwel u jissuġġerixxi li tinbeda d-diskussjoni dwar approċċ għall-perijodu fit-tul, inkluż inter alia dibattitu fundamentali dwar l-iżvilupp ta' soċjetà ta' sorveljanza. Huwa jilqa' wkoll ir-reviżjoni li għaddejja bħalissa tad-Direttiva 2002/58/KE u l-ħtieġa possibbli għal regoli aktar speċifiċi sabiex jiġu indirizzati kwistjonijiet ta' protezzjoni tad-data li jirriżultaw minn teknoloġiji ġodda bħall-Internet u l-RFID. Dawn l-azzjonijiet għandhom jieħdu kont tal-kuntest dinamiku fl-intier tiegħu u f'perspettiva għall-perijodu fit-tul jinvolvu wkoll id-Direttiva 95/46/KE.

80.

Il-KEDP jiddispjaċih li l-perspettiva ta' privatezza fil-livell globali u ġurisdizzjoni għandha rwol limitat fil-Komunikazzjoni u jitlob għal soluzzjonijiet prattiċi li jirrikonċiljaw il-bżonn għall-protezzjoni tas-suġġetti tad-data Ewropea mal-limitazzjonijiet territorjali ta' l-Unjoni Ewropea u l-Istati Membri tagħha, bħal: l-iżvilupp ulterjuri ta' Qafas Globali għall-protezzjoni tad-data; l-iżvilupp ulterjuri tar-reġim speċjali għat-trasferiment tad-data lejn pajjiżi terzi; ftehim internazzjonali dwar il-ġurisdizzjoni jew ftehim simili ma' pajjiżi terzi; l-investiment f'mekkaniżmi għall-konformità globali, bħall-użu ta' regoli korporattivi vinkolanti minn kumpanniji multinazzjonali.

Il-KEPD jistieden lill-Kummissjoni tibda tiżviluppa viżjoni dwar din il-perspettiva, flimkien ma' l-aktar partijiet interessati rilevanti.

81.

Fir-rigward ta' l-infurzar tal-liġi, il-KEDP għandu s-suġġerimenti li ġejjin għall-Kummissjoni:

82.

L-implimentazzjoni sħiħa tad-Direttiva tfisser (1) li jiġi żgurat li l-Istati Membri jikkonformaw bis-sħiħ ma' l-obbligi tagħhom skond id-dritt Ewropew u (2) li jintużaw bis-sħiħ għodod mhux vinkolanti oħrajn li jistgħu jkunu strumentali għal livell għoli u armonizzat tal-protezzjoni tad-data. Il-KEDP jitlob mill-Kummissjoni li tindika b'mod ċar kif ser tuża l-istrumenti differenti u kif tiddistingwi r-responsabbiltajiet proprji tagħha minn dawk tal-Grupp ta' Ħidma.

83.

Fir-rigward ta' dawk l-istrumenti:

84.

Il-KEDP jistieden lill-Kummissjoni tippreżenta dokument lill-Grupp ta' Ħidma fejn tagħti indikazzjonijiet ċari dwar id-diviżjoni tar-rwoli bejn il-Kummissjoni u l-Grupp ta' Ħidma, inklużi l-kwistjonijiet li ġejjin:

85.

Il-konsegwenzi tat-Trattat ta' Riforma għandhom jiġu kkunsidrati kif dovut, sabiex tkun żgurata l-aktar applikazzjoni wiesgħa possibbli tal-prinċipji ta' protezzjoni tad-data li jinsabu fid-Direttiva. Il-KEPD ippreżenta suġġerimenti f'ittra lill-Presidenza ta' l-IGC.

27.10.2007   

MT

Il-Ġurnal Uffiċjali ta’ l-Unjoni Ewropea

C 255/13

1.

Il-Proposta għal Deċiżjoni tal-Kunsill li tistabbilixxi l-Uffiċċju Ewropew tal-Pulizija (EUROPOL) intbagħtet mill-Kummissjoni lill-KEPD għal parir, skond l-Artikolu 28 (2) tar-Regolament 45/2001/KE. Skond il-KEPD, l-opinjoni preżenti għandha tissemma fil-preambolu tad-Deċiżjoni Qafas (3).

2.

L-objettiv tal-proposta m'huwiex li sseħħ bidla maġġuri fil-mandat jew l-attivitajiet ta' l-Europol, imma prinċipalment biex tipprovdi lill-Europol b'bażi legali ġdida u aktar flessibbli. Fl-1995, il-Europol inħoloq fuq il-bażi ta' Konvenzjoni bejn l-Istati Membri, fis-sens ta' l-Artikolu K.6 UE (issa: l-Artikolu 34). (4) L-iżvantaġġ ta' Konvenzjonijiet bħal dawn rigward il-flessibiltà u l-effettività huwa l-ħtieġa li jiġu rratifikati mill-Istati Membri kollha, li kif uriet l-esperjenza riċenti tista' tieħu diversi snin. Kif juri l-Memorandum ta' Spjegazzjoni tal-proposta preżenti, it-tliet protokolli li jemendaw il-Konvenzjoni Europol, adottati fl-2000, l-2002 u l-2003 kienu għadhom ma daħlux fis-seħħ sa l-aħħar ta' l-2006 (5).

3.

Madankollu, il-proposta fiha wkoll bidliet sostantivi, sabiex jittejjeb aktar il-mod kif jiffunzjona l-Europol. Hija testendi l-mandat ta' l-Europol u fiha diversi dispożizzjonijiet ġodda, li għandhom l-għan li jiffaċilitaw aktar il-ħidma ta' l-Europol. F'din il-perspettiva, l-iskambju ta'data bejn l-Europol u korpi oħrajn (bħal ma huma l-korpi tal-Komunità Ewropea/Unjoni Ewropea, l-awtoritajiet ta' l-Istati Membri u ta' pajjiżi terzi) jsir kwistjoni aktar prominenti. Il-proposta tistipula li l-Europol għandu jagħmel kull sforz biex jassigura l-interoperabilità bejn is-sistemi ta' l-ipproċessar ta'data ta' l-Europol u s-sistemi ta' l-Istati Membri u tal-korpi tal-Komunità Ewropea/Unjoni Ewropea (l-Artikolu 10(5) tal-proposta). Barra minn hekk hija tipprevedi aċċess dirett mill-unitajiet nazzjonali fis-sistema ta' l-Europol.

4.

Barra minn hekk, il-pożizzjoni ta' l-Europol bħala korp skond it-Titolu VI tat-Trattat ta' l-Unjoni Ewropea (it-tielet pilastru) għandha konsegwenzi għal-liġi applikabbli dwar il-protezzjoni ta'data minħabba li r-Regolament (KE) Nru 45/2001 japplika biss għall-ipproċessar li jitwettaq fl-eżerċizzju ta' l-attivitajiet taħt il-kamp ta' applikazzjoni tal-liġi Komunitarja u għaldaqstant bħala prinċipju ma japplikax għall-ipproċessar ta' l-operazzjonijiet ta' l-Europol. Il-Kapitolu V tal-proposta fih regoli speċifiċi dwar il-protezzjoni tad-data u s-sigurtà tad-data, li jistgħu jitqiesu bħala lex specialis li jipprovdu regoli addizzjonali b'żieda ma' lex generalis, qafas legali ġenerali dwar il-protezzjoni tad-data. Madankollu, dan il-qafas legali ġenerali għat-tielet pilastru għadu ma ġiex adottat (ara l-punti addizzjonali 37-40).

5.

Punt ta' l-aħħar li għandu jissemma huwa li xi bidliet oħra se jġibu l-pożizzjoni ta' l-Europol aktar konformi ma' korpi oħra ta' l-Unjoni Ewropea, stabbiliti skond it-Trattat li jistabbilixxi l-Komunità Ewropea. Għalkemm dan ma jibdilx b'mod fundamentali l-pożizzjoni ta' l-Europol, huwa jista' jitqies bħala l-ewwel żvilupp inkoraġġanti. L-Euopol ser ikun iffinanzjat mill-baġit Komunitarju u l-Persunal ta' l-Europol ser jidħol fi ħdan il-kamp ta' applikazzjoni tar-Regolamenti tal-Persunal tal-Komunità. Dan isaħħaħ il-kontroll tal-Parlament Ewropew (minħabba l-pożizzjoni tiegħu fil-proċedura tal-baġit) u tal-Qorti tal-Ġustizzja Ewropea (f'kawżi dwar il-baġit u materji tal-Persunal). Il-KEPD ser ikollu kompetenzi rigward l-ipproċessar ta'data personali li għandha x'taqsam mal-Persunal Komunitarju (ara l-punt addizzjonali 47).

6.

Din l-opinjoni b'mod suċċessiv se tittratta l-bidliet sostantivi (imfissra taħt 3), il-liġijiet applikabbli dwar il-protezzjoni tad-data (taħt 4) u x-xebh li qed jiżdied bejn l-Europol u l-korpi Komunitarji (taħt 5).

7.

L-opinjoni ser tagħti attenzjoni speċifika lill-importanza li qed tiżdied ta' l-iskambju ta'data bejn l-Europol u korpi oħra ta' l-Unjoni Ewropea, li fil-maġġoranza tal-każijiet jaqgħu taħt is-sorveljanza tal-KEPD. F'dan il-kuntest, l-Artikoli 22, 25 u 48 tal-proposta jistgħu jissemmew b'mod speċifiku. Il-kumplessità ta' din il-kwistjoni twassal għal tħassib kemm rigward il-prinċipju tal-limitazzjoni ta' l-għan kif ukoll rigward il-liġijiet applikabbli dwar il-protezzjoni tad-data u s-sorveljanza f'każijiet fejn korpi ta' sorveljanza differenti huma kompetenti biex jissorveljaw lill-korpi Ewropej differenti, skond il-pilastru li fuqu huma bbażati. Punt ieħor ta' tħassib għandu x'jaqsam ma' l-interoperabilità tas-Sistema ta' l-Informazzjoni ta' l-Europol ma' sistemi ta' informazzjoni oħra.

8.

Il-kuntest leġislattiv ta' din il-proposta qiegħed jinbidel b'mod mgħaġġel.

9.

L-ewwel nett, il-proposta preżenti hija waħda minn għadd ta' attivitajiet leġislattivi fl-oqsma tal-kooperazzjoni tal-pulizija u l-korpi ġudizzjarji, bil-għan li jiġu ffaċilitati l-possibbiltajiet għall-ħażna u l-iskambju ta'data personali għall-finijiet ta' l-infurzar tal-liġi. Uħud minn dawn il-proposti kienu adottati mill-Kunsill — per eżempju d-Deċiżjoni Qafas tal-Kunsill tat-18 ta' Diċembru 2006 dwar l-iskambju ta' informazzjoni u intelligence (6), waqt li proposti oħra għadhom fil-proċess.

10.

Il-prinċipju gwida għal dawn l-attivitajiet leġislattivi huwa l-prinċipju tad-disponibbiltà li kien introdott bħala prinċipju tal-liġi ġdid u importanti fil-Programm ta' l-Aja f'Novembru 2004. Dan jistabbilixxi li l-informazzjoni meħtieġa għall-ġlieda kontra l-kriminalità għandha taqsam il-fruntieri interni ta' l-UE mingħajr xkiel.

11.

Il-prinċipju tad-disponibbiltà m'huwiex suffiċjenti fih innifsu. Miżuri leġislattivi addizzjonali huma meħtieġa biex l-awtoritajiet tal-pulizija u dawk ġudizzjarji jkunu jistgħu jwettqu l-iskambju ta' l-informazzjoni b'mod effettiv. F'xi każijiet, l-istrument magħżul biex dan l-iskambju jiġi ffaċilitat, jinkludi l-istabbiliment jew it-titjib ta' sistema ta' informazzjoni f'livell Ewropew. Is-Sistema ta' Informazzjoni ta' l-Europol hija sistema minn dawn. Il-KEPD indirizza kwistjonijiet bażiċi ta' sistemi bħal dawn rigward is-Sistema ta' Informazzjoni ta' Schengen u ser jindirizza wkoll uħud minn dawk il-kwistjonijiet rigward il-proposta preżenti. Dawn il-kwistjonijiet jinkludu l-kondizzjonijiet biex jingħata aċċess għas-sistema, l-interkonnessjoni u l-interoperabilità u r-regoli applikabbli dwar il-protezzjoni u s-sorveljanza tad-data. (7)

12.

Barra minn hekk, il-proposta għandha tkun eżaminata fid-dawl ta' l-iżviluppi l-aktar riċenti, bħall-inizjattiva ppreżentata mill-presidenza Ġermaniża ta' l-Unjoni Ewropea biex it-Trattat ta' Prüm jiġi traspost fil-qafas legali ta' l-UE.

13.

It-tieni nett, il-qafas għall-protezzjoni tad-data fit-tielet pilastru — kondizzjoni meħtieġa għall-iskambju ta'data personali — għadu (kif intqal qabel) mhux adottat. Għall-kuntrarju, in-negozjati fil-Kunsill dwar il-Proposta għal Deċiżjoni Qafas tal-Kunsill dwar il-protezzjoni ta'data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali kienu pjuttost diffiċli. Il-Presidenza Ġermaniża tal-Kunsill ħabbret li ser ikun propost test (8) ġdid, b'xi differenzi essenzjali għall-approċċ użat fil-proposta tal-Kummissjoni.

14.

It-tielet nett, il-proposta hija relatata b'mod dirett ma' l-iżviluppi li għandhom x'jaqsmu mat-Trattat li jistabbilixxi Kostituzzjoni għall-Ewropa. L-Artikolu III-276 tat-Trattat Kostituzzjonali huwa meqjus bħala pass maġġuri fi proċess fejn fuq naħa waħda ir-rwol u l-kompiti ta' l-Europol huwa estiżi b'mod gradwali u fuq in-naħa l-oħra l-Europol hija inkluża b'mod gradwali fil-qafas istituzzjonali Ewropew. Kif iddikjarat fil-Memorandum ta' Spjegazzjoni tal-proposta preżenti, dan l-artikolu jinkorpora l-viżjoni li tnisslet rigward il-ġejjieni ta' l-Europol. Id-deċiżjoni preżenti tadotta parti minn din il-viżjoni, waqt li tqis l-inċertezza dwar jekk u meta d-dispożizzjonijiet tat-Trattat Kostituzzjonali ser jidħlu fis-seħħ.

15.

L-Artikoli 4 u 5 u l-Anness I tal-proposta jiddeterminaw il-mandat ta' l-Europol. Dan il-mandat issa huwa estiż għall-kriminalità li m'hijiex relatata b'mod strett mal-kriminalità organizzata u li tkopri l-istess lista ta' reati serji inklużi fid-Deċiżjoni Qafas tal-Kunsill dwar il-mandat ta' arrest Ewropew (9). It-tieni estenzjoni tar-rwol ta' l-Europol hija li l-databases tiegħu issa ser jinkludu informazzjoni u intelligence mibgħuta minn entitajiet privati.

16.

Dwar din l-ewwel estenzjoni, din hija pass loġiku fl-iżvilupp tal-kooperazzjoni tal-pulizija f'materji kriminali. Il-KEPD jagħraf li dan jirriżulta f'armonizzazzjoni aħjar ta' l-istrumenti legali li għandhom l-għan li jiffaċilitaw il-kooperazzjoni tal-pulizija. L-armonizzazzjoni hija utli, mhux biss għax ittejjeb il-kondizzjonijiet għal kooperazzjoni aħjar, iżda wkoll għax issaħħaħ iċ-ċertezza legali taċ-ċittadin u tagħmel possibbli kontroll aktar effiċjenti tal-kooperazzjoni tal-pulizija, minħabba li l-kamp ta' applikazzjoni ta' l-istrumenti differenti kollha jestendi għall-istess kategoriji ta' reati. Il-KEPD jassumi li din l-estenzjoni tal-mandat hija proposta b'kont meħud tal-prinċipju tal-proporzjonalità.

17.

Dwar it-tieni estenzjoni, din tinkwadra fi ħdan ix-xejra riċenti fil-kooperazzjoni tal-pulizija fejn l-użu ta'data miġbura minn kumpanniji privati għall-finijiet ta' l-infurzar tal-liġi jsir aktar u aktar importanti. Il-KEPD jagħraf li jista' jkun hemm il-ħtieġa għal dan l-użu. B'mod partikolari għall-ġlieda kontra t-terroriżmu u reati serji oħra, jista' jkun meħtieġ għall-infurzar tal-liġi li jkun hemm aċċess għall-informazzjoni rilevanti kollha, inkluża l-informazzjoni f'idejn partijiet privati. (10) Madankollu, in-natura ta' l-informazzjoni u l-intelligence li tiġi minn partijiet privati teħtieġ salvagwardji addizzjonali, inter alia sabiex tkun żgurata l-preċiżjoni ta' din l-informazzjoni minħabba li din hija data personali li tkun inġabret għal finijiet kummerċjali f'ambjent kummerċjali. Għandu jiġi żgurat ukoll li din l-informazzjoni tkun inġabret u ġiet ipproċessata b'mod legali qabel tintbagħat lill-Europol, skond il-leġislazzjoni nazzjonali li timplimenta d-Direttiva 95/46/KE u li l-aċċess mill-Europol huwa permess biss skond kondizzjonijiet u limitazzjonijiet definiti sewwa: l-aċċess għandu jkun permess biss abbażi tal-każijiet individwali, għal finijiet speċifiċi u jkun taħt kontroll ġudizzjarju fl-Istati Membri (11). Il-KEPD għaldaqstant jissuġġerixxi li dawn il-kondizzjonijiet u l-limitazzjonijiet ikunu inklużi fit-test tad-deċiżjoni.

18.

L-Artikolu 6 tal-Konvenzjoni Europol jieħu approċċ restritt dwar l-ipproċessar ta' l-informazzjoni miġbura mill-Europol. Dan l-ipproċessar huwa limitat għal tliet komponenti: is-Sistema ta' Informazzjoni ta' l-Europol, il-Fajls ta' Ħidma ta' Analiżi u s-sistema ta' l-indiċi. L-Artikolu 10 (1) tal-proposta jibdel din il-metodu b'dispożizzjoni ġenerali li tippermetti lill-Europol li jipproċessa l-informazzjoni u l-intelligence safejn huwa meħtieġ biex jilħaq l-objettivi tiegħu. Madankollu, l-Artikolu 10 (3) tal-proposta jiddikjara li l-ipproċessar ta'data personali barra mis-Sistema ta' Informazzjoni ta' l-Europol u l-Fajls ta' Ħidma ta' Analiżi huwa soġġett għal kondizzjonijiet stabbiliti f'deċiżjoni tal-Kunsill wara konsultazzjoni mal-Parlament Ewropew. Skond il-KEPD din id-dispożizzjoni hija abbozzata b'mod preċiż biżżejjed biex tħares l-interessi leġittimi tas-suġġetti tad-data. Il-konsultazzjoni ma' l-awtoritajiet tal-protezzjoni tad-data qabel l-adozzjoni ta' deċiżjoni bħal din mill-Kunsill kif proposta fil-punt 55 għandha tiżdied ma' l-Artiklu 10 (3).

19.

Fl-Artikolu 10 (2), il-possibbiltà għall-Europol li “jipproċessa d-data personali bil-fini li jiddetermina jekk din id-data hijiex rilevanti għall-kompiti tiegħu” tidher li tmur kontra l-prinċipju tal-proporzjonalità. Dan il-kliem użat m'huwiex preċiż wisq u jiġbor fih, fil-prattika, ir-riskju ta' pproċessar għal ħafna tipi ta' finijiet mhux iddefiniti.

20.

Il-KEPD jifhem il-ħtieġa għall-ipproċessar ta'data personali fi stadju meta r-rilevanza tagħha għat-twettiq tal-ħidma ta' l-Europol tkun għadha ma ġietx stabbilita. Madankollu, għandu jkun żgurat li l-ipproċessar ta'data personali li r-rilevanza tagħha tkun għadha ma ġietx ivvalutata jkun limitat b'mod strett għall-fini tal-valutazzjoni tar-rilevanza tagħha, li din il-valutazzjoni titwettaq f'perijodu ta' żmien raġonevoli, u li, sakemm ir-rilevanza tkun għadha ma ġietx ivverifikata, id-data ma tkunx ipproċessata għall-finijiet ta' infurzar tal-liġi. Soluzzjoni differenti mhux biss tinfluwenza d-drittijiet tas-suġġetti tad-data imma wkoll ixxekkel l-effiċjenza ta' l-infurzar tal-liġi.

Għaldaqstant, biex ikun konformi mal-prinċipju tal-proporzjonalità, il-KEPD jipproponi li tiżdied dispożizzjoni ma' l-Artikolu 10 (2) li tistabbilixxi l-obbligu li d-data tinħażen f'databases separati sakemm ir-rilevanza għal xi ħidma speċifika ta' l-Europol tkun stabbilita. Barra minn hekk, il-perijodu ta' żmien għall-ipproċessar ta' din id-data jrid ikun limitat b'mod strett u f'kull każ ma jkunx itwal minn 6 xhur (12).

21.

Skond l-Artikolu 10 (5) tal-proposta, għandu jsir kull sforz biex tkun żgurata l-interoperabilità mas-sistemi ta' l-ipproċessar ta'data fl-Istati Membri u mas-sistemi użati mill-korpi relatati Komunitarji u ta' l-Unjoni. Dan l-approċċ jreġġa' lura l-metodu tal-Konvenzjoni Europol (Art. 6 (2)), li jipprojbixxi r-rabtiet ma' sistemi awtomatizzati oħra ta' l-ipproċessar.

22.

Fil-kummenti tiegħu dwar il-Komunikazzjoni tal-Kummissjoni dwar l-interoperabilità tal-databases (13) Ewropej, il-KEPD oppona l-fehma li l-interoperabilità hija primarjament kunċett tekniku. Jekk id-databases jsiru teknikament interoperabbli — li jfisser li l-aċċess u l-iskambju tad-data jkunu possibbli — ikun hemm pressjoni biex din il-possibbiltà tintuża verament. Dan iġib miegħu riskji speċifiċi li għandhom x'jaqsmu mal-prinċipju tal-limitazzjoni tal-fini, għax id-data tista' b'mod faċli tintuża għal fini differenti minn dak tal-ġbir. Il-KEPD jinsisti li jkunu applikati kondizzjonijiet u garanziji stretti, meta tiġi stabbilita l-interkonnessjoni ma' database fil-fatt.

23.

Il-KEPD għaldaqstant jirrakkomanda li tiżdied dispożizzjoni għall-proposta li tistabbilixxi li l-interkonnessjoni tkun permessa biss wara deċiżjoni li tistabbilixxi l-kondizzjonijiet u l-garanziji għal din l-interkonnessjoni, b'mod partikolari rigward il-ħtieġa għall-interkonnessjoni u l-finijiet li għalihom ser tintuża d-data personali. Din id-deċiżjoni għandha tkun adottata wara konsultazzjoni mal-KEPD u l-Korp Konġunt ta' Kontroll. Dispożizzjoni bħal din tista' tkun relatata ma' l-Artikolu 22 tal-proposta dwar ir-relazzjonijiet ma' korpi u aġenziji oħra.

24.

Il-KEPD jinnota, rigward l-Artikolu 11 (1), li tneħħiet ir-restrizzjoni eżistenti ta' l-aċċess minn unità nazzjonali għad-data personali li għandha x'taqsam ma' kriminali potenzjali li jkunu għadhom (s'issa) ma wettqux reat. Din ir-restrizzjoni issa hija stabbilita fl-Artikolu 7 (1) tal-Konvenzjoni u tnaqqas l-aċċess dirett għad-dettalji ta' l-identità tal-persuni konċernati.

25.

Fil-fehma tal-KEPD m'hemmx ġustifikazzjoni għal din il-modifika sostantiva. Għall-kuntrarju, dawn is-salvagwardji speċifiċi għal din il-kategorija ta' persuni hija konformi b'mod sħiħ ma' l-approċċ tal-proposta tal-Kummissjoni għal Deċiżjoni Qafas tal-Kunsill dwar il-protezzjoni ta'data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali. Il-KEPD jirrakkomanda li jingħataw aktar salvagwardji għall-aċċess għad-data ta' dawn il-persuni li jkunu għadhom (s'issa) ma wettqux reat u f'kull każ biex ma tiddgħajjifx il-protezzjoni mogħtija skond il-Konvenzjoni Europol.

26.

Skond it-test emendat ta' l-Artikolu 21 (3) tal-Konvenzjoni Europol (14), il-ħtieġa għal ħażna kontinwa ta'data personali relatata ma' individwi kif imsemmi fl-Artikolu 10 (1) għandha tiġi riveduta kull sena u r-reviżjoni tiġi ddokumentata. Madankollu, l-Artikolu 20 (1) tal-proposta jeħtieġ reviżjoni fi żmien tliet snin biss wara li tiddaħħal id-data. Il-KEPD m'huwiex konvint li din il-flessibilità addizzjonali hija meħtieġa u għaldaqstant jirrakkomanda li fil-proposta jiddaħħal l-obbligu li ssir reviżjoni kull sena. Modifika tal-proposta hija wkoll aktar importanti, minħabba li l-proposta għandu jkun fiha l-obbligu li ssir reviżjoni tal-ħażna fuq bażi regolari, mhux biss darba wara tliet snin.

27.

L-Artikolu 21 huwa dispożizzjoni ġenerali li tippermetti lill-Europol li jikseb aċċess kompjuterizzat u jieħu data minn sistemi ta' informazzjoni nazzjonali u internazzjonali oħra. Dan l-aċċess għandu jkun permess biss abbażi ta' każijiet individwali, taħt kondizzjonijiet stretti. Madankollu, l-Artikolu 21 jippermetti aċċess li huwa wiesa' wisq li m'huwiex meħtieġ għall-ħidma ta' l-Europol. F'dan il-kuntest, il-KEPD jirreferi għall-opinjoni tiegħu ta' l-20 ta' Jannar 2006 dwar l-Aċċess għall-VIS minn awtoritajiet responsabbli għas-sigurtà interna (15). Il-KEPD jirrakkomanda l-modifika tat-test tal-proposta kif meħtieġ.

28.

Huwa importanti li wieħed iżomm f'moħħu li d-dispożizzjoni, safejn għandha x'taqsam ma' l-aċċess għal databases nazzjonali, hija aktar wiesgħa mill-komunikazzjoni ta' informazzjoni bejn l-Europol u l-unitajiet nazzjonali, li hija ttrattata inter alia fl-Artikolu 12 (4) tal-proposta. Dan l-aċċess mhux biss ser ikun soġġett għad-dispożizzjonijiet tad-Deċiżjoni tal-Kunsill preżenti, imma ser ikun irregolat ukoll mil-liġi nazzjonali dwar l-aċċess għal u l-użu tad-data. Il-KEPD jilqa' l-idea inkluża fl-Artikolu 21, li l-aktar regola stretta għandha tapplika. Barra minn hekk, l-importanza tal-komunikazzjoni ta'data personali bejn l-Europol u d-databases nazzjonali, inkluż l-aċċess mill-Europol għal dawn id-databases nazzjonali, hija raġuni addizzjonali għall-adozzjoni ta' Deċiżjoni Qafas tal-Kunsill dwar il-protezzjoni ta'data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali, biex ikun hemm livell adegwat ta' protezzjoni.

29.

L-Artikolu 24 (1) jistabbilixxi żewġ kondizzjonijiet għall-komunikazzjoni ta'data lilawtoritajiet pubbliċi ta' pajjiżi terzi u organizzazzjonijiet internazzjonali: (a) komunikazzjoni tista' sseħħ biss jekk tkun meħtieġa f'każijiet individwali fil-ġlieda kontra l-kriminalità u (b) fuq il-bażi ta' ftehim internazzjonali li jassigura li livell adegwat ta' protezzjoni tad-data qed tingħata mill-korp terz. L-Artikolu 24 (2) jippermetti deroga f'każijiet eċċezzjonali, billi jqis il-livell tal-protezzjoni tad-data tal-korp li jkun qed jirċievi. Il-KEPD jifhem il-ħtieġa għal dawn l-eċċezzjonijiet, u jenfasizza l-ħtieġa ta' l-applikazzjoni b'mod strett ta' l-eċċezzjonijiet, fuq il-merti partikolari ta' kull każ f'sitwazzjonijiet eċċezzjonali ħafna. It-test ta' l-Artikolu 24 (2) jirrifletti dawn il-kondizzjonijiet b'mod sodisfaċenti.

30.

L-Artikolu 29 jittratta d-dritt ta' l-aċċess għal data personali. Dan huwa wieħed mid-drittijiet bażiċi tas-suġġett tad-data, li huwa minqux fl-Artikolu 8 (2) tal-Karta tad-Drittijiet Fundamentali għall-Unjoni Ewropea, u huwa garantit ukoll mill-Konvenzjoni 108 tal-Kunsill ta' l-Ewropa tat-28 ta' Jannar 1981 u mir-Rakkomandazzjoni Nru R (87) 15 tal-Kumitat tal-Ministri tal-Kunsill ta' l-Ewropa tas-17 ta' Settembru 1987. Dan id-dritt huwa parti mill-prinċipju ta' pproċessar ġust u skond il-liġi tad-data personali u tfassal biex iħares l-interessi essenzjali tas-suġġett tad-data. Madankollu, il-kondizzjonijiet stabbiliti mill-Artikolu 29 jillimitaw dan id-dritt b'mod li m'huwiex aċċettabbli fid-dawl ta' hawn fuq.

31.

L-ewwel nett, l-Artikolu 29 (3) jistabbilixxi li t-talba għalaċċess — magħmula fi Stat Membru skond l-Artikolu 29 (2) — tkun ittrattata skond l-Artikolu 29 u b'mod konformi mal-liġijiet u l-proċeduri ta' l-Istat Membru fejn issir it-talba. Bħala riżultat, il-liġi nazzjonali tista' tillimita l-kamp ta' applikazzjoni u s-sostanza tad-dritt ta' aċċess u tista' timponi restrizzjonijiet ta' proċedura. Dan ir-riżultat jista' ma jkunx sodisfaċenti. Per eżempju, talbiet għall-aċċess għaldata personali jistgħu wkoll isiru minn persuni li d-data tagħhom ma tkunx ipproċessata mill-Europol. Huwa essenzjali li d-dritt għal aċċess jestendi għal dawn it-talbiet. Għaldaqstant irid ikun żgurat li ma tkunx tapplika liġi nazzjonali li tikkostitwixxi dritt għalaċċess aktar limitat.

32.

Skond il-KEPD, ir-referenza għal-liġi nazzjonali fl-Artikolu 29 (3) għandha titneħħa u tiġi sostitwita minn regoli armonizzati dwar il-kamp ta' applikazzjoni, is-sostanza u l-proċedura preferibbilment f'Deċiżjoni Qafas tal-Kunsill dwar il-protezzjoni tad-data personali jew, jekk ikun meħtieġ, fid-Deċiżjoni tal-Kunsill.

33.

Barra minn hekk, l-Artikolu 29 (4) jelenka r-raġunijiet għaċ-ċaħda ta' l-aċċess għad-data personali, fil-każ li s-suġġett tad-data jkun irid jeżerċita d-dritt tiegħu ta' aċċess għad-data personali li għandha x'taqsam miegħu li hija pproċessata mill-Europol. Skond l-Artikolu 29 (4) l-aċċess għandu jkun miċħud jekk aċċess bħal dan 'jista' jipperikola' ċerti interessi speċifiċi. Dan il-kliem kif użat huwa aktar wiesa' mill-kliem użat fl-Artikolu 19 (3) tal-Konvenzjoni Europol, li jippermetti li l-aċċess ikun miċħud biss “jekk ċaħda bħal din hija meħtieġa għal”.

34.

Il-KEPD jirrakkomanda li jinżamm il-kliem li huwa aktar strett fit-test tal-Konvenzjoni Europol. Irid ikun ukoll żgurat li l-kontrollur tad-data jkollu l-obbligu li jiddikjara r-raġunijiet għaċ-ċaħda, b'mod li l-użu ta' din l-eċċezzjoni jkun jista' jiġi kkontrollat b'mod effettiv. Dan il-prinċipju huwa stabbilit b'mod espress fir-Rakkomandazzjoni Nru R (87) 15 tal-Kumitat tal-Ministri tal-Kunsill ta' l-Ewropa. Il-kliem użat fil-proposta tal-Kummissjoni m'huwiex aċċettabbli għax ma jagħmilx ġustizzja lin-natura fundamentali tad-dritt ta' aċċess. Eċċezzjonijiet għal dan id-dritt jistgħu jkunu aċċettati biss jekk dan ikun meħtieġ biex jitħares interess fundamentali ieħor, jekk fi kliem ieħor l-aċċess jimmina dan l-interess l-ieħor.

35.

L-aħħar imma mhux l-inqas, id-dritt ta' l-aċċess huwa limitat b'mod qawwi mill-mekkaniżmu ta' konsultazzjoni stabbilit fl-Artikolu 29 (5). Dan il-mekkaniżmu jistabbilixxi li l-aċċess huwa kkondizzjonat minn konsultazzjoni ma' l-awtoritajiet kompetenti kollha konċernati u, fir-rigward tal-fajls ta' analiżi, anki mill-kunsens ta' l-Europol u l-Istati Membri kollha li jipparteċipaw fl-analiżi jew li huma konċernati b'mod dirett. Dan il-mekkaniżmu de facto jħassar in-natura fundamentali tad-dritt ta' aċċess. L-aċċess għandu jingħata bħala prinċipju ġenerali u jista' jkun ristrett biss minħabba ċirkostanzi speċifiċi. Minflok, skond it-test tal-proposta, l-aċċess jingħata biss wara li titwettaq konsultazzjoni u jintlaħaq kunsens.

36.

L-Europol ser ikun korp ta' l-Unjoni Ewropea, imma mhux istituzzjoni jew korp Komunitarju kif jinftiehem fl-Artikolu 3 tar-Regolament (KE) Nru 45/2001. Għal din ir-raġuni, ir-regolament normalment ma japplikax għall-ipproċessar ta'data personali mill-Europol, barra minn sitwazzjonijiet speċifiċi. Il-Kapitolu V tal-proposta għaldaqstant jintroduċi reġim sui generis għall-protezzjoni ta'data, li jserraħ ukoll fuq qafas legali ġenerali li japplika għall-protezzjoni tad-data.

37.

Il-proposta tagħraf il-ħtieġa għal qafas legali ġenerali dwar il-protezzjoni tad-data. Skond l-Artikolu 26 tal-proposta, l-Europol bħala lex generalis għandu japplika l-prinċipji tad-Deċiżjoni Qafas tal-Kunsill dwar il-protezzjoni ta' data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali. Din ir-referenza għad-Deċiżjoni Qafas (proposta) tal-Kunsill tieħu post ir-referenza fl-Artikolu 14 (3) tal-Konvenzjoni Europol għall-Konvenzjoni 108 tal-Kunsill ta' l-Ewropa tat-28 ta' Jannar 1981 u r-Rakkomandazzjoni Nru R (87) 15 tal-Kumitat tal-Ministri tal-Kunsill ta' l-Ewropa tas-17 ta' Settembru 1987.

38.

Il-KEPD jilqa' l-Artikolu 26 tal-proposta. Din id-dispożizzjoni hija kruċjali għall-effettività tal-protezzjoni tad-data, kif ukoll għal raġunijiet ta' konsistenza minħabba li tiffaċilita l-iskambju ta' data personali li minnu jibbenefika wkoll l-infurzar tal-liġi. Madankollu, għandha tkun garantita l-kompatibbiltà bejn iż-żewġ strumenti li m'hijiex evidenti minnha nnifisha meta wieħed jiftakar li:

Skond ir-riżultat tan-negozjati fil-Kunsill dwar din id-deċiżjoni qafas, x'aktarx abbażi tal-proposta Ġermaniża, jistgħu jkunu meħtieġa salvagwardji addizzjonali fil-proposta preżenti. Dan il-punt jista' jiġi vvalutat fi stadju aktar tard, meta jkun hemm aktar ċarezza dwar ir-riżultat tan-negozjati dwar id-Deċiżjoni Qafas tal-Kunsill.

39.

Il-KEPD jenfasizza li d-Deċiżjoni tal-Kunsill preżenti għandha tkun adottata qabel l-adozzjoni mill-Kunsill ta' qafas dwar il-protezzjoni tad-data, biex jiġi garantit livell xieraq ta' protezzjoni tad-data b'mod konformi mal-konklużjonijiet tal-KEPD fiż-żewġ opinjonijiet tiegħu dwar il-proposta tal-Kummissjoni għal Deċiżjoni Qafas tal-Kunsill. (16)

40.

F'dan il-kuntest, il-KEPD jenfasizza żewġ elementi speċifiċi fil-proposta tal-Kummissjoni għal Deċiżjoni Qafas tal-Kunsill, li huma adattati b'mod partikolari biex tissaħħaħ il-protezzjoni mogħtija lis-suġġetti tad-data fil-każ ta' l-ipproċessar tad-data tagħhom mill-Europol. L-ewwel nett, il-proposta toħloq possibbiltajiet biex wieħed jiddistingwi l-ipproċessar tad-data skond il-grad ta' preċiżjoni u tal-kredibilità tagħha. Data abbażi ta' opinjonijiet hija differenti minn data bbażata fuq il-fatti. Differenza ċara daqstant bejn “data ratba” (soft data) u “data soda” (hard data) hija metodu importanti, biex ikun sodisfatt il-prinċipju tal-kwalità tad-data. It-tieni nett il-proposta tipprevedi distinzjoni bejn data dwar kategoriji ta' persuni, abbażi ta'l-involviment potenzjali tagħhom f'reat kriminali.

41.

Dan iwassal għall-applikabilità tar-Regolament (KE) Nru 45/2001 għall-attivitajiet ta' l-Europol. Dan ir-Regolament 45/2001 japplika l-ewwel nett rigward il-Persunal ta' l-Europol li ser jiġi ttrattat fil-punt 47. It-tieni nett, u dan huwa s-suġġett tal-Parti IV ta' din l-opinjoni, ir-regolment ser japplika għall-iskambji ta'data mal-korpi Komunitarji, għall-inqas safejn tkun qed tintbagħat data minn dawn il-korpi lill-Europol. Eżempji importanti tal-korpi Komunitarji huma l-korpi msemmija fl-Artikolu 22 (1) tal-proposta.

42.

Wieħed jista' jistenna li dawn il-korpi ser ikunu meħtieġa jibagħtu data personali lill-Europol b'mod pjuttost regolari. Meta jagħmlu hekk, l-istituzzjonijiet u l-korpi Komunitarji ser ikunu soġġetti għall-obbligi kollha stabbiliti mir-Regolament 45/2001, b'mod partikolari dwar kemm l-ipproċessar huwa skond il-liġi (l-Artikolu 5 tar-regolament), verifiki minn qabel (l-Artikolu 27) u l-konsultazzjoni tal-KEPD (l-Artikolu 28). Dan joħloq mistoqsijiet dwar l-applikabilità ta' l-Artikoli 7, 8 u 9 tar-Regolament 45/2001. L-Europol, li huwa “differenti mill-istituzzjonijiet u l-korpi Komunitarji” u mhux soġġett għad-Direttiva 95/46/KE, probabilment jista' jaqa' taħt l-Artikolu 9. F'dak il-każ, l-adegwatezza tal-protezzjoni mogħtija mill-Europol għandha tiġi vvalutataskond l-Artikolu 9 (2) tar-Regolament 45/2001 bl-istess mod bħalorganizzazzjonijiet internazzjonali oħra jew il-pajjiżi terzi. Din is-soluzzjoni toħloq inċertezza u barra minn hekk mhiex konformi ma' l-idea bażika tal-proposta li l-pożizzjoni ta' l-Europol ssir aktar konformi ma' l-istituzzjonijiet u l-korpi li jaqgħu taħt it-Trattat KE. Soluzzjoni aħjar tkun li l-Europol jiġi ttrattat bħala korp Komunitarju safejn jipproċessa data li tkun oriġinat mill-korpi Komunitarji. Il-KEPD jissuġerixxi li jiżdied paragrafu ma' l-Artikolu 22 li jaqra kif ġej: “Meta data personali tiġi trasferita minn istituzzjonijiet jew korpi Komunitarji, l-Europol għandu jitqies bħala korp Komunitarju fis-sens ta' l-Artikolu 7 tar-Regolament Nru 45/2001”.

43.

Għandha tingħata attenzjoni speċjali lill-iskambju ta'data personali ma' l-Uffiċċju Ewropew ta' Kontra l-Frodi (Olaf). Bħalissa, l-iskambju ta' informazzjoni bejn l-Europol u l-Olaf iseħħ fuq il-bażi ta' ftehim amministrattiv bejn iż-żewġ korpi. Dan il-ftehim jipprevedi l-iskambju ta' informazzjoni strateġika u teknika, imma jeskludi l-iskambju ta'data personali.

44.

Il-proposta għal Deċiżjoni tal-Kunsill hija ta' natura differenti. L-Artikolu 22 (3) jipprevedi l-iskambju ta' informazzjoni, inkluża data personali, bl-istess mod li jsir l-iskambju ta'data bejn l-Olaf u l-awtoritajiet ta' l-Istati Membri (17). Il-fini ta' dan l-iskambju huwa limitat għall-frodi, il-korruzzjoni attiva u passiva u l-money laundering. Kemm l-Olaf kif ukoll l-Europol għandhom iqisu, f'kull każ speċifiku, il-ħtiġijiet ta' l-istħarriġ sigriet u l-protezzjoni tad-data. Għall-Olaf dan ifisser fi kwalunkwe każ, li jiġi żgurat il-livell ta' protezzjoni kif stabbilit fir-Regolament 45/2001.

45.

Barra minn hekk, l-Artikolu 48 tal-proposta jistabbilixxi li r-Regolament (KE) Nru 1073/1999 (18) japplika għall-Europol. L-Olaf għandu jkollu l-poter li jwettaq stħarriġ amministrattiv fi ħdan l-Europol u f'dak il-kuntest għandu d-dritt ta' aċċess immedjat u mingħajr avviż għal kull informazzjoni maħżuna għand l-Europol (19). Skond il-KEPD, il-kamp ta' applikazzjoni ta' din id-dispożizzjoni m'huwiex ċar:

46.

Madankollu, id-dispożizzjoni ma tkoprix u m'għandhiex tkopri l-investigazzjonijiet dwar l-irregolaritajiet barra l-Europol, li dwarhom id-data pproċessata mill-Europol tista' tagħti tagħrif addizzjonali. Id-dispożizzjonijiet dwar l-iskambju ta' l-informazzjoni, inkluża data personali, skond l-Artikolu 22 (3) ser ikunu biżżejjed għal dawk il-każijiet. Il-KEPD jirrakkomanda li l-kamp ta' applikazzjoni ta' l-Artikolu 48 tal-proposta jkun kjarifikat f'dan is-sens.

47.

Il-Persunal ta' l-Europol ser jaqa' taħt il-kamp ta' applikazzjoni tar-Regolamenti tal-Persunal. Fil-każ ta' l-ipproċessar ta'data relatata mal-Persunal ta' l-Europol, kemm ir-regoli sostantivi kif ukoll ir-regoli dwar is-sorveljanza fir-Regolament 45/2001 għandhom japplikaw, għal raġunijet ta' konsistenza u non- diskriminazzjoni. It-12-il premessa tal-proposta ssemmi l-applikabilità tar-regolament dwar l-ipproċessar ta'data personali, notevolment rigward data personali relatata mal-Persunal ta' l-Europol. Skond il-KEPD, mhux biżżejjed li dan il-kunċett jiġi kkjarifikat fil-premessi. Il-premessi ta' Att Komunitarju m'humiex ta' natura vinkolanti u m'għandux ikun fihom dispożizzjonijiet normattivi (20). Sabiex ikun żgurat b'mod sħiħ li r-Regolament 45/2001 ikun applikat, għandu jiżdied paragrafu fit-test tad-deċiżjoni nnifisha — per eżempju fl-Artikolu 38 — li jiddikjara li r-Regolament 45/2001 għandu japplika għall-ipproċessar ta'data personali relatata mal-Persunal ta' l-Europol.

48.

Il-proposta m'għandhiex l-għan li twettaq tibdil fundamentali fis-sistema ta' sorveljanza fuq l-Europol birwol ċentrali għall-korp ta' sorveljanza konġunt. Skond il-qafas legali propost, il-korp ta' sorveljanza ser ikun stabbilit b'mod konformi ma' l-Artikolu 33 tal-proposta. Madankollu, xi tibdiliet fl-istatus u l-attivitajiet ta' l-Europol iwasslu għalinvolviment limitat tal-KEPD, barra mill-kompiti tiegħu relatati mal-Persunal ta' l-Europol. Għal din ir-raġuni, l-Artikolu 33 (6) tal-proposta jistabbilixxi li l-korp ta' sorveljanza konġunt irid jikkoopera mal-KEPD, kif ukoll ma' awtoritajiet ta' sorveljanza oħra. Din id-dispożizzjoni tirrifletti l-obbligu tal-KEPD li jikkoopera mal-korp ta' sorveljanza konġunt skond l-Artikolu 46 (f) (ii) tar-Regolament 45/2001. Il-KEPD jilqa' din id-dispożizzjoni bħala strument utli li jmexxi 'l quddiem approċċ konsistenti dwar id-data fuq sorveljanza madwar l-UE, b'mod indipendenti mill-pilastru.

49.

Kif intqal qabel, il-proposta preżenti ma tipprevedix xi tibdil fundamentali tas-sistema ta' sorveljanza. Madankollu, il-kuntest aktar wiesa' ta' din il-proposta jista' jkun jeħtieġ aktar riflessjoni fundamentali dwar is-sistema ta' sorveljanza fuq l-Europol fil-ġejjieni. Żewġ żviluppi speċifiċi jistgħu jissemmew. L-ewwel nett, l-Artikoli 44-47 tar-Regolament (KE) Nru 1987/2006 (21) jipprevedu struttura ta' sorveljanza ġdida fuq is-SIS II. It-tieni nett, fil-kuntest tad-Deċiżjoni Qafas tal-Kunsill dwar il-protezzjoni ta'data personali pproċessata fil-qafas tal-kooperazzjoni tal-pulizija u dik ġudizzjarja f'materji kriminali, il-Presidenza Ġermaniża ħabbret li qed tqis struttura ġdida għas-sorveljanza tas-sistemi ta' informazzjoni Ewropej taħt it-tielet pilastru, ikluż l-Europol.

50.

Skond il-KEPD, din l-opinjoni m'hijiex l-aħjar okkażjoni biex ikunu diskussi tibdiliet fundamentali fis-sistema ta' superviżjoni. Is-sistema ta' superviżjoni fuq is-SIS II bħala sistema użata min-netwerks hija msejsa fi ħdan l-ewwel pilastru u ma tkunx adattata għall-Europol bħala korp fi ħdan it-tielet pilastru li jfisser kompetenzi limitati ta' l-istituzzjonijiet Komunitarji, b'mod partikolari l-Kummissjoni u l-Qorti tal-Ġustizzja. Fin-nuqqas ta' salvagwardji taħt it-tielet pilastru, xorta ser tkun meħtieġa sistema ta' kontroll speċifika. Per eżempju, l-Artikolu 31 jittratta l-appelli minn individwi. Barra minn hekk, l-ideat dwar struttura ġdida għal sorveljanza fuq is-sistemi ta' informazzjoni Ewropej kif tħabbar mill-Presidenza Ġermaniża għadhom fi stadju bikri ħafna. Fl-aħħar nett, is-sistema preżenti taħdem tajjeb.

51.

Għaldaqstant il-KEPD ser jiffoka r-rimarki tiegħu dwar ir-rwol tiegħu rigward l-iskambju ta'data personali bejn l-Europol u korpi oħra fil-livell ta' l-Unjoni Ewropea. Id-dispożizzjonijiet rigward dan l-iskambju huma element ġdid importanti fil-proposta. L-Artikolu 22 (1) isemmi l-Frontex, il-Bank Ċentrali Ewropew, ĊEMDDD (22) flimkien ma' l-Olaf. Dawn il-korpi kollha jinsabu fi ħdan il-kamp ta' applikazzjoni ta'sorveljanza mill-KEPD. L-Artikolu 22 (2) jiddikjara li l-Europol jista' jikkonkludi ftehim dwar arranġamenti ta' ħidma ma' dawk il-korpi li jistgħu jinkludu l-iskambju ta'data personali. Fil-każ ta' l-Olaf, dan l-iskambju jista' jseħħ ukoll mingħajr arranġamenti ta' ħidma (l-Artikolu 22 (3)). Barra minn hekk, l-Artikolu 48 tal-proposta — diskuss fil-punti 45 u 46 — huwa rilevanti f'dan ir-rigward.

52.

Għandu jkun żgurat li l-KEPD jista' jeżerċita l-poteri mogħtija lilu taħt ir-Regolament 45/2001, rigward data kkomunikata mill-korpi Komunitarji. Dan huwa aktar importanti fil-każijiet tat-trasferiment ta'data personali fejn l-Europol ser jitqies bħala korp Komunitarju fis-sens ta' l-Artikolu 7 tar-Regolament 45/2001, kif propost qabel. Dan jagħmel il-kooperazzjoni mill-qrib mal-korp ta' ta' sorveljanza konġunt skond l-Artikolu 33 saħansitra aktar importanti.

53.

Il-KEPD għadu żewġ rakkomandazzjonijiet addizzjonali x'jagħmel, rigward id-drittijiet tas-suġġetti tad-data relatati ma' dik id-data:

54.

Bis-saħħa tal-konsiderazzjonijiet imsemmija qabel, il-KEPD għandu jikkoopera mill-qrib mal-korp ta' sorveljanza konġunt, mill-inqas meta jkunu stabbiliti l-arranġamenti biex isir l-iskambju ta'data mal-korpi Komunitarji. Dan huwa wieħed mill-oqsma ewlenin fejn l-obbligi taż-żewġ naħat biex jikkooperaw ser isiru effettivi.

55.

L-Artikolu 10 (3) jipprevedi deċiżjoni tal-Kunsill li tiddetermina l-kondizzjonijiet għall-istabbiliment ta' ċerti sistemi għall-ipproċessar tad-data personali mill-Europol. Il-KEPD jirrakkomanda li jiżdied l-obbligu li jiġu kkonsultati l-KEPD u l-korp ta' sorveljanza konġunt qabel l-adozzjoni ta' deċiżjoni bħal din.

56.

L-Artikolu 22 jittratta r-relazzjonijiet ta' l-Europol mal-korpi u l-aġenziji Komunitarji jew relatati ma' l-Unjoni. Ir-relazzjonijiet ta' kooperazzjoni msemmija f'dan l-artikolu jistgħu jiġu implimentati permezz ta' arranġamenti ta' ħidma u jistgħu jikkonċernaw l-iskambju ta'data personali. Għal din ir-raġuni, il-KEPD u l-korp ta' sorveljanza konġunt għandhom jiġu kkonsultati dwar l-adozzjoni ta' l-arranġamenti taħt l-Artikolu 22, safejn dawn l-arranġamenti jkunu rilevanti għall-protezzjoni ta'-data personali pproċessata mill-istituzzjonijiet u l-korpi Komunitarji. Il-KEPD jirrakkomanda li t-test tal-proposta jiġi emendat kif meħtieġ.

57.

L-Artikolu 25 (2) jiddikjara li għandhom jiġu stabbiliti r-regoli ta' implimentazzjoni għall-iskambju ma'korpi u aġenziji Komunitarji jew dawk relatati ma' l-Unjoni. Il-KEPD jirrakkomanda li mhux biss il-korp ta' sorveljanza konġunt, imma anki l-KEPD għandhom jiġu kkonsultati qabel l-adozzjoni ta' dawn ir-regoli, b'mod konformi mal-prattika taħt il-liġi Komunitarja li l-korpi Komunitarji jikkonsultaw lill-KEPD skond l-Artikolu 28 (1) tar-Regolament 45/2001.

58.

Il-KEPD jilqa' l-Artikolu 27 li fih dispożizzjoni dwar Uffiċjal għall-Protezzjoni tad-Data (DPO) li inter alia jkollu l-kompitu li jiżgura, b'mod indipendenti, li kollox isir skond il-liġi u skond id-dispożizzjonijiet dwar l-ipproċessar ta'data personali. Din il-funzjoni kienet introdotta b'suċċess fil-livell Komunitarju mir-Regolament Nru (KE) 45/2001, fi ħdan l-istituzzjonijiet u l-korpi Komunitarji. Fi ħdan l-Europol, il-funzjoni tad-DPO qed tiġi eżerċitata wkoll, iżda sallum mingħajr bażi legali adegwata.

59.

Biex id-DPO jiffunzjona b'suċċess huwa essenzjali li l-indipendenza tiegħu tkun garantita b'mod effettiv bil-liġi. Għal din ir-raġuni, l-Artikolu 24 tar-Regolament (KE) Nru 45/2001 fih diversi dispożizzjonijiet li jiżguraw dan l-objettiv. Id-DPO jinħatar għal perijodu definit u jista' jitneħħa biss minħabba ċirkostanzi ferm eċċezzjonali. Huwa ser jingħata l-persunal u l-baġit meħtieġa. Huwa ma jistax jirċievi struzzjonijiet fil-prestazzjoni tad-dmirijiet tiegħu.

60.

Sfortunatament, dawn id-dispożizzjonijiet m'humiex inklużi fil-proposta preżenti, ħlief għad-dispożizzjoni dwar it-teħid ta' struzzjonijiet. Għaldaqstant il-KEPD jirrakkomanda bil-qawwi li jiġu inklużi l-garanziji rigward l-indipendenza tad-DPO, bħal ma huma s-salvagwardji speċjali dwar il-ħatra u t-tneħħija tad-DPO, u l-indipendenza tiegħu mill-Bord ta' Tmexxija. Dawn id-dispożizzjonijiet huma meħtieġa biex tkun żgurata l-indipendenza tad-DPO. Barra minn hekk, dawn id-dispożizzjonijiet jagħmlu l-pożizzjoni tad-DPO ta' l-Europol aktar konformi mal-pożizzjoni tad-DPOs fi ħdan l-istituzzjonijiet Komunitarji. Fl-aħħar nett, il-KEPD jenfasizza li l-Artikolu 27 (5) tal-proposta li jħeġġeġ lill-Bord ta' Tmexxija ta' l-Europol biex jadotta regoli ta' implimentazzjoni dwar ċerti aspetti tal-ħidma tad-DPO, min-natura tiegħu m'huwiex adattat bħala garanzija ta' l-indipendenza tad-DPO. Wieħed għandu jiftakar li hija meħtieġa indipendenza fuq kollox mit-tmexxija ta' l-Europol.

61.

Hemm raġuni oħra għall-armonizzazzjoni tad-dispożizzjoni tad-DPO fid-deċiżjoni tal-Kunsill ma' l-Artikolu 24 tar-Regolament (KE) Nru 45/2001. Dan ir-Regolament japplika rigward id-data personali tal-Persunal ta' l-Europol (ara l-punt 47), li jfisser li għal dawn il-materji id-DPO ta' l-Europol ser jaqa' taħt dan ir-Regolament. Fi kwalunkwe każ, id-DPO għandu jinħatar skond il-ħtiġiet tar-Regolament.

62.

Barra minn hekk, il-KEPD jirrakkomanda li tiġi applikata sistema ta' verifika minn qabel għall-Europol kif previst fl-Artikolu 27 tar-Regolament Nru 45/2001 għall-korpi Komunitarji. Is-sistema ta' verifika minn qabel uriet li hija strument effettiv u twettaq rwol essenzjali fil-protezzjoni ta'data fi ħdan l-istituzzjonijiet u l-korpi Komunitarji.

63.

Fl-aħħar nett, ikun utli li d-DPO ta' l-Europol jipparteċipa fin-netwerk tad-DPOs li diġà jeżisti fl-ewwel pilastru, barra wkoll mill-attivitajiet tad-DPO rigward il-Persunal ta' l-Europol. Dan jiżgura ulterjorament approċċ dwar il-kwistjonijiet tal-protezzjoni tad-data li jkun komuni ma' l-approċċ użat mill-korpi Komunitarji u jkun hemm konformità perfetta ma' l-objettiv ifformulat fis-16-il Premessa tal-proposta, jiġifieri l-kooperazzjoni mal-korpi u l-aġenziji Ewropej biex ikun żgurat livell adegwat ta' protezzjoni tad-data b'mod konformi mar-Regolament (KE) Nru 45/2001. Il-KEPD jirrakkomanda li tiżdied sentenza fil-premessi tal-proposta li fiha jkun stabbilit l-objettiv ta' dan l-approċċ komuni. Is-sentenza tista' taqra kif ġej: “Fit-twettiq tal-kompiti tiegħu, l-Uffiċjal għall-Protezzjoni tad-Data għandu jikkoopera ma' l-Uffiċjali għall-Protezzjoni tad-Data maħtura skond id-dritt Komunitarju.”

64.

Il-KEPD jifhem il-ħtieġa għal bażi legali ġdida u aktar flessibbli għall-Europol, imma jagħti attenzjoni speċifika lit-tibdiliet sostantivi, il-liġijiet li japplikaw dwar il-protezzjoni tad-data u x-xebh li qed jiżdied bejn l-Europol u l-korpi Komunitarji.

65.

Dwar it-tibdiliet sostantivi, il-KEPD jirrakkomanda:

66.

Id-Deċiżjoni tal-Kunsill preżenti m'għandhiex tkun adottata qabel l-adozzjoni mill-Kunsill ta' qafas dwar il-protezzjoni tad-data, biex ikun garantit livell xieraq ta' protezzjoni tad-data b'mod konformi mal-konklużjonijiet tal-KEPD fiż-żewġ opinjonijiet tiegħu dwar il-proposta tal-Kummissjoni għal Deċiżjoni Qafas tal-Kunsill. Għandha ssir distinzjoni bejn data bbażata fuq opinjonijiet u data bbażata fuq fatti. Għandha ssir distinzjoni bejn data dwar kategoriji ta' persuni, ibbażata fuq l-involviment potenzjali tagħhom f'reat kriminali.

67.

Il-KEPD jissuġġerixxi li jiżdied paragrafu fl-Artikolu 22 li jaqra kif ġej: “Meta data personali tiġi trasferita minn istituzzjonijiet jew korpi Komunitarji, l-Europol għandu jitqies bħala korp Komunitarju fis-sens ta' l-Artikolu 7 tar-Regolament Nru 45/2001”.

68.

L-Artikolu 48 tal-proposta dwar l-investigazzjonijiet mill-Olaf m'għandux ikopri investigazzjonijiet dwar l-irregolaritajiet barra l-Europol, li dwarhom id-data pproċessata mill-Europol tista' tagħti tagħrif addizzjonali. Il-KEPD jirrakkomanda li l-kamp ta' applikazzjoni ta' l-Artikolu 48 tal-proposta jiġi kkjarifikat.

69.

Biex tkun żgurata l-applikazzjoni tar-Regolament 45/2001, għandu jiżdied paragrafu fit-test tad-Deċiżjoni li jistqarr li r-Regolament 45/2001 għandu japplika għall-ipproċessar ta'data personali relatata mal-Persunal ta' l-Europol.

70.

Il-firxa taż-żewġ dispożizzjonijiet dwar id-drittijiet tas-suġġetti tad-data (l-Artikolu 30 (2) u l-Artikolu 32 (2)) għandha titwessa' għal data kkomunikata minn korp Komunitarju ssorveljat mill-KEPD, biex ikun żgurat li l-Europol u dan il-korp Komunitarju jirreaġixxu l-istess.

71.

L-Artikoli 10 (3), 22 u 25 (2) għandu jkun fihom dispożizzjoni (aktar preċiża) dwar il-konsultazzjoni ma' l-awtoritajiet tal-protezzjoni tad-data.

72.

Il-KEPD jirrakkomanda bil-qawwi li jiġu inklużi garanziji rigward l-indipendenza tad-DPO, bħal ma huma s-salvagwardji speċjali dwar il-ħatra u t-tneħħija tad-DPO, u l-indipendenza tiegħu mill-Bord ta' Tmexxija, b'mod konformi mar-Regolament (KE) Nru 45/2001.

27.10.2007   

MT

Il-Ġurnal Uffiċjali ta’ l-Unjoni Ewropea

C 255/22

27.10.2007   

MT

Il-Ġurnal Uffiċjali ta’ l-Unjoni Ewropea

C 255/24

27.10.2007   

MT

Il-Ġurnal Uffiċjali ta’ l-Unjoni Ewropea

C 255/31

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali.

—

F'forma elettronika fil-websajt EUR-Lex fid-dokument numru 32007M4889. EUR-Lex hu l-aċċess fuq l-internet għal-liġi Ewropea. (http://eur-lex.europa.eu)

27.10.2007   

MT

Il-Ġurnal Uffiċjali ta’ l-Unjoni Ewropea

C 255/31

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali.

—

F'forma elettronika fil-websajt EUR-Lex fid-dokument numru 32007M4885. EUR-Lex hu l-aċċess fuq l-internet għal-liġi Ewropea. (http://eur-lex.europa.eu)

27.10.2007   

MT

Il-Ġurnal Uffiċjali ta’ l-Unjoni Ewropea

C 255/32

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali.

—

F'forma elettronika fil-websajt EUR-Lex fid-dokument numru 32007M4836. EUR-Lex hu l-aċċess fuq l-internet għal-liġi Ewropea. (http://eur-lex.europa.eu)

27.10.2007   

MT

Il-Ġurnal Uffiċjali ta’ l-Unjoni Ewropea

C 255/32

—

mill-websajt tal-kompetizzjoni ta' l-Europa (http://ec.europa.eu/comm/competition/mergers/cases/). Dan il-websajt jipprovdi faċilitajiet varji biex jgħinu jinstabu deċiżjonijiet individwali ta' fużjoni, inklużi l-kumpanija, in-numru tal-każ, id-data u indiċi settorali.

—

F'forma elettronika fil-websajt EUR-Lex fid-dokument numru 32007M4822. EUR-Lex hu l-aċċess fuq l-internet għal-liġi Ewropea. (http://eur-lex.europa.eu)

27.10.2007   

MT

Il-Ġurnal Uffiċjali ta’ l-Unjoni Ewropea

C 255/33

27.10.2007   

MT

Il-Ġurnal Uffiċjali ta’ l-Unjoni Ewropea

C 255/34

1.

Il-Kumitat Konsultattiv jaqbel ma' l-evalwazzjoni tal-Kummissjoni Ewropea tal-prodott u ż-żona ġeografika affettwati mill-kartell fl-abbozz ta' Deċiżjoni.

2.

Il-Kumitat Konsultattiv jaqbel ma' l-evalwazzjoni tal-fatti li għamlet il-Kummissjoni Ewropea bħala ftehim u/jew prattika miftiehema fl-ambitu tat-tifsira ta' l-Artikolu 81 tat-Trattat u l-Artikolu 52 tal-Ftehim taż-ŻEE.

3.

Il-Kumitat Konsultattiv jaqbel ma' l-opinjoni tal-Kummissjoni Ewropea li l-infrazzjoni kienet tirreferi għal infrazzjoni unika u kontinwa, speċjalment fir-rigward tal-perjodu wara l-ispezzjonijiet f'Marzu/April 2001.

4.

Il-Kumitat Konsultattiv jaqbel ma' l-abbozz ta' deċiżjoni tal-Kummissjoni Ewropea rigward id-destinatarji tad-deċiżjoni, speċifikament b'referenza għall-attribuzzjoni ta' responsabbiltà lill-kumpaniji parent tal-gruppi kkonċernati.

5.

Il-Kumitat Konsultattiv jaqbel mal-Kummissjoni Ewropea rigward l-evalwazzjoni ta' l-applikazzjonijiet għall-klemenza u l-klassifikazzjoni tagħhom.

6.

Il-Kumitat Konsultattiv jaqbel li jagħlaq il-proċedimenti kontra FNAS.

7.

Il-Kumitat Konsultattiv jirrakkomanda li l-opinjoni tiegħu tiġi ppubblikata fil-Ġurnal Uffiċjali ta' l-Unjoni Ewropea.

27.10.2007   

MT

Il-Ġurnal Uffiċjali ta’ l-Unjoni Ewropea

C 255/34

1.

Il-Kumitat Konsultattiv jaqbel mal-Kummissjoni dwar l-ammonti bażiċi tal-multi.

2.

Il-Kumitat Konsultattiv jaqbel mal-Kummissjoni dwar iż-żieda ta' l-ammont bażiku minħabba ċ-ċirkustanzi aggravanti.

3.

Il-Kumitat Konsultattiv jaqbel mal-Kummissjoni dwar it-tnaqqis ta' l-ammont bażiku minħabba ċ-ċirkostanzi attenwanti.

4.

Il-Kumitat Konsultattiv jaqbel mal-Kummissjoni dwar l-ammonti tat-tnaqqis tal-multa ibbażatai fuq l-Avviż tal-Kummissjoni dwar li ma jiġux imposti jew li jitnaqqsu l-multi f'każijiet ta' kartell.

5.

Il-Kumitat Konsultattiv jaqbel mal-Kummissjoni dwar l-ammonti finali tal-multi.

6.

Il-Kumitat Konsultattiv jirrakkomanda li l-opinjoni tiegħu tiġi ppubblikata fil-Ġurnal Uffiċjali ta' l-Unjoni Ewropea.

27.10.2007   

MT

Il-Ġurnal Uffiċjali ta’ l-Unjoni Ewropea

C 255/35

1.

Ir-rappreżentant ta' l-Istati ta' l-EFTA jaqbel ma' l-evalwazzjoni tal-Kummissjoni Ewropea tal-prodott u ż-żona ġeografika affettwati mill-kartell fl-abbozz ta' Deċiżjoni.

2.

Ir-rappreżentant ta' l-Istati ta' l-EFTA jaqbel ma' l-evalwazzjoni tal-fatti li għamlet il-Kummissjoni Ewropea bħala ftehim u/jew prattika miftiehma fl-ambitu tat-tifsira ta' l-Artikolu 81 tat-Trattat u l-Artikolu 53 tal-Ftehim taż-ŻEE.

3.

Ir-rappreżentant ta' l-Istati ta' l-EFTA jaqbel ma' l-opinjoni tal-Kummissjoni Ewropea li l-infrazzjoni kienet tirreferi għal infrazzjoni unika u kontinwa, speċjalment fir-rigward tal-perjodu ta' wara l-ispezzjonijiet f'Marzu/April 2001.

4.

Ir-rappreżentant ta' l-Istati ta' l-EFTA jaqbel ma' l-abbozz ta' deċiżjoni tal-Kummissjoni Ewropea rigward id-destinatarji tad-deċiżjoni, speċifikament b'referenza għall-attribuzzjoni ta' responsabbiltà lill-kumpaniji parent tal-gruppi kkonċernati.

5.

Ir-rappreżentant ta' l-Istati ta' l-EFTA jaqbel mal-Kummissjoni Ewropea rigward l-evalwazzjoni ta' l-applikazzjonijiet għall-klemenza u l-klassifikazzjoni tagħhom.

6.

Ir-rappreżentant ta' l-Istati ta' l-EFTA jaqbel li jingħalqu l-proċedimenti kontra FNAS.

7.

Ir-rappreżentant ta' l-EFTA jirrakkomanda li l-opinjoni tiegħu tiġi ppubblikata fil-Ġurnal Uffiċjali ta' l-Unjoni Ewropea.

27.10.2007   

MT

Il-Ġurnal Uffiċjali ta’ l-Unjoni Ewropea

C 255/36

27.10.2007   

MT

Il-Ġurnal Uffiċjali ta’ l-Unjoni Ewropea

C 255/38

—

ir-riżorsi tekniċi u umani li l-applikant se jassenja għall-operar tar-rotta,

—

in-numru, il-kwalifika u l-assenjazzjoni tal-persunal u, jekk ikun il-każ, ir-reklutaġġ li l-applikant biħsiebu jagħmel,

—

it-tipi ta' ajruplani użati u, jekk ikun il-każ, id-dettalji tar-reġistrazzjoni tagħhom,

—

kopja tal-liċenzja tat-tħaddim tat-trasportatur ta' l-ajru ta' l-offerent,

—

jekk il-liċenzja tat-tħaddim inħarġet minn Stat Membru ta' l-Unjoni Ewropea li ma jkunx Franza, l-offerent għandu wkoll jipprovdi dan it-tagħrif:

27.10.2007   

MT

Il-Ġurnal Uffiċjali ta’ l-Unjoni Ewropea

C 255/42

—

ir-riżorsi tekniċi u umani li l-applikant se jassenja għall-operar tar-rotta,

—

in-numru, il-kwalifika u l-assenjazzjoni tal-persunal u, jekk ikun il-każ, ir-reklutaġġ li l-applikant biħsiebu jagħmel,

—

it-tipi ta' ajruplani użati u, jekk ikun il-każ, id-dettalji tar-reġistrazzjoni tagħhom,

—

kopja tal-liċenzja tat-tħaddim tat-trasportatur ta' l-ajru ta' l-offerent,

—

jekk il-liċenzja tat-tħaddim inħarġet minn Stat Membru ta' l-Unjoni Ewropea li ma jkunx Franza, l-offerent għandu wkoll jipprovdi dan it-tagħrif:

27.10.2007   

MT

Il-Ġurnal Uffiċjali ta’ l-Unjoni Ewropea

C 255/45

1.

Fid-19 ta' Ottubru 2007, il-Kummissjoni rċeviet notifika għal konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża The Goldman Sachs Group, Inc. (Goldman Sachs, l-Istati Uniti) takkwista fis-sens ta' l-Artikolu 3(1)(b) tar-Regolament tal-Kunsill kontroll ta' l-intier ta' l-impriża LOMO Group (LOMO, il-Ġermanja) permezz ta' akkwist ta' titoli.

2.

L-attivitajiet kummerċjali ta' l-impriżi kkonċernati huma:

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond in-Notifika tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fin-Notifika.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-fax (fax nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.4911 — Goldman Sachs/LOMO, fl-indirizz li ġej:

27.10.2007   

MT

Il-Ġurnal Uffiċjali ta’ l-Unjoni Ewropea

C 255/46

1.

Fit-22 ta' Ottubru 2007, il-Kummissjoni rċeviet notifika ta' konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża SAP AG (“SAP”, il-Ġermanja), fl-ambitu tat-tifsira ta' l-Artikolu 3(1)(b) tar-Regolament tal-Kunsill, takkwista l-kontroll sħiħ ta' l-impriża Business Objects S.A. (“BO”, France/USA) permezz tax-xiri ta' ishma.

2.

L-attivitajiet kummerċjali ta' l-impriżi kkonċernati huma:

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-Deċiżjoni finali dwar dan il-punt hija riżervata.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-fax (nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.4944 — SAP/Business Objects, fl-indirizz li ġej:

27.10.2007   

MT

Il-Ġurnal Uffiċjali ta’ l-Unjoni Ewropea

C 255/47

1.

Fid-19 ta' Ottubru 2007, il-Kummissjoni rċeviet notifika għal konċentrazzjoni proposta skond l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża SC-Beteiligungsgesellschaft mbH (SCB, ill-Germanja), ikkontrollati ricentement min JP Morgan Chase & Co. (JPMorgan Chase, l-Istati Uniti ta' l-Amerika) takkwista fis-sens ta' l-Artikolu 3(1)(b) tar-Regolament tal-Kunsill kontroll ta' l-intier ta' l-impriża Süd-Chemie AG (Süd-Chemie, il-Ġermanja) permezz ta' akkwist ta' ishma.

2.

L-attivitajiet kummerċjali ta' l-impriżi kkonċernati huma:

3.

Wara eżami preliminari, il-Kummissjoni jidhrilha li t-tranżazzjoni notifikata tista' taqa' fl-ambitu tar-Regolament (KE) Nru 139/2004. Madankollu, id-deċiżjoni finali dwar dan il-punt hija riżervata. Skond l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-Kunsill (KE) Nru 139/2004 (2) għandu jiġi nnutat li dan il-każ jista' jiġi kkunsidrat għal trattament taħt il-proċedura stipulata fin-Notifika.

4.

Il-Kummissjoni tistieden lill-partijiet terzi interessati sabiex iressqu l-kummenti li jista' jkollhom dwar l-operazzjoni proposta lill-Kummissjoni.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-fax (fax nru (32-2) 296 43 01 jew 296 72 44) jew bil-posta, taħt in-numru ta' referenza COMP/M.4899 — SCB/Süd-Chemie, fl-indirizz li ġej:

27.10.2007   

MT

Il-Ġurnal Uffiċjali ta’ l-Unjoni Ewropea

C 255/48

(1)

Ir-Regolament tal-Kummissjoni (KE) Nru 773/2004 tas-7 ta' April 2004 dwar il-mod kif jitmexxew il-proċedimenti mill-Kummissjoni skond l-Artikoli 81 u 82 tat-Trattat tal-KE (3) jistabbilixxi regoli dwar il-mod kif jitmexxew il-proċedimenti mill-Kummissjoni u l-parteċipazzjoni fihom tal-partijiet ikkonċernati f'dawn il-proċeduri.

(2)

Il-partijiet għal dawn il-proċedimenti jistgħu jkunu lesti li jirrikonoxxu l-parteċipazzjoni tagħhom f'kartell u li b'hekk kisru l-Artikolu 81 tat-Trattat u jirrikonoxxu wkoll ir-responsabbiltà għal din il-parteċipazzjoni, jekk jistgħu, b'mod raġonevoli, jantiċipaw is-sejbiet previsti tal-Kummissjoni fir-rigward il-parteċipazzjoni tagħhom fil-ksur u l-livell tal-multi li potenzjalment jistgħu jeħlu u jaqblu ma' dawn is-sejbiet, jista' jkun hemm il-possibbiltà li l-Kummissjoni tiżvela ma' dawn il-partijiet, meta jkun xieraq, l-oġġezzjonijiet li jkun bi ħsiebha ġġib kontrihom fuq il-bażi ta' xhieda fil-fajl u l-multi li x'aktarx ikunu ser jeħlu. Żvelar bikri bħal dan għandu jippermetti lill-partijiet ikkonċernati li jressqu l-fehmiet tagħhom dwar l-oġġezzjonijiet li l-Kummissjoni jkun bi ħsiebha tressaq kontrihom kif ukoll dwar ir-responsabbiltà potenzjali tagħhom.

(3)

Meta l-Kummissjoni tapprova uffiċjalment is-sottomissjonijiet għar-riżolviment bil-miktub li jkunu għamlu fid-dikjarazzjoni ta' oġġezzjonijiet tagħhom u, fit-tweġibiet li jkunu taw għalihom, il-partijiet jikkonfermaw li d-dikjarazzjoni ta' oġġezzjonijiet tikkorrispondi għall-kontenut tas-sottomissjonijiet bil-miktub li jkunu għamlu, il-Kummissjoni għandha tipproċedi immedjatament bl-adozzjoni ta' deċiżjoni skond l-Artikolu 7 u l-Artikolu 23 tar-Regolament (KE) Nru 1/2003 wara konsultazzjoni mal-Kumitat Konsultattiv tal-Prattiċi Restrittivi u l-Pożizzjonijiet Dominanti skond l-Artikolu 14 tar-Regolament (KE) Nru 1/2003.

(4)

Għandu għalhekk jiġi stabbilit proċediment ta' riżolviment sabiex il-Kummissjoni tkun tista' timmaniġġa l-każi relatati mal-kartelli aktar malajr billi tilħaq ftehim mal-partijiet.

(5)

L-esperjenza wriet li jekk, b'mod sistematiku, l-għoti ta' verżjoni mhux kunfidenzjali tad-dikjarazzjoni ta' l-oġġezzjonijiet jista' jkollu konsegwenzi negattivi fir-rigward ta' kemm il-partijiet għall-proċedimenti jkunu jridu jikkooperaw mal-Kummissjoni. Filwaqt li r-rikorrenti għandhom ikomplu jkunu assoċjati mill-qrib mal-proċedimenti u jiġu infurmati dwar in-natura u s-suġġett tal-proċediment bil-miktub u jkunu jistgħu jagħtu l-fehmiet tagħhom dwarhom, għandha tkun il-Kummissjoni li tiddetermina kif informazzjoni bil-miktub bħal din għandha tingħata f'każ partikolari.

(6)

Ir-Regolament (KE) Nru 773/2004 għandu għalhekk jiġi emendat kif xieraq,

1.

Flok l-Artikolu 2, paragrafu 1, jidħol dan li ġej:

“1.   Il-Kummissjoni tista' tiddeċiedi li tibda proċedimenti bil-ħsieb li tadotta deċiżjoni skond il-Kapitolu III tar-Regolament (KE) Nru 1/2003 fi kwalunkwe ħin, imma mhux aktar tard mid-data li fiha toħroġ valutazzjoni preliminari kif imsemmi fl-Artikolu 9(1) ta' dak ir-Regolament, dikjarazzjoni ta' oġġezzjonijiet jew talba biex il-partijiet jesprimu l-interess tagħhom biex jieħdu sehem f'diskussjonijiet dwar riżolviment jew id-data li fiha tiġi ppubblikata notifika skond l-Artikolu 27(4) ta' dak ir-Regolament, liema minn dawn tkun l-aktar waħda kmieni.”

2.

Fl-Artikolu 6, flok il-paragrafu 1 jidħol dan li ġej:

“1.   Meta l-Kummissjoni toħroġ dikjarazzjoni ta' oġġezzjonijiet relatata ma' kwistjoni li dwarha tkun irċeviet ilment, għandha tinforma lir-rikorrent bil-miktub dwar in-natura u s-suġġett tal-proċediment u tistabbilixxi skadenza li, sa ma tagħlaq, ir-rikorrent ikun jista' jesprimi l-fehmiet tiegħu bil-miktub. Il-Kummissjoni tista' wkoll tipprovdi lir-rikorrent b'kopja tal-verżjoni mhux kunfidenzjali tad-dikjarazzjoni ta' l-oġġezzjonijiet.”

3.

Fl-Artikolu 10, flok il-paragrafu 1 jidħol dan li ġej:

“1.   Il-Kummissjoni għandha tinforma lill-partijiet ikkonċernati dwar l-oġġezzjonijiet imqajma kontrihom. Id-dikjarazzjoni ta' oġġezzjonijiet għandha tkun innotifikata bil-miktub lil kull waħda mill-partijiet li jkunu tqajmu l-oġġezzjonijiet kontrihom.”

4.

Jidħol l-Artikolu 10a li ġej:

“Artikolu 10a

Proċedimenti ta' riżolviment f'każi ta' kartelli

1.   Wara li jkun ingħata bidu għall-proċedimenti skond l-Artikolu 11(6) tar-Regolament (KE) Nru 1/2003, il-Kummissjoni tista' tiffissa skadenza li fl-ambitu tagħha l-partijiet jkunu jistgħu jiddikjaraw bil-miktub li jinsabu mħejjija li jieħdu sehem f'diskussjonijiet dwar riżolviment bil-għan li possibbilment ikunu jistgħu jippreżentaw sottomissjonijiet għal riżolviment. Il-Kummissjoni mhux marbuta li tikkonsidra sottomissjonijiet bil-miktub li jaslulha wara li jkun skada ż-żmien.

Jekk żewġ partijiet jew aktar li jkunu japparjenu għall-istess impriża jiddikjaraw li jinsabu mħejjija li jipparteċipaw f'diskussjonijiet dwar riżolviment skond l-ewwel subparagrafu, dawn il-partijiet għandhom jaħtru rappreżentanti konġunti biex jipparteċipaw f'diskussjonijiet mal-Kummissjoni f'isimhom.

2.   Il-Kummissjoni tista' tinforma lill-partijiet li huma mħejjija li jagħmlu sottomissjonijiet għar-riżolviment dwar:

Jekk id-diskussjonijiet dwar ir-riżolviment jaslu sa stadju li fih l-informazzjoni msemmija hawn fuq tkun żvelata wara talba jew tkun saret disponibbli għall-partijiet b'xi mod ieħor, il-Kummissjoni tista' tistabbilixxi skadenza biex, sakemm tagħlaq, il-partijiet ikunu jistgħu jikkommettu ruħhom li jsegwu l-proċediment tar-riżolviment billi jagħmlu sottomissjonijiet għar-riżolviment bil-miktub li jkunu jirriflettu r-riżultati tad-diskussjonijiet dwar ir-riżolviment u billi jirrikonoxxu l-parteċipazzjoni tagħhom fil-ksur ta' l-Artikolu 81 tat-Trattat kif ukoll ir-responsabbiltà tagħhom għal dan. Il-Kummissjoni mhux marbuta li tikkonsidra sottomissjonijiet bil-miktub li jaslulha wara li jkun skada ż-żmien.

3.   Meta d-dikjarazzjoni ta' l-oġġezzjonijiet innotifikata lill-partijiet taderixxi mal-kontenut tas-sottomissjonijiet tagħhom għar-riżolviment, it-tweġiba bil-miktub għad-dikjarazzjoni ta' l-oġġezzjonijiet mingħand il-partijiet ikkonċernati għandha, sa skadenza stabbilita mill-Kummissjoni, tikkonferma li d-dikjarazzjoni ta' l-oġġezzjonijiet indirizzata lilhom tikkorrispondi mal-kontenut tas-sottomissjonijiet tagħhom għar-riżolviment. Il-Kummissjoni tista' mbagħad tipproċedi immedjatament biex tadotta deċiżjoni sussegwenti skond l-Artikolu 7 u l-Artikolu 23 tar-Regolament Nru 1/2003 wara li tikkonsulta mal-Kumitat Konsultattiv għall-Prattiċi Restrittivi u l-Pożizzjonijiet Dominanti skond l-Artikolu 14 tar-Regolament tal-Kunsill Nru 1/2003.”

5.

Flok l-Artikolu 11(1), jidħol dan li ġej:

“1.   Il-Kummissjoni għandha tagħti lill-partijiet li jkunu d-destinatarji ta' dikjarazzjoni ta' oġġezzjonijiet, l-opportunità li jsemmgħu leħinhom qabel ma jiġi kkonsultat il-Kumitat Konsultattiv imsemmi fl-Artikolu 14(1) tar-Regolament (KE) Nru 1/2003”

6.

Flok l-Artikolu 12 jidħol dan li ġej:

“1.   Il-Kummissjoni għandha tagħti lill-partijiet li jkunu d-destinatarji ta' dikjarazzjoni ta' oġġezzjonijiet, l-opportunità li jiżviluppaw l-argumenti tagħhom f-seduta verbali, jekk jitolbu li jkunu jridu dan fis-sottomissjonijiet tagħhom bil-miktub.

2.   Madankollu, meta jagħmlu s-sottomissjonijiet tagħhom għar-riżolviment bil-miktub, il-partijiet għandhom jikkonfermaw lill-Kummissjoni li huma jeħtieġu biss l-opportunità li jiżviluppaw l-argumenti tagħhom f'seduta verbali, jekk id-dikjarazzjoni ta' l-oġġezzjonijiet ma taderixxix mal-kontenut tas-sottomissjonijiet tagħhom bil-miktub għar-riżolviment.”

7.

Fl-Artikolu 15, jiżdied il-paragrafu 1a li ġej:

“1a.   Wara li jingħata bidu għall-proċedimenti skond l-Artikolu 11(6) tar-Regolament (KE) Nru 1/2003, il-Kummissjoni għandha tiżvela, meta jkun xieraq, ix-xhieda li ssostni l-oġġezzjonijiet previsti lill-partijiet li jkunu jridu jagħmlu sottomissjonijiet għal riżolviment sabiex tgħinhom jagħmlu dan. Fid-dawl ta' dan, meta jagħmlu s-sottomissjonijiet tagħhom għar-riżolviment, il-partijiet għandhom jikkonfermaw lill-Kummissjoni li huma ser ikunu jeħtieġu biss aċċess għall-fajl wara l-wasla tad-dikjarazzjoni ta' l-oġġezzjonijiet, jekk id-dikjarazzjoni ta' l-oġġezzjonijiet ma taderixxix mal-kontenut tas-sottomissjonijiet tagħhom bil-miktub għar-riżolviment.”

8.

Flok l-Artikolu 17(1) u l-Artikolu 17(3) jidħlu dan li ġej:

“1.   L-ifissar ta' l-iskadenzi previsti f'1. Meta tiffissa l-iskadenzi previsti fl-Artikolu 3(3), l-Artikolu 4(3), l-Artikolu 6(1), l-Artikolu 7(1), l-Artikolu 10(2), l-Artikolu 10a(1), l-Artikolu 10a(2), l-Artikolu 10a(3) u l-Artikolu 16(3), il-Kummissjoni għandha tikkonsidra kemm iż-żmien meħtieġ għat-tħejjija tas-sottomissjoni kif ukoll l-urġenza tal-każ.”

“3.   L-iskadenzi msemmija fl-Artikolu 3(3), l-Artikolu 4(3), l-Artikolu 10a(1), l-Artikolu 10a(2) u l-Artikolu 16(3) għandhom mill-inqas ikunu ta' ġimgħa.”

27.10.2007   

MT

Il-Ġurnal Uffiċjali ta’ l-Unjoni Ewropea

C 255/51

1.

Din in-Notifika tistabbilixxi qafas sabiex tiġi ppremjata l-kooperazzjoni fil-mod kif isiru l-proċedimenti li jkunu nbdew in vista ta' l-applikazzjoni ta' l-Artikolu 81 tat-Trattat (1) tal-KE fil-każi ta' kartelli. Il-proċedimenti ta' riżoluzzjonijiet ta' tilwim jistgħu jippermettu lill-Kummissjoni timmaniġġa aktar każi bl-istess riżorsi biex b'hekk tinkoraġġixxi l-interess pubbliku fl-implimentazzjoni ta' kastigi effettivi u f'waqthom mill-Kummissjoni, filwaqt li tkabbar id-deterrent ġenerali. Il-kooperazzjoni koperta b'din in-Notifika hi differenti mill-produzzjoni volontarja ta' xhieda biex tixpruna jew tmexxi 'l quddiem l-investigazzjoni tal-Kummissjoni, li hi koperta min-Notifika tal-Kummissjoni dwar l-Immunità mill-multi u t-tnaqqis fil-multi fil-każi ta' kartelli (2) (in-Notifika dwar Klemenzi). Sakemm il-kooperazzjoni offruta minn impriża tikkwalifika taħt iż-żewġ Notifiki tal-Kummissjoni, din tista' tkun ippremjata kif xieraq b'mod kumulattiv (3).

2.

Meta l-partijiet għall-proċedimenti jkunu lesti li jirrikonoxxu l-parteċipazzjoni tagħhom f'kartell li permezz ta' hekk ikunu kisru l-Artikolu 81 tat-Trattat tal-KE u għalhekk ikunu naqsu mir-responsabbilta' tagħhom, jistgħu wkoll jikkontribwixxu biex jintgħaġġlu l-proċedimenti li jwasslu għall-adozzjoni tad-deċiżjoni korrispondenti skond l-Artikolu 7 u l-Artikolu 23 tar-Regolament tal-Kunsill (KE) Nru 1/2003 tas-16 ta' Diċembru 2002 dwar l-implimentazzjoni tar-regoli tal-kompetizzjoni stabbiliti fl-Artikoli 81 u 82 tat-Trattat (4) bil-mod u bis-salvagwardji speċifikati f'din in-Notifika. Filwaqt li l-Kummissjoni, bħala l-awtorità investigattiva u l-gwardjana tat-Trattat li hi mogħtija s-setgħa li tadotta deċiżjonijiet ta' infurzar suġġett għall-kontroll ġuridiku tal-Qrati Komunitarji, ma tinnegozjax il-kwistjoni dwar l-eżistenza ta' ksur tal-liġi Komunitarja u s-sanzjoni li tkun xierqa, tista' tippremja l-kooperazzjoni deskritta f'din in-Notifika.

3.

Ir-Regolament tal-Kummissjoni Nru 773/2004 tas-7 ta' April 2004 dwar il-mod kif jitmexxew il-proċedimenti mill-Kummissjoni skond l-Artikoli 81 u 82 tat-Trattat tal-KE (5) (ir-Regolament tal-Kummissjoni) jistabbilixxi ir-regoli prattiċi ewlenin li jikkonċernaw il-mod kif jitwettqu l-proċedimenti fil-każi ta' antitrust inklużi dawk applikabbli fil-varjant għar-riżoluzzjoni tat-tilwima. F'dan ir-rigward, ir-Regolament (KE) Nru 773/2004 jagħti s-setgħa lill-Kummissjoni tagħżilx li tesplora l-proċediment tar-riżoluzzjoni tat-tilwima jew le fil-każi ta' kartelli, filwaqt li tiżgura li l-għażla tal-proċediment tar-riżoluzzjoni tat-tilwima ma tkunx tista' jiġi imposta fuq il-partijiet.

4.

L-infurzar effettiv tal-liġi Komunitarja dwar il-kompetizzjoni huwa kumpatibbli ma' rispett sħiħ tad-dritt tal-partijiet biex jiddefendu ruħhom, li jikkostitwixxi prinċipju fundamentali tal-liġi Komunitarja li għandu jkun irrispettat fiċ-ċirkustanzi kollha, u b'mod partikolari fil-proċedimenti ta' antitrust li jistgħu jwasslu għal penali. Minn dan isegwi li r-regoli stabbiliti għall-mod kif jitmexxew il-proċedimenti tal-Kummissjoni biex jiġi infurzat l-Artikolu 81 tat-Trattat tal-KE għandhom jiżguraw li l-impriżi u l-assoċjazzjonijiet ta' l-impriżi kkonċernati jingħataw l-opportunità biex effettivament jesponu l-fehmiet tagħhom dwar il-vertità u r-relevanza tal-fatti, l-oġġezzjonijiet u ċ-ċirkustanzi mressqa mill-Kummissjoni (6), waqt it-tul kollu tal-proċedura amministrattiva.

5.

Il-Kummissjoni għandha marġni wiesa' ta' diskrezzjoni biex tiddetermina liema każi jistgħu jkunu addattati biex tesplora l-interess tal-partijiet f'parteċipazzjoni f'diskussjonijiet dwar riżolviment, kif ukoll biex tiddeċiedi f'liema każi tinvolvi ruħha jew twaqqa' jew inkella tirriżolvi. F'dan ir-rigward, tajjeb li tiġi kkunsidrata l-probabbiltà li jintlaħaq ftehim komuni dwar l-ambitu ta' l-oġġettivi potenzjali mal-partijiet involuti sa skadenza raġonevoli, invista ta' fatturi bħal mhuma: l-għadd tal-partijiet involuti, il-pożizzjonijiet konfliġġenti prevedibbli dwar l-attribuzzjoni tar-responsabbiltajiet, il-limitu tal-kontestazzjoni tal-fatti, eċċ. Barra minn hekk, jiġi kkunsidrat jekk, fid-dawl tal-progress miksub f'sens ġenerali, ikunx probabbli li din il-proċedura ta' riżolviment tkunx aktar effikaċi. Jistgħu jitqiesu wkoll konsiderazzjonijiet oħra bħal mhu l-ħolqien ta' preċedent. Il-Kummissjoni tista' tidħol għal diskussjonijiet dwar riżolviment biss jekk issir talba bil-miktub mill-partijiet ikkonċernati.

6.

Filwaqt li l-partijiet għall-proċedimenti m'għandhomx dritt għal riżolviment, jekk jidhrilha li, fil-prinċipju, ikun xieraq li każ jiġi riżolt, il-Kummissjoni tesplora l-interess fir-riżolviment tal-partijiet kollha għall-istess proċedimenti.

7.

Il-partijiet għall-proċedimenti u r-rappreżentanti legali tagħhom jistgħu ma jiżvelaw lil ebda impriża oħra jew parti terza oħra fi kwalunkwe ġurisdizzjoni l-kontenut tad-diskussjonijiet jew tad-dokumenti li huma kellhom aċċess għalihom invista tar-riżolviment, sakemm ma jkollhomx awtorizzazzjoni espliċita mill-Kummissjoni. Kwalunkwe ksur f'dan ir-rigward jista' jwassal biex il-Kummissjoni tiċħad it-talba ta' l-impriża biex issegwi l-proċediment ta' riżolviment u jista' jikkostitwixxi ċirkustanza aggravanti fl-ambitu tat-tifsira tal-punt 28 tal-Linji Gwida tal-Kummissjoni dwar il-metodu ta' l-iffissar tal-multi imposti skond l-Artikolu 23(2)(a) tar-Regolament (KE) Nru 1/2003 (7) (il-Linji Gwida dwar il-multi).

8.

Jekk il-Kummissjoni tikkonsidra l-adozzjoni ta' deċiżjoni skond l-Artikolu 7 u/jew l-Artikolu 23 tar-Regolament (KE) Nru 1/2003, ikun meħtieġ li bil-quddiem jiġu identifikati u rikonoxxuti bħala partijiet għall-proċedimenti l-persuni legali li jistgħu jkunu suġġetti għal penali minħabba ksur ta' l-Artikolu 81 tat-Trattat tal-KE.

9.

Għal dan il-għan, il-bidu ta' proċedimenti skond l-Artikolu 11(6) tar-Regolament (KE) Nru 1/2003 bil-għan ta' l-adozzjoni ta' deċiżjoni bħal din jista' jseħħ f'ħin ikun meta jkun, imma mhux aktar tard mid-data li fiha l-Kummissjoni toħroġ dikjarazzjoni ta' oġġezzjonijiet kontra l-partijiet ikkonċernati. L-Artikolu 2(1) tar-Regolament (KE) Nru 773/2004 jispeċifika wkoll li, jekk il-Kummissjoni tqis li jkun xieraq li tesplora l-interess tal-partijiet f'parteċipazzjoni fid-diskussjonijiet dwar ir-riżolviment, hi tagħti bidu għal proċedimenti mhux aktar tard mid-data li fiha tkun jew għamlet dikjarazzjoni dwar l-oġġezzjonijiet jew talbet lill-partijiet jistqarru bil-miktub l-interess tagħhom f'parteċipazzjoni f'diskussjonijiet dwar riżolviment, liema miż-żewġ dati tiġi l-ewwel.

10.

Wara l-bidu tal-proċedimenti skond l-Artikolu 11(6) tar-Regolament (KE) Nru 1/2003, tkun kompetenti esklużimament il-Kummissjoni biex tapplika l-Artikolu 81 tat-Trattat għall-każ speċifiku (8).

11.

Jekk il-Kummissjoni tikkunsidra li jkun xieraq li tesplora l-interess tal-partijiet fil-parteċipazzjoni f'diskussjonijiet dwar ir-riżolviment, hi tiffissa skadenza li mhux anqas minn ġimagħtejn skond l-Artikoli 10a(1) u 17(3) tar-Regolament (KE) Nru 773/2004 li fl-ambitu tiegħu il-partijiet għall-istess proċedimenti għandhom jiddikjaraw bil-miktub jekk ikunx bi ħsiebhom jipparteċipaw f'diskussjonijiet dwar riżolviment bil-għan li possibbilment jagħmlu sottomissjonijiet għal riżolviment aktar 'il quddiem.

12.

Il-partijiet kollha għall-proċedimenti li jappartjenu għall-istess impriża u li jipprevedu l-possibbiltà li jagħmlu sottomissjoni għal riżolviment u li jitolbu biex jipparteċipaw f'diskussjonijiet dwar riżolviment għandhom jaħtru rappreżentanti konġunti li jkollhom is-setgħa xierqa biex jaġixxu f'isimhom f'kull ħin, imma mhux aktar tard minn tmiem l-iskadenza msemmija fil-punt 10.

13.

Il-Kummissjoni tista' ma tikkunsidrax kwalunkwe applikazzjoni għall-immunità mill-multi jew it-tnaqqis tagħhom skond in-Notifika dwar Trattament Favorevoli fuq il-bażi li din l-applikazzjoni kienet ġiet sottomessa wara l-perjodu ta' skadenza msemmi fil-punt 10.

14.

Jekk uħud mill-partijiet għall-proċedimenti jitolbu għal diskussjonijiet dwar riżolviment u jikkonformaw mar-rekwiżiti msemmija fil-punti 10 u 11, il-Kummissjoni tista' ssegwi l-proċediment ta' riżolviment permezz ta' kuntatti bilaterali bejn id-Direttorat Ġenerali tal-Kummissjoni għall-Kompetizzjoni u l-kandidati tar-riżolviment.

15.

Il-Kummissjoni żżomm id-diskrezzjoni li tiddetermina matul it-tul kollu tal-proċediment fir-rigward ta' l-adegwatezza u r-ritmu tad-diskussjonijiet bilaterali dwar ir-riżolviment ma' kull impriża. F'konformità ma' l-Artikolu 10a(2) tar-Regolament (KE) Nru 773/2004 (9), dan jinkludi li, fid-dawl tal-progress li jkun sar b'mod ġenerali fil-proċediment tar-riżolviment, il-Kummissjoni tiddetermina l-ordni u s-sekwenza tad-diskussjonijiet bilaterali dwar ir-riżolviment kif ukoll il-waqt meta tiżvela l-informazzjoni, inkluża x-xiehda fil-fajl tal-Kumnmissjoni użat biex jiġu stabbiliti l-oġġezzjonijiet previsti u l-multa eventwali (10). L-informazzjoni tiġi żvelata b'mod f'waqtu matul il-mixi 'l quddiem tad-diskussjonijiet dwar ir-riżolviment.

16.

Żvelar bikri bħal dan fil-kuntest ta' diskussjonijiet dwar ir-riżolviment skond l-Artikolu 10a(2) u l-Artikolu 15(1a) tar-Regolament (KE) Nru 773/2004 jippermetti li l-partijiet ikunu infurmati dwar l-elementi essenzjali li jkunu tqiesu sa dak il-mument, bħal mhuma l-fatti allegati, il-klassifikazzjoni ta' dawn il-fatti, il-gravità ta' l-allegat kartell u t-tul ta' żmien li jkun ilu jeżisti, l-attribuzzjoni tar-responsabbiltajiet, stima tal-firxa tal-multi li x'aktarx jingħataw (11) kif ukoll ix-xhieda miġjuba biex jiġu stabbiliti l-oġġezzjonijiet eventwali (12). B'hekk il-partijiet ikunu jistgħu jasserixxu l-fehmiet tagħhom b'mod effettiv dwar l-oġġezzjonijiet li potenzjalment jinġiebu kontrihom u jkunu jistgħu wkoll jagħmlu deċiżjoni infurmata dwar jekk jirriżolvux jew le.

17.

Meta l-progress li jkun sar matul id-diskussjonijiet dwar ir-riżolviment iwassal għal qbil komuni dwar l-ambitu ta' l-oġġezzjonijiet eventwali u l-istima tal-multi li x'aktarx tkun ser twaħħal il-Kummissjoni, il-Kummissjoni tista' tiffissa skadenza finali ta' mill-inqas XXX ġurnata ta' xogħol għal impriża biex tippreżenta sottomissjoni ta' riżolviment finali u bil-miktub skond l-Artikoli 10a(2) u 17(3) tar-Regolament Nru 773/2004. L-iskadenza tista' tittawwal wara talba rraġunata. Qabel l-għoti ta' din l-iskadenza, il-partijiet ikollhom id-dritt li, fuq talba tagħhom, jingħataw l-informazzjoni speċifikata fil-punt 15 żvelata lilhom. Wara talba rraġunata minn xi parti, is-servizzi tal-Kummissjoni jistgħu wkoll jagħtuha aċċess għall-verżjonijiet mhux kunfidenzjali ta' kwalunkwe dokument aċċessibbli elenkat fil-fajl tal-każ sa dak il-mument, jekk ikun jidhrilhom li dan huwa ġġustifikat biex il-parti tkun tista' tiżgura l-pożizzjoni tagħha fir-rigward ta' kwalunkwe aspett ieħor tal-kartell u sakemm l-effiċjenzi proċedurali msemmija fil-punt 0 ma jkunux fil-periklu (13).

18.

Il-partijiet jistgħu jappellaw lill-Kunsillier tas-Seduta fi kwalunkwe ħin matul il-proċediment tar-riżolviment fir-rigward ta' kwistjonijiet marbuta mad-drittijiet tad-difiża. Dmir il-Kunsillier tas-Seduta hu li jiżgura li d-drittijiet tad-difiża jkunu realment irrispettati fil-proċedimenti tal-kompetizzjoni.

19.

Jekk il-partijiet ikkonċernati jonqsu milli jippreżentaw sottomissjoni tar-riżolviment, il-proċediment li jwassal għad-deċiżjoni finali fil-każ tagħhom jimxi skond id-dispożizzjonijiet ġenerali fl-Artikoli 10(2) u 15(1) tar-Regolament (KE) Nru 773/2004, minflok dawk li jirregolaw il-proċediment tar-riżolviment.

20.

Il-partijiet li jagħżlu li jsir proċediment ta' riżolviment iridu jagħmlu talba formali għar-riżolviment fil-forma ta' sottomissjoni għal riżolviment bil-miktub. Is-sottomissjoni għal riżolviment bil-miktub prevista fl-Artikolu 10a(2) tar-Regolament (KE) Nru 773/2004 għandu jkun fiha: (a)

21.

Ir-rikonoxximenti u l-konfermi pprovduti mill-partijiet rigward riżolviment jikkostitwixxu espressjoni ta' l-impenn tagħhom biex jikkooperaw fil-maniġġar bil-għaġġla tal-każ skond il-proċediment ta' riżolviment. Madankollu, dawn ir-rikonoxximenti u l-konfermi huma suġġetti għall-aċċettazzjoni mill-Kummissjoni tat-talba tagħhom għal riżolviment, inkluż l-ogħla ammont previst tal-multa.

22.

Għalhekk, it-talbiet għal riżolviment bil-miktub ma jistgħux jiġu rrevokati b'mod unilaterali mill-partijiet li jkunu pprovdewhom sakemm il-Kummissjoni ma tilqax it-talbiet tagħhom għal riżolviment billi tikkonferma s-sottomissjonijiet għal riżolviment bil-miktub l-ewwel f'dikjarazzjoni ta' l-oġġezzjonijiet u fl-aħħarnett, f'deċiżjoni finali (ara f'dan ir-rigward il-punti 25 u 28). Id-dikjarazzjoni ta' l-oġġezzjonijiet tkun meqjusa bħala konferma tas-sottomissjonijiet għal riżolviment bil-miktub jekk tirrifletti l-kontenut tagħhom fejn għandhom x'jaqsmu d-deskrizzjoni tal-kartell u l-involviment ta' l-impriża fih u l-kwalifiki legali ta' dan. Barra minn hekk, biex deċiżjoni finali titqies bħala konferma tas-sottomissjonijiet għal riżolviment bil-miktub, għandha wkoll timponi multa li ma tkunx taqbeż l-ogħla ammont indikat fiha.

23.

Skond l-Artikolu 10(1) tar-Regolament (KE) Nru 773/2004, in-notifika ta' dikjarazzjoni ta' oġġezzjonijiet bil-miktub lil kull waħda mill-partijiet li kontrihom ikunu tqajmu l-oġġezzjonijiet, hija fażi preparatorja obbligatorja qabel l-adozzjoni ta' kwalunkwe deċiżjoni finali (15). Għaldaqstant, il-Kummissjoni ser toħroġ dikjarazzjoni ta' oġġezzjonijiet anke f'każ ta' proċediment ta' riżolviment (16).

24.

Biex ikun żgurat li l-eżerċizzju tad-drittijiet tal-partijiet għad-difiża jkun effettiv, il-Kummissjoni tisma' l-fehmiet tagħhom dwar l-oġġezzjonijiet kontrihom u x-xhieda ta' sostenn qabel ma tadotta deċiżjoni finali u tagħtihom kunsiderazzjoni billi temenda l-analiżi preliminari tagħha kif ikun jiexraq (17). Il-Kummissjoni trid tkun tista' mhux biss taċċetta jew tiċħad l-argumenti rilevanti tal-partijiet miġjuba minnhom matul il-proċediment amministrattiv, imma wkoll tagħmel l-analiżi proprja tagħha tal-kwistjonijiet li jkunu tressqu bil-għan li jew jikkonvinċuha twaqqa' dawn l-oġġezzjonijiet minħabba provi ta' nuqqas ta' bażi għalihom jew li jiġu ssupplimentati u riveduti l-argumenti tagħhom, kemm fil-fatt kif ukoll bi dritt, b'sostenn ta' l-oġġezzjonijiet imħaddna mill-Kummissjoni (18).

25.

Bil-preżentazzjoni ta' talba formali għal-riżolviment fil-forma ta' sottomissjoni bil-miktub għal riżolviment qabel ma tintbagħtilhom in-notifika tad-dikjarazzjoni ta' l-oġġezzjonijiet, il-partijiet ikkonċernati jippermettu lill-Kummissjoni li effettivament tikkunsidra l-fehmiet tagħhom (19) sewwasew fil-mument meta tkun qed tabbozza d-dikjarazzjoni ta' l-oġġezzjonijiet u mhux biss qabel il-konsultazzjoni mal-Kumitat Konsultattiv għall-Prattiċi Restrittivi u l-Pożizzjonijiet Dominanti (il-Kumitat Konsultattiv) jew qabel l-adozzjoni tad-deċiżjoni finali (20). Konsegwentement, id-dikjarazzjoni ta' oġġezzjonijiet innotifikata lill-partijiet tista' tibbaża fuq il-kontenut tas-sottomissjonijiet għar-riżolviment, fejn ikun xieraq, u l-ammont tal-multa potenzjali tista' tiġi riveduta u titnaqqas fid-dawl ta' dan (21).

26.

Jekk id-dikjarazzjoni ta' oġġezzjonijiet tapprova s-sottomissjonijiet tal-partijiet għal riżolviment, il-partijiet ikkonċernati jkunu, sa skadenza ta' mill-inqas ġimgħa ffissata mill-Kummissjoni skond l-Artikoli 10a(3) u 17(3) tar-Regolament (KE) Nru 773/2004, weġbuha billi sempliċement jikkonfermaw (f'termini mingħajr ekwivoki) li d-dikjarazzjoni ta' oġġezzjonijiet tikkorrispondi mal-kontenut tas-sottomissjonijiet tagħhom dwar ir-riżolviment u li għalhekk huma jibqgħu marbuta li jsegwu l-proċediment tar-riżolviment. Jekk din it-tweġiba ma ssirx, il-Kummissjoni ma tkunx tista' tikkunsidra t-talba ta' l-impriża biex issegwi l-proċediment tar-riżolviment.

27.

Il-Kummissjoni tista', b'mod leġittimu, tadotta dikjarazzjoni ta' l-oġġezzjonijiet li ma tikkonfermax is-sottomissjoni tal-partijiet għal riżolviment. F'dan il-każ, ikunu japplikaw id-dispożizzjonijiet ġenerali fl-Artikoli 10(2), 12(1) u 15(1) tar-Regolament (KE) Nru 773/2004. Ir-rikonoxximenti pprovduti mill-partijiet fis-sottomissjoni għar-riżolviment jitqiesu bħala li ġew irtirati u ma jkunu jistgħu jintużaw kontra l-ebda waħda mill-partijiet għall-proċedimenti Għaldaqstant, il-partijiet ikkonċernati ma jkunux aktar marbutin bis-sottomissjonijiet tagħhom għal riżolviment u tinħarġilhom skadenza li tippermettilhom li jippreżentaw id-difiża tagħhom mill-ġdid, inkluża l-possibbiltà li jitolbu smigħ f'seduta verbali u aċċess għall-fajl, jekk ikunu jixtiequ dan.

28.

Ladarba l-partijiet ikunu wieġbu għad-dikjarazzjoni ta' l-oġġezzjonijiet u jikkonfermaw l-impenn tagħhom biex jirriżolvu, ir-Regolament (KE) Nru 773/2004 jippermetti lill-Kummissjoni tipproċedi, mingħajr ebda pass proċedurali ieħor, bl-adozzjoni tad-deċiżjoni finali sussegwenti skond l-Artikoli 7 u/jew 23 tar-Regolament (KE) Nru 1/2003, wara konsultazzjoni mal-Kumitat Konsultattiv skond l-Artikolu 14 tar-Regolament (KE) Nru 1/2003. B'mod partikolari, dan ifisser li l-ebda seduta verbali jew aċċess għall-fajl ma jistgħu jintalbu minn dawk il-partijiet ladarba s-sottomissjonijiet tagħhom għal riżolviment ikunu kkonfermati mid-dikjarazzjoni ta' l-oġġezzjonijiet (22) f'konformità ma' l-Artikoli 12(2) (23) u 15(1a) (24) tar-Regolament (KE) Nru 773/2004.

29.

Il-Kummissjoni tista', b'mod leġittimu, tadotta pożizzjoni finali li titbiegħed mill-pożizzjoni preliminari tagħha ppreżentata f'dikjarazzjoni ta' oġġezzjonijiet li tikkonferma s-sottomissjonijiet bil-miktub tal-partijiet għal riżolviment, jew wara li tikkunsidra l-argumenti żviluppati mill-Kumitat Konsultattiv jew konsiderazzjonijiet oħra marbuta ma' l-awtonomija aħħarija tal-Kulleġġ tal-Kummissarji f'dan ir-rigward (25). Madankollu, jekk ikollha l-intenzjoni li taġixxi f'dan is-sens, il-Kummissjoni għandha tinforma lill-partijiet dwar din l-intenzjoni u tinnotifikalhom dikjarazzjoni ta' oġġezzjonijiet ġdida sabiex ikunu jistgħu jħejju d-difiża tagħhom skond ir-regoli ġenerali tal-proċediment (26). Isegwi li l-partijiet b'hekk ikollhom id-dritt li jitolbu aċċess għall-fajl, għal smigħ f'seduta verbali u għal tweġiba għad-dikjarazzjoni ta' l-oġġezzjonijiet. Ir-rikonoxximenti pprovduti mill-partijiet fis-sottomissjonijiet għal riżolviment jitqiesu bħala li ġew irtirati u ma jkunu jistgħu jintużaw kontra l-ebda waħda mill-partijiet għall-proċedimenti

30.

(30) L-ammont finali tal-multa f'każ speċifiku jiġi stabbilit fid-deċiżjoni li fiha tikkonstata l-ksur u timponi sanzjoni skond l-Artikolu 7 u l-Artikolu 23 tar-Regolament (KE) Nru 1/2003.

31.

F'konformità mal-prattika tal-Kummissjoni, il-fatt li impriża kkooperat mal-Kummissjoni fil-qafas ta' din in-Notifika matul il-proċediment amministrattiv ser jiġi indikat f'kull deċiżjoni, biex tiġi spjegata r-raġuni li tiġġustifika l-livell tal-multa.

32.

Jekk tiddeċiedi li tikkumpensa lil parti partikolari bħala riżolviment fil-qafas ta' din in-Notifika, il-Kummissjoni tnaqqas b'XX % l-ammont tal-multa wara li jkun applikat il-limitu ta' 10 % stabbilit fil-Linji Gwida għall-metodu ta' kif jiġu ffissati l-multi imposti skond l-Artikolu 23(2)(a) tar-Regolament Nru 1/2003 (27) u kwalunkwe żieda speċifika għal skop dissważiv (28) użat fir-rigward tagħhom ma tistax taqbeż fattur multiplikatur ugwali għal tnejn.

33.

F'każi li fihom sar riżolviment ma' impriżi li jkunu talbu għall-benefiċċji ta' trattament favorevoli, it-tnaqqis fil-multa li jkun ingħatalhom għandu jikkorrispondi mas-somma tal- kumpens mogħtija bħala benefiċċju tat-trattament favorevoli u l-kumpens mogħti għar-riżolviment.

34.

Din in-Notifika tapplika għall-każi kollha pendenti quddiem il-Kummissjoni fil-mument tal-pubblikazzjoni tagħha fil-Ġurnal Uffiċjali jew fi żmien wara dan.

35.

Il-Kummissjoni ssostni li normalment l-iżvelar pubbliku ta' dokumenti u dikjarazzjonijiet miktuba jew dokumentati li jkunu waslu fil-kuntest ta' din in-Notifika jimmina ċerti interessi pubbliċi jew privati, pereżempju l-protezzjoni ta' l-għan ta' spezzjonijiet u investigazzjonijiet fl-ambitu tat-tifsira ta' l-Artikolu 4 tar-Regolament (KE) Nru 1049/2001 tal-Parlament Ewropew u l-Kunsill tat-30 ta' Mejju 2001 dwar l-aċċess pubbliku għad-dokumenti tal-Parlament Ewropew, il-Kunsill u l-Kummissjoni (29), anke wara l-adozzjoni ta' deċiżjoni.

36.

Id-deċiżjonijiet finali meħuda mill-Kummissjoni skond ir-Regolament (KE) Nru 1/2003 huma suġġetti għal eżami ġurisdizzjonali skond l-Artikolu 230 tat-Trattat tal-KE. Barra minn hekk, kif previst fl-Artikolu 229 tat-Trattat tal-KE u l-Artikolu 31 tar-Regolament (KE) Nru 1/2003, il-Qorti tal-Ġustizzja għandha kompetenza ġurisdizzjonali mingħajr limitu biex teżamina deċiżjonijiet dwar sanzjonijiet adottati skond l-Artikolu 23 tar-Regolament (KE) Nru 1/2003.

—

“Il-Kummissjoni għandha tipprovdi lill-partijiet destinatarji tad-dikjarazzjoni ta' l-oġġezzjonijiet l-opportunità biex jinstemgħu qabel ma jsiru konsultazzjonijiet mal-Kumitat Konsultattiv imsemmi fl-Artikolu 14(1) tar-Regolament (KE) Nru 1/2003” (l-Artikolu 11(1) tar-Regolament (KE) Nru 773/2004).

—

“Qabel ma tadotta kwalunkwe deċiżjoni kif previst fl-Artikoli 7, 8, 23 u l-Artikolu 24(2), il-Kummissjoni tipprovdi lill-impriżi jew l-assoċjazzjonijiet ta' l-impriżi li huma l-oġġett tal-proċedimenti mmexxija mill-Kummissjoni, l-opportunità biex isemmgħu leħinhom dwar il-kwistjonijiet li l-Kummissjoni kienet oġġezzjonat għalihom. Il-Kummissjoni għandha ssejjes id-deċiżjonijiet tagħha biss fuq oġġezzjonijiet li dwarhom il-partijiet ikkonċernati kienu setgħu jikkummentaw. Ir-rikorrenti għandhom ikunu strettament assoċjati mal-proċedimenti” (l-Artikolu 27(1) tar-Regolament (KE) Nru 1/2003).

27.10.2007   

MT

Il-Ġurnal Uffiċjali ta’ l-Unjoni Ewropea

C 255/58

Isem il-prodott

Isem

Żona ġeografika

Prova ta' l-oriġini

Metodu ta' produzzjoni

Rabta

Tikkettar

Rekwiżiti nazzjonali