20.7.2007   

MT

Il-Ġurnal Uffiċjali ta’ l-Unjoni Ewropea

C 168/1

A.

Il-KESE jeħtieġ attenzjoni ffokata ta' dawk li jieħdu d-deċiżjonijiet, flimkien ma' approċċi interattivi fil-livell ta' l-UE u dak nazzjonali, dwar il-kunċett ta' l-iżvilupp tal-katina tal-valur u tal-provvista jew, aħjar, dik ta' l-industrija li taħdem f'netwerk u l-interazzjoni korporattiva.

B.

Dawn il-proċessi dinamiċi jsejħu għall-adattar u l-adattabilità fil-ġestjoni ta' l-aspetti kollha tal-kumpaniji inkluż id-definizzjoni u l-ħolqien tal-prodott, il-marketing u l-ġestjoni tar-riżorsi finanzjarji u umani. Dawn il-kompiti sikwit jiġu esternalizzati (outsourced). In-netwerking ifisser li l-kumpaniji qegħdin isiru iktar u iktar imsensla madwar id-dinja u li l-manifattura u s-servizzi kull ma jmur qegħdin isiru iktar integrati.

Ċ.

Hemm differenzi sostanzjali bejn kif il-kumpaniji jintlaqtu minn din is-sitwazzjoni, skond il-qies tagħhom, il-pożizzjoni tagħhom fil-ktajjen/netwerks tal-provvista u s-setturi li fihom joperaw. Kumpaniji kbar multinazzjonali huma ġeneralment f'pożizzjoni tajba fl-istadji kollha ta' dan il-proċess tan-netwerking. Għall-kuntrarju, il-provvedituri ż-żgħar u ta' daqs medju, li jintervjenu fl-istadji inizjali jew intermedjarji (l-ewwel, it-tieni, it-tielet ... provveditur), ta' sikwit jiffaċċjaw ostakli, kif qegħdin ippreżentati f'Parti II. F'dan id-dokument, dawn jissejjħu bħala IICs (kumpaniji inizjali u intermedjari — terminu maħluq speċifikament għall-finijiet ta' din l-opinjoni) (1).

D.

Il-maġġoranza kbira ta' l-impjiegi fis-settur privat jinstabu fil-kumpaniji “inqas kbar” (ara punt Ċ). Minn fosthom, huma d-ditti l-iktar innovattivi u kreattivi li għandhom importanza deċiżiva fl-ekonomija f'netwerk. Il-volum ta' dan l-iżvilupp tant huwa sinifikattiv li ma kellux biss impatt konsiderevoli fil-livell mikroekonomiku, iżda wkoll f'termini makroekonomiċi.

E.

Il-KESE jħoss li huwa neċessarju li jitjieb l-ambjent li fih joperaw l-IICs. Din l-opinjoni (ara sezzjonijiet 3 u 4 f'Parti II) tidentifika l-isfidi ewlenin u tippreżenta numru ta' proposti ta' politika bħal:

F.

In-nuqqas ta' tifsira stabbilita ta' l-IICs jagħmilha diffiċli li tinftiehem l-importanza sħiħa tagħhom fil-bidliet industrijali u l-proċessi tal-globalizzazzjoni. Hemm ħafna iktar xi jsir sabiex tiżdied il-kuxjenza dwar ir-rwol li jaqdu. Jekk il-proposti kollha jew xi wħud minnhom taħt il-punt E jridu jiġu implimentati, għandhom jintlaqgħu numru ta' prerekwiżiti mill-kumpaniji nfushom, oħrajn mil-leġislaturi u hemm iktar minn kumbinazzjoni tat-tnejn li huma. Fi kwalunkwe każ, implimentazzjoni ta' dan it-tip trid titwettaq b'kooperazzjoni stretta mal-partjiet kollha rilevanti. Bl-istess ħsieb, il-kumitati tad-djalogu settorjali li joperaw fil-livelli Ewropej u nazzjonali għandhom ikunu jistgħu jipprovdu orjentazzjoni komuni kredibbli għal dawk responsabbli mill-politika.

1.1

Il-konsiderazzjoni tal-bidu tal-ktajjen tal-provvista bħala fenomenu modern huwa żbaljat, għax dawn eżistew f'xi forma jew oħra, mill-bidu nett tal-produzzjoni organizzata.

1.2

Huwa xieraq li wieħed jinnota, madankollu, li f'dawn l-aħħar għexieren ta' snin żviluppa interess qawwi fil-ktajjen tal-provvista bħala prodott ta' l-ambjent b'saħħtu li tnissel mill-progress teknoloġiku u l-globalizzazzjoni, u l-effetti kollha relatati tagħhom fuq is-swieq. Dan is-suġġett huwa diskuss b'mod estensiv f'pubblikazzjonijiet u konferenzi numerużi madwar id-dinja. Is-sekwenza lineari konvenzjonali ġiet sostitwita b'netwerks kumplessi u proċessi tal-manifattura integrati li ta' sikwit joperaw f'kumpaniji u pajjiżi multipli.

1.3

Illum, il-ktajjen tal-valur u tal-provvista qegħdin, kull ma jmur, isiru iktar imsensla u issa jeżisti netwerk ġenwinament globali f'ħafna oqsma. Dan jiġġustifika l-użu tat-terminu “netwerks” minflok “ktajjen” fejn ta' l-ewwel huwa, bla dubju ta' xejn, iktar effimeru minn dak ta' warajh.

1.4

In-netwerks tal-ħolqien tal-valur (jew, sempliċiment, “netwerks tal-valur”) infushom qegħdin isiru iktar globali u estensivi. Parti minn dan il-proċess huwa netwerk ta' valur pan-Ewropew, imtejjeb bit-tkabbir reċenti ta' l-UE.

1.5

Issa huwa magħruf li t-titjib tagħhom stess m'għadux suffiċjenti sabiex jilqa' l-bżonnijiet tal-kumpaniji. Dak li jkun mirbuħ mill-programmi introspettivi fi ħdan il-kumpaniji, filwaqt li huma ta' għajnuna u mixtieqa, ma jagħtuhomx is-setgħa li jaħtfu l-opportunitàjiet imnissla minn sistema tal-kummerċ li hija ġenwinament globali. Il-kumpaniji għandhom iħarsu 'l barra minnhom infushom jekk iridu jkomplu jgħixu fid-dinja moderna.

1.6

B'hekk, il-ġestjoni tan-netwerks u l-loġistika sar ta' preġju, hekk kif il-kumpaniji qegħdin jonfqu ammonti li qegħdin jiżdiedu ta' ħin u flus sabiex jassiguraw dħul mis-simplifikazzjoni u mill-koordinazzjoni tax-xibka dejjem iktar ikkumplikata ta' attivitajiet u servizzi li huma kruċjali għall-operazzjonijiet industrijali u kummerċjali moderni.

1.7

In-natura tar-responsabilità maniġerjali u tal-ħiliet rekwiżiti tal-forza tax-xogħol fil-livelli kollha tbiddlet kompletament, għax issa hemm bżonn ta' deċiżjonijiet u attitudnijiet li jassiguraw l-aħjar livelli ta' kooperazzjoni bejn ix-xerrejja, il-provvedituri u l-kumpaniji.

1.8

Dan huwa l-iktar stat modern għall-kategoriji kollha tal-kumpaniji kbar, ta' daqs medju u żgħar, minkejja d-differenzi u l-interazzjoni ta' bejn is-setturi. Madankollu, jidher li kumpaniji kbar multinazzjonali huma f'qagħda aħjar minn ta' l-IICs fil-proċessi attwali (2).

1.9

Fil-fatt, żewġ terzi ta' l-impjegati fis-settur privat fl-Ewropa jaħdmu għal kumpaniji żgħar u ta' daqs medju. Ħafna minn dawn huma IICs. Għalhekk, il-benesseri ta' dan it-tip ta' kumpaniji m'għandux dimensjoni mikroekonomika biss, iżda impatt makroekonomiku wkoll.

1.10

Minkejja li s-suġġett ta' din l-opinjoni huwa l-iżvilupp tal-katina tal-valur u tal-provvista, l-enfasi qiegħda primarjament fuq l-IICs innovattivi (ta' livell tekniku u kwalità għoljin) bil-potenzjal li jikbru u joperaw fuq livell internazzjonali jew dawk li huma diġà preżenti fis-suq globali (3).

1.11

Konsegwentement, għandhom jiġu żviluppati u mtejjba modi u mezzi sabiex jinħoloq ambjent b'saħħtu u sostenibbli sabiex dawn it-tip ta' kumpaniji jkunu jistgħu jikbru u jisfruttaw l-potenzjal tagħhom.

1.12

Minkejja li l-ktajjen/netwerks tal-provvista jvarjaw minn settur għal ieħor, huwa meqjus bħala xieraq li tintwera l-analiżi mwettqa f'din il-karta b'enfasi fuq settur wieħed. L-Appendiċi 2 ta' din l-opinjoni hija għalhekk iddedikata għall-preżentazzjoni ta' każ fis-settur awtomotiv, li juri b'mod siewi xi wħud mill-kwistjonijiet fir-riskju. Dan is-settur intgħażel minħabba l-kumplessità eċċezzjonali tan-netwerks/ktajjen tal-provvista, kif muri fl-Appendiċi 1.

1.13

Kumpaniji Ewropej ta' sikwit qegħdin jagħżlu li jesternalizzaw wieħed jew bosta mill-ħolqiet fil-ktajjen tal-provvista. Sussegwentement huma jimportaw ir-riżultat ta' dan u jżidu l-valur fuqu qabel ma jgħadduh għan-netwerk tal-valur. Huwa importanti li jinħolqu kondizzjonijiet li jassiguraw, matul il-proċess, iż-żamma ta' l-ogħla livelli possibbli tal-qligħ, ta' l-impjieg u ta' l-għarfien fl-Ewropa. Dan huwa kruċjali għax l-għarfien kull ma jmur qiegħed isir fattur tal-produzzjoni bid-dritt tiegħu li huwa mmexxi fin-netwerks li joħolqu l-valur prinċipalment minn fondi mingħajr fruntiera iktar milli sempliċiment fondi transkonfinali (4).

1.14

Din il-karta tiddiskuti l-mod kif l-UE tista' tikkontribwixxi aħjar sabiex jinżammu l-partijiet importanti (dawk ta' valur miżjud) tal-katina tal-provvista fl-Ewropa (5).

2.1

Il-bidliet industrijali huma strettament relatati mal-ħolqien tal-valur fis-soċjetà tan-netwerk, li jinvolvi rwol sinifikanti għas-servizzi, bħall-konsulenza, l-inġinerija, il-loġistika u l-marketing. Jekk tiġi ridotta l-integrazzjoni vertikali, il-ħolqien tal-valur fl-ipproċessar ta' sikwit jaqleb għall-provveditur. Dan il-proċess isir iktar multidimensjonali għax ħafna minn dawn il-provvedituri jagħmlu parti wkoll min-netwerks globali, li joħloq interdependenzi ġodda bejn il-provvedituri.

2.2

Iżda t-terminu “globali” xi jrid ifisser eżatt? Flimkien mar-rwol ovvju li jaqdu l-Istati Uniti u l-Ġappun, reġjuni oħra dinjija waslu b'leħħa ta' berqa fix-xena tul dawn l-aħħar għexieren ta' snin, fosthom in-nazzjonijiet BRIC (il-Brażil, ir-Russja, l-Indja, iċ-Ċina). Madankollu għandu jkun innutat li jeżistu żewġ tipi ta' sħubija ta' dan il-grupp, fejn l-influwenza, b'mod partikulari dik ta' l-Indja u taċ-Ċina “qiegħda iġġib tibdil radikali fil-katina sħiħa tal-provvista u l-oqsma ta' l-ekonomija li joħolqu l-valur” (6).

2.3

Fid-dawl ta' dan, l-UE għandha ssaħħaħ il-ħila tagħha li tikkompeti billi żżid il-valur, għax il-kompetizzjoni bbażata biss fuq il-kalkoli ta' l-ispejjeż m'hijiex realistika u ma tilqax il-valuri soċjali u tas-sostenibilità ta' l-Unjoni.

2.4

Il-ktajjen u n-netwerks tal-provvista qegħdin jespandu, u l-proċessi industrijali qegħdin jiġu kkaratterizzati iżjed u iżjed mill-frammentazzjoni tal-linji tal-produzzjoni u l-ispeċjalizzazzjoni tal-prodotti permezz tat-teknoloġiji u l-ispeċificità (customisation). Il-produtturi jistgħu jistandardizzaw il-parti tal-qalba tal-prodotti u, fl-istess ħin iħallu post għall-ispeċifiċità. Dan huwa magħruf bħala “speċifiċità tal-massa”(mass customisation).

2.5

Dawn il-fatturi huma stimolati mill-interazzjoni ta' bejn l-industrija tal-manifattura u s-servizzi (7), li twassal sabiex jiċċajpru l-linji ta' distinzjoni ta' bejn is-setturi. It-teknoloġiji ta' l-informazzjoni u l-komunikazzjoni (ICT) jikkontribwixxu għal din is-sitwazzjoni billi jżidu l-interoperabilità u s-servizzi pprovduti elettronikament.

2.6

Il-kumpaniji Ewropej għandhom jimmiraw lejn il-ħolqien ta' netwerks tal-provvista li jipproċessaw “prodotti estiżi” (sistema ta' prodotti u servizzi) li jidentifikaw niche markets (swieq li jipprovdu għal domanda speċifika) ta' valur miżjud. Saħansitra l-fabbriki stess issa saru prodotti kumplessi li jistgħu jkunu negozjati.

2.7

Iċ-ċikli ġodda teknoloġiċi qegħdin jitfgħu dejjem aktar enfasi fuq il-ġestjonar tar-riżorsi umani f'kull livell u jenfasizzaw l-urġenza tat-tagħlim tul il-ħajja bħala komponent essenzjali tal-kompetittività u l-possibiltà ta' l-impjieg.

2.8

Iċ-ċiklu tal-ħajja tal-prodotti qiegħed jiqsar u jinbidel minħabba l-interazzjoni li qiegħda tiżdied bejn is-servizzi u l-manifattura u peress li l-kompetizzjoni u l-kooperazzjoni (ta' qabel il-kompettitiva) f'ħafna oqsma qegħdin isiru globali.

2.9

L-istruttura tal-kumpaniji u r-relazzjoni dinamika ta' bejn il-kumpaniji huma influwenzati bil-kbir minn dawn il-bidliet li għadhom qegħdin iseħħu. Kostantament dawn jeħtieġu li jiġu adattati u riorganizzati. L-ispeċjalizzazzjoni tal-proċessi tal-produzzjoni, l-ispeċifiċità u l-iżvilupp tas-servizzi relatati mal-manifattura kull ma jmur qegħdin iwasslu għall-esternalizzazzjoni. Għall-kuntrarju, l-esternalizzazzjoni tista' tirriżulta fi speċjalizzazzjoni u deċentralizzazzjoni addizzjonali.

2.10

Il-konċentrazzjoni permezz ta' l-għaqdiet u ta' l-akkwisti qiegħda sseħħ b'mod parallel ma' dawn il-proċessi; iktar ma wieħed jitbiegħed mill-konsumatur, iktar tinstab il-konċentrazzjoni u l-konsolidazzjoni.

2.11

L-outsourcing u l-offshoring qegħdin jitwettqu fuq skala globali (8). Ekonomiji li għadhom qegħdin jiżviluppaw fl-Istati Membri l-ġodda kif ukoll fl-Ażja huma involuti ħafna f'dan il-proċess, kull waħda toffri l-vantaġġi finanzjari tagħha u l-potenzjal tagħha tas-suq. L-Ażja qiegħda ssir iċ-ċentru aċċettat minn kulħadd tal-produzzjoni u tal-provvista tas-servizzi bi prezz baxx. Fiċ-Ċina u l-Indja qiegħda tiġi żviluppata teknoloġija indipendenti. Proċessi bħal dawn jistgħu jinvolvu r-rilokazzjoni ta' l-attivitajiet, b'telf reali ta' impjiegi. Dan jista' joħloq sens ta' ambjent prekarju fost l-impjegati. Min-naħa l-oħra, ir-rilokazzjoni tista' wkoll iżżid l-impjieg f'kumpaniji fl-Ewropa (9).

2.12

Żviluppi komplikati li jinħolqu minn transazzjonijiet bla għadd, għaqdiet u akkwisti li qegħdin jitwettqu madwar id-dinja juru li r-rilokazzjoni, bħala riżultat tal-bidliet fil-produzzjoni u fil-linji tas-servizzi, m'hijiex proċess lineari jew b'direzzjoni waħda biss. L-ispiża tal-produzzjoni tirrappreżenta parti waħda biss mit-totalità tal-konsiderazzjonijiet. Qegħdin jiġu kkunsidrati numru ta' fatturi oħra, li ma jiffurmawx is-suġġett ta' din l-opinjoni. Dawn jinkludu loġistika kumplessa, spejjeż għoljin għat-trasport, tħassib ambjentali, oqsfa regolatorji, il-ħarsien tal-proprjetà intellettwali u d-disponibilità ta' materji primi kif ukoll it-teknoloġija u l-kompetenza speċifika. Meta jitqiesu dawn il-konsiderazzjonijiet kollha, xi drabi jista' jkun ta' benefiċċju għall-manifattura u s-servizzi li jirritornaw fl-Ewropa.

2.13

Mill-banda l-oħra, ir-rilokazzjoni tista' tikkonċerna wkoll attivitajiet innovattivi, li jistgħu jfissru telf ta' għarfien għall-Ewropa. Fil-verità, ir-rilokazzjoni tista' tgħawwar il-ħila għall-innovazzjoni ta' l-industriji Ewropej fuq perijodu fit-tul jekk ma jissaħħux l-għarfien u r-riċerka fl-UE. F'din il-perspettiva n-numru dejjem jiżdied ta' l-inġiniera fl-Indja u ċ-Ċina (45 % ta' l-inġiniera fid-dinja) huwa punt li jirrivela ħafna.

2.14

Barra minn dan, il-fatt li żgħażagħ bi kwalifiki tajbin qegħdin iħallu lill-Ewropa jew juru preferenza li jaħdmu f'kumpaniji kbar (10) jista' jirriżulta f'nuqqas ta' nies ikkwalifikati fl-IICs Ewropej.

2.15

Kumpaniji kbar huma ta' sikwit f'qagħda aħjar li jiffaċċjaw l-isfidi msemmija hawn fuq. Ġeneralment, għandhom aċċess relattivament faċli għall-banek u s-swieq kapitali, huma involuti f'kull tip ta' interazzjoni u interoperabilità ma' kumpaniji oħra, għandhom aċċess għal medda wiesa' ta' swieq u huma fuq quddiem fil-proċess ta' l-outsourcing. Madankollu, huma inqas flessibbli minn kumpaniji iżgħar.

3.1

L-indikaturi kollha juru li l-proċess tal-frammentazzjoni tal-produzzjoni, ta' l-ispeċifikazzjoni (customisation) u tan-netwerks globali ser ikompli. Fil-biċċa l-kbira ta' l-oqsma, kumpaniji kbar multinazzjonali jaġixxu bħala mexxejja strateġiċi, iżda ħafna mix-xogħol huwa magħmul minn numru jiżdied ta' IICs.

3.2

Xi drabi, l-IICs, minkejja l-potenzjal għoli, minħabba n-neċessità li jadottaw approċċi fil-perijodu l-qasir, ikollhom jaħdmu ħafna sabiex jaċċessaw swieq ġodda, huma ta' spiss dipendenti fuq ordnijiet regolari minn ċerta klijenti kbar u ta' sikwit m'għandhomx aċċess daqshekk tajjeb għas-swieq kapitali. Barra minn hekk, huma esposti ħafna għar-riskju ta' diżordni fil-katina tal-provvista, relatati mat-tnaqqis fl-ispejjeż li huma mitluba kostantament mill-klijenti l-kbar. Fil-punti segwenti, l-enfasi qiegħda fuq l-ikbar sfidi li jiffaċċjaw dawn l-intrapriżi.

3.3

Ħafna mit-titjib fil-kondizzjonijiet tal-qafas ta' kumpaniji relattivament żgħar u ta' daqs medju sempliċiment jiddependi fuq attitudnijiet fis-soċjetà u fi ħdan il-kumpaniji nfushom. F'xi Stati Membri u xi reġjuni l-attitudnijiet lejn dan it-tip ta' kumpaniji huma iktar pożittivi milli f'oħrajn. L-iskambju ta' l-aħjar prassi għalhekk għandha tkun imħeġġa.

3.4

L-IICs għandhom jitħeġġu sabiex ikunu miftuħin għall-kooperazzjoni u sabiex jiżviluppaw proġetti konġunti. Dawn it-tipi ta' kooperazzjoni u proġetti jistgħu jsaħħu l-pożizzjonijiet tas-suq u jappoġġjaw in-negozji tal-provvedituri mal-klijenti l-kbar. Jistgħu jgħinu wkoll sabiex jitpattew l-effetti ta' ħsara tal-lock-in/lock-out.

3.5

Għandu jitħeġġeġ l-użu tas-software open source (sors miftuħ) (11) u l-aċċess liberu għat-tekonoloġiji ta' l-inġinerija u l-istandards. L-interfacing effettiv ta' l-IICs ma' l-istituti tar-riċerka huwa importanti ferm.

3.6

Il-clustering u n-netwerks madwar il-kumpaniji u ż-żoni industrijali ewlenin u f'ambjenti industrijalizzati ħafna u ta' livell għoli tat-teknoloġija jistgħu jkunu ta' appoġġ qawwi għal dak il-għan, (12) għax iħeġġu l-iskemi kollaborattivi bejn il-kumpaniji. Attitudnijiet miftuħa lejn universitajiet u istituti teknoloġiċi ġara, flimkien ma' approċċ adattat minn awtoritajiet lokali u reġjonali, huma kruċjali. ‛Żoni industrijali' madwar ċentri teknoloġiċi, parks tax-xjenza u universitajiet jistgħu jkunu ta' benefiċċju kbir għall-kumpaniji żgħar.

3.7

Il-banek u l-partijiet finanzjari ġenerali għandhom jitħeġġu sabiex jadottaw attitudni iktar pożittiva lejn it-teħid tar-riskju. L-evidenza statistika turi li fid-dinja finanzjarja Amerikana hemm attitudni iktar pożittiva lejn ir-riskju u din tipproduċi riżultati sinifikanti. Aċċess miftuħ għas-swieq kapitali fl-Ewropa huwa, f'kwalunkwe każ neċessarju — iktar u iktar billi f'ħafna każijiet il-piż finanzjarju fil-proċessi tal-produzzjoni għandhom tendenza jiċċaqalqu mill-kumpaniji l-kbar għall-provvedituri iżgħar.

3.8

Fl-industrija awtomotiva, per eżempju, l-outsourcing ħoloq problema finanzjarja għal ħafna kumpaniji, għax kemm il-proċess ta' l-iżvilupp kif ukoll il-perijodu tal-ħlas tal-qligħ huma twal — dawn sikwit jieħdu minn 3 sa 5 snin għall-perijodu ta' l-iżvilupp u minn 5 sa 7 snin għall-perijodu għall-ħlas tal-qligħ. Fl-Istati Uniti, din il-problema hija parzjalment solvuta permezz ta' aċċess aktar faċli għall-kapital privat u, f'ħafna pajjiżi li għadhom qegħdin jiżviluppaw, permezz ta' regoli ġenerużi tat-taxxa u ta' l-għajnuna Statali. F'dan il-qasam, il-kondizzjonijiet fl-Ewropa għandhom bżonn jitjiebu mingħajr dewmien, partikularment fir-rigward ta' l-IICs u l-bżonnijiet tagħhom sabiex jiffinanzjaw ir-Riċerka u l-Iżvilupp (R&D) għall-innovazzjoni teknoloġika. Apparti l-miżuri mill-gvernijiet, il-banek — inkluż l-Bank ta' l-Investiment Ewropew (EIB) li jaħdem b'kooperazzjoni stretta ma' l-imsieħba bankarji madwar l-Ewropa — u l-ekwità privata għandhom jaqdu r-rwol tagħhom ukoll.

3.9

Il-KESE jinnota b'interess kbir li l-orjentazzjonijiet fil-Komunikazzjoni tal-Kummissjoni bit-titolu “L-implimentazzjoni tal-Programm ta' Lisbona: l-iffinanzjar tat-tkabbir ta' l-SME — Inżidu l-Valur Ewropew” (13). Pont iktar konvenjenti huwa meħtieġ bejn l-istituzzjonijiet finanzjarji u l-ekwità privata, fuq naħa, u l-SMEs fuq naħa oħra.

3.10

Id-dipendenza fuq il-klijenti l-kbar hija problematika, partikularment fir-reġjuni mono-industrijali, meta l-IICs huma imsakkrin 'il ġewwa jew 'il barra (locked in jew locked out) mill-ktajjen tal-provvista. Meta jikkoopera ma' kumpaniji kbar, il-provveditur ta' sikwit ikollu jagħmel użu mit-teknoloġija meħtieġa. Il-provvista lil klijent wieħed kbir biss tista' ġġiegħel lil provveditur li juża teknoloġija speċifika waħda.

3.11

L-istess jista' jiġri lill-provvedituri li huma msakkrin barra mill-katina (locked out) minħabba li m'għandhomx l-għodda meħtieġa sabiex jaċċessaw is-swieq addizzjonali u jipparteċipaw fi ktajjen jew netwerks tal-provvista oħra.

3.12

Il-kumpaniji l-kbar, madankollu, ma jridux ikunu dipendenti kompletament fuq provveditur wieħed, minkejja li dan kultant jiġri. F'numru ta' każijiet, il-produtturi l-kbar tal-karozzi jippreferu provvedituri uniċi, partikularment fir-rigward tar-riċerka, l-iżvilupp u l-produzzjoni ta' komponenti ġodda u sistema għall-prodott finali. Is-sitwazzjoni normali, madankollu, hija li l-kompetizzjoni ta' bejn il-provvedituri hija qawwija.

3.13

F'ċertu każijiet, l-iktar fl-industrija awtomotiva, ġiet innotata li l-ispejjeż għall-iżvilupp teknologiku ġew mgħoddija lill-provveditur, li kien ukoll mitlub jaqsam l-għarfien mal-kompetituri. Din tista' tkun ta' problema, speċjalment għal provvedituri li m'humiex monopolistiċi.

3.14

L-effetti lock-in u lock-out għandhom tendenza li jikbru skond kif jikber in-numru ta' applikazzjonijiet ta' l-ICT, minkejja li l-effett lock-in/lock-out ċertament m'hijiex kwistjoni biss ta' l-IT. Il-liċenzji huma ta' sikwit diffiċli sabiex jinkisbu. In-nuqqas ta' standardizzazzjoni u ta' interoperabilità, fuq naħa, u l-użu rari tat-teknoloġija ta' l-open source, mill-banda l-oħra, jimpedixxu l-investiment.

3.15

Hawnhekk ukoll (ara punt 3.6), il-kooperazzjoni u l-clustering jistgħu jgħinu jegħlbu n-nuqqasijiet li jinħolqu mill-proċessi hawn fuq imsemmija, notevolment fir-reġjuni mono-industrijali.

3.16

Il-proprjetà intellettwali hija kruċjali (14). Il-protezzjoni tad-drittijiet tal-proprejtà intellettwali tinvolvi sfidi partikulari għall-IICs, li ħafna minnhom huma kumpaniji żgħar u ta' daqs medju. Diġà ssemmew il-problemi li jiffaċċjaw dawn il-kumpaniji fl-iffinanzjar għar-riċerka u l-iżvilupp (R&D) u l-affarijiet m'għandhomx għalfejn jiġu agħar permezz tal-ħolqien ta' sitwazzjoni li tirriżulta fil-kompetituri tagħhom jaħsdu l-qligħ.

3.17

Il-brevetti għandhom rwol essenzjali x'jaqdu. Il-KESE esprima t-tħassib tiegħu f'ħafna opinjonijiet dwar “it-tfixkil ripetut fir-rigward ta' l-introduzzjoni tal-brevetta komunitarja”, li għamlet xi ftit ħsara lill-kredibilità tal-politika ta' l-UE dwar ir-riċerka u ma rnexxilhiex tħeġġeġ “lir-riċerka innovattiva maħluqa sabiex ittejjeb l-kompetittività”. (15) Minħabba li din il-kwistjoni daqshekk importanti ma ġietx indirizzata, dan wassal sabiex il-protezzjoni ta' l-innovazzjoni tkun tiswa ħafna flus (notevolment meta mqabbla ma' l-Istati Uniti u l-Ġappun), saħansitra xi kultant bi prezz għoli wisq għall-IICs.

3.18

Il-problema tal-prezz għoli tal-proċeduri tal-protezzjoni tad-drittijiet tal-proprjetà intellettwali huwa iżjed aggravat b'nuqqas ta' effikaċja li ta' sikwit tinħoloq minn nuqqas ta' infurzar. Fir-relazzjonijiet kummerċjali maċ-Ċina, l-iffalsifikar għandu jiġi indirizzat bħala kwistjoni ta' prijorità. Bħala riżultat ta' din il-problema ta' ffalsifikar, bosta kumpaniji ta' livell teknoloġiku għoli ma jridux iżidu l-investimenti tagħhom fiċ-Cina jew saħansitra li jneħħuhom (16).

3.19

Appendiċi 2 juri l-gravità ta' l-abbuż tad-drittijiet tal-proprjetà intellettwali u l-iffalsifikar fil-komponenti awtomotivi.

3.20

L-IICs speċjalizzati għandhom l-assi tagħhom stess. Opportunitajiet ġodda jinħolqu mill-qabża minn operazzjonijiet fuq skala kbira għad-deċentralizzazzjoni u l-approċċi magħmulin apposta, sakemm il-ħiliet korrespondenti huma żviluppati wkoll.

3.21

Il-fatt li madwar l-Ewropa l-maġġoranza ta' gradwati żgħażagħ jippreferu jaħdmu għal kumpaniji kbar huwa punt ta' tħassib. Hemm ħtieġa ċara sabiex jitħeġġu n-nies ħalli jaħdmu fl-IICs billi jtejjbu l-prospetti tal-karriera. Il-problema għall-IICs hija speċjalment qawwija meta n-numru globali ta' gradwati m'huwiex suffiċjenti, eż. fid-dixxiplini ta' l-inġinerija.

3.22

Dawk hekk imsejjħin “sistemi ta' formazzjoni doppja” — tagħlim u xogħol — li jitwettqu attwalment f'xi Stati Membri bħall-Ġermanja, l-Awstrija u l-Lussemburgu (“duale Ausbildung”) jistgħu jkunu ta' valur kbir għall-IICs.

3.23

It-titjieb tal-kwalifiki u l-ħiliet ta' l-impjegati huwa essenzjali. In-nies infushom kif ukoll l-intrapriża jistgħu jikkontribwixxu għall-istandards li qegħdin jogħlew (17). F'dan ir-rigward, it-titjib ta' l-ambjent tal-post tax-xogħol jista' jkun ta' benefiċċju. Kunċetti moderni tal-ġestjoni tar-riżorsi umani, inkluż ir-reviżjoni sistematika ta' l-iskemi ta' l-edukazzjoni u t-taħriġ, jistgħu jgħinu sabiex jinħolqu l-impjiegi. Dawn il-punti jridu jiġu indirizzati fil-qafas ta' l-approċċi settorjali, inkluż id-djalogu bejn l-imsieħba soċjali.

3.24

B'żieda mal-korrelazzjoni diretta bejn is-sistemi effiċjenti ta' l-edukazzjoni u l-kwalità tal-ħiliet ta' l-impjegati, l-importanza tat-trijanglu ta' l-edukazzjoni/l-innovazzjoni/ir-riċerka ma tistax tiġi stmata żżejjed. B'konnessjoni ma' dan, l-inizjattiva l-ġdida ta' l-UE “Ir-reġjuni għall-bidla ekonomika” tista' tkun ta' l-ikbar għajnuna għax tenfasizza d-dimensjoni reġjonali u l-impatt tar-riċerka, l-ħiliet teknoloġiċi u l-clusters ekonomiċi (18).

3.25

Sabiex jiġi sfruttat kompletament il-vantaġġ ta' l-opportunitajiet offruti lill-IICs permezz tat-titjib fil-ħiliet u l-intraprenditorija, l-importanza tad-dimensjoni territorjali ma tistax tiġi injorata. Il-globalizzazzjoni, li tfisser internazzjonalizzazzjoni dejjem tikber, iġġib magħha l-ħtieġa għar-rinfurzar korrespondenti tal-qrubija reġjonali. Dan jista' jitwettaq permezz ta':

3.26

Kemm l-intraprenditorija kif ukoll l-kreattività u l-flessibilità huma importanti ferm, fi kliem ieħor il-ħila ta' l-adattar rapidu għal ċirkostanzi li jinbidlu. Il-kumpaniji ż-żgħar u ta' daqs medju ta' sikwit għandhom iktar kapaċità li jirrispondu għall-isfidi mill-kumpaniji l-kbar. Dawn il-fatturi jistgħu tabilħaqq jgħinu lil ta' l-ewwel jipprofittaw mill-frammentazzjoni u l-ispeċifikazzjoni tan-netwerks (19).

4.1

Sabiex titjieb l-effiċjenza tal-katina tal-valur u tal-provvista huwa essenzjali li jinħoloq ambjent kummerċjali f'saħħtu għall-IICs. Il-KESE huwa tal-fehma li hemm żewġ strumenti ewlenin li ser jappoġġjaw il-preżenza ta' l-IICs Ewropej fin-netwerks madwar id-dinja: il-politika industrijali l-ġdida (inkluż l-approċċ settorjali tagħha) u l-FP7 (is-Seba' Programm ta' Qafas).

4.2

L-IICs għandhom ikunu involuti b'mod iktar sistematiku fil-qafas tal-politika industrijali. Il-Kummissjoni u l-Kunsill għandhom jagħmlu stħarriġ minn qabel u bi preċiżjoni ikbar dwar l-impatt fuq kumpaniji ta' livell tekniku għoli tal-leġislazzjoni mistennija f'oqsma bħall-iżvilupp tekniku u t-twaqqif ta' l-istandards. L-“industrija” hija wisq drabi llimitata għall-kumpaniji l-kbar. L-IICs — ta' sikwit maqbużin — għandhom jiġu kkonsultati separatament.

4.3

Il-KESE jenfasizza l-importanza ta' l-ICT għall-IICs. Jaqbel kompletament ma' l-għanijiet li identifikat il-Kummissjoni fil-Komunikazzjoni, bit-titolu “Intejjbu l-Fiduċja u l-Kunfidenza fis-Swieq Elettroniċi ta' bejn l-Intrapriżi” (20).

4.4

Il-Kummissjoni waqqfet ukoll e-Business Support Network (eBSN — netwerk Ewropew ta' appoġġ għall-kummerċ online) għall-SMEs. Il-KESE jaqbel ma' l-għan ewlieni ta' l-eBSN, li huwa li jgħaqqad flimkien l-esperti tal-kummerċ online fl-Ewropa sabiex jaqsmu l-esperjenza u l-prassi tajba.

4.5

Aspett essenzjali tal-politika industrijali ta' l-UE huwa d-djalogu miftuħ dwar id-direzzjonijiet tal-ġejjieni minn perspettiva settorjali, kif inhu prevvist fil-pjattaformi attwali tat-teknoloġija Ewropea. Minkejja li l-fruntieri bejn is-setturi qegħdin jisparixxu, approċċ speċifiku għas-settur għadu adattat f'dan il-qasam u joffri opportunitajiet milqugħa għall-IICs.

4.6

Ma tistax tkun enfasizzata żżejjed, l-importanza ta' l-innovazzjoni. Il-KESE jappoġġja l-proposta tal-Kummissjoni sabiex tiżviluppa swieq favur l-innovazzjoni billi tniedi inizjattiva ġdida li tmexxi s-suq immirata lejn l-iffaċilitar tal-ħolqien u t-tqegħid fis-suq ta' prodotti u servizzi ġodda innovattivi f'oqsma promettenti (21).

4.7

Huwa importanti li l-IICs jipparteċipaw fil-pjattaformi teknoloġiċi. Wieħed jispera li jinstabu modi u mezzi oħra sabiex jitneħħa t-tfixkil f'dan il-qasam. Għandha titwaqqaf Aġenda ta' Riċerka Strateġika li tinkludi l-IICs. Madankollu, id-dgħjufiji tradizzjonali ta' ħafna minn dawn id-ditti, bħan-nuqqas ta' fiduċja reċiproka, ħin, rappreżentanti disponibbli u, ta' sikwit, ta' enfasi strateġika huma wkoll viżibli fl-esperjenza ta' kuljum ta' dawk il-pjattaformi.

4.8

Sabiex jiddefinixxi Aġenda ta' Riċerka Strateġika, il-Grupp ta' Livell Għoli għall-Manifattura (22) għamel analiżi li fiha ideat simili dwar il-bidliet fir-rigward tal-prodotti ġodda ta' valur miżjud u t-taħlita tal-manifattura u s-servizzi, fuq naħa, u fir-rigward ta' forom innovattivi tal-produzzjoni fuq in-naħa l-oħra (23).

4.9

B'żieda ma' dan, l-effetti lock-in u lock-out fir-rigward tal-ktajjen tal-provvista, ta' sikwit ifixklu l-parteċipazzjoni effettiva fil-pjattaformi meta l-IICs — anke dawk b'potenzjal konsiderevoli — ma jkunux jistgħu jipparteċipaw f'sistemi interoperabbli.

4.10

Il-KESE huwa tal-fehma li viżjoni strateġika għandha tiġi żviluppata għall-IICs, li tista' tgħinhom jegħlbu d-diffikultajiet li jirriżultaw minn lock-in jew lock-out. L-għan għandu jkun l-interoperabilità. Dan jista' jitwettaq permezz ta':

4.11

Skond il-KESE, l-istess għan jista' jiġi promoss permezz tal-ħolqien ta' fora Ewropej għall-kooperazzjoni bejn l-IICs sabiex tinġabar il-kreattività u l-innovazzjoni ma' l-Ewropa kollha.

4.12

Kwistjoni ewlenija hija l-iffaċilitar ta' l-aċċess għas-swieq finanzjarji.

4.12.1

Il-KESE jikkunsidra li l-banek u l-partijiet finanzjarji oħra kkonċernati, bħall-fondi għall-kapital riskjuż, għandhom jitħeġġu sabiex jadottaw attitudni iktar pożittiva lejn it-teħid tar-riskju, billi per eżempju jinvestu f'IICs b'livell għoli ta' teknoloġija.

4.12.2

Eżempju speċifiku jkun li l-IICs jingħataw aċċess iktar faċli u indaqs għas-swieq kemm kapitali kif ukoll dawk ta' l-ekwità privata fl-adattar tad-dewmien li jista' jirriżulta minn perijodi twal ta' żvilupp u ħlas lura, li jistgħu jikkawżaw il-problemi. F'dan il-kuntest, ir-rwol tal-Bank Ewropew ta' l-Investiment (EIB) u l-Fond Ewropew ta' l-Investment (EIF) għandhom jiġu rinfurzati sabiex jiffaċilitaw l-aċċess għal strumenti ta' self ta' riskju, kapital riskjuż u skemi ta' garanzija (26).

4.12.3

Il-KESE jemmen li l-istituzzjonijiet finanzjarji bħall-EIB jistgħu jaqdu rwol ta' appoġġ usa', speċjalment f'konsorzja li jinkludu banek lokali, li għandhom għarfien tajjeb tal-kumpaniji fil-qasam tagħhom.

4.12.4

Fid-dawl tal-politika industrijali ġdida u tas-sħubiji ta' riċerka industrijali l-EIB bħalissa qiegħed jaħdem fuq strument ġdid konġunt ma' DG RTD, imsejjaħ l-Faċilità għat-Tqassim tar-Riskju Finanzjarju (Risk Sharing Finance Facility — RSFF). L-għan tiegħu huwa li jtejjeb l-aċċess għall-iffinanzjar tad-dejn, notevolment għar-riċerka fis-settur privat u attivitajiet relatati ma' profil b'riskju ogħla mill-medja, li m'huwiex kopert mis-suq.

4.13

Il-politika tat-taxxa hija r-responsabilità ta' l-Istati Membri. Madankollu, ikun opportun li kieku jiġu diskussi miżuri tat-taxxa mixtieqa fil-livell Ewropew immirati li jirrinfurzaw il-pożizzjoni ta' l-intrapriża Ewropea fin-netwerks għall-valur u għall-provvista madwar id-dinja kollha.

4.14

L-UE għandha tintegra fl-għanijiet tal-politika kummerċjali tagħha l-protezzjoni tad-dritt tal-proprjetà intellettwali ta' kumpaniji żgħar u ta'daqs medju, fid-dawl ta' l-attitudnijiet, ta' sikwit inġusti u mhux ta' min jorbot fuqhom, tas-swieq (kbar), li għadhom qegħdin jiżviluppaw fir-rigward tal-kumpaniji Ewropej.

4.15

Ir-riżorsi umani huma kruċjali. Iżjed minn qatt qabel, is-sistemi edukattivi huma pilastru indispensabbli tat-tkabbir ekonomiku sostenibbli. L-edukazzjoni, it-taħriġ vokazzjonali u t-tagħlim tul il-ħajja huma responsabilità konġunta ta' individwi, kumpaniji, imsieħba soċjali u awtoritajiet pubbliċi (27).

4.16

Diskussjonijiet settorjali bejn l-imsieħba soċjali għandhom jinkludu approċċi speċifikati għall-ġestjoni tar-riżorsi umani, inkluż l-iżvilupp ta' skemi għat-taħriġ iddisinnati sabiex jagħtu l-kwalifiki professjonali meħtieġa. Għandhom iqisu wkoll id-dimensjoni reġjonali tal-bidliet industrijali u l-inizjattiva ta' l-UE “Ir-reġjuni għall-bidla ekonomika” (28).

4.17

Fil-qafas ta' l-FP7, li huwa relatat ma' l-għanijiet tal-politika ġdida industrijali, għandha tingħata attenzjoni speċjali lill-konnessjonijiet mal-kumpaniji żgħar u ta' daqs medju, inkluż l-użu adattat ta' l-istrument ġdid RSFF li ġie żviluppat b'mod konġunt ma' l-EIB (29). F'proġetti avvanzati ta' l-ICT sponsorjati mill-FP7, il-parteċipazzjoni ta' l-IICs hija kritika sabiex ittihom il-faċilità li jingħaqdu ma' netwerks avvanzati u li jidħlu f'kooperazzjoni.

4.18

Fil-fehma tal-KESE, l-FP7 jista' jikkontribwixxi għall-ħolqien ta' politika permanenti għall-innovazzjoni li tinvolvi konnessjoni mill-qrib bejn iċ-ċentri ta' l-għarfien (unversitajiet, istituti tat-teknoloġija, skejjel għat-taħriġ vokazzjonali) u attività industrijali. Il-ktajjen jew in-netwerks tal-valur u tal-provvista huma essenzjali għal politika bħal din, billi l-programm huwa mmirat li jgħin l-iżvilupp ta' “prodotti estiżi” ġodda (magħrufa wkoll bħala “prodotti/servizzi” jew “servizzi integrati mal-prodott”) u proċessi ġodda. L-għan ta' dan kollu huwa li jinħoloq ambjent ta' netwerk uniku vijabbli fl-Ewropa, li huwa ta' benefiċċju għall-IICs ukoll.

4.19

Il-KESE jinnota li minħabba l-burokrazija huwa diffiċli li kumpaniji żgħar u ta' daqs medju jiddaħħlu fil-programmi tar-Riċerka u l-Iżvilupp (R&D). Il-proċeduri ta' l-għażla li jieħdu minn ta' l-inqas sena huma twal wisq għal dawn il-kumpaniji.

4.20

Huwa ferm mixtieq li jinħolqu l-kondizzjonijiet xierqa għall-iżvilupp ta' netwerk b'saħħtu ta' l-intrapriżi bi strutturi trasparenti relatati flimkien. Il-KESE jisħaq li l-FP7 għandu jgħin sabiex jiġu żviluppati disinni u operazzjonijiet ta' netwerks ottimizzati b'mod sistematiku f'ambjent industrijali dinamiku u kumpless.

4.21

B'mod simili, għandu jitħeġġeġ il-ħolqien ta' strutturi tal-loġistika u tal-ġestjoni tal-katina tal-provvista fil-livelli kemm strateġiċi kif ukoll operazzjonali.

4.22

Fil-każ ta' industriji inqas teknoloġiċi li huma marbutin fiżikament ma' l-Ewropa, il-programmi ta' riċerka jistgħu jappoġġjaw qligħ kontinwu fil-produttività u l-effiċjenza sabiex iżommu l-vantaġġ kompettitiv.

4.23

Fost il-ħafna aspetti li l-intrapriżi jridu jqisu sabiex jisfruttaw bis-sħiħ il-programmi ta' riċerka ta' l-UE, hemm l-importanza tat-twaqqif ta' netwerks adegwati. Minkejja li attwalment ma jagħmlux parti mill-kuntest ta' l-IICs fl-Ewropa, il-kooperazzjoni ta' qabel il-kompetizzjoni bejn il-kumpaniji tista' tkun utli, u l-istess għall-promozzjoni tar-relazzjonijiet kooperattivi.

4.24

Għalhekk, l-FP7 jimmira li jikkontribwixxi għal industrija ta' netwerk orjentata lejn l-għarfien, ibbażata fuq standards Ewropej, li huma elementi importanti għall-kooperazzjoni, il-konnessjoni u l-interoperabilità.

4.25

Il-KESE huwa tal-fehma li l-FP7 joffri opportunità kbira sabiex titjieb l-effiċjenza tan-netwerks tal-valur u tal-provvista u jsejjaħ lill-partijiet ikkonċernati sabiex jassiguraw l-implimentazzjoni sħiħa tiegħu. Dan ma japplikax biss għat-teknoloġiji li jtejbu l-interkonnettività (l-iktar ICT) iżda wkoll għal tekonoloġiji oħra li jiffaċilitaw — bħan-nanoteknoloġija.

4.26

B'mod parallel għall-iżviluppi fil-politika industrijali, il-kuntesti u l-azzjonijiet reġjonali u lokali huma importanti wkoll fl-FP7, b'mod partikulari fir-rigward tal-kooperazzjoni ta' l-IICs ma' kumpaniji kbar, universitajiet ġara, istituti teknoloġiċi u ċentri vokazzjonali tat-taħriġ (30).

20.7.2007   

MT

Il-Ġurnal Uffiċjali ta’ l-Unjoni Ewropea

C 168/10

1.1

Matul l-aħħar 50 sena, l-Ewropa nbidlet u l-globalizzazzjoni qiegħda taċċellera dan it-tibdil b'konsegwenzi konsiderevoli għaċ-ċentri ta' gravità ta' l-Ewropa li huma ż-żoni metropolitani. (2) Dawn iż-żoni huma fl-aħjar pożizzjoni sabiex jilqgħu l-isfidi u jisfruttaw l-opportunitajiet li huma r-riżultat ta' dan it-tibdil.

1.2

Il-KESE jemmen li l-evoluzzjoni taż-żoni metropolitani kif ukoll l-inizjattivi nazzjonali f'dan il-qasam għandhom ikunu s-suġġett ta' studju u ta' linji gwida fil-Kunsill u fil-Kummissjoni. Diskussjoni strutturata sew fil-livell Ewropew għandha tqiegħed l-approċċi nazzjonali f'perspettiva komuni, li tista' tħeġġeġ ukoll lill-atturi reġjonali.

1.3

Il-KESE huwa tal-fehma li dibattitu strutturat aħjar dwar u bejn iż-żoni metropolitani fl-Ewropa għandu jikkontribwixxi sabiex iħeġġeġ lil dawn ir-reġjuni sabiex jinvolvu lilhom infushom b'suċċess fl-aġenda ta' Lisbona-Gothenburg, li jista' jiġi rifless fil-Programmi Nazzjonali ta' Riforma.

1.4

Il-KESE jinnota li dawn l-aħħar snin kienu xhieda ta' dibattitu intens. Ir-rabta bejn il-metropoli l-kbar u l-istrateġija ta' Lisbona tqiegħed l-enfasi aktar minn qatt qabel fuq l-implikazzjonijiet soċjo-ekonomiċi ta' dawn il-metropoli l-kbar. Dan huwa pass 'il quddiem.

1.5

F'bosta pajjiżi u reġjuni, l-awtoritajiet pubbliċi, is-settur privat u s-soċjetà ċivili qegħdin jippruvaw joħolqu l-kondizzjonijiet neċessarji għall-iżvilupp sostenibbli taż-żoni metropolitani u sabiex jiżguraw il-kompetittività tagħhom fl-Ewropa u fid-dinja. B'mod partikolari għandu jingħata attenzjoni l-iżvilupp li sar fil-Ġermanja. Studji universitarji u oħrajn imwettqa fil-livell federali jikkontribwixxu għall-oġġettività tad-diskussjoni. Konferenzi interministerjali dwar iż-żoni metropolitani involvew lill-awtoritajiet nazzjonali u reġjonali.

1.6

Il-politika urbana tal-Kummissjoni kif ukoll l-abbozz ta' Aġenda Territorjali tal-Kunsill huma sinjali ta' progress. Huma joffru qafas għal politika urbana ambizzjuża. L-Aġenda tenfasizza ċerti karatteristiċi speċifiċi tal-metropoli l-kbar. Il-KESE jinnota madankollu li l-abbozz ta' Aġenda Territorjali għadu inċert wisq f'dan il-qasam.

1.7

Minkejja li jeżistu strutturi u approċċi differenti minn pajjiż għal ieħor l-isfidi u l-ambizzjonijiet tar-reġjuni urbani l-kbar huma fil-biċċa l-kbira l-istess.

1.8

Il-punti dgħajfin ta' żvilupp ekwilibrat taż-żoni metropolitani huma n-nuqqas ta' identità u ta' gvernanza xierqa. L-entitajiet amministrattivi eżistenti spiss huma antiki ħafna u jfixklu aġġustament progressiv.

1.9

Sabiex iż-żoni metropolitani jkollhom suċċess l-impenji f'diversi livelli — nazzjonali, reġjonali u urban — huma indispensabbli. Dan ifisser li l-awtoritajiet diċentralizzati jeħtieġu leġitimazzjoni, li tħaffef ukoll l-inizjattivi tas-settur privat u tal-korpi mhux governattivi.

1.10

Il-KESE jinnota mill-ġdid in-nuqqas ta' data soċjo-ekonomika u ambjentali komparabbli fil-livell Ewropew dwar iż-żoni metropolitani. Iqis li, minħabba li dan irid isir fil-livell Ewropew u nazzjonali, il-monitoraġġ annwali tal-prestazzjonijiet tar-reġjuni metropolitani Ewropej, mil-lat ekonomiku, soċjali u ambjentali, huwa neċessarju għat-titjib ta' l-għarfien dwar is-sitwazzjoni dwar kull waħda minnhom u sabiex titħaffef il-mobilizzazzjoni ta' l-atturi metropolitani kkonċernati.

2.1

Il-KESE jħeġġeġ lill-Kummissjoni sabiex tħejji Green Paper dwar iż-żoni metropolitani bħala komplement għall-Aġenda Territorjali u l-Linji Gwida Strateġiċi dwar il-koeżjoni sabiex jitħeġġeġ id-dibattitu Ewropew abbażi ta' analiżi objettiva.

2.2

Il-KESE jitlob li l-isfidi u l-ambizzjonijiet tal-metropoli l-kbar kif ukoll l-għarfien u l-esperjenzi ta' l-Istati Membri jiġu amalgamati sabiex jipprovdu perspettiva komuni u Ewropea u li l-prattiki tajba għandhom jixxerdu.

2.3

Il-KESE huwa tal-fehma li huwa neċessarju li l-Kummissjoni tieħu deċiżjoni politika sabiex l-Eurostat jiġi inkarigat mill-produzzjoni annwali ta' data affidabbli u komparabbli dwar iż-żoni metropolitani kollha ta' l-Unjoni Ewropea u li jiġu allokati finanzi supplementari lill-Eurostat sabiex ikun jista' jwettaq dan il-kompitu ġdid.

2.4

Sabiex l-Eurostat ikun jista' jwettaq dan il-kompitu kemm jista' jkun malajr, il-KESE jissuġġerixxi li jitwettaq studju pilota minn ESPON jew organizzazzjoni oħra kompetenti bil-għan li jiġu ttestjati l-metodi differenti maħsuba għad-delimitazzjoni taż-żoni metropolitani bi kriterji komuni u sabiex tiġi proposta lista ristretta ta' data li tista' tiġi prodotta mingħajr dewmien għaż-żoni metropolitani b'aktar minn miljun abitant għall-perijodu 1995-2005, b'mod partikolari permezz tad-data dettaljata li teżisti mis-sondaġġi Ewropej dwar il-forza tax-xogħol (3).

3.1

Fl-opinjoni tiegħu ta' l-2004, il-KESE ġibed l-attenzjoni għall-implikazzjonijiet soċjo-ekonomiċi taż-żoni metropolitani (4) li, skondtu, kienu fil-biċċa l-kbira sotto-valutati.

3.2

L-għan ta' dik l-opinjoni kien li l-istituzzjonijiet komunitarji jiġu sensibilizzati għall-iżvilupp kontinwu, u xi drabi impressjonanti, tal-konċentrazzjoni tal-popolazzjoni u l-attivitajiet ekonomiċi fiż-żoni metropolitani fl-Ewropa u fid-dinja.

3.3

Fl-opinjoni ta' l-2004, il-KESE kien talab sabiex l-iżvilupp tal-metropoli Ewropej jidher fuq l-aġenda komunitarja. Il-KESE kien minn ta' l-ewwel li enfasizza r-rabta diretta bejn ir-rwol tal-metropoli u l-implimentazzjoni ta' l-istrateġija ta' Lisbona. Iż-żoni metropolitani huma l-laboratorji ta' l-ekonomija dinjija. Huma l-muturi ta' l-ekonomija u ċ-ċentri tal-kreattività u l-innovazzjoni.

3.4

Fl-istess waqt, il-metropoli jiġbru konċentrazzjoni ta' l-isfidi ewlenin li l-Ewropa trid tegħleb fis-snin li ġejjin. B'mod partikolari huma jesperjenzjaw il-fenomeni tal-faqar u l-esklużjoni soċjali u tas-segregazzjoni territorjali b'effetti fuq l-impjiegi u l-kriminalità (internazzjonali) (5).

3.5

L-importanza tal-metropoli hija msaħħa bin-numru ta' skambji ta' tipi differenti bejniethom, fl-Ewropa u fil-livell dinji. In-netwerks li fihom jipparteċipaw il-metropoli jikkontribwixxu għat-tisħiħ ta' l-intergazzjoni Ewropea.

3.6

Fl-opinjoni ta' l-2004, il-KESE nnota li hemm nuqqas ta' studji komparattivi li jippreżentaw b'mod sodisfaċjenti s-saħħiet, id-dgħjufijat, ix-xkiel u l-opportunitajiet tagħhom.

3.7

Huwa għalhekk li fl-2004, il-KESE saħaq dwar il-ħtieġa ta' definizzjoni taż-żoni metropolitani Ewropej u dwar il-produzzjoni ta' data rilevanti u komparabbli, kif ukoll l-evalwazzjoni ta' l-indikaturi ewlenin ta' l-Istrateġija ta' Lisbona, għal kull metropoli

3.8

L-ekonomija ta' l-għarfien u s-soċjetà f'netwerk ikabbru l-faxxinu tal-metropoli għall-persuni u l-attivitajiet. F'ċerti Stati Membri hemm dibattitu ħaj fil-livell nazzjonali u reġjonali dwar il-politika li għandha tiġi implimentata fir-rigward tal-metropoli l-kbar u l-gvernanza tagħhom. Dawn id-diskussjonijiet huma ġieli segwiti minn xi azzjoni konkreta mill-aktar livell baxx jew mill-ogħla livell.

4.1

Fl-2004, il-KESE stieden lill-Kummissjoni sabiex twettaq studji integrati bil-parteċipazzjoni tal-Kummissarji kollha kkonċernati u sabiex tippreżenta regolarment rapporti dwar is-sitwazzjoni soċjo-ekonomika taż-żoni metropolitani u l-pożizzjoni tagħhom fil-livell Ewropew. B'hekk tkun possibbli evalwazzjoni aħjar tas-saħħiet u d-dgħjufijat tal-metropoli l-kbar sabiex jitfissru aħjar il-politiki u jkun iffaċilitat it-tixrid tal-prattiċi tajbin.

4.2

Fir-reazzjoni tagħha għas-suġġerimenti tal-KESE, il-Kummissjoni ddikjarat li taqbel mal-kostatazzjoni doppja magħmula mill-KESE dwar ir-rwol ċentrali taż-żoni metropolitani għat-twettiq ta' l-objettivi ta' l-Istrateġija ta' Lisbona u dwar in-nuqqas ta' data affidabbli u komparabbli fil-livell Ewropew dwar dawn l-entitajiet territorjali (6).

4.3

Minkejja din l-opinjoni konġunta, approċċ aktar immirat u integrat fir-rigward taż-żoni metropolitani mill-Kummissjoni għadu ma ġiex implimentat. Politika urbana qiegħda tiġi gradwalment implimentata, iżda f'dan il-qafas m'hemmx distinzjoni bejn “bliet u żoni metropolitani”. L-informazzjoni mogħtija mill-Istituti ta' l-istatistika hija inkompleti u, peress li tinħareġ skond definizzjonijiet nazzjonali, mhiex komparabbli fil-livell Ewropew.

5.1

Riċentament ġew imnedija bosta inizjattivi fil-livell nazzjonali u reġjonali li jirriflettu sew l-evoluzzjoni tal-metropoli. Dawn l-inizjattivi spiss jinkludu firxa ta' miżuri għall-appoġġ ta' żvilupp aktar armonjuż fir-rigward ta' l-infrastrutturi, l-organizzazzjoni tat-territorju, l-ekonomija u l-aspetti soċjali kif ukoll l-iżvilupp ta' l-infrastrutturi tat-trasport u tat-telekomunikazzjoni bejn il-metropoli nfushom. Xi eżempji ta' l-inizjattivi meħuda f'diversi pajjiżi jidhru hawn taħt. Din id-deskrizzjoni mhix eżawstiva.

5.1.1

Mill-1993 fil-Ġermanja hemm għaddejja diskussjoni approfondita dwar iż-żoni metropolitani. Saru studji u dibattiti universitarji bl-għan li titfassal, b'mod xieraq u oġġettiv, lista ta' funzjonijiet li għandhom il-metropoli l-kbar u li jidentifikawhom b'referenza għal din il-lista.

5.1.1.1

L-analiżi Ġermaniża wasslet għal qabża mill-approċċ tradizzjonali, bil-mappa nazzjonali tal-bliet, muniċipalitajiet u Länder għal approċċ differenti li jippreżenta mappa ġdida tal-Ġermanja b'“Leitbilder” jew immaġini prinċipali ġodda. Abbażi tal-linji gwida u tal-programmi ta' azzjoni fil-qasam tal-politika ta' l-organizzazzjoni territorjali (datati mill-1992 u mill-1995), li kienu enfasizzaw l-importanza u r-rwoli taż-żoni metropolitani, il-Ġermanja, permezz tad-deċiżjoni tat-30 ta' Ġunju 2006 tal-Konferenza Interministerjali tal-Ministri tal-Bund u tal-Länder għall-organizzazzjoni tat-territorju, għandha ħdax-il reġjun metropolitan. L-ewwel Konferenza Interministerjali f'dan il-qasam seħħet fl-2003.

5.1.1.2

Il-mappa tar-reġjuni metropolitani Ġermaniżi turi nuqqas bejn l-organizzazzjoni amministrattiva eżistenti u l-limiti ġeografiċi tar-reġjuni metropoli. Per eżempju, ir-reġjun metropoli ta' Nürnberg fih il-belt ta' Nürnberg u serje ta' muniċipalitajiet urbani u rurali ġirien. Oħrajn ikopru, parzjalment, bosta Länder, per eżempju Frankfurt/Rhin/Main u Ħamburg. Oħrajn huma parti minn Land, bħal per eżempju Munich u Ruhrgebeit. F'numru ta' każijiet teżisti diġà reġjonalizzazzjoni skond temi, per eżempju fil-qasam tal-kultura, ta' l-isport, tas-sostenibbiltà, tal-pajsaġġi. Fil-każijiet kollha, it-territorju jinkludi bliet, importanti jew żgħar, u żoni rurali. B'hekk huwa possibbli li ssir delimitazzjoni tajba tat-territorju taż-żoni metropolitani in kwistjoni.

5.1.1.3

M'hemmx miżuri speċifiċi nazzjonali previsti (għalissa). Iż-żoni metropolitani ġew mistiedna jiddefinixxu l-ispeċifitajiet proprji għalihom u sabiex jenfasizzawhom. L-objettiv huwa l-iżvilupp ta' żoni metropolitani Ġermaniżi li jkunu entitajiet awtonomi fil-kuntest Ewropew u internazzjonali. Huwa minnu li l-politiki nazzjonali bħal, per eżempju, il-politika ferrovjarja jew ta' l-ajru, jistgħu jappoġġaw l-ambizzjonijiet ta' dawn iż-żoni.

5.1.1.4

Sabiex jingħata appoġġ lill-leġittimità ta' dan l-approċċ il-ġdid, iż-żoni metropolitani huma mistiedna sabiex jistabbilixxu sistemi ta' rappreżentazzjoni demokratika, kull waħda skond l-ispeċifitajiet u l-viżjoni tagħhom. Huma ħielsa li jiddefinixxu l-proċeduri, permezz ta' elezzjonijiet diretti bħal fil-każ tar-reġjun ta' Stuttgart, jew permezz ta' rappreżentazzjoni indiretta tal-bliet u tal-muniċipalitajiet bħal fil-każ tar-reġjun ta' Nürnberg.

5.1.1.5

L-objettivi politiċi li għandhom jiġu diskussi u mwettqa fil-qafas ta' dawn iż-żoni metropolitani — li għandhom karatteristiċi differenti — huma dawn li ġejjin: il-garanzija tal-massa kritika neċessarja għall-kompetittività, il-ħolqien tal-kondizzjonijiet għal gvernanza effettiva, il-kjarifika tad-diviżjoni tar-responsabbiltajiet, l-iżvilupp ta' organizzazzjoni territorjali poliċentrika, is-sejbien ta' bilanċ sodisfaċenti bejn l-urbanizzazzjoni u l-protezzjoni ta' l-ispazji rurali, l-iżvilupp ta' l-infrastrutturi tat-trasport u l-assigurazzjoni tal-mobilità, l-appoġġ għall-innovazzjoni u r-raggruppamenti ekonomiċi, il-ġestjoni tar-'riskji' teknoloġiċi u r-riskji naturali, il-kisba tar-riżorsi neċessarji għall-investimenti pubbliċi, it-titjib ta' l-aċċessibbiltà internazzjonali, l-assigurazzjoni tal-promozzjoni tar-reġjun.

5.1.2

Fir-Renju Unit, l-interess għat-tisħiħ ta' l-iżvilupp tal-metropoli beda fil-bidu tas-seklu. Fl-2004 ġiet ippubblikata memorandum tal-Gvern dwar il-kompetittività taż-żoni metropolitani għajr Londra (7). L-għan kien li jinħolqu l-kondizzjonijiet għat-tisħiħ ta' l-awtonomija tas-“city-regions” f'kuntest internazzjonali. Iżda l-proċess previst ġie mwaqqaf, b'mod partikolari minħabba referendum negattiv dwar il-ħolqien ta' assembleja reġjonali fir-reġjun ta' Newcastle.

5.1.2.1

Attwalment id-diskussjoni fir-Renju Unit hija dwar it-tqassim tal-kompetenzi bejn il-livell nazzjonali u l-livell reġjonali u minn naħa l-oħra bejn il-bliet u l-muniċipalitajiet fir-reġjuni l-aktar popolati li ġew identifikati bħala żoni metropolitani futuri. L-idea li jinħolqu xi “city-regions” għad għandha rilevanza. Minkejja l-ambigwità tad-dibattitu li għaddej, dalwaqt ser tiġi ppubblikata White Paper dwar is-suġġett u qiegħda titħejja forma ġida ta' organizzazzjoni territorjali bbażata fuq kriterji rikonoxxuti, simili għal dik fil-Ġermanja.

5.1.2.2

Għandha ssir distinzjoni bejn politika ta' diċentralizzazzjoni u l-appoġġ għall-iżvilupp tal-metropoli. Ta' l-aħħar huwa kkaratterizzat minn flessibbiltà u alleanzji bejn muniċipalitajiet bil-ħsieb li jittejbu l-opportunitajiet u jiġu ffaċċjati l-isfidi flimkien. Eżempju tajjeb huwa l-iżvilupp fit-tramuntana ta' l-Ingilterra (Manchester, Liverpool, Leeds, Sheffield, Newcastle u York) ta' inizjattiva li tibda mill-aktar livell baxx li jisimha n-“Northern Way”. Dan l-iżvilupp huwa kkarratterizzat minn numru ta' ftehimiet fi ħdan iż-żona metropolitana.

5.1.2.3

Approċċ mill-aktar livell għoli b'risposta għal inizjattivi lokali u reġjonali huwa kkunsidrat bħala indispensabbli għaliex bosta deċiżjonijiet strateġiċi jistgħu jittieħdu biss bi ftehim komuni. Dawn id-deċiżjonijiet jistgħu jidhru fi tliet Aġendi: Aġenda tal-Kompetittività bl-għan li jingħata appoġġ lir-reġjuni bl-aħjar prestazzjoni u liar-reġjuni bl-inqas prestazzjoni, Aġenda tal-Koeżjoni Soċjali favur il-popolazzjonijiet żvantaġġati, u Aġenda ta' l-Ambjent li tinkludi b'mod partikolari l-miżuri għat-titjib tal-kwalità tal-ħajja u għall-konservazzjoni tar-riżorsi naturali. F'dawn it-tliet oqsma, iż-żoni metropolitani huma kkunsidrati bħala l-aħjar livell ġeografiku sabiex jiġu implimentati dawn il-politiki.

5.1.3

Fi Franza, id-dibattitu ilu għaddej mill-1960. Sa reċentement ttieħdu ftit wisq miżuri konkreti għaliex id-dimensjoni politika tad-dibattitu kienet sotto-valutata. B'mod aktar ġenerali, dan in-nuqqas ta' dimensjoni politika kien jidher ċar madwar l-Ewropa kollha.

5.1.3.1

Fl-2004, id-DIACT (8) nieda talba għal proġetti metropolitani bl-għan li tiġi stimulata l-kooperazzjoni bejn il-bliet il-kbar u jingħata appoġġ lill-iżvilupp ekonomiku tar-reġjuni metropolitani. Ħmistax-il proġett metropolitan, imħejjija mill-awtoritajiet lokali, intgħażlu minn ġurija magħmula mid-diretturi tal-ministeri kkonċernati u esperti. Il-proġetti ġew ikkomunikati fl-2006. Fl-2007, kuntratti metropolitani ser jibbenefikaw mill-għajnuna finanzjarja ta' l-Istat għall-implimentazzjoni ta' miżuri strutturali. Permezz ta' din l-inizjattiva, id-DIACT jagħraf l-importanza tar-reġjuni metropolitani bħala li jaqdu rwol importanti fil-kompetittività tar-reġjuni.

5.1.4

Fl-Italja kif ukoll fi Spanja, ir-reġjonalizzazzjoni qiegħda tagħmel progress. Dan l-iżvilupp li ma jikkonċernax direttament liż-żoni metropolitani joħloq għaldaqstant opportunitajiet (legali) ġodda għall-gvernanza tal-metropoli.

5.1.4.1

Fl-Italja, liġi li għaddiet fl-1990 stabbiliet approċċ li jibda mill-ogħla livell li jidentifika 14-il żona metropolitana. Din ma ġietx implimentata. Liġi ġdida fl-1999 awtorizzat inizjattivi mill-aktar livell baxx għall-ħolqien ta' żoni metropolitani. Assembleja waħda biss li tiġbor 20 muniċipalità u li għandha baġit ġiet stabbilita fir-reġjun ta' Bolonja. Fl-aħħar nett, riforma kostituzzjonali fl-2001 awtorizzat l-istabbiliment ta' tliet żoni metropolitani madwar Ruma, Napli u Milan. L-implimentazzjoni ta' din ir-riforma tnediet mill-ġdid dan l-aħħar.

5.1.4.2

Fi Spanja, id-dibattitu territorjali huwa kondizzjonat mill-awtonomija reġjonali. Il-komunitajiet awtonomi għandhom kompetenzi esklużivi f'dan il-qasam. B'hekk, huma responsabbli għaż-żoni metropolitani. Fl-istess waqt, għaddej proċess ta' tisħiħ ta' l-ibliet il-kbar flimkien ma' prova ta' saħħa bejn il-gvern ċentrali, il-muniċipalitajiet awtonomi u ż-żoni metropolitani bħal Madrid, Barċellona u Valenzja. Mudell differenti huwa Bilbao li huwa suċċess mil-lat tal-metropolitanizzazzjoni bi sħubija pubblika-privata.

5.1.4.3

L-identifikazzjoni taż-żoni metropolitani mhix limitata biss għall-pajjiżi l-kbar u lanqas għall-pajjiżi nfushom. L-eżempji taż-żoni metropolitani taċ-ċentru ta' l-Ewropa, jiġifieri Vjenna-Bratislava-Brnö-Gjör, reġjuni li jinsabu f'erba' pajjiżi(!), u Kopenħagen-Malmö (id-Danimarka u l-Isvezja) huma fost dawk l-aktar magħrufa. It-tnejn li huma sejrin 'il quddiem. Fl-Olanda bħalissa għaddejja diskussjoni approfondita dwar il-gvernanza l-aktar xierqa għar-Randstad sabiex titneħħa l-frammentazzjoni amministrattiva li qiegħda timblokka l-iżvilupp infrastrutturali, spazjali u soċjo-ekonomiku tiegħu.

5.1.5

Fl-Istati Membri l-ġodda hemm żviluppi komparabbli għal dawk fil-pajjiżi msemmija hawn fuq. Fil-Polonja, il-gvern identifika numru ta' żoni metropolitani jew “city-regions”. Eżempju ta' dan huwa r-reġjun ta' Katowice li dan l-aħħar kiseb l-istatut speċifiku ta' żona metropolitana. Madankollu, l-iżvilupp urbanistiku u metropolitan bħala regola qiegħed isir b'mod mhux ikkontrollat u, b'hekk, b'mod arbitrarju minħabba n-nuqqas ta' gvernanza reġjonali xierqa. Huwa għalhekk li ċerti metropoli qegħdin iduru lejn il-prattiki u l-għarfien tal-pajjiżi b'tradizzjoni ta' politika deċentralizzata.

5.1.6

Il-Kmamar tal-Kummerċ u ta' l-Industrija bħala rappreżentanti viżibbli u attivi fid-dinja ta' l-intrapriża fil-livell lokali u reġjonali huma wkoll involuti fil-proċess tal-metropolitanizzazzjoni, b'mod partikolari il-Kmamar tal-kapitali u tas-“city-regions”. Huma jipparteċipaw f'kull qasam għall-faxxinu u għall-iżvilupp ekonomiku u kulturali tat-territorji tagħhom b'konsiderazzjoni tal-ħtiġiet tal-kwalità tal-ħajja u tar-rispett għall-ambjent.

6.1

Fil-livell ta' l-UE l-implimentazzjoni ta' l-Istrateġija ta' Lisbona hija l-objettiv prinċipali tal-Kummissjoni Barroso. Il-Kummissarji kollha huma involuti. Id-DĠ REGIO poġġa l-Istrateġija ta' Lisbona fiċ-ċentru tal-“istil ġdid” tal-politika reġjonali, bl-iżvilupp urban fuq quddiem nett.

6.1.1

“Lisbona” u l-iżvilupp urban saru prijoritajiet fir-reġjuni kollha li jibbenefikaw minn programmi komunitarji. Dawn il-programmi mhumiex indirizzati espliċitament għaż-żoni metropolitani. Għal dawn iż-żoni, il-programm URBACT huwa fost l-aktar programmi rilevanti (9).

6.1.2

Apparti d-DĠ REGIO jeżistu programmi speċifiċi, amministrati minn Direttorati-Ġenerali oħra, per eżempju id-DĠ Riċerka, id-DĠ Ambjent u d-DĠ Trasport, li spiss huma importanti għall-metropoli, minħabba li, huma wkoll jinsabu bbażati aktar minn qatt qabel fuq l-objettivi ta' “Lisbona”. Il-metropoli nfushom mhumiex ikkonċernati direttament, iżda l-programmi kollha li għandhom l-għan li jsaħħu l-prestazzjoni tal-bliet japplikaw ukoll għall-metropoli.

6.1.3

F'Ġunju 2006, grupp ta' ħidma tal-Kunsill ippubblika l-ewwel abbozz għal aġenda territorjali (10). It-tendenzi fl-urbanizzazzjoni tas-soċjetà Ewropea huma deskritti sew f'dan id-dokument. Madankollu għad mhemmx distinzjoni ċara bejn l-ibliet u ż-żoni metropolitani.

6.2

Bosta laqgħat informali tal-Kunsill tal-Ministri għall-Organizzazzjoni tat-Territorju kienu dedikati għall-isfidi ta' l-ibliet (il-kbar) (11). L-organizzazzjoni tat-territorju hija kompetenza ta' l-Unjoni skond it-Trattat attwali fil-qafas tat-Titolu dwar l-Ambjent fl-Artikolu 175(2) (12).

6.3

Il-Parlament Ewropew  (13) jenfasizza li l-ibliet u l-agglomerazzjonijiet jew iż-żoni urbani jiġbru 78 % tal-popolazzjoni ta' l-Unjoni u jirrappreżentaw post fejn huma kkonċentrati d-diffikultajiet kif ukoll post fejn wieħed jibni l-futur. Huwa jikkunsidra li dawn huma atturi ċentrali ta' l-iżvilupp reġjonali u tat-twettiq ta' l-objettivi ta' Lisbona u ta' Gothenburg.

6.3.1

Il-Parlament Ewropew jitlob li d-Direttorati Ġenerali kollha tal-Kummissjoni li jaħdmu direttament jew indirettament fuq il-kwistjonijiet urbani sabiex jikkoordinaw l-isforzi tagħhom sabiex jiġu identifikati l-problemi konkreti tar-realtà urbanistika f'kull qasam ta' azzjoni u jippreżentaw flimkien l-effetti pożittivi tal-politiki implimentati. Huwa jipproponi l-ħolqien ta' task-force bejn is-servizzi u jitlob li jiġi stabbilit djalogu territorjali.

6.4

Il-Kumitat tar-Reġjuni jiġbed l-attenzjoni ta' l-istituzzjonijiet Ewropej b'aktar insistenza fuq l-isfidi li huma kkonfrontati minnhom r-reġjuni urbani. Il-konklużjonijiet huma bbażati fuq l-istess tħassib u l-istess prinċipji ta' dawk tal-PE u tal-KESE.

6.4.1

Il-Kumitat tar-Reġjuni jenfasizza r-realtajiet tar-“reġjuni funzjonali” u tal-kooperazzjoni bejn l-imsieħba lil hinn mill-fruntieri amministrattivi — nazzjonali, reġjonali u lokali — li għandhom ikunu favorizzati mill-politiki komunitarji permezz ta' inċentivi speċjali, bħall-promozzjoni ta' proġetti ta' żvilupp strateġiku ta' żoni kbar. Huwa partikolarment importanti li jinħolqu netwerks ġodda ta' kooperazzjoni u li jissaħħu n-netwerks eżistenti bejn iż-żoni metropolitani u ż-żoni urbani, b'mod partikolari permezz tal-kooperazzjoni li teżisti bħalissa permezz ta' l-inizjattiva Interreg III, li ser tidħol fis-seħħ matul il-perijodu 2007-2013 permezz ta' l-objettiv tal-kooperazzjoni territorjali. (14)

6.5

Fid-dikjarazzjonijiet tiegħu ta' Marzu u ta' Settembru 2006, in-netwerk METREX (15) enfasizza li huwa neċessarju li ż-żoni metropolitani jiġu definiti u jiġu rikonoxxuti bħala elementi ċentrali ta' l-Aġenda Territorjali ta' l-Unjoni Ewropea. Huwa talab għall-produzzjoni ta' data komparabbli fil-livell Ewropew dwar iż-żoni metropolitani kif ukoll li titħejja Green Paper mill-Kummissjoni bbażata fuq tliet elementi ewlenin: il-kompetittività ekonomika, il-koeżjoni soċjali u l-protezzjoni ta' l-ambjent. Huwa jikkunsidra li bosta problemi importanti, bħall-bidla fil-klima, it-tixjiħ demografiku jew l-immigrazzjoni, li l-Ewropa trid tiffaċċja, ma jistgħux jiġu riżolti b'mod effettiv u integrat, ħlief bl-għajnuna tal-metropoli. Fl-aħħar, huwa jikkunsidra li ż-żoni metropolitani jistgħu jaqdu rwol ewlieni fit-twettiq ta' l-objettivi ta' Lisbona, b'mod partikolari sabiex tkun żgurata l-kompetittività ta' l-Ewropa fix-xena dinjija.

6.6

In-numru ta' reġjuni rappreżentati fi Brussel kiber sostanzjalment fl-aħħar 15-il sena (16). Fil-konferenzi organizzati minnhom, l-iżvilupp u l-prestazzjoni taż-żoni metropolitani spiss huma fost is-suġġetti l-aktar diskussi.

6.7

Filfatt, grupp ta' reġjuni, rappreżentat fi Brussel, twaqqaf taħt l-isem “Ir-Reġjuni ta' Lisbona”.

6.8

Matul dawn l-aħħar snin ġew prodotti numru importanti ta' informazzjoni, data, indikaturi u rapporti dwar ir-reġjuni Ewropej fil-qafas tal-programm ESPON. Madankollu, minħabba l-fatt li l-limiti amministrattivi reġjonali huma differenti ħafna minn dawk taż-żoni metropolitani, ir-riżultati ta' din il-ħidma ta' kwalità għolja ma jipprovdux lil dawk responsabbli mill-iżvilupp, mill-organizzazzjoni u mill-ġestjoni taż-żoni metropolitani bl-informazzjoni u l-analiżi neċessarji għat-tfassil ta' politiki l-aktar adattati sabiex jintuża l-potenzjal kollu disponibbli fil-metropoli.

6.9

Id-DĠ għall-politika reġjonali u l-Eurostat nedew il-proġett Audit urban sabiex jipprovdu indikaturi affidabbli u komparabbli dwar ċertu numru ta' bliet (17). Il-KESE jilqa' l-isforzi li saru sabiex tiġi prodotta data dwar iż-żoni urbanistiċi. Madankollu, il-karatteristiċi ta' l-informazzjoni prodotta ma jippermettux użu wiesa' tagħha (18).

7.1

Il-KESE jinnota li d-dibattitu dwar iż-żoni metropolitani sar ħafna aktar intens fis-snin riċenti għal żewġ raġunijiet. Min-naħa waħda, il-multiplikazzjoni tal-metropoli madwar id-dinja wriet li organizzazzjoni urbana ġdida kienet qiegħda tiġi stabbilita b'rittmu mgħaġġel ħafna (19). Min-naħa l-oħra, ir-rikonoxximent tar-rabta bejn l-iżvilupp ekonomiku, soċjali u ambjentali tal-metropoli l-kbar u l-Istrateġija ta' Lisbona kkontribwixxa għal dan id-dibattitu.

7.2

Fl-Istati Membri kollha, kbar u żgħar, avvanzati u inqas avvanzati, seħħew diskussjonijiet politiċi u soċjali dwar l-aħjar approċċ.

7.3

Dawn id-diskussjonijiet seħħew l-ewwel f'kuntest nazzjonali. Madankollu, f'bosta każijiet, l-awtoritajiet jirrikonoxxu li d-dimensjoni ta' ċerti metropoli mhix limitata għat-territorju nazzjonali. L-eżempji ta' Kopenħagen-Malmö u ta' Vjenna-Bratislava diġà ssemmew, iżda għandhom jissemmew xi żoni metropolitani identifikati mill-awtoritajiet Franċiżi bħal Metz-Lussemburgu-Saarbrücken u Lille-Kortrijk. Madwar l-Unjoni kollha qiegħed jiżdied in-numru ta' reġjuni transkonfinali li għandhom potenzjal li jsiru żona metropolitana.

7.4

Minkejja l-intensifikazzjoni tad-dibattitu matul isnin, il-KESE jinnota li dawn l-istrutturi ġodda għadhom fil-bidu tagħhom.

7.5

Il-maġġoranza l-kbira ta' l-ibliet u ż-żoni metropolitani li jridu juru l-importanza tagħhom fil-livell Ewropew u globali jippreżentaw is-sitwazzjoni tagħhom bl-użu ta' ċifri nazzjonali jew reġjonali mingħajr ma huma stess ikunu konxji tad-daqs veru tat-territorju li għalih huma jirreferu. Din hija waħda mill-konsegwenzi tad-differenza bejn iż-żona metropolitana u r-reġjun(i) amministrattiv(i) li tiegħu/tagħhom huma jagħmlu parti.

7.6

Minkejja d-differenzi fl-approċċi u fl-istrutturi nazzjonali u reġjonali, il-KESE jinnota konverġenza ċara fir-rigward tal-problemi. Fost is-suġġetti l-aktar diskussi huma:

7.7

Il-popolazzjonijiet mhux dejjem għandhom is-sensazzjoni li jappartjenu għal metropoli. Iż-żoni metropolitani Ewropej għandhom nuqqas ta' leġittimità politika. L-istrutturi amminstrattivi ta' dari m'għadhomx biżżejjed — huma għandhom l-għeruq f'eri storiċi tal-passat — iżda l-gvernijiet nazzjonali huma sensittivi ħafna għar-reżistenza kontra strutturi ġodda mill-atturi kkonċernati, b'mod partikolari l-entitajiet politiċi u amministrattivi territorjali eżistenti. B'kuntrast, l-isfidi li huma kkonfrontati minnhom iż-żoni metropolitani huma enormi. Sabiex dawn jintgħelbu u jiġu ġestiti sew l-iżviluppi, jeħtieġ kważi kullimkien organizzazzjoni ġdida tal-gvernanza, bl-għan ta' strateġija integrali.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/16

1.1

Il-KESE jixtieq jirringrazzja lill-Presidenza Ġermaniża u jifirħilha tax-xogħol ta' preparazzjoni u ta' l-isforzi tagħha sabiex tiżgura t-trasparenza u l-konsultazzjoni dwar l-Aġenda Territorjali.

1.2

Il-KESE jqis li sar iż-żmien li niċċaqalqu mil-fażi attwali ta' koordinazzjoni informali fi ħdan il-Kunsill u nidħlu f'fażi ġdida bażata fuq kooperazzjoni politika aktar mill-qrib. Fuq il-bażi tax-xogħol li diġà sar u tal-kontribuzzjonijiet ġodda ppjanati minn ESPON, irid jittieħed pass ieħor lejn l-integrazzjoni, billi l-Kummissjoni tingħata mandat ċar li bih tkun tista' teżerċita d-dritt ta' l-inizjattiva.

1.3

Il-KESE jikkonsidra li d-diskussjonijiet dwar l-Aġenda Territorjali fil-Kunsill għandhom iwasslu għal deċiżjonijiet ta' politika aktar preċiżi u sabiex dan iseħħ, hemm bżonn li l-Kummissjoni Ewropea tkun involuta aktar, għaliex il-Kummissjoni qiegħda fl-aħjar pożizzjoni sabiex tiżgura li l-approċċi differenti lejn il-koeżjoni territorjali fl-Unjoni Ewropea huma koerenti u kompatibbli ma' xulxin.

1.4

Il-mira tal-koeżjoni territorjali fil-livell ta' l-UE jitlob li l-Kummissjoni jkollha unità speċifika u robusta li tanalizza, tivvaluta u tippreżenta proposti ta' politika li jikkonfermaw il-valur miżjud ta' approċċ Ewropew lejn il-koeżjoni territorjali.

1.5

Il-Kumitat jipproponi li tiġi żgurata l-kontinwità meta tintemm il-Presidenza Ġermaniża. Il-Kummissjoni għandha tistudja, tissintetizza u timplimenta l-Aġenda Territorjali permezz ta' programm ta' azzjoni li jirrispetta l-kompetenzi fl-ippjanar ta' l-ispazji ta' l-Istati Membri u tar-reġjuni.

1.6

Ir-raba' rapport dwar il-koeżjoni li bħalissa qiegħed jiġi mfassal mill-Kummissjoni Ewropea għandu janalizza l-impatt tal-fondi Komunitarji fuq it-territorju u jistabbilixxi rabtiet bejn il-politika ta' koeżjoni u l-iskopijiet ta' l-Aġenda Territorjali. Il-KESE jikkonsidra li l-programmi ta' kooperazzjoni bejn il-fruntieri għandhom jissaħħu, meta t-Trattat Kostituzzjonali jiġi adottat.

1.7

Il-bilanċ bejn il-livelli differenti ta' amministrazzjoni li jaħdmu fil-kamp — lokali, reġjonali, nazzjonali u Komunitarju — irid ikun żgurat għall-gvernanza ta' l-Aġenda Territorjali u s-soċjetà ċivili organizzata, li trid tiġi kkonsultata minn qabel, għandha tiġi involuta wkoll f'din il-ħidma.

1.8

Il-KESE jipproponi li l-Kunsill tal-Ministri juża l-metodu miftuħ ta' koordinazzjoni, filwaqt li jipprovdi linji gwida preċiżi, bħala l-ewwel pass sabiex l-Aġenda Territorjali twassal dawn il-kwistjonijiet taħt il-metodu komunitarju, wara l-approvazzjoni tat-Trattat Kostituzzjonali.

1.9

Il-KESE jittama li fil-futur qrib l-UE tadotta t-Trattat Kostituzzjonali, li jinkludi l-iskopijiet tal-koeżjoni territorjali u jipproponi li, fuq il-bażi tal-kunsens reali li jeżisti dwar l-Aġenda Territorjali, il-konklużjonijiet tal-Kunsill Informali ta' Leipzig għandhom jirrakkomandaw li tiġi implimentata b'mod gradwali flok ma jisħqu fuq il-fatt li mhix obbligatorja.

1.10

Il-KESE, għalhekk, isejjaħ lill-Kummissjoni Ewropea sabiex tipproponi li l-Kunsill tal-Ministri jkompli bl-implimentazzjoni ta' l-Aġenda Territorjali fuq il-bażi legali attwali.

2.1

Nhar is-7 ta' Novembru 2006, il-Ministru Federali tat-Trasport, il-Kostruzzjoni u l-Iżvilupp Urban talab lill-Kumitat Ekonomiku u Soċjali Ewropew, f'isem il-Presidenza Ġermaniża, sabiex ifassal opinjoni esplorattiva dwar l-Aġenda Territorjali.

2.2

Matul il-laqgħa informali tal-ministri dwar il-koeżjoni territorjali u l-iżvilupp urban li ser tinżamm f'Leipzig nhar l-24 u l-25 ta' Mejju 2007, il-Ministri Ewropej ser jadottaw dokument ta' politika bit-titlu L-Aġenda Territorjali ta' l-UE (ATUE)  (1) li huwa bbażat fuq studju bit-titlu L-Istat Territorjali u l-Perspettivi ta' l-Unjoni Ewropea  (2). Dan id-dokument ta' bażi janalizza l-isfidi prinċipali fl-ippjanar ta' l-ispazji li qiegħda tiffaċċja l-UE u juża eżempji sabiex jindika kif il-potenzjal tad-diversità territorjali Ewropea jista' jintuża aħjar għall-iżvilupp ekonomiku sostenibbli. L-ATUE fih rakkomandazzjonijiet għall-użu aktar effettiv tad-diversità territorjali Ewropea u proposti għal programm ta' azzjoni għall-ippjanar ta' l-ispazji.

2.3

Sa mill-1995, il-KESE ddikkjara l-appoġġ tiegħu għal kooperazzjoni aktar mill-viċin fil-politika ta' l-ippjanar ta' l-ispazji f'dawn id-dokumenti:

Opinjonijiet aktar riċenti wkoll jappoġġjaw involviment aktar mill-qrib u aktar konsiderazzjoni tad-dimensjoni territorjali fl-integrazzjoni Ewropea. Dawn jinkludu:

3.1

L-ewwel laqgħa informali tal-ministri responsabbli mill-ippjanar ta' l-ispazji u l-politiki territorjali b'mod ġenerali nżammet f'Nantes fl-1989.

3.2

Dit-tip ta' laqgħa tinżamm fuq l-inizjattiva tal-presidenzi semestrali suċċessivi ta' l-UE. Fl-1993, waqt il-laqgħa li nżammet f'Liege, ġie deċiż li titfassal Il-Perspettiva għall-Iżvilipp ta' l-Ispazji Ewropej (ESPD)  (3) (European Spatial Development Perspective) li ġiet adottata fl-1999, f'Potsdam u li tipprovdi qafas ta' referenza komuni għal-laqgħat informali tal-ministri responsabbli għall-ippjanar ta' l-ispazji u l-politika territorjali.

3.3

Waqt il-laqgħa informali tal-ministri dwar il-koeżjoni territorjali li nżammet f'Rotterdam f'Novembru 2004, il-ministri qablu li jinkludu fl-aġenda l-preparazzjoni ta' dokument sommarju bit-titlu L-Istat Territorjali u l-Perspettivi ta' l-Unjoni Ewropea, id-dokument li fuqu hija bbażata l-Aġenda Territorjali.

3.4

L-Aġenda Territorjali tifforma qafas strateġiku li jistabbilixxi l-prijoritajiet għall-iżvilupp territorjali ta' l-UE. Hija tikkontribwixxi għat-tkabbir ekonomiku u għall-iżvilupp sostenibbli billi ssaħħaħ il-koeżjoni territorjali, li tista' tiġi mfissra bħala l-kapaċità tal-politika tal-koeżjoni li tadatta għall-bżonnijiet u l-karatteristiċi speċifiċi ta' l-isfidi u l-opportunitajiet ġeografiċi, sabiex tiżgura li t-territorju ta' l-UE jiżviluppa b'mod bilanċjat u sostenibbli.

3.5

L-iskop tal-koeżjoni territorjali ġie inkorporat f'Artikolu III-116 ta' l-abbozz ta' Ġunju 2003 tat-Trattat li jistabbilixxi Kostituzzjoni Ewropea, bħala t-tielet dimensjoni tal-koeżjoni ekonomika u soċjali. Id-dimensjoni territorjali tal-politiki komunitarji ġiet analizzata wkoll fit-tielet rapport dwar il-koeżjoni, li ġie ppreżentat mill-Kummissjoni fl-2005. Il-Linji Gwida Strateġiċi tal-Komunità għall-koeżjoni, li ġew adottati fl-2006, u jinkludu wkoll din id-dimensjoni ġdida tal-koeżjoni territorjali.

3.6

Waqt il-laqgħa informali tal-ministri li nżammet fil-Lussemburgu f'Mejju ta' l-2005, il-ministri adottaw it-temi u l-prijoritajiet segwenti li ġew elenkati fl-Aġenda Territorjali:

3.7

L-azzjonijiet prinċipali jinkludu:

4.1

L-ESDP hija qafas ta' referenza komuni għall-partijiet differenti interessati li huma involuti fl-iżvilupp ta' l-ispazji u l-ippjanar (l-UE, l-Istati Membri, ir-reġjuni u korpi oħrajn lokali), li tappoġġja d-dimensjoni territorjali ta' Ewropa poliċentrika u “t-territorjalizzazzjoni” li hemm bżonn fil-politiki settorjali ta' l-UE. Din hija inizjattiva intergovernattiva, li ġiet adottata fil-laqgħa ministerjali ta' Potsdam li saret fl-1999 u li mhijiex vinkolanti. Fil-prattika l-ESDP ġiet implimentata biss fil-kuntest tat-twaqqif tan-Netwerk Ewropew ta' Osservazzjoni għall-Ippjanar ta' l-Ispazji ESPON (4)) u indirettament taħt it-tliet programmi INTERREG.

4.2

L-ESDP għandha dawn l-għanijiet:

4.3

Erba' oqsma prinċipali jinteraġġixxu ma' xulxin u jitfgħu pressjoni konsiderevoli fuq l-iżvilupp territorjali:

4.4

L-ESDP stabbilixxiet dawn il-linji gwida bbażati fuq l-ideat imsemmija hawn fuq:

4.5

Xi miżuri konkreti li ġew ippjanati għandhom:

4.6.1

ESPON, in-Netwerk Ewropew għall-Osservazzjoni ta' l-Ippjanar ta' l-Ispazji huwa programm ta' riċerka applikata fil-qasam ta' l-iżvilupp territorjali ffinanzjat mill-INTERREG u mill-Istati Membri. L-għan tal-programm huwa li jipprovdi għarfien ġdid u sistematiku dwar ix-xejriet territorjali u l-impatti tal-politiki li jolqtu r-reġjuni u t-territorji fl-Ewropa. Dan l-għarfien jista' jappoġġja direttament il-formulazzjoni u l-implimentazzjoni tal-politiki u huwa pprovdut lil-leġislaturi fil-livell Ewropew, nazzjonali u reġjonali.

4.6.2

Ir-riċerka applikata kollha li sseħħ taħt il-programm ESPON tkopri t-territorju tad-29 pajjiż Ewropew, li jinkludu s-27 Stat Membru ta' l-UE, kif ukoll in-Norveġja u l-Isvizzera.

4.6.3

Hemm pjanijiet li l-baġit jiżdied b'mod sostanzjali, mis-7 miljun euro għall-perijodu 2000-2006, il-programm il-ġdid ESPON2013 (għall-perijodu 2007-2013) issa jilħaq l-34 miljun euro u jista' jilħaq 45 miljun euro bil-kontribuzzjonijiet nazzjonali.

5.1.1

Fil-kwistjonijiet kollha relatati mat-territorju, il-valur miżjud ta' approċċ komuni Ewropew huwa kruċjali. L-esperjenza li nkisbet f'dawn l-aħħar għexieren ta' snin u l-bżonn li nikkunsidraw id-dimensjoni territorjali ta' l-integrazzjoni Ewropea jfissru li politiki li jolqtu l-approċċ globali territorjali Ewropew għandhom jiġu “komunitarizzati” gradwalment.

5.1.2

L-Unjoni Ewropea ssegwi diversi politiki komunitarji li għandhom impatt fuq livell territorjali. Dawn jinkludu l-politika tal-kompetizzjoni, netwerks tat-trasport trans-Ewropej, it-telekomunikazzjoni u l-enerġija, il-politika ambjentali, il-politika agrikola, il-politika tar-riċerka u ta' l-iżvilupp teknoloġiku, il-politika reġjonali, investimenti ta' l-EIB, eċċ. Dak li jonqosha l-UE però, huwa approċċ komuni li jindirizza, jivvaluta u jikkoordina l-implikazzjonijiet ta' dawn il-politiki għat-territorju Ewropew.

5.1.3

Approċċ territorjali komuni Ewropew jirrikjedi għanijiet u linji gwida komuni Ewropej. Huwa faċli li wieħed jara l-valur miżjud ta' dawn il-linji gwida territorjali għall-Ewropa bi skopijiet bħall-ħarsien ta' l-ambjent, l-iżvilupp urban poliċentriku u sostenibbli, netwerks trans-Ewropej u pjanijiet fuq il-livell Ewropew sabiex jipprevedu diżastri naturali, teknoloġiċi u dawk marbuta mal-bidla fil-klima.

5.1.4

Taħt “il-metodu komunitarju” (5)il-Kummissjoni, bl-inizjattiva tagħha jew ta' korpi oħrajn komunitarji, tfassal proposti konkreti sabiex jiġu adottati mill-Kunsill tal-Ministri u, fejn hemm bżonn, taħt il-proċedura tal-ko-deċiżjoni mal-Parlament Ewropew.

5.1.5

Għal xi politiki, il-Kunsill implimenta dak li jissejjaħ “il-metodu miftuħ ta' koordinazzjoni”, li jinvolvi forma ta' azzjoni politika inqas intensiva u preċiza mill-metodu komunitarju. Il-KESE jikkunsidra li għall-kwistjonijiet dwar l-Aġenda Territorjali, il-metodu miftuħ ta' koordinazzjoni jista' jkun utli bħala pass preliminari qabel ma jibda' jintuża' l-metodu komunitarju. Il-metodu miftuħ ta' koordinazzjoni jista' jintuża sakemm jiġi adottat it-Trattat tal-Kostituzzjoni, li jippermetti l-użu tal-metodu komunitarju.

5.1.6

Bħalma turi l-esperjenza Ewropea f'oqsma oħra ta' politika però, dis-sistema hija biss ta' benefiċċju meta l-Kummissjoni jkollha rwol verament attiv u meta jiġu stabbiliti skopijiet u linji gwida preċiżi ħafna.

5.1.7

Jiġri x'jiġri mill-abbozz tat-Trattat li jistabbilixxi Kostituzzjoni għall-Ewropa, li fis-sezzjoni III tiegħu jinkludi l-koeżjoni territorjali fit-titlu — żvilupp li huwa appoġġjat mill-KESE — l-artikoli segwenti tat-Trattat li bħalissa huwa fis-seħħ (TKE) għandhom iservu ta' bażi legali sabiex jitfassal approċċ territorjali komuni Ewropew, jekk ikun aċċettat li dan jibqa' kompitu ta' l-Unjoni Ewropea:

5.2.1

Il-politika reġjonali tal-Komunità hija strument ewlieni li ssostni l-koeżjoni ekonomika u soċjali, il-konverġenza ekonomika, u, in ġenerali, il-proċess ta' l-integrazzjoni Ewropea.

5.2.2

Il-KESE minn dejjem appoġġja din il-politika, li timmira — b'suċċess — li tnaqqas id-diverġenzi bejn reġjuni Ewropej.

5.2.3

Din il-politika reġjonali, li hija waħda mill-iktar li kellha suċċess fost il-politiki komunitarji, trid tibqa' titħaddem, minħabba d-diverġenżi l-ġodda li jeżistu bħala riżultat tal-proċess tat-tkabbir.

5.2.4

Din il-politika reġjonali mhix inkompatibbli — anzi bil-maqlub — ma' politika effettiva ta' koeżjoni territorjali, kif proposta fl-Aġenda Territorjali, li għandha tiġi implimentata fil-perijodu l-ġdid, 2007-2013.

5.3.1

L-aħħar żewġ fażijiet tat-tkabbir ġabu magħhom sfidi ġodda għat-territorju Ewropew, li mill-2004 żdied minn 15 għall-27 Stat Membru, bil-popolazzjoni tikber b'28 % (minn 382 għal 490 miljun abitant) u t-territorju b'34 % (minn 3.2 għal 4.3 miljun kilometru kwadru). Din id-dimensjoni ġdida u d-diversifikazzjoni tal-karatteristiċi tat-territorju ta' l-UE jfissru li hemm bżonn urġenti għal sondaġġ ta' din is-sitwazzjoni territorjali u ġeografika u t-tibdil potenzjali fiha.

5.3.2

L-aħħar żewġ fażijiet tat-tkabbir ġabu magħhom sfida territorjali prinċipali, li l-Kummissjoni Ewropea trid tanalizza bir-reqqa.

5.3.3

In-numru ta' reġjuni bifruntieri interni u esterni żdied b'mod konsiderevoli. Reġjuni bifruntieri joffru sfida imma wkoll opportunità ġenwina sabiex il-proċess ta' integrazzjoni jipproduċi bidliet reali.

5.4.1

L-isfidi u r-riskji li qegħdin jaffettwaw it-territorju Ewropew iridu jiġu indirizzati permezz ta' approċċ Ewropew. Ma nistgħux niċħdu l-valur miżjud ta' viżjoni komuni tat-territorju Ewropew u għandu jiġi rikonoxxut il-bżonn strateġiku ta' viżjoni komuni ta' dan it-tip.

5.4.2

Tajjeb li jiġu elenkati xi karatteristiċi ta' dan it-territorju. Huwa:

Għalhekk it-territorju għandu importanza strateġika fundamentali bħala entità fiżika u ġeografika. L-istimi ta' l-impatt tal-Kummissjoni għandhom jinkludu dan l-approċċ territorjali, li jkun jirrikjedi kooperazzjoni ma' ESPON.

5.5.1

L-UE għandu jkollha sistema adegwata ta' gvernanza, fejn jintlaħaq il-bilanċ ġust bejn il-livelli differenti ta' gvern territorjali, għaliex fit-territorju Ewropew, il-gvernijiet lokali, reġjonali, nazzjonali u ta' l-UE kollha għandhom sehem. Il-prinċipju tas-sussidjarjetà għandu jiġi rispettat, filwaqt li jiġu garantiti l-koerenza u approċċ ħolistiku, komuni u konġunt.

5.5.2

Is-soċjetà ċivili għandha tipparteċipa wkoll fil-livelli differenti permezz tal-proċeduri strutturati għad-djalogu soċjali u ċivili. Ħafna Stati Membri u ħafna reġjuni Ewropej issa għandhom kunsilli soċjali u ekonomiċi (jew korpi simili) li għandhom jiġu involuti, flimkien mas-sieħba soċjali u organizzazzjonijiet oħra tas-soċjetà ċivili, sabiex ikollhom sehem attiv fis-sistemi ta' konsultazzjoni u gvernanza fir-rigward ta' l-affarijiet territorjali.

6.1

L-Aġenda Territorjali hija bbażata fuq dokument bit-titlu L-Istat Territorjali u l-Perspettivi ta' l-Unjoni Ewropea li aktar milli huwa dokument sommarju, huwa dokument li taw kontribut lejh presidenzi semestrali suċċessivi. Dan id-dokument jagħti preżentazzjoni f' 197 punt ta' l-isfidi kollha li t-territorju qiegħed jiffaċċja u għalhekk huwa gwida utli ħafna. Il-Kummissjoni għandha tipproponi pjan ta' azzjoni bbażat fuqu.

6.2

L-Aġenda Territorjali għandha tinkorpora l-istrateġiji territorjali ta' l-Istati Membri, tikkunsidra d-dimensjoni territorjali ta' politiki komunitarji oħra u tfittex oqsma ta' komplimentarjetà u sinerġija sabiex toħloq sinteżi Ewropea, permezz ta' linji gwida għall-istrateġija territorjali għall-UE, li huma elenkati f'punt 7.

6.3

L-iżvilupp ta' l-Aġenda Territorjali ta' l-UE għandha tiffoka fuq approċċ ta' sostenibbilità ekonomika, soċjali u ambjentali.

7.1.1

Il-koeżjoni territorjali għandha l-għan li tintroduċi approċċ territorjali Ewropew li jipprovdi qafas għal, u jirrendi kompatibbli, l-istrateġiji territorjali mfassla u implimentati mill-Istati Membri u r-reġjuni.

7.1.2

Il-koeżjoni terrritorjali għandha tiffoka fuq il-kwistjonijiet li jaffettwaw, l-ewwel u qabel kollox, l-ippjanar tat-territorju u t-tieni, l-ippjanar urban u reġjonali. Kif iddikjarat is-CEMAT (6) fl-1994, l-ippjanar ta' l-ispazji huwa l-istrument ideali għall-implimentazzjoni ta' l-iżvilupp sostenibbli fil-livell territorjali.

7.1.3

Għalhekk irid isir sforz sabiex jiġu ċċarati l-kunċetti, il-metodoloġija u t-terminoloġija ta' l-ippjanar ta' l-ispazji. L-ippjanar ta' l-ispazji huwa approċċ multidixxiplinari u huwa prijorità li tolqot b'mod trasversali firxa ta' kwistjonijiet, speċjalment l-ambjent, it-trasport u l-komunikazzjoni, id-djar u l-akkomodazzjoni umana u industrijali eċċ.

7.2.1

B'konformità ma' l-istrateġija ta' Lisbona, il-KESE jipproponi li għandu jiġi żgurat żvilupp ekonomiku aktar ibbilanċjat fit-territorju Ewropew għall-benefiċċju taċ-ċittadini u r-reġjuni tiegħu kollha, inklużi r-reġjuni li għandhom żvantaġġi naturali jew strutturali permanenti (7).

7.2.2

Il-politiki kollha Ewropej għandhom jippromovu l-għan tal-koeżjoni soċjali. Il-KESE jipproponi li l-iskopijiet ta' l-Aġenda Territorjali jinkludu dawk tal-koeżjoni soċjali, għaliex it-territorju Ewropew huwa fejn in-nies jgħixu, isibu l-opportunitajiet u jiffaċċjaw il-problemi.

7.2.3

L-iżvilupp poliċentriku taż-żoni urbani u metropolitani u r-relazzjoni kostruttiva bejn dawn u ż-żoni periferiċi u rurali jistgħu jikkontribwixxu sabiex jintlaħaq iktar bilanċ ekonomiku u soċjali fl-Ewropa. Il-ġlieda kontra l-faqar u l-esklużjoni soċjali, l-integrazzjoni ta' l-immigranti (8), titjib fil-politika ta' l-akkomodazzjoni, opportunitajiet indaqs u servizz pubbliku ta' kwalità għolja għandhom jkunu wkoll xi wħud mill-għanijiet bażiċi ta' l-approċċ territorjali.

7.3.1

Ir-rapporti reċenti kollha dwar il-bidla fil-klima jiġbdu l-attenzjoni lejn il-gravità tal-problema. It-tisħin globali huwa fatt ċar u mhux kwistjoni ta' opinjoni. Ħafna effetti tal-bidla fil-klima qegħdin jidhru fuq l-art. L-ippjanar ta' l-ispazji jrid jilqa' din l-isfida sabiex jipprova jnaqqas u jirrimedja xi effetti li l-bidla fil-klima qiegħda jkollha fuq it-territorju.

7.3.2

Irid jitfassal pjan Ewropew sabiex niffaċċjaw riskji u diżastri naturali. Din mhix kwistjoni ta' fantaxjenza. Ir-rapport reċenti mill-ekonomista Sir Nicholas Stern (9), ikkommissjonat mill-gvern Brittanniku, joħroġ biċ-ċar x'qiegħda tirriskja l-pjaneta: ta' l-anqas 1 % tal-PGD tad-dinja jrid jiġi investit fil-ġlieda kontra l-bidla fil-klima sabiex jiġi evitat li l-ispejjeż u r-riskji globali tal-bidla fil-klima jilħqu telfa ta' madwar 5 % tal-PGD tad-dinja, figura li tista' tilħaq 20 % jekk l-aktar effetti ta' ħsara tat-tisħin ikomplu jiżdiedu bir-rata preżenti.

7.3.3

Il-bidla fil-klima jista' jkollha effett detrimentali fuq il-koeżjoni u l-kompetittività, fuq il-kwalità tal-ħajja u fuq l-iżvilupp sostenibbli aktar kmieni milli kien ġie previst sa issa, kif ġie ikkonfermat fir-rapport reċenti tal-grupp ta' esperti dwar il-bidla fil-klima tan-Nazzjonijiet Uniti, li ġie ppreżentat f'Pariġi fit-2 ta' Frar 2007. Il-KESE jipproponi li jiġu kkunsidrati l-effetti tal-klima fl-ippjanar ta' l-ispazji.

7.3.4

Ir-riskji li jridu jiġu kkunsidrati għandhom jinkludu dawk ikkawżati minn diżastri teknoloġiċi (kriżijiet radjoattivi, kimiċi u batterjoloġiċi) kkawżati minn inċidenti jew attakki terroristiċi u jridu jsiru pjanijiet għall-possibilità ta' ċaqliq massiv tal-popolazzjoni.

7.4.1

L-idea tan-Netwerks tat-Trasport Trans-Ewropej (TEN-T) ġiet diskussa għall-ewwel darba lejn tmiem is-snin tmenin. Id-diskors dwar is-suq uniku u l-libertà tal-moviment kienu jagħmlu sens biss jekk in-netwerks tat-trasport nazzjonali u reġjonali differenti jkunu konnessi flimkien permezz ta' sistema ta' infrastruttura moderna u effiċjenti madwar l-Ewropa.

7.4.2

Mill-1992, it-Titlu XV tat-Trattat (Artikoli 154, 155 u 156) ġie dedikatilin-Netwerks Trans-Ewropej. Ir-rekord ta' l-aħħar ħmistax-il sena huwa diżappuntanti, anke allarmanti. Diffikultajiet ta' finanzi u nuqqas ta' rieda politika jispjegaw parti min-nuqqas ta' riżultati. Il-KESE jinnota b'dispjaċir il-fatt li l-Inizjattiva ta' l-2003 għat-Tkabbir (10), li kienet tinkludi l-kostruzzjoni ta' netwerks trans-Ewropej prinċipali ġiet injorata mill-gvernijiet. Il-KESE jistaqsi: sa liema punt ir-riżultati fqar tan-netwerks tat-trasport u telekomunikazzjoni Trans-Ewropej huma dovuti għan-nuqqas ta' sondaġġ tat-territorju Ewropew u ta' l-infrastruttura tiegħu.

7.4.3

Wieħed mill-iskopijiet bażiċi li l-KESE jixtieq jenfasizza huwa li l-individwi kollha u r-reġjuni kollha għandu jkollhom aċċess adegwat u konnessjonijiet man-netwerks tat-trasport, permezz ta' netwerk bilanċjat pan-Ewropew li għandu konnessjonijiet tajbin ma' l-ibliet iż-żgħar, iż-żoni rurali u ż-żoni iżolati.

7.4.4

L-Ewropa illum m'għandhiex netwerk ta' enerġija adegwata (għall-elettriku, iż-żejt u l-gass). In-nuqqas ta' dan in-netwerk jista' jfixkel b'mod serju l-attività ekonomika, u jwassal għal diverġenzi fl-opportunitajiet għar-reġjuni u t-territorji li bħalissa m'għandhomx aċċess għal dawn in-netwerks.

7.4.5

Il-politika ta' l-enerġija Ewropea trid tadotta approċċ territorjali kemm sabiex tipproteġi r-riżorsi naturali kif ukoll sabiex tiżgura l-koeżjoni soċjali u territorjali.

7.4.6

Sabiex tiġi implimentata l-Istrateġija ta' Lisbona wkoll, it-territorji kollha u ċ-ċittadini kollha għandu jkollhom aċċess għas-soċjetà ta' l-informazzjoni u n-netwerks tagħha, il-moviment ħieles ta' l-għarfien u t-taħriġ. L-Aġenda Territorjali ta' l-UE għandha tqis dan bħala approċċ prijoritarju.

7.5.1

L-għan li jiġu mħarsa l-ambjent fiżiku u naturali Ewropew u l-biodiversità jista' jintlaħaq biss jekk jiġi adottat approċċ politiku komuni fit-territorju kollu. Minn din il-perspettiva, il-valur miżjud Ewropew huwa kruċjali.

7.5.2

L-Aġenda Territorjali għandha tifforma l-bażi għal politika ġdida u aktar effettiva għall-ħarsien ta' l-ambjent u sabiex tippreserva l-biodiversità (11).

7.6.1

L-Ewropa għandha wirt kulturali ta' importanza enormi, li l-UE trid tipproteġi. Ir-reġjuni Ewropej joffru diversità kulturali kbira, li tifforma l-bażi ta' l-istorja u l-identità Ewropea.

7.6.2

L-Aġenda Territorjali għandha tappoġġja l-konservazzjoni ta' dan il-wirt kulturali rikk u varjat, li għandu jiġi promoss ukoll bħala fattur endoġenu għall-iżvilupp ekonomiku u l-koeżjoni soċjali.

8.1

Il-linji gwida għal strateġija territorjali ta' l-UE jridu jipprovaw jilħqu effiċjenza ekonomika massima, koeżjoni soċjali u sostenibbiltà ambjentali, filwaqt li jirrispettaw il-prinċipji ta' sussidjarjetà u proporzjonalità.

8.2

Il-linji gwida għal strateġija territorjali sostenibbli għat-territorju komunitarju jikkostitwixxu qafas ta' referenza għat-territorju Ewropew li jrid jipprovdi kontenut u tifsira lill-koeżjoni territorjali, mingħajr ma jkollu effett fuq il-kompetenzi ta' l-Istati Membri u r-reġjuni fil-politiki tagħhom ta' pjanar ta' l-ispazji.

8.3

Sabiex tinkiseb il-koeżjoni ekonomika, soċjali u territorjali, il-linji gwida għal strateġija territorjali għandhom jindirizzaw b'mod prijoritarju:

20.7.2007   

MT

Il-Ġurnal Uffiċjali ta’ l-Unjoni Ewropea

C 168/22

1.1

Ma kienx possibbli li din l-opinjoni tkopri l-attivitajiet kollha tad-DĠ COMP (1). Setgħu jiġu diskussi fil-qosor biss numru limitat ta' każijiet magħżula, u m'hemm l-ebda referenza għal deċiżjonijiet ġudizzjarji dwar l-antitrust, l-amalgamazzjonijiet u każijiet ta' għajnuna statali, billi dan kieku kien jeħtieġ studju separat u fil-fond ta' l-imġiba dettaljata tas-suq u kif din titqies mill-awtoritajiet. Madankollu, ir-Rapport jagħmilha ċara li l-approċċ tad-DĠ Kompetizzjoni lejn it-trattament ta' każijiet huwa kkaratterizzat minn perseveranza fit-twettiq tal-proċeduri u tħassib sabiex jinstabu soluzzjonijiet adattati u prattikabbli għall-problemi li jitfaċċjaw. Jekk hemm ħaġa li tista' tiġi kkritikata, hija forsi li jissemmew xi suġġetti magħżula fejn l-importanza tas-settur, mil-lat tat-twettiq tal-ħtiġijiet tal-kompetittività internazzjonali ppreżentata fl-Aġenda ta' Lisbona u d-dokumenti rilevanti, ma kienx jistħoqqilha l-attenzjoni li tatha il-Kummissjoni. Għall-KESE, eżempju wieħed huwa intitolat “Rapport ta' l-2005: Is-Servizzi Professjonali — Ambitu għal aktar riforma” u d-dokument ta' ħidma ta' l-istaff bl-isem ta' “Progress mill-Istati Membri fir-reviżjoni u fl-eliminazzjoni ta' restrizzjonijiet mhux iġġustifikati fuq il-Kompetizzjoni fil-qasam tas-Servizzi Professjonali”. Fil-fehma tal-Kumitat, is-sejħa ta' l-Aġenda ta' Lisbona għal-liberalizzazzjoni tas-servizzi tapplika l-iktar għas-servizzi ta' rilevanza internazzjonali (l-infrastruttura, it-telekomunikazzjoni, it-trasport, eċċ.) u hija ħafna inqas ikkonċernata mill-professjonijiet “liberali” (inklużi l-periti, l-avukati, it-tobba, l-inġiniera, l-akkawntants u l-ispiżjara); il-biċċa l-kbira minn dawn ta' l-aħħar huma intraprendituri żgħar ta' importanza fuq kollox lokali, u b'konformità mal-prinċipju tas-sussidjarjetà jaqgħu taħt il-kompetenza ta' l-Istat Membru (ara l-każ Cipolla Macrino, Każijiet Konġunti C-94/04 u C-202/04) (2). Ma jistax jiċċaħħad li ċerti restrizzjonijiet huma neċessarji sabiex jassiguraw li l-prattikanti jilqgħu l-istennijiet tas-soċjetà għal standards professjonali għolja, esperjenza u fiduċja. Il-Kumitat jilqa' l-istudji dettaljati tas-swieq rilevanti għall-professjonijiet liberali varji fl-Istati Membri; dawn l-istudji jevalwaw sa fejn jaslu r-restrizzjonijiet eżistenti u s-serjetà tagħhom. Fl-istess ħin, irid ikun enfasizzat li mhux biss għandhom jiġu analizzati l-effetti ekonomiċi tal-liberalizzazzjoni proposta fuq it-tendenzi tal-kompetizzjoni, iżda wkoll ir-riperkussjonijiet probabbli fuq l-istruttura soċjali. Dan ma jipprekludix il-proċeduri antitrust ta' l-NCA (National Competition Authorities), li huma l-iktar immirati lejn l-isforzi ta' l-assoċjazzjonijiet professjonali sabiex jiftehmu l-prezzijiet.

1.2

Ġie irrakkomandat lill-KESE li joqgħod iktar fuq il-ħila u l-esperjenza professjonali vasta ta' l-assoċjazzjonijiet u l-organizzazzjonijiet tas-soċjetà ċivili rappreżentati fil-Kumitati għas-sorveljanza ta' l-attività tad-DĠ COMP; saħansitra ġie ssuġġerit li l-Kumitat kultant jista' jagħmel investigazzjonijiet sabiex jagħti bidu għal każijiet antitrust u ta' għajnuna Statali. Id-DĠ Kompetizzjoni tal-Kummissjoni jista' jassisti f'dan billi jipprovdi informazzjoni regolari dwar l-għanijiet ta' politika u saħansitra attività tat-trattament tal-każijiet, fil-limiti tas-segretezza.

1.3

Għandhom jiġu introdotti laqgħat regolari bejn ir-rappreżentanti tal-KESE u l-Uffiċjal tad-DĠ Kompetizzjoni inkarigat mill-komunikazzjoni mal-konsumatur. L-iskambju ta' l-informazzjoni jista' jippromovi d-djalogu kontinwu ma' l-organizzazzjonijiet tal-ħarsien tal-konsumatur. Kull meta d-DĠ COMP jagħmel sommarju tal-konklużjonijiet ta' stħarriġ (3) settorjali fl-enerġija (gass u elettriku) u servizzi finanzjarji (servizzi bankarji bl-imnut (retail banking) u assigurazzjoni kummerċjali), għandhom ikunu disponibbli għar-rappreżentanti tal-KESE (preferibbilment fi grupp ta' ħidma) sabiex ikunu jistgħu jistudjawhom u jikkummentaw fuqhom.

1.4

Il-KESE jagħraf il-ħtieġa li jagħmel sommarju tal-fehmiet tiegħu dwar l-impatt tal-politika tal-kompetizzjoni fuq il-valuri ekonomiċi u soċjali li jagħmlu parti mill-kompitu tal-Kumitat. Għal dan il-għan, dalwaqt ser tibda l-ħidma fuq il-pubblikazzjoni ta' studju li jinterpreta l-kunċetti tal-kompetizzjoni u l-kompetittività (inkluż il-kontenut attwali) fl-ispirtu ta' l-Aġenda ta' Lisbona, u li jevalwa l-impatt potenzjali soċjali tagħhom fl-Istati Membri.

1.5

Meta id-DĠ COMP nieda dibattitu dwar l-applikazzjoni ta' Artikolu 82 TKE (abbuż ta' pożizzjoni dominanti), ippubblika studju dwar l-imġiba esklużjonarja, li hija ta' ħsara għall-kompetituri u għall-kompetizzjoni stess. Dan l-istudju ġie diskuss b'mod wiesa'. Il-Kummissjoni wiegħdet li ser issegwi dan billi tħares lejn abbużi esplojtattivi li huma kwistjoni aktar sensittiva mil-lat tal-konsumaturi u provvedituri (SMEs) tal-kumpaniji b'pożizzjoni dominanti. Il-Kumitat huwa tal-fehma li l-Kummissjoni issa għandha tabbozza dokument għad-diskussjoni dwar l-imġiba esplojtattiva b'konformità ma' l-Artikolu 82 TKE; dan id-dokument jista' jservi bħala bażi għad-diskussjonijiet, u, meta jiġu identifikati biżżejjed karatteristiċi komuni għaż-żewġ tipi ta' mġiba abbużiva (esklużjonarja u esplojtattiva), għandhom jiġu stabbiliti linji ta' gwida unifikati li jinkorporaw konklużjonijiet dwar l-interpretazzjoni tar-regoli dwar l-abbuż ta' pożizzjoni dominanti.

2.1

Is-suq ħieles mhux dejjem iwassal għall-aħjar riżultat possibbli. Id-distorsjoni tal-kompetizzjoni, laqtet lill-impjegati u lill-konsumaturi kif ukoll lill-intrapriżi u lill-ekonomija b'mod ġenerali. Il-liġi tal-kompetizzjoni hija għodda għall-gvernijiet sabiex jistabbilixxu u jinfurzaw imġiba ġusta fis-suq u regoli proċedurali tal-liġi amministrattiva.

2.2

Fl-espressjoni ta' l-opinjoni tal-KESE dwar ir-Rapport, ta' min isemmi li Stati demokratiċi moderni li huma orjentati lejn is-suq għandhom żewġ settijiet ewlenin ta' l-għodda sabiex jinfluwenzaw l-ekonomija:

2.2.1

Id-DĠ Kompetizzjoni jinsab f'pożizzjoni li juża ż-żewġ politiki: l-applikazzjoni ta' l-Artikoli 81, 82 u 86 (4) tat-Trattat KE tirrappreżenta l-attivitajiet tipiċi ta' awtorità tal-kompetizzjoni.

2.3

Konsiderazzjoni oħra importanti hija li huwa ġeneralment aċċettat li l-kompetizzjoni bejn l-atturi fis-suq li hija ġusta, mingħajr distorsjoni u vijabbli hija l-aħjar garanzija għall-konsumaturi sabiex il-kwalità u l-għażla tal-merkanzija jilħqu l-istennijiet tagħhom. Madankollu, m'għandux jintesa li ħafna ċirkostanzi oħra jinfluwenzaw l-hekk imsejjaħ benefiċċju għall-konsumatur: l-istat ġenerali tas-soċjetà, materjal favorevoli jew ta' żvantaġġ u fatturi morali/spiritwali, eċċ. Il-Kumitat Ekonomiku u Soċjali Ewropew (minn hawn 'il quddiem imsejjaħ il-KESE jew il-Kumitat) jixtieq ipoġġi lir-Rapport mid-DĠ Kompetizzjoni f'kuntest ġenerali, u jiddiskutih mill-perspettiva tal-valuri tal-Kumitat li jagħmlu parti mill-kompitu tiegħu.

3.1

Meta l-Kummissjoni Ewropea teżerċita l-poteri ta' l-infurzar tal-liġi skond id-dispożizzjonijiet antitrust (dwar l-imġiba anti-kompetittiva) ta' l-Artikoli 81 u 82 tat-Trattat ta' Ruma, dawn huma immirati lejn intrapriżi  (5) fl-Istati Membri; l-azzjonijiet tal-Kummissjoni jistgħu għalhekk jitqabblu ma' l-eżerċizzju ta' kompetenza kważi-ġudizzjali, fis-sens li tiġġudika l-imġiba fis-suq tal-kumpaniji ex post, skond id-dispożizzjonijiet tal-liġi tal-kompetizzjoni. Din l-attività, li ilha l-kompitu tad-Direttorat Ġenerali għall-Kompetizzjoni (DĠ COMP) tal-Kummissjoni mill-bidu tas-snin 60, tirrifletti fid-deċiżjonijiet tal-Kummissjoni, li, flimkien mad-deċiżjonijiet tal-Qorti tal-Prim'Istanza u l-Qorti Ewropea tal-Ġustizzja (fl-appelli), żviluppat sistema legali ta' preċedenti awtoritattivi tul perijodu ta' ħamsa u erbgħin sena. Il-ġurisprudenza li akkumulat b'dan il-mod permezz tal-ġudizzju ta' sitwazzjonijeit differenti fis-suq hija waħda mis-suċċessi l-iktar prezzjużi ta' l-acquis communautaire.

3.2

Ir-Rapport ta' l-2005 jagħmilha ċara li d-DĠ COMP huwa konxju ferm ta' l-aspetti importanti kollha tal-kompetizzjoni ekonomika ġewwa u barra l-UE u tar-rwol tiegħu li jassigura l-ħarsien legali ta' dan. Dan huwa iktar u iktar il-każ għax il-ġurisprudenza Ewropea sostantiva tista' tiġi applikata wkoll minn awtoritajiet u qrati nazzjonali tal-kompetizzjoni; għalhekk, dawn ir-regoli qegħdin, b'mod kontinwu, ifasslu l-prassi legali Ewropej u nazzjonali.

Fir-rigward ta' l-2005, il-KESE jixtieq jikkumenta dwar l-inizjattivi, il-proposti u l-miżuri li ġejjin:

3.2.1

Regoli għall-aċċess għall-fajls tal-Kummissjoni Ewropea fil-każijiet antitrust u ta' l-amalgamazzjonijiet: Din dejjem hi kwistjoni delikata fil-proċeduri u d-dettalji rilevanti huma kontinwament mibdula mill-Kummissjoni sabiex jittejbu. Il-Kummissjoni tikkunsidra li huwa importanti li jkun assigurat li l-intrapriżi interessati fil-proċeduri ta' l-antitrust jew amalgamazzjonijiet ikollhom aċċess għal fajls kemm fil-verżjoni fuq il-karta kif ukoll elettronika. Ir-regoli l-ġodda jieħdu post dokument preċedenti li ġie adottat fl-1997.

3.2.2

Talba ta' informazzjoni lil kwerelanti potenzjali sabiex jgħinu l-infurzar effettiv tar-regoli tal-kompetizzjoni: Huwa interessanti li din it-talba ġiet ippubblikata fir-Rapport li qiegħed jiġi rivedut. Tenfasizza d-diffikultajiet assoċjati mas-sorveljanza tas-swieq mill-awtoritajiet tal-kompetizzjoni, u ssejjaħ lill-organizzazzjonijiet tas-soċjetà ċivili u l-assoċjazzjonijiet professjonali sabiex jaqdu rwol attiv fit-tnedija u t-twettiq ta' investigazzjonijiet (eż. il-ġbir ta' evidenza) ta' ksur sinifikanti tal-liġi tal-kompetizzjoni.

3.2.3

Dokument għad-diskussjoni dwar l-applikazzjoni ta' l-Artikolu 82 TEC (abbuż ta' pożizzjoni dominanti): L-għan tad-DĠ COMP kien li jiġġenera dibattitu speċjalista dwar l-imġiba antikompetittiva esklużjonarja ta' kumpaniji li għandhom biżżejjed saħħa fis-suq sabiex jinfluwenzaw l-imġiba tal-kompetituri tagħhom bil-għan li jiksbu vantaġġi unilaterali fuqhom. Iktar minn 100 kontribuzzjoni saru għad-dokument ta' diskussjoni (li jservi bħala bażi għal linji ta' gwida futuri). Il-maġġoranza tenfasizza l-ħtieġa għal analiżi ekonomika tas-suq u ta' l-atturi rilevanti. Ma tistax tiċċaħħad il-verità ta' dawn l-osservazzjonijiet. Madankollu, ħafna mill-kontribuzzjonijiet enfasizzaw li huwa importanti li jiġi rikonoxxut il-prinċipju li ma jkunx hemm tfixkil għal kumpaniji effiċjenti fil-ħidma tagħhom ta' l-istrateġiji fis-suq. Għalhekk, din it-teorija attwalment fil-moda, minflok ma tikkundanna b'mod strett l-imġiba inġusta fis-suq, tirrakkomanda iktar indulġenza (“ir-regola tar-raġuni”) għal strateġiji kummerċjali li huma effettivi iżda aggressivi. Madankollu, skond il-ġurisprudenza Ewropea (6) ideat bħal dawn m'humiex konsistenti ma' l-intolleranza ta' imġiba inġusta fis-suq immirata lejn l-eliminazzjoni ta' kompetituri mhux mixtieqa, li huwa l-approċċ l-iktar mifrux fuq il-livell Ewropew (7). M'hemm l-ebda dubju li d-definizzjoni tal-linji tal-fruntieri li atturi ewlenin fis-suq ma jistgħux jaqsmu hija dilemma fundamentali għall-politiki tal-kompetizzjoni. Fid-dawl tar-rwol tal-KESE fejn jiddefendi l-interessi tas-soċjetà ċivili (SMEs (8), ħaddiema, konsumaturi, eċċ.) huwa jistenna r-riżultat ta' dan id-dibattitu b'mod ħerqan.

3.2.4

Il-Linji ta' Gwida għall-Evalwazzjoni ta' Impatt jipprovdu għal eżami selettiv ta' l-inizjattivi leġislattivi u politiki kollha li huma inklużi fil-Programm ta' Ħidma Annwali tal-Kummissjoni Ewropea mil-lat ta' impatti potenzjali pożittivi jew negattivi fuq il-kompetizzjoni: L-għan huwa li “jiġu evitati restrizzjonijiet mhux neċessarji jew disproporzjonati tal-kompetizzjoni”, sa mill-fażi leġislattiva Ewropea. Sforzi sabiex jitkejlu l-impatti potenzjali fuq is-swieq (liema?) huma provi ta' kemm sar għandha għeruq fondi l-idea ta' kompetizzjoni “vigoruża” jew “perfetta” (jiġifieri ġusta u mingħajr distorsjoni) fl-approċċ tal-Kummissjoni. Il-KESE huwa tal-fehma li l-“kompetizzjoni” għandha titqies f'sens ħafna iktar wiesa' u li, speċjalment fil-każ tal-konsumaturi, il-ħaddiema u l-intrapriżi ż-żgħar u ta' daqs medju, l-interessi fuq perijodu fit-tul jistgħu jiddifferixxu b'mod konsiderevoli mill-interessi immedjati li jassiguraw kondizzjonijiet favorevoli għall-kompetizzjoni “perfetta” (9).

3.2.5

Il-Green Paper dwar azzjonijiet ta' danni fil-vjolazzjoni tar-regoli antitrust tal-KE. L-opinjoni reċenti tal-KESE tas-26 ta' Ottubru 2006 dwar il-Green Paper kienet pożittiva dwar l-isforzi tal-Kummissjoni f'dan il-qasam. Il-pubblikazzjoni min-naħa tal-Kummissjoni tal-Green Paper dwar l-azzjonijiet ta' danni fil-vjolazzjoni tar-regoli antimonopolistiċi tal-KE, fetħet dibattitu wiesa' u siewi dwar il-bżonn li jsir iktar faċli għal dawk milquta minn prassi antikompetittivi li jirkupraw id-danni. Fl-opinjoni tiegħu tas-26 ta' Ottubru 2006 (INT/306), il-KESE jistqarr li, fost affarijiet oħra, l-għan huwa li jassigura l-ħarsien effettiv għal dawk kollha kkonċernati mis-Suq Uniku Ewropew. Fid-dawl tal-moviment liberu tal-merkanzija, għandu jkun hemm livell ta' uniformità fil-pajjiżi kollha f'termini ta' drittijiet u obbligazzjonijiet kontrattwali. Fejn jidħlu t-transazzjonijiet kummerċjali transkonfinali, l-isforzi għandhom isiru sabiex jinkiseb ċertu livell ta' armonizzazzjoni bejn is-sistemi varji ta' liġi nazzjonali.

3.2.5.1

It-tieninett, għandha titqies l-eżistenza ta' l-awtoritajiet tal-kompetizzjoni kemm Ewropej kif ukoll nazzjonali (NCA), li d-dmir tagħhom huwa li jiddeterminaw x'inhuma l-prassi projbiti, u li jistabbilixxu s-sanzjonijiet ekonomiċi li jistgħu jiġu imposti fuq kumpaniji li jiksru r-regoli.

3.2.6

It-tnedija ta' stħarriġ settorjali fis-setturi tal-gass u l-elettriku li ġew liberalizzati reċentement: Dawn l-eżamijiet ser jgħinu sabiex jiġi kkjarifikat x'qiegħed jiġri verament f'dawn is-setturi importanti ferm u wiesgħin — setturi li fihom il-liberalizzazzjoni ilha meqjusa bħala rimedju għal kollox. Sar żmien biżżejjed li swieq lokali, nazzjonali u saħansitra usa' jkunu soġġetti għal skrutinju imparzjali sabiex jinxteħed id-dawl fuq sitwazzjonijiet monopolistiċi numerużi li huma ta' detriment għall-konsumaturi, il-ħaddiema u l-intrapriżi.

3.2.7

Komunikazzjoni elettronika: Hemm nuqqas ta' sodisfazzjon li qiegħda tikber bis-swieq Ewropej tal-komunikazzjonijiet elettroniċi li qegħdin isiru iktar integrati. Ir-rati bl-ingrossa ta' l-operaturi tan-netwerk ċellulari għas-servizzi internazzjonali tar-roaming huma għoljin wisq. Għal din ir-raġuni, DĠ COMP nieda investigazzjonijiet billi ssottometta dikjarazzjonijiet ta' l-oġġezzjonijiet lill-kumpaniji operazzjonali. Il-konklużjoni provviżorja ta' l-investigazzjoni kienet li tnejn mit-tliet kumpaniji Ġermaniżi kienu qegħdin jabbużaw mill-pożizzjoni dominanti tagħhom billi jżommu “prezzijiet inġusti u eċċessivi”.

3.2.7.1

Il-KESE jixtieq jieħu din l-opportunità sabiex jistqarr frankament li l-interpretazzjoni ta' l-Artikolu 82 TKE (10) ġie infiltrat b'mod progressiv minn “prezzijiet eċċessivi”, kemm bħala kunċett kif ukoll bħala espressjoni, filwaqt li l-kliem eżatt tat-Trattat jirreferi biss għall-“impożizzjoni ta' prezzijiet inġusti”, jiġifieri ta' prezzijiet mhux ġusti jew mhux iġġustifikati. Ir-raġuni għaliex il-Kummissjoni Ewropea s'issa rrifjutat li tinvestiga u tieħu azzjoni kontra mġiba tas-suq li tgħolli l-prezzijiet min-naħa tal-kumpaniji dominanti hija r-riluttanza tagħha li tagħti definizzjoni ta' prezzijiet “tajbin” u “ħżiena” (11) (speċjaliment fir-rigward ta' servizzi pprovduti f'pajjiżi differenti). Madankollu, id-domanda għas-servizzi internazzjonali (roaming) minn operaturi tat-telefowns ċellulari qiegħda tiġi intensifikata u l-klijenti qegħdin isiru iktar sensittivi għall-prezzijiet fl-imġiba tagħhom. Bir-raġun iħossu li saħansitra l-iċken żidiet fil-prezzijiet jistgħu jkunu “inġusti”, mingħajr ma jkunu verament “eċċessivi”. Il-KESE jistenna bil-ħerqa l-konklużjonijiet u d-deċiżjonijiet tal-Kummissjoni f'dan il-każ u oħrajn li huma simili.

3.2.8

Deċiżjoni tal-multa għall-kumpanija AstraZeneca għall-użu ħażin tas-sistema regolatorja: Il-Kummissjoni adottat approċċ ġdid għall-interpretazzjoni ta' l-Artikolu 82 (KE) meta mmultat lil AstraZeneca AB u AstraZeneca Plc (AZ) EUR 60 miljun għall-vjolazzjonijiet ta' l-Artikolu 82 TKE (u l-Artikolu 54 tat-Trattat taż-Żona Ekonomika Ewropea). L-abbuż min-naħa tal-kumpaniji amalgamati kien li — sabiex iżommu l-protezzjoni tad-drittijiet tal-proprjetà intellettwali li tħallihom iżommu prezzijiet għoljin għal ħafna prodotti f'ħafna swieq — niedu proċeduri uffiċjali bażati fuq regolament tal-Kunsill u b'hekk kisbu ċertifikat supplimentari ta' protezzjoni relatat mal-brevett tal-prodott tagħhom ta' kontra l-ulċeri, Losec. L-abbuż involva l-provvista ta' informazzjoni li tiżgwida lill-awtoritajiet u l-korpi li jieħdu d-deċiżjonijiet, li rriżulta fl-estensjoni tal-brevett. Konsegwentement, il-validità tal-brevett Losec ma setax jitqies bħala skadut. B'riżultat ta' dan, Losec ma sarx prodott ġeneriku, u kumpaniji iżgħar kapaċi li jbigħu fis-suq dan il-prodott ta' kontra l-ulċeri kienu mfixkla milli jimmanifatturawh bi prezz ħafna iktar baxx mill-kumpanija AstraZeneca. B'hekk, l-effett tad-dewmien ta' l-iskadenza tal-brevett laqat ħażin lill-konsumaturi b'mod indirett.

3.2.8.1

In-novità ta' din il-proċedura antimonopolistika kienet li fid-deċiżjoni tagħha, il-Kummissjoni ddeċidiet li saħansitra jekk ir-rimedji taħt il-proċedura ta' l-estensjoni tal-brevett kienu disponibbli għall-kompetituri, dan ma jeskludix l-applikazzjoni ta' l-Artikolu 82 (KE). Il-kumpaniji AstraZeneca kienu f'pożizzjoni dominanti fis-swieq rilevanti Ewropej (u oħrajn) u l-abbuż sar permezz ta' proċeduri mnieda b'mod frodulenti.

3.2.8.2

Il-KESE jieħu din l-opportunità sabiex jenfasizza li dan it-tip ta' imġiba fis-suq iktar jagħmel mal-kategorija ta' “prassi inġusti tal-bejgħ fis-suq” (12), li għadhom ma jaqgħux taħt il-kompitu tad-DĠ Kompetizzjoni. F'din l-okkażjoni partikulari l-abbuż ġie mressaq minn pożizzjoni dominanti, iżda hemm ħafna eżempji oħra ta' kumpaniji li jaġġixxu b'mod simili, irrispettivament mis-saħħa tagħhom fis-suq, mingħajr ma jiġu ppenalizzati. Jekk qegħdin naħsbu f'termini ta' swieq Ewropej integrati, irridu nniedu wkoll protezzjoni aħjar għall-konsumaturi u kompetituri, li ta' sikwit huma SMEs. Id-deċiżjoni tal-Kummissjoni fil-każ AstraZeneca tawgura ċans tajjeb ta' progress f'din id-direzzjoni.

3.2.9

Deċiżjoni fir-rigward tal-fiduċjarju tas-sorveljanza fil-każ ta' qabel tal-Microsoft: Dan il-każ magħruf kellu riperkussjonijiet u lezzjonijiet sinifikanti għall-kumpaniji Amerikani, li ntebħu li s-sistema legali Ewropea taġġixxi bħala għassies (watchdog) saħansitra fir-rigward ta' atturi tas-suq b'saħħithom li m'humiex parti mill-UE. L-aħħar deċiżjoni turi kemm hi flessibbli l-Kummissjoni Ewropea billi fittxet u sawret soluzzjonijiet li huma aċċettabbli b'mod reċiproku li jiffaċilitaw lill-kumpaniji li qegħdin jiksru l-liġi komunitarja sabiex jerġgħu jikkonverġu fil-kondizzjonijiet kompettitivi normali. Fil-fatt, in-nomina tal-fiduċjarju (13) li jissorvelja l-isforzi ta' din il-kumpanija kbira ta' l-IT tikkonforma mar-rimedji preskritti mid-Deċiżjoni hija għodda msellfa minn prassi ta' kontroll ta' l-amalgamazzjonijiet u tirrifletti l-intenzjonijiet tajba tad-DĠ COMP f'termini tal-kooperazzjoni tal-ftehim dwar disputi.

3.2.10

It-tnedija ta' stħarriġ fis-servizzi finanzjarji: Il-Kumitat japprova l-istħarriġ li ġie inizjat fil-qasam tal-kards tal-ħlas u s-servizzi bankarji bl-imnut (kontijiet kurrenti u għodod ta' l-iffinanzjar tal-SMEs), kif ukoll stħarriġ f'każ partikulari li jinvolvi l-assigurazzjoni ta' l-intrapriżi (ara punt 2.2.10.2).

3.2.10.1

Fir-rigward tas-servizzi bankarji msemmija hawn fuq, il-kompetizzjoni tidher imfixkla mill-barrieri għad-dħul, in-nuqqas ta' għażla vera u preżumibilment, pożizzjonijiet dominanti eżistenti.

3.2.10.2

Fir-rigward ta' l-assigurazzjoni ta' l-intrapriżi, l-istħarriġ tas-settur “ser jeżamina b'mod partikulari l-punt sa fejn tasal il-kooperazzjoni fost l-assiguraturi u l-assoċjazzjonijiet ta' l-assigurazzjoni f'oqsma bħat-twaqqif ta' kondizzjonijiet standard tal-poloz (14). Filwaqt li f'ħafna każijiet kooperazzjoni bħal din tista' tikkawża effiċjenzi, forom ta' kooperazzjoni li jistgħu jkunu ta' distorsjoni jistgħu jillimitaw il-kompetizzjoni u l-innovazzjoni fis-suq”.

3.2.11

Proposta tal-Kummissjoni dwar il-ħtiġijiet tas-servizz pubbliku u l-kuntratti tat-trasport tal-passiġġieri fuq it-toroq, fuq il-ferroviji u fil-passaġġi ta' l-ilma interni: Il-proposta riveduta dwar il-ħtiġijiet tas-servizz pubbliku u l-kuntratti tat-trasport tal-passiġġieri jista' jippromovi l-involviment ta' l-SMEs li huma attivi f'dawn l-oqsma, li b'hekk jitpoġġew f'pożizzjoni aħjar sabiex jipparteċipaw fit-trasport lokali.

3.2.12

It-twaqqif ta' Direttorat għall-Kartelli speċjalizzat fil-ġlieda kontra l-kartelli iebsin: il-KESE jappoġġja bil-qalb kollha l-progress li nkiseb fit-trattament professjonali tal-każijiet tal-kartelli.

3.2.13

Mill-1 ta' Mejju 2004, Regolamenti 1/2003 u 773/2004 dwar il-proċeduri antitrust introduċew sistema ġdida għall-identifikazzjoni ta' intenzjonijiet u effetti ta' ftehim li huma potenzjalment antikompettitivi li ser jiġu konklużi mill-atturi tas-suq. Notifiki għall-ksib ta' pożizzjoni preliminarja ta' l-awtorità tal-kompetizzjoni dwar in-natura potenzjalment anti-kompetittiva tal-ftehim ippjanat għall-intrapriża konġunta u l-kooperazzjoni (orizzontali u vertikali) ma jistgħux ikunu ppreżentati iktar la lill-Kummissjoni Ewropea u lanqas lill-awtoritajiet tal-kompetizzjoni fl-Istati Membri. Dan ifisser li minflok eżenzjoni individwali, fil-forma ta' “ittra ta' konfort” (comfort letter) jew “approvazzjoni negattiva” (negative clearance) kif maħruġa mid-DĠ COMP qabel l-1 ta' Mejju 2004, jaqa' f'idejn il-kumpaniji nnifishom sabiex jeżaminaw bir-reqqa l-aspetti kollha tal-ftehim ippjanat għat-twaqqif tal-konforma ma' xi (jew kull) kondizzjoni ppreżentata fl-Artikolu 81(3) TKE (15) għall-effetti benefiċi fis-swieq rilevanti. Waħda minn dawn il-kondizzjonijiet hija li jekk ftehim bħal dan (normalment ftehim ta' intrapriża konġunta) jiġi konkluż f'ċertu suq u huwa ta' benefiċċju għall-parteċipanti, il-benefiċċji għandhom jitqassmu mal-konsumaturi.

3.2.13.1

Il-KESE jixtieq jenfasizza li n-nuqqas li tintlaqa' l-kondizzjoni ppreżentata fl-aħħar sentenza tal-paragrafu ta' qabel għandu jkun bażi għall-konsiderazzjoni ta' ċerta mġiba bħala anti-kompetittiva. Fl-evalwazzjoni tal-ftehim li jmorru kontra l-Artikolu 81(1), il-Kummissjoni għandha tikkwalifika kwalunkwe evidenza li tipprova li l-imġiba kienet intenzjonata li tiżvantaġġa l-konsumaturi bħala ċirkostanza aggravanti.

4.1

Dmir importanti għall-Kummissjoni huwa li teżamina l-istrutturi previsti tas-suq u d-dominanza li tinħoloq mill-amalgazzjonijiet minn kumpaniji li bi ħsiebhom jikkonċentraw il-kapaċitajiet ta' l-iżvilupp u l-manifattura u l-bejgħ fis-suq sabiex itejbu l-pożizzjoni u s-saħħa tagħhom fis-suq. Mhux biss l-amalgamazzjonijiet iżda l-intrapriżi konġunti wkoll jistgħu jitqiesu bħala konċentrazzjonijiet jekk il-poteri eżekuttivi huma kkonċentrati fi struttura tal-ġestjoni unika unifikata u jekk il-parteċipanti varji jaġġixxu bħala attur tas-suq uniku fis-suq rilevanti. Il-benefiċċji tal-konċetrazzjonijiet jinkludu żieda fl-effiċjenza, żvilupp aċċelerat tal-prodotti, spejjeż iktar baxxi u sinerġiji fil-livell tal-ġestjoni. Madankollu, mill-perspettiva tal-politika tal-kompetizzjoni, il-konċentrazzjonijiet jistgħu jkunu żvantaġġużi peress li l-aggregazzjoni tal-poteri tas-suq jistgħu joħolqu d-dominanza, li fiha nnifisha hija assoċjata ma' riskju għoli ta' abbuż. Kultant l-amalgamazzjonijiet jistgħu jkollhom impatt negattiv. Bosta studji wrew li mhux dejjem itejbu l-effiċjenza jew it-tkabbir; fuq perijodu fit-tul, il-profitti u l-valur ta' kumpanija jistgħu saħansitra jsofru b'riżultat ta' dan. L-amalgamazzjonijiet jistgħu jwasslu wkoll għal telf sostanzjali ta' impjieg. B'hekk, fl-evalwazzjoni ta' l-amalgamazzjonijiet, huwa importanti wkoll li jitqiesu l-aspetti tal-politika soċjali u tax-xogħol (eż. impjiegi). L-aħjar mezz ta' evalwazzjoni ta' jekk l-effetti ta' konċentrazzjoni ppjanata jistgħux joħolqu distorsjoni tal-kompetizzjoni huwa li jsir kontroll ta' l-aspetti varji ta' l-amalgamazzjoni rilevanti kontra l-kondizzjonijiet ippreżentati fl-Artikolu 81(3) TKE (ara Nota 12). Jekk li-istruttura tas-suq u s-saħħa tas-suq tal-kumpaniji involuti fl-amalgamazzjoni jikkonformaw mal-kondizzjonijiet ippreżentati f'dan l-artikolu, il-konċentrazzjoni hija kkunsidrata aċċettabbli. Din hija konnessjoni importanti bejn il-kontroll ta' l-amalgamazzjoni (li huwa essenzjalment għodda tal-politika industrijali) u r-regoli ta' l-antitrust, li jgħinu lill-awtoritajiet sabiex japplikaw politika tal-kompetizzjoni fis-sens iktar strett tat-terminu.

4.1.1

Kumpaniji li jaqbżu ċerti limiti għad-dħul annwali fl-UE jew globalment għandhom jinnotifikaw lill-Kummissjoni Ewropea ta' l-intenzjoni serja tagħhom li jġibu fis-seħħ poter konġunt fis-suq (konċentrazzjonijiet), fejn id-DĠ Kompetizzjoni jniedi Fażi I u kultant proċeduri ta' Fażi II. L-obbligazzjoni ta' notifika lill-Kummissjoni ma tiddependix fuq is-saħħa fis-suq; li tikkunsidra l-Kummissjoni huwa jekk il-konċentrazzjoni rilevanti tnaqqasx il-kompetizzjoni b'mod sinifikanti, per eżempju billi toħloq jew issaħħaħ pożizzjoni dominanti.

4.2

Wieħed mill-objettivi ewlenin (jew riżultati mistennija) tal-kontroll ta' l-amalgamazzjoni huwa l-promozzjoni tal-kompetittività internazzjonali tal-manifatturi u d-distributuri Ewropej (16). Il-problema inerenti assoċjata mal-prassi ta' l-UE hija li l-kumpaniji tant jiksbu pożizzjoni b'saħħitha fis-suq permezz ta' l-amalgamazzjonijiet li jistgħu jkunu ttantati li jirrestrinġu l-kompetizzjoni fis-suq komuni. Il-Kummissjoni għamlet sforzi ċari sabiex tpatti għal dan ir-riskju billi imponiet kondizzjonijiet varji għall-ikklerjar (jiġifieri “rimedji”) li jippreskrivu l-bejgħ ta' l-assi, il-bejgħ tal-proprjetà industrijali, il-waqfien tad-distribuzzjoni f'ċertu pajjiżi eċċ. Madankollu, wara studju ta' l-istatistiċi impressjonanti dwar l-amalgamazzjonijiet wieħed jista' jikkonkludi li dawn ma jagħtu l-ebda indikazzjoni jekk:

4.3

F'Ottubru 2005, id-DĠ Kompetizzjoni ppubblika Studju dwar Rimedji għall-Amalgamazzjonijiet (Merger Remedies Study) b'deskrizzjoni dettaljata ta' l-impennji imponuti fuq il-kumpaniji u l-prerekwiżiti għall-ikklerjar sabiex jitnaqqsu l-effetti preżunti bħala anti-kompetittivi, flimkien ma' evalwazzjonijiet dettaljati li jsiru wara (ex post) ta' dawk l-impennji. F'iktar minn 40 fil-mija tal-każijiet approvati, inħolqu kwistjonijiet serji mhux solvuti (trasferiment mhux komplut ta' intrapriżi li biegħu l-assi, tqassim mhux korrett ta' l-assi, eċċ.). Dan jista' jitqies bħala tfakkir tal-ħtieġa li tiġi evalwata kwalunkwe imġiba anti-kompettitiva potenzjali li tmur kontra l-Artikolu 82 (KE) fid-dawl tal-poter imsaħħaħ fis-suq tal-partijiet interessati li jinħoloq minn amalgamazzjonijiet ikklerjati.

5.1

Wieħed mid-dmirijiet ewlenin tad-DĠ Kompetizzjoni huwa s-sorveljanza ta' l-attività ta' l-Istati Membri: liema intrapriżi rċevew appoġġ finanzjarju, u fuq liema bażi? Billi l-Unjoni Ewropea timmira li tassigura “sitwazzjonijiet bl-istess kondizzjonijiet” għall-kumpaniji kollha li huma attivi fis-suq komuni, l-idea ta' “Għajnuna Statali” ġiet imfissra bir-reqqa u interpretata b'mod konsistenti fir-rigward tal-politiki industrijali tal-gvern. L-iskrutinju jestendi mhux biss sa l-intervenzjonijiet finanzjarji diretti, iżda wkoll sat-tnaqqis fit-taxxa, kif ukoll kwalunkwe tip ta' vantaġġ ieħor mogħti lill-intrapriżi fuq bażi selettiva; dawn jistgħu jkunu meqjusa bħala inaċċettabbli mill-Kummissjoni Ewropea jekk joħolqu distorsjoni tal-kompetizzjoni.

5.2

Fl-2005, id-DĠ Kompetizzjoni pprova jasal għal fehma aħjar ta' l-objettivi ta' l-għajnuna Statali fl-Istati Membri u r-regoli li japplikaw għall-allokazzjoni tagħha. L-għan ta' din l-inizjattiva kien li tikkontribwixxi lejn is-suċċess ta' l-aġenda ta' Lisbona billi tuża l-għajnuna sabiex issaħħaħħ il-kompetittività ta' l-ekonomija sħiħa ta' l-UE. Bil-għan li tittejjeb il-koordinazzjoni fost il-partijiet interessati (jiġifieri korpi statali, intrapriżi u l-assoċjazzjonijiet tagħhom) u t-tmexxija ta' fondi pubbliċi lejn setturi fejn jistgħu jiġu użati b'mod effiċjenti, nediet Pjan ta' Azzjoni għall-Għajnuna Statali (17). Il-prinċipji ta' gwida tal-Pjan ma jinfirdux mill-prassi eżistenti iżda jimmiraw li jsawru prassi aħjar li għalihom l-Istati Membri jistgħu jadattaw ruħhom. Xi kummenti:

5.2.1

L-eżempji “tajbin u ħżiena” ppreżentati fir-Rapport jirriflettu l-varjetà ta' raġunijiet li għalihom tista' tingħata l-għajnuna Statali. L-għan li jintużaw fondi pubbliċi “effettivament għall-benefiċċju ta' ċittadini Ewropej f'termini ta' titjib fl-effiċjenza ekonomika, li tiġġenera iktar tkabbir u impjiegi sostenibbli, koeżjoni soċjali u reġjonali, titjib tas-servizzi ta' interess ekonomiku ġenerali, ta' l-iżvilupp sostenibbli u tad-diversità kulturali”  (18) huwa, naturalment approvat bis-sħiħ mill-KESE. Madankollu, fid-dawl tal-kondizzjonijiet fqar minħabba l-infrastruttura sottożviluppata u l-klima kummerċjali mhux favorevoli għall-intrapriżi żgħar u ta' daqs medju, kif ukoll żvantaġġi oħra — speċjalment fl-Istati Membri l-ġodda — il-KESE ma jistax jappoġġja l-objettiv li titqassam inqas għajnuna Statali.

5.2.2

Jidher li l-ħolqien ta' kondizzjonijiet finanzjarjament favorevoli għall-kumpaniji konvenzjonali li jinsabu fi kriżi permezz ta' l-estensjoni ta' l-għajnuna sabiex jissalvaw jew jiġi ristrutturati għadu kwistjoni importanti f'bosta Stati Membri. Mil-lat ta' l-impjieg, il-KESE ma tistax tikkritika dan. Madankollu, kien hemm bosta każijiet li fihom il-Kummissjoni esprimiet id-dubji tagħha fir-rigward tal-vijabilità ta' l-għajnuna li sservi sabiex terġa' ġġib lill-kumpaniji salvati għal pożizzjoni ekonomika bbilanċjata.

5.2.3

Skond pakkett ta' miżuri legali mniedi f'Lulju u kkoordinat mal-Pjan ta' Azzjoni dwar l-Għajnuna Statali, “kumpaniji jistgħu jirċievu appoġġ pubbliku sabiex ikopru l-ispejjeż kollha, inkluż profitt raġonevoli, fil-qadi ta' kompiti ta' servizz pubbliku kif imfissrin u fdati lilhom mill-awtoritajiet pubbliċi.” Billi jgħinu lil kumpaniji (wisq probabbli SMEs ta' importanza lokali) f'diffikultajiet finanzjarji, possibilitajiet bħal dawn jistgħu jservu ta' eżempji tajbin ta' kif il-fondi pubbliċi jistgħu jiġu wżati b'mod effettiv għall-benefiċċju taċ-ċittadini u l-intrapriżi ta' l-UE.

6.1

Is-sena 2005 kienet l-ewwel sena sħiħa li fiha l-bidliet għall-proċeduri antitrust introdotti mir-Regolament tal-Kunsill Nru 1/2003 bdiet taħdem. Dan ifisser li

6.2

Ir-Rapport li qiegħda tirrevedi din l-opinjoni jagħmilha ċara li qrati nazzjonali rari jiġu involuti fl-infurzar tal-liġi Ewropea tal-kompetizzjoni, u m'hemm l-ebda prospett immedjat li jingħelbu l-problemi f'dan il-qasam. Waħda mir-raġunijiet ewlenin tista' tkun li ġurisdizzjoni tal-prim'istanza fil-liġi tal-kompetizzjoni tvarja minn pajjiż għal ieħor. Raġuni oħra hija li s'issa l-liġi tal-kompetizzjoni nazzjonali biss kienet disponibbli, filwaqt li — minkejja l-fatt li l-armonizzazzjoni leġislattiva kellha impatt sinifikanti ħafna fuq is-sistemi legali ta' l-Istati Membri — għad fadal differenzi bejn il-liġi Ewropea u l-liġijiet nazzjonali f'ħafna Stati Membri. Għalissa, jidher li saħansitra il-partijiet litiganti huma riluttanti li jressqu każijiet fil-qrati nazzjonali (19).

6.3

Raġuni mistura hija li l-ġurisprudenza Ewropea, li hija fil-fatt waħda mis-sorsi veri tal-liġi tal-kompetizzjoni, m'hijiex faċilment disponibbli għall-imħallfin fl-Istati Membri. Sa fejn hija kkonċernata l-liġi proċedurali, sommarji konċiżi ta' sitwazzjonijiet proċedurali differenti flimkien ma' referenzi għal preċedenti huma disponibbli, iżda l-manwali simili għal-liġi sostantiva  (20) għadhom ma ġewx ikkompilati mill-Kummissjoni jew mill-Qorti Ewropea għall-Ġustizzja. L-ewwel pass lejn l-applikazzjoni usa' ta' l-artikoli attwali Ewropej dwar l-antitrust mill-Qrati ta' l-Istat Membru għandu jkun il-kompilazzjoni ta' l-iktar każijiet ta' eżempju importanti (u kkwotati ta' sikwit) flimkien ma kunċetti u tifsiriet ta' spjegazzjoni f'manwal, issupplimentat minn stqarrijiet u konklużjonijiet mid-deċiżjonijiet tal-Qorti tal-Prim'Istanza u l-Qorti tal-Ġustizzja Ewropea. Il-kompilazzjoni għandha naturalment tiġi tradotta fil-lingwi kollha nazzjonali, u aġġornata regolarment. Il-Kumitat jemmen ħafna li sakemm il-kollezzjonijiet tal-ġurisprudenza jkunu kompilati u pubblikati fil-lingwi kollha wżati fl-Istati Membri u t-taħriġ fil-liġi Ewropea tal-kompetizzjoni jkun organizzat għall-imħallfin, l-avukati u l-esperti kollha interessati, l-applikazzjoni korretta tar-regoli tal-kompetizzjoni Ewropea fl-Istati Membri m'hijiex ser tistabbilixxi ruħha.

6.4

Fir-rigward tat-twaqqif ta' netwerk li jikkomunika u jikkoopera ma' l-awtoritajiet nazzjonali tal-kompetizzjoni, il-Kummissjoni (u naturalment id-DĠ COMP b'mod partikulari) irnexxielha tpoġġi lin-Netwerk Ewropew għall-Kompetizzjoni (ECN) f'pożizzjoni soda fi żmien relattivament qasir. Il-fora u l-gruppi ta' ħidma mfissra fir-Rapport huma konnessjonijiet effetttivi f'sistema ta' kooperazzjoni stabbilita tajjeb li fiha l-NCAs ta' sikwit ħafna jistabbilixxu kuntatti diretti ma' xulxin (saħansitra fil-livell ta' persuni li jimmaniġġjaw il-każijiet) mingħajr l-ebda ħtieġa li Brussel jaġġixxi bħala intermedjarju. Jista' jiġi verament affermat li l-integrazzjoni ma laħqitx dan il-livell fi kwalunkwe parti oħra ta' l-organizzazzjoni ta' l-UE.

—

kwalunkwe ftehim jew kategorija ta' ftehim bejn kumpaniji;

—

kwalunkwe deċiżjoni jew kategorija ta' deċiżjonijiet minn assoċjazzjonijiet ta' kumpaniji;

—

kwalunkwe prassi miftiehma jew kategorija ta' prassi miftiehma, Li tikkontribwixxi lejn it-titjib tal-produzzjoni jew tad-distribuzzjoni tal-merkanzija jew lejn il-promozzjoni ta' progress tekniku jew ekonomiku, filwaqt li tippermetti li l-konsumaturi jirċievu parti ġusta mill-benefiċċju li jirriżulta, u li ma:

20.7.2007   

MT

Il-Ġurnal Uffiċjali ta’ l-Unjoni Ewropea

C 168/29

1.1

Il-KESE jilqa' l-istrateġija tematika fil-livell ta' l-UE għall-protezzjoni tal-ħamrija u japprova, fil-prinċipju, l-istabbiliment ta' direttiva ta' qafas.

1.2

L-istrateġija trid tiffoka fuq oqsma fejn il-problema hija l-aktar serja u fejn it-theddida għall-art tajba għall-biedja hija l-akbar, eż. tibdil fl-użu tal-ħamrija (fejn art tajba għall-biedja tittieħed għall-bini, toroq, eċċ.), żoni industrijali mniġġsa u siġillar ta' uċuħ ta' l-art. L-istrateġija ta' l-UE trid tirrispetta l-prinċipju tas-sussidjarjetà.

1.3

L-ispejjeż tat-tħarbit tal-ħamrija jridu jitħallsu minn dawk li jkunu responsabbli għad-dannu f'każijiet fejn dan ikun proporzjonat, pjuttost milli primarjament mill-utent ta' l-art.

1.4

Jekk ir-raġuni l-għala tintuża direttiva ta' qafas tkun biex tiġi żgurata bażi komuni, l-Istati Membri jrid ikollhom livelli simili ta' ambizzjoni, sabiex tiġi evitata kwalunkwe distorsjoni tal-kompetizzjoni.

1.5

Prattiċi tajbin fl-agrikoltura u l-kultivazzjoni tal-foresti jżommu u jtejbu l-ħamrija.

1.6

Il-fatt li art tajba għall-biedja tintuża għall-produzzjoni ta' l-ikel, iġagħlek tissupponi li art naturali tkun ittieħdet għal skopijiet ta' kultivazzjoni. Konsegwentement, xi impatt huwa inevitabbli.

1.7

Il-KESE jikkundanna n-nuqqas tal-Kummissjoni sa issa li tippreżenta l-proposta abbozzata mill-ġdid tagħha għal direttiva riveduta ġdida dwar il-ħama tad-drenaġġ u jitlob lill-Kummissjoni sabiex tippreżentaha mingħajr dewmien, billi din hija waħda mill-pilastri fil-protezzjoni tal-ħamrija għal art agrikola u biex tiżgura li l-kontaminazzjoni minħabba l-preżenza ta' sustanzi perikolużi ma tiżdiedx.

1.8

Ir-restawr tal-ħamrija stabbilit fl-Artikolu 1 (suġġett u kamp ta' applikazzjoni) irid jiġi ġestit skond is-sitwazzjonijiet speċifiċi u għandu jiġi stmat każ b'każ.

1.9

Il-politiki settorjali tal-pajjiż ma jridux iwasslu għal distorsjonijiet tal-kompetizzjoni bejn l-Istati Membri, kif stabbilit fl-Artikolu 3.

1.10

Ir-rekwiżiti ta' l-Istati Membri stabbiliti fl-Artikolu 4 iridu jkunu raġonevolment proporzjonati.

1.11

Artikolu 12 irid jiġi fformulat mill-ġdid fir-rigward ta' l-obbligu tax-xerrej prospettiv sabiex jipprovdi rapport f'ċerti każijiet.

1.12

Il-penali previsti f l-Artikolu 22 iridu jkunu wkoll raġonevolment proporzjonati mad-dannu kkawżat Il-KESE jħoss li mhuwiex aċċettabbli li l-istess dannu jista' jwassal għal bosta penali differenti.

1.13

Ir-rekwiżit għall-operatur li jwettaq miżuri ta' rimedju stabbiliti fl-Artikolu 23 jista' jkun iġġustifikat biss jekk l-operatur fil-fatt ikun ikkawża d-dannu

1.14

L-istabbiliment ta' kumitat indipendenti ta' esperti mis-settur privat u pubbliku jiffaċilita l-implimentazzjoni ta' l-istrateġija dwar il-ħamrija.

2.1

Il-ħamrija tista' titqies bħala riżorsa li ma tiġġeddidx; minkejja dan il-ħamrija qiegħda titħarbat b'pass mgħaġġel f'bosta postijiet madwar l-UE u dan qiegħed jiġi aggravat bl-attivitajiet tal-bniedem, fosthom l-attivitajiet industrijali, it-turiżmu, l-iżvilupp urban, l-infrastruttura tat-trasport u ċerti metodi fl-agrikoltura u l-kultivazzjoni tal-foresti.

2.2

Il-ħamrija hija riżorsa ta' interess komuni għall-UE u n-nuqqas ta' protezzjoni tagħha fil- livell ta' l-UE sejr inawwar is-sostenibbilità u l-kompetittività fuq perijodu fit-tul ta' l-Ewropa. Numru ta' politiki differenti ta' l-UE diġà jikkontribwixxu għall-protezzjoni tal-ħamrija iżda ma teżisti ebda politika koerenti. Disa' Stati Membri biss għandhom leġislazzjoni speċifika dwar il-protezzjoni tal-ħamrija, li sikwit tkopri theddida speċifika, partikolarment il-kontaminazzjoni tal-ħamrija. It-tħarbit tal-ħamrija għandu impatti qawwija fuq oqsma oħra ta' interess komuni għall-UE, bħalma huma l-ilma, is-saħħa tal-bniedem, it-tibdil fil-klima, il-protezzjoni tan-natura u tal-bijodiversità, u s-sikurezza ta' l-ikel.

2.3

F'dan il-kuntest, il-Kummissjoni tipproponi Strateġija dwar il-Ħamrija għall-Ewropa. Din hija spjegata f'komunikazzjoni, akkumpanjata minn proposta għal direttiva ta' qafas u evalwazzjoni ta' l-impatt. Id-direttiva ta' qafas tispeċifika prinċipji, miri u azzjonijiet komuni. Hija titlob li l-Istati Membri jadottaw approċċ sistematiku sabiex jiġi identifikat u miġġieled it-tħarbit tal-ħamrija, jiġu indirizzati miżuri ta' prekawzjoni u tiġi integrata l-protezzjoni tal-ħamrija f'politiki oħra. Iżda hija tippermetti flessibilità; huma l-Istati Membri li jridu jiddeċiedu l-livell ta' ambizzjoni, il-miri speċifiċi u l-miżuri biex jilħquhom. Dan għaliex teżisti varjetà kbira fit-tip ta' tħarbit tal-ħamrija madwar l-Ewropa, fejn ġew identifikati 320 tip ta' ħamrija prinċipali.

2.4

L-Istati Membri huma meħtieġa jidentifikaw żoni fejn hemm riskju ta' erożjoni, tnaqqis fil-materja organika, kompattazzjoni, salinizzazzjoni u żerżiq minn ġnub l-għoljiet. Huma jridu jistabbilixxu miri għat-tnaqqis tar-riskju f'dawk iż-żoni u jistabbilixxu programmi ta' miżuri sabiex jilħquhom. Huma jridu wkoll jimpedixxu aktar kontaminazzjoni, jistabbilixxu inventarju tas-siti kkontaminati fuq it-territorju tagħhom u jfasslu strateġiji nazzjonali għar-rimedju. Meta jkun ser jinbiegħ sit fejn seħħet jew tkun qiegħda sseħħ attività li potenzjalment tniġġes, għandu jiġi pprovdut rapport dwar l-istat tal-ħamrija mill-bejjiegħ jew mix-xerrej lill-amministrazzjoni u lill-parti l-oħra fit-transazzjoni. Fl-aħħarnett, l-Istati Membri huma meħtieġa li jillimitaw jew itaffu l-effetti ta' l-issiġillar, ngħidu aħna permezz tar-rijabilitazzjoni ta' siti industrijali żdingati (brownfield sites).

3.1

Il-KESE jilqa' l-Komunikazzjoni tal-Kummissjoni dwar Strateġija Tematika għall-protezzjoni tal-ħamrija, li hija l-kontinwazzjoni għall-komunikazzjoni preċedenti ta' l-2002 (1), u l-proposta sabiex tiġi stabbilita direttiva ta' qafas dwar il-protezzjoni tal-ħamrija. Diġà fis-sena 2000, f'opinjoni fuq inizjattiva proprja dwar il-ħama tad-drenaġġ fl-agrikoltura (2), il-KESE kien għamel sejħa lill-Kummissjoni sabiex tintroduċi rekwiżiti minimi għall-protezzjoni tal-ħamrija.

3.2

Fl-iżvilupp ta' l-istrateġija għall-protezzjoni tal-ħamrija, il-Kummissjoni organizzat proċess ta' konsultazzjoni miftuħ u komprensiv li kien jinvolvi bosta partijiet, mifrux fuq kważi erba' snin, u li l-KESE wkoll seta' jsegwi. Il-kummenti f'din l-opinjoni jirreferu qabel xejn għad-direttiva ta' qafas proposta, li l-KESE ġie kkonsultat dwarha, iżda wkoll, fejn japplika, għall-komunikazzjoni tal-Kummissjoni.

3.3

Il-ħamrija u l-funzjonijiet tal-ħamrija jipprovdu riżorsa prezzjuża għan-natura, u għas-sopravivenza tal-bniedem u ta' l-ekosistemi. L-attività umana taffettwa l-funzjonijiet u l-użu tal-ħamrija b'diversi modi. Strateġija ta' l-UE trid tiffoka fuq oqsma fejn it-theddida għall-art tajba għall-biedja tkun l-aktar qawwija, eż. tibdil fl-użu ta' l-art, żoni industrijali mniġġsa, siġillar ta' l-uċuh ta' l-art u l-erożjoni.

3.4

Il-ħamrija u l-funzjonijiet tal-ħamrija huma marbuta ma' diversi oqsma politiċi oħra li huma regolati b'diversi modi kemm b'leġislazzjoni nazzjonali kif ukoll Ewropea, eż. id-Direttiva dwar l-Ilma, id-Direttiva dwar in-Nitrati, u l-leġislazzjoni fuq is-sustanzi kimiċi, eċċ. Xi pajjiżi diġà għandhom diversi arranġamenti għar-regolazzjoni, monitoraġġ u identifikazzjoni tal-ħamrija u tat-tħarbit tal-ħamrija; Għaldaqstant, il-proposta tal-Kummissjoni m'għandhiex tagħmel is-sitwazzjoni agħar milli hi, iżda pjuttost għandha tipprovdi flessibilità biżżejjed għal dawn il-pajjiżi.

3.5

Il-Kummissjoni tirrimarka li l-prezz tat-tħarbit tal-ħamrija ma jħallsux għalih l-utenti ta' l-art iżda tħallas għalih is-soċjetà jew partijiet oħra. Il-KESE jsostni li min jagħmel il-ħsara jrid ikun responsabbli għaliha; f'sens ġenerali, mhumiex dejjem l-utenti ta' l-art li għandhom ħtija. F'ħafna każi, l-utenti ta' l-art huma suġġetti għall-effetti tat-tniġġis ġej mill-arja, tniġġis minn żoni oħra permezz ta' emissjonijiet industrijali, għargħar u emissjonijiet oħra pollutanti; hawnhekk, l-utenti ta' l-art isofru effetti negattivi u jidher ċar li huma mhumiex responsabbli għalihom.

3.6

Il-KESE jinnota, madankollu, li l-Kummissjoni tenfasizza b'mod konsistenti li l-miżuri ta' protezzjoni jridu jiġu implimentati f'ras il-għajn; dan huwa ovvjament l-approċċ korrett, u għandu jwassal għal bilanċ xieraq tar-responsabbiltajiet. Ifisser ukoll li oqsma leġislattivi oħra minbarra l-oqsma speċifiċi għall-ħamrija jiġu affettwati.

3.7

Il-KESE japprova l-adozzjoni ta' strateġija speċifika għall-protezzjoni tal-ħamrija, u l-fatt li din għandha titwassal permezz ta' direttiva ta' qafas. Din tipprovdi l-bażi għal protezzjoni ugwali b'regoli komuni għal problemi li, min-natura stess tagħhom, jistgħu jaqsmu l-fruntieri. Jekk madankollu, il-protezzjoni tal-ħamrija trid tassew tiġi mtejba, dan il-qasam ta' politika jrid jiġi integrat ukoll f'leġislazzjoni oħra.

3.8

Il-Kummissjoni ssostni wkoll li l-ispejjeż u l-benefiċċji se jvarjaw skond il-livelli ta' l-ambizzjoni u l-punt safejn jiġi utilizzat il-potenzjal eżistenti, ngħidu aħna d-dispożizzjonijiet ambjentali tal-Politika Agrikola Komuni. Il-KESE jisħaq li l-problema ta' interpretazzjoni u applikazzjoni legali sigura u konsistenti tar-rekwiżiti ta' kundizzjonalità (cross-compliance requirements) ta' l-Istati Membri kif introdotti fil-Politika Agrikola Komuni, għadha mhix solvuta. Jekk il-mira tad-direttiva ta' qafas hija li tipprovdi bażi komuni għall-protezzjoni tal-ħamrija u tevita li l-operaturi jkollhom iġorru l-piż ta' obbligi finanzjarji li jvarjaw ħafna, f'dak il-każ il-livelli ta' ambizzjoni jridu jkunu wkoll simili sabiex tiġi evitata kwalunkwe distorsjoni tal-kompetizzjoni.

3.9

Bħala eżempju ewlieni, il-Kummissjoni tindika li fatturi bħal metodi mhux f'lokhom fl-agrikoltura u l-kultivazzjoni tal-foresti jistgħu jikkontribwixxu għat-tħarbit tal-ħamrija. Għall-kuntrarju, meta prattiċi tal-biedja tajbin jiġu applikati fl-agrikoltura u l-kultivazzjoni tal-foresti, dawn jgħinu fiż-żamma jew fit-titjib tal-ħamrija. It-theddida għall-art tajba għall-biedja ġejja mill-bidla fl-użu, l-espansjoni industrijali, l-installazzjonijiet tat-trasport, it-tniġġis atmosferiku, l-ożonu fil-livell ta' l-art u pollutanti oħra. Għalkemm l-ippjanar ta' l-ispazju (ippjanar urban) huwa kompetenza ta' l-Istati Membri pjuttost milli kompetenza ta' l-UE, dan il-qasam ukoll irid jiġi indirizzat.

3.10

Il-forzi tas-suq u l-politika agrikola preżenti wkoll ikkontribwew għaż-żieda fl-iżvilupp strutturali u l-ispeċjalizzazzjoni, u għas-separazzjoni, b'mod konsiderevoli, tal-produzzjoni ta' l-uċuh tar-raba mit-trobbija ta' l-annimali, liema fatt jista' twassal għal tnaqqis fl-iskart organiku fil-ħamrija. Il-politika agrikola komuni ġdida bil-ħlasijiet separati tagħha fil-fatt tagħmel dan aktar probabbli.

3.11

Il-Kummissjoni tqis li l-agrikoltura jista' jkollha effett pożittiv fuq il-kundizzjoni tal-ħamrija jekk il-ħamrija tiġi ġestita b'mod ekoloġiku, estensiv u billi jintuża approċċ integrat. Dan huwa raġunament pjuttost sempliċistiku. Kollox jiddependi mil-livell ta' kompetenza u ta' teknoloġija użati fil-ġestjoni tal-ħamrija. Il-fatt li art tajba għall-biedja tintuża għall-produzzjoni ta' l-ikel, iġagħlek tissupponi li art naturali tkun ittieħdet għal skopijiet ta' kultivazzjoni. Konsegwentement, xi impatt huwa inevitabbli u għalhekk irid jiġi aċċettat jekk iridu jiġu prodotti oġġetti ta' l-ikel. L-impatt fuq l-art tajba għall-biedja jiddependi fuq il-varjazzjoni staġjonali annwali, il-klima, eċċ., iżda dan ma jfissirx li s-sustanzi industrijali, l-erożjoni, il-konċentrazzjoni ta' materja organika, eċċ., iridu jiġu aċċettati. Attività agrikola normali, bl-użu ta' l-għerf u l-kompetenzi li għandna llum, tista' fil-fatt tgħin sabiex tinżamm u tittejjeb il-kwalità tal-ħamrija. Ftit intraprendituri jieħdu approċċ daqshekk fit-tul kemm għall-investiment kif ukoll għall-ġestjoni tal-ħamrija daqs il-bdiewa u l-kultivaturi tal-foresti. Dan il-livell għoli ta' għarfien dwar il-protezzjoni tal-ħamrija fost il-bdiewa għandu jiġi sostnut u kkumplimentat minn sistemi ta' konsulenza kif ukoll miżuri u inċentivi volontarji.

3.12

Il-Kummissjoni ssostni wkoll li l-protezzjoni ambjentali hija msaħħa permezz tad-direttiva dwar ir-responsabbiltà ambjentali (3). Dan huwa kumment ġust, iżda fl-istess waqt irid jiġi nnotat li l-fatt li xi ħsara tista' twassal għal tliet penali differenti (tneħħija ta' l-għajnuna, responsabbiltà u ħlasijiet amministrattivi) kif attwalment hu l-każ, ma jistax ikun kompatibbli ma' opinjoni legali aċċettata.

3.13

Il-KESE jaqbel li l-użu sostenibbli tal-ħamrija jeħtieġ strateġija komprensiva ta' l-UE għall-protezzjoni tal-ħamrija.

3.14

L-implimentazzjoni tista' tiġi msaħħa bil-ħolqien ta' grupp indipendenti ta' esperti dwar il-protezzjoni tal-ħamrija, b'rappreżentanti mis-settur pubbliku u privat.

4.1

Il-KESE jikkundanna n-nuqqas tal-Kummissjoni li tippreżenta l-proposta sabiex tkun emendata d-direttiva dwar l-użu tal-ħama tad-drenaġġ fl-agrikoltura u l-konċentrazzjonijiet permissibbli ta' metalli ta' densità għolja, li l-Kummissjoni ilha tipprepara għal diversi snin. Fil-komunikazzjoni tagħha dwar il-protezzjoni tal-ħamrija, il-Kummissjoni tiddikjara l-intenzjoni tagħha li tippreżenta tali proposta fl-2007. Il-komunikazzjoni ta' l-2002 dwar strateġija tematika għall-protezzjoni tal-ħamrija ddikjarat li r-reviżjoni kellha tkun inkluża fl-istrateġija għall-ħamrija. Dan ifisser li waħda mill-aktar miżuri importanti sabiex tittejjeb il-protezzjoni tal-ħamrija u l-produzzjoni sigura ta' l-ikel ġiet posposta għal ammont ta' żmien konsiderevoli. Għalhekk huwa importanti li d-direttiva emendata dwar l-użu tal-ħama tad-drenaġġ tiġi ppubblikata fl-istess ħin bħall-adozzjoni ta' l-istrateġija għall-protezzjoni tal-ħamrija.

4.1.1

Id-direttiva attwali dwar il-ħama tad-drenaġġ (4)għadha tippermetti konċentrazzjonijiet għoljin ta' metalli ta' densità għolja u pollutanti oħra li jistgħu jixterdu fuq art agrikola. Il-KESE jirreferi għall-opinjoni fuq inizjattiva tiegħu stess li adotta fis-sena 2000 dwar ir-reviżjoni tad-Direttiva tal-Kunsill 86/278/KEE dwar l-użu tal-ħama tad-drenaġġ fl-agrikoltura, li sejħet għal rekwiżiti aktar ibsin dwar il-konċentrazzjonijiet permissibbli ta' metalli ta' densità għolja. Barra minn hekk, ftit wisq huwa magħruf dwar il-kontenut tal-pollutanti kimiċi b'mod ġenerali, dwar kif jinteraġixxu u kif jaffettwaw is-sigurtà tal-ħamrija u ta' l-ikel meta jixterdu fuq art ikkoltivata.

4.1.2

Il-KESE jieħu dan b'serjetà kbira u jirreferi għal studju ppreżentat minn żewġ riċerkaturi fir-rivista medika The Lancet ta' Novembru 2006. Għalkemm dan huwa studju iżolat, ir-riżultati juru li kontaminanti magħrufa sewwa jista' jkollhom effett — li sa issa kien għadu ma ġiex innotat — fuq l-iżvilupp tal-moħħ fil-feti u t-tfal żgħar. Ir-riċerkaturi jemmnu li dan jista' jkun marbut ma' kondizzjonijiet serji bħall-awtiżmu, ADHD u żvilupp tardiv. Ħafna minn dawn is-sustanzi kimiċi jinstabu wkoll fi prodotti domestiċi. B'diversi modi dawn jispiċċaw fis-sistemi tad-drenaġġ u ftit nafu dwar kif dawn jaffettwaw il-ħamrija meta l-ħama tintuża bħala fertilizzant.

4.1.3

Il-KESE jilqa' b'sodisfazzjon il-fatt li l-Kummissjoni donnha abbandunat il-pożizzjoni preċedenti tagħha li l-aħjar użu mill-ħama tad-drenaġġ, minn perspettiva ambjentali, huwa li tferrxu fuq art tajba għall-biedja. Il-mod kif inhi fformulata l-komunikazzjoni dwar l-istrateġija għall-iskart (5) donnu jrid jindika dan. Il-Kummissjoni tikkonferma wkoll hawnhekk li hija beħsiebha tressaq proposti għal direttiva riveduta dwar il-ħama tad-drenaġġ, li jsegwu mill-istrateġija għall-protezzjoni tal-ħamrija. Il-KESE jqis, madankollu, li ma kellhiex għalfejn tistenna li jsir dan; hija messha ppreżentat ferm qabel strateġija radikalment riveduta dwar konċentrazzjonijiet permissibbli ta' metalli ta' densità għolja u pollutanti oħra fil-ħama tad-drenaġġ, b'mod partikolari billi d-direttiva proposta ssostni li dan huwa meħtieġ sabiex jiġi limitat id-dħul ta' sustanzi perikolużi fil-ħamrija.

4.1.4

L-użu tal-ħama tad-drenaġġ fl-agrikoltura u l-konċentrazzjonijiet tiegħu ta' kontaminanti hija waħda mill-aktar kwistjonijiet importanti fil-protezzjoni tal-ħamrija u s-sikurezza ta' l-ikel. Din il-kwistjoni ġġib magħha wkoll il-mistoqsija jekk l-utenti tal-ħamrija jew il-produtturi tal-ħama tad-drenaġġ, jiġifieri l-irħula u l-muniċipalitajiet, għandhomx ikunu responsabbli għal xi tħarbit tal-ħamrija. Il-kwistjonijiet tar-responsabbiltà u d-danni għandhom jiġu ċċarati f'direttiva riveduta dwar il-ħama tad-drenaġġ.

4.1.5

Leġislazzjoni ġdida dwar kimiċi aktar siguri hija meħtieġa wkoll għall-protezzjoni tal-ħamrija in ġenerali, u b'mod partikolari għall-mod kif is-soċjetà teħles mill-ħama tad-drenaġġ billi tferrxu fuq il-ħamrija. Hemm bżonn li kimiċi perikolużi jiġu sostitwiti b'oħrajn anqas perikolużi sabiex jinkiseb il-livell meħtieġ ta' protezzjoni tal-ħamrija.

4.1.6

Il-KESE jitlob lill-Kummissjoni sabiex tippreżenta minnufih il-proposta għal direttiva riveduta u wkoll biex tipprovdi analiżi tar-riskju għal aktar sustanzi milli attwalment huma koperti bid-direttiva. Dan għandu jkun wieħed mill-aktar fatturi importanti fil-protezzjoni tal-ħamrija għal art tajba għall-biedja, sabiex tiġi evitata kwalunkwe żieda fil-kontaminazzjoni u jiġu żgurati livelli sodisfaċenti ta' sikurezza fl-ikel.

4.2

Artikolu 1 tad-direttiva dwar il-protezzjoni tal-ħamrija jipprovdi li ħamrija mħarbta trid tiġi restawrata għal livell ta' funzjonalità konsistenti talanqas ma' l-użu kurrenti jew dak futur approvat. Il-KESE jaċċetta l-prinċipju iżda jistaqsi jekk id-direttiva ta' qafas teħtieġx tassew tispeċifika “għall-inqas”. Is-sitwazzjoni speċifika trid tiġi kkunsidrata u d-deċiżjonijiet jittieħdu każ b'każ.

4.3

Il-KESE jemmen li l-formulazzjoni attwali ta' l-Artikolu 3 tista' tħalli lok għall-Istati Membri sabiex jifformulaw politika settorjali nazzjonali li tfixkel il-kompetizzjoni. Huwa importanti li l-artikolu jkun ristrett għal analiżi, iżda kwalunkwe miżura trid tikkonforma mar-rekwiżiti ta' suq intern li jaħdem sewwa, regoli komuni u kompetizzjoni ġusta.

4.4

Il-KESE jqis ukoll li l-Artikolu 4 iħalli lok għal intervent kważi bla kontroll. Dwar l-art agrikola, il-KESE hawn fuq irrimarka li l-kultivazzjoni għandha impatt de facto fuq il-ħamrija, impatt li jvarja b'fatturi li l-utent ta' l-art ma jistax jinfluwenza, bħal ngħidu aħna l-varjazzjoni staġjonali annwali, il-klima, eċċ. Ir-rekwiżiti ta' l-Istati Membri jridu jkunu raġonevolment proporzjonati għal dan. Bl-istess mod, irid ikun hemm konformità raġonevoli bejn il-miżuri ta' l-Istati Membri. Dan huwa konformi wkoll mad-dispożizzjonijiet ta' l-Artikolu 9 dwar miżuri proporzjonati sabiex jiġu ppreservati l-funzjonijiet tal-ħamrija.

4.5

Artikolu 12 jistabbilixxi li f'ċerti każijiet il-proprjetarju tas-sit jew ix-xerrej prospettiv irid jipprovdi rapport dwar l-istat tal-ħamrija. Il-KESE jħoss li jkun ħażin li wieħed jitlob lil xerrej prospettiv biex jipprovdi r-rapport. Hija meħtieġa flessibilità biex tagħmel tajjeb għad-differenzi fil-leġislazzjoni ta' l-Istati Membri. Għaldaqstant l-Artikolu jrid jiġi fformulat mill-ġdid.

4.6

Artikolu 17 jirreferi għall-pjattaforma volontarja li l-Kummissjoni beħsiebha tistabbilixxi. Il-Kummissjoni trid tagħmel l-almu tagħha ħalli tiżgura li dan tassew iwassal għal skambju ta' metodi simili sabiex l-approċċ ikun uniformi u sabiex ikunu żgurati l-istess regoli u kundizzjonijiet għal kulħadd. Billi l-informazzjoni se tkun skambjata fuq bażi volontarja, se tkun meħtieġa wkoll parteċipazzjoni attiva mill-Kummissjoni.

4.7

Artikolu 22 isostni li l-Istati Membri għandhom jistabbilixxu r-regoli dwar il-penali. Il-KESE jqis li huwa importanti, mil-lat taċ-ċertezza legali, li l-penali jkunu fi proporzjon raġonevoli mad-ħsara kkawżata. Huwa wkoll inaċċettabbli li l-istess ħsara tista' twassal għal bosta penali differenti.

4.8

Artikolu 23 jipproponi emenda għad-Direttiva 2004/35/KE sabiex tippermetti lill-awtoritajiet jesiġu li l-operatur iwettaq il-miżuri ta' rimedju. Il-KESE jħoss li dan jista' jkun validu biss jekk l-operatur fil-fatt ikun ikkawża l-ħsara. Dan ma joħroġx b'mod ċar mit-test.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/34

—

“Il-Proposta għal Regolament tal-Parlament Ewropew u tal-Kunsill li jistabbilixxi proċedura ta' awtorizzazzjoni uniformi għall-addittivi, l-enzimi u l-ħwawar ta' l-ikel”

—

“Il-Proposta għal Regolament tal-Parlament Ewropew u tal-Kunsill dwar l-enzimi ta' l-ikel u li jemenda d-Direttiva tal-Kunsill 83/417/KEE tal-Kunsill, ir-Regolament tal-Kunsill (KE) Nru 1493/1999, id-Direttiva 2000/13/KE tal-Parlament u tal-Kunsill u d-Direttiva tal-Kunsill 2001/112/KE”

—

“Il-Proposta għal Regolament tal-Parlament Ewropew u tal-Kunsill dwar ħwawar u ċerti ingredjenti ta' l-ikel bi proprjetajiet ta' taħwir għall-użu fl-ikel u fuq l-ikel li jemenda r-Regolament tal-Kunsill (KEE) Nru 1576/89, ir-Regolament tal-Kunsill (KEE) Nru 1601/91, ir-Regolament (KE) Nru 2232/96 u d-Direttiva 2000/13/KE”

—

“Il-Proposta għal Regolament tal-Parlament Ewropew u tal-Kunsill dwar l-addittivi ta' l-ikel”

1.1

Il-Kumitat jilqa' l-pakkett ta' proposti dwar l-addittivi, l-enzimi u l-ħwawar u dwar il-proċeduri komuni ta' awtorizzazzjoni, fil-kuntest ta' suq intern effettiv u kompetittiv li jassigura livell għoli ta' ħarsien tal-ħajja u tas-saħħa tal-bniedem.

1.2

Il-Kumitat jemmen li serje ta' regoli ċari u armonizzati dwar il-mod ta' kif għandhom jitwettqu l-evalwazzjonijiet ta' sigurtà, b'limitu preċiż ta' żmien u spiża limitata, huwa ta' benefiċċju kemm għall-konsumaturi kif ukoll għall-produtturi, notevolment għall-produtturi ż-żgħar.

1.3

Il-Kumitat jilqa' l-pjan ta' simplifikazzjoni tal-Kummissjoni sabiex jarmonizza s-settur ta' l-addittivi, tal-ħwawar u ta' l-enzimi u ta'promozzjoni ta' koerenza bejn dawn it-tliet oqsma, permezz ta' proċedura komuni waħdanija għall-awtorizzazzjoni ta' dawn is-sustanzi.

1.4

Fil-fehma tal-Kumitat, filwaqt li l-possibbilità li tinkiseb awtorizzazzjoni waħdanija, valabbli għat-territorju kollu ta' l-UE, tista' tikkostitwixxi benefiċċju importanti għas-suq uniku fuq perijodu medju u fuq perijodu fit-tul, xorta jrid jiġi kkunsidrat l-impatt tar-regolamenti l-ġodda fuq il-prodotti importati.

1.4.1

L-Ewropa tinsab f'kompetizzjoni kontinwa fis-suq globali, fir-rigward kemm ta' esportazzjoni kif ukoll ta' importazzjoni u r-regoli proposti sikwit huma ta' aktar piż finanzjarju minn dawk stabbiliti mill-Codex Alimentarius, u jistgħu joħolqu distorsjoni tal-kompetizzjoni għad-detriment tal-kumpaniji, b'mod partikolari għal dawk żgħar.

1.5

Il-Kumitat jikkunsidra l-proċedura proposta bħala pożittiva, fejn il-modifiki magħmula fil-lista komunitarja jiġu sottomessi għall-proċess tal-komitoloġija, sakemm ikun hemm garanzija ta' livell għoli ta' trasparenza, djalogu kontinwu mal-produtturi u l-konsumaturi kif ukoll mekkaniżmi rapidi ta' innovazzjoni u ta' żvilupp tal-prodotti.

1.6

Il-Kumitat huwa favur it-tisħiħ ta' l-azzjoni ta' l-Awtorità Ewropea dwar is-Sigurtà fl-Ikel (EFSA), għal evalwazzjoni trasparenti tar-riskji bbażati fuq data xjentifika u argumenti objettivi, sabiex jiġu protetti l-konsumaturi.

1.7

Il-Kumitat jirrakkomanda żvilupp tal-proċeduri u tar-riżori umani u finanzjarji ta' l-EFSA, sabiex ikun hemm garanzija ta' evalwazzjonijiet ta' kwalità għolja, trasparenti u indipendenti u li jirrispettaw totalment il-kriterji ta' kunfidenzjalità

1.8

Il-Kumitat jikkunsidra wkoll li jkun għaqli li tissaħħaħ l-azzjoni ta' segwitu li ssir mill-Istati Membri dwar il-konsum u l-użu ta' l-addittivi, l-enzimi u l-ħwawar, permezz ta' metodoloġiji effettivi li jinkorporaw data provduta mill-industrija.

1.9

Il-Kumitat huwa favur reviżjoni perjodika tal-listi pożittivi ta' l-addittivi, ta' l-enzimi u tal-ħwawar, sakemm din tkun ibbażata fuq djalogu kontinwu u strutturat mal-konsumaturi u mal-produtturi u li ma tiġġenera l-ebda piż addizzjonali f'termini ta' ħin u ta' flus.

2.1

Il-progressi xjentifiċi u teknoloġiċi joffru l-possibbilità ta' prodotti ta' l-ikel ta' kwalità aħjar grazzi għal, fost affarijiet oħra, enzimi, ħwawar u addittivi ta' l-ikel fi kwantitajiet baxxi. Dawn l-istess progressi jippermettu li jiġi evitat l-użu mhux adattat ta' dawn is-sustanzi.

2.2

Fil-kuntest ta' l-isforzi li saru sabiex titjieb il-leġislazzjoni komunitarja, fuq il-bażi tal-prinċipju “mir-razzett għal fuq il-mejda”, il-Kummissjoni, fil-White Paper dwar is-Sigurtà ta' l-Ikel, li dwarha l-Kumitat ħareġ opinjoni (1), ħabbret l-intenzjoni tagħha li taġġorna u tiffinalizza l-leġislazzjoni eżistenti fil-qasam ta' l-addittivi u tal-ħwawar kif ukoll li tistabbilixxi dispożizzjonijeit speċifiċi fir-rigward ta' l-enżimi (azzjonijiet 11 u 13 tal-White Paper).

2.3

Il-Kumitat minn dejjem appoġġja l-objettiv li jiġi garantit it-tħaddim tajjeb tas-suq intern, waqt li jiġi assigurat livell għoli ta' ħarsien tal-ħajja u tas-saħħa tal-bniedem, u kemm-il darba appoġġja l-bżonn li jiġi adottat approċċ globali u integrat fil-qasam tas-sigurtà ta' l-ikel fl-UE.

2.4

Skond il-KESE, “il-katina Ewropea ta' l-ikel għandha tiġi leġislata fit-totalità tagħha —” mir-razzett għal fuq il-mejda“. Kull ħolqa ta' din il-katina għandha tkun b'saħħitha daqs il-ħolqa ta' ħdejha u l-Kummissjoni għandha tassigura applikazzjoni effettiva tal-leġislazzjoni komunitarja” (2).

2.5

Fil-pakkett ta' proposti ppreżentati mill-Kummissjoni, l-adozzjoni ta' proċedura komuni għall-awtorizzazzjoni ta' l-enzimi, il-ħwawar u l-addittivi tikkostitwixxi element essenzjali u innovattiv. Għaldaqstant, il-Kumitat japprova l-objettiv ta' simplifikazzjoni tal-Kummissjoni, bl-l-għan li dawn is-setturi jkunu armonizzati. Dan jippermetti li kull Stat Membru jevita proċeduri multipli ta' awtorizzazzjoni, billi jitneħħew sistemi ta' awtorizzazzjoni doppji u jitnaqqsu b'mod konsiderevoli l-piżijiet amministrattivi u l-burokrazija.

2.6

Fir-rigward ta' l-addittivi, il-leġislazzjoni dwar l-addittivi ta' l-ikel diġà ġew armonizzati fil-livell Ewropew. F'dan il-mument, l-addittivi ta' l-ikel awtorizzati minn din il-leġislazzjoni huma madwar 330 u qegħdin kontinwament jiġu preżentati talbiet sabiex jiġu awtorizzati wkoll addittivi addizzjonali jew użi ġodda ta' addittivi.

2.6.1

Bl-għan li dawn it-talbiet jiġu evalwati, huwa neċessarju li jkun hemm informazzjoni li tkun adegwatament preċiża dwar l-użu u l-karatteristiċi ta' dawn is-sustanzi, b'mod partikolari għad-deċiżjonijiet fir-rigward tal-ġestjoni tar-riskji.

2.7

Grazzi għal din l-armonizzazzjoni fil-qasam tal-ħwawar u l-enzimi, il-proċeduri l-ġodda ta' awtorizzazzjoni ser ikunu aktar maniġġabbli, u b'hekk jitnaqqsu l-ispejjeż għall-aġġornament ta' l-iskedi tekniċi kif ukoll sabiex jinbidlu t-tikketti.

2.8

Fir-rigward ta' l-enzimi, l-inċertezza legali attwali minħabba d-differenzi fil-leġislazzjonijiet nazzjonali qiegħda thedded li tfixkel is-suq ta' l-enzimi fl-ikel u żżid il-piż amministrattiv u finanzjarju fl-Istati Membri differenti. Barra minn hekk, fin-nuqqas ta' miżuri ta' armonizzazzjoni, ser ikompli jkun hemm differenzi fil-livell ta' protezzjoni, minħabba d-differenzi eżistenti bejn l-Istati Membri fir-rigward tal-perċezzjoni tar-riskju, ta' l-evalwazzjoni tas-sigurtà u tal-leġislazzjoni ta' l-enzimi ta' l-ikel.

2.8.1

Għandu jiġi enfasizzat li filwaqt li n-nuqqas ta' regoli armonizzati fil-livell ta' l-UE jhedded li jostakola l-moviment liberu tal-merkanzija u l-kummerċ fl-industrija, l-armonizzazzjoni, kemm ta' l-evalwazzjoni tas-sigurtà tas-sustanzi kif ukoll l-awtorizzazzjonijiet ta' l-użu ta' l-enzimi fl-ikel, tista' twassal għal investimenti importanti, prinċipalment minħabba l-ispiża ta' l-awtorizzazzjonijiet, li hija stmata madwar 150 000-250,00 EUR (3) għal kull enzim.

2.8.2

Barra minn dan, l-industrija ta' l-enzimi ta' l-ikel qiegħda kontinwament tiżviluppa teknoloġiji u proċessi bil-għan li l-produzzjoni ta' l-ikel titbiddel u titjieb; iżda m'għandhiex tissottovaluta r-riskji possibbli ta' natura kimika, bħall-allerġiji, it-tossiċità u l-attività mikrobijoloġika residwa. Dawn ir-riskji potenzjali jesiġu evalwazzjoni kontinwa tas-sigurtà għall-konsumaturi, partikolarment fir-rigward ta' l-enzimi li ġejjin minn organiżmi ġenetikament modifikati.

2.9

Fir-rigward tal-leġislazzjoni dwar il-ħwawar u ċerti ingredjenti ta' l-ikel li għandhom proprjetajiet ta' taħwir għall-użu fl-ikel u fuq l-ikel, hemm bżonn li tiġi adottata proċedura ta' awtorizzazzjoni aktar effiċjenti, għall-ġestjoni ta' “lista pożittiva” li tinkludi madwar 2 600sustanza ta' taħwir għall-użu fl-ikel u fuq l-ikel.

2.9.1

Huwa evidenti li l-armonizzazzjoni tal-leġislazzjoni dwar il-ħwawar tista' tpoġġi lill-Unjoni Ewropea f'sitwazzjoni aktar favorevoli għan-negozjati bejn terzi pajjiżi, peress li l-ħwawar iridu jiddaħħlu fis-sistema tal-Codex Alimentarius, sabiex il-kumpaniji Ewropej, b'mod partikolari l-SMEs, ma jiġux penalizzati.

2.9.2

Grazzi għall-ħolqien ta' suq uniformi u integrat tal-ħwawar fl-UE, l-industrija Ewropea ser tkun kapaċi tibqa' minn ta' quddiem nett fis-settur tal-produzzjoni u ta' l-iżvilupp tal-ħwawar.

2.9.3

Barra minn hekk, il-ħidma addizzjonali li ser tkun meħtieġa sabiex jintlaħqu l-istandards il-ġodda ta' l-ittikettar tal-ħwawar m'għandhiex tiġi sottovalutata.

2.10

Skond il-Kumitat, l-Awtorità Ewropea dwar is-Sigurtà fl-Ikel għandha tingħata aktar riżorsi u mezzi u għandhom jinħolqu proċeduri ġodda sabiex ikun hemm garanzija ta' evalwazzjoni indipendenti, trasparenti u ta' kwalità għolja tas-sigurtà ta' l-addittivi, ta' l-enzimi u tal-ħwawar.

2.11

Il-qabża minn teħid ta' deċiżjonijiet, ibbażat fuq il-metodu tal-ko-deċiżjoni mal-Parlament Ewropew, għall-proċeduri ta' komitoloġija, li jużaw kumitati għall-awtorizzazzjonijiet, teħtieġ kriterji ċari u trasparenti sabiex issir evalwazzjoni tas-sigurtà tal-benefiċċji mistennija għall-konsumaturi.

2.12

Kif diġà enfasizza l-Kumitat f'opinjonijiet preċedenti (4), sabiex tkun tista' ssir evalwazzjoni tal-progressi fir-rigward tas-sigurtà ta' l-ikel u sabiex jiġi ġġudikat jekk is-sistema l-ġdida hix qiegħda taħdem kif ippjanat, hemm bżonn li jiġu stabbiliti kriterji ta' evalwazzjoni, bħaż-żjieda/it-tnaqqis fil-kunfidenza tal-konsumaturi, il-bidu u l-ġestjoni ta' kriżi ta' l-ikel, kooperazzjoni stretta bejn l-atturi kkonċernati, eċċ.

3.1

Il-pakkett ta' proposti ppreżentat mill-Kummissjoni għandu l-għan li jippreċiża u jiċċara l-leġislazzjoni eżistenti dwar l-addittivi u l-ħwawar ta' l-ikel u jintroduċi regoli ġodda għall-enzimi, flimkien ma' proposta li l-għan tagħha huwa l-adozzjoni ta' proċeduri komuni ta' awtorizzazzjoni, għal dawn it-tliet setturi, ibbażati fuq opinjonijiet xjentifiċi li ngħataw mill-EFSA.

3.2

Addittivi. Ir-regoli l-ġodda għandhom tendenza li jissimplifikaw u jnaqqsu s-sistema ta' awtorizzazzjoni ta' l-addittivi ta' l-ikel, li attwalment hija gvernata mid-Direttiva 89/107/KEE. L-awtorizzazzzjonijiet għall-inklużjoni tal-lista ġdida pożittiva ta' l-addittivi ser ikunu bbażati fuq l-evalwazzjonijiet tar-riskji fir-rigward tas-sigurtà fl-ikel imwettqa mill-EFSA, b'konformità mar-Regolament 178/2002/KE. Barra minn hekk, hemm proposta għal reviżjoni ta' l-aspetti tekniċi tas-sistema attwali ta' awtorizzazzjoni u tfissru miżuri ġodda komunitarji armonizzatti għall-addittivi użati bħala ingredjenti ta' addittivi oħra.

3.3

Enzimi. Fuq il-bażi ta' l-opinjoni xjentifika favorevoli mill-EFSA, ġie propost qafas leġislattiv ġdid għall-evalwazzjoni, l-approvazzjoni u l-kontroll ta' l-enzimi użati għall-ikel kif ukoll il-ħolqien ta' lista ġdida pożittiva ta' l-enzimi kollha b'funzjoni teknoloġika użati fl-ikel. Tfissru wkoll miżuri għall-ittikkettar ta' l-enzimi ta' l-ikel, bl-eċċezzjoni ta' dawk użati bħala għajnuna għall-ipproċessar.

3.4

Ħwawar. Hija prevista reviżjoni tar-regoli ġenerali stabbiliti mid-Direttiva 88/388/KEE, sabiex il-leġislazzjoni tiġi aġġornata sabiex tirrifletti żviluppi teknoloġiċi u xjentifiċi. Din id-Direttiva ser tinbidel b'regolament ġdid, li jistabbilixxi regoli aktar ċari dwar:

3.5

Proċedura komuni ta' awtorizzazzjoni. Il-proposta tissuġġerixxi li tiġi introdotta proċedura komuni waħdanija ta' awtorizzazzjoni ta' l-addittivi, tal-ħwawar u ta' l-enzimi ta' l-ikel, li tinkorpora evalwazzjoni ta' sigurtà mill-EFSA u proċedura ta' ġestjoni tar-riskji. Il-fażijiet tal-proċedura ta' awtorizzazzjoni jipprevedu l-preżenza ta' l-istati Membri u tal-Kummissjoni fil-qafas ta' proċedura leġislattiva ta' kumitat. Il-proposta tagħti lill-Kummissjoni, fuq bażi ta' l-evalwazzjonijiet xjentifiċi ta' l-EFSA, il-kompitu li tħejji u taġġorna diversi “listi pożittivi”, waħda għal kull kategorija tas- sustanzi kkonċernati. L-inklużjoni ta' sustanza f'waħda minn dawn il-listi tfisser li l-użu tagħha jkun ġie awtorizzat b'manjiera ġenerali u għall-operaturi kollha fi ħdan is-suq komunitarju.

4.1

Essenzjalment, il-Kumitat huwa favorevoli għall-proposti tal-Kummissjoni, sakemm jiġu salvagwardjati l-effiċjenza u l-kompetittività tas-suq intern u sakemm jiġi garantit livell għoli ta' protezzjoni tal-ħajja u tas-saħħa tal-bniedem.

4.2

Il-KESE jikkunsidra li l-istrument propost, ir-regolament, jikkostitwixxi garanzija aħjar mid-direttiva, liema direttiva tħalli lok għal interpretazzjonijiet differenti ta' l-implimentazzjoni tal-leġislazzjoni.

4.3

Skond il-Kumitat, il-possibbilità li tinkiseb awtorizzazzjoni waħdanija valabbli għat-territorju kollu ta' l-Unjoni Ewropea tista' tkun utli ħafna għas-suq uniku fuq perijodu medju u dak fit-tul.

4.3.1

Madankollu għandha tingħata konsiderazzjoni lill-impatt tar-regolamenti l-ġodda dwar il-prodotti importati u lill-fatt li l-Ewropa hija importatur prinċipali li qiegħed jikkompeti b'mod permanenti fuq is-suq globali, peress li r-regoli komunitarji għandhom piż finanzjarju akbar minn dawk attwalment previsti mill-Codex Alimentarius; dan il-Codex għandu għalhekk jiġi emendat sabiex il-kumpaniji Ewropej ma jiġux ippenalizzati.

4.4

L-għażla tal-Kummissjoni ta' proċedura ta' komitoloġija sabiex temenda l-lista komunitarja tista' tkun pass pożittiv, kemm għall-industrija kif ukoll għas-soċjetà ċivili, bil-kondizzjoni li jkunu garantiti livelli għolja ta' trasparenza u li jkun possibbli li l-innovazzjoni u l-iżvilupp ta' prodotti ġodda u mtejba jkunu segwiti mill-qrib, partikolarment mil-lat tal-ġlieda kontra l-allerġiji.

4.5

Il-Kumitat jikkunsidra li l-fatt li l-evalwazzjoni tar-riskji għandha tiġi bbażata fuq proċeduri trasparenti, data xjentifika u argumentazzjoni objettiva, jikkostitwixxi fattur pożittiv ta' l-azzjoni ta' l-EFSA.

4.6

Skond il-Kumitat, fl-istess waqt li l-EFSA tingħata responsabbiltajiet ġodda, jeħtieġ li jkun hemm żvilupp tal-proċeduri u tar-riżori umani u finanzjarji ta' din l-aġenzija sabiex ikun aċċertat li l-evalwazzjonijiet ikunu ta' kwalità għolja, trasparenti u indipendenti u jirrispettaw totalment il-kriterji ta' kunfidenzjalità.

5.1.1

Il-Kumitat jemmen li l-miżuri ta' implimentazzjoni, inkluż il-kontenut, l-abbozzar u l-preżentazzjoni ta' l-applikazzjoni, l-arranġamenti għall-kontroll tal-validità ta' l-applikazzjonijiet u t-tip ta' informazzjoni, kif stabbilit fl-Artikolu 9, għandhom jiġu inklużi fl-opinjoni ta' l-EFSA.

5.1.2

Fir-rigward ta' l-aġġornament tal-lista komunitarja, l-iskandenzi għas-sistema ta' awtorizzazzjoni għandhom ikunu iqsar u b'hekk il-ħin li tieħu l-Kummissjoni sabiex toħroġ proposta ta' regolament jitnaqqas minn disa' għal tliet xhur, sabiex iċ-ċiklu kollu ta' analiżi u awtorizzazzjoni jkun jista' jitlesta fi 12-il xahar.

5.1.3

Bl-istess mod, il-possibbilità offruta mill-Artikolu 10 sabiex l-EFSA u l-Kummissjoni jestendu l-perijodu ta' evalwazjoni f'ċerti każi m'għandhiex tkun bla limitu imma għandha tinkludi perijodu ta' żmien massimu li jrid jiġi speċifikat fir-Regolament.

5.1.4

Il-Kumitat jemmen li l-proċedura komuni ta' awtorizzazzjoni għandha tinkludi proċedura ta' reviżjoni perjodika u aġġornament tal-listi, bi spiża u sforz limitat, fuq il-bażi ta' djalogu permanenti u strutturat mal-produtturi u l-konsumaturi.

5.1.5

Is-sistema ta' awtorizzazzjoni komunitarja m'għandha fl-ebda każ tintuża sabiex tiġġustifika l-ħolqien ta' tfixkil tekniku għall-kummerċ; għaldaqstant, testijiet li jiswew ħafna flus u proċeduri ta' ċertifikazzjoni għall-importazzjoni u l-esportazzjoni għandhom jiġu esklużi.

5.2.1

Hemm bżonn li jiġu preċiżati aktar il-kriterji ta' identifikazzjoni tal-“ħtieġa teknoloġika raġonevoli” kif ukoll tal-“vantaġġi u benefiċċji għall-konsumatur” fl-Artikolu 5.

5.2.2

Fir-rigward ta' l-ittikkettar fl-Artikolu 20, l-informazzjoni għandha tkun tinftiehem aktar, rikonoxxuta mill-pubbliku in ġenerali u uniformi fil-Komunità kollha.

5.3.1

Il-Komunità tilqa' l-fatt li l-enżimi kollha ta' l-ikel li għandhom funzjoni teknoloġika huma koperti mill-qasam ta' applikazzjoni tar-Regolament u li dawn iridu jkunu suġġetti għal approvazzjoni qabel ma jistgħu jiżdiedu fil-lista komunitarja.

5.3.2

Skond il-Kumitat, kif diġà ġie indikat għall-addittivi, il-kriterji ta' evalwazzjoni għall-enzimi għandhom jinkludu “vantaġġi u benefiċċji għall-konsumatur”.

5.3.3

Fir-rigward ta' l-ittikkettar, il-Kumitat jenfasizza l-bżonn, kemm għall-produtturi kif ukoll għall-konsumaturi, tat-trasparenza u ta' l-uniformità fil-livell komunitarju, mingħajr dispożizzjonijiet kumplessi u inutli.

5.3.4

Skond il-Kumitat, ikun utli li jiġi evitat l-użu tal-listi pożittivi fil-leġislazzjoni vertikali li joħloq sistema ta' awtorizzazzjoni doppja għall-istess enzimi. Id-direttivi u r-regolamenti preċedenti għandhom jiġu modifikati mill-aktar fis possibbli sabiex issir referenza uniformi għar-regolament il-ġdid propost.

5.4.1

Il-Kumitat jaħseb li huwa opportun li l-kriterji ta' evalwazzjoni jkunu simili għal dawk indikati għall-addittivi, billi jiġu inklużi l-“vantaġġi u benefiċċji għall-konsumatur”.

5.4.2

Il-Kumitat huwa favur il-ħtieġa għal informazzjoni aktar ċara għall-konsumaturi fir-rigward tan-natura u l-oriġini tal-ħwawar użati fl-ikel, kif indikat fl-Artikolu 14.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/38

1.1

Il-KESE jikkunsidra li, minkejja li l-linja ta' gwida tal-politika bbażata fuq ir-rendiment sostenibbli massimu (MSY) għall-ġestjoni ta' l-industrija tas-sajd ta' l-UE ser tkun ta' benefiċċju fuq il-perijodu fit-tul, tista' jkollha konsegwenzi ekonomiċi u soċjali li jkunu diffiċli li jingħelbu mis-settur Ewropew tas-sajd. Għalhekk, il-Kumitat jirrakkomanda li l-vantaġġi u l-iżvantaġġi ta' l-implimentazzjoni ta' din il-linja ta' gwida jiġu kkunsidrati bir-reqqa mil-lat ekonomiku, soċjali u ambjentali.

1.2

Minħabba li huwa diffiċli ħafna li ssir stima tar-rendiment sostenibbli massimu tal-ħażniet differenti tal-ħut, il-KESE jirrakkomanda li fil-pjanijiet tagħha fuq il-perijodu fit-tul il-Kummissjoni tistabbilixxi aġġustamenti annwali gradwali u flessibbli, li fuqhom jaqblu s-setturi kollha kkonċernati. Il-Kunsilli Konsultattivi Reġjonali, il-Kumitat Konsultattiv ta' l-UE dwar l-Industrija tas-Sajd u l-Akwakultura (ACFA) u l-Kumitat tad-Djalogu Soċjali għas-Sajd Marittimu għandhom għalhekk jiġu kkonsultati ma' l-ewwel opportunità, sabiex ikollhom ħin biżżejjed sabiex jassiguraw li l-membri tagħhom jistgħu jiddiskutu t-termini tal-proposti li ġew imressqin.

1.3

Il-KESE b'hekk jirrakkomanda li l-Kummissjoni tagħti attenzjoni partikulari fir-rigward tat-twaqqif tar-rati annwali tal-mortalità ta' kull tip ta' ħut, bil-għan li jiksbu r-rendiment sostenibbli massimu għas-sajd imħallat fuq il-perijodu fit-tul.

1.4

Il-Kumitat ma jaqbilx ma' l-argument tal-Kummissjoni Ewropea li din il-politika ta' ġestjoni ta' l-industrija tas-sajd ser ittejjeb il-bilanċ tal-kummerċ, peress li l-fetħa li tibqa' fil-provvista tas-suq mill-intrapriżi tal-Komunità ser timtela mill-ewwel mill-importazzjoni minn barra l-Unjoni. Il-KESE għalhekk iħeġġeġ lill-Kummissjoni sabiex tkun partikularment viġilanti li tosserva u tissorvelja dawn l-importazzjonijiet fis-suq tal-Komunità.

1.5

Il-Kumitat jikkunsidra li l-Kummissjoni u l-Istati Membri ta' l-UE għandhom iqisu l-“fatturi ambjentali oħra” msemmija f'din l-opinjoni u li wkoll jinfluwenzaw il-bidliet fl-ekosistemi marini. Il-Kumitat jirrakkomanda wkoll li jimponu restrizzjonijiet ekwivalenti għal dawk imposti fuq is-settur tas-sajd fuq l-atturi ekonomiċi li l-attivitajiet tagħhom jolqtu l-ekosistemi marini.

1.6

Fir-rigward ta' l-aġġustament mitlub sabiex jinkiseb ir-rendiment sostenibbli massimu, il-Kumitat jikkunsidra li ż-żewġ approċċi proposti mill-Kummissjoni jistgħu jikkomplimentaw lil xulxin, għax l-Istati Membri jkollhom jimplimentaw il-miżuri l-iktar adattati fid-dawl ta' l-effetti soċjali u ekonomiċi fis-setturi rispettivi tagħhom tas-sajd. Il-KESE jixtieq jesprimi t-tħassib tiegħu dwar il-fatt li l-Fond Ewropew għas-Sajd (EFF) m'għandux il-mezzi suffiċjenti sabiex ilaħħaq ma' l-impatt ta' l-implimentazzjoni ta' din is-sistema l-ġdida ta' ġestjoni.

2.1

Il-Komunikazzjoni tal-Kummissjoni dwar L-implimentazzjoni tas-sostenibbiltà fis-sajd ta' l-UE permezz tar-rendiment sostenibbli massimu (MSY)  (1), is-suġġett ta' din l-opinjoni, tippreżenta l-pożizzjoni tal-Kummissjoni dwar it-titjib fil-prestazzjoni ekonomika tas-settur tas-sajd skond il-politika komuni tas-sajd.

2.2

Skond il-Kummissjoni, il-mezz li bih ser jitwettaq dan it-titjib fil-prestazzjoni ekonomika huwa permezz tat-tnaqqis gradwali tas-sajd eċċessiv, għax hija tal-fehma li dan iġib benefiċċji ekonomiċi għall-industrija tas-sajd f'termini ta' tnaqqis fl-ispejjeż, titjib fil-qbid, titjib fil-qligħ tas-sajd u t-tnaqqis ta' l-iskart.

2.3

Sabiex jinkisbu dawn l-għanijiet, il-Kummissjoni tikkunsidra li wasal iż-żmien li s-sajd Ewropew jiġi mmaniġġjat b'mod differenti, billi nfittxu s-suċċess b'mod attiv minflok sempliċiment infittxu li nevitaw il-falliment.

2.4

Il-Komunikazzjoni tippreżenta linja ta' gwida ta' politika ġdida għall-ġestjoni tas-sajd ta' l-UE, ibbażata fuq il-ksib tar-rendiment sostenibbli massimu minn ħażniet tal-ħut permezz tat-twaqqif ta' rati tal-mortalità fuq il-perijodu fit-tul.

2.5

Din il-linja ta' gwida ta' politika ġdida hija bbażata fuq l-impenn politiku internazzjonali, mogħti mill-Istati Membri ta' l-UE matul is-Samit Dinji għall-Iżvilupp Sostenibbli (WSSD) li nżamm f'Johannesburg f'Settembru 2002, sabiex “il-ħażniet jinżammu jew jiġu stabbiliti mill-ġdid għall-livelli fejn jistgħu jipproduċu r-rendiment sostenibbli massimu bil-għan li jinkisbu dawn l-objettivi għall-ħażniet battala fuq bażi urġenti u fejn possibbli mhux aktar tard mill-2015”.

2.6

Għalhekk l-għan huwa li titfisser sistema ta' ġestjoni fuq il-perijodu fit-tul li tiffoka fuq il-ksib ta' l-aħjar minn fost il-potenzjal produttiv tar-riżorsi marini ħajjin ta' l-Ewropa. Dan l-approċċ huwa kompletament konsistenti ma' l-objettiv usa' tal-politika komuni tas-sajd, li huwa li jassigura l-kondizzjonijiet sostenibbli ekonomiċi, ambjentali u soċjali.

2.7

Skond il-Komunikazzjoni, il-benefiċċji ekonomiċi jistgħu jinkisbu biss billi jkun hemm iktar restrizzjonijiet fis-sajd waqt perijodu transizzjonali. Il-partijiet kollha kkonċernati għandhom ikunu involuti fil-proċess tad-deċiżjoni tal-pass ta' din il-bidla. L-għajnuna finanzjarja, bħal dik prevista taħt il-qafas tal-Fond Ewropew għas-Sajd, għandha tgħin sabiex tnaqqas ir-riperkussjonijiet soċjali u ekonomiċi waqt il-fażi transizzjonali.

3.1

Il-prinċipju li qiegħed jinfluwenza d-deċiżjoni tal-Kummissjoni sabiex timplimenta fil-Komunità l-ġestjoni tas-sajd ibbażat fuq l-MSY huwa sempliċiment li kien hemm wisq sajd meta mqabbel mal-potenzjal produttiv ta' xi ħażniet.

3.2

Peress li jagħraf li xi ħażniet tal-ħut fl-ibħra Ewropej naqqsu b'mod serju ħafna tul dawn l-aħħar 30 sena, prinċipalment bħala riżultat tas-sajd eċċessiv, il-Kumitat jaqbel li ser ikun mixtieq li nersqu lejn livelli iktar sostenibbli tas-sajd.

3.3

Il-Kummissjoni tikkunsidra li l-implimentazzjoni tal-ġestjoni tal-ħażniet tal-ħut ibbażat fuq l-MSY ser jassigura li l-ħażniet ma jikkollassawx u li fl-istess ħin tippermetti li jitkabbru ħażniet ikbar tal-ħut.

3.4

Il-KESE jikkunsidra li l-prinċipju huwa tajjeb, minħabba li r-rendiment sostenibbli massimu ta' popolazzjoni tal-ħut hija l-kwantità tal- bijo-massa (kwantità ta' ħut) li tista' tiġi sfruttata b'tali mod li ma tintlaqatx il-produzzjoni futura. Konsegwentement, jappoġġja bis-sħiħ li l-politika dwar il-ġestjoni tas-sajd tkun ibbażata fuq dan il-prinċipju.

3.5

Madankollu, il-Kumitat jixtieq jenfasizza mal-Kummissjoni li kwalunkwe bidla fis-sistema tal-ġestjoni tinvolvi r-riskji u li l-vantaġġi u l-iżvantaġġi għandhom għalhekk jitqiesu bir-reqqa.

3.6

Il-Komunikazzjoni tiddiskuti f'dettall konsiderevoli l-vantaġġi tal-ġestjoni tal-ħażniet tal-ħut ibbażat fuq l-MSY, speċjalment il-vantaġġi ambjentali, iżda ma tiffokax fuq il-vantaġġi ekonomiċi u soċjali tas-sistema għas-settur tas-sajd u b'mod partikulari ma ssemmix l-iżvantaġġi.

3.7

Wieħed mill-vantaġġi enfasizzat mill-Kummissjoni li l-KESE ma jaqbilx miegħu huwa l-argument li l-politika tal-ġestjoni tas-sajd ser itejjeb il-bilanċ tal-kummerċ; dan għaliex il-vojt li jħallu l-intrapriżi tal-Komunità li qegħdin ifallu bħala riżultat tal-konforma ma' l-għanijiet tal-MSY, ser jimtela mill-ewwel minn operaturi minn barra l-Unjoni, għax is-suq tal-prodotti tas-sajd huwa mmexxi mill-ħtieġa li tkun assigurata proviżjoni kostanti.

3.8

L-approċċ ġenerali tal-Komunikazzjoni għal sistema ġdida tal-ġestjoni huwa li titnaqqas ir-rata tal-mortalità tal-ħut. Sabiex il-ħut jitħalla jikber iżjed u jinkisbu valur u rendiment ogħla meta jinqabdu, il-proporzjon ta' ħut li jinqabad mill-baħar għandu jitnaqqas.

3.9

Madankollu, il-Komunikazzjoni tirrikonoxxi li l-kejl tal-popolazzjonijiet tal-ħut huwa diffiċli, u filwaqt li s-sajd (mortalità tal-ħut) għandu influwenza kbira fuq is-saħħa tal-ħażna, fatturi oħra bħall-bidliet ambjentali u l-influss ta' ħut żgħir, jaqdu rwol ukoll.

3.10

Għalhekk il-Komunikazzjoni tressaq strateġija fuq perijodu fit-tul għall-bini mill-ġdid tal-ħażniet tal-ħut ibbażat fuq it-tfittxija għal bilanċ fl-attività tas-sajd kontra l-kapaċità produttiva tal-ħazniet u jissuġġerixxi li dan jista' jitwettaq b'mod gradwali, billi jitnaqqas in-numru ta' bastimenti tas-sajd jew l-isforzi tas-sajd tal-bastimenti.

3.11

Sabiex tiġi implimentata din l-istrateġija b'tali mod li s-sajjieda jkunu jistgħu jiksbu r-rendiment sostenibbli massimu mill-ħazna, ir-rata identifikata adattata u r-rata tal-mortalità annwali għandha tiġi l-ewwel stabbilita għal kull ħażna, u kull ħuta, fuq il-bażi ta' l-aħjar parir xjentifiku disponibbli. Għandha tiġi deċiża wkoll ir-rata li biha jsiru l-aġġustamenti annwali sabiex jintlaħaq dan il-għan. Kif inhu ppreżentat fil-politika komuni tas-sajd, dawn id-deċiżjonijiet għandhom jiġu implimentati permezz ta' pjanijiet fuq il-perijodu fit-tul.

3.12

Il-ġestjoni tas-sajd komunitarju huwa attwalment implimentat skond il-prinċipji tas-sigurtà u tal-prekawzjoni għall-ħażniet tal-ħut. It-TACs (Qbid Totali Permess — Total Allowable Catches) annwali u l-kwoti tal-qbid huma bbażati fuq rapporti xjentifiċi komparattivi, u pjanijiet ta' rkupru provduti fil-politika komuni tas-sajd huma implimentati għal xi ħażniet tal-ħut li ddeterjoraw sabiex jerġgħu lura għal-livelli sostenibbli bijoloġiċi.

3.13

Il-KESE jikkunsidra li l-bidla fis-sistema tal-ġestjoni hija sinifikanti, għax din tfisser li tadotta għan bijoloġiku li huwa iktar ambizzjuż minn dak taħt is-sistema ta' ġestjoni attwali. Din il-bidla tfisser ukoll li ma' kull aġġustament annwali, ser ikun hemm tnaqqis konsiderevoli fil-mortalità tal-ħut, li mingħajr dubju ser jeħtieġ tnaqqis fil-flotti u tnaqqis fl-isforzi tas-sajd u għalhekk ser jenħtieġ sagrifiċċju konsiderevoli min-naħa ta' l-intrapriżi komunitarji tas-sajd. Il-KESE jixtieq jesprimi t-tħassib tiegħu dwar il-fatt li l-Fond Ewropew għas-Sajd (EFF) m'għandux il-mezzi suffiċjenti sabiex ilaħħaq ma' dan is-sagrifiċċju konsiderevoli. Madankollu, jekk jintlaħqu l-għanijiet, is-sitwazzjoni tista' tkun favorevoli ħafna għal dawk l-intrapriżi tas-sajd li jkomplu joperaw.

3.14

Fid-dawl ta' dan l-approċċ, il-KESE jixtieq jenfasizza mal-Kummissjoni li hemm livell għoli ta' inċertezza fir-rigward ta' l-istimi ta' l-MSY għall-ħazniet ta'speċi differenti. Fid-dawl ta' din l-inċertezza, il-Kumitat jirrakkomanda li l-Kummissjoni tħabbrek sabiex l-aġġustamenti annwali fil-pjanijiet fuq il-perijodu fit-tul ikunu raġonevoli.

3.15

L-isfida hija għalhekk li jinstabu mezzi ta' għajnuna għall-komunitajiet u l-intrapriżi tas-sajd sabiex jgħaddu mill-fażi ta' aġġustament f'ordni tajba. Il-Kumitat jemmen li dan ser jeħtieġ miżuri ta' appoġġ iktar ġenerużi u immaġinattivi minn dawk li ppreżentat il-Kummissjoni s'issa. Miżuri bħal dawn huma kompletament iġġustifikati bħala mezz li jassiguraw transizzjoni minn kmieni għal tendenza iktar sostenibbli ta' attività tas-sajd għall-ġejjieni.

3.16

Fi kwalunkwe każ, il-Kumitat jikkunsidra li, bħalma hemm fil-Komunikazzjoni, huwa neċessarju li l-atturi kollha kkonċernati jkunu involuti fit-teħid tad-deċiżjonijiet tal-pjanijiet fuq perijodu fit-tul, fil-pass li bihom jiġu implimentati u fl-impatt tagħhom; b'hekk il-Kunsilli Konsultattivi Reġjonali (KKR) għandhom jiġu kkonsultati fuq bażi frekwenti. Il-KESE jikkunsidra wkoll li l-Kumitat Konsultattiv ta' l-UE għas-Sajd u l-Akwakultura (ACFA) u l-Kumitat tad-Djalogu Soċjali għas-Sajd Marittimu għandu jiġi inkluż f'dawn id-diskussjonijiet.

4.1

L-applikazzjoni ta' sistema ta' ġestjoni tas-sajd ibbażata fuq l-MSY teħtieġ analiżi — bħalma teħtieġ ukoll il-Komunikazzjoni — ta' sett ieħor ta' kwistjonijiet li għandhom impatt dirett fuq dan it-tip ta' ġestjoni.

4.2

Effetti ambjentali u l-impatt tagħhom fuq il-bidliet fl-ekosistemi marini

4.2.1

Il-Komunikazzjoni taċċetta li m'hemmx ċertezza dwar kif l-ekosistemi marini ser jiżviluppaw fil-kuntest tal-bidliet fil-klima u t-temp u li dawn u fatturi ambjentali oħra jistgħu ċertament jolqtu l-ħażniet tal-ħut.

4.2.2

Minkejja li ma tistax tiddetermina l-impatt ta' l-effetti kollha ambjentali, il-Kummissjoni tikkunsidra li s-sajd fih innifsu huwa ta' sikwit il-fattur l-iktar influwenti u li l-isfruttar tal-ħazniet tal-ħut b'rata iktar baxxa tas-sajd ser jagħmel il-ħażniet iktar reżistenti għall-bidla ekoloġika.

4.2.3

Il-Komunikazzjoni għalhekk tħeġġeġ it-tnaqqis fis-sajd b'rata regolari u sostenibbli, sabiex tassigura li kif il-mortalitajiet tal-ħut huma mnaqqsa u l-ħażniet mibnijin mill-ġdid, jinkiseb iktar għarfien dwar l-ekosistemi u l-potenzjal produttiv tagħhom, li jgħin fil-proċess ta' l-aġġustament tal-ġestjoni ta' l-għanijiet fuq il-perijodu fit-tul.

4.2.4

Il-KESE jaqbel ma' dan il-prinċipju, sakemm il-mortalitajiet tal-ħut huma verament imnaqqsa b'rata regolari u sostenibbli fl-ispeċi fejn dan huwa meħtieġ. Il-Kummissjoni tirrikonoxxi li l-isforz sabiex tiġġestjona bijomassa tal-ħut lejn qies identifikat jista' jiġġenera nuqqas inaċettabbli ta' stabbiltà għall-industrija fuq il-perijodu l-qasir.

4.2.5

Madankollu, il-Kumitat jikkunsidra li “fatturi ambjentali oħra”, li l-Komunikazzjoni lanqas biss issemmi, bħall-azzjoni tal-predaturi, it-tniġġis, l-esplorazzjoni u l-isfruttar tad-depożiti taż-żejt jew tal-gass, l-installazzjonijiet marittimi tar-riħ (windparks), it-tħaffir ta' ramel u ta' aggregat marittimu, eċċ., ukoll jinfluwenzaw il-bidliet fl-ekosistemi marini.

4.2.6

Il-KESE jitlob lill-Kummissjoni u lill-Istati Membri ta' l-UE sabiex jimponu restrizzjonijiet ekwivalenti għal dawk imposti fuq is-settur tas-sajd fuq l-atturi ekonomiċi li l-attivitajiet tagħhom jinfluwenzaw il-qies tal-ħażniet tal-ħut u l-bidliet fl-ekosistemi marini.

4.3.1

Huwa fil-qasam tas-sajd imħallat li s-sistema ta' ġestjoni tas-sajd ibbażata fuq l-MSY hija l-iktar diffiċli li tiġi applikata.

4.3.2

Il-Komunikazzjoni tagħraf kemm huwa diffiċli u ma tikkunsidrax fid-dettall is-sistema tal-ġestjoni għas-sajd imħallat. Il-KESE jikkunsidra li kuntatti bejn il-Kummissjoni, l-KKR u l-ACFA għandhom jissaħħu fir-rigward ta' dan it-tip ta' sajd.

4.3.3

Il-Komunikazzjoni tistqarr li huwa importanti li l-ekosistemi marini jinżammu f'bilanċ u l-KESE jaqbel kompletament ma' dan. Ikun approċċ riskjuż ħafna li jitnaqqas il-qbid ta' speċi waħda sabiex ikun hemm rendiment ikbar ta' speċi oħra.

4.3.4

Il-komplessità tas-sistema tinstab fil-fatt li, kif tistqarr il-Kummissjoni, is-sajd ta' l-ispeċi kollha f'ekosistema għandu normalment jieħu l-forma ta' qbid (rata identifikata) li jikkorrespondi mal-ksib ta' rendiment sostenibbli massimu fuq il-perijodu fit-tul. Dan ifisser li, fir-rigward tar-rati tar-rendiment sostenibbli massimu stabbiliti għall-ħażniet differenti fi ħdan ekosistema li tifforma sajda imħallta, skond il-pjanijiet fuq il-perijodu fit-tul, ir-rendiment sostenibbli massimu jiġi ddeterminat mill-ispeċi li jkollhom l-iktar rata baxxa għall-ksib tar-rendiment sostenibbli massimu fuq il-perijodu fit-tul.

4.3.5

Il-Komunikazzjoni tiddikjara wkoll li, sabiex jiġi evitat is-sajd aċċidentalment eċċessiv ta' speċi li tirrappreżenta qbid sekondarju, miżuri addizzjonali bħall-modifiki għat-tagħmir tas-sajd kif ukoll iż-żoni u l-istaġuni magħluqa jistgħu jkunu komponenti neċessarji ta' xi pjanijiet fuq perijodu fit-tul.

4.3.6

Fil-fehma tal-KESE, minkejja li l-approċċ ta' din is-sistema ta' ġestjoni jaqbel ma' l-għan usa' tal-politika komuni tas-sajd, il-Kummissjoni għandha twettaq evalwazzjoni dettaljata tar-rati differenti użati sabiex jinkiseb l-MSY u għandha tikkonsulta lill-partijiet kollha involuti fis-sajd imħallat dwar ir-riperkussjonijiet ekonomiċi u soċjali tal-pjanijiet fuq perijodu fit-tul.

4.4.1.1

Il-Komunikazzjoni tiddikjara li dawn ser jiġu mfassla mill-Kummissjoni b'konsultazzjoni mas-setturi kkonċernati, fuq il-bażi tal-parir xjentifiku imparzjali u li jitqiesu r-riperkussjonijiet ekonomiċi, soċjali u ambjentali tal-miżuri proposti.

4.4.1.2

Dawn ser jiddefinixxu rata identifikata tas-sajd, u mezz sabiex l-għan jintlaħaq b'mod gradwali, u b'hekk jitnaqqas l-impatt ta' xi ħsara tas-sajd fuq l-ekosistema. Pjanijiet għas-sajd imħallat għandhom jinkludu miżuri tekniċi bil-għan li jassiguraw li l-ħażniet differenti tal-ħut jinqabdu skond l-għanijiet rispettivi u l-possibbiltà li jiġu sfruttati inqas xi ħażniet minn dawk ta' livelli MSY sabiex jinkiseb xi qligħ produttiv ieħor ta' speċi oħra.

4.4.1.3

Fejn il-parir xjentifiku ma jgħinx sabiex jiġu kkwantifikati l-miżuri meħtieġa sabiex jintlaħqu l-kondizzjonijiet ta' ġbir massimu sostenibbli, il-pjanijiet fuq il-perijodu t-twil ser jadottaw l-approċċ ta' prekawzjoni.

4.4.1.4

Fl-aħħar, il-pjanijiet u l-għanijiet tagħhom ser ikunu soġġetti għal reviżjoni fuq bażi perjodiku.

4.4.1.5

Il-KESE jikkunsidra li din il-linja ta' gwida ġdida għall-politika tal-ġestjoni tas-sajd, li jista' jkollha vantaġġi ċari meta jintlaħaq l-MSY tal-ħażniet kollha tal-ħut, jista' jkollha konsegwenzi drastiċi għas-settur tas-sajd: il-qbid jonqos, li jista' jwassal għal tnaqqis fil-flotta u għal telf ta' impjiegi fuq il-perijodu qasir, u li b'hekk tiddgħajjef il-bażi ekonomika tal-komunitajiet tas-sajd.

4.4.1.6

Il-Kumitat għalhekk iħeġġeġ lill-Kummissjoni sabiex tassigura li l-konsultazzjonijiet li qiegħda tippjana li żżomm mas-settur tas-sajd huma flessibbli b'mod raġonevoli fir-rigward tal-pass ta' l-implimentazzjoni tal-pjanijiet fuq perijodu fit-tul, sabiex is-sajjieda jkunu jistgħu jaġġustaw b'mod gradwali għal din is-sistema l-ġdida ta' ġestjoni.

4.4.1.7

Fir-rigward tas-sajd imħallat, il-KESE jikkunsidra li l-ikbar flessibbiltà għandha tintwera fejn il-ħażniet jistgħu jiġu sfruttati bis-sħiħ għax ikunu f'kondizzjoni tajba.

4.4.2.1

Malli jitfasslu u jiġu adottati l-pjanijiet fuq perijodu fit-tul li jistabbilixxu l-ħażniet, l-Istati Membri ser ikollhom jiddeċiedu fuq il-pass tal-bidla sabiex jintlaħqu dawn l-għanijiet, u kif ser tiġi ġestita s-sitwazzjoni.

4.4.2.2

Il-Komunikazzjoni tressaq żewġ approċċi ġenerali sabiex tiġi ġestita din il-bidla:

4.4.2.3

Kull Stat Membru għandu l-libertà li jagħżel l-approċċ jew l-istrateġija ekonomika tiegħu, filwaqt li l-Komunità ser tipprovdi l-qafas tal-ġestjoni sabiex is-sajd eċċessiv jitnaqqas b'mod gradwali permezz ta' l-istrument finanzjarju provdut mill-Fond Ewropew għas-Sajd.

4.4.2.4

Il-Komunikazzjoni tiżvela l-preferenza ċara tal-Kummissjoni għall-ewwel approċċ, ibbażat fuq it-tnaqqis tal-kapaċità tal-flotta nazzjonali, minħabba li tkun iktar faċli li tiġi ssorveljata u għax l-esperjenza tgħallem li t-tnaqqis fil-kapaċità tal-flotta hija iktar aċċettata malajr mill-pubbliku u huwa inqas diffiċli sabiex tiġi implimentata minn soluzzjonijiet oħra.

4.4.2.5

Il-KESE jirrikonoxxi li t-tnaqqis fil-kapaċità tal-flotta huwa l-iktar mod effettiv għat-tnaqqis b'mod gradwali tas-sajd eċċessiv. Madankollu, il-Kumitat jikkunsidra li kull Stat Membru għandu jagħżel l-approċċ li huwa l-iktar adattat għalih, billi jkun analizza l-effetti ekonomiċi u soċjali, mingħajr ma jinsa li ż-żewġ għażliet jistgħu jintużaw b'mod konkorrenti sakemm jintlaħaq l-objettiv MSY għall-ħażniet tal-ħut.

4.4.2.6

Il-KESE jaqbel mal-proposta sabiex l-effetti ekonomiċi u soċjali tal-bidla jiġu analizzati fil-livell reġjonali minflok fil-livell Ewropew, peress li l-ispeċifiċità ta' kull flotta tista' tvarja ħafna fost l-Istati Membri.

4.4.2.7

Il-pjanijiet fuq il-perijodu fit-tul ser ikunu bbażati skond is-sajd għall-gruppi ta' ħażniet tal-ħut li jinqabdu flimkien u għandhom jinkludu elementi bħal-limitazzjonijiet tal-varjazzjonijiet annwali li jikkonċernaw il-possibiltajiet tas-sajd, sabiex b'hekk tiġi assigurata transizzjoni stabbli u mingħajr tfixkil.

4.4.2.8

Fl-aħħar nett, il-Komunikazzjoni tikkunsidra li l-istabbiliment ta' sett komplut ta' pjanijiet fuq il-perijodu fit-tul sabiex jinkiseb l-għan MSY ser jieħu ż-żmien. Għalhekk mill-2007, il-Komunità għandha tadotta deċiżjonijiet ta' ġestjoni li jassiguraw li ma jkunx hemm żieda fir-rata tas-sajd għal kwalunkwe ħażna li diġà qiegħda tinqabad b'mod eċċessiv. Il-KESE jikkunsidra wkoll li qabel ma tieħu deċiżjonijiet għall-2007, il-Kummissjoni Ewropea għandha tikkonsulta lill-Kunsilli Reġjonali Konsultattivi, lill-Kumitat Konsultattiv ta' l-UE għas-Sajd u l-Akwakultura (ACFA) u lill-Kumitat tad-Djalogu Soċjali għas-Sajd Marittimu.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/42

1.1

Il-KESE japprova l-bażi legali (l-Artikolu 95 tat-Trattat KE) u t-tip ta' strument (regolament).

1.2

Skond id-dispożizzjonijiet tat-Trattat tal-KE, il-Kummissjoni m'għandhiex jedd tieħu azzjoni sabiex tikkumbatti l-moħqrija ta' l-annimali li, wara kollox, isseħħ lil hinn mill-UE, u tista' tindirizza l-kwistjoni biss billi tuża l-poteri tagħha fil-qasam tal-kummerċ u s-suq intern tal-pil u għar-raġuni tal-ħtieġa li jiġu armonizzati l-liġijiet nazzjonali differenti.

1.3

Il-KESE huwa ta' l-istess fehma tal-Kummissjoni illi projbizzjoni totali biss tista' tiddiswadi lill-importaturi ta' ħwejjeġ jew ġugarelli milli jimpurtaw kwantitajiet kbar ta' pil tal-qtates u tal-klieb u ta' oġġetti magħmula mill-pil tal-qtates u l-klieb fl-UE, ħalli b'hekk jiġi ostakolat it-traffikar fuq skala kbira ta' pil li huwa projbit.

1.4

Il-KESE jixtieq li l-kunċett ta' “pil” ikun ċar mil-lat legali, b'referenzi jsiru espliċitament għall-pil innifsu u għall-komponenti differenti tiegħu (xagħar, ġilda), sabiex l-użu possibbli kollu tal-pil tal-qtates u tal-klieb jiġi inkluż fil-projbizzjoni.

1.5

Il-KESE jisħaq fuq l-importanza li jkun hemm metodi effettivi ta' monitoraġġ u li tintuza l-komitoloġija sabiex jiġu stabbiliti l-aktar sistemi adegwati ta' monitoraġġ.

2.1

Permezz ta' abbozz ta' regolament ibbażat fuq l-Artikolu 95 tat-Trattat tal-KE (is-suq intern), il-Kummissjoni qiegħda tipproponi li tipprojbixxi l-produzzjoni, l-importazzjoni, l-esportazzjoni u l-bejgħ tal-pil tal-qtates u tal-klieb fl-Unjoni Ewropea.

2.2

L-abbozz ta' regolament huwa tweġiba għat-talbiet tas-soċjetà ċivili u tal-Parlament Ewropew, u huwa wieħed mill-prijoritajiet tal-presidenza Ġermaniża.

2.3

Fl-Asja, b'mod partikolari, il-qtates u l-klieb jitrabbew u jinqatlu f'kondizzjonijiet atroċi bl-għan li l-pil tagħhom jintuża fil-produzzjoni ta' ħwejjeġ, aċċessorji u ġugarelli. Dan it-tip ta' pil deher fuq is-suq intern Ewropew.

2.4

Normalment il-pil jiġi trattat b'kimika jew miżbugħ, u jinbiegħ f'denominazzjonijiet li jaħbu l-oriġini tiegħu. Xjentifikament, huwa diffiċli li jiġi identifikat preċiżament minn liema annimal joriġina l-pil li jkun proċessat b'dan il-mod, la permezz tad-dehra tiegħu jew kif jinħass u lanqas permezz ta' analiżi tad-DNA, peress li d-DNA jinqered meta l-oġġett ikun proċessat. Mid-dehra, teknika komparattiva li tinvolvi spetrometrija tal-massa (mass spectrometry) biss tkun tista' twassal għal identifikazzjoni preċiża ta' l-annimal li minnu joriġina dan it-tip ta' prodott. Il-kontroll doganali għalhekk jista' jkun diffiċli ferm, u huwa għal din ir-raġuni li jeżistu d-derogazzjonijiet stabbiliti fl-Artikolu 4 ta' l-abbozz.

2.4.1

L-Artikolu 4 jistqarr illi l-pussess għall-użu personali ta' ħwejjeġ jew oġġetti li jinkorporaw pil projbit jista' jkun tolerat. Il-KESE jħoss illi d-dritt tal-proprjetà u l-użu personali jew il-pussess ta' dawn l-oġġetti privati fi kwantitajiet żgħar ħafna għandhom ikunu esklużi b'mod ċar mill-kamp ta' applikazzjoni tar-regolament ħalli b'hekk tiġi evitata ż-żieda fil-burokrazija.

2.4.2

Kull użu ta' ġlud meħud minn qtates jew klieb li ma trabbewx għall-produzzjoni tal-pil u li tingħatalhom tikketta li turi dan, jista', fejn huwa meħtieġ, ikun indirizzat skond il-proċedura ta' komitoloġija.

2.5

Mil-lat ta' proporzjonalità, il-projbizzjoni totali tal-produzzjoni, l-importazzjoni u l-kummerċ hija l-unika miżura possibbli, meta jitqies illi dawn it-tipi ta' importazzjonijiet huma illegali jew mhux dikjarati u l-konsumaturi jiġu mqarrqa minn tikketti — li mhux ta' min jorbot fuqhom — li jitwaħħlu fuq ħwejjeġ u oġġetti li jistgħu jkollhom pil tal-klieb jew qtates.

2.6

Għadd kbir ta' Stati Membri u xi pajjiżi terzi diġà adottaw liġijiet li jistabbilixxu projbizzjonijiet ta' għamliet u kamp ta' applikazzjoni differenti; l-intervent komunitarju huwa ġustifikat mill-ħtieġa li s-suq intern ikun armonizzat.

2.7

Qiegħda tiġi stabbilita sistema ta' tagħrif u ta' segwitu bl-għan li jkun skopert pil projbit u li barraminhekk jinxteħet dawl fuq il-metodi li jintużaw sabiex isir dan. Il-proċedura ta' komitoloġija tagħti lok li tiġi stabbilita lista ta' metodi adegwati ta' kontroll.

2.8

L-Istati Membri għandhom jistabbilixxu penali proporzjonati u dissważivi.

3.1

Il-KESE japprova l-bażi legali u l-forma tar-regolament: id-dispożizzjonijiet dwar il-benesseri ta' l-annimali li jiġu applikati għall-annimali ta' l-irziezet ma jistgħux ikunu applikati għall-klieb u l-qtates.

3.2

Hija realtà soċjali li fl-Ewropa dawn l-annimali saru annimali domestiċi, li ma jitrabbewx għal-laħam tagħhom, għall-pil jew inkella għax-xogħol; l-unika eċċezzjoni hija ċerti speċi ta' klieb li jintużaw sabiex jgħinu u jiggwidaw nies b'diżabbiltà, sabiex jinstabu nies mitlufin jew li jinsabu mirduma taħt il-ġebel jew borra, jew sabiex jgħinu lil uħud f'xogħol ieħor; l-effett ta' dan kollu huwa li dawn l-annimali jsiru aktar maħbuba mill-pubbliku.

3.3

Skond id-dispożizzjonijiet tat-Trattat tal-KE, il-Kummissjoni m'għandhiex jedd tieħu azzjoni sabiex tikkumbatti l-moħqrija ta' l-annimali li, wara kollox, isseħħ lil hinn mill-UE, u tista' tindirizza l-kwistjoni biss billi tuża l-poteri tagħha fil-qasam tal-kummerċ u s-suq intern tal-pil u għar-raġuni li jiġu armonizzati l-liġijiet nazzjonali differenti bl-għan li l-frammentazzjoni tas-suq intern tiġi evitata.

3.4

Peress li hemm diffikultajiet tekniċi kbar sabiex ikun identifikat pil tal-qtates u l-klieb li jkun ġie proċessat, proposta li tqis biss il-ħtiġijiet ta' tikkettar, fil-prattika, ma kenitx tkun effikaċi. Il-KESE huwa ta' l-istess fehma tal-Kummissjoni illi projbizzjoni totali biss tista' tiddiswadi lill-importaturi ta' ħwejjeġ jew ġugarelli milli jimpurtaw kwantitajiet kbar ta' pil tal-qtates u tal-klieb u ta' oġġetti magħmula mill-pil tal-qtates u l-klieb fl-UE, ħalli b'hekk jiġi ostakolat it-traffikar fuq skala kbira ta' pil li huwa projbit.

3.5

Ġaladarba r-regolament jiġi adottat, għandu jkun notifikat lill-Organizzazzjoni Dinjija tal-Kummerċ (WTO) bħala ostakolu non-tariffarju (ONT). Huwa konformi mar-regoli tal-kummerċ internazzjonali.

4.1

Il-KESE jixtieq li l-kunċett ta' “pil” ikun ċar mil-lat legali, b'referenzi jsiru espliċitament għall-pil innifsu u għall-komponenti differenti tiegħu (xagħar, ġilda), sabiex l-użu possibbli kollu tal-pil tal-qtates u tal-klieb jiġi inkluż fil-projbizzjoni.

4.2

Il-KESE jħoss illi għandu jkun speċifikat li għandhom jiġu evitati l-kontrolli doganali fuq individwi li jkunu qegħdin iġorru oġġetti li huma strettament personali u li jkunu fi kwantitajiet limitati meta dawn ikunu qegħdin jaqsmu fruntieri interni jew ikunu ġejjin minn pajjiż terz; lanqas m'għandu l-iskambju jew il-bejgħ ta' artikli ta' lbies jew donazzjonijiet lil organizzazzjonijiet karitattivi jiġi meqjus li jkun kummerċ li jkun inkluż fil-kamp ta' applikazzjoni tar-regolament.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/44

1.1

Il-Kumitat jappoġġja l-ħidma attiva ta' l-Unjoni Ewropea fl-isforzi internazzjonali sabiex tirrestrinġa l-produzzjoni u l-użu tal-merkurju madwar id-dinja u sabiex tassigura metodi sikuri tal-ħażna u r-rimi. Għal dan il-għan huwa importanti li l-Ewropa tagħti eżempju tajjeb fl-indirizzar tagħha stess tal-problema tal-merkurju fi ħdan l-Unjoni, u sabiex tappoġġja miżuri aħjar ta' kontroll madwar id-dinja.

1.2

Għalhekk, il-Kumitat jappoġġja l-għan ġenerali tal-proposta speċifika tal-Kummissjoni fir-Regolament propost attwali sabiex tipprojbixxi l-esportazzjoni tal-merkurju mill-Ewropa u sabiex l-eċċess tal-merkurju fl-Ewropa jkun maħżun b'mod sikur. Il-KESE jemmen li l-projbizzjoni ta' l-esportazzjoni tal-merkurju metalliku mill-Ewropa u l-ħtieġa li jkun maħżun b'mod sikur sakemm jintrema huma partikularment rilevanti u f'waqthom fiċ-ċirkostanzi attwali peress li bħalissa fl-Ewropa qiegħed jitneħħa b'mod gradwali l-proċess tal-chlor-alkali bbażat fuq il-merkurju.

1.3

B'ħarsa 'l quddiem, il-Kumitat iħeġġeġ lill-Kummissjoni sabiex timplimenta l-elementi l-oħra ta' l-istrateġija tagħha dwar il-merkurju mill-iktar fis possibbli u sabiex tiżviluppa miżuri bil-għan li jitnaqqas iktar l-użu tal-merkurju fil-proċessi u fil-prodotti fl-Ewropa, u sabiex tassigura r-rimi sikur tal-merkurju fil-firxiet ta' l-iskart.

1.4

Il-Kumitat jemmen li l-projbizzjoni legali għandha tidħol fis-seħħ kemm jista' jkun malajr, bi skadenzi raġonevoli u li sa dak iż-żmien il-Kummissjoni u l-kumpaniji kkonċernati għandhom jitħeġġew jagħmlu mill-aħjar li jistgħu sabiex inaqqsu l-esportazzjoni sal-minimu.

1.5

Il-Kumitat jappoġġja l-arranġamenti ta' ħażna proposti mill-Kummissjoni f'dan ir-Regolament bħala l-aħjar li huma disponibbli għal dan il-mument. L-awtoritajiet kompetenti għandhom iwettqu l-evalwazzjonijiet tas-sigurtà ta' kull faċilità proposta għall-ħażna, u għandhom jipprovdu għas-sorveljanza regolari tas-siti meta jibdew joperaw. Il-Kumitat iħeġġeġ lill-Kummissjoni sabiex titlob rapporti mill-Istati Membri dwar il-progress ta' din il-kwistjoni, u għandhom jiġu proposti iktar miżuri jekk l-arranġamenti ta' ħażna ma jkunux sodisfaċenti.

2.1

Il-merkurju huwa komponent naturali tad-dinja, b'abbondanza medja ta' madwar 0,05 mg/kg ġol-qoxra tad-dinja, b'varjanti lokali sinifikanti. Il-merkurju huwa wkoll preżenti f'livelli baxxi ħafna fil-bijosfera kollha. L-assorbiment tiegħu mill-qsari jista' jispjega wkoll il-preżenza tal-merkurju fil-karburanti fossili bħall-faħam, iż-żejt u l-gass.

2.2

Il-livelli ta' merkurju fl-ambjent żdiedu konsiderevolment mill-bidu ta' l-era industrijali. Il-ħruq tal-karburanti fossili jerħi kwantitajiet sinifikanti tal-merkurju. B'żieda ma' dan, il-merkurju huwa estratt minn minerali (prinċipalment iċ-ċinabru) u jintuża f'varjetà ta' applikazzjonijiet industrijali. Il-merkurju mill-proċessi industrijali u mill-iskart jinfirex ukoll fl-ambjent. Il-prassi tal-passat ħallew wirt ta' merkurju ġot-terrafermi, fdalijiet tal-barrieri (mine tailings), siti industrijali kkontaminati, ħamrija u sedimenti. Saħansitra reġjuni mingħajr rilaxxi sinifikanti ta' merkurju, bħall-Artiku, huma milquta minħabba t-trasport transkontinentali u globali tal-merkurju.

2.3

Ladarba jkun rilaxxat, il-merkurju jippersisti fl-ambjent fejn jiċċirkola bejn l-arja, l-ilma, is-sedimenti, il-ħamrija u l-bijota f'diversi forom. Il-forma tiegħu tista' tinbidel (primarjament bil-metaboliżmu mikrobijali) għal metilmerkurju, li għandu l-kapaċità li jinġabar f'organiżmi (bijo-akkumulazzjoni) u li jikkonċentra fil-ktajjen ta' l-ikel (bijo-tkabbir), partikularment fil-katina ta' l-ikel akwatika (ħut u mammali tal-baħar). Il-metilmerkurju huwa għalhekk il-forma ta' l-iktar inkwiet ta' din is-sustanza. Kważi l-merkurju kollu li jinsab fil-ħut huwa metilmerkurju.

2.4

Il-merkurju llum huwa preżenti f'diversi medji ambjentali u ikel (speċjalment il-ħut) mad-dinja kollha f'livelli li għandhom effett ħażin fuq il-bnedmin u l-ħajja selvaġġa. F'xi partijiet tad-dinja, inkluż f'partijiet ta' l-Ewropa, numru sinifikanti tal-popolazzjoni umana huma esposti għall-merkurju li huwa 'l fuq mill-livelli aċċettabbli għas-saħħa. Hemm qbil internazzjonali wiesa' li r-rilaxx tal-merkurju fl-ambjent għandu jkun minimizzat u gradwalment imneħħi minn kull fejn huwa possibbli, u mill-iktar fis possibbli.

2.5

Minkejja nuqqas fil-konsum globali tal-merkurju (id-domanda globali hija inqas minn nofs il-livelli ta' l-1980), u prezzijiet baxxi, il-produzzjoni mill-minjieri għadha qiegħda sseħħ f'numru ta' pajjiżi madwar id-dinja. Fl-Ewropa, il-produzzjoni primarja issa waqfet, iżda l-merkurju għadu iżolat bħala prodott sekondarju ta' proċessi oħra estrattivi.

2.6

Kwantitajiet kbar tal-merkurju qegħdin jidħlu wkoll fis-suq b'riżultat ta' konverżjoni jew għeluq tal-faċilitajiet ta' chlor-alkali fl-Ewropa li użaw il-proċess tal-merkurju. Dan il-merkurju residwu tipikament jinbiegħ bi prezz baxx lill-Miñas de Almadén fi Spanja, li mbagħad tbiegħu lil pajjiżi madwar id-dinja.

2.7

Minkejja l-aħjar sforzi, la l-Euro Chlor u l-anqas l-Almadén ma jistgħu jassiguraw li l-merkurju esportat mill-UE taħt dan il-ftehim m'huwiex ser jikkontribwixxi għal iktar tniġġis globali minħabba t-telf tal-kontroll meta jitlaq mill-faċilitajiet ta' l-Almadén. Dan jista' b'hekk iħeġġeġ użu ikbar ta' merkurju f'proċessi u fi prodotti mhux regolati f'pajjiżi oħra u fi kwantitajiet ikbar ta' emissjonijiet jew ta' skart ikkontaminat bil-merkurju. Huwa għalhekk mixtieq li dan l-influss sostanzjali ta' eċċess tal-merkurju mill-proċessi abbandunati tal-produzzjoni tal-chlor-alkali bbażat fuq il-merkurju, jinżamm milli jinħareġ fuq is-suq globali.

3.1

Fit-28 ta' Jannar 2005, il-Kummissjoni adottat il-Komunikazzjoni lill-Kunsill u l-Parlament Ewropew dwar Strateġija Komunitarja dwar il-Merkurju (COM (2005) 20 final). L-Istrateġija tipproponi għoxrin azzjoni li jindirizzaw l-aspetti kollha taċ-ċiklu tal-ħajja tal-merkurju. Tnejn mill-azzjonijiet proposti mill-Istrateġija jikkonċernaw l-esportazzjoni u l-ħażna tal-merkurju.

3.2

Il-Proposta tal-Kummissjoni għal regolament fuq il-projbizzjoni ta' esportazzjoni u l-ħażna sikura ta' merkurju metalliku issa twassal dawn l-azzjonijiet 'il quddiem. Il-Proposta għandha l-għan li tipprojbixxi l-esportazzjoni tal-merkurju metalliku mill-Komunità kif ukoll li tiżgura li dan il-merkurju ma jerġax jidħol fis-suq u li jkun maħżun b'mod sikur, skond l-azzjonijiet 5 u 9 identifikati fl-Istrateġija Komunitarja dwar il-Merkurju. L-għan fundamentali huwa li tillimita żidiet addizzjonali għall-“ġabra globali” tal-merkurju diġà rilaxxat.

3.3

Ir-Regolament propost għandu l-għan li jipprojbixxi l-esportazzjoni tal-merkurju mill-UE mill-1 ta' Lulju 2011. Fl-istess data, il-merkurju li m'għadux jintuża fl-industrija chlor-alkali kif ukoll il-merkurju estratt mill-purifikazzjoni ta' gass naturali jew mill-produzzjoni ta' metalli mhux tal-ħadid irid jinħażen b'mod sikur.

3.4

Il-Kummissjoni kkonsultat b'mod wiesa' dwar il-proposta u MAYASA, il-gvern Spanjol u l-industrija Ewropea tal-chlor-alkali — il-partijiet ikkonċernati l-iktar milquta b'mod dirett — qablu mal-projbizzjoni mid-data proposta. Il-Kummissjoni ħadet nota li CEFIC, l-organizzazzjoni Ewropea ta' l-industrija tal-kimika, tat impenn volontarju sabiex tassigura l-ħażna b'mod sikur tal-merkurju mill-industrija tal-chlor-alkali mill-1 ta' Lulju 2011.

4.1

Il-Kumitat jappoġġja bis-sħiħ l-għan li l-Ewropa ssir mexxejja ta' l-isforzi globali sabiex jitnaqqsu r-rilaxxi u l-emissjonijiet tal-merkurju ġo l-ambjent billi l-produzzjoni u l-konsum tal-merkurju jkunu restritti, u billi titħeġġeġ is-sostituzzjoni minn materjali, proċessi u prodotti oħra aktar sikuri. Il-Kumitat jemmen li r-Regolament REACH kieku jiffaċilita sforzi ta' dan it-tip.

4.2

Il-Kumitat bi pjaċir jinnota li t-tħaffir u l-estrazzjoni tal-merkurju minn metalli li fihom il-merkurju issa waqaf fl-Unjoni Ewropea. Il-Kumitat jikkunsidra li l-Kummissjoni għandha tkompli żżomm din il-kwistjoni taħt ir-reviżjoni u li tkun lesta li timponi projbizzjoni jekk qatt ikun hemm xi proposta li terġa' tinbeda l-estrazzjoni tal-merkurji fl-Ewropa għal raġunijiet kummerċjali. Il-KESE jirrakkomanda wkoll li l-Kummissjoni tikkunsidra miżuri addizzjonali sabiex tiskoraġġixxi l-produzzjoni tal-merkurju bħala prodott sekondarju mill-estrazzjoni ta' minerali oħra, u sabiex tassigura l-ħażna u r-rimi ta' eċċess ta' merkurju b'mod sikur

4.3

Barra mill-Ewropa, il-Kumitat jappoġġja l-ħidma attiva ta' l-Unjoni Ewropea fl-isforzi internazzjonali sabiex tirrestrinġa l-produzzjoni, u l-użu tal-merkurju madwar id-dinja u sabiex tassigura metodi sikuri tal-ħażna u r-rimi. Għal dan il-għan huwa importanti li l-Ewropa tagħti eżempju tajjeb fl-indirizzar tagħha stess tal-problema tal-merkurju fi ħdan l-Unjoni, u sabiex tappoġġja miżuri aħjar ta' kontroll madwar id-dinja.

4.4

F'dan il-kuntest, il-projbizzjoni ta' l-esportazzjoni tal-merkurju metalliku mill-Ewropa u l-ħtieġa li jkun maħżun b'mod sikur sakemm jintrema huwa pass utli. Huwa partikularment rilevanti u f'waqtu fiċ-ċirkostanzi attwali meta t-tneħħija b'mod gradwali tal-proċess tal-chlor-alkali bbażat fuq il-merkurju fl-Ewropa jista' altrimenti jirrilaxxa kwantitajiet kbar ta' eċċess tal-merkurju fis-suq globali. Għalhekk, il-Kumitat jappoġġja l-għan ġenerali tal-proposta speċifika tal-Kummissjoni fir-Regolament propost attwali sabiex tipprojbixxi l-esportazzjoni tal-merkurju mill-Ewropa u sabiex l-eċċess tal-merkurju fl-Ewropa jkun maħżun b'mod sikur.

4.5

Iżda l-istorja ma tistax tieqaf hawnhekk. Il-Kumitat qiegħed jistenna lill-Kummissjoni sabiex twettaq iktar xogħol bil-għan li tiżviluppa miżuri sabiex jitnaqqas iktar l-użu tal-merkurju fil-proċessi u fil-prodotti fl-Ewropa, u sabiex tassigura r-rimi aktar sikur tal-merkurju fil-firxiet ta' l-iskart. Il-KESE jħeġġeġ ukoll lill-Kummissjoni sabiex tikkunsidra liema passi jistgħu jittieħdu fil-livell internazzjonali għall-promozzjoni ta' ġestjoni aħjar tal-merkurju madwar id-dinja, inkluż in-negozjati ta' miżuri adattati ta' kooperazzjoni li jappoġġjaw it-trasferiment ta' teknoloġiji li jissostitwixxu l-merkurju u s-soluzzjonijiet għall-ġbir u l-ħażna tal-merkurju u possibbilment ftehim internazzjonali dwar il-ġestjoni u l-kontroll tal-merkurju.

5.1

Il-Kumitat jinnota li l-proposta attwali tapplika biss għall-esportazzjoni tal-merkurju metalliku (Artikolu 1). Il-KESE jemmen li huwa urġenti li tingħata iktar konsiderazzjoni lill-possibbiltà li tiġi estiża l-projbizzjoni għall-komposti tal-merkurju u l-prodotti li fihom il-merkurju kif inhu previst f'Artikolu 5. Ikun mixtieq li tiġi speċifikata skadenza għal din ir-reviżjoni. Għandhom jiġu kkunsidrati iżjed miżuri sabiex tiġi imposta s-sostituzzjoni tal-merkurju b'materjali inqas tossiċi jew li jniġġsu inqas fil-prodotti u fil-proċessi fl-Unjoni.

5.2

Oriġinarjament il-Kummissjoni pproponiet li l-projbizzjoni għandha tidħol fis-seħħ fl-2011. Il-Parlament irrakkomanda li din id-data titressaq 'il quddiem għall-2010. L-NGOs qegħdin ikomplu jisħqu li l-projbizzjoni għandha tidħol fis-seħħ f'data iktar qrib. Il-Kumitat jemmen li l-projbizzjoni legali għandha tidħol fis-seħħ kemm jista' jkun malajr, bi skadenzi raġonevoli, u li sa dak iż-żmien il-Kummissjoni u l-kumpaniji kkonċernati għandhom jitħeġġu jagħmlu mill-aħjar li jistgħu sabiex inaqqsu l-esportazzjoni sal-minimu.

5.3

Il-Kummissjoni tipproponi (Artikolu 2) li l-merkurju li ġej mill-proċessi abbandunati tal-chlor-alkali, il-merkurju mirbuħ mit-tindif tal-gass naturali, u l-merkurju mirbuħ mit-tħaffir għall-metall li ma fihx ħadid u attivitajiet oħra ta' tidwib, għandhom ikunu maħżuna b'mod sikur. L-Artikolu 3 jispeċifika l-ħażna jew f'minjiera tal-melħ taħt l-art jew f'faċilità ddisinjata speċjalment għall-ħażna temporanja tal-merkurju metalliku. Dawn il-faċilitajiet iridu juru l-prassi preskritti tas-sigurtà u l-ġestjoni. Għandha tkun ir-responsabbiltà ta' l-Istat Membru li jwaqqaf faċilitajiet bħal dawn, jew, li jingħaqad ma' Stati Membri oħra li għandhom kondizzjonijiet iktar favorevoli. Flimkien mal-projbizzjoni ta' l-esportazzjoni, dawn id-dispożizzjonijiet huma mmirati sabiex jassiguraw li dawn il-kwantitajiet eċċessivi tal-merkurju minn proċessi industrijali maġġuri jkunu mneħħija kompletament mis-suq u jkunu miżmuma b'mod sikur.

5.4

Il-Kumitat jappoġġja dawn l-arranġamenti għal ħażna bħala dawk l-aħjar eżistenti attwalment. Il-Kumitat jikkunsidra bħala importanti ħafna li l-EIA u l-evalwazzjonijiet tas-sigurtà li jitwettqu mill-awtoritajiet kompetenti għal kwalunkwe faċilitajiet ta' ħażna jiġu mmexxija b'mod iddettaljat u rigoruż, u li għandhom jipprovdu għal sorveljanza regolari tas-siti meta jibdew joperaw. Il-Kumitat iħeġġeġ lill-Kummissjoni sabiex titlob rapporti mill-Istati Membri dwar il-progress ta' din il-kwistjoni, u li tkun lesta li tipproponi iżjed miżuri jekk l-arranġamenti tal-ħażna ma jkunux sodisfaċenti.

5.5

Huwa importanti li l-operaturi li użaw il-merkurju għandhom iħallsu sabiex jiġi maħżun b'mod sikur. Il-Kumitat jinnota li l-arranġamenti għall-ħażna ta' l-eċċess tal-merkurju li joħroġ mill-waqfa tal-proċessi tal-chlor-alkali għandhom jiġu implimentati b'konsultazzjoni u ftehim ma' l-intrapriżi industrijali rilevanti, u li l-Eurochlor qegħdin jiżviluppaw ftehim volontarju b'mod parallel mad-Direttiva li tikkommetti lill-membri tagħhom sabiex jużaw faċilitajiet tal-ħażna sikuri. Il-Kumitat jilqa' din l-inizjattiva minn grupp industrijali responsabbli. Sakemm dawn l-arranġamenti jintlaqgħu mill-intrapriżi kollha rilevanti u jistgħu jkunu assigurati b'mod trasparenti li jista' jkun issorverljat, il-Kumitat jaqbel li dan ikun l-aħjar mod sabiex tiġi assigurata implimentazzjoni effettiva. Il-Kumitat jirrakkomanda li l-Kummissjoni għandha tesplora l-possibbiltà li jintlaħaq ftehim simili ma' produtturi kbar industrijali oħra tal-merkurju metalliku bħall-industrija ta' l-elettriku u l-industrija tat-tħaffir għall-metall li ma fihx ħadid u attivitajiet oħra ta' tidwib.

5.6

Il-Kumitat jenfasizza li s-sorveljanza u l-infurzar ta' l-arranġamenti l-ġodda ser ikunu parikularment importanti. Il-ħtieġa li l-merkurju jkun maħżun u mormi, effettivament ser ibiddel lill-merkurju minn assi li tista' titpoġġa fis-suq, f'obbligu li ser jimponi l-ispejjeż fuq il-propjetarji tiegħu. F'dawn iċ-ċirkostanzi ser ikun hemm tentazzjonijiet għall-operaturi mingħajr skrupli sabiex jipprovaw jevitaw li jgħaddu lil dan il-merkurju mir-rotot adatti ta' rimi, u li jittrasferixxu dan il-materjal lejn terrafermi artifiċjali illegali. Iż-żamma rigoruża ta' l-informazzjoni u s-superviżjoni ser ikunu neċessarji sabiex ma jkunx hemm dawn ir-riżultati mhux mixtieqa.

5.7

Il-Kumitat iħeġġeġ lill-Kummissjoni sabiex tikkunsidra iżjed azzjoni sabiex timplimenta elementi oħra ta' l-istrateġija tal-merkurju mill-iktar fis possibbli. B'mod partikulari l-KESE jqis bħala importanti li jitħeġġeġ it-tnaqqis b'mod gradwali u mill-iktar fis possibbli tal-merkurju mill-prodotti tad-dawl, mill-ġojjelli, mid-dentistrija, mill-prodotti kosmetiċi u li jitħaffu l-miżuri li jnaqqsu jew jeliminaw l-emissjonijiet tal-merkurju minn fabbriki kbar tal-kombustjoni, mill-krematorja u minn sorsi oħra sinifikanti tat-tniġġis ta' l-arja mill-merkurju. Jistgħu jenħtieġu miżuri oħra sabiex ikun assigurat li kwantitajiet sinifikanti preżenti f'firxiet ta' skart oħrajn jinqabdu għall-ħażna jew għar-rimi minflok ma jitħallew jinfirxu u jniġġsu l-ambjent b'mod aktar wiesa'. Dawn il-miżuri kollha addizzjonali għandhom, naturalment, jiġu evalwati f'termini ta' kemm l-attività kkonċernata tikkontribwixxi lejn il-problema globali tal-merkurju, u lejn l-ispejjeż u l-impatti tas-soluzzjonijiet proposti.

20.7.2007   

MT

Il-Ġurnal Uffiċjali ta’ l-Unjoni Ewropea

C 168/47

1.1

B'konformità ma' l-Artikolu 128, paragrafu 2 tat-Trattat, il-Linji ta' Gwida dwar l-Impjiegi li qegħdin attwalment fis-seħħ jeħtieġu konferma b'deċiżjoni tal-Kunsill sabiex jiġġeddu għall-2007, wara konsultazzjoni mal-Parlament Ewropew, mal-Kumitat tar-Reġjuni u mal-KESE.

1.2

Il-KESE jappoġġja l-proposta li l-Linji ta' Gwida dwar l-Impjiegi (2005-2007) jiġġeddu għall-2007, dment li jkunu meqjusa l-oqsma li dwarhom ġie espress tħassib u saru rakkomandazzjonijiet.

1.3

Il-KESE jirrakkomanda bi sħiħ li l-iskeda u l-proċess li għandhom jiġu adottati jiġu kkomunikati b'mod wiesa' u fi żmien adegwat lill-partijiet kollha kkonċernati, sabiex jinkisbu l-aqwa benefiċċji possibbli minn dan il-proċess, tkompli tinbena r-rieda tajba, tiġi żgurata l-parteċipazzjoni massima mill-partijiet ikkonċernati u jkun hemm biżżejjed ħin għar-risposti, fil-livell Ewropew kif ukoll fil-livell nazzjonali, fl-istadju ta' żvilupp.

1.4

Il-KESE jirrakkomanda li jkun hemm enfasi akbar fuq l-inklużjoni tal-persuni bi bżonnijiet speċjali fil-Linji ta' Gwida l-ġodda dwar l-Impjiegi, b'objettivi speċifiċi u rikonoxximent akbar tal-ħtiġiet tal-politika soċjali. Il-KESE jenfasizza l-importanza li jiġu involuti l-imsieħba soċjali u s-soċjetà ċivili mill-aktar fis possibbli fl-iżvilupp tal-linji ta' gwida mill-Kummissjoni kif ukoll iqis importanti li jiġi kkonsultat dwar id-dokument finali.

1.5

Il-KESE jirrakkomanda li l-Kummissjoni immedjatament tieħu l-passi sabiex tidħol f'diskussjonijiet mal-KESE dwar l-iżvilupp tal-Linji ta' Gwida dwar l-Impjiegi billi tistabbilixxi kuntatti formali u informali sabiex tieħu approċċ proattiv għall-iżvilupp tal-Linji ta' Gwida dwar l-Impjiegi għat-tliet snin li ġejjin.

1.6

Il-KESE jagħmel sejħa sabiex jiġu stabbiliti objettivi ħafna aktar ambizzjużi u li jistgħu jitkejlu, li jkunu jistgħu jiġu evalwati fil-linji ġodda ta' gwida fil-livell ta' l-Unjoni u ta' l-Istati Membri, u sabiex il-Kummissjoni tingħata aktar poteri ta' applikazzjoni.

1.7

Il-KESE jirrakkomanda li jitqiegħdu għad-dispożizzjoni ta' l-Istati Membri kollha sistemi adegwati ta' Teknoloġiji ta' l-Informazzjoni u Komunikazzjoni (ICT) sabiex ikun hemm garanzija ta' titjib fil-ġbir ta' informazzjoni u sabiex il-proċess ta' monitoraġġ u ta' evalwazzjoni mill-Istati Membri kif ukoll mill-Kummissjoni jitħaffef.

1.8

Il-KESE jkompli jirrakkomanda li l-Programmi Nazzjonali ta' Riforma għandhom jinkludu aktar evidenza konkreta ta' objettivi mfissra, skedi, spejjeż u stimi baġitarji.

2.1

Fil-bidu ta' l-2007, il-Kummissjoni bagħtet proposta lill-KESE bħala parti mill-proċess ta' konsultazzjoni bil-għan li jiġu vvalidati l-“Linji ta' Gwida għall-Politika dwar l-Impjiegi ta' l-Istati Membri” għall-2007, li jeħtieġu li jiġu kkonfermati minn deċiżjoni tal-Kunsill.

2.2

Il-Kummissjoni tipproponi li l-linji ta' gwida stabbiliti għall-perijodu 2005-2008 (1) bbażati fuq l-Artikou 128 tat-Trattat jinżammu għall-2007 u għandhom jiġu meqjusa mill-Istati Membri fil-politiki tagħhom dwar l-impjiegi (2).

2.3

B'din il-proposta ta' deċiżjoni, il-Kummissjoni qiegħda tikkunsidra l-Istrateġija ta' Lisbona, implimentata sa mill-2005, li hija bbażata fuq iċ-ċiklu ġdid ta' gvernanza li jinkludi pakkett integrat ta' linji ta' gwida li jibqgħu validi sa l-2008. Dawn jinkorporaw dimensjonijiet ekonomiċi, soċjali u ambjentali.

2.4

L-Istati Membri kienu meħtieġa li jippreparaw Programmi Nazzjonali ta' Riforma li ġew evalwati mill-Kummissjoni. Din ir-reviżjoni annwali tistabbilixxi l-progress li sar fl-applikazzjoni tal-l-linji ta' gwida u tipprovdi l-konklużjonijiet li fuqhom hija bbażata l-proposta li dawn il-linji ta' gwida jiġġeddu.

—

L-iskeda għall-iżvilupp u għall-adozzjoni tal-linji ta' gwida kienet ristretta ħafna u ma ppermettitx għal dibattitu u involviment reali fuq dan is-suġġett mill-partijiet differenti ikkonċernati kemm fil-livell ta' l-UE kif ukoll f'dak nazzjonali, li kellu impatt fuq il-proċessi demokratiċi, b'mod partikolari fl-iżvilupp tal-programmi nazzjonali.

—

Peress li fir-rigward tal-linji attwali ta' gwida, qiegħed jiġi enfasizzat li l-Istati Membri jistabbilixxu l-objettivi tagħhom, hemm tħassib kontinwu li l-miżuri dwar il-politika ta' l-impjiegi ma jistgħux jibqgħu jiġu vvalutati permezz ta' objettivi speċifiċi u li jistgħu jiġu kwantifikati, bħalma kien iseħħ fil-programmi preċedenti bil-konsegwenza li l-Programmi Nazzjonali ta' Riforma saru anqas ambizzjużi fir-rigward tal-politika ta' l-impjiegi u fir-rigward tad-drittijiet u l-obbligi tal-ħaddiema.

—

Hemm bżonn li jkun hemm enfasi akbar fuq l-integrazzjoni taż-żgħażagħ fis-suq tax-xogħol, u li sa ċertu punt tingħatalhom garanzija li jkollhom l-ewwel impjieg li joffri prospetti għall-futur.

—

Hemm bżonn ta' enfasi kontinwa fil-ġlieda kontra d-diskriminazzjoni minħabba l-età, id-diżabilità jew l-oriġini etniċi.

—

It-transizzjoni lejn l-ekonomija ta' l-għarfien teħtieġ strateġija aktar rigoruża u aktar iffokata fir-rigward tat-taħriġ professjonali u tat-tagħlim tul il-ħajja sabiex ikun hemm adattament għal teknoloġiji ġodda, ir-ristrutturazzjoni tal-bażi industrijali u sabiex l-indivdwi jkunu jistgħu jiksbu kompetenzi trasferibbli.

—

Irid ikun hemm aktar konsistenza sabiex l-investiment jiġi integrat fir-riċerka u l-iżvilupp u fl-innovazzjoni, kemm sabiex tiġi stimolata l-ekonomija kif ukoll sabiex jiġu żviluppati impjiegi ġodda.

—

L-attenzjoni li qiegħda tingħata lill-ugwaljanza bejn is-sessi u lill-bżonn għall-bilanċ bejn il-ħajja professjonali u dik familjali mhix biżżejjed.

—

Hemm bżonn ta' aktar attenzjoni fir-rigward ta' l-impatt tal-bidla demografika u l-isfidi li ġġib magħha x-xjuħija tal-ħaddiema.

—

Il-bżonn li tissaħħaħ u tiġi kkontrollata l-implimentazzjoni tal-politiki ta' immigrazzjoni u l-impatt tagħhom fuq l-ippjanar nazzjonali għall-impjiegi.

—

L-importanza li jkun hemm fondi neċessarji fil-livell nazzjonali u Ewropew sabiex jiġu implimentati l-miżuri dwar il-politika ta' l-impjiegi.

4.1

F'opinjonijiet preċedenti, il-KESE laqa' l-adozzjoni tal-linji integrati ta' gwida għall-2005-2008 u jkompli jenfasizza li s-suċċess jiddependi mill-fatt li l-Istati Membri jieħdu r-responsabbiltajiet tagħhom bis-serjetà u jpoġġu fil-prattika fil-livell nazzjonali l-prijoritajiet stabbiliti b'mod konġunt. Irid ikun hemm enfasi qawwija fuq l-involviment ta' l-imsieħba soċjali kollha u tas-soċjetà ċivili fl-istadji kollha ta' l-iżvilupp u ta' l-implimentazzjoni.

4.2

Il-KESE jirrikonoxxi li sar progress fir-rigward tat-tkabbir ekonomiku fl-UE-25 u permezz tal-miżuri speċifiċi dwar l-impjiegi (4), iżda jibqa' mħasseb minħabba d-disparità kontinwa bejn l-implimentazzjoni tal-miżuri differenti fl-Istati Membri u bejn Stati Membri differenti u jibqa' tal-fehma li hemm nuqqas ta' urġenza u ta' ordni ta' preċedenza tal-prijoritajiet sabiex jitwettaq tibdil sinjifikanti.

4.3

Il-KESE jixtieq li l-Kummissjoni tassumi rwol aktar importanti fl-iżvilupp ta' objettivi Ewropej u nazzjonali, u fil-kontroll u l-evalwazzjoni tal-progress li jsaħħaħ u jżid il-valur tar-Rapporti Annwali maħruġa mill-Programmi Nazzjonali ta' Riforma f'kull Stat Membru.

4.4

Il-KESE jilqa' l-proposti tal-Kummissjoni sabiex parti mill-Fondi Strutturali, Soċjali u ta' Globalizzazzjoni jintużaw sabiex jappoġġjaw l-implimentazzjoni tal-Linji ta' Gwida dwar l-Impjiegi. Il-KESE jkompli jenfasizza l-importanza li jitqiegħdu għad-dispożizzjoni l-fondi neċessarji fil-livell Ewropew u nazzjonali sabiex l-inizjattivi dwar l-impjiegi jiddaħħlu f'ordni ta' preċedenza.

4.5

Il-KESE, waqt li jtenni t-tħassib tiegħu dwar in-nuqqas ta' progress, jixtieq li l-miżuri u l-emendi fil-Linji ta' Gwida dwar l-Impjiegi għall-2008-2010 jirriflettu l-bżonn għal titjib.

—

Huwa improbabbli li l-objettiv globali ta' 70 % għal impjegar totali jintlaħaq f'dan il-perijodu. Għalkemm ir-rata stabbilita għall-impjegar tan-nisa ser tilħaq is-60 % li kienu proposti, din iċ-ċifra hija magħmula minn xogħol part-time, flessibbli u temporanju.

—

L-objettiv ta' 50 % propost għall-ħaddiema “aktar anzjani” (persuni li għandhom bejn 45-65 sena, skond it-tifsira tal-Kummissjoni) ukoll mhux ser jintlaħaq minkejja l-progress li sar.

—

L-iżvilupp ta' strateġiji għall-persuni b'diżabilità jew bi bżonnijiet speċjali u l-integrazzjoni tagħhom fid-dinja tax-xogħol għadhom baxxi.

—

Hemm tħassib kontinwu dwar il-livell ta' qgħad taż-żgħażagħ li qiegħed jibqa' jiżdied u qegħdin jittieħdu miżuri adattati sabiex is-sitwazzjoni titjieb.

—

L-edukazzjoni u r-relazzjoni tagħha mas-suq modern tax-xogħol hija kwistjoni prinċipali fis-sens li hemm nuqqas ta' kompetenzi bażiċi u intermedjarji u nuqqas ta' koerenza bejn il-kompetenzi u l-kwalifiki fir-rigward tas-suq ta' l-impjiegi. L-implimentazzjoni effettiva tal-miżuri tat-taħriġ professjonali u t-tagħlim tul il-ħajja kollha, u r-rieda reali tas-sostenn finanzjarju jew mis-settur pubbliku jew mis-settur privat, jibqgħu sors ta' tħassib sinjifikanti.

—

Jeżisti nuqqas kontinwu ta' enfasi fuq it-tagħlim tul il-ħajja fl-etajiet kollha iżda b'mod partikolari għall-ħaddiema aktar anzjani. Dan jippreżenta problema partikolari fir-rigward ta' l-adattabilità tal-forza tax-xogħol.

—

Jibqa' tħassib fir-rigward ta' l-integrazzjoni tal-ħaddiema migranti fl-Istati Membri li qegħdin jimlew il-vojt sostanzjali li jeżisti minħabba l-ħtieġa ta'-kompetenzi fis-suq tax-xogħol.

—

Waqt li l-KESE jappoġġja l-mobilità tal-ħaddiema fl-Istati Membri, huwa mħasseb mill-impatt li t-trasferiment ta' ħaddiema kwalifikati u ċ-ċaqliq ta' kompetenzi minn pajjiż ta' l-UE għal ieħor għandhom fuq il-pajjiż ta' oriġini. Dan għandu jiġi kkontrollat u għandha tittieħed azzjoni sabiex tiġi assigurata ż-żamma ta' bilanċ ta' forza tax-xogħol kompetenti u kwalifikata, neċessarja għas-sostenibbiltà.

—

L-effett fuq l-opportunitajiet lokali fir-rigward ta' l-impjiegi għandu jiġi analizzat waqt li jiġi mistoqsi għaliex il-persuni bla xogħol mhumiex qegħdin jimlew il-postijiet battala lokali.

—

L-objettiv ta' ekonomija ta' l-għarfien ibbażata fuq ir-riċerka u l-innovazzjoni għadu 'l bogħod milli jintlaħaq. Hemm nuqqas ta' attenzjoni mogħtija mill-Istati Membri għall-approċċ integrat ibbażat fuq “iċ-ċiklu tal-ħajja”. Il-KESE jħeġġeġ lill-Istati Membri sabiex ikomplu bl-isforzi tagħhom sabiex irendu d-dinja tax-xogħol kompatibbli mal-ħajja familjali. Dan huwa kompitu għas-soċjetà kollha. B'mod partikolari, permezz tal-provvista ta' faċilitajiet intiżi li jieħdu ħsieb it-tfal, ir-rikonċiljazzjoni tal-familja u ta' l-obbligi familjali tkun possibbli u n-nisa jkunu jistgħu jkomplu jaħdmu f'impjieg b'paga, jew jerġgħu jidħlu fis-suq tax-xogħol malajr wara waqfa (5).

—

Hemm bżonn li l-Istati Membri jippromovu strateġiji intiżi sabiex itejbu l-adattabilità tal-ħaddiema u ta' l-intrapriżi u b'mod partikolari l-potenzjal tal-kunċett tal-flessigurtà (6).

—

Il-problemi ta' l-impatt tax-“xogħol mhux iddikjarat” fuq l-Istati Membri u l-individwi għandhom jiġu indirizzati.

—

L-adozzjoni u l-implimentazzjoni ta' l-aġenda “Xogħol Diċenti” (7) u l-prinċipji tal-Kwalità tax-Xogħol (8) għadhom ma twettqux f'xi Stati Membri.

—

B'paragun mal-medja ta' l-Istati Uniti, ir-rati ta' produttività fl-Ewropa jibqgħu baxxi, u din hija riflessjoni tar-rata u tal-livell ta' investiment fil-persuni u fl-ideat.

—

Għalkemm ir-rata ta' l-investiment pubbliku fl-UE jista' jitqabbel ma' l-investiment ta' l-Istati Uniti, l-investiment mis-settur privat huwa sostanzjalment inferjuri.

6.1

Il-Kummissjoni wettqet reviżjoni, wara li rċeviet ir-Rapporti Annwali mill-Istati Membri, li wasslet għall-Kommunikazzjoni L-implimentazzjoni ta' l-Istrateġija mġedda ta' Liżbona għat-Tkabbir u l-Impjiegi — “Sena ta' Twettiq” li tirreġistra l-progress li sar s'issa. Din is-sena hemm anness iddettaljat li jindika l-azzjonijiet irrakkomandati li huma meħtieġa speċifikament minn kull Stat Membru. Waqt li din hija ta' importanza kruċjali għall-kontribut għall-evalwazzjoni ta' l-impatt globali tal-linji ta' gwida, din tixħet dawl fuq it-tħassib tal-KESE li m'hemmx biżżejjed enfasi fuq l-urġenza u li teżisti disparità fl-implimentazzjoni tal-linji ta' gwida. Il-Kummissjoni jrid ikollha aktar awtorità sabiex tistabbilixxi objettivi li jistgħu jitkejlu, tikkoordina l-attivitajiet u tinforza l-progress.

6.2

Il-KESE jilqa' l-“Evalwazzjoni ta' l-Impatt” proposta mill-Kummissjoni li ser twettaq fil-programm ta' tliet snin flimkien ma' numru ta' aġenziji sabiex jitkejjel l-effikaċja tiegħu u sabiex tinfluwenza l-iżvilupp tal-linji l-ġodda ta' gwida dwar l-impjieg għall-2008-2010.

6.3

Il-KESE jilqa' l-proċess ta' konsultazzjoni propost dwar il-linji ġodda ta' gwida ta' l-impjiegi li ser jibda wara l-pubblikazzjoni ta' l-abbozz tal-Kummissjoni f'Diċembru 2007 bl-għan li tiġi ppreżentata l-proposta finali lill-Kunsill għal adozzjoni f'Ġunju 2008. Il-KESE jenfasizza li huwa importanti li l-Istati Membri u l-partijiet kollha interessati jiġu kkonsultati u involuti matul dan il-proċess kemm fil-livell ta' l-UE kif ukoll fil-livell nazzjonali, mill-aktar fis possibbli.

6.4

Il-KESE jenfasizza l-importanza li jkun hemm l-opportunità li jiġi evalwat l-impatt kmieni kemm jista' jkun matul l-2007 sabiex jiġi kkunsidrat il-kontenut, tintlaqa' l-informazzjoni u jittieħed sehem proattiv fir-risposta bl-għan li jiġi influwenzat l-iżvilupp tal-linji ta' gwida u t-tħejjija tal-programmi nazzjonali.

20.7.2007