Ebda oppożizzjoni għal konċentrazzjoni notifikata

(Każ Nru COMP/M.4666 — KKR/First Data)

(Test b'rilevanza għaż-ŻEE)

(2007/C 131/01)

Fl-1 ta' Ġunju 2007, il-Kummissjoni iddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq komuni. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004. It-test kollu tad-deċiżjoni jinsab fuq Ingliż u se jkun ippubblikat wara li jkun meħlus minn kwalunkwe sigrieti tan-negozju li jista' jkun fih. Hu jinstab:

Rata tal-kambju ta' l-euro (1)

Il-12 ta' Ġunju 2007

(2007/C 131/02)

1 euro=

(1)  

Sors: rata tal-kambju ta' referenza ppubblikata mill-Bank Ċentrali Ewropew.

Opinjoni tal-kumitat konsultattiv dwar il-konċentrazzjonijiet mogħtija waqt il-146 laqgħa tiegħu fis-6 ta' Diċembru 2006 dwar abbozz ta' deċiżjoni marbuta mal-Każ COMP/M.4215 — Glatfelter/Crompton Assets

(2007/C 131/03)

Rapport finali ta' l-uffiċjal tas-smigħ fil-każ COMP/M.4215 — Glatfelter/Crompton Assets

(skond l-Artikoli 15 u 16 tad-Deċiżjoni tal-Kummissjoni (2001/462/KE, KEFA) tat-23 ta' Mejju 2001 dwar it-termini ta' referenza ta' l-Uffiċjali tas-Smigħ f'ċerti proċedimenti ta' kompetizzjoni — ĠU L 162, 19.6.2001, p. 21)

(2007/C 131/04)

Fl-4 ta' April 2006 il-Ġermanja talbet referenza tal-każ lill-Kummissjoni skond l-Artikolu 22 (1) tar-Regolament tal-Kunsill (KE) Nru 139/ 2004 (Regolament dwar l-Għaqdiet). Skond l-Artikolu 22 (2) tar-Regolament dwar l-Għaqdiet, il-Kummissjoni infurmat l-awtoritajiet kompetenti ta' l-Istati Membri l-oħra u l-impriżi kkonċernati dwar it-talba. Ir-Renju Unit ingħaqad fit-talba ta' referenza. Fil-15 ta' Mejju 2006, il-Kummissjoni ddeċidiet taċċetta t-talba biex teżamina l-konċentrazzjoni u infurmat l-Istati Membri u l-impriżi dwar id-deċiżjoni tagħha.

B'hekk, fis-16 ta' Awissu 2006, il-Kummissjoni rċeviet notifika dwar il-konċentrazzjoni proposta li permezz tagħha, P.H Glatfelter company takkwista kontroll sħiħ ta' Lydney Business ta' J.R. Crompton Ltd li kienet tqiegħdet f'amministrazzjoni, permezz tax-xiri ta' assi.

Wara li eżaminat in-notifika, il-Kummissjoni kkonkludiet illi t-tranżazzjoni notifikata kienet taqa' fl-ambitu tar-Regolament ta' l-Għaqdiet u li kienet tqajjem dubbji serji dwar il-kompatibilità mas-suq komuni u l-ħidma mal-Ftehim taż-ŻEE. Għaldaqstant, fl-20 ta' Settembru 2006, il-Kummissjoni ddeċidiet li tibda proċedimenti skond l-Artikolu 6.1(c) tar-Regolament dwar l-Għaqdiet.

Wara investigazzjoni fid-dettal tas-suq li twettqet mid-dipartimenti tal-Kummissjoni, ġie konkluż illi t-tranżazzjoni proposta ma kinitx ser timpedixxi b'mod sinifikanti l-kompetizzjoni effettiva fis-suq komuni jew parti sostanzjali minnu, b'mod partikolari minħabba l-ħolqien jew it-tisħiħ ta' pożizzjoni dominanti, u li b'hekk hija kompatibbli mas-suq komuni u l-Ftehim taż-ŻEE. B'hekk, ma ntbagħtet l-ebda Dikjarazzjoni ta' Oġġezzjonijiet lill-partijiet.

Ma saru l-ebda mistoqsijiet jew sottomissjonijiet lill-Uffiċjal tas-Smigħ mill-partijiet jew minn xi parti terza oħra. Il-każ ma jagħtix lok għal xi kummenti partikolari dwar id-dritt għas-smigħ.

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 68/2001 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna għat-taħriġ

(Test b'rilevanza għaż-ŻEE)

(2007/C 131/05)

(1)  Bħala alternattiva għall-iskema stipulata fir-Regolament (KE) Nru 68/01, il-benefiċjarji jistgħu jagħżlu r-regola “de minimis ”stipulata fir-Regolament (KE) Nru 1998/2006.

(2)  Permezz tad-D.G.R Nru 104/2006 r-riżorsi speċifikati fid-Digriet Ministerjali Nru 107/2006 ġew assenjati għall-amministrazzjonijiet provinċjali sabiex iwettqu d-dmirijiet amministrattivi/maniġerjali li jirriżultaw mit-tkomplija tal-miżuri ta' taħriġ stipulati f'dan id-digriet, inkluż l-għoti ta' finanzjament..

Informazzjoni mogħtija mill-Istati Membri dwar l-għajnuna mill-Istat mogħtija skond ir-Regolament tal-Kummissjoni (KE) Nru 2204/2002 dwar l-applikazzjoni ta' l-Artikoli 87 u 88 tat-Trattat tal-KE għall-għajnuna mill-Istat għax-xogħol

(Test b'rilevanza għaż-ŻEE)

(2007/C 131/06)

(1)  Bl-eċċezzjoni tas-settur tal-bini tal-vapuri u setturi oħrajn suġġetti għal regoli speċjali f'regolamenti u direttivi li jirregolaw l-għajnuna statali fi ħdan is-settur.

Informazzjoni kkomunikata mill-Istati Membri fir-rigward ta' għajnuna mill-Istat mogħtija taħt ir-Regolament tal-Kummissjoni (KE) Nru 1628/2006 dwar l-applikazzjoni ta' l-Artikoli 87 u 88 tat-Trattat KE dwar għajnuna ta' investiment nazzjonali reġjonali

(Test b'rilevanza għaż-ŻEE)

(2007/C 131/07)

SEJĦA GĦAL PROPOSTI — Parteċipazzjoni elettronika 2007/1

(2007/C 131/08)

1.   L-għanijiet u d-deskrizzjoni

Parteċipazzjoni elettronika hija azzjoni ta' tħejjija li tipprova tħaddem il-benefiċċji ta' l-użu tat-Teknoloġiji ta' l-Informazzjoni u tal-Komunikazzjoni (ICT) biex itejbu l-proċessi leġiżlattivi u tat-teħid ta' deċiżjonijiet u biex tqawwi l-parteċipazzjoni pubblika f'dawn il-proċessi f'kull livell tad-deċiżjonijiet governattivi.

Skond il-Programm ta' Ħidma dwar il-Parteċipazzjoni Elettronika ta' l-2007, il-Kummissjoni b'dan tistieden il-konsorzji jressqu l-proposti.

2.   L-eliġibilità tal-konsorzji

Is-sejħa għal proposti hija miftuħa għal entitajiet ġuridiċi mis-27 Stat Membru ta' l-UE.

L-għadd minimu ta' parteċipanti fi proposta huwa ta' tliet entitajiet ġuridiċi indipendenti, minn talanqas żewġ Stati Membri differenti.

3.   L-evalwazzjoni u l-għażla

Il-proposti mressqa jiġu evalwati mill-Kummissjoni bl-għajnuna ta' esperti indipendenti. Il-kriterji użati għall-evalwazzjoni huma ddefiniti fil-Programm ta' Ħidma tal-Parteċipazzjoni Elettronika. Il-proposti li jgħaddu mill-evalwazzjoni jiġu kklasifikati f'ordni skond il-kwalità.

Il-proċess ta' evalwazzjoni ta' l-applikazzjonijiet għall-għoti ta' fondi mill-Kummissjoni huwa stipulat fir-Regolament Finanzjarju applikabbli għall-Baġit Ġenerali tal-Komunitajiet Ewropej (1).

4.   L-appoġġ Komunitarju

Il-fondi Komunitarji mhux sejrin jaqbżu l-75 % ta' l-infiq eliġibbli ta' kull sieħeb.

F'kull każ, il-finanzjament tal-Komunità ma għandux ikollu l-effett li joħloq profitt għall-benefiċjarju.

5.   Il-baġit għas-sejħa

Il-baġit totali għal din is-sejħa għal proposti hu ta' 4,7 miljun EUR.

6.   Id-data ta' l-għeluq u l-indirizz għat-tressiq tal-proposti

Id-data ta' l-għeluq għall-wasla tal-proposti għand il-Kummissjoni hija t-13 ta' Settembru fil-17:00 (ħin lokali ta' Brussell).

Il-proposti mressqa wara din id-data ta' l-għeluq mhux se jiġu aċċettati għall-evalwazzjoni.

Meta proposta tkun tressqet aktar minn darba, il-Kummissjoni teżamina l-aħħar verżjoni li tasal qabel id-data ta' l-għeluq.

Il-proposti għandhom jintbagħtu lil:

7.   L-iskeda taż-żmien

Il-Kummissjoni beħsiebha tinforma lill-proponenti bir-riżultat ta' l-evalwazzjoni u l-proċess ta' l-għażla fi żmien tliet xhur mid-data ta' l-għeluq għat-tressiq tal-proposti u tiffinalizza n-negozjati mal-proponenti magħżula fi żmien erba' xhur mid-data ta' l-għeluq għall-proposti. L-eżekuzzjoni tal-proġetti għandha tibda wara l-finalizzazzjoni tan-negozjati.

8.   Informazzjoni addizzjonali

Il-Gwida tal-Parteċipazzjoni elettronika għall-proponenti 2007 tagħti informazzjoni ddettaljata dwar kif għandhom jitħejjew u jitressqu l-proposti. Dan id-dokument, flimkien mal-Programm ta' Ħidma tal-Parteċipazzjoni elettronika għall-2006 u kull informazzjoni oħra relatata ma' din is-sejħa u l-proċess ta' l-evalwazzjoni jistgħu jitniżżlu mis-sit li ġej:

http://europa.eu.int/information_society/activities/egovernment_research/eparticipation/index_en.htm

Kull korrispondenza relatata ma' din is-sejħa għandha tikkwota l-identifikazzjoni tas-sejħa Parteċipazzjoni elettronika 2007/1.

Kull proposta milqugħa se tiġi ttrattata b'kunfidenzjalità stretta.

(1)  Ir-Regolament tal-Kunsill (KE, Euratom) Nru 1605/2002 (ĠU L 248, 16.9.2002, p. 1). Ir-Regolament kif emendat bir-Regolament (KE, Euratom) Nru 1995/2006 (ĠU L 390, 30.12.2006, p. 1).

Avviż ta' l-inizjazzjoni ta' reviżjoni ta' l-iskadenza tal-miżuri antidumping applikabbli għall-importazzjoni ta' karbonju attivat u magħmul trab (PAC) li joriġina mir-Repubblika tal-Poplu taċ-Ċina

(2007/C 131/09)

Wara l-pubblikazzjoni ta' avviż ta' skadenza imminenti (1) tal-miżuri anti-dumping fis-seħħ dwar l-importazzjonijiet tal-karbonju attivat u magħmul trab (PAC) li joriġina mir-Repubblika tal-Poplu taċ-Ċina ('il-pajjiż ikkonernat'), il-Kummissjoni rċeviet talba għal reviżjoni skond l-Artikolu 11(2) tar-Regolament tal-Kunsill (KE) Nru 384/96 mit- 22 ta' Diċembru 1995 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Komunità Ewropea (2) (“ir-Regolament bażiku”).

1.   Talba għal reviżjoni

It-talba kienet ippreżentata fit-12 ta' Marzu 2007 mill-Kunsill Ewropew ta' l-Industrija Kimika (l-'CEFIC') ('l-applikant') f'isem il-produtturi li jirrappreżentaw biċċa kbira, f'dan il-każ aktar minn 50 %, mit-total tal-produzzjoni Komunitarja tal-karbonju attivat u magħmul trab.

2.   Prodott

Il-prodott taħt reviżjoni huwa l-karbonju attivat u magħmul trab li joriġina mir-Repubblika tal-Poplu taċ-Ċina ('il-prodott ikkonċernat'), bħalissa kklassifikat fil-kodiċi NM ex 3802 10 00. Dan il-kodiċi NM jingħata biss għall-informazzjoni.

3.   Miżuri eżistenti

Il-miżuri li hemm bħalissa fis-seħħ huma dazju anti-dumping definittiv impost mir-Regolament tal-Kunsill (KE) Nru 1011/2002 (3).

4.   Raġunijiet għar-reviżjoni

It-talba hija bbażata fuq ir-raġunijiet li l-iskadenza tal-miżuri probabbilment tirriżulta f'kontinwazzjoni jew ripetizzjoni tad-dumping u ħsara lill-industrija Komunitarja.

In vista tad-dispożizzjonijiet ta' l-Artikolu 2(7) tar-Regolament bażiku, l-applikant stabbilixxa valur normali għar-Repubblika tal-Poplu taċ-Ċina abbażi tal-prezz f'pajjiż b'ekonomija tas-suq xierqa, li jissemma' f'punt 5.1(d). L-allegazzjoni ta' kontinwazzjoni ta' dumping hija bbażata fuq it-tqabbil ta' valur normali, kif iffissat fis-sentenza preċedenti, mal-prezzijiet ta' l-esportazzjoni tal-prodott ikkonċernat meta mibjugħ għall-esportazzjoni lejn il-Komunità.

Fuq din il-bażi, il-marġini ta' dumping ikkalkulat huwa sinifikanti.

B'rigward għar-ripetizzjoni tad-dumping, hu allegat ukoll li l-esportazzjonijiet lejn pajjiżi terzi oħra, jiġifieri lejn l-Istati Uniti ta' l-Amerika u l-Ġappun, isiru bi prezzijiet dumped.

L-applikant jallega wkoll il-probabbiltà ta' aktar dumping dannuż. F'dan ir-rigward, l-applikant ippreżenta evidenza li, jekk il-miżuri jitħallew jiskadu, il-livell ta' l-importazzjoni attwali tal-prodott ikkonċernat probabbilment jiżdied minħabba l-eżistenza ta' kapaċità mhux użata fil-pajjiż ikkonċernat.

Jallega wkoll li l-fluss ta' l-importazzjonijiet tal-prodott ikkonċernat probabbilment jiżdied minħabba l-miżuri fis-seħħ dwar l-importazzjonijiet ta' prodotti simili li joriġinaw mill-pajjiż ikkonċernat fi swieq tradizzjonali barra l-UE jiġifieri l-Istati Uniti ta' l-Amerika. Dan jista' jwassal għal ridirezzjoni ta' l-esportazzjonijiet mill-Istati Uniti ta' l-Amerika lejn il-Komunità.

Barra minn hekk, l-applikant jallega li l-qagħda ta' l-industrija Komunitarja hi tali li kwalunkwe żieda sostanzjali oħra fl-importazzjonijiet bi prezzijiet dumped mill-pajjiż ikkonċernat probabbilment tikkawża aktar ħsara lill-industrija Komunitarja jekk il-miżuri jitħallew jiskadu.

5.   Proċedura

Wara li stabbiliet, b'konsultazzjoni mal-Kumitat Konsultattiv, li hemm biżżejjed provi sabiex ikun iġġustifikat il-bidu ta' reviżjoni ta' skadenza, il-Kummissjoni b'dan tagħti bidu għal reviżjoni skond l-Artikolu 11(2) tar-Regolament bażiku.

5.1.   Proċedura għad-determinazzjoni tal-probabbiltà ta' dumping u ħsara.

L-investigazzjoni se tistabbilixxi jekk hux probabbli, jew le, li l-iskadenza tal-miżuri twassal għal kontinwazzjoni jew għal ripetizzjoni ta' dumping u ħsara.

(a)   It-teħid ta' kampjuni

Fid-dawl tan-numru li jidher ta' partijiet involuti f'din il-proċedura, il-Kummissjoni tista' tiddeċiedi li tapplika t-teħid ta' kampjuni, skond l-Artikolu 17 tar-Regolament bażiku.

(i)   Teħid ta' kampjuni ta' esportaturi/produtturi fir-Repubblika tal-Poplu taċ-Ċina

Sabiex il-Kummissjoni tkun tista' tiddeċiedi jekk it-teħid ta' kampjuni huwiex meħtieġ u, jekk dan ikun il-każ, tagħżel kampjun, l-esportaturi/produtturi kollha, jew ir-rappreżentanti li jaġixxu f'isimhom, huma b'dan mitluba li jippreżentaw lilhom infushom lill-Kummissjoni billi jikkuntattjawha u jipprovdulha l-informazzjoni li ġejja dwar il-kumpanija jew kumpaniji tagħhom fil-limitu ta' żmien stabbilit f'punt 6(b)(i) u fil-formati indikati f'punt 7:

Sabiex tikseb it-tagħrif li hi tqis meħtieġ għall-għażla tal-kampjun ta' esportaturi/produtturi, il-Kummissjoni, barra minn hekk, se tikkuntattja lill-awtoritajiet tal-pajjiż li qiegħed jesporta, u lil kwalunkwe assoċjazzjoni magħrufa ta' esportaturi/produtturi.

(ii)   It-teħid ta' kampjuni għall-importaturi

Sabiex il-Kummissjoni tkun tista' tiddeċiedi jekk it-teħid ta' kampjuni huwiex meħtieġ u, jekk dan ikun il-każ, tagħżel kampjun, l-importaturi kollha, jew ir-rappreżentanti li jaġixxu f'isimhom, huma b'dan mitluba li jippreżentaw lilhom infushom lill-Kummissjoni u jipprovdu l-informazzjoni li ġejja dwar il-kumpanija jew kumpaniji tagħhom fil-limitu ta' żmien stabbilit fil-punt 6(b)(i) u fil-formati indikati fil-punt 7:

Sabiex jinkiseb it-tagħrif li hi tqis meħtieġ għall-għażla tal-kampjun ta' l-importaturi, il-Kummissjoni se tikkuntattja, barra minn hekk, kwalunkwe assoċjazzjoni magħrufa ta' importaturi.

(iii)   L-għażla finali tal-kampjuni

Il-partijiet kollha interessati li jixtiequ jressqu kwalunkwe tagħrif rilevanti f'dak li għandu x'jaqsam ma' l-għażla tal-kampjun għandhom jagħmlu dan fil-limitu ta' żmien stipulat fil-punt 6(b)(ii).

Il-Kummissjoni bi ħsiebha tagħmel l-għażla finali tal-kampjuni wara li tkun ikkonsultat il-partijiet ikkonċernati li esprimew ir-rieda tagħhom li jiġu inklużi fil-kampjun.

Il-kumpaniji inklużi fil-kampjuni għandhom iwieġbu għal kwestjonarju fil-limitu ta' żmien stipulat fil-punt 6(b)(iii) u għandhom jikkooperaw fi ħdan il-qafas ta' l-investigazzjoni.

Jekk ma jkunx hemm kooperazzjoni, il-Kummissjoni tista' tibbaża s-sejbiet tagħha, skond l-Artikoli 17(4) u 18 tar-Regolament bażiku, fuq il-fatti disponibbli. Konklużjoni bbażata fuq fatti disponibbli tista' tkun anqas vantaġġjuża għall-parti kkonċernata, hekk kif spjegat fil-punt 8.

(b)   Kwestjonarji

Sabiex tikseb it-tagħrif li tqis meħtieġ għall-investigazzjoni tagħha, il-Kummissjoni se tibgħat kwestjonarji lill-industrija Komunitarja u lil kull assoċjazzjoni ta' produtturi fil-Komunità, lill-esportaturi/produtturi fir-Repubblika tal-Poplu taċ-Ċina li huma parti mill-kampjun, lil kull assoċjazzjoni ta' esportaturi/produtturi, lill-importaturi li huma parti mill-kampjun, lil kull assoċjazzjoni ta' importaturi msemmija fit-talba jew li kkooperat fl-investigazzjoni li wasslet għall-miżuri soġġetti għal din ir-reviżjoni, lill-utenti kollha magħrufa, lil kwalunkwe fornitur magħruf ta' materja prima lill-industrija Komunitarja u lill-awtoritajiet tal-pajjiż esportatur ikkonċernat.

(c)   Ġbir ta' tagħrif u smigħ ta' seduti

Il-partijiet kollha interessati huma b'dan mistiedna jippreżentaw il-fehmiet tagħhom, jibagħtu tagħrif barra mit-tweġibiet għall-kwestjonarju u jipprovdu dokumenti ta' prova. Dan it-tagħrif u din l-evidenza ta' sostenn għandhom jaslu għand il-Kummissjoni fil-limitu taż-żmien stabbilit fil-punt 6(a)(ii).

Barra minn hekk, il-Kummissjoni tista' tisma' l-partijiet interessati, sakemm dawn jagħmlu talba li turi li hemm raġunijiet partikolari għalfejn għandhom jinstemgħu. Din it-talba għandha ssir fil-limitu ta' żmien stipulat fil-punt 6(a)(iii).

(d)   Għażla tal-pajjiż b'ekonomija tas-suq

Fl-investigazzjoni preċedenti l-Istati Uniti ta' l-Amerika kienet użata bħala pajjiż b'ekonomija tas-suq xierqa għall-għan ta' l-istabbiliment tal-valur normali rigward ir-Repubblika tal-Poplu taċ-Ċina. Il-Kummissjoni bi ħsiebha għal darb'oħra tuża lill-Istati Uniti ta' l-Amerika għal dan il-għan. Il-partijiet interessati huma għalhekk mistiedna jikkummentaw dwar kemm hu xieraq dan il-pajjiż fil-limitu taż-żmien speċifikat stabbilit fil-punt 6(c).

5.2.   Proċedura għall-valutazzjoni ta' l-interess Komunitarju

Skond l-Artikolu 21 tar-Regolament bażiku u fil-każ li l-probabbiltà ta' kontinwazzjoni jew ta' ripetizzjoni ta' dumping jew ta' ħsara tkun ikkonfermata, għandha ssir determinazzjoni dwar jekk iż-żamma, jew ir-revoka tal-miżuri anti-dumping humiex se jkunu kontra l-interess Komunitarju. Għal din ir-raġuni l-industrija tal-Komunità, l-importaturi, l-assoċjazzjonijiet rappreżentanti tagħhom, l-organizzazzjonijiet rappreżentanti tal-konsumatur u ta' l-utenti, dment li huma jippruvaw li hemm rabta oġġettiva bejn l-attività tagħhom u l-prodott ikkonċernat, jistgħu, fil-limiti ġenerali ta' żmien stipulat fil-punt 6(a)(ii), jippreżentaw lilhom infushom u jipprovdu tagħrif lill-Kummissjoni. Il-partijiet li aġixxew b'konformità mas-sentenza preċedenti jistgħu jitolbu seduta ta' smigħ, billi jippreżentaw ir-raġunijiet partikolari għalfejn huma għandhom jinstemgħu, fil-limitu ta' żmien stipulat fil-punt 6(a)(iii). Għandu jiġi osservat li kwalunkwe tagħrif ippreżentat skond l-Artikolu 21 se jitqies biss jekk ikun sostnut b'evidenza fattwali fil-waqt tal-preżentazzjoni.

6   Limiti taż-żmien

(a)   Il-limiti ġenerali ta' żmien

(i)   Għall-partijiet biex jitolbu kwestjonarju jew formoli oħra tat-talbiet

Kull parti interessata li ma kkooperatx fl-investigazzjoni li twassal għall-miżuri soġġetti għall din ir-reviżjoni għandha titlob kwestjonarju jew formoli ta' klejms oħrajn mill-aktar fis possibbli, iżda mhux aktar tard minn 15-il jum wara l-pubblikazzjoni ta' dan l-avviż fil-Ġurnal Uffiċjali ta' l-Unjoni Ewropea.

(ii)   Għall-partijiet li jridu jagħmlu lilhom infushom magħrufa, biex jippreżentaw it-tweġibiet tal-kwestjonarju u kull informazzjoni oħra

Il-partijiet interessati kollha, jekk l-appelli tagħhom għandhom jitqiesu matul l-investigazzjoni, għandhom jippreżentaw lilhom infushom billi jikkuntattjaw lill-Kummissjoni, jippreżentaw l-opinjonijiet tagħhom u jressqu t-tweġibiet tal-kwestjonarju jew kwalunkwe tagħrif ieħor fi żmien 40 jum mid-data tal-pubblikazzjoni ta' dan l-avviż fil-Ġurnal Uffiċjali ta' l-Unjoni Ewropea, sakemm ma jkunx speċifikat mod ieħor. Ta' min jinnota li l-eżerċizzju ta' bosta drittijiet proċedurali stipulati fir-Regolament bażiku jiddependi minn kemm il-parti tippreżenta lilha nnifisha fil-limiti tal-perjodu msemmi qabel.

Il-kumpaniji magħżula f'kampjun għandhom iressqu t-tweġibiet għall-kwestjonarju fil-limitu ta'-żmien stipulat fil-punt 6(b)(iii).

(iii)   Seduti

Il-partijiet interessati kollha jistgħu wkoll japplikaw biex jinstemgħu mill-Kummissjoni fl-istess limitu ta' żmien ta' 40 jum.

(b)   Il-limitu speċifiku ta' żmien fir-rigward tat-teħid ta' kampjuni

(c)   Il-limitu ta' żmien speċifiku għall-għażla tal-pajjiż b'ekonomija tas-suq

Il-partijiet fl-investigazzjoni jistgħu jikkummentaw dwar jekk l-Istati Uniti ta' l-Amerika hux addattat minħabba li, kif imsemmi fil-punt 5.1.(d), huwa previst bħala pajjiż b'ekonomija tas-suq bil-għan li jiġi stabbilit il-valur normali fir-rigward tar-Repubblika tal-Poplu taċ-Ċina. Dawn il-kummenti għandhom jaslu għand il-Kummissjoni sa 10 ijiem mid-data tal-pubblikazzjoni ta' dan l-avviż fil-Ġurnal Uffiċjali ta' l-Unjoni Ewropea.

7.   Il-preżentazzjonijiet bil-miktub, it-tweġibiet għall-kwestjonarju u l-korrispondenza

Is-sottomissjonijiet u r-rikjesti kollha magħmula mill-partijiet interessati għandhom isiru bil-miktub (mhux b'format elettroniku, sakemm ma jkunx speċifikat mod ieħor) u għandhom jindikaw l-isem, l-indirizz, l-indirizz elettroniku, in-numri tat-telefon u l-faks tal-parti interessata. Kull sottomissjoni bil-miktub, inkluża l-informazzjoni mitluba f'dan l-avviż, it-tweġibiet tal-kwestjonarju u l-korrispondenza pprovduta mill-partijiet interessati fuq bażi kunfidenzjali għandha tkun immarkata bħala “Ristretta  (6)”u, skond l-Artikolu 19(2) tar-Regolament bażiku, għandha tkun akkumpanjata b'verżjoni mhux kunfidenzjali, immarkata “GĦALL-VERIFIKA MILL-PARTIJIET INTERESSATI”.

L-Indirizz tal-Kummissjoni għall-korrispondenza:

8.   Nuqqas ta' kooperazzjoni

F'każijiet fejn xi parti interessata tirrifjuta l-aċċess għall-informazzjoni meħtieġa jew ma tipprovdihiex fil-limiti ta' żmien, jew b'mod sinifikanti tfixkel l-investigazzjoni, is-sejbiet, pożittivi jew negattivi, jistgħu jsiru skond l-Artikolu 18 tar-Regolament bażiku, fuq il-bażi tal-fatti disponibbli.

Fejn jinstab li xi parti interessata tkun tat informazzjoni falza jew qarrieqa, l-informazzjoni għandha titwarrab u jistgħu jintużaw il-fatti disponibbli, skond l-Artikolu 18 tar-Regolament bażiku. Jekk parti interessata ma tikkooperax jew tikkoopera biss b'mod parzjali, u jsir użu mill-fatti disponibbli, ir-riżultat jista' jkun inqas favorevoli għal dik il-parti milli kieku tkun ikkooperat.

9.   Skeda ta' l-investigazzjoni

L-investigazzjoni se tkun konkluża, skond l-Artikolu 11(5) tar-Regolament bażiku fi żmien 15-il xahar mid-data tal-pubblikazzjoni ta' dan l-avviż fil-Ġurnal Uffiċjali ta' l-Unjoni Ewropea.

10.   Il-possibbiltà li titlob għal reviżjoni skond l-Artikolu 11(3) tar-Regolament bażiku

Hekk kif din ir-reviżjoni ta' skadenza tingħata bidu skond id-dispożizzjonijiet ta' l-Artikolu 11(2) tar-Regolament bażiku, is-sejbiet tagħha mhux se jwasslu għal-livell tal-miżuri attwali li qed jiġu emendati imma se jwasslu għal dawk il-miżuri li qed jiġu revokati jew miżmuma skond l-Artikolu 11(6) tar-Regolament bażiku.

Jekk xi parti fil-proċedimenti tikkunsidra li tkun meħtieġa reviżjoni tal-livell tal-miżuri sabiex tippermetti l-possibiltà li temenda (jiġifieri żżid jew tnaqqas) il-livell tal-miżuri, dik il-parti tista' titlob għal reviżjoni skond l-Artikolu 11(3) tar-Regolament bażiku.

Il-partijiet li jixtiequ jitolbu reviżjoni ta' din ix-xorta, li ssir b'mod indipendenti mir-reviżjoni ta' skadenza msemmija f'dan l-avviż, jistgħu jikkuntattjaw lill-Kummissjoni fl-indirizz li jidher hawn fuq.

11.   L-ipproċessar ta' data personali,

Jekk jogħġbok innota li kwalunkwe data personali miġbura f'din l-investigazzjoni se tkun trattata skond ir-Regolament (KE) Nru 45/2001 tal-Parlament Ewropew u tal-Kunsill dwar il-protezzjoni ta' individwu fir-rigward ta' l-ipproċessar ta' data personali mill-istituzzjonijiet u l-korpi tal-Komunità u dwar il-movement liberu ta' dik id-data.

(1)  ĠU C 228, 22.9.2006, p. 3.

(2)  ĠU L 56, 6.3.1996, p. 1. Ir-Regolament kif emendat l-aħħar mir-Regolament (KE) Nru 2117/2005 (ĠU L 340, 23.12.2005, p. 17.

(3)  ĠU L 155, 14.6.2002, p. 1.

(4)  Għal gwida dwar it-tifsira ta' kumpaniji relatati, jekk jogħġbok irreferi għall-Artikolu 143 tar-Regolament tal-Kummissjoni (KEE) Nru 2454/93 mit -2 ta' Lulju 1993 li jistipula dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali tal-Komunità (ĠU L 253, 11.10.1993, p. 1).

(5)  Għal gwida dwar it-tifsira ta' kumpaniji relatati, jekk jogħġbok irreferi għall-Artikolu 143 tar-Regolament tal-Kummissjoni (KEE) Nru 2454/93.

(6)  Dan ifisser li d-dokument huwa għall-użu intern biss. Hu protett skond l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill mit-30 ta' Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43). Huwa dokument konfidenzjali skond l-Artikolu 19 tar-Regolament bażiku u l-Artikolu 6 tal-Ftehim tad-WTO dwar l-Implimentazzjoni ta' l-Artikolu VI tal-GATT 1994 (Ftehim dwar l-Anti-dumping).

Notifika ta' konċentrazzjoni

(Każ Nru COMP/M.4662 — Syniverse/BSG wireless business)

(Test b'rilevanza għaż-ŻEE)

(2007/C 131/10)

(1)  ĠU L 24, tad-29.1.2004, p. 1.

Notifika ta' konċentrazzjoni minn qabel

(Każ Nru COMP/M.4722 — PAI/Kaufman&Broad)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2007/C 131/11)

(1)  ĠU L 24, tad-29.1.2004, p. 1.

(2)  ĠU C 56, tal-5.3.2005, p. 32.

Notifika ta' konċentrazzjoni

(Każ Nru COMP/M.4612 — Accor/Pierre et Vacances/NewCity JV)

(Test b'relevanza għaż-ŻEE)

(2007/C 131/12)

(1)  ĠU L 24, tad-29.1.2004, p. 1.

GĦAJNUNA MILL-ISTAT — L-ITALJA

Għajnuna mill-istat nru C 14/07 (ex NN 15/07) — NGP/Simpe

Stedina biex jitressqu l-osservazzjonijiet skond l-Artikolu 88(2) tat-Trattat tal-KE

(Test b'rilevanza għaż-ŻEE)

(2007/C 131/13)

Permezz ta' l-ittra data ta' l-10 ta' Mejju 2007 riprodotta fil-lingwa awtentika fil-paġni ta' wara ta' dan is-sommarju, il-Kummissjoni nnotifikat lill-Italja bid-deċiżjoni tagħha biex tibda l-proċedura stipulata fl-Artikolu 88(2) tat-Trattat tal-KE li tirrigwarda l-għajnuna hawn fuq imsemmija.

Il-partijiet interessati jistgħu jissottomettu l-kummenti tagħhom fir-rigward tal-miżura ta' l-għajnuna, li dwarha l-Kummissjoni qed tibda l-proċedura, fi żmien xahar mid-data tal-pubblikazzjoni ta' dan is-sommarju u ta' l-ittra segwenti, lill-

Dawn il-kummenti se jiġu kkomunikati lill-Italja. Il-parti interessata li qed tressaq l-osservazzjonijiet tista' titlob bil-miktub li l-identità tagħha tingħata trattament kunfidenzjali, filwaqt li jingħataw ir-raġunijiet għat-talba.

TEST TAS-SOMMARJU

IL-PROĊEDURA

F'Mejju 2006, l-Italja tat għajnuna għar-ristrutturar lil NGP mingħajr notifika minn qabel lill-Kummissjoni.

DESKRIZZJONI

NGP tinsab f'Acerra, Campania (l-Italja), reġjun megħjun skond l-Artikolu 87(3)(a) tat-Trattat tal-KE. Din il-kumpannija nħolqot fi Frar 2003 permezz tas-separazzjoni ta' l-attività għall-produzzjoni tal-polimeru tal-polijester (polimerizzazzjoni) minn Montefibre, produttur tal-fibra tal-polijester li jinsab ukoll f'Acerra. Fl-2004 NGP għaddiet minn xi diffikultajiet. F'Lulju 2005 ġie ffirmat ftehim (accordo di programma) mill-awtoritajiet nazzjonali u reġjonali, NGP, Montefibre u Edison (kumpannija oħra li tinsab f'Acerra) rigward is-sit ta' NGP kif ukoll attivitajiet oħra fis-sit ta' Acerra.

Rigward l-attivitajiet ta' NGP, l-għan kien li tbiddel il-bażi tal-materja prima għall-unità ġdida CP3 ta' polimerizzazzjoni biex tuża l-materja prima PTA minflok DMT li tiġi mill-produzzjoni tagħhom stess. NGP għamlet stima li għat-tlestija tal-proġett ta' investiment u l-bidla tal-bażi tal-materja prima kien hemm bżonn ta' EUR 22 miljun oħra. Minħabba l-mezzi finanzjarji insuffiċjenti, NGP ma setgħetx tagħmel dawn l-investimenti.

Il-ftehim kien jipprevedi, fost miżuri oħrajn, is-sospensjoni ta' l-attività ta' NGP bħala prekundizzjoni meħieġa għat-tlestija ta' l-investiment, it-twaqqif ta' kumpanija ġdida, li fiha jiġu trasferiti l-faċilitajiet ta' polimerizzazzjoni, u t-tlestija ta' l-investimenti ta' EUR 22 miljun mill-kumpanija l-ġdida.

Wara dan il-ftehim, NGP waqqfet kumpannija ġdida, Simpe, li ħadet l-assi tal-polimerizzazzjoni f'Settembru 2005. Simpe bdiet l-investimenti fl-immodernizzar ta' l-impjant ta' polimerizzazzjoni f'Mejju 2006 u ser tiffinalizzahom sa Settembru 2007. Fi Frar 2007, il-kumpanija kimika multinazzjonali Spanjola La Sede de Barcelona saret l-azzjonista ewlenija ta' Simpe.

L-għajnuna għar-ristrutturar tammonta għal total ta' EUR 20.87 miljun għall-appoġġ tal-proġett imsemmi hawn fuq u tikkonsisti f'sussidju ta' EUR 10.75 miljuni, self b'rata ta' interessi baxxa ta' EUR 6.523 miljuni u kontribuzzjoni lill-kapital ta' Simpe ta' 3.6 miljuni mill-aġenzija pubblika għall-iżvilupp Sviluppo Italia. Din l-għajnuna ma ngħatatx lil NGP iżda lil Simpe.

EVALWAZZJONI

Il-Kummissjoni tikkunsidra li f'dan l-istadju t-tliet miżuri kollha jikkostitwixxu għajnuna u evalwat il-kumpatibbiltà ta' l-għajnuna fid-dawl tal-Linjigwida tal-Komunità dwar l-Għajnuna mill-Istat biex jiġu salvati u ristrutturati impriżi f'diffikultà (“Linjigwida tal-Komunità”). Il-Kummissjoni tiddubita jekk il-kundizzjonijiet tal-Linjigwida tal-Komunità humiex issodisfati.

Il-Kummissjoni tiddubita jekk il-benefiċjarju ta' l-għajnuna hux NGP. Minflok, il-benefiċjarju jista' jkun Simpe li ħadet f'idejha l-assi prinċipali ta' NGP fl-2005. Simpe ma tidhirx li hija eliġibbli għall-għajnuna għar-ristruttura peress li għadha kif inħolqot u ma kinitx f'diffikultà.

Anke jekk NGP u Simpe jistgħu jitqiesu flimkien bħala grupp li jkun il-benefiċjarju u jkun eliġibbli, il-Kummissjoni għadha dubjuża jekk il-kundizzjonijiet tal-Linjigwida tal-Komunità humiex issodisfati. L-ebda pjan ta' ristruttar ma ġie sottomess la minn NGP u lanqas minn Simpe. L-Italja ma indikatx li xi miżuri ta' kumpens kienu ser jittieħdu biex ikunu evitati distorsjonijiet mhux xierqa tal-kompetizzjoni. L-Italja ma pprovdiet l-ebda informazzjoni rigward l-ispejjeż totali għar-ristrutturar u ma kkwantifikatx il-kontribuzzjoni mill-benefiċjarju.

Il-Kummissjoni evalwat ukoll jekk l-għajnuna setgħetx tkun kumpatibbli fid-dawl tal-Linjigwida dwar l-għajnuna reġjonali nazzjonali. Madankollu, f'dan l-istadju, il-Kummissjoni m'għandha l-ebda informazzjoni dwar l-ispejjeż eliġibbli u għalhekk ma tistax tikkonkludi li l-limitu ta' għajnuna reġjonali applikabbli ta' 35 % NGE (l-Ekwivalenti ta' l-Għotja Netta) kien ser ikun rispettat.

TEST TA' L-ITTRA

(1)  N 715/99, SG(2000) D/105754 del 2.8.2000 (GU C 278 del 30.9.2000, pag. 26).

(2)  GU C 244 dell'1.10.2004, pag. 2.

(3)  GU C 74 del 10.3.1998, pag. 9.