NOTI DWAR IR-RENDIKONTI FINANZJARJI FIL-31 TA’ DIĊEMBRU 2005

1.   Prinċipji tal-kontabilità

1.1   Regolamenti u preżentazzjoni tal-kontijiet

Il-kontijiet tal-Qorti Ewropea ta’ l-Awdituri (“il-Qorti”) huma miżmuma u r-rendikonti finanzjarji huma ppreparati skond id-dispożizzjonijiet tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej u tar-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli dettaljati għall-implimentazzjoni tar-Regolament finanzjarju msemmi hawn fuq.

Mill-1 ta’ Jannar 2005, ir-rendikonti finanzjarji ġew ippreparati skond il-prinċipju tal-kontabilità bbażata fuq id-dovuti. Il-karta ta’ bilanċ tal-ftuħ tal-Qorti kienet preparata skond ir-regoli ġodda tal-kontabilità adottati fit-28 ta’ Diċembru 2004 u applikabbli għall-ewwel darba għas-sena finanzjarja 2005.

Id-dejta komparattivi għas-sena finanzjarja 2004 ġew aġġustati sabiex jirriflettu l-prinċipji ġodda tal-kontabilità tal-Qorti.

Rikonċiljazzjoni tal-kontijiet tal-karta ta’ bilanċ, kif iddeterminat minn qabel skond il-prinċipji ta’ l-2004, hija mogħtija f’nota 10.

Skond l-istandard tal-kontabilità Nru 12 (“Benefiċċji ta’ l-impjegat”), li kien adottat fit-28 ta’ Diċembru 2004 b’deċiżjoni ta’ l-uffiċjal tal-kontabilità tal-Kummissjoni skond l-Artikolu 133 tar-Regolament Finanzjarju tal-Kummissjoni applikabbli għall-baġit ġenerali tal-Komuntajiet Ewropej, il-Qorti kienet irreġistrat, għall-ewwel darba fil-31 ta’ Diċembru 2004, proviżjoni għall-pensjonijiet tal-Membri tagħha għall-valur, ikkalkulat b’mod attwarju, ta’ l-impenji li joħorġu mit-tul tas-servizz fid-data tal-kalkolu. Fl-2004, il-Qorti kienet ibbilanċjat din il-proviżjoni permezz ta’ riċevibbli ta’ skadenza twila mingħand l-Istati Membri. Preżentement, l-istandard tal-kontabilità Nru 12 qed jiġi revedut. Sa kemm ma titieħed deċiżjoni finali fuq din il-kwistjoni, u b’konformità ma’ l-istruzzjonijiet tal-Kummissjoni, il-Qorti, sa mill-2005 naqqset, ir-“riċivibbli” mingħand l-Istati Membri għall-impenji tal-pensjoni sabiex tistabbilixxi l-ammont ta’ l-attivi netti. Iċ-ċifri komparattivi ġew adattati.

1.2   Attivi fissi tanġibbli u mhux tanġibbli

L-attivi fissi mhux tanġibbli u tanġibbli huma mniżżla bil-prezz storiku tagħhom li minnu jiġi mnaqqas id-deprezzament u d-deterjorament.

Id-deprezzament huwa kkalkolat bil-metodu ta’ rata fissa sabiex il-prezz ta’ l-akkwist sal-valur residwali tagħhom jiġi allokat fuq stima tal-ħajja utli tagħhom, kif ġej:

Softwer tal-kompjuter	4 snin
Bini	25 sena
Impjant, makkinarju u għodda	4, 8 snin
Għamara u vetturi	4, 8, 10 snin
Hardwer tal-kompjuter	4 snin
Tagħmir speċifiku mal-bini mikri	It-tul tal-kirja

1.3   Prefinanzjament

Prefinanzjament huwa pagament intiż biex jipprovdi lill-benefiċjarju b’avvanz likwidu, jiġifieri bilanċ ta’ kontanti. Dan jista jinqasam fuq numru ta’ pagamenti fuq perijodu definit fil-ftehim ta’ prefinanzjament partikolari. Il-bilanċ ta’ kontanti jew avvanz huwa mħallas lura jew użat għall-għan li għalih kien mogħti waqt il-perijodu definit fil-ftehim.

Fl-aħħar tas-sena ammonti ta’ prefinanzjament li jkunu għadhom dovuti huma vvalutati fuq l-ammonti oriġinali mħallsa lill-benefiċjarju li minnu jitnaqsu: kwalunkwe ammonti mogħtija lura, ammonti eliġibbli li ġew approvati, l-ammonti eliġibbli stmati li għadhom ma ġewx approvati u l-ammont ta’ tnaqqis fil-valur.

1.4   Riċevibbli

Riċevibbli huma murija bil-valur oriġinali tagħhom li minnu jiġi mnaqqas it-tnaqqis fil-valur, fejn japplika.

1.5   Pagabbli

Pagabbli huma mdaħħla fil-karta ta’ bilanċ bil-valur nominali tagħhom.

1.6   Impenji għall-iskema tal-pensjoni tal-Membri

Skond l-Artikolu 19 tar-Regolament tal-Kunsill (KEE, Euratom, KEFA) Nru 2290/77 tat-18 ta’ Ottubru 1977 li jiddetermina s-salarji tal-membri tal-Qorti ta’ l-Awdituri (ĠU L 268, 20.10.1977), il-ħlas tal-benefiċċji previsti f’din l-iskema ta’ pensjoni għandu jiddaħħal fil-baġit tal-Komunitajiet u l-Istati Membri għandhom jiggarantixxu b’mod konġunt il-ħlas ta’ dawn il-benefiċċji.

L-ammonti garantiti mill-Istati Membri huma bbażati, min-naħa, fuq standard tal-kontabilità Nru 12 “Benefiċċji ta’ l-impjegat” li ġie adottat fit-28 ta’ Diċembru 2004 b’deċiżjoni ta’ l-uffiċjal tal-kontabilità tal-Kummissjoni skond l-Artikolu 133 tar-Regolament Finanzjarju applikabbli għall-baġit ġenerali tal-Komuntajiet Ewropej, u, min-naħa l-oħra, fuq il-bażi ta’ analiżi attwarja mwettqa mill-esperti ta’ l-unità speċjalizzata tal-PMO fil-Kummissjoni.

2.   Attivi fiss mhux tanġibbli u tanġibbli

(1000 euro)
	2005			2004
	Valur deprezzabbli	Deprezzament kumulattiv	Valur nett	Valur nett
Attivi fissi mhux tanġibbli	1 621	(1 084)	537	443
Attivi fissi tanġibbli
— Art u bini	52 581	(17 606)	34 975	39 177
— Impjant, makkinarju u għodda	1 247	(889)	358	514
— Għamara u vetturi	1 993	(1 363)	630	789
— Hardwer tal-kompjuter	4 049	(2 651)	1 398	1 516
— Attivi fissi tanġibbli ieħor	1 044	(435)	609	783
— Attivi tanġibbli fil-proċess li jinbnew	25	—	25	100
Sotto-total	60 939	(22 944)	37 995	42 879
Total	62 560	(24 028)	38 532	43 322

3.   Prefinanzjament ta’ skadenza qasira

Il-bilanċ ta’ l-2004 jikkorrispondi mal-fondi li l-Qorti kienet avanzat lill-Maniġer tal-Proġett biex jinbena l-bini.

4.   Riċevibbli ta’ skadenza qasira

Riċevibbli ta’ skadenza qasira jikkorrispondu l-aktar ma’ intitolamenti stabbiliti imma li għadhom ma nġabrux li minnhom 1 392 326 euro huma attribwiti għall-akkwist ta’ drittijiet tal-pensjoni nazzjonali minn membri tal-persunal ta’ l-istituzzjoni.

Il-bilanċ ta’ l-ammont muri jikkonsisti prinċipalment minn avvanzi mħallsa fuq spejjeż ta’ missjonijiet diġà mġarrba mill-Membri u l-persunal tal-Qorti imma li għadhom ma ġewx imħallsa.

5.   Benefiċċji ta’ l-impjegat

Benefiċċji ta’ l-impjegat jirrappreżentaw id-drittijiet għal pensjonijiet futuri tal-Membri tal-Qorti.

6.   Pagabbli kurrenti

Il-punt “Pagabbli kurrenti” ikopri ammonti dovuti lill-fornituri, spejjeż ta’ missjonijiet li għadhom iridu jiġu fatturati mill-organizzazzjoni tal-karta ta’ kreditu u ammonti dovuti lill-varji benefiċjarji.

Barra dan, dan il-punt jinkludi ammonti dovuti lill-persunal għal drittijiet miksuba taħt ir-Regolamenti tal-Persunal u għall-spejjeż ta’ missjonijiet li għadhom iridu jiġu rimborżati.

7.   Attivi netti

Il-movimenti fl-attivi netti fl-2005 kien is-segwenti:

(1000 euro)
Bilanċ fil-31 ta’ Diċembru 2004	43 252
Aġġustamenti — bidliet fil-prinċipji tal-kontabilità (nota 10)	5 808
Kanċellazzjoni fil-31 ta’ Diċembru 2004 tal-kontraparti tal-proviżjoni għall-pensjonijiet tal-Membri tal-Qorti	(43 690)
Attivi netti fil-31 ta’ Diċembru 2004	5 370
Riżultat ekonomiku għas-sena finanzjarja	(16 820)
Attivi netti fil-31 ta’ Diċembru 2005	(11 450)

8.   Dħul minn operazzjonijiet amministrattivi

Dan il-punt jinkludi prinċipalment taxxi u kontribuzzjonijiet tas-sigurtà soċjali fuq is-salarji tal-Membri u tal-persunal.

9.   Spejjeż amministrattivi oħra

Dan il-punt jinkludi prinċipalment kirjiet tal-bini u spejjeż relatati, spejjeż tal-missjonijiet tal-persunal u l-Membri, spejjeż ta’ l-IT u spejjeż relatati mat-taħriġ professjonali.

10.   L-impatt ta’ l-adozzjoni tal-kontabilità bbażata fuq id-dovuti

Waqt is-sena finanzjarja, il-Qorti adottat il-prinċipji tal-kontabilità bbażata fuq id-dovuti. L-adozzjoni ta’ dawn il-prinċipji teħtieġ l-aġġustament tar-rendikonti komparattivi kif ġej:

Attivi

(1000 euro)
	31.12.04 iddikjarat mill-ġdid	Tibdil	31.12.04
Attivi fissi mhux tanġibbli	443	28	415
Attivi fissi tanġibbli	42 879	719	42 160
Stokks	—	(197)	197
Prefinanzjament ta’ skadenza qasira	3 514	3 514	—
Riċevibbli ta’ skadenza qasira	1 909	525	1 384
Riċevibbli ta’ skadenza twila (1)	43 690	—	43 690
Attivi li jistgħu jitneħħew	7 108	—	7 108
	99 543	4 589	94 954

Passivi

(1000 euro)
	31.12.04 iddikjarat mill-ġdid	Aġġustamenti	31.12.04
Attivi netti (nota 7)	49 060	5 808	43 252
Passivi mhux kurrenti	43 885	176	43 709
Proviżjonijiet għal riskji u spejjeż	1 634	1 634	—
Pagabbli kurrenti	4 964	(3 029)	7 993
	99 543	4 589	94 954

It-tibdil fir-regoli u l-metodi tal-kontabilità li jirriżulta mill-implimentazzjoni tal-kontabilità bbażata fuq id-dovuti jeħtieġ l-aġġustamenti li ġejjin biex jieħu in konsiderazzjoni elementi li qabel ma kellhomx jintwerew fir-rendikonti finanzjarji:

(1000 euro)
Klassifikazzjoni mill-ġdid tal-bilanċ pożittiv ta’ avvanzi ta’ fondi bħala dħul mill-Kummissjoni Ewropea	7 051
Attivi fissi (li jinkludiu 99 843 għall-attivi fissi fil-proċess li jinbnew), deprezzament ikkalkolat fuq bażi ta’ kull xahar aktar milli annwali	746
Stokks, esklużjoni mill-karta ta’ bilanċ	(197)
Prefinanzjament favur il-maniġer tal-proġett ta’ K2	3 514
Pagabbli, fatturi għadhom ser jiġu rċevuti	(624)
Kontijiet ta’ settlement u suspense, spejjeż għadhom iridu jiġu fatturati	(3 048)
Oħrajn: il-valur tal-leave li ma ġiex meħud mill-persunal fil-31 ta’ Diċembru 2004	(1 634)
Total	5 808

11.   Impenji li ma ġewx imdaħħla fil-karta ta’ bilanċ

Skond il-ftehim qafas li jikkonċerna l-bini ta’ estensjoni waħda jew iktar mal-bini tal-Qorti, li kien konkluż mill-Qorti ta’ l-Awdituri fil-15 ta’ Diċembru 1999, il-partijiet fil-kuntratt ftehmu dwar is-segwenti:

L-Istat tal-Lussemburgu jintrabat li jagħti lill-Qorti kirja tal-bini fuq l-art għall-ewwel estensjoni bil-prezz ta’ EUR 1(wieħed) għal perijodu li ma jaqbiżx 49 sena. Kwalunkwe kirjiet oħra ta’ bini fuq artijiet oħra neċessarji għal estensjonijiet oħra ma jridux jaqbżu d-data t’għeluq tal-kirja tal-bini mogħtija għall-ewwel estensjoni.

L-Istat tal-Lussemburgu jintrabat ukoll illi jbigħ l-art fi kwalunkwe ħin bir-rata tas-suq iddeterminata minn opinjoni ta’ espert konġunt.

Min-naħa tagħha, il-Qorti tintrabat li tagħmel l-għalmu tagħha biex tixtri l-art mingħand l-Istat tal-Lussemburgu. Hija ser titlob lill-awtorità tal-baġit il-fondi neċessarji.

Barra dan, il-garanziji bankarji li ġejjin ġew magħmula minn fornituri ta’ partijiet terzi għall-implimentazzjoni xierqa ta’ kuntratti:

(1000 euro)
— biex jingħataw is-servizzi ta’ l-ivjaġġar:	20
— għall-kiri ta’ vetturi uffiċċjali għal skandenza twila:	75
— biex jingħatw servizzi ta’ ikel:	28
Total	123

Għall-erba’ kuntratti ta’ kiri tal-bini fis-seħħ, impenji dovuti ta’ kera jammontaw għal 9 951 290 euro, maqsuma kif muri hawn taħt:

(1000 euro)
— Bini:	9 758
— Uffiċċju fi Brussell:	144
— Faċilitajiet ta’ parkeġġ:	50
Total	9 952

---

(1)  Ammont imnaqqas mill-attivi netti (nota 7)