1.1.

Skond l-Artikolu 248 tat-Trattat tal-KE, il-Qorti ta' l-Awdituri tipprovdi lill-Parlament Ewropew u lill-Kunsill b'Dikjarazzjoni ta’ Assigurazzjoni rigward l-affidabilità tal-kontijiet u l-legalità u r-regolarità tat-tranżazzjonjiet ta' bażi (id-“DAS”). It-Trattat jawtorizza wkoll lill-Qorti sabiex tissuplimenta din id-dikjarazzjoni b'evalwazzjonijiet speċifiċi ta' kull qasam prinċipali ta' attività tal-Komunità.

1.2.

L-għan tax-xogħol fuq l-affidabilità tal-kontijiet tal-Komunitajiet Ewropej huwa li tinkiseb evidenza biżżejjed sabiex tinġibed konklużjoni fuq sa fejn id-dħul, in-nefqa, l-attiv u l-passiv ikun ġew irreġistrati kif suppost u li l-kontijiet annwali jirriflettu b'mod fidil il-pożizzjoni finanzjarja fi tmiem is-sena (ara l-paragrafi 1.5 sa 1.58).

1.3.

L-għan tax-xogħol fuq il-legalità u r-regolarità tat-tranżazzjonijiet ta' bażi huwa li tinġabar evidenza suffiċjenti, ta' natura diretta jew indiretta, sabiex tingħata opinjoni dwar jekk dawn humiex skond ir-regolamenti applikabbli jew id-dispożizzjonijiet kuntrattwali, u jekk ġewx kalkolati b'mod korrett (ara l-paragrafi 1.59 sa 1.65 ta' dan il-kapitolu għal kwistjonijiet orizzontali u l-kapitoli 2 u 4 sa 10 għad-dettalji).

1.4.

Fin-nuqqas ta' indikaturi sistematiċi preżentati mill-Kummissjoni (5), il-Qorti tipprovdi ċerti indikaturi sabiex timmonitorja l-progress fit-titjib tal-kontroll intern kemm b'mod ġenerali, u għal kull qasam ta' dħul u ta' nefqa (ara l-annessi għal dan il-kapitolu u l-kapitoli 2 u 4 sa 10).

1.5.

L-osservazzjonijiet tal-Qorti jirrigwardaw il-kontijiet annwali finali għas-sena finanzjarja 2005, li huma ppreparati mill-Uffiċjal tal-Kontabilità tal-Kummissjoni u approvati mill-Kummissjoni skond l-Artikoli 128 u 129 tar-Regolament Finanzjarju tal-25 ta' Ġunju 2002 (6) u mibgħuta lill-Qorti fit-28 ta' Lulju 2006. Il-kontijiet annwali jinkludu “r-rendikonti finanzjarji konsolidati” — li jkopru, b'mod partikolari, l-karta tal-bilanċ li tippreżenta l-attiv u l-passiv fi tmiem is-sena u r-rapporti konsolidati dwar l-implimentazzjoni tal-baġit — li jkopru d-dħul u n-nefqa għas-sena.

1.6.

Is-sena finanzjarja 2005 kienet punt ta' lħuq prinċipali fl-implimentazzjoni ta' elementi ġodda tal-Pjan ta’ Azzjoni għall-modernizzazzjoni tas-sistema tal-kontabilità tal-Komunitajiet li l-Kummissjoni adottat fis-17 ta' Diċembru 2002 (7). Dan kien b'risposta għal numru ta' osservazzjonijiet preċedenti mill-Qorti u ttieħdu in konsiderazzjoni d-dispożizzjonijiet tar-Regolament Finanzjarju (partikolarment l-Artikoli 123 u 138):

—

sa mill-1 ta' Jannar 2005, ir-rendikonti finanzjarji konsolidati jridu jiġu ppreparati billi jiġu applikati prinċipji tal-kontabilità bbażata fuq id-dovuti, filwaqt illi r-rapporti konsolidati dwar l-implimentazzjoni tal-baġit għadhom ibbażati fuq il-movimenti tal-flus kontanti kif previst mir-Regolament Finanzjarju.

—

filwaqt illi l-kontenut tar-rappurtar tal-baġit ma ġiex mibdul, ir-rendikonti finanzjarji l-ġodda jrid ikun fihom elementi ġodda: kont dwar ir-riżultat ekonomiku (inkluż rappurtaġġ skond is-segmenti), tabella tal-likwidità u rendikont ta' tibdiliet fl-assi netti;

—

l-iskop tal-konsolidament kien estiż sabiex jinkludi diversi korpi tal-Komunità għall-ewwel darba;

—

kellha tiġi implimentata sistema ġdida tal-kontabilità li tassigura illi kull każ ta' kontabilità, u mhux biss kull moviment ta' flus kontanti, jiġi totalment irreġistrat meta dan iseħħ. Dan għandu jipprovdi lill-utenti interni b'informazzjoni aktar kompleta u relevanti bħala għodda għat-teħid tad-deċiżjonijiet. Għandha wkoll tittraduċi ruħha f'dikjarazzjoni iktar trasparenti u informattiv għall-qarrejja esterni.

1.7.

Il-verifika tal-Qorti dwar l-affidabilità tal-kontijiet iffokat fuq:

—

il-ġestjoni tal-Kummissjoni tal-bidla mill-kontabilità bbażata fuq il-flus kontanti għal waħda bbażata fuq id-dovuti (ara l-paragrafi 1.10 sa 1.27);

—

il-verifikazzjoni ta' kemm huma preċiżi elementi varji fil-kontijiet (ara l-paragrafi 1.28 sa 1.58).

1.8.

Fix-xogħol tagħha dwar il-ġestjoni tal-bidla l-Qorti kkunsidrat b'mod partikolari:

—

jekk il-Kummissjoni kinitx assigurat l-applikazzjoni effettiva ta' l-istandards tal-kontabilità relevanti;

—

jekk miżuri meħuda ġewwa l-Kummissjoni jikkontribwixxux għall-assigurazzjoni raġonevoli illi l-kontijiet huma veri u ġusti.

1.9.

Fil-verifikazzjoni ta' l-affidabilità tal-kontijiet ta' l-2005, il-Qorti kkonċentrat b'mod partikolari fuq:

—

il-karta tal-bilanċ tal-ftuħ ta' l-2005 (li trid tirrivela l-impatt tat-tibdiliet magħmula sabiex tippreżenta mill-ġdid il-karta tal-bilanċ fil-31 ta' Diċembru 2004 taħt il-prinċipji ta' kontabilità ġodda);

—

il-karta tal-bilanċ ta' l-għeluq fil-31 ta' Diċembru 2005;

—

fiż-żewġ elementi ta' fuq, dejta li mhux disponibbli taħt is-sistema preċedenti, imma li trid tiġi riflessa fil-kontijiet ibbażati fuq id-dovuti (garanziji ta' qabel il-finanzjament u garanziji relatati, fatturi/rendikonti ta' l-ispejjeż).

1.10.

Il-Kummissjoni kellha tippjana u timplimenta l-modernizzazzjoni tas-sistema tal-kontabilità fiż-żmien u fil-qafas organizzattiv impost mir-Regolament Finanzjarju. Kif diġà ġie osservat mill-Qorti f'Rapporti Annwali preċedenti (8), l-iskeda ta' żmien stabbilita għall-adattazzjonijiet u l-validazzjonijiet neċessarji kienet ambizzjuża ħafna.

1.10.

Il-Kummissjoni tagħraf l-isforz straordinarju li sar mid-dipartimenti tagħha biex jersqu lejn kontabilità bbażata fuq id-dovuti fi skeda ta’ żmien ambizzjuża ħafna.

1.11.

L-esperjenza f'amministrazzjonijiet pubbliċi li wettqu l-istess riformi (9) turi li proġetti ta' skala u komplessità simili għall-modernizzazzjoni tal-kontijiet tal-Komunitajiet inevitabilment jaffaċjaw varjetà ta' problemi li jikkumplikaw u jdewwmu l-implimentazzjoni sħiħa tagħhom. Fuq dan l-isfond, inkiseb progress importanti:

—

fl-1 ta' Jannar 2005, il-Kummissjoni mexxiet il-kontabilità ġenerali ta' l-UE minn kontijiet ibbażati fuq il-flus kontanti għal kontijiet ibbażati fuq id-dovuti. Regoli ta' kontabilità (10) u metodi ġodda, stampa tal-kontijiet ġdida armonizzata u għodda ġodda ta' konsolidament ġew introdotti fl-istituzjonijiet u fl-aġenziji kollha tal-Komunità.

—

il-partijiet interessati ġew provduti b'kontijiet individwali u konsolidati li jinkludu l-elementi ġodda obbligatorji u li fihom aktar informazzjoni dettaljata dwar ir-riżorsi kkontrollati mill-entitajiet differenti, l-ispejjeż ta' l-operat tagħhom u l-operazzjonijiet tal-likwidità.

1.11.

Minkejja l-komplessità ta’ ċerti kwistjonijiet, il-varjetà tal-problemi u l-isfidi l-kbar, il-Kummissjoni mexxiet il-proġett mingħajr dewmien fil-konfront ta' skadenzi ta' żmien ewlenin. Kisbiet ta’ min jonnata jinkludu:

—

is-sistemi ta’ l-IT kienu żviluppati biex jappoġġaw il-ħtiġijiet il-ġodda tal-kontabilità;

—

it-tranżizzjoni tas-sistema l-ġdida kienet ġestita b’suċċess biex ippermettiet il-ftuħ tas-sistema fil-bidu ta’ Jannar 2005;

—

proċeduri amministrattivi tas-servizzi kollha tal-Kummissjoni kienu adattati għall-bżonnijiet ta’ kontabilità bbażata fuq id-dovuti;

—

il-bilanċi tal-ftuħ għall-ewwel kontabilità bbażata fuq id-dovuti kienu determinati u vvalidati;

—

kien żviluppat modulu integrat tat-teżor biex jieħu kont ta’ l-attivitajiet finanzjarji ġestiti mid-Direttorat Ġenerali għall-Affarijiet Ekonomiċi u Finanzjarji;

—

l-ispejjeż li kellhom jinġabru fi tmiem ta’ kull sena kienu stmati mid-dipartimenti kollha;

—

il-kontijiet tal-Kummissjoni kienu preparati, u konsolidati ma’ dawk ta’ istituzzjonijiet u aġenziji oħra.

1.12.

Tabella 1.1 fiha segwitu tar-riżerva tal-Qorti rigward l-affidabilità tal-kontijiet li kienet espressa fid-Dikjarazzjoni ta’ Assigurazzjoni għas-sena finanzjarja 2004, kif ukoll il-punti l-oħra mqajma mill-Qorti li kienu (parzjalment) ssetiljati fil-kuntest tal-modernizzazzjoni tal-qafas tal-kontabilità tal-Komunità. Madanakollu, bħal f'kull sistema ta' kontabilità ġdida bbażata fuq dovuti ta' dan il-kobor, xi nuqqasijiet għadhom jeżistu xorta (ara taħt).

1.12.

Fir-rapporti ta' progress ABAC il-Kummissjoni dejjem għarfet li għad baqa' xogħol xi jsir.

1.13.

Elementi prinċipali fil-proċess tal-preparazzjoni tar-rendikonti finanzjarji tal-Kummissjoni għall-2005 kienu l-implimentazzjoni fid-Direttorati-Ġenerali differenti tal-metodoloġija ta' qtugħ il-linja/ta' l-istruzzjonijiet mogħtija mill-Uffiċjal tal-Kontabilità tal-Kummissjoni u l-validazzjoni tal-bilanċi tal-ftuħ u ta' l-għeluq mill-Uffiċjali li Jawtorizzaw kollha (11). Dawn il-validazzjonijiet kienu fil-parti l-kbira tal-każijiet imdewma, partikolarment fil-livell tad-Direttorati-Ġenerali operattivi.

1.13.

Seħħ xi dewmien imqabbel mat-tabelli ta’ skadenzi ta’ ħidma interni li kienu ta’ sfida, stabbiliti mid-Direttorat Ġenerali. Programm ta’ ħidma tajjeb ġeneralment jippermetti spazju sabiex jantiċipa dewmien potenzjali. Dan kien il-każ tat-tabelli ta’ l-iskadenzi tal-Kummissjoni. Minkejja dan id-dewmien intern il-Kummissjoni setgħet xorta tlaħħaq mad-data ta' l-iskadenza ffissata mir-Regolament Finanzjarju u tippreżenta d-dikjarazzjonijiet finanzjarji fil-ħin.

1.14.

F'diversi Direttorati Ġenerali vverifikati mill-Qorti, ġew identifikati diversi nuqqasijiet li jirrigwardaw il-validazzjoni tad-dejta: sorveljanza fqira, nuqqas ta' persunal assenjat għall-kompitu u dokumentazzjoni inadegwata tax-xogħol magħmul. Iċ-ċifri preżentati fl-anness finanzjarju tar-rapporti annwali ta' l-attività minn xi Direttorati-Ġenerali kien fihom żbalji (ara l-paragrafu 1.6).

1.14.

Is-servizzi tal-Kummissjoni għamlu sforz qawwi matul kważi sentejn biex jidentifikaw u jirrekordjaw id-data li qabel ma kinetx fis-sistema l-antika.

1.15.

Il-metodoloġiji individwali għad-Direttorati-Ġenerali kienu spiss mhux finalizzati/formalizzati mill-Uffiċjali li Jawtorizzaw differenti qabel il-preżentazzjoni tal-kontijiet. B'riżultat, reġistrazzjonjiet ta' qtugħ il-linja bħall-bilanċi tal-ftuħ u ta' l-għeluq ġew magħmula fin-nuqqas ta' bażi metodoloġika formalizzata li timplimenta, fil-livell ta' Direttorat-Ġenerali, il-metodoloġija ta' qtugħ il-linja/l-istruzzjonijiet mogħtija mill-Uffiċjal tal-Kontabilità tal-Kummissjoni.

1.15.

Ġaladarba l-marki tal-livelli ta' l-istima kien disponibbli fis-settur pubbliku għall-eżerċizzju tal-qtugħ, ingħatat prijorità lill-finalizzar tal-kalkolu tal-qtugħ aktar milli lill-formalizzazzjoni tal-proċedura.

1.16.

Barra minn hekk, id-Diretturi tar-Riżorsi (12) ġew mitluba sabiex jivvalidaw formalment ir-rapporti finanzjarji, li fihom b'mod partikolari, bilanċi tal-ftuħ u ta' l-għeluq, fil-proċess tal-preparazzjoni tar-rapporti annwali ta' l-attività (jiġifieri fi tmiem Marzu 2006). Madanakollu, minħabba li d-Direttorat-Ġenerali għall-Baġit kien qed jaħdem fuq l-istess skadenza ta' żmien, mhux il-validazzjonijiet kollha ġew irċevuti qabel ma ġew finalizzati l-kontijiet provviżorji. Il-Validazzjonijiet għall-kontijiet finali ġew irċevuti f'waqthom.

1.17.

Id-dewmien li għalihom jirreferi l-paragrafu 1.13 kellhom impatt fuq l-ittestjar sostantiv tal-Qorti minħabba li l-Qorti rċeviet bilanċi tal-ftuħ qabel il-qtugħ il-linja (fit-18 ta' Jannar 2006) u wara l-qtugħ il-linja (fil-15 ta' Marzu 2006) li kienu għadhom suġġetti għal modifiki. Il-karta tal-ftuħ kompleta provviżorja, li tagħti indikazzjoni ta' l-impatt tat-tibdiliet magħmula sabiex tiġi preżentata mill-ġdid il-karta tal-bilanċ fil-31 ta' Diċembru 2004 taħt il-prinċipji ta' kontabilità ġodda, flimkien mal-kontijiet konsolidati provviżorji, inkisbet fil-31 ta' Marzu 2006, flimkien mal-kontijiet konsolidati provviżorji.

1.17.

Il-Kummissjoni tifhem li x-xogħol tal-verifika tal-Qorti din is-sena kien ta’ sfida kif kien il-proġett kollu għall-Kummissjoni.

—

kienu segwiti proċeduri sodi u s-sistema kienet dokumentata;

—

il-bilanċi barra dawk tal-qtugħ kienu uploaded għall-ewwel darba f’Jannar 2005;

—

sa nofs l-2005 madwar 95 % ta' dawn il-bilanċi kienu finali u

—

il-bidliet li saru minn dak in-nhar kienu ddokumentati u sar segwitu tal-verifika speċifikament.

1.18.

Wara l-implimentazzjoni ta' pjan ta’ azzjoni komprensiv sabiex tiġi rrinforzata s-sigurtà fis-sistema ċentrali tal-kontabilità, żewġ kwistjonijiet għad iridu jiġu kompletati, jiġifieri r-reviżjoni tad-drittijiet ta’ aċċess fid-Direttorat- Ġenerali għall-Baġit u r-rivalutazzjoni tas-sigurtà fl-ABAC Workflow  (13). Minħabba li x-xogħol li għad fadal fuq dawn il-kwistjonijiet mhuwiex ikkunsidrat bħala materjali mid-Direttur-Ġenerali għall-Baġit, b'mod partikolari minħabba li sistema effettiva ta' monitoraġġ tinsab f'postha, ir-riżerva fuq is-sigurtà tas-sistema u fuq id-drittijiet ta’ aċċess ġiet imneħħija. Il-verifika tal-Qorti tikkonferma s-sigurtà mtejba ta' l-ABAC.

1.19.

Diversi Direttorati-Ġenerali jużaw is-sistemi ta' l-IT tagħhom stess għall-finijiet tal-ġestjoni finanzjarja u għall-kreazzjoni ta' tranżazzjonijiet li jiġu mibgħuta lis-sistema ċentrali tal-kontabilità (ABAC) permezz ta' interface. Madanakollu, ser jittieħed aktar żmien sabiex dawn is-sistemi jiġu validati u modernizzati.

1.19.

Hekk kif is-sitwazzjoni qiegħda tevolvi b’mod kostanti, it-tim tal-validazzjoni tas-servizzi tal-kontabilità għandu bżonn isegwi din l-evoluzzjoni, u daħħal ukoll, b'effett fl-1 ta' Ġunju 2006, proċedura għall-validazzjoni tal-bidliet fis-sistemi lokali, kif previst fir-regoli ta’ implimentazzjoni tar-Regolament Finanzjarju.

1.20.

Il-Qorti eżaminat il-programm ta' kontrolli fil-fond tas-sistemi ta' kontabilità lokali li bdew mis-servizzi ta' l-Uffiċjal tal-Kontabilità tal-Kummissjoni fl-2005 għal 13-il Direttorat-Ġenerali (jiġifieri 8 għal liema l-evalwazzjoni ta' livell għoli fl-2004 kienet identifikat riskji (14) minbarra 5 oħra magħżula fuq bażi ta' l-importanza finanzjarja tagħhom u/jew il-komplessività organizzativa (15)). Il-verifika tal-Qorti kkonfermat il-bażi tad-deċiżjoni ta' l-Uffiċjal tal-Kontabilità tal-Kummissjoni li jirrifjuta, minħabba nuqqasijiet materjali, il-validazzjoni fir-rigward ta' tlett sistemi lokali fl-Uffiċċju ta' Kooperazzjoni EuropeAid, fid-Direttorat-Ġenerali għall-Edukazzjoni u l-Kultura u fid-Direttorat-Ġenerali għar-Relazzjonijiet Esterni. Madanakollu, f'ċerti każijiet mhuwiex ċar għalfejn riżultati insuffiċjenti għal diversi kriterja ta' validazzjoni ma wasslux għal validazzjoni b'riżerva.

1.20.

L-eżerċizzju tal-validazzjoni mhix verifika. Il-konklużjonijiet ma jistgħux jitqabblu ma’ opinjonijiet ta' verifika. Il-validazzjoni tas-sistemi lokali hi attività kemmxejn ġdida, li tittraduċi l-artikolu 61 tar-Regolament Finanzjarju f’xogħlijiet konkreti. Ir-rapporti tal-validazzjoni jsiru sabiex jipprovdu lill-Uffiċjali tal-Kontabilità informazzjoni suffiċjenti għall-validazzjoni. L-ambitu u l-limitazzjonijiet huma spjegati fil-preambolu tar-rapporti ta’ validazzjoni.

1.21.

Il-Qorti tikkunsidra illi, fuq bażi tar-riżultati miksuba u kwsitjonijiet li għad iridu jiġu solvuti, il-maġġoranza ta' l-opinjonijiet ta' validazzjoni maħruġa mill-Uffiċjal tal-Kontabilità tal-Kummissjoni dwar is-sistemi lokali għandhom jiġu kkunsidrati bħala opinjonijiet b'kundizzjoni jew b'riżerva. Din is-sitwazzjoni hija kkonfermata wkoll bin-numru u bl-importanza ta' kwistjonijiet orizzontali (16) u materji għal aktar konsiderazzjoni (17) enfasizzati fir-rapport finali ta' l-Uffiċjal li Jawtorizza tal-Kummissjoni fi tmiem l-2005.

1.21.

Is-servizzi tal-kontabilità huma kommessi li jagħmlu segwitu dwar kwistjonijiet u materji għal aktar konsiderazzjoni, imsemmija fir-rapporti ta' validazzjoni ta' l-2005.

1.22.

Id-Direttur-Ġenerali għall-Baġit inkluda riżerva fid-dikjarazzjoni tiegħu, li hija wkoll konfermata mill-verifika tal-Qorti (ara l-paragrafi 1.18 sa 1.21 u 1.28 sa 1.58), li jirrigwardaw “tlett sistemi lokali mhux validati u kontrolli tal-koerenza fuq il-kontabilità li għad iridu jiġu mitmuma”. Fil-konklużjoni ġenerali fuq l-impatt konġunt tan-nuqqasijiet identifikati fid-dikjarazzjoni tiegħu huwa qal: id-DĠ BAĠIT, flimkien mas-servizzi l-oħra tal-Kummissjoni, ser jieħu aktar azzjoni dwar l-iżbalji jew l-inċertezzi li jifdal u ser ikompli jinvesti matul is-sena 2006 sabiex isaħħaħ is-sistema tal-kontabilità ta' l-ABAC għall-Komunità…Hija kwistjoni ta' għodda adattati bħal taħriġ, dokumentazzjoni u sistemi ta' l-IT imma wkoll ta' ħidma fuq il-bidla kulturali relatata. Fuq din il-bażi, tista' tingħata assigurazzjoni raġonevoli skond il-linji previsti mid-dikjarazzjoni.

1.22.

Il-Kummissjoni tagħraf l-isforz straordinarju li sar mid-dipartimenti tagħha biex jippermettu l-mixja lejn kontabilità bbażata fuq id-dovuti. Madankollu, 3 sistemi lokali ma kienux ivvalidati mis-servizzi tal-kontabilità. Għal dawn ir-raġunijiet, kif ukoll għaliex l-kontijiet provizorji kellhom ikunu vverifikati mill-Qorti ta' l-Awdituri u jista' jkun hemm bżonn ta’ korrezzjonijiet qabel l-approvazzjoni tal-kontijiet finali fil-31 ta' Lulju, id-Direttur Ġenerali tal-baġit ħareġ fil-31 ta' Marzu 2006 riżerva sistematika, proviżorja u marbuta biż-żmien fir-rapport ta' l-attività annwali 2005.

1.23.

Id-Direttur-Ġenerali għall-Edukazzjoni u l-Kultura wkoll ippreżenta riżerva li tkopri n-nuqqas ta’ assigurazzjoni għal dak li jirrigwarda l-korrettezza ta' l-ammonti nklużi fil-karta tal-bilanċ tal-Kummissjoni. Għalkemm ġew identifikati riskji importanti wkoll mis-servizzi tal-Kummissjoni u mill-Qorti f'Direttorati-Ġenerali oħra, l-ebda Uffiċjal li Jawtorizza ieħor ma ppreżenta riżerva (18). Madanakollu, 26 minn 40 Direttur tar-Riżorsi indikaw illi, minħabba nuqqasijiet identifikati fir-Rapporti Annwali ta' l-Attività u/jew jekk tittieħed f'konsiderazzjoni illi din hija l-ewwel sena ta' l-għeluq provviżorju tal-kontijiet ibbażati fuq kontabilità bbażata fuq id-dovuti, verifiki u, fejn neċessarji, korrezzjonijiet jistgħu jkunu għadhom bżonnjużi qabel l-għeluq finali tal-kontijiet.

1.23.

Trattament inkonsistenti tal-ħtiġijiet tal-kontabilità bbażata fuq id-dovuti fis-sistema lokali ta' kontabilità ta' l-APPFIN fid-Direttorat Ġenerali għall-Edukazzjoni u l-Kultura wasslet għal differenzi fil-bilanċi tal-ftuħ u l-għeluq tal-kontijiet tiegħu. Għaddejjin modifiki fis-sistema lokali u se jiżguraw trattament korrett ta’ tranżazzjonijiet fil-futur; qed isiru korrezzjonijiet ta’ l-iżbalji tal-passat u għandhom jitlestew sa tmiem is-sena.

1.24.

L-iskop tal-konsolidament definit fir-Regola tal-Kontabilità Nru. 1 adottata mill-Uffiċjal tal-Kontabilità tal-Kummissjoni huwa ikbar mill-iskop previst f'Artikolu 121 tar-Regolament Finanzjarju (19) (per eżempju l-inklużjoni ta' l-Iskema Konġunta ta’ Assigurazzjoni kontra l-Mard jew ta' l-aġenziji li ma jaqgħux taħt l-Artikolu 185 tar-Regolament Finanazjarju) (20).

1.24.

L-ambitu tal-konsolidament previst fir-Regola tal-Kontabilità Nru 1 jieħu in konsiderazzjoni l-prinċipju tal-kontroll u hu bbażat fuq standards internazzjonali tal-kontabilità. Fuq in-naħa l-oħra, l-Artikolu 121 tar-Regolament Finanzjarju (FR) jipprevedi biss il-konsolidament ta’ l-Istituzzjonijiet u l-Agenziji sussidjati.

1.25.

Madanakollu, l-Iskema Konġunta ta’ Assigurazzjoni kontra l-Mard u żewġ aġenziji (Uffiċċju Komunitarju tal-Varjetà tal-Pjanti u l-Uffiċċju ta' l-Armonizzazzjoni fis-Suq Intern) ma kinux inklużi fil-kontijiet konsolidati [provviżorji] (ara wkoll il-paragrafu 1.29). Fuq bażi ta' l-analiżi tat-tip ta' kontroll illi l-Komunitajiet Ewropej jeżerċitaw fuq l-Iskema Konġunta ta’ Assigurazzjoni kontra l-Mard, il-Qorti tikkunsidra illi din ma jmissiex ġiet inkluża fl-iskop tal-konsolidament, kif definit fir-Regola tal-Kontabilità Nru. 1, u għalhekk din ta' l-aħħar għandha tiġi evalwata mill-ġdid.

1.25.

Ir-regola tal-kontabilità se tkun aġġornata fir-rigward tan-non-konsolidament ta’ l-iskema ta’ assigurazzjoni fuq mard.

1.26.

Fl-opinjoni tagħha Nru. 2/2001 (21), dwar proposta għal Regolament tal-Kunsill dwar ir-Regolament Finanzjarju applikabbli għall-baġit ġenerali tal-Komunitajiet Ewropej, il-Qorti indirizzat ir-riskji li joħorġu minn sitwazzjoni fejn ir-rendikonti finanzjarji konsolidati provviżorji mibgħuta lill-Qorti ta' l-Awdituri għadhom m'humiex stabbiliti. Il-Qorti enfasizzat illi huwa importanti illi d-dikjarazzjonijiet finanzjarji konsolidati provviżorji jkunu dokumenti eżawrjenti u konsistenti, u jiġu denjament magħmula sa l-iskadenzi stipulati. Huma provviżorji biss għall-fatt illi l-Kummissjoni għadha m'adottathomx b'mod formali u li huma jistgħu, fejn ikun xieraq, ikunu suġġetti bħal korrezzjonijiet proposti mill-Qorti.

1.27.

Il-Kummissjoni ma rrispettatx il-prinċipju ta' l-aħħar illi l-ebda tibdiliet ma jistgħu jsiru ħlief dawk proposti mill-Qorti, minħabba li l-2005 kienet sena tranżitorja. Għalhekk il-Kummissjoni kellha tassigura illi l-Qorti ġiet informata bil-mod u fiż-żmien li suppost dwar korrezzjonijiet illi, bbażati fuq ix-xogħol kontinwu fuq il-kontijiet provviżorji hija kkunsidrat neċessarji.

1.27.

Hu diffiċli li tirrispetta dan il-prinċipju ġaladarba l-kontijiet proviżorji issa huma ffinalizzati fl-istess data tar-Rapporti ta’ l-Attività Annwali. Madankollu, it-tibdiliet se jkunu minimi.

1.28.

L-eżami tal-Qorti ta' adegwatezza u tal-preċiżjoni ta' l-aġġustamenti magħmula, b'konnessjoni mal-preparazzjoni tar-rendikonti finanzjarji konsolidati fl-1 ta' Jannar 2005, sabiex iċ-ċifri u l-informazzjoni fir-rendikonti finanzjarji konsolidati fl-31 ta' Diċembru 2004 jinġiebu f'konformità mal-prinċipji l-ġodda tal-kontabilità bbażata fuq id-dovuti, hija ppreżentata minn hawn l-isfel (ara l-paragrafi 1.29 sa 1.49).

1.29.

Kważi l-impatt sħiħ tat-tibdiliet magħmula jikkonċerna r-rendikonti finanzjarji tal-Kummissjoni. L-inklużjoni, għall-ewwel darba ta' l-aġenziji fl-iskop tal-konsolidament kellu biss impatt limitat fuq il-kontijiet, bl-effett prinċipali tkun żieda fil-bilanċi tal-flus kontanti. Għalhekk, l-ommissjoni ta' żewġ aġenziji m'affettwatx l-istampa vera u ġusta.

1.30.

L-analiżi tal-Qorti ta' punti li kienu biss affettwati minn aġġustamenti limitati ma wrewx sejbiet sinifikanti (jiġifieri assi intanġibbli u tanġibbli, investimenti (għal żmien qasir), self, ammonti riċevibbli għal terminu twil u għal terminu qasir (22), stokks, benefiċċji ta' l-impjegati, dispożizzjonijiet għar-riskji u l-ispejjeż, obbligazzjonijiet finanzjarji u oħrajn u riżervi).

1.30.

Fir-rgward tan-nota 18 f’qiegħ il-paġna, l-informazzjoni ma kinitx disponibbli għall-ammonti dovuti fil-31 ta’ Diċembru.

1.31.

Il-finanzjament minn qabel għandu x'jaqsam ma' pagamenti intenzjonati sabiex jipprovdu lill-benefiċarji bi ħlas bil-quddiem ta' flus. Jekk il-benefiċarji ma jġarrbux nefqa eliġibbli waqt il-perijodu definit fil-ftehim, huma jkollhom jirritornaw il-finanzjament minn qabel lill-Komunitajiet.

1.32.

Għal numru ta' snin il-Qorti ilha tgħid illi r-reġistrazzjoni ta' debituri varji tippreżenta problemi minħabba li l-finanzjament minn qabel ġie mdaħħal bħala nefqa finali u l-ammonti li jridu jiġu rkuprati ma kinux imdaħħla immedjatament (23). Fuq din il-bażi hija għamlet riżerva għar-rigward tal-kontijiet fis-snin in kwistjoni (24).

1.33.

Sabiex dawn in-nuqqasijiet jiġu rrimedjati, waqt l-2004 ġie preparat inventarju ta' l-ammonti kollha ta' pre-finanzjament kurrenti mħallsa sal-31 ta' Diċembru 2004 minn kull istituzzjoni u aġenzija, li wassal għal bejn wieħed u ieħor 30 000 reġistrazzjoni ta' pre-finanzjament għal ammont totali ta' 28 013 miljun euro (25).

1.33.

Kif inhu mitlub mir-regoli l-ġodda tal-kontabilità, sar l-inventarju ta’ l-ammonti ta’ qabel il-finanzjament — minn Jannar 2005, l-ammonti ta’ qabel il-finanzjament li kienux għadhom approvati kienu inklużi fuq in-naħa ta’ l-assi tal-karta tal-bilanċ.

1.34.

Madanakollu, mhux il-kwistjonijiet tekniċi u konċeptwali kollha u l-problemi ta’ implimentazzjoni, li kienu diġà ġew parzjalment identifikati f'konnessjoni mar-Rapport Annwali għas-sena finanzjarja 2004 (26), kienu ġew solvuti bil-preżentazzjoni tal-karta tal-bilanċ tal-ftuħ sa l-1 ta' Jannar 2005. In-nuqqasijiet li rriżultaw huma preżentati hawn isfel.

1.34.

Kif kien spjegat fit-tweġibiet lir-Rapport Annwali ta’ l-2004 tal-Qorti, is-segwitu ta’ l-ammonti ta’ qabel il-finanzjament għandu jikkunsidra l-kondizzjonijiet tal-kuntratti varji ma’ partijiet terzi. Madankollu, il-preżentazzjoni ta’ l-ammont nett fil-karta tal-bilanċ juri ir-realtà ekonomika ta’ l-ammonti ta’ qabel il-finanzjament pendenti.

1.35.

Il-verifika ta' kampjun rappreżentattiv ta' 147 tranżazzjonijiet ta' pre-finanzjament mit-totali tar-reġistrazzjonijiet ta' pre-finanzjament, sa Novembru 2005, fis-sistema ta' kontabilità identifikat livell materjali ta' żbalji għal dak li għandu x'jaqsam mal-frekwenza u ma' l-impatt finanzjarju. L-aktar tipi ta' żbalji komuni huma:

—

reġistrazzjonijiet ta' pre-finanzjament ġew reġistrati b'ammont ħażin;

—

ammonti ta' pre-finanżjament ġew reġistrati għalkemm dawn kienu ġew approvati qabel l-1 ta' Jannar 2005.

1.35.

Il-Kummissjoni se teżamina it-tranżazzjonijiet notifikati mill-Qorti.

1.36.

Barra minn hekk, xogħol addizzjonali ta' verifika fuq l-identifikazzjoni u l-validazzjoni tal-fatturi/rendikonti ta' l-ispejjeż wera' problemi ta' kompletezza/preċiżjoni għall-karta tal-bilanċ tal-ftuħ:

1.36.

—

id-diviżjoni bejn finanzjament minn qabel għal terminu twil (21 285 miljun euro) u finanzjament minn qabel għal terminu qasir (6 728 miljun euro) ħadet biss f'konsiderazzjoni ammonti relatati mal-Fondi Strutturali, l-Fond ta' Koeżjoni, l-IISPA u l-Fond ta' Solidarjetà għall-perijodu ta' programmar 2000-2006. Dan iwassal għal sottovalutazzjoni tal-pre-finanzjament għal terminu twil u sovravalutazzjoni korrispondenti tal-pre-finanzjament fuq terminu qasir minħabba li kuntratti għal oqsma ta' politika oħra bi pre-finanzjament fejn id-dewmien li jifdal kien ta' aktar minn sena ġew klassifikati bħala li huma ta' terminu qasir.

—

Il-qasma bejn it-terminu t-twil u t-terminu l-qasir issir biss għall-ammonti tal-Fond Strutturali ġaladarba ta’ l-ewwel jikkostitwixxi l-finanzjament ta’ qabel tat-terminu t-twil “reali” tal-Kummissjoni. Għal oqsma politiċi oħrajn l-ammont ma jistax ikun ikkwantifikat, u qasma tista’ ssir biss fuq stimi ta' l-implimentazjzoni tal-proġetti. Għall-kontijiet ta’ l-2006, wara sentejn ta’ esperjenza bis-sistema ta’ kontabilità l-ġdida, il-Kummissjoni se jkollha aktar informazzjoni bħala bażi ta’ analiżi tal-vijabilità biex issir il-qasma.

—

għad-Direttorat-Ġenerali għall-Edukazzjoni u l-Kultura, minkejja x-xogħol imwettaq wara l-ħruġ tal-kontijiet provviżorji, għad hemm ir-riskju illi ommissjonijiet jew reġistrazzjonijiet doppji jew ħżiena jistgħu iwasslu għal żbalji li ma jistgħux jiġu kwantifikati, minħabba l-kumplikazzjoni tal-problemi (27).

—

Żbalji materjali identifikati fid-Direttorat Ġenerali għall-Edukazzjoni u l-Kultura li ħarġu mit-trattament ħażin tal-ħlasijiet tal-finanzjament ta’ qabel ġew korretti.

1.37.

Il-kontijiet pagabbli essenzjalment jinkludu debiti dovuti, li huma koperti taħt is-sezzjoni għal qtugħ il-linja (ara l-paragrafi 1.42 sa 1.46), u affarijiet pagabbli kurrenti, li jinkludu l-fatturi u r-rendikonti ta' l-ispejjeż. Is-sejbiet tal-Qorti dwar l-affarijiet pagabbli kurrenti huma preżentati f'din is-sezzjoni.

1.38.

It-twaqqif ta' inventarju b'lista ta' madwar 7 000 fattura u rendikonti ta' l-ispejjeż irċevuti imma mhux imħallsa sa l-1 ta' Jannar 2005 beda fir-raba' trimestru ta' l-2004 u wassal għal ammont ta' affarijiet pagabbli kurrenti ta' 9 412 miljun euro (28).

1.39.

Bil-preżentazzjoni tal-karta tal-bilanċ tal-ftuħ sa l-1 ta' Jannar 2005 (29), mhux il-kwistjonijiet tekniċi u l-problemi ta' implimentazzjoni kollha kienu ġew solvuti. In-nuqqasijiet li rriżultaw huma preżentati hawn taħt.

1.39.

Il-Kummissjoni se ttejjeb l-kontrolli interni tagħha biex tindirizza l-kwistjonijiet tekniċi u l-problemi li baqa’ f’xi Direttortati Ġenerali.

1.40.

Il-verifika ta' kampjun rappreżentattiv ta' 141 fatturi/rendikonti ta' l-ispejjeż mit-totali tar-reġistrazzjonijiet ta' finanzjamenti minn qabel, sa Novembru 2005, fis-sistema tal-kontabilità identifikat livell materjali ta' żbalji għal dak li għandu x'jaqsam mal-frekwenza u ma' l-impatt finanzjarju. L-aktar tipi ta' żbalji komuni huma:

—

reġistrazzjonijiet ta' fatturi/rendkonti ta' l-ispejjeż ġew reġistrati b'ammont ħażin;

—

fatturi jew rendikonti ta' l-ispejjeż kienu rreġistrati għalkemm dawn kienu ġew diġà mħallsa.

1.40.

Is-sitt żbalji b’impatt fuq il-kontijiet fost il-141 tranżazzjoni verifikata se jkunu eżaminati mill-Kummissjoni.

1.41.

Għad-Direttorat-Ġenerali għall-Edukazzjoni u l-Kultura, minkejja xogħol imwettaq wara l-ħruġ tal-kontijiet provviżorji, għad hemm ir-riskju xorta waħda illi ommissjonijiet u reġistrazzjonijiet doppji jew ħżiena jistgħu iwasslu għal żbalji li ma jistgħux jiġu kwantifikati, minħabba l-kumplikazzjoni tal-problemi.

1.41.

Żbalji materjali identifikati fid-Direttorat Ġenerali għall-Edukazzjoni u l-Kultura li ħarġu mit-trattament ħażin tal-fatturi/id-dikjarazzjoni ta’ l-ispejjeż ġew korretti.

1.42.

Wieħed mill-aspetti l-aktar importanti tal-bidla għal kontabilità bbażata fuq id-dovuti huwa l-eżerċizzju li jiġi assigurat illi t-tranżazzjonijiet magħmula waqt is-sena jiġu rikonoxxuti fil-perijodu ta' kontabilità li miegħu għandhom x'jaqsmu (eżerċizzju ta' qtugħ il-linja). B'mod partikolari, trid issir evalwazzjoni li tirrigwarda l-ispejjeż eliġibbli li jkunu ġew imġarrba mill-benefiċarji tal-fondi Komunitarji imma li jkunu għandhom ma ġewx irrappurtati (debiti dovuti), dħul li jkun għadu ma ġiex irċevut għalkemm is-servizzi jkunu ngħataw, il-beni jkunu ġew ikkunsinnati jew tkun teżisti obligazzjoni legali (dħul dovut), jew spejjeż jew dħul irreġistrati fis-sena kurrenti imma li jkollhom x'jaqsmu ma' perijodi suċċessivi (debiti jew dħul differiti).

1.43.

Aġġustamenti għal debiti dovuti ttotalizzaw għal 64 205 miljun euro (30). Il-verifika tal-Qorti ta' l-elementi l-oħra ta' qtugħ il-linja ma kixfux xi żbalji sinifikanti. Is-sejbiet li jirrigwardaw id-debiti dovuti huma ppreżentati hawn isfel.

1.44.

Kif deskritt aktar 'il fuq (ara l-paragrafu 1.15), l-implimentazzjoni tal-metodoloġija ta' qtugħ il-linja ġenerali għal kull Diretttorat-Ġenerali ma kinitx finalizzata qabel ir-reġistrazzjonijiet ta' qtugħ il-linja. Barra minn hekk, il-parti l-kbira tad-Direttorati-Ġenerali ma wettqux biżżejjed testijiet dwar jekk il-metodoloġija żviluppata tassigurax illi t-tranżazzjonijiet magħmula matul is-sena humiex rikonoxxuti korrettement fil-perijodu ta' kontabilità li miegħu għandhom x'jaqsmu. Barra minn hekk, minħabba li l-2005 hija l-ewwel sena ta' eżerċizzju ta' qtugħ il-linja u minħabba l-partikolaritajiet ta' l-attivitajiet tal-Komunitajiet, ma jeżistu l-ebda metodi ta' ffissar tal-livell li jkunu jistgħu jintużaw sabiex wieħed jiċċekkja l-adegwatezza tal-metodi u tar-riżultati ta' l-estimi.

1.44.

Apparti mir-rimarki li jikkonċernaw l-implimentazzjoni/il-kontroll, il-Kummissjoni tinnota li l-Qorti ma tagħmilx osservazzjoni dwar il-metodoloġija kollha proprja.

1.45.

In-nuqqasijiet li ġejjin identifikati fil-proċeduri ta' qtugħ il-linja ipoġġu f'riskju l-korrettezza tal-kalkoli magħmula minn diversi Direttorati-Ġenerali:

—

kontrolli limitati biss twettqu mid-Direttorati-Ġenerali fuq ir-riżultati tal-kalkoli;

—

id-dejta wżata kienet f'ċerti każi ta' kwalità insuffiċjenti;

—

it-tagħrif u x-xogħol kien spiss ikkonċentrat f'persuna waħda mingħajr sorveljanza xierqa;

1.45.

Fl-2006, il-Kummissjoni se ssaħħaħ l-kontrolli tagħha fuq l-applikazzjoni tal-metodoloġija tal-qtugħ.

1.46.

Id-Direttorati-Ġenerali kollha (ħlief id-Direttorati-Ġenerali għall-Politika Reġjonali, Impjiegi, Affarijiet Soċjali u Opportunitajiet Indaqs u Agrikoltura u Żvilupp Rurali) ddeċidew li jistmaw id-debiti dovuti fuq bażi tal-kuntratti kollha li għadhom għaddejjin. Id-Direttorat-Ġenerali kollha vverifikati (ħlief id-Direttorat-Ġenerali għall-Edukazzjoni u l-Kultura) setgħu jirrikonċiljaw id-dejta wżata fil-kalkoli mad-dejta bażika tal-kontabilità ħlief għal xi wħud mid-differenzi mhux spjegati, li għalkemm ma kinux materjali, jikkonfermaw ċertu livell ta' riskju kif identifikat 'il fuq (ara l-paragrafu 1.45).

1.46.

Żbalji materjali identifikati fid-Direttorat Ġenerali għall-Edukazzjoni u l-Kultura li ħarġu mit-trattament ħażin ta’ l-ispejjeż akkumulati ta’ l-ispejjeż ġew korretti.

1.47.

Minħabba l-aġġustamenti introdotti bħala parti mill-bidla lejn kontabilità bbażata fuq id-dovuti, il-passiv totali fil-karta tal-bilanċ tal-ftuħ (fl-1 ta' Jannar 2005) jeċċedi l-attiv totali 51 597 miljun euro, filwaqt illi qabel l-aġġustamenti l-attiv totali kien jeċċedi l-passiv b' 14 507 miljun euro.

1.48.

Fattur prinċipali li jispjega din il-bidla huwa l-fatt illi l-introduzzjoni tal-pre-finanzjament (ammont totali ta' 28 013 miljun euro) ma jikkumpensax għall-introduzzjoni tad-debiti dovuti (ammont totali ta' 64 205 miljun euro). Barra minn hekk, l-ammonti riċevibbli fuq żmien twil naqsu ħafna minħabba illi l-obligazzjonijiet tal-Komunitajiet għall-pensjoni lejn Membri ta' l-istituzzjonijiet u l-persunal (valur nett fil-preżent ta' 26 012 miljun euro) m'għadhomx iktar newtralizzati minn attiv korrispondenti li jirrapreżenta l-ammont riċevibbli mill-Istati Membri. Id-differenza bejn l-attiv u l-passiv prinċipalment tirrappreżenta l-ammonti li jridu jiġu mitluba fis-snin li ġejjin lill-Istati Membri.

1.49.

Il-Qorti osservat illi l-Uffiċċjal tal-Kontabilità ma kienx ikkonforma b'mod totali mar-Regoli tal-Kontabilità Nri. 2 u 12 għar-rigward ta' l-istruttura u l-preżentazzjoni tal-karta tal-bilanċ u t-trattament reviżjonat tal-passiv tal-pensjonijiet tal-Komunitajiet (31). Għalhekk għandha tittieħed azzjoni sabiex jiġu introdotti l-emendi neċessarji. Barra minn hekk, il-karattru differenti tal-passiv li jrid jiġi kopert mill-ammonti li għandhom jiġu mitluba lill-Istati Membri għandu jiġi muri iktar, partikolarment għal dik li huwa t-terminu jekk hux għal żmien qasir jew għal żmien twil.

1.49.

Ir-regoli tal-Kontabilità Nri 2 u 12 se jkunu adattati.

1.50.

Waqt l-2005, saru sforzi mill-Kummissjoni bil-mira illi tiġi assigurata reġistrazzjoni kompleta u korretta ta' pagamenti ta' pre-finanzjament ġodda kif ukoll ta' fatturi/rendikonti finanzjarji li għadhom miftuħin, u ta' l-approvazzjoni tagħhom. Madanakollu, ġew identifikati numru ta' żbalji li huma preżentati aktar l-isfel. Barra minn hekk, in-nuqqasijiet li jirrigwardaw l-aġġustamenti magħmula lill-karta tal-bilanċ tal-ftuħ fl-1 ta' Jannar 2005 għandhom impatt fuq ir-riżultat ekonomiku għas-sena 2005 u konsegwentament fuq il-karta tal-bilanċ konsolidata u r-rendikont fl-attiv nett.

1.50.

Matul l-2005, saru diversi kontrolli u validazzjoni mid-Direttorati Ġenerali u s-Servizzi biex jiżguraw l-korrettezza ta’ l-ammont totali tal-karta tal-bilanċ tal-ftuħ. Ħafna mill-korrezzjonijiet neċessarji saru skond il-karta tal-bilanċ tal-ftuħ mingħajr impatt fuq ir-riżultat ekonomiku ta’ l-2005.

1.51.

L-analiżi analitika ta' l-assi fissi, intanġibbli u tanġibbli, l-investimenti (għal żmien qasir), self, ammonti riċevibbli fuq żmien twil u fuq żmien qasir, stokks, passiv finanzjarju u passiv ieħor, benefiċċji ta' l-impjegati, dispożizzjonijiet għar-riskji u debiti u riżervi ma pproduċiet l-ebda sejbiet sinifikanti.

1.52.

Il-verifika ta' kampjun rappreżentattiv ta' 162 pre-finanzjament min-numru ta' pre-finanzjamenti reġistrati, sa Mejju 2006, fis-sistema tal-kontabilità (29 349 miljun euro) identifikat livell materjali ta' żbalji f'termini tal-frekwenza u ta' l-impatt finanzjarju. L-istess tipi ta' żbalji għall-karta tal-bilanċ tal-ftuħ konsolidata ġew identifikati għall-karta tal-bilanċ ta' l-għeluq konsolidata (ara paragrafu 1.35).

1.52.

Id-disa’ żbalji identifikati b’impatt fuq il-kontijiet fost il-162 tranżazzjoni verifikata, se jkunu eżaminati mill-Kummissjoni.

1.53.

Barra minn hekk, xogħol ta' verifika addizzjonali fuq l-identifikazzjoni u fuq il-validazzjoni tal-pre-finanzjamenti wera' problemi ta' kompletezza/preċiżazzjoni għall-karta tal-bilanċ ta' l-għeluq:

1.53.

—

id-diviżjoni bejn il-pre-finanzjament għal żmien twil (22 732 miljun euro) u l-pre-finanzjament għal żmien qasir (6 633 miljun euro) ħadet in konsiderazzjoni biss ammonti relatati mal-Fondi Strutturali, il-Fond ta' Koeżjoni, l-ISPA u l-Fond ta' Solidarjetà għall-perijodu ta' programmazzjoni 2000-2006. Dan iwassal għal sottostima tal-pre-finanzjament għal żmien twil, u sovrastima korrispondenti tal-pre-finanzjament għal żmien qasir, minħabba li kuntratti għal oqsma ta' politika oħra bi pre-finanzjament fejn id-dewmien li jifdal kien ta' aktar minn sena ġew klassifikati bħala li huma għal żmien qasir;

—

Il-qasma bejn it-terminu it-twil u t-terminu l-qasir bażikament issir biss għall-ammonti tal-Fond Strutturali ġaladarba ta’ l-ewwel jikkostitwixxi l-finanzjament ta’ qabel tat-terminu t-twil “reali” tal-Kummissjoni. Għal oqsma oħra tal-politika l-impatt finanzjarju tas-sejba tal-Qorti ma setax ikun ikkwantifikat. Għall-kontijiet ta’ l-2006, wara sentejn ta’ esperjenza bis-sistema ta’ kontabilità l-ġdida, il-Kummissjoni se jkollha aktar informazzjoni bħala bażi ta’ analiżi tal-vijabilità biex issir din il-qasma.

—

għad-Direttorat-Ġenerali għall-Edukazzjoni u l-Kultura, minkejja xogħol imwettaq wara l-ħruġ tal-kontijiet provviżorji, għad hemm ir-riskju illi affarijiet li tħallew barra u reġistrazzjonijiet doppji jew ħżiena jistgħu jwasslu għal żbalji li ma jistgħux jiġu kwantifikati, minħabba l-komplessività tagħhom.

—

Żbalji materjali identifikati mid-DĠ EAC li ħarġu mit-trattament ħażin tal-ħlasijiet tal-pre-finanzjament ġew korretti.

1.54.

Il-verifika ta' kampjun rappreżentattiv ta' 148 irċevuta/rendikonti ta' l-ispejjeż min-numru ta' kontijiet pagabbli reġistrati, sa Marzu 2006, fis-sistema tal-kontabilità (16 194 miljun euro) identifikat livell materjali ta' żbalji f'termini ta' frekwenza u ta' impatt finanzjarju. L-istess tipi ta' żbalji bħal fil-karta tal-bilanċ tal-ftuħ konsolidata ġew identifikati fil-karta tal-bilanċ ta' l-għeluq konsolidata (ara paragrafu 1.40).

1.54.

Id-disa’ żbalji identifikati b’impatt fuq il-kontijiet fost il-148 tranżazzjoni verifikata, se jkunu eżaminati mill-Kummissjoni..

1.55.

Għad-Direttorat-Ġenerali għall-Edukazzjoni u l-Kultura, minkejja xogħol imwettaq wara l-ħruġ tal-kontijiet provviżorji, għad hemm ir-riskju illi affarijiet li tħallew barra u reġistrazzjonijiet doppji jew ħżiena jistgħu iwasslu għal żbalji li ma jistgħux jiġu kwantifikati, minħabba l-komplessività tagħhom.

1.55.

Żbalji materjali identifikati fid-Direttorat Ġenerali għall-Edukazzjoni u l-Kultura li ħarġu mit-trattament ħażin ta’ l-irċevuti/dikajrazzjoni ta’ l-ispejjeż ġew korretti.

1.56.

Il-problemi msemmija għall-karta tal-bilanċ tal-ftuħ konsolidata (ara l-paragrafi 1.44 sa 1.46) wasslu għan-nuqqasijiet li ġejjin għall-karta tal-bilanċ ta' l-għeluq konsolidata. Id-Direttorati-Ġenerali kollha verifikati, (ħlief id-Direttorat-Ġenerali għall-Edukazzjoni u l-Kultura) setgħu jirrikonċiljaw kompletament id-dejta wżata fil-kalkoli mad-dejta bażika tal-kontabilità, ħlief għal xi differenzi mhux spjegati illi, għalkemm mhux materjali, jikkonfermaw ċertu livell ta' riskju kif identifikat fuq (ara l-paragrafu 1.45).

1.56.

Żbalji materjali identifikati fid-Direttorat Ġenerali għall-Edukazzjoni u l-Kultura li ħarġu mit-trattament ħażin ta’ l-elementi tal-qtugħ ġew korretti.

1.57.

In-noti ta' spjega għall-kontijiet konsolidati [provviżorji] fihom aktar informazzjoni milli fil-passat (32) dwar il-fatt illi xi tranżazzjonijiet aktarx jiġu korretti f'data aktar tard mid-dipartimenti tal-Kummissjoni jew mill-Istati Membri. Madanakollu, in-noti ma jidentifikawx l-ammont ta' nefqa li tista' tkun soġġetta għal verifika u għall-proċeduri ta' approvazzjoni tal-kontijiet (ara wkoll il-paragrafi 1.63 sa 1.65).

1.57.

Flimkien ma' l-approvazzjoni finanzjarja annwali tal-kontijiet ta' l-aġenziji li jħallsu, il-Kummissjoni għandha d-dritt li tagħmel korrezzjonijiet skond id-deċiżjonijiet ta' konformità. Il-Kummissjoni aġixxiet fuq ir-rakkomandazzjoni magħmula fir-rapport tal-Qorti ta’ l-2004 li tikkonċerna korrezzjonijiet possibbli ta' osservanza li għand irid isiru. Per eżempju, id-Direttorat Ġenerali għall-Agrikoltura u l-Iżvilupp Rurali għas-snin 2001-2005 ffissa b'mod ċar fir-Rapport ta’ Attività Annwali 2005 (33) il-korrezzjonijiet li jridu jkunu deċiżi fid-deċiżjonijiet futuri ta’ konformità u dan l-ammont inkixef bħal assi ta’ kontinġenza fil-kontabilità tal-Kummissjoni. Elle a estimé le montant total à recouvrer à l’avenir à concurrence de € 1 151 mio, basé sur un taux moyen de correction financière de 0.95 % — see also the reply to points 5.56 and 5.62.

1.58.

Rikonċiljazzjoni dettaljata bejn ir-riżultat tal-baġit u r-riżultat ekonomiku hija indispensabbli sabiex tinkiseb assigurazzjoni raġonevoli għar-rigward ta' l-affidabilità tal-kontijiet. Ħlief għall-Kummissjoni din l-informazzjoni saret biss disponibbli wara l-preżentazzjoni tal-kontijiet finali. Madanakollu, l-Qorti xorta waħda kienet kapaċi tuża din id-dejta sabiex tirrikonċilja r-riżultat tal-baġit u dak ekonomiku.

1.59.

Waqt li kkunsidrat ir-rekwiżiti ta' l-Artikolu 248 (1) tat-Trattat. l-ambjent tal-verifika li qed jinbidel (li huwa estremament kumpless u nbidel fondamentalment minħabba r-riforma finanzjarja tal-Kummissjoni) u l-aspettattivi ta' “utenti” tad-DAS (jiġifieri l-awtorità ta’ approvazzjoni), il-Qorti ddeċidiet fl-2002 (34) illi l-opinjoni tal-verifika tagħha għandha tkun ir-riżultat ta' konsolidament ta' l-evalwazzjonijiet speċifiċi, li jirrigwardaw ir-riżorsi proprji u kull wieħed mis-sitt kapitoli operattivi tal-perspettiva finanzjarja ta' l-2000-2006 (35). Dawn l-evalwazzjonijiet speċifiċi, li għandhom il-mira li jagħtu lill-awtorità ta’ approvazzjoni l-possibiltà li timmonitorja l-kwalità tal-ġestjoni tal-fondi f'kull waħda mill-oqsma prinċipali ta' l-intervenzjoni tal-Komunità (36), huma bbażati fuq erba' sorsi ta' evidenza:

a)

eżami tal-mod li bih is-sistemi ta' sorveljanza u kontroll imwaqqfa fl-Istituzzjonijiet tal-Komunità u fl-Istati Membri u f'pajjiżi terzi jaħdmu;

b)

ittestjar ta' kampjuni ta' tranżazzjonijiet għal kull qasam prinċipali permezz tat-twettiq ta' kontrolli, minn fuq sal-livell tal-benfiċarju finali;

c)

analiżi tar-rapporti annwali ta' l-attività u tad-dikajrazzjonijiet mid-Diretturi-Ġenerali u tal-proċeduri applikati biex dawn ikunu saru;

d)

fejn ikun possibbli, eżami tax-xogħol ta' awdituri oħrajn li huma indipendenti mill-proċeduri ta' ġestjoni tal-Kummissjoni.

1.60.

L-objettiv tal-verifika tas-sistemi ta' sorveljanza u kontroll huwa li jiġi evalwat sa fejn dawn jimmaniġjaw ir-riskju li jirrigwarda l-legalità u r-regolarità tat-tranżazzjonijiet ta' bażi. L-ittestjar tat-tranżazzjonijiet ifittex li jikseb evidenza diretta għar-rigward tal-legalità u r-regolarità u li jipprovdi indikazzjonijiet dwar l-oriġini, il-frekwenza, in-natura u l-impatt ta' l-iżbalji misjuba. Ir-riżultati ta' l-ittestjar tat-tranżazzjonijiet jiġu wżati sabiex jikkumplimentaw u jikkontribwixxu għall-konklużjonijiet dwar is-sistemi. Informazzjoni miż-żewġ sorsi tiġi wżata sabiex jiġu identifikati rakkomandazzjonijiet għal azzjonijiet korrettivi. Skond l-istandards internazzjonali tal-verifika, il-Qorti tieħu wkoll in konsiderazzjoni ir-“rappreżentazzjonijiet tal-maniġment” li jkunu jinsabu fir-rapporti annwali ta' l-attività u tad-dikjarazzjonijiet mid-Diretturi-Ġenerali, kif ukoll fis-sintesi tagħhom li tkun adottata mill-Kummissjoni. Finalment, ix-xogħol ta' awdituri oħrajn (37) jiġi reviżjonat sabiex tiġi evalwata r-relevanza potenzjali tiegħu għal-evalwazzjonijet speċifiċi.

1.61.

Bħal fil-passat, il-konklużjonijiet ta' l-evalwazzjonijiet speċifiċi li jridu jsiru għar-rigward tas-sorsi differenti tad-DAS li huma disponibbli huma konsistenti b'mod wiesa'. F'oqsma fejn, skond il-verifika tal-Qorti, huma implimentati sistemi ta' sorveljanza u kontroll li jippermettu li r-riskju jiġi mmaniġjat b'mod adegwat, l-ittestjar sostantiv tal-Qorti ma jidentifikax sejbiet materjali għar-rigward tal-legalità u r-regolarità tat-tranżazzjonijiet ta' bażi (ara l-paragrafi 4.26 sa 4.30, 5.53, 9.19 u 10.20) u l-evalwazzjoni tal-Qorti tad-dikjarazzjonijiet tad-Diretturi-Ġenerali u ta' l-Uffiċjali li Jawtorizzaw għad-delegazzjoni kkonfermaw illi l-ebda riżervi, jew riżervi minuri biss kellhom jiġu ppreżentati (ara l-paragrafi 2.14 sa 2.19).

1.62.

F'oqsma fejn, skond l-evalwazzjoni tal-Qorti, is-sistemi ta' sorveljanza u kontroll jeżistu imma l-effettività tagħhom fil-ġestjoni tar-riskju assoċjat għandha tiġi mtejba, l-ittestjar sostantiv tal-Qorti għad għandu xorta waħda t-tendenza li jidentifika sejbiet materjali għar-rigward tal-legalità u r-regolarità tat-tranżazzjonijiet ta' bażi (ara l-paragrafi 5.52 sa 5.57, 6.38 sa 6.41, 7.28 u għal dak li jirrigwarda l-organizzazzjonijiet ta’ implimentazzjoni 8.21 sa 8.22). Barra minn hekk, l-evalwazzjoni tal-Qorti tad-dikjarazzjonijiet tad-Diretturi-Ġenerali kkonfermaw illi riżervi prinċipali jew ġew ippreżentati jew, fl-opinjoni tal-Qorti, kellhom jiġu ppreżentati (ara paragrafi 2.14 sa 2.19).

1.62.

Il-Kummissjoni ħadet passi biex tiġġestixxi r-riskji assoċjati mal-ġestjoni maqsuma permezz ta’ xogħol ta’ verifika, applikazzjoni ta’ pjani ta’ azzjoni fi Stati Membri biex tirratifika defiċjenzi fis-sistemi, korrezzjonijiet finanzjarji, gwida fuq kontrolli, u rappurtar aħjar ta’ riżultati ta’ verifika ta’ l-awdituri nazzjonali. Ir-Rapporti ta’ Attività Annwali tad-Direttorati Ġenerali dwar il-Fondi Strutturali jirrapurtaw dwar dawn l-azzjonijiet u jipprovdu indikazzjonijiet ta’ titjib li sar fis-sistemi ta' l-Istat Membri. Hi tipika tas-sistema tal-ġestjoni maqsuma li ċerti żbalji u defiċjenzi jiġu korretti biss wara rimborż tan-nefqa kkonċernata. Il-Kummissjoni tirreferi għat-tweġibiet tagħha lill-osservazzjonijiet tal-Qorti fil-punti 2.8., 2.25. u 2.26.

1.63.

Fid-diskussjonijiet li jirrigwardaw l-osservazzjonijiet tad-DAS, ta' spiss jingħad illi n-nuqqasijiet identifikati mill-Qorti fil-livell tat-tranżazzjonijiet ta' bażi għandhom biss impatt temporanju u li d-DAS ma jieħux in konsiderazzjoni n-natura multiannwali ta' ċerti attivitajiet tal-Komunità. Għalhekk, huwa preżentat l-argument illi l-Kummissjoni tieħu l-iżbalji in konsiderazzjoni meta tkun qed tapprova l-kontijiet fis-sezzjoni tal-Garanzija FAEGG, meta tkun qed tagħlaq il-programmi operattivi fil-Fondi Strutturali, u meta tkun qed tikkonkludi l-verifiki relatati mat-tmexxija deċentralizzata.

1.63.

L-argument tal-Kummissjoni hu li taħt il-maniġment maqsum hemm ċiklu ta’ kontroll f’relazzjoni ma’ infiq iffinanzjat mill-Komunità li sar fuq perjodu ta’ snin. Għall-Fondi Strutturali din tibda mill-verifiki ta’ l-ewwel livell mill-Istati Membri u tispiċċa bil-verifiki ex post tal-Kummissjoni. Il-fatt li l-Qorti ssib żbalji fit-tranżazzjonijiet li huma f’punt partikulari fiċ-ċiklu tal-kontroll ma jfissirx li s-sistema tal-kontroll mhix qiegħda taħdem b’mod effettiv. Madanakollu dan ma jfissirx li wieħed jiċħad l-importanza kbira tal-verifiki fis-sors ta’ it-tranżazzjonijiet sottolineati mill-maniġment qabel in-nefqa hi rrappurtata għar-rimborż u l-miżuri preventivi bħalma huma l-attivitajiet ta’ gwida u informazzjoni.

1.64.

Skond l-Artikolu 53 (5) tar-Regolament Finanzjarju u l-Artikolu 42 tar-regoli dettaljati għall-implimentazzjoni tar-Regolament Finanzjarju (38), dawn id-deċiżjonijiet u miżuri korrettivi jikkostitwixxu verament komponenti importanti tas-sistemi ta' sorveljanza u kontroll tal-Kummissjoni. Madanakollu, in-nuqqasijiet identifikati fil-verifiki tal-Qorti juru illi “deċiżjonjiet ta' konformità” taħt l-approvazzjoni tal-kontijiet agrikoli, proċeduri ta' għeluq għall-programmi operattivi taħt il-Fondi Strutturali u l-konklużjoni ta' verifiki relatati mat-tmexxija deċentralizza ma jistgħux jiġu meqjusa bħala mekkaniżmi sabiex jiżguraw il-prevenzjoni u l-identifikazzjoni fil-waqt u l-korrezzjoni ta' l-iżbalji (ara l-paragrafi 5.56 sa 5.57, 6.31 sa 6.37, 6.41, 7.21 sa 7.24 u 7.26 sa 7.28).

1.64.

L-objettiv tal-konformità tad-deċiżjonijiet ta' l-approvazzjoni tal-kontijiet hu li teskludi mill-infiq iffinanzjat mill-Komunità li ma kienx effetwat f’konformità mar-regoli tal-Komunità. Dawn id-deċiżjonijiet huma indirizzati lill-Istati Membri u jipproteġu lil min iħallas it-taxxa fl-UE mill-piż li jkun iffinanzjat infiq mhux xieraq. Skond il-maniġment maqsum il-prevenzjoni, l-identitifkazzjoni u l-korrezzjoni ta’ l-iżbalji fuq il-livell tal-benefiċjarju finali hi r-responsabbiltà ta’ l-Istati Membri. Id-deċiżjonijiet dwar il-likwidazzjoni tal-kontijiet iħeġġu lill-Istati Membri biex jagħmlu ħilithom biex jiżguraw li r-rata ta’ żbalji tinżamm f’livell tollerabbli u li rregolaritajiet identifikati jiġu rkuprati. Is-sistemi ta’ kontroll huma wkoll magħqudin ma’ l-applikazzjoni ta’ sanzjonijiet dissważivi meta l-iżbalji jiġu skoperti mill-Istati Membri.

1.65.

Barra minn hekk, deċiżjonijiet dwar korrezzjonijiet finanzjarji meħuda fil-qasam tat-tmexxija maqsuma, li jirkupraw mingħand Stati Membri li ma implimentawx u/jew m'operawx sistemi affidabbli, ma jagħmlux it-tranżazzjonjiet ta' bażi inqas illegali/irregolari, anke jekk dawn jista' jkollhom effett dissważiv. Ukoll, minħabba illi l-korrezzjonijiet finanzjarji applikati irriżultaw min-nuqqsijiet tas-sistemi, huma ma jistgħux ikunu direttament relatati ma' l-iżbalji fil-livell tat-tranżazzjonijiet ta' bażi. L-effett li jiġu mposti l-korrezzjonijiet finanzjarji huwa li jiġi mċaqlaq il-prezz tat-tranżazzjonijiet illegali/irregolari (mhux permessi) mill-baġit ta' l-UE għal fuq min iħallas it-taxxa fuq livell nazzjonali.

1.65.

Il-proċess ta’ konformità tal-likwidazzjoni fih innifisu mhux mekkaniżmu li bih ħlasijiet irregolari lill-benefiċarji jiġu rkuprati ġaladarba tiffoka fuq is-sistema tal-kontrololi stabbilibita mill-Istati Membri. F’każ li dawk il-kontrolli jiskopru rregolaritajiet hi r-responsabbiltà ta’ l-Istati Membri, kif inhu stabbilit b’mod ċar fl-Artikolu 9(1) tar-Regolament (KE) Nru 1290/2005.

2.1.

Bħas-snin preċedenti, il-Qorti eżaminat il-progress li għamlet il-Kummissjoni fl-implimentazzjoni ta' aspetti finanzjarji tal-programm ta' riforma tagħha. B'mod partikolari hija eżaminat:

—

ir-rapporti annwali ta' l-attività mid-Direttorati-Ġenerali tal-Kummissjoni. Dawn jindikaw kif kull Direttorat-Ġenerali wettaq ir-responsabbilitajiet tiegħu u fihom evalwazzjoni tal-legalità u r-regolarità tan-nefqa relattiva mal-kompetenzi tiegħu. Il-kwalità u l-affidabilità ta' dawn id-dokumenti huma għaldaqstant ta' importanza biex dawn jippermettu lill-Kummissjoni biex tassigura lilha nnifsha li hija wettqet b'mod sodisfaċenti r-responsabbilitajiet tagħha għall-implimentazzjoni tal-baġit,

—

ir-“rapport sinteżi” tal-Kummissjoni, ippreparat minn fuq ir-rapporti annwali ta' l-attività, li fih evalwazzjoni ġenerali tas-sistema ta' kontroll intern tal-Kummissjoni,

—

is-sistema ta' kontrolli interni tal-Kummissjoni.

2.2.

Fl-2005, il-Kummissjoni kompliet bl-isforzi tagħha biex tintegra l-amministrazzjoni tar-riskju (1) fil-proċessi ta' l-ippjanar u tat-teħid ta' deċiżjonijiet eżistenti, bl-għan li tiżviluppa approċċ u kultura ta' tmexxija (fil-Kummissjoni kollha) koerenti fid-Direttorati-Ġenerali tagħha.

2.2.

Fl-2005, ġie adottat qafas komuni metodoloġiku għall-ġestjoni tar-riskju mill-Kummissjoni, wara l-evalwazzjoni ta’ l-eżerċizzji pilota. Il-proċess tal-Pjan ta’ Ġestjoni Annwali (AMP) ta’ l-2006 (varat fl-2005) tad-Direttorati Ġenerali u s-Servizzi tal-Kummissjoni kien fih għall-ewwel darba valutazzjoni tar-riskji prinċipali għall-għanijiet strateġiċi ġenerali tad-Direttorat Ġenerali u reviżjoni tal-kontrolli neċessarji li jimmitigaw.

2.3.

Fis-17 ta' Jannar 2006 il-Kummissjoni adottat pjan ta' azzjoni lejn qafas ta' kontroll intern integrat (2), li ħa in konsiderazzjoni r-riżultati ta' l-“evalwazzjoni gap” imwettqa fl-2005 mis-servizzi tagħha għall-modi kollha ta' tmexxija (3). Il-Qorti ser tevalwa l-pjan ta' azzjoni meta l-miżuri relevanti jkunu ġew implimentati u jkun possibli li tevalwa l-impatt tagħhom.

2.3.

Għalkemm il-Kummissjoni tapprezza l-approċċ tal-Qorti orjentat fuq ir-riżultati, il-Pjan ta’ Azzjoni jirrifletti l-isforzi li saru mill-Kummissjoni biex tissaħħaħ is-sistema ta’ kontroll intern sabiex il-Qorti ta’ l-Awdituri tkun provduta b’evidenza ta’ verifika xierqa dwar il-ġestjoni sodisfaċenti tar-riskju ta’ żball. L-azzjonijiet għandhom jiġu implimentati mid-Direttorati Ġenerali u s-Servizzi b’kollaborazzjoni mill-qrib ma’ l-Istati Membri.

2.4.

Il-Qorti eżaminat sa liema punt ir-rappreżentazzjonijiet tat-tmexxija miġbura fir-rapporti annwali ta' l-attività u d-dikjarazzjonijiet tad-Diretturi-Ġenerali, u fis-sinteżi tal-Kummissjoni, huma kkonfermati mis-sejbiet tal-verifika tal-Qorti u huma relevanti għad-DAS. Hija analizzat ukoll il-progress li sar fl-implimentazzjoni ta' l-istandards tal-kontroll intern u evalwat l-effettività tal-proċeduri introdotti u l-għodda żviluppati sabiex jiggarantixxu l-legalità u r-regolarità tat-tranżazzjonijiet ta' bażi tal-pagamenti baġitarji.

2.5.

Għall-ewwel darba, is-sinteżi ta' l-2005 tar-rapporti annwali ta' l-attività ġiet maqsuma f'żewġ rapporti separati: wieħed (4) jittratta l-politika tal-kisbiet matul l-2005 fir-rigward tar-realizzazzjoni ta' l-għanijiet strateġiċi tal-Kummissjoni u l-ieħor (5) jikkunsidra t-tmexxija tad-Direttorati-Ġenerali u jiddeċiedi fuq il-miżuri li huma neċessarji biex jindirizzaw in-nuqqasijiet prinċipali fis-sistemi ta' sorveljanza u kontroll. Billi adottat ta' l-aħħar, il-Kummissjoni tassumi ir-responsabbilità politika tagħha għat-tmexxija mid-Diretturi-Ġenerali tagħha, fuq il-bażi ta' l-assigurazzjonijiet u r-riservi maħruġa minnhom fir-rapporti annwali ta' l-attività tagħhom.

2.6.

Fis-sinteżi ta' l-2005 tagħha dwar il-kisbiet tat-tmexxija, il-Kummissjoni tikkunsidra li b'mod ġenerali, is-sistemi ta' kontroll intern imwaqqfa, bil-limiti deskritti fir-rapporti annwali ta' l-attività ta' l-2005, jipprovdu assigurazzjoni raġonevoli dwar il-legalità u r-regolarità ta' l-operazzjonijiet, li għalihom il-Kummissjoni hija responsabbli taħt l-Artikolu 274 KE. Madanakollu, hija tagħraf li aktar sforz huwa meħtieġ biex issolvi numru ta' nuqqasijiet, b'mod partikolari dawk enfasizzati fir-riservi ta' l-uffiċjali li jawtorizzaw delegati.

2.7.

F'ċerti aspetti, l-evalwazzjonijiet tal-Kummissjoni huma konsistenti ma' l-analiżi tal-Qorti, b'mod partikolari dawk li jikkonċernaw il-linji gwida rinfurzati tar-rapporti annwali ta' l-attività (ara l-paragrafi 2.11 u 2.12) u l-bżonn biex jiġu żviluppati indikaturi li jikkonċernaw il-legalità u r-regolarità tat-tranżazzjonijiet ta' bażi u l-operat ta' kontroll prinċipali (ara l-paragrafi 2.13 u 2.20), għal sforz kontinwu biex tiġi assigurata l-effettività tal-kontroll intern (ara l-paragrafi 2.21 sa 2.23) u għal aktar tisħiħ tal-proċessi u sistemi ta' kontabilità biex itejbu l-informazzjoni finanzjarja (ara l-paragrafi 1.5 sa 1.58).

2.8.

Madanakollu, fl-oqsma tal-politika agrikola komuni, u operazzjonijiet strutturali, is-sejbiet tal-Qorti jindikaw li miżuri huma meħtieġa, li jmorru lil hinn minn dawk ikkunsidrati neċessarju mid-Diretturi-Ġenerali, sabiex jassiguraw li assigurazzjoni raġonevoli fid-dikjrazzjonijiet li jakkompanjaw ir-rapporti annwali ta' l-attività hija sostnuta effettivament minn sistemi ta' sorveljanza u kontroll xierqa (ara l-paragrafi 2.18 sa 2.19).

2.8.

Il-Kummissjoni tqis li l-azzjonijiet li qed jiġu implimentati fir-rendiment tar-rwol ta’ superviżjoni tagħha, diġà jappoġjaw b’mod sodisfaċenti l-assigurazzjoni raġonevoli espressa mid-Diretturi Ġenerali għall-infiq taħt ir-responsabbiltà tagħhom. Minħabba li x-xogħol ta’ verifika jitwettaq taħt strateġija multiannwali, ir-riżultati jippermettu li l-livell ta’ assigurazzjoni tas-sistemi nazzjonali jissaħħaħ minn sena għall-oħra. Il-bażi ta’ l-assigurazzjoni għandha tissaħħaħ iktar bil-miżuri mfassla biex jinkiseb livell ogħla ta’ konformità u kontroll effettiv taħt il-Pjan ta’ Azzjoni lejn qafas ta’ kontroll intern integrat u permezz tat-titjib fil-qafas regolatorju għall-programm tal-perjodu 2007-13.

2.9.

Il-Qorti tinnota l-enfasi li l-Kummissjoni għamlet fuq it-twaqqif ta' qafas ta' kontroll intern integrat (ara l-paragrafu 2.3). Barra dan, hija tapprezza li l-Kummissjoni aġġornat l-għanijiet multi-annwali tal-pjan ta' azzjoni tagħha ta' l-2004 (6), billi indirizzat il-kwistjonijiet cross-cutting maġġuri identifikati fis-sena finanzjarja 2005 u rrikonoxxiet li l-parti l-kbira tan-nuqqasijiet identifikati jistgħu jiġu eliminati biss f'terminu ta' żmien medju (7).

2.10.

Il-Qorti tikkunsidra li wieħed mill-objettivi l-aktar importanti approvat mill-Kummissjoni huwa rappreżentat mill-proporzjonalità u l-kost-effettiv tal-kontrolli. F'dan il-kuntest, il-proċess ta' simplifikazzjoni tal-programmi ta' nfiq għall-perspettivi finanzjarji 2007-2013 (e.ż. użu akbar tar-rata fissa u pagamenti sħaħ, regoli simplifikati dwar l-akkwist u l-konċessjonijiet) u l-użu ta' ċertifikati tal-verifika u dikjarazzjonijiet ta' assigurazzjoni minn partijiet terzi responsabbli mill-kompiti ta' implimentazzjoni tal-baġit jistgħu jkollhom rwol sinifikanti.

2.11.

Is-servizzi ċentrali tal-Kummissjoni (8) ppreparaw ċirkolari (9) għar-rapporti annwali ta' l-attività ta' l-2005 bl-għan li jissemplifikaw u jtejbu l-proċess ta' preparazzjoni u jipprovdu gwida dwar il-limitu tal-materjalità tan-nuqqasijiet. Barra dan, l-eżerċizzju tar-reviżjoni peer  (10) assigura titjib fuq l-assigurazzjoni raġonevoli (materjalità, skop u kwantifikazzjoni).

2.11.

Permezz tal-ħidmiet kontinwi tagħha biex ittejjeb il-kontenut tad-dikjarazzjonijiet u s-segwitu tar-rispett tan-normi li d-dikjarazzjonijiet ikunu bbażati fuqhom, il-Kummissjoni qiegħda tagħmel minn kollox biex ir-rapporti ta’ attività annwali jkunu strument ta’ ġestjoni effiċjenti u indikatur affidabbli tar-riżultati li tkun kisbet u ta' l-istrateġija tagħha biex tiffaċċja r-riskji identifikati, sabiex il-Qorti tkun tista' tutilizzahom bħala bażi għad-dikjarazzjoni ta' assigurazzjoni tagħha.

2.12.

Il-Qorti tikkunsidra li l-miżuri meħuda mill-Kummissjoni saħħew il-proċess ta' preparazzjoni tar-rapporti annwali ta' l-attività, partikolarment għal dak li jikkonċerna t-twaqqif ta' linji gwida ċari għall-evalwazzjoni tan-nuqqasijiet sinifikanti fis-sistema (11) li jissupplimentaw il-prinċipji bażiċi fuq il-materjalità huma kkonċernati (12). Madanakollu, il-Qorti tinnota li dawn il-linji gwida ma kinux segwiti kompletament f'ċerti każijiet (ara l-paragrafu 2.15).

2.12.

Il-Kummissjoni tqis li nkisbu progressi notevoli fl-2005 f’dan il-qasam, notevolment bid-determinazzjoni ta’ approċċ komuni tal-materjalità għal kull “familja”, b’enfasi għall-punt 2 tar-rapporti ta’ attività annwali fuq il-bażi tad-dikjarazzjoni ta’ assigurazzjoni u bil-preżentazzjoni fit-tielet parti tal-kriterji ta’ materjalità utilizzati u bl-impatt tagħhom flimkien tar-riżervi fuq id-dikjarazzjoni ta' assigurazzjoni.

2.13.

Barra dan, il-Qorti tgħid li għad hemm lok għal titjib, speċjalment fejn jikkonċerna l-preżentazzjoni ta' indikaturi li għandhom rabta diretta mal-legalità u r-regolarità. Minkejja l-fatt li figuri ewlenin relevanti u indikaturi ta' eżekuzzjoni (inklużi l-legalità u r-regolarità) (13) għandhom ikunu ppreżentati mid-Direttorati-Ġenerali, m'hemm l-ebda indikazzjoni speċifika dwar liema elementi ta' monitoraġġ (indikaturi) għandhom jintużaw (14).

2.13.

Fil-qafas tal-gwida tagħha, il-Kummissjoni ppreferiet li tħalli f’idejn is-servizzi l-libertà li jagħżlu ċ-ċifri prinċipali u l-indikaturi tar-rendiment.

2.14.

Fid-dikjrazzjonijiet tagħhom annessi mar-rapporti annwali ta' l-attività, id-Diretturi-Ġenerali jgħidu li l-proċeduri ta' l-kontrolli intern imwaqqfu jipprovdu assigurazzjoni raġonevoli li t-tranżazzjonijiet ta' bażi huma legali u regolari. Fil-każ ta' nuqqasijiet jew irregolaritajiet materjali fil-kontroll intern huma jikkwalifikaw id-dikjarazzjonijiet u joħorġu riservi (15).

2.15.

L-analiżi tal-Qorti tad-dikjarazzjonijiet tad-Diretturi-Ġenerali għas-sena finanzjarja 2005 turi li d-definizzjoni tal-kriterja tal-materjalità, kif ukoll l-applikazzjoni tagħhom għall-formulazzjoni tar-riservi għandha xi drabi tkun iċċarata aktar. Per eżempju, f'ċerti każijiet (16) il-kriterja magħżula (kwalitattiva u/jew kwantitattiva), u f'oħrajn (17) l-impatt finanzjarju tar-riservi, jistgħu jiġu speċifikati aħjar.

2.15.

Il-Kummissjoni tqis li l-linji ta’ gwida taċ-ċirkolari dwar ir-rapporti ta’ attività annwali u tal-komunikazzjoni COM(2003) 28 li fiha preċiżjonijiet metodoloġiċi għat-twaqqif tar-rapporti ta’ attività annwali ġew segwiti mis-servizzi. Il-materjalità hija kwistjoni essenzjali ta’ ġudizzju ta’ l-uffiċjal delegat li jawtorizza u ta’ impenn fir-rigward tal-partijiet involuti. Il-materjalità ta’ nuqqas hija eżaminata mil-lat kwantitattiv u/jew kwalitattiv. F’każ ta’ nuqqas fis-sistema, elementi kwalitattivi jistgħu jwasslu wkoll għall-formulazzjoni ta’ riżerva.

2.16.

Id-Diretturi-Ġenerali kollha qalu li huma kisbu assigurazzjoni raġonevoli li r-riżorsi allokati lilhom kienu wżati għall-iskopijiet speċifikati, u li l-kontrolli interni li huma introduċew assiguraw il-legalità u r-regolarità tat-tranżazzjonijiet ta' bażi. Il-Qorti tinnota li, 21 minn 40 dikjarazzjoni fihom waħda jew aktar riservi.

2.16.

Il-formulazzjoni tar-riżervi għad-dikjarazzjoni ta’ assigurazzjoni tad-diretturi ġenerali tifforma l-konklużjoni loġika għar-raġunament ippreżentat fil-partijiet 2 (bażi għad-dikjarazzjoni ta’ assigurazzjoni) u 3 (kriterji ta’ materjalità użati, ir-riżervi u l-impatt tagħhom flimkien tar-riżervi fuq id-dikjarazzjoni ta' assigurazzjoni), li tiżgura l-koerenza bejn ir-rapport ta' attività annwali, id-dikjarazzjoni u r-riżervi.

2.17.

In-numru totali ta' riservi baqa' essenzjalment l-istess mill-2004 (32) sa l-2005 (31). Il-maġġoranza (18) jikkonċernaw nuqqasijiet diġa' identifikati fl-2004 (18). Ir-riservi l-aktar importanti fil-kuntest tad-DAS huma murija fit- Tabella 2.1 .

2.17.

Il-Kummissjoni hija konxja li ħafna mir-riżervi huma rikorrenti. Fil-fatt, fis-Sintezi 2005 tagħha, hija analizzat it-tipi differenti ta’ riżervi rikorrenti (riżervi li l-problema bażika tagħhom qed tiġi solvuta, f’xi każijiet bil-bżonn ta’ iktar sforzi mill-partijiet terzi; riżervi dwar problemi strutturali; riżervi dwar nuqqasijiet li jolqtu l-operazzjonijiet imwettqa barra l-kwartieri ġenerali).

2.18.

B'paragun ma' l-2004 (19), il-Qorti tinnota titjib ġenerali fil-kwalità ta' l-evalwazzjoni ta' l-operat tas-sistemi ta' sorveljanza u kontroll u ta' l-impatt ġenerali tar-riservi relevanti dwar l-assigurazzjoni mogħtija fid-dikjarazzjonijiet. Madanakollu, il-Qorti tikkunsidra li ċerti nuqqasijiet (sinifikanti) li ħarġu mill-verifiki tagħha (20), kellhom ikunu inklużi bħala riservi fid-dikjarazzjonijiet tad-Direttorati-Ġenerali (ara t- Tabella 2.1 u l-paragrafi 6.38 sa 6.40 u 7.17).

2.18.

Id-Direttorati Ġenerali kkonċernati, li jmexxu l-parti l-kbira tal-baġit, iqisu li l-operazzjoni tas-sistemi fis-seħħ biex jikkontrollow l-infiq tipprovdi bażi solida għad-dikjarazzjoni ta’ assigurazzjoni tagħhom. Dawn daħħlu riżervi fid-dikjarazzjonijiet tagħhom fejn l-informazzjoni li kienu bnew mix-xogħol ta’ verifika tagħhom stess u ta’ l-Istati Membri dwar it-tħaddim tas-sistemi kienet tindika nuqqasijiet sinifikanti li jippreżentaw riskju materjali għall-baġit tal-Komunità li ma jkunx jista’ jitmexxa kif xieraq bil-mekkaniżmi korrettivi normali tas-sistema ta’ kontroll. Fejn riskju kien ġestit kif xieraq, id-Direttur Ġenerali qies li kien hemm assigurazzjoni u ma kien hemm bżonn ta’ l-ebda riżerva.

2.19.

Minkejja l-proċess ta' preparazzjoni msaħħaħ (ara l-paragrafi 2.11 sa 2.13), il-Qorti tikkunsidra li ċerti rapporti annwali ta' l-attività (27) għadhom ma jipprovdux evidenza suffiċjenti għad-Dikjarazzjoni ta' Assigurazzjoni tagħha (ara l-paragrafi 2.15 u 2.18).

2.19.

Id-Diretturi Ġenerali u l-kapijiet tas-servizzi kkonċernati appoġġjaw il-bażijiet tad-dikjarazzjoni ta’ assigurazzjoni (parti 2 tar-rapporti ta’ attività annwali) u, b’raġunament espliċitu, l-effetti tar-riżervi fformulati dwar l-assigurazzjoni raġonevoli dwar l-użu tar-riżorsi u l-legalità u r-regolarità ta’ l-operazzjonijiet. Huma kollha kkonkludew li setgħu jagħtu l-assigurazzjoni tagħhom.

2.20.

Il-Qorti tinnota li ċertu numru (28) ta' Direttorati-Ġenerali jippreżentaw indikaturi ta' legalità u regolarità fir-rapporti annwali ta' l-attività ta' l-2005 tagħhom. Madanakollu, id-disinn u l-użu ta' dawn l-elementi ta' monitoraġġ mis-servizzi tal-Kummissjoni jistgħu jitjiebu biex ikejlu l-kwalità tas-sistemi ta' sorveljanza u kontroll, kif ukoll il-legalità u r-regolarità tat-tranżazzjonijiet ta' bażi.

2.20.

Il-biċċa l-kbira tas-servizzi ta’ tmexxija tal-programmi komunitarji ppreżentaw indikaturi ta’ legalità u regolarità. Barra minn dan, is-servizzi ppreżentaw il-bażijiet ta’ l-assigurazzjoni tagħhom f’parti 2 tar-rapport ta’ attività annwali.

2.21.

Il-Qorti eżaminat l-applikazzjoni ta' l-istandards ta' kontroll intern (29) f'14 (30) -il servizz tal-Kummissjoni, bi ħsieb li tevalwa mhux biss il-grad ta' implimentazzjoni tar-rekwiżiti minimi (linji bażi), imma wkoll biex tevalwa sa liema punt huma kkontribwixxew biex jassiguraw li t-tranżazzjonijiet kienu legali u regolari. L-impatt dirett u immedjat ta' l-istandards ta' intern kontroll ivarja, dipendentament fuq il-mod ta' tmexxija għall-implimentazzjoni tal-baġit. Per eżempju għall-agrikoltura u għall-fondi strutturali, fejn il-ġestjoni ta' kuljum hija mwettqa minn awtoritajiet nazzjonali jew reġjonali, il-kontrolli interni tal-Kummissjoni jestendu għas-sorveljanza tas-sistemi ta' tmexxija u kontroll.

2.21.

Dan huwa wkoll il-premessa wara l-Pjan ta' Azzjoni tal-Kummissjoni lejn qafas ta' kontroll intern integrat.

2.22.

Ir-rapport, ħarsa ġenerali dwar is-sitwazzjoni tal-kontroll intern fid-Direttorati Ġenerali u s-servizzi tal-Kummissjoni fl-2005 (Overview on the state of internal control in the Commission DGs and services in 2005) (31), ippreżentat mid-Direttorat-Ġenerali għall-Baġit, juri li, għas-sena finanzjarja 2005, id-Direttorat-Ġenerali ji kkonformaw fuq medja ma' 95 % tar-rekwiżiti tal-linji bażi. Mogħti li r-rekwiżiti ta' linja bażi baqgħu essenzjalment l-istess (32), il-Qorti tinnota żieda żgħira fil-konformità ma' l-istandards ta' kontroll intern, meta mqabbla ma' l-2004 (93 %). L-analiżi tal-Qorti ta' l-implimentazzjoni ta' l-istandards ta' kontroll intern hija ġeneralment konsistenti ma' l-evalwazzjoni tal-Kummissjoni u hija preżentata fit- Tabella 2.2 .

2.23.

Minkejja dan il-livell għoli ta' konformità mar-rekwiżiti tal-linja bażi, ir-reviżjoni tal-Qorti tar-rapporti annwali ta' l-attività u r-riżultati ta' verifika wrew li fil-maġġoranza (33) tad-Direttorati-Ġenerali vverifikati, l-effettività ta' ċerti komponenti ta' kontroll intern (34) jistgħu jkunu mtejba aktar, bi ħsieb li jikkontribwixxu għal titjib fil-legalità u r-regolarità tat-tranżazzjonijiet ta' bażi. Din l-analiżi hija skond l-evalwazzjoni tal-Kummissjoni preżentata fir-rapport li jagħti ħarsa ġenerali tas-sitwazzjoni tal-kontroll intern u mar-rapport annwali tas-Servizz ta' Verifika Interna tal-Kummissjoni (35).

2.23.

Il-Kummissjoni tqis li l-istrutturi ta’ kontroll intern tas-servizzi tagħha huma fis-seħħ iżda d-Direttorati Ġenerali għandhom jipperfezzjonaw ta’ sikwit is-sistemi tagħhom biex jinkisbu ġestjoni u kontrolli effiċjenti u effettivi. L-oqsma partikolari li qed jiffukaw fuqhom huma l-proċess ta’ l-iffissar ta’ l-oġġettivi u l-indikaturi, l-iżvilupp ta’ strateġija dinamika ta’ kontroll intern, il-kontinwità u l-kompetenzi ta’ l-istaff fil-ġestjoni tar-riżorsi umani, ir-rappurtar dwar ir-responsabbiltà u t-titjib tal-kontroll ex-ante.

2.24.

Fis-sena finanzjarja 2005, il-Qorti tinnota titjib kontinwu fis-sistema interna tal-Kummissjoni. Il-pjan ta' azzjoni għal qafas ta' kontroll intern integrat huwa pass 'il quddiem fil-kuntest ta' l-eżerċizzju roadmap  (36). Il-Qorti ser tevalwa r-riżultati tiegħu meta l-miżuri relevanti jiġu implimentati u jkun possibli li tevalwa l-impatt tagħhom.

2.24.

Għalkemm il-Kummissjoni tapprezza l-approċċ tal-Qorti orjentat fuq ir-riżultati, il-Pjan ta’ Azzjoni jirrifletti l-isforzi li saru mill-Kummissjoni biex tissaħħaħ is-sistema ta’ kontroll intern sabiex il-Qorti ta’ l-Awdituri tkun provduta b’evidenza ta’ verifika xierqa dwar il-ġestjoni sodisfaċenti tar-riskju ta’ żball. L-azzjonijiet għandhom jiġu implimentati mid-Direttorati Ġenerali u s-Servizzi b’kollaborazzjoni mill-qrib ma’ l-Istati Membri.

2.25.

Minkejja l-progress li sar mill-Kummissjoni fir-rinforz tar-rapporti annwali ta' l-attività bħala istrument biex itejjeb ir-responsabbilità u l-komunikazzjoni, il-verifiki tal-Qorti wrew nuqqasijiet sinifikanti fis-sistemi ta' sorveljanza u kontroll f'oqsma diversi tal-perspettivi finanzjarji (37), li ma kinux ittieħdu in konsiderazzjoni (fir-rapporti annwali ta' l-attività u) fid-dikjarazzjonijiet tad-Diretturi-Ġenerali.

2.25.

Id-Direttorati Ġenerali għall-miżuri strutturali bbażaw il-valutazzjonijiet ta’ assigurazzjoni tagħhom miksubin mis-sistemi ta’ ġestjoni u ta’ kontroll fl-Istati Membri fuq informazzjoni mix-xogħol ta’ verifika tagħhom u ta’ l-Istati Membri, billi ħadu f’kunsiderazzjoni l-istrumenti varji disponibbli għalihom biex jamministraw ir-riskju tal-ħlasijiet irregolari.

2.26.

Il-Qorti tirrikmanda li l-Kummissjoni tkompli bl-isforzi tagħha biex issaħħaħ is-sistemi ta' sorveljanza u kontroll tad-Direttorati-Ġenerali tagħha billi tiffoka fuq l-oqsma li ġejjin:

2.26.

a)

tassigura, l-applikazzjoni kompleta tal-linji gwida dwar ir-rapporti ta' attività annwali mis-servizzi ċentrali tagħha, speċjalment dawk li jikkonċernaw il-materjalità u l-impatt tar-riservi fuq id-dikjarazzjonijiet;

a)

Id-Direttorati Ġenerali kkonċernati, li jmexxu l-parti l-kbira tal-baġit, huma tal-fehma li l-operazzjoni tas-sistemi għall-kontroll ta’ l-infiq li jinsabu fis-seħħ tipprovdi bażi solida għad-dikjarazzjoni ta’ assigurazzjoni tagħhom. Huma daħħlu riżervi fid-dikjarazzjonijiet tagħhom fejn l-informazzjoni li kienu bnew mix-xogħol ta’ verifika tagħhom stess u ta’ l-Istati Membri dwar it-tħaddim tas-sistemi kienet tindika nuqqasijiet sinifikanti li jippreżentaw riskju materjali għall-baġit tal-Komunità li ma jkunx jista’ jitmexxa kif xieraq bil-mekkaniżmi korrettivi normali tas-sistema ta’ kontroll. Fejn riskju kien ġestit kif xieraq, id-Direttur Ġenerali qies li kien hemm assigurazzjoni u ma kien hemm bżonn ta’ l-ebda riżerva.

b)

ittejjeb l-effettività fl-applikazzjoni ta' l-istandards ta' kontroll intern billi tanalizza sistematikament l-impatti miksuba;

b)

Il-Kummissjoni għarfet li dejjem huwa possibbli li jkun hemm titjib fil-kontroll intern u qed isiru kontinwament iktar sforzi f’dan il-qasam. Madankollu, l-effikaċja tal-kontrolli interni tistrieħ ħafna fuq il-valutazzjonijiet kwalitattivi li mhux dejjem jistgħu jiġu ppreżentati bħala indikaturi sempliċi.

c)

tiżviluppa indikaturi speċifiċi rigward l-operat effettiv ta' kontrolli prinċipali u l-legalità u r-regolarità tat-tranżazzjonijiet ta' bażi sabiex tippermetti l-evalwazzjoni ta' titjib matul iż-żmien fis-sistema ta' sorveljanza u kontroll.

c)

Il-Kummissjoni bħalissa qed taħdem fuq is-Sinteżi 2004 dwar l-azzjoni fuq l-oġġettivi u l-indikaturi bl-għan li jiġu analizzati u definiti għanijet rilevanti għal-legalità u r-regolarità ta’ l-operazzjonijiet. Barra minn dan, l-azzjonijiet taħt “il-pjan ta’ azzjoni tal-Kummissjoni lejn qafas ta’ kontroll intern integrat” [COM(2006) 9] fil-futur għandhom jipprovdu preżentazzjoni aħjar tal-kontrolli prinċipali użati biex jappoġġjaw assigurazzjoni raġonevoli.

3.1.

Dan il-kapitolu janalizza kwistjonijiet li joħorġu mill-implimentazzjoni tal-baġit ġenerali ta' l-UE fl-2005 (1). Fil-baġit hemm approprijazzjonjiet differenti għall-impenji u għall-pagamenti. L-approprijazzjonjiet għall-impenji jirrappreżentaw l-ammonti li l-Unjoni tista' tidħol għalihom f'impenji tal-baġit fis-sena kurrenti sabiex tonora l-impenji (jew ftehim) legali fuq żmien twil sabiex tonfoq. L-approprijazzjonjiet għall-pagamenti jirrappreżentaw ammonti li jistgħu jiġu minfuqa waqt is-sena kurrenti. Fil-każ ta' nefqa mhux differenzjata' (bħal ħafna min-nefqa agrikola) l-impenji u l-pagamenti fil-baġit huma indaqs u likwidati matul is-sena.

3.2.

Ħafna min-nefqa fuq l-operazzjonijiet strutturali u fuq il-politika interna u esterna tieħu l-forma ta' programmi ġestiti fuq numtru ta' snin (eż. 2000-2006 għall-perijodu kurrenti ta' programmar tal-Fondi Strutturali). Fil-każ tan-nefqa “differenzjata”, l-obligazzjonijiet legali huma riflessi bħala impenji tal-baġit f'somom sħaħ annwali matul il-medda ta' ħajja tal-programmi. Minħabba li l-akbar parti ta' l-impenji tal-baġit ma jiġux likwidati fis-sena li fiha jkunu saru, imma fi snin sussegwenti, dawn jibqgħu bħala “stokk” jew bilanċ ta' impenji tal-baġit pendenti. Għal aktar informazzjoni dettaljata dwar il-baġit ara l- Anness I .

3.3.

L-2005 kienet l-ewwel sena sħiħa ta' Unjoni imkabbra. L-approprijazzjonijiet għall-impenji (116,6 biljun euro) u għall-pagamenti (106,3 biljun euro) kienu rispettivament 6,2 u 4,4 % ogħla minn tal-baġit finali ta' l-2004. Iż-żieda għall-impenji hija proporzjonalment ikbar minħabba illi dawn jistgħu ikopru nefqa għal aktar minn sena waħda (ara l-paragrafu 3.2), waqt li l-approporijazzjonijiet ta' pagamenti huma marbuta mal-kapaċità t'assorbiment. Globalment, l-approprjazzjonijiet ta' impenji u ta' pagamenti baqgħu taħt il-limiti tal-perspettivi finanzjarji b' 3,0 biljun euro u b' 7,9 biljun euro rispettivament.

3.4.

It-tmien baġits ta' emenda vvutati waqt is-sena finanzjarja rriżultaw fi tnaqqis globali ta' 0,6 biljun euro kemm fl-approprijazzjonjijiet għall-impenji u kemm għall-pagamenti, l-aktar fl-agrikoltura u l-operazzjonijiet strutturali.

3.5.

Ir-riżultat ta' l-eżekuzzjoni tal-baġit għall-2005 jidher fid- Dijagrammi III u IV ta' Anness I :

—

rati ta' utilizzazzjoni kemm għall-impenji kif ukoll għall-pagamenti — 99 u 96 % rispettivament — kienu f'livell simili għoli mill-2004 (98 u 95 %);

—

2,7 biljun euro ta' impenji ta' pagamenti mhux użati ma kinux ikkanċellati imma trasferiti mill-2005 għall-2006, livell simili għat-trasferiment mill-2004 għall-2005 (2,8 biljun euro) (2);

—

iż-żejjed tal-baġit (3) għas-sena laħaq it-total ta' 2,4 biljun euro, tnaqqis żgħir meta mqabbel ma' 2,7 biljun euro fl-2004.

3.6.

Approporijazzjonjiet pendenti tal-baġit (4) żdiedu b'9,1 biljun euro, jew 8 %, għal 119 biljun euro (ara Tabella 3.1 ). 94 % taż-żieda kienet relatata ma' l-operazzjonijiet strutturali, b'4 miljun euro għall-programmi ta' l-UE-15, u 3 biljun euro, għall-UE-10. Kważi 3 biljun euro taż-żieda għall-operazzjonijiet strutturali kellha x'taqsam mal-Fond ta' Koeżjoni. Impenji tal-baġit pendenti għan-nefqa differenzjata sħiħa rrappreżentaw 2,4 snin ta' pagamenti bir-rata ta' nefqa kurrenti (2,2 snin fl-2004).

3.6.

Żieda fl-impenji baġitarji pendenti (RAL) relatati ma' operazzjonijiet srutturali fl-UE-10 kienet mistennija billi l-impenji bbaġitjati huma normalment iktar għoljin minn ħlasijiet fl-ewwel snin ta' pprogrammar.

3.7.

Il- Grafika 3.1 turi l-valur ta' l-impenji tal-baġit pendenti fuq in-nefqa differenzjata sa mill-1994, u żieda kostanti kemm f'termini assoluti kif ukoll relativi. Iż-żieda hija dovuta għal:

—

l-effett kumulattiv ta' nfiq baxx bejn l-1999 u l-2003 li rriżulta f'40 biljun euro ta' approporijazzjonijiet ta' pagament li ġew ikkanċellati (5); u

—

baġit li qiegħed jiżdied — parzjalment minħabba t-tkabbir — fejn l-approporijazzjonjiet għall-impenji huma ġeneralment ogħla minn dawk għall-pagamenti.

3.7.

Żieda sinifkanti fil-livell assolut ta’ l-RAL kien mistennija, billi hija konsegwenza normali ta' l-impenn mibdul u r-regolamenti tal-ħlas għall-Fondi Struttuali għall-perjodu 2000-2006.

3.8.

Minħabba n-natura tal-proċess tal-baġit il-bilanċ ta' impenn pendenti tal-baġit ma jirriflettix l-entità sħiħa ta' l-impenji legali tal-Komunitajiet Ewropej (ara l-paragrafu 3.1). Fi tmiem l-2005, 48,4 biljun euro ta' impenji legali baqgħu mhumiex impenjati fil-livell tal-baġit. B'dan il-mod, it-total ta' l-impenji legali pendenti jirrappreżenta 3,4 snin ta' pagamenti. Dan għandu jiġi kkunsidrat fid-dawl ta' l-iskadenzi ta' żmien differenti sabiex isiru l-pagamenti fl-oqsma differenti tal-baġit.

3.8.

L-indikaturi li ntużaw fil-paragrafi 3.8 sat-3.11 għandhom jiġu interpretati bir-reqqa. Il-proporzjon ta’ l-“impenji baġitarji pendenti” relatata ma’ ħlasijiet f’sena partikolari, fiha nnifisha mhix indikatur utli għar-raġunijiet mogħtija mill-Qorti.

3.9.

Il-maġġorparti tal-bilanċ ta' l-impenji pendenti tal-baġit tikkonċerna l-operazzjonijiet strutturali. Fi tmiem l-2005, l-impenji pendenti tal-baġit għall-perijodu ta' programmar ta' l-2000 sa l-2006 tal-Fondi Strutturali kienu 67 biljun euro, li jirrappreżentaw nefqa ta' 2,3 snin bir-rata ta' nefqa ta' l-2005, żieda żgħira fuq l-2004. Impenji legali li għandhom ma ġewx trasformati f'impenji tal-baġit jilħqu t-total ta' 39 biljun euro. Għalhekk, it-total ta' l-impenji legali pendenti tal-baġit għall-perijodu ta' programmar ta' l-2000 sa l-2006 tal-Fondi Strutturali fi tmiem l-2005 kien ta' 106 biljun euro. Dan jirrappreżenta pagamenti ta' 3,6 snin bir-rata ta' nefqa ta' l-2005, meta mqabbel mal-valur ta' kważi ħames snin ta' pagamenti fl-2004. Il-tnaqqis huwa parzjalment minħabba l-livell ogħla ta' pagamenti fl-2005 meta mqabbel ma' l-2004, u b'mod aktar partikolari konsegwenza ġenerali tal-fatt li l-2005 hija sena aktar viċin tat-tmiem taċ-ċiklu tal-pagamenti tal-programm (ara Grafika 3.2 ).

3.10.

L-ammont ta' nefqa li hemm bżonn sabiex jiġu likwidati l-impenji legali pendenti għall-operazzjonijeit strutturali għandu jiġi kkunsidrat fil-kuntest ta' l-iskadenza taż-żmien ta' tmiem l-2008 (6) li għandhom il-benefiċarji sabiex iġarrbu n-nefqa. L-Istati Membri, sabiex jilħqu din l-iskadenza, ser ikollhom iżidu aktar il-livell għoli ta' nfiq kurrenti tagħhom. Dan ser ikun diffiċli li jiġi assigurat minħabba illi l-infiq jonqos lejn it-tmiem taċ-ċiklu ta' programmar minħabba li l-proġetti jiġu ffinalizzati. Barra minn hekk, mill-2007 l-infiq għandu jibda fuq iċ-ċiklu ta' programmar 2007-2013, imma l-bżonn li jiġi kkompletat iċ-ċiklu kurrenti jwassal għar-riskju li jittardja l-bidu u l-implimentazzjoni sussegwenti tal-programmi l-ġodda (7).

3.10.

L-Istati Membri u l-Kummissjoni jafu li hija meħtieġa attenzjoni saibex ikun żgurat li l-bidla bejn iċ-ċikli tkun waħda mingħajr skossi, kemm f'termini li tiġi żgurata l-implimentazzjoni tal-programm, kif ukoll jiġi indirizzat il-volum tax-xogħol żejjed relatat mal-ħolqien ta’ programmi ġodda. Il-Kummissjoni u l-Istati Membri diġà qegħdin iħejju għall-għeluq tal-programmi ta’ bejn is-snin 2000-2006.

3.11.

L-infiq kien inqas milli mistenni għall-Fond ta' Koeżjoni l-aktar minħabba infiq inqas milli pjanat mill-Istati Membri l-ġodda. Baġit ta' emenda naqqas l-approporijazzjonjiet għall-pagamenti b'0,9 biljun euro jew 30 % u l-impenji pendenti tal-baġit żdiedu minn 9,7 biljun euro fl-2004 għal 12,5 biljun euro fi tmiem l-2005. B'riżultat, it-total ta' l-impenji legali pendenti tal-baġit għall-Fond ta' koeżjoni kienu ta' 18,6 biljun euro li jirrappreżenta 8,5 snin ta' pagamenti bir-rata ta' nefqa ta' l-2005. Madanakollu, b'kuntrast mal-Fondi Strutturali, m'hemm l-ebda skadenza ta' żmien ġenerali legali sa liema l-pagamenti jkunu jridu jsiru.

3.11.

It-Tkabbir f’Mejju ta’ l-2004 ġab miegħu żieda sinifikanti fl-istokk totali ta’ impenji legali pendenti, filwaqt li l-impatt tal-programmi ġodda dwar ħlasijiet huwa bi ħtieġa limitat fil-bidu tal-programmi.

3.12.

Ir-regola tas-sena n + 2 tapplika għall-Fondi Strutturali u tipprovdi għall-kanċellazzjoni ta' l-impenji meta ma jsir l-ebda klejm ta' pagament fi żmien is-sentejn mis-sena meta l-impenn ikun sar u għandha l-iskop sabiex tipprevjeni l-akkumulazzjoni ta' impenji pendenti tal-baġit (9). Fl-2005, 286 miljun euro biss ta' impenji pendenti tal-baġit kienu kkanċellati wara l-applikazzjoni tar-regola n + 2. Dan kien ftit ogħla mill-2004 (245 miljun euro) imma xorta rrappreżenta biss 0,9 % tal-porzjonijiet ta' impenji li għandhom iktar minn sentejn u li għalhekk huma potenzjalment soġġetti għal kanċellazzjoni (u 0,4 % tal-bilanċ totali ta' impenji pendenti tal-baġit).

3.12.

Il-ħlasijiet fuq il-kont magħmulin fil-bidu tal-perjodu ta’ l-ipprogrammar, li rrappreżentaw 7 % ta’ l-allokazzjoni totali bejn is-snin 2000-2006 ta’ l-UE 15-2006 ta’ kull programm, jipprovdu ħarsien relattivament fit-tul kontra d-diżimpenji ta’ l-n + 2 hekk kif il-ħlasijiet bil-quddiem inaqqsu l-livell ta’ rifużjonijiet meħtieġa biex ikunu evitati d-diżimpenji awtomatiċi.

3.13.

Fil-prattika r-regola tas-sena n + 2 tista' tħeġġeġ lill-Istati Membri sabiex jikklejmjaw hekk kif ikunu wettqu l-pagamenti relatati mal-benefiċarji finali minflok meta n-nefqa tkun verament ġiet imġarrab minn dawn il-benefiċarji. Ir-riskju huwa illi l-Istati Membri iressqu klejms ta' nefqa ineliġibbli jew antiċipata (minflok dik reali) sabiex jipprevjenu l-kanċellamenti. Prattiċi bħal dawn jistgħu inaqqsu l-effettività tas-sena n + 2.

3.13.

Il-Kummissjoni hi konxja tar-riskju u tagħmel kontrolli għall-abbużi meta twettaq il-verifiki tagħha nnifisha.

3.14.

Il-parti l-kbira tal-kanċellamenti taħt ir-regola tas-sena n + 2 għandhom x'jaqsmu mal-Fond Soċjali Ewropew. Barra minn hekk, fil-prattika impenji ġodda mir-riserva ta' l-eżekuzzjoni (10) kienu — bħal fl-2004 — f'ċerti każijiet allokati lill-programmi minn liema impenji ġew kanċellati, biex b'dan il-mod l-effett tal-proċedura ġie parzjalment imċaħħad (11).

3.14.

Billi d-dispożizzjonijiet ma jistgħux jiġu mċaqalqa minn Għan għal-ieħor (l-ammonti stabbiliti fil-Kunsill Ewropew ta’ Berlin fl-1999 u fir-Regolament tal-Fondi Strutturali), il-kompetizzjoni għar-Riżerva għat-Twettiq hija limitata għal programmi ta’ Stat Membru wieħed f’ Għan wieħed.

3.15.

Ir-rata għolja ta' nfiq fl-2005 u l-ġestjoni attiva tal-baġit bnew fuq l-eżekuzzjoni mtejba tal-baġit ta' l-2004. B'mod partikolari l-programmi ta' nefqa kbar komplew fuq il-livelli mistennija, għalkemm ġew affaċċjati diffikultajiet ta' assorbiment fl-UE-10, partikolarment fil-Fond ta' Koeżjoni. Minkejja r-rata għolja ta' nefqa, impenji tal-baġits pendenti żdiedu bi 8 % għall-ogħla ċifra ta' kull żmien ta' 119 biljun euro, jew il-valur ta' 2,4 snin ta' nefqa.

3.15.

Hija mistennija xi żieda fl-impenji baġitarji pendenti minħabba ż-żieda tal-baġit ta' impenji ddifferenzjati għal programmi multi-annwali li tirrefletti t-tkabbir.

3.16.

Għall-Fondi Strutturali (li jirrappreżentaw il-proporzjon prinċipali tan-nefqa amministrattiva u ta' l-impenji pendenti) il-livell għoli ta' nefqa jrid jiżdied iktar sabiex jiġi assigurat illi l-iskadenza għall-benefiċariji sabiex iġarrbu n-nefqa (tmiem l-2008) tintlaħaq għall-programmi 2000-2006. Dan ser ikun partikolarment diffiċli minħabba li l-infiq għandu tendenza li jonqos lejn tmiem il-programmi. Hemm, għalhekk, riskju illi l-għeluq sussegwenti tal-programmi kurrenti ser idewwem il-bidu u l-implimetnazzjoni tal-programmi 2007-2013 bħal fil-passat.

3.16.

In-nefqa mhux bilfors tonqos fl-aħħar snin tal-perjodu tal-prgramm attwali. Ix-xiehda disponibbli dwar ix-xejriet ta' twettiq tal-programmi tal-perjodu ta’ iprogrammar attwali mhix turi xi tnaqqis sinifikanti. L-Istati Membri u l-Kummissjoni jafu li hija meħtieġa attenzjoni sabiex ikun żgurat li l-bidla bejn iċ-ċikli tkun waħda mingħajr skossi, kemm f'termini li tiġi żgurata l-implimentazzjoni tal-programm, kif ukoll sabiex jiġi indirizzat il-volum tax-xogħol żejjed relatat mal-ħolqien ta’ programmi ġodda. Il-Kummissjoni u l-Istati Membri diġà qegħdin iħejju għall-għeluq tal-programmi ta’ bejn is-snin 2000-2006.

3.17.

Ġestjoni tal-baġit effettiva titlob baġit realistiku u appropjat li jieħu kont tal-profili mistennija tal-pagamenti, partikolarment il-kapaċità ta' l-assorbiment ta' l-Istati Membri u ta' l-Istati benefiċarji. Dan ma kienx il-każ għall-ewwel tliet snin tal-perijodu kurrenti ta' programmazzjoni. Impenji fuq programmi ta' nefqa prinċipali jiġu magħmula f'porzjonijiet indaqs li ma jirriflettux iż-żmien jew il-profil tal-pagamenti. Il-livell baxx ta' nfiq fil-bidu tal-programmi rriżulta f'akkumulazzjoni ta' impenji pendenti tal-baġit, u l-impenji jiġu biss likwidati diversi snin wara li jkunu saru.

3.17.

L-2005 kienet sena tajba ħafna f’termini ta’ twettiq tal-ħlas tad-dispożizzjonijiet disponibbli, li parzjalment jirrefletti bbaġitjar realistiku u xieraq.

3.18.

Din is-sitwazzjoni hija kkawżata minn baġits annwali ta' impenji u ta' pagamenti. Il-Kummissjoni bbażat dan fuq l-aspettativa illi meta ċ-ċikli tal-programmi jidħlu wieħed fuq l-ieħor id-domanda iktar baxxa għall-pagamenti fil-bidu tal-perijodu l-ġdid ser tiġi kompensata b'pagamenti mit-tmiem tal-perijodu l-antik (12). Meta dan ma jkunx il-każ (bħall-2000-2003) ikun hemm nuqqas ta' nfiq konsiderevoli. B'riżultat, hemm ir-riskju illi livelli sinifikanti ta' nfiq ser ikomplu għal ħafna żmien lil hinn mill-perijodu tal-perspettiva finanzjarja 2000-2006.

3.18.

Il-baġits tal-Kummissjoni huma bbażati fuq analiżi fid-dettal tal-ħtiġijiet ta’ kull perjodu ta’ pprogrammar.

3.19.

Għall-Fondi Strutturali, ir-regola tas-sena n + 2 rriżultat fi ftit kanċellazzjonijiet ta' pagamenti sa llum. L-effettvità tagħha bħala għodda tal-ġestjoni tal-baġit tista' tiġi kompromessa jekk l-Istati Membri jagħmlu klejms ibbażati fuq pagamenti ineliġibbli jew antiċipati sabiex jipprevjenu illi l-impenji jiġu kkanċellati.

3.19.

Il-livell ta’ diżimpenji mhux minnu nnifsu indikatur xieraq ta' l-effettività tar-regolament n + 2, preċiżament minħabba li r-regola taffettwa l-promozzjoni tat-twettiq tal-baġit.

3.20.

Il-Qorti tirrakkomanda illi l-Kummissjoni tagħmel analiżi bir-reqqa tal-kompletament li ġej tal-programmi ta' nefqa ta' l-operazzjonijiet strutturali kurrenti u l-effett li dan ser ikollu fuq dawk li ġejjin. Barra minn hekk, il-Kummissjoni ser ikollha tassigura għall-Fondi Strutturali l-applikazzjoni effettiva tar-regola tas-sena n + 2 bil-konsegwenza illi hija ser ikollha tikkanċella valur sinifkanti ta' impenji tal-baġit sakemm l-Istati Membri ma jirnexxilhomx iżidu r-rata ta' l-infiq eliġibbli aktar.

3.20.

Il-Kummissjoni taqbel mar-rakkomandazzjoni.

3.21.

Għall-perjodu ta' programmar 2007 sa 2013, il-Kummisjsoni għandha:

—

tassigura illi l-programmi jiġu adottati malajr u jkunu bbażati fuq suppożizzjonijiet raġonevoli;

—

tirrevedi b'mod kritiku t-tbassir tal-pagamenti ta' l-Istati Membri; u

—

tassigura illi l-ibbaġitjar annwali fuq it-tul tal-perijodu jkun konsistenti mas-suppożizzjonjiet realistiċi dwar ir-rata ta' nfiq.

3.21.

Il-Kummissjoni taqbel mar-rakkomandazzjoni.

4.1.

Id-dħul fil-baġit ta' l-Unjoni Ewropea huwa magħmul minn riżorsi proprji u dħul ieħor. Kif jidher mit- Tabella 4.1 , il- Grafika 4.1 u l- Grafika 4.2 , ir-riżorsi proprji huma bil-bosta s-sors prinċipali tal-finanzjament tan-nefqa tal-baġit (94,3 %).

4.2.

Hemm tliet kategoriji ta' riżorsi proprji: riżorsi proprji tradizzjonali (2) (dazji doganali, dazji agrikoli u t-taxxi fuq iz-zokkor) (13,3 %), riżorsi proprji kkalkolati fuq il-bażi tat-taxxa fuq il-valur miżjud (VAT) miġbura mill-Istati Membri (14,9 %), u riżorsi proprji miksuba mid-dħul gross nazzjonali (GNI) (3) ta' l-Istati Membri (66,1 %).

4.3.

Ir-riskji prinċipali fir-rigward tal-ġbir tar-riżorsi proprji tradizzjonali huma l-evażjoni tad-dazju minn dawk li jħallsu t-taxxa, jekk hux minħabba f'rappreżentazzjoni ħażina jew sempliċement kontrabandu, kalkoli ħżiena jew nuqqas li jiġi stabbilit id-dazju minħabba żbalji li ma ġewx individwati jew nuqqasijiet fis-sistemi ta' l-awtoritajiet doganali; u żbalji jew ommissjonijiet fil-kontijiet ta' l-Istati Membri għad-dazju stabbilit.

4.4.

Il-verifika tal-Qorti tal-kontijiet ma tistax tkopri importazzjonijiet li ma ġewx iddikjarati u lanqas dawk li evitaw is-sorveljanza doganali. Madanakollu, ix-xogħol tal-verifika tagħha inkluda evalwazzjoni tas-sistemi tas-sorveljanza u kontroll, kemm fil-Kummissjoni kif ukoll fl-Istati Membri, biex tevalwa jekk dawn tawx assigurazzjoni raġonevoli tal-kompletezza. Hija kienet tikkonsisti f'reviżjoni ta' l-organizzazzjoni tas-sorveljanza doganali u tas-sistemi nazzjonali responsabbli għar-riżorsi proprji tradizzjonali fi tmien Stati Membri (4) (ara l-paragrafu 4.22); f'eżaminazzjoni ta' l-effettività ta' l-arranġamenti ta' assistenza reċiproka (paragrafi 4.10-4.12); f'eżaminazzjoni tal-kontijiet tal-Kummissjoni għar-riżorsi proprji tradizzjonali; u analiżi tad-dħul tal-flus mid-dazji sabiex tingħata assigurazzjoni raġonevoli li l-ammonti rreġistrati huma kompleti u korretti.

4.5.

Ir-riżorsi proprji tal-VAT u l-GNI jirriflettu statistiċi makro-ekonomiċi li d-dejta ta' bażi tagħhom ma tistax tiġi vverifikata direttament. Għal din ir-raġuni, il-verifika tal-VAT/GNI ħadet bħala l-punt ta' tluq tagħha, l-fatt li l-Kummissjoni rċeviet l-ammonti makro-ekonomiċi kollha ppreparati mill-Istati Membri (jew bħala previżjonijiet jew bħala figuri finali) u fittxet li tevalwa s-sistema tal-Kummissjoni fl-użu tad-dejta sakemm din tiġi inkluża fil-kontijiet finali. Il-verifika għalhekk kienet tinkludi t-twaqqif tal-baġit annwali u l-implimentazzjoni tiegħu fir-rigward tal-pagamenti mill-Istati Membri. Barra dan, il-Qorti kompliet l-analiżi tagħha tas-sistemi ta' sorveljanza u kontroll fir-rigward tal-kumpilazzjoni tal-kontijiet nazzjonali fl-Uffiċċji ta' l-Istatistika fl-Istati Membri.

4.6.

Żbalji żgħar instabu fid-dikjarazzjonijiet doganali (it-tranżazzjonijiet ta' bażi għal riżorsi proprji tradizzjonali) imma dawn m'għandhom ebda effett materjali fuq il-kontijiet. Madanakollu, ċerti tranżazzjonijiet ta' riżorsi proprji tradizzjonali, li kellhom ikunu disponibbli għall-Kummissjoni mingħajr dewmien kienu inkorrettement miżmuma u mdaħħla f'kontijiet separati (il-kontijiet B).

4.6.

Il-Kummissjoni tobbliga lill-Istati Membri li jħallsu l-interessi għal kull dewmien li jiġi skopert sakemm ir-riżorsi proprji jitpoġġew għad-dispożizzjoni.

4.7.

Bħal fis-snin ta' qabel, il-verifika tal-Qorti u l-ispezzjonijiet tal-Kummissjoni (ara l-paragrafu 4.9) sabu problemi sistematiċi fil-kontijiet B f'numru ta' Stati Membri (5). Xi żbalji huma relatati mal-kundizzjonijiet biex jiġu mdaħħla fil-kontijiet. Fl-Istati Membri li l-kontijiet B tagħhom jirrappreżentaw 34 % tal-bilanċ, djun doganali li huma parzjalment assigurati minkejja dan huma mdaħħla bħala ammont sħiħ fil-kontijiet B, li jwassal għal dewmien biex il-parti assigurata ssir disponibbli għall-Kummissjoni. Żbalji oħra jseħħu minħabba li l-Istati Membri m'adattawx is-sistemi tal-kontabilità tagħhom sabiex jirreġistraw b'mod akkurat l-appell jew l-irkuprar, jew minħabba li hemm kontroll intern insuffiċjenti fil-kumpilazzjoni tar-rapporti. Riżultat ta' din il-problema, 22,7 miljun euro ta' dazji potenzjali jibqgħu jiġu diskussi bejn il-Kummissjoni u l-Ġermanja.

4.7.

Il-Kummissjoni taqbel mal-konklużjonijiet tal-Qorti. Il-prattika li jiġu inklużi ammonti mhux ikkontestati fil-kont B minħabba li l-garanzija miżmuma tista’ ma tkunx biżżejjed mhix korretta. Dan imur ukoll kontra l-parir li l-Kummissjoni tat lill-Istati Membri. Il-Kummissjoni se tieħu l-miżuri xierqa kollha inklużi proċeduri ta’ ksur kontra din il-prattika inkorretta.

4.8.

Il-verifika tal-Qorti ma kixfet l-ebda irregolaritajiet materjali rigward il-pagamenti tar-riżorsi proprji tal-VAT u l-GNI mill-Istati Membri.

4.9.

Il-Qorti rrevediet l-ispezzjonijiet imwettqa mill-Kummissjoni (6) u ħadet kont tar-riżultati. Bħal fis-snin ta' qabel, instab li l-metodoloġija tal-Kummissjoni u d-dokumentazzjoni kienu bbażati fuq is-sod u kienu tajba. L-ispezzjonijiet sabu li s-sistemi għall-ġbir tar-riżorsi tradizzjonali kienu ġeneralment sodisfaċenti, imma kkonfermaw nuqqasijiet kontinwi fil-kredibilità tal-kontijiet B f'xi Stati Membri (ara l-paragrafu 4.7).

4.10.

Aspett importanti tas-sistemi ta' sorveljanza u kontroll huwa l-koordinazzjoni ta' l-azzjoni bejn l-Istati Membri u l-Kummissjoni biex tipproteġi l-interessi finanzjarji tal-Komunità kontra l-frodi u l-irregolaritajiet (7). Nuqqasijiet f'dawn is-sistemi kieku jpoġġu l-kompletezza tal-ġbir tad-dazji fir-riskju. Dispożizzjonijiet speċifiċi dwar l-assistenza reċiproka fis-setturi tad-dwana u l-agrikoltura huma mniżżla fir-Regolament tal-Kunsill (KE) Nru 515/97 (8). L-Uffiċċju Ewropew Kontra l-Frodi (OLAF) jagħti s-sostenn tal-Kummissjoni għal din il-ħidma koperattiva.

4.11.

Għad fadal inkonsistenzi fir-rrappurtar ta' l-Istati Membri tal-każijiet ta' l-assistenza reċiproka, u dewmien twil, xi kultant ta' aktar minn ħames snin, fil-fażi ta' investigazzjoni amministrattiva li jistgħu jirriżultaw f'telf ta' dħul billi l-preskrizzjoni ġeneralment tapplika wara tliet snin. Din is-sejba hija konsistenti ma' l-osservazzjoni fil-verifika reċenti tal-Qorti dwar it-tmexxija ta' l-OLAF (9), li ma kien hemm ebda regoli għall-monitoraġġ konsistenti tal-progress dwar il-każijiet ta' l-assistenza reċiproka fl-Istati Membri.

4.11.

Il-fażi ta’ l-investigazzjonijiet tista' tkun kumplessa u tista' tieħu wkoll fit-tul. Fejn l-Istati Membri jinstabu li damu biex jippreżentaw evidenza dwar irregolarità u għalhekk jintilef id-dħul, il-Kummissjoni talbet lil dawn il-pajjiżi sabiex iħallsu għad-dazji mitlufa flimkien ma' l-interessi għad-dewmien li jkun hemm sabiex dawn jitpoġġew għad-dispożizzjoni.

4.12.

Id-Direttorat Ġenerali għat-Taxxa u l-Unjoni Doganali (DĠ TAXUD) reċentement introduċa sistema ta' RIF (Formola ta' Informazzjoni dwar ir-Riskju) għat-tpartit ta' informazzjoni relatata mar-riskju u l-kontroll bejn is-servizzi doganali ta' l-Istati Membri. 90 % tad-data fields tar-RIF huma wkoll dwar il-komunikazzjoni standard ta' l-assistenza reċiproka, u l-informazzjoni miksuba minn dawn iż-żewġ sistemi f'bosta każijiet hija wżata mill-istess servizzi fl-Istati Membri, inklużi s-servizzi ta' investigazzjoni/intelliġenza u kontroll. Anke jekk riskju potenzjali ġie rrapurtat bl-użu ta' RIF, ir-regolament jeħtieġ messaġġ parallelu lill-OLAF bl-użu tal-proċedura ta' assistenza reċiproka fil-każi ta' ksur tal-liġi doganali.

4.12.

Ir-Regolament tal-Kunsill 648/2005 introduċa obbligu ġenerali għal qafas ta’ ġestjoni tal-Komunità għar-Riskju tad-Dwana. L-iskambju RIF huwa parti integrali mill-qafas u l-esperjenza tal-Kummissjoni hija li l-informazzjoni ta’ l-RIF fil-preżent qed twettaq l-għan ewlieni li tilħaq firxa aktar wiesgħa ta’ uffiċjali li jinsabu involuti fil-ħidma ta’ kuljum ta’ kontroll.

4.13.

Il-Kummissjoni rnexxilha żżomm il-frekwenza u l-kwalità ta' l-ispezzjonijiet tagħha fuq il-post matul is-sena finanzjarja 2005 fl-Unjoni Ewropea mkabbra.

4.14.

In-numru ta' riservi (10) importanti fir-rigward tad-dikjarazzjonijiet tal-VAT ta' l-Istati Membri jibqa' għoli. B'37 riserva mneħħija u 41 riserva ġodda imwaqqfa, in-numru żdied għal 111 fl-aħħar ta' l-2005 u l-analiżi dettaljata ta' dan skond l-Istati Membri kkonċernati hija mogħtija f'Tabella 4.2 . L-impatt finanzjarju tagħhom ma kienx stmat mill-Kummissjoni.

4.14.

Il-Kummissjoni tagħmel riżervi fejn ma taqbilx maċ-ċifri jew il-metodi ta' l-Istati Membri, jew fejn tkun teħtieġ evidenza sabiex tiġġustifika ċ-ċifri jew il-metodi użati, jew fejn l-Istati Membri ma jippreżentawx ċifri. Għal dawn ir-raġunijiet, l-impatt finanzjarju tagħhom rari jkun stmat bi preċiżjoni. Minbarra dan, il-Kummissjoni ma tkunx trid li din l-istima tiskoraġġixxi lill-Istati Membri milli jwettqu l-ħidma xi kultant diffiċli tal-produzzjoni ta’ data preċiża u metodi xierqa ta’ kkalkular. Madankollu, il-Kummissjoni ser terġa’ teżamina din il-kwistjoni.

4.15.

Il-Qorti tinnota li t-tneħħija ta' riżerva tiddependi l-aktar fuq li azzjoni adegwata tkun meħuda mill-Istat Membru kkonċernat. Għal ċerti riservi proċedura ta' ksur tista' tkun mibdija fil-Qorti Ewropea tal-Ġustizzja. Barra dan fil-preżent m'hemm ebda strument effettiv biex jiżgura li l-Istati Membri jiprovdu informazzjoni adegwata fi skadenzi definiti b'mod ċar, li jagħmluha possibbli għall-Kummissjoni biex tiddeċiedi fuq it-tneħħija ta' riservi importanti f'perijodi ta' żmien raġjonevoli.

4.15.

Ir-riżervi huma mezz sabiex elementi mhux sodi f’dikjarazzjonijiet tal-VAT jinżammu miftuħa għall-korrezzjonijiet wara l-limitu ta’ erba’ snin. Il-Kummissjoni tqis li f’dawk il-każijiet fejn l-Istati Membri japplikaw jew il-leġiżlazzjoni tal-VAT jew dik tar-riżorsi proprji b'mod inkorrett, il-proċedura tal-ksur tista' tipprovdi rimedju. Għal każijiet oħra, il-Kummissjoni teżamina jekk ikunx possibbli u opportun li jiġi introdott, pereżempju fir-Regolament tal-Kunsill 1553/89, strument tat-tip issuġġerit mill-Qorti.

4.16.

Fir-rigward tar-riżors proprju tal-GNI, għad hemm verifika insuffiċjenti mill-Kummissjoni tal-Kontijiet Nazzjonali li huma l-bażi għall-figuri mressqa fil-kwestjonarji tal-GNI (12). Matul l-2005 spezzjonijiet tal-Kummissjoni bħala parti mis-sistemi ta' sorveljanza u kontroll kienu limitati għal desk checks  (13) fir-rigward tal-kwalità u l-konsistenza ta' dejta fil-kwestjonarji annwali tal-GNI preżentati mill-Istati Membri.

4.16.

Fil-Ħarifa, il-Kummissjoni tivverifika l-kwestjonarji annwali tad-DGN, bl-użu ta’ l-istess lista ta’ kontroll standardizzata għall-Istati Membri kollha u tieħu b’mod estensiv mill-għarfien ta’ l-esperti tal-Kummissjoni dwar il-prattiki tal-pajjiżi, u titlob informazzjoni addizzjonali milll-Istati Membri, jekk ikun meħtieġ. Il-kwestjonarji tad-DGN huma ppreżentati lill-Kumitat tal-GNI sabiex jiġu studjati. Din il-metodoloġija tagħmel id-data adegwata għall-użu proviżorju fil-kalkoli tal-baġit, filwaqt li tagħti każ tar-riżervi eżistenti għall-Istati Membri.

4.17.

Fir-Rapport Annwali tagħha għas-sena finanzjarja 2004 (14) il-Qorti ġibdet l-attenzjoni lejn xi nuqqasijiet fir-rapporti tal-kwalità preżentati mill-Istati Membri. Reviżjoni tar-rapporti tal-kwalità preżentati fl-2005 wriet li bosta minn dawn in-nuqqasijiet kienu ġew indirizzati. Madanakollu, għad m'hemmx rappurtar dwar ir-riżultati ta' investigazzjonijiet mmexxija mill-Istati Membri dwar il-kwalità tal-GNI u l-komponenti tiegħu.

4.17.

Il-Kummissjoni ħeġġet lill-Istati Membri sabiex jintensifikaw l-isforzi tagħhom sabiex jirrapurtaw ir-riżultati ta’ l-investigazzjonijiet tagħhom dwar il-kwalità tal-GNI (ara r-risposta għal 4.30(c)).

4.18.

Fl-aħħar tas-sena finanzjarja 2005 kien hemm 63 riservi speċifiċi importanti (15) b'kollox (il-biċċa l-kbira għas-snin 1995-2001), b'firxa mhux ugwali bejn il-15-il Stat Membru, kemm fir-rigward tan-numru ta' riservi u l-azzjoni mittieħda biex jiġu mneħħija, ara t- Tabella 4.3 .

4.19.

Il-Kummissjoni ser ikollha twaqqaf riserva oħra applikabbli għall-15-il Stat Membru ta' l-UE kollha fir-rigward ta' l-inklużjoni ta' attivitajiet illegali fil-GNI, biex jistgħu jsiru aġġustamenti fl-aggregati kkonċernati, li jmorru lura sas-sena 2002 (18).

4.19.

Il-Kummissjoni nnotifikat riżerva li tkopri l-attivitajiet illegali lill-Istati Membri kollha f’Lulju ta’ l-2006.

4.20.

Sa mill-2005 regoli ġodda dwar l-allokazzjoni tal-FISIM fis-sistema Ewropea ta' kontijiet nazzjonali u reġjonali (ESA 95) japplikaw (19). L-objettiv huwa li jinkisbu paraguni intra-Komunitarji aktar akkurati tal-livelli tal-GNI ta' l-Istati Membri. Skond il-Eurostat (20), l-applikazzjoni ta' dawn ir-regoli ġodda kieku tirriżulta f'żieda sinifikanti tal-GNI li jvarja bejn l-Istati Membri u s-snin, imma huwa bejn 0,5 u 2 %.

4.21.

Fil-każi fejn modifikazzjonijiet lill-ESA 95 jirriżultaw f'bidliet sinifikanti fil-GNI, il-Kunsill huwa meħtieġ li jiddeċiedi jekk dawn il-modifikazzjonijiet japplikawx għall-iskop ta' riżorsi tagħhom fuq il-bażi ta' proposta mill-Kummissjoni (21). Għalkemm id-deċiżjoni li tistabilixxi regoli ġodda għall-allokazzjoni tal-FISIM fl-ESA 95 diġà kienet ġiet meħuda fl-2002, il-Kummissjoni għada ma preżentatx ebda proposta għall-allokazzjoni tal-FISIM għall-fini tar-riżorsi proprji. Tali allokazzjoni jkollha impatt fuq l-inċidenza tal-piż finanzjarju fuq l-Istati Membri.

4.21.

Bidliet statistiċi adottati mill-UE sabiex tittejjeb il-metodoloġija ta’ l-ESA u jinkiseb tqabbil aktar preċiż ta' l-attività ekonomika bejn l-Istati Membri għandhom japplikaw ukoll għall-ħlasijiet tar-riżorsi proprji, ladarba l-bidliet miftiehma jkunu applikati b’mod uniformi madwar l-Istati Membri. Għalhekk, il-Kummissjoni se tippreżenta proposta li tinkludi l-FISIM allokat għar-riżorsi proprji tal-GNI meta tikkunsidra li l-Istati Membri kollha jkunu jistgħu jimplimentaw dan l-aġġustament b'mod uniformi.

4.22.

Is-sistemi tas-sorveljanza doganali u tal-kontabilità tar-riżorsi proprji tradizzjonali ġeneralment instabu li kienu qed jaħdmu b'mod korrett. Iżda, eżaminazzjoni tat-transitu Komunitarju wriet li bosta Stati Membri (22) ma kellhomx sistemi effettivi biex jibdew inkjesti fil-ħin meta kien hemm dubju dwar il-wasla tal-kunsinni, u kien hemm ukoll dewmien konsiderevoli fi stadju aktar tard tal-proċeduri ta' l-inkjesti u l-irkuprar. B'riżultat ta' dan id-dazji frekwentememt kienu miġbura tard f'tali każijiet. F'bosta Stati Membri (23) il-kontrolli doganali tal-merkanzija maħżuna temporarjament (24) ma kinux biżżejjed biex jiżguraw li l-limiti taż-żmien u regoli oħra fil-Kodiċi Doganali tal-Komunità kienu osservati. Fi Stat Membru (25) l-intervalli bejn il-verifiki doganali ta' l-operaturi ekonomiċi setgħu bħala rutina jeċċedu it-tliet snin, u b'hekk ipoġġu r-riżorsi proprji tradizzjonali fir-riskju minħabba t-terminu ta' preskrizzjoni.