4.8.2006

Il-Ġurnal Uffiċjali ta’ l-Unjoni Ewropea

C NaN/1

DĠ SAĦĦA U ĦARSIEN TAL-KONSUMATUR

Pubblikazzjoni ta' post vakanti għall-kariga ta' Direttur (grad AD14) (Artikolu 29(2) tar-Regolamenti ta' l-Istaff)

COM/2006/10029

(2006/C 182 A/01)

Min aħna:

Id-Direttorat Ġenerali għas-Saħħa u l-Ħarsien tal-Konsumatur (DĠ SANCO). Fil-kuntest ta' l-għanijiet ġenerali tal-Kummissjoni, l-iskop tagħna huwa li nagħtu s-setgħa lill-konsumatur, inħarsu u ntejbu s-saħħa tal-bniedem, niżguraw li l-ikel ikun sikur u bnin, inħarsu s-saħħa ta' l-annimali u l-pjanti, kif ukoll nippromwovu t-trattament tajjeb ta' l-annimali.

Qed infittxu

kandidati li għandhom għarfien tajjeb u esperjenza fi kwistjonijiet fil-qasam tas-saħħa u l-benessri ta' l-annimali, inkluż l-aspett internazzjonali tagħhom, kif ukoll kapaċitajiet ta' ġestjoni tajbin ħafna sabiex jiġu żgurati ippjanar u amministrazzjoni effettivi ta' l-attivitajiet u r-riżorsi tad-Direttorat. Għaldaqstant, il-kanididati għandu jkollhom il-profil segwenti:

—	Kapaċitajiet ta' ġestjoni u organizzazzjoni ppruvati, b'mod partikolari l-abbiltà li jmexxu, jimmotivaw u jiżviluppaw tim ta' professjonisti kwalifikati.

—

Għarfien tajjeb u konoxxenza eċċellenti ta' l-attivitajiet relatati mas-sigurtà ta' l-ikel b'mod ġenerali u partikolarment fi kwistjonijiet ta' saħħa u benessri ta' l-annimali, inkluż il-ġestjoni tat-tixrid ta' mard ta' l-annimali li potenzjalment iwassal għal sitwazzjonijiet ta' kriżi ta' epidemija madwar l-UE.

—	Abbiltà li jaħdmu taħt pressjoni;

—	Esperjenza kbira u soda fil-ġestjoni u s-sorveljanza ta' attivitajiet fi kwistjonijiet ta' saħħa u benessri ta' l-annimali u l-valutazzjonijiet tar-riskju relatati;

—	il-kapaċità li jittrattaw l-aspetti tekniċi tas-saħħa u l-benessri ta' l-annimali u jkun meħtieġ li joperaw b'mod effettiv f'qasam xjentifiku;

—	Għarfien tajjeb tar-relazzjonijiet internazzjonali ta' l-Unjoni Ewropea fil-qasam tas-sigurtà ta' l-ikel u b'mod partikolari ma' l-entitajiet li jistabbilixxu l-istandards internazzjonali;

—	L-abbiltà li jintegraw viżjoni ta' sigurtà ta' l-ikel ma' linji ta' politika oħrajn tad-DĠ, l-aktar is-saħħa pubblika u kwistjonijiet li għandhom x'jaqsmu mal-konsumatur;

—	Kapaċitajiet kbar ta' komunikazzjoni u persważjoni biex jippromwovu l-approċċ tal-Kummissjoni lejn is-saħħa ta' l-annimali u s-sigurtà ta' l-ikel;

—	Abbiltà kbira li jinnegozjaw fuq livell għoli ma' l-Istati Membri, pajjiżi terzi u organizzazzjonijiet internazzjonali;

—	Għarfien dwar il-proċeduri ta' komitoloġija jkun ta' vantaġġ.

L-applikanti għandhom:

—	ikollhom grad universitarju li jagħti aċċess għal studji li jwasslu għal dottorat;

—

ikollhom mill-inqas 15-il sena esperjenza professjonali post-universitarja f'livell li l-kwalifiki msemmija hawn fuq jagħtu aċċess għalih, preferibbilment fix-xjenzi veterinarji jew tal-ħajja (mill-inqas ħames snin minn din l-esperjenza professjonali trid tkun inkisbet f'livell għoli ta' maniġment);

—	ikollhom għarfien sħiħ ta' waħda mil-lingwi uffiċjali ta' l-Unjoni Ewropea u għarfien adegwat ta' lingwa uffiċjali oħra;

—	ikunu ċittadini ta' Stat Membru ta' l-Unjoni Ewropea.

Il-kandidati għandhom ikunu mgħarrfa li l-proċeduri ta' l-għażla ser isiru bl-Ingliż, bil-Franċiż u bil-Ġermaniż biss. Il-kandidati għandhom jindikaw id-daqs (numru ta' staff) u n-natura tad-dipartimenti li jkunu mexxew preċedentement.

Deskrizzjoni sħiħa ta' l-impjieg, il-kriterji ta' l-għażla u d-dettalji ta' l-applikazzjoni jinsabu fil-websajt

http://ec.europa.eu/dgs/personnel_administration/working_senior_mgt_en.htm

Ħatra u kundizzjonijiet ta' l-impjieg

Id-Direttur jintgħażel u jinħatar mill-Kummissjoni skond il-proċeduri ta' għażla u reklutaġġ tagħha.

Is-salarju u l-kundizzjonijiet ta' l-impjieg huma dawk stipulati fir-Regolamenti ta' l-Istaff għal uffiċjali tal-Komunitajiet Ewropej fil-grad AD14.

Link għall-applikazzjoni online:

http://ec.europa.eu/dgs/personnel_administration/seniormanagementvacancies/index_en.html

Jekk tiltaqa' ma' problemi tekniċi, jekk jogħġbok ibgħat email lil:

ADMIN-MANAGEMENT-ONLINE@ec.europa.eu.

Id-data ta' l-għeluq għar-reġistrazzjoni hija l-14 ta' Settembru 2006. Ir-reġistrazzjoni online mhux ser tkun possibbli wara 12.00 p.m. (nofsinhar) ħin ta' Brussell.

		ISSN 1725-5015
Il-Ġurnal Uffiċjali ta’ l-Unjoni Ewropea		C NaN

Edizzjoni bil-Malti	Informazzjoni u Avviżi	Volum 49 4 ta' Awwissu 2006

Avviż Nru	Werrej	Paġna
	III Avviżi
	Il-Kummissjoni
2006/C /1	DĠ saħħa u ħarsien tal-konsumatur – Pubblikazzjoni ta' post vakanti għall-kariga ta' Direttur (grad AD14) (Artikolu 29(2) tar-Regolamenti ta' l-Istaff) – COM/2006/10029	1


	(1) Din il-Ħarġa Speċjali bil-Malti hija ppubblikata bil-lingwi uffiċjali ta' l-istituzzjonijiet ta' l-Unjoni Ewropea fil-ĠU C 182 A.