—

id-data tal-kontabilità mibgħuta mill-Qorti Ewropea ta’ l-Awdituri lill-Kummissjoni għall-iskop ta’ l-abbozzar tal-kont ta’ dħul u nfiq u l-karta tal-bilanċ tal-Kommunitajiet Ewropej għas-sena finanzjarja 2004;

—

id-dikjarazzjonijiet finanzjarji sal-31 ta’ Deċembru 2004 tal-Qorti Ewropea ta’ l-Awdituri, li kienu mfassla fuq il-bażi ta’ l-istess data tal-kontijiet u ppreparati għall-iskop ta’ pubblikazzjoni fil-Ġurnal Uffiċjali tal-Kommunitajiet Ewropej.

—

li għandhom viżjoni ċara ta’ safejn qed jintlaħqu l-oġġettivi operazzjonali,

—

li l-bażi li fuqhom huma stabbiliti d-dikjarazzjonijiet finanzjarji huma serji biżżejjed,

—

li l-ġestjoni finanzjarja tal-Qorti Ewropea ta’ l-Awdituri hija konformi mar-regolamenti fis-seħħ.

—

Ir-Regolament (KE, Euratom) Nru 1605/2002 tal-Kunsill tal-25 ta’ Ġunju 2002 rigward ir-Regolament Finanazjarju applikabbli għall-budget ġenerali tal-Komunitajiet Ewropej,

—

Ir-Regolament (KE, Euratom) Nru 2342/2002 tal-Kummissjoni tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolamenti Finanzjaru li jgħodd għall-budget ġenerali tal-Komunitajiet Ewropej,

—

Ir-Regoli Interni tal-Qorti Ewropea ta’ l-Awdituri għall-implimentazzjoni tal-budget ġenerali ta’ l-Unjoni Ewropea, stabbiliti mid-Deċiżjoni tal-Qorti Nru 80-2003 u adottati mill-Qorti fil-laqgħat tagħha miżmuma fis-17 u fit-18 ta’ Diċembru 2003.

1.

Il-kontijiet tal-Qorti Ewropea ta’ l-Awdituri (minn issa “il-Qorti”) huma miżmuma u d-dikjarazzjonijiet finanzjarji huma mfassla in konformità mad-dispożizzjonijiet tar-Regolament tal-Kunsill (KE, Euratom) Nru 1605/2002 tal-Kunsill tal-25 ta’ Ġunju 2002 rigward ir-Regolament Finanzjarju applikabbli għall-budget ġenerali tal-Komunitajiet Ewropej u tar-Regolament (KE, Euratom) Nru 2342/2002 tal-Kummissjoni tat-23 ta’ Diċembru 2002 li jippreskrivi regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 imsemmi hawn fuq.

Fl-2004 ġie deċiż illi jiġu eliminati t-titoli li kellhom x’jaqsmu ma’ kontijiet transitorji miż-żewġ naħat tal-karta tal-bilanċ u li dawn il-kontijiet jiġu klassifikati mill-ġdid taħt djun kurrenti u taħt kredituri oħrajn rispettivament.

Il-figuri murija taħt il-punti korrispondenti fis-sena preċedenti ġew aġġustati kif meħtieġ sabiex dawn ikunu jistgħu jitqabblu.

Skond l-istandard tal-kontabilità Nru 12 (“Benefiċċji ta’ l-impjegat”) li kien adottat fit-28 ta’ Diċembru 2004 b’deċiżjoni ta’ l-Uffiċjal tal-kontabilità tal-Kummissjoni skond l-Artikolu 133 tar-Regolament Finanzjarju tal-Kummissjoni applikabbli għall-budget ġenerali tal-Komuntajiet Ewropej, sa mill-2004 il-Qorti rreġistrat dispożizzjoni għall-pensjonijiet tal-Membri tagħha għall-valur, ikkalkulat b’mod attwarju, ta’ l-approprjazzjonijiet li joħorġu mit-tul tas-servizz fid-data tal-kalkolazzjoni. Il-Qorti tibbilanċja din id-dispożizzjoni permezz ta’ dejn għal żmien twil fuq l-Istati Membri. Il-figuri korrispondenti għall-2003 ma ġewx aġġustati.

2.

Assi fissi tanġibbli u mhux tanġibbli

Huma misjuba taħt l-intestatura ta’ assi fissi mhux tanġibbli, il-pakketti ta’ l-informatika li ġew akkwistati u li huma koperti permezz ta’ liċenzja tas-sit jew kuntratt ta’ kont prinċipali.

Iż-żieda fil-punt “Art u bini” tasal għal EUR 27 765 000 u hija prinċiparjament magħmula mill-valur tax-xiri tat-tieni bini li l-Qorti bdiet tuża fl-2004 u li ġie mixtri mill-Qorti għal EUR 27 969 000 netti wara d-deprezzament.

L-assi tanġibbli u mhux tanġibbli huma valutati fil-valur ta’ l-akkwist tagħhom fil-munita nazzjonali, mibdula f’euro bir-rata ta’ kontabilità fis-seħħ fiż-żmien tax-xiri.

Il-prezz ta’ l-akkwist ta’ l-art u l-valur nett, ikkalkulati wara d-deprezzament ta’ l-assi fissi tanġibbli l-oħra jiġu mdaħħla fin-naħa ta’ l-attiv għall-perijodu sħiħ ta’ l-użu tagħhom.

Assi fissi tanġibbli differenti minn art u bini huma reġistrati biss f’kontijiet ta’ assi fissi jekk il-prezz tax-xiri jew il-prezz tal-produzzjoni huwa ta’ EUR 420 jew aktar, b’perijodu ta’ użu itwal minn sena, u li m’humiex beni ta’ konsum fis-sens ta’ l-Artikolu 222 tar-Regolament (KE, Euratom) Nru 2342/2002 tal-Kummissjoni tat-23 ta’ Diċembru 2002 li jippreskrivi regoli dettaljati għall-implimentazzjoni tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 fuq ir-Regolament Finanzjaru li jgħodd għall-budget ġenerali tal-Komunitajiet Ewropej.

Il-Qorti kkalkulat id-deprezzament ta’ l-assi fissi tagħha skond ir-Regolament tal-Kummissjoni Nru 2909/2000 tad-29 ta’ Diċembru 2000 dwar l-amministrazzjoni tal-kontijiet ta’ l-assi fissi li mhumiex finanzjarji tal-Komunitajiet Ewropej.

It-tibdiliet fil-valur u d-deprezzament, ikkalkulati fuq il-metodu lineari u fuq sena sħiħa, kienu kif ġej fl-aħħar tas-sena finanzjarja:

3.

Assi finanzjarji

Fl-2004 il-bilanċ tal-kapital li jiċċirkola li kien disponibbli għall-Uffiċċju tal-Pubblikazzjonijiet Uffiċjali tal-Komunitajiet Ewropej li ammonta għal total ta’ 555 000 euro taħt is-sub-titolu “Avvanzi mogħtija” kien rimborżat.

4.

Stokks

L-istokks ikopru fornimenti għall-uffiċċju u oġġetti għall-użu relatati ma’ l-uffiċċju, valutati bil-prezz ta’ l-aħħar fornimenti mdaħħla. Fejn il-prezz ta’ l-akkwist huwa muri f’munita nazzjonali, dan jiġi konvertit f’euro fir-rata ta’ kontabilità wżata fit-tfassil tal-karta tal-bilanċ.

5.

Assi għal żmien qasir

L-intestatura “Assi kurrenti” tiġi analizzata kif ġej fl-aħħar tas-sena:

Il-punt “Debituri varji” jikkonsisti essenzjalment f’ammonti riċevibbli, kważi fit-totalità tagħhom, bħala riżultat ta’ l-akkwist ta’ drittijiet ta’ pensjoni nazzjonali mill-uffiċjali ta’ l-istituzzjoni.

It-“Talbiet varji” jikkonċernaw prinċiparjament avvanzi mħallsa fuq spejjeż ta’ missjonijiet li diġa ġew magħmula mill-Istati Membri u mill-persunal tal-Qorti imma għad mhux imnaqqsa.

6.

Assi għal żmien twil u dispożizzjoni għall-pensjonijiet

Il-Qorti ddeċidiet li tistabbilixxi, fil-31 ta’ Diċembru 2004 u għall-ewwel darba, dispożizzjoni dwar il-pensjonijiet tal- Membri tagħha, ikkumpensata minn dejn għall-istess ammont fuq l-Istati Membri (ara nota 1).

7.

Assi biex jiġu disposti

Il-punt “Assi biex jiġu disposti” jikkonsisti f’talba fi transitu lill-Kummissjoni Ewropea għal fondi għall-valur ta’ EUR 5 500 000 (2003: EUR 5 500 000), skond il-Kapitolu IX tal-Manwal tal-Komunitajiet Ewropej dwar il-Kontabilità u l-Konsolidament (ara wkoll nota 9.2 isfel).

8.

Kapital proprju

Għas-sena finanzjarja 2004, it-total għall-kapital proprju jkopri l-eżitu ekonomiku tas-sena finanzjarja u l-eżitu miġjub ‘l quddiem mis-snin preċedenti.

L-eżitu ekonomiku tas-sena finanzjarja jikkonsisti fl-eżitu ta’ l-implimentazzjoni tal-budget għas-sena u l-eżitu ta’ l-aġġustamenti.

L-eżitu ta’ l-implimentazzjoni tal-budget tas-sena finanzjarja jista’ jiġi stabbilit f’livell ta’ konsolidazzjoni biss tad-dikjarazzjonijiet finanzjarji mill-Kummissjoni Ewropea.

Għall-istituzzjonijiet l-oħrajn, l-eżitu ekonomiku tas-sena finanzjarja huwa limitat għas-somma ta’ l-aġġustamenti pożittivi u negattivi mdaħħla fil-kontijiet mhux mill-budget ta’ l-infiq u d-dħul.

9.

Passiv

9.1.

Passiv fuq perijodu fit-tul

It-terminu “Passiv fuq perijodu fit-tul” ikopri l-parti tal-ħlasijiet miżmuma ta’ l-arkitett u ta’ l-inġinier konsulent bħala garanzija ta’ eżekuzzjoni għal xogħolhom rigward l-estensjoni tal-bini tal-Qorti.

9.2.

Passiv fuq terminu qasir

Il-punt “Istituzzjonijiet u korpi Komunitarji” ikopri l-bilanċ li għandu jiġi miġjub ’il quddiem għas-sena finanzjarja ta’ wara u jinkludi s-somma ta’ EUR 5 500 000 bħala kontroparti għall- ammont ta’ talba lill-Kummissjoni għal fondi rigward pagamenti li għandhom isiru fix-xahar ta’ Jannar 2005 (ara wkoll nota 7 hawn fuq).

Il-punt “Kredituri varji” ikopri prinċiparjament l-ammonti dovuti rigward kontribuzzjonijiet tas-sigurtà soċjali u assigurazzjoni għall-persunal kif ukoll spejjeż ta’ missjonijiet li għad iridu jiġu mitluba mill-organizzazzjoni tal-karta ta’ kreditu.

10.

Dħul li joħroġ minn drittijiet tal-budget akkwistati matul is-sena finanzjarja u mhux miġbur

Dan il-punt jikkonċerna d-dħul stabbilit matul is-sena finanzjarja li qed tiġi riveduta u li għadu ma nġabarx.

11.

Ġbir ta’ drittijiet stabbiliti fis- snin finanzjarji preċedenti

Dan il-punt jikkonċerna d-dħul stabbilit f’sena finanzjarja preċedenti li ġie miġbur u mdaħħal fil-kontijiet tas-sena finanzjarja li qed issir verifika tagħha.

12.

Infiq mhux mill-budget

Dan il-punt jikkonċerna l-infiq varju li ma jistax jiġi mniżżel fil-budget b’mod materjali. Għall-2004, huwa relatat mal-varjazzjoni għas-sena kurrenti ta’ nefqa fatturata mill-Kummissjoni.

13.

Dħul proprju tal-Qorti Ewropea ta’ l-Awdituri

Id-dħul proprju tal-Qorti huwa mdaħħal fil-kontijiet abbażi ta’ l-ammonti riċevuti matul is-sena finanzjarja.

14.

Dħul ġej minn operazzjonijiet amministrattivi

Il-punt “Dħul ġej mill-operazzjonijiet amministrattivi” jikkonsisti prinċiparjament fi:

15.

Infiq

L-infiq għas-sena finanzjara, li huwa muri fid-Dikjarazzjoni tad-dħul u n-nefqa, jirrappreżenta l-pagamenti magħmula ma’ l-approprjazzjonijiet għas-sena finanzjarja, ma’ l-approprjazzjonjiet miġjuba ‘l quddiem mis-sena finanzjarja preċedenti u ma’ l-approprjazzjonijiet disponibbli wara l-ġbir ta’ dħul assenjat, skond id-dispożizzjonijiet tar-regolamenti applikabbli.

In konformità ma’ l-Artikolu 6 tar-Regolament Finanzjarju, l-approprjazzjonijiet imdaħħla fil-budget għandhom jiġu awtorizzati għal sena finanzjarja li għandha tibda mill-1 ta’ Jannar sal-31 ta’ Diċembru.

16.

Sitwazzjoni finanzjarja u bilanċ għas-sena finanzjarja

Il-bilanċ għas-sena finanzjarja huwa kkalkulat bħala d-differenza bejn id-dħul totali għas-sena u n-nefqa kontra l-approprjazzjonijiet trasferiti mis-sena ta’ qabel u l-approprjazzjonijiet li jirriżultaw mill-ġbir tad-dħul assenjat.

It-tibdiliet li saru matul is-sena huma dawn li ġejjin:

17.

Implimentazzjoni tal-budget

L-implimentazzjoni tal-budget għas-sena finanzjarja 2004 tista’ jiġi diviża fl-implimentazzjoni ta’ approprjazzjonijiet miġjuba ‘l quddiem u l-implimentazzjoni ta’ approprjazzjonijiet għas-sena finanzjarja.

It-total tal-pagamenti magħmula ma’ approprjazzjonijiet miġjuba ‘l quddiem (EUR 5 035 000), u l-approprjazzjonijiet għas-sena (EUR 78 990 000) u l-approprjazzjonijiet li jirriżulaw mid-dħul assenjat (EUR 195 000) ammontaw għal EUR 84 220 000, li huwa ugwali għall-infiq totali muri fid-dikjarazzjoni tad-dħul u l-infiq għas-sena finanzjarja 2004.

In-nefqa inkluża taħt nefqa “Oħra” li għandha x’taqsam mal-persuni li jaħdmu għall-istituzzjoni tikkonsisti prinċipalment f’nefqa fil-koperazzjoni interistituzzjonali, traduzzjoni, l-canteen, il-creche, formazzjoni, reklutaġġ, riċevimenti u rappreżentazzjoni.

In-nefqa inkluża taħt nefqa operazzjonali “Oħra” tikkonsisti prinċipalment f’nefqa fuq telekomunikazzjonijiet, laqgħat, studji u missjonijiet ta’ inkjesti.

18.

Impenji li ma jihrux fil-karta tal-bilanċ

Taħt il-ftehim qafas li jikkonċerna l-bini ta’ estensjoni waħda jew iktar tal-Qorti, li kien konkluż fil-15 ta’ Diċembru 1999 ma’ l-Istat tal-Lussemburgu, il-Qorti ntrabtet li tagħmel dak kollu li hu possibbli fil-ħila tagħha sabiex takkwista mingħand l-Istat l-art ikkonċernata fil-kuntratt. Għal dan il-għan, il-Qorti ser tersaq lejn l-awtorita’ tal-budget għall-fondi neċessarji.

Il-Qorti ntrabtet ukoll, permezz ta’ kuntratt ta’ kiri ta’ bini li japplika sat-30 ta’ Ġunju 2009, li tħallas lill-kerrej is-somma fissa ta’ EUR 175 000 għal xogħlijiet sabiex jiġi rrinovat il-bini mikri.