18.8.2005   

MT

Il-Ġurnal Uffiċjali ta’ l-Unjoni Ewropea

C NaN/1

I-XI

1-11

1-5

6-7

8-11

12-43

12-17

18-19

20-22

23-29

30-32

33-43

34

35-37

38-39

40-41

42-43

44-65

44

45-50

51-55

56-61

57-58

59-60

61

62-65

66-72

73-94

74-88

89-92

93

94

AFIS

Sistema ta' Informazzjoni Kontra l-Frodi

BEI

Bank Ewropew ta' l-Investiment

CMS

Sistema ta' ġestjoni tal-każijiet

DĠ

Direttorat Ġenerali

ECR

Reġistru Elettroniku tal-Każijiet

END

Esperti Nazzjonali Issekondati

IDOC

Uffiċċju ta' Investigazzjoni u Dixxiplina tal-Kummissjoni

OLAF

Uffiċċju Ewropew Kontra l-Frodi

UCLAF

Unità għall-Kordinazzjoni tal-prevenzjoni tal-frodi

UE

Unjoni Ewropea

I.

L-Uffiċċju Ewropew Kontra l-Frodi (OLAF) ħa l-post ta' l-Unità għall-Kordinazzjoni tal-Prevenzjoni tal-Frodi (UCLAF) f'April 1999 bi statut rinforzat u b'mandat estiż sabiex ikopri l-istituzzjonijiet u l-korpi kollha ta' l-Unjoni Ewropea. Il-proċess tat-twaqqif ta' l-Uffiċċju involva biċċa xogħol diffiċli b'mod partikolari minħabba n-natura diżorganizzata tal-fajls illi huwa wiret. Kien biss lejn tmiem is-sena 2003 li l-effetti tar-ristrutturazzjoni bdew jinħassu. F'nofs is-sena 2004, madanakollu, kien għad hemm xorta waħda l-bżonn ta' titjib f'diversi oqsma tal-ġestjoni ta' l-investigazzjonijiet.

II.

Il-fatt illi l-Uffiċċju għandu status doppju, fejn għandu awtonomija għal dak li jikkonċerna l-investigazzjoni imma jirrapporta lill-Kummissjoni għall-obbligi l-oħra tieghu, ma affettwax b'mod ħażin il-funzjoni investigattiva tiegħu. Minħabba illi jifforma parti mill-Kummissjoni, l-Uffiċċju kien kapaċi mhux biss sabiex igawdi minn sostenn amministrattiv u loġistiku sostanzjali, imma wkoll sabiex jieħu vantaġġ mill-leġislazzjoni kontra l-frodi li d-dipartimenti tal-Kummissjoni jużaw. Konsegwentement, ma jidhirx li jkun xieraq li jiġi kkunisdrat tibdil fl-istatus ta' l-Uffiċċju. (1)

III.

l-Uffiċċju għandu biżżejjed riżorsi sabiex jieħu ħsieb id-denunzji kollha ġustifikabbli li jsiru u hekk jagħmel. Taħt dawn iċ-ċirkustanzi, il-politika ta' l-Uffiċċju li jagħti prijorità lil-investigazzjonijiet hija biss teoretika.

IV.

OLAF jagħmel ftit wisq distinzjoni bejn l-investigazzjonijiet (interni jew esterni) fuq naħa u l-operazzjonijiet ta' assistenza u l-Kordinazzjoni fuq l-oħra. Minħabba li n-natura tax-xogħol f'kull każ hija partikolarment differenti, ir-ragruppament tagħhom joħloq konfużjoni fil-ġestjoni tar-riżorsi.

V.

Waqt li l-introduzzjoni ta' reġistru u ta' sistema kompjuterizzata għall-ġestjoni tal-fajls ta' l-investigazzjoni tejjbu ż-żamma tar-rekords għall-operazzjonijiet u ċċaraw ir-responsabbiltajiet, is-sorveljanza maniġerjali baqgħet inadegwata u rriżultat f'dewmien serji fl-ipproċessar tal-fajls, fl-iddepożitar ta' rapporti inkonklużivi u f'riżultati indeterminati. Sabiex jiġu miġġielda d-dewmien mhux neċessarji, għandhom jiġu stabbiliti skadenzi imperattivi meta jinfetħu l-investigazzjonijiet.

VI.

Diversi drabi, l-atti investigattivi jiġu preparati u segwiti b'mod rudimentali. L-għanijiet segwiti mill-investigaturi baqgħu vagi f'termini ta' l-evidenza li trid tiġi mikxufa u fl-użu tar-riżorsi. Barra s-settur tad-dwana, hemm bżonn ta' koperazzjoni iktar effettiva bejn l-Istati Membri, kemm għal oqsma ta' ġestjoni diretta u għal oqsma fejn il-ġestjoni hija flimkien ma' l-Istati Membri.

VII.

Għalkemm il-proċeduri ta' rappurtar fuq ix-xogħol ta' l-Uffiċċju ġew reċentement imtejjba, l-informazzjoni għandha x'taqsam mal-volum ta' l-operazzjonjiet magħmula minflok mar-riżultati li fil-fatt ġew miksuba, kemm f'termini ta' dak li ġie fil-fatt irkuprat mill-fondi li ġew misapproprjati kif ukoll f'termini tas-sanzjonijiet dixxiplinari jew kriminali li ġew imposti fuq il-persuni misjuba ħatja ta' frodi. Is-sistema ta' indikaturi relevanti sabiex jiġu valutati r-riżultati għad trid tiġi rinforzata.

VIII.

Il-miżuri adottati fl-2001 sabiex l-Uffiċċju jiġi provdut b'persunal kompetenti sabiex jaqdu l-funzjonijiet tagħhom għamlu ż-żmien tagħhom. In-numru kbir ta' persunal fuq kuntratti li ma jistgħux jiġu mġedda għal iktar minn ċertu żmien (bejn sitta u tmien snin) huwa issa ta' ħsara għall-għan li tiġi konsolidata l-abbiltà. F'dawn ic-cirkustanzi l-miżuri ta' taħriġ introdotti mill-Uffiċċju jibqgħu insuffiċċjenti.

IX.

Il-kontroll tal-legalità ta' l-inkjesti li għadhom sejrin u r-rispett għad-drittijiet fundamentali tal-persuni taħt investigazzjoni mhiex assigurata b'mod indipendenti. Minħabba nuqqas ta' kodifikazzjoni ċara ta' l-atti investigattivi, is-sitwazzjoni hija soġġetta għal litigazzjoni. Id-dispożizzjonijiet regolatorji relevanti irriżultaw insoddisfaċenti.

X.

Ir-relazzjonijiet bejn l-Uffiċċju u l-Kumitat ta' Sorveljanza huma diffiċli. Hemm il-bżonn ta' ri-eżaminazzjoni serja tad-dispożizzjonijiet regolatorji li jikkonċernaw it-tmexxija ta' l-Uffiċċju.

XI.

Sabiex jiġi evitat li jinħela x-xogħol ta' l-Uffiċċju fuq attivitajiet illi, għalkemm relatati mal-prevenzjoni tal-frodi, m'għandhomx x'jaqsmu direttament ma' l-investigazzjonijiet, u sabiex jiġi garantit illi r-riżorsi kollha jkunu diretti lejn il-ġlieda b'mod effettiv kontra l-frodi li hija ta' detriment għall-interessi finanzjarji ta' l-Unjoni Ewropea, ix-xogħlijiet li huma assenjati lill-Uffiċċju għandhom jiġu ri-eżaminati fid-dettall. Billi jirrifoka l-attivitajiet tiegħu fuq il-funzjoni investigattiva tiegħu huwa jkun jista' jimmobilizza r-riżorsi tiegħu b'mod iktar effettiv, partikolarment rigward il-bidu ta' investigazzjonijiet immirati, f'oqsma fejn ir-riskji ta' frodi huma kkunsidrati bħala l-iktar serji.

1.

Bit-twaqqif ta' l-Uffiċċju Ewropew kontra l-Frodi (OLAF) (2), l-Istituzzjonijiet Ewropej kellhom il-mira li jżidu l-effettività tal-ġlieda kontra l-attivitajiet illegali li huma ta' detriment għall-interessi finanzjarji ta' l-Unjoni. L-Uffiċċju għalhekk ġie mogħti setgħat ġodda meta mqabbla ma' dawk tal-predeċessuri tiegħu (3). Partikolarment, huwa ġie mogħti l-funzjoni li jwettaq investigazzjonjiet amministrattivi fl-istituzzjonijiet u fil-korpi kollha ta' l-Unjoni Ewropea. Il-funzjoni investigattiva ġiet imsaħħa permezz ta' garanzija ta' indipendenza fit-twettiq ta' din l-attività. Dik l-indipendenza kellha, min-naħa tagħha, tiġi msaħħa permezz tat-twaqqif ta' Kumitat ta' Sorveljanza magħmul minn persuni importanti li ġejjin minn barra l-Istituzzjonijiet. Id-Direttur ta' l-Uffiċċju li assuma l-kariga f'Marzu 2000, ġie mogħti s-setgħa li jinnomina l-persunal ta' l-OLAF, li għandu jpoġġih f'pożizzjoni sabiex ikun jista' jirrispondi b'mod iktar effettiv għall-bżonninjiet investigattivi speċifiċi ta' l-Uffiċċju.

2.

Filwaqt illi enfasizzat l-importanza tal-funzjoni investigattiva ta' l-OLAF (ara paragrafu 12), il-Kummissjoni fdat ukoll lill-Uffiċċju b'sensiela wiesa' ta' attivitajiet relatati mal-protezzjoni ta' l-interessi finanzjarji ta' l-Unjoni Ewropea (4). Dawn l-attivitajiet, li huma parzjalment miġbura f'dik li l-Uffiċċju isejjaħ “pjattaforma ta' servizzi”, ikopru:

Il-leġislazzjoni ma' tagħtix kriterji ta' prijorità bejn dawn l-attivitajiet differenti.

3.

L-Uffiċċju jopera ġewwa qafas istituzzjonali kumpless u huwa fiċ-ċentru ta' grupp ta' korpi konċernati direttament jew indirettament bil-prevenzjoni tal-frodi. Ma huwiex dejjem ċar kif dawn ir-responsabbiltajiet huma maqsuma bejn dawn il-korpi, bir-riżultat illi potenzjalment jista' jkun hemm kemm xogħol doppju kif ukoll affarijiet li jitħallew barra. Dawn il-korpi jaqgħu taħt tlett sotto-gruppi:

4.

Minħabba li l-Istati Membri huma responsabbli għall-ġestjoni ta' madwar 80 % tan-nefqa ta' l-Unjoni Ewropea, huwa neċessarju, għal raġunijiet ovvji ta' effettività għall-Uffiċċju li dan jaħdem viċin ta' l-awtoritajiet nazzjonali (pulizija, dwana, il-qrati eċċ.). Dan ir-rekwiżit iżid mal-komplessità tal-biċċa xogħol tiegħu. Barra minn hekk, huma l-Istati Membri li huma responsabbli sabiex jiftħu proċeduri kriminali kull meta jiġu mitluba, u d-diversità tas-sistemi ġuridiċi tagħhom tagħmel il-biċċa xogħol ta' l-Uffiċċju iktar kumplessa.

5.

Għalkemm l-OLAF huwa korp ġdid, huwa ġie obbligat sabiex ikompli l-operazzjonijiet tal-predeċessur tiegħu, l-UCLAF. Għahekk huwa assuma madwar 1 400 każ li kienu għadhom sejrin (6), u dan kien wirt diffiċli minħabba l-mod diżorganizzat li bih diversi minn dawn l-investigazzjonijiet kienu ġew ġestiti (7). Fl-istess ħin, il-persunal ta' l-UCLAF ġie rijassenjat en bloc għall-Uffiċċju. Sat-tibdil radikali tal-pjan ta' twaqqif ta' l-2001, dan kien irrestrinġa l-manovrabilità tad-Direttur (8).

6.

L-Uffiċċju igawdi minn status ambivalenti skond liema huwa għandu awtonomija investigattiva imma jirrapporta lil-Kummissjoni għar-rigward ta' l-obbligi l-oħra tiegħu. L-istruttura doppja ma' affettwatx ħażin l-indipendenza tal-funzjoni investigattiva u ġġib magħha ċerta vantaġġi. Mill-aspett legali, per eżempju, bħala parti mill-Kummissjoni, l-Uffiċċju seta' jagħmel użu minn poteri mogħtija lil din l-istituzzjoni, partikolarment is-setgħa li jwettaq spezzjonijiet fuq il-post fl-Istati Membri skond varjetà ta' regolamenti ġenerali u settorali (9). Il-konnessjoni mal-Kummissjoni kienet ukoll utli għall-operazzjonijiet ta' kuljum ta' l-OLAF minħabba li biha seta' jikseb sostenn amministrattiv mis-servizzi ġenerali tal-Kummissjoni.

7.

L-organigramma ta' l-Uffiċċju ta' Mejju 2004 hija preżentata f'Anness 1. Sa mill-2001, il-pjan ta' twaqqif ta' l-Uffiċċju kien magħmul minn madwar 300 post tax-xogħol, id-doppju ta' dak li kien disponibbli għall-UCLAF (10). Fl-2004, id-Direttorat ta' l-Investigazzjonijiet (Direttorat B) kien fih 126 investigatur (11) u 13 -il aġent amministrattiv. Il-193 postijiet l-oħra kienu maqsuma bejn id-dipartimenti l-oħra (Direttorat A “Politika, leġislazzjoni u affarijiet legali”) u d-Direttorat Ċ “Intelliġenza, stateġija operattiva u servizzi t'informazzjoni”).

8.

L-għan tal-verifika kien sabiex jevalwa l-kwalità tal-ġestjoni ta' l-investigazzjonijiet ta' l-OLAF. Dan sar billi ġie valutat:

L-effettività finali tax-xogħol ta' l-Uffiċċju ma setgħetx tiġi valutata minħabba n-nuqqas t'affidabilità tad-data fuq l-investigazzjonijiet ta' segwitu.

9.

Ir-rapport tal-Qorti jikkumplimenta l-valutazzjoni magħmula mill-Kummissjoni f'April 2003, li essenzjalment iffukat fuq il-qafas legali ta' l-attivitajiet ta' l-Uffiċċju (12), kif ukoll it-tieni valutazzjoni iktar kwantitativa preżentata mill-Kummissjoni f'Ottubru ta' l-2004 (13).

10.

Sakemm l-investigazzjonijiet huma konċernati, il-verifika mwettqa bejn April u Ottubru 2004 kellha bħala l-punt tat-tluq tagħha osservazzjonijiet magħmula qabel mill-Qorti (14). Hija ffukat fuq sistemi, strutturi u miżuri dwar il-persunal. Kien hemm ukoll analiżi ta' l-attività tad-dipartimenti ta' l-OLAF li ma humiex direttament responsabbli mill-investigazzjonijiet. Għalkemm l-organizzazzjoni reċenti ta' l-Uffiċċju kienet analizzata, flimkien ma' kampjun ta' 117-il operazzjoni mwettqa lejn tmiem l-2003, deher ċar illi, f'dak iż-żmien, l-Uffiċċju kien għadu għaddej bl-approvazzjoni ta' diversi operazzjonijiet mibdija mill-predeċessur tiegħu, u li l-miżuri ta' rijorganizzazzjoni introdotti waqt il-perjodu 2002-2003 kienu għadhom kif bdew iħallu l-effett. In-nuqqasijiet misjuba fil-verifika huma deskritti fil-qosor f'Anness II.

11.

Dan ir-rapport ġie magħmul fl-istess żmien li fih il-Kummissjoni proponiet emendament għar-Regolament dwar l-investigazzjonijiet immexxija mill-OLAF (15). Il-Qorti ressqet opinjoni fuq din il-proposta, li fiha hija tieħu in konsiderazzjoni l-konklużjonijiet u r-rakkomandazzjonijiet tal-verifika.

12.

Minbarra l-operazzjonijiet ta' kordinazzjoni, ir-Regolament (KE) Nru 1073/1999 jiddistingwi bejn investigazzjonijiet esterni (Artikolu 3) u investigazzjonijiet interni (Artikolu 4). L-Uffiċċju nniffsu jaqsam il-każijiet tiegħu f'ħames kategoriji:

13.

Każijiet fl-istadju ta' l-investigazzjoni attiva (475 fit-30 ta' Settembru 2004) jinkludu investigazzjonijiet proprji (252) u operazzjonjiet ta' Kordinazzjoni u assistenza (223). Oprazzjonjiet ta' Kordinazzjoni huma partikolarment komuni fil-qasam tad-dħul u tan-nefqa tal-ġestjoni maqsuma. Konsegwentement, minn 23 każ eżaminati waqt il-verifika tas-setturi tad-dwana u tal-kummerċ, huma 4 l-inkjesti mmexxija mill-Uffiċċju.

14.

Dan ir-ragruppament ta' l-investigazzjonijiet flimkien ma' l-operazzjonjiet ta' Kordinazzjoni u assistenza fi ħdan l-istess unitajiet ta' direzzjoni ta' l-inkjesti, itellef il-ġestjoni tar-riżorsi. Fil-fatt, l-Uffiċċju għandu rwol sostanzjalment differenti f'kull wieħed minn dawn iż-żewġ oqsma. Għall-investigazzjonijiet, kull pass irid jiġi formalment imniżżel, iffailjat u ġġustifikat sabiex id-dossier ikun jista' jiġi wżat minn prosekutur. Għall-każijiet ta' Kordinazzjoni u assistenza, l- OLAF irid ikun jista' jipprovdi lill-awtoritajiet nazzjonali b'sostenn malajr u effettiv mingħajr ma jkun soġġett għal ostakoli proċedurali serji. F'dawn il-każijiet l-użu ta' proċeduri ta' l-inkejsti ma jidhirx dejjem approprjat. Huwa jtellef mir-riżorsi li setgħu jiġu wżati għal investigazzjonijiet u jwassal għal riskju ta' sporġiment ma' ċerti responsabbiltajiet ta' l-unitajiet tas-segwitu.

15.

L-uffiċċju huwa biss awtorizzat li jmexxi investigazzjonjiet amministrattivi. Huwa għalhekk m'għandux il-kapaċità li jwettaq diversi xogħlijiet li għalihom hemm bżonn tal-poteri tal-pulizija. Għalkemm huwa jista', per eżempju, jieħu kopja tad-dokumenti fil-bini ta' kumpanija, huwa ma għandux l-awtorità li jagħmel tfittxijiet fid-djar tas-sidien tal-kumpanija jew tal-persunal, anke jekk hemmekk tkun tista' tinstab evidenza mportanti. Lanqas ma huwa awtorizzat sabiex jitlob aċċess għall-kontijiet bankarji ta' persuna legali jew fiżika, anke fejn din tkun impjegata minn isitituzzjoni Komunitarja. Hemm għalhekk limiti ċari fuq l-atti investigattivi li l-Uffiċċju jista' jwettaq, u dawn jaffettwaw il-wisa' tal-konklużjonijiet tiegħu. L-effettività prattika tal-fażi investigattiva tista' titnaqqas iżjed jekk l-Istati Membri ma jwieġbux għat-talbiet għall-assistenza min-naħa ta' l-Uffiċċju.

16.

L-Uffiċċju normalment jiftaħ l-investigazzjonijiet tiegħu b'risposta għal informazzjoni li jirċievi mingħand partijiet terzi. Din tkun fil-forma ta' denunzji mgħoddija mis-servizzi tal-Kummissjoni, istituzzjonijiet oħra ta' l-UE, awtoritajiet fl-Istati Membri kif ukoll minn ċittadini privati jew entitajiet kummerċjali. Meta tkun irċevuta informazzjoni bħal din, jinfetaħ fajl ġdid fl-arkivji ta' l-Uffiċċju (16). Ix-xogħol ta' l-investigazzjoni mbagħad jaqa' fi tlett stadji prinċipali:

Tabella 1

Numru ta' każijiet f'kull stadju, fl-aħħar ta' Settembru 2004

17.

L-introduzzjoni ta' Sistema ta' Ġestjoni tal-Każijiet (CMS) fl-2002 għamlitha iktar faċli għall-Uffiċċju sabiex jibda' l-investigazzjonijiet (19). Għalkemm ġew introdott xi miljoramenti fl-2003, hemm bżonn li l-informazzjoni minn din is-sistema tiġi kkunsidrata b'ħafna kawtela, minħabba illi l-verifika wriet illi spiss ikun hemm dewmien fl-ipproċessar u fl-aġġornament tal-fajls, u li d-data finanzjarji fis-sistema la huma konsistenti u lanqas ivverifikati. Fil-fatt kien hemm każijiet ta' investigazzjonijiet li ġew kategorizzati ma' l-operazzjonijiet li għadhom sejrin minkejja li, fl-assenza ta' atti investigattivi ulterjuri, il-fajls ikkonċernati imisshom ġew magħluqa jew b'segwitu jew mingħajr. Investigazzjonijiet oħra ġew magħluqa mingħajr kalkolu tas-somom involuti. F'każijiet oħra, l-investigaturi dehru li ppostponew l-għeluq sabiex huma nfushom ikunu jistgħu jipprovdu segwitu, għalkemm fil-prinċipju din mhix ir-responsabbilità tagħhom.

18.

Il-politika mħabbra mill-OLAF hija li tagħti prijorità lill-investigazzjonijiet interni u lill-investigazzjonijiet fuq in-nefqa diretta, speċjalment fil-kuntest tat-tkabbir.

19.

Fir-realtà l-OLAF għandu riżorsi biżżejjed sabiex ikun jista' jieħu ħsieb id-denunzji kollha ġustifikabbli u fil-fatt hekk jagħmel. Li tingħata prijorità, fil-prattika ma huwiex neċessarju. Kemm huma frekwenti d-denunzji bejn is-setturi differenti huwa ndikat f'Tabella 2.

Tabella 2

Denunzji irċevuti mill-Uffiċċju bejn Awissu 2003 u Settembru 2004

20.

B'mod ġenerali, l-uffiċċju naqqas sostanzjalment iż-żmien użat fuq il-valutazzjoni billi applika skadenza standard ta' ġimgħatejn li tibda' mill-ħatra ta' l-assessur. Għalkemm bejn Ottubru 2002 u Settembru 2004, il-persentaġġ tal-valutazzjonijiet li kienu ilhom sejrin għal iktar minn 4 xhur naqas b'mod sinifikanti, minn 62 % għal 35 %, huma xorta waħda kienu jammontaw għal 68. Fil-każ ta' dawk l-oqsma fejn il-dokumentazzjoni neċessarja għar-rapport ta' valutazzjoni għandha tiġi miksuba minn barra l-Istituzzjonijiet Komunitarji, l-iskadenza ta' ġimgħatejn tidher qasira wisq (20). Għall-parti l-kbira tal-valutazzjonijiet eżaminati, id-deċiżjoni li tinfetaħ investigazzjoni dehret li kienet ġustifikata fid-dawl tal-kriterja adottati mill-Uffiċċju. Madanakollu, l-verifika kixfet ċerti prattiċi (Anness II) li jistgħu jiġu mtejjba. Per eżempju:

21.

Għalkemm l-Uffiċċju suppost għandu jiffoka primarjament fuq il-frodi finanzjarja, fil-prattika spiss ingħatat preferenza lil każijiet ta' natura penali. L-impatt finanzjarju probabbli, li kien jagħmilha possibbli li tiġi stabbilita x'direzzjoni għandha tieħu l-investigazzjoni, bħall-kalkolu tas-somom misappropjati, diversi drabi ġie kkunsidrat bħala sekondarju.

22.

Filwaqt li huwa veru illi, min-natura tagħhom, l-investigazzjonijiet ta' l-OLAF jagħmluha impossibbli li jiġu previsti l-aspetti kollha ta' kull stadju, huwa xorta waħda utli li wieħed jipprova jagħmel pjan ta' kif l-investigazzjonijiet għandhom jiġu organizzati u pjanati sabiex jiġi evitat ir-riskju li jinħlew ir-riżorsi. Rigward dan, ir-rapporti ta' valutazzjoni ħafna drabi ma kien fihom xejn għajr l-elementi rudimentali ta' l-ippjanar, u dan ma ġiex ikkumpensat bi pjanijiet ta' xogħol iktar dettaljati fi stadju iktar il-quddiem fl-investigazzjoni. Deher ukoll ċar illi ċerti valutazzjonijiet setgħu jiġu mtejjba kieku l-unitajiet ta' segwitu u l-Unità tal-Maġistrati ġew ikkonsultati mill-bidu dwar l-għanijiet, il-possibiltajiet disponibbli u r-riżorsi li kien hemm bżonn għall-investigazzjoni. F'ċerti każijiet, konsultazzjoni mad-Direttorat Ċ (analiżi u intelliġenza) kienet ukoll tgħin lill-assessuri sabiex jagħmlu użu aħjar mill-għodda ta' l-informazzjoni disponibbli (Anness II).

23.

F'Ottubru 2002 madwar 51 % ta' l-investigazzjonjiet kienu ilhom sejrin għal iktar minn 12-il xahar. Sa Settembru 2004, madankollu, din il-figura kienet telgħet għal 62 %, għalkemm iż-żmien medju ta' kemm idumu l-investigazzjonijiet ġie mnaqqas wara l-verifika tal-każijiet antiki ta' l-UCLAF. Bħal fil-każ tal-valutazzjonijiet, iż-żmien li jdumu l-Istati Membri sabiex jirrispondu għat-talbiet ta' l-Uffiċċju għal dokumentazzjoni spiss wasslu għal dewmien (21) (ara Anness II). Dewmien ieħor ġie kawżat mill-fatt illi, flimkien ma' servizzi oħra tal-Kummissjoni, l-OLAF adotta approċċ lejn il-komunikazzjoni illi spiss huwa burokratiku, bir-riżultat illi kien hemm nuqqas ta' attività konsiderevoli li kienet tiġi evitata kieku kien hemm żjarat lill-awtoritajiet konċernati. Il-verifika wriet illi ċerti dewmien setgħu jiġu attribbwiti għal ċertu tiġbid min-naħa ta' l-investigaturi biex dawn jagħmlu x-xogħol, u dan minkejja li r-Regolament (KE) Nru 1073/1999 jitlob, f'Artikolu 6(5), illi l-investigazzjonijiet ta' l-Uffiċċju għandhom jiġu mwettqa b'mod kontinwu.

24.

Il-maniġment ta' l-Uffiċċju eżerċita ftit kontroll fuq kemm damu l-investigazzjonijiet. Wieħed kien jistenna illi l-fajls ta' l-investigazzjonijiet kienu ser jispjegaw u jiġġustifikaw id-dewmien imma dan ma kienx il-każ. Għalkemm ir-rapporti li l-Uffiċċju huwa obbligat li jibgħat lill-Kumitat ta' Sorveljanza wara disa' xhur ta' investigazzjoni fihom xi nformazzjoni, ma hemm l-ebda obbligazzjoni wara dak iż-żmien sabiex jiġi spjegat id-dewmien, ta' kwalunkwe tul, jew anki li jiġi rrappurtat regolarment lill-Bord Eżekuttiv. F'diversi każijiet, id-dewmien ma setgħax jiġi ġġustifikat.

25.

Fil-prinċipju, r-rapporti ta' valutazzjoni jikklassifikaw l-investigazzjonijiet skond il-grad ta' urġenza. M'huwiex ċar jekk din il-klassifikazzjoni għandiex impatt fuq xogħol sussegwenti. Fil-fatt ma hemm l-ebda kriterja li tikkonċerna r-riżorsi li għandhom jiġu assenjati lill-investigazzjoni jew lill-iskadenzi sabiex jiġi konkluż xogħol ta' ċertu grad ta' urġenza.

26.

Iż-żamma ta' rekords tal-ħinijiet ta' l-investigaturi hija għodda essenzjali għall-ġestjoni sabiex jiġi mmonitorjat il-progress ta' l-investigazzjonijiet. Minkejja r-rakkomandazzjonijiet preċedenti tal-Qorti (22), l-Uffiċċju għadu ma għamilx sistema bħal din. Barra minn hekk ma hemmx għodda ġenerali sabiex jiġi analizzat l-ammont ta' xogħol li għandhom l-investigaturi fil-livell tad-Direttorat B.

27.

L-investigazzjonijiet ta' l-Uffiċċju bagħtew minn nuqqas ta' sistema sabiex jiġu kodifikati l-proċeduri investigattivi, għalkemm sistema bħal din hija essenzjali kemm għall-investigazzjonijiet u għal dawk li qed jiġu investigati (23), speċjalment fil-każ ta' investigazzjonijiet interni. In-nuqqas ta' kodifikazzjoni ġġib magħha riskju doppju; li jinqalgħu kunflitti proċedurali fil-kors ta' investigazzjoni ma' dawk li qed jiġu nvestigati, u li l-proċeduri fil-qorti miġjuba wara l-investigazzjoni jaqgħu minħabba nuqqas ta' konformità mal-formalitajiet introdotti sabiex jiggarantixxu l-applikazzjoni tal-prinċipji ta' trasparenza u l-proċedura avversarja (24).

28.

B'mod iktar ġenerali, bħal fil-każ tal-valutazzjonijiet, il-kampjun ta' l-investigazzjonijiet eżaminati wera illi l-attività investigattiva reali ta' l-OLAF spiss kienet pjuttost limitata. L-użu min-naħa ta' l-Uffiċċju tal-poteri tiegħu li jwettaq investigazzjonijiet fuq il-post, jeżamina xhieda u jagħmel mistoqsijiet lil dawk suspettati hija l-eċċezzjoni minflok ir-regola. Dawn l-atti investigattivi speċifiċi kienu l-iktar komuni fis-settur tad-dwana. Min-naħa l-oħra, l-Uffiċċju spiss jitlob għal informazzjoni mill-aġenziji investigattivi ta' ċerti Stati Membri, notamment mill-Italja. Per eżempju, meta jkun qed jinvestiga n-nefqa tal-ġestjoni maqsuma, l-Uffiċċju nomalment jitlob għad-dokumentazzjoni li trid tiġi mogħtija lilu sabiex jistudjaha u janalizzaha qabel, jekk ikun xieraq, jimxi sabiex jagħmel żjara fuq il-post (25). Anke meta jkun qed jinvestiga n-nefqa tal-ġestjoni diretta, qasam li fih l-Uffiċċju għandu r-rwol prinċipali, huwa spiss jillimita lilu nniffsu għall-eżaminazzjoni ta' dokumenti miksuba mid-dipartimenti amministrattivi tal-Kummissjoni, u partikolarment ir-rapporti ta' l-awdituri indipendenti maħtura fil-kuntest tal-ftehim ta' finanzjament. F'dawn il-każijiet l-Uffiċċju jiġbor u jikkummenta fuq l-evidenza li trid tiġi mogħtija lill-awtoritajiet ġudizzjarji fl-Istati Membri, imma ma jipprovdi l-ebda evidenza lil hinn dik li kienet diġà disponibbli għad-dipartimenti amministrattivi. Ix-xogħol tal-ġbir ta' fajls huwa normalment magħmul bl-għajnuna ta' l-Unità Maġisterjali.

29.

Waqt li l-Uffiċċju jrid ikun kapaċi jipproduċi r-rapporti finali tiegħu fuq l-investigazzjonijiet fil-kuntest tal-proċedura ġuridika, fil-każ ta' operazzjonijiet ta' ġestjoni maqsuma dawn jiġu ndirizzati lill-awtoritajiet ta' ġestjoni fl-Istati Membri (is-servizzi tad-dwana, l-aġenziji ta' ħlas eċċ.). Huwa għalhekk bżonnjuż illi jkunu argumentati b'mod ċar u li jkun fihom konklużjonijiet relevanti, preċiżi u bilanċjati. Ir-rapporti finali fuq diversi mill-każijiet eżaminati bħala parti mill-kampjun deher ċar li kienu ta' kwalità insuffiċċjenti. L-inadegwità l-iktar komuni kienet in-nuqqas ta' kalkolu ta' l-effett finanzjarju tal-frodi, għalkemm l-investigazzjonijiet normalment kienu relatati mal-misapproprjazzjoni tal-fondi.

30.

L-OLAF jiddistingwi bejn ħames tipi ta' segwiti:

31.

Huwa diffiċli li jiġi determinat kemm ħin huwa fir-realtà wżat fuq is-segwitu. Madankollu, l-indikazzjonijiet disponibbli juru illi din m'hijiex l-attività prinċipali ta' l-unitajiet ikkonċeranti. Ġeneralment, l-attività ta' segwitu ta' l-Uffiċċju ipprovdiet ftit valur aġġuntiv, speċjalment fejn il-Kordinazzjoni u l-assistenza kienu kkonċernati (Anness II). Ir-rwol ta' l-Uffiċċju fis-segwitu finanzjarju għandu jiġi limitat għall-kalkolu ta' l-ammonti tas-somom li jridu jiġu rkuprati. Ladarba dawn jiġu magħrufa, huwa x-xogħol ta' l-uffiċjali awtorizzattivi fid-Direttorati Ġenerali operattivi u ta' l-awtoritajiet ta' l-Istati Membri li joħorġu ordnijiet ta' rkupru u li jiżguraw illi l-ħlas jiġi rċevut fid-data illi fiha jkun dovut. Min-naħa tiegħu, id-DĠ Baġit għandu jiżgura illi l-ordnijiet ta' rkupru jiġu rreġistrati malli jinħarġu u li l-uffiċjali awtorizzattivi jiġu rriferiti għad-DĠ Baġit mill-IDOC. Il-mobilitazzjoni tal-persunal ta' l-OLAF wara l-istadju tal-kalkolu ta' l-ammonti tas-somom li għandhom jiġu rkuprati huwa għalhekk duplikazzjoni ta' l-isforzi li diġà jkunu qed jiġu magħmula mill-uffiċjali awtorizzattivi.

32.

Fil-każ speċjali tal-proċedura ta' l-assistenza reċiproka, fis-setturi tad-dwana u l-agrikoltura, ma hemm l-ebda segwitu sistematiku mill-Uffiċċju (27). L-Uffiċċju ma stabbilixxiex l-ebda regoli għall-monitoraġġ kontinwu u konsistenti tal-progress fil-qafas tal-proċeduri għat-talba ta' assitenza reċiproka bejn l-Istati Membri u r-reġistru tar-riżultati huwa nkomplet u mhux aġġornat.

33.

In-nuqqasijiet identifikati fil-paragrafi preċedenti iqajjmu l-kwistjoni ta' l-effettività tas-sistemi ta' kontroll tal-kwalità ta' l-uffiċċju.

34.

Il-Manwal ta' l-OLAF jiddeskrivi x-xogħol ta' kull dipartiment OLAF u l-maġġoranza tal-proċeduri amministrattivi attwali. Attivitajiet investigattivi huma koperti biss f'sezzjoni żgħira li tagħti dettalji tal-prattiċi eżistenti, b'referenza partikolarment għall-istadji fis-CMS. Hemm enfasi sproporzjonata fuq l-aspetti purament legali ta' l-operazzjonijiet, għad-detriment ta' l-aspetti prattiċi ta' l-organizzazzjoni u tat-tmexxija ta' l-investigazzjonijiet u tar-rwol mistenni mill-partijiet differenti konċernati, partikolarment mill-awtoritajiet fl-Istati Membri u mill-istruttura tal-ġestjoni ta' l-Uffiċċju. Ir-rwol tal-Bord Eżekuttiv, li huwa element kruċjali fil-ġestjoni ta' l-investigazzjonijiet, għandu jiġi spjegat f'iktar dettall.

35.

L-OLAF wiret il-kultura organizzattiva ta' l-UCLAF, taħt liema l-investigaturi mexxew il-parti l-kbira ta' l-investigazzjonijiet tagħhom f'isolament u mingħajr l-ebda sorveljanza ta' veru. Waqt li huwa veru illi hemm bżonn ta' kunfidenzjalità fl-investigazzjonijiet, huwa xorta waħda essenzjali għall-maniġment ta' uffiċċju investigattiv li jeżerċita superviżjoni bl-għan li jivverifika mhux biss illi l-investigaturi ma jitbiegħdux mill-għanjiet tagħhom, imma wkoll li l-proċeduri normali jiġu segwiti. Dan ma kienx dejjem il-każ. Soreveljanza ta' dan it-tip hija wkoll indipensabbli sabiex jiġi garantit l-użu xieraq tar-riżorsi.

36.

Waqt li s-CMS u t-twaqqif ta' reġistru ġabu l-ordni meħtieġ għaż-żamma tar-rekords, għall-post fiżiku u għall-istruttura tal-fajls investigattivi, din is-sistema għad trid tiġi mibdula f'għodda ta' ġestjoni vera li tpoġġi lill-uffiċjali responsabbli fid-Direttorat ta' l-Investigazzjonijiet f'pożizzjoni fejn ikunu nfurmati aħjar bil-progress ta' l-operazzjonijiet li għalihom huma kompetenti, fejn jippreparaw il-miżuri neċessarji u fejn jassiguraw illi huma jiġu mwettqa fi żmien l-iskadenzi stipulati. B'konnessjoni ma' dan, il-prattika ta' rapporti kull xahar dwar kif inhuma mixjin l-affarijiet li ċerti unitajiet stabbilixxew fuq bażi sperimentali sabiex jimmonitorjaw mhux biss l-ammont ta' xogħol ta' l-investigaturi imma wkoll l-impatt finanzjarju reali ta' l-investigazzjonijiet magħluqa għandha tiġi estiża għall-unitajiet kollha tad-Direttorat ta' l-Investigazzjoni.

37.

Ir-riżultati ta' l-investigazzjonijiet għadhom qed jiġu mmaniġjati b'mod fqir. Il-fatt illi tinbeda proċedura ta' segwitu ma jfissirx illi dan ħa jwassal għal riżultat konkret (28) (rkupru jew sanzjoni kriminali/dixxipplinari). Fi kliem ieħor, il-bidu ta' proċedura ta' segwitu m'hix indikatur relevanti tas-suċċess. Lanqas ma huwa sinifikanti l-fatt li ġew mgħoddija fajls lill-awtoritajiet ġudizzjarji. Dan minħabba li l-evidenza preżentata mill-uffiċċju tista' ma tkunx meqjusa bħala suffiċċjenti mill-awtoritajiet nazzjonali, filwaqt illi l-atti li jikkostitwixxu l-offiża jistgħu jkunu preskritti. Għal dak li jirrigwarda l-investigazzjonijiet interni, meta l-Uffiċċju rnexxielu jiġbor evidenza li tikkonċerna offiżi kommessi minn persunal ta' l-istituzzjonijiet Komunitarji, ħafna drabi kien diffiċli ħafna li l-każijiet jiġu meħuda mill-awtoritajiet ġudizzjarji fil-pajjiżi fejn l-istituzzjonijiet milquta mill-offiżi huma lokalizzati (29), jew għax dawk l-awtoritajiet ma għandhomx proċeduri ċari għat-trasferiment ta' dawn il-każijiet għall-qrati tagħhom jew għaliex ma jagħtuhomx il-prijorità mixtieqa mill-Uffiċċju (30). Fi Brussell u fil-Lussemburgu, il-postijiet ta' xogħol prinċipali ta' l-istituzzjonijiet, l-Uffiċċju għandu jiċċara mill-ġdid ma' l-awtoritajiet ġudizzjarji kkonċernati il-passi prattiċi li għandhom jittieħdu sabiex każijiet li jiġu mgħoddija ma jkomplux jintilfu. Fuq kwistjoni relatata, ir-rakkomandazzjonijiet ta' l-Uffiċċju rigward azzjoni dixxiplinarja ma jiġux dejjem segwiti mill-istituzzjonijiet jew korpi konċernati.

38.

L-Unità ta' Verifika Interna, li tiġbor fiha żewġ aġenti temporanji tal-persunal, tirrapporta direttament lejn id-Direttur ta' l-Uffiċċju. Il-funzjoni prinċipali tagħha hija dik li żżomm lid-Direttur infurmat bl-effettività tal-proċeduri nterni ta' kontroll. Minn meta ġiet imwaqqfa fl-2001, ix-xogħol tagħha kkonċerna essenzjalment il-ġestjoni amministrattiva ta' l-Uffiċċju u l-attivitajiet mhux investigattivi. Hija ġiet ukoll mitluba tagħmel varjetà ta' ħidmiet b'sostenn għall-maniġment u sabiex tipprovdi sostenn għat-task force li kienet imwaqqfa f'Lulju 2003 sabiex timmaniġġja l-fajls tal-każ ta' l-Eurostat.

39.

L-Unità ta' Verfika Interna ma ppreżentat l-ebda rapport fuq ix-xogħol ta' investigazzjoni. Partikolarment, hija ma vvalutatx l-operazzjoni korretta tas-CMS jew l-affidabilità u r-relevanza ta' l-indikaturi tar-riżultati. Sa tmiem l-2004, minkejja l-analiżi tar-riskju tagħha stess, hija xorta ma kienitx ikkontribbwiet bl-ebda mod sinifikanti għat-titjib tas-sistemi għall-ġestjoni ta' l-investigazzjonijiet.

40.

Bord Eżekuttiv magħmul mill-maġġoranza tal-kapijiet ta' l-unitajiet direttament jew indirettament responsabbli mill-investigazzjonijiet kien imwaqqaf fl-2002 taħt iċ-chairmanship tad-Direttur ta' l-Investigazzjonijiet. Dan jiltaqa darba fil-ġimgħa sabiex jeżamina r-rapporti li jiġu mdaħħla f'kull stadju f'investigazzjoni (valutazzjoni, egħluq u wara s-segwitu). Kien stabbilit sabiex jilħaq żewġ għanijiet:

41.

Waqt illi din il-karatteristika ġdida mingħajr dubju hija avvanz fil-mod li bih il-każijiet huma mmaniġġjati, is-suċċess tagħha bħala mezz ta' ġestjoni ta' l-investigazzjonijiet għadu limitat, partikolarment minħabba ż-żmien limitat li l-Membri tal-Bord għandhom sabiex jeżaminaw il-fajls kollha. Għalhekk minkejja l-intervenzjoni tal-Bord, l-investigazzjonijiet ġew mibdija fuq bażi ta' valutazzjoni żbaljata, dewmien fl-eżekuzzjoni tagħhom ma ġewx immonitorjati lil hinn mill-istadju ta' l-informazzjoni lill-Kumitat ta' Sorveljanza, u l-investigazzjonijiet jistgħu jiġu mgħoddija lill-unitajiet ta' segwitu qabel ma x-xogħol tas-sejba ta' l-informazzjoni jkun mitmum.

42.

L-operazzjonijiet kontra l-frodi huma t-tema ta' diversi rapporti, li kollha kemm huma huma parti mis-sorveljanza esterna ta' l-OLAF minħabba li huma ndirizzati lill-Kunsill u lill-Parlament Ewropew. L-Uffiċċju jressaq rapport annwali ta' l-attivitajiet, il-Kummissjoni tippreżenta rapport annwali fuq l-implimentazzjoni tal-politika tagħha għall-protezzjoni ta' l-interessi finanzjarji tagħha, il-Kumitat ta' Sorveljanza ta' l-OLAF jagħmel rapport annwali u l-Artikolu 15 tar-Regolament (KE) Nru 1073/1999 jitlob valutazzjoni ta' l-attivitajiet ta' l-Uffiċċju wara' tlett snin mit-twaqqif.

43.

Il-preżentazzjoni tar-rapporti ta' l-attivitajiet ta' l-Uffiċċju tjiebet matul is-snin. Ir-rappurtar sar iktar ċar issa li huwa sostnut minn data statistika tas-CMS u l-analiżi huma inqas iffukati fuq kwistjonijiet ta' liġi u l-politika ta' l-investigazzjoni, u iktar fuq każijiet prattiċi. L-affidabilità tad-data statistika għandha tiġi mtejba iktar billi l-operazzjonijiet jiġu reġistrati f'iktar dettall u billi l-fajls jiġu aġġornati iktar malajr. B'mod simili, r-rapporti l-iktar reċenti jistgħu jiġu mtejba, fis-sens illi l-attività hija analizzata f'termini tal-volum tagħha flok skond ir-riżultati miksuba. B'konnessjoni ma' dan, it-tieni paragrafu ta' l-Artikolu 12.3 tar-Regolament (KE) Nru 1073/1999 jitlob lid-Direttur sabiex jirrapporta…fuq is-sejbiet ta' l-investigazzjonijiet magħmula mill-Uffiċċju. Rigward l-ammonti rkuprati, l-informazzjoni hija inaffidabbli għaliex id-data li ġejja mill-Istati Membri hija nieqsa mill-konsistenza u mhux ikkorroborata (31). Rigward il-konsegwenzi ġuridiċi, iż-żmien disponibbli m'huwiex biżżejjed sabiex jippermetti xi valutazzjoni ta' l-effettività tax-xogħol ta' l-Uffiċċju, waqt li n-numru ta' proċeduri dixxipplinarji relatati ma' l-investigazzjonijiet interni għadu żgħir ħafna. Sabiex jagħti kont ta' l-attivitajiet tiegħu b'mod illi huwa kemm trasparenti kif ukoll relevanti, l-Uffiċċju għandu jidentifika u jaġġorna regolarment indikaturi li jiffukaw mhux biss fuq il-volum ta' l-attivitajiet tiegħu imma wkoll fuq ir-riżultati (suċċess jew falliment) ta' l-investigazzjonijiet tiegħu (32) (ara paragrafu 39), inklużi dawk magħmula b'kollaborazzjoni ma' l-awtoritajiet kompetenti fl-Istati Membri. Għadu diffiċli li jiġi determinat x'kienu r-riżultati effettivi ta' l-investigazzjonijiet.

44.

L-għan ta' din it-tieni sezzjoni huwa li tiġi valutata l-effettività tal-kontribuzzjoni magħmula mis-servizzi ta' l-Uffiċċju għax-xogħol amministrattiv tiegħu. B'konnessjoni ma' dan, huwa xieraq li jiġi mfakkar illi f'Novembru 2003 il-President tal-Kummissjoni tkellem dwar ir-riffokar ta' l-attivitajiet ta' l-OLAF fuq l-irwol investigattiv tiegħu (33).

45.

Id-Direttorat Ċ huwa magħmul minn tlett unitajiet (ara Anness I). L-ewwel wieħed jieħu ħsieb kwistjonjiet ta' strateġija kontra l-frodi, analiżi ta' tendenzi u tar-riskji fuq terminu twil kif ukoll tad-database ta' l-irregolaritajiet rapportati mill-Istati Membri. It-tieni wieħed huwa responsabbli għall-informazzjoni u għat-teknoloġija għar-reġistrazzjoni tal-każijiet. B'mod partikolari, din l-unità waqqfet u żammet għaddejja s-sistema tal-ġesjoni tal-każijiet (CMS) (ara paragrafu 17). It-tielet unità tipprovdi software u għodda tekniċi sabiex issostni l-investigazzjonijiet magħmula mill-persunal tad-direttorat ta l-investigazzjonjiet. Hija tista' wkoll tipprovdi assistenza operattiva (34) għas-servizzi ta' nkjesta fl-Istati Membri.

46.

L-Unità responsabbli għall-analiżi strateġika għandha tippermetti lill-Uffiċċju mhux biss li jsegwi d-denunzji, imma li jibda numru ta' nkjesti bbażati fuq l-analiżi tar-riskju mmirat magħmula mill-Uffiċċju nnifsu f'kollaborazzjoni, fejn hu xieraq, ma' dawk li huma ekwivalenti għalih fl-Istati Membri. Għalkemm din l-unità ilha teżisti għal sentejn, l-intervenzjonijiet tagħha sa llum ma kellhom l-ebda impatt dirett fuq l-attività investigattiva (35).

47.

Oqsma eżaminati mill-unità li setgħu wasslu għal investigazzjonijiet ġodda kienu jinkludu informazzjoni mogħtija mill-Istati Membri rigward ir-Regolamenti (KEE) Nru 595/91 (36) u (KE) Nru 1681/94 dwar l-irregolaritajiet misjuba fl-oqsma ta' l-Agrikoltura u l-Fondi Strutturali. L-unità kkonkludiet illi l-kwalità tad-data kienet ġeneralment inadegwata sabiex din tiġi wżata.

48.

Għall-analiżi strateġiċi, l-unità kellha problemi t'aċċess għal diversi databases ta' l-Istituzzjonijiet. Fil-fatt, is-servizzi tagħhom qalu li huma kkonċernati mill-użu li Uffiċċju jista' jagħmel mill-aċċess ġenerali għal databases, għal liema dispożizzjonijiet relatati mas-sigurtà tad-data personali, japplikaw (Regolament (KE) Nru 45/2001). Ma kien hemm l-ebda diskussjoni fil-fond ta' dan il-punt delikat mal-Kumitat ta' Sorveljanza għalkemm huwa kruċjali jekk l-Uffiċċju jrid jadottata approċċ iktar sistematiku u pro-attiv għall-ftuħ ta' l-investigazzjonijiet interni.

49.

Reċentement, jidher li kien hemm żieda regolari fit-talbiet għal assitenza mis-servizzi investigattivi rigward l-intelliġenza operattiva, li tikkonsisti b'mod partikolari fil-konsultazzjoni tad-databases. F'nofs l-2004 l-unità ta' l-intelliġenza operattiva kienet qed taħdem l-aktar fuq invetigazzjonijiet li jikkonċernaw l-agrikoltura u d-dwana, li mhumiex fil-prijoritajiet investigattivi ta' l-OLAF stabbiliti mid-Direttur.

50.

F'dik li l-Uffiċċju jsejjaħ il-pjattaforma tas-servizzi tiegħu, l-unità ta' l-intelliġenza operattiva tiddedika parti sinifikanti mir-riżorsi tagħha sabiex tagħti sostenn lill-Istati Membri fl-oqsma tad-dwana u ta' l-agrikoltura. Iż-żewġ attivitajiet li ġejjin ikunu iktar f'posthom f'servizzi oħra tal-Kummissjoni:

51.

Id-Direttorat A jinkludi fih sitt unitajiet (ara Anness I). Tlieta minn dawn l-unitajiet jieħdu ħsieb l-operazzjonijiet ta' segwitu (ara paragrafi 30-32) u s-sostenn lil-investigaturi fuq kwistjonijiet li jikkonċernaw il-leġislazzjoni settorjali. Għalkemm l-irwol preċiż ta' dawn it-tlett setturi jvarja skond is-setturi għal liema huma responsabbli, huma għandhom żewġ funzjonijiet: waħda li għandha x'taqsam ma' investigazzjonijiet u l-oħra li tagħti sostenn lid-Direttorati-Ġenerali operattivi tal-Kummissjoni fil-kuntest tal-politika fuq il-protezzjoni ta' l-interessi finanzjarji.

52.

F'termini ta' investigazzjonijiet, dawn it-tlett unitajiet jipprovdu analiżi relatata mar-regoli settorjali u mar-regolamenti. Huma jsegwu wkoll l-irregolaritajiet notifikati lill-Kummissjoni mill-Istati Membri. L-opinjonijiet mogħtija minn dawn l-unitajiet fuq materji legali u finanzjarji, partikolarment dawk mogħtija f'każijiet fl-istadju tal-valutazzjoni kkontribwew għal titjib fil-kwalità ta' l-investigazzjonijiet, partikolarment fl-oqsma tan-nefqa diretta u ta' l-attività esterna.

53.

Għar-rigward tas-sostenn lid-Direttorati-Ġenerali operattivi tal-Kummissjoni, dawn jipparteċipaw fl-iskrutinju tal-leġislazzjoni mill-perspettiva ta' kemm hija reżistenti u mhux suxxettibbli għall-frodi. Ir-rwol tagħhom jikkonsisti fil-proponiment ta' miżuri preventivi, bl-użu ta' l-esperjenza li l-Uffiċċju akkumula waqt l-investigazzjonijiet tiegħu.

54.

F'paragrafu 53 tar-Rapport Speċjali tagħha dwar l-irkupru ta' pagamenti rregolari taħt il-Politika Agrikola Komuni (38), il-Qorti kkonkludiet illi kien għad hemm konfużjoni dwar l-irwol ta' l-OLAF fis-segwitu ta' irregolaritajiet innotifikati mill-Istati Membri, għaliex id-diviżjoni tar-reponsabbiltajiet bejn l-Uffiċċju u d-DĠ Agrikoltura m'hix ċara ħafna. Dan naqqas l-effettività tal-mekkaniżmi għall-irkupru ta' ammonti li ġew imnaqqsa b'mod żbaljat mill-baġit tal-Komunità. Għalkemm il-verifika tal-Qorti ħarset biss ftit lejn is-segwitu għal irregolaritajiet notifikati rigward dwana u Fondi Strutturali, l-istess mistoqsijiet dwar it-tqassim tar-responsabbilitajiet iqumu wkoll f'dak il-każ. Ġeneralment, l-operazzjonijiet ta' segwitu għandhom tendenza illi jieħdu r-riżorsi l-bogħod mill-uffiċċju, għad-detriment ta' l-irwol investigattiv tiegħu, u għall-benefiċċju tad-Direttorati-Ġenerali tal-Kummissjoni.

55.

Mit-tlett unitajiet l-oħra tad-Direttorat A, madwar terz tar-riżorsi (12-il aġent) fl-unità ta' l-affarijiet legali huma mpenjati fl-għotja t'opinjonijiet legali ġenerali (non-settorjali) lid-Direttorat ta' l-Investigazjzonijiet. Din hija funzjoni bżonnjuża minħabba li tikkumplimenta l-opinjonijiet settorjali li l-unitajiet ta' segwitu jipprovdu. Madanakollu, huwa inqas ċar jekk l-l-attivitajiet l-oħra li l-unità tiżvolġi, partikolarment dawk li għandhom x'jaqsmu ma' l-istrateġija għall-protezzjoni ta' l-interessi finanzjarji, humiex parti mix-xogħol prinċipali ta' l-Uffiċċju u jekk l-OLAF huwiex fl-aħjar pożizzjoni sabiex jieħu ħsiebhom. L-istess jista' jingħad għaż-żewġ unitajiet l-oħra (Protezzjoni ta' l-euro u Sostenn għall-kumitati konsultattivi fuq il-protezzjoni ta' l-interessi finanzjarji.)

56.

Minbarra s-servizz tal-verifika interna, erba' unitajiet huma direttament reponsabbli lejn id-Direttur ta' l-Uffiċċju (ara Anness I).

57.

Għalkemm tirrapporta lid-Direttur ta' l-Uffiċċju, din l-unità suppost taqdi żewġ rwoli marbuta mill-viċin mal-funzjoni investigattiva:

58.

L-Unità tal-Maġistrati kellha ftit involviment fix-xogħolijiet ta' valutazzjoni u ta' investigazzjoni. L-azzjoni ta' l-unità spiss waslet tard, li ma wassalx dejjem għall-vantaġġ sħiħ li setgħa jiġi meħud mill-kompetenzi li hija għandha, u dan affettwa l-kwalità ta' ċerti rapporti investigattivi. Fil-qasam tan-nefqa diretta, il-maġistrati kienu nvoluti mill-bidu tax-xogħol ta' l-investigaturi mit-tieni parti ta' l-2003-il quddiem. Kieku din il-prattika kellha tiġi estiża għall-oqsma kollha li fihom l-Uffiċċju huwa nvolut, ikun iktar faċli li jiġi determinat jekk l-evidenza disponibbli hijiex biżżejjed jew jekk hemmx bżonn ta' iktar evidenza sabiex tippermetti li investigazzjoni tiġi konkluża permezz tat-trasferiment tal-fajl lill-awtoritajiet dixxipplinarji jew ġudizzjarji kompetenti bi prospetti tajbin ta' suċċess.

59.

Bħala parti mit-tkabbir ta' l-Unjoni, unità speċjali ġiet mogħtija r-responsabbiltà sabiex timplimenta programm ta' 15-il miljun euro finanzjat mill-programm Phare. Din l-attività hija skedata sabiex tkompli, fil-prinċipju sa l-2006. Fl-2004 ġiet mogħtija r-responsabbiltà għal programm ta' sostenn ieħor għall-Pajjiżi Membri ġodda (il-programm Hercules, b'finanzjament ta' 11,7 miljun euro). Bħal fil-każ ta' l-inizjattivi kontra l-falsifikazzjoni, m'huwiex l-irwol ta' l-Uffiċċju li jsir il-maniġer tal-programmi ta' l-infiq.

60.

L-unità għandha wkoll fil-prinċipju r-responsabbilità għat-taħriġ kontinwu fl-Uffiċċju. Jidher pero' li din l-attività ġiet mitluqa. Il-missjoni ta' din l-unita' għandha għalhekk tiġi valutata mill-ġdid.

61.

Id-dimensjoni ta' din l-unità, u n-nefqa amministrattiva ta' l-OLAF in ġenerali, hija inqas milli kienet tkun kieku l-Uffiċċju ma kienx amministrattivament konness mal-Kummisjoni. B'riżultat, l-OLAF jiffranka ekonomikament b'mod sinifikanti permezz ta' l-użu tas-servizzi ta' numru kbir ta' dipartimenti fid-Direttorat-Ġenerali Amministrazzjoni tal-Kummissjoni, mingħajr ma jippreġudika l-indipendenza tal-funzjoni investigattiva tiegħu.

62.

Iż-żieda qawwija fin-numru ta' postijiet tax-xogħol mill-1999 tirrifletti d-determinazzjoni ta' l-awtorità tal-baġit li ssaħħaħ il-funzjoni investigattiva ta' l-Uffiċċju. Madankollu, in-numru ta' postijiet tax-xogħol ġodda m'huwiex ibbażat fuq xi studju mmirat sabiex jiġu determinati l-bżonnijiet ta' l-Uffiċċju għal dak li għandu x'jaqsam ma' persunal b'rigward għall-istrateġija adottata u l-ammont ta' xogħol.

63.

Parti kbira miż-żieda fin-numru tal-persunal saret permezz ta' postijiet tax-xogħol b'kuntratt temporanju. B'konsegwenza, in-numru ta' postijiet temporanji fil-kategoriji A u B żdied minn 12 fl-1999 għal 127 fl-2001. Fil-lista tal-postijiet għall-2004, dawn il-postijiet ammontaw għal 55 % tat-total ta' l-aġenti fil-kategoriji A u B. In-numru kbir ta' postijiet temporanji kien konsegwenza tal-proċedura tal-baġit għas-sena finanzjarja 2001, meta l-mira f'dak iż-żmien kienet li jinbidel il-persunal ta' l-investigazzjonijiet serji li kien ġej mill-UCLAF (39). Issa li dan l-objettiv intlaħaq, is-sitwazzjoni preżenti tippreżenta iktar problemi milli toffri vantaġġi:

64.

Minħabba l-komplessività tal-kuntest Komunitarju, l-investigaturi huma obbligati juru versatilità u adattabilità. Minħabba li mhuwiex faċli ssib kombinazzjoni ta' dan il-kwalitajiet, din hija raġuni serja sabiex tingħata prijorità ikbar lill-istabilità fil-programmi ta' reklutaġġ u ta' taħriġ. Għalhekk, ikun xieraq li wieħed jerġa' jħares lejn il-lista tal-postijiet sabiex jipprovdi lill-investigaturi b'sitwazzjonijiet ta' impjieg li huma inqas prekarji u b'possiblitajiet ta' karriera reali. Dan l-għan jista' jiġi milħuq gradwalment permezz tat-tibdil ta' xi postijiet skond kif il-proċeduri tal-baġit tal-futur ikunu jippermettu.

65.

Fl-istess ħin, l-amministraturi l-iktar esposti għall-problemi ta' frodi u tal-protezzjoni ta' l-interessi finanzjarji ta' l-Unjoni Ewropea għandhom ikunu nkoraġġati sabiex jagħmlu disponibbli lis-servizzi analitiċi (u ta' l-intelliġenza) ta' l-Uffiċċju numru ikbar ta' esperti nazzjonali sekondati. Sforz partikolari f'din id-direzzjoni jista' jsir rigward is-servizzi ta' l-Istati Membri li jiġu msejjħa sabiex jikkollaboraw ma' l-Uffiċċju.

66.

Il-Kumitat ta' Sorveljanza ġie mwaqqaf mill-atti tat-twaqqif ta' l-OLAF (42). “Il-Kumitat tas-Sorveljanza għandu jsaħħaħ l-indipendenza ta’ l-Uffiċċju b’sorveljanza regolari mill-qrib ta’ l-implimentazzjoni tal-funzjoni investigattiva.” (43) Huwa għandu wkoll, “fuq talba tad-Direttur jew fuq inizjattiva tiegħu stess,”… [jagħti] opinjonijiet lid-Direttur dwar l-attivitajiet ta’ l-Uffiċċju, mingħajr madankollu ma jfixkel it-tmexxija ta’ l-investigazzjonijiet li jkunu għaddejjin. () Fil-prattika, fuq bażi tal-konsiderazzjoni numru 10 tar-Regolament (KE) Nru 1073/99, il-Kumitat ta' ħafna mill-attenzjoni tiegħu lil waħda mir-regoli ta' proċedura tiegħu stess, taħt liema huwa jagħmel ċar li ħa jiżgura li l-Uffiċċju jirrispetta l-prinċipji tad-drittijiet individwali u tal-libertajiet fundamentali, partikolarment rigward l-investigazzjonijiet interni (44).

67.

L-eżerċizzju tal-mandat tal-Kumitat ta' Sorveljanza huwa wieħed delikat f'diversi aspetti. Il-Kumitat irid ikun garanti kemm ta' l-indipendenza ta' l-Uffiċċju kif ukoll tad-drittijiet tal-persuni taħt investigazzjoni. Biex jagħmel dan, il-leġislazzjoni ma tagħtih l-ebda dritt ta' deċiżjoni. Billi rrestinġa d-dikjarazzjonijiet tiegħu għal kwistjonijiet ta' prinċipju, huwa qiegħed jistabbilixxi duttrina li ma għandha l-ebda effett reali fuq l-investigazzjonijiet. Finalment, minħabba li l-Kumitat ma jistax jintervjeni waqt il-kors ta' l-investigazzjonijiet, huwa bl-ebda mod ma jikkostitwixxi mekkaniżmu għall-monitoraġġ tal-legalità ta' l-investigazzjonijiet waqt li huma jkunu qed jitmexxew.

68.

Rigward il-monitoraġġ tal-proċedura li tiġi segwita fl-investigazzjonijiet, diversi każijiet reċenti juru l-eżistenza ta' sovrappożizzjoni bejn l-irwoli tal-Kumitat ta' Sorveljanza u l-Ombudsman Ewropew. Għalhekk, bejn Settembru 2003 u Mejju 2004 il-Kumitat iddibatta dwar l-intervenzjonijiet ta' l-ombudsman f'inkjesti individwali ta' l-Uffiċċju, waqt sebgħa mill-laqgħat tiegħu. Barra minn hekk, l-Uffiċċju ma jieħux ħsieb l-ilmenti li l-persuni taħt investigazzjoni jindirizzaw lid-Direttur ta' l-Uffiċċju, li jibqa' liberu li jieħu ħsiebhom kif jaħseb li hu xieraq.

69.

Għalkemm il-Kumitat ma jistax jinterferixxi fil-ġestjoni ta' l-Uffiċċju, jiġifieri ma jistax jintervjeni la fl-attivitajiet mhux investigattivi u lanqas f'kif jitmexxew l-investigazzjonijiet:

70.

Minn meta ġie appuntat id-Direttur ta' l-Uffiċċju, l-indipendenza tiegħu qatt ma kienet mhedda (53). Fil-prattika, il-Kumitat iffoka l-iktar l-attenzjoni tiegħu fuq kwistjonijiet relatati ma' l-osservanza ta' l-Uffiċċju tad-drittijiet individwali fl-investigazzjonijiet interni u ddeplora n-nuqqas ta' kodiċi ta' proċedura sabiex tagħti qafas b'saħħtu lill-azzjonijiet investigattivi. L-iffokar ta' l-attenzjoni tal-Kumitat fuq l-inkejsti interni u fuq id-drittijiet individwali affettwat ir-relazzjoni bejn id-Direttur ta' l-Uffiċċju u l-Kumitat.

71.

Billi segwa l-politika ta' l-Uffiċċju, l-Kumitat ta' Sorveljanza ta prijorità lid-destinazzjoni kriminali ta' l-investigazzjonjiet interni, minkejja l-fatt illi l-ġlieda kontra l-frodi kontra l-interessi finanzjarji tal-Komunitajiet tmur ferm lil hinn mill-limiti ta' l-istituzzjonijiet, u li diversi frodi jsiru mingħajr kollużjoni mal-persunal ta' l-istituzzjonijiet jew tal-korpi relatati. Għalkemm l-Artikoli 7.1 u 7.3 tar-Regolament (KE) Nru 1073/1999 jitolbu illi l-istituzzjonijiet, korpi, uffiċċji u aġenziji għandhom jgħaddu lill-Uffiċċju mingħajr dewmien kwalunkwe informazzjoni li għandha x'taqsam ma' każijiet possibbli ta' frodi u korruzzjoni u li l-Istati Membri għandhom ukoll jibgħatu … kwalunkwe dokument jew informazzjoni kkunisdrata pertinenti … li għandha x'taqsam mal-ġlieda kontra l-frodi u kwalunkwe attività llegali oħra li taffettwa l-interessi finanzjarji tal-Komunitajiet, il-Kumitat ta' Sorveljanza qatt ma studja l-kondizzjonijiet li fihom l-aġenziji ta' l-Istati Membri qdew dan id-dmir, għalkemm huwa essenzjali għall-attivitajiet investigattivi ta' l-Uffiċċju (54).

72.

Sabiex ikun jista' jiddiskuti mistoqsijiet relatati mat-tmexxija ta' l-inkjesti b'tagħrif sħiħ tal-fatti, is-segretarjat tal-Kumitat jeżamina l-fajls ta' l-investigazzjonijiet magħluqa li huwa jagħżel fuq bażi ta' kriterja determinata f'konsultazzjoni maċ-Chairman. In-numru ta' fajls eżaminati reċentement kien ta' 17 (55) fl-2003 u 7 fl-ewwel sitt xhur ta' l-2004. Dawn l-eżminazzjonijiet huma s-suġġett ta' rekords dettaljati ta' valutazzjoni li spiss jinkludu rakkomandazzjonijiet pertinenti jew materji importanti ta' prinċipju. Dawn ir-rekords ma jiġux komunikati lill-Uffiċċju. Attitudni iktar miftuħa mhux biss tkun ta' benefiċċju għar-relazzjonijiet bejn is-servizzi imma tippermetti lill-partijiet kollha sabiex jibbenefikaw mill-aħjar prattika, u b'hekk tikkontribwixxi sabiex tissaħħaħ il-funzjoni investigattiva.

73.

L-Uffiċċju wettaq diversi miżuri ta' riorganizzazzjoni sostanzjali f'Novembru 2003. Fi żmien il-verifika, kien evidenti illi fil-bidu ta' l-2004 kien għadu għaddej jieħu ħsieb dak li huwa wiret mill-passat, mill-UCLAF, il-predeċessur tiegħu, u li l-miżuri l-ġodda kienu għadhom kif bdew juru effett (ara paragrafu 10).

74.

Il-politika investigattiva ta' l-Uffiċċju għadha inċerta, kemm rigward il-kwistjoni li jimxi fuq l-inizjattiva tiegħu stess, l-immaniġġjar tal-prijoritajiet, il-proċeduri ta' kollaborazzjoni ma' l-awtoritajiet ta' l-Istati Membri kif ukoll dwar l-iċċekkjar ta' skadenzi. Similarment, linji gwida fuq ir-riżultati li jridu jiġu milħuqa għadhom vagi minħabba illi l-aspetti dixxiplinarji u finanzjarji jistgħu jiġu skartati għall-vantaġġ tal-proċessi ġudizzjarji, ir-riżultat ta' liema huwa spiss wieħed remot u inċert (ara paragrafi 19, 20 u 25).

Ladarba l-prinċpji ta' gwida ta' l-investigazzjonijiet tagħha jkunu ġew speċifikati f'termini tar-riżultati li jridu jiġu milħuqa flok sempliċement fuq dawk l-oqsma fuq liema jkun jixtieq jiffoka l-attivitajiet tiegħu, l-introduzzjoni ta' indikaturi ta' l-esekuzzjoni (minflok sempliċi indikaturi ta' l-attività) għandha tagħmilha possibbli li jiġi stmat sa fejn l-għażliet ta' l-Uffiċċju kienu ġustifikati.

75.

Is-sistema tat-tehid tad-deċiżjonijiet li tirregola d-diversi stadji ta' l-investigazzjonijiet saret iktar trasparenti (ara paragrafu 16). Dan l-aktar minħabba l-intervenzjoni tal-Bord Eżekuttiv u l-introduzzjoni ta' rapporti standard (ara paragrafu 41).

76.

Il-fatt illi l-operazzjonijiet ta' Kordinazzjoni u ta' assistenza huma trattati l-istess bħall-investigazzjonijiet jagħmel il-kontroll tar-riżorsi diffiċli u jirriżulta f'użu li jieħu ħafna ħin tas-sistema tas-CMS, anke jekk l-Uffiċċju ma għandu l-ebda obbligazzjoni, fil-każijiet ta' kordinazzjoni u ta' assistenza, li jiġbor u jipproduċi l-evidenza huwa nniffsu (ara paragrafi 13 u 14).

Ikun utli jekk tiġi rrikonsidrata l-organizzazzjoni ta' l-Uffiċċju rigward l-operazzjonijiet ta' kordinazzjoni u ta' assistenza u li tiġi nvestigata l-possibilità li tiġi kreata unità speċjali, dedikata għal dawn l-operazzjonijiet, bħala parti mill-pjattaforma ta' servizzi.

77.

Rigward xogħol preliminari (valutazzjonijiet), l-analiżi għadhom rudimentali. L-unitajiet ta' sostenn (maġistrati, segwitu u analiżi operattiva) ma tantx kellhom sehem fl-iffissar ta' l-għanijiet u fl-ippjanar ta' l-istrateġija li trid tiġi adottata f'kull investigazzjoni. Il-Bord Eżekuttiv ma nsistiex biżżejjed fuq il-bżonn ta' formulazzjoni ċara ta' l-għanijiet u tar-riżultati mistennija mill-investigazzjonijiet (ara paragrafi 20 u 22).

Ċerti atti investigattivi għad iridu jiġu ġustifikati b'mod iktar konvinċenti, l-għanijiet iffissati għall-investigaturi f'kull każ iridu jiġu ċċarati u jrid ikun hemm iktar insitenza fuq programmi ta' xogħol sabiex jiġu sostnuti d-deċiżjonijiet proposti. Rigward il-Bord Eżekuttiv, ikun utli li jiġu kkunsidrati raggruppamenti iżgħar fejn kull wieħed minnhom iġib flimkien persuni li jkunu qed jaħdmu fuq fajls li jkollhom karatteristiċi komuni (56). Dan l-approċċ inaqqas l-ammont tax-xogħol fuq l-eżami tal-fajls għall-parteċipanti u jinkoraġġixxi analiżi iktar raġonevoli u dettaljata tad-deċiżjonijiet abbozzati. Huwa jippermetti wkoll segwitu koordinat tal-portfolio tal-każijiet kurrenti u l-introduzzjoni ta' sistema ta' prijorità. Xejn ma jtellef lis-sotto-gruppi tal-Bord Eżekuttiv milli jiltaqgħu flimkien, jekk ikun hemm bżonn, sabiex jieħdu ħsieb materji ta' prinċipju li fihom is-servizzi kollha jkollhom interess.

78.

Is-sorveljanza ta' l-investigazzjonijiet mill-maniġment ta' l-Uffiċċju spiss irriżultat inadegwata (ara paragrafi 28, 35 u 36). It-tul ta' l-investigazzjonijiet ma ġiex taħt kontroll (ara paragrafu 24).

Il-Kapijiet ta' l-unità għandhom jiżguraw illi l-prijoritajiet jiġu kemm jista' jkun rispettati u jridu kemm ikunu jafu u kemm jikkontrollow l-ammont ta' xogħol reali ta' l-investigaturi. Minn dan l-aspett, l-Uffiċċju jrid jagħmel użu aħjar mill-mezzi li għandu disponibbli (smiegħ ta' xhieda, żjarat fuq il-post sabiex jinġabru dokumenti, analiżi operattivi eċċ.).

79.

Ma teżisti l-ebda sistema sabiex jitkejjel l-ammont tax-xogħol reali ta' l-investigaturi jew iż-żmien li huma jieħdu fuq l-investigazzjonijiet (ara paragrafu 26).

Sistema ta' reġistrazzjoni tal-ħin, marbuta ma' pjanijiet ta' xogħol li jinkludu stimi tal-ħin li jrid jiġi wżat fuq l-investigazzjonijiet, toffri bażi għal aġġustament aħjar ta' l-ammont tax-xogħol mar-riżorsi disponibbli fl-unitajiet varji tad-Direttorat ta' l-Investigazzjonijiet, u tevita d-dewmien.

80.

L-obbligazzjoni li jiġu rappurtati investigazzjonijiet li għandhom iktar minn disa' xhur lill-Kumitat ta' sorveljanza ma kellu l-ebda effett notevoli (ara paragrafu 24).

Billi jittieħdu in konsiderazzjoni t-termini ta' preskrizzjoni stabbiliti fil-liġijiet nazzjonali (kriminali) u Komunitarji (eż. Artikolu 3 tar-Regolament (KE, Euratom Nru 2988/95), jekk jitwaqqaf terminu massimu ta' kemm jistgħu idumu l-inkjesti dan iwassal sabiex probabbilment tiżdied l-effettività tagħhom.

81.

Għadu diffiċli li jiġu determinati r-riżultati reali ta' l-investigazzjonijiet. Fil-qasam ta' l-investigazzjonijiet interni, sar biss progress żgħir sa mill-1988 rigward is-sanzjonijiet imposti. It-toroq ġudizzjarji u legali rriżultaw prinċipalment ineffiċċjenti (ara paragrafu 37).

82.

L-operazzjonijiet ta' segwitu finanzjarji ta' l-Uffiċċju huma ta' piż għar-riżorsi tiegħu (ara paragrafi 31 u 54). Is-segwitu ġudizzjarju jżid ftit valur lill-konklużjonijiet mogħtija (ara paragrafu 43).

Is-segwitu finanzjarju m'għandux ikun parti mill-kompetenza ta' l-Uffiċċju. Huwa kompitu tad-dipartimenti ta' awtorizzazzjoni fil-Kummissjoni u fl-Istati Membri sabiex jorganizzaw l-irkupru ta' ammonti identifikati b'riżultat ta' l-investigazzjonijiet. L-uffiċjali ta' awtorizzazzjoni u l-Istati Membri għandhom jinnotifikaw lill-OLAF immedjatament bi kwalunkwe somom irkuprati jew bl-ammonti mħassra. Is-segwitu ġudizzjarju għandu jkun limitat biss għal każijiet fejn, wara proċeduri kriminali, l-uffiċjal li jkun awtorizza l-ispiża inizjali ikun obbligat jibda proċeduri ċivili għall-irkupru. Is-segwitu leġislattiv għandu jibqa' responsabbiltà tad-Direttorati-Ġenerali operattivi fuq bażi ta' sommarji indirizzati lejhom mill-Uffiċċju.

83.

Il-kontroll tal-legalità ta' l-atti investigattivi li jkunu għadhom sejrin m'huwiex assigurat b'mod indipendenti (57). Il-miżuri proċedurali li jikkonċernaw l-investigazzjoni għadhom kodifikati b'mod imperfett (ara paragrafu 27).

Il-kodifikazzjoni tal-proċeduri għandha tiggarantixxi illi l-atti investigattivi jsegwu kors prevedibbli, li jkun hemm ċertezza dwar iż-żmien tas-smiegħ u li, f'kull stadju importanti ta' l-inkjesta, id-drittijiet tad-difiża jkunu protetti kif ukoll l-aċċess tagħhom għad-dossier ikun assigurat. Il-kodiċi għandu wkoll jirrinforza l-prinċipju tas-segretezza ta' l-investigazzjoni u jipprovdi kontrolli fuq il-legalità ta' l-atti ta' l-inkjesti li jkunu għadhom sejrin. Kodiċi bħal din għandu jkollha forza legali, tkun pubblikata u tippermetti illi l-prinċipji bażiċi li jirregolaw l-investigazzjonijiet ta' l-OLAF, partikolarment it-trasparenza u l-prinċipju ta' l-avversarjat, jiġu applikati b'mod trasparenti.

84.

Fil-qasam tan-nefqa diretta, l-OLAF jiddependi fuq il-koperazzjoni mad-dipartimenti nazzjonali. Xi Stati Membri jkunu iktar lesti li jagħtu s-sostenn tagħhom lill-Uffiċċju minn oħrajn, għalkemm l-Uffiċċju m'għandux il-mezzi kollha għad-dispożizzjoni tiegħu sabiex juri ċerti fatti (ara paragrafi 15 u 37).

85.

Fl-oqsma tar-riżorsi proprji u tan-nefqa tal-ġestjoni maqsuma, l-koperazzjoni ma' l-Istati Membri taħt regoli ad hoc u proċeduri ta' assistenza reċiproka (Regolament (Euratom, KE) Nru 2185/96) spiss hija waħda medjokri (ara paragrafi 15 u 32).

Sabiex jiġu ċċarati arranġamenti għall-koperazzjoni ma' l-awtoritajiet ta' l-Istati Membri, ikun utli li tiġi kkunsidrata jew l-adozzjoni ta' Regolament tal-Kunsill speċifiku li jistabbilixxi arranġamenti dettaljati għal kooperazzjoni bħal din (ara l-emendi proposti għar-Regolament (KE) Nru 1073/1999), jew il-konklużjoni ta' arranġamenti mas-servizzi nazzjonali ta' l-investigazzjoni li jkunu fl-aħjar pożizzjoni sabiex jassistu lill-Uffiċċju. (58).

86.

Is-sistema tal-ġestjoni tal-każijiet (CMS u reġistru) mwaqqfa mill-Uffiċċju hija progress sinifikanti fil-kontroll tad-dokumentazzjoni u tal-fajls investigattivi (ara paragrafu 17).

87.

Id-databases tas-CMS m'humiex użati bl-aħjar mod possibbli sabiex tiġi mwaqqfa sistema ġenwina ta' ġestjoni ta' l-investigazzjoni u ta' għajnuna għat-teħid tad-deċiżjonijiet, għalkemm instrument bħal dan huwa meħtieġ sabiex jiġu ġestiti u diretti l-investigazzjonijiet (ara paragrafi 34 u 36).

Id-databases tas-Cms għandhom jintużaw sabiex is-sistema ta' dokumentazzjoni tiġi mibdula f'sistema vera ta' ġestjoni ta' l-investigazzjonijiet u f'għajnuna għat-teħid tad-deċiżjonijiet. Jekk dan jiġi miżjud ma' kjarifikazzjoni ta' l-irwol tar-responsabbiltà tal-ġestjoni għall-investigaturi, dan jirrinforza l-effettività ta' l-investigazzjonijiet u jevita d-dewmien. Dawn il-punti għandhom jiġu miżjuda mal-manwal ta' l-OLAF u dettalji tar-responsabbilitajiet tal-ġesjtoni għandhom jiġu nklużi. Sabiex il-manwal isir iktar utli għall-operazzjonijiet, l-istruzzjonijiet kollha li għandhom x'jaqsmu ma' l-organizzazzjoni, it-tmexxija u s-sorveljanza ta' l-inkjesti għandhom jiġu miġbura ġo volum wieħed. Sforz speċjali jrid jiġi magħmul ukoll rigward it-taħriġ lill-investigaturi (fit-tekniċi ta' l-investigazzjoni; leġislazzjoni settorjali, nazzjonali u Komunitarja, abilitajiet fil-kitba ta' rapporti eċċ.).

88.

Riżorsi konsiderevoli jiġu nvestiti fil-produzzjoni ta' rapporti li mhux dejjem jirriżultaw f'informazzjoni ċara biżżejjed sabiex tiġi ġġudikata l-effettività ta' l-Uffiċċju fin-nuqqas ta' indikaturi tal-prestazzjoni relevanti (ara paragrafi 37, 39 u 43).

In-numru tar-rapporti għandu jiġi mnaqqas u għandha tingħata iktar attenzjoni għall-valur informattiv tagħhom. Id-data statistika għandha ssir iktar affidabbli u relevanti sabiex ikun jista' jsir tqabbil maż-żmien. F'dan ir-rigward, l-introduzzjoni ta' indikaturi tal-prestazzjoni bbażati fuq riżultati reali minflok potenzjali għandha ġġib iktar kjarifikazzjoni.

89.

Il-politika ta' l-investigazzjoni reattiva ta' l-uffiċċju ma tippermettilux li jħares lejn l-ammont ta' xogħol li ħa jkollu l-quddiem u li jorganizza t-timijiet investigattivi tiegħu skond dan (ara paragrafi 26 u 62). Il-proċess ta' l-allokazzjoni ta' persunal bejn l-unitajiet fid-Direttorat ta' l-Investigazzjonijiet mhuwiex trasparenti. Il-ġestjoni tal-persunal hija kkumplikata minħabba n-numru sproporzjonat ta' postijiet temporanji li jirriżulta f'instabilità (ara paragrafi 63 u 64).

Ikun mixtieq li jiġi organizzat monitoraġġ ta' l-ammonti ta' xogħol tas-servizzi u li jiġi implimentat master plan ġenwin għall-ġestjoni tal-persunal sabiex jiġu solvuti problemi strutturali fil-ġestjoni tal-persunal. Ġestjoni soda tat-timijiet investigattivi barra minn hekk, tkun ta' favur għal unitajiet iktar bilanċjati għal dak illi huwa n-numru ta' persunal, u tippermetti lill-kapijiet ta' l-unità sabiex jissorveljaw l-investigazzjonijiet iktar mill-viċin.

90.

L-impatt tas-servizzi ta' l-analiżi strateġiċi fuq id-Direttorat ta' l-Investigazzjonijiet għadu insinifikanti. Għar-rigward ta' l-analiżi tar-riskju, il-kontribuzzjonijiet tagħhom baqgħu limitati (ara paragrafu 46).

Il-missjoni tas-servizzi ta' l-analiżi strateġiċi għandha tiġi mfissra mill-ġdid sabiex dawn ikunu jistgħu jikkontribwixxu b'mod effettiv għall-identifikazzjoni ta' sitwazzjonijiet li jwasslu għal investigazzjonjiet esterni fis-setturi li huma l-iktar f'riskju. Għal dan ir-rigward, huma għandhom ifittxu li titjieb fil-preżentazzjoni, in-natura u l-eżattezza tad-data mgħoddija mill-Istati Membri u permezz tagħha tkun tista' tinħoloq database li tkun tista' tintuża sabiex jiġu mfittxija anomaliji u jsiru investigazzjonijiet.

91.

Sostenn ġuridiku huwa utli minħabba d-diffikultajiet preżentati minn ċerta leġislazzjoni tal-Komunità. Is-settur jagħti sostenn regolari lis-servizzi investigattivi. Huwa leġittimu min-naħa l-oħra li wieħed jistaqsi kemm ix-xogħol relatat ma' l-istrateġija għall-protezzjoni ta' l-interesssi finanzjarji jikkontribbwixxi għall-investigazzjonijiet ta' l-Uffiċċju (ara paragrafi 53 u 55).

Minħabba illi x-xogħol relatat ma' l-istrateġija għall-protezzjoni ta' l-interessi finanzjarji ma kellu l-ebda impatt dirett fuq it-tmexxija ta' l-inkjesti, servizzi oħra tal-Kummissjoni jkunu f'pożizzjoni aħjar sabiex jagħmlu dak ix-xogħol.

92.

L-attivitajiet t'assistenza huma utli meta jkun hemm bżonn jingħata sostenn konkret lill-Istati Membri fil-kordinazzjoni u l-analiżi fil-qasam ta' l-investigazzjonijiet li jaqbżu l-fruntiera. L-attivitajiet periferali ta' l-Uffiċċju, partikolarment dawn assoċjati mal-politika ta' protezzjoni ta' l-interessi finanzjarji f'sens wiesa', itellfu lill-maniġment mill-irwol tiegħu ta' sorveljanza u sostenn lill-funzjoni investigattiva. Meta attivitajiet bħal dawn jinvolvu t-tehid ta' responsabbiltajiet li normalment jiġu magħmula mis-servizzi operattivi tal-Kummissjoni (per eżempju, ġestjoni tal-programmi) il-mobilitazzjoni tar-riżorsi ta' l-Uffiċċju mhix l-aħjar soluzzjoni (ara paragrafi 55 u 59).

Ix-xogħol tal-ġestjoni tal-programmi għandu jkun responsabbiltà tas-servizzi operattivi tal-Kummissjoni, li huma mgħammra aħjar mill-Uffiċċju sabiex jieħdu ħsiebhom.

93.

Entità bħall-OLAF għandha bżonn linji ċari tar-responsabbiltà tal-ġestjoni u dispożizzjonijiet ċari għas-sorveljanza. Il-mandat tal-Kumitat ta' Sorveljanza madankollu sar mhux ċar. Barra minn hekk il-Kumitat ta' Sorveljanza ma jipprovdix lid-Direttur ta' l-Uffiċċju bis-sostenn kollu neċessarju (ara paragrafu 70).

L-irwol tal-Kumitat ta' Sorveljanza għandu jiġi rieżaminat sabiex jiġu evitati r-riskji kollha ta' interferenza fl-investigazzjonjiet li għadhom għaddejjin.

94.

Il-fatt illi l-OLAF huwa marbut mal-Kummissjoni ma poġġiex f'periklu l-indipendenza tal-funzjoni investigattiva ta' l-Uffiċċju, għalkemm ġew innotati xi diffikultajiet fil-komunikazzjoni. Ma jidhirx għalhekk, li għandu jkun hemm kwistjoni dwar l-istatus ta' l-Uffiċċju. Min-naħa l-oħra il-ġestjoni eżekuttiva tal-funzjoni investigattiva jmissha rċeviet iktar attenzjoni fit-tul, sabiex tiġi garantita l-kwalità tar-riżultati tagħha u tiġi evitata d-duplikazzjoni tax-xogħol ta' servizzi oħra tal-Kummissjoni. L-esperjenza ta' l-ewwel ħames snin ta' eżistenza ta' l-Uffiċċju għandha tendenza li turi li hemm bżonn ta' iktar riflessjoni, sabiex jiġi żgurat illi l-investigazzjonijiet ikunu effettivi fl-ilħuq ta' riżultati konkreti, kemm jekk dawn ifissru l-irkupru ta' l-ammonti misapproprjati u kemm jekk ifissru l-applikazzjoni effettiva ta' sanzjonijiet dixxiplinari jew kriminali.

Minn dan kollu, jidher ċar illi riffokar ta' l-attivitajiet ta' l-Uffiċċju fuq il-funzjoni investigattiva tiegħu, kif indika l-President tal-Kummissjoni f'Novembru 2003, issaħħaħ l-effettività ta' l-investigazzjonijiet, filwaqt illi tħalli r-responsabbiltà għall-atti preventivi jew leġislattivi għal organizzazzjonijiet oħra. Dan l-iriffokar, għandu, min-naħa tiegħu, ikun akkumpanjat minn modifikazzjonijiet fit-tmexxija ta' l-Uffiċċju, bi bżonn ta' tibdil fir-regolamenti (59).

18.8.2005   

MT

Il-Ġurnal Uffiċjali ta’ l-Unjoni Ewropea

C NaN/33

1.

Il-proposta hija bbażata fuq ir-rapport tal-progress mogħti mill-Kummissjoni f'April 2003 taħt l-Artikolu 15 tar-Regolament (KE) Nru 1073/1999 tal-Parlament Ewropew u tal-Kunsill rigward l-investigazzjonijiet immexxijja mill-OLAF (1). Hija wkoll segwitu tal-kompitu mogħti mill-President tal-Kummissjoni lill-Kumitat dwar il-Kontroll tal-baġit fit-18 ta' Novembru 2003 waqt il-preżentazzjoni tal-programm leġislattiv u ta' xogħol tal-Kummissjoni għall-2004. Il-proposta tal-Kummissjoni tfittex li ssaħħaħ l-effiċjenza operattiva ta' l-OLAF billi tħalliħ jikkonċentra fuq il-prijoritajiet tiegħu u sabiex iħaffef l-investigazzjonijiet tiegħu billi tiċċara ċerti proċeduri. Madanakollu, id-dikjarazzjoni tal-President marret iktar il-bogħod mill-proposta mressqa mill-Kummissjoni billi, barra mill-aġġustamenti għall-proċeduri t'investigazzjoni, hija kkunsidrat il-prospettiva ta' riorganizzazzjoni ta' l-Uffiċċju nniffsu.

2.

Il-President tal-Kummissjoni kien, fil-fatt, qal illi r-riffokar ta' l-attivitajiet ta' l-OLAF kien ifisser illi jista' jkun hemm każ sabiex jiġu assenjati mill-ġdid lid-dipartimenti tal-Kummissjoni ċerti funzjonijiet orizzontali li mhumiex relatati ma' l-investigazzjonijiet, u li t-tmexxija ta' l-OLAF kellha bżonn tiġi rrikunsidrata (2). Finalment, huwa ppropona li tiżdied l-effettivita' ta' l-OLAF, minħabba li l-ammont ta' xogħol tiegħu qed jiżdied f'Unjoni ikbar - billi jiżdiedu r-risorsi tal-persunal tiegħu, jirrifoka l-funzjonijiet tiegħu fuq il-funzjoni investigattiva tiegħu u jadatta r-Regolament…. Mill-proposti magħmula mill-President tal-Kummissjoni, hija biss l-aħħar waħda (adattazzjoni tar-Regolament) li hija kkonċernata mill-proposta sabiex jiġi emendat ir-Regolament Nru 1073/1999. Riffokar tal-funzjonijiet reali ta' l-Uffiċċju kien ikun jirrikjedi emendament lid-Deċiżjoni tal-Kummissjoni tat-28 t'April 1999 li waqqfet l-Uffiċċju Ewropew Kontra l-Frodi. (3)

3.

Il-preambolu juri illi l-għan tal-proposta huwa li jemenda r-Regolament f'ħames partijiet prinċipali, mingħajr ma jitpoġġew f'diskussjoni bl-ebda mod il-poteri u r-responsabbiltajiet ta' l-Istati Membri, filwaqt li jiġu rispettati l-prinċipji ta' sussidjarjetà u proporzjonalità. Dawn il-ħames partijiet huma kif ġej:

4.

Il-kummenti li jsegwu jieħdu kont tas-sejbiet tal-verifika ta' l-Uffiċċju, kif imniżżla fir-Rapport Sepċjali Nru 1/2005 tal-Qorti ta' l-Awdituri.

5.

L-applikazzjoni tal-prinċipju ta' diskrezzjoni fil-ftuh ta' investigazzjonijiet jista' jiġi meqjus bħala materja ta' effiċjenza, u l-Qorti tilqa' l-bidla. Madanakollu, l-effett prattiku immedjat ser ikun limitat. Kif juri r-Rapport Speċjali, in-numru ta' denunzji li għandhom bażi soda li l-Uffiċċju jirċievi ma huwiex kbir.

6.

L-iffissar ta' prijoritajiet u ta' żmienijiet li fihom irid isir ix-xogħol huma kwistjonijiet relatati. L-esperjenza wriet illi ħafna mill-investigazzjonijiet immexxija mill-Uffiċċju jieħdu iktar minn perijodu raġonevoli (12 sa 18-il xahar). Għalhekk, ikun utli li jiġu ffissati skadenzi għall-investigazzjonjiet.

7.

Il-Qorti hija favur il-proposta li jiġi rinforzat l-obbligu ta' l-Uffiċċju li jinforma l-istituzzjonijiet u l-korpi konċernati bil-ftuħ ta' investigazzjoni. It-tħassir fl-Artikolu 4.5 preżenti, tad-dritt li din l-informazzjoni tiġi ddiferita jikkostitwixxi madanakollu ċerta ambigwità. In-nuqqas ta' dispożizzjoni fuq dan il-punt ifisser li l-possibilità li informazzjoni tinżamm u ma tingħatax m'hijiex eskluża. Il-proposta tal-Kummissjoni għandha tiġi mmodifikata sabiex jiġi żgurat li l-obbligu tan-notifikazzjoni ma jiġix imwarrab mingħajr ġustifikazzjoni bil-pretest li hemm bżonn ta' segretezza sabiex tiġi garantita l-effiċjenza ta' l-investigazzjoni.

8.

Ir-Regolament (Euratom, KE) Nru 2185/96 jipprovdi għal iċċekkjar u ispezzjonijiet fuq il-post magħmula mill-Kummissjoni sabiex jiġu protetti l-interessi finanzjarji tal-Komunitajiet Ewropej rigward is-sostenn agrikolturali, Fondi Stutturali u risorsi proprji.

9.

Din il-proposta tipprovdi għall-applikazzjoni ta' dan ir-regolament sabiex tiġi estiża għan-nefqa diretta (politika interna, għajnuna esterna eċċ.). Dan għandu jsaħħaħ il-firxa ta' miżuri ta' intervenzjoni li huma disponibbli għall-Uffiċċju, partikolarment rigward il-koperazzjoni ma' l-awtoritajiet nazzjonali. Il-verifiki tal-Qorti kkonfermaw li jeżisti nuqqas f'dan ir-rigward. Fuq dan il-punt, għalhekk, il-proposta tal-Kummissjoni għandha tiġi milqugħa b'mod pożittiv.

10.

Il-Kummissjoni tikkunsidra li huwa xieraq li l-prinċipji fundamentali li għandhom jirregolaw l-investigazzjonijiet għandhom jiġu mniżżla fir-Regolament. Il-Qorti taqbel ma' dan.

11.

Il-konformità mal-proċeduri legali ta' l-investigazzjonijiet għandha tiġi assigurata. Skond ir-Regolament 1073/1999 (Artikolu 14), ilmenti waqt investigazzjoni rigward domandi mill-investigaturi OLAF għandhom jiġu magħmula lid-Direttur ta' l-Uffiċċju. Din m'hijiex soluzzjoni soddisfaċenti għaliex ma tagħtix lil min qiegħed jilmenta analiżi ndipendenti tat-talba. Bħala alternattiva, individwi taħt investigazzjoni rreferew għall-Ombudsman meta kkunsidraw illi d-drittijiet fundamentali tagħhom kienu ġew miksura. Din il-proċedura rriżultat insodisfaċenti u wasslet f'ċerti okkażjonijiet għal sitwazzjonijiet fejn l-Ombudsman deher bħala li qiegħed jintervjeni fil-kors ta' investigazzjonijiet. Il-proposta tal-Kummissjoni tagħti lill-Kumitat ta' Sorveljanza l-irwol li jikkontrolla l-mod li bih jimxu l-investigaturi. Din m'hijiex soluzzjoni aħjar, għaliex hija kontra l-prinċipju illi l-Kumitat m'għandux jintervejni fl-investigazzjonijiet li jkunu għandhom għaddejjin.

12.

L-analiżi tal-legalità ta' l-atti investigattivi għandha tiġi fdata f'idejn korp li jkun imparzjali u li ma jistax jiġi nvolut fit-tmexxija ta' l-investigazzjoni minħabba aspetti oħra tal-mandat tiegħu.

13.

Il-proposta tal-Kummissjoni ma tiċċarax l-irwol tal-Kumitat ta' Sorveljanza rigward l-inkompatibilità bejn il-prinċipju li ma jsirux interferenzi fl-investigazzjonijiet u l-obbligu li tinkiseb opinjoni mill-Kumitat waqt investigazzjoni, li jsir neċessarju jew meta l-perijodu ta' tnax-il xahar ikun ġie maqbuż jew meta l-Kumitat ikun irid jiġi nfurmat qabel ma każ jiġi mgħoddi lill-awtoritajiet ġudizzjarji. Jidher għalhekk neċessarju li jingħad b'mod iktar ċar illi l-Kumitat ta' Sorveljanza ma għandux jintervejni f'investigazzjonijiet li jkunu mixjin.

14.

Il-Kummissjoni tipproponi li n-numru ta' membri tal-Kumitat ta' Sorveljanza jiżdied minn ħamsa għal sebgħa. Dan m'huwiex ibbażat fuq xi analiżi objettiva tal-funzjonijiet u tal-proċeduri operattivi tal-Kumitat. Id-dmirijiet tal-membri huma sporadiċi u ma jħalluhomx jeżaminaw il-fajls fid-dettall. Sabiex ikunu jistgħu jaħdmu b'mod iktar effettiv, ikun preferibbli jekk ta' l-inqas ftit minnhom ikollhom esperjenza preċedenti ta' l-affarijiet Komunitarji, speċjalment fil-qasam investigattiv.

15.

Skond ir-Regolament (KE) Nru 1073/1999 (Artikolu 11 (6)), il-Kumitat ta' Sorveljanza huwa obbligat li jkollu mill-inqas għaxar laqgħat fis-sena. Madanakollu, jekk il-Kumitat ħa jikkonċentra fuq iċ-ċertezza ta' l-indipendenza tal-funzjoni investigattiva ta' l-OLAF, huwa ma jistax jitpoġġa taħt l-obligazzjoni li jiltaqa' kważi kull xahar. Barra minn hekk, reviżjoni ta' l-irwol u l-proċeduri operattivi tal-Kumitat ta' Sorveljanza għandha twassal għal tnaqqis fin-numru ta' postijiet fis-segretarjat tiegħu.