Il-politika tal-ażil tal-UE L-Istat Membru tal-UE responsabbli biex jeżaminaw l-applikazzjonijiet

SOMMARJU TA’:

Ir-Regolament (UE) Nru. 604/2013 dwar il-kriterji u mekkaniżmi għad-determinazzjoni ta’ liema Stat Membru hu responsabbli biex jeżamina applikazzjoni għal ażil

X’INHU L-GĦAN TAR-REGOLAMENT?

Ir-regolament ta’ Dublin III jistabbilixxi l-Istati Membri tal-Unjoni Ewropea (UE) li huma responsabbli biex jeżaminaw applikazzjoni għal azil. Dan jagħti lill-applikanti protezzjoni aħjar sakemm jiġi stabbilit l-istatus tagħhom. Joħloq ukoll sistema ġdida sabiex jiġu identifikati problemi bikrija fis-sistemi nazzjonali tal-asil jew tal-akkoljenza u biex jiġu indirizzati l-kawżi oriġinali tagħhom qabel dawn jiżviluppaw fi kriżi kbira.

PUNTI EWLENIN

Prinċipji u kriterji biex jiddeterminaw responsabbiltà.

Dawn jinkludu, f’ordni ta’ importanza:

kunsiderazzjonijiet tal-familja;
pussess riċenti ta’ viża jew permess ta’ residenza ġo Stat Membru;
jekk l-applikant ikunx daħal fl-UE b’mod irregolari jew regolari.

Iktar garanziji għal applikanti

Ir-regolament jinkludi garanziji aktar protettivi għall-applikanti, bħal dawn li ġejjin:

id-dritt għall-informazzjoni;
intervisti personali;
aktar garanziji għall-minorenni, filwaqt li tingħata prijorità lill-aħjar interessi tat-tfal matul il-proċedura kollha;
protezzjoni miżjuda għat-tfal, il-membri tal-familja u persuni dipendenti u qraba tal-applikanti;
l-għażla tal-għajnuna legali mingħajr ħlas, fuq talba;
id-dritt li tappella kontra deċiżjoni ta’ trasferiment għal Stat Membru ieħor, inkluża l-opzjoni li tagħti effett suspensiv.

Detenzjoni

Bħala prinċipju ġenerali, l-applikanti għandhom jiġu detenuti biss minħabba li jkunu qed ifittxu asil. Madanakollu, ir-regolament jipprovdi għad-detenzjoni ta’ applikanti jekk ikun hemm riskju ta’ ħarba (pereżempju jkunu qed jiġu trasferiti għal Stat Membru ieħor).

Mekkaniżmu għal twissija bikrija, tlestija u ġestjoni tal-kriżi

Ir-Regolament ta’ Dublin III jagħmel is-sistema aktar effiċjenti billi jintroduċi mekkaniżmu ta’ twissija bikrija, tħejjija u ġestjoni tal-kriżijiet imfassal sabiex:

jindirizzaw ħsarat fis-sistemi nazzjonali fuq ażil; u
jgħinu lill-Istati Membri li jkunu qed jiffaċċjaw numri kbar ta’ applikanti għal protezzjoni internazzjonali fil-fruntieri tagħhom.

Revoka

Ir-Regolament (UE) Nru. 604/2013 ser ikun revokat bir-Regolament (UE) 2024/1351 (ara s-sommarju) mit-30 ta’ Ġunju 2026.

MINN META BEDA JAPPLIKA R-REGOLAMENT?

Dan ilu japplika mill-1 ta’ Jannar 2014.

SFOND

L-UE kienet qed taħdem biex tistabbilixxi sistema komuni Ewropea tal-ażil. Mill-2011, varji testi ġodda kienu adottati biex itejbu l-ħidmiet tas-sistema.
Wara t-tifqigħa tal-COVID-19 u wara li daħlet miżuri biex tindirizza l-impatt tal-kriżi, il-Kummissjoni Ewropea adottat it-test li ġej: Komunikazzjoni mill-Kummissjoni — COVID-19: Gwida fuq l-implimentazzjoni ta’ dispożizzjonijiet rilevanti tal-UE fil-qasam tal-proċeduri tal-ażil u tar-ritorn u fuq risistemazzjoni.

DOKUMENT PRINĊIPALI

Ir-Regolament (UE) Nru 604/2013 tal-Parlament Ewropew u tal-Kunsill tas-26 ta’ Ġunju 2013 li jistabbilixxi l-kriterji u l-mekkaniżmi biex ikun iddeterminat liema hu l-Istat Membru responsabbli biex jeżamina applikazzjoni għall-protezzjoni internazzjonali iddepożitata għand wieħed mill-Istati Membri minn ċittadin ta’ pajjiż terz jew persuna apolida (ĠU L 180, 29.6.2013, pp. 31–59).

Emendi suċċessivi għar-Regolament (KE) Nru 604/2013 ġew inkorporati fit-test bażiku. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament ta’ Implimentazzjoni tal-Kummissjoni (UE) Nru 118/2014 tat-30 ta’ Jannar 2014 li jemenda r-Regolament (KE) Nru 1560/2003 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 343/2003 li jistabbilixxi l-kriterji u l-mekkaniżmi biex jiġi determinat l-Istat Membru responsabbli biex jeżamina applikazzjoni għall-ażil ppreżentata f’wieħed mill-Istati Membri minn ċittadin ta’ pajjiż terz (ĠU L 39, 8.2.2014, pp. 1–43).

Ir-Regolament (UE) Nru 603/2013 tal-Parlament Ewropew u tal-Kunsill tas-26 ta’ Ġunju 2013 dwar l-istabbiliment tal- “Eurodac” għat-tqabbil ta’ marki tas-swaba’ għall-applikazzjoni effettiva tar-Regolament (UE) Nru 604/2013 li jistabbilixxi l-kriterji u l-mekkaniżmi biex ikun iddeterminat l-Istat Membru responsabbli biex jeżamina applikazzjoni għall-protezzjoni internazzjonali ddepożitata f’wieħed mill-Istati Membri minn ċittadin ta’ pajjiż terz jew persuna apolida u fuq talbiet għat-tqabbil ma’ data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet ta’ infurzar tal-liġi, u li jemenda r-Regolament (UE) Nru 1077/2011 li jistabbilixxi Aġenzija Ewropea għat-tmexxija operattiva tas-sistemi tal-IT fuq skala kbira fl-ispazju ta’ libertà, sigurtà u ġustizzja (ĠU L 180, 29.6.2013, pp. 1–30).

Id-Direttiva 2013/32/UE tal-Parlament Ewropew u tal-Kunsill tas-26 ta’ Ġunju 2013 dwar proċeduri komuni għall-għoti u l-irtirar tal-protezzjoni internazzjonali (riformulazzjoni) (ĠU L 180, 29.6.2013, pp. 60–95).

Id-Direttiva 2013/33/UE tal-Parlament Ewropew u tal-Kunsill tas-26 ta’ Ġunju 2013 li tistabbilixxi l-istandards dwar l-akkoljenza ta’ applikanti għall-protezzjoni internazzjonali (ĠU L 180, 29.6.2013, pp. 96–116).

Id-Direttiva 2011/95/UE tal-Parlament Ewropew u tal-Kunsill tat-13 ta’ Diċembru 2011 dwar standards għall-kwalifika ta’ ċittadini nazzjonali ta’ pajjiżi terzi jew persuni mingħajr stat bħala benefiċjarji ta’ protezzjoni internazzjonali, għal stat uniformi għar-refuġjati jew għal persuni eliġibbli għal protezzjoni sussidjarja, u għall-kontenut tal-protezzjoni mogħtija (ĠU L 337, 20.12.2011, pp. 9–26).

Ir-Regolament tal-Kummissjoni (KE) Nru 1560/2003 tat-2 ta’ Settembru 2003 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 343/2003 li jistabbilixxi l-kriterji u l-mekkaniżmi biex jiġi determinat l-Istat Membru responsabbli biex jeżamina applikazzjoni għall-asil iddepożitata f’wieħed mill-Istati Membri minn ċittadin ta’ pajjiż terz (ĠU L 222, 5.9.2003, pp. 3–23).

Ara l-verżjoni konsolidata.

l-aħħar aġġornament 09.08.2024