Fużjonijiet ta’ fondi u strutturi prinċipali-alimentaturi relatati ma’ impriżi ta’ investiment kollettiv f’titoli trasferibbli (UCITS)

PUNTI EWLENIN

Fużjonijiet ta’ UCITS

Fil-każ ta’ fużjonijiet ta’ UCITS, id-detenturi ta’ unitಠjeħtieġ li jiġu infurmati bil-kundizzjonijiet tal-fużjoni u tal-influwenza potenzjali tagħha fuq l-UCITS riċeventi. Huma jeħtieġ li jirċievu informazzjoni oħra inkluż:

• id-drittijiet tagħhom qabel u wara li tkun seħħet il-fużjoni proposta:
• paragun tad-differenzi bejn l-UCITS rigward riskju sintentiku³ tal-informazzjoni dwar l-investitur ewlenija u bejn l-imposti, it-tariffi u l-ispejjeż tagħhom;
• jekk il-kumpanija tal-ġestjoni jew il-kumpanija tal-investiment tal-UCITS li se jesperjenzaw il-fużjoni hux beħsiebhom iwettqu bbilanċjar mill-ġdid tal-portafoll⁴ qabel ma sseħħ il-fużjoni;
• dettalji rigward kwalunkwe dħul miġbur fl-UCITS rispettivi.

Jeħtieġ ukoll li huma jiġu infurmati bil-proċedura għall-approvazzjoni tal-proposta għall-fużjoni tad-detenturi tal-unità u d-data li fiha tkun se sseħħ il-fużjoni.

Id-detenturi tal-unita tal-UCITS tal-fużjoni u riċeventi jeħtieġ li jiġu pprovduti informazzjoni dwar l-investitur ewlenija tal-UCITS riċeventi.

Strutturi prinċipali-elementatriċi

Ftehimiet u kontroll intern tar-regoli tan-negozju bejn UCITS alimentatriċiUCITS alimentatriċi: UCITS alimentatriċi hija UCITS li ġie approvat li tinvesti tal-anqas 85 % tal-assi tagħha f’unitajiet ta’ UCITS oħra. u UCITS prinċipaliUCITS Prinċipali: fond tal-UCITS b’fond alimentatriċi wieħed jew aktar bħala investituri. Minnha nnifisha ma tistax tkun UCITS alimentatriċi jew tħaddan unitajiet ta’ UCITS alimentatriċi.

Il-ftehim għandu jistipula l-kundizzjonijiet għal:

• provvista ta’ kopja ta’ dokumenti prekuntrattwali, dokumenti operazzjonali interni;
• id-delega ta’ funzjonijiet tal-ġestjoni tal-investiment u l-ġestjoni tar-riskju għall-partijiet terzi;
• l-istabbiliment ta’ regoli interni relatati ma’ ksur u l-użu ta’ derivattivi;
• il-ħolqien ta’ kwalunkwe arranġament ta’ qsim ta’ informazzjoni ieħor li jsir ma’ partijiet terzi.

Barra minn hekk, il-ftehim irid jinkludi wkoll fir-rigward tal-bażi tal-investiment u d-divestiment mill-alimentatur:

• dikjarazzjoni dwar liema klassijiet ta’ ishma tal-UCITS prinċipali huma disponibbli għall-investiment mill-UCITS alimentatriċi;
• l-ammont ta’ imposti u spejjeż li għandhom jitħallsu mill-UCITS alimentatriċi;
• it-termini li permezz tagħhom kwalunkwe trasferiment inizjali jew sussegwenti ta’ assi in natura jista’ jsir mill-UCITS alimentatriċi lill-UCITS prinċipali.

Il-kontroll intern tar-regoli ta’ negozju tal-kumpanija ta’ ġestjoni jrid jinkludi miżuri xierqa għall-mitigazzjoni ta’ kunflitti ta’ interess bejn l-UCITS jew bejn l-UCITS alimentatriċi u detenturi ta’ unità oħra tal-UCITS prinċipali.

Proċeduri fil-każ ta’ likwidazzjoni tal-UCITS prinċipali

Meta l-UCITS prinċipali tkun beħsiebha tinvesti tal-anqas 85 % tal-assi tagħha f’unitajiet ta’ UCITS prinċipali oħra, din jeħtiġilha tissottometti wkoll lill-awtoritajiet kompetenti:

• l-applikazzjoni tagħha għall-approvazzjoni ta’ dak l-investiment;
• l-applikazzjoni tagħha għall-approvazzjoni tal-emendi proposti għar-regoli dwar il-fondi jew l-istrument ta’ inkorporazzjoni tagħha;
• l-emendi li jsiru fil-prospett tagħha u fl-informazzjoni dwar l-investitur ewlenin tagħha.

Meta UCITS alimentatriċi tkun beħsiebha tittrasforma f’UCITS mhux alimentatriċi, din jeħtiġilha tipprovdi lill-awtoritajiet:

• l-applikazzjoni tagħha għall-approvazzjoni tal-emendi proposti għar-regoli dwar il-fondi jew l-istrument ta’ inkorporazzjoni tagħha;
• l-emendi proposti għall-prospett u l-informazzjoni ewlenija dwar l-investituri tagħha.

Meta UCITS alimentatriċi tkun tixtieq tiġi likwidiata, din jeħtiġilha tinnotifika lill-awtoritajiet bil-ħsieb tagħha.

L-UCITS alimentatriċi jeħtiġilha tinforma lill-UCITS prinċipali ladarba tirċievi l-approvazzjoni tal-awtoritajiet.

Proċeduri fil-każ ta’ fużjoni jew qsim tal-UCITS prinċipali

L-UCITS prinċipali jeħtiġilha tipprovdi lill-awtoritajiet kompetenti l-applikazzjoni tagħha għall-approvazzjoni fil-każijiet li ġejjin:

• meta tkun beħsiebha tkompli tkun UCITS alimentatriċi tal-istess UCITS prinċipali;
• meta tkun beħsiebha ssir UCITS alimentatriċi ta’ UCITS prinċipali oħra;
• meta tkun beħsiebha tittrasforma f’UCITS mhux alimentatriċi;
• meta tkun beħsiebha tiġi likwidata.

L-UCITS alimentatriċi jeħtiġilha tinforma lill-UCITS prinċipali ladarba tirċievi l-approvazzjoni tal-awtoritajiet kompetenti.

Il-liġi tal-pajjiż tal-UE li tapplika għall-ftehim bejn id-depożitarji tal-UCITS prinċipali u l-UCITS alimentatriċi trid tapplika wkoll għall-ftehim ta’ qsim ta’ informazzjoni bejn id-depożitarji.