Ġestjoni tat-traffiku tal-ajru: l-organizzazzjoni u l-użu tal-Ispazju tal-arja fl-Ajru Uniku Ewropew

SOMMARJU TA’:

Ir-Regolament (KE) Nru 551/2004 — dwar l-organizzazzjoni u l-użu ta’ l-ispazju ta’ l-arja fl-ajru uniku Ewropew (ir-Regolament tal-ispazju ta’ l-arja)

X’INHU L-GĦAN TAR-REGOLAMENT?

• Parti minn pakkett ta’ leġiżlazzjoni dwar il-ġestjoni tat-traffiku tal-ajru biex tistabbilixxi r-Regolament fl-Ajru Uniku Ewropew (KE) Nru 549/2004 (ara s-sommrju), ir-Regolament ifittex li jottimizza l-użu tal-ispazju tal-arja Ewropea u b’hekk inaqqas id-dewmien u jippromqovi t-tkabbir trasport bl-ajru.
• Ir-regolament ġie emendat bir-Regolament (KE) Nru 1070/2009 fid-dawl tal-pjan li jiġu estiżi l-kompetenzi tal-Aġenzija tal-Unjoni Ewropea tas-Sikurezza tal-Avjazzjoni biex jinkludu s-sikurezza tal-ġestjoni tat-traffiku tal-ajru. Din l-emenda tippermetti lill-Kummissjoni Ewropea biex taġġorna l-miżuri skont l-iżviluppi tekniċi jew operattivi, kif ukoll biex tistabbilixxi l-kriterji u l-proċeduri bażiċi għall-użu ta’ ċerti funzjonijiet ta’ ġestjoni tan-netwerk.

PUNTI EWLENIN

Il-ħolqien tal-Ajru Uniku Ewropew

Dani ifittex li:

• jipprovdi għodod biex jimmaniġġjaw il-varjazzjonijiet fil-kapaċità tat-traffiku tal-ajru;
• itejjeb is-sigurtà: jiżgura li l-istess livelli ta’ sigurtà jiġu osservati fis-sistemi u l-proċedurital-kontroll tat-traffiku tal-ajru fil-pajjiżi kollha tal-UE;
• inaqqas il-frammentazzjoni tal-provista tas-servizz tat-traffiku tal-ajru: approċċi nazzjonali differenti għall-ġestjoni tat-traffiku tal-ajru u l-organizzazzjoni tagħha jwasslu għal inkonsistenzi u nuqqasijiet, b’effett ħżiena fuq is-suq intern tat-trasport tal-ajru;
• itejjeb l-integrazzjoni ta’ sistemi militari fl-organizzazzjoni tal-kontroll tat-traffiku tal-ajru;
• jiffaċilita l-introduzzjoni ta’ teknoloġija ġdida.

Ġestjoni u disinn tan-netwerk

Biex jappoġġjaw inizjattivi kemm fuq livell nazzjonali kif ukoll fuq il-livell ta’ blokki tal-ispazju tal-ajru funzjonali, il-funzjonijiet tan-netwerk tal-ġestjoni tat-traffiku tal-ajru se jippermettu l-aħjar użu tal-ispazju tal-ajru u jiżguraw li l-utenti tal-ispazju tal-ajru jistgħu joperaw trajettorji preferuti, filwaqt li jippermettu aċċess għas-servizzi tal-ispazju tal-ajru u n-navigazzjoni bl-ajru.

L-użu flessibblli tal-ispazju tal-ajru

Il-koordinazzjoni se tiżdied bejn l-awtoritajiet ċivili u militari, b’mod partikolari għall-allokazzjoni u l-użu effiċjenti tal-ispazju tal-ajru għal għanijiet militari, inkluż il-kriterji u l-prinċipji li għandhom jirregolaw l-allokazzjoni u l-użu, u b’mod partikolari l-aċċess għal titjiriet ċivili.

MINN META JAPPLIKA R-REGOLAMENT?

Dan ilu japplika mill-20 ta’ April 2004.

SFOND

Ara wkoll:

• lLAjru Uniku Ewropew (il-Kummissjoni Ewropea).

DOKUMENT PRINĊIPALI

Ir-Regolament (KE) Nru 551/2004 tal-Parlament Ewropew u tal-Kunsill tal-10 ta’ Marzu 2004 dwar l-organizzazzjoni u l-użu tal-ispazju tal-arja fl-ajru uniku Ewropew (ir-Regolament tal-ispazju tal-arja) (ĠU L 96, 31.3.2004, pp. 20-25)

L-emendi suċċessivi għar-Regolament (KE) Nru 551/2004 ġew inkorporati fit-test oriġinali. Din il-verżjoni kkonsolidata għandha valur dokumentarju biss.

DOKUMENTI RELATATI

Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, pp. 1-122)

Ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (ĠU L 96 tal-31.3.2004, pp. 1-9)

Ara l-verżjoni kkonsolidata.

l-aħħar aġġornament 08.05.2020