Linji gwida għal infrastruttra tal-enerġija trans-Ewropea
SOMMARJU TA’:
Ir-Regolament (UE) 2022/869 dwar il-linji gwida għall-infrastruttura tal-enerġija trans-Ewropea
X’INHU L-GĦAN TAR-REGOLAMENT?
Huwa jistabbilixxi linji gwida ġodda għall-iżvilupp u l-interoperabbiltà ta’ kurituri tal-infrastruttura tal-enerġija fl-Unjoni Ewropea (UE) kollha u oqsma ta’ prijorità, u jġibhom f’konformitá mal-Patt Ekoloġiku Ewropew. Il-linji gwida jikkontribwixxu għall-:
PUNTI EWLENIN
In-Netwerks Trans-Ewropej tal-enerġija
- In-Netwerks trans-Ewropej tal-enerġija (TEN-E) jgħaqqdu l-infrastrutturi tal-enerġija tal-Istati Membri.
- It-TEN-E jinkludi għadd ta’ kurituri u oqsma ta’ prijorità, kif ukoll oqsma tematiċi ta’ prijorità bħal skjerament tal-grilja tal-elettriku intelliġenti.
- Ir-regolament jirrevedi r-regoli għat-TEN-E, inklużi r-regoli għall-identifikazzjoni ta’ proġetti ta’ interess komuni u proġetti ta’ interess reċiproku (proġetti promossi mill-Istati Membri b’kooperazzjoni ma’ pajjiżi mhux tal-UE).
Objettivi
Ir-regoli riveduti huma maħsuba biex jilħqu għadd ta’ għanijiet, inklużi dawn li ġejjin.
- L-inkoraġġiment tal-investiment fin-netwerks tal-idroġenu u s-CO2 kif ukoll l-iżvilupp ta’ netwerks lil hinn mill-kosta.
- It-tmiem tal-appoġġ għal proġetti ġodda tal-gass naturali u ż-żejt u l-introduzzjoni ta’ kriterji obbligatorji ta’ sostenibbiltà għall-proġetti kollha.
- Is-simplifikazzjoni u t-tħaffif tal-proċeduri ta’ permessi u ta’ awtorizzazzjoni, inkluż il-ħolqien ta’ punt uniku ta’ kuntatt għal kull proġett għal permessi u awtorizzazzjonijiet.
- Il-permess, matul perjodu tranżitorju sal-31 ta’ Diċembru 2029, l-użu ta’ assi tal-idroġenu konvertiti minn assi tal-gass naturali għat-trasport jew għall-ħżin ta’ taħlita definita minn qabel ta’ idroġenu b’gass naturali jew bijometan.
- Għal Ċipru u Malta, li mhumiex interkonnessi man-netwerk tal-gass trans-Ewropew, li jippermettu proġetti li għandhom l-istatus ta’ proġetti ta’ interess komuni biex iżommu l-istatus tagħhom sakemm Ċipru u Malta jiġu interkonnessi man-netwerk tal-gass trans-Ewropew. Din id-deroga se tapplika għal kull wieħed minn dawn l-Istati Membri sakemm wieħed jidher direttament man-netwerk tal-gass trans-Ewropew jew sal-31 ta’ Diċembru 2029.
- L-enfasizzar fuq ir-rwol tal-enerġija minn sorsi rinnovabbli fir-rigward tal-assi kollha, inklużi grilji tal-gass intelliġenti.
- Il-ħolqien tal-possibbiltà mhux vinkolanti ta’ kooperazzjoni fil-qasam tal-ippjanar tal-grilja offshore.
- It-tisħiħ tal-proċess ta’ governanza TEN-E billi jittejjeb ir-rwol tal-partijiet interessati rilevanti — il-konsultazzjoni jeħtieġ li tkun miftuħa, trasparenti u organizzata biex tippermetti l-feedbaack għat-tħejjija tal-fażijiet ewlenin tal-pjanijiet ta’ żvilupp tan-netwerk mifrux mal-10 snin madwar l-UE kollha. In-Netwerks Ewropej tal-Operaturi tas-Sistemi ta’ Trażmissjoni tal-Elettriku u tal-gass jeħtieġ li jqisu l-kontribut riċevut mill-partijiet interessati waqt il-konsultazzjonijiet u għandhom jispjegaw kif dawn ħadu li l-input inkunsiderazzjoni.
Ir-regolament jemenda r-Regolament (UE) 2019/943 (ara s-sommarju), ir-Regolament (UE) 2019/942 (ara s-sommarju), ir-Regolament (UE) Nru 715/2009 (ara s-sommarju), id-Direttiva (UE) 2019/944 (ara s-sommarju) u d-Direttiva 2009/73/KE (ara s-sommarju), u jħassar ir-Regolament (UE) Nru 347/2013.
MINN META JAPPLIKA R-REGOLAMENT?
Ilu japplika mit-23 ta’ Ġunju 2022.
SFOND
DOKUMENT PRINĊIPALI
Ir-Regolament (UE) 2022/869 tal-Parlament Ewropew u tal-Kunsill tat-30 ta’ Mejju 2022 dwar linji gwida għall-infrastruttura tal-enerġija trans-Ewropea, li jemenda r-Regolamenti (KE) Nru 715/2009, (UE) 2019/942 u (UE) 2019/943 u d-Direttivi 2009/73/KE u (UE) 2019/944, u li jħassar ir-Regolament (UE) Nru 347/2013 (ĠU L 152, 3.6.2022, pp. 45-102).
DOKUMENTI RELATATI
Ir-Regolament (UE) 2019/943 tal-Parlament Ewropew u tal-Kunsill tal-5 ta’ Ġunju 2019 dwar is-suq intern tal-elettriku (riformulazzjoni) (ĠU L 158, 14.6.2019, pp. 54-124).
L-emendi suċċessivi għar-Regolament (UE) 2019/943 ġew inkorporati fit-test oriġinali. Din il-verżjoni konsolidata għandha valur dokumentarju biss.
Ir-Regolament (UE) 2019/942 tal-Parlament Ewropew u tal-Kunsill tal-5 ta’ Ġunju 2019 li jistabbilixxi Aġenzija tal-Unjoni Ewropea għall-Kooperazzjoni tar-Regolaturi tal-Enerġija (riformulazzjoni) (ĠU L 158, 14.6.2019, pp. 22-53).
Ara l-verżjoni konsolidata.
Ir-Regolament (KE) Nru 715/2009 tal-Parlament Ewropew u tal-Kunsill tat-13 ta’ Lulju 2009 dwar il-kundizzjonijiet għall-aċċess għan-networks ta’ trażmissjoni tal-gass naturali u li jħassar ir-Regolament (KE) Nru 1775/2005 (ĠU L 211, 14.8.2009, pp. 36-54).
Ara l-verżjoni konsolidata.
Id-Direttiva (UE) 2019/944 tal-Parlament Ewropew u tal-Kunsill tal-5 ta’ Ġunju 2019 dwar regoli komuni għas-suq intern għall-elettriku u li temenda d-Direttiva 2012/27/UE (ĠU L 158, 14.6.2019, p. 125-199).
Ara l-verżjoni konsolidata.
Id-Direttiva 2009/73/KE tal-Parlament Ewropew u tal-Kunsill tat-13 ta’ Lulju 2009 dwar ir-regoli komuni għas-suq intern tal-gass naturali u li tħassar id-Direttiva 2003/55/KE (ĠU L 211, 14.8.2009, p. 94-136).
Ara l-verżjoni konsolidata.
l-aħħar aġġornament 14.11.2022