Stokkijiet demersali fil-Baħar tat-Tramuntana - Pjan pluriennali

SOMMARJU TA’:

Regolament (UE) 2018/973 — li jistabbilixxi pjan pluriennali għall-istokkijiet demersali fil-Baħar tat-Tramuntana u s-sajd li jisfrutta dawk l-istokkijiet, li jispeċifika d-dettalji tal-implimentazzjoni tal-obbligu ta’ ħatt l-art fil-Baħar tat-Tramuntana

X’INHU L-GĦAN TAR-REGOLAMENT?

Jistabbilixxi pjan pluriennali għal demersali* popolazzjonijiet tal-ħut fil-Baħar tat-Tramuntana u s-sajd li jaqbadhom.

PUNTI EWLENIN

Kamp ta’ applikazzjoni

L-ispeċijiet ta’ ħut demersali koperti minn dan ir-regolament jinkludu:

il-bakkaljaw;
il-merluzz;
il-barbun tat-tbajja’;
il-pollakkju iswed;
il-lingwata;
il-merlangu;
il-petriċa kbira;
il-gamblu tat-Tramuntana;
l-iskampu.

Ikopri wkoll qabdiet aċċessorji* maqbuda waqt sajd għal waħda mill-ispeċi elenkati.

Għanijiet

Il-pjan għandu l-għan li:

jgħin lill-UE u lill-pajjiżi tal-UE jilħqu l-objettivi tal-politika komuni tas-sajd (PKS), u partikolarment li jiżgura li l-ispeċi tal-ħut jinqabad b’mod sostenibbli;
jikkontribwixxi għall-eliminazzjoni ta’ ħut skartat* fil-baħar billi jiġu evitati u mnaqqsa qabdiet mhux mixtieqa kif ukoll billi jiġi implimentat l-obbligu ta’ ħatt l-art għall-ispeċijiet ta’ ħut koperti;
jimplimenta l-approċċ tal-ekosistema għall-ġestjoni tas-sajd sabiex jitnaqqas l-impatt negattiv tas-sajd fuq l-ambjent marin.

Dan jinkludi:

miri kwantifikati b’limitu ta’ żmien ċar;
punti ta’ referenza dwar konservazzjoni biex jiżguraw li l-popolazzjonijiet tal-ħut jkunu jistgħu jirriproduċu b’mod sħiħ;
miżuri ta’ salvagwardja;
miżuri tekniċi sabiex jiġu evitati u mnaqqsa qabdiet mhux mixtieqa;
regoli dwar aċċess għall-ilmijiet u riżorsi;
Prinċipji għall-ġestjoni ta’ stokkijiet ta’ interess komuni għal pajjiżi tal-UE u pajjiżi mhux tal-UE;
kooperazzjoni reġjonali rinforzata li tipprovdi vuċi għas-sajd lokali;
awtorizzazzjoni għall-Kummissjoni Ewropea, abbażi ta’ evidenza xjentifika, biex tadotta atti delegati, biex tadotta d- distribuzzjoni ġeografika tal-istokkijiet provduti fil-pjan u biex tissottometti proposta biex temenda l-lista tal-istokkijiet.

MINN META JAPPLIKA R-REGOLAMENT?

Ilu japplika mill-5 ta’ Awwissu 2018.

SFOND

L-UE hija parti mill-Konvenzjoni tan-NU dwar id-Dritt tal-Baħar.
Is-sistema ta’ kontroll tas-sajd tal-UE tiżgura li r-regoli tal-PKS jiġu rispettati.

TERMINI EWLENIN

Demersali: speċijiet ta’ ħut li jgħixu f’qiegħ il-baħar jew viċin.

Qabda aċċessorja: ħut u speċijiet tal-baħar mhux mixtieqa maqbuda b’mod mhux intenzjonat.

Skartar: il-prattika li jintefgħu lura fil-baħar qabdiet mhux mixtieqa, mejtin jew ħajjin, minħabba li jkunu iżgħar milli suppost, minħabba d-domanda tas-suq, is-sajjied ma jkollux kwota jew minħabba dak li jimponu r-regoli tal-kompożizzjoni tal-qabda

DOKUMENT EWLIENI

Regolament (UE) 2018/973 tal-Parlament Ewropew u tal-Kunsill tal-4 ta’ Lulju 2018 li jistabbilixxi pjan pluriennali għall-istokkijiet demersali fil-Baħar tat-Tramuntana u s-sajd li jisfrutta dawk l-istokkijiet, li jispeċifika d-dettalji tal-implimentazzjoni tal-obbligu ta’ ħatt l-art fil-Baħar tat-Tramuntana u li jħassar ir-Regolamenti tal-Kunsill (KE) Nru 676/2007 u (KE) Nru 1342/2008 (ĠU L 179, 16.7.2018, p. 1-13)

Emendi suċċessivi tar-Regolament (UE) 2018/973 ġew inkorporati fid-dokument oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22-61)

Ara l-verżjoni konsolidata

Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1-50)

Ara l-verżjoni konsolidata.

Id-Direttiva 2008/56/KE tal-Parlament Ewropew u tal-Kunsill tas-17 ta’ Ġunju 2008 li tistabbilixxi qafas għal azzjoni komunitarja fil-qasam tal-politika tal-ambjent marin (Direttiva Kwadru dwar l-Istrateġija Marina) (ĠU L 164, 25.6.2008, pp. 19-40)

Ara l-verżjoni konsolidata.

l-aħħar aġġornament 20.08.2019