Regolament dwar iż-żona unika ta’ pagamenti bl-euro

PUNTI EWLENIN

• Il-kontijiet nazzjonali li jintużaw għal trasferimenti ta’ kreditu u debiti diretti f’kull pajjiż membru tas-SEPA għandhom ukoll ikunu aċċessibbli madwar l-UE. Dan huwa magħruf bħala aċċessibbiltà.
• L-istess regoli japplikaw kemm għall-operazzjonijiet nazzjonali kif ukoll għal dawk transfruntiera.
• Is-sistemi ta’ pagament għandhom ikunu interoperabbli ma’ xulxin.
• Ir-regolament jirrekjedi li t-trasferimenti ta’ kreditu u tranżazzjonijiet ta’ debitu dirett jissodisfaw ċerti kundizzjonijiet, inklużi:
  • l-użu ta’ numri ta’ kontijiet bankarji internazzjonali (IBANs), il-kodiċijiet għall-identifikazzjoni tan-negozju (BICs) u l-messaġġi finanzjarji standard għall-ħlasijiet kollha bl-euro;
  • id-dritt tal-pagaturi li joħorġu struzzjonijiet speċifiċi, bħal pereżempju l-ammont u l-frekwenza ta’ debitu dirett.
• Ir-Regolament Emendatorju (UE) 2024/886: jippermetti lil utenti tas-servizz tal-pagament biex jittrasferixxu flus fi żmien 10 sekondi f’kull ħin tal-ġurnata, inkluż barra s-sigħat tan-negozju, mhux biss fl-istess pajjiż imma wkoll bejn L-Stati Membri tal-UE.
  • Dan jirrekjedi li fornituri tas-servizz tal-pagament li joffru lil utenti tagħhom servizz ta’ pagament biex jintbagħtu u jiġu riċevuti trasferimenti ta’ kreditu mhux istantanji bl-euro biex joffrulhom ukoll servizz ta’ pagament biex jintbagħtu u jiġu riċevuti istantanjament trasferimenti ta’ kreditu bl-euro.
  • Fornituri tas-servizz ta’ pagament jridu jassikuraw li l-kontijiet kollha ta’ pagament li huma aċċessibbli għal trasferimenti ta’ kreditu istantanji bl-euro jkunu wkoll aċċessibbli għal trasferimenti ta’ kreditu fl-euro 24 siegħa kuljum u f’kull jum kalendarju
  • Fornituri tas-servizz tal-pagament li jinsabu fi Stat Membru fejn il-munita ma tkunx l-euro, ma jkunux obbligati joffru lil utenti s-servizz ta’ pagament biex jintbagħtu u jiġu riċevuti istantanjament trasferimenti ta’ kreditu fl-euro lil hinn mil-limitu li ma jkunx inqas minn €25,000 għal kull tranżazzjoni, bil-livell tal-limitu li jkun stabbilit mill-awtoritajiet kompetenti għal perjodu ta’ sena (1) u li jiġġedded għal perjodi addizzjonali ta’ sena (1) skont id-diskrezzjoni tal-awtoritajiet kompetenti. Tali limitu ta’ trasferiment jista’ jkun applikat biss fir-rigward ta’ trasferimenti ta’ kreditu istantanji bl-euro li jintbagħtu minn kontijiet tal-pagament denominati fil-munita nazzjonali ta’ dak l-Istat Membru; matul il-ħin li fornitur tas-servizz tal-pagament la jibgħat u lanqas jirċievi tranżazzjonijiet ta’ trasferiment ta’ kreditu mhux istantanji bl-euro fir-rigward ta’ tali kontijiet ta’ pagament.
  • Fornituri tas-servizz ta’ pagament iridu jassikuraw li t-tariffi li japplikaw għal pagaturi u prendituri fir-rigward ta’ trasferimenti ta’ kreditu istantanji bl-euro li jintbagħtu u li jiġu riċevuti ma jeċċedux it-tariffi imposti minnhom fir-rigward ta’ spedizzjoni jew minħabba li ser jirċievu trasferimenti ta’ kreditu mhux istantanji bl-euro.
  • Fornituri tas-servizz tal-pagament mhux ser ikollhom jivverifikaw li l-IBAN u l-isem tal-benefiċjarju jaqblu sabiex iwissu lil pagatur dwar żbalji jew frodi possibbli qabel ma tkun inizjata xi tranżazzjoni. Dan ir-rekwiżit japplika sew għal trasferiment ta’ kreditu istantanju kif ukoll għal wieħed regolari bl-euro.
• Ir-Regolament (UE) Nru 260/2012 jistabbilixxi d-dati ta’ dħul li ġejjin:
  • mill-1 ta’ Frar 2014 (aktar tard pospost għal Awwissu 2014), it-trasferimenti kollha tal-kreditu u d-debiti diretti bl-euro għandhom isiru skont l-istess format fl-Istati Membri li jużaw l-euro bħala l-munita nazzjonali;
  • mill-31 ta’ Ottubru 2016, it-trasferimenti kollha tal-kreditu u d-debiti diretti bl-euro għandhom isiru wkoll skont l-istess format fl-Istati Membri li mhumiex fiż-żona tal-euro;
  • mill-1 ta’ Frar 2017, l-abolizzjoni ta’ tariffi multilaterali tal-interkambju¹ għal debiti diretti;
  • mill-1 ta’ Frar 2016, jintemm l-użu obbligatorju tal-kodiċi għall-identifikazzjoni tan-negozju (BIC).
• Skadenzi għall-fornituri tas-servizz tal-pagament biex ikunu konformi mal-obbligi stipulati fir-Regolament Emendatorju (UE) 2024/886 huma mxerrda tul żmien, u jibdew mid-9 ta’ Jannar 2025 u jispiċċaw fid-9 ta’ Ġunju 2028, skont it-tip tal-obbligu u fuq l-Istat Membru fejn ikun il-fornitur tas-servizz tal-pagament.
• L-Istati Membri kellhom:
  • jaħtru awtorità nazzjonali bis-setgħat meħtieġa biex tiżgura li l-leġiżlazzjoni tkun implimentata bis-sħiħ;
  • jistabbilixxu, sal-1 ta’ Frar 2013, regoli dwar pieni għal kwalunkwe ksur tal-leġiżlazzjoni;
  • jistabbilixxu proċeduri ta’ lment u rimedju barra l-qorti li jkunu adegwati u effettivi.
• Ir-regoli li ġejjin tpoġġew fis-seħħ fir-rigward tal-Kummissjoni Ewropea
  • Hija ngħatat il-poter rinovabbli għal 5 snin mill-31 ta’ Marzu 2012, biex tadotta atti delegati;
  • Hija kellha tippreżenta rapport dwar l-implimentazzjoni tal-leġiżlazzjoni sal-1 ta’ Frar 2017.
  • Hija għandha tippreżenta rapport addizzjonali sad-9 ta’ Ottubru 2028 dwar l-applikazzjoni tal-leġiżlazzjoni, akkumpanjat, jekk ikun xieraq, minn proposta leġiżlattiva li tevalwa l-iżvilupp tat-tariffi għall-kontijiet ta’ pagament u għal trasferimenti ta’ kreditu nazzjonali u transkonfinali bl-euro u fil-munita nazzjonali tal-Istati Membri fejn il-munita ma tkunx l-euro mis-26 ta’ Ottubru 2022. Dan ir-rapport ser jivvaluta wkoll jekk il-metodu li fornituri tas-sevizz tal-pagament huma meħtieġa japplikaw għall-iskop li jikkonformaw mal-obbligi tal-iskrinjar tas-sanzjonijiet applikabbli huwiex effettiv fiż-żamma ta’ ostakli mhux bżonnjużi ta’ trasferimenti ta’ kreditu istantanji.