Miżuri restrittivi tal-UE fid-dawl tas-sitwazzjoni fil-Burundi

SOMMARJU TA’:

Deċiżjoni (PESK) 2015/1763 dwar miżuri restrittivi fid-dawl tas-sitwazzjoni fil-Burundi

Ir-Regolament (UE) 2015/1755 dwar miżuri restrittivi fid-dawl tas-sitwazzjoni fil-Burundi

X’INHU L-GĦAN TAD-DEĊIŻJONI U TAR-REGOLAMENT?

Id-deċiżjoni u r-regolament huma parti mis-sett ta’ għodda tal-politika estera u ta’ sigurtà komuni (PESK) tal-Unjoni Ewropea (UE) u jippromwovu l-objettivi tal-PESK billi jipprovdu l-bażi legali għas-sanzjonijiet tal-UE fid-dawl tas-sitwazzjoni fil-Burundi.

PUNTI EWLENIN

Id-Deċiżjoni (PESK) 2015/1763 u r-Regolament (UE) 2015/1755 ġew emendati bosta drabi. Dawn jinkludu miżuri restrittivi mmirati lejn dawk responsabbli għall-estrazzjoni tad-demokrazija jew tfixkil fit-tiftix għal soluzzjoni politika fil-Burundi, jew involuti fl-ippjanar, id-direzzjoni jew it-twettiq ta’ atti li jiksru l-liġi umanitarja internazzjonali jew tad-drittijiet tal-bniedem, jew li jikkostitwixxu abbużi serji tad-drittijiet tal-bniedem, fil-Burundi, flimkien mal-assoċjati tagħhom. Dawn il-miżuri restrittivi jinkludu:

l-iffriżariffriżar ta’ fondi u riżorsi ekonomiċi ta’ rali persuni fiżiċi jew ġuridiċi*, kumpaniji jew korpi;
projbizzjoni fuq l-għoti ta’ fondi u riżorsi ekonomiċi lil tali persuni, entitajiet jew korpi;
il-prevenzjoni mid-dħul ġo jew tranżitu mit-territorju tal-UE ta’ tali persuni

Lista ta’ persuni suġġetti għal dawn il-miżuri restrittivi tinsab fl-annessi għad-deċiżjoni u r-regolament. Il-Kunsill tal-Unjoni Ewropea jiddeċiedi dwar bidliet għal dik il-lista.

Eżenzjonijiet

Kemm id-deċiżjoni kif ukoll ir-regolament jippermettu eżenzjonijiet minn dawn il-miżuri li jinkludu:

ir-rilaxx ta’ ċerti assi ffriżati għal skopijiet leġittimi;
ivvjaġġar għal raġunijiet umanitarji.

MINN META JAPPLIKAW ID-DEĊIŻJONI U R-REGOLAMENT?

Id-Deċiżjoni (PESK) 2015/1763 u r-Regolament (UE) 2015/1755 ilhom japplikaw mit-2 ta’ Ottubru 2015.
Il-validità tad-deċiżjoni ġiet imġedda diversi drabi. Din issa ser tiskadi fil-31 ta’ Ottubru 2024

SFOND

Għal aktar informazzjoni, ara:

L-Unjoni Ewropea u l-Burundi (Servizz Ewropew għall-Azzjoni Esterna)
Delegazzjoni tal-Unjoni Ewropea għall-Burundi (Servizz Ewropew għall-Azzjoni Esterna).

TERMINI EWLENIN

Persuna ġuridika. Entità mhux umana, bħal kumpanija, li tiġi ttrattata bħala persuna għal skopijiet legali limitati. Persuna ġuridika tista’ tħarrek, titħarrek, tkun sid ta’ proprjetà u tidħol f’kuntratti.

DOKUMENTI PRINĊIPALI

Deċiżjoni tal-Kunsill (PESK) 2015/1763 tal’1 ta’ Ottubru 2015 dwar miżuri restrittivi fid-dawl tas-sitwazzjoni fil-Burundi (ĠU L 257, 2.10.2015, pp. 37–41).

Emendi suċċessivi għad-Deċiżjoni (PESK) 2015/1763 ġew inkorporati fit-test bażiku. Din il-verżjoni konsolidata għandha valur dokumentarju biss.

Ir-Regolament tal-Kunsill (UE) 2015/1755 tal-1 ta’ Ottubru 2015 dwar miżuri restrittivi fid-dawl tas-sitwazzjoni fil-Burundi (ĠU L 257, 2.10.2015, pp. 1–10).

Ara l-verżjoni kkonsolidata.

DOKUMENTI RELATATI

Verżjoni konsolidata tat-Trattat dwar l-Unjoni Ewropea – Titolu V – Dispożizzjonijiet ġenerali dwar l-Azzjoni Esterna tal-Unjoni u dispożizzjonijiet speċifiċi dwar il-politika estera u ta’ sigurtà komuni – Kapitolu 2 – Dispożizzjonijiet speċifiċi dwar il-politika estera u ta’ sigurtà komuni – Taqsima 1 – Dispożizzjonijiet komuni – Artikolu 29 (ex Artikolu 15 TUE) (ĠU C 202, 7.6.2016, p. 33).

Verżjoni konsolidata tat-Trattat dwar il-Funzjonament tal-Unjoni Ewropea — Parti Ħamsa — L-azzjoni esterna tal-Unjoni — Titolu IV — Miżuri restrittivi — Artikolu 215 (ex Artikolu 301 TEC) (ĠU C 202, 7.6.2016, p. 144).

l-aħħar aġġornament 17.11.2023