Termini u kundizzjonijiet għal strumenti finanzjarji kummerċjalment disponibbli

PUNTI EWLENIN

Strumenti finanzjarji kummerċjalment disponibbli

Dawn l-istrumenti finanzjarji huma:

• imfassla biex iħeġġu l-pajjiżi tal-UE jipprovdu appoġġ finanzjarju rinnovabbli¹ minflok joffru għotjiet tradizzjonali;
• imfassla biex jgħaqqdu r-riżorsi pubbliċi u privati;
• maqsuma f’kategoriji differenti:
  • “Self għall-kondiviżjoni tar-riskju” (fejn ir-riskji jinqasmu bejn riżorsi pubbliċi u privati) u “strument ta’ garanzija limitata” (fejn il-flus pubbliċi jaġixxu bħala garanzija kontra inadempjenza fi ħdan portafoll tas-self tal-bank) it-tnejn għandhom l-għan li jipprovdu lill-intrapriżi żgħar u ta’ daqs medju (SMEs) b’aċċess aħjar għall-finanzjament,
  • “self għar-rinnovazzjoni” huwa għal proġetti tal-effiċjenza enerġetika u l-enerġija rinnovabbli fis-settur tal-bini residenzjali,
  • “faċilità ta’ koinvestiment” se tgħaqqad ir-riżorsi pubbliċi u privati biex tipprovdi finanzjament għan-negozji ġodda u l-SMEs, u
  • “fond għall-iżvilupp urban” għandu l-għan li jappoġġja proġetti urbani sostenibbli.

Kamp ta’ applikazzjoni

Ir-regolament jistabbilixxi regoli li jkopru t-termini u l-kundizzjonijiet standard għall-istrumenti finanzjarji li ġejjin:

• self għall-kondiviżjoni tar-riskju ta’ portafoll
• garanzija ta’ portafoll limitata
• self għar-rinnovazzjoni
• faċilità ta’ koinvestiment
• fond għall-iżvilupp urban.

Kontenut ta’ ftehim ta’ finanzjament

Tabella annotata tal-kontenut ta’ ftehim ta’ finanzjament bejn awtorità ta’ ġestjoni² u intermedjarju finanzjarju³ hija stabbilita fl-anness għar-regolament. Il-kontenut jinkludi, fost l-oħrajn:

• il-kamp ta’ applikazzjoni u l-objettiv
• l-objettiv ta’ politika
• il-konformità ma’ regoli dwar l-għajnuna mill-Istat
• ir-riżultati mistennija
• ir-rwol u r-responsabbiltà tal-intermedjarju finanzjarju
• it-tul ta’ żmien u l-eliġibbiltà tan-nefqa fl-għeluq.