X’INHU L-GĦAN TAR-RAKKOMANDAZZJONI?

Din tfittex li tħeġġeġ lill-awtoritajiet u lin-negozji tal-ikel u tal-għalf tal-annimali tal-pajjiżi tal-UE biex:

jimmonitorjaw il-preżenza tat-tossini T-2 u HT-2¹ fiċ-ċereali u fil-prodotti ċereali; u
jinvestigaw fejn is-sejbiet ogħla mil-livell indikattiv² jinstabu f’aktar minn lott wieħed tal-istess prodott (magħrufa bħala “sejbiet ripetittivi”).

PUNTI EWLENIN

It-teħid tal-kampjuni u l-analiżi għandhom isiru f’konformità mar-Regolament (KE) Nru 401/2006 fil-każ ta’ ċereali u prodotti taċ-ċereali li jintużaw bħala ikel tal-bnedmin u f’konformità mar-Regolament (KE) Nru 152/2009 fil-każ ta’ dawk li jintużaw għall-għalf tal-annimali. Dawn ir-regolamenti jistabbilixxu kriterji tal-prestazzjoni għall-analiżi tat-tossini T-2 u HT-2.
Ir-rakkomandazzjoni tistieden lill-pajjiżi tal-UE biex iħeġġu li l-kampjuni jiġu analizzati fl-istess ħin għall-preżenza ta’ T-2 u HT-2 u tossini Fusarium oħrajn sabiex jiġi vvalutat il-livell tal-kookkorrenza.
F’din ir-rakkomandazzjoni, ir-ross mhuwiex inkluż fiċ-ċereali u l-prodotti tar-ross mhumiex inklużi fil-prodotti taċ-ċereali.
Fejn il-livelli indikattivi jinqabżu, l-awtoritajiet kompetenti tal-UE, bl-involviment attiv tan-negozji tal-għalf u tal-ikel, għandhom iwettqu investigazzjonijiet:
- biex jidentifikaw il-fatturi li jirriżultaw f’dawn il-livelli u jiddeterminaw il-miżuri li għandhom jittieħdu biex il-preżenza tagħhom fil-futur tiġi evitata jew titnaqqas; u
- biex jeżaminaw l-effett tal-ipproċessar tal-għalf u tal-ikel fuq il-preżenza tat-tossini T-2 u HT-2.
L-awtoritajiet kompetenti u n-negozji tal-UE għandhom jiżguraw li jipprovdu regolarment riżultati analitiċi lill-Awtorità Ewropea dwar is-Sigurtà fl-Ikel (EFSA) li ddaħħalhom f’bażi tad-data. Kull sena, l-awtoritajiet kompetenti jipprovdu lill-Kummissjoni Ewropea rapport dwar l-eżitu tal-investigazzjonijiet.

Dokument ta’ gwida

Il-Kummissjoni ħejjiet dokument ta’ gwida għall-pajjiżi u għan-negozji tal-ikel u tal-għalf tal-UE. Dan huwa mfassal biex jiġi żgurat li r-rakkomandazzjoni tiġi applikata b’mod konsistenti madwar l-UE.

TERMINI EWLENIN

Tossini T-2 u HT-2: moffa ta’ faqqiegħ tal-fusarium li sseħħ b’mod naturali, li tinstab f’ċerti grani, b’effetti tossiċi kemm fuq is-saħħa tal-bniedem kif ukoll tal-annimali. Il-faqqiegħ tal-fusarium huwa faqqiegħ komuni li jipproduċi t-tossini u li jinsab komunement fiċ-ċereali li jitkabbru fir-reġjuni moderati tal-Ewropa, tal-Amerika u tal-Asja.
Livell indikattiv: dawn mhumiex il-livelli tas-sikurezza tal-għalf jew tal-ikel; lanqas mhuma limiti massimi jew limiti li, jekk jinqabżu, jirriżultaw f’azzjoni mill-awtoritajiet tal-infurzar bl-għan li jimponu penali. Dawn huma maħsuba biex jipprovdu gwida dwar fejn għandhom jiġu kkonċentrati l-investigazzjonijiet. Il-livelli indikattivi għad-diversi ċereali u prodotti taċ-ċereali huma stabbiliti fl-anness.

Mikotossini fiċ-ċereali

SOMMARJU TA’:

X’INHU L-GĦAN TAR-RAKKOMANDAZZJONI?

PUNTI EWLENIN

Dokument ta’ gwida

SFOND

TERMINI EWLENIN

DOKUMENT EWLIENI

SOMMARJU TA’:

X’INHU L-GĦAN TAR-RAKKOMANDAZZJONI?

PUNTI EWLENIN

Dokument ta’ gwida

SFOND

TERMINI EWLENIN

DOKUMENT EWLIENI

DOKUMENTI RELATATI