Sistema ferrovjarja tal-UE interoperabbli

SOMMARJU TA’:

Id-Direttiva (UE) 2016/797 dwar l-interoperabbiltà tas-sistema ferrovjarja fl-Unjoni Ewropea

X’INHU L-GĦAN TAD-DIRETTIVA?

• Din tistabbilixxi l-kundizzjonijiet li għandhom jiġu ssodisfati biex tinkiseb l-interoperabbiltà* fis-sistema ferrovjarja tal-Unjoni Ewropea (UE) u tiddefinixxi s-subsistemi, it-tnejn strutturali* u funzjonali*, li jagħmlu dik is-sistema.
• Din għandha l-għan li tiffaċilita, ittejjeb u tiżviluppa s-servizzi tat-trasport ferrovjarju fl-UE kollha u fil-pajjiżi mhux tal-UE, u b’hekk tikkontribwixxi għall-konklużjoni taż-żona ferrovjarja unika Ewropea u għat-tranżizzjoni għal tipi aktar effiċjenti ta’ trasport.
• Id-Direttiva hija waħda minn tliet atti leġiżlattivi li jkopru l-aspetti tekniċi tar-raba’ pakkett ferrovjarju, li għandha l-għan li tagħti ħajja mill-ġdid lis-settur ferrovjarju u toffri servizz ta’ kwalità aħjar u aktar għażla lill-passiġġieri. Din tiffunzjona flimkien ma’ Regolament (UE) 2016/796 dwar l-Aġenzija tal-Unjoni Ewropea għall-Ferroviji (ara sommarju) u Direttiva (UE) 2016/798 dwar is-sikurezza ferrovjarja (ara sommarju).

PUNTI EWLENIN

Kamp ta’ applikazzjoni

• Id-direttiva tapplika għas-sistemi tal-ferrovija fl-Istati Membri tal-UE, inklużi
  • il-vetturi u l-infrastruttura;
  • l-enerġija;
  • is-sistemi tas-sinjalar u t-telematika* (eż. sistemi tal-biljetti) għall-merkanzija u l-passiġġieri;
  • l-aċċessibbiltà għal persuni b’mobbiltà mnaqqsa;
  • kwistjonijiet ta’ storbju.
• Dan ma japplikax għal:
  • metros;
  • trammijiet, vetturi ħfief ferrovjarji jew infrastruttura li tintuża esklużivament minn dawn il-vetturi;
  • networks li huma funzjonament separati mis-sistema ferrovjarja tal-UE u li huma maħsuba li joperaw biss servizzi lokali, urbani jew suburbani, jew kumpaniji li joperaw biss fuq dawn in-networks.

Rekwiżiti armonizzati

Id-direttiva tistipula kundizzjonijiet relatati ma’:

• id-disinn, il-kostruzzjoni, it-tqegħid fis-servizz, l-immodernizzar, it-tiġdid, l-operazzjoni u l-manutenzjoni tal-partijiet tas-sistema; kif ukoll
• il-kwalifiki professjonali u l-kundizzjonijiet tas-saħħa u s-sigurtà tal-persunal li jikkontribwixxu għat-tħaddim u l-manutenzjoni tagħha.

Dawn il-kundizzjonijiet jieħdu l-forma ta’ rekwiżiti armonizzati li jkopru:

• rekwiżiti essenzjali fir-rigward ta’:
  • sikurezza (eż. komponenti bħall-brejkijiet),
  • affidabbiltà u disponibbiltà (eż. il-monitoraġġ u l-manutenzjoni ta’ komponenti essenzjali),
  • is-saħħa tal-bniedem u l-ħarsien tal-ambjent,
  • kompatibbiltà teknika u operazzjoni tas-sistema,
  • l-aċċessibilità;
• speċifikazzjonijiet tekniċi għall-interoperabbiltà għal kull subsistema jew parti ta’ subsistema;
• standards relatati u dokumenti oħrajn tal-UE li jippermettu lill-korpi involuti jagħtu prova tal-konformità tagħhom mar-rekwiżiti essenzjali u l-ispeċifikazzjonijiet tekniċi għall-interoperabbiltà.

Il-konformità

Id-direttiva tistipula l-proċeduri relatati ma’ komponenti interoperabbli u sistemi li jkopru:

• il-kundizzjonijiet għat-tqegħid fis-suq;
• il-konformità jew l-idoneità għall-użu;
• proċeduri f’każijiet ta’ nuqqas ta’ konformità mar-rekwiżiti essenzjali.

Aspetti tekniċi speċifiċi

Il-Kummissjoni Ewropea adottat serje ta’ regolamenti li jissuplimentaw id-Direttiva (UE) 2016/797 fir-rigward tal-aspetti tekniċi.

• Ir-Regolament (UE) Nru 1300/2014 dwar l-aċċessibbiltà għall-persuni b’diżabbiltà, kif emedat mir-Regolament (UE) 2019/772, li jikkonċerna inventorju ta’ assi bil-għan li jidentifika ostakli għall-aċċessibbiltà, jipprovdi informazzjoni lill-utenti u jimmonitorja u jevalwa l-progress fuq l-aċċessibbiltà.
• Ir-Regolament ta’ Implimentazzjoni (UE) 2019/773 dwar is-subsitema tal-operat u tal-ġestjoni tat-traffiku.
• Regolament (UE) Nru 1304/2014 relatat mas-subsistema “vetturi ferrovjarji — storbju”, kif emendat minn Regolament ta’ Implimentazzjoni (UE) 2019/774, li speċifikament japplika għal vaguni tal-merkanzija.
• Ir-Regolament (UE) Nru 454/2011 dwar l-ispeċifikazzjoni teknika għall-interoperabbiltà relatata mas-subsistema “applikazzjonijiet telematiċi għal servizzi tal-passiġġieri” tas-sistema ferrovjarja trans-Ewropea (UE) 2019/775.
• Regolament ta’ implimentazzjoni (UE) 2023/1695 dwar speċifikazzjoni teknika għall-interoperabbiltà relatata ma’ sistemi ta’ kontroll-kmand u sinjalazzjoni tas-sistema ferrovjarja fl-UE.
• Deċiżjoni ta’ implimentazzjoni (UE) 2023/2584 dwar standards armonizzati għall-interoperabbiltà tas-sistemi ferrovjarji.

MINN META JAPPLIKAW IR-REGOLI?

Dawn ilhom japplikaw mil-15 ta’ Ġunju 2016 u kellhom isiru liġi fl-Istati Membri sas-16 ta’ Ġunju 2019.

L-Istati Membri setgħu japplikaw estenzjoni ta’ sena sas-16 ta’ Ġunju 2020. Minħabba l-kriżi ta’ COVID-19, id-Direttiva (UE) 2020/700 ħalliet lill-Istati Membri li estendew il-perjodu ta’ traspożizzjoni biex jerġgħu jestenduh sal-31 ta’ Ottubru 2020.

SFOND

Għal aktar informazzjoni, ara:

• Trasport ferrovjarju Ftehim storiku se jwassal servizzi ferrovjarji aħjar għall-passiġġieri — stqarrija għall-istampa (il-Kummissjoni Ewropea).

TERMINI EWLENIN

DOKUMENT PRINĊIPALI

Id-Direttiva (UE) 2016/797 tal-Parlament Ewropew u tal-Kunsill tal-11 ta’ Mejju 2016 dwar l-interoperabbiltà tas-sistema ferrovjarja fl-Unjoni Ewropea (riformulata) (ĠU L 138, 26.5.2016, pp. 44–101).

Emendi suċċessivi għad-Direttiva (UE) 2016/797 ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament ta’ Implimentazzjoni tal-Kummissjoni (UE) 2023/1695 tal-10 ta’ Awwissu 2023 dwar l-ispeċifikazzjoni teknika ta’ interoperabbiltà relatata mas-subsistemi ta’ kontroll-kmand u sinjalazzjoni tas-sistema ferrovjarja fl-Unjoni Ewropea u li jħassar ir-Regolament (UE) 2016/919 (ĠU L 222, 8.9.2023, pp. 380–560).

Id-Deċiżjoni ta’ Implimentazzjoni tal-Kummissjoni (UE) 2023/2584 tal-15 Novembru 2023 dwar standards armonizzati għall-interoperabbiltà tas-sistemi ferrovjarji abbozzata b’appoġġ ta’ Direttiva (UE) 2016/797 tal-Parliament Ewropew u tal-Kunsill (ĠU L, 2023/2584, 21.11.2023).

Ir-Regolament ta’ Implimentazzjoni tal-Kummissjoni (UE) 2019/773 tas-16 ta’ Mejju 2019 dwar l-ispeċifikazzjoni teknika ta’ interoperabbiltà relatata mas-subsistema tal-operazzjoni u ġestjoni tat-traffiku tas-sistema ferrovjarja fl-Unjoni Ewropea u li jħassar id-Deċiżjoni 2012/757/UE (ĠU L 139 I, 27.5.2019, pp. 5–88).

Ara l-verżjoni konsolidata.

Ir-Regolament (UE) Nru 2016/796 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 (ĠU L 138, 26.5.2016, pp. 1–43).

Id-Direttiva (UE) 2016/798 tal-Parlament Ewropew u tal-Kunsill tal-11 ta’ Mejju 2016 dwar is-sikurezza ferrovjarja (ĠU 138, 26.5.2016, p. 102–149).

Ara l-verżjoni konsolidata.

Ir-Regolament tal-Kummissjoni (UE) Nru 1300/2014 tat-18 ta’ Novembru 2014 dwar l-ispeċifikazzjonijiet tekniċi tal-interoperabbiltà relatati mal-aċċessibbiltà tas-sistema ferrovjarja tal-Unjoni għall-persuni b’diżabbiltà u għall-persuni b’mobbiltà mnaqqsa (ĠU L 356, 12.12.2014, pp. 110–178).

Ara l-verżjoni konsolidata.

Ir-Regolament tal-Kummissjoni (UE) Nru 1304/2014 tas-26 ta’ Novembru 2014 dwar l-ispeċifikazzjoni teknika għall-interoperabbiltà relatata mas-subsistema ta’ “vetturi ferrovjarji — storbju” li jemenda d-Deċiżjoni 2008/232/KE u li jħassar id-Deċiżjoni 2011/229/UE (ĠU L 356, 12.12.2014, pp. 421–437).

Ara l-verżjoni konsolidata.

Ir-Regolament tal-Kummissjoni (UE) Nru 454/2011 tal-5 ta’ Mejju 2011 dwar l-ispeċifikazzjoni teknika għall-interoperabbiltà relatata mas-subsistema “applikazzjonijiet telematiċi għal servizzi tal-passiġġieri” tas-sistema ferrovjarja trans-Ewropea (ĠU L 123, 12.5.2011, pp. 11–67).

Ara l-verżjoni konsolidata.

l-aħħar aġġornament 22.12.2023