Fondi Strutturali u ta’ Investiment Ewropej — il-ħidma fi sħubiji

PUNTI EWLENIN

L-ECCP jistabbilixxi gwida dwar is-sħubija fl-implimentazzjoni tal-FSIE. Il-punti ewlenin tal-ECCP jinkludu:

• l-għażla ta’ msieħba rilevanti u rappreżentattivi, li jirrappreżentaw il-kategoriji definiti fir-Regolament (UE) Nru 1303/2013 (Regolament dwar id-Dispożizzjonijiet Komuni għall-FSIE);
• proċeduri tal-għażla trasparenti li jqisu s-settijiet differenti ta’ regoli istituzzjonali u legali li jinsabu fil-pajjiżi tal-UE;
• rekwiżiti proċedurali minimi għall-konsultazzjoni f'waqtha, sinifikanti u trasparenti ta’ partijiet interessati rilevanti¹ fit-tħejjija ta’ ftehimiet ta’ sħubija² u programmi operazzjonali³;
• imsieħba magħżula jiġu rappreżentati fi ħdan il-kumitati tal-programmi ewlenin (jiġifieri l-preparazzjoni, l-implimentazzjoni, il-monitoraġġ u l-evalwazzjoni);
• is-sħubija trid tkun żgurata permezz tat-tisħiħ tal-kapaċità istituzzjonali ta’ msieħba soċjali rilevanti u organizzazzjonijiet tas-soċjetà ċivili li jipparteċipaw;
• l-iskambju tal-esperjenzi u t-tagħlim reċiproku għandhom jiġu ffaċilitati filwaqt li jkopru l-FSIE kollha;
• ir-rwol tal-imsieħba fl-implimentazzjoni tal-ftehim ta’ sħubija, u l-prestazzjoni u l-effettività tas-sħubija għandhom ikunu suġġetti għal valutazzjoni.