Pedaġġi elettroniċi tat-toroq — il-kompatibbiltà bejn il-pajjiżi

SOMMARJU TAD-DOKUMENT:

Direttiva 2004/52/KE — interoperabilità tas-sistemi tal-UE ta’ pedaġġ elettroniku tat-toroq

SOMMARJU

X’TAGĦMEL ID-DIRETTIVA?

Din tistabbilixxi l-kundizzjonijiet biex tiżgura li s-sistemi elettroniċi ta’ pedaġġ tat-toroq fl-UE huma kompatibbli u jistgħu jaħdmu flimkien. Din tapplika għall-ġbir elettroniku tat-tipi kollha ta’ tariffi fit-toroq, mini, pontijiet u mezzi tat-trasport tul korp ta’ ilma.

KEY POINTS

• Il-leġiżlazzjoni tagħti mandat għall-ħolqien ta’ servizz Ewropew ta’ pedaġġ elettroniku (EETS) biex jinġabru pedaġġi jew tariffi.
• Is-sistemi tal-ġbir ta’ pedaġġ elettroniċi kollha introdotti fl-1 ta’ Jannar 2007 jew wara jridu jużaw il-lokalizzazzjoni bis-satellita, komunikazzjonijiet mobbli b’GSM*-GPRS* standard jew teknoloġija tal-microwave ta’ 5.8 GHz.
• L-operaturi tal-EETS iridu jagħmlu disponibbli għal sewwieqa kkonċernati tagħmir abbord li huwa kompatibbli mas-sistemi nazzjonali ta’ pedaġġ elettroniċi kollha.
• Il-pajjiżi tal-UE b’sistemi ta’ pedaġġ huma mħeġġa jiżguraw li, sal-1 ta’ Jannar 2007, mill-inqas 50 % tat-traffiku li jagħmel użu minnhom ikun jista’ jagħmel dan b’mod elettroniku.
• Is-servizz Ewropew ta’ pedaġġ elettroniku jikkonsisti minn:
  • sett ta’ regoli kuntrattwali li jippermettu lill-operaturi u/jew lill-emittenti kollha sabiex jipprovdu s-servizz;
  • sett ta’ standards u rekwiżiti tekniċi;
  • kuntratt ta’ abbonament wieħed bejn il-klijenti, l-operaturi u/jew l-emittenti, li jagħti aċċess għan-netwerk kollu.
• Il-leġiżlazzjoni ma taffettwax il-kapaċità tal-awtoritajiet nazzjonali li jimponu pedaġġi fuq tipi partikolari ta’ vetturi, il-livell ta’ dawk il-pedaġġi jew l-użu tagħhom.
• Il-Kummissjoni Ewropea, megħjuna minn Kumitat tal-Pedaġġ Elettroniku, tiffinalizza l-kwistjonijiet tekniċi, proċedurali u legali involuti.
• Il-leġiżlazzjoni ma tapplikax għal:
  • sistemi ta’ pedaġġ tat-toroq mhux elettroniċi;
  • sistemi ta’ pedaġġ tat-toroq elettroniċi li ma jeħtieġux tagħmir abbord;
  • sistemi ta’ pedaġġ tat-toroq żgħar strettament lokali.

META TAPPLIKA D-DIRETTIVA?

Din tapplika mill-20 ta’ Mejju 2004. Il-pajjiżi tal-UE kellhom jinkorporawha fil-liġi nazzjonali sad-19 ta’ Novembru 2005.

SFOND

• Ipprezzar u ħlas elettroniku
• “Is-Servizz Ewropew ta’ Pedaġġ Elettroniku (EETS)” — fuljett

TERMINI EWLENIN

* Sistema globali għall-komunikazzjoni mobbli (GSM): standard tat-telekomunikazzjonijiet għal netwerks ċellulari diġitali użati mit-telefowns ċellulari

* Pakkett Ġenerali ta’ Servizz bir-Radju (GPRS): forma ta’ servizz ta’ komunikazzjoni bla fili bbażat fuq pakkett li jippermetti lil telefowns ċellulari u kompjuters ikollhom konnessjoni kontinwa mal-Internet.

ATT

Directive 2004/52/KE tal-Parlament Ewropew u tal-Kunsill tad-29 ta’ April 2004 dwar l-interoperabilità tas-sistemi ta’ pedaġġ elettroniku tat-toroq fil-Komunità (ĠU L 166, 30.4.2004, p. 124–143) (Mhux disponibbli bil-Malti)

L-emendi suċċessivi għad-Direttiva 2004/52/KE ġew inkorporati fit-test bażiku. Din il-verżjoni konsolidata hija biss ta’ valur dokumentarju.

ATTI RELATATI

Deċiżjoni tal-Kummissjoni 2009/750/KE tas-6 ta’ Ottubru 2009 dwar id-definizzjoni tas-Servizz Elettroniku Ewropew tan-Nollijiet u l-elementi tekniċi tiegħu (notifikata bid-dokument numru C(2009) 7547) (ĠU L 268, 13.10.2009, p. 11–29)

l-aħħar aġġornament 08.03.2016