It-traċċabbiltà tat-trasferimenti tal-flus
SOMMARJU TA’:
Ir-Regolament (UE) 2015/847 dwar l-informazzjoni li takkumpanja t-trasferimenti ta’ fondi
X’INHU L-GĦAN TAR-REGOLAMENT?
PUNTI EWLENIN
- Fir-rigward tal-kamp ta’ applikazzjoni, ir-Regolament japplika għat-trasferimenti tal-fondi, fi kwalunkwe munita, mibgħuta jew riċevuta minn fornitur ta’ servizzi ta’ pagament (PSP)* jew PSP intermedjarju* stabbilit fl-UE.
- Il-PSP tal-pagatur huwa meħtieġ sabiex jipprovdi informazzjoni speċifika kemm dwar il-pagatur kif ukoll dwar il-benefiċjarju, pereżempju, l-isem tal-benefiċjarju u n-numru tal-kont tal-pagamenti tal-benefiċjarju u sabiex jivverifika l-akkuratezza tal-informazzjoni pprovduta.
- Il-PSP tal-pagatur u kwalunkwe PSP intermedjarju huma mitluba li jkollhom proċeduri effettivi fis-seħħ sabiex jiġi identifikat jekk l-informazzjoni pprovduta dwar il-pagatur jew il-benefiċjarju hijiex nieqsa jew mhux kompluta. Fil-każ ta’ informazzjoni nieqsa jew mhux kompluta, il-PSPs għandu jkollhom proċeduri effettivi bbażati fuq ir-riskji sabiex jiddeċiedu jekk għandhomx jeżegwixxu, jirrifjutaw jew jissospendu trasferiment ta’ fondi mingħajr l-informazzjoni meħtieġa.
- Id-data personali miksuba mill-PSPs għandha tintuża biss għall-finijiet tal-prevenzjoni tal-ħasil tal-flus u l-finanzjament tat-terroriżmu, u l-PSPs għandhom jiggarantixxu l-kunfidenzjalità ta’ tali data.
- Kwalunkwe reġistru ta’ informazzjoni dwar il-pagatur jew il-benefiċjarju ma għandux jinżamm għal aktar żmien milli meħtieġ għall-finijiet tal-prevenzjoni, tal-identifikazzjoni u tal-investigazzjoni tal-ħasil tal-flus u l-finanzjament tat-terroriżmu. Dak il-perjodu għandu jkun limitat għal 5 snin u wara d-data personali kollha għandha titħassar, sakemm ma jiġix stipulat mod ieħor mil-liġi nazzjonali.
- L-Istati Membri tal-UE huma mitluba li jistabbilixxu sanzjonijiet effettivi, proporzjonati u dissważivi għal ksur ta’ dan ir-Regolament.
- Ir-Regolament huwa parti minn pakkett ta’ miżuri leġiżlattivi tal-UE mmirati lejn il-prevenzjoni tal-ħasil tal-flus u l-finanzjament tat-terroriżmu, inkluża d-Direttiva (UE) 2015/849 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu (ir-raba’ Direttiva kontra l-ħasil tal-flus) — ara s-sommarju.
- Ir-Regolament huwa parti minn strateġija wiesgħa tal-UE li tindirizza l-kriminalità finanzjarja, li tinkludi wkoll il-ħidma ta’:
Emenda
- Ir-Regolament (UE) 2019/2175 jaġġorna r-Regolament (UE) 2015/847 fir-rigward tal-aspetti tal-protezzjoni tad-data sabiex titqies l-adozzjoni tar-Regolament (UE) 2016/679 (ir-regolament ġenerali dwar il-protezzjoni tad-data — ara s-sommarju).
- Dan jirrikjedi wkoll li l-Awtorità Bankarja Ewropea, mill-1 ta’ Jannar 2020, tieħu f’idejha mingħand l-awtoritajiet superviżorji Ewropej il-kompitu li toħroġ kwalunkwe linja gwida indirizzata lill-awtoritajiet kompetenti u lill-fornituri ta’ servizzi ta’ pagament dwar miżuri li għandhom jittieħdu f’konformità mar-Regolament (UE) 2015/847.
Tħassir
Ir-Regolament (UE) 2015/847 iħassar ir-Regolament (KE) Nru 1781/2006.
MINN META BEDA JAPPLIKA R-REGOLAMENT?
Dan ilu japplika mis-26 ta’ Ġunju 2017.
SFOND
Għal aktar informazzjoni, ara:
TERMINI EWLENIN
Pagatur. Persuna fiżika jew ġuridika li hija d-detentur tal-kont u li tippermetti t-trasferiment ta’ fondi mill-kont imsemmi jew, fin-nuqqas ta’ kont, il-persuna fiżika jew ġuridika li tagħti l-ordni sabiex isir trasferiment ta’ fondi.
Benefiċjarju. Persuna fiżika jew ġuridika li tkun ir-riċevitur finali intiż tal-fondi ttrasferiti.
Trasferiment ta’ fondi. Kwalunkwe tranżazzjoni li ssir f’isem pagatur permezz ta’ fornitur ta’ servizzi ta’ ħlasijiet b’mezzi elettroniċi bil-għan li l-fondi jkunu disponibbli għal benefiċjarju għand fornitur ieħor ta’ servizzi ta’ pagament, irrispettivament minn jekk il-pagatur u l-benefiċjarju jkunux l-istess persuna.
Finanzjament tat-terroriżmu. Il-provvista jew il-ġbir ta’ fondi maħsuba biex jintużaw biex jitwettqu reati terroristiċi.
Task Force ta’ Azzjoni Finanzjarja (FATF). Il-korp intergovernattiv responsabbli biex ifassal u jippromwovi, kemm fil-livell nazzjonali kif ukoll f’dak internazzjonali, strateġiji maħsuba biex jiġġieldu l-ħasil tal-flus u l-finanzjament tat-terroriżmu.
Fornitur ta’ servizzi ta’ pagament (PSP). Persuna fiżika jew ġuridika li xogħolha jinkludi l-forniment ta’ servizzi ta’ trasferiment tal-fondi.
Fornitur ta’ servizzi ta’ pagament intermedjarju. Fornitur ta’ servizzi ta’ pagament li la huwa dak tal-pagatur u lanqas dak tal-benefiċjarju u li jipparteċipa fit-twettiq tat-trasferimenti tal-fondi.
DOKUMENT EWLIENI
Ir-Regolament (UE) 2015/847 tal-Parlament Ewropew u tal-Kunsill tal-20 ta’ Mejju 2015 dwar l-informazzjoni li takkumpanja t-trasferimenti ta’ fondi u li jħassar ir-Regolament (KE) Nru 1781/2006 (ĠU L 141, 5.6.2015, pp. 1–18).
L-emendi suċċessivi għar-Regolament (UE) 2015/847 ġew inkorporati fit-test oriġinali. Din il-verżjoni konsolidata għandha valur dokumentarju biss.
DOKUMENTI RELATATI
Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, pp. 1–88).
Verżjoni konsolidata.
Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, pp. 73–117).
Ara l-verżjoni konsolidata.
l-aħħar aġġornament 21.10.2021