Rakkomandazzjonijiet ta' politika ekonomika taż-żona tal-euro għall-2016–2017
SOMMARJU TAD-DOKUMENT:
Rakkomandazzjonijiet tal-Kunsill għall-membri taż-żona tal-euro dwar azzjonijiet tal-politika ekonomika li għandhom jittieħdu b'mod individwali jew kollettiv
X’INHU L-GĦAN TAR-RAKKOMANDAZZJONI?
Din tirrakkomanda kif il-pajjiżi taż-żona tal-euro għandhom, b'mod kollettiv u b'mod individwali, jwettqu l-politiki ekonomiċi tagħhom fuq it-12-il xahar li ġejjin.
PUNTI EWLENIN
Ir-rakkomandazzjonijiet jiddikjaraw li l-pajjiżi tal-euro għandhom:
-
Isegwu politiki li:
-
Jimplimentaw riformi li jikkombinaw:
-
kuntratti flessibbli u affidabbli ta' xogħol;
-
programmi komprensivi ta' tagħlim tul il-ħajja;
-
politiki li jgħinu lil persuni qiegħda jsibu xogħol;
-
skemi ta' protezzjoni soċjali adegwati u sostenibbli;
-
swieq miftuħa u kompetittivi għal oġġetti u servizzi;
-
tnaqqis fil-piżijiet tat-taxxa fuq ix-xogħol, b'mod partikolari għal dawk li l-qligħ tagħhom huwa baxx.
-
Isegwu politiki fiskali li jirrispettaw ir-regoli tal-Patt ta' Stabbiltà u Tkabbir, b'mod partikolari:
-
għall-2016, fejn jimmiraw għal bilanċ newtrali b'mod wiesa' bejn it-taxxi u l-infiq tal-gvern (“pożizzjoni fiskali aggregata ġeneralment newtrali”) fejn hu xieraq;
-
għall-2017, tnaqqis tad-dejn pubbliku;
-
tfassil ta' sforzi għas-sitwazzjoni ta' pajjiżi individwali tal-euro;
-
reviżjoni tal-impatt mistenni u mixtieq fuq l-ekonomija taż-żona tal-euro futura mit-tassazzjoni u l-infiq tal-gvern (“pożizzjoni fiskali”).
-
Jippermettu it- tnaqqis gradwali ta' self bankarju li hu inadempjenti, jew qrib l-inadempjenza (“self inadempjenti”) u t- titjib ta' proċeduri ta' falliment għall-kumpaniji u d-djar.
-
Ikomplu xogħol fuq it-tlestija ta' unjoni ekonomika u monetarja.
-
Pajjiżi tal-UE, b'mod partikolari dawk b'dejn privat u barrani kbir, għandhom jimplimentaw riformi sabiex itejbu l-produttività, il-ħolqien tal-impjiegi, il-kompettività u l-ambjent tal-kummerċ.
-
Pajjiżi tal-UE li għandhom surplus kbir fuq il-kont kurrenti għandhom jiffokaw fuq riformi strutturali sabiex isaħħu d-domanda domestika u t-tkabbir.
SFOND
Ir-rakkomandazzjonijiet tal-politika ekonomika jiffurmaw parti miċ-ċiklu annwali ta' gwida u sorveljanza tal-politika ekonomika tal-UE, magħruf bħala s-Semestru Ewropew.
Għall-ewwel darba, f'Marzu 2016, ir-rakkomandazzjonijiet ta' politika ekonomika taż-żona tal-euro ġew adottati qabel dawk imfassla għal pajjiżi individwali taż-żona tal-euro. Dan huwa mfassal sabiex jirrifletti aħjar l-isfidi ġenerali taż-żona tal-euro fi ħdan ir-rapporti nazzjonali speċifiċi.
Għal aktar informazzjoni, ara:
DOKUMENT EWLIENI
Rakkomandazzjonital-Kunsill tat-8 ta' Marzu 2016 dwar il-politika ekonomika taż-żona tal-euro (ĠU C 96, 11.3.2016, pp. 1–3)
l-aħħar aġġornament 02.08.2016