Stħarriġ Annwali dwar it-Tkabbir tal-UE tal-2015
Wara li esperjenzat il-kriżi ekonomika u finanzjarja tal-2007-2008, l-Unjoni Ewropea (UE) issa qiegħda tiffoka biex issaħħaħ l-ekonomija dgħajfa tagħha. Fl-Istħarriġ Annwali dwar it-Tkabbir tagħha tal-2015, il-Kummissjoni Ewropea stabbilixxiet strateġija integrata għas-sostenn tal-ħolqien tal-impjiegi u biex l-UE terġa’ lura fit-triq ta’ tkabbir sostenibbli.
ATT
Komunikazzjoni mill-Kummissjoni lill-Parlament Ewropew, lill-Kunsill, lill-Bank Ċentrali Ewropew, lill-Kumitat Ekonomiku u Soċjali Ewropew, lill-Kumitat tar-Reġjuni u lill-Bank Ewropew tal-Investiemnt: Stħarriġ Annwali dwar it-Tkabbir 2015 (COM(2014) 902 final tat-28.11.2014).
SOMMARJU
Wara li esperjenzat il-kriżi ekonomika u finanzjarja tal-2007-2008, l-Unjoni Ewropea (UE) issa qiegħda tiffoka biex issaħħaħ l-ekonomija dgħajfa tagħha. Fl-Istħarriġ Annwali dwar it-Tkabbir tagħha tal-2015, il-Kummissjoni Ewropea stabbilixxiet strateġija integrata għas-sostenn tal-ħolqien tal-impjiegi u biex l-UE terġa’ lura fit-triq ta’ tkabbir sostenibbli.
X'TAGĦMEL IL-KOMUNIKAZZJONI?
L-Istħarriġ Annwali dwar it-Tkabbir għall-2015 jistabbilixxi l-approċċ tal-UE biex tingħata spinta lit-tkabbir abbażi ta’ investiment, riformi strutturali u politiki fiskali li jiffavorixxu t-tkabbir.
PUNTI EWLENIN
Spinta għall-investiment
Mill-kriżi finanzjarja tal-2007-2008, l-investiment fl-UE naqas b’madwar €430 biljun. Biex tagħti spinta lill-investiment, il-Kummissjoni nediet pjan li jinkludi:
Impenni għal riformi strutturali
Ir-riforma u l-modernizzazzjoni tal-ekonomiji tal-UE huma essenzjali biex l-UE terġa’ lura għat-tkabbir. Riformi strutturali f’diversi oqsma għandhom ħafna x'jikkontribwixxu għal dan il-għan.
L-insegwiment ta’ responsabbiltà fiskali
Il-pajjiżi Ewropej jeħtieġu politiki fiskali li huma mfassla għas-sitwazzjoni nazzjonali. It-tkabbir fid-dejn tal-gvern għandu jitreġġa' lura. L-infiq tal-gvern u l-istrutturi tad-dħul għandhom jappoġġjaw it-tkabbir u l-investiment. Il-frodi u l-evażjoni tat-taxxa jeħtieġu li jiġu ndirizzati wkoll.
Simplifikazzjoni tal-governanza ekonomika Ewropea
L-Istħarriġ Annwali dwar it-Tkabbir tal-2015 nieda ċ-ċiklu annwali ta’ governanza ekonomika Ewropea (is-Semestru Ewropew), li huwa magħmul mis-sorveljanza tal-politiki fiskali nazzjonali, makroekonomiċi u strutturali fil-livell Ewropew. Il-Kummissjoni qed tipproponi li tissimplifika u ssaħħaħ din il-governanza. Dan għandu jtejjeb is-sjieda nazzjonali tal-proċess ta’ riforma u jsaħħaħ l-implimentazzjoni tar-riformi meħtieġa.
Għal aktar tagħrif, ara s-sit tal-Kummissjoni Ewropea dwar l-Istħarriġ Annwali dwar it-Tkabbir.
l-aħħar aġġornament 08.05.2015