ANNESS I

Noti ta’ spjegazzjoni għat-Tabelli 1 u 2:

Kolonna A:

Tabella 1: “Isem il-manifattur” tfisser l-isem tal-manifattur kif innotifikat lill-Kummissjoni mill-manifattur ikkonċernat jew, meta ma tkunx saret tali notifika, l-isem irrappurtat mill-Istat Membru.

Tabella 2: “Isem il-konsorzju” tfisser l-isem tal-konsorzju kif iddikjarat mill-maniġer tal-konsorzju.

Kolonna B:

“D” tfisser li ngħatat deroga marbuta f’konformità mal-Artikolu 10(3) tar-Regolament (UE) 2019/631 għas-sena kalendarja 2019 (manifattur ta’ volum żgħir);

“ND” tfisser li ngħatat deroga f’konformità mal-Artikolu 10(4) tar-Regolament (UE) 2019/631 għas-sena kalendarja 2019 (manifattur li jipproduċi għal suq ristrett);

“DMD” tfisser li tapplika eżenzjoni de minimis f’konformità mal-Artikolu 2(4) tar-Regolament (UE) 2019/631, sabiex il-manifattur ma jkollux għalfejn jilħaq mira ta’ emissjonijiet speċifiċi fl-2019;

“P” tfisser li l-manifattur huwa membru ta’ konsorzju (li n-numru tiegħu huwa elenkat fil-kolonna B tat-Tabella 2) iffurmat f’konformità mal-Artikolu 6 tar-Regolament (UE) 2019/631 u l-ftehim tal-konsorzju huwa validu għas-sena kalendarja 2019.

Kolonna C:

“Numru ta’ reġistrazzjonijiet” tfisser in-numru totali ta’ karozzi ġodda tal-passiġġieri li ġew irreġistrati fl-Unjoni Ewropea, fl-Iżlanda, fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2).

Kolonna D:

“Medja tal-massa” (kg) tfisser il-medja tal-massa fi stat operattiv tal-karozzi ġodda kollha tal-passiġġieri rreġistrati fl-Unjoni Ewropea, fl-Iżlanda, fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2).

Kolonna E:

“Emissjonijiet speċifiċi medji tas-CO2 ” (g ta’ CO2/km) tfisser l-emissjonijiet speċifiċi medji tas-CO2 tal-karozzi ġodda kollha tal-passiġġieri li ġew irreġistrati fl-Unjoni Ewropea, fl-Iżlanda, fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2). Fil-kalkolu tal-emissjonijiet speċifiċi medji tas-CO2 irid jitqies dan li ġej, fejn ikun applikabbli:

Kolonna F:

“Mira ta’ emissjonijiet speċifiċi” (g ta’ CO2/km) tfisser il-mira ta’ emissjonijiet speċifiċi tal-manifattur (Tabella 1) jew tal-konsorzju (Tabella 2) ikkalkulata f’konformità mal-Anness I tar-Regolament (KE) Nru 443/2009 u bl-M0 li jkun 1 379,88 jew id-deroga mill-mira mogħtija skont l-Artikolu 10 tar-Regolament (UE) 2019/631. Meta l-manifattur jibbenefika minn eżenzjoni skont l-Artikolu 2(4) tar-Regolament (UE) 2019/631, l-ebda mira ta’ emissjonijiet speċifiċi ma tiġi speċifikata.

Kolonna G:

“Distanza mill-mira” (g ta’ CO2/km) tfisser id-differenza bejn l-emissjonijiet speċifiċi medji tas-CO2 speċifikati fil-kolonna E u l-mira ta’ emissjonijiet speċifiċi speċifikata fil-kolonna F, li minnha jitnaqqas il-marġni ta’ żball speċifikat fil-kolonna J.

Meta l-valur fil-kolonna G ikun akbar minn żero, dan ifisser li l-mira ta’ emissjonijiet speċifiċi tkun inqabżet.

Għal manifattur, li jkun membru ta’ konsorzju, il-konformità mal-mira ta’ emissjonijiet speċifiċi tiġi vvalutata fil-livell tal-konsorzju.

Kolonna H:

“Iffrankar tas-CO2 mill-ekoinnovazzjonijiet” (g ta’ CO2/km) tfisser l-iffrankar tal-emissjonijiet li jitqies għall-kalkolu tal-emissjonijiet speċifiċi medji tas-CO2 elenkati fil-kolonna E, li jirriżulta mill-użu tat-teknoloġiji innovattivi li jagħtu kontribut ivverifikat għat-tnaqqis tas-CO2 u li ġew approvati mill-Kummissjoni f’konformità mal-Artikolu 11 tar-Regolament (UE) 2019/631.

Kolonna I:

“Fattur ta’ korrezzjoni” tfisser il-fattur ta’ korrezzjoni kkalkulat f’konformità mal-Artikolu 7(2) tar-Regolament ta’ Implimentazzjoni (UE) 2017/1153, li ntuża fil-kalkolu tal-emissjonijiet speċifiċi medji tas-CO2 tal-manifattur (Tabella 1) jew tal-konsorzju (Tabella 2).

Kolonna J:

“Marġni ta’ żball” (g ta’ CO2/km) tfisser il-valur li bih id-differenza bejn l-emissjonijiet speċifiċi medji tas-CO2 (kolonna E) u l-mira ta’ emissjonijiet speċifiċi (kolonna F) tkun ġiet aġġustata meta tiġi kkalkulata d-distanza mill-mira (kolonna G), sabiex jitqiesu r-rekords innotifikati lill-Kummissjoni mill-manifattur (Tabella 1) jew mill-konsorzju (Tabella 2) bil-kodiċi tal-iżball B kif stabbilit fl-Artikolu 9(3) tar-Regolament tal-Kummissjoni (UE) Nru 1014/2010.

Dan il-marġni ta’ żball jiġi kkalkulat f’konformità mal-formula li ġejja:

ANNESS II

Noti ta’ spjegazzjoni għat-Tabelli 1 u 2:

Kolonna A:

Tabella 1: “Isem il-manifattur” tfisser l-isem tal-manifattur kif innotifikat lill-Kummissjoni mill-manifattur ikkonċernat jew, meta ma tkunx saret tali notifika, l-isem irrappurtat mill-Istat Membru.

Tabella 2: “Isem il-konsorzju” tfisser l-isem tal-konsorzju kif iddikjarat mill-maniġer tal-konsorzju.

Kolonna B:

“D” tfisser li ngħatat deroga marbuta f’konformità mal-Artikolu 10(3) tar-Regolament (UE) 2019/631 għas-sena kalendarja 2019 (manifattur ta’ volum żgħir);

“DMD” tfisser li tapplika eżenzjoni de minimis f’konformità mal-Artikolu 2(4) tar-Regolament (UE) 2019/631, sabiex il-manifattur ma jkollux għalfejn jilħaq mira ta’ emissjonijiet speċifiċi fl-2019;

“P” tfisser li l-manifattur huwa membru ta’ konsorzju (li n-numru tiegħu huwa elenkat fil-kolonna B tat-Tabella 2) iffurmat f’konformità mal-Artikolu 6 tar-Regolament (UE) 2019/631 u l-ftehim tal-konsorzju huwa validu għas-sena kalendarja 2019.

Kolonna C:

“Numru ta’ reġistrazzjonijiet” tfisser in-numru totali ta’ vetturi kummerċjali ħfief ġodda li ġew irreġistrati fl-Unjoni Ewropea, fl-Iżlanda, fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2).

Kolonna D:

“Medja tal-massa” (kg) tfisser il-medja tal-massa fi stat operattiv tal-vetturi kummerċjali ħfief ġodda kollha li ġew irreġistrati fl-Unjoni Ewropea, fl-Iżlanda fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2).

Kolonna E:

“Emissjonijiet speċifiċi medji tas-CO2 ” (g ta’ CO2/km) tfisser l-emissjonijiet speċifiċi medji tas-CO2 tal-vetturi kummerċjali ħfief ġodda kollha li ġew irreġistrati fl-Unjoni Ewropea, fl-Iżlanda, fin-Norveġja u fir-Renju Unit fis-sena kalendarja 2019 u li huma responsabbli għalihom il-manifattur (Tabella 1) jew il-membri tal-konsorzju (Tabella 2). Fil-kalkolu tal-emissjonijiet speċifiċi medji tas-CO2, fejn applikabbli, tqies l-iffrankar tal-emissjonijiet tas-CO2 li jirriżulta mill-użu tat-teknoloġiji innovattivi msemmija fl-Artikolu 11 tar-Regolament (UE) 2019/631 (Kolonna H).

Kolonna F:

“Mira ta’ emissjonijiet speċifiċi” (g ta’ CO2/km) tfisser il-mira ta’ emissjonijiet speċifiċi tal-manifattur (Tabella 1) jew tal-konsorzju (Tabella 2) ikkalkulata f’konformità mal-Anness I tar-Regolament (KE) Nru 510/2011 u bl-M0 li jkun 1 766,4 jew id-deroga mill-mira mogħtija skont l-Artikolu 10 tar-Regolament (UE) 2019/631. Meta l-manifattur jibbenefika minn eżenzjoni skont l-Artikolu 2(4), l-ebda mira ta’ emissjonijiet speċifiċi ma tiġi speċifikata.

Kolonna G:

“Distanza mill-mira” (g ta’ CO2/km) tfisser id-differenza bejn l-emissjonijiet speċifiċi medji tas-CO2 speċifikati fil-kolonna E u l-mira ta’ emissjonijiet speċifiċi speċifikata fil-kolonna F, li minnha jitnaqqas il-marġni ta’ żball speċifikat fil-kolonna I.

Meta l-valur fil-kolonna G ikun akbar minn żero, dan ifisser li l-mira ta’ emissjonijiet speċifiċi tkun inqabżet.

Għal manifattur li jkun membru ta’ konsorzju, il-konformità mal-mira ta’ emissjonijiet speċifiċi tiġi vvalutata fil-livell tal-konsorzju.

Kolonna H:

“Iffrankar tas-CO2 mill-ekoinnovazzjonijiet” (g ta’ CO2/km) tfisser l-iffrankar tal-emissjonijiet li jitqies għall-kalkolu tal-emissjonijiet speċifiċi medji tas-CO2 elenkati fil-kolonna E, li jirriżulta mill-użu tat-teknoloġiji innovattivi li jagħtu kontribut ivverifikat għat-tnaqqis tas-CO2 u li ġew approvati mill-Kummissjoni f’konformità mal-Artikolu 11 tar-Regolament (UE) 2019/631.

Kolonna I:

“Fattur ta’ korrezzjoni” tfisser il-fattur ta’ korrezzjoni kkalkulat f’konformità mal-Artikolu 6(2) tar-Regolament ta’ Implimentazzjoni (UE) 2017/1152, li ntuża fil-kalkolu tal-emissjonijiet speċifiċi medji tas-CO2 tal-manifattur (Tabella 1) jew tal-konsorzju (Tabella 2).

Kolonna J:

“Marġni ta’ żball” (g ta’ CO2/km) tfisser il-valur li bih id-differenza bejn l-emissjonijiet speċifiċi medji tas-CO2 (kolonna E) u l-mira ta’ emissjonijiet speċifiċi (kolonna F) tkun ġiet aġġustata meta tiġi kkalkulata d-distanza mill-mira (kolonna G), sabiex jitqiesu r-rekords innotifikati lill-Kummissjoni mill-manifattur (Tabella 1) jew mill-konsorzju (Tabella 2) bil-kodiċi tal-iżball B kif stabbilit fl-Artikolu 10a(1) tar-Regolament tal-Kummissjoni (UE) Nru 293/2012.

Dan il-marġni ta’ żball jiġi kkalkulat f’konformità mal-formula li ġejja:

ANNESS III

Noti ta’ spjegazzjoni għat-Tabelli 1, 2, 3, 4:

Kolonna A:

“Isem tal-manifattur u tal-konsorzju” tfisser l-isem tal-manifattur jew tal-konsorzju kif innotifikat lill-Kummissjoni mill-manifattur ikkonċernat jew, meta ma tkunx saret din in-notifika, l-isem irreġistrat mill-awtorità tar-reġistrazzjoni tal-Istat Membru.

Kolonna B:

Il-manifattur Dr. Ing. h.c. F. Porsche AG huwa membru tal-konsorzju VW GROUP PC pool (P12, P13 jew P14) iffurmat skont l-Artikolu 7 tar-Regolament (KE) Nru 443/2009 u l-ftehim tal-konsorzju huwa validu għas-snin kalendarji tal-2014, 2015, 2016 u 2017.

Kolonna C:

“Numru ta’ reġistrazzjonijiet” tfisser in-numru totali ta’ karozzi ġodda rreġistrati minn Stat Membru f’sena kalendarja, mingħajr ma jingħaddu dawk ir-reġistrazzjonijiet marbuta ma’ rekords li fihom il-valuri għall-massa u/jew tas-CO2 kienu neqsin u dawk ir-rekords li l-manifattur ma jirrikonoxxix.

Kolonna D:

It-Tabelli 1, 2 u 3: “Emissjonijiet speċifiċi medji ta’ CO2 (100 %)” tfisser l-emissjonijiet speċifiċi medji ta’ CO2 (f’g CO2/km) li ġew ikkalkulati abbażi ta’ 100 % tal-vetturi attribwiti lill-manifattur. Fejn xieraq, l-emissjonijiet speċifiċi medji ta’ CO2 iqisu l-iżbalji nnotifikati lill-Kummissjoni mill-manifattur ikkonċernat. Ir-rekords użati għall-kalkolu jinkludu dawk li fihom valur validu għall-massa u għall-emissjonijiet ta’ CO2. L-emissjonijiet speċifiċi medji ta’ CO2 jinkludu tnaqqis fl-emissjonijiet li jirriżulta mill-użu ta’ teknoloġiji innovattivi msemmija fl-Artikolu 12 tar-Regolament (KE) Nru 443/2009, u fit-Tabelli 3 u 4 tnaqqis fl-emissjonijiet li jirriżulta mid-dispożizzjonijiet dwar is-superkrediti fl-Artikolu 5 tar-Regolament (KE) Nru 443/2009 u l-użu ta’ E85 skont l-Artikolu 6 ta’ dak ir-Regolament.

It-Tabella 4: “Medja ta’ CO2 (80 %) ikkoreġuta” tfisser l-emissjonijiet speċifiċi medji ta’ CO2 li ġew ikkalkolati abbażi tat-80 % tal-vetturi li jirrilaxxaw l-inqas emissjonijiet fil-flotta tal-manifattur f’konformità mat-tielet inċiż tat-tieni paragrafu tal-Artikolu 4 tar-Regolament (KE) Nru 443/2009 u l-punt 4 tal-Komunikazzjoni tal-Kummissjoni COM(2010) 657 final ( 1 ).

Kolonna E:

“Mira tal-emissjonijiet speċifiċi” tfisser il-mira tal-emissjonijiet ikkalkulata abbażi tal-medja tal-massa tal-vetturi kollha attribwiti lil manifattur, billi tintuża l-formula stabbilita fl-Anness I tar-Regolament (KE) Nru 443/2009.

Kolonna F:

“Distanza mill-mira” tfisser id-differenza bejn l-emissjonijiet speċifiċi medji tas-CO2 speċifikati fil-kolonna D u l-mira tal-emissjonijiet speċifiċi fil-kolonna E.

Kolonna G:

“Distanza mill-mira aġġustata” tfisser li, meta l-valuri mogħtija f’din il-kolonna jkunu differenti minn dawk fil-kolonna F, il-valuri f’dik il-kolonna jkunu ġew aġġustati biex jitqies marġni ta’ żball. Il-marġni ta’ żball japplika biss jekk il-manifattur ikun innotifika lill-Kummissjoni b’xi rekords bil-kodiċi tal-iżbalji B, kif stabbilit fl-Artikolu 9(3) tar-Regolament (UE) Nru 1014/2010. Il-marġni ta’ żball jiġi kkalkulat skont il-formula li ġejja:

Kolonna H:

“Medja tal-massa” tfisser il-medja tal-massa f’kundizzjoni operattiva (kilogrammi) tal-vetturi attribwiti lill-manifattur.

Kolonna I:

It-Tabelli 1, 2, 3 u 4: “Emissjonijiet medji ta’ CO2 (100 %)” tfisser l-emissjonijiet speċifiċi medji ta’ CO2 li ġew ikkalkolati abbażi ta’ 100 % tal-vetturi attribwiti lill-manifattur. Fejn xieraq, l-emissjonijiet speċifiċi medji ta’ CO2 iqisu l-iżbalji nnotifikati lill-Kummissjoni mill-manifattur ikkonċernat. Ir-rekords użati għall-kalkolu jinkludu dawk li fihom valur validu għall-massa u għall-emissjonijiet ta’ CO2, iżda jeskludu t-tnaqqis tal-emissjonijiet li jirriżulta mit-teknoloġiji innovattivi imsemmija fl-Artikolu 12 tar-Regolament (KE) Nru 443/2009. Għas-snin kalendarji 2014 u 2015 (it-Tabelli 3 u 4) it-tnaqqis fl-emissjonijiet li jirriżulta mid-dispożizzjonijiet dwar is-superkrediti fl-Artikolu 5 tar-Regolament (UE) Nru 443/2009 u dwar l-użu tal-E85 fl-Artikolu 6 ta’ dak ir-Regolament huwa eskluż wkoll mill-kalkolu.

ANNESS IV

Noti ta’ spjegazzjoni għat-Tabella 1:

Kolonna A:

“Isem tal-manifattur u tal-konsorzju” tfisser l-isem tal-manifattur kif innotifikat lill-Kummissjoni mill-manifattur jew mill-konsorzju kkonċernat jew, meta ma tkunx saret din in-notifika, l-isem irreġistrat mill-awtorità tar-reġistrazzjoni tal-pajjiż.

Kolonna B:

Il-manifattur Dr. Ing. h.c. F. Porsche AG huwa membru tal-konsorzju VW GROUP PC (P14) iffurmat skont l-Artikolu 7 tar-Regolament (KE) Nru 443/2009 u l-ftehim tal-konsorzju huwa validu għas-sena kalendarja 2018.

Kolonna C:

“Numru ta’ reġistrazzjonijiet” tfisser in-numru totali ta’ karozzi ġodda tal-passiġġieri li ġew irreġistrati fl-Unjoni Ewropea u fl-Iżlanda fis-sena kalendarja 2018 u li huma responsabbli għalihom il-manifattur jew il-membri tal-konsorzju.

Kolonna D:

“Medja tal-massa” (kg) tfisser il-medja tal-massa fi stat operattiv tal-karozzi ġodda kollha tal-passiġġieri rreġistrati fl-Unjoni Ewropea u fl-Iżlanda fis-sena kalendarja 2018 u li huma responsabbli għalihom il-manifattur jew il-membri tal-konsorzju.

Kolonna E:

“Emissjonijiet speċifiċi medji tas-CO2 ” (g ta’ CO2/km) tfisser l-emissjonijiet speċifiċi medji tas-CO2 tal-karozzi ġodda kollha tal-passiġġieri li ġew irreġistrati fl-Unjoni Ewropea u fl-Iżlanda fis-sena kalendarja 2018 u li huma responsabbli għalihom il-manifattur jew il-membri tal-konsorzju. Fil-kalkolu tal-emissjonijiet speċifiċi medji tas-CO2 irid jitqies dan li ġej, fejn ikun applikabbli:

Kolonna F:

“Mira ta’ emissjonijiet speċifiċi” (g ta’ CO2/km) tfisser il-mira ta’ emissjonijiet speċifiċi tal-manifattur jew tal-konsorzju ikkalkulata f’konformità mal-Anness I tar-Regolament (KE) Nru 443/2009 u bl-M0 li jkun 1 392,4 .

Kolonna G:

“Distanza mill-mira” (g ta’ CO2/km) tfisser id-differenza bejn l-emissjonijiet speċifiċi medji tas-CO2 speċifikati fil-kolonna E u l-mira ta’ emissjonijiet speċifiċi speċifikata fil-kolonna F, li minnha jitnaqqas il-marġni ta’ żball speċifikat fil-kolonna J.

Meta l-valur fil-kolonna G ikun akbar minn żero, dan ifisser li l-mira ta’ emissjonijiet speċifiċi tkun inqabżet.

Għal manifattur, li jkun membru ta’ konsorzju, il-konformità mal-mira ta’ emissjonijiet speċifiċi tiġi vvalutata fil-livell tal-konsorzju.

Kolonna H:

“Iffrankar tas-CO2 mill-ekoinnovazzjonijiet” (g ta’ CO2/km) tfisser l-iffrankar tal-emissjonijiet li jitqies għall-kalkolu tal-emissjonijiet speċifiċi medji tas-CO2 elenkati fil-kolonna E, li jirriżulta mill-użu tat-teknoloġiji innovattivi li jagħtu kontribut ivverifikat għat-tnaqqis tas-CO2 u li ġew approvati mill-Kummissjoni f’konformità mal-Artikolu 12 tar-Regolament (KE) Nru 443/2009.

Kolonna I:

“Fattur ta’ korrezzjoni” tfisser il-fattur ta’ korrezzjoni kkalkulat f’konformità mal-Artikolu 7(2) tar-Regolament ta’ Implimentazzjoni (UE) 2017/1153, li ntuża fil-kalkolu tal-emissjonijiet speċifiċi medji tas-CO2 tal-manifattur jew tal-konsorzju.

Kolonna J:

“Marġni ta’ żball” (g ta’ CO2/km) tfisser il-valur li bih id-differenza bejn l-emissjonijiet speċifiċi medji tas-CO2 (kolonna E) u l-mira ta’ emissjonijiet speċifiċi (kolonna F) tkun ġiet aġġustata meta tiġi kkalkulata d-distanza mill-mira (kolonna G), sabiex jitqiesu r-rekords innotifikati lill-Kummissjoni mill-manifattur jew mill-konsorzju bil-kodiċi tal-iżball B kif stabbilit fl-Artikolu 9(3) tar-Regolament tal-Kummissjoni (UE) Nru 1014/2010.

Dan il-marġni ta’ żball jiġi kkalkulat f’konformità mal-formula li ġejja: