Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

DEĊIŻJONI TAL-KUNSILL (PESK) 2017/2074

tat-13 ta' Novembru 2017

dwar miżuri restrittivi fid-dawl tas-sitwazzjoni fil-Venezwela

KAPITOLU I

RESTRIZZJONIJIET FUQ L-ESPORTAZZJONI

Artikolu 1

Il-bejgħ, il-forniment, it-trasferiment jew l-esportazzjoni ta' armi u ta' materjal relatat ta' kull tip, inkluż armi u munizzjon, vetturi u tagħmir militari, tagħmir paramilitari u partijiet ta' rikambju għalihom lill-Venezwela minn ċittadini tal-Istati Membri jew mit-territorji tal-Istati Membri jew bl-użu ta' bastimenti jew inġenji tal-ajru bil-bandiera tagħhom għandhom ikunu pprojbiti, kemm jekk joriġinaw fit-territorji tagħhom jew le.

Għandu jkun ipprojbit:

(a)

li jingħataw assistenza teknika, servizzi ta' senserija u servizzi oħra relatati ma' attivitajiet militari u mal-forniment, il-manifattura, il-manutenzjoni u l-użu ta' armi u materjal relatat ta' kull tip, inkluż armi u munizzjon, vetturi u tagħmir militari, tagħmir paramilitari, u partijiet ta' rikambju għalihom direttament jew indirettament, lil kwalunkwe persuna fiżika jew ġuridika, entità jew korp fil-Venezwela, jew għall-użu fil-Venezwela;

(b)

li jingħataw finanzjament jew assistenza finanzjarja relatati ma' attivitajiet militari, inkluż b'mod partikolari għotjiet, self u assigurazzjoni ta' kreditu għall-esportazzjoni, kif ukoll assigurazzjoni u riassigurazzjoni, għal kwalunkwe bejgħ, forniment, trasferiment jew esportazzjoni ta' armi u materjal relatat jew għall-provvista ta' assistenza teknika relatata, servizzi ta' senserija jew servizzi oħra relatati direttament jew indirettament lil kwalunkwe persuna, entità jew korp fil-Venezwela, jew għall-użu fil-Venezwela.

Artikolu 2

Il-projbizzjoni fl-Artikolu 1 ma għandhiex tapplika għall-eżekuzzjoni ta' kuntratti konklużi qabel it-13 ta' Novembru 2017 jew għal kuntratti anċillari neċessarji għall-eżekuzzjoni ta' tali kuntratti, sakemm dawn ikunu konformi mal-Pożizzjoni Komuni tal-Kunsill 2008/944/PESK ( 1 ), b'mod partikolari mal-kriterji stabbiliti fl-Artikolu 2 tagħha, u l-persuni fiżiċi jew ġuridiċi, entitajiet jew korpi li jfittxu jwettqu l-kuntratt ikunu nnotifikaw il-kuntratt lill-awtorità kompetenti tal-Istat Membru li fih ikunu stabbiliti fi żmien ħames ġranet ta' xogħol mid-dħul fis-seħħ ta' din id-Deċiżjoni.

Artikolu 3

Il-bejgħ, il-forniment, it-trasferiment jew l-esportazzjoni ta' tagħmir li jista' jintuża għal repressjoni interna lill-Venezwela minn ċittadini tal-Istati Membri jew mit-territorji tal-Istati Membri jew bl-użu ta' bastimenti jew inġenji tal-ajru bil-bandiera tagħhom, għandhom ikunu pprojbiti, kemm jekk joriġinaw fit-territorji tagħhom jew le.

Għandu jkun ipprojbit:

(a)

li jingħataw assistenza teknika, servizzi ta' senserija u servizzi oħra relatati ma' tagħmir li jista' jintuża għal repressjoni interna u mal-forniment, il-manifattura, il-manutenzjoni u l-użu ta' armi u materjal relatat ta' tali tagħmir direttament jew indirettament, lil kwalunkwe persuna fiżika jew ġuridika, entità jew korp fil-Venezwela, jew għall-użu fil-Venezwela;

(b)

li jingħataw finanzjament jew assistenza finanzjarja relatati ma' tagħmir li jista' jintuża għal repressjoni interna, inkluż b'mod partikolari għotjiet, self u assigurazzjoni ta' kreditu għall-esportazzjoni kif ukoll assigurazzjoni u riassigurazzjoni, għal kwalunkwe bejgħ, forniment, trasferiment jew esportazzjoni ta' tali tagħmir jew għall-provvista ta' assistenza teknika relatata, servizzi ta' senserija jew servizzi oħra relatati direttament jew indirettament, lil kwalunkwe persuna, entità jew korp fil-Venezwela, jew għall-użu fil-Venezwela;

L-Unjoni għandha tieħu l-miżuri neċessarji sabiex tiddetermina l-elementi rilevanti li għandhom ikunu koperti b'dan l-Artikolu.

Artikolu 4

L-Artikoli 1 u 3 ma għandhomx japplikaw għal:

(a)

il-bejgħ, il-forniment, it-trasferiment jew l-esportazzjoni ta' tagħmir militari mhux letali jew ta' tagħmir li jista' jintuża għar-repressjoni interna, maħsub biss għal użu umanitarju jew protettiv, jew għall-programmi għall-bini tal-istituzzjonijiet tan-Nazzjonijiet Uniti (NU) u tal-Unjoni u l-Istati Membri tagħha jew tal-organizzazzjonijiet reġjonali u subreġjonali, jew ta' materjal maħsub għal operazzjonijiet ta' maniġġar ta' kriżijiet tan-NU jew tal-Unjoni jew ta' organizzazzjonijiet reġjonali jew subreġjonali;

(b)

il-bejgħ, il-forniment, it-trasferiment jew l-esportazzjoni ta' tagħmir għat-tneħħija tal-mini u materjal użat f'operazzjonijiet tat-tneħħija tal-mini;

(c)

il-manutenzjoni ta' tagħmir mhux letali li jista' jintuża mill-forza navali u mill-gwardja tal-kosta tal-Venezwela li jkun maħsub biss għall-protezzjoni tal-fruntiera, l-istabbiltà reġjonali u l-interċettazzjoni ta' narkotiċi;

(d)

il-provvista ta' finanzjament u għajnuna finanzjarja relatati mat-tagħmir jew materjal imsemmija fil-punti (a), (b) u (c);

(e)

il-provvista ta' assistenza teknika relatati mat-tagħmir jew materjal imsemmija fil-punti (a), (b) u (c),

bil-kondizzjoni li tali esportazzjonijiet ikunu ġew approvati minn qabel mill-awtorità kompetenti.

L-Artikoli 1 u 3 ma għandhomx japplikaw għall-ilbies protettiv, inkluż ġkieket rinforzati u elmi militari, esportati temporanjament lejn il-Venezwela mill-persunal tan-NU, il-persunal tal-Unjoni jew l-Istati Membri tagħha, minn rappreżentanti tal-mezzi tax-xandir, u ħaddiema umanitarji u fl-iżvilupp u persunal assoċjat għall-użu personali tagħhom biss.

Artikolu 5

Il-bejgħ, il-forniment, it-trasferiment jew l-esportazzjoni ta' tagħmir, teknoloġija jew software maħsubin primarjament għal użu ta' monitoraġġ jew interċettazzjoni mir-reġim tal-Venezwela, jew f'ismu, tal-komunikazzjonijiet bl-internet u telefoniċi fuq netwerks mobbli jew fissi fil-Venezwela, inkluż l-għoti ta' kwalunkwe tip ta' servizz ta' monitoraġġ jew interċettazzjoni fil-qasam tat-telekomunikazzjoni jew tal-internet, kif ukoll il-provvista ta' assistenza finanzjarja u teknika għall-installazzjoni, it-tħaddim jew l-aġġornament ta' tali tagħmir, teknoloġija jew software, minn ċittadini tal-Istati Membri jew mit-territorji tal-Istati Membri għandhom jiġu pprojbiti.

B'deroga mill-paragrafu 1, l-Istati Membri jistgħu jawtorizzaw il-bejgħ, il-forniment, it-trasferiment jew l-esportazzjoni tat-tagħmir, it-teknoloġija jew is-software, inkluż l-għoti ta' kwalunkwe tip ta' servizz ta' monitoraġġ jew interċettazzjoni fil-qasam tat-telekomunikazzjoni jew tal-internet, kif ukoll il-provvista relatata ta' assistenza finanzjarja u teknika, imsemmija fil-paragrafu 1 jekk huma jkollhom raġunijiet validi biex jiddeterminaw li t-tagħmir, it-teknoloġija jew is-software ma jintużawx għar-repressjoni interna mill-gvern, korpi pubbliċi, korporazzjonijiet jew aġenziji tal-Venezwela, jew minn kwalunkwe persuna jew entità li topera f'isimhom jew taħt id-direzzjoni tagħhom.

L-Istat Membru kkonċernat għandu jinforma lill-Istati Membri l-oħrajn u lill-Kummissjoni dwar kull awtorizzazzjoni mogħtija taħt dan il-paragrafu, fi żmien erba' ġimgħat mill-awtorizzazzjoni.

L-Unjoni għandha tieħu l-miżuri neċessarji sabiex tiddetermina l-elementi rilevanti li għandhom jiġu koperti b'dan l-Artiklu.

KAPITOLU II

RESTRIZZJONIJIET FUQ L-AMMISSJONI

Artikolu 6

L-Istati Membri għandhom jieħdu l-miżuri neċessarji biex jipprevjenu d-dħul fit-territorji tagħhom, jew it-tranżitu minnhom, ta':

(a)

persuni fiżiċi responsabbli għal vjolazzjonijiet jew abbużi serji tad-drittijiet tal-bniedem jew ir-repressjoni tas-soċjetà ċivili u l-oppożizzjoni demokratika fil-Venezwela; jew

(b)

persuni fiżiċi li l-azzjonijiet, politiki jew attivitajiet tagħhom b'mod ieħor jimminaw id-demokrazija jew l-istat tad-dritt fil-Venezwela;

kif elenkati fl-Anness I.

Il-paragrafu 1 ma għandux jobbliga lil Stat Membru li jirrifjuta d-dħul fit-territorju tiegħu taċ-ċittadini tiegħu stess.

Il-paragrafu 1 għandu jkun mingħajr preġudizzju għall-każijiet fejn Stat Membru jkun marbut b'obbligu skont id-dritt internazzjonali, jiġifieri:

(a)

bħala pajjiż li jospita organizzazzjoni intergovernattiva internazzjonali;

(b)

bħala pajjiż li jospita konferenza internazzjonali mlaqqa' min-NU jew taħt l-awspiċi tagħha; jew

(c)

taħt ftehim multilaterali li jagħti privileġġi u immunitajiet; jew

(d)

taħt it-Trattat ta' Konċiljazzjoni (Patt Lateran) tal-1929 konkluż mis-Santa Sede (l-Istat tal-Belt tal-Vatikan) u l-Italja.

Il-paragrafu 3 għandu jitqies li japplika wkoll f'każijiet fejn Stat Membru jkun il-pajjiż li jospita l-Organizzazzjoni għas-Sigurtà u l-Kooperazzjoni fl-Ewropa (OSKE).

Il-Kunsill għandu jiġi infurmat debitament fil-każijiet kollha fejn Stat Membru jagħti eżenzjoni skont il-paragrafi 3 jew 4.

L-Istati Membri jistgħu jagħtu eżenzjonijiet mill-miżuri imposti fil-paragrafu 1 meta l-ivvjaġġar ikun ġustifikat għar-raġunijiet ta' bżonn umanitarju urġenti, jew għal raġunijiet ta' attendenza għal laqgħat intergovernattivi u laqgħat promossi mill-Unjoni, jew ospitati minn Stat Membru li jkollu l-presidenza attwali tal-OSKE, fejn isir djalogu politiku li jippromwovi b'mod dirett id-demokrazija, id-drittijiet tal-bniedem u l-istat tad-dritt fil-Venezwela.

Stat Membru li jixtieq jagħti eżenzjonijiet imsemmija fil-paragrafu 6 għandu jinnotifika lill-Kunsill bil-miktub. L-eżenzjoni għandha titqies li tkun ingħatat sakemm membru wieħed jew aktar tal-Kunsill ma joġġezzjonawx bil-miktub fi żmien jumejn ta' xogħol minn meta tasal in-notifika dwar l-eżenzjoni proposta. Fil-każ li membru wieħed jew aktar tal-Kunsill joġġezzjonaw, il-Kunsill, li jaġixxi b'maġġoranza kwalifikata, jista' jiddeċiedi li jagħti l-eżenzjoni proposta.

Fejn, skont il-paragrafi 3, 4, 6 u 7, Stat Membru jawtorizza d-dħul fit-territorju tiegħu, jew it-tranżitu minnu, tal-persuni elenkati fl-Anness I, l-awtorizzazzjoni għandha tkun limitata għall-iskop li għalih ingħatat u għall-persuni kkonċernati mill-awtorizzazzjoni.

KAPITOLU III

IFFRIŻAR TA' FONDI U RIŻORSI EKONOMIĊI

Artikolu 7

Il-fondi u r-riżorsi ekonomiċi kollha li jappartjenu lil, jew huma proprjetà ta', miżmuma jew kontrollati minn:

(a)

persuni fiżiċi jew ġuridiċi, entitajiet jew korpi responsabbli għal vjolazzjonijiet jew abbużi serji tad-drittijiet tal-bniedem jew ir-repressjoni tas-soċjetà ċivili u l-oppożizzjoni demokratika fil-Venezwela;

(b)

persuni fiżiċi jew ġuridiċi, entitajiet jew korpi li l-azzjonijiet, il-politiki jew l-attivitajiet tagħhom b'mod ieħor jimminaw id-demokrazija jew l-istat tad-dritt fil-Venezwela,

kif elenkati fl-Anness I, għandhom jiġu ffriżati.

Il-fondi u r-riżorsi ekonomiċi kollha li jappartjenu lil, jew huma l-proprjetà ta', miżmuma jew kontrollati minn, persuni fiżiċi jew ġuridiċi, entitajiet jew korpi assoċjati mal-persuni, entitajiet jew korpi msemmija fil-paragrafu 1, kif elenkati fl-Anness II, għandhom jiġu ffriżati

L-ebda fond jew riżorsa ekonomika ma għandha ssir disponibbli, direttament jew indirettament, lil persuni fiżiċi jew ġuridiċi, entitajiet jew korpi elenkati fl-Anness I jew II, jew għal benefiċċju tagħhom.

L-awtorità kompetenti ta' Stat Membru tista' tawtorizza r-rilaxx ta' ċerti fondi jew riżorsi ekonomiċi ffriżati, jew id-disponibbiltà ta' ċerti fondi jew riżorsi ekonomiċi, taħt tali kondizzjonijiet li hi tqis xierqa, wara li tkun iddeterminat li l-fondi jew ir-riżorsi ekonomiċi kkonċernati huma:

(a)

neċessarji biex jiġu sodisfatti l-ħtiġijiet bażiċi tal-persuni fiżiċi jew ġuridiċi, entitajiet jew korpi elenkati fl-Anness I jew II u l-membri tal-familja dipendenti ta' tali persuni fiżiċi, inkluż pagamenti għal oġġetti tal-ikel, kera jew ipoteki, mediċini u trattament mediku, taxxi, primjums tal-assigurazzjoni u spejjeż ta' servizzi pubbliċi;

(b)

maħsuba esklużivament għall-pagament ta' tariffi professjonali raġonevoli u għar-rimborż tal-ispejjeż imġarrba assoċjati mal-provvista ta' servizzi legali;

(c)

maħsuba esklużivament għall-pagament ta' tariffi jew imposti ta' servizzi ta' kustodja jew ġestjoni normali ta' fondi jew riżorsi ekonomiċi ffriżati;

(d)

neċessarji għal spejjeż straordinarji, sakemm l-awtorità kompetenti rilevanti tkun innotifikat lill-awtoritajiet kompetenti tal-Istati Membri l-oħrajn u lill-Kummissjoni bir-raġunijiet li għalihom tqis li għandha tingħata awtorizzazzjoni speċifika, għall-inqas ġimagħtejn qabel l-awtorizzazzjoni;

(e)

ser jitħallsu f'kont jew jinħarġu minnu ta' missjoni diplomatika jew konsulari, jew ta' organizzazzjoni internazzjonali li tgawdi immunitajiet skont id-dritt internazzjonali, sakemm tali pagamenti huma maħsubin biex jintużaw għal finijiet uffiċjali tal-missjoni diplomatika jew konsulari, jew tal-organizzazzjoni internazzjonali.

L-Istat Membru kkonċernat għandu jinforma lill-Istati Membri l-oħrajn u lill-Kummissjoni bi kwalunkwe awtorizzazzjoni mogħtija taħt dan il-paragrafu.

B'deroga mill-paragrafi 1 u 2, l-awtoritajiet kompetenti ta' Stat Membru jistgħu jawtorizzaw ir-rilaxx ta' ċerti fondi jew riżorsi ekonomiċi ffriżati, jekk jintlaħqu l-kondizzjonijiet li ġejjin:

(a)

il-fondi jew ir-riżorsi ekonomiċi jkunu s-suġġett ta' sentenza arbitrali mogħtija qabel id-data li fiha l-persuna fiżika jew ġuridika, l-entità jew il-korp imsemmijin fil-paragrafu 1 jew 2 ikunu ġew elenkati fl-Anness I jew II, jew ta' deċiżjoni ġudizzjarja jew amministrattiva mogħtija fl-Unjoni, jew deċiżjoni ġudizzjarja eżegwibbli fl-Istat Membru kkonċernat, qabel jew wara dik id-data;

(b)

il-fondi jew ir-riżorsi ekonomiċi ser jintużaw esklużivament biex jiġu sodisfatti pretensjonijiet garantiti minn tali deċiżjoni jew rikonoxxuti bħala validi f'tali deċiżjoni, fil-limiti stabbiliti mil-liġijiet u r-regolamenti applikabbli li jirregolaw id-drittijiet ta' persuni li jkollhom dawn il-pretensjonijiet;

(c)

id-deċiżjoni ma tkunx għall-benefiċċju ta' persuna fiżika jew ġuridika, entità jew korp elenkati fl-Anness I jew II; u

(d)

ir-rikonoxximent tad-deċiżjoni ma jmurx kontra l-ordni pubbliku fl-Istat Membru kkonċernat.

L-Istat Membru kkonċernat għandu jinforma lill-Istati Membri l-oħrajn u lill-Kummissjoni bi kwalunkwe awtorizzazzjoni mogħtija taħt dan il-paragrafu.

Il-paragrafi 1 u 2 ma għandhomx jipprevjenu lil persuna fiżika jew ġuridika, entità jew korp elenkati fl-Anness I jew II milli jagħmlu pagament dovut taħt kuntratt jew ftehim li ġie konkluż minn, jew obbligu li rriżulta għal, persuna fiżika jew ġuridika, entità jew korp elenkat fl-Anness I jew II qabel id-data li fiha tali persuna fiżika jew ġuridika, entità jew korp ikunu ġew elenkati fih, dment li l-Istat Membru kkonċernat ikun iddetermina li l-pagament ma jkunx fi ksur tal-paragrafu 3.

Il-paragrafu 3 ma għandux japplika għaż-żieda ma' kontijiet iffriżati ta':

(a)

imgħax jew dħul ieħor fuq dawk il-kontijiet;

(b)

pagamenti dovuti taħt kuntratti, ftehimiet jew obbligi li ġew konklużi jew li rriżultaw qabel id-data meta dawk il-kontijiet ikunu saru soġġetti għall-miżuri previsti fil-paragrafi 1, 2 u 3; jew

(c)

pagamenti dovuti taħt deċiżjonijiet ġudizzjarji, amministrattivi jew arbitrali li ngħataw fl-Unjoni jew li huma eżegwibbli fl-Istat Membru kkonċernat,

dment li kwalunkwe tali imgħax, qligħ u pagament ieħor jibqa' soġġett għall-miżuri previsti fil-paragrafu 1 jew 2.

KAPITOLU IV

DISPOŻIZZJONIJIET ĠENERALI U FINALI

Artikolu 8

Il-Kunsill, filwaqt li jaġixxi b'unanimità fuq proposta minn Stat Membru jew mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà, għandu jistabbilixxi u jemenda l-listi fl-Annessi I u II.

Il-Kunsill għandu jikkomunika d-deċiżjoni msemmija fil-paragrafu 1, inkluż ir-raġunijiet għall-inklużjoni fil-lista, lill-persuna, entità jew korp ikkonċernat, direttament, jekk l-indirizz ikun magħruf, jew permezz tal-pubblikazzjoni ta' avviż, li tipprovdi lil tali persuna, entità jew korp opportunità li jippreżentaw osservazzjonijiet.

Fejn jiġu ppreżentati osservazzjonijiet jew evidenza sostanzjali ġdida, il-Kunsill għandu jirrevedi d-deċiżjoni msemmija fil-paragrafu 1 u jinforma lill-persuna fiżika jew ġuridika, entità jew korp ikkonċernati skont il-każ.

Artikolu 9

L-Annessi I u II għandhom jinkludu r-raġunijiet għall-inklużjoni fil-lista tal-persuni fiżiċi jew ġuridiċi, entitajiet u korpi msemmijin fl-Artikoli 6(1) u 7(1),u fl-Artikolu 7(2), rispettivament.

L-Annessi I u II għandhom jinkludu wkoll, meta tkun disponibbli, l-informazzjoni meħtieġa biex jiġu identifikati l-persuni fiżiċi jew ġuridiċi, entitajiet jew korpi kkonċernati. Fir-rigward ta' persuni fiżiċi, tali informazzjoni tista' tinkludi: l-ismijiet, inkluż il-psewdonimi; id-data u l-post ta' twelid; iċ-ċittadinanza; in-numri tal-passaport u tal-karta tal-identità; is-sess; l-indirizz, jekk magħruf; u l-funzjoni jew il-professjoni. Fir-rigward ta' persuni ġuridiċi, entitajiet jew korpi, tali informazzjoni tista' tinkludi l-ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju.

▼M6

Artikolu 9a

Il-Kunsill u r-Rappreżentant Għoli tal-Unjoni għall-Affarijiet Barranin u l-Politika ta’ Sigurtà (ir-“Rappreżentant Għoli”) jistgħu jipproċessaw data personali sabiex iwettqu l-kompiti tagħhom skont din id-Deċiżjoni, b’mod partikolari:

(a)

ir-rigward tal-Kunsill, għat-tħejjija ta’ emendi u għall-emendar tal-Annessi I u II;

(b)

fir-rigward tar-Rappreżentant Għoli, għat-tħejjija ta’ emendi għall-Annessi I u II.

Il-Kunsill u r-Rappreżentant Għoli jistgħu jipproċessaw, fejn applikabbli, data rilevanti marbuta ma’ reati kriminali mwettqa minn persuni fiżiċi elenkati, ma’ kundanni kriminali ta’ tali persuni jew ma’ miżuri ta’ sigurtà li jikkonċernaw lit-tali persuni, biss sa fejn tali pproċessar ikun meħtieġ għat-tħejjija tal-Annessi I u II.

Għall-finijiet ta’ din id-Deċiżjoni, il-Kunsill u r-Rappreżentant Għoli huma nnominati bħala “kontrolluri” fis-sens tal-punt (8) tal-Artikolu 3 tar-Regolament (UE) Nru 2018/1725 tal-Parlament Ewropew u tal-Kunsill ( 2 ), sabiex ikun żgurat li l-persuni fiżiċi kkonċernati jkunu jistgħu jeżerċitaw id-drittijiet tagħhom skont ir-Regolament (UE) Nru 2018/1725.

▼B

Artikolu 10

Għandha tkun ipprojbita l-parteċipazzjoni, konxja u intenzjonata, f'attivitajiet li l-objettiv jew l-effett tagħhom ikun li jevitaw il-miżuri stipulati f'din id-Deċiżjoni.

Artikolu 11

Ebda pretensjoni b'konnessjoni ma' xi kuntratt jew tranżazzjoni fejn il-prestazzjoni tagħhom tkun ġiet affettwata, direttament jew indirettament, totalment jew parzjalment, mill-miżuri imposti taħt din id-Deċiżjoni, inklużi pretensjonijiet għal indennizz jew xi pretensjoni oħra ta' dan it-tip, bħal pretensjoni għal kumpens jeGw pretensjoni taħt garanzija, b'mod partikolari pretensjoni għal estensjoni jew għall-ħlas ta' bond, garanzija jew indennizz, b'mod partikolari garanzija finanzjarja jew indennizz finanzjarju, ta' kull forma, ma għandha tiġi sodisfatta, jekk din issir minn:

(a)

persuni fiżiċi jew ġuridiċi, entitajiet jew korpi ddeżinjati, elenkati fl-Anness I jew II;

(b)

kwalunkwe persuna fiżika jew ġuridika, entità jew korp li taġixxi permezz ta' waħda mill-persuni, entitajiet jew korpi imsemmija fil-punt (a) jew f'isimhom.

Artikolu 12

Sabiex l-impatt tal-miżuri stipulati f'din id-Deċiżjoni jkun kemm jista' jkun qawwi, l-Unjoni għandha tħeġġeġ lill-Istati terzi biex jadottaw miżuri restrittivi simili għal dawk previsti f'din id-Deċiżjoni.

▼M3

Artikolu 13

▼M12

Din id-Deċiżjoni għandha tapplika sal-14 ta’ Mejju 2024.

▼M3

Din id-Deċiżjoni għandha tinżamm taħt rieżami kostanti. Hija għandha tiġi mġedda, jew emendata kif xieraq, jekk il-Kunsill iqis li l-objettivi tagħha ma jkunux intlaħqu.

▼B

Artikolu 14

Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.

▼M8

ANNESS I

Lista ta’ persuni fiżiċi u ġuridiċi, entitajiet u korpi msemmija fl-Artikoli 6(1) u 7(1)

	Isem	Informazzjoni ta’ identifikazzjoni	Raġunijiet	Data tal-elenkar
▼M10
1.	Néstor Luis REVEROL TORRES	Data tat-twelid: 28 ta’ Ottubru 1964 Sess: raġel	Ministru għall-Enerġija Elettrika minn Ottubru 2020, Viċi-President tax-Xogħlijiet u s-Servizzi Pubbliċi u Segretarju Eżekuttiv tal-Persunal Ġenerali għall-Elettriku minn April 2019. Ministru għall-Intern, Ġustizzja u Paċi mill-2016 sa Ottubru 2020. Ġeneral fil-Kap tal-Gwardja Nazzjonali Bolivarjana minn Awwissu 2020. Responsabbli għal ksur serju tad-drittijiet tal-bniedem, inkluż it-tortura ta’ priġunieri (politiċi), u għar-repressjoni tal-oppożizzjoni demokratika fil-Venezwela, inkluż il-projbizzjoni u r-repressjoni ta’ dimostrazzjonijiet politiċi, imwettqa mill-forzi tas-sigurtà taħt il-kmand tiegħu.	22.1.2018
▼M12
2.	Gustavo Enrique GONZÁLEZ LÓPEZ	Data tat-twelid: 2 ta’ Novembru 1960 Sess: raġel	Maħtur mill-ġdid Direttur Ġenerali tas-Servizz Nazzjonali tal-Intelligence Bolivarjan (SEBIN) fit-30 ta’ April 2019. Konsulent dwar is-Sigurtà u l-Intelligence tal-President Maduro minn Jannar 2019 u Direttur Ġenerali ta’ SEBIN minn Frar 2014 sa Ottubru 2018. Matul iż-żminijiet li serva bħala direttur ta’ SEBIN, uffiċjali taħt l-awtorità aħħarija tiegħu wettqu atti ta’ detenzjoni arbitrarja, tortura u trattament krudili u inuman, inkluż vjolenza sesswali, fiċ-ċentru ta’ detenzjoni ta’ El Helicoide. Bħala Direttur Ġenerali ta’ SEBIN, huwa responsabbli għal ksur serju tad-drittijiet tal-bniedem inkluż detenzjoni arbitrarja, trattament inuman u degradanti, u tortura u r-repressjoni tas-soċjetà ċivili u l-oppożizzjoni demokratika fil-Venezwela.	22.1.2018
▼M12 —————
▼M10
4.	Antonio José BENAVIDES TORRES	Data tat-twelid: 13 ta’ Ġunju 1961 Sess: raġel	Membru tal-Assemblea Nazzjonali mhux eletta demokratikament. Kap tal-Gvern tad-Distrett Kapitali (Distrito Capital) sa Jannar 2018. Kmandant Ġeneral tal-Gwardja Nazzjonali Bolivarjana sal-21 ta’ Ġunju 2017. Involut fir-repressjoni tas-soċjetà ċivili u l-oppożizzjoni demokratika fil-Venezwela, u responsabbli għal ksur serju tad-drittijiet tal-bniedem imwettaq mill-Gwardja Nazzjonali Bolivarjana taħt il-kmand tiegħu. L-azzjonijiet u l-politiki tiegħu bħala Kmandant Ġeneral tal-Gwardja Nazzjonali Bolivarjana, inkluż li l-Gwardja Nazzjonali Bolivarjana tmexxi fis-sorveljanza ta’ dimostrazzjonijiet ċivili u l-promozzjoni pubblika biex il-qrati militari jkollhom ġuriżdizzjoni fuq il-persuni ċivili, dgħajfu l-istat tad-dritt fil-Venezwela.	22.1.2018
▼M11
5.	Maikel José MORENO PÉREZ	Data tat-twelid: 12 ta' Diċembru 1965 Sess: raġel	Imħallef tal-Awla tal-Appell Kriminali tal-Qorti Suprema tal-Venezwela (Tribunal Supremo de Justicia (TSJ)). Eks President u eks Viċi President tal-Qorti Suprema. F'dawk ir-rwoli, huwa appoġġa u ffaċilita l-azzjonijiet u l-politiki tal-Gvern li dgħajfu d-demokrazija u l-istat tad-dritt fil-Venezwela, u huwa responsabbli għal azzjonijiet u dikjarazzjonijiet li użurpaw l-awtorità tal-Assemblea Nazzjonali, inklużi l-ħatra tal-Kunsill Elettorali Nazzjonali (CNE) f'Ġunju 2020 u s-sospensjoni u s-sostituzzjoni tat-tmexxija ta' tliet partiti tal-oppożizzjoni f'Ġunju u Lulju 2020.	22.1.2018
▼M8
6.	Tarek William SAAB HALABI	Data tat-twelid: 10 ta’ Settembru 1963 Post tat-twelid: El Tigre, Stat ta’ Anzoátegui, Venezwela Sess: raġel	Avukat Ġenerali tal-Venezwela maħtur mill-Assemblea Kostitwenti. F’dan ir-rwol, u fir-rwoli preċedenti bħala Ombudsman u President tal-Kunsill Morali Repubblikan, huwa dgħajjef id-demokrazija u l-istat tad-dritt fil-Venezwela billi pubblikament appoġġa azzjonijiet kontra avversarji tal-gvern tal-Venezwela u l-irtirar ta’ kompetenzi mill-Assemblea Nazzjonali.	22.1.2018
▼M12
7.	Diosdado CABELLO RONDÓN	Data tat-twelid: 15 ta’ April 1963 Sess: raġel	Membru tal-Assemblea Nazzjonali mhux eletta demokratikament, eks President tal-Assemblea Kostitwenti u l-Ewwel Viċi President tal-Partit Soċjalista Magħqud tal-Venezwela (PSUV). Involut fid-dgħajfien tad-demokrazija u l-istat tad-dritt fil-Venezwela u r-repressjoni tas-soċjetà ċivili u l-oppożizzjoni demokratika, inkluż bl-użu tal-media biex tattakka u thedded pubblikament l-oppożizzjoni politika, media oħra u s-soċjetà ċivili u l-għoti ta’ ordnijiet biex jinżammu individwi, inkluż lis-Servizz Nazzjonali tal-Intelligence Bolivarjan (SEBIN).	22.1.2018
8.	Tareck Zaidan EL-AISSAMI MADDAH	Data tat-twelid: 12 ta’ Novembru 1974 Sess: raġel	Eks Viċi President tal-Ekonomija u eks Ministru għall-Enerġija Popolari taż-Żejt kif ukoll l-Industrija u l-Produzzjoni Nazzjonali. Bħala l-eks Viċi President tal-Venezwela b’sorveljanza tad-direzzjoni tas-Servizz Nazzjonali tal-Intelligence Bolivarjan (SEBIN), Tareck El-Aissami huwa responsabbli għal ksur serju tad-drittijiet tal-bniedem imwettqa mill-organizzazzjoni, inkluż detenzjonijiet arbitrarji, investigazzjonijiet motivati politikament, trattament inuman u degradanti, u tortura. Huwa wkoll responsabbli għall-appoġġ u l-implimentazzjoni ta’ politiki u attivitajiet li jdgħajfu d-demokrazija u l-istat tad-dritt, inkluża l-projbizzjoni ta’ dimostrazzjonijiet pubbliċi, u t-tmexxija tal-“kmand anti-coup” tal-President Maduro li kellu fil-mira s-soċjetà ċivili u l-oppożizzjoni demokratika.	25.6.2018
▼M8
9.	Sergio José RIVERO MARCANO	Data tat-twelid: 8 ta’ Novembru 1964 Sess: raġel	Spettur Ġeneral tal-Forzi Armati Nazzjonali Bolivarjani (FANB), Kmandant Ġeneral tal-Gwardja Nazzjonali Bolivarjana sas-16 ta’ Jannar 2018. Involut fir-repressjoni tas-soċjetà ċivili u l-oppożizzjoni demokratika fil-Venezwela, u responsabbli għal ksur serju tad-drittijiet tal-bniedem imwettqa mill-Gwardja Nazzjonali Bolivarjana taħt il-kmand tiegħu, inkluż l-użu ta’ forza eċċessiva, u d-detenzjoni arbitrarja u l-abbuż ta’ membri tas-soċjetà ċivili u tal-oppożizzjoni. L-azzjonijiet u l-politiki tiegħu bħala Kmandant Ġeneral tal-Gwardja Nazzjonali Bolivarjana, inkluż l-assalt mill-Gwardja Nazzjonali Bolivarjana ta’ membri tal-Assemblea Nazzjonali eletta demokratikament u l-intimidazzjoni tal-ġurnalisti li jirrappurtaw dwar l-elezzjonijiet frodulenti għall-Assemblea Kostitwenti li hija illeġittima, dgħajfu d-demokrazija u l-istat tad-dritt fil-Venezwela.	25.6.2018
▼M10
10.	Jesús Rafael SUÁREZ CHOURIO	Data tat-twelid: 19 ta’ Lulju 1962 Sess: raġel	President tal-Kumitat tad-Difiża u s-Sigurtà tal-Assemblea Nazzjonali mhux eletta demokratikament minn Jannar 2021. Eks Kap tal-Persunal Ġenerali tal-Kap Kmandant tal-Forzi Armati (bejn Lulju 2019 u Settembru 2020). Eks Kap Kmandant tal-Armata Nazzjonali Bolivarjana tal-Venezwela (sa Lulju 2019). Eks Kmandant Ġeneral tal-Armata Nazzjonali Bolivarjana Venezwelana u eks Kmandant tar-Reġjun ta’ Difiża Komprensiv tal-Venezwela taż-Żona Ċentrali (REDI Central). Responsabbli għal ksur serju tad-drittijiet tal-bniedem minn forzi taħt il-kmand tiegħu matul il-mandat tiegħu bħala Kmandant Ġeneral tal-Armata Nazzjonali Bolivarjana Venezwelana, inkluż l-użu ta’ forza eċċessiva u l-maltrattament tad-detenuti. Kellu fil-mira tiegħu l-oppożizzjoni demokratika u appoġġa l-użu ta’ qrati militari għall-proċessi ta’ dimostranti ċivili.	25.6.2018
▼M12
11.	Iván HERNÁNDEZ DALA	Data tat-twelid: 18 ta’ Mejju 1966 Sess: raġel	Maġġur Ġeneral fil-FANB. Direttur Ġenerali tal-Counter-Intelligence Militari (DGCIM) minn Jannar 2014 u Kap tal-Gwardja Presidenzjali minn Settembru 2015. Bħala l-Kap tad-DGCIM, Iván Hernández Dala huwa responsabbli għar-repressjoni tas-soċjetà ċivili u l-oppożizzjoni demokratika u għal ksur serju tad-drittijiet tal-bniedem imwettqa minn membri tad-DGCIM taħt il-kmand tiegħu, inkluż tortura, l-użu ta’ forza eċċessiva u l-maltrattament tad-detenuti.	25.6.2018
▼M10
12.	Delcy Eloina RODRÍGUEZ GÓMEZ	Data tat-twelid: 18 ta’ Mejju 1969 Sess: mara	Viċi President tal-Venezwela, Ministru għall-Ekonomija, il-Finanzi u l-Kummerċ. Eks President tal-Assemblea Kostitwenti illeġittima u eks membru tal-Kummissjoni Presidenzjali għall-Assemblea Kostitwenti Nazzjonali illeġittima. L-azzjonijiet tagħha fil-Kummissjoni Presidenzjali u mbagħad bħala President tal-Assemblea Kostitwenti illeġittima dgħajfu d-demokrazija u l-istat tad-dritt fil-Venezwela, inkluż l-użurpazzjoni tas-setgħat tal-Assemblea Nazzjonali u l-użu tagħhom direttament kontra l-oppożizzjoni u biex dawn ma jitħallewx jieħdu sehem fil-proċess politiku.	25.6.2018
▼M8
13.	Elías José JAUA MILANO	Data tat-twelid: 16 ta’ Diċembru 1969 Sess: raġel	Eks Ministru għas-Setgħa Popolari għall-Edukazzjoni. Eks President tal-Kummissjoni Presidenzjali għall-Assemblea Kostitwenti Nazzjonali illeġittima. Responsabbli li dgħajjef id-demokrazija u l-istat tad-dritt fil-Venezwela permezz tar-rwol tiegħu ta’ tmexxija fl-istabbiliment tal-Assemblea Kostitwenti illeġittima.	25.6.2018
▼M12
14.	Sandra OBLITAS RUZZA	Data tat-twelid: 7 ta’ Ġunju 1969 Sess: mara	Ministru għall-Edukazzjoni Universitarja. Eks Rettur tal-Universidad Bolivariana de Venezuela. Eks Viċi President tal-Kunsill Elettorali Nazzjonali (CNE) u eks President tal-Kummissjoni tar-Reġistru Elettorali u Ċivili. Responsabbli għall-attivitajiet tas-CNE li dgħajfu d-demokrazija fil-Venezwela, inkluż bil-faċilitazzjoni tal-istabbiliment tal-Assemblea Kostitwenti illeġittima u bil-manipulazzjoni tal-proċess elettorali.	25.6.2018
▼M11
15.	Freddy Alirio BERNAL ROSALES	Data tat-twelid: 16 ta' Ġunju 1962 Post tat-twelid: San Cristóbal, Táchira State, Venezuela Sess: raġel	Gvernatur tal-Istat ta' Táchira minn meta rebaħ l-elezzjonijiet f'Novembru 2021. Eks Kap taċ-Ċentru ta' Kontroll Nazzjonali tal-Kumitat għall-Provvista u l-Produzzjoni Lokali (CLAP) u eks Protettur tal-Istat ta' Táchira. Huwa ukoll Kummissarju Ġenerali tas-Servizz Nazzjonali tal-Intelligence Bolivarjan (SEBIN). Bħala Kap tal-CLAP u Protettur tal-Istat ta' Táchira seta' jamar lill-Forzi Speċjali (FAES) u jinfluwenza l-ħatra ta' mħallfin u prosekuturi. Responsabbli li dgħajjef id-demokrazija permezz tal-manipulazzjoni tad-distribuzzjonijiet tal-programm CLAP fost il-votanti. Barra minn hekk, bħala Kummissarju Ġenerali ta' SEBIN huwa responsabbli għall-attivitajiet ta' SEBIN li jinkludu ksur serju tad-drittijiet tal-bniedem bħad-detenzjoni arbitrarja.	25.6.2018
▼M12
16.	Katherine Nayarith HARRINGTON PADRÓN	Data tat-twelid: 5 ta’ Diċembru 1971 Sess: mara	President taċ-Ċirkwit Ġudizzjarju Kriminali taż-Żona Metropolitana ta’ Caracas. Eks Viċi Prosekutur Ġenerali (titolu tradott ukoll bħala Viċi Avukat Ġenerali) minn Lulju 2017 sa Ottubru 2018. Maħtura Viċi Prosekutur Ġenerali mill-Qorti Suprema minflok mill-Assemblea Nazzjonali, bi ksur tal-Kostituzzjoni. Responsabbli li dgħajfet id-demokrazija u l-istat tad-dritt fil-Venezwela, inkluż billi tat bidu għal prosekuzzjonijiet politikament motivati u naqset milli tinvestiga allegazzjonijiet ta’ ksur ta’ drittijiet tal-bniedem mir-reġim ta’ Maduro.	25.6.2018
▼M8
17.	Socorro Elizabeth HERNÁNDEZ HERNÁNDEZ	Data tat-twelid: 11 ta’ Marzu 1952 Sess: mara	Membru (Rettur) tal-Kunsill Elettorali Nazzjonali (CNE) sat-12 ta’ Ġunju 2020 u membru tal-Bord Elettorali Nazzjonali (JNE). Responsabbli għall-attivitajiet tas-CNE li dgħajfu d-demokrazija fil-Venezwela, inklużi l-faċilitazzjoni tal-istabbiliment tal-Assemblea Kostitwenti illeġittima u l-manipulazzjoni tal-proċess elettorali b’rabta mal-elezzjoni revokatorja presidenzjali li ġiet ikkanċellata fl-2016, il-posponiment tal-elezzjonijiet tal-gvernaturi fl-2016, u r-rilokazzjoni ta’ postijiet tal-votazzjoni fi żmien qasir qabel l-elezzjonijiet tal-gvernaturi fl-2017.	25.6.2018
▼M10
18.	Xavier Antonio MORENO REYES	Sess: raġel	Segretarju Ġenerali tal-Kunsill Elettorali Nazzjonali (CNE) mill-2009 sa Ġunju 2020. F’dak ir-rwol, Moreno Reyes iffaċilita, illeġittimizza u ta kredibbiltà lid-deċiżjonijiet tas-CNE, peress li s-Segretarju Ġenerali tas-CNE għandu rwol fit-tfassil tal-aġenda u l-formalizzazzjoni tad-deċiżjonijiet. Moreno Reyes baqa’ Segretarju Ġenerali tas-CNE filwaqt li d-demokrazija ddgħajfet serjament u r-rwol indipendenti tas-CNE fil-proċess elettorali ġie kompromess. Għalhekk huwa responsabbli li dgħajjef id-demokrazija fil-Venezwela, inkluż il-faċilitazzjoni tal-istabbiliment tal-Assemblea Kostitwenti illeġittima u l-manipulazzjoni tal-proċess elettorali.	25.6.2018
▼M12
19.	Néstor Neptali BLANCO HURTADO	Data tat-twelid: 26 ta’ Settembru 1982 Numru tal-identità: V-15222057 Sess: raġel	Kmandant fiż-żona ta’ counter-intelligence militari Nru 32 fir-reġjun ta’ Los Llanos. Bħala Maġġur fil-Gwardja Nazzjonali Bolivarjana (GNB), opera flimkien ma’ uffiċjali fid-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)) tal-inqas minn Diċembru 2017. Responsabbli għal ksur serju tad-drittijiet tal-bniedem, inkluż tortura, l-użu ta’ forza eċċessiva u l-maltrattament tad-detenuti fil-faċilitajiet tad-DGCIM.	27.9.2019
▼M10
20.	Rafael Ramón BLANCO MARRERO	Data tat-twelid: 28 ta’ Frar 1968 Numru tal-identità: V-6250588 Sess: raġel	Ġeneral tad-Diviżjoni tal-Armata Nazzjonali Bolivarjana tal-Venezwela mill-5 ta’ Lulju 2019. Eks Viċi Direttur tad-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)). Responsabbli għal ksur serju tad-drittijiet tal-bniedem, inkluż tortura, użu ta’ forza eċċessiva u maltrattament ta’ detenuti fil-faċilitajiet tad-DGCIM li twettqu minn uffiċjali tad-DGCIM taħt il-kmand tiegħu. Rappurtat li għandu konnessjoni mal-mewt tal-Kaptan Acosta.	27.9.2019
▼M12
21.	Carlos Alberto CALDERÓN CHIRINOS	Numru tal-identità: V-10352300 Sess: raġel	Uffiċjal bil-kmand mill-elit tal-Pulizija Nazzjonali tal-Venezwela (PNB/FAES). Eks uffiċjal għoli (imsejjaħ Kummissarju Ġenerali, Direttur ta’ El Helicoide u Direttur ta’ Investigazzjonijiet Strateġiċi) fis-Servizz Nazzjonali tal-Intelligence Bolivarjan (SEBIN). Uffiċjali tad-Direttorat għall-Investigazzjonijiet Strateġiċi taħt is-superviżjoni tiegħu wettqu detenzjonijiet illegali, atti ta’ tortura u trattament ħażin ieħor, u vjolenza sesswali u dik abbażi tal-ġeneru. Responsabbli għal ksur serju tad-drittijiet tal-bniedem, inkluż tortura, l-użu ta’ forza eċċessiva u l-maltrattament tad-detenuti fil-faċilitajiet tas-SEBIN. B’mod partikolari, huwa pparteċipa u huwa responsabbli għal atti ta’ tortura u għat-trattament krudili, inuman u degradanti tad-detenuti f’El Helicoide, ħabs tas-SEBIN.	27.9.2019
▼M11
22.	Alexis Enrique ESCALONA MARRERO	Data tat-twelid: 12 ta' Ottubru 1962 Sess: raġel	Kap responsabbli għall-Uffiċċju Nazzjonali Kontra l-Kriminalità Organizzata u l-Finanzjament ta' Terroristi (ONDOFT) minn Jannar 2018 sa Mejju 2019. Maġġur Ġeneral Irtirat, eks Viċi Ministru għall-prevenzjoni u s-sigurtà pubblika fil-Ministeru għall-Intern (maħtur fl-2017 mill-President Maduro) u eks Kmandant Nazzjonali tal-Kmand Nazzjonali Kontra l-Estorsjoni u l-Ħtif (Comando Nacional Antiextorsión y Secuestro (CONAS)) (bejn l-2014 u l-2017). Responsabbli għal ksur serju tad-drittijiet tal-bniedem, inkluż it-tortura, l-użu ta' forza eċċessiva u t-trattament ħażin ta' detenuti minn membri tal-CONAS taħt il-kmand tiegħu. Responsabbli wkoll għar-repressjoni tas-soċjetà ċivili minn membri tal-CONAS taħt il-kmand tiegħu.	27.9.2019
▼M12
23.	Rafael Antonio FRANCO QUINTERO	Data tat-twelid: 14 ta’ Ottubru 1973 Numru tal-identità: V-11311672 Sess: raġel	Brigadier Ġeneral tal-Armata Nazzjonali Bolivarjana tal-Venezwela (FANB). Uffiċjal fis-Servizz tal-Intelligence Nazzjonali Bolivarjan (SEBIN). Kap tas-Sigurtà fl-Ajruport Internazzjonali ta’ Maiquetía minn Awwissu 2019. Direttur tad-Direttorat Speċjali tal-Investigazzjonijiet Kriminali u Kriminalistiċi (DEIPC) u fid-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)) bejn Novembru 2016 u Novembru 2018. Responsabbli għal ksur serju tad-drittijiet tal-bniedem, inkluż tortura, l-użu ta’ forza eċċessiva u l-maltrattament ta’ detenuti fil-faċilitajiet tad-DGCIM minn membri tad-DGCIM taħt il-kmand tiegħu, b’mod partikolari fiċ-ċentru ta’ detenzjoni tal-Boleita. Uffiċjali taħt l-awtorità tiegħu kienu wkoll implikati fi vjolenza sesswali kontra d-detenuti. Responsabbli wkoll għar-repressjoni tas-soċjetà ċivili u l-oppożizzjoni demokratika minn membri tad-DGCIM taħt il-kmand tiegħu. Rappurtat li għandu konnessjoni mal-mewt tal-Kaptan Acosta Arévalo.	27.9.2019
24.	Alexander Enrique GRANKO ARTEAGA	Data tat-twelid: 25 ta’ Marzu 1981 Numru tal-identità: V-14970215 Sess: raġel	Kap (Direttur) tad-Diviżjoni tal-Affarijiet Speċjali (DAE) tad-Direttorat Ġenerali tal-Kontrospjunaġġ Militari (Dirección General de Contrainteligencia Militar (DGCIM)) mill-2017. Kap tal-Uffiċċju taċ-ċentru ta’ detenzjoni ta’ Boleita tad-DGCIM mid-29 ta’ Awwissu 2022. Mill-2017 sal-2022 huwa ordna, issorvelja u pparteċipa direttament f’detenzjonijiet arbitrarji, għajbien sfurzat għal żmien qasir, tortura, inkluż vjolenza sesswali, u trattament krudili, inuman jew degradanti ieħor. Promoss għall-grad ta’ logutenent kurunell tal-Gwardja Nazzjonali Bolivarjana fl-1 ta’ Lulju 2020. Responsabbli għal ksur serju tad-drittijiet tal-bniedem, inkluż tortura, l-użu ta’ forza eċċessiva li kkaġuna mewt u dannu, u l-maltrattament ta’ detenuti fil-faċilitajiet tad-DGCIM li twettqu minnu stess u minn uffiċjali taħt il-kmand tiegħu. Responsabbli wkoll għar-repressjoni tas-soċjetà ċivili minn membri tad-DGCIM taħt il-kmand tiegħu, u kien ukoll involut direttament f’din ir-repressjoni. Rappurtat li għandu konnessjoni mal-mewt tal-Kaptan Acosta Arévalo.	27.9.2019
25.	Hannover Esteban GUERRERO MIJARES	Data tat-twelid: 14 ta’ Jannar 1971 Sess: raġel	Viċi Kmandant u Kap tal-Persunal tal-35 Brigata Militari tal-Pulizija mill-2019. Direttur tad-Direttorat Speċjali tal-Investigazzjonijiet Kriminali u Kriminalistiċi (DEIPC) fid-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)) minn Novembru 2018 sa Awwissu 2019. Bħala Direttur tad-DEIPC, huwa ssorvelja l-faċilità tad-DGCIM f’Boleita. Matul dan il-perjodu, twettqu atti ta’ tortura u trattament krudili, inuman jew degradanti ieħor kif ukoll vjolenza sesswali minn uffiċjali tad-DGCIM f’Boleita. Responsabbli għal ksur serju tad-drittijiet tal-bniedem, inkluż tortura, l-użu ta’ forza eċċessiva u l-maltrattament ta’ detenuti mwettqa minnu u minn membri taħt il-kmand tiegħu, b’mod partikolari f’Boleita. Rappurtat li għandu konnessjoni mal-mewt tal-Kaptan Acosta Arévalo.	27.9.2019
▼M8
26.	José Adelino ORNELAS FERREIRA Psewdonimu: José Adelino Ornella FERREIRA/José Adelino ORNELLAS FERREIRA	Data tat-twelid: 14 ta’ Diċembru 1964 Post tat-twelid: Caracas, Distrito Capital, il-Venezwela Numru tal-identità: V-7087964 Sess: raġel	Segretarju Ġenerali tal-Kunsill Nazzjonali tad-Difiża mis-26 ta’ Lulju 2019 u Kap tal-Persunal Ġenerali għall-Kap Kmandant minn Settembru 2020. Eks kmandant tar-Reġjun Strateġiku tad-Difiża Integrali Nazzjonali (REDI Capital), eks Kap tal-Persunal u eks Viċi Kmandant tal-Kmand Operattiv u Strateġiku tal-Forzi Armati Nazzjonali Bolivarjani tal-Venezwela (CEOFANB). F’dawn ir-rwoli huwa appoġġa u ffaċilita azzjonijiet u politiki tal-Gvern tal-Venezwela li dgħajfu d-demokrazija u l-istat tad-dritt fil-Venezwela. Responsabbli għal ksur serju tad-drittijiet tal-bniedem u r-repressjoni tas-soċjetà ċivili u l-oppożizzjoni demokratika fil-Venezwela, inkluż billi ostakola l-għoti ta’ għajnuna umanitarja u bl-użu ta’ forza eċċessiva minn uffiċjali tal-Forzi Armati Bolivarjani (FANB), u minn forzi subordinati taħt il-kmand tiegħu inkluż r-Reġjun Strateġiku tad-Difiża Integrali (REDI), iż-Żona ta’ Operazzjonijiet tad-Difiża Integrali (ZODI) u l-Gwardja Nazzjonali Bolivarjana.	29.6.2020
▼M11
27.	Gladys DEL VALLE REQUENA	Data tat-twelid: 9 ta' Novembru 1952 Post tat-twelid: Puerto Santo, Sucre, Venezuela Numru tal-identità: V-4114842 Sess: mara	Spettur Ġenerali tal-Qrati mis-27 ta' April 2022. Eks membru tal-Assemblea Nazzjonali mhux eletta demokratikament u eks membru u t-Tieni Viċi President tal-Assemblea Kostitwenti Nazzjonali (ANC) mhux rikonoxxuta. Fir-rwol tagħha ta' mexxejja fl-ANC mhux rikonoxxuta, hija dgħajfet id-demokrazija u l-istat tad-dritt fil-Venezwela, inkluż billi ffirmat id-digriet li neħħa l-immunità parlamentari tal-president tal-Assemblea Nazzjonali tal-Venezwela, Juan Guaidó.	29.6.2020
▼M10
28.	Tania Valentina DÍAZ GONZÁLEZ	Data tat-twelid: 18 ta’ Ġunju 1963 Post tat-twelid: Caracas, Distrito Capital, il-Venezwela Numru tal-identità: V-6432672 Sess: mara	Membru tal-Assemblea Nazzjonali mhux eletta demokratikament u eks l-Ewwel Viċi President tal-Assemblea Kostitwenti Nazzjonali (ANC) mhux rikonoxxuta. Fir-rwol tagħha ta’ mexxejja fl-ANC mhux rikonoxxuta hi dgħajfet id-demokrazija u l-istat tad-dritt fil-Venezwela, inkluż billi ffirmat id-digriet li neħħa l-immunità parlamentari tal-president tal-Assemblea Nazzjonali tal-Venezwela, Juan Guaidó.	29.6.2020
▼M12
29.	Elvis Eduardo HIDROBO AMOROSO	Data tat-twelid: 4 ta’ Awwissu 1963 Post tat-twelid: Caracas, Distrito Capital, Venezuela Numru tal-identità: V-7659695 Sess: raġel	President tal-Kummissjoni Elettorali Nazzjonali tal-Venezwela mill-24 ta’ Awwissu 2023. Eks Kontrollur Ġenerali (bejn it-23 ta’ Ottubru 2018 u Awwissu 2023), u eks l-Ewwel u t-Tieni Viċi President tal-Assemblea Kostitwenti Nazzjonali (ANC) mhux rikonoxxuta. L-azzjonijiet tiegħu dgħajfu d-demokrazija u l-istat tad-dritt fil-Venezwela, inkluż bil-projbizzjoni lill-membri tal-oppożizzjoni milli jokkupaw kariga pubblika għal 15-il sena u t-tmexxija tal-ANC mhux rikonoxxuta, l-iffirmar tal-liġi kontra l-mibegħda, li tiġġustifika t-tneħħija ta’ gvernatur tal-oppożizzjoni elett legalment u l-projbizzjoni ta’ Juan Guaidó minn kwalunkwe kariga pubblika.	29.6.2020
▼M11
30.	Juan José MENDOZA JOVER	Data tat-twelid: 11 ta' Marzu 1969 Post tat-twelid: Trujillo, Venezuela Indirizz: Arnoldo Gabaldón, Candelaria, Edo. Trujillo Numru tal-identità: V-9499372 Sess: raġel	Eks Tieni Viċi President tal-Qorti Suprema tal-Venezwela (Tribunal Supremo de Justicia (TSJ)) u eks President tal-Awla Kostituzzjonali tal-Qorti Suprema (Frar 2017 – April 2022). L-azzjonijiet tiegħu dgħajfu d-demokrazija u l-istat tad-dritt fil-Venezwela, inkluż permezz ta' għadd ta' deċiżjonijiet ġudizzjarji f'dawn l-aħħar sentejn li limitaw jew dgħajfu s-setgħat kostituzzjonali tal-korp leġiżlattiv elett demokratikament, l-Assemblea Nazzjonali.	29.6.2020
▼M12
31.	Jorge Elieser MÁRQUEZ MONSALVE	Data tat-twelid: 20 ta’ Frar 1971 Post tat-twelid: Caracas, Venezuela Numru tal-identità: V-8714253 Sess: raġel	Ministru għall-Uffiċċju tal-Presidenza minn Novembru 2017 u Direttur Ġenerali tal-Kummissjoni Nazzjonali tat-Telekomunikazzjoni(CONATEL) mis-7 ta’ Awwissu 2017. L-azzjonijiet tiegħu dgħajfu d-demokrazija u l-istat tad-dritt fil-Venezwela, inkluż billi llimita serjament id-drittijiet tal-poplu Venezwelan għal-libertà tal-istampa, il-libertà tal-espressjoni u l-informazzjoni. Huwa uża s-setgħat speċjali tal-CONATEL biex isikket il-kritika u d-dissidenti lejn ir-reġim billi mblokka, iffiltra u ostakola s-siti web tal-Internet, billi rrevoka l-liċenzji eżistenti għall-istazzjonijiet tar-radju u tat-televiżjoni u billi rrifjuta li jingħataw liċenzji ġodda.	29.6.2020
▼M8
32.	Farik Karin MORA SALCEDO	Numru tal-identità: V-8608523 Sess: raġel	Prosekutur fl-Ewwel Qorti tal-Prim’Istanza Speċjali tal-Venezwela b’uffiċċju fid-Direttorat Ġenerali ta’ Kontrospjunaġġ Militari (Dirección General de Contrainteligencia Militar (DGCIM)). L-azzjonijiet tiegħu dgħajfu d-demokrazija u l-istat tad-dritt fil-Venezwela, inkluż billi taw bidu għal prosekuzzjonijiet politikament motivati li rriżultaw fid-detenzjoni arbitrarja ta’ membri tal-Assemblea Nazzjonali u uffiċjali oħra li jopponu r-reġim ta’ Maduro.	29.6.2020
33.	Dinorah Yoselin BUSTAMANTE PUERTA	Data tat-twelid: 14 ta’ Jannar 1975 Numru tal-identità: V-10002096 Sess: mara	Prosekutur fl-Ewwel Qorti tal-Prim’Istanza Speċjali tal-Venezwela, b’uffiċċju fid-Direttorat Ġenerali ta’ Kontrospjunaġġ Militari (Dirección General de Contrainteligencia Militar (DGCIM)). L-azzjonijiet tagħha dgħajfu d-demokrazija u l-istat tad-dritt fil-Venezwela, inkluż billi taw bidu għal prosekuzzjonijiet politikament motivati li rriżultaw fid-detenzjoni arbitrarja ta’ membri tal-Assemblea Nazzjonali u uffiċjali oħra li jopponu r-reġim ta’ Maduro.	29.6.2020
▼M10
34.	Luis Eduardo PARRA RIVERO	Data tat-twelid: 7 ta’ Lulju 1978 Numru tal-identità: V-14211633 Sess: raġel	Membru tal-Assemblea Nazzjonali mhux eletta demokratikament. Bħala membru tal-Assemblea Nazzjonali elett fl-2015, organizza l-elezzjoni tiegħu bħala President tal-Assemblea Nazzjonali fil-5 ta’ Jannar 2020, u b’hekk dgħajjef id-demokrazija u l-istat tad-dritt fil-Venezwela. L-elezzjoni saret hekk kif l-aċċess ta’ diversi membri parlamentari għall-bini tal-Assemblea Nazzjonali ġie mblokkat mill-pulizija militari, u mingħajr ma ntlaħaq kworum. Għalhekk il-membri tal-oppożizzjoni kellhom jorganizzaw ruħhom barra mill-bini tal-Assemblea Nazzjonali biex jeleġġu mill-ġdid lil Juan Guaidó bħala l-President tagħha. Ftit wara l-elezzjoni taparsi ta’ Parra Rivero, bl-appoġġ tal-partit politiku tar-reġim (PSUV), Parra Rivero ntlaqa’ minn Maduro u l-Assemblea Kostitwenti Nazzjonali (ANC) mhux rikonoxxuta.	29.6.2020
35.	Franklyn Leonardo DUARTE	Data tat-twelid: 15 ta’ Mejju 1977 Numru tal-identità: V-3304045 Sess: raġel	Membru tal-Assemblea Nazzjonali mhux eletta demokratikament. Eks membru u elett b’mod illeġittimu l-ewwel Viċi President tal-Assemblea Nazzjonali eletta fl-2015. Bħala membru tal-Assemblea Nazzjonali eletta fl-2015, huwa organizza l-elezzjoni tiegħu bħala l-ewwel Viċi President tal-Assemblea Nazzjonali fil-5 ta’ Jannar 2020, u b’hekk dgħajjef id-demokrazija u l-istat tad-dritt fil-Venezwela. L-elezzjoni saret hekk kif l-aċċess ta’ diversi membri parlamentari għall-bini tal-Assemblea Nazzjonali ġie mblokkat mill-pulizija militari, u mingħajr ma ntlaħaq kworum. Għalhekk il-membri tal-oppożizzjoni kellhom jorganizzaw ruħhom barra mill-bini tal-Assemblea Nazzjonali biex jeleġġu mill-ġdid lil Juan Guaidó bħala l-President tagħha. Ftit wara l-elezzjoni taparsi ta’ Duarte, bl-appoġġ tal-partit politiku tar-reġim (PSUV), l-elezzjoni tal-Bord tad-Diretturi tal-Assemblea Nazzjonali ġiet milqugħa minn Maduro u l-Assemblea Kostitwenti Nazzjonali (ANC) mhux rikonoxxuta.	29.6.2020
36.	José Gregorio NORIEGA FIGUEROA	Data tat-twelid: 21 ta’ Frar 1969 Numru tal-identità: V-8348784 Sess: raġel	Membru tal-Assemblea Nazzjonali mhux eletta demokratikament. Ex membru u elett b’mod illeġittimu t-tieni Viċi President tal-Assemblea Nazzjonali eletta fl-2015. Maħtur b’mod illeġittimu bħala direttur tal-bord ad hoc tal-partit politiku Voluntad Popular. Bħala membru tal-Assemblea Nazzjonali eletta fl-2015, huwa organizza l-elezzjoni taparsi tiegħu bħala t-tieni Viċi President tal-Assemblea Nazzjonali fil-5 ta’ Jannar 2020, u b’hekk dgħajjef id-demokrazija u l-istat tad-dritt fil-Venezwela. L-elezzjoni saret hekk kif l-aċċess ta’ diversi membri parlamentari għall-bini tal-Assemblea Nazzjonali ġie mblokkat mill-pulizija militari, u mingħajr ma ntlaħaq kworum. Għalhekk il-membri tal-oppożizzjoni kellhom jorganizzaw ruħhom barra mill-bini tal-Assemblea Nazzjonali biex jeleġġu mill-ġdid lil Juan Guaidó bħala l-President tagħha. Ftit wara l-elezzjoni taparsi ta’ Noriega, bl-appoġġ tal-partit politiku tar-reġim (PSUV), l-elezzjoni tal-Bord tad-Diretturi tal-Assemblea Nazzjonali ġiet milqugħa minn Maduro u l-Assemblea Kostitwenti Nazzjonali (ANC) mhux rikonoxxuta. F’Lulju 2020, Noriega, megħjun mill-Qorti Suprema tal-Ġustizzja tal-Venezwela (Tribunal Supremo de Justicia (TSJ)), ħa f’idejh b’mod illeġittimu t-tmexxija tal-partit politiku Voluntad Popular, u b’hekk kompla jdgħajjef id-demokrazija fil-Venezwela.	29.6.2020
▼M11
37.	Remigio CEBALLOS ICHASO	Data tat-twelid: 1 ta' Mejju 1963 Numru tal-karta tal-identità: V-6557495 Sess: raġel	Minn Awwissu 2021, Ministru għall-Intern u l-Ġustizzja tal-Venezwela u Viċi President tal-Gvern għas-Sigurtà taċ-Ċittadini. Eks Kmandant tal-Kmand Operazzjonali u Strateġiku tal-Forzi Armati Nazzjonali Bolivarjani tal-Venezwela (Comando Estratégico Operacional Fuerzas Armadas Nacionales Bolivarianas (CEOFANB)), l-ogħla organu fil-Forzi Armati Venezwelani (Ġunju 2017 - Lulju 2021). Is-CEOFANB jikkontrolla l-Forzi Armati Nazzjonali Bolivarjani (FANB) u l-Gwardja Nazzjonali Bolivarjana. Is-CEOFANB huwa wkoll responsabbli għall-koordinazzjoni tal-interventi tal-FANB fid-dimostrazzjonijiet. Fil-pożizzjoni tiegħu bħala Kmandant tas-CEOFANB, huwa kien responsabbli għal ksur serju tad-drittijiet tal-bniedem, inkluż l-użu ta' forza eċċessiva u t-trattament inuman u degradanti minn uffiċjali tal-FANB u minn forzi subordinati taħt il-kmand tiegħu, inkluż il-Gwardja Nazzjonali Bolivarjana. Sorsi varji, inkluż il-Missjoni Internazzjonali Indipendenti għat-Tiftix tal-Fatti dwar ir-Repubblika Bolivarjana tal-Venezwela, jattribwixxu ksur tad-drittijiet tal-bniedem lill-FANB u l-Gwardja Nazzjonali Bolivarjana.	22.2.2021
▼M12
38.	Omar José PRIETO FERNÁNDEZ	Data tat-twelid: 25 ta’ Mejju 1969 Numru tal-identità: V-9761075 Sess: raġel	Eks Gvernatur tal-Istat ta’ Zulia (2017 - 2021). F’din il-pożizzjoni huwa dgħajjef id-demokrazija u l-istat tad-dritt fl-Istat ta’ Zulia. Huwa ngħata l-ġurament mill-Assemblea Kostitwenti Nazzjonali (ANC) mhux rikonoxxuta, wara li r-rebbieħ leġittimu tal-elezzjoni rrifjuta li jieħu l-ġurament tal-ħatra quddiem l-ANC. Omar José Prieto Fernández ippromwova b’mod attiv l-elezzjonijiet mhux demokratiċi għall-Assemblea Nazzjonali, li saru fis-6 ta’ Diċembru 2020. Barra minn hekk, huwa hedded lil mexxejja tal-oppożizzjoni bi żjarat id-dar fl-Istat ta’ Zulia u ddikjara l-intenzjoni tiegħu li jekk gvern interim immexxi minn Juan Guaidó jieħu l-poter, huwa jiddikjara l-Istat ta’ Zulia bħala indipendenti. Membru attiv tal-Partit Soċjalista Magħqud tal-Venezwela (PSUV).	22.2.2021
▼M9
39.	José Dionisio BRITO RODRÍGUEZ	Data tat-twelid: 15 ta’ Jannar 1971 Numru tal-karta tal-identità: V-8263861 Sess: raġel	Membru tal-Assemblea Nazzjonali mhux eletta demokratikament u president tal-kummissjoni parlamentari li tinvestiga l-“azzjonijiet imwettqin kontra r-Repubblika” minn membri tal-Assemblea Nazzjonali eletta fl-2015. Barra minn hekk, José Dionisio Brito Rodríguez assuma b’mod illeġittimu t-tmexxija tal-partit tal-oppożizzjoni Primero Justicia, minħabba deċiżjoni tal-Qorti Suprema ta’ Ġunju 2020. Fl-2019, huwa ġie mkeċċi mill-Primero Justicia minħabba allegazzjonijiet ta’ korruzzjoni. Barra minn hekk, bħala membru tal-Assemblea Nazzjonali fil-5 ta’ Jannar 2020 huwa pparteċipa fl-elezzjoni illeġittima ta’ Luis Eduardo Parra Rivero bħala l-President tal-Assemblea Nazzjonali, u b’hekk dgħajjef id-demokrazija u l-istat tad-dritt fil-Venezwela. L-elezzjoni saret hekk kif l-aċċess ta’ diversi membri parlamentari għall-bini tal-Assemblea Nazzjonali ġie mblokkat mill-pulizija militari, u mingħajr ma ntlaħaq kworum. Għalhekk il-membri tal-oppożizzjoni kellhom jorganizzaw ruħhom barra mill-bini tal-Assemblea Nazzjonali biex jeleġġu mill-ġdid lil Juan Guaidó bħala l-President tagħha. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela.	22.2.2021
40.	José Bernabé GUTIÉRREZ PARRA	Data tat-twelid: 21 ta’ Diċembru 1952 Numru tal-karta tal-identità: V-1565144 Sess: raġel	Membru tal-Assemblea Nazzjonali mhux eletta demokratikament u kap illeġittimu tal-partit tal-oppożizzjoni Acción Democrática. José Bernabé Gutiérrez Parra ħa kontroll illeġittimu tal-partit tal-oppożizzjoni Acción Democrática f’Ġunju tal-2020 permezz ta’ deċiżjoni tal-Qorti Suprema. Bi ksur tal-pożizzjoni tal-partit qabel ma ħa l-kontroll, Gutiérrez Parra pparteċipa mal-Acción Democrática fl-elezzjonijiet mhux demokratiċi tal-Assemblea Nazzjonali li saru fis-6 ta’ Diċembru 2020. Gutiérrez Parra biddel il-pożizzjoni tal-partit, uża s-simboli tiegħu u pparteċipa fl-elezzjonijiet u f’avvenimenti pubbliċi bħal dibattiti fuq it-televiżjoni. Gutiérrez Parra ġie mkeċċi mill-partit minn membri leġittimi ta’ Acción Democrática li sejħu l-azzjonijiet tiegħu bħala konfoffa u tradiment. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela.	22.2.2021
▼M10
41.	Luis Fernando DAMIANI BUSTILLOS	Data tat-twelid: 27 ta’ April 1946 Sess: raġel	Imħallef tal-Kamra Kostituzzjonali tal-Qorti Suprema (Tribunal Supremo de Justicia (TSJ)). Bħala membru tal-Kamra Kostituzzjonali tal-Qorti Suprema, huwa responsabbli għal azzjonijiet, dikjarazzjonijiet u sentenzi li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f’Ġunju 2020 u s-sospensjoni u s-sostituzzjoni unilaterali tat-tmexxija ta’ tlieta mill-partiti ewlenin tal-oppożizzjoni demokratika f’Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f’Mejju 2021. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela, u huwa appoġġa u ffaċilita d-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
▼M11
42.	Lourdes Benicia SUÁREZ ANDERSON	Data tat-twelid: 7 ta' Marzu 1965 Sess: mara	Imħallef tal-Awla Kostituzzjonali tal-Qorti Suprema (Tribunal Supremo de Justicia (TSJ)) minn Diċembru 2005 u Viċi President tal-Awla Kostituzzjonali minn April 2022. Eks President tal-Awla Kostituzzjonali u eks l-ewwel Viċi President tal-Qorti Suprema. Bħala membru tal-Awla Kostituzzjonali tal-Qorti Suprema, hija responsabbli għal azzjonijiet, dikjarazzjonijiet u deċiżjonijiet li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f'Ġunju 2020 u s-sospensjoni u s-sostituzzjoni unilaterali tat-tmexxija ta' tlieta mill-partiti ewlenin tal-oppożizzjoni demokratika f'Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f'Mejju 2021. L-azzjonijiet tagħha għalhekk dgħajfu d-demokrazija u l-istat tad-dritt fil-Venezwela, u hi appoġġat u ffaċilitat id-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
▼M9
43.	Calixto Antonio ORTEGA RÍOS	Data tat-twelid: 12 ta’ Ottubru 1950 Sess: raġel	Imħallef tal-Kamra Kostituzzjonali tal-Qorti Suprema (Tribunal Supremo de Justicia (TSJ)). Bħala membru tal-Kamra Kostituzzjonali tal-Qorti Suprema, huwa responsabbli għal azzjonijiet, dikjarazzjonijiet u sentenzi li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f’Ġunju 2020 u s-sospensjoni u s-sostituzzjoni unilaterali tat-tmexxija ta’ tlieta mill-partiti ewlenin tal-oppożizzjoni demokratika f’Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f’Mejju 2021. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela, u huwa appoġġa u ffaċilita d-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
▼M11
44.	René Alberto DEGRAVES ALMARZA	Sess: raġel	Imħallef supplenti tal-Awla Kostituzzjonali tal-Qorti Suprema (Tribunal Supremo de Justicia (TSJ)) minn April 2022. Eks imħallef tal-Awla Kostituzzjonali tal-Qorti Suprema. Bħala membru tal-Awla Kostituzzjonali tal-Qorti Suprema, huwa kien responsabbli għal azzjonijiet, dikjarazzjonijiet u sentenzi li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f'Ġunju 2020 u s-sospensjoni u s-sostituzzjoni unilaterali tat-tmexxija ta' tlieta mill-partiti ewlenin tal-oppożizzjoni demokratika f'Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f'Mejju 2021. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela, u huwa appoġġa u ffaċilita d-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
45.	Arcadio DELGADO ROSALES	Data tat-twelid: 23 ta' Settembru 1954 Sess: raġel	Eks imħallef u Viċi President tal-Awla Kostituzzjonali tal-Qorti Suprema (Tribunal Supremo de Justicia (TSJ)). Bħala membru tal-Awla Kostituzzjonali tal-Qorti Suprema, huwa kien responsabbli għal azzjonijiet, dikjarazzjonijiet u sentenzi li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni, inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f'Ġunju 2020 u s-sospensjoni u s-sostituzzjoni unilaterali tat-tmexxija ta' tlieta mill-partiti ewlenin tal-oppożizzjoni demokratika f'Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f'Mejju 2021. L-azzjonijiet tiegħu għalhekk dgħajfu d-demokrazija u l-istat tad-dritt fil-Venezwela, u huwa appoġġa u ffaċilita d-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
46.	Carmen Auxiliadora ZULETA DE MERCHÁN	Data tat-twelid: 13 ta' Diċembru 1947 Sess: mara	Eks Imħallef tal-Awla Kostituzzjonali tal-Qorti Suprema (Tribunal Supremo de Justicia (TSJ)). Bħala membru tal-Awla Kostituzzjonali tal-Qorti Suprema, hija kienet responsabbli għal azzjonijiet, dikjarazzjonijiet u deċiżjonijiet li użurpaw il-poteri kostituzzjonali tal-Assemblea Nazzjonali u dgħajfu d-drittijiet elettorali tal-oppożizzjoni inkluż il-ħatra unilaterali mill-Qorti Suprema tal-Kunsill Elettorali Nazzjonali (Consejo Nacional Electoral (CNE)) f'Ġunju 2020 u s-sospensjoni u s-sostituzzjoni unilaterali tat-tmexxija ta' tlieta mill-partiti ewlenin tal-oppożizzjoni demokratika f'Ġunju u Lulju 2020, kif ukoll l-estensjoni tas-sentenza dwar Acción Democrática għal sena oħra f'Mejju 2021. L-azzjonijiet tagħha għalhekk dgħajfu d-demokrazija u l-istat tad-dritt fil-Venezwela, u hi appoġġat u ffaċilitat id-dgħajfien tad-demokrazija u l-istat tad-dritt mill-fergħa tal-eżekuttiv.	22.2.2021
47.	Indira Maira ALFONZO IZAGUIRRE	Data tat-twelid: 29 ta' April 1968 Post tat-twelid: La Guaira La Guaira State, Venezuela Numru tal-karta tal-identità: V-6978710 Sess: mara	Eks President tal-Awla Elettorali tal-Qorti Suprema (Tribunal Supremo de Justicia (TSJ)). Eks President tal-Kunsill Elettorali Nazzjonali (Consejo Nacional Electoral (CNE)), maħtura fit-13 ta' Ġunju 2020. Eks membru tal-Awla Elettorali u l-Awla Plenarja tal-Qorti Suprema, it-Tieni Viċi President tal-Qorti Suprema mill-2015 sal-24 ta' Frar 2017, Viċi President tal-Qorti Suprema mill-24 ta' Frar 2017 sat-12 ta' Ġunju 2020. Bħala membru tal-Awla Elettorali tal-Qorti Suprema, Indira Maira Alfonzo Izaguirre hija responsabbli għall-azzjonijiet meħuda kontra l-Assemblea Nazzjonali li kienet għadha kemm ġiet eletta f'Diċembru 2015, li għamlitha impossibbli għall-Assemblea Nazzjonali li teżerċita l-poter leġiżlattiv tagħha. Barra minn hekk, hija aċċettat il-ħatra tagħha bħala l-president tas-CNE f'Ġunju 2020 mill-Qorti Suprema għalkemm din il-prerogattiva tappartjeni għall-Assemblea Nazzjonali. F'dak ir-rwol hija ħejjiet u ssorveljat l-elezzjonijiet mhux demokratiċi tal-Assemblea Nazzjonali li saru fis-6 ta' Diċembru 2020 u pparteċipat fil-bidla tat-30 ta' Ġunju 2020 għan-normi elettorali għal dawk l-elezzjonijiet, mingħajr ma ħalliet formalment il-Qorti Suprema (permess temporanju biex jiġi integrat is-CNE). Wara t-tiġdid tas-CNE f'Mejju 2021, hija reġgħet lura fil-Qorti Suprema. L-azzjonijiet tagħha għalhekk dgħajfu d-demokrazija u l-istat tad-dritt fil-Venezwela.	22.2.2021
48.	Leonardo Enrique MORALES POLEO	Sess: raġel	Eks Viċi President tal-Kunsill Elettorali Nazzjonali (Consejo Nacional Electoral (CNE)) u President tal-Kummissjoni għall-Parteċipazzjoni Politika u l-Finanzjament (Awwissu 2020 - Mejju 2021). Leonardo Enrique Morales Poleo nħatar Viċi President tas-CNE u President tal-Kummissjoni tal-Parteċipazzjoni Politika u l-Finanzjament fis-7 ta' Awwissu 2020 mill-Qorti Suprema (Tribunal Supremo de Justicia (TSJ)) għalkemm din il-prerogattiva tappartjeni għall-Assemblea Nazzjonali. Barra minn hekk, eżatt qabel il-ħatra tiegħu huwa serva fil-Partit Progressiv Avvanzat (Avanzada progresista). Bħala membru (rettur) u Viċi President tas-CNE, huwa ħa sehem bis-sħiħ fil-proċess tat-teħid tad-deċiżjonijiet tas-CNE. Huwa appoġġa u ffaċilita s-superviżjoni tal-proċess elettorali li wassal għall-elezzjonijiet mhux demokratiċi tal-Assemblea Nazzjonali fis-6 ta' Diċembru 2020. L-azzjonijiet tiegħu għalhekk komplew idgħajfu d-demokrazija u l-istat tad-dritt fil-Venezwela. Leonardo Enrique Morales Poleo aċċetta li jinħatar fis-CNE u baqa' fil-pożizzjoni tiegħu bħala Viċi President tas-CNE filwaqt li d-demokrazija ddgħajfet serjament fil-Venezwela.	22.2.2021
49.	Tania D'AMELIO CARDIET	Data tat-twelid: 5 ta' Diċembru 1971 Post tat-twelid: Italy Nazzjonalità: Venezwelana Numru tal-karta tal-identità: V-11691429 Sess: mara	Imħallef tal-Awla Kostituzzjonali tal-Qorti Suprema (Tribunal Supremo de Justicia (TSJ)) minn April 2022. Eks membru (rettur) tal-Kunsill Elettorali Nazzjonali (Consejo Nacional Electoral (CNE)), għall-perjodu 2016-2023. Eks-Membru (rettur) tas-CNE għall-perjodu 2010-2016. Tania d'Amelio Cardiet, bħala rettur tas-CNE mill-2010, ikkontribwiet direttament permezz tal-attività tagħha fil-funzjonijiet tagħha għad-dgħajfien tad-demokrazija u l-istat tad-dritt fil-Venezwela, inkluż billi ħejjiet l-elezzjonijiet mhux demokratiċi tal-Assemblea Nazzjonali tal-2020, ipparteċipat fil-bidla tat-30 ta' Ġunju 2020 għan-normi elettorali għal dawk l-elezzjonijiet, u pparteċipat fl-organizzazzjoni u l-eżekuzzjoni tal-elezzjonijiet presidenzjali tal-2018. Barra minn hekk, Tania d'Amelio Cardiet aċċettat il-ħatra tagħha tal-2016 fis-CNE mill-Qorti Suprema, għalkemm din il-prerogattiva tappartjeni għall-Assemblea Nazzjonali.	22.2.2021
▼M9
50.	José Miguel DOMÍNGUEZ RAMÍREZ	Data tat-twelid: 17 ta’ Ottubru 1979 Numru tal-karta tal-identità: V-14444352 Sess: raġel	Direttur tal-Forzi ta’ Azzjoni Speċjali (Fuerzas de Acciones Especiales (FAES)) mis-6 ta’ Mejju 2019. Eks-Kummissarju Ewlieni tal-FAES fl-Istat ta’ Táchira. Barra minn hekk, José Miguel Domínguez Ramírez kien id-Direttur tal-Operazzjonijiet tal-FAES, li jaqgħu taħt il-Pulizija Nazzjonali Bolivarjana tal-Venezwela. Responsabbli għall-ksur serju tad-drittijiet tal-bniedem u għar-ripressjoni tas-soċjetà ċivili u l-oppożizzjoni demokratika fil-Venezwela mwettqa mill-uffiċjali tal-FAES taħt l-awtorità tiegħu. L-FAES huma magħrufa għall-qtil extraġudizzjarju u r-rwol vjolenti tagħhom fit-trażżin tad-dissens mill-avversarji politiċi ta’ Maduro, l-oppożizzjoni, u d-dimostranti, u huwa għalhekk li Kummissarju Għoli tan-Nazzjonijiet Uniti għad-Drittijiet tal-Bniedem Michelle Bachelet talbet ix-xoljiment tal-FAES. Barra minn hekk, preċedentement, Domínguez Ramírez kien membru tat-tim tas-sigurtà tal-Venezwela li fetaħ in-nar fuq l-istudenti dimostranti mhux armati fit-12 ta’ Frar 2014, li rriżulta fil-mewt ta’ mill-inqas wieħed mill-istudenti, Bassil Da Costa.	22.2.2021
▼M12
51.	Carlos Ramón Enrique CARVALLO GUEVARA	Numru tal-identità: V-10132041 Sess: raġel	President tal-intrapriża statali Corporación Ecosocialista Ezequiel Zamora (CORPOEZ) minn Marzu 2021. Ġeneral tad-Diviżjoni u Viċi Direttur tad-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)) mill-21 ta’ Awwissu 2020. Suċċessur tal-Ġeneral Rafael Ramón Blanco Marrero. Preċedentement, Carvallo Guevara serva fid-DGCIM fir-reġjun ta’ Los Andes u okkupa kariga għolja fil-Gwardja Nazzjonali Bolivarjana. Responsabbli għall-ksur serju tad-drittijiet tal-bniedem fil-Venezwela mwettqa minn uffiċjali tad-DGCIM taħt il-kmand tiegħu. Fis-sejbiet tal-Missjoni Internazzjonali Indipendenti għat-Tiftix tal-Fatti fir-Repubblika Bolivarjana tal-Venezwela tal-20 ta’ Settembru 2022, id-DGCIM huwa kkaratterizzat bħala istituzzjoni direttament responsabbli għat-twettiq ta’ ksur gravi tad-drittijiet tal-bniedem.	22.2.2021
▼M11
52.	Jesús Emilio VÁSQUEZ QUINTERO	Numru tal-karta tal-identità: V-7422049 Sess: raġel	President tal-Qorti Marzjali u ċ-Ċirkwit Ġudizzjarju Kriminali Militari mis-17 ta' Settembru 2021. Ġeneral tad-Diviżjoni mill-5 ta' Lulju 2019 u eks Avukat Ġenerali tal-Uffiċċju tal-Prosekutur Militari (Diċembru 2017-17 ta' Settembru 2021). Bħala Avukat Ġenerali tal-Uffiċċju tal-Prosekutur Militari kien responsabbli għad-dgħajfien tad-demokrazija u l-istat tad-dritt fil-Venezwela. L-Uffiċċju tal-Prosekutur Militari kien marbut ma' prosekuzzjoni ġudizzjarja interna fil-Forzi Armati, u nuqqasijiet li jinvestiga inċidenti, inkluż il-każ tal-mewt tal-Kaptan Acosta fl-2019. Barra minn hekk, il-ġustizzja militari qed tiġi applikata għal persuni ċivili.	22.2.2021
▼M12
53.	Carlos Enrique TERÁN HURTADO	Numru tal-identità: V-8042567 Sess: raġel	Ġeneral tad-Diviżjoni tal-Armata Nazzjonali Bolivarjana tal-Venezwela mill-2022. Direttur tad-Direttorat Speċjali tal-Investigazzjonijiet Kriminali u Kriminalistiċi (DEIPC) fid-Direttorat Ġenerali tal-Counter-Intelligence Militari (Dirección General de Contrainteligencia Militar (DGCIM)) minn Awwissu 2019 sa Frar 2021. F’funzjonijiet preċedenti, il-Brigadier Ġeneral Terán Hurtado serva bħala kap tal-pulizija fl-istat ta’ Falcón u kap tad-DGCIM fl-istat ta’ Táchira. Responsabbli għall-ksur serju tad-drittijiet tal-bniedem, inkluż trattament krudili u inuman ta’ detenuti, imwettqa minn uffiċjali tad-DGCIM taħt il-kmand tiegħu. Fis-sejbiet dettaljati tal-Missjoni Internazzjonali Indipendenti għat-Tiftix tal-Fatti fir-Repubblika Bolivarjana tal-Venezwela, il-Brigadier Ġeneral Terán Hurtado huwa speċifikament indikat bħala wieħed mill-atturi responsabbli, u huwa marbut mal-każ tal-Kaptan de la Sotta.	22.2.2021
▼M11
54.	Manuel Eduardo PÉREZ Urdaneta	Data tat-twelid: 29 ta' Diċembru 1960 jew 26 ta' Mejju 1962 Post tat-twelid: Cagua, State of Aragua Numru tal-karta tal-identità: V-6357038 Numru tal-Passaport: 001234503 (skada fl-2012) Sess: raġel	Eks Viċi Ministru għall-Intern u l-Ġustizzja. Fi ħdan il-Ministeru għall-Intern u l-Ġustizzja tal-Venezwela, il-Brigadier Ġeneral Manuel Eduardo Pérez Urdaneta kien jikklassifika bħala wieħed mill-ħames Viċi Ministri. Il-portafoll tiegħu kien jinkludi s-Sigurtà Preventiva u s-Sikurezza Pubblika (Viceministro de prevención y Seguridad Ciudadana). Qabel dan, il-Brigadier Ġeneral Pérez qeda r-rwol ta' Direttur tal-Pulizija Nazzjonali Bolivarjana. F'dak ir-rwol huwa kien responsabbli għal ksur serju tad-drittijiet tal-bniedem, inkluż l-użu ta' forza fiżika severa kontra dimostranti paċifiċi, imwettaq minn uffiċjali tal-Pulizija Nazzjonali Bolivarjana taħt l-awtorità tiegħu.	22.2.2021
▼M10
55.	Douglas Arnoldo RICO GONZÁLEZ	Data tat-twelid: 28 ta’ Settembru 1969 Numru tal-karta tal-identità: V-6864238 Sess: raġel	Direttur tal-Bureau għall-Investigazzjonijiet Xjentifiċi, Kriminali u Forensiċi (Cuerpo de Investigaciones Científicas, Penales y Criminalísticas (CICPC)) mill-5 ta’ Frar 2016. Preċedentement, huwa aġixxa bħala viċi direttur tas-CICPC. Responsabbli għal ksur serju tad-drittijiet tal-bniedem, minn uffiċjali tas-CICPC taħt l-awtorità tiegħu. Ir-rapport tal-Missjoni Internazzjonali Indipendenti għat-Tiftix tal-Fatti fir-Repubblika Bolivarjana tal-Venezwela jikkaratterizza lis-CICPC bħala istituzzjoni li twettaq ksur sistematiku tad-drittijiet tal-bniedem fil-Venezwela. Is-CICPC huwa involut ukoll fi qtil extraġudizzjarju, skont ir-rapport tal-Kummissarju Għoli tan-Nazzjonijiet Uniti għad-Drittijiet tal-Bniedem maħruġ fis-16 ta’ Ġunju 2021.	22.2.2021.

▼B

ANNESS II

Lista ta' persuni fiżiċi u ġuridiċi, entitajiet u korpi imsemmija fl-Artikolu 7(2)

( 1 ) Il-Pożizzjoni Komuni tal-Kunsill 2008/944/PESK tat-8 ta' Diċembru 2008 li tiddefinixxi regoli komuni li jirregolaw il-kontroll ta' esportazzjonijiet ta' teknoloġija u tagħmir militari (ĠU L 335, 13.12.2008, p. 99).

( 2 ) Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

		Il-Ġurnal Uffiċjali
		Nru	Paġna	Data
M1	DEĊIŻJONI TAL-KUNSILL (PESK) 2018/90 tat-22 ta' Jannar 2018	L 16I	14	22.1.2018
M2	DEĊIŻJONI TAL-KUNSILL (PESK) 2018/901 tal-25 ta' Ġunju 2018	L 160I	12	25.6.2018
►M3	DEĊIŻJONI TAL-KUNSILL (PESK) 2018/1656 tas-6 ta' Novembru 2018	L 276	10	7.11.2018
M4	DEĊIŻJONI TAL-KUNSILL (PESK) 2019/1171 tat-8 ta' Lulju 2019	L 183	9	9.7.2019
M5	DEĊIŻJONI TAL-KUNSILL (PESK) 2019/1596 tas-26 ta' Settembru 2019	L 248	74	27.9.2019
►M6	DEĊIŻJONI TAL-KUNSILL (PESK) 2019/1893 tal-11 ta’ Novembru 2019	L 291	42	12.11.2019
M7	DEĊIŻJONI TAL-KUNSILL (PESK) 2020/898 tad-29 ta’ Ġunju 2020	L 205I	6	29.6.2020
►M8	DEĊIŻJONI TAL-KUNSILL (PESK) 2020/1700 tat-12 ta’ Novembru 2020	L 381	24	13.11.2020
►M9	DEĊIŻJONI TAL-KUNSILL (PESK) 2021/276 tat-22 ta’ Frar 2021	L 60I	9	22.2.2021
►M10	DEĊIŻJONI TAL-KUNSILL (PESK) 2021/1965 tal-11 ta’ Novembru 2021	L 400	148	12.11.2021
►M11	DEĊIŻJONI TAL-KUNSILL (PESK) 2022/2201 tal-10 ta’ Novembru 2022	L 292	61	11.11.2022
►M12	DEĊIŻJONI TAL-KUNSILL (PESK) 2023/2498 tal-10 ta’ Novembru 2023	L	1	13.11.2023