02020H0912 — MT — 06.12.2021 — 013.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
RAKKOMANDAZZJONI TAL-KUNSILL (UE) 2020/912 tat-30 ta’ Ġunju 2020 (ĠU L 208I 1.7.2020, p. 1) |
Emendat bi:
RAKKOMANDAZZJONI TAL-KUNSILL (UE) 2020/912
tat-30 ta’ Ġunju 2020
dwar ir-restrizzjoni temporanja fuq vjaġġar mhux essenzjali lejn l-UE u t-tneħħija possibbli ta’ tali restrizzjoni
1. Mit-2 ta’ Diċembru 2021, jenħtieġ li l-Istati Membri jneħħu gradwalment ir-restrizzjoni temporanja fuq vjaġġar mhux essenzjali lejn l-UE b’mod ikkoordinat fir-rigward tar-residenti tal-pajjiżi terzi elenkati fl-Anness I.
Sabiex jiġu ddeterminati l-pajjiżi terzi li r-restrizzjoni attwali fuq l-ivvjaġġar mhux essenzjali lejn l-UE għalihom jenħtieġ li titneħħa, jenħtieġ li titqies is-sitwazzjoni epidemjoloġika fil-pajjiżi terzi rispettivi u l-kriterji ulterjuri kif stabbiliti f’din ir-Rakkomandazzjoni.
2. ►M7 Fir-rigward tas-sitwazzjoni epidemjoloġika, jenħtieġ li japplikaw il-kriterji li ġejjin:
Biex jiġu inklużi fl-Anness I, il-pajjiżi terzi għandhom jissodisfaw il-limiti li ġejjin: rata kumulattiva fuq 14-il jum tan-notifiki tal-każijiet ta’ COVID-19 ta’ mhux aktar minn ►M9 75 ◄ , rata tal-ittestjar ogħla minn 300, u rata ta’ testijiet b’riżultat pożittiv ta’ mhux aktar minn 4 %. Barra minn hekk, jista’ jittieħed kont tar-rispons ġenerali għall-COVID-19, b’mod partikolari l-informazzjoni disponibbli dwar aspetti bħas-sorveljanza, it-traċċar tal-kuntatti, il-konteniment, it-trattament u r-rappurtar kif ukoll l-affidabbiltà tal-informazzjoni u s-sorsi tad-data disponibbli u, jekk ikun meħtieġ, għandu jittieħed kont ukoll tal-punteġġ medju totali dwar id-dimensjonijiet kollha tar-Regolamenti Internazzjonali tas-Saħħa (IHR). ◄
IId-data dwar ir-‘rata tal-ittestjar’, ir-‘rata ta’ testijiet b’riżultat pożittiv’ u ‘varjanti ta’ tħassib u varjanti ta’ interess’ għandha tiġi pprovduta miċ-Ċentru Ewropew għall-Prevenzjoni u l-Kontroll tal-Mard (ECDC), abbażi tal-informazzjoni disponibbli għall-ECDC. Tali data tista’ tiġi kkomplementata b’informazzjoni pprovduta mid-delegazzjonijiet tal-UE, mid-WHO u minn ċentri oħrajn għall-kontroll tal-mard, meta disponibbli, fuq il-bażi wkoll tal-lista ta’ kontroll annessa għall-Komunikazzjoni tal-11 ta’ Ġunju 2020.
Minbarra l-informazzjoni msemmija fil-punt 2, l-ewwel paragrafu, jenħtieġ li l-ECDC jippubblika u jaġġorna regolarment mappa li tippreżenta s-sitwazzjoni fir-rigward tal-varjanti ta’ tħassib u l-varjanti ta’ interess f’pajjiżi terzi.
3. Meta jiġi deċiż jekk ir-restrizzjoni temporanja fuq vjaġġar mhux essenzjali lejn l-UE tapplikax għal ċittadin ta’ pajjiż terz, ir-residenza f’pajjiż terz li għalih ikunu tneħħew ir-restrizzjonijiet fuq vjaġġar mhux essenzjali għandha tkun il-fattur determinanti (u mhux in-nazzjonalità).
4. Il-lista tal-pajjiżi terzi msemmija fl-Anness I għandha tkun riveduta kull ġimagħtejn u, jekk meħtieġ, aġġornata mill-Kunsill, wara konsultazzjoni mill-qrib mal-Kummissjoni u l-aġenziji u s-servizzi rilevanti tal-UE wara valutazzjoni ġenerali bbażata fuq il-metodoloġija, il-kriterji u l-informazzjoni msemmija fil-paragrafu 2.
Ir-restrizzjonijiet fuq l-ivvjaġġar jistgħu jitneħħew jew jiġu introdotti mill-ġdid totalment jew parzjalment għal pajjiż terz speċifiku diġà elenkat fl-Anness I, skont bidliet f’xi wħud mill-kondizzjonijiet stabbiliti hawn fuq u, bħala konsegwenza, fil-valutazzjoni tas-sitwazzjoni epidemjoloġika.
Fejn is-sitwazzjoni epidemjoloġika tmur għall-agħar malajr u, b’mod partikolari, fejn tiġi skoperta inċidenza għolja ta’ varjanti ta’ tħassib tal-virus, ir-restrizzjonijiet fuq l-ivvjaġġar jistgħu jiġu introdotti mill-ġdid malajr għal vjaġġar mhux essenzjali għall-pajjiżi terzi diġà elenkati fl-Anness I.
Sabiex titneħħa r-restrizzjoni temporanja fuq l-ivvjaġġar mhux essenzjali lejn l-UE fir-rigward tal-pajjiżi terzi elenkati fl-Anness I, jenħtieġ li l-Istati Membri, fuq bażi ta’ każ b’każ, jikkunsidraw ir-reċiproċità mogħtija liż-żona UE+.
5. Jenħtieġ li l-Istati Membri jiskoraġġixxu bil-qawwa l-ivvjaġġar mhux essenzjali miż-żona tal-UE+ lejn pajjiżi oħra minbarra dawk elenkati fl-Anness I.
►M7 6. ◄ Meta restrizzjonijiet temporanji fuq l-ivvjaġġar jibqgħu japplikaw għal pajjiż terz, il-kategoriji ta’ persuni li ġejjin għandhom jiġu eżentati mir-restrizzjoni fuq l-ivvjaġġar, indipendentement mill-iskop tal-ivvjaġġar:
ċittadini tal-Unjoni fis-sens tal-Artikolu 20(1) TFUE u ċittadini ta’ pajjiżi terzi li, skont ftehimiet bejn l-Unjoni u l-Istati Membri tagħha, minn naħa, u dawk il-pajjiżi terzi, min-naħa l-oħra, igawdu drittijiet ta’ moviment liberu ekwivalenti għal dawk ta’ ċittadini tal-Unjoni, kif ukoll il-membri tal-familja rispettivi tagħhom ( 1 );
ċittadini ta’ pajjiżi terzi li jkunu residenti fit-tul skont id-Direttiva dwar ir-Residenza fit-Tul ( 2 ), u persuni li jiksbu d-dritt tagħhom li jirrisjedu minn Direttivi oħra tal-UE jew mil-liġi nazzjonali jew li jkollhom viżi nazzjonali għal soġġorn twil, kif ukoll il-membri tal-familja rispettivi tagħhom.
Barra minn hekk, jenħtieġ li l-ivvjaġġar essenzjali jkun permess għall-kategoriji speċifiċi ta’ vjaġġaturi b’funzjoni jew ħtieġa essenzjali msemmija fl-Anness II.
▼M7 —————
Fejn is-sitwazzjoni epidemjoloġika tmur għall-agħar malajr u, b’mod partikolari, fejn tiġi skoperta inċidenza għolja ta’ varjanti ta’ tħassib tal-virus, l-Istati Membri jistgħu jillimitaw temporanjament il-kategoriji ta’ vjaġġaturi elenkati fl-Anness II. L-ivvjaġġar iġġustifikat minn raġunijiet konvinċenti jenħtieġ li jibqa’ possibbli.
▼M9 —————
Il-lista ta’ kategoriji speċifiċi ta’ vjaġġaturi b’funzjoni jew ħtieġa essenzjali msemmija fl-Anness II tista’ tiġi riveduta mill-Kunsill, abbażi ta’ proposta tal-Kummissjoni, skont konsiderazzjonijiet soċjali u ekonomiċi kif ukoll skont il-valutazzjoni kumplessiva tal-evoluzzjoni tas-sitwazzjoni epidemjoloġika, abbażi tal-metodoloġija, il-kriterji u l-informazzjoni msemmija hawn fuq.
6a. Mingħajr preġudizzju għall-punt 6 (a) u (b), meta l-Istati Membri jaċċettaw prova tal-vaċċinazzjoni sabiex ineħħu r-restrizzjonijiet fuq l-ivvjaġġar biex jiġi limitat it-tixrid tal-COVID-19, l-Istati Membri għandhom fil-prinċipju jneħħu r-restrizzjoni temporanja fuq vjaġġar mhux essenzjali lejn l-UE fir-rigward ta’ vjaġġaturi minn pajjiżi terzi li jkunu ħadu l-aħħar doża rakkomandata ta’ wieħed mill-vaċċini kontra l-COVID-19 awtorizzati fl-UE skont ir-Regolament (KE) Nru 726/2004 mhux aktar tard minn 14-il jum qabel ma jidħlu fiż-żona UE+.
L-Istati Membri jistgħu wkoll ineħħu r-restrizzjoni temporanja fuq vjaġġar mhux essenzjali lejn l-UE fir-rigward ta’ tali vjaġġaturi li jkunu ħadu l-aħħar doża rakkomandata ta’ wieħed mill-vaċċini kontra l-COVID-19 li jkunu għaddew mill-proċess ta’ elenkar mid-WHO għall-użu f’emerġenza, mhux aktar tard minn 14-il jum qabel ma jidħlu fiż-żona UE+.
Għal dak il-għan, jenħtieġ li vjaġġaturi li jixtiequ jagħmlu vjaġġ mhux essenzjali lejn Stat Membru jkollhom fil-pussess tagħhom prova valida tal-vaċċinazzjoni kontra l-COVID-19. L-Istati Membri jistgħu jaċċettaw ċertifikati tal-vaċċinazzjoni ta’ pajjiżi terzi li jkun fihom tal-anqas is-sett minimu ta’ data bħall-identifikazzjoni tal-persuna, it-tip ta’ vaċċin u d-data tal-amministrazzjoni tal-vaċċin, f’konformità mal-liġi nazzjonali, filwaqt li titqies il-ħtieġa li jkunu jistgħu jivverifikaw l-awtentiċità, il-validità u l-integrità taċ-ċertifikat u jekk ikunx fih id-data rilevanti kollha.
Meta l-Istati Membri jiddeċiedu li jneħħu r-restrizzjonijiet għall-vjaġġaturi li jkollhom prova valida tal-vaċċinazzjoni kontra l-COVID-19, jenħtieġ li l-Istati Membri, skont il-każ, iqisu r-reċiproċità mogħtija liż-żona UE+.
►M7 7. ◄ ►M9 mingħajr preġudizzju għall-punt 6a ◄ ►M7 Jenħtieġ li l-Istati Membri jirrikjedu li l-persuni li jivvjaġġaw għal raġuni, funzjoni jew ħtieġa essenzjali jew mhux essenzjali, bl-eċċezzjoni tat-trasport u l-ħaddiema transfruntiera, ikunu rriżultaw negattivi għall-COVID-19 abbażi ta’ test tar-reazzjoni katina bil-polimerażi (PCR) li jkun sar mhux qabel 72 siegħa qabel it-tluq, u li jippreżentaw il-prova xierqa ta’ tali riżultat tat-test fil-forma stipulata mill-awtoritajiet.
Jekk it-testijiet mat-tluq ma jkunux possibbli, il-persuni msemmija fil-punt 6 (a) u (b) għandu jkollhom il-possibbiltà li jwettqu t-test wara l-wasla, f’konformità mal-proċeduri nazzjonali. Dan huwa mingħajr preġudizzju għal kwalunkwe obbligu li wieħed jgħaddi minn kwalunkwe miżura ulterjuri, inkluża l-kwarantina, wara l-wasla.
Barra minn hekk, l-Istati Membri jistgħu jirrikjedu awtoiżolament, kwarantina u traċċar tal-kuntatti għal perijodu ta’ mhux aktar minn 14-il jum, kif ukoll ittestjar ulterjuri għall-COVID-19 kif meħtieġ matul l-istess perijodu, dment li jimponu l-istess rekwiżiti fuq iċ-ċittadini tagħhom stess meta jivvjaġġaw mill-istess pajjiż terz. Għal dawk il-vjaġġaturi li jaslu minn pajjiż terz fejn ikun instab varjant tal-virus ta’ tħassib, jenħtieġ li l-Istati Membri jimponu tali rekwiżiti u b’mod partikolari, il-kwarantina mal-wasla u ttestjar addizzjonali mal-wasla jew wara. ◄
7a. Fejn is-sitwazzjoni epidemjoloġika ta’ pajjiż terz jew reġjun tmur għall-agħar f’daqqa u, b’mod partikolari fejn ikun instab varjant ta’ tħassib jew varjant ta’ interess, l-Istati Membri jenħtieġ li, eċċezzjonalment, jadottaw restrizzjoni urġenti u temporanja fuq l-ivvjaġġar kollu lejn l-UE għal ċittadini ta’ pajjiżi terzi b’residenza f’dak il-pajjiż terz. Jenħtieġ li din ir-restrizzjoni fuq l-ivvjaġġar ma tapplikax għall-persuni msemmijin fil-punt 6 (a) u (b) u għall-vjaġġaturi elenkati fil-punt i. u l-punti iv. sa ix. tal-Anness II. Madankollu, jenħtieġ li dawn il-vjaġġaturi jkunu soġġetti għal ittestjar xieraq u regolari, inkluż qabel it-tluq kif previst fil-punt 7, u jagħmlu awtoiżolament/kwarantina anke jekk ikunu ħadu l-aħħar doża rakkomandata ta’ wieħed mill-vaċċini kontra l-COVID-19 awtorizzati fl-UE skont ir-Regolament (KE) Nru 726/2004 jew wieħed mill-vaċċini kontra l-COVID-19 li jkunu għaddew mill-proċess ta’ elenkar mid-WHO għall-użu f’emerġenza, mhux aktar tard minn 14-il jum qabel ma jidħlu fiż-żona UE+.
Meta Stat Membru japplika tali restrizzjonijiet, jenħtieġ li l-Istati Membri li jiltaqgħu fl-istrutturi tal-Kunsill u f’kooperazzjoni mal-Kummissjoni jirrieżaminaw b’urġenza s-sitwazzjoni b’mod koordinat. Jenħtieġ li dawn ir-restrizzjonijiet jiġu rieżaminati mill-inqas kull ġimagħtejn, filwaqt li titqies l-evoluzzjoni tas-sitwazzjoni epidemjoloġika.
7b. Fir-rigward tal-ivvjaġġar li jsir b’konnessjoni ma’ funzjoni jew ħtieġa essenzjali kif stabbilit fl-Anness II:
Dan huwa mingħajr preġudizzju għar-rekwiżiti ġenerali tas-saħħa pubblika li jistgħu jiġu imposti mill-Istati Membri bħal tbegħid fiżiku u r-rekwiżit li tintlibes maskra.
8. L-Istati Membri għandhom jiżviluppaw Formola għal-Lokalizzazzjoni tal-Passiġġieri (PLF) u jeħtieġu li l-persuni li jidħlu fl-UE jissottomettu PLF f’konformità mar-rekwiżiti applikabbli tal-protezzjoni tad-data. Qed tiġi żviluppata Formola Ewropea għal-Lokalizzazzjoni tal-Passiġġieri komuni għall-użu possibbli mill-Istati Membri. Kull fejn ikun possibbli, għandha tintuża għażla diġitali għall-informazzjoni dwar il-lokalizzazzjoni tal-passiġġieri sabiex jiġi ssimplifikat l-ipproċessar u jitħaffef it-traċċar tal-kuntatti, filwaqt li jiġi żgurat aċċess ugwali għaċ-ċittadini kollha ta’ pajjiżi terzi.
►M7 9. ◄ Stat Membru ma għandux jiddeċiedi li jneħħi r-restrizzjoni fuq vjaġġar mhux essenzjali lejn l-UE għal pajjiż terz speċifiku qabel ma t-tneħħija tar-restrizzjoni tkun ġiet ikkoordinata f’konformità ma’ din ir-Rakkomandazzjoni.
►M7 10. ◄ Ir-residenti ta’ Andorra, Monaco, San Marino u l-Vatikan/is-Santa Sede għandhom jitqiesu bħala residenti tal-UE għall-finijiet ta’ din ir-Rakkomandazzjoni.
►M7 11. ◄ Din ir-Rakkomandazzjoni għandha tiġi implimentata mill-Istati Membri kollha fil-fruntieri esterni kollha.
ANNESS I
Pajjiżi terzi, Reġjuni Amministrattivi Speċjali u entitajiet u awtoritajiet territorjali oħra li r-residenti tagħhom jenħtieġ li ma jiġux affettwati minn restrizzjoni temporanja fil-fruntieri esterni fuq vjaġġar mhux essenzjali lejn l-UE:
I. STATI
ARĠENTINA
AWSTRALJA
BAHRAIN
KANADA
ĊILÌ
KOLOMBJA
INDONEŻJA
KUWAJT
NEW ZEALAND
PERÙ
QATAR
RWANDA
ARABJA SAWDIJA
KOREA T’ISFEL
EMIRATI GĦARAB MAGĦQUDA
URUGWAJ
ĊINA ( 3 )
II. REĠJUNI AMMINISTRATTIVI SPEĊJALI TAR-REPUBBLIKA TAL-POPLU TAĊ-ĊINA
Reġjun Amministrattiv Speċjali ta’ Hong Kong
Reġjun Amministrattiv Speċjali tal-Macao
III. ENTITAJIET U AWTORITAJIET TERRITORJALI LI MHUMIEX RIKONOXXUTI BĦALA STATI MINN TAL-ANQAS STAT MEMBRU WIEĦED
Tajwan
ANNESS II
Kategoriji speċifiċi ta’ vjaġġaturi b’funzjoni jew ħtieġa essenzjali:
Professjonisti tal-kura tas-saħħa, riċerkaturi tas-saħħa, u professjonisti tal-kura tal-anzjani;
Ħaddiema fruntaliera;
Ħaddiema staġjonali fl-agrikoltura;
Persunal tat-trasport;
Diplomatiċi, persunal ta’ organizzazzjonijiet internazzjonali u persuni mistiedna minn organizzazzjonijiet internazzjonali li l-preżenza fiżika tagħhom hija meħtieġa għall-funzjonament tajjeb ta’ dawn l-organizzazzjonijiet, persunal militari u ħaddiema tal-għajnuna umanitarja u persunal tal-protezzjoni ċivili fil-qadi tal-funzjonijiet tagħhom;
Passiġġieri fi tranżitu;
Passiġġieri li jivvjaġġaw minħabba raġunijiet imperattivi ta’ familja;
Baħħara
Persuni fi bżonn ta’ protezzjoni internazzjonali jew għal raġunijiet umanitarji oħra
Ċittadini ta’ pajjiżi terzi li jivvjaġġaw għal skopijiet ta’ studju;
Ħaddiema ta’ pajjiżi terzi bi kwalifiki għolja jekk l-impjieg tagħhom ikun meħtieġ minn perspettiva ekonomika u x-xogħol ma jkunx jista’ jiġi pospost jew isir f’pajjiż ieħor.
( 1 ) Kif definit fl-Artikoli 2 u 3 tad-Direttiva 2004/38/KE tal-Parlament Ewropew u tal-Kunsill tad-29 ta’ April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri u li temenda r-Regolament (KEE) Nru 1612/68 u li tħassar id-Direttivi 64/221/KEE, 68/360/KEE, 72/194/KEE, 73/148/KEE, 75/34/KEE, 75/35/KEE, 90/364/KEE, 90/365/KEE u 93/96/KEE, ĠU L 158, 30.4.2004, p. 77.
( 2 ) Direttiva tal-Kunsill 2003/109/KE tal-25 ta’ Novembru 2003 dwar l-istatus ta’ ċittadini ta’ pajjiżi terzi li jkunu residenti għat-tul, ĠU L 16, 23.1.2004, p. 44.
( 3 ) soġġett għall-konferma tar-reċiproċità