|
7.2.2009 |
MT |
Il-Ġurnal Uffiċjali tal-Unjoni Ewropea |
C 31/15 |
Sejħa għal proposti 2009 — Azzjoni Preparatorja MEDIA International
(2009/C 31/10)
1. L-għanijiet u d-deskrizzjoni
L-Azzjoni Preparatorja MEDIA International hija maħsuba biex teżamina u tittestja attivitajiet ta' kooperazzjoni bejn il-professjonisti Ewropej tal-films u l-professjonisti minn pajjiżi terzi. Tkopri:
|
— |
appoġġ għat-taħriġ, |
|
— |
appoġġ għad-distribuzzjoni, |
|
— |
appoġġ għall-promozzjoni, |
|
— |
appoġġ għall-iżvilupp ta' netwerks taċ-ċinema, |
|
— |
appoġġ għad-domanda dejjem akbar tal-udjenza. |
Fl-ambitu tal-Programm ta' Ħidma għall-Azzjoni Preparatorja MEDIA International għall-2009, il-Kummissjoni qed tistieden lill-kandidati biex iressqu l-proposti.
2. Il-Kandidati Eliġibbli
Is-sejħa hija miftuħa għal proposti minn entitajiet ġuridiċi fis-27 Stat Membru tal-UE u kwalunkwe pajjiż terz. Il-kundizzjonijiet speċifiċi huma stabbiliti fil-Programm ta' Ħidma għall-Azzjoni Preparatorja MEDIA International għall-2009.
3. Il-Baġit għall-proġetti
L-ammont massimu disponibbli li jaqa' taħt din is-sejħa għal proposti huwa ta' EUR 4,96 miljun.
L-appoġġ finanzjarju mill-Kummissjoni ma jistax jaqbeż 50 %, 75 % jew 80 % tal-ispejjez totali eliġibbli, skond in-natura tal-attività.
Il-kontribut finanzjarju se jingħata fil-forma ta' għotja.
4. L-evalwazzjoni u l-għażla
Il-proposti mressqa se jiġu evalwati mill-Kummissjoni bl-għajnuna ta' esperti indipendenti. Il-kriterji użati fl-evalwazzjoni huma definiti fil-Programm ta' Ħidma għall-Azzjoni Preparatorja MEDIA International għall-2009. Il-proposti li jgħaddu mill-evalwazzjoni b'suċċess jiġu kklasifikati f'ordni skond il-kwalità.
Il-proċess ta' evalwazzjoni tal-applikazzjonijiet għal għotjiet mill-Kummissjoni huwa stipulat fir-Regolament Finanzjarju applikabbli għall-Baġit Ġenerali tal-Komunitajiet Ewropej (1).
5. Id-data tal-għeluq biex jintbagħtul-applikazzjonijiet
L-applikazzjonijiet għandhom jintbagħtu sa mhux aktar tard mit-2 ta' Ġunju 2009 lil:
|
Ms Aviva Silver |
|
European Commission |
|
Directorate-General Information Society and Media |
|
Directorate A — Audiovisual, Media and Internet |
|
Unit A2 — MEDIA programme and media literacy |
|
Office BU33 02/005 |
|
B-1049 Brussels |
6. Id-dettalji kollha
It-test sħiħ tas-sejħa għall-proposti, flimkien mal-Programm ta' Ħidma għall-Azzjoni Preparatorja MEDIA International għall-2009, il-linji gwida u l-formoli tal-applikazzjoni, jinsabu fl-indirizz tal-Internet li ġej:
http://ec.europa.eu/media
L-applikazzjonijiet għandhom ikunu konformi mat-termini kollha tas-sejħa għall-proposti u għandhom jitressqu fuq il-formola pprovduta.
(1) Ir-Regolament tal-Kunsill (KE, Euratom) Nru 1605/2002 (ĠU L 248, 16.9.2002, p. 1).