8.12.2007 |
MT |
Il-Ġurnal Uffiċjali ta’ l-Unjoni Ewropea |
C 297/27 |
Talba għal deċiżjoni preliminari ppreżentata mill-Bundesgerichtshof (Il-Ġermanja) fl-4 ta' Ottubru 2007 — Health Research Inc.
(Kawża C-452/07)
(2007/C 297/44)
Lingwa tal-proċedura: il-Ġermaniż
Qorti tar-rinviju
Bundesgerichtshof (il-Ġermanja)
Partijiet fil-kawża prinċipali
Rikorrenti: Health Research Inc.
Domandi preliminari
1. |
Id-“data li fiha l-prodott, inkwantu prodott mediċinali, kiseb l-awtorizzazzjoni għal tqegħid fis-suq imsemmija fl-Artikolu 3(b)”, prevista fl-Artikolu 7(1) tar-Regolament tal-Kunsill (KEE) Nru 1768/92 tat-18 ta' Ġunju 1992 dwar il-ħolqien ta' ċertifikat ta' protezzjoni supplementari għal prodotti mediċinali (1), hija stabbilita b'mod konformi mad-dritt Komunitarju jew din id-dispożizzjoni tirreferi għad-data li fiha l-awtorizzazzjoni ssir effettiva skond id-dritt ta' l-Istat Membru kkonċernat? |
2. |
Fil-każ li l-Qorti tal-Ġustizzja twieġeb li d-data prevista fid-domanda 1 hija stabbilita b'mod konformi mad-dritt Komunitarju: liema hija d-data li għandha tittieħed in kunsiderazzjoni f'dan ir-rigward? |
(1) ĠU L 182, p. 1.