26.11.2018 |
MT |
Il-Ġurnal Uffiċjali tal-Unjoni Ewropea |
C 427/93 |
Rikors ippreżentat fit-28 ta’ Settembru 2018 – Agrochem-Maks vs Il-Kummissjoni
(Kawża T-574/18)
(2018/C 427/122)
Lingwa tal-kawża: l-Ingliż
Partijiet
Rikorrenti: Agrochem-Maks d.o.o. (Zagreb, il-Kroazja) (rappreżentant: S. Pappas, avukat)
Konvenuta: Il-Kummissjoni Ewropea
Talbiet
Ir-rikorrenti titlob li l-Qorti Ġenerali jogħġobha:
— |
tannulla r-Regolament ta’ Implimentazzjoni tal-Kummissjoni (UE) 2018/1019 (1); |
— |
tikkundanna lill-konvenuta tbati l-ispejjeż tagħha kif ukoll dawk imġarrba mir-rikorrenti fil-kuntest ta’ din il-proċedura. |
Motivi u argumenti prinċipali
Insostenn tar-rikors tagħha, ir-rikorrenti tinvoka erba’ motivi.
1. |
L-ewwel motiv ibbażat fuq ksur tal-obbligu tal-amministrazzjoni li timmotiva d-deċiżjonijiet tagħha skont l-Artikolu 41(2)(ċ) tal-Karta tad-Drittijiet Fundamentali tal-Unjoni Ewropea. |
2. |
It-tieni motiv ibbażat fuq ksur tal-Artikolu 6(f) jew tal-punt 2.2 tal-Anness II tar-Regolament (KE) Nru 1107/2009 (2) u tal-prinċipju ta’ proporzjonalità, għal dak li jikkonċerna l-allegati lakuni fid-data dwar is-sustanza attiva li għaliha qed tintalab l-approavzzjoni. |
3. |
It-tielet motiv ibbażat fuq applikazzjoni żbaljata tal-prinċipju ta’ prekawzjoni għal dak li jikkonċerna l-allegati punti li ma setgħux jiġu ffinalizzati fil-kuntest tal-evalwazzjoni tar-riskji. |
4. |
Ir-raba’ motiv ibbażat fuq ksur tal-Artikolu 4 tar-Regolament (KE) Nru 1107/2009 għal dak li jikkonċerna l-identifikazzjoni ta’ riskju għoli għall-organiżmi akwatiċi. |
(1) Regolament ta’ Implimentazzjoni tal-Kummissjoni (UE) 2018/1019 tat-18 ta’ Lulju 2018 li jikkonċerna n-nuqqas ta’ tiġdid tal-approvazzjoni tas-sustanza attiva oksasulfuron, b’konformità mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (ĠU 2018, L 183, p. 14).
(2) Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU 2009, L 309, p. 1).