7.11.2016 |
MT |
Il-Ġurnal Uffiċjali tal-Unjoni Ewropea |
C 410/23 |
Rikors ippreżentat fil-15 ta’ Settembru 2016 – Camerin vs Il-Parlament
(Kawża T-647/16)
(2016/C 410/32)
Lingwa tal-kawża: il-Franċiż
Partijiet
Rikorrenti: Laure Camerin (Etterbeek, il-Belġju) (rappreżentant: M. Casado García-Hirschfeld, avukat)
Konvenut: Il-Parlament Ewropew
Talbiet tar-rikorrenti
— |
tiddikjara r-rikors ammissibbli; |
— |
tannulla d-deċiżjoni kkontestata; |
— |
tannulla, skont il-ħtieġa, id-deċiżjoni ta’ ċaħda; |
— |
tikkundanna lill-konvenut għall-ispejjeż kollha. |
Motivi u argumenti prinċipali
Insostenn tar-rikors ippreżentat kontra d-deċiżjoni meħuda fl-1 ta’ Diċembru 2015 mis-Segretarju Ġenerali tal-Grupp S&D fil-Parlament Ewropew, li tirrifjuta l-estensjoni tal-attività tagħha lil hinn minn 65 sena sal-31 ta’ Diċmebru 2016 (id-deċiżjoni ikkontestata), ir-rikorrenti tinvoka motiv uniku, maqsum f’żewġ partijiet.
L-ewwel parti hija bbażata fuq ksur tal-Artikolu 52 tar-Regolamenti tal-Persunal, fuq żball manifest ta’ evalwazzjoni u kif ukoll fuq ksur tal-prinċipju ta’ amministrazzjoni tajba.
It-tieni parti hija bbażata fuq ksur tas-sitt subparagrafu tal-Artikolu 1 tal-Anness II tar-Regolamenti tal-Persunal.